33	GEN 2:2	Anutunoŋ gawoŋa ii mero tegoro weemboria 7 iikanoŋ kendoŋ raro. Gawoŋa kuuya merotiwaajoŋ weemboria 7 kanoŋ haamo mero.
34	GEN 2:3	Mokomokoloo gawoŋa kuuya merotiwaajoŋ ama weemboria iikanoŋ haamo mero. Kawaajoŋ weemboria 7:ŋa ii kendoŋ jeŋ kotuegoŋ jeŋ kobooro. Kiaŋ.
95	GEN 4:15	Kaeŋ ijoroto, Poŋnoŋ kokaeŋ jero moro: “Kaeŋ qaago! Moŋnoŋ Kein qero komuwaati eeŋ, iikawaa iroŋa mono iwaa qaganoŋ uro ambeŋa 7 koloowaa.” Kaeŋ jeŋ moŋnoŋ Kein mokolooŋ qero komuwabotiwaajoŋ selianoŋ aiwese tere moŋ ano.
104	GEN 4:24	Moŋnoŋ Kein qero iroŋa iwaa qaganoŋ uro ambeŋa 7 koloowaato, moŋnoŋ Lamek nii nuro iikawaa iroŋa mono iwaa qaganoŋ uro ambeŋa 77 koloowaa.” Kiaŋ.
113	GEN 5:7	Enos kolooro kambaŋ iikanoŋadeeŋ Seetnoŋ toroqeŋ yambu 807 laligoŋ kouma laligoro kambaŋ batuya kanoŋ meraboraaŋa tosaaŋa kolooŋ ugi.
118	GEN 5:12	Komuro meria Keinan iinoŋ yambuya 70 tegoro meria Mahalalel kolooro.
131	GEN 5:25	Mero meria Metusela iinoŋ yambuya 187 tegoro meria Lamek kolooro.
132	GEN 5:26	Kolooro kambaŋ iikanoŋadeeŋ Metuselanoŋ toroqeŋ yambu 782 laligoŋ kema kema uro kambaŋ batuya kanoŋ meraboraaŋa tosaaŋa kolooŋ ugi.
137	GEN 5:31	Ugi Lameknoŋ laligoŋ kema kema uro yambuya mindiriŋ 777 motogoŋ komuro.
153	GEN 6:15	Waŋgo ii kokaaŋa mewa: korigaya 133 miita (450 fiit), aaregeŋa 22 miita (75 fiit) ano koŋaya 13 miita (45 fiit) kaeŋ mewa.
162	GEN 7:2	Oro neneya, doŋqiziziŋgia qaa ii kuuya yoŋoonoŋa sewen sewen, ejia 7 ano embia 7:baa so oŋoona goonoŋ koubu. Kaaŋagadeeŋ oro aŋgojoragiawo kuuya yoŋoonoŋga woi woi ejia ano embia kaaŋa oŋoona goonoŋ koubu.
163	GEN 7:3	Toroqeŋ kooŋ kania kania kuuya yoŋoonoŋga kaaŋagadeeŋ sewen sewen, ejia 7 ano embia 7 ii oŋoona giwo waŋgonoŋ ubu. Kaeŋ ana oro ano kooŋ tanigia kania kania kuuya ii mende qaombuto, toroqeŋ namonoŋ kolooŋ seisei ama laligowuya.
164	GEN 7:4	Ugi weemboria 7 tegoro jeŋ kotowe koŋ rombuŋ somatanoŋ mono namonoŋ kamaaro gomantiiŋa weemboria 40:waa so toroqeŋ koŋ kiwaa. Kaeŋ kiro iwoi isiŋosoŋgiawo kuuya namonoŋ mokolooŋ oŋombeti, ii mono motooŋ jeŋ tegowe qaombuya.”
