23218	MAT 1:5	Salemonaꞌe Boaza moga ebu Rahaboꞌe Boaza viꞌa. Boazaꞌe Obedi moga ebu Rutaꞌe Obedi viꞌa. Obediꞌe Iese moga.
23236	MAT 1:23	'Ḡianoꞌi! Ohoze teite ize mene hidiroteꞌe nogobaḡa ꞌahoganiꞌa ahiꞌeta reꞌuma, ebu ubuga ꞌahoga fureniꞌuma. Vazeꞌa ubugaꞌe Emanuela rae huniꞌuma. Eꞌe huganiꞌe, “Badiꞌaꞌe emeḡe teite” raꞌohe.'”
23244	MAT 2:6	'O Iudea habaꞌano Betelehema neḡa, ḡaꞌe Iudea neḡa boroboro zamaḡano mene zuhuꞌa. Mazaḡa ḡaeꞌonoꞌo ibitoziniꞌeteꞌe vazeḡa ꞌahoganiꞌa onaiꞌuma. Aniꞌe, mamoe taufeꞌeteꞌe teige, Isaraela azaḡa, Badiꞌa vaze ibitoziniꞌuma zu taufiꞌuma.'”
23246	MAT 2:8	Ebu edeḡa azaḡa Betelehema neḡano tuḡuzeꞌenaꞌa, ziro, raenaꞌa, “Onamadu tahiꞌa komeꞌa eꞌe faine vaḡoꞌi. Horonoꞌidene, eḡe zuni onamadu ani mazao kurafine, ihohoꞌi.”
23289	MAT 4:11	ꞌOugadu Diaboloꞌa Iesu mazaonoꞌo vaḡine onamiro. Ebu tuḡure viganiꞌa onaadu dananiro.
23298	MAT 4:20	ꞌOugirotene zeꞌe zogone reꞌeva modadu ane hegote onamiro.
23300	MAT 4:22	ꞌOugirotene zeꞌe zogone ḡasize zu moze modadu ane hegote onamiro.
23305	MAT 5:2	Onairotene Iesuꞌa ihoziro, raenaꞌa,
23319	MAT 5:16	Ihure agaḡaniꞌa vaze niduꞌa agazeꞌeteꞌe teige, zae haḡai manoḡa vaze mazao ago uꞌure toꞌi, rehano furenoꞌi. ꞌOugine, vazeꞌa zae haḡai manoḡa horonadu Moze adureo niguniꞌuma.
23340	MAT 5:37	Zaeꞌa nagini ꞌahoga haḡaiꞌuma roꞌidene, 'Oꞌe, e haḡaiꞌuma', ga 'Mene, e mene haḡaiꞌuma' daꞌo rae roꞌi. Ḡoere ꞌahogaꞌahoga ragatine, aꞌe Sataniꞌonoꞌo fureruꞌohe.
23348	MAT 5:45	ꞌOugine, zaꞌe Moze adureo ani ubuga rae reꞌuma. Mazaḡa Mozeꞌe vaze manoḡa zu sauꞌa veize idane mada aganoziniꞌohe, ebu vaze haḡai duduḡa zu veꞌoḡa veize idane irugu tuḡunadu ruꞌauꞌohe.
23355	MAT 6:4	Vaze ꞌahoganiꞌa mene ederoga veize sifu kaḡuso hanoꞌi. ꞌOugine, Mozeꞌa zaꞌa sifu haḡateꞌe haḡaiḡa horonadu naeḡa ziniꞌuma.
23357	MAT 6:6	Zaꞌe kuranoꞌidene, bazuni habaꞌa diuḡadu ibiheta haranadu Moze, zaꞌa horonoga mene idaḡa raꞌetaꞌaꞌe, mazao kuranoꞌi. ꞌOugine, zaꞌa sifu haḡateꞌe haḡaiḡa Mozeꞌa horonadu naeḡa ziniꞌuma.
