7	GEN 1:7	Kamaina bi Maimaituwa sawasawa i voiye te gauba dabana bi dibuna edi wabaḡavuka. Bi mainana i tubuḡa.
9	GEN 1:9	Kamaina bi Maimaituwa i giuna gado, “Gauba galewa dibunemo ko nato gabu ḡemota bi dobu ḡasaḡasalina ya laumaḡata.” Bi mainana i tubuḡa.
12	GEN 1:12	Kamaina bi doḡamo ḡawaḡawa, pesi banidimo bi poudimo dugedugedi bi kai votevotedi kitedi tabudi bi tabudi a duga. Bi Maimaituwa i kita te i visu.
22	GEN 1:22	Tana mwali matabudi nisamo miyemiyedi i kavisuvisudi bi i giuwedina gado, “Koi natuna dabalala te nisa koi wanavu bi mwanuwa dobumo ko pou dabalala bi dobu koi wanavu.”
28	GEN 1:28	Maimaituwa i kavisuvisudi bi i giuwedina gado, “Koi natunatuna bi dobu koi wanavu bi koi badaye. Iyana, mwanuwa bi mwali matabudi yawayawasanidi dobumo koi badaedi.”
47	GEN 2:16	Bi Bada Maimaituwa oloto i giuwena gado, “Kai votevotedi ḡesaudi kwa kanidi.
52	GEN 2:21	Kamaina bi Bada Maimaituwa, oloto i voiye te i kena i wai nuwayavuḡa. Bi Bada oloto giligilina gemota i kaikamaḡe bi tubuḡina i gudu munaḡe.
58	GEN 3:2	Bi waivini mwata ena giu i waimunena gado, “Kai ḡesaudi ba ka kanidi.
63	GEN 3:7	Kai votana a kanikani tedi matedi i yana bi a sibe munaḡedi te kofekofedi. Taunana aubaina tedi kailugulugu a siyaudi bi tubuḡidi ai govegovedi.
64	GEN 3:8	Aubigamo oloto ma mwanena Bada Maimaituwa talelena a vaiye daibi noponaḡa i nawanawa. Kamaina bi kai nopodimo a kandavona.
69	GEN 3:13	Kamaina bi Bada Maimaituwa waivini i waitalayena gado, “Bai aubaina niga mainana kuna voiye?” Bi waivini i giuna gado, “Mwata i kaiyovuḡegu te e kani.”
79	GEN 3:23	Kamaina bi Bada Maimaituwa Adam ma mwanena daibimo i kwavivaidi bi Adam i giuwe te doḡa ya noyae, banina tana doḡanemo i voiye.
81	GEN 4:1	Adam ma mwanena tubuḡa ai ḡemoti, te Iv i bwaga bi i wai natuna te gomana olotona i bewa. Bi i giuna gado, “Bada ena sagumo gomana e bewa.” Bi i wai isana Kein.
82	GEN 4:2	Bi kota Iv i wai natuna munaḡa, te gomana olotona i bewa bi i wai isana Eibol. Laḡannemo a nanakana ba Eibol tauwaiḡamoḡamo bi Kein ba taubayau.
83	GEN 4:3	Laḡan ḡemota, Kein ena daibi kanidi i tavaitedi ena sewasewa Bada lisinemo.
85	GEN 4:5	Bi Bada Kein ena sewasewa mote i wai nuwavisuedi, taunana aubaina Kein matana i ai kenakena bi nuwana i medi.
86	GEN 4:6	Kamaina bi Bada Kein i giuwena gado, “Bai aubaina kwa medimedi? Bai aubaina matam i nuwavitale?
88	GEN 4:8	Kein tasina Eibol i giuwena gado, “Ta nawa wapumo tai nawanawa.” Ḡome wapumo Kein i miya moito te tasina i laipeki.
89	GEN 4:9	Niga kauwina i tubuḡa mulinemo Bada Kein i wai talayena gado, “Tasim Eibol bamo?” Kein Bada i giuwena gado, “Mote yà sibe, tagu bena tana taulabena?”
90	GEN 4:10	Kamaina bi Bada i giuwena gado, “Bai aubaina kauwa wai nuwanainailina kuna voiye? Tinanatum kwasinina doḡamo ya ḡabaḡaba, lisigumo laubiwa aubaina.
