9	GEN 1:9	Kamaina bi Maimaituwa i giuna gado, “Gauba galewa dibunemo ko nato gabu ḡemota bi dobu ḡasaḡasalina ya laumaḡata.” Bi mainana i tubuḡa.
57	GEN 3:1	Bada Maimaituwa gunuwala ḡamoḡamodi i voiyedi bi mododimo mwata ba ḡamoḡamo wai kaikaiyovuna. Mwata waivini i waitalayena gado, “Giukauwa te Maimaituwa i giuwemi te kai matabudi daibi modonemo mote koma kanidi?”
200	GEN 8:16	“Gula ko potiyovo kamaḡe, tam, mwanem, natunatumi bi mwanemwanedi.
325	GEN 13:6	Gabu i ḡaubo bi ḡamoḡamo edi ani yaba mote ḡemoḡemotina te maso a miya ḡemota.
327	GEN 13:8	Kamaina bi Ablam Loti i giuwena gado, “Goma, tada ba lava ḡemota mote i visu te tada bi eda taubagibagi matabuda tai kagiu.
329	GEN 13:10	Loti i wai kita nawa bi wapu visuvisuna i kita Diyoudan gaubina diyanemo bi matana i nawa te Diyowa malagaina palatina. Bi kota gauba wapewapedi i kitedi bi kota doḡa visuvisuna maibena Bada ena daibi Idenmo e maibena Idip doḡana Sodom diyanemo. Mba laḡannemo Bada yaḡolo mote malagai Sodom bi Gomola i kovoḡidi, muliḡa kaka i kovoḡidi.
348	GEN 14:11	Ḡalibona wapedi 4 edi tauwaiḡaviya vaitedi a tava Sodom bi Gomola malagaidimo bi lava edi pulapula, kediya bi kota Ablam madiyana Loti vaitena a pani bi a nawedi.
356	GEN 14:19	Bi tana Ablam i kavisuvisu bi i giuna gado, “Giukauwa te Bada saḡasaḡa guletina, mala bi dobu tauvoiyedi, kauwa visuvisudi i voiyedi lisimmo.
357	GEN 14:20	Giukauwa Bada saḡasaḡa guletina i sagum te em ḡaviya ḡalibona 4 kuna lauyovoḡedi, taunana aubaina te ta kasaḡesaḡe.” Bi waiḡasiḡasi mulinemo Ablam pulapula i tanodi bi dubu 10 i sivudi bi dubu ḡemota Melkisedek i vite.
365	GEN 15:4	Bi Bada i giu munaḡena gado, “Geḡa, mba lavana mote em waiguyau ima vai, tam natuotim kaka em waiguyau ya vai.”
417	GEN 17:19	Maimaituwa i giuwena gado, “Geḡa mwanem yai natuna te gomana olotona ya bewa bi kwa isana Aisik. Bi tagu egu waianina yà voiyena tana bi ena tubulelesa lisidimo ya kena nonoḡa.
429	GEN 18:4	Gauba yà vai natome bi kaḡemi ko koḡedi bi kai pakanemo koi wagulu.
440	GEN 18:15	Sela i naila bi i valelena gado, “Tagu mote e gwai.” Tana i giuna gado, “Geḡa, tam kuna gwai.”
445	GEN 18:20	Kamaina bi Bada i moito vitale bi Eiblaḡam i giuwena gado, “Tagu e vaiye te waiwavu dididiga Sodom bi Gomola lisidimo.
448	GEN 18:23	Eiblaḡam i nawa Bada diyaotinemo bi i giuwena gado, “Giu kauwa te lava visuvisudi bi gebogebodi vaitedi kwa kovoḡidi?
450	GEN 18:25	Mba mote i visu. Mote kuma voiye. Tam mote lava visuvisudi bi gebogebodi vaitedi kumai pekidi, kauwina ḡemotina kwa voiye, lava didimanidi bi balebaledi lisidimo. Geḡa. Tam bena taulaididimana dobu matabunemo, ee? Tam bena kwa etale kauwemai.”
