31	GEN 1:31	Asugiro Anutunoŋ iwoi kuuya mokolooroti, ii iiro awaa totooŋ kolooro keraqeeaŋgo moro. Weemboria 6:ya tegoro gomaŋ mombo tiiŋ ano. Kiaŋ.
121	GEN 5:15	Komuro meria Mahalalel iinoŋ yambuya 65 tegoro meria Jared kolooro.
124	GEN 5:18	Komuro meria Jared iinoŋ yambuya 162 tegoro meria Enok kolooro.
126	GEN 5:20	Ugi Jarednoŋ laligoŋ kema kema uro yambuya mindiriŋ 962 motogoŋ komuro.
127	GEN 5:21	Komuro meria Enok iinoŋ yambuya 65 tegoro meria Metusela kolooro.
129	GEN 5:23	Ugi Enoknoŋ laligoŋ uro yambuya mindiriŋ 365 motogoro.
133	GEN 5:27	Ugi Metuselanoŋ laligoŋ kema kema uro yambuya mindiriŋ 969 motogoŋ komuro.
166	GEN 7:6	Kaeŋ ama mero Nooawaa yambuyanoŋ 600 kolooro gboulu somatanoŋ namo qaganoŋ kouro.
171	GEN 7:11	Nooawaa yambuyanoŋ 600 kolooro yambu iikawaa koiŋa 2 kawaa weemboria jaŋgo 17 kanoŋ apu jaaya kuuya, apu diiŋgiawo iikawaa nemuŋgia kuuya ii emugeŋga somariiŋ boŋguŋ waagi. Kaaŋagadeeŋ eukanoŋ kanakeewambaa apuya iikawaa qaa oogia ii aantaŋgi.
197	GEN 8:13	Nooawaa laaligo yambuya 601 kawaa koiŋ mutuyaa weemboria mutuya kanoŋ apunoŋ namo qaganoŋ juguŋ toboriŋ ero. Kaeŋ kolooro Nooanoŋ waŋgowaa waareŋa mero keno kokaeŋ uuŋ iiro: Namo qaganoŋ mono toboriŋ ero.
398	GEN 16:16	Abramnoŋ yambuya 86 kolooro Haagarnoŋ Ismael mera ii Abrambaanoŋa mero. Kiaŋ.
685	GEN 25:26	Iwaa kanianoŋ koganoŋ Iisoowaa kana gbakoyanoŋ borianoŋ meŋ asugiro. Kawaajoŋ iwaa qata Jeikob qagi. (Jeikob qaa kawaa kania woi: gbako ano tiligoja.) Aisaknoŋ yambuya 60 kolooro kambaŋ kanoŋ Rebekanoŋ merawoita woi ii orono. Kiaŋ.
850	GEN 30:19	Kawaa gematanoŋ Leanoŋ mombo koro ama Jeikobwaa meria 6:ya mero.
851	GEN 30:20	Ii meŋ qaa kokaeŋ jero: “Anutunoŋ kaleŋ awaa soro nonja. Lona Jeikobwaa merauruta 6 mewetiwaajoŋ iinoŋ mono pondaŋ niwo laligoŋ qabuŋa noma laligowaa.” Kaeŋ jeŋ iikawaa so mera qata Zebulun qaro. (Zebulun = qabuŋa)
915	GEN 31:41	Yambu 20:waa so iikaaŋ goo gomanoŋ laligoŋ waabe tegoja. Yambu 14 ii borawoiga oromambaajoŋ weleŋ qeŋ goma laligowe. Iikawaa gematanoŋ yambu 6 ii lama bulmakao mokoloomambaajoŋ goonoŋ gawoŋ meŋ laligowe. Kaeŋ laligoweto, giinoŋ gawoŋ memewaa tawana ii somaŋa 10:baa so utequte ama laligona.
1047	GEN 36:6	Jeikob ano Iisoo yoroonoŋ miriwaa oro tuuŋa tuuŋa mamaga egitiwaajoŋ baloŋ wabaga laligoriti, iikanoŋ mende sokono. Esuhinagaranoŋ somata totooŋ kolooro motooŋ rama laligowombaajoŋ amamaagi. (6) Kawaajoŋ Iisoonoŋ embauruta, meraborauruta ano kanagesouruta kuuya iwaa mirinoŋ laligogiti, ii uŋuano. Ii uŋuama lama bulmakao tuuŋa tuuŋa, doŋgi kameluruta ano esuhina iwoiya kuuya Keinan balonoŋ laligoŋ mokolooroti, ii meŋ koga Jeikob mesaoŋ baloŋ moŋnoŋ keno.
