67	GEN 3:11	Bi Maimaituwa oloto i giuwena gado, “Aiyai i giuwem te tam kofakofam? Tam kai e waiḡakena votana kuna kani?”
86	GEN 4:6	Kamaina bi Bada Kein i giuwena gado, “Bai aubaina kwa medimedi? Bai aubaina matam i nuwavitale?
90	GEN 4:10	Kamaina bi Bada i giuwena gado, “Bai aubaina kauwa wai nuwanainailina kuna voiye? Tinanatum kwasinina doḡamo ya ḡabaḡaba, lisigumo laubiwa aubaina.
415	GEN 17:17	Eiblaḡam tuwapekana i waitupagwaliḡe matana doḡamo bi noponemo nuwana i waigwaigwai bi taunaḡa i giu munaḡena gado, “Ḡemoḡemotina oloto ena kwalabu 100 bi yai natuna? Bi kota Sela ena kwalabu 90 bi yai natuna?”
439	GEN 18:14	Mwali bai i pilipili gulata lisigumo te yà voiye? Kage mainana e giugiuna, tagu yà nato munaḡa, niga mainana laḡannemo bokina kwalabunemo bi mwanem Sela gomana olotona ya bewa.”
448	GEN 18:23	Eiblaḡam i nawa Bada diyaotinemo bi i giuwena gado, “Giu kauwa te lava visuvisudi bi gebogebodi vaitedi kwa kovoḡidi?
449	GEN 18:24	Bamoda lava 50 didimanidi malagai dididiginemo, tam male kwa kovoḡi bi mote kuma nuwa munaḡedi?
450	GEN 18:25	Mba mote i visu. Mote kuma voiye. Tam mote lava visuvisudi bi gebogebodi vaitedi kumai pekidi, kauwina ḡemotina kwa voiye, lava didimanidi bi balebaledi lisidimo. Geḡa. Tam bena taulaididimana dobu matabunemo, ee? Tam bena kwa etale kauwemai.”
463	GEN 19:5	Loti lisinemo a binau saḡana gado, “Olooloto labu kage lisimmo a tavatavana bamo sa miyamiya? Tama ka ḡoeḡoena, kwa ka potiyovodi bi vaitedi kaipasa.”
470	GEN 19:12	Kamaina bi olooloto labu Loti a giuwena gado, “Tama ḡotona te niga dobuna ka kovoḡi. Bada waiwavu dididiga i vaiye niga malagaidimo bi i giu kamaḡemai te kai kalaḡosedi. Bamo natunatum, botibotiyam bi em lava ḡesaudi niga ḡome? Matabudi kwai dolidi bi niga malagaina ko gose kamaḡe.”
1098	GEN 37:14	Kamaina bi Deikap i giuwena gado, “Kwa nawa bi tuwatuwaḡam bi ḡamoḡamo kwa kitedi, tedi kamaina ee geḡa? Bi kwa nato te kwa giuwegu.” Kamaina bi tana Ḡiblon wapunemo bi i nawa Sekem. Bi laḡannemo Diyousep Sekemmo i tavatava
1110	GEN 37:26	Kamaina bi Diuda tuwatuwaḡana i giuwedina gado, “Bamoda tasida tai peki bi ena peki tai malimaliuwena, ba yaḡolo damonemo bai ta banavi?
1254	GEN 42:1	Deikap bi ena vanuwa lavedi Keinanmo a miyamiya bi Deikap i vaiye te kani Idipmo ba natunatuna i giuwedina gado, “Bai aubaina ko wai miyamiya?
1569	EXO 2:14	Ḡome olotona i giuna gado, “Tam aiyai ḡailisi i vitem bi kwa waibadaemai? Tam kuna ḡoeḡoena tagu kwai pekigu, mai maḡo Idip lavana kuna waipekina, ee?” Ḡome Mousis i naila bi i wai noḡotana gado, “Bai e voivoiyena gode lava matabudi kaikana a sibe.”
1901	EXO 14:11	Bi Mousis a giuwena gado, “Ei Mousis bai kuna voiye? Mai bena Idipmo tauyewa geḡa bi kunai dolimai te niganana kalakalalelemo ka peki.
1905	EXO 14:15	Kamaina bi Bada, Mousis i giuwena gado, “Bai aubaina lisigumo ko binabinau? Islael lavedi kwa giuwedi te ko nawa ota.
