23	GEN 1:23	Qaa kaeŋ jeŋ kotoro weemboria 5:ya tegoro gomaŋ mombo tiiŋ ano.
30	GEN 1:30	Duuyaa oroya kuuya, kanakeewambaa kooŋa kuuya ano iwoi kuuya namonoŋ kema kaŋkejuti ano tosia kuuya sewaŋ aasoŋ horoŋkejuti, iyoŋoojoŋ loloo gbojoja toŋgoŋa kania kania ii nenegia koloowaatiwaajoŋ anjeŋ.” Qaa kaeŋ jero mono kaeŋ asugiro.
51	GEN 2:20	Kaeŋ kolooro ejanoŋ miriwaa oro kuuya, kanakeewambaa kooŋ kuuya ano duuyaa oro kuuya ii qagia qadabororo. Qadaboroto, iyaŋa kaaŋa ala-ilailaaya laligowaatiwaajoŋ moŋ mende mokolooro.
69	GEN 3:13	Kaeŋ ijoro Poŋ Anutunoŋ emba kokaeŋ qisiŋ muro: “Gii mono naambaajoŋa kaeŋ anjaŋa?” Qisiŋ muro kokaeŋ meleeno: “Mokolenoŋ niijoŋgoro nejeŋa.”
89	GEN 4:9	Komuro Poŋnoŋ Kein kokaeŋ qisiŋ muro: “Koga Aabel ii dakanoŋ laligoja?” Qisiŋ muro kokaeŋ meleeno: “Nii mende mojeŋ. Nii konaa galeŋa qaago.”
93	GEN 4:13	Kaeŋ jero Keinoŋ Poŋ kokaeŋ ijoro, “Qaanaa iroŋa meleena qananoŋ uji, iikanoŋ mono esuŋna uuguŋ bimooro bosimambaajoŋ amamaamaŋa.
359	GEN 14:22	Kaeŋ ijoroto, Abramnoŋ Sodombaa kiŋaajoŋ kokaeŋ jero: “Qaana kotiiwaatiwaajoŋ niinoŋ borona Poŋ Anutu uuta Siwe namo mokolooŋ oronoti, iwaanoŋ baageŋ meŋ waama jojopaŋ qaa kokaeŋ jejeŋ:
363	GEN 15:2	Qaa kaeŋ ijoroto, Abramnoŋ kokaeŋ jero, “Oo Poŋ somatana, nii meraborana qaa laligowego tawa nona iikanoŋ mono nomaeŋ ilaaŋ nonaga? Niinoŋ komuwe Damaskas eja Eliezer iinoŋ noo esuhinanaa toya koloowaa.”
366	GEN 15:5	Qaa kaeŋ asugiro Anutunoŋ Abram wama seleeŋgeŋ kemeŋ qaa kokaeŋ ijoro, “Mono sombinoŋ uuna uro seŋgelao weeŋgoŋ oŋombaatiwaa so koloowaati eeŋ, ii mono saanoŋ weeŋgoŋ oŋomba.” Kaeŋ ijoŋ kokaeŋ toroqeŋ jero, “Goo gbiliuruga yoŋoo jaŋgogianoŋ mono iikawaa so koloowaa.”
374	GEN 15:13	Turuŋ muro Poŋnoŋ kokaeŋ ijoro, “Qaa hoŋa koi mono geja ama moba: Goo gbiliuruganoŋ mono baloŋgia mesaoŋ kantri moŋnoŋ kema wabaga laligoŋ ubuya. Kaeŋ laligoŋ yoŋoo weleŋqeqeurugia omaya koloogi ii yambu 400:waa so meluŋgoŋ oŋoma laligowuya.
392	GEN 16:10	Qaa ii toroqeŋ kokaeŋ jero moro: “Haagar, nii mono goo gbiliuruga kolooŋseiseigia oŋombe jaŋgogia mende weeŋweeŋgoyaa so kaaŋa laligowuya.”
395	GEN 16:13	Kaeŋ ijoro Haagarnoŋ kokaeŋ jero: “Niinoŋ mono keteda koi moŋnoŋ nii niimakeji, ii iijeŋ.” Kawaajoŋ Poŋ iwaajoŋ qaa jeroti, iwaa qata kokaeŋ qama muro: “Gii Poŋ nii niimakejaŋi, ii koloojaŋ.” Qata kaeŋ qaro.
402	GEN 17:4	“Moba, niinoŋ soomoŋgo areŋna giwo kokaeŋ anjeŋ: Giinoŋ kanatuuru mamaga yoŋoo wanjale beŋisigiaga koloowaga. Qaa kaeŋ jeŋ somoŋgowe ewaa.