23369	MAT 6:18	ꞌOugine, vazeꞌa zaꞌe zaḡozaḡeꞌeteꞌe mene ederiꞌuma. U zaꞌa horonoga mene idaḡa raꞌetaꞌaꞌe, Moze daꞌo ederiꞌuma. Ebu Mozeꞌa zaꞌa sifu haḡaateꞌe haḡaiḡa horonadu naeḡa ziniꞌuma.
23375	MAT 6:24	Vazeꞌe zuhiꞌa ꞌaheu veize gauoga mene idaḡa. ꞌOugine ani ꞌahogaꞌe zamariꞌuma, u ꞌahogaꞌe heꞌeheꞌeniꞌuma. Ebu ꞌahoga veize faine gauiꞌuma, u ꞌahogaꞌe turuniꞌuma. Eꞌe teige, zaꞌe Badiꞌa ebu moni, ꞌaheu veize gauoga mene idaḡa.
23384	MAT 6:33	Badiꞌaꞌa ibitoziniꞌeteꞌe zu urateꞌeteꞌe daꞌo gezo vaḡoꞌi. ꞌOugine eꞌe ḡauga niduꞌa zuni ziniꞌuma.
23391	MAT 7:6	Ḡau zaḡoḡa ḡuni ago hanoꞌi. ꞌOugine ze vaetadu zae vihoziꞌuma. Zae hadi manomano aba zamao ago feunoꞌi. ꞌOugine, zeꞌe oda hina edene ḡuzuhiꞌuma.
23408	MAT 7:23	ꞌOugine, eḡeꞌa dehene ziꞌuma, raenaꞌa, 'E zaꞌe mene ederiro. Za, haḡai sauꞌa azaḡa, eḡe mazaonoꞌo vaḡinoꞌi.'
23417	MAT 8:3	Iesuꞌa ꞌevoꞌa einadu vaze eꞌe oboniro, ebu raenaꞌa, “E urateꞌohe. Ḡae manoroꞌi!” ꞌOugadu lefara eꞌeꞌa zogone dauḡiro.
23423	MAT 8:9	Mazaḡa eꞌe zuni vaze ꞌahoga ꞌuꞌuḡano gaueꞌohe, zu eḡe uti azaḡaꞌe eḡe ꞌuꞌuḡano gaueꞌohe. Eḡeꞌa vaze ꞌahi ninaꞌa, 'Onamoꞌi' reine, aniꞌe onameꞌohe, ebu ꞌahoga omo ninaꞌa, 'Aroꞌi' reine, aniꞌe areꞌohe. Eḡeꞌa eḡe tuḡure vazeḡa ꞌahoga ninaꞌa, 'ꞌAdi haḡaoꞌi' reine, aniꞌe haḡaeꞌohe.”
23427	MAT 8:13	Ebu Iesuꞌa uti azaḡa ḡihiꞌaḡa niro, raenaꞌa, “Onamoꞌi. Ḡaꞌe eḡe mazao fieꞌeteꞌe teige, ḡae tuḡure vazeḡaꞌe manoriꞌuma.” Aniꞌa ꞌouge reirotene madaḡano tuḡure vazeḡa eꞌe manoriro.
23440	MAT 8:26	Ebu aniꞌa naenaezinaꞌa, “Za nougadu rihauꞌohe? Zaꞌe Badiꞌa mazao fieꞌetaꞌaꞌe komeꞌa!” Ebu ani iḡunadu zavara zu saꞌu roziro. ꞌOugirotene, zavara zu saꞌuꞌe roḡeru hauḡiro.
23446	MAT 8:32	Ani vine sauꞌa zinaꞌa, “Onamoꞌi!” ꞌOuge reirotene, ze vaze ꞌaheu mazaonoꞌo buanadu aba zamaḡano diuḡiro. Ebu aba eꞌe niduꞌa maḡa gagagaꞌonoꞌo dure ovoadu duꞌurao diuḡiro ebu hunuhune rudaro.