1405	GEN 46:18	Labanoŋ emba qata Zilpa borata Leawaa weleŋ embaga laligowaawaajoŋ muroti, iinoŋ Jeikobwaa merauruta kaeŋ oŋono. Jeikob ano Zilpa yoroo esameraaŋurugara ii kaeŋ weeŋgoŋ mindirigi 16 kolooro.
1413	GEN 46:26	Jeikobwaa esameraaŋuruta dindiŋa tooŋ iwo Iijipt keŋgiti, iyoŋoo jaŋgogia weeŋgoŋ mindirigi korebore kanatuuru 66 koloogi. Meraaŋuruta yoŋoo embagia ii jaŋgo iikanoŋ mende toroqegi.
7168	RUT 2:17	Kaeŋ jeŋ kotoŋ oŋono Ruutnoŋ baali gowia korama meŋ kululuuro uro hoŋa ano kaawoya mendeema oromambaa sapa sarayawonoŋ kosoŋ korereŋgoŋ gosiro hoŋa geso karoombaa so (36 liita) kolooro gomaŋ siŋsiŋgoŋ karo.
23616	MAT 13:8	Kaeŋ jaŋgoŋ qaonoto, kota tosianoŋ namo awaanoŋ kemeŋ koŋgi. Kemeŋ koma tosaaŋa kogia 100 koloogi. Tosia kogia 60, tosia 30 iikawaa so kolooŋ seigi.
23631	MAT 13:23	“Nene kota namo awaanoŋ qosono kemeŋ koŋgiti, ii ejemba koi kaaŋa: Yoŋonoŋ Buŋa qaa geja ama moma moma asariŋ pondaŋ nama hoŋgia mokolooŋkeju. Tosianoŋ qaa je motooŋgonoŋga kota 30 mokolooŋkeju. Tosianoŋ hoŋgia 60, tosianoŋ qaa kota motomotooŋ yoŋoo hoŋgia 100 meŋ seiŋ mokolooŋkeju.” Kiaŋ.
23691	MAT 14:25	Kaeŋ ano gomaŋ aworaŋgoro (3-6 kilok) iikanondeeŋ Jiisasnoŋ apu aŋgoŋ qaganoŋ riiŋ riiŋ gowokouruta yoŋoonoŋ karo.
23770	MAT 17:1	Weeŋ 6 tegoro Jiisasnoŋ Piito, Jeims ano Jeimswaa koga Jon uŋuama iyaŋgia siri baaŋa koriga moŋnoŋ uma gbameŋanoŋ laligogi.
24400	MRK 4:8	Kota tosianoŋ namo awaanoŋ kemeŋ koŋgi. Kemeŋ koma kuragagia juma waama geregiaa hoŋgia awaa asugigi. Tosianoŋ kogia 30, tosianoŋ kogia 60, tosianoŋ 100 iikawaa so kolooŋ seigi.”
24412	MRK 4:20	Nene kota namo awaanoŋ qosono kemeŋ koŋgiti, ii ejemba koi kaaŋa: Yoŋonoŋ Buŋa qaa geja ama moma moma aŋgoŋ koma pondaŋ nama hoŋgia mokolooŋkeju. Tosianoŋ qaa je motooŋgonoŋga kota 30 mokolooŋkeju. Tosianoŋ hoŋgia 60, tosianoŋ qaa kota motomotooŋ iikawaa hoŋgia 100 meŋ seiŋ mokolooŋkeju.” Kiaŋ.
24524	MRK 6:48	Keno loqanoŋ qeŋ qeŋ bimbimgoŋ naŋgogi keno haamonoŋ keŋgiti, iikaaŋ baageŋa qeŋ karo bimooro majakaka somata mogi. Gomaŋ aaŋanoŋ (3-6 kilok) iikaaŋanoŋ Jiisasnoŋ kaeŋ iŋiima apu aŋgoŋ qaganoŋ riiŋ riiŋ gowokouruta oŋoonoŋ kaŋ uŋuugumambaa ano.
