23233	MAT 1:20	Ani ꞌouge rae zamarirotene, Zuhiꞌa Boro tuḡure viga ꞌahoganiꞌa iḡunao fureraro. Ebu raenaꞌa, “Iosefa, Davida mariga! Maria teite hahuroga ago rihanoꞌi. Mazaḡa Mariaꞌe Vine Zaḡoḡaonoꞌo ene teha.
23236	MAT 1:23	'Ḡianoꞌi! Ohoze teite ize mene hidiroteꞌe nogobaḡa ꞌahoganiꞌa ahiꞌeta reꞌuma, ebu ubuga ꞌahoga fureniꞌuma. Vazeꞌa ubugaꞌe Emanuela rae huniꞌuma. Eꞌe huganiꞌe, “Badiꞌaꞌe emeḡe teite” raꞌohe.'”
23240	MAT 2:2	“Iuda azaḡa kini raꞌeteꞌe vazeḡaꞌe mouma fureraneha? Mazaḡa eme madaꞌa iteꞌeteꞌe moneḡa habaꞌano buzuva ꞌahoga horoniro. Aꞌe kiniḡaniꞌa fureranateꞌe tahiḡa radu ani mazao kuranoga veize areha.”
23242	MAT 2:4	Eꞌanoꞌo Herodaꞌa dibuꞌo azaḡa ḡihiꞌaḡa niduꞌa zu Mose goro ḡoeꞌa ihozeꞌeteꞌe azaḡa niduꞌa nuꞌozadu ḡadiziro, raenaꞌa, “Keriso aniꞌe noumao fureraꞌuma?”
23243	MAT 2:5	Zeḡeꞌa naenaeninaꞌa, “Aniꞌe Iudea habaꞌano Betelehema neḡano fureraꞌuma. Mazaḡa peroveta vazeḡaꞌe ꞌahige mirihiro, raenaꞌa,
23246	MAT 2:8	Ebu edeḡa azaḡa Betelehema neḡano tuḡuzeꞌenaꞌa, ziro, raenaꞌa, “Onamadu tahiꞌa komeꞌa eꞌe faine vaḡoꞌi. Horonoꞌidene, eḡe zuni onamadu ani mazao kurafine, ihohoꞌi.”
23250	MAT 2:12	Ebu Badiꞌaꞌa iḡunao edeḡa azaḡa ihoziro, raenaꞌa, “Heroda vaḡe ago bare onamoꞌi.” Eꞌanoꞌo zeꞌe ibi ꞌahoganonoꞌo zeḡe haba bare onamiro.
23251	MAT 2:13	Edeḡa azaḡaniꞌa iḡuniroteꞌe enogano Zuhiꞌa Boro tuḡure viganiꞌa iḡunao Iosefa zamao fureraro, raenaꞌa, “Iḡunoꞌi. Ene komeꞌa viꞌeta zamazadu Izipi habaꞌa ferau onamoꞌi. Ebu eꞌea radoꞌi, onamo eḡeꞌa iḡunoꞌi rae ziꞌuma. Mazaḡa kini Herodaꞌa ane uti azaḡa tuḡuzadu ene komeꞌa manoga veize vaḡiꞌuma.”
23253	MAT 2:15	Ebu eꞌea radiro, onamo Herodaꞌa rudaro. Aꞌe Zuhiꞌa Boroꞌa ibite peroveta vazeḡa mazao reiroteꞌe ḡoeꞌaniꞌa hudaro, raenaꞌa, “Izipi habaꞌanonoꞌo eḡe ubude hune ariro.”
23256	MAT 2:18	“Rama neḡano roḡae ꞌahoganiꞌa zamaḡa are rudanadu kuau niaroteꞌe igiro. Rahelaꞌa ubugaubuga rudaroteꞌe uꞌano niaro, ebu ani vazeꞌa naminoga hezahoziniro.”
23258	MAT 2:20	“Iḡunoꞌi. Tahiꞌa komeꞌa viꞌeta Isaraela habaꞌa tutuze onamoꞌi. Mazaḡa tahiꞌa komeꞌa matihi reiroteꞌe azaḡa ꞌai rudau hauḡeha.”
