3	GEN 1:3	Bi Maimaituwa i giuna gado, “Yana ku tubuḡa.” Bi yana i tubuḡa.
6	GEN 1:6	Bi Maimaituwa i giuna gado, “Sawasawa ku tubuḡa bi gauba noke galewemo bi nove dobumo kwa wabaḡavukidi.”
9	GEN 1:9	Kamaina bi Maimaituwa i giuna gado, “Gauba galewa dibunemo ko nato gabu ḡemota bi dobu ḡasaḡasalina ya laumaḡata.” Bi mainana i tubuḡa.
11	GEN 1:11	Bi kota Maimaituwa i giuna gado, “Doḡamo ḡawaḡawa, pesi poudimo bi banidimo dugedugedi bi kai votevotemi tabudi bi tabudi ko tubuḡa.” Bi mainana i tubuḡa.
14	GEN 1:14	Bi Maimaituwa i giuna gado, “Yanayana galewemo ko tubuḡa te laḡan bi dudubala ko dailidi. Bi sa noya te sauga, laḡan bi kwalabu ani luvedi.
15	GEN 1:15	Bi yanayana galewemo ko yana bi dobu ko laiyana.” Bi mainana i tubuḡa.
20	GEN 1:20	Bi Maimaituwa i giuna gado, “Mwali yawayawasanidi nisa koi wanavu bi mwanuwa sawasawa koi wanavu.”
22	GEN 1:22	Tana mwali matabudi nisamo miyemiyedi i kavisuvisudi bi i giuwedina gado, “Koi natuna dabalala te nisa koi wanavu bi mwanuwa dobumo ko pou dabalala bi dobu koi wanavu.”
24	GEN 1:24	Bi Maimaituwa i giuna gado, “Ḡamoḡamo yawayawasanimi tabumi bi tabumi, gunuwala ḡamoḡamomi, malamalaḡamimi bi ḡamoḡamo daledalemi dobumo ko tubuḡa.” Bi mai i tubuḡa.
26	GEN 1:26	Bi kota Maimaituwa i giuna gado, “Niganana lava ta voiyedi kitedi mai tada. Te tedi iyana, mwanuwa, ḡamoḡamo bi ḡamoḡamo daledaledi kitedi tabudi bi tabudi dobumo sai badaedi.”
28	GEN 1:28	Maimaituwa i kavisuvisudi bi i giuwedina gado, “Koi natunatuna bi dobu koi wanavu bi koi badaye. Iyana, mwanuwa bi mwali matabudi yawayawasanidi dobumo koi badaedi.”
29	GEN 1:29	Bi Maimaituwa i giuna gado, “Tagu kai votevotedi pesi bi kani e voiyedi aubaimi.
30	GEN 1:30	Mwali miyemiyedi matabudi, mwanuwa bi gunuwala ḡamoḡamodi tedi kediya ba kailugulugu bi kai votedi.” Bi mainana a tubuḡa.
47	GEN 2:16	Bi Bada Maimaituwa oloto i giuwena gado, “Kai votevotedi ḡesaudi kwa kanidi.
48	GEN 2:17	Visu bi gebo sibena kaina daibi modonemo, mote kuma kani bi kuna kanina ba kwa peki.”
49	GEN 2:18	Bi Bada Maimaituwa i giuna gado, “Oloto mote i visu te taunaḡa ya miya. Tagu ena tausagu, yà voiye te ya sagu.”
54	GEN 2:23	Bi oloto i giuna gado, “Eee! Niga waivinina siliena ba tagu siliegu, bi tubuḡina ba tagu tubuḡigu. Tana yài isana waivini banina tana olotomo a voiye. Tana oloto giligilinemo Maimaituwa i voiye.”
57	GEN 3:1	Bada Maimaituwa gunuwala ḡamoḡamodi i voiyedi bi mododimo mwata ba ḡamoḡamo wai kaikaiyovuna. Mwata waivini i waitalayena gado, “Giukauwa te Maimaituwa i giuwemi te kai matabudi daibi modonemo mote koma kanidi?”
58	GEN 3:2	Bi waivini mwata ena giu i waimunena gado, “Kai ḡesaudi ba ka kanidi.
59	GEN 3:3	Bi kai daibi modonemo, Maimaituwa i giu te mote kama kani bi kama taukoni, male ka peki.”
60	GEN 3:4	Bi mwata waivini i giuwena gado, “Ei geḡa, mote koma peki.
61	GEN 3:5	Maimaituwa i sibe, te sauginemo bi ko kanina ba temi maibena Maimaituwa, visu bi gebo ko sibedi.”
65	GEN 3:9	Bada Maimaituwa oloto i yogena gado, “Adam, tam bamo?”
66	GEN 3:10	Bi oloto Maimaituwa ena giu i waimunena gado, “Tam daibimo talelem e vaiye bi e naila. Banina tagu kofakofagu aubaina te e kandavona.”
67	GEN 3:11	Bi Maimaituwa oloto i giuwena gado, “Aiyai i giuwem te tam kofakofam? Tam kai e waiḡakena votana kuna kani?”
68	GEN 3:12	Bi oloto i giuna gado, “Waivini kuna viteviteguna tana kai votana i vitegu te e kani.”
69	GEN 3:13	Kamaina bi Bada Maimaituwa waivini i waitalayena gado, “Bai aubaina niga mainana kuna voiye?” Bi waivini i giuna gado, “Mwata i kaiyovuḡegu te e kani.”
70	GEN 3:14	Bi Bada Maimaituwa mwata i giuwena gado, “Tam niga mainana kuna voiye aubaina. Ḡamoḡamo matabudi mododimo tam e pasilim. Te bwagammo kwa yoyo nawa, bi ḡobusa kwa kani laḡan matabuna.
71	GEN 3:15	Tagu yà voiyemi te tam mwata bi waivini modomimo wai kamedimedi ya kena laḡan matabuna. Bi kota mwata natunatum bi waivini natunatuna sai ka medimedi. Laḡan muliḡa waivini natuna olotona kaka tam kunum ya vaḡosaḡosa. Bi tam mwata oloto kaḡeiwakiduna kwa kalati.”
