11	GEN 1:11	Bi kota Maimaituwa i giuna gado, “Doḡamo ḡawaḡawa, pesi poudimo bi banidimo dugedugedi bi kai votevotemi tabudi bi tabudi ko tubuḡa.” Bi mainana i tubuḡa.
74	GEN 3:18	Doḡamo ḡawaḡawa waigedegedelidi sa duga bi kani sa lauwalowalo, tam male kamya kanigidava.
147	GEN 6:9	Nowa natunatuna oloolotodi faiona, isedi ba Sem, Ḡem bi Diyeifeti. Nowa tana lava didimanina laḡan matabuna, tana Maimaituwa vaitena a miyamiya nonoḡa.
206	GEN 8:22	“Dobu bainewa ya kena watana, wadi bi vililubu, bodubodu bi kailavusa, suwala bi nabu, laḡan bi dudubala, mote sima kovi.”
209	GEN 9:3	Dolinemo kanigidava e vitemi. Bi niganana mwali miyemiyedi vaitedi ko kanidi.
268	GEN 11:1	Dolinemo lava matabudi dobumo kalina ḡemota a giugiuwe.
329	GEN 13:10	Loti i wai kita nawa bi wapu visuvisuna i kita Diyoudan gaubina diyanemo bi matana i nawa te Diyowa malagaina palatina. Bi kota gauba wapewapedi i kitedi bi kota doḡa visuvisuna maibena Bada ena daibi Idenmo e maibena Idip doḡana Sodom diyanemo. Mba laḡannemo Bada yaḡolo mote malagai Sodom bi Gomola i kovoḡidi, muliḡa kaka i kovoḡidi.
330	GEN 13:11	Kamaina bi, Diyoudan wapuna tabutabuna i wailogo bi i lauḡonaḡona te suwala ani lovotava yawaninaḡa i nawa, niga mainana kauwinemo Ablam ma madiyana Loti ai yamonedi.
331	GEN 13:12	Ablam Keinan doḡanemo i miyatulu bi Loti tana Sodom malagaina diyanemo ena palai i sako saḡe bi i miyatulu, Diyoudan wapunemo.
351	GEN 14:14	Laḡannemo Ablam i vaiye te madiyana Loti a pani. Tana ena tauwaiḡaviya wapedi 318 i wai ḡemotidi ena ḡalavumo bi ḡalibona wapedi 4 a kwavi watedi te Den malagainemo a tavaitedi.
352	GEN 14:15	Ḡome ena tauwaiḡaviya i dailidi edi dubuḡa bi dudubalemo edi ḡaviya a yovoḡedi bi a kwavidi a nawedi te Ḡobamo a tavaitedi. Ḡoba ba Damaskas kavalinemo,
363	GEN 15:2	Ablam Bada ena giu i waimunena gado, “Bada, egu bada, tagu mote yài natuna bi bainewa em puyo ya sagugu. Tam mote gomana ku vitegu bi laḡannemo tagu yà pekina ba egu taubagibagi isana Eliyesa Damaskas lavana, egu waiguyau matabuna ya vai.”
473	GEN 19:15	Dobu ma wai dudubalina, aneya Loti a lauegeli, a giuna gado, “Mote i visu te ko peki laḡannemo Bada malagai ya kovokovoḡi. Kwai papalana te mwanem, natunatum waiwaivinidi kwai dolidi te ko velau ko nawa.”
481	GEN 19:23	Suwala i lovolovo tava bi Loti ena vanuwa lavedi vaitedi Diyowamo a tava.
685	GEN 25:26	Muliḡa gomana tautasi i tubuḡa bi nimana i pwalaḡe te tuwaḡana kaḡeiwakiduna i kaididi te bagibagina. Taunana aubaina tana ai isana Deikap. Aisik ena kwalabu 60 i vai bi Lebeka i wai natuna.
686	GEN 25:27	Mba libilibidi a nananaka bi Iso tana tau tupatupali bi mote palaimo i miyamiya gausi. Bi Deikap tana lava vovoyaḡotina bi laḡan matabuna palaimo i miyamiyaboni.
687	GEN 25:28	Bi Aisik tana Iso nuwana i vai kauwe banina Iso laḡan matabuna musala i vunudi bi tamana i kanikani. Bi Lebeka natuna Deikap taunaḡa i ḡoeḡoe kauwe.