24609	MRK 9:2	Weeŋ 6 tegoro Jiisasnoŋ Piito, Jeims ano Jon uŋuama ejemba oŋomesaoŋ iyaŋgia siri baaŋa koriga moŋnoŋ uma gbameŋanoŋ laligogi. Iikanoŋ laligogi jaasewaŋgianoŋ nano Jiisaswaa sele tanianoŋ letoma morota kolooro.
24988	LUK 1:26	Elisabetnoŋ koro anotiwaa koiŋa 6 kolooro Anutunoŋ gajobaya qata Geibriel wasiro Galili prowinswaa gomaŋa moŋ qata Nazaret kanoŋ kamaaro.
24998	LUK 1:36	Moba. Tinitosaga Elisabet iinoŋ kaaŋagadeeŋ ‘Kopiŋ laligoŋ mera memambaajoŋ amamaaja,’ jegito, kileŋ emba waŋa kolooŋ kambaŋ kokaamba koko merawaa koroyawo kolooro koiŋa 6 kolooja.
25157	LUK 4:25	“Niinoŋ qaa hoŋaboŋa moŋ kokaeŋ iŋijomaŋa: Elaijawaa kambanoŋ Anutunoŋ Siwe naguya kono gbani karooŋ ano koiŋ 6 kawaa uutanoŋ koŋ mende kiro bodi somata kolooro namo kuuya sokono. Kambaŋ kanoŋ emba malo mamaga Israel uutanoŋ laligogi.
25601	LUK 13:14	Mepeseeŋ muroto, Jiisasnoŋ Sabat kendonoŋ emba ii meŋ qeaŋgoroti, qamakooli miriwaa galeŋanoŋ ii iima kawaajoŋ moro boliro qaa kanaiŋ ejemba tuuŋ yoŋoojoŋ jero, “Gawoŋ memewaa kambaŋ 6 eji, iikanoŋ mono kaŋ meŋ qeaŋgoŋ oŋombaatiwaajoŋ jewu. Ii Sabat kendonoŋ qaago.”
25696	LUK 16:7	Kaeŋ jeŋ eja moŋ qisiŋ muro, ‘Ano gii? Goonoŋ tosa dawi eja?’ Qisiro kokaeŋ jero, ‘Wiit flaua ii 21,000 kilogram mewe.’ Kaeŋ jero ijoro, ‘Gii tosa papiaga meŋ iikanoŋ 16,800 kilogram kaeŋ oona ewa.’
26170	JHN 2:6	Juuda yoŋonoŋ hamo qeŋ aowombaajoŋ Kana qaagia otaaŋ borogia soŋgbama laligoŋkegi. Iikawaa so miri iikanoŋ koworaŋeŋ somata 6 raro. Koworaŋeŋ motomotooŋ ii apu konoŋ 8 me 12 iikanoŋ kemeŋ saa qenagiwaa soga ragi.
26184	JHN 2:20	Meleema oŋono kokaeŋ ijogi, “Gbani 46:waa uutanoŋ jiwowoŋ jigo koi meŋ laligoŋ medaborogita nanja ano giinoŋ ii weeŋ karoombaa uutanoŋ mono nomaeŋ ama metaama kuunaga?”
26345	JHN 6:19	Uma kamaaro loqanoŋ qeŋ naŋgoŋ 5 me 6 kilomiita kawaa so keŋgi Jiisasnoŋ apu aŋgoŋ qaganoŋ riiŋ riiŋ waŋgo kosianoŋ karo iima aaruŋ toroko mogi.
26650	JHN 12:1	Anutunoŋ wala eeŋanoŋ niniima kobooŋ nunuuguroti, iikawaa kiaŋkomu kendoŋanoŋ toriŋ weeŋ 6 tegoro kanoŋ kaŋ kuumambaajoŋ ano. Jiisasnoŋ kambaŋ kanoŋ gomaŋ qata Betani kanoŋ keno. Wala eja qata Lazarus meŋ gbiliro koomunoŋga waama laligoroti, mono iwaa mirinoŋ keuro.
