33	GEN 2:2	Tana kaikana ena noya i wai kovi bi laḡan wai 7-nemo ḡome tana i waiyawasi.
34	GEN 2:3	Bi Maimaituwa laḡan wai 7-na, i kavisuvisu te laḡan laukaina bi i voiye te waiyawa bi ani vivila, banina tana mwali matabudi i wai kovidi bi mba laḡannemo i waiyawasi.
162	GEN 7:2	Bi ḡamoḡamo visuvisudi oloolotodi bi waiwaivinidi iyevidi 7, bi kota ḡamoḡamo milemiledi oloolotodi bi waiwaivinidi kitedi tabudi bi tabudi kwai geludi.
163	GEN 7:3	Kota mwanuwa labulabuḡa, wapedi 7, kitedi tabudi bi tabudi kwai geludi. Niga kwa voiye te mwanuwa bi ḡamoḡamo yawayawasanidi, te muliḡa tedi sai natunatuna bi dobu sai wanavu.
164	GEN 7:4	Laḡan 7 mulinemo, tagu nabu yà giukamaḡe dobumo, te laḡan 40 bi dudubala 40 bi mwali miyemiyedi matabudi e voivoiyedina kabaitemo yài avalidi.”
303	GEN 12:4	Mba laḡannemo Ablam ena kwalabu 75 bi Bada i giuwe te Alan i gose bi i modina i nawa Keinan. Ablam, mwanena Salai, madiyana Loti, ediya taubagibagi, edi pulapula bi edi ḡamoḡamo matabudi vaitedi a nawa.
1086	GEN 37:2	Niga ba Deikap ena dam edi titikuna. Diyousep tana ewali valivaliuna ena kwalabu 17 bi tana tuwatuwaḡana vaitedi sipu a labelabedi. Mba libilibidi tedi Deikap mwanemwanena Bila bi Silpa natunatudi. Bi Diyousep tuwatuwaḡana gebogebo baibaiḡa a voivoiyedina, tamana i giuwe.
1198	GEN 41:2	Bi i wai kita te kau 7 pwatepwatedi gauba noponemo a lovotava te ḡawaḡawa kanidi ai tubu.
1199	GEN 41:3	Kota mulidimo kau 7 ligeligedi Naelo gaubina noponemo a lovotava bi edi lava diyedimo a moito.
1201	GEN 41:5	Ḡalibona matana i yaune bi i kena munaḡa te lauboni ḡesau i kita. Peḡapeḡa kaina ḡemota bi modonemo banina 7 visuvisudi i kitedi.
1202	GEN 41:6	Mulinemo kota peḡapeḡa kaina ḡemota bi banina 7 i sivudi. Niga peḡepeḡedi kaidi yavala i suve waiwelaidi.
1203	GEN 41:7	Peḡapeḡa welawelaidi a tapipila te peḡapeḡa visuvisudi 7 a gudedi. Kamaina bi ḡalibona i kenamoito bi i giuna gado, “Pai, niga gode e laulauboni.”
1222	GEN 41:26	Kau pwatepwatedi 7 kuna kitedina ba kwalabu 7 bi peḡapeḡa banidi visuvisudi 7 kuna kitedina ba kwalabu 7. Niga laubonidi labu banidi ba maula kuna kita.
1223	GEN 41:27	Bi kau ligeligedi muliḡa gaubemo a lovolovotavana bi peḡapeḡa yavala i suvesuve wai welaidina ba muliḡa gomala kwalabu 7 nopodimo.
1225	GEN 41:29	Bi kwalabu 7 nopodimo ba Idip dobuna matabuna ya maula.
1226	GEN 41:30	Bi mulinemo kota kwalabu 7 nopodimo gomala dididiga ya tubuḡa. Mba saugidimo maula noḡotidi sa laukava banina gomala Idip dobuna ya ka lolalola.
