23214	MAT 1:1	Iri a risan a kabotaro tagun numugu ra o Iesu Karisito i wanpat tagun det. O Iesu, a nutun o Dewid, o Dewid a nutun o Abaram.
23229	MAT 1:16	o Jekop o taman o Josep, i ra i nolin nam o Maria. O Maria i usus o Iesu, ra di watungi o Karisito, i ra o God i tulu ru i.
23230	MAT 1:17	A kum taun taro turpasi tagun o Abaram tuk un o Dewid i elar nama noino ma a wat det, ma tagun o Dewid tuk una inawan na karabus tong o Babilon, a noino ma a wat kai det, ma tagun a inawan na karabus tong o Babilon tuk un o Karisito, a noino ma a wat na taun taro kai.
23231	MAT 1:18	Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.
23242	MAT 2:4	Numur i ben tomo rop pas a kum lamlabino tene etabor torom o God ma a kum tene ususer tagun a Warkurai. Ra i ting det lena, “A Karisito ra o God in tulu ru i, din ususi awai?”
23272	MAT 3:11	Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.
23291	MAT 4:13	Ra i wan tagitong o Nasaret, i kis tiro o Kapernaum, a tamon ra i kis una usalin nisan a du tasi Galili, una piso anun a kabotaro Sebulon ma a kabotaro Naptali,
23316	MAT 5:13	“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.
23318	MAT 5:15	Katutaio in ungangon tar tu lam ma in wop bat tari nama paket. Awu! Din ubek tari ut netes una nun a turtur, sur in talapor torom det rop ra det kis una rumu.
23320	MAT 5:17	“Gong mot nuki lena a wanpat sur an rakon ru a kum Warkurai anun o Moses ma a kum etowo anun a kum poropet, awu. Ka wanpat sur an rakon ru det, a wanpat sur an pam sot pas det.
23325	MAT 5:22	Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.
23338	MAT 5:35	Gong mot liliman nama rakrakon bual, uni a rakrakon bual a nubual ra i ubek aru kikino uni. Gong mot liliman nam o Jerusalem, uni o Jerusalem a tamon anun a labino King.
23375	MAT 6:24	“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.
23377	MAT 6:26	Mot in tama a kum piko. Ka det marut tu utna, ma ka det pasong tomo lako utna, ma ka det umubek tomo un tu rumu, ikut a Tamamot ra i kis sapat una langit, i ser tabor det. Ma mot, mot labo doko taun det.
23379	MAT 6:28	“Ilai ra mot nuknuk doko sur a malmalu? Mot in tama a kum purpur tagisa ubual, ra det lubung pepetlai. Ka det ser papam ma ka det ser pam malu.
23408	MAT 7:23	An balu det lena, ‘Ka tasman mot. Mot a kum tene sakino, mot in nan gisen gusun iau.’
23414	MAT 7:29	uni i ususer det elar nam ara, ra a warkurai kura ut tano. Ke ususer det elar nam anundet a kum tene ususer tagun a Warkurai.
23419	MAT 8:5	Ra o Iesu i sa wanpat tong o Kapernaum, ara mugumugu anun a kum tene inaim tagitong o Rom i wan toromi, ra i inanosi sur in waruti.
23443	MAT 8:29	Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”
23464	MAT 9:16	“Katutaio in mabon a du matok na malu tomo nama turaino ra i tararos, uni a du matok na malu in raros a turai na malu, ra in tararos bing.
23465	MAT 9:17	Kataio in titior a matok na wain utiro unin turai na koto ra di pami namin pino meme, sako in nokoto in tupurus ma in laulau, ra a wain in tilingis. Din titior a matok na wain ut utiro unin matok na koto na wain, sur der rop der in kis wakak.”
23530	MAT 11:2	O Jon i kis una karabus ma i longoro a kum pinapam anun o Karisito. Ra i tulu ru anun a kum nat na ususer sur det in tingi lena,
23535	MAT 11:7	Ra a kum nat na ususer anun o Jon det wan, o Iesu i inanos a kunur na taro un o Jon lena, “Una bung ra mot wan una nubual kalako taro uni torom o Jon, asau ra mot tamtama suri? Kutiro in nere ra i erere una wuwu? Awu.
23549	MAT 11:21	I watungi lena, “In laulau torom mot a taro Korasin, ma in laulau kai torom mot a taro Betsaida. Ra gunuk di sa pam tar a kum utna na ukisin ri torom a taro Tair ma o Saidon, elar nami ra a sa pam tari torom mot, kanapi det in nukpukus lakit ma det in tobo, det in emar nama kum malu na tupunuk ma det in talus a pinindet nama kubus na sungun. Ikut mot, ka mot nukpukus.
