26	GEN 1:26	Eme Anutuzi ʒiŋuc muwec: “Ajoc! Nâŋâc nâŋâcne hawarire sâcko ŋic bâfuac‐jopanaŋ! Jaŋe hâwec qowi â sawa wipe â hae qowi â kâte qowi sasawa erâ homa gisic wiac mâreŋko babarâ jueŋgopieŋ jaŋe ŋicwofuŋ ejarenʒepieŋ!”
54	GEN 2:23	Jowa rame ŋiczi honerâ muwec: “Keʒi jâmbomac siec‐nane â biuc‐nane! E ŋickonec rokicnere ʒâŋene Ŋokac mucnezo.”
585	GEN 23:13	“I sâcne, erâ sifu mac moc mana‐narenʒaŋ! No mâreŋte furine garepe rozemec, eme qâŋɋâŋ‐nane ira duckezepac.”
844	GEN 30:13	Eme Leazi muwec: “No ʒeri‐nanehec! Ŋokac jaŋe nore manapie ʒerine eocmu.” Iŋuc murâ ʒâŋene Ase muwec.
992	GEN 34:11	Eme Sikem e Dina mamac‐ticne â seŋfâcne ʒiŋuc jazawec: “Ŋoŋe sifu mac mana‐nareniŋ! Eme wiac muniŋmu sâc i ŋarepemu.
1436	GEN 47:15	Eme juku Aigita mareŋko mecne, Kanaaŋ mâreŋko mecne moneŋ omaeme ŋic jaŋe Joseferao fisirâ mumbiŋ: “Go nânâ bâfua‐nârec! Nâŋe wemocte gore maio hâmo sipiric ehapene hone qâoma enâreekic? Moneŋ‐nâŋec omaewec hâcne.”
5839	DEU 33:27	Anutu juju sanaŋ rune eki huec sanaŋ‐ŋeŋic erâ jukac, erâ ekizia meticnezi sabec‐ŋopaekac. E bânie‐ŋarehuc râsifâc‐ŋeŋic jâpec‐jopahuc kecʒiŋuc muwec: Bâsirowec‐jopaniŋ!
6646	JDG 5:21	Kisoŋ opâ ɋiɋicnea gasackehuc foekac izi râsi amec‐jopa rawec. O maŋnane, go tâpirihec erâ âtec‐jopac!
9889	2KI 13:14	Elisa e huc bame hâmozo ehuc fohame Israe ŋicwofuŋ Jehoasizi erao hurâ ʒiŋuc muhuc kiowec: “Mamac‐nane, mamac‐nane! Israere keretac â becâsicko rara ŋic!”
14128	PSA 17:13	O Wofuŋ, go fahare maic‐joparâ herândiŋ‐jopac! Ʒikazi juju‐nane sindaŋŋic jaŋere meonec batarac.
14265	PSA 24:7	Haesac motâc sâko, aŋkeniŋ! Motâc mimiŋ, ŋeindaŋke‐hâmoniŋ! Eme ʒâŋe rara Wofuŋ Sâko e wefuoc.
14267	PSA 24:9	Haesac motâc sâko, aŋkeniŋ! Motâc mimiŋ, ŋeindaŋke‐hâmoniŋ! Eme ʒâŋe rara Wofuŋ Sâko e wefuoc.
14336	PSA 29:11	Wofuŋ e ŋicfâcne tâpiri tahac‐jopazejec! Wofuŋ e ŋicfâcne wamazi jambuŋ‐jopazejec!
14433	PSA 35:3	Sându ʒika rorâ, jâpecnuŋgopieŋ jaŋe maic‐jopac! Maŋ qâqâtâc‐nane âzâcnec: “No gore ŋeŋezic.”
14434	PSA 35:4	Juju‐nane omaeocte muŋgopieŋ, ŋic i jaŋe mimi busâqoc bâfua‐jarec! Sipiricnuniŋte manasuŋgopieŋ, jaŋe emâmâŋkerâ weaŋkenʒepieŋ.
14621	PSA 44:24	Wofuŋ, qiriŋ qac! Wemocte guŋ fokomec? Mana ɋâɋârec! Bebehe sanaŋ mi behec‐nâpoc!
14624	PSA 44:27	Fahare bafic‐nâpoc! Aki anonocgere erâ batarac‐nâpoc!
14803	PSA 56:8	Irec sindaŋ‐jeŋicte okacne jarezemec! O Anutu, go kimbeŋko ŋicguru i qâfiec‐jopazemec!
15252	PSA 79:9	Go ʒâŋe biŋegere erâ bafic‐nâpoc, o bâbâpiaŋ Anutu‐nâŋec! Ʒâŋegere erâ batarac‐nâpohuc sâqocne‐nâŋec bâtâmirec.