170	GEN 7:10	Kaeŋ kolooro weemboria 7:baajoŋ jeroti, ii tegoro gboulu somatanoŋ baloŋ qaganoŋ kouro.
171	GEN 7:11	Nooawaa yambuyanoŋ 600 kolooro yambu iikawaa koiŋa 2 kawaa weemboria jaŋgo 17 kanoŋ apu jaaya kuuya, apu diiŋgiawo iikawaa nemuŋgia kuuya ii emugeŋga somariiŋ boŋguŋ waagi. Kaaŋagadeeŋ eukanoŋ kanakeewambaa apuya iikawaa qaa oogia ii aantaŋgi.
188	GEN 8:4	Kaeŋ egi waŋgonoŋ koiŋ 7 kawaa weemboria 17 kanoŋ baaŋa qata Ararat kawaa waŋanoŋ mokotaaŋ kotiiŋ raro.
194	GEN 8:10	Oono weemboria 7:baa so toroqeŋ mamboma laligoŋ kanoŋ kewo ii mombo waŋgonoŋga wasiro keno.
196	GEN 8:12	Kaeŋ moma asariŋ mombo weemboria 7:baa so mamboma nama kewo ii mombo wasiro elelaoŋ keno. Kenoto, kambaŋ iikanoŋ ii iwaanoŋ mombo mende eleema karo.
198	GEN 8:14	Ii iiroto, mombo mamboŋgi toboriŋ koiŋ woiyaa weemboria 27 kanoŋ toboridaboroŋ ero.
288	GEN 11:21	Serugnoŋ kolooro kawaa gematanoŋ Reunoŋ toroqeŋ yambu 207 laligoro kambaŋ batuya kanoŋ meraborauruta tosaaŋa koloogi.
293	GEN 11:26	Teranoŋ yambuya 70 tegoro meria Abram, Naahor ano Haran koloogi.
303	GEN 12:4	Kaeŋ ijoro Abramnoŋ Poŋnoŋ jerotiwaa so Haran gomaŋ mesaoŋ keno Lootnoŋ iwo keni. Abramnoŋ yambuya 75 kolooro kanoŋ Haran gomaŋ mesaoŋ keno.
542	GEN 21:28	Iikaeŋ ama Aabrahamnoŋ lama tuuŋgianoŋgaga lama embia melaa 7 metogoŋ mendeema oŋono yaŋgiodeeŋ naŋgi.
543	GEN 21:29	Kaeŋ naŋgi Abimeleknoŋ Aabraham kokaeŋ qisiŋ muro: “Lama embia melaa 7 gosiŋ endu ama oŋona yaŋgiodeeŋ nanjuti, ii kania naambaajoŋa?”
544	GEN 21:30	Qisiŋ muro kokaeŋ meleeno: “Niinoŋ apu roŋa koi osowetiwaa qaaya jeweti, ii moma laarijaŋ i eeŋ, lama melaa 7 koi mono noo boronanoŋga buŋa qeŋ aona noo qaanaa daŋgunuya koloowaa.”
573	GEN 23:1	Saaranoŋ laligoŋ uro yambuya 127 kolooro. Saaranoŋ yambu iikawaa so laligoro.
666	GEN 25:7	Aabrahamnoŋ laligoŋ kouro mindimindiri yambuya 175 kolooro komuro.
676	GEN 25:17	Ismaelnoŋ laligoŋ kouro yambuya mindiriŋ 137 kolooro komuro. Kaeŋ eja waŋa kolooŋ sewaŋ aasoŋ konoga horoŋ goroŋ qeŋ komuro Anutunoŋ wano tinitosauruta komugiti, iyoŋoonoŋ kema toroqero.
814	GEN 29:18	Jeikobwaa uunaaŋa ii Reizelwaanoŋ erotiwaajoŋ ama qaa kokaeŋ jero: “Niinoŋ boraga kanageŋa Reizel memambaajoŋ saanoŋ yambu 7 weleŋ qeŋ goma laligomaŋa.”