688	GEN 25:29	Laḡan ḡemota Deikap gulewemo gwadai i ḡiu bi i miyamiya. Kamaina bi Iso i bababala nawana i tava. Bi tana kani i peki kauwa.
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
690	GEN 25:31	Bi Deikap ena giu i waimunena gado, “Mba kamaina bi dolinemo em budelimo niga kanina kwa gimeli, kaka yà vitem.”
692	GEN 25:33	Bi Deikap i giuwena gado, “Dolinemo kwa gei giuvavasaḡegu te em budeli kwa vitegu, kaka kani yà vitem.” Ḡome Iso, Deikap lisinemo i giuvavasaḡa bi ena budeli kani aubaina i kune kamaḡe.
693	GEN 25:34	Ḡome Deikap buledi bi gwadai i tala bi Iso i vite. Tana i kani, i tego bi i miya moito te i nawa. Iso niga kauwinemo ena budeli i daboke.
775	GEN 28:1	Aisik, Deikap i yoge, i kavisuvisu bi i giuwena gado, “Keinan waivinina mote kuma naḡi.
784	GEN 28:10	Deikap Biyasiba i gose bi Alan yawaninaḡa i nawa.
790	GEN 28:16	Deikap laḡannemo i kenakena moito ba i giuna gado, “Bada gode niga ḡome ya miyamiya bi tagu mote e sibe.”
792	GEN 28:18	Olaolala kaikana Deikap i kena moito bi ḡakima i wai kunuwanayena i vai bi mataila i waigwaliḡe bi masi i vai te dabanemo i ḡini, te mba gabuna i waila waiyawa, Maimaituwa taunaḡa aubaina.
793	GEN 28:19	Deikap mba gabuna i wai isana Betel, wala a wai isana Lus.
794	GEN 28:20	Kamaina bi Deikap Maimaituwa lisinemo i giuwapana gado, “Bamoda tam tagu vaitegu bi egu babalemo kwa labe kauwegu bi kani kwa vitegu yà kani bi gala kwa vitegu yà kote,
1021	GEN 35:9	Deikap Padan-Alan i gose kamaḡe bi i nawa Betelmo i tava munaḡa bi Maimaituwa tana lisinemo i laumaḡata bi i kavisuvisu.
1022	GEN 35:10	Bi Maimaituwa Deikap i giuwena gado, “Isam ba Deikap, niganana isam e vitale, sai isamna Islael mote Deikap.” Ḡome Maimaituwa Deikap i wai isana Islael.
1026	GEN 35:14	Bi Deikap bamo gabunemo Maimaituwa vaitena a waigiugiuna ḡome tana matila ḡakima i wai moito, kaka bi Maimaituwa ena puyo waen bi oela i ḡakimina dabanemo i ḡini.
1027	GEN 35:15	Maimaituwa bamo modomodonemo i giugiuyovo Deikap lisinemo mba gabuna i waiisana, “Betel.”
1032	GEN 35:20	Leitsel a dobo bi dabanemo Deikap mataila ḡakimina i wai moito bi niganana mainana ya moimoito. Deikap natunatuna ba matabudi 12:
1035	GEN 35:23	Deikap natunatuna Liya bwaganemo a tubuḡana ba Lubin tana tautuweḡina, Simiyon, Livai, Diuda, Isaka bi Sebulon.
1036	GEN 35:24	Bi Leitsel bwaganemo ba Diyousep bi Bendiman.
1037	GEN 35:25	Bi Leitsel ena taupaula Bila natunatuna ba Den bi Neptali.
1038	GEN 35:26	Bi Liya ena taupaula Silpa natunatuna ba labu, Ged bi Ase. Niga matabudi ba Deikap kaḡenemo a tubuḡa Padan-Alanmo bi Bendiman taunaḡa dobunemo i tubuḡa.
1039	GEN 35:27	Deikap i nawa tamana Aisik lisinemo i tava Mamlemo, dobu Kiliat-Alaba mba taunana Ḡiblon. Mba ḡome dolinemo Eiblaḡam ma natuna Aisik tautavatava a miyamiya.
1041	GEN 35:29	bi tana i magula kauwa bi i peki te ena magumagula pekipekidi vaitedi ai ḡemotidi. Bi natunatuna Iso bi Deikap a dobo.
