1368	GEN 45:9	“Dalasen yo ngarud ay mantaoli en ama tako ta ibaga yo ay si naey di kanan Jose ay anak na: ‘Nanbalinen Diyos sak-en ay mangituray sin intiro ay ili ed Egipto, isonga omali kayo ay dagos,
1534	EXO 1:1	Sin inmeyan Jacob ed Egipto, intakina din an-ak na ya din pamilya da. Da naey di ngadan din lallalaki ay an-ak Jacob ay manngadan abes Israel:
1662	EXO 6:6	Isonga say ibagam na sin Israelita, ‘Siya na di kanan Diyos: Sak-en si Yahweh. Badangak dakayo ta mawayawayaan kayo sin namabag-enan di taga-Egipto en dakayo. Ipailak di panakabalin ko sin iyat ko ay manosa en daida ta maisalakan kayo.
1705	EXO 7:19	Kanan Diyos en Moses, “Ibagam en Aaron ta itdek na din sokod na sin amin ay kad-an di danom ed Egipto: sin ginawang ya kanal ya din odom pay ay kad-an di danom. Mo siya di manbalin si dada amin ay danom ed Egipto, pati din wadas panpaypay-an si danom ay kaiw ya bato.”
1712	EXO 7:26	Idi makdeng di, kanan Diyos en Moses, “Emey ka sin ari ta kanam en sisya, ‘Siya na di inbagan Diyos: Palobosam din ipogaw ko ta en da mandayaw en sak-en,
1731	EXO 8:16	Makdeng pay di, kanan Diyos en Moses, “Masapa ka si bigat ta en ka abaten din ari sin ginawang yan ibagam en sisya, ‘Siya na di inbilin Diyos: Palobosam din ipogaw ko ay en mandayaw en sak-en,
1756	EXO 9:13	Makdeng pay di, kanan Diyos en Moses, “Masapa ka si bigat ta en ka ibaga na sin ari, ‘Siya nay kanan Yahweh ay Diyos di Hebreo: Palobosam din ipogaw ko ta en da mandayaw en sak-en.
1820	EXO 12:3	Ibaga yo sin intiro ay gimong di Israelita ta siya na di amagen da si tinawtawen: Mo domteng din maikasinpo ay agew sin siya na ay bowan, masapol ay manpili din aam-an di pamilya si sag-eesa ay karnero ono kalding para en daida ay pamilya.
1860	EXO 12:43	Kanan Diyos ay nangibilin en da Moses en Aaron, “Siya na di linteg ay onoden yo sin fiesta ay makwani en Nalabas: Adi makikan di baken Israelita sin maisagana ay makan sin fiesta ay nay.
1952	EXO 16:4	Pag kanan Diyos en Moses, “Dengngem na: awni et pawadaek di ad-ado ay makan ay mapo ed daya ay kaman odan. Masapol ay inagew ay bemela din ipogaw ta man-olnong das omanay ay kanen da si esay agew. Sin maikan-em ay agew, masapol ay mamidwa di kaad-adon di olnongen da mo din sigod ya masapol ay otoen da. Say ibilin ko dana ta padasek daida mo onodan da met laeng din bilbilin ko.”
1960	EXO 16:12	“Dinngek din ririn di Israelita isonga ibagam na en daida: Sin malablabi, mawada di karni ay sida da. Sin agsapa, mabsog da abes tinapay. Maamag na ta say pangammoan da ay sak-en si Yahweh ay Diyos yo.”
2298	EXO 28:4	Ibagam ta amagen da nan odom ay tapin di osal Aaron: din maitak-ep sin pagewan, din naabel ay sinadlay ay kanan da en efod, nagayad ay bado, din naabel ay osalen ay maidallem, apongot ya din balikes.
2748	LEV 1:2	Binilina ta ibaga na dana sin Israelita: Mo waday man-idawat si daton, masapol ay baka, karnero ono kalding.
3000	LEV 11:2	Ibaga yo na sin Israelita: Sin amin ay animal, siya dana di mabalin ay kanen yo:
3007	LEV 11:9	Sin wadas danom, da nay di mabalin ay isida yo: din amin ay waday siksik ya balidbid na, olay wadas baybay ono ginawang.