434	GEN 18:9	Nano kokaeŋ qisiŋ mugi: “Embaga Saara ii dakanoŋ?” Qisiŋ mugi jero: “Ii opo sel kuuŋ uutanoŋ endu raja.”
440	GEN 18:15	Saaranoŋ keeta moma ii qaloweeŋ kokaeŋ ijoro: “Nii mende jomojeŋ.” Kaeŋ jeroto, Poŋnoŋ kokaeŋ ijoro: “Qaago, gii mono oŋanoŋ jomojaŋa.” Kaeŋ.
460	GEN 19:2	Kemeŋ kokaeŋ jero: “Oo eja poŋwoina, oro saanoŋ weleŋqeqegara noo mirinoŋ kaŋ kanagara soŋgbambe niwo motooŋ ewoŋa. Eŋ waama saanoŋ umugawodeeŋ kana toroqeŋ kembao.” Kaeŋ jeroto, yoronoŋ kokaeŋ ijori: “Qaago, noro saanoŋ qenjaaro sombeŋ moŋnoŋ kema ewota.”
479	GEN 19:21	Kaeŋ jero moma moŋnoŋ kokaeŋ meleeno: “Ii awaa! Qaa jejaŋi, iikawaajoŋ kaaŋagadeeŋ saanoŋ wambelaaŋ gomaŋa. Taoŋ melaa iikawaajoŋ jejaŋi, ii mende meŋ kileemaŋa.
502	GEN 20:6	Kaeŋ jero Anutunoŋ gaonoŋ kitia kokaeŋ ijoro: “Qaa jejaŋi, ii oŋanoŋ. Goo uuganoŋ gbiŋgbaoŋ moŋ mende ero goonoŋ karoti, ii mojeŋ. Kawaajoŋ giinoŋ emba ii oosiriŋ noo jaananoŋ siŋgisoŋgo ambabotiwaajoŋ sopa somoŋgoŋ goma laligowe.
504	GEN 20:8	Qaa kaeŋ ijoro kiŋnoŋ moma umugawodeeŋ waama poŋ jawiŋuruta kuuya oŋoono ajoroogi Poŋnoŋ qaa kuuya jeroti, ii iŋijoro moma aaruŋ lalaŋaniŋ toroko mamaga mogi.
507	GEN 20:11	Qisiŋ muro kokaeŋ meleeno: “Niinoŋ qaa ii kokaeŋ romoŋgoŋ jewe: ‘Baloŋ kokawaa kanageso oŋonoŋ Anutuwaa jeta uuguwubotiwaajoŋ toroko mende mobuyaga. Kawaajoŋ nii embanaajoŋ ama nugi komumambo.’
515	GEN 21:1	Poŋnoŋ Saara kaleŋ moriaŋ mumambaa qaaya jeŋ somoŋgoro eroti, iikawaa so ii galeŋ koma muro laligoro. Qaa jeroti, iikawaa so ii kokaeŋ ama muro:
518	GEN 21:4	Qaro Aisaknoŋ weeŋa 8 kolooro kambaŋ kanoŋ Anutuwaa aiweseya selianoŋ kotoro. Anutunoŋ qaa jeŋ kotoro erotiwaa so ii kotoro.
544	GEN 21:30	Qisiŋ muro kokaeŋ meleeno: “Niinoŋ apu roŋa koi osowetiwaa qaaya jeweti, ii moma laarijaŋ i eeŋ, lama melaa 7 koi mono noo boronanoŋga buŋa qeŋ aona noo qaanaa daŋgunuya koloowaa.”
548	GEN 21:34	Qama kooliŋ nama Filistin yoŋoo balonoŋ kambaŋ koriga wabaga kolooŋ laligoro. Kiaŋ.
549	GEN 22:1	Iwoi ii kolooro kambaŋ tosia tegoro Anutunoŋ Aabraham aŋgotete meŋ muro. Qata “Aabraham!” qaro iinoŋ “Nii koi nanjeŋ,” jeŋ meleeno.
577	GEN 23:5	Qaa kaeŋ iŋijoro Hit yoŋonoŋ meleema kokaeŋ jegi:
583	GEN 23:11	“Oo eja poŋna, kaeŋ qaagoto, mono jewe geja ama moba. Niinoŋ baloŋ koria ii ano kobaa iikanoŋ nanji, ii kalenaga gonjeŋ. Neenaa kanagesouruna yoŋoo jaagianoŋ nama ii gombe iiju. Qamoga ii saanoŋ iikanoŋ osoŋ roŋ komba.”
