509	GEN 20:13	Eme Anutuzi munareme mamac‐nanere fic beherâ mâreŋ furunao warepo dameŋ ira noni ʒiŋuc âzâcnepo: ‘Hae ira me ira fisirâ no sâsecnuhuc ʒiŋuc muzemec: E seŋnane.’”
887	GEN 31:13	No Bete hae irec Anutu, go ira hâcne qânâ moc wokemaŋ ruacnehuc dâŋ moc mupaŋke‐naremeŋ. Ajoc, go ʒiŋuczia faharec, erâ mâreŋ ʒi beherâ fufua hae mâreŋgao risie razemec.’”
934	GEN 32:6	No lama, bulimakao, doŋgi â kiŋaŋŋic ŋokac rauc‐jopapo. Eme bomboŋ‐nane go âgo enarecmurâ biŋedâŋ i hâcne râepe fakac.’”
941	GEN 32:13	Go gahac ʒiŋuc hâcne mumeŋ: ‘No bubiaŋ qagarehuc ɋâricfâcge basawec‐jopape hâwecko moŋgeŋ fokac irec sâc enʒepieŋ, i guru sâkore wowosene tâmiric ekac.’”
947	GEN 32:19	iŋuc wio‐gareme ʒiŋuc muzemec: ‘I kiŋaŋŋicge Jakobozi bomboŋ‐nane Esau go tahacguocte râeme warekac, erâ manakic, e jahacne ʒâhec bâjâpec‐nâporâ warekac.’”
949	GEN 32:21	Erâ ʒiŋuc ʒuhuckerâ munʒepieŋ: ‘Manakic, kiŋaŋŋicge Jakobo e ʒâhec warehuc jukac.’” Jakobo e kecʒiŋuc manasuhuc wiac i efârewec: “Bubiaŋ wiac râepe rame Esauzi honerâ bune mâteŋkeha raku bâfuape âgo enarezejec.”
1101	GEN 37:17	Ŋic eki muwec: “Jaŋe ʒirecnec mocko rambiŋ. Ehuc ʒiŋuc mupie manapo hâcne: ‘Ajoc, nâŋâc Dotaŋko ranaŋ.’”
1287	GEN 42:34	Juku ine ɋaʒâc‐ŋeŋic jowa warenʒepieŋ, eme ŋoŋe docbapa mâcne, ŋic wamane jueŋgopieŋ, irec fuŋne hone tarazepac. Iŋuc epie hahac‐ŋeŋic bârisie‐ŋarepe ŋoŋe mâreŋ ʒira rambaŋ juhuc rac warec ezo murâ enʒepieŋ.’”
1330	GEN 44:5	Bomboŋ‐nanezi râqâc ira hâcne opâ nâekac, erâ i bajuhuc findaŋdâŋ muekac. Ŋoŋe iŋuc epie sâqorejec.’”
1379	GEN 45:20	Erâ wâc wiac‐ŋeŋic gâcnere mana mezac mi enʒepieŋ, Aigita mâreŋ sâkoo wiac fâri biaŋ jâmbâŋ fuaekac izi ŋoŋere biŋe ezejec.’”
1472	GEN 48:20	Iŋuc murâ ʒoaŋ ijaha jambuŋ‐jofahuc muwec: “Ŋohere ʒâŋeo ɋetickehuc Israe ŋic jaŋe jambuŋdâŋ muniŋte ʒiŋuc muniŋmu: ‘Anutu e Eferaim â Manase ehâmo‐jactewec irec sâc jaha egarezejec.’” E iŋuc muhuc Eferaim e Manasere fekicne râewec hâcne.
1594	EXO 3:14	Eme Anutuzi Mose âzâcnewec: “NO JUKOPACZI JUKOPAC.” Erâ muwec: “Go Israe ŋic ʒiŋuc jazazemec, ‘NO JUKOPAC eki ŋoŋerao sorecnukac.’”
1597	EXO 3:17	Ehuc ʒiŋuc mupaŋkekopac, ‘No Aigita mâreŋte fific guguriŋkonec batarac‐ŋoparâ jowac‐ŋopa raku Kanaaŋ ŋic, Hitiŋic, Amori ŋic, Periʒi ŋic Hiwiŋic â Jebusi ŋic jaŋere mâreŋko râec‐ŋopapemu. Mâreŋ ira susu â baŋac fusucmarâ qâmbâriŋkeekac.’” ’
1625	EXO 4:23	Eme “Ŋokâ‐nane râetec ra kiŋaŋ qanarezejec,” iŋuc gazape mi ehuc qataracmuo ine no gahacne mârâc ŋokâ qâhâmopemu.’”