23447	MAT 8:33	ꞌOugadu aba taufeꞌeteꞌe azaḡaꞌe dure neze onamiro, ebu vine sauꞌaniꞌa ragano reiroteꞌe azaḡa mazao naginiꞌa fureraroteꞌe hariḡa niduꞌa meꞌodoziniro.
23451	MAT 9:3	ꞌOugirotene, Mose goro ḡoeꞌa ihozeꞌeteꞌe azaḡa nuꞌe zeḡeꞌa bare zamariro, raenaꞌa, “Vaze ꞌadiꞌe ane bare Badiꞌa rae rahehe? Badiꞌa ni rae sausauneꞌohe!”
23457	MAT 9:9	Iesuꞌa eꞌeanoꞌo ibio onamiro. Ebu vaze ꞌahoga niḡa Mataioꞌa takesi habaꞌano ehoreꞌenogano horoniro. Ebu Iesuꞌa niro, raenaꞌa, “Eḡe hegotoꞌi.” ꞌOugirotene ani iḡunadu Iesu hegotiro.
23468	MAT 9:20	Onamiroteꞌe zamaḡano roḡae ꞌahoga, roḡae ugi madu muri 12 radiunuteꞌeꞌa, Iesu ḡarunio onairo ebu ani dabua ꞌariḡa oboniro.
23470	MAT 9:22	Ebu Iesuꞌa tehadu roḡae eꞌe ḡianiro, raenaꞌa, “Aboe, zamaḡo rinedoꞌi! Ḡaeꞌa eḡe mazao fiateꞌe uꞌano ugiḡoꞌa manoreha.” ꞌOuge reiroteꞌe madaḡano roḡae ꞌai manoriro.
23473	MAT 9:25	Vaze ḡuḡuvaḡa enoneo tuḡuze buziroteꞌe ḡarugano, Iesuꞌa ne zamaḡa diuḡadu roḡae tahiꞌaḡa ꞌevore oboniro. ꞌOugadu aneꞌa iḡuniro!
23476	MAT 9:28	Iesuꞌa ne diuḡirotene, ubuma kuru azaḡaniꞌa ane vaḡe onairo. Iesuꞌa ḡadiziro, raenaꞌa, “Za eḡeꞌa faiziꞌuma rae fieꞌehe?” Zeꞌa naenaeninaꞌa, “Oꞌe, Zuhiꞌa Boro.”
23478	MAT 9:30	Ebu ubumazeꞌa raꞌaro. ꞌOugadu Iesuꞌa riḡa hune ziro, raenaꞌa, “Zae mazao fureranateꞌe ḡauḡa vaze ꞌahoga ago noꞌi.”
23531	MAT 11:3	Ebu ze Iesu mazao feurirotene ḡadiniro, raenaꞌa “Ioane Babatisoꞌa ꞌahige ḡadiꞌeꞌohe, 'Onaiꞌuma reiroteꞌe vazeḡaꞌe ḡahe ga eme vaze ꞌahoga guhiniꞌuma?'”
23536	MAT 11:8	ꞌOugadu za vaze nagiḡa horonoga veize onamiro? Dabua manomano vidauꞌeteꞌe vazeḡahe? Mene. Dabua manomano vidauꞌeteꞌe azaḡaꞌe kini neo radiuꞌohe.
23537	MAT 11:9	ꞌOugadu vaze nagiḡa horonoga veize onamiro? Peroveta vazeḡahe? Oꞌe. E ziꞌohe, peroveta azaḡa niduꞌa vitizeꞌeteꞌe vazeḡaꞌe Ioane.
23546	MAT 11:18	Ioane Babatisoꞌa onaadu ogomu mene audo zu vaini vuḡa mene gagido. ꞌOugadu za raenaꞌa, 'Ioaneꞌe vine sauꞌaḡeta.'