460	GEN 19:2	Bi tana i giuwedina gado, “Egu babada ko nato egu vanuwemo ko kena. Bi aubaimi yà noya te kaḡemi ko koḡedi bi bokina olaolalemo kaka ko nawa.” Bi tedi a giuna gado, “Geḡa, tama aniwaḡemota gabunemo ka kena.”
482	GEN 19:24	Kamaina bi Bada malamo ḡakima vavavanina bovabovana i voiye te i laubulilina mai nabu, Sodom bi Gomola malagaidi dabedimo.
560	GEN 22:12	Bi tana i giuna gado, “Gomana mote tuninemo bai kuma voiye. Tagu niganana e sibe te tam Maimaituwa kwa nainaile bi kwa vovoteyeteye banina tam natum ḡemota bi mote ku nuwevi.”
684	GEN 25:25	Gomana gei tubuḡina ba tunina sabasabana bi wai kolokolona maibena balaigesi. Taunana aubaina tana ai isana Iso.
694	GEN 26:1	Kamaina bi gomala ḡesau i tubuḡa maibena wala Eiblaḡam ena saugemo i tubutubuḡana. Taunana aubaina Aisik i nawa Gelamo Filitiya ḡalibonana Abimelek ena ani miyamo.
699	GEN 26:6	Kamaina bi Aisik Gela dobunemo i miya.
1038	GEN 35:26	Bi Liya ena taupaula Silpa natunatuna ba labu, Ged bi Ase. Niga matabudi ba Deikap kaḡenemo a tubuḡa Padan-Alanmo bi Bendiman taunaḡa dobunemo i tubuḡa.
1109	GEN 37:25	Diyousep dom noponemo mai i miyamiya bi tedi a miya a kanikani bi a wai kita te Ismael lavedi a kitedi a yovoyovo. Tedi Giledmo a modina bi a nawanawa Idipmo. Bi edi kamelo dabedimo kani anitai panepanedi bi bunama tabudi bi tabudi ai geludi bi a yovoyovo.
1252	GEN 41:56	Gomala dobu matabuna i nawa yaḡosi bi i ka gebogebo. Taunana aubaina Diyousep kani vanuwina i kaikamaḡe bi wai kunekune i wai tubu Idip lavedi lisidimo.
1369	GEN 45:10	Tam natunatum bi itaitam vaitedi emi sipu, emi gouti bi emi ḡonaḡona matabudi ko yovo te Gosen dobunemo diyagumo ko miya.
1415	GEN 46:28	Laḡannemo Gosen diyanemo a tavatava ba Deikap Diuda i gei giukamaḡe Diyousep lisinemo bi i giuwe te Gosen etanemo ya labedi.
1416	GEN 46:29	Diyousep seliot i vononoḡe bi dabanemo i gelu bi i nawa Gosenmo tamana i banavi. Laḡannemo tamana vaitena ai taubanava, Diyousep tamana i labavai te i ḡabe gulate.
1471	GEN 48:19	Bi tamana mote i waianine bi i giuwena gado, “Natugu e sibe bai yà voivoiye. Gomana tautasi ena waibada ya didiga gulatana kaka tautuwaḡa. Ifleim yai natuna bi ena tubulelesa ya didiga. Bi gomana tautuwaḡa kota mainana yai lava dididiga bi ena dam ya didiga.”
1537	EXO 1:4	Den, Neptali, Ged bi Ase.
1932	EXO 15:11	‘Oo Bada bamo mote diyammo maimaituwa ḡesau mai tam? Geḡa, geḡa ota! Oo Bada tam giukauwa te namalim waiyawa i ḡailisi gulata bi anisove kauwidi kwa voivoiyedi.
1986	EXO 17:2	Taunana aubaina tedi Mousis vaitena ai kagiu bi a giuwena gado, “Gauba ku vitemai, ka tego!” Bi Mousis i giuwedina gado, “Temi bai aubaina ko giugiuvitavitala bi kota Bada ko wai laulubu?”
1991	EXO 17:7	Kamaina bi Mousis mba dobuna i wai isana Giuvitavitala bi Laulubu, banina Islael lavedi ḡome a giuvitavitala bi Bada laulubumo a sako bi a giuna gado, “Bada niga ḡome vaiteda ee geḡa?”
