2	GEN 1:2	Mokolooŋ orono namo ii gbameŋa ano kijikajuyawo ero. Ero apu aŋgoŋ dusiitawo ii paŋgamanoŋ esuuro ero. Kaeŋ ero Anutuwaa Uŋa Toroyanoŋ apu iikawaa qaganoŋ kema kaŋ laligoro.
45	GEN 2:14	Apu gowoya karooŋaa qata Taigris. Ii Assiria baloŋ batanoŋ weeŋ koukoutanoŋ baageŋ kemeŋ kenja. Apu gowoya jaŋgo 4 iikawaa qata ii Yufreitis.
72	GEN 3:16	Toroqeŋ emba kokaeŋ jeŋ muro: “Gii koro ama laligona masu guro siimbobolo somata gombe ii moma merabora oŋomakebaga. Ii kileŋ naaŋga mono logaageŋ eŋ gono iinoŋ galeŋga kolooŋ laligowaa.”
73	GEN 3:17	Toroqeŋ eja kokaeŋ jeŋ muro: “Nii gere mombaa hoŋa newabotiwaajoŋ ‘Ii mende newa,’ jeŋ soŋgo ama gombeto, giinoŋ kileŋ embagaanoŋ qaa otaaŋ nejaŋa. Kawaajoŋ nii namo ii goojoŋ ama seigowe ewaa. Kaeŋ ero gii namonoŋ laligowagatiwaa so mono ureŋ aoŋ siimbobolo moma gawoŋ mamaga meŋ nenega mokolooŋ laligowa.
87	GEN 4:7	Gii iwoi awaa ana meŋ aŋaliŋ gombe saanoŋ jaasewaŋga hak otaambaga me qaago? Iwoi awaa mende ana siŋgisoŋgowaa Toyanoŋ mono uugaa naguyanoŋ nama koumambaajoŋ awelegoŋ embomakeja. Kaeŋ embomakejato, gii mono iikawaa soŋgo ama galeŋ meŋ haamo amba.”
102	GEN 4:22	Zilanoŋ kaaŋagadeeŋ meria qata Tuubal-Kein mero. Iinoŋ somariiŋ gawombaa tulsya ano manjaqeqewaa iwoiya kania kania ii braas ano ainoŋ ooro bolbolgoro qokotaaŋ meŋkero. Tuubal-Keimbaa naaŋa qata Nama.
163	GEN 7:3	Toroqeŋ kooŋ kania kania kuuya yoŋoonoŋga kaaŋagadeeŋ sewen sewen, ejia 7 ano embia 7 ii oŋoona giwo waŋgonoŋ ubu. Kaeŋ ana oro ano kooŋ tanigia kania kania kuuya ii mende qaombuto, toroqeŋ namonoŋ kolooŋ seisei ama laligowuya.
174	GEN 7:14	Toroqeŋ duuyaa oroya ano miriwaa oroya kuuya, iwoi kuuya bagianoŋ koma kondondoŋgoŋkejuti, kooŋ kuuya ano iwoi eŋgaŋgiawo kuuya ii ejemba yoŋowo motooŋ waŋgonoŋ udaborogi.
232	GEN 9:26	Toroqeŋ kokaeŋ jero: “Anutu, Seembaa Poŋa, ii mono mepeseejeŋ. Keinanoŋ mono Seembaa weleŋqeqeya omaya kolooŋ laligowaa.
237	GEN 10:2	Jaafetwaa merauruta yoŋoo qagia ii Goomer, Maagog, Maadai, Jaawan, Tuubal, Mesek ano Tiiras.
238	GEN 10:3	Goomerwaa merauruta yoŋoo qagia ii Askenas, Riifat ano Togarma.
239	GEN 10:4	Jaawambaa merauruta yoŋoo qagia ii Elisa, Tarsis ano Saiprus kanageso ano Rodos kanageso.
245	GEN 10:10	Nimrodwaa bentotoŋa ii baloŋ koi kaaŋanoŋ kanaigi: Baabel, Erek, Akad ano Kalne. Taoŋ 4 ii Babilonia (Sinar) gomanoŋ eju.