1634	EXO 5:1	Eme Mose â Aroŋ jahe juku Faraorao rarâ dâŋ ʒiŋuc âzâcnepic: “Wofuŋ, Israe ŋic jaŋere Anutu e ʒiŋuc mukac: ‘Go ŋicfâc‐nane râec‐jopatec mâreŋ tuhuo rarâ nore hombaŋ moc ŋenʒepieŋ.’”
1644	EXO 5:11	Irec ŋoŋe ŋaŋac, ira me ira fokacko ra bâfuarâ ronʒepieŋ, ehame gie‐ŋeŋicte sâc ine moc mi wahazejec.’”
1664	EXO 6:8	No menane bafaharehuc Abraham, Isaka â Jakobo mâreŋ jarezo mupaŋke‐jarepo ira hâcne jowac‐ŋopape raʒiniŋmu; eme qikiŋne‐ŋarepe ŋoŋere biŋe eocmu. No hâcne Wofuŋ jukopac.’”
1705	EXO 7:19	Erâ Wofuŋzi Mose ʒiŋuc âzâcnewec: “Aroŋ ʒiŋuc âzâcnec, ‘Go gunuge rorâ Aigita mâreŋte opâ sasawa, opâ sâko mecne, opâwâc mecne, opâ ʒâkâŋ mecne, â opâ nombâŋ mecne irapec mege sicnetec opâzi soc efârezejec, ehuc Aigita mâreŋ sâko sâcke‐fârehuc opâ râqâc jâczi me qânâzi bakicne ira mâmâc fozejec.’”
1784	EXO 10:6	Erâ go gahacne fic mecne, kiŋaŋ qaqafâcge jaŋere fic mecne â Aigita ŋic sasawa jaŋere fic mecne i mâmâc fusucma‐fârenʒepieŋ. Wiac iŋucne i mamac ŋosafâcge jaŋe mâreŋko fua wefumbiŋkonecteaŋ moc mi honehuc jumbiŋ.’” Iŋuc muhuc fotikierâ Farao beherâ rawec.
1815	EXO 11:8	Iŋuc fuame kiŋaŋ qaqafâcge ʒi jaŋe sasawa norao fuarâ fodape‐narehuc ʒiŋuc muniŋmu, “Go â ŋicfâcge bâjâpecguŋgopieŋ ŋoŋe sasawa rafârenʒepieŋ.” Iŋuc nazapie rapemu.’” Mose e iŋuc murâ bune ʒâʒâficne qame Farao beherâ rawec.
1957	EXO 16:9	Erâ Mosezi Aroŋ âzâcnewec: “Go Israe kikefuŋ mâmâc sâko kecʒiŋuc jazac, ‘Ŋoŋe Wofuŋte maio ware fuaniŋ, e mukâroŋ‐ŋeŋic manawec hâcne.’”
1960	EXO 16:12	“No Israe ŋicguru jaŋere kâroŋ qaqa manapac, irec go jazac, ‘Owâ ririŋko qowi nâniŋmu â furicte poroŋ nâ gapec eniŋmu, iŋuc ehuc no Wofuŋ Anutu‐ŋeŋic jukopac i mana taranʒepieŋ.’”
1964	EXO 16:16	Wofuŋzi irec dâŋ ʒiŋuc mutâcne‐ŋarewec: ‘Ŋoŋe ru sâc nânâ i sâcŋeŋic ro nusec enʒepieŋ. Boze‐ŋeŋicko ŋic ŋokac naru motec ŋec foc eeŋgopieŋ jaŋere ʒare manahuc ru sâc amae wâŋ wâŋ iŋuc ronʒepieŋ.’”
1971	EXO 16:23	Âzâcnepie muwec: “Wofuŋ e irec hâcne ʒiŋuc muwec: ‘Tomâcko sabata hombaŋ, Wofuŋte tiri sabata hâcne. Ŋoŋe ʒegoc rikezo murâ ʒegoc rikeniŋ me kuʒio rikezo murâ rikeniŋ, iŋuc epie tiwâne ŋeme tomâckore biŋe râepie fozejec.’”
1980	EXO 16:32	Eme Mosezi muwec: “Wofuŋzi mumupaŋ dâŋ muwec i kecʒiŋuc: ‘Ŋoŋe nânâ i amae mocte sâc ɋâricfâc‐ŋeŋic jaŋere erâ râepie fozejec. Eme jaŋe, no Aigita mâreŋkonec jowac‐ŋopa waharâ mâreŋ burocnao nânâ weniŋuc gumec‐ŋopapo i honenʒepieŋ.’”
2050	EXO 19:23	Eme Mosezi Wofuŋ âzâcnewec: “Ŋic ŋokac jaŋe Sinai tikio sâcne mi wefuniŋmu, i go gahac uŋsawaŋ enârehuc ʒiŋuc mumeŋte: ‘Tiki râreckehuc sac barâ furu muzemec.’”