816	GEN 29:20	Kaeŋ jero Reizel memambaajoŋ yambu 7 weleŋ qeŋ muŋ laligoro. Uunaaŋanoŋ Reizelwaajoŋ erotiwaajoŋ ama yambu iikawaajoŋ moro weeŋ afaaŋa tani kolooro. Kiaŋ.
817	GEN 29:21	Yambu 7 tegoro Jeikobnoŋ owaya Laban kokaeŋ ijoro: “Noo gawoŋ meme kambananoŋ mono tegojiwaajoŋ saanoŋ embana Reizel nona iwo eŋ laligomaŋa.”
823	GEN 29:27	Kawaajoŋ saanoŋ maraŋ korisoro ii Leawo sonda motooŋgowaa so laligoŋ aisoona tegoro koga kaaŋagadeeŋ gomaŋa. Ii mewaatiwaajoŋ mono kaaŋagadeeŋ yambu 7 toroqeŋ weleŋ qeŋ noma laligowa.”
826	GEN 29:30	Jeikobnoŋ Reizel ii kaaŋagadeeŋ embiaga mero. Uunaaŋanoŋ Reizelwaajoŋ erotiwaajoŋ ama Reizel ii Lea uuguŋ jopagoŋ muŋ laligoro. Kawaajoŋ yambu 7 toroqeŋ Laban weleŋa qeŋ muŋ laligoro. Kiaŋ.
897	GEN 31:23	Ii moma waama tinitosa ejauruta uŋuama weemboria 7:baa so oŋotaaŋ kema kema Gilead baloŋ baaŋawo kanoŋ mokolooŋ oŋoŋgi.
964	GEN 33:3	Sumaŋa kaeŋ areŋgoŋ oŋoma aŋo yoŋoo wosogianoŋ wala kema simiŋ kuma namonoŋ usugoŋ waaro indiŋa 7 kolooro kema dataa jaasewaŋanoŋ keuro.
1086	GEN 37:2	Jeikobwaa gbiliuruta iyoŋoo sundugia kokaeŋ: Joosefnoŋ eja gbaworo yambuya 17 kolooro daremuŋuruta, maŋaa embawoita sewaŋgara mende memeta Bilha ano Zilpa yoroo merauruta yoŋowo lama ano meme (noniŋ) tuuŋa tuuŋa galeŋ koma oŋoma laligogi. Kaeŋ laligoŋ daremuŋurutanoŋ sili aŋgiti, iikawaa sunduya bologa bologa ii maŋa ijoro moma laligoro.
1198	GEN 41:2	bulmakao doŋa 7 awaa soroya kele busugiawo ii apu gowoya iikanoŋa kouma bowololoo batugianoŋ nama tembaŋ kegbaŋ negi.
1199	GEN 41:3	Iyoŋoo gemagianoŋ bulmakao tosaaŋa 7 sii gbaraŋgiagadeeŋ kaitanigia kaapiroŋa ii apu gowoya iikanoŋa kouma bulmakao mutuya iyoŋoo kosogianoŋ kema apu gowoyaa goraayanoŋ naŋgi.
1200	GEN 41:4	Bulmakao kaapiroŋa sii gbaraŋgiagadeeŋ iyoŋonoŋ bulmakao doŋa awaa soroya kele busugiawo 7 ii gogoŋ oŋoŋgi. Faarao kiŋnoŋ gaoŋ ii iima iikanondeeŋ uuta tooro moma waaro.
1201	GEN 41:5	Waama gaoŋaajoŋ mombo moma kemeŋ kema eŋ gaoŋ moŋ kokaeŋ iiro: Wiit dumuŋ kota gowoya motooŋgowaa batuyanoŋ hoŋa kota somasomata kaŋgeŋgiawo 7 awaa totooŋ ii toŋgbama giliro kamaaŋ naŋgi.
1202	GEN 41:6	Iyoŋoo gemagianoŋ hoŋa kaŋgeŋgiawo 7 ii mombo toŋgbama giliro kamaaŋ naŋgi baloŋ qararaŋkoŋkoŋaa haamo gerianoŋ oŋooro sooliŋ gipeya (auta) koloogi.