105	GEN 4:25	Adam bi Iv kota tubuḡa ai ḡemoti munaḡe bi Iv i laubewa te gomana olotona i bewa. Bi Iv i giuna gado, “Kein Eibol i wai peki bi Bada gomana epaiyanina i vitegu.” Taunana aubaina i wai isana Seta.
106	GEN 4:26	Kamaina bi Seta i didiga bi i naḡi te mwanena i wai natuna te natuna olotona i bewa bi i wai isana Inos. Mba laḡannemo lava Bada lauduneyena ai tubu.
145	GEN 6:7	Kota i giuna gado, “Tagu mwali matabudi dobumo e voivoiyedina yà kagebogebodi. Bi ei uvala te bai aubaina e voiyedi.”
151	GEN 6:13	Kamaina bi Maimaituwa Nowa i giuwena gado, “Lava edi pilipili i didiga gulata taunana aubaina, tedi bi mwali matabudi dobumo yà kagebogebodi.
153	GEN 6:15	Kwa voiyena ba lopalopana, tabatabana bi kaikaidakina,
154	GEN 6:16	gula dabana kwa voiye, yato bi bilibili mododimo koiyavusa sa kena. Kota noponemo salamoda kwa voiyedi, dibunemo, modomo bi dabanemo. Bi mataeta gilligilinemo kwa sako.
159	GEN 6:21	Kota kani tabudi bi tabudi kwai geludi te temi bi ḡamoḡamo kemiya.”
163	GEN 7:3	Kota mwanuwa labulabuḡa, wapedi 7, kitedi tabudi bi tabudi kwai geludi. Niga kwa voiye te mwanuwa bi ḡamoḡamo yawayawasanidi, te muliḡa tedi sai natunatuna bi dobu sai wanavu.
202	GEN 8:18	Kamaina bi Nowa ena vanuwa lavedi vaitedi, gula a potiyovo kamaḡe.
205	GEN 8:21	Kamaina bi Bada sewasewa panena i wai nuwavisuye bi taunaḡa i giu munaḡena gado, “Bai laḡannemo mote dobu, ḡamoḡamo bi lava miyemiyedi yàma kovoḡi munaḡe, avena te bainewa, ma keikeilikidimo gebo a voiye bi mote yàma kovoḡidi, mai niganana e voiyena.
207	GEN 9:1	Maimaituwa Nowa bi natunatuna i kavisuvisudi bi i giuwedina gado, “Koi natuna dabalala bi dobu koi wanavu.
269	GEN 11:2	Kamaina bi lava ḡesaudi suwala ena anilovotava yawaninaḡa a nawa, te Sinamo a tava bi ḡome wapu visuvisuna a banavi bi a miyatulu.
271	GEN 11:4	Kamaina bi a giuna gado, “Niganana malagai dididiga taitubu bi vanuwa wai dabakenakenana ta ḡala te dabana ya saḡa yada ya taukoni, isada vatona aubaina te mote tamai dabalalida.”
272	GEN 11:5	Kamaina bi Bada i yovo malagai bi vanuwa wai dabakenakenana a ḡalḡalana au kitanemo,
300	GEN 12:1	Kamaina bi Bada Ablam i vine bi i giuwena gado, “Em dobu, em lava, tamam ena dam lavedi kwa gosedi bi kwa nawa tagu dobu yài lovemnemo.
303	GEN 12:4	Mba laḡannemo Ablam ena kwalabu 75 bi Bada i giuwe te Alan i gose bi i modina i nawa Keinan. Ablam, mwanena Salai, madiyana Loti, ediya taubagibagi, edi pulapula bi edi ḡamoḡamo matabudi vaitedi a nawa.
305	GEN 12:6	Keinan plovinsnemo a tava. Bi Ablam ena dam matabudi a nato, te a nawana Sikem malagainemo a tava bi ḡome Keinan lavedi yaḡolo a miyamiya te Mole ena kaipolu dididiga i moimoitona diyanemo a ḡalavu.
306	GEN 12:7	Kamaina bi Bada Ablam lisinemo i laumaḡata bi i giuwena gado, “Niga dobunana em tubulelesa yà vitedi.” Ḡome Bada i laumaḡata, taunana aubaina te Ablam olta i voiye Bada ani lauduneyena.
327	GEN 13:8	Kamaina bi Ablam Loti i giuwena gado, “Goma, tada ba lava ḡemota mote i visu te tada bi eda taubagibagi matabuda tai kagiu.