1230	GEN 41:34	Bi tam kota waibabada ḡesaudi kwa vinedi te tedi kwalabu 7 nopodimo kani sai damdi te dubu 5 bi dubu wai 5-na ba kalaḡi sa sako bi sa labe kauwe.
1243	GEN 41:47	Kwalabu 7 nopodimo mba dobunemo maula i dabalala.
1249	GEN 41:53	Kwalabu 7 nopodimo Idipmo maula i nuwayebusi.
1250	GEN 41:54	Bi kota kwalabu 7 nopodimo gomala i wai tubu, Diyousep i giugiuwena mainana. Bi dobu matabuna gomala i nawa yaḡosi. Bi Idip taunaḡa ba maula i kenakena.
1538	EXO 1:5	Deikap ena tubulelesa wapana matabuna 70. Bi Diyousep tana kaikana i doli te Idipmo.
1832	EXO 12:15	Bada i giuna gado, “Laḡan wapana 7 nopodimo buledi muu'a vaitena koma kani. Mba soina laḡanna ko waitubuna muu'a matabudi emi vanuwemo koi naḡasedi. Aiyai bi i kanina ba tana mote egu lava Islael nopodimo ima miya.
1948	EXO 15:27	Bi tedi a tava dobu isana Elim, ḡome tovosa wapedi 12 doḡa noponemo a laulaupusuwali saḡa bi gogoka kaidi wapedi 70 pakedimo gauba diyanemo a lauḡalavu.
1974	EXO 16:26	Laḡan 6 nopodimo kani ko laitupa bi wai 7-na ba waiyawasi laḡanna, mote kaka bai koma banavi.”
1975	EXO 16:27	Bi laḡan wai 7-nemo lava ḡesaudi a nawa te maso kani a laitupa bi geḡa te kani mote a banavi.
2062	EXO 20:10	bi laḡan wai 7-na e vine te tagu Bada emi Maimaituwa lisigumo koi yawasi bi mote aiyai ima noya. Temi, natunatumi, emi taupaula oloolotodi bi waiwaivinidi, emi ḡamoḡamo bi tautavatava matabudi lisimimo sa miyamiyana ba mote sima noya.
2063	EXO 20:11	Banina tagu Bada laḡan 6 nopodimo galewa, dobu bi nisa nopodimo mwali matabudi e voiyedi. Bi laḡan wai 7-nemo ei yawasi bi niga laḡanna e kavisuvisu bi e voiye te laḡan waiwaiyawina.
2194	EXO 24:16	Bi Bada namalina i yovo Sainai oyana dabanemo bi giyou i kenana eete laḡan 6 a kovi. Bi laḡan wai 7-nemo giyou noponaḡa Bada, Mousis i giuwe te ya nato lisinemo.
5114	DEU 7:1	Kamaina bi Mousis Islael lavedi i giuwedina gado, “Bada emi Maimaituwa ya nawenawemina mba dobunemo te ko vai bi koi taniwage. Bi temi aubaimi tana dobu matabudi 7 ya kagebogebodi, maibena mani Ḡiti, mani Gigasi, mani Amoli, mani Keinan, mani Pelisait, mani Ḡivait bi mani Debus. Niga dobudi a nanaka bi a ḡailisi gulata mote mai temi.
7247	1SA 2:5	Tedi mabai a noḡotidi te waikani guletidi ba niganana sa bayau gulata. Bi tedi mabai a noḡotidi te kanikanipekidi ba niganana mote kani sima peki. Bi waivini aiaipoina ba libilibi 7 sa bewedi, bi tana libilibi wapawapa i bewebewedina ba niganana taunaḡa ya miya.
7428	1SA 10:8	“Bi kwa gei nawa Gilgal malagainemo bi tagu ḡome yà banavim te ḡamoḡamo yài pekidi bi yà gabudi lausewasewa aubaina Maimaituwa lisinemo. Bi ḡamoḡamo ḡesaudi ba kaniḡemota aubaina yà vitem. Laḡan 7 nopodimo tam ḡome kwai laba te tagu yà tava, kaka yà giuwem te bai kwa voiye.”