291	GEN 11:24	Naahornoŋ yambuya 29 kolooro meria Tera kolooro.
292	GEN 11:25	Teranoŋ kolooro kawaa gematanoŋ Naahornoŋ toroqeŋ yambu 119 laligoro kambaŋ batuya kanoŋ meraborauruta tosaaŋa koloogi.
293	GEN 11:26	Teranoŋ yambuya 70 tegoro meria Abram, Naahor ano Haran koloogi.
294	GEN 11:27	Terawaa gbiliuruta yoŋoo qa areŋgia koi. Terawaa merauruta Abram, Naahor ano Haran koloogi. Harambaa meria Loot kolooro.
295	GEN 11:28	Haranoŋ Kaldia yoŋoo balonoŋ laligoŋ iyaŋaa kolokoloo gomaŋa qata Uur iikanoŋ komuro Harambaa maŋa Teranoŋ toroqeŋ laligoro.
298	GEN 11:31	Teranoŋ meria Abram, esia Loot Harambaa meria ano eŋaroya Saarai, meria Abrambaa embia ii uŋuano motooŋ Kaldia balombaa gomaŋ qata Uur mesaoŋ Keinan balonoŋ kembombaajoŋ keŋgi. Kaeŋ keŋgito, Haran gomaŋ balonoŋ kaŋ nama kanoŋ mirigia meŋ ragi.
299	GEN 11:32	Ragi Teranoŋ yambuya 205 kolooro Haran gomaŋ kanoŋ rama komuro. Kiaŋ.
338	GEN 14:1	Kambaŋ kanoŋ Babilombaa (Sinarwaa) kiŋa qata Amrafel, Elasarwaa kiŋa qata Ariok, Elambaa kiŋa qata Kedorlaomer ano Goimbaa kiŋa qata Tidal laligogi.
344	GEN 14:7	Haamo ama oŋoma iikanondeeŋ eleema En Mispat (qata moŋ Kaades) kanoŋ kaŋ Amalek kanageso haamo ama oŋoma baloŋgia kuuya aŋgoŋ koŋgi. Amor kanageso Hazezon Taamar balonoŋ laligogiti, ii kaaŋiadeeŋ uŋuŋ haamo ama oŋoŋgi.
346	GEN 14:9	Elambaa kiŋa Kedorlaomer, Goimbaa kiŋa Tidal, Babilombaa (Sinarwaa) kiŋa Amrafel ano Elasarwaa kiŋa Ariok. Kiŋ 4 yoŋonoŋ kiŋ 5 yoŋowo aroŋ qegi.
374	GEN 15:13	Turuŋ muro Poŋnoŋ kokaeŋ ijoro, “Qaa hoŋa koi mono geja ama moba: Goo gbiliuruganoŋ mono baloŋgia mesaoŋ kantri moŋnoŋ kema wabaga laligoŋ ubuya. Kaeŋ laligoŋ yoŋoo weleŋqeqeurugia omaya koloogi ii yambu 400:waa so meluŋgoŋ oŋoma laligowuya.
399	GEN 17:1	Abramnoŋ yambuya 99 kolooro Poŋnoŋ asugiŋ muŋ qaa kokaeŋ ijoro: “Niinoŋ Anutu ku-usuŋ kuuyaa Toya koloojeŋ. Kawaajoŋ gii mono noo qaana teŋ koma pondaŋ nanamemeŋ dindiŋa otaaŋ laligowa.
449	GEN 18:24	Taoŋ iikanoŋ ejemba solaŋa 50 laligojuti eeŋ, gii ii oŋanoŋ meŋ kileeŋ oŋomambaajoŋ jejaŋ me? Taoŋ ii yoŋoojoŋ ama iŋiima koboonaga me qaago?