1932	EXO 15:11	‘Oo Bada bamo mote diyammo maimaituwa ḡesau mai tam? Geḡa, geḡa ota! Oo Bada tam giukauwa te namalim waiyawa i ḡailisi gulata bi anisove kauwidi kwa voivoiyedi.
1976	EXO 16:28	Kamaina bi Bada, Mousis i giuwena gado, “Lava kwa giuwedi ‘Temi wala te niganana bai aubaina mote egu waiḡake bi egu wailovelove koma kaikaiwatedi?
1988	EXO 17:4	Kamaina bi Mousis Bada lisinemo i binau saḡana gado, “Bada, niga lavedi bainewa yà voiyedi? Tedi sebuna te sa lauḡakimigu.”
2014	EXO 18:14	Laḡannemo botiyana Detolo i kita te Mousis bai matabuna lava aubaidi i voivoiye ba i giuwena gado, “Bai aubaina te mba kauwina tam taumḡa lava aubaidi kwa voivoiye? Taumḡa kuna miya bi lava a moito kwaivivilem bi kuna waitalapiliyedina eete suwala i bulu?”
4094	NUM 13:18	bi ḡome dobuna ko tigane te ko kita te lava wapawapa ee visa ota sa miyamiya. Tedi ḡaiḡailisidi ee gwaḡegwaḡedi?
4095	NUM 13:19	Bi edi doḡa ko kita te visuvisuna ee gebogebona. Bi kota edi taun ko kita, a ganakuku ee geḡa?
4096	NUM 13:20	Bi doḡa ko kita, maumaulina ee gomegomelina? Kai ḡome sa moimoito ee geḡa? Bamoda sa moimoito ba votedi vaitedi ko legau natomedi te ka kitedi.” (Mba guleipi ena vota laḡanina.)
4316	NUM 20:4	Bai aubaina Bada ena lava kunai doli tavaitemai niga kalakalalelemo? Te tama bi ema ḡamoḡamo vaitedi ka peki.
4317	NUM 20:5	Bai aubaina Idipmo kuna kapotiyovomai, te niga dobuna tatakalinemo kuna tavaitemai? Niga ḡome mote bai sima moimoito, mote witi, mote damaya, mote guleipi, mote pomeguleneti bi mote bai ḡesaudi. Bi mote bamo gauba te maso ka tego yawasana.”
4346	NUM 21:5	Kamaina bi lava Mousis bi Maimaituwa lisidimo a giuvitavitalana gado, “Bai aubaina Idipmo kuna kapotiyomai bi kuna natomemai niga kalakalalelemo te ka peki? Niga ḡome mote kani te ka kani bi gauba te ka tego. Niga kanina mana tama ke kanituni daboke.”
4408	NUM 22:32	Bi Bada ena aneya Beilam i waitalayena gado, “Bai aubaina em donki ma faiona kuna kwapu? Tagu e nato te em eta e moito gudu banina niga nawana mote yai anine.
5038	DEU 4:32	“Laḡannemo Bada emi Maimaituwa temi Idipmo ena ḡailisimo i kapotiyovomi, te temi aubaimi mataila bi anisove kauwidi i voiyedi, Idip lisidimo. Tana mulimimo i moito bi wainuwatoi dididiga i vitedi. Kota oya Sainai dabanemo kai vavavaninemo i giu yovo lisimimo. Bi temi i voiyemi te ena lava otimi kona tubuḡa bi mote ko peki. Niganana emi noḡota ya munaḡa nove wala Maimaituwa dobumo lava i voivoiyena laḡanina ko noḡoti. Bamo mai dobu isuna te isuna kauwidi a tubuḡa, ee geḡa? Geḡa mote bamo! Bamo mai maimaituwa ḡesaudi mainana anisove kauwedi a voiyedi, ee geḡa? Geḡa mote bamo.
6493	JOS 24:15	Bamoda mote koma ḡoeḡoe te ko voteyateyae ba niganana nuwemi koi tetedi te aiyai ko voteyateyae? Mba dobudi edi maimaituwa emi magumagula Idipmo a lau laudunedina e Amoli lavedi edi maimaituwa, tedi taudidi niganana edi dobumo ko miyamiya? Bi tagu bi egu vanuwa lavedi vaitedi ba Bada aubaina kaitaupaula.”
7222	1SA 1:8	Kamaina bi Elikana mwanena i wai waitalayena gado, “Ana bai aubaina kwa ḡabaḡaba bai kauwina kwa wai nuwaboyae bi mote kuma kanikani, tam wai natuna kuma wai nuwaboyae? Tagu maibena libilibi 10, kwa kitagu bi ta miya.”