3238	LEV 17:2	“Ibagam en Aaron ya sin an-ak na ya sin am-in ay Israelita, ‘Naey di inbilin Diyos:
3254	LEV 18:2	“Ibagam sin am-in ay Israelita, ‘Naey di kanan Diyos: Sak-en si Yahweh ay Diyos yo.
3284	LEV 19:2	“Ibagam sin am-in ay Israelita, ‘Naey di inbilin Diyos: Masapol ay nasantoan kayo, tan sak-en si Yahweh ay Diyos yo et nasantoanak.
3826	NUM 6:2	“Ibagam na sin Israelita: Mo waday lalaki ono babai ay mangikari si nabanol ay kari ay mangidaton si awak na ay mansilbi en Diyos,
3837	NUM 6:13	“Siya na di linteg ay onodan di nangikari ay mangidaton si awak na en Diyos mo makdeng din timpo ay inkari na ay pansilbiana: Koyogen das sisya sin segpan di Tolda
3847	NUM 6:23	“Ibagam en Aaron ya din an-ak na ay lalaki ta say kanan da na mo bindisyonan da din Israelita:
4137	NUM 14:28	Ibagam ngarud en daida ay dadlon temet-ewa nan isapatak ay kaman din katet-ewan di kamatagok: Din dinngek ay inbaga yo et siya met laeng di amagek en dakayo.
4392	NUM 22:16	Inmey da en Balaam et inpaammo da na ay inbagan Balak: “Pangaasim kod ta dadlon kan omali.
4424	NUM 23:7	Et siya dana di inpadton Balaam: “Inmayag din ari ed Moab ay si Balak. Din kadondontogan ed Syria sin naibanda si belaan di agew di napoak. Kanana, ‘Omali ka ta baosam din Israelita.’
4425	NUM 23:8	Ngem kanak abe en sisya: Ay mabalin aya ay baosak din adi binaosan Diyos ay namarsua ono mankaliak si lawa ay maikontra en daida yan si Diyos pay et maga di inkeddeng na ay dosa da?
4451	NUM 24:4	ya makadnge sin ibagbagan Diyos. Adiak naseyep yan inilak di kaman iitaw ay inpailan Diyos ay Manakabalin Am-in. Siya na di inilak:
5060	DEU 5:5	Sin doy ay timpo, wadaak ay pinmipika sin nan-gawaan di kad-an Diyos ya en dakayo et sak-en di nangibagbaga en dakayo sin ibagan Diyos, tan emegyat kayo sin apoy, isonga adi kayon nantikid sin dontog. “Et siya na din kanan Diyos:
5160	DEU 9:1	Kanan Moses ay nangitoloy, “Dengngen yo ay Israelita: Agadangen yo ed wani ay agew din ginawang ay Jordan et okaen yo din ilin di ipogaw ay ad-ad-ado ya napigpigsa mo dakayo. Dadakke di siyodad isdi ay nankakakayang di alad da.
5200	DEU 10:12	“Dengngen yo ay Israelita nan ibilin Yahweh ay Diyos yo ay onodan yo: Laylayden yo si Yahweh ay Diyos yo, imongsan yo din nemnem yo ay mansilbi en sisya,
5323	DEU 15:2	Siya na di amagen yo: Amin ay waday inpaotang na sin gait na ay Israelita yan masapol ay adi dan singsingilen mo domteng din timpo ay tinodingan Diyos ay kaponasan di amin ay otang.
5429	DEU 19:21	Adi kayon maseg-angan sin kaman dana ay pasamak. Sinay di iyat yo: biyag di bayad di biyag, mata si mata, bab-a si bab-a, takkay si takkay ya siki si siki.”
