5	GEN 1:5	Yana i wai isana laḡan bi boimatuwa i wai isana dudubala. I dudubala bi laḡan i sako, niga laḡan pakana i waitubu.
8	GEN 1:8	Maimaituwa wabaḡavuka i wai isana, galewa. I dudubala bi laḡan i sako, niga laḡan wailabuna.
13	GEN 1:13	I dudubala bi laḡan i sako. Niga laḡan wai faionina.
19	GEN 1:19	I dudubala bi laḡan i sako. Niga laḡan wai 4-na.
23	GEN 1:23	I dudubala bi laḡan i sako bi niga laḡan wai 5-na.
28	GEN 1:28	Maimaituwa i kavisuvisudi bi i giuwedina gado, “Koi natunatuna bi dobu koi wanavu bi koi badaye. Iyana, mwanuwa bi mwali matabudi yawayawasanidi dobumo koi badaedi.”
31	GEN 1:31	Maimaituwa mwali matabudi i voiyedi bi i kitedi te a visu kauwa. I dudubala te laḡani i sako. Niga laḡani wai 6-na.
39	GEN 2:8	Bi Bada Maimaituwa beubeu yawaninemo daibi i wadiwadina dobu Idenmo, ḡome oloto i voivoiyena i sako.
76	GEN 3:20	Adam mwanena i wai isana Iv banina tana lava matabudi dobumo tinedi.
80	GEN 3:24	Maimaituwa oloto i kwavai mulinemo, tana Iden daibinemo beubeu yawaninemo aneya kelubim i sako. Bi kepata vavavanina kwadikwadiyena i sako te yawasana kaina ya labe.
81	GEN 4:1	Adam ma mwanena tubuḡa ai ḡemoti, te Iv i bwaga bi i wai natuna te gomana olotona i bewa. Bi i giuna gado, “Bada ena sagumo gomana e bewa.” Bi i wai isana Kein.
82	GEN 4:2	Bi kota Iv i wai natuna munaḡa, te gomana olotona i bewa bi i wai isana Eibol. Laḡannemo a nanakana ba Eibol tauwaiḡamoḡamo bi Kein ba taubayau.
105	GEN 4:25	Adam bi Iv kota tubuḡa ai ḡemoti munaḡe bi Iv i laubewa te gomana olotona i bewa. Bi Iv i giuna gado, “Kein Eibol i wai peki bi Bada gomana epaiyanina i vitegu.” Taunana aubaina i wai isana Seta.
106	GEN 4:26	Kamaina bi Seta i didiga bi i naḡi te mwanena i wai natuna te natuna olotona i bewa bi i wai isana Inos. Mba laḡannemo lava Bada lauduneyena ai tubu.
328	GEN 13:9	I visu te tai nawa tabutabu bi dobu kwa kita te em ḡowanemo kwa vai bamoda tam ḡeniyadaḡa kwa nawana ba tagu kataiyadaḡa yà nawa bi kota bamoda tam kataiyadaḡa kwa nawana ba tagu ḡeniyadaḡa yà nawa.”
329	GEN 13:10	Loti i wai kita nawa bi wapu visuvisuna i kita Diyoudan gaubina diyanemo bi matana i nawa te Diyowa malagaina palatina. Bi kota gauba wapewapedi i kitedi bi kota doḡa visuvisuna maibena Bada ena daibi Idenmo e maibena Idip doḡana Sodom diyanemo. Mba laḡannemo Bada yaḡolo mote malagai Sodom bi Gomola i kovoḡidi, muliḡa kaka i kovoḡidi.
383	GEN 16:1	Ablam ma mwanena Salai Keinanmo a miyana kwalabu wapana 10 bi mwanena Salai mote ai natuna. Bi Salai ena taubagibagi waivinina isana Eiga tana Idip waivinina. Kamaina bi Salai Ablam i giuwena gado, “Bada mote i waianinegu te yai natuna, kwa nawa Eiga vaitena ko kena, tana male gomana aubaigu ya bewa bi tagu yai natunaye.” Ablam Salai ena giu i waianine kamaina bi Ablam Eiga vaitena a kena Salai ena giu aubaina.
