438	GEN 18:13	Bada Eiblaḡam i wai talayena gado, “Bai aubaina Sela i gwai bi i giuna gado, ‘Tagu ei magula bi ḡemoḡemotina yai natuna?’
1456	GEN 48:4	bi i giuweguna gado, ‘tagu yà voiyem te kwai natuna dabalala bi em tubulelesa ya wapa. Bi tedi Keinan doḡana sa vai bi sai taniwaga nonoḡe.’
1593	EXO 3:13	Bi Mousis Maimaituwa i giuwena gado, “Laḡannemo yà nawa Islael lavedi lisidimo bi yà giuwedina gado, ‘Emi magumagula edi Maimaituwa i giukamaḡegu lisimimo.’ Bi simai talayegu gado, ‘Tana bainewa isana?’ Te tagu bainewa yà giuwedi?”
1814	EXO 11:7	Bi Islael lavedi mote bai gebogebona lisidimo ima tubuḡa, daḡasi mote kaka Islael lavedi bi edi ḡamoḡamo lisidimo ima gwau.’ Ḡome kaka ko sibe te Islael lavedi bi Idip lavedi Bada ya daidailidi.
1815	EXO 11:8	Tam em waibabada matabudi sa nato kaḡe pakagumo, sa laudune bi sa giuna gado, ‘Aee, niganana kaka em lava vaitedi ko nawa makai.’ Niga taunana mulinemo kaka yà nawa.” Kamaina bi Mousis ma medimedina ḡalibona i gose kamaḡe.
1843	EXO 12:26	Bi bamoda natunatumi sai talayemina gado, ‘Niga soina banina bai?’
1844	EXO 12:27	Ba ko giuwedina gado, ‘Niga ba vawaitauli sewasewana Bada lisinemo. Banina laḡannemo tana Idipmo libilibi oloolotodi tautautuwaḡa i waipekidi ba Islael eda vanuwa i vawaitaulidi bi i nawa ota.’” Ḡome lava tuwapekedi ai tupagwaliyedi bi a laudune.
1882	EXO 13:14	“Laḡan muliḡa natunatumi sai talayemina gado ‘Bai aubaina niga mainana ta voivoiye?’ Ba temi niga mainana ko giuwedi, ‘Tama Idip dobunemo ke wai taupaula yababa bi Bada ena ḡailisi dididiginemo i kaikamaḡemai.
1883	EXO 13:15	Bi geḡa te ḡalibona nopona i ḡaiḡai gulata bi mote i waianinemai te ka nawa. Taunana aubaina Bada libilibi oloolotodi tautautuwaḡa bi ḡamoḡamo oloolotodi Idip noponemo i wai pekidi. Taunana aubaina ḡamoḡamo olotona geigei tubuḡina kalaulau sewasewayena ba libilibi tautautuwaḡa ka kunekune munaḡedi.’
1930	EXO 15:9	Bi ḡaviya i laubaḡabaḡana gado, ‘Yà kwaviwatedi bi yà kaidididi, te edi pulapula bi bai e ḡoeḡoena yà kwayavaidi. Egu kepata manimanina yà solu vai te yài pekidi.’
2040	EXO 19:13	Niga mai lavana ee ḡamoḡamona palata i potitawi bi oyana i taukonina ba lavana ee ḡamoḡamona koma taukoni. Mba lavana ee ḡamoḡamona ko lau pawasi ee ḡakimemo ko lai peki.’ Laḡannemo bi bwagigi sa suvesuve wai lofalofa bi daguguna dididiga ko vaiyena ba lava oya pakanemo sa nato.”
2451	EXO 32:12	Bamoda kwa ḡosa kovidina ba Idip lavedi giudi sa vaiye bi sa giuna gado, ‘Egula, niga lavedi edi Maimaituwa noḡota gebogebona noponemo i saḡa, te i kapotiyovodi bi i nawedi kalakalalelemo bi i waipeki kovidi.’ Taunana aubaina medi kwa kaisako bi nuwam kwa vitale bi mote kuma ḡosa kovidi.