5813	DEU 33:1	Idi dandani ay matey si Moses ay nankalkalian Diyos, da nay di inbaga na ay bindisyon sin Israelita:
5818	DEU 33:6	Mo maipanggep sin tribun Ruben, kinwanin Moses na: “Adi koman malitaw din polin Ruben olay mo at-atik da.”
5819	DEU 33:7	Mo maipanggep sin polin Juda, siya na di kinwani na: “Sik-a ay Yahweh, dengngem kod din adawag da, itapim koma si daida sin odom ay tribu ay iib-a da. Sik-a koma di mangipabikas en daida, badangam koma ta abaken dan kaibaw da.”
5820	DEU 33:8	Mo maipanggep sin tribun Levi, siya na abe di kinwani na: “Ipaammom ay Diyos din laydem babaen sin Urim ya Tummim, ipaammom sin Levita tan daida nan matalek ay baam. Pinadas mos daida ed Massa et pinaneknekam ay matalek da sin kad-an di danom ed Meriba.
5824	DEU 33:12	Maipanggep sin tribun Benjamin yan kinwani na: “Sinay din tribu ay laylayden Diyos ya ay-ayowanana. Silsilibanas daida si kasinsin-agew na ya makitee en daida.”
5825	DEU 33:13	Mo maipanggep abe sin tribun Jose, kinwani na: “Bindisyonan koman Diyos si odan din daga da ya obbog ay mapo sin oneg di daga.
5830	DEU 33:18	Mo maipanggep sin tribun da Zebulun en Issakar, kinwani na: “Sapay koma ta somiged di biyag da, sin am-in ay panbibiyahian da. Et olay mo mantetee da sin ili da, sapay koma ta bomaknang da.
5832	DEU 33:20	Mo maipanggep abe sin tribun Gad, kinwani na: “Madaydayaw si Diyos ay nangipaannawa sin ili da, kaman layon si Gad ay manseseed sisya ta bisngibisngitena din takkay ono toktok di depapena.
5834	DEU 33:22	Sinay abe di kanana maipanggep sin tribun Dan: “Kaman bomaro ay layon din tribun Dan ay pomadtok ay mapo ed Basan.”
5835	DEU 33:23	Mo maipanggep sin tribun Naftali, siya na abe di kanana: “Begew sin seg-ang Diyos en daida, aped na ay mabindisyonan da. Enggana sin abagatan et sakopen da manipod sin lebeng ay Galilea.”
5836	DEU 33:24	Mo maipanggep pay sin polin Aser, kinwani na: “Ad-ado di bindisyon da mo din odom ay Israelita. Daida koma di laylayden di aag-i da, ya omad-ado koma di olivo sin daga da.
5855	JOS 1:2	Kanan Diyos en sisya: “Enggay natey din baak ay si Moses, isonga mansagana ka ta ipangom din am-in ay Israelita. Agadangen yo san ginawang ay Jordan et emey kayo sin daga ay idawat ko en dakayo.
5889	JOS 2:18	dalo et mo amagem dana: mo omali kami ay mangobat en dakayo, ioy-oy mo kasin din nay manbalanga ay tali ay say pan-alos-osan mi ed wani ay lomayaw. Sinopem abe da amam en inam, din aag-im ya din pamilya da sin nay beey mo.
5964	JOS 6:13	et liniked da kasin din siyodad ay kaman din inyat da sin damo: nangon-ona din sosoldado ay gowardiya sin sangoanan, maisned en daida din papadi ay manangtanggoyob, omon-onod abe din papadi ay namabatawil sin Baol di Tolagan, et naodi din sosoldado ay gowardiya sin likodan. Adi polos sinmalsaldeng din ayoweng di tanggoyob sin panliklikedan da.
5967	JOS 6:16	Idi nakdeng ay liniked da din siyodad si namin pito, nansagana din papadi ay mananggoyob. Dowan abe bilinen Josue din ipogaw ay mangwani: “Manbogaw kayo, tan indawat Diyos en datako din siyodad ay nay!”
5972	JOS 6:21	Pinse da sin kampilan da am-in ay ipogaw sin siyodad, lalaki ya babai, moyang ya naket-eng. Pinse da abe din am-in ay animal: baka, karnero, ya dangki.