15290	PSA 81:14	Jâi, ŋicfâc‐nane jaŋe hazec râe‐narenʒapiŋ! Israe guru jaŋe nore hata âtenʒapiŋ me!
15962	PSA 118:25	O Wofuŋ, go bafic‐nâpoc! O Wofuŋ, fâri biaŋ fua‐nârezejec!
16200	PSA 128:6	Ŋosafâcge fuapie honec‐jopazemec! Israe kikefuŋko wama fozejec!
17622	SNG 1:15	O joroc biaŋ‐nane, go sahac hawari biaŋ, go ʒâŋe kereŋ biaŋ‐nane!
18022	ISA 14:24	Anutu Tâpiri Ɋuŋɋasaŋ Wofuŋ e ʒiŋuc mujomirehuc mupaŋkewec: “Jâmbomac, no dâŋ mana biric epo i deŋkezejec, erâ mupaŋkepo sâc i fârine fua‐fârezejec!
18458	ISA 37:36	Eme Asiria momori jaŋe teuŋ‐jeŋicko tumaŋnerâ ŋehapie Wofuŋte aŋelozi fua‐jarerâ ŋic 185 tauseŋ qâhâmoc‐jopawec, eme hae fureme ŋic gâcne jaŋe faharerâ mi qâŋɋâŋ sasawa forapie honec‐jopanʒepieŋ!
18522	ISA 41:1	Nucne nucne ŋoŋe nore maio niniŋkeniŋ â ŋic gurune gurune jaŋe tâpiri‐jeŋic mocwâc fua‐jarezejec! Jaŋe mai ware fuarâ dâŋ munʒepieŋ, ehame dâŋgie i mâmâc jaha banʒepeneŋ.
18653	ISA 45:22	“Mâreŋ qaŋeŋnaonec sasawa ŋoŋe norao risie warepie bâpiaŋ‐ŋopape! Noni hâcne Anutu, no iŋucne moc mi jukac.
19555	JER 23:2	Irec Wofuŋ, Israere Anutu e ŋicfâc‐ticne soŋaŋ‐jopaeŋgopieŋ soŋaŋ i jaŋere ʒiŋuc mukac: “Ŋoŋe lama gurufâc‐nane hone maiŋ moc mi ejarehuc bâtâtiec‐jopambiŋ â jâpec‐jopambiŋ. Manaŋgopieŋ, no eebapa‐ŋeŋic sâqocnere erâ bâtiŋ‐ŋopapemu! Wofuŋ nore dâŋ iŋuc.
20104	JER 44:25	Anutu Tâpiri Ɋuŋɋasaŋ Wofuŋ, Israere Anutu e kecʒiŋuc mukac: Ŋoŋe â ŋokacfâc‐ŋeŋic micŋeŋiczi dâŋ ʒiŋuc mupaŋkerâ meŋeŋiczi irec fârine bâfuaeŋgopieŋ: ‘Nâŋe sawa qânikiŋte ŋokac wofuŋ hosâc âsu rikecnenaŋte â waiŋzi taha hoŋkecnenaŋte dâŋ mupaŋkembeŋ i soŋaŋkehuc junʒepeneŋ.’ Sâcne, murâ iŋuc eniŋ, ehuc mumupaŋ dâŋŋeŋicte fârine bâfua‐jâmbâŋkeniŋ!
20251	JER 50:16	Wiac hândâŋne tieeŋgopieŋ jaŋe mecne â qa roro dameŋko sâqe mictarazi gie baeŋgopieŋ jaŋe mâmâc bâsirowec‐jopaniŋ! Eme ŋic gâcne jaŋe ru sâc ʒikazi hâmoc bâfuaekac i hâhâwic bacnerâ guru‐jeŋicko risieniŋmu, â ru sâc jaha mâreŋ‐jeŋicko wiserâ raniŋmu.
20308	JER 51:27	“Ŋoŋe mâreŋko filac fârepie feoc! Ŋicne ŋicne jaŋere ŋondeŋko qeŋ qapie dâŋeoc! Ŋicne ŋicne jaŋe Babe hae râsi ecneniŋte baʒawiec‐jopaniŋ! Ŋoŋe Ararata â Mini erâ Asekena ŋicguru jaŋe hefârec‐jopapie râsi fisicnenʒepieŋ! Ʒikare micne râec‐jopaniŋ â becâsic ine jagitotoc guru sâko iŋucne bacjopa wareniŋ.