23261	MAT 2:23	Ze onamadu ne ꞌahoga Nazaretao radiro. Aꞌe peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Iesuꞌe Nazareta vazeḡa rae reꞌuma.”
23263	MAT 3:2	“Sauꞌanonoꞌo ḡihuroꞌi, mazaḡa Badiꞌaꞌa ibitoziniꞌeteꞌe madaḡa ꞌai haniteha.”
23264	MAT 3:3	Ibite peroveta vazeḡa Isaiaꞌa Ioane Babatiso moneo ꞌahige reiro, raenaꞌa, “Vaze ꞌahoganiꞌa haba bohaꞌano huauꞌohe, raenaꞌa, 'Zuhiꞌa Boroꞌa onaꞌiuma! Ani ibi ruhiboꞌi, zu ani veize ibi mae dudunoꞌi.'”
23268	MAT 3:7	Farisea azaḡa zu Sadukea azaḡa ḡehaḡaniꞌa bapatizo mouga radu Ioane vaḡe onairo. Ebu aniꞌa ze horozirotene ziro, raenaꞌa, “Zaꞌe Zarama ubugaubuga heuḡa! Vazeꞌa zae mazao, 'Badiꞌaꞌonoꞌo maḡunuꞌa onaine ferau muhinoꞌi,' rae reiro. Rehano feranogaꞌe mene idaraꞌuma.
23275	MAT 3:14	Rehano Ioaneꞌa Iesu garariro, raenaꞌa, “Ḡaeꞌa eḡe bapatizohifo. Nougaꞌahi ḡaꞌe eḡe vaḡe onaeha?”
23276	MAT 3:15	Iesuꞌa naenaeniro, raenaꞌa, “Izidiꞌe ꞌouge haḡaoꞌi. Eme Badiꞌaꞌa urateꞌeteꞌe haḡaiḡa niduꞌa haḡaifine, ꞌougiꞌuma.” Ebu Ioaneꞌa Iesu ḡoere mae ḡihinadu bapatizoniro.
23278	MAT 3:17	Ebu ago ꞌahoganiꞌa adureꞌono'o ḡoeriro, raenaꞌa, “ꞌAdiꞌe eḡe ubude. Eḡeꞌa zamare borofeꞌohe. E ani mazao matu'e rudau'ohe.”
23281	MAT 4:3	Ebu Diavoloꞌa tuhunoga radu ani vaḡe onairo, ninaꞌa, “Ḡaꞌe Badiꞌa Ubuga roꞌidene, hadi ꞌadi ninaꞌa, 'Beredio ḡihunoꞌi,' rae noꞌi.”
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23284	MAT 4:6	Ebu aniꞌa niro, raenaꞌa, “Ḡaꞌe Badiꞌa Ubuga roꞌidene, rafatoꞌi! Mazaḡa Buka Zaḡoḡano ꞌahige mirihiro, raenaꞌa, 'Badi'aꞌa dana'oga veize ane tuḡure viga ḡae vaḡe tuḡuziꞌuma. Ze'a ꞌevoreze hina mae ḡihi'i'uma ꞌahine, ḡae odaꞌe hadio mene tutuhaꞌuma.'”
23285	MAT 4:7	Iesu'a naenaeninaꞌa, “Mene! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a ago tuhuno'i.'”
23287	MAT 4:9	Ebu ninaꞌa, “Ḡaeꞌa eḡe zamao ḡuḡuradu kuraune, deꞌe niduꞌa ḡae ḡaniꞌuma.”
23288	MAT 4:10	Iesuꞌa ninaꞌa, “Mene! Eḡe mazaonoꞌo vaḡinoꞌi! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a mazao da'o kuranohano'i, zu ane veize daꞌo gauoꞌi.'”
23293	MAT 4:15	“Zebuloni zu Nafatali habaꞌaꞌe Galilea duꞌura genaḡano zu Ioridana vuḡa moneafao. Aꞌe Galilea habaꞌa raꞌohe, ebu eꞌe habaꞌano Iuda mene azaḡaniꞌa zuni radiuꞌohe.