453	GEN 18:28	Taoŋ iikanoŋ ejemba solaŋa 50 qaagoto, 45 laligowuyagati eeŋ, giinoŋ ejemba 5 yoŋoojoŋ ama taoŋ kuuya ii kileŋ tiwilaaŋ oŋombaga me qaago?” Kaeŋ ijoro Poŋnoŋ kokaeŋ jero: “Niinoŋ ejemba solaŋa 45 iikanoŋ mokolooŋ oŋomaŋati eeŋ, taoŋ ii mono mende meŋ kileemaŋa.”
475	GEN 19:17	Taoŋ seleeŋgeŋ keŋgi eja woi iyoroonoŋga moŋnoŋ qaa kokaeŋ jero: “Laaligogia aŋgoŋ kombutiwaajoŋ oŋo mono uulaŋawo misiŋgoŋ kemaliwu. Gemagianoŋ mende eleema uuŋ dindiŋagadeeŋ kema baloŋ korianoŋ endu keuma kanoŋ kaaŋagadeeŋ doroŋ mende ambu. Tiwilaawubotiwaajoŋ mono baaŋanoŋ eu uma misiŋgoŋ kemaliwu.”
479	GEN 19:21	Kaeŋ jero moma moŋnoŋ kokaeŋ meleeno: “Ii awaa! Qaa jejaŋi, iikawaajoŋ kaaŋagadeeŋ saanoŋ wambelaaŋ gomaŋa. Taoŋ melaa iikawaajoŋ jejaŋi, ii mende meŋ kileemaŋa.
483	GEN 19:25	Turuŋ oŋoma kanoŋ taoŋ woi ii ano gomaŋ koria kuuya kosogaranoŋ eji, ejemba kuuya iikanoŋ laligogiti ano gere kasa iwoi toŋgoŋa baloŋ iikanoŋ eroti, ii meŋ kileeŋ oŋondabororo.
512	GEN 20:16	Kaeŋ jeŋ Saara kokaeŋ ijoro: “Moba. Niinoŋ moneŋ silwa jamo 1000:baa so naaŋga mube kanoŋ tawaga kolooja. Tawa kanoŋ kaniaga qendeeno ejemba kuuya giwo laligojuti, iyoŋonoŋ ii iima kokaeŋ jeŋ moma yagowu, ‘Siŋgisoŋgowaa qaaya ii Saarawaanoŋ mende eja.’” Kaeŋ jero.
572	GEN 22:24	Naahorwaa embia sewaŋa mende memeta qata Reuma iinoŋ kaaŋiadeeŋ merauruta tosaaŋa oŋono. Yoŋoo qagia ii Tebe, Gaham, Tahas ano Maaka. Kiaŋ.
674	GEN 25:15	Hadad, Tema, Jetur, Nafis ano Kedema.
715	GEN 26:22	Kaeŋ qama baloŋ ii mesaoŋ kema apu roŋ moŋ mombo jero osogi. Apu roŋ iikawaajoŋ aŋgowowo qaa mende kolooro kawaajoŋ qata Rehobot (Tintiŋa awaa) qama qaa kokaeŋ jero: “Kete Poŋnoŋ tintiŋa awaa nonono saanoŋ baloŋ kokanoŋ laligoŋkolooŋ seisei amboŋa.”
765	GEN 27:37	Kaeŋ jero maŋanoŋ Iisoowaajoŋ kokaeŋ meleeno: “Moba, niinoŋ koga goo eja poŋga laligowaatiwaajoŋ kuuŋ mujeŋ. Tinitosauruta kuuya yoŋonoŋ ii weleŋ qeŋ muŋ laligowutiwaajoŋ jeŋ kotoŋ oŋonjeŋ. Yaka logoya, yagoŋ dumuŋ kota ano wain apu iwoi ii mono jedaborojeŋa Anutunoŋ ii muŋ laligowaa. Oo merana, naa kotumotuena moŋ toroqeŋ eŋ nonagi, ii gombenaga? Ii mono amamaajeŋ.”