2416	EXO 30:33	Moc e wokemaŋ iŋucnea bâsifuckerâ bâfuaocmu me irec nâfocne rorâ ŋic furune moc râcneocmu e ŋic âgofâc‐ticne jaŋere ŋondeŋkonec bârâriehuc qâhâmonʒepieŋ.’”
2438	EXO 31:17	Wofuŋ noni hâcne ʒoaŋ gie bapa 6 sambâŋ â mâreŋ bâfuac‐jofapo, erâ ʒoaŋ namba 7 ira ine ŋemanahuc âke mâteŋnuwec, irec hombaŋ i Israe ŋicguru ŋoŋehec ʒâʒâfic epo irec ma erâ nac ʒora fosanaŋkezejec.’”
2447	EXO 32:8	no hata mutâcne‐jarepo i biac qâsuambieŋ. Jaŋe bulimakao qâqâtâc moc bâfuarâ numucnehuc bâzi rikecneŋgopieŋ, ehuc ʒiŋuc muŋgopieŋ: ‘O Israe, Aigita mâreŋkonec bacgu warewec nemuge ʒi hâcne.’”
2452	EXO 32:13	Kiŋaŋŋicfâcge Abraham, Isaka â Israe jaŋe manasuc‐jopac. Erâ gahacne ʒâŋeo iticnehuc mumupaŋ sanaŋ mupaŋke‐jarehuc biŋedâŋ ʒiŋuc jazameŋ i manasuc, ‘Ɋâricfâc‐ŋeŋic basawec‐jopakupe sambâŋko bâpiŋ ŋeraŋgopieŋ irec sâc fuaniŋmu, â mâreŋ biŋe qaŋarepo ʒi ɋâricfâc‐ŋeŋic jarepe raucke sanaŋkenʒoŋgopieŋ.’”
2479	EXO 33:5	Wofuŋzi ine Mose ʒiŋuc âzâcnewec: “Go Israe ŋicguru jazac, ‘Ŋoŋe ŋicguru râŋgeŋ qaŋqaŋne, irec no dameŋ bembeŋne mac sawa ŋondeŋ‐ŋeŋicko rafehuc bâsirowec‐ŋopazipohec. Irec ʒi eri wiac‐ŋeŋic heunucke hetarac enʒepieŋ, eme no wiac weniŋuc jaha eŋarezo i mana tarazepac.’”
2958	LEV 9:4	Wofuŋte maio wama bâzi rikeniŋte bulimakao ŋicne moc â lama ŋicne moc rocjofanʒepieŋ, erâ taha bâzi i wokemaŋhec bâsifuckenʒepieŋ; Wofuŋ e miŋecgac maic‐ŋopaocmu hâcne.’”
2981	LEV 10:3	Iŋuc fuame Mosezi Aroŋ ʒiŋuc âzâcnewec: “Wofuŋzi dâŋ ʒiŋuc muwec irec fârine fuakac hâcne: ‘Norao qohotahuc jueŋgopieŋ jaŋerao tiri juju‐nanere fuŋne bataniŋkepe ŋic ŋokac jaŋerao huriri qâreŋ‐nane fua taniŋkezejec.’” Iŋuc mume Aroŋ e mâc fâsâerâ domawec.
4290	NUM 18:32	Ŋoŋe wiac biaŋne jâmbâŋ taha bâzire biŋe râehuc kiŋ moc mi hotâckeniŋmu. Ehuc Israe ŋic jaŋere wiac tirine mi hegâpâreniŋmu, erâ wâc mi hâmoniŋmu.’”
4443	NUM 23:26	Iŋuc mume Bileamzi dâŋ kecʒiŋuc bâtikiecnewec: “No ʒiŋuc gazapac i! ‘Wofuŋzi dâŋ nazaocmu i sawa mupemu.’”
4567	NUM 27:11	Me mamac pitifâc‐ticne wâc mi jupie ine mâreŋ‐ticne i tuctofafâc‐ticne jaŋeraonec moc râcnepie ere biŋe ezejec. Dâŋ i Wofuŋzi Mose mutâcnecnewec irec sâc Israe ŋic jaŋere dâŋsanaŋ â mumutâc erâ forahuc juzejec.’”
4890	NUM 36:9	Iŋuc epie merâfâc mâreŋ‐ŋeŋic i guru mockonec guru mocko mi fotâcnezejec. Israe ŋic gurune gurune ŋoŋe ru sâc ŋoŋe ŋaŋacne merâfâc mâreŋ basanaŋkerâ bajunʒepieŋ.’”
5864	JOS 1:11	“Ŋoŋe teuŋ sâc fotâcnehuc ŋic ŋokac ʒiŋuc jazaniŋ: ‘Ŋoŋe nânâ‐ŋeŋic rike bâmoc efâreniŋ. Eme ʒoaŋ jahec â moc ehame Jordaŋ opâ ʒi fotâcnerâ Wofuŋ Anutu‐ŋeŋiczi mâreŋ ŋarekac i ro rauc eniŋte raʒinʒepieŋ.’”