2462	EXO 32:23	Tedi niga mainana a giuwegu, ‘Niga olotona Idipmo i kapotiyovoda bi mote ta sibe te tana bai lisinemo i tubuḡa. Taunana aubaina tam maso maimaituwa aubaida kuna voiye te i lau etadoliyeda.’
2463	EXO 32:24	Taunana aubaina tagu e giuwedina gado, ‘Mabai beyakomakoma goldimo voivoiyedi lisimimo ko kaikamaḡedi.’ Bi a vitegu te tagu kaimo e gabudi bi koikoitau kau natuna i laumaḡata.”
3055	LEV 13:2	“Bamoda aiyai tunina kelo dididiga, ee bontugu, ee ḡaloḡalo bi i noḡotina gado, ‘Niga kelona ya dididiga bi tunigu ya kaka gebogebo.’ Kamaina te ena lava sa nawe pilisi Elon ee natunatuna lisidimo.
3098	LEV 13:45	“Bamoda aiyai bi tunina kelona ya dididiga ba tana gala yadiyadidi ya kotedi bi dabana mote ima sineti. Bi kota gayana ya suma bi ya giugiuna gado, ‘Milamilagu, milamilagu, lava koma nato lisigumo.’
3276	LEV 18:24	“‘Niga yawasanidi gebogebodimo mote kuma ka milamilam. Keinan dobuna lavedi mba yawasanidimo taudiḡa a ka milemiledi. Taunana aubaina yà kwavivaidi bi dobuna temi yà vitemi, te koi taniwagae.’”
3284	LEV 19:2	“Islael lavedi matabudi kwai ḡemotidi bi niga giudi kwa giuwedi, ‘Tagu Bada emi Maimaituwa ba waiyawa, kota temi emi yawasana maso waiyawa.’
3850	NUM 6:26	Bada ya giuvaimi bi nuwauba ya vitemi.’
4440	NUM 23:23	Lava mote luvedi te Islael lavedi sima pasalidi tedi mote luvana te sima pasilidi. Lava matabudi kaka Deikap ena tubulelesa sa giu watedina gado, ‘Wawa, Maimaituwa bai i voiye Islael lisidimo kona kita.’
4818	NUM 33:56	Niga lavedi mote koma kwavivaidi ba bai e noḡonoḡotina lisidimo mote koma voiye ba tagu lisimimo yà voiye.’”
5012	DEU 4:6	“Temi ko kaiwata kauwedina ba dobu ḡesaudi lavedi sa kitemi bi sa sibe otiye te temi nuwauyauya lavemi. Bi tedi sa vaivaiyemi bi laḡannemo a kitemina ba sa giuna gado, ‘Giukauwa te Islael ba lava laukaidi bi noḡota kauwa lavedi.’
5380	DEU 17:14	Bi Mousis i giuna gado, “Laḡannemo temi Keinanmo ko tavana, ba Bada emi Maimaituwa dobu i viteviteminemo ko miyatulu bi ko giuna gado, ‘Tama ka ḡoeḡoena ḡalibona yai badayemai, maibena dobu ḡesaudi diyamaimo.’
5382	DEU 17:16	Bi ḡalibonana ena ani waiḡaviya osidi mote maso a wapa gulata bi kota lava mote maso i giukamaḡedi a nawa Idipmo osi a gimelidi. Banina Bada i giuna gado, ‘Tana ena lava mote sima munaḡa Idip.’
5402	DEU 18:16	Mai dolinemo oya Oleb pakanemo konai ḡemotimi bi kona giuna gado, ‘Bada ema Maimaituwa kalinana vaiyena bi kai vavanina kitana ke daboka bamoda mainana kwa voiyena ba ka peki.’
5406	DEU 18:20	Bi taugiuwatana mote giu yà vite bi nuwanemo i waitubudi bi ya giugiu ba koi peki.’
5407	DEU 18:21	“Bi temi male koi talana gado, ‘Bi tama bainewa ka sibe te niga talawainuwatauna ba Bada lisinaḡa ee nuwanemo i waitubu?’
6491	JOS 24:13	“‘Diyosuwa mba dobuna taunana e vitemi. Temi mote ko bayau bi nonoḡidi ko legau bi ko kani ota. Bi vanuwa mote ko kelidi bi nonoḡidimo ko miya ota. Bi kanigidava guleipi bi olip matabudi nonoḡidi ko kani ota.’”