22337	HOS 13:2	Ʒi ine sâqocne giŋkeme giŋ bâfua rahuc ɋâŋ qâqâtâc aeŋzi baeŋgopieŋ, siliwa‐jeŋiczi nemuɋâŋ basarickeeŋgopieŋ hâcne, ine metâ bapa jaŋere gie sasawa. Ehuc mueŋgopieŋ: Ɋâŋ qâqâtâc bâzi rike‐jareniŋ, â ŋiczi bulimakao qâqâtâc muduc‐jopaniŋ!
22362	JOL 1:2	Ŋicraŋɋa ŋoŋe mananiŋ, â ŋic ŋokac sasawa ŋoŋe hazec râe‐fâreniŋ! Wiac ʒi fuawec iŋucne ŋoŋere dameŋko, me mamacfâc‐ŋeŋic jaŋere dameŋko moc fuawec me?
22393	JOL 2:13	Ŋoŋe busâqoc fârine manahuc maŋŋeŋic bârisieniŋ, ŋaqi sawa mi bâsuckeniŋ.” Wofuŋ Anutu‐ŋeŋic erao risie‐jâmbâŋkeniŋ! E hâcne aki anonoc‐ticnehec â buuruc‐ticnehec, e kimbeŋ‐ticne uneŋne â miriŋ‐ticne ɋârâŋne, e okac babazure mâcne, kiŋ bebehere manasuhuc juekac.
22520	AMO 6:1	“Jei, ŋicne ŋicne micne bajareeŋgopieŋ, ŋicguru i jaŋere fekicnefâc ŋoŋe! Jei, ŋoŋe Zioŋ haeo maŋbahac fâfâsâc jueŋgopieŋ, â Samaria tikio mana mezac tâmiric ŋehapie Israe kikefuŋ jaŋe fua‐ŋareeŋgopieŋ!
22777	NAM 2:10	Siliwa mecne, gol mecne fiucke‐fâreniŋ! Moneŋ mafa me wiac furi sâko i oomaene tâmiric ɋâfoŋnea fokac.
23098	ZEC 11:1	O Lebanoŋ, motâc sâkoge aŋkeoc, eme ʒoczi bâruŋkerâ jâmâzâc jâc wiacge ʒâseŋke‐fârezejec!
23114	ZEC 11:17	Jei, soŋaŋ‐nane burecnezi lama behec‐jopaekac! Irec ʒikazi meombâŋ‐ticne qazuhuc fâreopec ʒâŋe hândâŋ‐ticne i âke hâpozejec! Meombâŋ‐ticnezi ɋaŋa‐fâreha fâreopec ʒâŋe hândâŋ‐ticne hâpo‐jâmbâŋkezejec!”
24024	MAT 23:37	“Jerusalem rune, Jerusalem rune, go wemocte porofete ʒikazi jopahuc mitiŋic gorao sorec‐jopakicne qânâzi hehâmoc‐jopaekic! Qâqâczi motecfâcne qânusuc‐joparâ fakecnezi ɋoroc‐jopaekac, iŋuc jaha noni ɋâricfâcge wemo afecne maŋfuŋ‐naneo qânusuc‐jopazo mupe qikiŋne warehuc jumbiŋ!
24550	MRK 7:18	Indiŋkepie jazawec, “Hâc, ŋoŋe iŋuc jaha maŋ mamanasu tâmiric juŋgopieŋ? Fuŋne kecʒiŋucte mi manaŋgopieŋ? Hobu‐ŋeŋicko wiac huekac izi wemocko hegâpârec‐ŋopaocmu!
27760	ACT 21:28	Ehuc Paulo rorâ kuku qajarehuc mumbiŋ, “Oe, Israe ŋicbureŋ, ware bafic‐nâponiŋ! Ŋic ʒizi mâreŋ sâc jurahuc Judaŋic nâŋâc râsi enârehuc sâcmutâc dâŋnâŋec â ufuŋ‐nâŋec ʒi mu qâsuac ehuc juekac. Erâ wâc ufuŋ‐nâŋecko Grikŋic jowac‐jopame wefuhuc furufic ʒi gâc hecneŋgopieŋ.”