7607	1SA 16:10	Kamaina bi Diyesi natunatuna 7 i giuwedi a nawa Samuwel lisinemo. Bi Samuwel, Diyesi i giuwena gado, “Bada mote bamo niga ewaewalidi nopodimo ḡesauna i vine.”
8307	2SA 12:18	Laḡan wai 7-na mulinemo gomana i peki bi Deivida ena taupaula tana tainuwatauna a naile bi a giuna gado, “Gomana yawayawasaninemo tada Deivida te giugiuwena mote kalinada i vaivaiye, niganana gomana i peki bi bainewa ta tainuwatau, taunaḡa imai peki munaḡe?”
8783	1KI 2:10	Laḡannemo ḡalibona Deivida mamiyanemo tana Islael lavedi i waibadaedi. Bi dolinemo ba kwalabu 7 Ḡiblon tauninemo i gei miya bi muliḡa kaka kwalabu wapana 33 Yelusalemmo i miya. Bi tana kwalabu 40 Islael lavedi i waietadoliyedi. Bi i peki te tamatamana diyedimo a dobo Yelusalemmo.
9114	1KI 11:3	Ḡalibona Solomon mwanemwanena 700 ḡalibona damdimo a tubutubuḡana bi waivini 300 ba enaya a paupaula te i naḡidi bi niga waiwaivinidi a voiye te Bada ena Maimaituwa i ḡose kamaḡe.
9387	1KI 18:43	Ḡome ena taupaula i giuwena gado, “Kwa nawa bi nisa yawaninaḡa kwai kita nawa.” Kamaina bi ena taupaula i nawa bi nisa yawaninaḡa i waikita nawa bi i nato munaḡa te i giuna gado, “Tagu mote bai yà kita.” Elaidiya mala 7 ena taupaula i giuwe, te ya nawa yai kita.
9388	1KI 18:44	Bi nawa wai 7-nemo ena taupaula i tava munaḡa bi i giuwena gado, “Yada ḡaubona e kita, kitana mai lava nimana nisaḡa i saḡasaḡa.” Kamaina bi ena taupaula i giuwena gado, “Kwa nawa bi Aḡab kwa giuwe, te ena seliotmo ya gelu bi ya munaḡa makai muliḡa kaka nabu ya miyagudu.”
9408	1KI 19:18	Bi Islael lavedi 7 tausan mabai mote Bal a lauduneyedi bi aluwidi mote ai suluvedi, tedi ba sa miya.”
9661	2KI 5:10	Bi Elisa giu i giukamaḡena gado, “Kwa nawa bi Diyoudan gaubinemo mala 7 kwa asiwa. Bi tunim ya visuvisu bi kwa yawasana.”
9665	2KI 5:14	Taunana aubaina Naman i nawa Diyoudan gaubinemo bi mala 7 i asiwa maibena Maimaituwa taugiuwatana i giugiuwena mainana. Kamaina bi Naman tunina i nuwa yaḡosi maibena gomana tunina bi i yawasana munaḡa.
12019	2CH 36:21	Laḡannemo Islael lavedi edi dobumo a miyamiyana ba mote bamo kwalabu ḡemota doḡa a kitakamaḡe i wai yawasi lubu. Taunana aubaina laḡannemo a pani nawedi Babilonmo ba mulidimo kwalabu 70 nopodimo mba doḡana i waiyawasi, maibena taugiuwatana Delimaiya i giugiuna luvanemo.
12103	EZR 3:1	Islael lavedi a tava munaḡa bi edi tauniḡa a miya nawa bi nawalai wai 7-nemo lava matabudi a nato Yelusalemmo ai ḡemotidi.