590	GEN 23:18	Qaaya jeŋ tegoro Aabrahambaa buŋa kolooro. Hit kanageso kuuya taoŋgiaa kiropo naguyanoŋ kaŋ sombenoŋ ajoroogiti, iyoŋonoŋ tawa ii iigi buŋaya kolooro.
598	GEN 24:6	Kaeŋ qisiŋ muro Aabrahamnoŋ kokaeŋ meleeno: “Qaago totooŋ! Gii noo merana wama kanoŋ mombo mende kembao.
607	GEN 24:15	Qamakooli ii qama kooliro mende tegoro iikanondeeŋ emba moŋ qata Rebeka iinoŋ koworaŋeŋ sawiŋanoŋ aŋgoŋ apu roŋanoŋ karo. Iinoŋ Aabrahambaa koga Naahor ano embia Milka, yoroo meragara qata Betuel iwaa borataga.
639	GEN 24:47	Uŋuagiro kokaeŋ qisiŋ mujeŋ, ‘Gii morowaa borataga?’ Qisiŋ mube kokaeŋ meleenja: ‘Nii Betuelwaa borataga. Au asana qagara Milka ano Naahor.’ Kaeŋ meleeno niinoŋ mopoŋ sewaŋanoŋ mondoŋ borojeŋjeŋ borianoŋ mewe uja.
642	GEN 24:50	Kaeŋ jedabororo Laban ano Betuel yoronoŋ kokaeŋ meleema jeri, “Qaa koi Pombaanoŋga kaja. Kawaajoŋ noronoŋ qaa kaeŋ me kaeŋ jewotiwaa so qaago.
650	GEN 24:58	Kaeŋ jeŋ Rebeka qari karo kokaeŋ qisiŋ muri, “Gii eja kokawo kemambaa mojaŋ me qaago?” Qisiŋ muri “Saanoŋ kemaŋa,” jero.
680	GEN 25:21	Aisakwaa embianoŋ aruŋa laligorotiwaajoŋ ama Poŋ qama kooliŋ muro. Qama kooliŋ muro qamakoolia moro Rebekanoŋ koro ano.
682	GEN 25:23	Qisiŋ muro kokaeŋ ijoro: “Goo goroŋ uuganoŋ tuuŋ woi yoŋoo beŋisigiaga ejao. Iyoroonoŋga kanageso woi asugiŋ deema laligowuya. Ejemba tuuŋ moŋnoŋ tuuŋ alia uŋuuguŋ ku-usuŋgia kotakota koloowuya. Datanoŋ koga weleŋ qeŋ muŋ laligowaa.”
718	GEN 26:25	Kaeŋ ijoro Aisaknoŋ siimoloŋ alata moŋ iikanoŋ meŋ Pombaa qata qamago qama kooliro. Qama kooliŋ opo kuuŋa mororoŋgoŋ meŋ rama laligogi. Laligoŋ jero weleŋ ejaurutanoŋ apu roŋ moŋ iikanoŋ osogi. Kiaŋ.
721	GEN 26:28	Qisiŋ oŋono kokaeŋ meleeŋgi: “Poŋnoŋ giwo nanji, nono ii asuganoŋ iima moma kotojoŋ. Kawaajoŋ kokaeŋ romoŋgojoŋ: ‘Nononoŋ giwo soomoŋgo ambombaajoŋ aiŋnana mojoŋ. Saanoŋ gii ano nonoo batunananoŋ soomoŋgo ama ii jojopaŋ qaanoŋ jeŋ kotiiniŋ kokaeŋ ewaa:
727	GEN 26:34	Iisoonoŋ yambuya 40 kolooro Hit emba woi orono. Qagara Judit, maŋa qata Beeri ano Basemat, maŋa qata Elon.
736	GEN 27:8	Kawaajoŋ merana, mono geja awaagadeeŋ ama moba. Qaa dologo koi jeŋ kotoŋ gomaŋati, gii mono iikawaa so amba.
748	GEN 27:20	Kaeŋ ijoro moma meria kokaeŋ qisiŋ muro: “Merana, ii mono nomaeŋ uulaŋawo mokoloojaŋa?” Qisiŋ muro kokaeŋ meleeno: “Anutu, goo Poŋganoŋ mono ilaaŋ nono ii uulaŋawo mokoloojeŋa?”