2472	EXO 32:33	Bi Bada, Mousis ena giu i waimunena gado, “Geḡa, aiyai gebogebo lisigumo i voivoiyena tana taunana isana egu bukamo yà kaikamaḡe.
4104	NUM 13:28	Geḡa te lava ḡome miyemiyedi ba lava ḡaiḡailisidi bi edi taun ba nananakidi bi a ganakuku kauwedi. Bi kota Anak ena tubulelesa ke kitedi, lava kaikaidakidi.
4107	NUM 13:31	Bi kota olooloto mabai Keleb vaitena a nawanawana ena giu a lauyovoḡe bi a giuna gado, “Geḡa, mba dobuna lavedi a ḡailisi kauwa mote mai tada. Tada mote ḡemoḡemotida ta nawa bi vaitedi tai ḡasiḡasi.”
4337	NUM 20:25	Elon bi natuna Eliyesa kwai dolidi bi kwa saḡedi oya Go dabanemo,
4406	NUM 22:30	Bi donki Beilam i giuwena gado, “Tagu ba tam em donki otina, laḡan matabuna kwa gelugeluyegu, mainana wala lisimmo e voiye, ee?” Bi Beilam i giuna gado, “Geḡa.”
5012	DEU 4:6	“Temi ko kaiwata kauwedina ba dobu ḡesaudi lavedi sa kitemi bi sa sibe otiye te temi nuwauyauya lavemi. Bi tedi sa vaivaiyemi bi laḡannemo a kitemina ba sa giuna gado, ‘Giukauwa te Islael ba lava laukaidi bi noḡota kauwa lavedi.’
5038	DEU 4:32	“Laḡannemo Bada emi Maimaituwa temi Idipmo ena ḡailisimo i kapotiyovomi, te temi aubaimi mataila bi anisove kauwidi i voiyedi, Idip lisidimo. Tana mulimimo i moito bi wainuwatoi dididiga i vitedi. Kota oya Sainai dabanemo kai vavavaninemo i giu yovo lisimimo. Bi temi i voiyemi te ena lava otimi kona tubuḡa bi mote ko peki. Niganana emi noḡota ya munaḡa nove wala Maimaituwa dobumo lava i voivoiyena laḡanina ko noḡoti. Bamo mai dobu isuna te isuna kauwidi a tubuḡa, ee geḡa? Geḡa mote bamo! Bamo mai maimaituwa ḡesaudi mainana anisove kauwedi a voiyedi, ee geḡa? Geḡa mote bamo.
5114	DEU 7:1	Kamaina bi Mousis Islael lavedi i giuwedina gado, “Bada emi Maimaituwa ya nawenawemina mba dobunemo te ko vai bi koi taniwage. Bi temi aubaimi tana dobu matabudi 7 ya kagebogebodi, maibena mani Ḡiti, mani Gigasi, mani Amoli, mani Keinan, mani Pelisait, mani Ḡivait bi mani Debus. Niga dobudi a nanaka bi a ḡailisi gulata mote mai temi.
5842	DEU 34:1	Laḡan ḡesaunemo Mousis Mowabi wapuna i gose bi i nawa oya Nebo i saḡai te i lautawa Pisigamo. Bi Deliko taunina i kita nawe noi nevanemo. Bi Bada dobu matabuna i wailove nawe, Giled taun te i nawa Den edi dobu palatina.
5946	JOS 5:10	Laḡannemo Islael lavedi Gilgalmo a miyamiya Deliko wapuna diyanemo tedi vawaitauli soina a voiye. Mba soina ba kwalabu pakanemo nawalai dolidolinemo, laḡan wai 14-nemo a voiye.
6556	JDG 2:9	Bi Ifleim damna edi dobumo malagai isana Timnat-ḡelesmo a dobo. Timnat-ḡeles ba oya Gaas diyanemo aibadabada yawaninemo.
7283	1SA 3:5	Kamaina bi i kena moito bi i velau i nawa Eli lisinemo bi i waitalayena gado, “Tam kuna binauwegu ee?” Bi Eli i giuwena gado, “Geḡa, tagu mote yà binauwem, ku munaḡa kwa kena bi Samuwel i munaḡa i kena.”