330	GEN 13:11	Kamaina bi, Diyoudan wapuna tabutabuna i wailogo bi i lauḡonaḡona te suwala ani lovotava yawaninaḡa i nawa, niga mainana kauwinemo Ablam ma madiyana Loti ai yamonedi.
331	GEN 13:12	Ablam Keinan doḡanemo i miyatulu bi Loti tana Sodom malagaina diyanemo ena palai i sako saḡe bi i miyatulu, Diyoudan wapunemo.
333	GEN 13:14	Loti i modina, mulinemo Bada Ablam i giuwena gado, “Kwa moito vitavitalem dobu kwa kita nawedi.
337	GEN 13:18	Kamaina bi Ablam i nawa Ḡiblon malagainemo bi ḡome Mamle ena kaipolu dididiga, diyanemo i lauḡalavu bi ḡome olta i voiye Bada ani lauduneyena.
366	GEN 15:5	Bada Ablam i giuwena gado, “Kwa potiyovo doḡamo bi kwa kita saḡa galewemo bi kipola kwa iyevi lubudi, mba mainana em tubulelesa wapedi, mote aiyai ḡemoḡemotina ima iyevi kovi.”
376	GEN 15:15	Bi niganana kaka mote sima tava. Banina Amoli lavedi yaḡolo niga Keinan doḡanemo sa miyamiya. Bi laḡan muliḡa edi tubulelesemo edi gebogebo ya didiga gulata kaka yà kovoḡidi bi yà kwavi vaidi. Kamaina bi tam em tubulelesa kaka sa tava munaḡa niga dobunemo sa miya. Bi tam Ablam kwa miya te kwa magula kauwa bi nuwaubamo kwa peki te sa dobom.”
383	GEN 16:1	Ablam ma mwanena Salai Keinanmo a miyana kwalabu wapana 10 bi mwanena Salai mote ai natuna. Bi Salai ena taubagibagi waivinina isana Eiga tana Idip waivinina. Kamaina bi Salai Ablam i giuwena gado, “Bada mote i waianinegu te yai natuna, kwa nawa Eiga vaitena ko kena, tana male gomana aubaigu ya bewa bi tagu yai natunaye.” Ablam Salai ena giu i waianine kamaina bi Ablam Eiga vaitena a kena Salai ena giu aubaina.
397	GEN 16:15	Kamaina bi Eiga i bwaga, i wai natuna te gomana olotona bi Ablam i wai isana Ismael.
401	GEN 17:3	Ablam tuwapekana i wai tupagwalie bi i laudulu doḡamo. Kamaina bi Maimaituwa i giuwena gado,
406	GEN 17:8	Keinan doḡana matabuna emi animiya nawa ba tam bi em tubulelesa yà vitevitemi. Bi tagu edi Maimaituwa bi emi doḡa yà vitevite gwasemi.”
410	GEN 17:12	Bi libilibi oloolotodi sa tubuḡa laḡan 8 mulidimo, egu mataila tunidimo ko voiye. Ko voiye natunatumi bi kota emi taupaula natunatudi bi olooloto matabudi em dammo.
430	GEN 18:5	Kani ḡotona yà vai natome, ko kani bagibagi kaka bi nawa koi tubu munaḡe. Emi taupaula kona noḡotigu te kona tava egu vanuwemo, kamaina te kani yà voiye te ko kani.” Tedi a giuwena gado, “Kamaina bai kuna giugiuwena ku voiye.”
431	GEN 18:6	Eiblaḡam i velau makai ena palaimo bi mwanena i egelina gado, “Kwa nawa te falawa kauwa kwa vai bi buledi tabetabedi kwa gabudi.”
439	GEN 18:14	Mwali bai i pilipili gulata lisigumo te yà voiye? Kage mainana e giugiuna, tagu yà nato munaḡa, niga mainana laḡannemo bokina kwalabunemo bi mwanem Sela gomana olotona ya bewa.”
441	GEN 18:16	Kamaina bi olooloto faiona a miya moito bi Sodom yawaninaḡa ai kita yovo bi Eiblaḡam vaitena a nawa.
445	GEN 18:20	Kamaina bi Bada i moito vitale bi Eiblaḡam i giuwena gado, “Tagu e vaiye te waiwavu dididiga Sodom bi Gomola lisidimo.
453	GEN 18:28	Bamoda lava 45 visuvisudi malagaina dididiginemo, tam male matabuna kwa kovoḡi?” Kamaina bi Bada i giuna gado, “Bamoda ḡome 45 visuvisudi e banavidina ba mote yàma kovoḡidi.”