7295	1SA 3:17	Bi Eli i waitalayena gado, “Bada bainewa i giuwem? Mote kuma nuwevi. Bamoda mwali matabuna i giugiuwemna mote kuma giuwegu ba Maimaituwa ya kovoḡi kauwem.”
7581	1SA 15:19	Bai aubaina mote Bada ku voteyeteye? Tana i giuwem te ḡaviya noponemo mote maso edi bai ḡesauna ku vai. Bi geḡa te tam noḡotimmo niga mwalidi kuna legaudi bi Bada matanemo gebo kuna voiye.”
7584	1SA 15:22	Ḡome Samuwel i giuwena gado, “Sol bamo taunana Bada ya wainuwavisuwe? Ḡamoḡamo sa gabudi bi Bada lisinemo sa laulau sewasewana, ee Bada lisinemo waikalinakabi?” Kuna sibe ee geḡa, te waikalinakabi i saḡa gulata kaka ḡamoḡamo sa laulau sewasewayedina. Giukauwa te Bada waikalinakabiyena ba i tausaḡana kaka lausewasewa. Tana kalinana vaiye watawatana ba i visu gulatana kaka soisoi sipu laukaidi sa laulau sewasewayedina.
7599	1SA 16:2	Samuwel i waitalana gado, “Bainewa yà nawa? Sol giugu ima vaiye bi imai pekigu?” Bada i giuwena gado, “Kau gubuna waivinina kwa vai bi kwa giuna gado, ‘E nato Bada lisinemo lausewasewa aubaina.”
7778	1SA 21:4	Aḡimelek lisimmo niganana bai ya kenakena ee geḡa, te kwa vitegu? Buledi 5 ee bai ḡesauna te kwa vitegu yà kani.”
8269	2SA 11:7	Kamaina bi Ulaiya i nato Deivida lisinemo. Bi Deivida i waitalayena gado, “Diyowab ena tauwaiḡaviya vaitedi bainewa? Bi bainewa sa waiḡaviya?”
8298	2SA 12:9	Bi tam bai aubaina egu giuvavasaḡa kuna laukasaḡaiḡaiye bi niga kauwina gebogebona kuna voiye? Ulaiya Ḡiti lavana tam kunai peki bi mwanena kuna naḡivai te mwanem. Tam Amon lavedi edi kepatemo Ulaiya kunai peki.
9163	1KI 12:9	Bi i waitalayedina gado, “Islael lavedi bainewa yà giuwedi? Tedi sa giugiuweguna gado, ‘Ema noya kwa voiye te ya tekateka mote mai tamam ena saugemo.’”
9663	2KI 5:12	Damaskasmo gauba Abana bi Fafa mote a visu gulata, ee? Maso ḡome e asiwa bi e yawasana.” Taunana aubaina ma medimedina i nawa.
12881	JOB 1:8	Ḡome Bada, Seitan i wai talayena gado, “Egu taupaula Diyoba kuna kita? Tana ba lava visuvisu kauwina mote mai aiyai dobumo. Tana ena kauwa a didimana, ya laulauduneyegu bi ya kitakita kauwe te gebogebo mote ima voiye.”
12898	JOB 2:3	Kamaina bi Bada i waitalayena gado, “Bi egu taupaula Diyoba bamo kuna kita? Tana ba lava visuvisuna, mote aiyai ḡesauna mainana dobumo. Tana kauwa didimanidiḡa ya voivoiyedi. Kuna gwayagu te pilipili waibani geḡana e vite bi geḡa te yaḡolo ya vivivilegu bi ya kitakita kauwe te mote gebogebo ima voiye.”
12904	JOB 2:9	Bi mwanena i giuwena gado, “Niga pilipilidi matabudi a nato lisimmo bi bai aubaina, Maimaituwa kwa vivivile bi yaḡolo te didimana kwa voivoiye? I visu te maso Maimaituwa kuna pasili bi kuna peki.”