7390	1SA 8:19	Ḡome lava Samuwel ena giuvavasaḡa vaiyena a daboka bi a giuna gado, “Geḡa! Tama ka ḡoeḡoena ḡalibona yai badaemai.
7428	1SA 10:8	“Bi kwa gei nawa Gilgal malagainemo bi tagu ḡome yà banavim te ḡamoḡamo yài pekidi bi yà gabudi lausewasewa aubaina Maimaituwa lisinemo. Bi ḡamoḡamo ḡesaudi ba kaniḡemota aubaina yà vitem. Laḡan 7 nopodimo tam ḡome kwai laba te tagu yà tava, kaka yà giuwem te bai kwa voiye.”
7461	1SA 11:14	Muliḡa Samuwel Islael lavedi i giuwedina gado, “Ko nato ta nawa Gilgalmo bi eda ḡalibona ta laivaliu munaḡe.
7462	1SA 11:15	Taunana aubaina matabudi a nawa Gilgalmo bi Bada a lauduneye bi Sol a laivaliu munaḡe te edi ḡalibona. Bi ḡome ḡamoḡamo ḡesaudi kaniḡemota aubaina Bada lisinemo a lausewasewayedi bi matabudi a kani ḡemota. Ḡome Sol bi Islael lavedi ai nuwa ḡemota.”
7574	1SA 15:12	Olaolala kaikana Samuwel i modina Sol i tavuḡe. Bi lava ḡesauna tana i giuwena gado, “Sol ba i nawa Kamel tauninemo. Bi ḡome mataila ḡakimina i wai moitona ba isana vatona aubaina bi ḡome te i munaḡa Gilgalmo.”
7583	1SA 15:21	Bi egu tauwaiḡaviya tedi sipu bi kau visuvisudi a legaudi bi mote ai pekidi. Bi Gilgalmo a natomedi Bada emi Maimaituwa lisinemo lausewasewa aubaina.”
7584	1SA 15:22	Ḡome Samuwel i giuwena gado, “Sol bamo taunana Bada ya wainuwavisuwe? Ḡamoḡamo sa gabudi bi Bada lisinemo sa laulau sewasewana, ee Bada lisinemo waikalinakabi?” Kuna sibe ee geḡa, te waikalinakabi i saḡa gulata kaka ḡamoḡamo sa laulau sewasewayedina. Giukauwa te Bada waikalinakabiyena ba i tausaḡana kaka lausewasewa. Tana kalinana vaiye watawatana ba i visu gulatana kaka soisoi sipu laukaidi sa laulau sewasewayedina.
7596	1SA 15:34	Ḡome te Samuwel i nawa ena malagai Lama bi Sol i munaḡa ena ani miya Gibeyamo.
7603	1SA 16:6	Laḡannemo a tavatava ba Samuwel, Diyesi natuna tautuwaḡa Eliyab i kita bi i wainoḡotana gado, “Giukauwa te Bada matanemo, niga olotona ba ena ḡalibona vinevinena.”
7684	1SA 18:6	Deivida Filistiya edi ḡaviya badana Golaiet i wai peki. Laḡannemo tauwaiḡaviya a munamunaḡa malagaimo ba Islael waivinidi malagai nopodiḡa a tava ḡalibona Sol aubiga voyainemo. Tedi gita kitedi tabudi bi tabudi tambalin vaitedi ai beyakuluḡedi bi mayasisidi a weya bi a bigabiga.
7780	1SA 21:6	Bi Deivida Pilisi ena giu i waimunena gado, “Giukauwa, tama mote waivini vaitedi ka kena. Laḡannemo tama ḡaviya aubaina ke potiyovona ba egu tauwaiḡaviya sa gei kavisuvisu munaḡedi kaka waiḡaviya aubaina ka potiyovo. Bi kota ka vivile munaḡemai kaka, ḡalibona ya giukamaḡemai te noya ka voiye.”