1214	GEN 41:18	Kanoŋ nambe bulmakao doŋa 7 awaa soroya busugia omakelegagiawo ii apu gowoya iikanoŋa kouma bowololoo batugianoŋ nama tembaŋ kegbaŋ nejuya.
1215	GEN 41:19	Iyoŋoo gemagianoŋ bulmakao tosaaŋa 7 sii gbaraŋgiagadeeŋ kaitanigia kaapiroŋa totooŋ ii apu gowoya iikanoŋa koujuya. Niinoŋ bulmakao bologa totooŋ kaaŋa ii kambaŋ moŋnoŋ Iijipt baloŋ kuuya kokanoŋ mende iŋiibe.
1216	GEN 41:20	Bulmakao sii gbaraŋgiagadeeŋ kaitanigia kaapiroŋa iyoŋonoŋ bulmakao doŋa busugia omakelegagiawo 7 wala koujuti, ii gogoŋ oŋonju.
1218	GEN 41:22	Waama mombo eŋ gaoŋ moŋ kokaeŋ iijeŋa: Wiit dumuŋ kota gowoya motooŋgowaa batuyanoŋ hoŋa kota somasomata kaŋgeŋgiawo 7 awaa totooŋ ii toŋgbama giliro kamaaŋ nanjuya.
1219	GEN 41:23	“Iyoŋoo gemagianoŋ hoŋa kaŋgeŋgiawo tosaaŋa 7 ii unjuta juma kouma toŋgbama giliro kamaaŋ naŋgi namo qararaŋkoŋkoŋaa haamo gerianoŋ ii oŋooro sooliŋ melaada ano gipeya (auta) koloojuya.
1222	GEN 41:26	Bulmakao doŋa 7 awaa soroya ii yambu 7:baa sareya kolooju. Wiit dumuŋ kota hoŋa kaŋgeŋgiawo awaa totooŋ 7 ii kaaŋagadeeŋ yambu 7:baa sareyaga. Kanagara ii ororoŋ ano motooŋgo koloojao.
1223	GEN 41:27	“Bulmakao sii gbaraŋgiagadeeŋ kaitanigia kaapiroŋa 7 kanageŋ koujuti, ii yambu 7:baa sareyaga kolooju. Wiit dumuŋ kota hoŋa kaŋgeŋgiawo 7 baloŋ qararaŋkoŋkoŋaa haamo gerianoŋ oŋooro sooliŋ gipeya (auta) koloojuti, ii bodi laaligowaa yambu 7 iikawaa sareyaga kolooju.
1225	GEN 41:29	Oo kiŋ, yambu 7:baa so nene moriaŋ somata qatawo asugiŋ Iijipt baloŋ kuuya sokoma ewaa.
1226	GEN 41:30	“Ii ewaato, yambu 7 iikawaa gemagianoŋ bodiwaa yambu 7 kolooŋ tiwitiwilaa somata kondooro Iijipt kantrinoŋ boliwaa. Iikanoŋ asugiro nene moriaŋ wala Iijipt balonoŋ eroti, ii baloŋ so yoŋonoŋ duduudaborowuya.
1227	GEN 41:31	Bodi ii kotakota totooŋ ewaatiwaajoŋ ama gomaŋ so ejemba yoŋonoŋ nene moriambaa yambuya 7 wala Iijipt balonoŋ eroti, iikawaa qaaya ii mombo mende romoŋgoŋ laligowuya.
1230	GEN 41:34	Kaaŋiadeeŋ kia waŋa waŋa kuuŋ oŋona gomaŋ sokoma galeŋgiaga laligowu. Yoŋonoŋ nene moriambaa yambuya 7 iikaaŋaa uugianoŋ nene hoŋgiawo Iijipt balonoŋ asugiwuti, iikawaajoŋ jero mendeeŋgi bakagia 5 koloogi yoŋoonoŋga motooŋgo motooŋgo meŋ gawmambaa kowinoŋ meŋ kululuuŋ laligowu.