12919	JOB 3:11	Bai aubaina egu tubuḡa laḡannemo mote e peki? Bai aubaina tinagu bwaganemo mote e peki?
12920	JOB 3:12	Bai aubaina tinagu i bewabewa watawatagu? Bai aubaina i waisusu watawatagu?
12936	JOB 4:2	“Bai yà giuwemna male kwa medi. Mote luvagu te yài nuwabagibagi?
13799	JOB 38:2	“Tam em sibe bai, te egu nuwauyauya kwai talavitavitale? Em giu banina geḡa.
13801	JOB 38:4	Tam ḡome bi tagu dobu voiyena ei tubu ee? Bamoda kuna sibena ba kwa giuwegu.
13802	JOB 38:5	Dobu ena didiga aiyai i wai ogatalaye, kuma sibe? Aiyai nimana i tuḡu bi i lau luva?
13803	JOB 38:6	Aiyai dobu yasina i sako bi aiyai dodu liuna duḡudi i waimoitodi?
13805	JOB 38:8	Laḡannemo, nisa i laulau pusuwalina maibena gomana bwagamo i tubutubuḡana, ba aiyai nisana i wabaḡavuki? Bamoda kuma sibe ba kwa giuwegu?
14303	PSA 27:1	“Bada tana egu yanayana bi yawasana pakana, taunana aubaina aiyai bena yà naile? Tana pilipilimo ya moimoito galamegu, taunana aubaina mote yàma naila.
15975	PSA 119:9	Bainewa lava valivaliuna didimanemo ya miya? Ba Bada, em giuvavasaḡa ya voteyateyaedi.
17388	ECC 1:3	Lava niga dobunemo sa noyanoya gulata. Bi damodimo bai mwalina sa banavi?
17813	ISA 5:4	Daibina e voiye kauwe te maso waen a vota kauwa bi geḡa te mote a vota kauwa bi kota bai ḡesauna mote yà voiye? Tagu e ḡoeḡoena maso guleipi visuvisudi bi bai aubaina te ailulu?
17847	ISA 6:8	Ḡome Bada e vaiye i giugiuna gado, “Aiyai yà giukamaḡe? Bi aiyai aubaida ya nawa?” Bi e giuna gado, “Tagu niga ku giukamaḡegu!”
17865	ISA 7:13	Bi Aisaiya i giuna gado, “Temi Deivida ena tubulelesa koi beyavaiya kauwa. Kona laulaukasaḡaiḡaina eete lava kona ka tunidabokidi bi kota mainana Maimaituwa ko katunidaboki?
18721	ISA 49:15	Bi Bada edi giu i waimunena gado, “Bamo wala mote vaivaisu natuna meyameyana bewana bi wai susuna ee wai nuwavainena nuwana i kauleya? Bamo te vaivaisu natuna bewana, wai susuna bi wai nuwavainena nuwana ya kauleya. Bi tagu kaka mote temi nuwagu ima kauleya.”
18740	ISA 50:8	Taukadidimanigu ba diyagumo. Niganana aiyai yai valavalagu? Kwa nato ta nawa ta etala, bi em waiwavu kwa saḡedi.
18741	ISA 50:9	Bada wailewapanina taunaḡa tausagugu, aiyai bena yai wavugu? Tauwaivalavalagu matabudi sa neḡaneḡa, mai sulasula gala sa kanikani kovidina.
18782	ISA 53:1	Aiyai ema giu visuvisuna i wai sumaḡe bi aiyai lisinemo Bada ena ḡailisi i wai maḡati?
18812	ISA 55:2	Bai aubaina mwali mote anikani, lisidimo mane kwa waiyakali? Bi em noya mote matailina, Kalinagu ko vaiyena kaka, kani visuvisuna ko kani, bi koi nuwavisuye, mote mai kani ḡesaudi.
18959	ISA 64:4	Sauginemo lava nuwavisumo visuvisu a voiyedi bi didimaninemo a kaiwatamna ba tam kuna sagudi. Tam lisimaimo kuna medi bi tama yaḡolo te gebogebo ke voivoiye nonoḡe. Mba mainana kaka bainewa ka yawasana?
22606	JON 1:6	Bi waga tauvelauyena i nawa nove lisinemo bi i giuwena gado, “Tam bai aubaina kuna kena? Ku moito bi em maimaituwa lisinemo kwa laupali bamoda kalinam ya vaiye bi ya saguda te mote tama bulu.”
22608	JON 1:8	Kamaina bi ai talayena gado, “Ku giu, niga pilipilina lisidemo i tubuḡana ba aiyai tai wavu? Tam em noya bai? Tam bamo bi kuna nato? Dobu isana lavam? Tam em dam bamo lavedi?”