23557	MAT 11:29	Eḡe ihorogaꞌe mene riḡa zu eꞌe hegotogaꞌe mene aduga. Eꞌanoꞌo eḡe ihore mae ḡihinadu eḡeꞌonoꞌo ederoꞌi. ꞌOugine vineze ohoniꞌuma, mazaḡa eꞌe namiḡa zu roḡeḡa.
23584	MAT 12:26	Eꞌanoꞌo Sataniꞌa Satani nabuga hegozine, zeḡeꞌa bare rovozadu utitiꞌuma. ꞌOugadu zeḡe habaoꞌe nougenouge edau gigaraꞌuma?
23603	MAT 12:45	Ebu vine sauꞌa eꞌeꞌa onamadu vine sauꞌa niduꞌa fuꞌo ꞌaheu fare, aꞌe ufeta hune sauꞌa, zamazeꞌohe, ebu vaze eꞌe mazao diuḡe radiuꞌohe. ꞌOugadu vaze eꞌe ufeta hune sautuꞌohe, ibite mene heuḡa. Deꞌeguḡaꞌe izidi ega sauꞌa mazao fureraꞌuma.”
23659	MAT 13:51	Ebu Iesuꞌa ḡadiziro, raenaꞌa, “Zaꞌe eḡe ḡoere niduꞌa hugaꞌe ederahe?” Zeꞌa naenaeninaꞌa, “Oꞌe.”
23665	MAT 13:57	Ebu zeꞌa ani hezahoharo. ꞌOugadu Iesuꞌa ziro, raenaꞌa, “Haba nunu niduꞌa zamaḡano vazeꞌa peroveta azaḡa gubazeꞌohe, rehano peroveta azaḡa zeḡe habao zu nezeno daꞌo vazeꞌa mene gubazeꞌohe.”
23686	MAT 14:20	ꞌOugadu zeḡe niduꞌa ogau idararo. Ebu Iesu tahiꞌatahiꞌaꞌa ogomu ḡahaꞌaḡahaꞌaꞌe nuꞌonadu tunahu 12 iriꞌavoniro.
23702	MAT 14:36	Ebu ugi azaḡaniꞌa ani dabuaḡa ꞌariḡa tahiḡano daꞌo tuꞌinoga veize ze uminiro. ꞌOugadu tuꞌiniroteꞌe azaḡa niduꞌaꞌe ugizeꞌa manoriro.
23726	MAT 15:24	ꞌOugadu Iesuꞌa roḡae eꞌe niro, raenaꞌa, “E ḡa mene danaꞌiꞌuma. Eꞌe Isaraela azaḡa, dauḡiroteꞌe mamoeḡa veize daꞌo tuḡuhiro.”
23732	MAT 15:30	ꞌOugadu vaze ḡuḡuvaḡaniꞌa mene edauꞌeteꞌe azaḡa, ubuma kuru azaḡa, oda sauꞌa azaḡa, mumutafa azaḡa zu ugi azaḡa nunu ḡehaḡa tutuze ane vaḡe ariro. Ebu zeꞌe ane oda babaḡano bazuze teadu aniꞌa faiziro.
23738	MAT 15:36	ꞌOugadu beredi fuꞌo ꞌaheu fare zu ḡozone madu Badiꞌa mazao kuraro. Ebu vahegadu vaze ḡuḡuvaḡa zenoga veize tahiꞌaḡa ziniro. Ebu tahiꞌaḡaniꞌa ḡahugiro.
23740	MAT 15:38	Ogaroteꞌe azaḡa boꞌaḡano ohoze daꞌo niduꞌaꞌe 4000, u roḡae zu tahiꞌa komeꞌakomeꞌaꞌe mene meꞌodiro.
23744	MAT 16:3	Ebu 'Oherebau adureꞌa ḡutanoga horonine iruguꞌa ruꞌaꞌuma,' rae raꞌohe. Zaꞌe adure iraḡa horonine naginiꞌa fureraꞌuma rae edereꞌohe. U izidi madaḡano naginiꞌa fureruꞌetaꞌaꞌe hugaꞌe mene edereꞌohe.