1231	GEN 41:35	“Yoŋonoŋ nama mono jeŋkooto aŋgi yambu awaa 7 koloowuti, iikaaŋaa uugianoŋ nene hoŋgia korebore meŋ kululuuŋ gosiŋ laligowu. Kaeŋ ama wiit dumuŋ kota ii Faarao kimbaa kowi miria miria kanoŋ meŋ kululuuŋ laligowu. Ii taoŋ so gawmambaa kowi miria miria kanoŋ meŋ kululuuŋ galeŋ koma laligogi kanagembaa neneyaga ewaa.
1232	GEN 41:36	Nene kaeŋ meŋ kululuuŋ laligowuti, ii mono gawmambaa kowi miri so galeŋ koŋgi mawosusunoŋ ero kanageŋ bodiwaa yambu 7 Iijipt baloŋ so koloowaati, kambaŋ iikanoŋ ii saanoŋ meŋ mendeema neŋ laligowuya. Kaeŋ aŋgi kantriwaa kanatuuru nononoŋ bodi iikawaa kambaŋanoŋ nenewaa mende komuŋ gororoŋgowoŋa.” Kiaŋ.
1243	GEN 41:47	Nene moriambaa yambuya 7 iikawaa kambaŋanoŋ baloŋgianoŋ nene honombonoŋa qaa asugiŋ oŋono.
1244	GEN 41:48	Nene moriambaa yambuya 7 kaŋ kuugiti, iikawaa kambaŋanoŋ Joosefnoŋ jeŋ kotoro nene kania kania Iijipt balonoŋ asugigiti, ii meŋ kululuuŋ taoŋgia so kema gawmambaajoŋ aŋgi. Namo koria taoŋ so liligoŋ rama keŋgiti, iikanoŋ nene hoŋa asugigi ii meŋ taoŋgia so kema qenjaaro kowi mirigianoŋ aŋgi.
1249	GEN 41:53	Nene moriaŋ somataa yambuya 7 Iijipt baloŋ sokoma kaŋ kuugiti, ii eŋ kougi tegoro.
1250	GEN 41:54	Yambu 7 ii tegoro Joosefnoŋ qaa jerotiwaa so bodiwaa yambuya 7 ii kanaiŋ kaŋ kuugi. Bodi ii baloŋ tosia kuuya sokoma kolooŋ eroto, Iijipt balonoŋ nene ii gomaŋ so kowigianoŋ ero.
1412	GEN 46:25	Labanoŋ emba qata Bilha borata Reizelwaa weleŋ embaga laligowaatiwaajoŋ muroti, iinoŋ Jeikobwaa merauruta kaeŋ oŋono. Jeikob ano Bilha yoroo esameraaŋurugara ii kaeŋ weeŋgoŋ mindirigi korebore 7 kolooro.
1414	GEN 46:27	Joosefwaa merawoita Iijipt kantrinoŋ kolooriti, ii woi. Jeikobwaa kanatuuruuruta Iijipt keŋgiti, iyoŋoo jaŋgogia ii kaeŋ weeŋgoŋ mindirigi 70 kolooro. Kiaŋ.
1449	GEN 47:28	Jeikobnoŋ laaligoya yambu 17 ii Iijipt balonoŋ laligoro. Laaligoya kuuyaa yambuya ii mindiriŋ 147 kolooro.
1510	GEN 50:3	Gawoŋ ii meŋ laligogi weemboria 40 kuuya tegoro. Qamogia kelenoŋ moriŋkegi, iikawaa gawoŋa ii kambaŋ koriga kaeŋ meŋ laligoŋkegi. Iijipt kanatuuru yoŋonoŋ Jeikobwaajoŋ weemboria 70:waa so jiŋgeŋ qama saama laligogi.