5903	JOS 3:8	Erâ go ʒâʒâfic katapa reŋkeniŋmu taha bapa i jaŋe ine ʒiŋuc jazazemec: ‘Ŋoŋe Jordaŋ opâ mecnao fisirâ ira domanʒepieŋ.’”
5915	JOS 4:3	Erâ jazazemec: ‘Jordaŋ ʒâʒâŋiŋ, taha bapa jaŋe domaŋgopieŋkonec jâmbâŋ qânâ 12 rorâ hâpo ranʒepieŋ. Ehuc hae ŋafeme foniŋmu ira hepie ŋezejec.’”
5919	JOS 4:7	Wio‐ŋarepie ʒiŋuc jazanʒepieŋ: ‘Wofuŋte ʒâʒâfic katapare maio Jordaŋ opâzi tâcnewec. Tâcneme fotâcnembiŋ. Eme Israe ŋic jaŋe raŋɋa raŋɋa irec manasuhuc juniŋte qânâ ʒizi majeŋic erâ ŋehuc juzejec.’”
5993	JOS 7:15	Eme wiac bâtirikicne moc rowec ŋic e jahacne â wiac sasawa focnekac i ʒocte biŋe efârezejec. E Wofuŋte ʒâʒâfic qâsuahuc Israe guruo wiac miminehec bâfuawec irec.’”
6380	JOS 20:6	E hae ira juhame kikefuŋ jaŋe tutumaŋko fuŋne‐ticne bataniŋkepie me dameŋ ira taha bapa micne juocmu e hâmome ine hae‐ticne beherâ wisewec ira mocwâc risierâ wiacfâc‐ticne jaŋehec juzejec.’”
6448	JOS 22:20	Ŋoŋe Ʒera ŋokâ‐ticne Akaŋ erao mâsi fuawec irec manasunʒepieŋ. E wiac Wofuŋte meo râekicne irec mumutâc fuawec i qatarame Israe kikefuŋ sasawa jaŋerao bâbâtiŋ fuawec. Erâ Akaŋ e kiŋ bahac‐ticnere erâ buc mi hâmowec.’”
6608	JDG 4:7	Eme no Jabiŋte momori guru micne‐jeŋic Sisera e momorifâc‐ticne â ʒikare keretac‐ticnehec fârepe fisiha Kisoŋ opâo bâfuacmu. E noni gore meo râepemu.’”
6699	JDG 7:3	Irec ʒiŋuc muhuc muromacketec hazec‐jeŋic sâc hufâreoc: ‘Hâhâwic ehuc ɋarac ɋarac qakaczi Gileade tikionec risierâ hae‐ticnao razejec.’” Eme 22 tauseŋ jaŋe risiehapie 10 tauseŋ jaŋe jumbiŋ.
6714	JDG 7:18	No â gurufâc‐nane nâŋe qeŋ qapene teuŋ ŋifec â ŋifec iŋuc jaha qeŋ qafârerâ ʒiŋuc muhuc owackenʒepieŋ: ‘Wofuŋ â Gideoŋ jahere biŋe.’”
6785	JDG 9:29	Ŋicguru ʒi nore meo junʒapiŋ muzac no Abimelec bârâriezapo. Ehuc ʒiŋuc âzâcnezapo: ‘Momorifâcge rocjopatec ɋârâŋkepie fua tâcnec.’”
6810	JDG 9:54	Eme e maruku babaju‐ticne ŋicmotec e ʒocnehec wiracnehuc muwec: “Ʒikage unuckerâ qâhâmocnuc. Ŋic jaŋe ʒiŋuc munʒipiŋkohec: ‘Ŋokac moczi qâhâmowec.’” Mume ŋicmotec‐ticnezi âke hâmowec.
6893	JDG 13:7	Mâc kecʒiŋuc ine nazajec: ‘Manakic, go motec moc kiweckerâ rocmu. Irec go waiŋ me opâ sanaŋ gâcne moc mi nâzemec. Erâ wâcwiac muac‐ŋopakicne i nâ bâuac mi ezemec. Motec e fuahuc izia sowa bâtâcko Anuture biŋe juha hâmoc dameŋ‐ticne maickeocmu.’”
7122	JDG 21:18	Erâ nâŋâc sifu otâfâc‐nâŋec sâcne mi jarenaŋmu. I ʒiŋuc mupaŋkembeŋ irec: ‘Moc e Benjamiŋte guru ŋokac jareocmu e sâwecte biŋe ezejec.’”