750	GEN 27:22	Kaeŋ ijoro maŋa Aisakwaa kosianoŋ keno oosiriŋ moma kokaeŋ jero: “Qaa aroganoŋ Jeikobwaa aroya koloojato, boroganoŋ Iisoowaa boria kaaŋa.”
752	GEN 27:24	Kileŋ mombo kokaeŋ qisiŋ muro: “Gii oŋanoŋ merana Iisooga me qaago?” Qisiŋ muro kokaeŋ meleeno: “Nii mono Iisooga.”
760	GEN 27:32	Kaeŋ ijoro maŋa Aisaknoŋ kokaeŋ qisiŋ muro: “Gii moronoŋ?” Qisiŋ muro kokaeŋ meleema ijoro: “Nii mutu meraga Iisoo.”
800	GEN 29:4	Jeikobnoŋ lama galeŋ ii kokaeŋ qisiŋ oŋono: “Eja alauruna, oŋo dakaya?” Qisiŋ oŋono “Nono Harambaajoŋa,” kaeŋ meleema mugi.
801	GEN 29:5	Meleema mugi kokaeŋ qisiŋ oŋono: “Oŋo Naahorwaa esia Laban moma muju me qaago?” Qisiŋ oŋono “Saanoŋ moma mujoŋ,” jegi.
865	GEN 30:34	Kaeŋ jero Labanoŋ kokaeŋ meleeno: “Nii saanoŋ uumotooŋgo anjeŋ. Qaa jejaŋi iikaaŋ kana ii ewaa.”
876	GEN 31:2	Qaa ii moro ano looyaa jaasewaŋa iima kokaeŋ moma asariro: “Labanoŋ wala ala awaa kolooŋ noma laligoŋ kouroto, kaaŋa mende toroqeŋ ama laligoja.”
925	GEN 31:51	Kaeŋ ijoŋ mombo toroqeŋ kokaeŋ jero: “Qegana moba, jamo tuuŋ koi ano tooŋ koi kuujeŋi, iikanoŋ mono anaraa batunaranoŋ daŋgunu kaaŋa rama ubao.
941	GEN 32:13	Gii geeŋgo qaa kokaeŋ nijona: ‘Niinoŋ toomoriaŋ goma gbiliuruga kolooŋseisei oŋombe jaŋgogianoŋ somariiro kowewaa sakasiŋa ejiwaa so koloowu. Ii kelemaleleŋ ewaatiwaajoŋ ama weeŋweeŋgoyaa so qaago. Qaa ii oŋanoŋ.’”
954	GEN 32:26	Eja iikanoŋ haamo ama mumambaajoŋ amamaaŋ iima kawaajoŋ Jeikob ii kupu siitanoŋ qero. Qero motooŋ aoŋ oroŋ laligori iikanoŋ Jeikobwaa kupu siitanoŋ suno.
966	GEN 33:5	Iisoonoŋ jaaya uuŋ waama Jeikobwaa embamerauruta iŋiima koga qisiŋ muro: “Koi daeŋ yoŋonoŋ giwo kaju?” Qisiŋ muro kokaeŋ meleeno: “Anutunoŋ kaleŋ moriaŋa qaganoŋ merabora koi weleŋ ejaga nii nonota kajoŋ.”
993	GEN 34:12	Emba sewaŋa ano kaleŋ meŋ kaŋ oŋomaŋati, iikawaa jaŋgoya ii saanoŋ aiŋgiaa so meŋ ubu. Ii me woiwaa qisiŋ nombuyagati, niinoŋ ii saanoŋ oŋomaŋa. Qaana kota koi: Oŋonoŋ mono jeŋ tegoŋ naamboragia noŋgi noo embanaga koloowaa.”
999	GEN 34:18	Qaa kaeŋ jegi Hamor ano meria Sekem yoronoŋ qaa kaaŋa kawaajoŋ mori sokono.
1023	GEN 35:11	Qata kaeŋ qama toroqeŋ Jeikob kokaeŋ ijoro: “Nii Anutu ku-usuŋ kuuyaa Toya koloojeŋ. Gii saanoŋ kolooŋ seisei ana gbiliuruga yoŋoo jaŋgogianoŋ somariiŋ ubaa. Goonoŋga kanatuuru mamaga kolooŋ kanageso tuuŋa tuuŋa asugiwu. Gii kiŋa kiŋa yoŋoo bemunjalegiaga koloowaga.
1100	GEN 37:16	Qisiŋ muro kokaeŋ meleeno: “Nii daremuŋuruna yoŋoojoŋ moŋganjeŋ. Yoŋonoŋ dakanoŋ liligoŋ lamaurugia galeŋ koma oŋonjuti, ii saanoŋ jena momaŋa.”