1517	GEN 50:10	Kema kema Jordan apu gowoya kotoŋ leegeŋ toroqeŋ kema Atad gomanoŋ wiit dumuŋ kotawaa hoŋa ano kaawoya mendeema gosigiti, miri baloŋ iikanoŋ keuma jiŋgeŋ aro metaama qama silama saama boliŋ laligogi. Joosefnoŋ maŋaajoŋ weemboria 7:baa so jiŋgeŋ qama saama laligoro.
7207	RUT 4:15	Goo eŋaroganoŋ jopagoŋ gomakeja. Goo merauruga 7 laligowuyagati eeŋ, iinoŋ mono ii kuuya uŋuuguŋ ilaaŋ goma laligoja. Iinoŋ kete esaga gono iinoŋ mono laaligoga tililuaaŋ keraqeeaŋgo qeŋ goma laligowaa. Kanageŋ emba waŋa koloona iinoŋ saanoŋ galeŋ koma gono laligowaga.”
23603	MAT 12:45	“Kaeŋ mokolooŋ kema omejiilaŋ tosaaŋa 7 uŋuambaa. Omejiilaŋ 7 ii iyaŋa uuguŋ bologa totooŋ kolooju. Iinoŋ ii uŋuano kaŋ miri ii uma iikawaa uutanoŋ laligowuya. Kaeŋ kolooro eja iikawaa kania wala kileŋkileŋ kolooroto, kanageŋ boliqolidaborowaa. Ejemba tuuŋ somata bologa koi kete namonoŋ laligojuti, oŋoonoŋ kaaŋagadeeŋ kaeŋ koloowaa.” Kiaŋ.
23736	MAT 15:34	Ii moma Jiisasnoŋ kokaeŋ qisiŋ oŋono, “Oŋoonoŋ bered dawi raja?” Qisiŋ oŋono “Bered 7 ano sora melaa tosaaŋa raja,” jeŋ ijogi.
23738	MAT 15:36	Kemeŋ ragi bered 7 ano sora ii meŋ Anutu qama kooliŋ daŋgiseŋ jeŋ motoŋ gowokouruta oŋono yoŋonoŋ ii ejemba tuuŋ so toto qeŋ oŋoŋgi.
23739	MAT 15:37	Toto qeŋ oŋoŋgi neŋ neŋ timbiriŋgogi. Neŋ timbiriŋgoŋ nene kitia mesaogi kemeroti, ii konde 7 kanoŋ meŋ kululuugi saa qero.
23751	MAT 16:10	“Kaaŋagadeeŋ bered 7 ii 4,000 yoŋoojoŋ motowe iikawaa kitia meŋ kululuugi konde dawinoŋ kemeŋ saa qero? Ii duduuju me qaago?
23817	MAT 18:21	Kambaŋ kanoŋ Piitonoŋ Jiisaswaanoŋ kaŋ qaa kokaeŋ ijoro, “Poŋ, alananoŋ siŋgisoŋgo ama nomakeji, niinoŋ ii indiŋ dawiwaa so mesaowe sokombaa? Indiŋa 7 ii mamaga. Iikawaa so mesaowe sokombaa me qaago?”
23818	MAT 18:22	Jiisasnoŋ ii moma kokaeŋ meleema muro, “Indiŋa 7 qaagoto, 70 taims 7 ii mesaona sokombaa. Niinoŋ kaeŋ gijojeŋ.
23966	MAT 22:25	Moba, kambaŋ moŋnoŋ daremuŋ 7 laligogi. Dagia mutuyanoŋ emba meŋ laligoŋ gbilia qaa eeŋ laligoŋ komuro. Komuro koganoŋ maloya ii mero.
23967	MAT 22:26	“Meŋ laligoŋ komuro koga moŋnoŋ maloya ii mero. Mero kawaa gematanoŋ koga moŋnoŋ emba iikayadeeŋ mero. Kaanondeeŋ kaaŋ daremuŋ 7 kuuya yoŋonoŋ emba motooŋgo iikayadeeŋ meŋ gbilia qaa laligoŋ komudaborogi.