72	GEN 3:16	Bi Maimaituwa waivini i giuwena gado, “Tam em wainatuna sauginemo em yavi tagu yà kadidigi bi yavi vaitena kwa lau bewa. Tam kwa ḡoeḡoe te mwanem em waibada dibunemo ya miya. Bi geḡa te oloto ena waibada dibunemo tam kwa miya.”
73	GEN 3:17	Bi Adam i giuwena gado, “Tagu ei ḡakem te kai votana mote maso ku kani bi geḡa te mwanem kalinana kuna vaiye bi kai votana kuna kani. Taunana aubaina doḡa male ya gomala bi tam kwa noya gulata. Bi laḡan matabuna poyapoyam ya tosi kaka kani kwa banavi.
75	GEN 3:19	Tam kwa noya gulata bi poyapoyam ya tosi kaka doḡamo male mwali matabuna kwa banavi. Tam doḡamo e patim bi kwa noyanoyaena eete kwa munaḡana doḡamo.”
78	GEN 3:22	Bada Maimaituwa i giuna gado, “Niga lavedi tedi mai tada, tedi visu bi gebo a sibe. Taunana aubaina mote tamai aninedi te yawasana kaina votana sima kani. Bamoda mainana sa voiyena ba sa miya nonoḡana.”
81	GEN 4:1	Adam ma mwanena tubuḡa ai ḡemoti, te Iv i bwaga bi i wai natuna te gomana olotona i bewa. Bi i giuna gado, “Bada ena sagumo gomana e bewa.” Bi i wai isana Kein.
86	GEN 4:6	Kamaina bi Bada Kein i giuwena gado, “Bai aubaina kwa medimedi? Bai aubaina matam i nuwavitale?
87	GEN 4:7	Bamoda visuvisu ku voiye, maso ba kunai nuwavisu. Banina tam gebo kuna voiye aubaina gebogebo diyammo ya yaveyavem. Tana ya ḡoeḡoena yai badaem bi tam kwa ḡailisi.”
88	GEN 4:8	Kein tasina Eibol i giuwena gado, “Ta nawa wapumo tai nawanawa.” Ḡome wapumo Kein i miya moito te tasina i laipeki.
89	GEN 4:9	Niga kauwina i tubuḡa mulinemo Bada Kein i wai talayena gado, “Tasim Eibol bamo?” Kein Bada i giuwena gado, “Mote yà sibe, tagu bena tana taulabena?”
90	GEN 4:10	Kamaina bi Bada i giuwena gado, “Bai aubaina kauwa wai nuwanainailina kuna voiye? Tinanatum kwasinina doḡamo ya ḡabaḡaba, lisigumo laubiwa aubaina.
92	GEN 4:12	Laḡannemo kwa bayauna ba kani mote ima laubani bi kwa velau yabayababa mote bamo em ani miya kauwa.”
105	GEN 4:25	Adam bi Iv kota tubuḡa ai ḡemoti munaḡe bi Iv i laubewa te gomana olotona i bewa. Bi Iv i giuna gado, “Kein Eibol i wai peki bi Bada gomana epaiyanina i vitegu.” Taunana aubaina i wai isana Seta.
144	GEN 6:6	Tana i wai uvalana gado, “Niga lavedi bai aubaina e voiyedi.” Bi tana noponemo i wainuwaboya.
145	GEN 6:7	Kota i giuna gado, “Tagu mwali matabudi dobumo e voivoiyedina yà kagebogebodi. Bi ei uvala te bai aubaina e voiyedi.”
151	GEN 6:13	Kamaina bi Maimaituwa Nowa i giuwena gado, “Lava edi pilipili i didiga gulata taunana aubaina, tedi bi mwali matabudi dobumo yà kagebogebodi.
152	GEN 6:14	“Tagu yà giugiuwem, te tam kai ḡaiḡainemo gula kwa voiye. Noponemo nakanaka kwa voiyedi bi nopona bi taulina ba patimo kwa pati.”
155	GEN 6:17	Maimaituwa i giuna gado, “Tagu kabaita yà giukamaḡe dobumo, te mwali miyemiyedi matabudi yà kagebogebodi, mwali matabudi dobumo sa launeḡaneḡa.
159	GEN 6:21	Kota kani tabudi bi tabudi kwai geludi te temi bi ḡamoḡamo kemiya.”
161	GEN 7:1	Bada Nowa i giuwena gado, “Tam bi em vanuwa lavedi vaitedi gulamo ko valageta, tagu e kita te taumḡa dobumo lava didimanim.
164	GEN 7:4	Laḡan 7 mulinemo, tagu nabu yà giukamaḡe dobumo, te laḡan 40 bi dudubala 40 bi mwali miyemiyedi matabudi e voivoiyedina kabaitemo yài avalidi.”
200	GEN 8:16	“Gula ko potiyovo kamaḡe, tam, mwanem, natunatumi bi mwanemwanedi.
201	GEN 8:17	Ḡamoḡamo doḡamo miyemiyedi, daledaledi bi mwanuwa sawasawamo lovolovodi matabudi kwa kapotiyovodi, te tedi sai natuna dabalala bi dobu matabuna sai wanavu.”
205	GEN 8:21	Kamaina bi Bada sewasewa panena i wai nuwavisuye bi taunaḡa i giu munaḡena gado, “Bai laḡannemo mote dobu, ḡamoḡamo bi lava miyemiyedi yàma kovoḡi munaḡe, avena te bainewa, ma keikeilikidimo gebo a voiye bi mote yàma kovoḡidi, mai niganana e voiyena.
206	GEN 8:22	“Dobu bainewa ya kena watana, wadi bi vililubu, bodubodu bi kailavusa, suwala bi nabu, laḡan bi dudubala, mote sima kovi.”