23295	MAT 4:17	Eꞌe madaḡanonoꞌo Iesuꞌa haramoḡa ḡadaheniro, raenaꞌa, “Sauꞌanonoꞌo ḡihuroꞌi, mazaḡa Badiꞌaꞌa ibitohauꞌeteꞌe madaḡa ꞌai haniteha.”
23297	MAT 4:19	Ebu Iesuꞌa ziro, raenaꞌa, “Eḡe ḡaruna hegotoꞌi. Vaze reꞌevaziꞌeteꞌe vazeḡa rouga veize ihoziꞌuma.”
23299	MAT 4:21	Iesuꞌa Galilea duꞌura genaḡano bare onamiro ebu vaze ꞌaheu negoḡeta horoziro. Anianineꞌe Zebedeo ubuga, Iakobo zu Ioane. Zeꞌe moze teite ḡasi zamaḡano reꞌeva zigoga faine radiunu. Ebu Iesuꞌa zeḡe ꞌaheu huziro. “Eḡe hegotoꞌi.”
23306	MAT 5:3	“Zamaze zaharaḡa azaḡaꞌe Badiꞌa manohugazeta, mazaḡa Badiꞌaꞌa ibitoziniꞌohe.
23416	MAT 8:2	Lefera vazeḡa ꞌahoganiꞌa ani vaḡe onairo, ebu ane zamao obena hina tuḡadu niro, raenaꞌa, “Zuhiꞌa Boro, ḡa uratoꞌidene faihoꞌi!”
23417	MAT 8:3	Iesuꞌa ꞌevoꞌa einadu vaze eꞌe oboniro, ebu raenaꞌa, “E urateꞌohe. Ḡae manoroꞌi!” ꞌOugadu lefara eꞌeꞌa zogone dauḡiro.
23418	MAT 8:4	Ebu Iesuꞌa ninaꞌa, “Vaze ꞌahoga ago noꞌi. Rehano dibuꞌo vazeḡa vaḡe onamadu ahiꞌo ihonoꞌi! Ebu ḡaeꞌa manorateꞌe vazeꞌa ederifine, Moseꞌa reiroteꞌe gahunoḡa mae onamadu Badiꞌa dibuꞌo hanoꞌi.”
23420	MAT 8:6	raenaꞌa, “Zuhiꞌa Boro, eḡe tuḡure vazeḡa ꞌahogaꞌe ahiꞌa haganoga mene idaḡa radu neo bazeꞌohe. Ahiꞌaniꞌa giginadu ḡaniḡanau radiuꞌohe.”
23421	MAT 8:7	Iesuꞌa ninaꞌa, “Eḡeꞌa onamadu fainiꞌuma.”
23422	MAT 8:8	Rehano uti azaḡa ḡihiꞌaniꞌa naenaeninaꞌa, “Zuhiꞌa Boro, eꞌe mene vaze manoḡa, eꞌanoꞌo ḡaeꞌa eḡe ne diuḡogaꞌe mene manoḡa. Rehano ḡoere daꞌo roꞌi, ꞌougine eḡe tuḡure vazeḡaꞌe manoriꞌuma.
23424	MAT 8:10	Iesuꞌa eꞌe ḡoeꞌa igirotene zaguzagaro, ebu ani hegotiroteꞌe azaḡa ziro, raenaꞌa, “Eḡeꞌa hube hune ziꞌohe, Badiꞌa mazao ꞌahige fie gigaruꞌeteꞌe vazeḡaꞌe Isaraela azaḡa zamaḡano ize mene horoneha!
23427	MAT 8:13	Ebu Iesuꞌa uti azaḡa ḡihiꞌaḡa niro, raenaꞌa, “Onamoꞌi. Ḡaꞌe eḡe mazao fieꞌeteꞌe teige, ḡae tuḡure vazeḡaꞌe manoriꞌuma.” Aniꞌa ꞌouge reirotene madaḡano tuḡure vazeḡa eꞌe manoriro.
23431	MAT 8:17	Aꞌe peroveta vazeḡa Isaiaꞌa Badiꞌa ḡoere reiroteꞌeꞌa hudaro, raenaꞌa, “Ani emeḡe gigiꞌa meiro ebu emeḡe ugi mae vaḡiniro.”