1085	GEN 37:1	Deikap tamana wala Keinanmo i miyamiya bi tana kota ḡome i miya.
1086	GEN 37:2	Niga ba Deikap ena dam edi titikuna. Diyousep tana ewali valivaliuna ena kwalabu 17 bi tana tuwatuwaḡana vaitedi sipu a labelabedi. Mba libilibidi tedi Deikap mwanemwanena Bila bi Silpa natunatudi. Bi Diyousep tuwatuwaḡana gebogebo baibaiḡa a voivoiyedina, tamana i giuwe.
1087	GEN 37:3	Deikap, Diyousep i wai nuwavai kauwe mote mai natunatuna ḡesaudi. Banina Deikap i wai magula bi Diyousep i tubuḡa. Taunana aubaina Islael Diyousep puyo i vite: Kwama kulina waimatakanikanina.
1088	GEN 37:4	Bi natunatuna tautautuwaḡa a kita te tamedi ba Diyousep taunaḡa i ḡoeḡoe kauwe. Ḡome tedi tasidi a wai ḡinane bi lisinemo a giugiu ḡasiḡasi.
1089	GEN 37:5	Dudubala ḡemota Diyousep tana lauboni i kita. Bi laḡannemo mba laubonina tuwatuwaḡana i giugiuwedi ba, tedi tana a daboke otiye.
1096	GEN 37:12	Laḡan ḡemota Diyousep tuwatuwaḡana tedi a nawa Sekemmo tamedi ena ḡamoḡamo au labedimo.
1097	GEN 37:13	Bi Deikap natuna Diyousep i giuwena gado, “Tagu yà ḡoeḡoena tam, kwa nawa Sekemmo tuwatuwaḡam ḡamoḡamo sa labelabedina lisidimo.” Bi Diyousep tamana i giuwena gado, “Kamaina yà nawa.”
1098	GEN 37:14	Kamaina bi Deikap i giuwena gado, “Kwa nawa bi tuwatuwaḡam bi ḡamoḡamo kwa kitedi, tedi kamaina ee geḡa? Bi kwa nato te kwa giuwegu.” Kamaina bi tana Ḡiblon wapunemo bi i nawa Sekem. Bi laḡannemo Diyousep Sekemmo i tavatava
1100	GEN 37:16	Bi Diyousep ena giu i waimunena gado, “Tagu tuwatuwaḡagu ya tavutavuḡedi. Kamaina ee geḡa te maso kuna giuwegu bamo ḡome tedi ḡamoḡamo sa labelabedi?”
1101	GEN 37:17	Kamaina bi oloto ena giu i waimunena gado, “Tedi kage niga ḡome bi kaikana a nawa. Tagu e vaiyedi a giuna gado, ‘Tama ka nawanawa Dotan.” Kamaina bi Diyousep tuwatuwaḡana i kaiwatedi te Dotan diyanemo i banavidi.
1102	GEN 37:18	Bi muliḡa kaka Diyousep tedi lisidimo ya tava bi tedi a wai kita te manekemo a kita. Kamaina bi tana kana pota a yesi bi a ḡoeḡoena maso a vunu.
1104	GEN 37:20	Tai peki bi gauba domna ḡemota noponemo ta pwalaḡe yovoḡe. Kamaina bi ta nawa tamada ta tainuwatau te Diyousep ba gunuwala ḡamoḡamodi a vunu. Kamaina bi ta kita te ena laubonidi banidi sa tubuḡa e geḡa.”
1105	GEN 37:21	Laḡannemo Lubin edi giu i vaivaiye ba tana Diyousep waiyawasanina noḡotina noponemo i saḡa bi i giuwedina gado, “Egu lava, mote ena yawasana tama bwali.
1106	GEN 37:22	Bi gauba domna kavakavana noponemo ta pwalaḡe yovoḡe. Bi mote bai gebogebona lisinemo tama voiye. Bi niga ḡome mote kwasinina ima tosi.” Lubin mainana i giuna banina tana noponemo oga i talatalaḡi te muliḡa maso Diyousep i wai yawasani bi i giukamaḡe tamana lisinemo.
1107	GEN 37:23	Kamaina bi laḡannemo Diyousep tuwatuwaḡana lisidimo i tavatava, tedi a laulaupotina tana ena kwama kulikulina waimatakanikanina i kotekotena a lisi kamaḡe.