207	GEN 9:1	Maimaituwa Nowa bi natunatuna i kavisuvisudi bi i giuwedina gado, “Koi natuna dabalala bi dobu koi wanavu.
211	GEN 9:5	“Aiyai bi lava yai pekina ba kovoḡa ya vai, kota ḡamoḡamo lava yai pekina ba ḡamoḡamona sai peki.
213	GEN 9:7	Bi temi koi natunatuna dobumo te natunatumi sai natuna dabalala bi dobu matabuna sai wanavu.”
215	GEN 9:9	“Ei, koi beyavaiya, tagu egu waianina tam bi emi tubulelesa lisimimo yà voivoiye
217	GEN 9:11	Tagu egu waianina yà voivoiyena lisimmo, te dobu bi mwali matabudi miyemiyedi dobumo mote yàmai avali munaḡedi.”
218	GEN 9:12	Maimaituwa Nowa i giuwena gado, “Niga waianina matailina yà voivoiyena ya kena nonoḡa mododemo, tagu bi tam bi ḡamoḡamo yawayawasanidi vaitedi.
221	GEN 9:15	Mba tagu egu waianina e voivoiyena lisimmo, yà noḡoti te mote bai laḡannemo ḡamoḡamo yawayawasanidi matabudi yàmai avali munaḡedi.”
271	GEN 11:4	Kamaina bi a giuna gado, “Niganana malagai dididiga taitubu bi vanuwa wai dabakenakenana ta ḡala te dabana ya saḡa yada ya taukoni, isada vatona aubaina te mote tamai dabalalida.”
273	GEN 11:6	bi i giuna gado, “Niga lavedi matabudi kalina ḡemota sa giugiuwe, niga taunana kauwa yabayababa pakana ai tubu. Ḡotona te edi ḡowana sa voiyedi.
274	GEN 11:7	Ta yovo ta nawa bi kalinedi ta vitale asiasi te mote edi lava edi giu sima sibedi.”
300	GEN 12:1	Kamaina bi Bada Ablam i vine bi i giuwena gado, “Em dobu, em lava, tamam ena dam lavedi kwa gosedi bi kwa nawa tagu dobu yài lovemnemo.
302	GEN 12:3	Mabai kavisuvisu lisimmo sa voivoiyena ba tagu kavisuvisudi. Bi mabai sa pasipasilimna ba yà pasilidi. Tam em dammo kaka dobu matabuna yà kavisuvisu.”
306	GEN 12:7	Kamaina bi Bada Ablam lisinemo i laumaḡata bi i giuwena gado, “Niga dobunana em tubulelesa yà vitedi.” Ḡome Bada i laumaḡata, taunana aubaina te Ablam olta i voiye Bada ani lauduneyena.
327	GEN 13:8	Kamaina bi Ablam Loti i giuwena gado, “Goma, tada ba lava ḡemota mote i visu te tada bi eda taubagibagi matabuda tai kagiu.
328	GEN 13:9	I visu te tai nawa tabutabu bi dobu kwa kita te em ḡowanemo kwa vai bamoda tam ḡeniyadaḡa kwa nawana ba tagu kataiyadaḡa yà nawa bi kota bamoda tam kataiyadaḡa kwa nawana ba tagu ḡeniyadaḡa yà nawa.”
333	GEN 13:14	Loti i modina, mulinemo Bada Ablam i giuwena gado, “Kwa moito vitavitalem dobu kwa kita nawedi.
336	GEN 13:17	Niganana kwa nawa bi doḡana kwa vakita nawe bi tagu matabuna yà vitem.”
356	GEN 14:19	Bi tana Ablam i kavisuvisu bi i giuna gado, “Giukauwa te Bada saḡasaḡa guletina, mala bi dobu tauvoiyedi, kauwa visuvisudi i voiyedi lisimmo.
357	GEN 14:20	Giukauwa Bada saḡasaḡa guletina i sagum te em ḡaviya ḡalibona 4 kuna lauyovoḡedi, taunana aubaina te ta kasaḡesaḡe.” Bi waiḡasiḡasi mulinemo Ablam pulapula i tanodi bi dubu 10 i sivudi bi dubu ḡemota Melkisedek i vite.
362	GEN 15:1	Bada Ablam laubonimo i giuwena gado, “Ablam mote kuma naila, tagu em babalemo yà moito galamem bi tagu puyo dididiga yà vitem.”
363	GEN 15:2	Ablam Bada ena giu i waimunena gado, “Bada, egu bada, tagu mote yài natuna bi bainewa em puyo ya sagugu. Tam mote gomana ku vitegu bi laḡannemo tagu yà pekina ba egu taubagibagi isana Eliyesa Damaskas lavana, egu waiguyau matabuna ya vai.”
365	GEN 15:4	Bi Bada i giu munaḡena gado, “Geḡa, mba lavana mote em waiguyau ima vai, tam natuotim kaka em waiguyau ya vai.”
366	GEN 15:5	Bada Ablam i giuwena gado, “Kwa potiyovo doḡamo bi kwa kita saḡa galewemo bi kipola kwa iyevi lubudi, mba mainana em tubulelesa wapedi, mote aiyai ḡemoḡemotina ima iyevi kovi.”
374	GEN 15:13	Bada i giuwena gado, “Niga kwa sibe kauwe, tam em tubulelesa wali dobumo sa miyana mai tautavatava. Bi mba dobuna lavedi em tubulelesa sa egelidi te sai taupaula yabayababa kwalabu wapedi 400.
376	GEN 15:15	Bi niganana kaka mote sima tava. Banina Amoli lavedi yaḡolo niga Keinan doḡanemo sa miyamiya. Bi laḡan muliḡa edi tubulelesemo edi gebogebo ya didiga gulata kaka yà kovoḡidi bi yà kwavi vaidi. Kamaina bi tam em tubulelesa kaka sa tava munaḡa niga dobunemo sa miya. Bi tam Ablam kwa miya te kwa magula kauwa bi nuwaubamo kwa peki te sa dobom.”