23550	MAT 11:22	A watungi tamot lena, una bung na warkurai, a warkurai torom mot a taro Korasin ma o Betsaida, in laulau doko taun a warkurai torom a taro Tair ma o Saidon.
23551	MAT 11:23	Ma mot kai a taro Kapernaum, pepetlai, mot nuki lena din ulabo pas mot usapat netes? Awu, din woro pirso ru mot kut una labino sungun. Gunuk ra di sa pam tar a kum utna na ukisin torom a taro Sodom, elar nami ra di sa pam tari torom mot, kanapi o Sodom kuri utmakai i.
23552	MAT 11:24	A watungi tamot lena, una bung na warkurai, a warkurai torom mot a taro Kapernaum in laulau doko taun a warkurai torom a taro Sodom.”
23555	MAT 11:27	“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.
23571	MAT 12:13	Ra i inanos a musano lena, “Kodos a lamam.” I kodosi, ra a lamano i tokodos melet, elar nam ara lamano ra i wakak.
23577	MAT 12:19	Ken wasiso na kankan, ma ken ugaia, ma ka din longoro in nalngano una kum kisapi.
23578	MAT 12:20	Ken pak in nere ra i tulukun, ma ken wup doko a lam ra ke kunabor wakak. In pami lenra tuk ra a tokodos na warkurai in winim pas a sakino.
23581	MAT 12:23	Ra a taro rop det kisin, ma det iting lena, “Kutiro a Nutun o Dewid ut ri?”
23587	MAT 12:29	“Kataio in pet lar pasi sur in ruk una rumu anun tu dekdek na musano, ma in los pas a kum utna tagitiro una nun a rumu, ra ken ker ukai mugu tari. Ra ut in ker ukai mugu tari, in los a kum utna maragom anun a musano ra.
23669	MAT 14:3	Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.
23724	MAT 15:22	Ara ino Kenan tagitiro una papor ra, i wanpat ma i kabo o Iesu lena, “Labino, a Nutun o Dewid un maris iau. A nutunglik a ino, a laulau na nion kura uni, ra i ser ban laulau i.”
23728	MAT 15:26	Ra o Iesu i balu i lena, “Ke tokodos sur din los a utna ana kum nat, ma din woro i tan a kum pap.”
23734	MAT 15:32	O Iesu i kabo pas anun a kum nat na ususer toromi ma i watungi tandet lena, “A maris doko a taro ri, uni det sa kis tomo nam iau nin a tulu bung, ma kalako utna na inangon sur det in nani. Ka nemi sur an tulu ru det kut nama munurak, sako det in bengbeng nanan una kisapi.”
23750	MAT 16:9	Pepetlai, ka mot mananos utmakai? Ka mot nuk pas a limanin beret ra a tibiki torom a limo na arip na musano? Ma ka mot nuk pasi kai a iso rat ra mot song bukus pasi?
23751	MAT 16:10	Ka mot nuk pas a wonom mawit na beret ra a tibiki torom a wat na arip na musano? Ma ka mot nuk pasi kai a iso rat ra mot song bukus pasi?
23752	MAT 16:11	Ilai ra ka mot mananos? Ka wasiso una beret. Mot in tumarong mot una is anun a kum Parisi ma a kum Sadusi.”
23757	MAT 16:16	Ra o Saimon Pita i balu i lena, “Ui a Karisito, a Nutun o God ra i laun.”
23761	MAT 16:20	Ra o Iesu i turbat anun a kum nat na ususer sur gong det inanos tar taio lena i a Karisito.
23789	MAT 17:20	Ma i balu det lena, “Uni anumot a nurnur i natino doko. A inanos mot nama lingmulus, ra anumot a nurnur in natino elar namin pitino mastad, mot in pet lar pasi sur mot in watungi tan a tangai ri lena, ‘Un karai taginin utong,’ ra in karai kut. Katu utna in ngangitin torom mot.”
23793	MAT 17:24	O Iesu ma anun a kum nat na ususer det wanpat tong o Kapernaum, ra det ra det ser los takis sur a rumu na etabor, det wan torom o Pita ma det tingi lena, “Anumot a tene ususer i ser pitar a takis sur a rumu na etabor o awu?”
23868	MAT 20:7	Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’
23869	MAT 20:8	“Ra i sa lirop matano mirum, a taman a kinobot na wain, i watungi tan a mugumugu tagun anun a kum tene pinapam lena, ‘Kabo pas a kum tene pinapam urin, ma un tokom det. Det ra det wanpat murmur sakit un tokom mugu det. Numur un tokom imurmur a kum tene pinapam tuk un det ra det mugu pat.’
23883	MAT 20:22	O Iesu i balu i lena, “Ka motul tasman asau ra motul sasaring suri. Pepetlai, in topasi sur mur kai mur in inum tagun a kap na mamaut ra an inum taguni?” Der balu i lena, “Mir in pet lar pasi kut.”