1109	GEN 37:25	Diyousep dom noponemo mai i miyamiya bi tedi a miya a kanikani bi a wai kita te Ismael lavedi a kitedi a yovoyovo. Tedi Giledmo a modina bi a nawanawa Idipmo. Bi edi kamelo dabedimo kani anitai panepanedi bi bunama tabudi bi tabudi ai geludi bi a yovoyovo.
1110	GEN 37:26	Kamaina bi Diuda tuwatuwaḡana i giuwedina gado, “Bamoda tasida tai peki bi ena peki tai malimaliuwena, ba yaḡolo damonemo bai ta banavi?
1112	GEN 37:28	Bi laḡannemo tauwaikunekune a tavatava, Diyousep tuwatuwaḡana tana dommo a solu saḡe bi mane siluva 20 luvana mai a gimalaye, Ismael lavedi lisidimo. Bi tedi ai doli nawe Idipmo.
1113	GEN 37:29	Bi laḡannemo Lubin dommo i tava bi i kita te Diyousep mote ḡome, tana i wai nuwaboya kauwa bi ena gala i lisidi.
1115	GEN 37:31	Kamaina bi tedi gouti a vunu bi kwasininemo Diyousep ena kwama ai kwasini.
1117	GEN 37:33	Deikap gala i kitakita, ba i wai nuwaboya kauwa bi i giuna gado, “Aiyoi, mba natugu ena kwama. Bodu ḡamoḡamodi ḡasiḡasidi natugu a vunu bi a lisi waidabalali.”
1118	GEN 37:34	Kamaina bi Deikap ma nuwaboyana ena gala i lisidi bi gala yadiyadidi i kotedi bi laḡan wapewapedi nopodimo i ḡaba gulata.
1119	GEN 37:35	Bi ḡome tana natunatuna oloolotodi bi waiwaivinidi a tava tamedi lisinemo bi giumo a kaka nuwauba. Bi tana yaḡolo i daboka kauwa bi i giuna gado, “Tagu natugu nuwaboyana kamaina te yà ḡaba peki.” Kamaina bi Islael natuna Diyousep aubaina i ḡaba gulata.
1151	GEN 39:1	Bi Idip lavana isana Potipa tana Ismael lavedi lisidimo Diyousep i gimeli bi i nawe ena vanuwemo. Potipa tana tauyava edi bada bi Idip ḡalibonana ena waibada gabulinemo i noyanoya.
1152	GEN 39:2	Bi Diyousep ena yawasanamo Bada tana vaitena bi mwali matabudi i voivoiyedina ba didimanidi a tubutubuḡa. Bi Idip lavana Potipa ena vanuwemo i miyamiya.
1153	GEN 39:3	Ḡome Potipa Diyousep i kita te Bada tana vaitena bi bai matabudi i voivoiyedina ba didimanidi a tubutubuḡa.
1155	GEN 39:5	Diyousep dabanemo, Potipa ena vanuwa lavedi, vanuwa ḡoneḡonedi matabudi bi edi daibimo mwali matabudi Bada i kavisuvisudi.
1156	GEN 39:6	Kamaina bi Potipa mwali matabudi Diyousep nimanemo i sivudi te ya kitawatedi bi Potipa tana ya miya bi ya kani ota. Bi Diyousep ba ewali laukaina bi ḡaiḡailisina.
1157	GEN 39:7	Bi mote lofana te Potipa mwanena Diyousep i kita olotoe bi i wai baḡa te maso vaitena a kena.
1158	GEN 39:8	Bi Diyousep i daboka bi waivini i giuwena gado, “Tagu egu bada mote bai ḡesau ima wainuwaboyae bi mwali matabudi i wai taniwagaedina tagu nimagumo i sivudi te yai badaedi.
1160	GEN 39:10	Potipa mwanena laḡan matabuna Diyousep i laulau yaviyaviye te maso vaitena a kena. Diyousep tana i dabodaboka bi mote diyanaḡa i nawanawa.
1161	GEN 39:11	Kamaina bi laḡan ḡemota Diyousep i nawa vanuwemo noya aubaina bi ḡome mote taupaula ḡesauna vanuwa noponemo i miyamiya.