1119	GEN 37:35	Kaeŋ laligoro meraborauruta kuuya yoŋonoŋ kaŋ uluŋkoleŋ meŋ mubombaajoŋ aŋgito, iinoŋ ii qetama togoŋ uukonduŋgadeeŋ moma kokaeŋ jero: “Qaago! Niinoŋ mono jiŋgeŋ qama saama laligoŋ komuŋ koomu gomanoŋ meranaanoŋ kememaŋa.” Kaeŋ jeŋ Joosefwaajoŋ saama laligoro.
1146	GEN 38:26	Qaa kaeŋ ano keno moma aŋaa iwoiya ii iima gosiŋ kokaeŋ jero: “Iinoŋ qaa ii oŋia jeja. Niinoŋ ii merana Selawaa embia koloowaatiwaajoŋ mende mube. Kawaajoŋ iinoŋ mono nii nuuguŋ emba dindiŋa kolooŋ qaa ii jeja.” Kaeŋ jeŋ emba iikawo mombo mende ero.
1158	GEN 39:8	Kaeŋ ijoroto, iinoŋ ii togoŋ toyaa embia kokaeŋ ijoro: “Qaago! Moba, tona aŋo mirianoŋ ilawoila ejiwaa majakakaya mende momakejato, esuhina buŋaya kuuya ii mono niinoŋ galeŋ koma laligomambaajoŋ noo boronanoŋ andabororota eja.
1165	GEN 39:15	Qama gigilaawe moma malekuya noo wosonanoŋ mesaoŋ oloŋ koma qiqigoŋ kema seleeŋgeŋ kemeja.”
1181	GEN 40:8	Qisiŋ orono kokaeŋ meleema ijori: “Noro gaoŋnara aŋa aŋa iijotato, iikawaa kanagara ii moronoŋ jero moboraga?” Kaeŋ ijori Joosefnoŋ kokaeŋ jero: “Anutunoŋ mono gaoŋ kanagia jejetaa Toya koloojato, saanoŋ kileŋ gaoŋgara nijori momaŋa.”
1260	GEN 42:7	Kaeŋ usugogi Joosefnoŋ dauruta iŋiima moma kotoŋ oŋonoto, iyaŋaa kania kolatiŋ oŋoma waba eja tani ama oŋoma horoŋ ureeŋ oŋoma qaa geriawo jeŋ kokaeŋ qisiŋ oŋono: “Oŋo mono dakaya naambaajoŋa kajuya?” Qisiŋ oŋono kokaeŋ meleeŋgi: “Nono Keinan balonoŋga nene sewaŋa mewombaajoŋ kajoŋ.”
1265	GEN 42:12	Kaeŋ meleeŋgi totoroŋkota “Qaago totooŋ!” qama kokaeŋ toroqero: “Nono kantrinana dakanoŋ baageŋ aworo (defence) ama manja qewombaa bimoojoŋi, oŋo ii iima gosiŋ mobombaajoŋ koi kajuya!”
1273	GEN 42:20	Oŋo mono kaeŋ kema kogia konoga wama noonoŋ kawu. Kagi qaagiaa hoŋanoŋ kaeŋ asugiro iima moma kotoŋ mende uŋuwe komuwuya.” Qaa kaeŋ iŋijoro mono iikawaa so aŋgi.
1284	GEN 42:31	“Kaeŋ ama nononoto, nono ii kokaeŋ ijoniŋ: ‘Nono eja dindiŋa qolomolonana qaa laligoŋ baloŋ iima gosiwombaajoŋ ama mende kajoŋ. Qaago totooŋ!
1320	GEN 43:29	Kaeŋ aŋgi jaaya uuro kema karo koga Benjamin, iyaŋaa nemuŋaa meria ii iima kokaeŋ qisiŋ oŋono: “Kogia konogaajoŋ nijogiti, iinoŋ koi kolooja me nomaeŋ?” Qisiŋ oŋoma toroqeŋ kokaeŋ ijoro: “Merana, Anutunoŋ mono kiaŋkoomu gono laligowa.”
1430	GEN 47:9	Qisiŋ muro kokaeŋ meleeno: “Noo yambuna 130:waa so namonoŋ liligoŋ laligoŋ kouma laligojeŋ. Noo laaligonaa yambuya kuuya ii afaaŋgoya ano osiqosigiawo kolooro. Maŋurunanoŋ yambu seiseiya namonoŋ liligoŋ laligogiti, noo yambu jaŋgonanoŋ yoŋoonoŋ kawo so motooŋgo mende kolooja.”