458	GEN 18:33	Kamaina bi Bada Eiblaḡam i gose bi Eiblaḡam i munaḡa ena palaimo.
464	GEN 19:6	Kamaina bi Loti i potiyovo bi vanuwa mataetinemo i moito bi i lau gudu.
466	GEN 19:8	Koi beyavaiya, tagu natunatugu guguinidi labu yaḡolo mote oloto vaitedi a lumagwau, kamaina te yà giuwedi sa potiyovo bi emi ḡowana lisidimo ko voiye. Niga oloolotodi tagu e tavaitedi egu vanuwemo, taunana aubaina mote bai lisidimo koma voiye.”
467	GEN 19:9	Kamaina bi tedi ena giu ai munena gado, “Ku moito liya! Tam tautavatava niga ḡome kuna tava bi bena kwai badabada. Niganana ka voiyem te kwai nuwatoi gulatana, kaka mba lavedi labu!” Kamaina bi Loti a dudu waipaili bi manunubidi a saḡa te maso gudu a doupapa.
469	GEN 19:11	Kamaina bi tedi lava matabudi doḡamo, a voiyedi te matedi ai dudubala bi mataeta a tavutavuḡe.
470	GEN 19:12	Kamaina bi olooloto labu Loti a giuwena gado, “Tama ḡotona te niga dobuna ka kovoḡi. Bada waiwavu dididiga i vaiye niga malagaidimo bi i giu kamaḡemai te kai kalaḡosedi. Bamo natunatum, botibotiyam bi em lava ḡesaudi niga ḡome? Matabudi kwai dolidi bi niga malagaina ko gose kamaḡe.”
472	GEN 19:14	Kamaina bi Loti i potiyovo bi botibotiyana i giuwedina gado, “Bada ḡotona te niga malagaina ya kagebogebo, koi papalana bi niga malagaina ta gose.” Bi botibotiyana ai noḡota bena kage i wainamaḡa.
473	GEN 19:15	Dobu ma wai dudubalina, aneya Loti a lauegeli, a giuna gado, “Mote i visu te ko peki laḡannemo Bada malagai ya kovokovoḡi. Kwai papalana te mwanem, natunatum waiwaivinidi kwai dolidi te ko velau ko nawa.”
475	GEN 19:17	Kamaina bi aneya ḡemota i giuna gado, “Ko velau te ko yawasana! Ko velavelau mote koma tinamuli bi koma velau moito wapumo, male ko peki bi ko nawa otana oyamo.”
482	GEN 19:24	Kamaina bi Bada malamo ḡakima vavavanina bovabovana i voiye te i laubulilina mai nabu, Sodom bi Gomola malagaidi dabedimo.
483	GEN 19:25	Kamaina bi mulidimo Bada dobunemo, lava bi mwali matabuna i waikalaḡosedi.
522	GEN 21:8	Kamaina bi gomana i didiga bi ena seda laḡannemo tamana Eiblaḡam soi dididiga i voiye.
549	GEN 22:1	Kauwa matabudi mulidimo Maimaituwa Eiblaḡam i laulubuna gado, “Eiblaḡam!” Bi Eiblaḡam ena giu i waimunena gado, “Tagu niga!”
551	GEN 22:3	Kamaina bi olaolala otamo Eiblaḡam puyo anigabuḡosa aubaina i lau kai bi ena donkimo i wai geludi, bi ena taupaula labu bi natuna Aisik i wai dolidi. Bi nawa aitubu bi a nawa oya Maimaituwa i giugiuwenemo.
554	GEN 22:6	Kamaina bi Eiblaḡam kai bwainina natuna Aisik i wai avali, gabuḡosa puyona aubaina. Bi tana kwatikwati i vai bi etaḡa a nawanawa bi kai ani taimatakalatina mwalidi i legalegaudi.
555	GEN 22:7	Bi Aisik i giuna gado, “Tamagu!” Bi Eiblaḡam ena giu i waimunena gado, “Koko bai?” Aisik i waitalayena gado, “Tada kai bwainina bi kai matana ani waikalakabina te legaudi bi sipu ani gabuḡosa bamo?”
556	GEN 22:8	Eiblaḡam ena giu i waimunena gado, “Maimaituwa kaka ḡemota ya kamaḡati.” Kamaina bi a nawa.
557	GEN 22:9	Laḡannemo Maimaituwa gabu i giugiuwenemo a tavatava ba Eiblaḡam ḡome olta i voiye bi dabanemo kai i waidubu. Kamaina bi natuna Aisik ḡulavemo i maḡini bi kai dabedimo i wai kena.