7439	1SA 10:19	Tagu taunana Maimaituwa, emi pilipilimo bi emi wainuwatoimo ei yawasanimi. Temi kona dabokegu bi kona giuna gado, ‘Tama ḡalibona ka ḡoeḡoe te yai badayemai!’ Taunana aubaina matabumi emi kalinaḡa bi emi damḡa koi ḡemotimi tagu emi Bada lisigumo.”
7777	1SA 21:3	Bi Deivida Pilisi Aḡimelek i giuwena gado, “Tagu ḡalibona i giukamaḡegu e nato te kauwa ḡesauna yà voiye. Bi i giuweguna gado, ‘Bai e giuwem bi kwa nawanawana ba mote aiyai kuma giuwe.’ Bi egu tauwaiḡaviya e giuwedi te modomodo ḡesaunemo tagu sa labelabegu bi ḡome kaka kaitaubanava.
8299	2SA 12:10	Tam mote ku voteyateyaegu bi Ulaiya mwanena kuna naḡivai te mwanem. Taunana aubaina niganana em dam lelesina ba laḡan matabuna mote nuwavisumo sima miya.’
8886	1KI 5:19	Taunana aubaina niganana yà wainoḡota te Maimaituwa anilaudunena vanuwina yà ḡala. Bainewa Maimaituwa tamagu Deivida i giugiuwena mainana, tana i giuwena gado, ‘Tagu kaka natum ḡemota yà voiye te em gabu ya vai bi tana taunana kaka anilaudune vanuwina ya ḡala isagu anivivilena aubaina.’
9146	1KI 11:35	“‘Bi waibada Solomon natuna lisinemo ya kenakenana kaka yà kaikamaḡe te dam 10 yà vitem.’”
9163	1KI 12:9	Bi i waitalayedina gado, “Islael lavedi bainewa yà giuwedi? Tedi sa giugiuweguna gado, ‘Ema noya kwa voiye te ya tekateka mote mai tamam ena saugemo.’”
9164	1KI 12:10	Kamaina bi lava valivaliudi niga mainana a giuvitena gado, “Tedi sa waibaḡamna gado, ‘Ema noya kwa voiye te ya tekateka,’ ba tam niga mainana kwa giuwedi, ‘Tagu nopogu i bagibagi kauwa mote mai tamagu.
9165	1KI 12:11	Tamagu noya dididiga i vitemi bi kota tagu noya dididigi otina yà vitemi. Tana madamo i kwapumi bi tagu ba mada wai gedegedelidimo yà kwapumi.’”
10165	2KI 22:16	“Bada niga mainana i giu, ‘Egu lava Diuda a dabokegu bi maimaituwa ḡesaudi lisidimo a laulausewasewa bi gebogebo ḡesaudi a voivoiyedi taunana aubaina lisidimo e medi gulata. E medina Yelusalem lisidimo mote aiyai kaka ima ka tautaugu, kamaina te ya tubuḡa.’ Niga mainana Maimaituwa i giu, ‘Tagu kaka Yelusalem lavedi matabudi yà kovoḡidi, maibena bukamo gilugilumimina ḡalibona i iyeiyevina mainana ya tubuḡa.’
12911	JOB 3:3	“Egu tubuḡa laḡanina Maimaituwa kwa bwali kamaḡe. Dudubalinemo e tubuḡa bi mabai a kitagu. Bi a giuna a gado, ‘Weeo gomana olotona i tubuḡa,’ mba dudubalina e daboke, kwa bwali kamaḡe.
13929	JOB 42:3	Kuna giuweguna gado, ‘Diyoba bai aubaina em giu waibani geḡedimo egu nuwauyauya kwai talavitavitale?’ Giukauwa te bai kauwidi e giugiuwedina banidi mote yà sibedi, bi kauwa nananaka otidi mote luvagu te ya sibedi.