26654	JHN 12:5	“Apu uŋkoowagawo ii mono naambaajoŋ sewaŋa mewutiwaajoŋ mende anja? Yei, maŋgaa siita! Ii anagati eeŋ, mono weeŋ 300:waa tawaya (Kina 6,000) kawaa so kitonaga. Ii ejemba wanaya oŋoniŋ sokonaga.”
27388	ACT 11:12	“Naguyanoŋ naŋgi Uŋa Toroyanoŋ kokaeŋ jeŋ kotoŋ nono mobe, ‘Gii mono uuwoi ezelobezelo yakariŋ yoŋowo kemba.’ Qaa ii mobe uumeleeŋ alauruna 6 yoŋonoŋ kaaŋagadeeŋ Jopa mesaoŋ niwo Sisaria taonoŋ keniŋ. Sisaria keuma kawali galeŋ iikawaa mirinoŋ uniŋ.
27410	ACT 12:4	Kawaajoŋ kiŋnoŋ kokaeŋ jero, “Niinoŋ kiaŋkomu kendoŋ tegoro Juuda yoŋoo qaa jakeyanoŋ oomaŋa.” Kaeŋ jeŋ jeŋ kotono kapuare mirinoŋ ooŋgi. Ooŋgi manjaqeqe eja 16 yoŋonoŋ batugianoŋ tuuŋ 4 koma kambaŋ utekute aŋgita eja 4:yanoŋ asaga gomantiiŋa suulaŋ nama galeŋ meŋ muŋ laligogi.
27637	ACT 18:11	Kawaajoŋ Poolnoŋ kambaŋa meŋ koriŋ yoŋoo batugianoŋ gbani motooŋgo ano koiŋ 6 kawaa so laligoŋ Anutuwaanoŋ Buŋa qaa kuma oŋoma laligoro.
27960	ACT 27:37	Nono waŋgo uutanoŋ mindiriŋ jaŋgo 276 kawaa so laligoniŋ.
29839	1TI 5:9	Uumeleeŋ kanageso oŋonoŋ malo tosaaŋa kululuuŋ kalaŋ koma oŋomakejuti, malo moŋnoŋ iyoŋoo areŋnoŋ koubaatiwaa (aplikesin) qiqisi ambaati eeŋ, emba ii mono gosiwu. Gosigi kokaeŋ kolooro iigadeeŋ mono qa areŋ iikanoŋ toroqeŋ ooŋ ambu: Moŋnoŋ gbania 60 uuguŋ eja motooŋgowaa embiaga laligoro.
30438	JAS 5:17	Iikawaa sareya moŋ ii gejatootoo eja qata Elaija. Iinoŋ baloŋ eja anana kaaŋa laligoro. Iinoŋ koŋ mende kawaatiwaajoŋ uuta meŋ kululuuŋ kaparaŋ koma qama kooliro koŋnoŋ gbani karooŋ ano koiŋ 6 kawaa uutanoŋ namonoŋ mende kamaaro.
30844	REV 4:8	Beŋ jawiŋuruta 4 motomotooŋ yoŋoo eŋgaŋgia 6 kuuya eŋ oŋono. Selegia kuuya ano eŋgaŋgia baatanoŋ kaaŋagadeeŋ jaa kogiagadeeŋ sokoma oŋono naŋgi. Nama asaga gomantiiŋa rii kokaeŋ pororo qamakeju, “Poŋ Anutu ku-usuŋ kuuyaa Toya giinoŋ mono toroya, toroya ano toroyagadeeŋ koloojaŋ. Laaligo Toya giinoŋ mono monowaa monoyanoŋga laligoŋ kouma laligojaŋ ano mombo eleema asugiŋ laligoŋ ubaga.”
30873	REV 6:12	Lama merianoŋ muŋgeŋ aaso (siil) 6:ya menjurama kotunoti, ii uuŋ iibe. Ii menjurama kotunoti, kambaŋ iikanoŋ naŋ tania soosooya giliro. Weeŋ jaayanoŋ bututugoŋ injaŋ koma wosobiriwaa malekuya sokosaare kaaŋa (meme juyanoŋ memetaa tani) kolooro tiiro. Koiŋ jaayanoŋ meleema osaaŋ sa kaaŋa kolooro.
30921	REV 9:13	Siwe gajoba 6:ya iinoŋ romoŋa qaita moŋ (biugel) uuro. Ii uuro Anutuwaa batanoŋ goul alata eji, iikawaa ilia 4 iikanoŋga qa moŋ kolooro mobe.