777	GEN 28:3	Embaga mena Anutu, ku-usuŋ kuuyaa Toyanoŋ mono gii kotuegoŋ kolooŋseisei gono gbiliuruga yoŋoo jaŋgogianoŋ seiro kanageso tuuŋ mamaga yoŋoo maŋ beŋgiaga koloowa.
828	GEN 29:32	Leanoŋ korowo kolooŋ laligoŋ mera ejaga meŋ qaa kokaeŋ jero, “Poŋnoŋ tapekokorona iiro lonanoŋ saanoŋ kanaiŋ jopagoŋ noma laligowaa.” Kaeŋ jeŋ qata iikawaa so Ruuben qaro. (Ruuben = Tapekokorona iiro.)
855	GEN 30:24	Kaeŋ jeŋ toroqeŋ kokaeŋ jero: “Poŋnoŋ mono merana moŋ toroqeŋ nombaa.” Kaeŋ jeŋ iikawaa so mera qata Joosef (= Toroqeŋ nombaa.) qaro. Kiaŋ.
945	GEN 32:17	Tuuŋ kaeŋ kaeŋ gosiŋ mendeema tuuŋ aŋa aŋa ii weleŋqeqeuruta yoŋoo borogianoŋ ama oŋoma kokaeŋ iŋijoro: “Oŋo saanoŋ wala kema oro tuuŋa tuuŋa koi yoŋoo batugianoŋ tiriŋ kotoŋ uŋuama awaŋaoŋ kembu.”
968	GEN 33:7	Kawaa gematanoŋ Lea ano meraborauruta yoŋonoŋ kaaŋiadeeŋ kosere kouma simiŋ kuma namonoŋ usugogi. Tetegoyanoŋ Joosef ano Reizel yoronoŋ kosere kouma simiŋ kuma namonoŋ usugori.
985	GEN 34:4	Tutugoŋ muŋ laligoŋ maŋa Hamor kokaeŋ ijoro: “Ama, gii saanoŋ emba saraŋ koi noo embanaga koloowaatiwaajoŋ qaa gawoŋ mewa.”
1023	GEN 35:11	Qata kaeŋ qama toroqeŋ Jeikob kokaeŋ ijoro: “Nii Anutu ku-usuŋ kuuyaa Toya koloojeŋ. Gii saanoŋ kolooŋ seisei ana gbiliuruga yoŋoo jaŋgogianoŋ somariiŋ ubaa. Goonoŋga kanatuuru mamaga kolooŋ kanageso tuuŋa tuuŋa asugiwu. Gii kiŋa kiŋa yoŋoo bemunjalegiaga koloowaga.
1052	GEN 36:11	Elifazwaa merauruta 5 ii Teman, Omar, Zefo, Gatam ano Kenaz.
1053	GEN 36:12	Iisoowaa meria Elifaz iwaa embia sewaŋa mende memeta qata Timna iinoŋ Elifazwaa meria Amalek mero. Iisoowaa embia Ada iwaa esa ejauruta ii kiaŋ.
1056	GEN 36:15	Iisoowaa gbiliuruta tuuŋa tuuŋa yoŋoo eja poŋgia ii kokaeŋ: Iisoowaa meria mutuya Elifaz iwaa merauruta eja poŋ koloogiti, ii qagia Teman, Omar, Zefo, Kenaz,