5977	JOS 6:26	Idi nakdeng ay nadadael din siyodad, kanan Josue, “Dosaen Diyos di olay sino ay mamadpadas ay mangibangon kasin sin alad ya eneb di siyodad ay nay: Mo isaad na din fondasyona, matey din besag na. Mo amagena abe din eneb na, matey din anongos na.”
6070	JOS 10:4	Siya na di inpaibaga na: “Bomadang kayo kod ay mangobat sin taga-Gibeon, tan doy nakikapya da en Josue ya din Israelita.”
6464	JOS 23:2	isonga inpaayag na din mangialagey sin am-in ay Israelita: din nankakay di ili, papangolo, hohowis ya oopisyal. Pag nan kanan, “Nay enggay nakayak et dandani di timpok.
6480	JOS 24:2	Kanan Josue sin amin ay ipogaw, “Siya na di ibagan Yahweh ay Diyos tako ay Israelita: ‘Ed nabaon, nan-ili din aap-o yo pati da Tera ay aman da Abraham en Nahor sin bas-il di ginawang ay Eufrates, yan nandaydayaw das odom ay diyos.
7289	1SA 3:11	Pag kanan Diyos en sisya, “Dengngem nan ibagak: Domteng to di agew ay waday kaeegyat ay amagek sin Israelita et makibtot amin ay mannge.
7382	1SA 8:11	Kanana ay nangilawlawag, “Siya na di amagen di ari yo en dakayo: panbalinenan to ay sosoldado na din aan-ak yo ay lalaki. Mansilbi din odom ay manlogan si kalisa ay para gobat, mangabayo din odom, yan din odom abe et daida din managtag ay mamangpango mo din nanlogan si kalisa ay pakigobat.
7438	1SA 10:18	Pag nan kanan en daida, “Siya na di kanan Yahweh ay Diyos tako ay Israelita: ‘Inpangok si dakayo ay komaan ed Egipto ta mawayaan kayo sin pamabag-enan da ya sin odom ay ipogaw ay mamalpaligat en dakayo.’
7476	1SA 12:14	Siged di pantongpalan yo mo say amagen yo dana, dakayo ya din ari yo: dayawen ya patgen yos Yahweh ay Diyos tako, mansilbi ya mantongpal kayon sisya ya adi kayon konkontraen din bilina.
8188	2SA 7:5	“En ka ibaga en David ay baak, ‘Siya na di kinwanin Diyos: Baken sik-a di mangisaad si panbeeyak.
8191	2SA 7:8	Isonga ed wani, kanam en David ay baak, ‘Siya na di kanan Diyos: Esa ka ay manpaspastol si karnero, ngem inayagak ya dotokak sik-a ay mangituray sin Israelita ay ipogaw ko.
8296	2SA 12:7	Pag kanan Natan en David, “Sik-a din ipogaw ay doy! Siya na di kanan Yahweh ay Diyos di Israelita: Nanbalinek sik-a ay arin di Israel ya insalakan kos sik-a sin panakabalin Saulo.
9164	1KI 12:10	Kanan din babbaro ay sana ay katawenana, “Siya na di isongbat mo: Dakdakdake di palpal-iking ko mo din gitang amak.
9463	1KI 21:9	Siya na din nilaon din solat: “Man-ibilin kayo si agew ay pangitpean si dagaang ta sinopen yo din kaipoipogaw yan patokdoen yo si Nabot sin sango.
9657	2KI 5:6	Indawat na din solat sin ari ed Israel yan siya nay kanan din solat: “Nay di solat ay mangipaammo ay inbaak nan si Naaman ay mansilsilbi en sak-en ta agasam din sakit di kodil na.”
10068	2KI 19:3	Kanan da en sisya, “Siya na di kanan Hezekias: ‘Timpon di ligat ed wani ay agew, madosdosa ya maibabain tako. Kaman din dandani ay bomalaan di anak ngem magay pigsan din ina ay mangipabala.
10071	2KI 19:6	kanana en daida, “Ibaga yo sin apo yo ay siya na di inbagan Diyos: ‘Adi kan emegyat sin inbagan di baan di ari ed Assyria ay manglaslasoy en sak-en.