13930	JOB 42:4	Kuna giuna gado, ‘Diyoba, kwai beyavaiya bi yà giu! Yài talayem bi egu giu kwaimune.’
14310	PSA 27:8	Tam kuna giuweguna gado, ‘Kwa nato lisigumo bi kwai baḡa.’ Taunana aubaina niganana lisimmo yà natonato.
14729	PSA 51:6	Tagu gebogebo taumḡa lisimmo e voiye, egu kauwa matammo i gebo. Taunana aubaina kuna giuweguna gado, ‘Tam gebogebo kuna voiye!’ Mba kuna giukauwa. Sauginemo kuna kovoḡiguna, mba kauwa didimanina kuna voiye.
15530	PSA 95:10	Tagu niga lavedi e mediyedina ba kwalabu 40 a kovi, bi e giuna gado, ‘Niga lavedi a miya tautauliyegu, bi egu giuvavasaḡa mote sima kaikaiwatedi.’
15858	PSA 110:4	“Bada i giuwapa te nuwana mote ima vitale, ‘tam ba kwai pilisi nonoḡa maibena Melkisedek.’
17395	ECC 1:10	Lava mote kaka ima giu gado, ‘Kwa kita niga mwali valivaliuna.’ Geḡa, mwali nove mai kenekenedi, muliḡa kaka tada te tubuḡa.
19172	JER 6:14	Tagu egu lava bonidi a nanaka bi pilipilisi bi taugiuwatana mote sima bunebunemi kauwedi. Bi sa voivoiyena maibena boni keikeilikidi bi sa giugiuna gado, ‘Mba kamaina, mote bai.’ Bi geḡa te boni yaḡolo mote sima yawayawasana.”
19499	JER 20:8	Sauginemo lava e tai tainuwataudina gado, “Bada niga mainana i giu: ‘Emi ḡaviya kaka sai ḡaviyemi bi sa kagebogebomi.’ Niga kalinamna e giuwedi, bi tedi laḡan matabuna sa waiḡwaiḡwaiyegu bi sa kuvakuvaligu.
19501	JER 20:10	Lava e vaiyedi a wai muduneguna, e nailedi. Tedi sa giugiuna gado, Tam bai kwa giugiuwena, ema babada giuwedi. Avena te egu lava otidi sa kitakita watagu, tedi sa ḡoeḡoe te tagu bai yà voiye waigebona ba sa kamaḡatigu. Tagu egu lava otidi a giuna gado, ‘Tai sinasina bi bai ya vato wapana, ba ta lauyovoḡe bi ta laubiwa.’
19767	JER 31:7	Bada niga mainana i giu, “Islael ma yasisimi tana aubaina ko sale, banina mba dobuna lavedi mote lavayabayababa. Ko sale bi kasaḡesaḡemo ko binauna gado, ‘Oo Bada, em lava a miyamiya bagibagina, kwai yawasanidi.’
19794	JER 31:34	Bada kalinana niga mainana, lava matabudi yovoyovodi bi saḡasaḡa guletidi kaka sa sibegu bi mote aiyai sibegu, ena tau imai love bi ima giu gado, ‘Bada kwa sibe.’ Tedi edi gebogebo yà noḡoti kamaḡedi bi edi ai kaukauwa mote yàma noḡotiwatedi.”
21448	EZK 36:20	Mba dobudi lavedi a giugiuna gado, ‘Niga ba Bada ena lava bi geḡa te ena dobu otina a gose.’ Mba giudimo ba isagu waiyawa a lauyovoḡe bi ai beyabeyakuluye.
21477	EZK 37:11	Ḡome Maimaituwa i giuweguna gado, “Lava ota, Islael lavedi ba mai niga siliḡedi tatakalidi. Tedi a giugiuna gado, ‘Tada ba tatakalida te pekina mote aiyai imai yawasanida.’
22555	AMO 8:5	Waiyawasi laḡanna bi laḡan waiwaiyawidi edi saugemo ba ko wai papalanana gado, ‘Laḡandi sa nawa kamaḡa bi ta munaḡa eda kani tai kunekunedi. Bi kanidi maiidi ta tausaḡedi te taugimala sa gimelidi bi mane laubanidi ta legaudi.’ Banina temi ko ḡoeḡoena ko munaḡa makai bi taugimala ko kaiyovuḡedi. Bi lava edi wai kunekune mwalidi sa natomdi bi temi ko aiai sikesikeledi.