383	GEN 16:1	Ablam ma mwanena Salai Keinanmo a miyana kwalabu wapana 10 bi mwanena Salai mote ai natuna. Bi Salai ena taubagibagi waivinina isana Eiga tana Idip waivinina. Kamaina bi Salai Ablam i giuwena gado, “Bada mote i waianinegu te yai natuna, kwa nawa Eiga vaitena ko kena, tana male gomana aubaigu ya bewa bi tagu yai natunaye.” Ablam Salai ena giu i waianine kamaina bi Ablam Eiga vaitena a kena Salai ena giu aubaina.
399	GEN 17:1	Ablam ena kwalabu 99 bi Bada i laumaḡata lisinemo bi i giuwena gado, “Tagu Maimaituwa wailewapani guletigu. Egu etaḡa kwa nawa mote bai ḡesau kuma voiye waigebo,
400	GEN 17:2	taunana aubaina tagu egu waianina ḡaiḡailisina yà sakosako tam lisimmo bi em tubulelesa sa wapa gulata.”
402	GEN 17:4	“Tagu egu waianina lisimmo te tam muliḡa ba dam wapewapedi itedi.
405	GEN 17:7	“Tagu egu waianina bagibagina yà voivoiyena tam bi em tubulelesa lisimimo, te em tubulelesa kaka ya tuwa watana. Tagu em Maimaitua bi kota em tubulelesa edi Maimaituwa.
406	GEN 17:8	Keinan doḡana matabuna emi animiya nawa ba tam bi em tubulelesa yà vitevitemi. Bi tagu edi Maimaituwa bi emi doḡa yà vitevite gwasemi.”
407	GEN 17:9	Maimaituwa Eiblaḡam i giuwena gado, “Tam bi em tubulelesa egu waianina ko kaididi.
412	GEN 17:14	Bi aiyai olotona mote waianina matailina tuninemo ba tana egu waianina i waidoukotona ba tana mote egu dam lavedi nopodimo.”
413	GEN 17:15	Maimaituwa Eiblaḡam i giuwena gado, “Mwanem Salai mote kumai isa munaḡe Salai bi yà waiisa vitalena Sela.
414	GEN 17:16	Tagu yà kavisuvisu bi tana natum ya bewa bi kota yà kavisuvisu te ena tubulelesemo dobu babadidi bi ḡaliḡalibona sa tubuḡa.”
415	GEN 17:17	Eiblaḡam tuwapekana i waitupagwaliḡe matana doḡamo bi noponemo nuwana i waigwaigwai bi taunaḡa i giu munaḡena gado, “Ḡemoḡemotina oloto ena kwalabu 100 bi yai natuna? Bi kota Sela ena kwalabu 90 bi yai natuna?”
416	GEN 17:18	Eiblaḡam Bada i giuwena gado, “Bi Ismael bainewa, maso ḡemoḡemotina kuna kavisuvisu?”
417	GEN 17:19	Maimaituwa i giuwena gado, “Geḡa mwanem yai natuna te gomana olotona ya bewa bi kwa isana Aisik. Bi tagu egu waianina yà voiyena tana bi ena tubulelesa lisidimo ya kena nonoḡa.
419	GEN 17:21	Tagu egu waianina Aisik lisinemo yà voiye, te Sela yai bewana bokina kwalabunemo niga mainana nawalaina noponemo.”
428	GEN 18:3	Bi i giuna gado, “Aee egu babada bamoda kona kita te tagu kamaina ba koma vawaitauligu.
430	GEN 18:5	Kani ḡotona yà vai natome, ko kani bagibagi kaka bi nawa koi tubu munaḡe. Emi taupaula kona noḡotigu te kona tava egu vanuwemo, kamaina te kani yà voiye te ko kani.” Tedi a giuwena gado, “Kamaina bai kuna giugiuwena ku voiye.”
431	GEN 18:6	Eiblaḡam i velau makai ena palaimo bi mwanena i egelina gado, “Kwa nawa te falawa kauwa kwa vai bi buledi tabetabedi kwa gabudi.”
434	GEN 18:9	Tedi ai talayena gado, “Mwanem Sela bamo?” Bi Eiblaḡam i giuwedina gado, “Tana palai noponemo.”
435	GEN 18:10	Edi tau ḡemota Eiblaḡam i giuwena gado, “Yà giugiu kauwem te niga mai laḡannemo yà munaḡa, bokina kwalabunemo bi mwanem Sela gomana olotona ya bewa.” Sela tana mulinemo, palai mataetinemo i moito i wai beyavaiye.
437	GEN 18:12	Sela nuwana i waigwaigwai bi i giuna gado, “Tagu egu bada vaitena kei magula kauwa bi ke ḡoḡosi. Bi ḡemoḡemotina kai natuna, ee?”
438	GEN 18:13	Bada Eiblaḡam i wai talayena gado, “Bai aubaina Sela i gwai bi i giuna gado, ‘Tagu ei magula bi ḡemoḡemotina yai natuna?’
439	GEN 18:14	Mwali bai i pilipili gulata lisigumo te yà voiye? Kage mainana e giugiuna, tagu yà nato munaḡa, niga mainana laḡannemo bokina kwalabunemo bi mwanem Sela gomana olotona ya bewa.”
440	GEN 18:15	Sela i naila bi i valelena gado, “Tagu mote e gwai.” Tana i giuna gado, “Geḡa, tam kuna gwai.”
442	GEN 18:17	Bi Bada taunaḡa i giu munaḡena gado, “Bai yà voiyena mote i visu te Eiblaḡam yai malimaliuwe. Bi kamaina te yà tainuwatau.
444	GEN 18:19	E vine te tana natunatuna bi ena tubulelesa ya giuwedi te egu waiḡake bi didimana sa kaiwatedi bi kota lava sa komaniyedi. Ḡome kaka Eiblaḡam lisinemo e giugiuwapana yà voiye.”
445	GEN 18:20	Kamaina bi Bada i moito vitale bi Eiblaḡam i giuwena gado, “Tagu e vaiye te waiwavu dididiga Sodom bi Gomola lisidimo.
446	GEN 18:21	Tagu yà yovo yà nawa bi yà kitedi, niga waiwavuna giu kauwa ee kaiyovu.”
448	GEN 18:23	Eiblaḡam i nawa Bada diyaotinemo bi i giuwena gado, “Giu kauwa te lava visuvisudi bi gebogebodi vaitedi kwa kovoḡidi?