23748	MAT 16:7	ꞌOugadu ze zeḡeꞌa bare ḡoꞌaniro, raenaꞌa, “Emeꞌa beredi mene odoheha ꞌahine, ani ꞌouge raꞌohe.”
23753	MAT 16:12	ꞌOugadu zeꞌe ederiro, aniꞌe beredi isitiḡa moneo mene reiro, rehano Farisea zu Sadukea azaḡaniꞌa ḡuriro ihoreḡa ḡianoga veize reiro.
23779	MAT 17:10	ꞌOugadu ane tahiꞌatahiꞌaꞌa ḡadiniro, raenaꞌa, “Nougadu Mose goro ḡoeꞌa ihozeꞌeteꞌe azaḡaniꞌa, ꞌEliaꞌe ibite onaiꞌuma,' rae raꞌohe?”
23782	MAT 17:13	ꞌOugadu ane tahiꞌatahiꞌaꞌa Iesuꞌa Ioane Babatisoꞌe Elia idaneꞌenaꞌa, ḡoerateꞌe ederiro.
23792	MAT 17:23	Zeꞌa uḡuhiꞌuma, ebu mada uḡiduḡano eꞌa bare iḡuniꞌuma.” ꞌOugadu Iesu tahiꞌatahiꞌaꞌe zamaze are rudaro.
23794	MAT 17:25	Aniꞌa raenaꞌa, “Oꞌe, eḡe ihore vazeḡaꞌe takesi haḡaeꞌohe.” Peteroꞌa ne diuḡirotene, Iesuꞌa ibite ḡadiniro, raenaꞌa, “Petero, ḡa nouge rae zamareꞌohe? Haba kiniḡaꞌe iniu mazao takesi ufeꞌohe, ani haba azaḡa mazao ga avoꞌa azaḡa mazao?”
23795	MAT 17:26	Aniꞌa naenaeninaꞌa, “Avoꞌa azaḡa mazao ufeꞌohe.” Ebu Iesuꞌa ninaꞌa, “Oꞌe, ane haba azaḡaꞌe takesi mene haḡaeꞌohe.
23822	MAT 18:26	ꞌOugadu tuḡure vazeḡaniꞌa ani zamao obena hina tuḡiro, ebu raenaꞌa, 'Geno mada enoꞌi, ebu e moni niduꞌa baroniꞌuma.'
23823	MAT 18:27	ꞌOuge reirotene, zuhiꞌaḡaniꞌa vetuḡaniro ebu moniḡa ahiḡa radu ani tuḡuniro.
23825	MAT 18:29	ꞌOugadu ane vaze tuḡure vazeḡaꞌe obena hina tuḡaro, ebu umininaꞌa, 'Geno mada enoꞌi, ebu ḡae moni baroniꞌuma!'
23828	MAT 18:32	ꞌOugadu zuhiꞌaḡaniꞌa tuḡure vazeḡa ibiꞌa ibite hunadu niro, raenaꞌa, 'Ḡaꞌe tuḡure vazeḡa sauꞌa! Ḡaꞌa umihadu ḡa eḡe mazaonoꞌo meiroteꞌe moniḡa niduꞌa ahiḡa reiro.
23838	MAT 19:7	Zeꞌa ḡadinenaꞌa, “ꞌOugine nougadu Mose goro ḡoeꞌaꞌe raenaꞌa, 'Ohozeꞌe inuga modine fefa mirihadu roḡaeḡa hanoꞌi ebu modoꞌi,' rae raꞌohe?”
23852	MAT 19:21	Iesuꞌa ninaꞌa, “Ḡaꞌe Badiꞌa ubumao manoḡa hune reꞌuma rae uratine, onamadu ḡauḡo niduꞌa seronoꞌi ebu eꞌe moniḡa zahara azaḡa zenoꞌi. ꞌOugine ḡa adureo ḡau manomano meꞌuma. Ebu aradu eḡe hegotoꞌi.”
23856	MAT 19:25	Ane tahiꞌaḡaniꞌaꞌa eꞌe igirotene, zaguzagau rudaro ebu ḡadininaꞌa, “ꞌOugine iniuꞌa ḡabone hidiꞌuma?”
23858	MAT 19:27	Ebu Peteroꞌa niro, raenaꞌa, “Eme ḡa hegotoga veize ḡau niduꞌa modiro. ꞌOugadu emeꞌe naeḡa nagini hidiꞌuma?”
23863	MAT 20:2	Ebu vaze nu horozirotene ziro, raenaꞌa, 'Eḡe meba onamadu gauoꞌi. Mada tiba gauḡa moniḡa ziniꞌuma.' ꞌOugadu ani ze mebaḡano tuḡuziro.
23864	MAT 20:3	Oherebau mada fuꞌo ḡazaḡa fare meirotene ani bare onamiro. Ebu maketi habaꞌano mene gauꞌeteꞌe vaze nuꞌa edau radoga horoziro.
23883	MAT 20:22	Iesuꞌa niro, raenaꞌa, “Zaꞌe nagini umiheꞌetaꞌaꞌe aḡuꞌa. Eḡeꞌa gagiꞌuma bioḡaꞌe aduga hidiꞌeteꞌe bioḡa. Zae zuni eꞌe gagiꞌumahehe?” Zeḡeꞌa naenaeninaꞌa, “Oꞌe.”
23895	MAT 20:34	Ebu Iesuꞌa vetuḡazeadu ubumaze oboniro. Obozirotene zogone ubumazeꞌa raꞌaro ebu ani heḡotiro.
23896	MAT 21:1	Iesuꞌa ane tahiꞌatahiꞌa teite Ierusalema hanitadu Oliva maḡano Benefage neḡano feuriro. Ebu tahiꞌaḡa ꞌaheu tuḡuzeꞌenaꞌa, ziro,
23898	MAT 21:3	Iniu vazeꞌa ḡoere nu zoiꞌdene, 'Zuhiꞌa Boroꞌa urateꞌohe,' rae noꞌi. ꞌOugine ani zogone tuḡuziꞌuma.”
23910	MAT 21:15	Ebu dibuꞌo vazeḡa ḡihiꞌagihiꞌaḡa zu Mose goro ḡoeꞌa ihozeꞌeteꞌe azaḡaniꞌa ani haḡai gigiꞌa haḡairoteꞌe horoniro. Ebu tahiꞌa komeꞌakomeꞌa kuru neḡa habaꞌano huauꞌenaꞌa, “Davida mariḡa nigunoꞌi,” rae reiroteꞌe igiro. ꞌOugadu ze maḡune rudaro.
23925	MAT 21:30	Ebu moganiꞌa ubuga veḡa vaḡe onamadu ene ibiꞌa niroteꞌe ḡoeꞌa niro. Ene veḡaniꞌa naenaeninaꞌa, ꞌOꞌe, onamiꞌuma.' Rehano ani mene onamiro.
23935	MAT 21:40	Ebu Iesuꞌa dibuꞌo azaḡa ḡihiꞌaḡaḡihiꞌaḡa zu vaze boroboro ḡadizeꞌenaꞌa, “ꞌOugadu vaini mebaḡa vazeḡaꞌe hihi azaḡa eꞌe vaḡe onaine, ze mazao nagini haḡaiꞌuma?”
23965	MAT 22:24	“Ihore vazeḡa, Moseꞌa goro ḡoeꞌa ꞌahige mirihiro. 'Ohoze ꞌahoganiꞌa rudanadu ani inugaꞌe ubuga oꞌoꞌa reine, ohoze negoḡaniꞌa ḡozobaḡa teite hahuradu negoḡa rudaroteꞌe niḡa mouga veize ene furenohaꞌuma.
23969	MAT 22:28	ꞌOugadu runeonoꞌo bare iḡuniꞌuma madaḡano roḡae aꞌe iniu inuga reꞌuma? Mazaḡa ohoze niduꞌa fuꞌo ꞌaheu fare ani teite hahuriro.”
23984	MAT 22:43	Iesuꞌa ḡadizenaꞌa, “ꞌOugadu Davidaꞌe nougadu Vine Zaḡoḡaniꞌa ibitohanadu Keriso mazao 'Zuhiꞌa Boro,' rae hunehehe? Davida ꞌahige reiro, raenaꞌa,
24022	MAT 23:35	Vouḡazeꞌa duduḡa azaḡa niduꞌa goruziro. Aꞌe ibite Adamu ubuga, duduḡa vazeḡa Abela mau runiroteꞌe eꞌeanoꞌo onao ḡonaḡano Berekia ubuga Zakaria maro. Zakariaꞌe dibuꞌo fataḡa zu Badiꞌa ne zaḡoḡa hune boꞌaḡano mau runiro. ꞌOugadu eꞌe naeḡa niduꞌaꞌe zaꞌa meꞌuma.
24024	MAT 23:37	O, Ierusalema azaḡa, Ierusalema azaḡa! Zaeꞌa peroveta azaḡa zimiro zu Badiꞌaꞌa tuḡuziroteꞌe azaḡa hadi hina zimi ruziro. Kokoroku roḡaeḡaniꞌa isaḡa zamaḡano ubuga gugubeꞌeteꞌe teige, e mada ḡehaḡa zae nuꞌozihi reiro, rehano zaꞌe mene uratiro.
24029	MAT 24:3	Iesuꞌa Olive maḡano ehorirotene, ane tahiꞌatahiꞌa zeḡe daꞌo ani vaḡe sifu onamadu ḡadiniro, raenaꞌa, “Ḡa efoꞌi, kuru neḡa mazao ꞌahi ḡauḡaꞌe naniꞌa fureraꞌuma? Mada ḡonaḡano zu ḡaꞌa bare onaiꞌuma madaḡano, nagi haḡai nu badeḡaniꞌa fureraꞌuma?”
24049	MAT 24:23	Ebu vaze ꞌahoganiꞌa zinaꞌa, 'Ḡianoꞌi, Kerisoꞌe ꞌahi eꞌe!' ga 'Omo ꞌeꞌe!' rae zoꞌidene, eꞌe ḡoeꞌa ago mae ḡihinoꞌi.
24071	MAT 24:45	Tuḡure vazeḡa ꞌahogaꞌe huhuzaḡa zu zama tibano gauine, zuhiꞌaḡaꞌe ani teite matuꞌiꞌuma. Ebu vaze aꞌe tuḡure azaḡa ḡihiꞌaḡa mae ohonadu ꞌahige reꞌuma, raenaꞌa, 'Tuḡure azaḡa niduꞌa taufoꞌi. Ogomuze zuni mada idunane zenoꞌi.' ꞌOugadu aniꞌe haba ꞌahoga onamiꞌuma.
24083	MAT 25:6	Ohere nemanema ze ago ꞌahoḡa igiro, raenaꞌa, 'Hahu ohoze iziganiꞌa feureha! Buanadu mae zounoꞌi!'
24084	MAT 25:7	ꞌOugirotene nogoba niduꞌa evatadu ihureze ruhibiro.
24104	MAT 25:27	ꞌOugiritene ḡa nougadu moni tiꞌeteꞌe neḡano eḡe moni mene tiro? ꞌOugifone e bare aradu moni eꞌe ragate meifo.'