23432	MAT 8:18	Iesu vaze ḡuḡuvaḡaniꞌa ane mazao nuꞌoru radoga horozirotene, ane tahiꞌatahiꞌa ziro, raenaꞌa, “Duꞌura moneafa fare onamihi.”
23433	MAT 8:19	Eꞌe madaḡano Mose goro ḡoeꞌa ihozeꞌeteꞌe vazeḡa ꞌahoganiꞌa Iesu vaḡe onaadu niro, raenaꞌa, “Ihore vazeḡa, ḡaeꞌa noꞌe onamine, e ḡae hegotiꞌuma.”
23434	MAT 8:20	Iesuꞌa naenaeninaꞌa, “Butu ḡuniḡaꞌe bazuni habaꞌazeta, ebu hitana niniḡaꞌe nezeta. Rehano eḡe, Vaze Ubuḡaꞌe bazunihe habaꞌaꞌe oꞌoꞌa.”
23435	MAT 8:21	Iesu tahiꞌa ꞌahoganiꞌa niro, raenaꞌa, “Zuhiꞌa Boro, e geno mamahe guri onamihi.”
23436	MAT 8:22	Rehano Iesuꞌa ninaꞌa, “Ḡaꞌe eḡe hegotoꞌi. Vine ruga azaḡaniꞌa rune azaḡa ḡuriꞌuma.”
23439	MAT 8:25	Eꞌanoꞌo zeꞌa ane vaḡe onamadu evaniro, raenaꞌa, “Zuhiꞌa Boro, emeḡe ḡabofoꞌi! Eme nariga zubureꞌohe!”
23440	MAT 8:26	Ebu aniꞌa naenaezinaꞌa, “Za nougadu rihauꞌohe? Zaꞌe Badiꞌa mazao fieꞌetaꞌaꞌe komeꞌa!” Ebu ani iḡunadu zavara zu saꞌu roziro. ꞌOugirotene, zavara zu saꞌuꞌe roḡeru hauḡiro.
23441	MAT 8:27	Iesu tahiꞌatahiꞌaꞌa zaguzagaro, raenaꞌa, “Vaze ꞌahiꞌe nagi vaze? Zavara zu saꞌuꞌa ane ḡoere egohuꞌohe.”
23443	MAT 8:29	Ebu ze ḡihau bagaḡa ani ḡoreniro, raenaꞌa, “Badiꞌa ubuga! Ḡaꞌe emeḡe mazao nagini urateꞌohe? Ḡaꞌe, kota madaḡa ḡonaga ꞌizema mougano, aduga rifoga veize emeḡe vaḡe onahehe?”
23445	MAT 8:31	Ebu vine sauꞌaniꞌa Iesu uminiro, raenaꞌa, “Ḡaeꞌa eme hegofe bufoꞌidene, aba ḡuḡuvaḡa ꞌomo mazao tuḡufoꞌi.”
23446	MAT 8:32	Ani vine sauꞌa zinaꞌa, “Onamoꞌi!” ꞌOuge reirotene, ze vaze ꞌaheu mazaonoꞌo buanadu aba zamaḡano diuḡiro. Ebu aba eꞌe niduꞌa maḡa gagagaꞌonoꞌo dure ovoadu duꞌurao diuḡiro ebu hunuhune rudaro.
23450	MAT 9:2	Ebu vaze nuꞌa ahiꞌa mene haganeꞌeteꞌe vazeḡa faratao bazune teadu ani vaḡe herate onairo. Zeḡeꞌa Iesu mazao fieꞌeteꞌe Iesuꞌa horonirotene, ahiꞌa mene haganeꞌeteꞌe vazeḡa niro, raenaꞌa, “Ubude, zamaḡo rinedoꞌi. Ḡae sauꞌa ꞌai aḡutu modeha.”
23451	MAT 9:3	ꞌOugirotene, Mose goro ḡoeꞌa ihozeꞌeteꞌe azaḡa nuꞌe zeḡeꞌa bare zamariro, raenaꞌa, “Vaze ꞌadiꞌe ane bare Badiꞌa rae rahehe? Badiꞌa ni rae sausauneꞌohe!”