397	GEN 16:15	Kamaina bi Eiga i bwaga, i wai natuna te gomana olotona bi Ablam i wai isana Ismael.
416	GEN 17:18	Eiblaḡam Bada i giuwena gado, “Bi Ismael bainewa, maso ḡemoḡemotina kuna kavisuvisu?”
418	GEN 17:20	Em waibaḡa Ismael aubaina kaikana e vaiye bi tana kota yà kavisuvisu te yai natunanatuna bi ena tubulelesa sa wapa gulata. Tana ḡaliḡalibona matabudi 12 dobumo tamedi bi ena dam ya didiga.
523	GEN 21:9	Laḡan ḡemota Idip waivinina Eiga natuna Ismael, Aisik vaitena a wai beyakulu. Tedi a wai beyakulu laḡannemo Ismael tana Aisik i sulasula waineḡa.
525	GEN 21:11	Niga giuna Eiblaḡam i vaiye bi i wai nuwaboya banina tana natuna Ismael.
684	GEN 25:25	Gomana gei tubuḡina ba tunina sabasabana bi wai kolokolona maibena balaigesi. Taunana aubaina tana ai isana Iso.
686	GEN 25:27	Mba libilibidi a nananaka bi Iso tana tau tupatupali bi mote palaimo i miyamiya gausi. Bi Deikap tana lava vovoyaḡotina bi laḡan matabuna palaimo i miyamiyaboni.
687	GEN 25:28	Bi Aisik tana Iso nuwana i vai kauwe banina Iso laḡan matabuna musala i vunudi bi tamana i kanikani. Bi Lebeka natuna Deikap taunaḡa i ḡoeḡoe kauwe.
688	GEN 25:29	Laḡan ḡemota Deikap gulewemo gwadai i ḡiu bi i miyamiya. Kamaina bi Iso i bababala nawana i tava. Bi tana kani i peki kauwa.
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
691	GEN 25:32	Bi Iso i giuna gado, “Ei kwa kitagu! Tagu ḡotona te kani pekina yà peki. Niga budelina bai visuvisuna ya vitegu?”
692	GEN 25:33	Bi Deikap i giuwena gado, “Dolinemo kwa gei giuvavasaḡegu te em budeli kwa vitegu, kaka kani yà vitem.” Ḡome Iso, Deikap lisinemo i giuvavasaḡa bi ena budeli kani aubaina i kune kamaḡe.
693	GEN 25:34	Ḡome Deikap buledi bi gwadai i tala bi Iso i vite. Tana i kani, i tego bi i miya moito te i nawa. Iso niga kauwinemo ena budeli i daboke.
695	GEN 26:2	Kamaina bi Maimaituwa Aisik lisinemo i laumaḡata bi i giuna gado, “Mote kuma nawa Idipmo bi niga dobuna e giugiuwena ḡome kwa miya.
1022	GEN 35:10	Bi Maimaituwa Deikap i giuwena gado, “Isam ba Deikap, niganana isam e vitale, sai isamna Islael mote Deikap.” Ḡome Maimaituwa Deikap i wai isana Islael.
1028	GEN 35:16	Tedi Betel a gose bi a nawa te ḡotona maso Ifleitimo a tava bi etamo Leitsel gomana mayana i vai. Tana ḡome i waiaivitala gulata bi wainatuna lisinemo i pilipili.
1031	GEN 35:19	Kamaina bi Leitsel Ifleit etana diyanemo a dobo, niganana dobuna sa wai isana Betliḡem.
1035	GEN 35:23	Deikap natunatuna Liya bwaganemo a tubuḡana ba Lubin tana tautuweḡina, Simiyon, Livai, Diuda, Isaka bi Sebulon.
1041	GEN 35:29	bi tana i magula kauwa bi i peki te ena magumagula pekipekidi vaitedi ai ḡemotidi. Bi natunatuna Iso bi Deikap a dobo.
1087	GEN 37:3	Deikap, Diyousep i wai nuwavai kauwe mote mai natunatuna ḡesaudi. Banina Deikap i wai magula bi Diyousep i tubuḡa. Taunana aubaina Islael Diyousep puyo i vite: Kwama kulina waimatakanikanina.
1109	GEN 37:25	Diyousep dom noponemo mai i miyamiya bi tedi a miya a kanikani bi a wai kita te Ismael lavedi a kitedi a yovoyovo. Tedi Giledmo a modina bi a nawanawa Idipmo. Bi edi kamelo dabedimo kani anitai panepanedi bi bunama tabudi bi tabudi ai geludi bi a yovoyovo.