8013	1SA 31:1	Mba laḡannemo Filistiya lavedi Gilbowa Oyanemo Islael lavedi ai ḡaviyedi. Islael edi tauwaiḡaviya oloolotodi ba Filistiya lavedi a naile kamaḡedi bi Filistiya a miya moito te Islael lavedi wapewapedi ai pekidi.
8193	2SA 7:10	Tagu kaka egu lava Islael edi doḡa otina yà vitedi bi dobu wai nuwaubanemo yà sivudi bi sa miya. Gebogebo lavedi a laulaukivi gebogeboyemina ba mote sima voiye munaḡe. Bi ḡome mote bai kaka ima ka pilipilimi. Bi em ḡaviya mote yàmai aninedi bi sima kapilipili munaḡemi. “Tagu Bada bai e giugiuwemna ba yà voiye te tam em tubulelesemo ḡalibona sa tubuḡa.
8307	2SA 12:18	Laḡan wai 7-na mulinemo gomana i peki bi Deivida ena taupaula tana tainuwatauna a naile bi a giuna gado, “Gomana yawayawasaninemo tada Deivida te giugiuwena mote kalinada i vaivaiye, niganana gomana i peki bi bainewa ta tainuwatau, taunaḡa imai peki munaḡe?”
8308	2SA 12:19	Deivida ena taupaula i kitedi ai ḡemotidi bi a wai giugiu bi mote i vaiyedi bi i noḡoti te gomana male i peki. Taunana aubaina Deivida ena taupaula i waitalayedina gado, “Gomana kaikana i peki?” Bi tedi a giuwena gado, “Mm, i peki.”
8823	1KI 3:4	Bi ḡalibona i nawa Gibionmo sewasewa gabuna aubaina bi mba dobuna ba anilaudune gabuna dididiga. Taunana aubaina ḡalibona i nawa bi gabuḡosa puyona sewasewa wapana 1,000 i lausewasewayedi mba gabunemo.
8841	1KI 3:22	Bi waivini ḡesau i giuna gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi waivini dolidolina i giubagibagina gado, “Geḡa! Gomana yawayawasanina ba tagu natugu bi gomana pekipekina ba tam natum.” Bi ḡome ḡalibona matanemo ai kagiu.
8844	1KI 3:25	Bi i giuwedina gado, “Gomana yawayawasanina ko koisena labu te nevana enatau ko vite bi nevana enatau ko vite.”
8845	1KI 3:26	Bi gomana tina otina natuna nuwana i poya kauwe bi ḡalibona i giuwena gado, “Aee, ḡalibona, avena, gomana yawayawasanina waivinina ko vite.” Bi waivinina ḡesauna i giuna gado, “Geḡa, ko koisena labu te kainuwakava!”
8846	1KI 3:27	Kamaina bi Solomon i giuna gado, “Gomana komai peki bi waivini dolidolina ko vite banina tana natuna.”
9142	1KI 11:31	Kamaina bi Yelobwam i giuwena gado, “Gala puselidi 10 kwa legaudi banina Bada Islael edi Maimaituwa niga mainana i giu, ‘Tagu ḡotona te Solomon lisinemo waibada ya kenakenana yà kaikamaḡe bi dam wapedi 10 yà vitem.
9321	1KI 17:1	Taugiuwatana Elaidiya Dobu Giled noponemo taun isana Tisbe lavana. Tana i nawa ḡalibona Aḡab lisinemo bi giuwena gado, “Giukauwa, te Islael edi Maimaituwa yawayawasanina bi tagu ena taupaula, isanemo yà giugiu te kwalabu matademo sa natonatona mote nabu ee uba sima yovo te tagu yà giu kaka sa tubuḡa.”
9332	1KI 17:12	Bi iwape ena giu i waimunena gado, “Giukauwa em Maimaituwa yawayawasanina isanemo yà giugiuwem, te tagu mote lisigumo buledi. Bi lisigumo ba falawa ḡaubo otina bi kota olip masina ḡaubona sa kenakena. Bi tagu ba yà laulaukai, te yà nawa vanuwemo bi yà laubuka ḡemota te ka kani bi mulinemo ba kani pekina ka peki.”