450	GEN 18:25	Mba mote i visu. Mote kuma voiye. Tam mote lava visuvisudi bi gebogebodi vaitedi kumai pekidi, kauwina ḡemotina kwa voiye, lava didimanidi bi balebaledi lisidimo. Geḡa. Tam bena taulaididimana dobu matabunemo, ee? Tam bena kwa etale kauwemai.”
451	GEN 18:26	Bada i giuna gado, “Bamoda lava visuvisudi wapedi 50 Sodom malagainemo yà banavidina, malagaina matabuna mote yàma kovoḡi.”
452	GEN 18:27	Eiblaḡam i giuwena gado, “O bada, tagu maibena yoḡiyoḡi mote yà visu gulata bi geḡa, te kaikana giu lisimmo ei tubu taunana aubaina te, yai tala munaḡa.
453	GEN 18:28	Bamoda lava 45 visuvisudi malagaina dididiginemo, tam male matabuna kwa kovoḡi?” Kamaina bi Bada i giuna gado, “Bamoda ḡome 45 visuvisudi e banavidina ba mote yàma kovoḡidi.”
454	GEN 18:29	Eiblaḡam i waitala munaḡana gado, “Bamoda ḡome 40 visuvisudi kuna banavidina ba bainewa?” Bi Bada i giuna gado, “Ḡome bi 40 e banavidina ba mote yàma voiye.”
455	GEN 18:30	Eiblaḡam i giuna gado, “Aee, egu bada, kuma mediyegu, avedi bi yà tala munaḡa bamoda 30 ota kuna banavidina ba bainewa?” Bi Bada i giuna gado, “30 ota e banavidina ba mote yàma voiye.”
456	GEN 18:31	Eiblaḡam i giuna gado, “Aee bada, egu laudabatola kwa noḡotikamaḡe bamoda 20 ota kuna banavidina ba bainewa?” Bada i giuna gado, “Bamoda 20 ota e banavidina, mote yàma kovoḡidi.”
457	GEN 18:32	Eiblaḡam i giuna gado, “Aee egu bada, kuma mediyegu, avedi te maḡemota yà giu munaḡa bamoda 10 ota kuna banavidina ba bainewa?” Bada i giuna gado, “Bamoda 10 ota e banavidina ba tagu mote yàma kovoḡidi.”
460	GEN 19:2	Bi tana i giuwedina gado, “Egu babada ko nato egu vanuwemo ko kena. Bi aubaimi yà noya te kaḡemi ko koḡedi bi bokina olaolalemo kaka ko nawa.” Bi tedi a giuna gado, “Geḡa, tama aniwaḡemota gabunemo ka kena.”
463	GEN 19:5	Loti lisinemo a binau saḡana gado, “Olooloto labu kage lisimmo a tavatavana bamo sa miyamiya? Tama ka ḡoeḡoena, kwa ka potiyovodi bi vaitedi kaipasa.”
465	GEN 19:7	Bi i giuna gado, “Egu lava, mote niga kauwina gebogebona koma voiye.
466	GEN 19:8	Koi beyavaiya, tagu natunatugu guguinidi labu yaḡolo mote oloto vaitedi a lumagwau, kamaina te yà giuwedi sa potiyovo bi emi ḡowana lisidimo ko voiye. Niga oloolotodi tagu e tavaitedi egu vanuwemo, taunana aubaina mote bai lisidimo koma voiye.”
467	GEN 19:9	Kamaina bi tedi ena giu ai munena gado, “Ku moito liya! Tam tautavatava niga ḡome kuna tava bi bena kwai badabada. Niganana ka voiyem te kwai nuwatoi gulatana, kaka mba lavedi labu!” Kamaina bi Loti a dudu waipaili bi manunubidi a saḡa te maso gudu a doupapa.
470	GEN 19:12	Kamaina bi olooloto labu Loti a giuwena gado, “Tama ḡotona te niga dobuna ka kovoḡi. Bada waiwavu dididiga i vaiye niga malagaidimo bi i giu kamaḡemai te kai kalaḡosedi. Bamo natunatum, botibotiyam bi em lava ḡesaudi niga ḡome? Matabudi kwai dolidi bi niga malagaina ko gose kamaḡe.”
472	GEN 19:14	Kamaina bi Loti i potiyovo bi botibotiyana i giuwedina gado, “Bada ḡotona te niga malagaina ya kagebogebo, koi papalana bi niga malagaina ta gose.” Bi botibotiyana ai noḡota bena kage i wainamaḡa.
473	GEN 19:15	Dobu ma wai dudubalina, aneya Loti a lauegeli, a giuna gado, “Mote i visu te ko peki laḡannemo Bada malagai ya kovokovoḡi. Kwai papalana te mwanem, natunatum waiwaivinidi kwai dolidi te ko velau ko nawa.”
475	GEN 19:17	Kamaina bi aneya ḡemota i giuna gado, “Ko velau te ko yawasana! Ko velavelau mote koma tinamuli bi koma velau moito wapumo, male ko peki bi ko nawa otana oyamo.”
524	GEN 21:10	Ḡome Sela mai i kitekitedi, tana Eiblaḡam i giuwena gado, “Niga taupaulana natuna vaitena kwa kwavidi sa nawa. Niga waivinina natuna mote ḡemoḡemotina te yaḡolo Aisik vaitena gagasim matabudi simai budeliyedi bi simai guyauyedi.”
526	GEN 21:12	Bi Maimaituwa Eiblaḡam i giuwena gado, “Mote niga taupaulina ma natuna kumai nuwaboyedi. Bi Sela ba i giu kauwa banina Aisik lisinaḡa kaka yaḡolo em dam ya didiga.
527	GEN 21:13	Bi kota em taupaula Eiga natuna mainana yaḡolo dam ya kadidigi.”
549	GEN 22:1	Kauwa matabudi mulidimo Maimaituwa Eiblaḡam i laulubuna gado, “Eiblaḡam!” Bi Eiblaḡam ena giu i waimunena gado, “Tagu niga!”