1111	GEN 37:27	Mba tasiotida, bai ta voiyena ba ta nawa Ismael lavedi lisidimo ta gimalaye bi mote bai tama voiye lisinemo. Banina tana kwasinida isuna.” Kamaina bi tasitasina bi tuwatuwaḡana tana ena ogatala ai aninena.
1112	GEN 37:28	Bi laḡannemo tauwaikunekune a tavatava, Diyousep tuwatuwaḡana tana dommo a solu saḡe bi mane siluva 20 luvana mai a gimalaye, Ismael lavedi lisidimo. Bi tedi ai doli nawe Idipmo.
1119	GEN 37:35	Bi ḡome tana natunatuna oloolotodi bi waiwaivinidi a tava tamedi lisinemo bi giumo a kaka nuwauba. Bi tana yaḡolo i daboka kauwa bi i giuna gado, “Tagu natugu nuwaboyana kamaina te yà ḡaba peki.” Kamaina bi Islael natuna Diyousep aubaina i ḡaba gulata.
1151	GEN 39:1	Bi Idip lavana isana Potipa tana Ismael lavedi lisidimo Diyousep i gimeli bi i nawe ena vanuwemo. Potipa tana tauyava edi bada bi Idip ḡalibonana ena waibada gabulinemo i noyanoya.
1152	GEN 39:2	Bi Diyousep ena yawasanamo Bada tana vaitena bi mwali matabudi i voivoiyedina ba didimanidi a tubutubuḡa. Bi Idip lavana Potipa ena vanuwemo i miyamiya.
1174	GEN 40:1	Kamaina bi niga kauwidi mulidimo, Idip ḡalibonana ena waen tautegolubuna bi ena buledi taugabuna tedi ḡalibona nuwana a ka gebo.
1204	GEN 41:8	Olaolalemo ḡalibona nuwana i lovo lauboni i kitakitana aubaina. Taunana aubaina Idip noponemo taubwalabwalau kaikalakalatidi bi sibe lavedi i giuwedi a tava. Ḡome tana ena lauboni i giuwedi bi mote aiyai ena lauboni banidi i giuwaimaḡatidi.
1225	GEN 41:29	Bi kwalabu 7 nopodimo ba Idip dobuna matabuna ya maula.
1226	GEN 41:30	Bi mulinemo kota kwalabu 7 nopodimo gomala dididiga ya tubuḡa. Mba saugidimo maula noḡotidi sa laukava banina gomala Idip dobuna ya ka lolalola.
1229	GEN 41:33	“Niganana ḡalibona nuwauyauya bi kauwa taukitabanavidi lavana kwa vine te Idip dobuna yai badaye.
1236	GEN 41:40	Taunana aubaina niganana Idip dobuna bi egu lava matabudi tam kwai badayedi. Bi em waibada ba tagu gabuligumo.”
1237	GEN 41:41	Kamaina bi ḡalibona Diyousep i giuwena gado, “Tagu niganana tam waibadamo yà sakosakom te Idip dobuna matabuna kwa labe.”
1241	GEN 41:45	Ḡalibona Diyousep i wai isana, Safanet-Peniya. Ḡome ḡalibona Fotifela natuna waivinina isana Asanet i vai te Diyousep i wainaḡi. Fotifela ba dobu isana On pilisina. Kamaina bi Diyousep i modina bi Idip dobuna matabuna i nawa yaḡosi.
1242	GEN 41:46	Diyousep ena kwalabu 30 bi ḡalibona aubaina noya i waitubu. Tana ḡalibona i gose bi i nawa Idip dobuna matabuna i vakita nawe.
1249	GEN 41:53	Kwalabu 7 nopodimo Idipmo maula i nuwayebusi.
1250	GEN 41:54	Bi kota kwalabu 7 nopodimo gomala i wai tubu, Diyousep i giugiuwena mainana. Bi dobu matabuna gomala i nawa yaḡosi. Bi Idip taunaḡa ba maula i kenakena.
1251	GEN 41:55	Laḡannemo Idip lavedi kani a pekipeki ba a nawa ḡalibona lisinemo kani a waibaḡaye. Bi tana i giuwedina gado, “Ko nawa Diyousep lisinemo bi bai ya giugiuwemina mainana ko voiye.”