1162	GEN 39:12	Ḡome Potipa mwanena Diyousep ena gala dabanemo i kotekotena kaididi bi i giuwena gado, “Kwa nato ta kena!” Bi Diyousep i daboka bi i naila vanuwa i lau potiyovo kamaḡe. Bi Potipa mwanena Diyousep ena gala i solu kamaḡe bi i kaididi.
1166	GEN 39:16	Ḡome waivin Diyousep ena kwama i kaikaididina eete mwanena i tava munaḡa.
1169	GEN 39:19	Sauginemo Diyousep ena bada tava ba mwanena i giuwena gado, “Kwai beyavaiya, em taupaula niga mainana lisigumo i kauwa.” Potipa nuwana i medi kauwa Diyousep lisinemo.
1170	GEN 39:20	Kamaina bi Potipa Diyousep i pani bi biliwelokomo i sako nawe, ḡalibona ena panipani lavedi a miyamiyanemo.
1171	GEN 39:21	Bi Bada tana Diyousep vaitena bi i laukivivisuvisuwe bi i labe kauwe. Taunana aubaina Diyousep kauwa visuvisudi biliweloko tauyavena lisinemo i voivoiyedi.
1173	GEN 39:23	Bi biliweloko tauyavena mote Diyousep i giu watawata banina Bada tana vaitena bi mwali matabudi i voivoiye kauwedi.
1176	GEN 40:3	bi tedi i panidi bi tauyava edi bada nimanemo i sivudi bi tauyava i legaudi te Diyousep bamo biliwelokonemo i miyamiyana ḡome i sivu nawedi.
1177	GEN 40:4	Bi biliweloko tauyavena edi bada Diyousep noya i vite te mba lavedi ya labedi. Tedi biliwelokomo a miya gulata.
1179	GEN 40:6	Laḡan i sako olaolalemo Diyousep i tava lisidimo bi i kitedi te tedi manuwaboyedi a miyamiya.
1180	GEN 40:7	Kamaina bi Diyousep i waitalayedina gado, “Bai aubaina niganana matemi a kuluva?”
1181	GEN 40:8	Bi tedi ena giu ai munena gado, “Tama ke lauboni bi aiyai ema lauboni banidi yaka maḡatidi?” Bi Diyousep i giuna gado, “Maimaituwa lisinemo ba ḡemoḡemotina te mba laubonidi banidi ya giuwaimaḡatidi. Emi lauboni ko giuwegu.”
1182	GEN 40:9	Kamaina bi waen tautegolubuna ena lauboni i gei giuwe Diyousep lisinemo, “Tagu egu laubonimo ba waen kaina e kita.
1185	GEN 40:12	Kamaina bi Diyousep tana i giuwena gado, “Em laubonina banina ba niga mainana: Kai lagalagana faiona kuna kitedina ba laḡan faiona.
1189	GEN 40:16	Laḡannemo taulaugabu i vaiye te Diyousep waen tautegolubuna ena lauboni banina i kamaḡati bi i vaiye te i visu kauwa ba tana Diyousep i giuwena gado, “Tagu kota e lauboni, te dabagumo ba buledi poedi faiona e ava'avala.
1191	GEN 40:18	Bi Diyousep i giuwena gado, “Po'a faiona kuna kitedina banina ba laḡan faiona.
1195	GEN 40:22	Bi buledi taugabuna tana i wai peki, maibena Diyousep lauboni i giugiuwena.
1196	GEN 40:23	Bi mba laḡannemo waen tautegolubuna Diyousep ena waibaḡa nuwana i yavuḡa bi mote i noḡoti lubu.
1210	GEN 41:14	Kamaina bi Diyousep ena giu i giukamaḡe te ma ḡemota biliwelokomo ai doli tavaite. Tana i wai ḡali bi ena gala visuvisuna i kote bi i tava ḡalibona lisinemo.
1212	GEN 41:16	Diyousep i giuna gado, “Mm bada, tagu mote ḡemoḡemotigu bi Maimaituwa ba ḡemoḡemotina bai kwa ḡoeḡoena ba ya giuwem.”
1221	GEN 41:25	Ḡome ḡalibona ena lauboni Diyousep i giuwe. Kamaina bi Diyousep ḡalibona i giuwena gado, “Ḡalibona, mba laubonidi labu kuna kitedina ba banidi ḡemota. Maimaituwa bai muliḡa ya voiyena taunana lisimmo i waimaḡati.