23452	MAT 9:4	Iesu ani zeḡeꞌa nagini zamareꞌeteꞌe ederadu ziro, raenaꞌa, “Nougadu za zamarone sauꞌa zamareꞌohe?
23454	MAT 9:6	Rehano e ani manoniꞌuma ebu ani sauꞌa zu rae modiꞌuma, mazaḡa eḡe, Vaze Ubuḡaꞌe raha ꞌadao vaze sauꞌa rae modeꞌeteꞌe gigiꞌaḡa meiroteꞌe zuni za ihoziꞌuma.” Ebu Iesuꞌa ahiꞌa mene haganeꞌeteꞌe vazeḡa eꞌe niro, raenaꞌa, “Eḡeꞌa ḡaꞌohe, iḡunoꞌi ebu farataḡo odohadu neḡo onamoꞌi”
23457	MAT 9:9	Iesuꞌa eꞌeanoꞌo ibio onamiro. Ebu vaze ꞌahoga niḡa Mataioꞌa takesi habaꞌano ehoreꞌenogano horoniro. Ebu Iesuꞌa niro, raenaꞌa, “Eḡe hegotoꞌi.” ꞌOugirotene ani iḡunadu Iesu hegotiro.
23459	MAT 9:11	Farisea azaḡaniꞌa eꞌe horonirotene, Iesu tahiꞌatahiꞌa ḡadiziro, raenaꞌa, “Nougadu zae ihore vazeḡaꞌe takesi azaḡa zu haḡai sauꞌa azaḡa teite ogau tiburuꞌohe?”
23460	MAT 9:12	Iesuꞌa eꞌe egadu ziro, raenaꞌa, “Ugi oꞌoꞌa azaḡaꞌe gohe vazeḡa mene vaḡeꞌohe, rehano ugi azaḡaniꞌa ani vaḡeꞌohe.
23462	MAT 9:14	Ebu Ioane tahiꞌatahiꞌaꞌa Iesu vaḡe onaadu ḡadiniro, raenaꞌa, “Emeḡe zu Farisea azaḡaꞌe ogomu moneo mada ḡehaḡa zaḡozaḡeꞌohe. Rehano ḡae tahiꞌatahiꞌaꞌe nougadu mene zaḡozaḡeꞌohe?”
23463	MAT 9:15	Iesuꞌa ziro, raenaꞌa, “Hahureꞌeteꞌe madaḡano, ohoze hahu iziganiꞌa huzeꞌeteꞌe azaḡaꞌe ane teite ogau tiburaune, ze mene zaḡozaḡeꞌohe. Rehano zeḡe mazaonoꞌo ohoze hahu izigaꞌe mae vaḡiniꞌuma madaḡaniꞌa onaine, zeꞌe vetuḡa ranadu zaḡozaḡiꞌuma.
23466	MAT 9:18	Iesuꞌa eꞌe ḡoeꞌa ziniroteꞌe zamaḡano, nuꞌonuꞌo neḡa ḡihiꞌaḡa ꞌahoganiꞌa Iesu vaḡe onairo. Ebu ani zamao ḡuḡuradu niro, raenaꞌa, “Eḡe aboeꞌe iziduꞌu rudaneha. Rehano ḡaeꞌa onaadu ane rana ꞌevoꞌo tine, ani ḡabodiꞌuma.”
23470	MAT 9:22	Ebu Iesuꞌa tehadu roḡae eꞌe ḡianiro, raenaꞌa, “Aboe, zamaḡo rinedoꞌi! Ḡaeꞌa eḡe mazao fiateꞌe uꞌano ugiḡoꞌa manoreha.” ꞌOuge reiroteꞌe madaḡano roḡae ꞌai manoriro.
23472	MAT 9:24	Ebu aniꞌa ziro, raenaꞌa, “Zae niduꞌa buanoꞌi! Roḡae tahiꞌaḡaꞌe mene rudaneha. Aniꞌe bazeꞌohe.” Rehano zeꞌe Iesu eḡofoharo.
23475	MAT 9:27	Iesuꞌe deꞌea mode onamiroteꞌe madaḡano, ubuma kuru vazeḡa ꞌaheuꞌa ani hegotiro. Zeꞌa ḡihau huaro, raenaꞌa, “Davida mariga, eme vetuḡafoꞌi!”