23969	MAT 22:28	Giinoŋ ‘Komugiti, iyoŋonoŋ gbiliŋ waabuya,’ jejanto, nono ii mende moma laarijoŋ. Moba, eja 7 kuuya ii ororoŋ waabuyagati eeŋ, emba motooŋgo ii embagiaga megi laligorotiwaajoŋ ama mono morowaa embiaga koloonaga?”
24199	MAT 27:1	Gomaŋ ano amandiinoŋ jigo gawoŋ galeŋ kuuya ano kantriwaa jota meme (70) yoŋonoŋ ajorooŋ Jiisas qegi komuwaatiwaa qaaya amiŋ mogi.
24210	MAT 27:12	Jigo gawoŋ galeŋ ano kantriwaa jotamemeya (70) yoŋonoŋ qaa mamaga Jiisaswaa selianoŋ kuuŋ jegito, kileŋ qaa kitia moŋ mende meleeno.
24574	MRK 8:5	Kaeŋ ijogi kokaeŋ qisiŋ oŋono, “Oŋoonoŋ bered dawi raja?” Qisiŋ oŋono “Bered 7 raja,” ijogi.
24575	MRK 8:6	Ijogi Jiisasnoŋ ejemba tuuŋlelembe ii namonoŋ kemeŋ rabutiwaajoŋ jeŋ kotoŋ oŋono kemeŋ ragi. Kemeŋ ragi bered 7 ii meŋ Anutu qama kooliŋ daŋgiseŋ jeŋ motoŋ gowokouruta oŋoma ejemba tuuŋ so batugianoŋ ambutiwaajoŋ jero. Kaeŋ jero iikawaa so aŋgi.
24577	MRK 8:8	Jeŋ kotoŋ oŋono oŋoŋgi neŋ neŋ timbiriŋgogi. Neŋ timbiriŋgoŋ nene kitia mesaogi raroti, ii konde 7 meŋ kululuugi saa qero.
24589	MRK 8:20	Ijogi toroqero, “Niinoŋ bered 7 ii ejemba 4,000 yoŋoojoŋ motowe iikawaa kitia meŋ kululuugi konde dawinoŋ kemeŋ saa qero?” Qisiŋ oŋono “Konde 7,” ijogi.
24762	MRK 12:20	“Moba! Kambaŋ moŋnoŋ daremuŋ 7 laligogi. Dagia mutuyanoŋ emba meŋ laligoŋ gbilia qaa eeŋ laligoŋ komuro.
24764	MRK 12:22	Kaaŋadeeŋ daremuŋ 7 kuuya yoŋonoŋ emba motooŋgo iikayadeeŋ meŋ gbilia qaa laligoŋ komudaborogi. Kuuya komugi konoga malogia ii kaaŋiadeeŋ komuro.
24765	MRK 12:23	Giinoŋ ‘Komugiti, iyoŋonoŋ gbiliŋ waabuya,’ jejanto, nono ii mende moma laarijoŋ. Moba, eja 7 kuuya ii ororoŋ waabuyagati eeŋ, emba motooŋgo ii embagiaga megi laligorotiwaajoŋ ama mono morowaa embiaga koloonaga?”
24896	MRK 15:1	Gomaŋ ano amandiinoŋ jigo gawoŋ galeŋ, kantriwaa jotamemeya (70), ano Kana qaawaa boi ano jigo kaunsol kuuya yoŋonoŋ qaa jake uutaa ajoajoroo ama Jiisaswaa qaa jeŋ tegogi. Jeŋ tegogi Jiisas somoŋgoŋ wama kema gawana Pailotwaa boronoŋ aŋgi.
24951	MRK 16:9	Jiisasnoŋ Maria Magdalaga iwaa uutanoŋga omejiilaŋ 7 oŋotaaro laligoro. Jiisasnoŋ koomunoŋga waama Sonda gomaamba amandiinoŋ wala Maria ii asugiŋ muro.