7191	RUT 3:17	Ehuc ʒiŋuc muwec: “Padi arec 6 fia‐narehuc ʒiŋuc muhuc nazajec: ‘Joŋaogerao metariŋ mi risiezemec.’”
7439	1SA 10:19	Eme ʒi ine fific guguriŋ â ʒâic busâqoc maŋko juhapie bafic‐ŋopaekopac Anutu‐ŋeŋic no hâcne behecnuŋgopieŋ. Ehuc ʒiŋuc muŋgopieŋ: “Aricne, ŋicwofuŋ moc âkendâŋne‐nârezo.” Irec ŋoŋe guru‐ŋeŋic sâc Wofuŋte maio birickeniŋ.’”
7456	1SA 11:9	Eme biŋedâŋ barâ fisimbiŋ jaŋe ʒiŋuc jazambiŋ: “Ŋoŋe Jabesi‐Gileade haeonec ʒiŋuc jazanʒepieŋ: ‘Tomâcko ʒoaŋ ʒâʒâŋiŋ ehame ŋoŋerao aakic fuaocmu.’” Eme biŋedâŋ mumu ŋic jaŋe risierâ biŋedâŋ biaŋ jazapie Jabesi haeonec jaŋe manarâ bujeŋic biaŋkewec.
7538	1SA 14:28	Ehame ŋic jaŋeraonec moczi ʒiŋuc âzâcnewec: “Mamacgezi muac‐nâpohuc ʒiŋuc mujec: ‘Moc e nânâ nâocmuo ine sâwecte biŋe eocmu.’” Iŋuc mujecte ŋic jaŋe nânâre hâmorâ betaŋke sâqorembiŋ.
7700	1SA 18:22	Iŋuc murâ kiŋaŋ qaqafâcne ʒiŋuc jazawec: “Ŋoŋe gâmbuŋko Dawidi ʒiŋuc âzâcneniŋ: ‘Manakic, ŋicwofuŋ e gore maname sâckekac â kiŋaŋ qaqafâcne nâŋe wâc gore boc enârekac. Irec go ŋicwofuŋte kimo ezemec.’”
7725	1SA 19:17	Irec Saulozi Mikali ʒiŋuc âzâcnewec: “Go wemocte eatucnuhuc râsi‐nane ecnetec wisejec?” Iŋuc mume Mikalizi dâŋ ʒiŋuc bâtikiecnewec: “E kecʒiŋuc nazajec irec epac, ‘Guzipore baficnutec wisepe.’”
7786	1SA 21:12	Rame Akisire kiŋaŋ qaqafâc jaŋe honerâ ŋicwofuŋ ʒiŋuc âzâcnembiŋ: “Ʒi Dawidi jâmbâŋ, mâreŋ ʒirec ŋicwofuŋ hâcne. Ŋokac jaŋe ere hâcne gae ʒiŋuc hehuc wombiŋ: ‘Saulozi ŋic 1 tauseŋ jopawec â Dawidizi ine 10 tauseŋ jopawec.’”
7872	1SA 25:8	I ŋicfâcge wio‐jaretec sâcne gazaniŋmu. Irec go ŋicfâc‐nane uruc ʒuhuc jaha rocjopazemec. Nâŋe dameŋ biaŋko wareŋgopeneŋte go kiŋaŋŋicfâcge â motecge Dawidi nâŋe wiac fogarekac sâc nârec.’”
7975	1SA 29:5	Dawidi ʒirec hâcne gae ʒiŋuc hehuc wombiŋ: ‘Saulozi ŋic 1 tauseŋ jopawec â Dawidizi ine 10 tauseŋ jopawec.’”
8041	2SA 1:16	Hâmome Dawidizi ʒiŋuc muwec: “Go gahac ʒiŋuc mutaniŋkemecte socgere kiŋ i go gahacnao fozejec, ‘No Wofuŋzi wokemaŋ ruacnewec ŋic e qâhâmopac.’”
8199	2SA 7:16	Eme garikiŋfâcge dope hutuŋ ejarepemurâ uucmaŋgezi ʒâŋe fai‐naneoa fohuc juocmu sanaŋ.’”
8283	2SA 11:21	Jerubese ŋokâ‐ticne Abimelec e mozi qâhâmowec? E ŋokaczi padi qaqanʒaŋ qânâ moc sârockeme waharâ heme Tebezi haeo hâmowec i. Ŋoŋe haesac maŋfuŋko jâmbâŋ wemocte rambiŋ?’ E iŋuc mume ʒiŋuc âzâcnezemec: ‘Kiŋaŋ qaqage Hitiŋic Uria e hâmowec wâc.’”
8325	2SA 13:5	Iŋuc âzâcneme Jonadabazi dâŋ ʒiŋuc bâtikiecnewec: “Go huc bacgukac hawari tinac fofogaoa waha fozemec. Fohaŋtec mamacgezi honecguocte wareme ʒiŋuc âzâcnezemec: ‘Manatec seŋnane Tamazi warerâ nânâ narezac. Ehuc nânâ i ʒâŋe fai‐naneoa sâcne rike bâmoc eme honerâ meticnaonec nazapo.’”