23476	MAT 9:28	Iesuꞌa ne diuḡirotene, ubuma kuru azaḡaniꞌa ane vaḡe onairo. Iesuꞌa ḡadiziro, raenaꞌa, “Za eḡeꞌa faiziꞌuma rae fieꞌehe?” Zeꞌa naenaeninaꞌa, “Oꞌe, Zuhiꞌa Boro.”
23477	MAT 9:29	Ebu aniꞌa ubumaze obonadu ziro, raenaꞌa, “Zaeꞌa eḡe mazao fieꞌeteꞌe idunaḡano ubumazeꞌa manoriꞌuma.”
23478	MAT 9:30	Ebu ubumazeꞌa raꞌaro. ꞌOugadu Iesuꞌa riḡa hune ziro, raenaꞌa, “Zae mazao fureranateꞌe ḡauḡa vaze ꞌahoga ago noꞌi.”
23481	MAT 9:33	Ebu Iesuꞌa vine sauꞌa ane mazaonoꞌo hegone bunadu mumutafa vazeḡaniꞌa ḡoeriro. Vaze ḡuḡuvaḡaniꞌa eꞌe horonadu zaguzagaro, ebu raenaꞌa, “Ibite Isaraela habaꞌano ꞌahiguḡa mene fureraro.”
23482	MAT 9:34	Rehano Farisea azaḡaniꞌa raenaꞌa, “Aniꞌe vine sauꞌa zuhiꞌaḡa gigiꞌaḡano vine sauꞌa hegone buneha.”
23485	MAT 9:37	Ebu ani ane tahiꞌatahiꞌa ziro, raenaꞌa, “Hiriveꞌeteꞌe ḡauḡaꞌe ḡehaḡa, rehano gau azaḡaꞌe tahiḡa.
23491	MAT 10:5	Iesuꞌa ane tahiꞌa 12 tuḡuzeꞌenaꞌa, ꞌahige ihoziro, raenaꞌa, “Iuda mene azaḡa habaꞌa ago onamoꞌi ebu Samaria habaꞌano neḡa ꞌahogani ago diuḡoꞌi.
23531	MAT 11:3	Ebu ze Iesu mazao feurirotene ḡadiniro, raenaꞌa “Ioane Babatisoꞌa ꞌahige ḡadiꞌeꞌohe, 'Onaiꞌuma reiroteꞌe vazeḡaꞌe ḡahe ga eme vaze ꞌahoga guhiniꞌuma?'”
23532	MAT 11:4	Iesuꞌa naenaeziro, raenaꞌa, “Bare onamadu zaeꞌa egateꞌe zu horonateꞌe Ioane ihonoꞌi:
23535	MAT 11:7	Ioane tahiꞌaꞌa iḡunirotene, Iesuꞌa Ioane moneo vaze ḡuḡuvaḡa ziro, raenaꞌa, “Za vaze nagiḡa horonoga veize haba bohaꞌa onamiro? Zavaraꞌa Imi veḡa hudi naeninaeniꞌeteꞌe horonoga radu onamirohe? Mene.
23549	MAT 11:21	Aniꞌa zinaꞌa, “Korasini azaḡa zu Betesaida azaḡa, za fase vetuḡaḡa, aduga boro hidiꞌuma. Zae mazao haḡai gigiꞌaḡa haḡainutaꞌaꞌe Turo zu Sidona azaḡa mazao haḡaro reifone, zeꞌe sauꞌaonoꞌo garihe zamare ḡihurifo. Ze dabua ḡuꞌa vidau ehoradu vega vadinizeo rurubeꞌenaꞌa, zeḡeꞌa zamare ḡihurifo.
23553	MAT 11:25	Eꞌe madaḡano Iesuꞌa kuraro, raenaꞌa, “Mama, ḡaꞌe adure zu raha Zuhiꞌaḡa. E niguꞌeꞌohe, mazaḡa ḡaeꞌa huhuzaḡa zu edeḡa boro azaḡa mazao huga ꞌahi uꞌuꞌrutiro. Rehano tahiꞌa teige, edeḡa oꞌoꞌa rae zamareteꞌe azaḡa mazaoꞌe fureniro.