10097	2KI 19:32	et siya na di inbagan Diyos maipanggep en sisya: “Adi makasgep sin siyodad ay nay yan magay pana ay iturong nas na. Adi omasag-en di sosoldado na ay en mangobat. Maga abe di mangamag si somakyaban da ay manadael sin alad di siyodad.
10107	2KI 20:5	mantaoli sin kad-an Hezekias ay mangiturturay sin ipogaw Diyos ta ibaga na en sisya, “Siya na di inbagan Yahweh ay say Diyos ay dinaydayaw David ay apom: ‘Dinngek din kararag mo ya inilak din nan-og-ogaam, et agasak sik-a. Sin maikatlo ay agew manipod ed wani, emey ka sin Timplo.
10111	2KI 20:9	Kanan Isaias, “Siya na di sinyal ay ipailan Diyos ay pangammoam ay tongpalena din inkari na: Piliem di laydem mo manballalong si sinpo ay paskitan din alidong sin pan-orasan ono mantikid si sinpo ay paskitan.”
10220	2KI 24:14	Intakina ay balod ed Babilonia amin ay ipogaw ed Jerusalem ay waday kowinta na: si Jehoyakin, si ina na, din aas-awa na, am-in ay oopisyal ya mabigbig ay ipogaw, am-in ay sosoldado ay pito ay libo di kabibilang da, ya sinlibo ay karpintiro, manpanday ya nankalalaing ay man-amag si kompormi. Danay ay sinlibo et kabaelan da am-in ay makigobat. Di kabibilang da amin ay naitakin ed Babilonia yan sinpo ay libo. Say nataynan anggoy din kabibitegan sin ili.
11176	1CH 29:7	Danay di indawdawat da para sin maisaad ay Timplo: lima ay libo ay talento ya 84 ay kilo ay balitok, sinpo ay libo ay talento ay palata, sinpo ya wao ay libo ay talento ay bronsi ya sin-gasot ay libo ay talento ay landok.
11808	2CH 29:12	Da nay din Levita ay wadas di: sin polin Coat, da Mahat ay anak Amasai en Joel ay anak Azarias; sin polin Merari, da Kis ay anak Abdi en Azarias ay anak Jehallelel; sin polin Gerson, da Joa ay anak Zimna en Eden ay anak Joa;
12021	2CH 36:23	Siya na di naisolat, “Siya na di bilin Cyrus ay ari ed Persia: Insaad Yahweh ay Diyos ed langit si sak-en ay mangituray isnan intiro ay daga yan dinotokanas sak-en ay mangamag si Timplo ay pandayawan di ipogaw en sisya ed Jerusalem ay lak-am di Juda. Ed wani, emey kayo ay ipogaw Diyos ed Jerusalem. Sapay koma ta si Diyos di komoyog en dakayo.”
12022	EZR 1:1	Sin damo ay tawen ay nanturayan Cyrus ay ari ed Persia, inturong Diyos di nemnem na ay mangipaammo si esa ay bilin ta matongpal din inpaibagan Diyos en Jeremias. Siya na di inpaisolat din ari ay maibasa sin intiro ay iturayana:
12023	EZR 1:2	“Siya na di ibilin ko, sak-en si Cyrus ay ari ed Persia: Si Yahweh ay Diyos ed langit di nangisaad en sak-en ay mangituray isnan intiro ay lobong yan dinotokanas sak-en ay man-amag si timplo na ed Jerusalem ay sakop di Juda.
12942	JOB 4:8	Siya na di inilak: Din mangimola si basol ya problima et lawa di apiten da.
13944	PSA 1:1	Nagasat di ipogaw ay kaman nina di ogali na: din pamagbagan di lawa ay ipogaw et sigaana yan adi na tadonen din kabibiyag da. Adi aben makikadkadwa en daida, tan si Diyos di laslasoyen da.