1452	GEN 47:31	Kaeŋ ijoro maŋanoŋ kokaeŋ jero: “Qaa ii mono jojopaŋ qaanoŋ jeŋ kotiiŋ nomba.” Kaeŋ jero Joosefnoŋ ii jojopaŋ qaanoŋ jeŋ kotiiro Jeikobnoŋ ii moma ligoŋ waŋa meŋ kemeŋ gbaruyaa kitianoŋ ama laariŋ Anutuwaa waeya meŋ mepeseero. Kiaŋ.
1461	GEN 48:9	Qisiŋ muro Joosefnoŋ maŋa kokaeŋ ijoro: “Noo merawoina Anutunoŋ Iijipt kokanoŋ nonoti, mono ii.” Kaeŋ ijoro Israelnoŋ jero: “Niinoŋ kotuegoŋ oromambaajoŋ ii saanoŋ uruana noo kosonanoŋ kawao.”
1477	GEN 49:3	“Oo Ruuben, giinoŋ neenaa mutu meranaga koloojaŋ. Giinoŋ noo ku-usuna ano emba mewe esuŋmumunaa hoŋa mutuya koloona. Qabuŋagaa akadamuya ano ku-usuŋa kanoŋ kouruga yoŋoonoŋ uŋuuguja.
1484	GEN 49:10	Ku-usumbaa aiweseya ii moŋnoŋ Juuda yoŋoo borogianoŋga mende uŋuambaa. Eja pombaa gbaruyanoŋ kania batugaranoŋ nano moŋnoŋ ii mende qetegowaa. Qaago! Iyaŋa ano gbiliuruta jiŋkaroŋ duŋanoŋ rama laligoŋ ugi kanageŋ moŋnoŋ asugiro kanageso tuuŋa tuuŋa yoŋonoŋ iwaa jeta teŋ koma laligowu.
1510	GEN 50:3	Gawoŋ ii meŋ laligogi weemboria 40 kuuya tegoro. Qamogia kelenoŋ moriŋkegi, iikawaa gawoŋa ii kambaŋ koriga kaeŋ meŋ laligoŋkegi. Iijipt kanatuuru yoŋonoŋ Jeikobwaajoŋ weemboria 70:waa so jiŋgeŋ qama saama laligogi.
7139	RUT 1:10	Saama kokaeŋ ijori: “Qaago! Noro mono giwo eleema goo kanageso tuuŋga yoŋoonoŋ kemboŋa.”
7140	RUT 1:11	Kaeŋ ijori meleema kokaeŋ irijoro: “Oo eŋarowoina, mono naambaajoŋ niwo kawowaajoŋ anjao? Nii mombo eja merawoina mewe somariiri ii orombaoraga me? Kaeŋ romoŋgowaoragati eeŋ, iikanoŋ mende sokonja. Qaago totooŋ! Mono keteda koi eleema kembao.
7146	RUT 1:17	Gii dakanoŋ komuwagati, nii mono kaaŋagadeeŋ iikanoŋ komuwe roŋ koma nombutiwaajoŋ mojeŋ. Qaa ii kokaeŋ jeŋ kotiijeŋ: Koomu motooŋgonoŋ mono mendeema norombaa. Iwoi morota moŋnoŋ mendeema norombaati eeŋ, Poŋnoŋ saanoŋ iikawaa iroŋa meleeno noo qananoŋ uba.”
7172	RUT 2:21	Kaeŋ jero moma Moab emba Ruutnoŋ kokaeŋ jero: “Qaa moŋ toroqeŋ kokaeŋ nijojaa: ‘Gii mono noo gawoŋ meme ejemba yoŋowo boŋ qeŋ laligona noonoŋ baali kuuya ii kundaborowuya.’”
7179	RUT 3:5	Eŋaroyanoŋ kaeŋ ijoro Ruutnoŋ kokaeŋ meleeno: “Qaa kuuya nijojaŋi, ii saanoŋ andaboromaŋa.”
7183	RUT 3:9	Iima qisiŋ muro: “Gii moronoŋ?” Qisiŋ muro kokaeŋ meleeno: “Oo somatana, nii Ruut, goo weleŋqeqe embaga. Giinoŋ geeŋgaa isigaa doweya meme ejaga koloojaŋ. Kawaajoŋ Juuda oŋoo nanamemeŋgia otaaŋ nii saanoŋ galeŋ koma noma esuganoŋ turuŋ nomba.”