25021	LUK 1:59	Korisoro ama weeŋ 7 tegoro waama kema Anutuwaa aiweseya mera selianoŋ kotowutiwaajoŋ ajoroogi. Ajorooŋ maŋaa qata Zekaraia ii wase meŋ muwombaajoŋ jegi.
25078	LUK 2:36	Jerusalem kanoŋ gejatootoo emba waŋa moŋ qata Ana laligoro. Iwaa isia qata Aser, maŋa qata Fanuel. Emba kanoŋ saraŋanoŋ eja meŋ laligoro gbani 7 motooŋ laligori.
25316	LUK 8:2	Kaaŋagadeeŋ emba tosianoŋ iwo keŋgi. Emba ii wala ji iŋiro omenoŋ kokojinjiŋ meŋ oŋono laligogi Jiisasnoŋ meŋ qeaŋgoŋ oŋono. Emba ii kokaeŋ: Magdalaga emba moŋ qata Maria qagi. Jiisasnoŋ iwaa uutanoŋga ome 7 oŋotaaro kouma keŋgi.
25433	LUK 10:1	Kawaa gematanoŋ Poŋnoŋ gowoko tosaaŋa 72 ii meweeŋgoŋ oŋono. Aŋo “Taoŋa taoŋa gomaŋa gomaŋa kemaŋa,” jeŋ kanoŋ woi woi metogoŋ wala wasiŋ oŋono.
25449	LUK 10:17	Gowoko 72 yoŋonoŋ laligoŋ eleema kaŋ aisooŋ kokaeŋ jegi, “Poŋ, nono goo qaganoŋ omejiilaŋ jeŋ kotoŋ oŋoniŋ yoŋonoŋ kaaŋagadeeŋ qaanana baatanoŋ kema togoŋ keŋgi.”
25500	LUK 11:26	Kaeŋ mokolooŋ kema omejiilaŋ tosaaŋa 7 uŋuambaa. Omejiilaŋ 7 ii iyaŋa uuguŋ bologa totooŋ kolooju. Iinoŋ ii uŋuano kaŋ miri ii uma iikawaa uutanoŋ laligowuya. Kaeŋ kolooro eja iikawaa kania wala kileŋkileŋ kolooroto, kanageŋ bolidaborowaa.” Kiaŋ.
25724	LUK 17:4	Weeŋ mombaa uutanoŋ siŋgisoŋgo 7 ama boliŋ goma ambeŋa 7 goonoŋ eleema kokaeŋ jewaa, ‘Alana, nii siŋgisoŋgo anjeŋiwaajoŋ moma boliŋ aojeŋ.’ Kaeŋ jewaati eeŋ, gii mono siŋgisoŋgoya ii mesaoŋ muba.” Kaeŋ.
25877	LUK 20:29	“Moba! Kambaŋ moŋnoŋ daremuŋ 7 laligogi. Dagia mutuyanoŋ emba meŋ laligoŋ gbilia qaa eeŋ laligoŋ komuro.
25879	LUK 20:31	Kawaa gematanoŋ koga moŋnoŋ emba iikayadeeŋ mero. Kaandeeŋ kaaŋ daremuŋ 7 kuuya yoŋonoŋ emba motooŋgo iikayadeeŋ meŋ gbilia qaa laligoŋ komudaborogi.
25881	LUK 20:33	Giinoŋ ‘Komugiti, iyoŋonoŋ gbiliŋ waabuya,’ jejanto, nono ii mende moma laarijoŋ. Moba, eja 7 kuuya ii ororoŋ waabuyagati eeŋ, emba motoondeeŋ ii embagiaga megi laligorotiwaajoŋ ama mono morowaa embiaga koloonaga?”
27019	ACT 2:1	Jiisasnoŋ komuroti, kambaŋ iikanoŋa sonda 7 tegoro weeŋ 50 iikanoŋ yambuyambu kambaŋa kaŋ kuuro uumeleeŋ ejemba kuuya yoŋonoŋ ajorooŋ kendoŋ ragi.