550	GEN 22:2	Ḡome Maimaituwa i giuna gado, “Tam natuotim nuwam tauvaikauwena kwai doli bi kwa nawa dobu Moliyamo. Mba ḡome tagu oya yài lovem dabanemo natum Aisik em sewasewa kwa gabuḡosa lisigumo.”
553	GEN 22:5	Ḡome tana taupaula i giuwedina gado, “Temi niga ḡome ko miyamiya donki vaitena. Bi tagu gomana vaitena ka nawa noi ḡome bi Maimaituwa ka lauduneye kaka ka nato munaḡa lisimimo.”
555	GEN 22:7	Bi Aisik i giuna gado, “Tamagu!” Bi Eiblaḡam ena giu i waimunena gado, “Koko bai?” Aisik i waitalayena gado, “Tada kai bwainina bi kai matana ani waikalakabina te legaudi bi sipu ani gabuḡosa bamo?”
556	GEN 22:8	Eiblaḡam ena giu i waimunena gado, “Maimaituwa kaka ḡemota ya kamaḡati.” Kamaina bi a nawa.
559	GEN 22:11	Bi Bada ena aneya malamo i binau yovona lisinemo gado, “Eiblaḡam! Eiblaḡam!” Bi Eiblaḡam i giuna gado, “Tagu niga.”
560	GEN 22:12	Bi tana i giuna gado, “Gomana mote tuninemo bai kuma voiye. Tagu niganana e sibe te tam Maimaituwa kwa nainaile bi kwa vovoteyeteye banina tam natum ḡemota bi mote ku nuwevi.”
562	GEN 22:14	Taunana aubaina Eiblaḡam mba dobuna i wai isana, Bada i kanonoḡi. Bi niganana laḡannemo lava sa giugiuna, “Bada ena oyamo i kanonoḡi.”
564	GEN 22:16	Bada niga mainana i giuna gado, “Tam kuna voteyeteyegu bi natuotim ḡemota bi mote ku nuwevi, taunana aubaina tagu e giuvavasaḡem.
566	GEN 22:18	Tam em tubulelesemo lava matabudi dobumo visuvisu sa vai. Banina tam egu giuvavasaḡa kuna voteyeteye.”
681	GEN 25:22	Bi tana bwaganemo laḡalaḡa a miyamiya. Bi ena tau vaitena tinedi bwaganemo a waiḡinana. Taunana aubaina Lebeka Bada i wai talayena gado, “Niga bai kauwina lisigumo ya tubutubuḡa?”
682	GEN 25:23	Bi Bada i giuna gado, “Tam bwagammo ba dam labu sa miyamiya. Bi labuidi yaḡolo sai tamsasalana. Bi dam ḡemota yai lewapana gulata. Tautuwaḡa tasina aubaina yai taupaula.”
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
690	GEN 25:31	Bi Deikap ena giu i waimunena gado, “Mba kamaina bi dolinemo em budelimo niga kanina kwa gimeli, kaka yà vitem.”
691	GEN 25:32	Bi Iso i giuna gado, “Ei kwa kitagu! Tagu ḡotona te kani pekina yà peki. Niga budelina bai visuvisuna ya vitegu?”
692	GEN 25:33	Bi Deikap i giuwena gado, “Dolinemo kwa gei giuvavasaḡegu te em budeli kwa vitegu, kaka kani yà vitem.” Ḡome Iso, Deikap lisinemo i giuvavasaḡa bi ena budeli kani aubaina i kune kamaḡe.
695	GEN 26:2	Kamaina bi Maimaituwa Aisik lisinemo i laumaḡata bi i giuna gado, “Mote kuma nawa Idipmo bi niga dobuna e giugiuwena ḡome kwa miya.
698	GEN 26:5	Tam yà kavisuvisum banina Eiblaḡam egu waiḡake bi egu giuvavasaḡa matabudi i voteyateyaedi.”
775	GEN 28:1	Aisik, Deikap i yoge, i kavisuvisu bi i giuwena gado, “Keinan waivinina mote kuma naḡi.
778	GEN 28:4	Maimaituwa bainewa Eiblaḡam i kakavisuvisuna mainana, tam bi em tubulelesa yà kavisuvisumi. Bi tam tautavatava niga doḡanemo kwa miyamiyana, Maimaituwa Eiblaḡam i vitevitena kaka kwa vai.”
787	GEN 28:13	Bi wawana kavalinemo Bada i moimoito. Kamaina bi i giuna gado, “Tagu Bada, tamam Eiblaḡam bi Aisik edi Maimaituwa. Niga doḡana dabanemo kwa kenakena, kaka tam bi em tubulelesa yà vitemi.
789	GEN 28:15	Tagu mote yàma gosem bi baiḡa kwa nawanawana ba tagu vaitem bi yà labem te yà natome munaḡem Keinanmo bi bai lisimmo e giugiuwapaena yà voiye.”
790	GEN 28:16	Deikap laḡannemo i kenakena moito ba i giuna gado, “Bada gode niga ḡome ya miyamiya bi tagu mote e sibe.”
791	GEN 28:17	Tana i naila bi i giuna gado, “Niga gabu wainuwa nainailina, giukauwa te niga Maimaituwa ena vanuwa bi mala mataetina.”
794	GEN 28:20	Kamaina bi Deikap Maimaituwa lisinemo i giuwapana gado, “Bamoda tam tagu vaitegu bi egu babalemo kwa labe kauwegu bi kani kwa vitegu yà kani bi gala kwa vitegu yà kote,
796	GEN 28:22	Bi niga ḡakimina mataila ei moitona ba tam Maimaituwa em vanuwa. Bi tam bai matabudi kwa viteviteguna yà laidubudi te dubu 10 bi dubu ḡemota tam yà vitem.”
1022	GEN 35:10	Bi Maimaituwa Deikap i giuwena gado, “Isam ba Deikap, niganana isam e vitale, sai isamna Islael mote Deikap.” Ḡome Maimaituwa Deikap i wai isana Islael.