14243	PSA 22:23	Idad-at kon to din maipanggep en sik-a sin gimong di aag-i, idaydayaw kos sik-a sin kasinsinopan mi:
14306	PSA 27:4	Esa anggoy di kinkindaw ko en Apo, es-esa di panggep ko isnan biyag ko: manteeak koma ay kanayon isnan Timplo na ta mailak koma di am-in ay kinasiged na ya ta manpaitdoak abe en sisya.
14578	PSA 41:12	Mapnek kan sak-en, et siya nay pangammoak: din kalaban ko yan adi dan omabak.
14693	PSA 49:14	Siya nay pantongpalan di mantalek si awak da ya mapnek sin kinabaknang da:
14781	PSA 55:10	Apo, iturong mo koma ta adi da mankikinaawatan si kali da. Tan di mailak sin siyodad et siya na: palpaligaten da di iib-a da ya golo di am-amagen da.
15087	PSA 73:12	Siya na di kasasaad din mangam-amag si lawa: magay ligat da yan kankanayon ay bomakbaknang da.
15157	PSA 77:7	maninsinlabi ay ad-adoy salodsod ko:
15282	PSA 81:6	Sin Israelita, inbilin di Apo sin nangobatana si taga-Egipto. Wada et di dinngek ay kali ay adiak ammo:
15294	PSA 82:1	Pinmikas Diyos sin korti ed daya ta okomena din makwani en diyos ay natotopog sin kad-ana. Siya na din inkeddeng na en daida:
15299	PSA 82:6	Sak-en ay Diyos ay Kangatoan, kanak en dakayo: Amin kayo yan diyos, anak ko si dakayo,
15320	PSA 83:19	Siya na di ammoen da koma: sik-a anggoy ay Yahweh di ngadana din kangatoan ay mangituray sin daga.
15367	PSA 87:3	Dakayo ay man-ili isnan siyodad di Apo dengngen yo, nan nabanol ay ibaga na maipanggep en dakayo:
15394	PSA 89:4	Kanam, “Waday intolag ko sin pinilik, siya nay inkarik sin baak ay si David:
16153	PSA 121:4	Dengngem tan tet-ewa na: din mangay-ayowan si ipogaw na et banbantayan daka si eng-enggana.
16171	PSA 124:1	Sino ngata di napasamak mo adi binadangan Diyos si datako? Dakayo am-in ay Israelita, siya na koma di isongbat yo:
16230	PSA 132:11	Et siya nay karim en David ay en ka insapata, say dadlon kan tongpalen ay magay dowadowa: “Isaad ko ay ari di esa ay polim ay maisokat en sik-a.
16253	PSA 135:10	Ad-ado ay nasyon di dinadael na, napipigsa ay ari yan pinse na:
16338	PSA 140:7	Kanak en Apo: Sik-a din Diyos ko, dengngem koma nan kararag ko ay mankedaw si badang mo.
16491	PRO 1:21	ya sin pan-ilaklakoan sin asag-en di segpan di siyodad. Kanana ay mandiskurso sin ipogaw:
16613	PRO 6:3	Mo siya di, tengel daka sin panakabalin di ipogaw ay sana, ngem siya na di amagem ta mailisi ka: emey ka ay dagos ta manpakombaba ka ay manpakaasi en sisya.
16626	PRO 6:16	Waday pito ay ogalin di ipogaw ay kalkaliget Diyos, kadodogis da sin pangila na:
16711	PRO 9:3	Binaa na din baa na ay babbabai ta emey da sin kakayangan ay lugar sin ili yan kanan da:
16727	PRO 10:1	Da nay di pamagbagan Solomon: Paragsaken din masirib ay anak si ama na, ngem din naong-ong yan panladingitena si ina na.
17087	PRO 22:2	Siya na di nan-iisoan di babaknang ya nabiteg: pinarsuan Diyos daida am-in.
17322	PRO 30:1	Da nay di kalin Diyos ay inbagan Agur ay anak Jakeh. Kanana: Apo Diyos, palalo ay nabbayak, enggay magay pigsak.
17328	PRO 30:7	Apo Diyos, waday dowa ay banag ay kedawek en sik-a sakbay ay mateyak: