23270	MAT 3:9	Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e ziꞌohe, Badia'a hadi ꞌadi hina Aberahamo mariga haḡaine zuni idaḡa.
23271	MAT 3:10	Izidi Badiꞌaꞌa ḡiro 'ai ire taigano teha. Eꞌanoꞌo huga manoḡa mene iniꞌeteꞌe ireḡa niduꞌa'e udi higonadu ire rogao feuniꞌuma.
23272	MAT 3:11	Zaeꞌa sauꞌanonoꞌo ḡihurine, eꞌe tahiḡa veize, eḡeꞌa vu hina bapatizoziꞌohe. Rehano eḡe ḡaruna onaiteꞌe vazeḡa ani gigiꞌaniꞌe ufeta ḡihiꞌa. Aniꞌe eḡe vitihoga. Eḡe'a ani tamaka odoheꞌeteꞌe tuḡureḡa vazeḡa rae rouga zuni mene idaḡa. Aniꞌe Vine Zaḡoḡa ebu ire roga hina bapatizoziꞌuma.
23278	MAT 3:17	Ebu ago ꞌahoganiꞌa adureꞌono'o ḡoeriro, raenaꞌa, “ꞌAdiꞌe eḡe ubude. Eḡeꞌa zamare borofeꞌohe. E ani mazao matu'e rudau'ohe.”
23282	MAT 4:4	Rehano Iesuꞌa naenaeniro, raenaꞌa, “Mene! Buka Zaḡoḡano ꞌahige mirihiro, raenaꞌa, 'Vaze'e beredio da'o mene ḡabode radi'uma, rehano Badiꞌa hebeꞌonoꞌo buauꞌeteꞌe ḡoeꞌa niduꞌao ḡabode radiꞌuma.'”
23284	MAT 4:6	Ebu aniꞌa niro, raenaꞌa, “Ḡaꞌe Badiꞌa Ubuga roꞌidene, rafatoꞌi! Mazaḡa Buka Zaḡoḡano ꞌahige mirihiro, raenaꞌa, 'Badi'aꞌa dana'oga veize ane tuḡure viga ḡae vaḡe tuḡuziꞌuma. Ze'a ꞌevoreze hina mae ḡihi'i'uma ꞌahine, ḡae odaꞌe hadio mene tutuhaꞌuma.'”
23285	MAT 4:7	Iesu'a naenaeninaꞌa, “Mene! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a ago tuhuno'i.'”
23286	MAT 4:8	Ebu Diaboloꞌa Iesu maḡa hitaga hune tutune itadu kini'a ibitohauꞌeteꞌe haba'a boroboro niduꞌa zu zeḡe ḡau manomano niduꞌa ihoniro.
23288	MAT 4:10	Iesuꞌa ninaꞌa, “Mene! Eḡe mazaonoꞌo vaḡinoꞌi! Buka Zaḡoḡano ꞌahige mirihiro, raenaꞌa, 'Zuhiꞌa Boro ḡae Badi'a mazao da'o kuranohano'i, zu ane veize daꞌo gauoꞌi.'”
23632	MAT 13:24	Iesu'a hari idaidaḡa ꞌahoga ziro, raenaꞌa, “Badiꞌaꞌa Ibitoziniꞌetaꞌaꞌe vaze ꞌahoganiꞌa ani mebao ezone manoḡa ḡoraroteꞌe heuḡa.
25095	LUK 3:1	Tiberio Kaisara ani Roma habaꞌa niduꞌa kiniḡa radu muri 15 zamaḡano ibitohaunu. Eꞌe madaḡano Ponitio Pilato'e Iudea habaꞌa gavanaḡa. Heroda'e Galilea habaꞌa kiniḡa, negoḡa Firifo'e Iturea zu Tarakonito habaꞌa kiniḡa ebu Rusaniaꞌe Abirene habaꞌa kiniḡa.
25096	LUK 3:2	U Anasi zu Kaiafaꞌe Badi'a dibuꞌo hau'eteꞌe azaḡa ḡihi'aḡa reiro. E'e zamaḡano Zakaria ubuga Ioane'e haba boha'ano radiunu ebu Badi'a ḡoere'a ane mazao buaro.
25097	LUK 3:3	Ani'e Ioridana vuḡa uhiḡano haba'a haba'a nidu'a onamadu haramiro, raenaꞌa, “Sauaꞌono'o ḡihuradu bapatizo moꞌi! ꞌOugine, Badia'a sau'aze rae modiꞌuma!”
25098	LUK 3:4	Amahi Peroveta vazeḡa Isaiaꞌa bukao Ioane moneo ꞌahige mirihiro. “Vaze ꞌahoganiꞌa haba boha'ano huau'ohe, raenaꞌa, 'Zuhiꞌa Boro'a onai'uma ibiḡa ruhiboꞌi! Ane ibi mae dudunoꞌ!
25099	LUK 3:5	Ebu do'oḡa nidu'a tuniꞌuma, maḡa boro zu maḡa zuhu'a nidu'a mae rahaniꞌuma, ibi beꞌoḡa beꞌoḡa duduniꞌuma, haba bekuḡa bekuḡa nidu'a sebaniꞌuma.
25100	LUK 3:6	Ebu vaze nidu'a Badiꞌa'a vaze sauꞌazeꞌonoꞌo ḡaboze'ete'e horoni'uma.'”
25102	LUK 3:8	U ibite haḡai sau'aono'o ḡihuriroteꞌe haḡaiḡa furenoꞌi! Ebu ago ꞌahige zamaroꞌi, 'Emeꞌe Aberahamo mariga, eꞌanoꞌo Badiꞌaꞌa mene maḡunofiꞌuma.' Mazaḡa, e zae ziꞌohe, Badia'a hadi ꞌadi madu Aberahamo mariga nufine zuni idaḡa.
25103	LUK 3:9	Ḡiro 'ai ire taigano teha. Eꞌanoꞌo huga manoḡa mene iniꞌeteꞌe ireḡa'e udi higonadu ire rogao feuniꞌuma.”
25104	LUK 3:10	Ioaneꞌa ꞌouge reirotene, vaze ḡuḡuvaḡani'a ḡadiniro, raenaꞌa, “Eme nouge haḡaifone manoḡa?”
25105	LUK 3:11	Ebu ani'a naenaeziro. “Iniu dabuaḡa ꞌaheu ro'idene tibaꞌe dabuaḡa o'o'a vazeḡa hano'i, ebu iniu ogomuḡeta roꞌidene vininateꞌe vazeḡa teite ḡahugotito'i!”
25108	LUK 3:14	Ebu uti azaḡani'a zu ḡadiniro, raenaꞌa, “Eme nouge haḡaifone manoḡa?” Ani'a naenaeziro. “Vaze moni ago meize tauḡo'i, ebu ḡuriro moneo vaze ago debaze tauḡo'i! Zae moni gauḡano daꞌo matu'o'i!”
25110	LUK 3:16	Ebu Ioane'a zeḡe nidu'a naenaeziro, raenaꞌa, “E'e vu hina bapatizozeha. Rehano onaiꞌuma vazeḡa'e gigi'aḡa ḡihiꞌa. Aniꞌe eḡe vitihoga zu eḡe'a ani tamaka miniḡa fuhiꞌeꞌeteꞌe tuḡureḡa vazeḡa rae rouga zuni mene idaḡa. Ani'e Vine Zaḡoḡa zu ire roga hina abatisozi'uma.
25112	LUK 3:18	Ebu Ioane'a ḡoere ḡehaḡa nunu hina vazevaze iraduguzeꞌenaꞌa, hari manoḡa hina haramoziniro.
25113	LUK 3:19	Ioane'a Galilea habaꞌa kiniḡa Heroda Antifasi zuni ta'iroharo. Mazaḡa aniꞌe negoḡa inuga niḡa Herodia meinadu ane teite hahuriro, zu haḡai sau'a sau'a ḡehaḡa haḡaido.
25114	LUK 3:20	Ebu Heroda'e sauꞌa eꞌe nidu'a ranao ꞌahoga ragatiro. Aꞌe Ioane ḡu'ano zouniro.
25115	LUK 3:21	Ioaneꞌe izema ḡutanogano, vaze nidu'a bapatizo meirotene, Iesu zuni bapatizo meiro. ꞌOugadu Iesu ani kurau'eteꞌe zamaḡano adure'a bohataro,
25116	LUK 3:22	ebu Vine Zaḡoḡani'a Tubugo niniḡa teige ane rana ehori ovairo. Ebu ago ꞌahoganiꞌa adureꞌono'o ḡoeriro, raenaꞌa, “Ḡa'e eḡe ubude. Eḡeꞌa ḡae zamare borofeꞌohe ebu ḡa mazao matu'e rudau'ohe.”
25117	LUK 3:23	Iesu'e muriḡa 30 reirotene, ani gauḡa ḡadaheniro. Vazeꞌa ani'e Iosefa ubuga rae zamariro. Iosefa'e Heli ubuga,
25118	LUK 3:24	Heli'e Matati ubuga, Matati'e Levi ubuga, Levi'e Melki ubuga, Melki'e Ianai ubuga, Ianai'e Iosefa ubuga,
25119	LUK 3:25	Iosefa'e Matatia ubuga, Matatiaꞌe Amosi ubuga, Amosiꞌe Nahumu ubuga, Nahumꞌe Esli ubuga, Esliꞌe Nagai ubuga,
25133	LUK 4:1	Iesuꞌe Ioridana vuḡa mode iḡunirotene, Vine Zaḡoḡani'a ane rana inare hune radadu haba boha'a tutune onamiro.
25134	LUK 4:2	E'ea, mada 40 zamaḡano Sataniꞌa Iesu tuhune nuriro. E'e madaḡano ani ogomu 'ahoga mene aro, eꞌanoꞌo mada ḡonagano ani vinine runiro.
25135	LUK 4:3	Ebu Satani'a Iesu niro, raena'a, “Ḡaꞌe Badi'a ubuga ro'idene, hadi ꞌadi neadu ḡihune beredio noꞌi!”
25136	LUK 4:4	Iesu'a naenaenina'a, “Mene! Buka Zaḡoḡano raenaꞌa, 'Vaze'e beredio da'o mene ḡabode radi'uma. Rehano vine ogomuḡano zuni radiꞌuma.'”
25137	LUK 4:5	Ebu Satani'a Iesu tutunadu hitaga haba'a itadu zogone vaze'a ibitohauꞌeteꞌe haba'a boroboro niduꞌa ihoniro.
25138	LUK 4:6	Ebu aniꞌa nina'a, “Eḡeꞌa ḡaꞌe haba boroboro deꞌe ibito ha'uma gigi'aḡa zu manohuga nidu'a ḡani'uma. Aꞌe eḡe enoga ḡauḡa 'ahine, eḡe'a urateꞌeteꞌe vaze hau tauḡoga zuni idaḡa daꞌo.
25139	LUK 4:7	E'ano'o ḡa e mazao kuraune, de'e nidu'a ḡae ḡaniꞌuma!”
25140	LUK 4:8	Ebu Iesu'a naenaenina'a, “Mene! Buka Zaḡoḡano raenaꞌa, 'Zuhiꞌa Boro ḡae Badi'a mazao da'o kurano hano'i, zu ane gau daꞌo haḡaoꞌi!'”
25141	LUK 4:9	Ebu Satani'a zamahanadu Ierusalema habaꞌa onamiro. Ebu kuru neḡa hitaga huneo ohonadu niro, raenaꞌa, “Ḡa Badi'a ubuga ro'idene adaꞌono'o rafato'i!
25142	LUK 4:10	Mazaḡa Buka Zaḡoḡano raenaꞌa, 'Badi'aꞌa dugu'oga veize aneruḡa tuḡuziꞌuma.
25143	LUK 4:11	Ze'a ꞌevoreze hina mae ḡihi'i'uma ꞌahine, ḡae odaꞌe hadio mene tutuhaꞌuma.'”
25144	LUK 4:12	Rehano Iesu'a naenaeniro. “Mene! Buka Zaḡoḡano raenaꞌa, 'Zuhiꞌa Boro ḡae Badi'a ago tuhuno'i!'”
25146	LUK 4:14	Iesuꞌe Vine Zaḡoḡa gigi'aḡani'a iri'avonadu bare Galilea habaꞌa onamiro. Ebu ane hariꞌe haba nidu'a zamaḡano bororaro.