23555	MAT 11:27	Ebu aniꞌa vaze ziro, raenaꞌa, “Eḡe Mamaꞌa ḡau niduꞌa eḡe iniro. Vaze ꞌahogaꞌe eꞌe aḡuꞌa, rehano eḡe Mama daꞌo edeḡa. Ebu vaze ꞌahogaꞌe eḡe Mama aḡuꞌa, rehano eḡe, Ane Ubuga daꞌo edeḡa. Ebu e eḡe Mama moneo ihozoga veize ohoteꞌeteꞌe azaḡa daꞌo eḡe Mama edeḡa.
23560	MAT 12:2	Farisea azaḡaniꞌa eꞌe horonirotene aꞌe gaueꞌohe radu Iesu niro, raenaꞌa, “Ḡianoꞌi, ḡa tahiꞌatahiꞌaꞌe Bana Madaḡa goroḡa varadeꞌenaꞌa, vuidi hiriveha.”
23561	MAT 12:3	Aniꞌa naenaeziro, raenaꞌa, “Zaꞌe Buka Zaḡoḡa zamaḡano Davidaꞌa nagini haḡairotaꞌaꞌe meꞌodiro ga? Davidaꞌa ane ḡatiniroteꞌe azaḡa teite ogomuze hauḡadu vinize ruziro.
23568	MAT 12:10	Eꞌea ꞌevoꞌa rudanoga veze ꞌahoganiꞌa radiunu. Farisea azaḡaꞌe, Iesuꞌa vaze eꞌe fainine zeḡe kotao ohonihi radu, ani ḡadiniro, raenaꞌa, “Bana Madaḡano ugi azaḡa faizine idaḡahe?”
23569	MAT 12:11	Aniꞌa ziro, raenaꞌa, “Zae boꞌaḡano iniuꞌa mamoe tibuhugaḡeta radu Bana Madaḡano mamoeḡaniꞌa iduo uite ovoine, iduonoꞌo mae vaḡiniꞌuma.
23571	MAT 12:13	Ebu aniꞌa vaze eꞌe niro, raenaꞌa, “ꞌEvoꞌo einoꞌi.” Aniꞌa ꞌevoꞌa einirotene naeḡa ꞌevoꞌa teige ꞌevoꞌaḡaniꞌa manoriro.
23574	MAT 12:16	Rehano ani riḡa ḡoeziro, raenaꞌa, “Eꞌe iniu rae vaze ago ihozoꞌi.”
23576	MAT 12:18	“ꞌAhiꞌe eꞌa ohotirotaꞌaꞌe, eḡe tuḡure vazeḡa. Aniꞌe eḡe zamarone, eḡe matuꞌoniꞌeteꞌe vazeḡa. Eḡeꞌa Vinehe ane rana ohoniꞌuma, ebu aniꞌa habaꞌahabaꞌano Badiꞌa kota moneo harame fureniꞌuma.
23581	MAT 12:23	Vaze ḡuḡuvaḡa niduꞌa zaguzaganadu raenaꞌa, “Ahiꞌe kini Davida mariga, Keriso gaogi!”
23582	MAT 12:24	Rehano Farisea azaḡaniꞌa ḡoereze igirotene, raenaꞌa, “Aniꞌe vine sauꞌa zuhiꞌaḡa Belezebulo inaraḡa hina vine sauꞌasauꞌa hegoze buzeꞌohe.”
23583	MAT 12:25	Iesuꞌa ze nouge rae zamareꞌeteꞌe ederadu ziro, raenaꞌa, “Haba tiba zamaḡano zeḡeꞌa rovotadu utitifone, eꞌe habaꞌaꞌe aneꞌa bare ruiniꞌuma. Ebu neḡa ga ne tiba zamaḡano zeḡeꞌa rovotadu utitifone, neḡa ga ne aꞌe mene edau gigaraꞌuma.
23596	MAT 12:38	Ebu Mose goro ḡoeꞌa ihozeꞌeteꞌe azaḡa zu Farisea azaḡaniꞌa Iesu vaḡe aradu niro, raenaꞌa, “Ihore vazeḡa, eme ḡaꞌa haḡai nu badeḡa haḡaeꞌeteꞌe ḡianoga urateꞌohe.”