12498	NEH 8:1	Bi nawalai wai 7-na pakanemo Islael lavedi matabudi debamo ai ḡemotidi, Gauba Mataetina matanemo. Waiḡake tauwailovelovena Esla a giuwe te Bada ena waiḡake Mousis i vitevitena Islael lavedi aubaidi ya vai natome. Kamaina bi pilisi Esla waiḡake bukana i vai natome lava kumna, babada, vesavesala bi libilibi giu vaivaiyedi lisidimo.
12875	JOB 1:2	Bi natunatuna oloolotodi wapedi 7 bi waiwaivinidi faiona,
12876	JOB 1:3	bi ena sipu ba 7,000, kamelo 3,000, bulumakau 500 bi donki waivinidi 500. Bi ena taupaula wapawapa bi aibeu yawaninemo ba tana taunaḡa i waiguyau gulata.
12908	JOB 2:13	Bi doḡamo vaitena a miyana ba laḡan 7 bi dudubala 7. Mote aiyai bai i giuwe lisinemo banina a kita te i wai nuwatoi gulata.
12909	JOB 3:1	Diyoba ena lava vaitedi a miyana laḡan 7 mulidimo, kaka Diyoba gagali i waitubu, ena tubuḡa laḡanina i laupaliibe.
13934	JOB 42:8	Kamaina te kau oloolotodi 7 bi kota sipu oloolotodi 7 bi ko nawa egu taupaula Diyoba lisinemo bi emi sewasewa ko gabudi. Bi egu taupaula Diyoba aubaimi ya laupali bi bai aubaimi yai baḡaena ba mainana yà voiye te emi ai giugiu yà noḡotikamaḡedi. Bi tagu mote yàma kovoḡimi banina temi mote giukauwa ko giuwe maibena egu taupaula Diyoba.”
13939	JOB 42:13	Bi kota natunatuna oloolotodi 7 bi waiwaivinidi faiona i vite.
15453	PSA 90:10	Bi tama dobumo ka miyana kwalabu 70, bamoda lava i miya ḡaiḡailisina ba 80 ya vai, bi nopodimo yavi bi wainuwatoi ka banabanvidi, bi mote kama miya wailofa te ka pekipeki.
16709	PRO 9:1	“Nuwauyauya tana maibena waivini, ena vanuwa i ḡala, bi yasina duḡu 7 i waimoitodi.
24574	MRK 8:5	Bi Yesu i wai talayedina gado, “Temi lisimimo buledi visa sa kenakena?” Bi tedi a giuwena gado, “Wapedi 7.”
24575	MRK 8:6	Kamaina bi Yesu lava kumdi i giuwedi doḡamo a miya. Tana buledi 7 i tanodi bi Maimaituwa i wai ebone bi i kividi bi ena tauwaikaiwatana i vitedi, te a soiyedi.
24577	MRK 8:8	Lava a kani te a kani nonoḡa. Bi ena tauwaikaiwatana kani pusepuselidi a laitupa bi po'a 7 ai wanavudi.
24589	MRK 8:20	“Bi tagu buledi 7 e kividi bi lava 4 tausan a kani bi kani puselidi kona laitupa bi po'a visa konai wanavudi?” Tedi a giuna gado, “Po'a 7.”
24762	MRK 12:20	Mai maso olooloto 7 bi tautuweḡina i naḡi te i peki bi natunatuna geḡa.
24764	MRK 12:22	Mba olotodi wapedi 7 waivinina a naḡi bi kauwina ḡemotina lisidimo i tubuḡa bi a peki kovi mote natunatudi bi waivini muliḡa i peki.
24765	MRK 12:23	Kenamoito sauginemo male aiyai mwanena mba waivinina, oloto wapedi 7 a naḡinaḡina?”
24951	MRK 16:9	Kamaina bi Sande olaolalemo Yesu pekimo i kenamoito bi Meli Magdalin lisinemo i gei laumaḡata. Niga waivinina wala lisinemo aluwa gebogebodi wapedi 7 i kwavivaidi.