8400	2SA 15:8	No Aram mâreŋko Gesuru haeo jupo dameŋ ira ʒiŋuc mupaŋkepo: ‘Juku Wofuŋzi Jerusalem haeo mocwâc bârisiecnuocmuo ine no Heboroŋ haeo rahuc e muteŋ bâteŋ ecnezepac.’”
8402	2SA 15:10	Erâ Abisalom e soŋsoŋko kiŋaŋŋicfâcne Israe guru sâc sorec‐jopahuc muwec, “Ŋoŋe qeŋ dâŋeme manarâ izia ʒiŋuc munʒepieŋ: ‘Heboroŋ haeo Abisalomzi ŋicwofuŋ ekac.’”
8432	2SA 16:3	Iŋuc mume ŋicwofuŋzi wiocnewec, “Eme bomboŋgere ŋokâ e wena?” Wiocneme Zibazi muwec, “E ʒiŋuc muhuc Jerusalem haeoa ŋekac: ‘Israe kikefuŋ jaŋe miŋecgac mamac‐nanere uucmaŋ mocwâc bârisie‐nareniŋmu hâcne.’”
8468	2SA 17:16	Irec ŋohe biac jâmbâŋ Dawidirao kiŋaŋ sorec‐jopapire rarâ dâŋ ʒiŋuc âzâcneniŋ: ‘Ŋicwofuŋ go gahacne â ŋicfâcge ŋoŋerao wiac hâhâwicne fuazacte, ŋoŋe miŋecgac ŋafeo mâreŋ burocnere opâ moŋgeŋko mi fohuc Jordaŋ opâ fotâcnerâ ŋifec raʒiniŋ.’”
8527	2SA 19:14	Erâ Amasa ʒiŋuc âzâcnenic: ‘Go nore soc biuc jâmbâŋ. Anutuzi baficnume goki hâcne Joabere okacne momorifâc‐nane jaŋere micne juzemec.’”
8768	1KI 1:48	Erâ wâc dâŋ ʒiŋuc jazajec: ‘Wofuŋ Israere Anutu e mumbiaŋkezo. Eki hâcne mana‐nareme soctofafâc‐nane jaŋeraonec moczi ʒâŋe‐nanezi honehape âkehocnuhuc ŋicwofuŋ ŋeŋe‐naneo ŋekac.’”
8842	1KI 3:23	Iŋuc epire ŋicwofuŋzi dâŋ ʒiŋuc muhuc jasawec: “Moczi ʒiŋuc mukac: ‘Motec ɋâricne ʒi nore, â hâmocne i gore,’ â moczi ʒiŋuc mukac: ‘Aricne, hâmocne i gore, â ɋâricne i nore.’”
9150	1KI 11:39	Eme no irec erâ dameŋ bembeŋne mac Dawidire ɋâricfâc fific bacjopapemu.’”
9178	1KI 12:24	‘Wofuŋ e ʒiŋuc mukac: Ŋoŋe Israe ŋic soctofafâc‐ŋeŋic jaŋehec qaqac eniŋte mi fenʒepieŋ. Wiac ʒi nore micte fuakac irec ŋic sasawa hae‐ŋeŋic sâc râwiŋneniŋ.’” Irec jaŋe Wofuŋte dâŋ manahuc irec sâc hae‐jeŋicko rambiŋ.
9189	1KI 13:2	Fisirâ Wofuŋte micte alatare dâŋ muhuc kecʒiŋuc muwec: “O alata, alata, Wofuŋzi gore ʒiŋuc mukac: ‘Manakic, Dawidire garikiŋko motec moc fuaocmu ʒâŋene Josia. Eki hâcne furu mâreŋte taha bapafâc gorao hosâc âsu rikeeŋgopieŋ jaŋe gore faio rikec‐jopame ŋic sieczi ʒâseŋkeocmu.’”
9190	1KI 13:3	Iŋuc murâ ʒoaŋ ijaha ʒuhuckerâ madâŋ moc kecʒiŋuc muwec: “Wofuŋzi madâŋ kecʒiŋuc muwec: ‘Manakic, alata ʒi hetâtiehuc fainao ʒafe fokac i wâc hoŋkezo.’”
9196	1KI 13:9	Wofuŋzi dâŋ ʒiŋuc hâcne muhuc mutâcne‐narejec: ‘Go nânâ opâ mi nâzemec; erâ wâc hata waremec ijaha mi risiezemec.’”