23922	MAT 21:27	Ra det balu o Iesu kut lena, “Ka met tasmani.” Numur o Iesu i watungi tandet lena, “Iau kai, kan inanos mot una dekdek ra a ser pam a kum utna ri nami.”
23957	MAT 22:16	Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.
23983	MAT 22:42	“Asau ra mot nuki una Karisito? I a nutun osi?” Det balu i lena, “A nutun o Dewid.”
23984	MAT 22:43	O Iesu i watungi tandet lena, “Ra i lenra, ilai ra a Tokodos na Nion i mugu o Dewid ra i watung a Karisito lena ‘anung a Labino’? Uni o Dewid i watungi lena,
23986	MAT 22:45	O Dewid i watung a Karisito lena, i anun a Labino. Ra i lenra, der tamano pepetlai?”
23997	MAT 23:10	Ma gong di watung mot kai a kum mugumugu, uni ara sot kut anumot a mugumugu, a Karisito kut.
24031	MAT 24:5	Uni a susut na taro det in nanpat nama risang, ma det in warango det lena, ‘Iau a Karisito,’ ra det in toro lako susut na taro.
24035	MAT 24:9	“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi.
24049	MAT 24:23	“Una kum bung ra, ra taio in watungi torom mot lena, ‘Tama i, a Karisito kuri i,’ o ‘Kurong i,’ gong mot nurnur.
24050	MAT 24:24	Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.
24052	MAT 24:26	“Ra det in watungi tamot lena, ‘Kura i kis una nubual kalako taro uni,’ gong mot wan suri, ma ra det in watungi kai lena, ‘Kuri una rumu,’ gong mot nurnur.
24062	MAT 24:36	“Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani.
24069	MAT 24:43	Mot in tasmani: Ra a taman a rumu in tasman a du bung una mirum ra a tene wolong in nanpat uni, in kis ma in tamtamabat anun a rumu. Ken madek ru anun a rumu sur din wolongi.
24113	MAT 25:36	Ka tin namalu anung ra mot pitar in namalu tang, a misait ra mot tamtamabat iau, ma a kis una karabus ra mot lumu iau.’
24126	MAT 26:3	Una du bung ut ra a kum lamlabino tene etabor torom o God ma a kum mugumugu anun a taro, det kis tomo una labino rumu anun o Kaiapas, a mugumugu na tene etabor.
24158	MAT 26:35	O Pita i watungi tano lena, “Kan ipul ru ui. Ra iau kai an iru tomo nam ui, i wakak kut.” Ma a kum nat na ususer rop kai det watungi lenutra.
24180	MAT 26:57	Det ra det sa pam ukai pas o Iesu, det beni utiro una rumu anun o Kaiapas a mugumugu na tene etabor torom o God. A kum tene ususer tagun a Warkurai ma a kum mugumugu kura det sa wan tomo.
24186	MAT 26:63	Ikut o Iesu ke wasiso. A tene etabor ra, i watungi tano lena, “Una risan o God, ra i laun, un inanos met ra ui a Karisito a Nutun o God, o awu.”
24191	MAT 26:68	ra det watungi lena, “Karisito, ui a poropet, un inanos met. Osi ra i takalo ui?”
24193	MAT 26:70	Ikut i ipul umatandet rop, i watungi lena, “Ka tasman asau ra u wasiso uni.”
24197	MAT 26:74	Ma i liliman torom det lena, “Ra an toro o God in warkurai dekdek iau. Ka tasman a musano ra.” Ra uniutra a kereke i kurkurirakuk mut.
24204	MAT 27:6	A kum lamlabino tene etabor torom o God det los pas a kum silwa, ra det watungi lena, “Ke tokodos una Warkurai sur dat in ubek a mani ri una ululeng na mani, uni a mani ri a ikul tagun a musano ra di um doko i.”
24211	MAT 27:13	Ra o Pailat i tingi lena, “Ko longoro a susut na utna ri det takun ui nami?”
24212	MAT 27:14	Ke balu det un tu etakun ra det takuni nami, awu. Ra a mugumugu tagun a gapman i kisin doko uni.
24215	MAT 27:17	A kunur na taro det wanpat tomo torom o Pailat, ra i ting det lena, “Osi ra mot nemi sur an palos ru i torom mot? O Barabas o o Iesu, i ra di watungi nama Karisito?”
24220	MAT 27:22	O Pailat i ting det lena, “Asau ra an pami un o Iesu, i ra di watungi nam o Karisito?” Det rop det balu i lena, “Sak wati unin nanai kutus!”
24235	MAT 27:37	Sapat netes tan in lorin o Iesu unin nanai kutus, det ubek tar a wasiso na etakun uni, di tumus tari lena, “IRI O IESU, A KING ANUN A TARO JUDA.”