22557	AMO 8:7	Bada isanemo i giuwapana gado, Mba isanana Islael lavedi a vivivile bi i giuna gado, ‘Mote kaka edi gebogebo nuwagu ima yavuḡa.’
24287	MRK 1:3	Lava ḡemota kalakalalelemo ya binabinauna gado, ‘Bada ena eta ko kavisuvisu bi ko kadidimani, tana ya natonato.’”
24338	MRK 2:9	Bamo giuna i tekateka oloto tuni pekipekina lisinemo, ‘Ku moito em kebana kwa avali bi kwa nawa, ee em gebogebo e noḡoti kamaḡe?’
24404	MRK 4:12	te bai Aisaiya i giugiuwena ya tubuḡa, ‘Tedi sa kitakitana bi mote sima kita banavi. Bi kota male sa vaivaiyena, bi mote sima sibe. Taunana aubaina mote sima nuwavitala Maimaituwa lisinemo, te maso edi gebogebo ya noḡotikamaḡedi.’”
24539	MRK 7:7	Tedi taudiḡa edi vaivai sa wai lovelovedi bi sa giugiu te bena Maimaituwa ena waiḡake. Taunana aubaina sa laulauduneyeguna bi banidi geḡa.’”
24712	MRK 11:3	Bi aiyai yai talayemina gado, ‘Bai aubaina niga mai ko voivoiye?’ Ba temi tana ko giuwena gado, ‘Bada ya ḡoeḡoe bi mote lofana te ya munaḡe.”
24726	MRK 11:17	Bi tana lava i wailovelovedi bi i giuwedina gado, “Gilugilumina wadubonemo Maimaituwa i giuna gado, ‘Tagu egu vanuwa sai isana pali vanuwina lava dobu matabuna aubaidi.’ Bi temi kona voiye te maibena ‘taudanedanene edi gabu.’”
24732	MRK 11:23	Giukauwemo yà giugiuwemi, aiyai niga oyana ya giuwena gado, ‘Ku pwalaḡe nawem nisamo’ bi tana noponemo mote ima nuwalaḡalaḡa bi yai sumaḡa te bai i giugiuwena ba aubaina ya tubuḡa.
24740	MRK 11:31	Tedi taudiḡa ai talapilina gado, “Bamoda ta giuna gado, Malaḡa, ba tana ya giuna gado, ‘Bai aubaina mote koi sumaḡe.’
24741	MRK 11:32	Bi bamoda ta giuna gado, ‘Lava lisidiḡa,’ ba sa ḡasiyeda.” Tedi a nailana banina lava matabudi a sibe, te Diyon tana kamaina te taugiuwatana.
24748	MRK 12:6	“Niganana ḡemota ota ya miyamiya, taniwaga natuotina nuwapouna. Muliḡa tana natuotina i giukamaḡe bi i giuna gado, ‘Tedi male natugu sa vivile.’
24749	MRK 12:7	“Bi geḡa te taubayau taudiḡa ai giugiuna gado, ‘Niga olotona male tamana gagasina matabudi ya tanodi. Ei, ko nato ta lai peki bi gagasa matabuna tada ta vai.’
24753	MRK 12:11	Bada, niga kauwina i voiye te kitana lisidemo i visu gulata.’”
24761	MRK 12:19	Bi tedi a giuna gado, “Tauwailovelove, Mousis, Maimaituwa enai ḡake aubaimai i gilumina gado, ‘Bamoda oloto tinanatuna mwanena i peki kamaḡe bi natunatuna geḡa ba kota tinanatuna iwapena ya naḡi. Bi yai natuna te tuwaḡana pekipekina aubaina.’
24768	MRK 12:26	Bi pekimo kenamoito ena giu Mousis i gilugilumina mote ko iyevi? Wala kai tombolunemo, kai vavavanina noponemo Maimaituwa, Mousis i giuwena gado, ‘Tagu Eiblaḡam ena Maimaituwa, Aisik ena Maimaituwa bi Deikap ena Maimaituwa.’