1252	GEN 41:56	Gomala dobu matabuna i nawa yaḡosi bi i ka gebogebo. Taunana aubaina Diyousep kani vanuwina i kaikamaḡe bi wai kunekune i wai tubu Idip lavedi lisidimo.
1254	GEN 42:1	Deikap bi ena vanuwa lavedi Keinanmo a miyamiya bi Deikap i vaiye te kani Idipmo ba natunatuna i giuwedina gado, “Bai aubaina ko wai miyamiya?
1255	GEN 42:2	Tagu e vaiye te Idipmo kani ya kenakena. Ko yovo ko nawa bi kani ko gimli te ta kani bagibagi bi mote tama peki.”
1256	GEN 42:3	Kamaina bi Diyousep tuwatuwaḡana 10 a yovo a nawa Idipmo kani gimelina aubaina.
1259	GEN 42:6	Mba laḡannemo Diyousep tana Idip dobuna i wai badae bi kani i kunekunedi lava matabudi lisidimo. Laḡannemo Diyousep tuwatuwaḡana a tava lisinemo bi edi vivila ba iwedi a taukotodi.
1363	GEN 45:4	Diyousep tuwatuwaḡana i giuwedina gado, “Ko moito nato diyagumo.” Tedi a moito nato diyanemo bi i giuwedina gado, “Tagu ba tinanatumi, Diyousepu, wala Idip lisidimo kona kunegu.
1367	GEN 45:8	Ko kita, mba mote temi ko giukamaḡegu. Tagu Maimaituwa i giukamaḡegu te niganana ḡalibona taulaididimanina bi waibada i vitegu te Idip dobuna matabuna ya labelabe.
1368	GEN 45:9	Ko munaḡa makai bi tamagu ko giuwena gado, ‘Natum Diyousep niga mainana i giu: Tagu natum Diyousep, Maimaituwa i voiyegu te Idip dobuna yà waibadae. Kwa yovo makai lisigumo, mote kumai goela.
1385	GEN 45:26	Ḡome tedi tamedi a giuwena gado, “Diyousep mote i peki, yaḡolo ya miyamiya. Tana niganana Idip dobuna matabuna ya waibadae.” Laḡannemo mai a giugiu ba Deikap i tagugu bi mote i waisumaḡedi.
1386	GEN 45:27	Bi Diyousep bai i giugiuwena matabuna tana a giuwe. Bi i kita te Diyousep wegon i giukamaḡe te tana ya gelu bi ya nawana Idip kaka ḡome nuwana i visu bi nuwana i nuwa lageta te ya modina.
1390	GEN 46:3	Kamaina bi Maimaituwa i giuna gado, “Tagu tamam ena Maimaituwa. Mote kuma naila, kwa nawa Idip bi ḡome tagu yà voiyem te em tubulelesa ya didiga.
1391	GEN 46:4	Tagu vaitem ta nawa Idip bi kota tagu kaka em tubulelesa ya munaḡe tavaitedi niga Dobunemo. Bi sauginemo kwa pekina ba natum Diyousep kaka ya sako kauwem.”
1392	GEN 46:5	Kamaina bi Deikap Biyasiba i gose, natunatuna, mwanemwanedi bi natunatudi vaitedi ai doli nawedi. Bi ḡalibona wegon i giugiukamaḡenemo a gelu bi a nawa Idip.
1453	GEN 48:1	A taumiya bi Diyousep a giuwe te tamana i sida. Kamaina bi natunatuna Manase bi Ifleim i wai dolidi a nawa tamana lisinemo.
1457	GEN 48:5	“Diyousep, niga natunatumdi labu Idipmo a tubuḡa muliḡa kaka e tava. Niga libilibidi Ifleim bi Manase kuna bewedina niganana yàwai natunaedina maibena natunatugu Lubin bi Simiyon.
1458	GEN 48:6	Bi libilibi muliḡa kwa bewedina ba tam natunatum. Tedi kaka tuwatuwagedi Manasa bi Ifleim isedimo edi doḡa sa legaudi.”
1465	GEN 48:13	Ḡome Diyousep natunatuna i natomedi Deikap matanemo bi Ifleim ḡeniyana yawaninemo i wai moito bi Manase kataiyana yawaninemo i wai moito.