24121	MAT 25:44	ꞌOugadu zeꞌa naenaeniꞌuma, raenaꞌa, 'Zuhiꞌa Boro, naniꞌa eme ḡaꞌe viniꞌiroteꞌe ga irigo moꞌoꞌiroteꞌe ga iꞌudo vazeḡa reiroteꞌe ga dabuaḡo ꞌoꞌoꞌa reiroteꞌe ga ugiꞌiroteꞌe ga ḡuꞌano radiroteꞌe horoꞌadu mene danaꞌido?'
24128	MAT 26:5	Rehano ze raenaꞌa, “Iḡine Modeꞌeteꞌe Muiḡa madaḡanoꞌe mene idaḡa. ꞌOugine vaze ḡuḡuvaḡaniꞌa utitofiꞌuma.”
24138	MAT 26:15	ebu ḡadiziro, raenaꞌa, “Iesu zae ꞌevoreo riꞌinine, moni nugu iniꞌuma?” ꞌOugirotene ze moni silivaḡa 30 meꞌodadu haro.
24140	MAT 26:17	Isiti Oꞌoꞌa Berediḡa Muiḡa madaḡa ibiꞌaꞌe Iḡine Modeꞌeteꞌe Muiḡa rae reiro. Iesu tahiꞌatahiꞌa ane vaḡe onaadu ḡadiniro, raenaꞌa, “Ḡa uraꞌe eme Iḡine Modeꞌeteꞌe Muiḡa ogomuḡaꞌe nouma ruhibe tiꞌuma?”
24148	MAT 26:25	Ebu ani revohaꞌuma vazeḡa, Iudaꞌa ninaꞌa, “Ihore vazeḡa, eḡehehe?” Iesuꞌa naenaeninaꞌa, “Oꞌe, vazeḡaꞌe ḡae.”
24153	MAT 26:30	Ebu ze bada ꞌahoga mae hauḡadu Olive maḡa onamiro.
24159	MAT 26:36	Ebu Iesu ane tahiꞌatahiꞌa teite Getesemane habaꞌa onamiro. Onamirotene, Iesuꞌa ziro, raenaꞌa, “ꞌAdao ehore radoꞌi, u eꞌe kuranoga veize omo onamiꞌuma.”
24175	MAT 26:52	ꞌOugadu Iesuꞌa niro, raenaꞌa, “Benisiḡo bare iḡuꞌano toꞌi! Benisi hina vaze matihi raeteꞌe azaḡaꞌe zeḡe zuni benisi uꞌano rudaꞌuma.
24185	MAT 26:62	ꞌOuge reirotene dibuꞌo azaḡa ḡihiꞌaḡaniꞌa iḡune edanadu Iesu niro, raenaꞌa, “Ḡa ze ḡoere mene naenaeniꞌumahe? Zeꞌa ḡaꞌe veꞌoḡa rae ḡoereꞌohe. Ḡa ze mazao ḡoere nu reꞌumahe?”
24187	MAT 26:64	Iesuꞌa naenaeniro, raenaꞌa, “Oꞌe, ḡaꞌa eꞌe Keriso rae eheha. Rehano e ziꞌohe, zama moneo eḡe, Vaze Ubugaꞌe Gigiꞌa Boro Badiꞌaḡa edaꞌe moneo ehoradu ibitozenoga zu adure ḡozeḡa zamaḡano ovaoga horoniꞌuma.”
24188	MAT 26:65	ꞌOuge reirotene, dibuꞌo azaḡa ḡihiꞌaḡaniꞌa dabuaḡa zegadu ziro, raenaꞌa, “Vaze ꞌadiꞌe Badiꞌa rae sausauneꞌohe! Eme aniꞌe veꞌoḡa rae raꞌeteꞌe vazeḡa mene bare vaḡiꞌuma. Izidi aniꞌa Badiꞌa rae sausaunataꞌe zae niduꞌa egeha!
24199	MAT 27:1	Oherebau uzeuze dibuꞌo azaḡa ḡihiꞌaḡaḡihiꞌaḡa zu vaze boroboroꞌa nuꞌoranadu Iesu manoga veize ḡoaniro.