24772	MRK 12:30	Bada em Maimaituwa kwa ḡoena, mba nuwapoum tabutabunemo, tubuḡim tabutabunemo, em noḡota tabutabunemo bi em ḡailisi tabutabunemo.’
24778	MRK 12:36	Aluwa Waiyawa noḡota Deivida i vite te i giuna gado, ‘Bada egu Bada i giuwena gado, “Niga ḡome kataiyagumo kwa miyamiya eete em ḡaviya kaḡem dibunemo yài dubudi.” ’
24792	MRK 13:6	Muliḡa male lava wapewapedi sa tava bi isagumo sa giuna gado, ‘Tagu taunana Maimaituwa ena vinevine’ bi lava wapewapedi sa'ai wai etadoliyedi.
24807	MRK 13:21	“Mba laḡannemo bamoda aiyai ya giuna gado, ‘Kwa kita Keliso niga,’ ee ‘kwa kita tana nanoi,’ mote kumai sumaḡe. Banina Keliso kaikaiyovudi bi taugiuwatana kaikaiyovudi sa laumaḡata te mataila bi anisove kauwidi sa voiyedi te bena maso Maimaituwa ena vinevine lavedi male sa'ai waietadoliyedi.
24837	MRK 14:14	Bi bamo vanuwinemo ya valagetana, mba vanuwina taniwagina ko giuwena gado: Tauwailovelove niga mainana i giu, ‘Bamo gabunemo tagu bi egu tauwaikaiwatana vaitedi, vawaitauli kanina ka kani?’
24850	MRK 14:27	Yesu tedi i giuwedina gado, “Temi matabumi kaka ko velau ko ḡosegu, maibena gilugilumina wadubonemo Maimaituwa niga mainana i giu, ‘Tagu kaka tauwaiḡamoḡamo yai peki bi sipu kaka sa dabalala.’ Taunana aubaina temi matabumi kaka ko velau ko nawa.
27012	ACT 1:20	Pita i giuna gado, “Niga kauwina Deivida ena buka Sale noponemo, i gilugilumina mainana i tubuḡa. Ḡome i giuna gado, ‘Kaka ena vanuwa ya kavakava, bi mote aiyai noponemo ima miya.’ Bi kota, ‘Lava ḡesau ena waibada gabuna ya vai.’
27039	ACT 2:21	Tedi mabai Bada isanemo sai baḡana ba matabudi sa yawasana.’
27046	ACT 2:28	Tam yawasana kunai lovegu te yà miya nonoḡa. Tam vaitegu aubaina te nopogu yasisi i wanavu.’
27053	ACT 2:35	kamaina eete tagu em ḡaviya yà natomedi bi kaḡem dibunemo yài dubudi maibena panibulu kaḡem ani lauyasayasaḡina.’
27088	ACT 3:23	Bi aiyai mote taugiuwatana ena giu ima vaivaiye ba kamaina te Maimaituwa ena dam lavedi lisidimo ya kwavi vai bi ya kovoḡi.’
27090	ACT 3:25	Bi temi mba taugiuwatedi edi libilibi, taunana aubaina Maimaituwa wala emi magula lisidimo giu wainoḡota i sako, mba temi vaitemi aubaimi mai i giu. Bi Maimaituwa Eiblaḡam lisinemo waianina i voiyena ba niga mainana, ‘Tam em tubulelesemo kaka lava matabudi dobumo kavisuvisu sa vai.’
27102	ACT 4:11	Tana taunana ‘duḡumoito bi temi vanuwa taukelina duḡumoitona kona dabodabokena, niganana i nuwavitala te vanuwa yasina i tubuḡa.’
27117	ACT 4:26	Dobu edi ḡaliḡalibona a miya moito bi waibabada ḡesaudi nananakidi vaitedi ai ḡemotidi te Bada bi ena Buyobuyona sa wai ḡaviye.’
27188	ACT 7:3	“Bi Maimaituwa Eiblaḡam i giuwena gado, ‘Em dobu bi em lava kwa gosedi bi dobu tagu yài lovemnemo kwa nawa.’
27192	ACT 7:7	Bi mba dobuna lavedi aubaidi sa wai taupaula yababana kaka yà kovoḡidi. Bi muliḡa kaka em tubulelesa mba dobuna sa gose kamaḡe bi sa nato niga dobunemo bi sa lauduneyegu.’