1466	GEN 48:14	Bi geḡa te Deikap nimana i lai baledi te kataiyana Ifleim dabanemo bi ḡeniyana Manase dabanemo i sako.
1467	GEN 48:15	Kamaina bi Deikap natuna Diyousep i kavisuvisu bi i giuna gado, “Itagu Eiblaḡam bi tamagu Aisik, Maimaituwa a laulauduneyena, niga libilibidi ya kavisuvisudi. Tana taunana egu yawasana matabunemo i labegu te niga palatinemo maibena tauwaiḡamoḡamo sipu ya labelabedina.
1469	GEN 48:17	Laḡannemo Diyousep tamana i kita te kataiyana Ifleim dabanemo i sakosako ba Diyousep mote i wai nuwavisu. Tana i ḡoeḡoena maso kataiyana Manase dabanemo i sako.
1471	GEN 48:19	Bi tamana mote i waianine bi i giuwena gado, “Natugu e sibe bai yà voivoiye. Gomana tautasi ena waibada ya didiga gulatana kaka tautuwaḡa. Ifleim yai natuna bi ena tubulelesa ya didiga. Bi gomana tautuwaḡa kota mainana yai lava dididiga bi ena dam ya didiga.”
1472	GEN 48:20	Kamaina bi ḡome i kavisuvisudi bi i giuna gado, “Sauginemo Islael lavedi isemimo lava sa ka kavisuvisudi, ba tedi sa giuna gado, ‘Ka laulaupali te Maimaituwa ya kavisuvisumi maibena Ifleim bi Manasa i ka kavisuvisudina.” Niga mainana tana Ifleim isana i gei sako bi muliḡa kaka Manase.
1534	EXO 1:1	Deikap natunatuna bi edi vanuwa lavedi vaitedi a nawa Idip.
1536	EXO 1:3	Isaka, Sebulon bi Bendiman
1538	EXO 1:5	Deikap ena tubulelesa wapana matabuna 70. Bi Diyousep tana kaikana i doli te Idipmo.
1540	EXO 1:7	Bi geḡa te Islael damna ai natuna dabalala bi Idip dobuna ai wanavu bi a ḡailisi gulata.
1542	EXO 1:9	Tana ena lava i giuwedina gado, “Ei koi kita kauwa, Islael lavedi a wapa kauwa bi a ḡailisi gulata.
1544	EXO 1:11	Taunana aubaina babada ai dubudi te Islael lavedi noyamo sa egelidi. Bi a egeli gudegudedi te malagai labu isedi Pitom bi Lemesis a ḡaledi, ḡalibona ena pulapula ani wai dubudi.
1545	EXO 1:12	Tedi Islael lavedi noyamo a voiyedi te a wainuwatoi gulata. Bi kota Islael lavedi yaḡolo te a wai natuna dabalala. Idip lavedi niganana Islael lavedi a nailedi.
1546	EXO 1:13	Idip lavedi Islael noyamo a voiyedi te ai nuwatoitoi. A egelidi te doḡa a gwadai bi biliki a patipatidi bi kota noya ḡesaudi a voivoiyedi bi edi daibimo a noyanoya gulata bi mote a lau launuwatoiyedi.
1555	EXO 1:22	Idip ḡalibonana giu bagibagina Idip lisidimo i sako bi i giuwena gado, “Ḡibulu lavedi nopodimo libilibi oloolotodi sa tubutubuḡana ba Naelo gaubinemo sai kaluwedi. Bi waiwaivinidi taudiḡa sa miya.”
1566	EXO 2:11	Laḡannemo Mousis i dididiga tana i nawa ena lava mani Ḡibulu i va kitekitedi. Ḡome i kita te Idip lavedi ena lava a egelidi bi noya vitevitedi a voivoiyedi. Ḡome tana Idip lavana i kita te Ḡibulu olotona ḡemota i katikativunu.
1567	EXO 2:12	Mousis i wai laulau kita te mote aiyai bamo, kamaina bi tana Idip lavana i lai peki, bubu i wai sula sala te i ḡuluvi.
1569	EXO 2:14	Ḡome olotona i giuna gado, “Tam aiyai ḡailisi i vitem bi kwa waibadaemai? Tam kuna ḡoeḡoena tagu kwai pekigu, mai maḡo Idip lavana kuna waipekina, ee?” Ḡome Mousis i naila bi i wai noḡotana gado, “Bai e voivoiyena gode lava matabudi kaikana a sibe.”