558	GEN 22:10	Kamaina bi tana kwatikwati i lageti natuna waipekina aubaina.
561	GEN 22:13	Bi Eiblaḡam i wai tautinamuli bi sipu olotona donana kai tomboluna ai ḡalo bi i moimoito i kita. Kamaina bi natuna i kaikamaḡe bi epaiyanina i nawa sipu i vunu bi sewasewa i gabuḡosa.
567	GEN 22:19	Kamaina bi a munaḡa ena taupaula lisidimo bi matabudi a nawa Biyasiba, Eiblaḡam ena ani miyamo.
680	GEN 25:21	Lebeka i aipoi, taunana aubaina mwanena Aisik i laupali Bada lisinemo. Kamaina bi Bada tana ena pali i vaiye bi mwanena Lebeka i bwaga.
683	GEN 25:24	Kamaina bi Lebeka ena laḡani i tava te i wai natuna bi natunatuna laḡalaḡa oloolotodi i bewedi.
688	GEN 25:29	Laḡan ḡemota Deikap gulewemo gwadai i ḡiu bi i miyamiya. Kamaina bi Iso i bababala nawana i tava. Bi tana kani i peki kauwa.
689	GEN 25:30	Kamaina bi tana Deikap i giuwena gado, “Tagu kanipeki i laukauwegu, gwadai sabasabana kuna ḡiuḡiuna, waiḡapa kwa tala natome bi yà kani!” Taunana aubaina tedi Iso isana ḡesauna a sakona Edom.
694	GEN 26:1	Kamaina bi gomala ḡesau i tubuḡa maibena wala Eiblaḡam ena saugemo i tubutubuḡana. Taunana aubaina Aisik i nawa Gelamo Filitiya ḡalibonana Abimelek ena ani miyamo.
695	GEN 26:2	Kamaina bi Maimaituwa Aisik lisinemo i laumaḡata bi i giuna gado, “Mote kuma nawa Idipmo bi niga dobuna e giugiuwena ḡome kwa miya.
699	GEN 26:6	Kamaina bi Aisik Gela dobunemo i miya.
775	GEN 28:1	Aisik, Deikap i yoge, i kavisuvisu bi i giuwena gado, “Keinan waivinina mote kuma naḡi.
776	GEN 28:2	Kwa nawa Padan Alanmo bi ḡome itam Betuwel ena vanuwemo, ḡome ḡavum Leiban natuna guguinina ḡemota kwa naḡi.
785	GEN 28:11	Tana i nawanawana eete aubiga ota bi dobu ḡesaunemo i tava. Kamaina bi ḡome ena ḡalavu i voiye. Bi ḡakima ḡemota i vai i sako bi i guliyovo te i wai kunuwanaye bi i kena.
787	GEN 28:13	Bi wawana kavalinemo Bada i moimoito. Kamaina bi i giuna gado, “Tagu Bada, tamam Eiblaḡam bi Aisik edi Maimaituwa. Niga doḡana dabanemo kwa kenakena, kaka tam bi em tubulelesa yà vitemi.
789	GEN 28:15	Tagu mote yàma gosem bi baiḡa kwa nawanawana ba tagu vaitem bi yà labem te yà natome munaḡem Keinanmo bi bai lisimmo e giugiuwapaena yà voiye.”
794	GEN 28:20	Kamaina bi Deikap Maimaituwa lisinemo i giuwapana gado, “Bamoda tam tagu vaitegu bi egu babalemo kwa labe kauwegu bi kani kwa vitegu yà kani bi gala kwa vitegu yà kote,
1025	GEN 35:13	Kamaina bi Maimaituwa tana i gose kamaḡe bi i nawa.
1031	GEN 35:19	Kamaina bi Leitsel Ifleit etana diyanemo a dobo, niganana dobuna sa wai isana Betliḡem.
1039	GEN 35:27	Deikap i nawa tamana Aisik lisinemo i tava Mamlemo, dobu Kiliat-Alaba mba taunana Ḡiblon. Mba ḡome dolinemo Eiblaḡam ma natuna Aisik tautavatava a miyamiya.
1085	GEN 37:1	Deikap tamana wala Keinanmo i miyamiya bi tana kota ḡome i miya.