27173	ACT 6:3	Taunana aubaina, ema lava waisumeḡimi ko kita te olooloto 7 sibe lavedi bi Aluwa i waiwai wanavudina ko vinedi te tama niga noyana ka vitedi te sai badaye.
27176	ACT 6:6	Tauwaisumaḡa niga oloolotodi 7 ai doli natomedi giugiukamaḡedi lisidimo. Bi giugiukamaḡedi nimedi olooloto 7 dabedimo a sivudi te a laupali.
27199	ACT 7:14	Diyousep tamana Deikap bi ena vanuwa lavedi wapedi 75 edi giu i giukamaḡe te sa nato Idipmo.
27450	ACT 13:19	Tana dobu wapana 7 Keinan noponemo lava i ḡosedi bi dobudi ena lava Islael i vitedi te sai taniwagaye.
27668	ACT 19:14	Niga kauwina ba Diu edi pilisi saḡasaḡa guletina isana Sikiva natunatuna oloolotodi wapedi 7 niga kauwina a voivoiye.
27700	ACT 20:6	Bi buledi tabatabana mote muu'a vaitena soina i kovi, tama kukakukamo ke gelu i Filipai taunina ke ḡose. Laḡan 5 mulidimo ke tava ema lava lisidimo Tolas tauninemo, ḡome vaitedi ke miya te laḡan 7 a kovi.
27736	ACT 21:4	Ḡome tauwaikaiwatana ke banavidi bi laḡan 7 vaitedi ke miya. Tedi Aluwa ena mayavaimo Pol a giuvavasaḡe te mote ima nawa Yelusalemmo.
27740	ACT 21:8	Bokina mainana olaolalemo ke modina munaḡa te Seseliyamo ke tava. Bi ḡome ba Filip giu visuvisuna taulauguguyena ena vanuwemo ke miya, Filip ba wala tauwaisagu 7 a vinevinedina nopodimo ba tana ḡemota.
27758	ACT 21:26	Bokinamai Pol mba oloolotodi i legaudi bi a kuvesi munaḡedi. Ḡome tedi a nawa pali vanuwina noponemo bi Pol pilisi i giuwedina gado, niganana giuwapa laḡanina i tubuḡa. Bi laḡan 7 mulidimo tada ḡemoḡemotaḡa kavisuvisu puyona ta tavaitedi.
27759	ACT 21:27	Laḡan wai 7-na nuwana kovi, Diu lavedi ḡesaudi Eisiya plovinsnaḡa tavetavedi. Tedi Pol pali vanuwina noponemo a kita bi ḡome lava a kanuwa medimedidi te maso Pol a kaididi. Tedi mainana a giuna banina dolinemo Pol bi Tolofimas a kitedi Yelusalem tauninaḡa a nawanawa. Bi tedi ai noḡoti bena Pol Tolofimas i dolinawe pali vanuwinemo. Bi kalinedi dididiginemo a giuna gado, “Islael lavemi, ko sagumai! Niga olotona dobu matabuna i nawa bi lava i wailovelovedi te Diu edi waiḡake mote sima kaiwatedi. Bi tana giumo pali vanuwina i kakagebogebo. Bi ḡesaunemo ba Gulik lavedi i saḡedi pali vanuwina ganakukunemo bi gabu waiyawa i kaka milamila.”
27825	ACT 23:23	Bi tauwaiḡaviya edi bada dididigina bi tauwaiḡaviya babada labu i yogedi bi i giuwedina gado, “Tauwaiḡaviya 200 ko tanodi bi ko nawa Seseliya. Bi kota osi tauvelauyedi wapedi 70 bi pawasimo tauwaiḡaviya wapedi 200, ko vononoḡa bi mateya 9:00 dudubalemo ko modina Seseliya.
27960	ACT 27:37	Bi wagamo lava wapamai ba 276.
27981	ACT 28:14	Ḡome ba valevaletimai tauwaisumaḡa ke banavidi bi a giuwemai te vaitedi ke miya te laḡan 7 a kovi. Muliḡa kaka ke nawa Loum.