9333	1KI 17:13	Bi Elaidiya iwape i giuwena gado, “Geḡa, mote kumai nuwaboya! Islael edi Maimaituwa i giu te falawa bi olip masina dubidi mote sima kovi, eete Maimaituwa nabu ya giukamaḡe yovoḡe dobumo. Bi kwa nawa vanuwemo te kuna giugiuna mainana kwa voiye bi dolina buledi ḡaubona aubaigu kwa gei buka. Bi nevana tam bi natum aubaimi kwa buka.”
9371	1KI 18:27	Bi suwala modo palatinemo Elaidiya i wai namaḡedina gado, “Kalinemi dididiginemo ko laupali! Giukauwa te tana maimaituwa! Augunai male ya wai nuwanoḡonoḡota gulata ee i nawa ginamuli ee bamo ya nawanawa ee ya kenakena te ko lainuwesi.”
9556	2KI 2:1	Sauginemo Bada maso yavala vilivilitoto Elaidiya i saḡe i nawena malamo ba Elaidiya bi Elisa Gilgal a ḡose bi a nawa.
9557	2KI 2:2	Bi ḡome Elaidiya, Elisa i giuwena gado, “Niga ḡome kwa miyamiya, Bada i giukamaḡegu te yà nawa Betel.” Geḡa te Elisa i giuwena gado, “Bada miyamiyana isanemo yà giugiu te mote yàma gosem.” Taunana aubaina labuidi a nawa Betel.
9571	2KI 2:16	bi a giuwena gado, “Tama ḡaiḡailisimai bi wapamai 50. Bi kwai aninemai te ka nawa em bada ka tavuḡe. Bada Aluwina male em bada i avali nawe oya dabanemo e gwagwamo i sako.” Bi Elisa i giuwedina gado, “Geḡa, koma nawa.”
9621	2KI 4:14	Elisa ena taupaula Geḡasi i waitalayena gado, “Bai visuvisuna niga waivinina aubaina ta voiye?” Bi Geḡasi i giuna gado, “Tana mote i wainatuna bi mwanena kaikana i magula.”
9622	2KI 4:15	Kamaina bi Elisa ena taupaula i giuwena gado, “Kwa yoge ya saḡe.” Bi Geḡasi waivini i yoge te i saḡa mataetamo i moito.
9667	2KI 5:16	Bi geḡa te taugiuwatana i giuna gado, “Giukauwa, Bada ya miyamiya, tana taunana ena taupaula tagu bi isanemo yà giugiu te puyo mote yàma legaudi.” Avena te Naman, i giu vavasaḡe te maso puyo i legaudi bi geḡa te Elisa i daboka.
9993	2KI 17:6	Bi Oseya Islael edi ḡalibona ena waibada kwalabu wai 9-nemo, Asaliya edi ḡalibona Sameliya taunina i lauyovoḡedi bi Islael lavedi a pani nawedi Asaliyamo. Ḡome kaka ḡesaudi a nawedi Ala tauninemo, ḡesaudi a nawedi Ḡabo gaubina diyanemo dobu isana Gosen bi ḡesaudi Mediya taunidiḡa a sivu nawedi.
10036	2KI 18:8	Bi tana Filistiya lavedi i lauyovoḡedi, malagai keikeilikidimo te taun nananakidimo bi i nawa te Gasa taunina palatina.
12498	NEH 8:1	Bi nawalai wai 7-na pakanemo Islael lavedi matabudi debamo ai ḡemotidi, Gauba Mataetina matanemo. Waiḡake tauwailovelovena Esla a giuwe te Bada ena waiḡake Mousis i vitevitena Islael lavedi aubaidi ya vai natome. Kamaina bi pilisi Esla waiḡake bukana i vai natome lava kumna, babada, vesavesala bi libilibi giu vaivaiyedi lisidimo.
12503	NEH 8:6	Esla Maimaituwa saḡasaḡa guletina i kasaḡesaḡe bi lava matabudi nimedi a kailagetidi, bi Bada a lauduneye bi a giuna gado, “Giukauwa! Giukauwa!”