1023	GEN 35:11	Bi Maimaituwa i giuwena gado, “Tagu Maimaituwa wailewapana guletigu. Yà giugiuwem te kwai natunatuna bi ko wapa. Bi tam em tubulelesa sa wapa bi dam didiga bi kota ḡalibona kaka em tubulelesemo sa tubuḡa.
1024	GEN 35:12	Bi doḡa Eiblaḡam bi Aisik e vitevitedina, taunana tam yà vitem. Bi kota em tubulelesa vaitedi niga doḡana yà vitedi.”
1027	GEN 35:15	Maimaituwa bamo modomodonemo i giugiuyovo Deikap lisinemo mba gabuna i waiisana, “Betel.”
1029	GEN 35:17	Tana yavi i laukauwe bi tauwaisupina diyanemo i giuwena gado, “Mote kuma naila bi gomana olotona ḡesauna kwa bewa.”
1090	GEN 37:6	Tana i giuna gado, “Koi beyavaiya tagu lauboni niga mainana e kita.
1091	GEN 37:7	Tada matabuda dabimo witi te bwainidi bi te panidi. Bi tagu egu bwaina i moito bi temi matabumi emi bwaina ba tagu egu bwaina a moito waikwaivivili bi a lauduneye.”
1092	GEN 37:8	Bi tuwatuwaḡana tana ai talayena gado, “Tam kwa ḡoeḡoena waibada kwa vai bi kwai badayemai, ee?” Ḡome tedi tana a daboke otiye banina tana ena giu bi ena lauboni aubaidi.
1097	GEN 37:13	Bi Deikap natuna Diyousep i giuwena gado, “Tagu yà ḡoeḡoena tam, kwa nawa Sekemmo tuwatuwaḡam ḡamoḡamo sa labelabedina lisidimo.” Bi Diyousep tamana i giuwena gado, “Kamaina yà nawa.”
1098	GEN 37:14	Kamaina bi Deikap i giuwena gado, “Kwa nawa bi tuwatuwaḡam bi ḡamoḡamo kwa kitedi, tedi kamaina ee geḡa? Bi kwa nato te kwa giuwegu.” Kamaina bi tana Ḡiblon wapunemo bi i nawa Sekem. Bi laḡannemo Diyousep Sekemmo i tavatava
1099	GEN 37:15	ba tana i wai nuwanaina. Bi oloto ḡemota i wai talayena gado, “Tam bai kwa tavutavuḡe?”
1100	GEN 37:16	Bi Diyousep ena giu i waimunena gado, “Tagu tuwatuwaḡagu ya tavutavuḡedi. Kamaina ee geḡa te maso kuna giuwegu bamo ḡome tedi ḡamoḡamo sa labelabedi?”
1101	GEN 37:17	Kamaina bi oloto ena giu i waimunena gado, “Tedi kage niga ḡome bi kaikana a nawa. Tagu e vaiyedi a giuna gado, ‘Tama ka nawanawa Dotan.” Kamaina bi Diyousep tuwatuwaḡana i kaiwatedi te Dotan diyanemo i banavidi.
1103	GEN 37:19	Taudiḡa ai ogatalana gado, “Niga taunana taulaulauboni i tava.
1104	GEN 37:20	Tai peki bi gauba domna ḡemota noponemo ta pwalaḡe yovoḡe. Kamaina bi ta nawa tamada ta tainuwatau te Diyousep ba gunuwala ḡamoḡamodi a vunu. Kamaina bi ta kita te ena laubonidi banidi sa tubuḡa e geḡa.”
1105	GEN 37:21	Laḡannemo Lubin edi giu i vaivaiye ba tana Diyousep waiyawasanina noḡotina noponemo i saḡa bi i giuwedina gado, “Egu lava, mote ena yawasana tama bwali.
1106	GEN 37:22	Bi gauba domna kavakavana noponemo ta pwalaḡe yovoḡe. Bi mote bai gebogebona lisinemo tama voiye. Bi niga ḡome mote kwasinina ima tosi.” Lubin mainana i giuna banina tana noponemo oga i talatalaḡi te muliḡa maso Diyousep i wai yawasani bi i giukamaḡe tamana lisinemo.
1110	GEN 37:26	Kamaina bi Diuda tuwatuwaḡana i giuwedina gado, “Bamoda tasida tai peki bi ena peki tai malimaliuwena, ba yaḡolo damonemo bai ta banavi?
1111	GEN 37:27	Mba tasiotida, bai ta voiyena ba ta nawa Ismael lavedi lisidimo ta gimalaye bi mote bai tama voiye lisinemo. Banina tana kwasinida isuna.” Kamaina bi tasitasina bi tuwatuwaḡana tana ena ogatala ai aninena.
1114	GEN 37:30	Kamaina bi Lubin i munaḡa tasitasina lisidimo bi i giuwedina gado, “Tasida niga ḡome geḡa, niganana tagu bai ya voiye?”
1116	GEN 37:32	Tedi mba kwamana a vai nawe tamedi lisinemo. Bi a giuwena gado, “Niga kwamana tama ke vai bi kwa kita, aiyai ena kwama?”
1117	GEN 37:33	Deikap gala i kitakita, ba i wai nuwaboya kauwa bi i giuna gado, “Aiyoi, mba natugu ena kwama. Bodu ḡamoḡamodi ḡasiḡasidi natugu a vunu bi a lisi waidabalali.”
1119	GEN 37:35	Bi ḡome tana natunatuna oloolotodi bi waiwaivinidi a tava tamedi lisinemo bi giumo a kaka nuwauba. Bi tana yaḡolo i daboka kauwa bi i giuna gado, “Tagu natugu nuwaboyana kamaina te yà ḡaba peki.” Kamaina bi Islael natuna Diyousep aubaina i ḡaba gulata.
1158	GEN 39:8	Bi Diyousep i daboka bi waivini i giuwena gado, “Tagu egu bada mote bai ḡesau ima wainuwaboyae bi mwali matabudi i wai taniwagaedina tagu nimagumo i sivudi te yai badaedi.