24308	MRK 1:24	“Tam Nasalet Yesuna kuna ḡoena bai lisimaimo kwa voiye? Tam kuna natona kwa ka gebogebomai ee? Tagu e sibem tam aiyai? Tam waiyawa ḡemota Maimaituwa lisinaḡa kuna yovo.”
24311	MRK 1:27	Lava matabudi ḡome a sove bi edi lava ai talayedina gado, “Niga bai kauwina ya tubutubuḡa? Niga wailovelove valivaliuna, tana waibada lisinemo te aluwa gebogebodi ya giuwedi bi kalinana sa kaikaiwata.”
24336	MRK 2:7	“Maimaituwa taunaḡa gebogebo taunoḡoti kamaḡedi bai aubaina niga lavana mainana ya giugiu? Tana bena Maimaituwa vaitena ḡemoḡemotidi, ee?”
24337	MRK 2:8	Tedi mai a wai nuwanoḡonoḡota ba Yesu ma ḡemota nopodi i sibe. Bi i giuwedina gado, “Bai aubaina nopomimo mainana ko wai noḡota?
24348	MRK 2:19	Yesu i giuwedina gado, “Bai aubaina lawelawena ena tauliso sa udi? Tedi mote sima udi banina lawelawena yaḡolo tedi vaitedi.
24354	MRK 2:25	Yesu giu i wai munena gado, “Temi Deivida bai i voivoiyena mote bamo ko iyevi? Sauginemo tana bi ena lava vaitedi kani a peki bi a ḡoe te maso bai a kani.
24361	MRK 3:4	Bi lava i wai talayedina gado, “Egu lava, eda waiyawasi laḡanna ena waiḡake bainewa ya giugiu? Lava ta sagu ee ta kita kamaḡe, tai yawasani ee ta kagebogebo?” Bi tedi a miya moimoisili.
24380	MRK 3:23	Kamaina bi Yesu i yogedi bi lautaulalamo i giuwedina gado, “Seitani bainewa taunaḡa ya kwavi munaḡe?
24381	MRK 3:24	Bamo dobuna lavedi sa dailidi bi sai ḡasiḡasina ba taudiḡa sa ka gebogebodi?
24405	MRK 4:13	Yesu tedi i wai talayedina gado, “Temi niga lautaulalana mote ko sibe? Lautaulala ḡesaudi yà giuwedina mba bainewa bi ko sibedi?
24422	MRK 4:30	Yesu i giu munaḡana gado, “Maimaituwa ena waibadana ena lava lisidimo ba bai ya lau koiluvae te ko sibe? Ee bai lautaulalana tagu yà giuwe te ko sibe?
24430	MRK 4:38	Bi Yesu waga mulinemo kunuwana dabanemo i kenakena. Kamaina bi ena tauwaikaiwatana tana a lainuwesi bi a giuwena gado, “Tauwailovelove tam kwai nuwaboyaeda ee geḡa? Niga ta peki!”
24432	MRK 4:40	Yesu ena tauwaikaiwatana i giuwedina gado, “Temi bai aubaina ko nainaila? Temi ko wai sumaḡa ee geḡa?”
24433	MRK 4:41	Tedi a naila bi taudiḡa ai giugiuna gado, “Niga tana aiyai? Te yavala bi labama i giuwedi te kalinana a kaiwata.”
24440	MRK 5:7	Bi kalinana dididiginemo i binauna gado, “Yesu Maimaituwa saḡasaḡa guletina Natuna, tam bai lisigumo kwa voiye? Maimaituwa isanemo yà giugiuwem te mote kuma laukivi gebogeboegu.”
24472	MRK 5:39	Yesu vanuwa noponemo i valageta bi i giuwedina gado, “Bai aubaina ko wai nuwapoyae bi ko ḡabaḡaba? Gomana mote i peki tana ya kenakena ota.”
24478	MRK 6:2	Waiyawasi laḡannemo tana wailovelove i waitubu bolu vanuwinemo. Bi lava wapewapedi ḡome ena wailovelove a vaivaiyena, tedi matabudi a tatava bi ai talapilina gado, “Niga nuwauyauyana bamo i vai? Bi kota bamo ḡailisi i vai bi ani sove kauwidi ya voivoiyedi?
24514	MRK 6:38	Bi Yesu i wai talayedi, “Buledi visa lisimimo? Ko nawa ko kita.” Ena tauwaikaiwatana a nawa te a kita bi a giuna gado, “Buledi 5 bi iyana labu.”