30922	REV 9:14	Otoŋ iikanoŋ Siwe gajoba 6:ya romoŋawo iwaajoŋ kokaeŋ ijoro, “Anutunoŋ gajoba 4 somoŋgoŋ gbadooŋ oŋoma apu gowoya somata qata Yufreitis kawaa kooroŋanoŋ oŋoonoti, ii mono isama oŋomba.”
30923	REV 9:15	Anutunoŋ gajoba 4 ii somoŋgoŋ oŋoma gbadonoŋ rabutiwaa gbanigia, koiŋgia, weeŋgia ano aua kambaŋgia ii tororo areŋgoŋ oŋono ragi. Yoŋonoŋ kambaŋgia ii kaŋ kuuro iikanondeeŋ ejemba kantria kantria yoŋoo bakaya karooŋ ii uŋuwombaajoŋ jojoriŋ rama kambaŋgiaajoŋ mamboŋgi. Kawaajoŋ Siwe gajoba 6:yanoŋ alatanoŋga qa moma iikanondeeŋ kema gajoba 4 ii isama oŋono.
30943	REV 11:3	Niinoŋ jotamemewoina wasiŋ oroma qaana naŋgoŋ jewaotiwaa ku-usuŋa ama orombe asugiwao. Asugiŋ wosobiriwaa maleku sokosaare kaaŋa meŋ aoŋ liligoŋ (gbakoŋ osoga ariŋ) weeŋ boria 1,260 kawaa so gejatootoo qaa gawoŋ meŋ laligowao.”
30965	REV 12:6	Iikanoŋ ano embanoŋ aŋodeeŋ mesaoŋ kok koma keno. Anutunoŋ emba ii weeŋ 1,260 kawaa so baloŋ qararaŋkoŋkoŋanoŋ kalaŋ koma mugi laligowaatiwaajoŋ gomaŋ miri moŋ mozozoŋgoroti, iikanoŋ kok ama keno.
30995	REV 13:18	Qaa koi moma asariwombaa momakootoya ii kokaeŋ: Moŋnoŋ momakootoyawo laligoji, iinoŋ mono jeŋnembawaa jaŋgoya weeŋgowa. Jaŋgoya ii baloŋ ejawaa jaŋgoya kolooja. Aaso jaŋgoya ii 666. Kiaŋ.
31035	REV 16:12	Siwe gajoba 6:ya iikanoŋ qambiaa hoŋa ii apu somata qata Yufreitis kanoŋ maaro juguro. Weeŋ koukoutanoŋga kiŋ poŋa poŋa kawombaajoŋ moma jojoriŋ laligogiti, iyoŋonoŋ apu juguro mombo mende papaŋgogito, kotoŋ kawutiwaa kania kolooro.
31054	REV 17:10	Waŋa 7 ii kaaŋagadeeŋ kiŋ poŋ 7 iyoŋoo kaisaregiaga kolooja. Yoŋoonoŋga 5 komuŋ kamaadaborogi 6:ya iinoŋ laligoŋ ejemba galeŋ koma oŋomakeja. Konoga era asugiwaatiwaa so kolooja. Iinoŋ asugiwaati, iikanoŋ mono kambaŋ toroga ku-usuŋ qaganoŋ nambaatiwaa so koloowaa.
31139	REV 21:17	Siwe gajobanoŋ kaaŋagadeeŋ siti kiropoya ii baloŋ ejawaa kedanoŋ so ama 60 miita mokolooro ero.
31142	REV 21:20	Tando 5:ya ii kowonjiŋ nejoŋgbalaya qata sardoniks. Tando 6:ya ii kowonjiŋ osoga qata karnilian, 7:ŋa ii kowonjiŋ qata krisolait (kwortz), mundaya goul kaaro kaaŋa. Tandoya 8:ya ii kowonjiŋ asoŋasoŋa qata beril, 9:ŋa ii kowonjiŋ goota qata topaz. Tando 10:ŋa ii kowonjiŋ qata kalsedoni (krisopreis) mundaya tootooyawo, 11:ŋa ii kowonjiŋ gogookota qata jeisint (torkwois). Tando 12:ya ii kowonjiŋ osoga nezoŋgbala qata ametist.