7186	RUT 3:12	Nii goo tinitosaga kolooŋ galeŋ koma gomaŋatiwaa so koloojeŋ. Qaa ii oŋiato, eja moŋnoŋ nuuguŋ isinaa doweya meme eja mutuya kolooja. Nii iwaa qereweŋaga laligojeŋ.
7187	RUT 3:13	Kawaajoŋ gii saanoŋ gomantiiŋa koi kokaeŋ ewa. Dowe meme eja mutuyanoŋ woraŋ sewaŋga memambaajoŋ jenagi eeŋ, ii awaato, sewaŋga mende memambaajoŋ mobaati eeŋ, niinoŋ saanoŋ sewaŋga memaŋa. Qaa ii somoŋgoŋ Pombaa qatanoŋ jojopaŋ qaanoŋ jeŋ kotiijeŋ. Kawaajoŋ saanoŋ bonjoŋ ena gomaŋ ambaa.”
7199	RUT 4:7	Kerugeŋ Israel uutanoŋ moŋnoŋ baloŋ iwoi sewaŋa mero buŋaya kolooro iikawaa qaaya kotiiwaatiwaajoŋ yoŋonoŋ sili kokaeŋ ama laligogi: Qaa jeŋ tegoŋ soomoŋgo aŋgi tegoro iyoroonoŋga moŋnoŋ kana esuya qetegoŋ alia muŋkero. Israel yoŋonoŋ iwoi sewaŋa memewaa qaaya tegoroti, ii sili iikaaŋa kanoŋ qendeema laligogi
7202	RUT 4:10	Nii Moab emba Ruut, Malombaanoŋ malo ii kaaŋiadeeŋ sewaŋa mewe noo embanaga koloowaa. Kaeŋ ama eja komurotiwaa qatanoŋ borosamo baloŋ kanoŋ ewaatiwaajoŋ ii galeŋ koma laligomaŋa. Qata kaeŋ mende aliwaato, gbiliurutanoŋ Elimelekwaa qata duduuwubotiwaajoŋ ii gawmambaa buknoŋ oogi eŋ ubaa. Oŋo ii kete jaasewaŋ qeŋ naŋgoŋ jewutiwaa so kolooju.”
7210	RUT 4:18	Qa areŋ koi ii Perezwaanoŋga kanaiŋ nama Deiwidwaanoŋ uja: Perezwaa meria Hezron,
22614	JON 1:14	Amamaaŋ Israel Poŋnanaa qata kokaeŋ qama kooligi: “Oo Poŋ, mono geeŋgaa qaa joga otaaŋ iwoi koi anjaŋ. Kawaajoŋ Poŋ, eja koi komuwaatiwaajoŋ ama mono mende tiwilaaŋ nonomba. Sayaa qaaya ii mono nonoo qanananoŋ mende ana uba. Qaa ii oŋanoŋ.”
22626	JON 2:10	nii mono mepemepesee ooŋsaa qama mamatewoo ama siimoloŋ ooŋ gomambaajoŋ mojeŋ. Nii iwoi amambaa qaa jeŋ somoŋgobeti, iikawaa so mono ama sorogoŋkemaŋa. Oo Poŋ, gii gou koŋkoŋ Tona koloojaŋ. Qaa ii oŋanoŋ.”
22630	JON 3:3	Qaa kaaŋa kolooro Joonanoŋ waama Pombaa qaa jeta teŋ koma Niiniwe keno. Niiniwe sitiwaa soya ii kokaeŋ: Gii goraayanoŋa kanaiŋ kema laligona weeŋ karooŋ tegoro teegeŋ endu keubaga.
22632	JON 3:5	Qaa kaeŋ qama iŋijoŋ keno Niiniwe kanatuuru yoŋonoŋ Anutuwaanoŋ buzu qaa ii moma laariŋ uugia meleema nene siŋgi laligowombaa kambaŋ koma jeŋ kotiigi. Ii jeŋ kotiiŋ ejemba somata melaa korebore yoŋonoŋ uumeleembaa samo megi selegianoŋ uro too arigi.
22640	JON 4:3	Kete jaawo laligomambaajoŋ togoŋ koomunaajoŋ uuguŋ mobe awaa kolooja. Kawaajoŋ Poŋ, gii mono laaligona doloda koi nuamba. Qaa ii oŋanoŋ.”
22645	JON 4:8	Weeŋnoŋ kouro Anutunoŋ jero haamo geriawo totooŋ ii gomaŋ jaaya koukoutanoŋga qero weeŋ jaayanoŋ waŋanoŋ kuuro kuuro iriŋa soono komumambaajoŋ moma moŋgandaboroŋ qama kooliŋ kokaeŋ jero: “Nii laligomambaajoŋ togoŋ komumambaajoŋ mobe afaaŋa kolooja. Qaa ii oŋanoŋ.”
22646	JON 4:9	Kaeŋ jeroto, Anutunoŋ Joona kokaeŋ ijoro: “Gii aloŋalombaajoŋ iriŋga soonji, ii sokonja me qaago?” Kaeŋ ijoro kokaeŋ meleeno: “Irina soonji, ii mono sokonjaa. Noo iriŋsooŋsoona ii somata kolooro uunanoŋ mende olomoowaa. Kawaajoŋ saanoŋ komumaŋa. Qaa ii oŋanoŋ.”
23236	MAT 1:23	“Emba saraŋ jumuŋa moŋnoŋ koroyawo kolooŋ mera ejaga mero qata Imanuel qabuya.” Qa iikawaa kania ii kokaeŋ, “Anutunoŋ ananawo laligoja.”
23243	MAT 2:5	Qisiŋ oŋono kokaeŋ meleema mugi, “Iinoŋ Judia prowinswaa taoŋ qata Betlehem iikanoŋ koloowaa. Iikawaa qaaya ii gejatootoo eja Maikanoŋ kokaeŋ oorota eja,
23255	MAT 2:17	Gejatootoo eja Jeremaianoŋ qaa moŋ jerota eji, iikanoŋ mono kaeŋ asugiro hoŋawo kolooro. Qaa ii kokaeŋ,
23261	MAT 2:23	Galili prowinsnoŋ keuma taoŋ qata Nazaret iikanoŋ laligogi. Kaeŋ laligogi gejatootoo eja yoŋonoŋ Hamoqeqe Toyaajoŋ qaa jegiti, iikanoŋ hoŋawo kolooro. Qaa ii kokaeŋ, “Iwaa qata ii Nazaret ejaga qama laligowuya.” Kiaŋ.
23264	MAT 3:3	Jombaajoŋ gejatootoo eja Aisaianoŋ qaa moŋ kokaeŋ jeŋ ooro, “Qele gajoba moŋnoŋ baloŋ qararaŋkoŋkoŋanoŋ qama laligoro kema qaa otoŋa kokaeŋ mobuya, ‘Poŋnoŋ kawa-oo! Kawaajoŋ mono jojoriŋ kania meleuwu. Mono uugia mindiŋgoŋ kania qeleleewu.’”
23275	MAT 3:14	Qisiroto, Jonoŋ qotogoŋ muŋ kokaeŋ ijoro, “Giinoŋ saanoŋ nii oomulu meŋ nonagato, giinoŋ siŋgisoŋgo mende ama mono nomaembaajoŋ noonoŋ kajaŋ?”
23282	MAT 4:4	Kaeŋ ijoroto, Jiisasnoŋ qaa kokaeŋ meleeno, “Qaago! Buŋa Terenoŋ qaa moŋ kokaeŋ oogita eja, ‘Nenenondeeŋ ejemba laaligo mende nonomakejato, Anutuwaa jetanoŋga qaa kaŋkeji, ii kuuya teŋ koniŋ iikanoŋ mono nunuagiro kotiiŋ laligowoŋa’.”
23285	MAT 4:7	Kaeŋ ijoro kokaeŋ meleeno, “Qaago! Buŋa Terenoŋ qaa moŋ kaaŋagadeeŋ kokaeŋ eja, ‘Gii mono Poŋ Anutuga mende aŋgobato meŋ muba.” ’
23287	MAT 4:9	Qendeema muŋ kokaeŋ ijoro, “Giinoŋ simiŋ kuma noma waena meŋ mepeseeŋ nombagati eeŋ, niinoŋ ilawoila kuuya koi mono togoŋ gombe buŋa qeŋ aoŋ galeŋ koma oŋomba.”
23288	MAT 4:10	Kaeŋ ijoro Jiisasnoŋ kokaeŋ meleeno, “Qaago! Satan gii mono togowa. Buŋa Terenoŋ qaa moŋ kokaeŋ oogita eja, ‘Gii mono Poŋ Anutuga, ii motooŋgo simiŋ kuma muŋ waeya meŋ mepeseewa.” ’
23292	MAT 4:14	Iikanoŋ laligoŋ gawoŋa mero Anutunoŋ qaa moŋ gejatootoo eja Aisaia sololooro jeroti, iikanoŋ hoŋawo kolooro. Qaa ii kokaeŋ,