24240	MAT 27:42	“I ulaun pas a taro gisen, ikut ken ulaun lar pasi ut. Ra i a King anun a taro Israel, uniutri in pirso gusun in nanai kutus ma dat in nurnur uni.
24254	MAT 27:56	Kura epotor tandet, a tulu ino kai ri, o Maria Magdalen, ma o Maria a nan o Jems ma o Josep, ma a nan aru nutnutun o Sebedi.
24270	MAT 28:6	Ke kis mo nin. I sa katutur melet elar nama nun a wasiso. Mur wan urin, ma mur in tama a nubual ra i inep taru uni.
24285	MRK 1:1	Iri a Wakak na Wasiso un o Iesu Karisito, a Nutun o God.
24291	MRK 1:7	I ser watungi lena, “O naro ra in mur tang, a dekdekino i labo taun a dekdeking. Ka elar sur an par piso, ma an palos aru su gusun aru kikino, uni a natino doko tano.
24305	MRK 1:21	Det wan utong o Kapernaum. Ra una Bung na Sabat o Iesu i ruk utiro una rumu na lotu, ma i ususer a taro.
24306	MRK 1:22	Ra det kisin una nun a kum etowo, uni i ususer det elar nam ara, ra a warkurai kura ut tano. Ke ususer det elar nama kum tene ususer tagun a Warkurai.
24324	MRK 1:40	Ara musano, i misait nama lepra, i wan torom o Iesu, ra i kis butkeke, ma i saring dekdeki lena, “Ke ngangitin torom ui. Ra u nemi, un ulangolango pas iau.”
24330	MRK 2:1	A iso bung bat tari, ra o Iesu i wanpat melet tiro una tamon Kapernaum. A taro det longoro i lena i sa wanpat tiro urumu.
24346	MRK 2:17	O Iesu i longoro i, ra i watungi lena, “A dokta ke wanpat sur det ra det langolango. Awu! I wanpat sur det kut ra det misait. Ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”
24348	MRK 2:19	O Iesu i balu det lena, “A kum paspasan a musano ra i nolin matok, det in wewel pepetlai, ra kura utmakai i tomo nam det? Ke sot sur det in wewel, uni a musano ra kura utmakai i tomo nam det.
24350	MRK 2:21	“Katutaio in mabon a du matok na malu tomo nama turaino ra i tararos. Ra in pami lenra, a du matok na malu in raros a turai na malu, ra in tararos bing.
24356	MRK 2:27	Ra o Iesu i watungi tandet lena, “A Bung na Sabat di pami sur in warut a taro. Ka di pami sur a taro det in warut a Sabat.
24362	MRK 3:5	O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.
24384	MRK 3:27	“Kataio in pet lar pasi sur in ruk una rumu anun tu dekdek na musano, ma in los pas a kum utna tagitiro una nun a rumu, ra ken ker ukai mugu tari. Ra ut in ker ukai mugu tari, in los a kum utna maragom anun a musano ra.
24413	MRK 4:21	O Iesu i watungi tandet lena, “Katutaio in los pas tu lam ma in wop bat tari nama paket, o in ubek tari kai nago utuntudu ina kabulu. Awu! Din ubek tari ut netes una nun a turtur.
24426	MRK 4:34	Ke wasiso torom det nam tu se wasiso, a wasiso elelar rop kut. Ikut, ra i mukut tomo nam anun a kum nat na ususer det kis, i utalapori maragom a kukurai ina kum wasiso elelar.
24430	MRK 4:38	O Iesu i inep dumun nago numur una pot, ma i ulalong taru una pilo. A kum nat na ususer det wangun pasi ma det inanosi lena, “Tene Ususer, dat na iru! Ko nuk pas met mo?”
24437	MRK 5:4	A susut na dino mo, di ser ker ukai aru lamano ma aru kikino nama sen, ikut i ser rubut a sen ma i ser sak ginogino a kum sen gusun aru kikino. Katutaio ut i dekdek sur in umarom lar pasi.
24442	MRK 5:9	Numur o Iesu i tingi lena, “A risam osi?” Ma i balu i lena, “A risang A Kabo Liur, uni a susut met.”
24448	MRK 5:15	Ra det wanpat torom o Iesu, det tama a musano ra a kabo liur na laulau na nion numugu det sisiop taru uni. Kura mukut i kis taru, i sa pipis pas ma a nuknukino i sa talapor melet. Ma a taro ra det ngara doko.
24470	MRK 5:37	Ke madek taio sur in muri, ikut i mulaot sur o Pita, ma o Jems dersino nam o Jon detul in muri.
24477	MRK 6:1	O Iesu tomo nam anun a kum nat na ususer det wan tagitong o Kapernaum, ra det wanpat tong o Nasaret, a tamon anun o Iesu.