25147	LUK 4:15	Aniꞌa nuꞌonuꞌo neḡano ihozido ebu zeḡe nidu'aꞌe ani niguniro.
25148	LUK 4:16	Ebu Iesuꞌe Nazareta neḡa onamiro. Eꞌe Neḡaꞌe ane'a bororarote'e habaꞌa. Bana Madaḡano ane'a iḡaiḡa haḡainute teige, nuꞌonuꞌo neḡano diuḡi onamiro. Ebu Buka Zaḡoḡa meꞌodoga radu iḡune edaro.
25158	LUK 4:26	Rehano Elia'e Badiꞌa'a Isaraela ḡozoba azaḡa mazao mene tuḡuniro. Aniꞌe Sidoni haba'a uhiḡano ne 'ahoga niḡa Zarepatio radiunuteꞌe ḡozobaḡa 'ahoga mazao tuḡuniro. Zarepati neḡaꞌe mene Isaraela habaꞌa
25159	LUK 4:27	Ebu peroveta vazeḡa niḡa Elisa madaḡano Isaraela habaꞌano lefera azaḡa ḡehaḡaniꞌa radiunu, rehano ze mene dehene faiziro. U Siria habaꞌa vazeḡa niḡa Na'amani da'o dehene fainiro. Siria habaꞌa zu mene Isaraela habaꞌa. Eḡe zuni adama haḡai gigiꞌa mene haḡaiꞌuma, rehano ne ꞌahoga vaḡe onamiꞌuma, mazaḡa zaꞌe mene mae ḡihiheꞌohe.”
25160	LUK 4:28	Iesuꞌa ꞌouge reirotene, nu'onu'o neḡa zamaḡano vaze nidu'a maḡune rudaro.
25161	LUK 4:29	Zeḡe nidu'a iḡunadu, e'e haba'anono'o ani tuḡune vaḡiniro. Ebu dofarao duine feunoga radu, neze ogorarote'e haba'a hitaga tutune itiro.
25163	LUK 4:31	Ebu Iesuꞌa Galilea haba'ano Kaperanauma neḡa ovoadu Bana Madaḡano nuꞌonuꞌo neḡano vaze ihoziro.
25164	LUK 4:32	Vaze nidu'a aniꞌa ihozoga igirotene zaguzagaro, mazaḡa ani ḡoere'e gigi'a, Badiꞌa ḡoere heuḡa.
25165	LUK 4:33	Bana Madaḡa 'ahogano vine sau'aḡeta vazeḡa ꞌahogaꞌe nu'onu'o neḡano radiro. Aniꞌa hounaꞌiro, raenaꞌa,
25166	LUK 4:34	“Iesu Nazareta vazeḡa! Eme ago ḡunuḡunuꞌoꞌi! Ḡa eme ruifoga radu arahehe? Ḡa iniuꞌe e edeḡa. Ḡa'e Badi'a vaze zaḡoḡa!”
25167	LUK 4:35	Iesu'a vine sau'a taꞌiroharo, raena'a, “Hezo'a! Vaze e'e mazaono'o buanoi!” Ebu vine sau'ani'a zeḡe nidu'a boꞌaḡano vaze e'e mae rahao higonadu buau dauḡiro. Rehano vaze a'e mene omatiro.
25168	LUK 4:36	Vaze nidu'a zaguzagaro ebu zeḡe zeḡe'a bare raenaꞌa, “Ani ḡoereꞌe nagiḡa? Aniꞌa inaraḡa zu gigiꞌaḡa hina vine sauꞌa zeatene ze egohanadu buaneha!”
25169	LUK 4:37	Ebu Iesu hariḡaꞌe uhiḡa uhiḡa haba'a niduꞌa bororaro.
25170	LUK 4:38	Iesu'e nu'onu'o neḡa modadu Simona ne onamiro. De'ea Simona emoḡa roḡaeḡaꞌe ahiꞌaniꞌa gigine runiro, eꞌanoꞌo ani fainoga veize vazeꞌa Iesu uminiro.
25172	LUK 4:40	Ebu mada'a ovoe'eteꞌe zamaḡano, vazevaze'a ugi iraḡa nunu Iesu vaḡe tutuze onamiro, ebu Iesuꞌa evo'a zeḡe tiba tiba rana teadu manore hauḡiro.