1063	GEN 36:22	Lotambaa merawoita woi ii qagara Hori ano Heman. Lotambaa naaŋa qata Timna.
1075	GEN 36:34	Jobabnoŋ komuro Teman balombaa eja qata Husam iinoŋ duŋanoŋ kiŋ kolooŋ laligoro.
1081	GEN 36:40	Iisoowaa gbiliuruta yoŋoo eja poŋ qa areŋgia ii isigiaa so ano gomaŋ miri baloŋgiaa so kokaeŋ kolooro: Timna, Alwa, Jetet,
1083	GEN 36:42	Kenaz, Teman, Mibsar,
1106	GEN 37:22	Toroqeŋ kokaeŋ jero mogi: “Saya mono mende maabu. Baloŋ qararaŋkoŋkoŋanoŋ apu roŋ koi nanji, ii saanoŋ iikanoŋ giligi kemewaato, borogianoŋ mono iwaa selianoŋ mende oosiriŋ qewu.” Ruubenoŋ Joosef borogianoŋga metogoŋ aŋgoŋ koma wama maŋaanoŋ eleema kembojoŋ moma qaa kaeŋ jero.
1126	GEN 38:6	Kaeŋ laligogi Juudanoŋ meria mutuya Er iwaajoŋ emba moŋ qata Taamar muro embiaga kolooro.
1131	GEN 38:11	Komuro Juudanoŋ eŋaroya Taamar kokaeŋ ijoro: “Gii mono maŋgaa miri gomanoŋ eleema kema maloya laaligo laligona merana Selanoŋ somariiŋ somata kolooŋgo gii gombaa.” Keeta kokaeŋ romoŋgoŋ kaeŋ ijoro: Selawaa dawoita komuri iinoŋ iikawaa so laligoŋ kaaŋagadeeŋ komuwabo. Kaeŋ romoŋgoŋ Taamar ijoro maŋaa gomanoŋ eleema kema kanoŋ rama laligoro.
1132	GEN 38:12	Kanoŋ rama laligoro kambaŋ koriga tegoro Suawaa borata, Juudawaa embia iinoŋ komuro. Komuro jiŋgeŋ qama saama laligoro tegoro Juudanoŋ gomaŋ baloŋ qata Timna kanoŋ eja tosianoŋ iyaŋaa lamauruta yoŋoo jugia motogiti, ii iŋiimambaajoŋ uro. Adulam gomambaa eja alia Hira iwo motooŋ iikanoŋ uri.
1133	GEN 38:13	Uri Taamar buzu qaa kokaeŋ jegi moro: “Moba, goo eja eŋaroganoŋ mono lamauruta yoŋoo jugia motomambaajoŋ ama Timna gomaŋ balonoŋ kenja.”
1134	GEN 38:14	Kaeŋ jegi moro. Juudawaa meria Selanoŋ mono somariiŋ somata kolooro kileŋ ii embia koloowaatiwaajoŋ mende muro. Kawaajoŋ Taamarnoŋ malo laligomambaa malekuya qetegoŋ waŋ kawosesenoŋ waŋ jaaya esuuŋ turuŋ aoro. Kaeŋ ama Timna kekembaa kananoŋ kema taoŋ qata Enaim kanoŋ keuma kiropo nagu kosianoŋ raro.
1144	GEN 38:24	Kaeŋ jero koiŋ karoombaa so tegoro tosianoŋ Juuda buzu qaa kokaeŋ ijogi moro: “Goo eŋaroga Taamarnoŋ mono serowiliŋ ama koro ama laligoja.” Kaeŋ ijogi Juudanoŋ ii moma Mooseswaa kana qaawaa so jeŋkooto kokaeŋ ano: “Ii mono wama ororaaŋ gerenoŋ giligi kemeŋ jewaa.”
1154	GEN 39:4	Toyanoŋ ii iiro awaa sokono iwaa jaanoŋ iima-aiŋ mokolooro ijoro aŋaa laaligoyaa galeŋa kolooro. Potifarnoŋ Joosef kuuŋ muro miriaa iwoi kuuya galeŋ kono esuhina buŋaya kuuya iwaa boronoŋ ano kalaŋ koma laligoro.
1181	GEN 40:8	Qisiŋ orono kokaeŋ meleema ijori: “Noro gaoŋnara aŋa aŋa iijotato, iikawaa kanagara ii moronoŋ jero moboraga?” Kaeŋ ijori Joosefnoŋ kokaeŋ jero: “Anutunoŋ mono gaoŋ kanagia jejetaa Toya koloojato, saanoŋ kileŋ gaoŋgara nijori momaŋa.”