13872	JOB 40:4	“Bainewa em nuwauyauya banidi yà sibedi, tagu lavaota. Gayagu yà gudu bi yà miya moimoisili.
13929	JOB 42:3	Kuna giuweguna gado, ‘Diyoba bai aubaina em giu waibani geḡedimo egu nuwauyauya kwai talavitavitale?’ Giukauwa te bai kauwidi e giugiuwedina banidi mote yà sibedi, bi kauwa nananaka otidi mote luvagu te ya sibedi.
14258	PSA 23:6	Giukauwa te em kivivisuvisu bi em launuwatoi mote bai laḡannemo sima gosegu. Bi tagu kaka Bada em vanuwemo yà miya nonoḡa.
14422	PSA 34:15	Gebogebo kauwedimo kwa nuwavitala, bi visu kwa voiye, kwa ḡailisi te lava kwa sagudi bi nuwaubamo kwa miya.
14952	PSA 67:8	Giukauwa te Maimaituwa kaka ya kavisuvisumai, bi lava matabudi dobumo kaka sa lauduneye.
16818	PRO 13:1	Gomana nuwauyauyana tana tamana ena giu ya vovoteyeteyedi, bi gomana bu'ubu'uwina laḡannemo i laididimanina ba mote ena giu ima vaiye watawata.
16964	PRO 17:21	Gomana bu'ubu'uwina tana tamana ya voiye te yai nuwaboya bi mote i mai nuwavisu.
17127	PRO 23:13	Gomana i wai beyapotana ba kwa kwapu, mote kuma naile, mba mote ima peki.
17309	PRO 29:15	Gomana ena kauwa waigebo dabanemo, kuna kwapu bi kuna kovoḡina ba kunai anapu. Bi aiyai mote natuna ima kwapu ba muliḡa tinana ya voiye te yai dabauba.
17392	ECC 1:7	Gauba matabudi, sa yovo sa nawanawa nisamo. Bi nisa mote bamo ima wanawanavu, bi sa munaḡa gabudimo sa tava te kota sawai tubu munaḡe.
17395	ECC 1:10	Lava mote kaka ima giu gado, ‘Kwa kita niga mwali valivaliuna.’ Geḡa, mwali nove mai kenekenedi, muliḡa kaka tada te tubuḡa.
17864	ISA 7:12	Bi Eiḡes i daboka bi i giuna gado, “Geḡa, mote Bada laulubumo yàma sako.”
17900	ISA 8:23	Lava mabai pilipilimo sa miyamiyana mote mai kaka sima miya nonoḡa. Wala ba Sebulon bi Naptali dobudi a kita wai yovoyovodi bi laḡan ya natonatona ba niga dobudi sa sanadadedi. Mediteliya nisana palatina aibeu yawaninaḡa te i nawa Diyoudan gaubina noi nevana bi i nawa te Galili dobuna tautavatava edi animiyamo i laukamaḡe.
17962	ISA 11:8	Gomana ḡaubona mwata gebogebona ena bwada diyanemo yai beyakulu bi lisinemo mote bai ima tubuḡa.
18396	ISA 35:6	Kaḡedi nuwanokudi kaka sa tapipila bi sa biga, bi wai papapidi sai nuwavisu bi sa binau. Gauba kaka kalakalalelemo, doḡa tatakalinaḡa ya velau.
18397	ISA 35:7	Gimoli wai poyedi saila gauba, doḡa ḡasaḡasalinaḡa tovosa sa laupusuwali. Daḡasi gwegwedi wala doḡa ḡasaḡasalinemo a miyamiya bi niganana ḡawaḡawa sa duga.
18398	ISA 35:8	Doḡa tatakalinaḡa kaka eta dididiga ya nawa. Etana isana ba Eta Waiyawa. Gebo tauvoiyedi mote etana sima kaiwata. Maimaituwa ena ḡowana taukauwena, mba etanaḡa sa nawa, bi lava bu'ubu'uwidi, mote kaka etana sima kaiwata.
18494	ISA 40:4	Gwagwa ko ḡuluvidi, oya bi dabatuwa ko keli wai wapuwapudi, dabakai bi sagusagula ko keli wai bigebigedi.