25173	LUK 4:41	Vine sau'a sau'aꞌe Iesuꞌe Keriso rae ederiroteꞌe uꞌano, ze vazevaze mazaonoꞌo buarotene, huaro, raenaꞌa, “Iesu, ḡa'e Badi'a ubuga!” Rehano Iesuꞌe, zeꞌa ani rae furenoga mene uratiro, eꞌanoꞌo ani'a tairo zenadu ḡoereze gararoziro.
25177	LUK 5:1	Mada ꞌahogano Iesu'a Galilea duꞌura ḡenaḡano edauꞌenaꞌa, Badiꞌa ḡoere haraminu. Ebu vaze ḡuḡuvaḡaꞌe ani haramo abitoga veize bibitite onamiro.
25178	LUK 5:2	Iesuꞌa duꞌura ḡenaḡano ḡasi ꞌaheu horoniro, u ḡasi azaḡaꞌe buanadu re'evaze vuzuꞌe radiunu.
25179	LUK 5:3	Iesu'a Simona ḡasio tiradu niro, raena'a, “Tahiḡa duine buno'i!” Ebu Iesuꞌe ḡasi zamaḡano ehoradu vaze ḡuḡuvaḡa haramo ziniro.
25184	LUK 5:8	Simona zu ane teite radiroteꞌe azaḡa niduꞌa ḡozone ḡehaḡa eꞌe horonirotene, ze zaguzagau rudaro. Zebedi ubuga ꞌaheu nize Iakobo zu Ioaneꞌe Petero teite gauinu, eꞌanoꞌo zeḡe zuni zaguzagaro. Ebu Simona, niḡa ꞌahogaꞌe Petero, aniꞌa haḡai ꞌuguḡa horonadu Iesu oda babaḡano higau bauriro. Ebu raenaꞌa, “Zuhiꞌa Boro! E'e sauꞌa vazeḡa, eꞌanoꞌo eḡe mazaonoꞌo vaḡinoꞌi!” Iesuꞌa naenaeniro. “Ago rihanoꞌi! Izidionoꞌo onamo mada nidua ḡaꞌe vaze reꞌevaziꞌuma.”
25188	LUK 5:12	Iesuꞌe neḡa 'ahogano radiroteꞌe zamaḡano, lefera vaze 'ahoganiꞌa ane vaḡe onairo. Ani'a Iesu horonadu ane zamao rahao ḡuḡuriro, ebu uminiro, raena'a, “Zuhiꞌa Boro, ḡa uratoꞌidene, faihoꞌi!”
25332	LUK 8:18	Eꞌano'o eḡeꞌa ziꞌeteꞌe ḡoeꞌa faine zamare egoꞌi! Faifaine zamare igiꞌeteꞌe azaḡaꞌe, Badiꞌaꞌa edeḡa boro ziniꞌuma. U mene faine zamare igiꞌeteꞌe azaḡaꞌe, Badiꞌaꞌa zeꞌe tahiḡa edeḡa rae zamareꞌeteꞌe zuni mae vaḡiniꞌuma.
29492	PHP 3:4	Rehano vaze ꞌahoganiꞌa aniꞌe vaze nagiga raꞌeteꞌe moneo Badi'a'a mae ḡihini'uma raꞌeteꞌe borofe zamarine, eḡe zuni eḡe moneo borofe hune rouga idaḡa. U vaze ꞌahogani'a ahiri gauḡa ḡehaḡa haḡae'ohe rae zamarine, a'e eḡe'a vitinoga.
29509	PHP 3:21	Ani ḡau nidua'a zuhi'ani'et'e inaraḡa obone'ohe. Aniꞌa bare ovaite'e madaḡano, e'e inaraḡa hina ahirife ruhura'umate'e ani'a mae nufadu, ahi'a iziḡa manoḡa heuḡa rifi'uma.
29721	2TH 1:5	ꞌUguḡa haḡaiḡaniꞌa zae mazao fureruꞌetaꞌaꞌe, Badiꞌaꞌa mada ḡonagano ane ane haḡai naeḡa idane ziniꞌuma. Ebu Badiꞌaꞌa ibitofieteꞌe haba'a diuḡogaꞌe idaḡa rae reꞌuma veize, zaꞌe aduga madaḡano ꞌouge edau gigaraunu.