27211	ACT 7:26	Bokina mainana i kita te ena lava Islael labu a waiḡasiḡasi. Kamaina bi Mousis i nawa i katautaudi bi i giuwedina gado, ‘Ei, mba em tau bai aubaina ko waikaḡasiḡasi?’
27213	ACT 7:28	Tam maḡo Idip lavana kuna lai peki, mai niganana tagu kwa lai pekigu, ee?’
27217	ACT 7:32	‘Tagu taunana em magumagula Eiblaḡam, Aisik bi Deikap edi Maimaituwa.’ Mousis naila i kagusugusu bi mote i waikita munaḡa.
27219	ACT 7:34	Tagu egu lava edi wainuwatoi Idipmo e kita bi kota edi lauaiyoi e vaiye. Bi tagu e yovona ba yài yawasanidi. Taunana aubaina kwa nato bi niganana yà giukamaḡem kwa munaḡa Idipmo.’
27220	ACT 7:35	“Mousis tana taunana dolinemo Islael lavedi a daboke bi a giuwena gado, ‘Tam aiyai ḡailisi i vitem bi kwa waibadaemai?’ Tana taunana Maimaituwa i giukamaḡe te lava ya kapotiyovodi bi yai etadoliyedi, aneya kai tomboluna vavavaninemo lisinemo i laulaumaḡatana ena sagumo.
27222	ACT 7:37	Mousis Islael lavedi i giuwedina gado, ‘Maimaituwa kaka taugiuwatana ḡemota nopomimo ya vine bi ya giukamaḡena lisimimo maibena tagu.’
27225	ACT 7:40	Taunana aubaina Elon a giuwena gado, ‘Ema maimaituwa kwa voiyedi te sai etadoliyemai. Niga lavana Mousis Idipmo i ka potiyovoda bi tada mote ta sibe te bai lisinemo i tubuḡa?’
27228	ACT 7:43	Bi temi mba maimaituwa Molek ena kape kona ava'avali waibabali. Bi kota kipola maimaituwana Lafen aluwina kona ava'avali waibabali. Temi mba mwalidi kona voiyedi bi kona laulauduneyedi. Taunana aubaina yà giukamaḡemi te emi dobuko potiyovo kamaḡe bi Babilon mulitaulinemo ko nawa.’
27235	ACT 7:50	Tagu mote mwali matabudi malamo bi dobumo nimagumo e voiyedi?’”
27356	ACT 10:28	Kamaina bi Pita i giuwedina gado, “Temi kona sibe te tama Diu ema waiḡake te Eteni lavedi vaitedi kamai ḡemotimai, ee lisidimo kama nawa. Bi geḡa te Maimaituwa i wailovegu, te mote yàmai noḡota gado, ‘Eteni lavedi ba lava milemiledi bi ani kitakamaḡa.’
27360	ACT 10:32	Lava ḡesaudi niganana kwa giukamaḡedi sa nawa Diyopamo, te lava isana Saimon sawai isana Pita sa giuwe te ya nato. Tana ba taomana bi Saimon musala kwapidi taukopedi vaitena sa miyamiya bi ena vanuwa ba nisa diyanemo.’
27383	ACT 11:7	Kamaina bi kalina malamo i giuweguna gado, ‘Pita ku moito, kwa vunudi bi kwa kanidi.’
27384	ACT 11:8	“Bi tagu e giuwena gado, ‘Mm Bada, geḡa ota! Tagu mote bamo musala milemiledi e kanidi, eete niganana.’
27385	ACT 11:9	“Bi kalina malamo i giu munaḡana gado, ‘Bai mwalina Maimaituwa i kaka visuvisuna mote kuma giuwe te milamilana.’
27390	ACT 11:14	Tana giu visuvisuna ya natome te tam bi em vanuwa lavedi matabumi ko yawasana.’
27392	ACT 11:16	Kamaina bi ḡome Bada bai i giugiuwena e noḡoti, ‘Diyon gauba otamo i waibulu bi temi kaka Aluwa Waiyawemo ko bulu.’