23597	MAT 12:39	Iesuꞌa naenaeziro, raenaꞌa, “Sauꞌa zu Badiꞌa mazao mene hune fieꞌeteꞌe azaḡaꞌe haḡai nu badeḡa daꞌo urateꞌohe, rehano eḡeꞌa mene haḡaiꞌuma. Eꞌa ihoziꞌumaꞌe peroveta vazeḡa Iona haḡai nu badeḡa daꞌo.
23605	MAT 12:47	Vaze ꞌahoganiꞌa Iesu ninaꞌa, “Ḡa viꞌu zu negoḡo duḡuruꞌe ḡa teite ḡoerihi radu enona edauꞌohe.”
23606	MAT 12:48	Aniꞌa naenaeninaꞌa, “Iniuꞌe eḡe nanu? Iniuꞌe eḡe nego duḡuru?”
23607	MAT 12:49	Ebu aniꞌa ane tahiꞌatahiꞌa surizadu raenaꞌa, “Eḡe nanu zu eḡe negohe duḡuruꞌe ꞌahi eꞌe.
23611	MAT 13:3	Ebu aniꞌa hari idaidaḡa hina ḡau ḡehaḡa ihoziro, raenaꞌa, “Egoꞌi! Hihi vazeḡa ꞌahoganiꞌa mebaḡano ezone ḡora onamiro.
23618	MAT 13:10	Ebu ane tahiꞌatahiꞌaꞌa ane vaḡe onaadu niro, raenaꞌa, “Ḡa nougaꞌahi hari idaidaḡa hina ḡoerezeꞌohe?”
23619	MAT 13:11	Iesuꞌa naenaezinaꞌa, “Badiꞌaꞌa ibitoziniꞌeteꞌe moneo ꞌuꞌuru tirotaꞌaꞌe zae mazao fureneha, rehano vaze ꞌahogaꞌahoga mazao mene fureneha.
23632	MAT 13:24	Iesu'a hari idaidaḡa ꞌahoga ziro, raenaꞌa, “Badiꞌaꞌa Ibitoziniꞌetaꞌaꞌe vaze ꞌahoganiꞌa ani mebao ezone manoḡa ḡoraroteꞌe heuḡa.
23639	MAT 13:31	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe Kuava* maḡa tiba vaze ꞌahoganiꞌa madu nebaḡano ḡoraroteꞌe heuḡa.
23641	MAT 13:33	Aniꞌa hari idaidaḡa ꞌahoga ziro, raenaꞌa, “Badiꞌaꞌa ibitoziniꞌetaꞌaꞌe isiti heuḡa. Roḡae ꞌahoganiꞌa isiti tahiḡa madu uvahuḡa ḡehaḡa teite mirune tibuneꞌohe ebu hena uvahu niduꞌaꞌe ubaruꞌohe.”
23643	MAT 13:35	Aꞌe, peroveta vazeḡaniꞌa Badiꞌa ḡoere reiroteꞌeꞌa hudaro, raenaꞌa, “Eꞌe hari idaidaḡa hina ziꞌuma. Raha ꞌadi haḡairoteꞌe madaḡanonoꞌo ꞌuꞌuru tirotaꞌaꞌe eḡeꞌa fureraꞌuma.”
23644	MAT 13:36	Ebu aniꞌa vaze ḡuḡuvaḡa muhizadu ne zamaḡa diuḡiro. Ane tahiꞌatahiꞌaꞌa hegote diuḡadu niro, raenaꞌa, “Mebao ḡoraroteꞌe ve hari idaidaḡa huga ihofoꞌi.”
23645	MAT 13:37	Aniꞌa naenaezinaꞌa, “Ezone manoḡa ḡoraroteꞌe vazeḡaꞌe eḡe, Vaze Ubuga.
23659	MAT 13:51	Ebu Iesuꞌa ḡadiziro, raenaꞌa, “Zaꞌe eḡe ḡoere niduꞌa hugaꞌe ederahe?” Zeꞌa naenaeninaꞌa, “Oꞌe.”