24550	MRK 7:18	Bi i giuwedina gado, “Temi yaḡolo ko wai nuwanaina, mote ko sibe? Temi kona sibe e geḡa te kani bai lava i kanina ba ya yovona bwaganemo te ya potiyovo munaḡa bi mote kaka nopona imai mila.” Yesu niga mainana i giuna ba i ka maḡati te kani matabudi ba visuvisudi Maimaituwa matanemo.
24581	MRK 8:12	Yesu yawasina i bunanai kamaḡe bi i giuna gado, “Temi niga kimtina bai aubaina ko ḡoeḡoe te mataila ko kita? Yà giugiu kauwemi te mote mataila yàma voiye koma kita.”
24586	MRK 8:17	Yesu edi noḡota i sibe bi i giuwedina gado, “Bai aubaina ko giugiu te mote buledi ko vai? Temi mote ko kita, ee mote ko sibe? Temi yaḡolo ko wai nuwanaina?
24587	MRK 8:18	Temi waimatemi bi mote komai kita kauwa? Waibeyemi bi mote komai beyavaiya kauwa? Mote ko noḡoti?
24605	MRK 8:36	Bamoda lava niga dobuna ena ḡowana matabuna i vai kovi bi ena yawasana i ka gebogebo, mba kauwidi damodimo bai visuna ya tubuḡa?
24606	MRK 8:37	Bi kota bai mwalina ya vite bi ena yawasana ya vai munaḡe? Geḡa geḡa ota.
24630	MRK 9:23	Yesu i giuwena gado, “Bamo te tam ḡemoḡemotim? Aiyai ya waisumaḡana ba Maimaituwa ḡemoḡemotina bai matabuna tana aubaina ya voiyedi.”
24657	MRK 9:50	“Soliti ba mwali visuvisuna bi bamo te dinina i kovina ba bainewa ko voiye bi ya dini munaḡa? Temi ko wai kagiuna didiga aubaina, mba temi mai soliti dinimi i kovi. Temi emi yawasana maso maibena kani solisolitina dinina. Temi maso mainana nuwavisumo emi lava vaitedi kona miya.”
24675	MRK 10:18	Bi Yesu oloto i giuwena gado, “Bai aubaina kuna giu te visuvisugu? Aiyai mote i visu, Maimaituwa taunaḡa i visu.
24685	MRK 10:28	Kamaina bi Pita i giuna gado, “Bi tama bainewa? Tama kaikana bai matabudi ke ḡosedi kamaḡedi bi ke kaiwatam.”
24695	MRK 10:38	Yesu i giuwedina gado, “Temi mote ko sibe te bai ko waibaḡae. Temi ḡemoḡemotina wainuwatoi leduna yà tegona mainana ko tego? Ee yà buluna mainana ko bulu?”
24737	MRK 11:28	bi ai talayena gado, “Tam waibada bamo kuna vai bi niga kauwidi kwa voivoiyedi? Em waibada aiyai i vitem?”
24739	MRK 11:30	Ko giuwegu, aiyai Diyon waibadana i vite bi i laulaukabulu? Maimaituwa i vite ee lava dobumo?”
24751	MRK 12:9	Yesu ena giu i waikovi bi i wai talayedina gado, “Daibi taniwagina bai ya voiye? Tana kaka ya tava bi taubayau yai pekidi bi waen daibina lava ḡesaudi ya vitedi.
24752	MRK 12:10	Temi gilugilumina wadubonemo kona iyevi ee geḡa? Mba niga mainana i giu, ‘Vanuwa taukelina duḡu a dabodabokena, i nuwavitala te duḡu laukaina vanuwa yasina i tubuḡa.
24757	MRK 12:15	Yesu edi kaiyovu i sibe bi i giuwedina gado, “Bai aubaina, ko ḡoeḡoe te ko taikulugu? Kaikaiyovumi? Mane ko natome bi yà kita.”
24768	MRK 12:26	Bi pekimo kenamoito ena giu Mousis i gilugilumina mote ko iyevi? Wala kai tombolunemo, kai vavavanina noponemo Maimaituwa, Mousis i giuwena gado, ‘Tagu Eiblaḡam ena Maimaituwa, Aisik ena Maimaituwa bi Deikap ena Maimaituwa.’
24777	MRK 12:35	Yesu Maimaituwa ena vanuwemo i wailovelove bi i waitalana gado, “Bainewa te waiḡake tauwailovelovena sa giugiu te Keliso ba Deivida ena tubulelesemo?