9205	1KI 13:18	E iŋuc mume ʒiŋuc âzâcnewec: “No wâc go iŋucne porofete jukopac, ehame Wofuŋte micte aŋelo moczi ʒiŋuc muhuc nazajec: ‘Go bârisietec ficgao warerâ nânâ opâ nâzejec.’” Erâ e iŋuc muhuc eatuckewec.
9352	1KI 18:8	Wiocneme muwec, “I no nahac hâcne. Irec go rarâ bomboŋge ʒiŋuc âzâcnec: ‘Manakic, Elia e fisijec.’”
9414	1KI 20:3	‘Siliwa â golge i nore; erâ ŋonâŋfâcge sahac hawari biaŋ â naru motecfâcge jaŋe wâc nore jaha.’”
9417	1KI 20:6	Erâ no sifu tomâcko dameŋ ʒiŋucne kiŋaŋ qaqafâc‐nane gorao sorec‐jopapemu. Eme jaŋe go gahacne ficko â kiŋaŋ qaqafâcge jaŋere ficko babasa gie bahuc wiac i me i hone ʒiziweekic i rorâ bawiseniŋmu.’”
9420	1KI 20:9	Iŋuc mupie Israe ŋicwofuŋzi Beŋhada kiŋaŋŋicfâc‐ticne ʒiŋuc jazawec: “Ŋoŋe ŋicwofuŋ‐nane dâŋ ʒiŋuc âzâcnenʒepieŋ: ‘Kiŋaŋ qaqage no wiac bâbâni mumec i epemu â irec faicnao wiac gâcnere mukic i sâcne mi epemu.’” Iŋuc jazame kiŋaŋŋic jaŋe mocwâc risierâ bomboŋ‐jeŋic binaŋ bacnembiŋ.
9422	1KI 20:11	Iŋuc mume Israe ŋicwofuŋzi dâŋ bâtikiecnehuc muwec, “Dâŋ ʒiŋuc fokac i manasucneniŋ: ‘Ŋic puriŋne moc e jahacnere maname ŋic sahac fâsâchec sâc mocjaha ekoperec mi ezejec.’”
9439	1KI 20:28	Ehame Anuture ŋic moczi Israe ŋicwofuŋtao fisirâ ʒiŋuc âzâcnewec: “Wofuŋ e ʒiŋuc mukac: ‘Siria ŋic jaŋe, “Wofuŋ e tikire nemu, e wâneŋte nemu aricne,” iŋuc mumbiŋte no guru dindiŋ ʒi megao râec‐jopa‐fârepemu. Iŋuc epe, noni sawa Wofuŋ jukopac i mana tarazemec.’”
9453	1KI 20:42	Ʒâŋitame ʒiŋuc âzâcnewec: “Wofuŋ e ʒiŋuc mukac: ‘Noni ŋic hâmocte biŋe bâwosâepo i megaonec behetec rajec, irec ere okacne goki hâmocmu â ŋicfâcne jaŋere okâcne gore ŋicfâc jaŋe hâmoniŋmu.’”
9460	1KI 21:6	Wiocneme ʒiŋuc âzâcnewec: “No Jesere ŋic Naboti âzâcnehuc ʒiŋuc mupac: ‘Go waiŋ giege qikiŋne‐naretec furine bazepac; me manatec sâckeocmuo ine irec okacne waiŋ gie jaha moc garezepac.’ Eme e dâŋ ʒiŋuc hâcne bârisie‐narejec: ‘No waiŋ gie‐nane mi garepemu.’”
9500	1KI 22:17	E iŋuc mume Mikajazi ʒiŋuc muhuc âzâcnewec: “No Israe ŋic honec‐jopape lama soŋaŋ tâmiric iŋucne tikio siaŋ siperec qambiŋ. Iŋuc epie Wofuŋzi kecʒiŋuc muwec: ‘Ŋic ʒi jaŋe bomboŋ tâmiric; irec wamao hae‐jeŋic sâc risienʒepieŋ.’”
9543	2KI 1:6	Mume jaŋe âzâcnerâ mumbiŋ: “Ŋic moczi fisi bâfuac‐nâporâ ʒiŋuc nâzâjec: ‘Ŋoŋe ŋicwofuŋ sorec‐ŋopajec erao mocwâc risierâ ʒiŋuc âzâcneniŋ: Wofuŋ e ʒiŋuc mukac: Go manatec Israe mâreŋko Anutu mi jukac irec Ekoroŋte nemu Baali‐Ʒebubu e mu wioc ecneniŋte ŋic sorec‐jopakomec? Irec go fofogaonec mi faharehuc hâmo‐jâmbâŋkecmu hâcne.’”
9553	2KI 1:16	Hu fisirâ ŋicwofuŋ ʒiŋuc muhuc âzâcnewec: “Wofuŋ e ʒiŋuc mukac: ‘Go Israe mâreŋko Anutu mi jume tinac Ekoroŋte nemu Baali‐Ʒebubu e mu wioc ecneniŋte kiŋaŋ sorec‐jopameŋte fofogaonec mi faharehuc hâmo‐jâmbâŋkecmu hâcne.’”