1159	GEN 39:9	Bi mote aiyai niga vanuwina noponemo isaḡa gulata te mai tagu. Bi egu bada i waisumaḡegu bi mwali matabuna i wai aninedi te tagu yai badaedi bi tam ḡemotim mote i wai aninem banina tam ba mwanena. Bi bai aubaina tagu maso gebo e voiye bi Maimaituwa ei nuwaboya.”
1162	GEN 39:12	Ḡome Potipa mwanena Diyousep ena gala dabanemo i kotekotena kaididi bi i giuwena gado, “Kwa nato ta kena!” Bi Diyousep i daboka bi i naila vanuwa i lau potiyovo kamaḡe. Bi Potipa mwanena Diyousep ena gala i solu kamaḡe bi i kaididi.
1164	GEN 39:14	ba i galala ena taupaula lisidimo. Bi i giuna gado, “Niga Ḡibulu olotona ko kita, tagu mwanegu i tavaite bi yawasana wai dabaubaubana i voiye. Tana egu ani kenamo i saḡa bi i ḡoeḡoena maso i lau waiviniyegu bi tagu e miya binabinau.
1165	GEN 39:15	Laḡannemo tagu i vaiyegu te sagu aubaina e binabinau ba ena gala diyagumo i gose kamaḡe bi i velau i potiyovo.”
1167	GEN 39:17	Kamaina bi waivin bai i tubutubuḡana mwanena i tainuwatauna gado, “Niga taupaulina Ḡibulu olotona kuna tavatavaitena, tana egu ani kenamo i saḡa bi kauwa wai dabaubaubana lisigumo i voiye.
1168	GEN 39:18	Bi tagu sagu aubaina e binabinau ba ena gala diyagumo i gose kamaḡe bi i velau i potiyovo.”
1169	GEN 39:19	Sauginemo Diyousep ena bada tava ba mwanena i giuwena gado, “Kwai beyavaiya, em taupaula niga mainana lisigumo i kauwa.” Potipa nuwana i medi kauwa Diyousep lisinemo.
1180	GEN 40:7	Kamaina bi Diyousep i waitalayedina gado, “Bai aubaina niganana matemi a kuluva?”
1181	GEN 40:8	Bi tedi ena giu ai munena gado, “Tama ke lauboni bi aiyai ema lauboni banidi yaka maḡatidi?” Bi Diyousep i giuna gado, “Maimaituwa lisinemo ba ḡemoḡemotina te mba laubonidi banidi ya giuwaimaḡatidi. Emi lauboni ko giuwegu.”
1182	GEN 40:9	Kamaina bi waen tautegolubuna ena lauboni i gei giuwe Diyousep lisinemo, “Tagu egu laubonimo ba waen kaina e kita.
1184	GEN 40:11	Bi tagu ḡalibona ena ledu nimagumo bi guleipi banidi e legaudi bi ena ledumo e buyodi bi nimanemo e sako.”
1185	GEN 40:12	Kamaina bi Diyousep tana i giuwena gado, “Em laubonina banina ba niga mainana: Kai lagalagana faiona kuna kitedina ba laḡan faiona.
1188	GEN 40:15	Banina Ḡibulu lavedi edi dobumo tagu e miyamiya bi lava tagu egalemo a pani tavaitegu niga ḡome. Bi tagu mote bai gebona yà voiye bi biliwelokomo a sakogu.”
1189	GEN 40:16	Laḡannemo taulaugabu i vaiye te Diyousep waen tautegolubuna ena lauboni banina i kamaḡati bi i vaiye te i visu kauwa ba tana Diyousep i giuwena gado, “Tagu kota e lauboni, te dabagumo ba buledi poedi faiona e ava'avala.
1190	GEN 40:17	Bi po'a dabanemo noponemo kani gabugabudi, tabudi bi tabudi a kenakena ḡalibona aubaina. Bi mwanuwa a tava bi po'ana noponemo kani a kanikanidi.”
1191	GEN 40:18	Bi Diyousep i giuwena gado, “Po'a faiona kuna kitedina banina ba laḡan faiona.
1192	GEN 40:19	Laḡan faiona nopodimo ḡalibona kaka tam ya kaikamaḡem bi gadom ya koiḡavuki bi tubuḡim kai laganemo yai dawe bi mwanuwa sa kani.”
1203	GEN 41:7	Peḡapeḡa welawelaidi a tapipila te peḡapeḡa visuvisudi 7 a gudedi. Kamaina bi ḡalibona i kenamoito bi i giuna gado, “Pai, niga gode e laulauboni.”
1205	GEN 41:9	Kamaina bi waen tautegolubuna ḡalibona i giuwena gado, “Aee, bada bai nuwagu i kaukauleyana e noḡoti, niganana matammo yà giu kamaḡe.
1209	GEN 41:13	Bi bai i giugiuwena mainana a tubuḡa. Tagu egu noyamo kuna sako munaḡegu bi buledi taugabu kauwena gadona kuna bwali.”
1211	GEN 41:15	Ḡome ḡalibona i giuwena gado, “Tagu e lauboni bi egu lauboni banina mote aiyai i giuwaimaḡati. Bi gium e vaiye te tam ḡemoḡemotina lauboni banidi kwa giuwaimaḡatidi.”
1212	GEN 41:16	Diyousep i giuna gado, “Mm bada, tagu mote ḡemoḡemotigu bi Maimaituwa ba ḡemoḡemotina bai kwa ḡoeḡoena ba ya giuwem.”
1221	GEN 41:25	Ḡome ḡalibona ena lauboni Diyousep i giuwe. Kamaina bi Diyousep ḡalibona i giuwena gado, “Ḡalibona, mba laubonidi labu kuna kitedina ba banidi ḡemota. Maimaituwa bai muliḡa ya voiyena taunana lisimmo i waimaḡati.
1229	GEN 41:33	“Niganana ḡalibona nuwauyauya bi kauwa taukitabanavidi lavana kwa vine te Idip dobuna yai badaye.