9650	2KI 4:43	Iŋuc mume kiŋaŋ qaqa‐ticnezi muwec, “No wiac ʒi weniŋuc ŋic 100 sâko ʒi jarepe sâcjopaocmu?” Iŋuc mume harierâ muwec, “Ŋic jaretec nâniŋ. Wofuŋ e ʒiŋuc hâcne mukac: ‘Jaŋe nâ tiwâ eniŋmu.’”
9723	2KI 7:12	Eme ŋicwofuŋ e ŋafeo jaha faharerâ kiŋaŋ qaqafâc‐ticne jazarâ muwec, “Siria ŋic jaŋe râsi enârehuc wiac weniŋuc jaha eŋgopieŋ i ŋazape mananiŋ. Nâŋâc nânâre hâmoŋgopeneŋ i jaŋe manaŋgopieŋ. Erâ irec ʒiŋuc muhuc kâteo soŋkerâ foniŋte teuŋ‐jeŋic behembiŋ: ‘Jaŋe haeonec wahapie nâŋâc ɋâricne rocjoparâ haemaŋko raʒinʒepeneŋ.’”
9772	2KI 9:12	Iŋuc mume mumbiŋ, “Go sioc ekic, dâŋ gazajec i nâzâ‐jâmbâŋkec.” Iŋuc mupie jazarâ muwec, “No dâŋ nazajec i jâmbâŋ ŋazape mananiŋ: ‘Wofuŋ e ʒiŋuc mukac: No wokemaŋ rua‐garehuc Israe ŋicwofuŋ âkendâŋgukopac.’”
9797	2KI 9:37	Ehame Jesere mâreŋko ʒira qâŋɋâŋ‐ticnezi ho iŋucne gieo ŋerame moczi ʒâŋitarâ ʒiŋuc sâcne mi muocmu: Ʒi Isebe.’”
10053	2KI 18:25	Me weniŋuc? No Wofuŋzi mi mana‐nareha mâreŋ ʒi râsi ecnehuc ima qapemurâ wefupo me? Aricne, Wofuŋ e ʒiŋuc nazawec: Go ferâ mâreŋ keci râsi ecnehuc ima qazemec.’”
10072	2KI 19:7	Manakic, no maŋ bâsifuc ecnepemu eme sawadâŋ manarâ mâreŋ‐ticnao risiezejec, risieme mupe e jahacne mâreŋko ʒikare nânâ ezejec.’”
10169	2KI 22:20	Irec go ʒiŋuc manac: No apa ŋosafâcge jaŋerao ʒuhucgurâ ʒâŋeruŋgao wamao râecgupemu. Ehame hae mâreŋ ʒira wiac repicne bâfuapemu i ʒâŋe fârigezi moc mi honecmu.’” Iŋuc jazame jaŋe risierâ dâŋ i ŋicwofuŋ âzâcnembiŋ.
10679	1CH 11:2	Juwicnao Saulo e ŋicwofuŋ juhame jaha go Israe momori ʒikao bânie‐jarehuc mocwâc bârisiec‐jopameŋ. Ehame Wofuŋ Anutugezi ʒiŋuc gazawec: ‘Go Israe ŋicfâc‐nane soŋaŋ‐jopahuc fekicne‐jeŋic juzemec.’”
10882	1CH 17:14	No ufuŋ‐naneo â uucmaŋ‐naneo e basanaŋke‐jâmbâŋkepemu, ehuc eri qaraweŋ‐ticne dope hutuŋ ecnehape raŋɋa raŋɋa foocmu.’”
10949	1CH 21:10	“Go rarâ Dawidi ʒiŋuc âzâcnec: ‘Wofuŋ e ʒiŋuc mukac: No wiac jahec â moc bâmocke‐garekopac. Irec go gahac, moc me moc mutec bafisi garepemu.’”
11563	2CH 18:16	E iŋuc mume Mikajazi ʒiŋuc muhuc âzâcnewec: “No Israe ŋic honec‐jopape lama soŋaŋ tâmiric iŋucne tikio siaŋ siperec qambiŋ. Iŋuc epie Wofuŋzi kecʒiŋuc muwec: ‘Ŋic ʒi jaŋe bomboŋ tâmiric; irec wamao hae‐jeŋic sâc risienʒepieŋ.’”
11573	2CH 18:26	Ehuc ʒiŋuc munʒepieŋ: ‘Ŋicwofuŋ e kecʒiŋuc mukac: Ŋic ʒi kâpâcwâru ficko râerâ nânâ opâ afecne mac gumehuc juhapie sahac furu risiezepac.’”