1269	GEN 42:16	Oŋo qaa hoŋa jeju me qaago, niinoŋ ii aŋgotete memambaajoŋ kokaeŋ jejeŋ: Oŋo mono batugianoŋga moŋ wasigi kema kogia konoga wano koi kawao. Tosaaŋa oŋo mono koi mamboma kapuare mirinoŋ rama laligowu. Kaeŋ mende ambuti eeŋ, oŋo oŋanoŋ baloŋ iimagoosiwaa manjaqeqe ejaga kolooju. Faarao kiŋnoŋ jaawo laligoji eeŋ, niinoŋ qaa hoŋa tooŋ iikawaa so jojopaŋ qaa ii jeŋ kotiijeŋ.”
1303	GEN 43:12	Silwa moneŋ walaga taru gesogiaa qaa oogianoŋ mougi meŋ kagiti, ii ano iikawaa so qaganoŋ toroqeŋ ama mindirigi jaŋgoyanoŋ somariiŋ 2:waa so kolooro ii meŋ eleema kema mubu. Tosianoŋ koposo ama ii gesogianoŋ aŋgi me nomaeŋ?
1305	GEN 43:14	Anutu ku-usuŋ kuuyaa Toyanoŋ mono eja iikawaa jaanoŋ kiaŋkoomuya oŋono iinoŋ daremuŋgia moŋ ano Benjamin ii oŋowo mirinoŋ koi eleema kawutiwaajoŋ wambelaawaa. Noo meraurunanoŋ komuntiwilaa ambuti eeŋ, niinoŋ mono eeŋ totooŋ laligomaŋa.”
1318	GEN 43:27	Usugoŋ waagi joloŋgia iŋijoŋ nomaeŋ laligojuti, qisiŋ oŋoma kokaeŋ iŋijoro: “Maŋgia eja waŋaajoŋ nijogiti, iinoŋ nomaeŋ laligoja? Toroqeŋ jaawo laligoja me qaago?”
1374	GEN 45:15	Toroqeŋ boria dauruta kuuya yoŋoo arogianoŋ giliro kemero saama buugia kitoŋ nero. Iikawaa gematanoŋ daremuŋurutanoŋ iwo qaa amiŋ mogi.
1400	GEN 46:13	Aiskarwaa merauruta qagia Tola, Puwa, Jasub ano Simron.
1439	GEN 47:18	Mende komugi yambu kanoŋ tegoro. Tegoro yambu gbilianoŋ duŋanoŋ mombo iwaanoŋ kaŋ kokaeŋ jegi: “Eja poŋnana, monenana qaonjiwaajoŋ kanianana hoŋa ii goo jaaganoŋ saanoŋ mende kolatiwoŋa. Nonoonoŋ lama bulmakaonana ii kaaŋagadeeŋ goniŋ goo buŋaga koloodaboroja. Nono ii kuuya eja poŋnana gii gondaboroniŋiwaajoŋ nononana ano balonana iikayadeeŋ eŋ nononja. Kawaajoŋ mono naa iwoi moŋ gombonaga?
1455	GEN 48:3	Waama rama Joosef kokaeŋ ijoro: “Anutu ku-usuŋ kuuyaa Toya iinoŋ Keinan balombaa Luz gomaŋ kanoŋ noonoŋ asugiŋ kotuegoŋ nono.
1490	GEN 49:16	“Tosianoŋ Dambaa kanagesouruta menduŋgoŋ oŋoŋgi Dan iinoŋ mono aworo (defence) nama qaa dindiŋaajoŋ manja qeŋ laligowaa. Dan tuuŋ yoŋonoŋ Israelwaa tuuŋ tosaaŋa iikaaŋa kolooŋ laligowuya.
1498	GEN 49:24	Kaeŋ laligowuto, Jeikobwaa beŋa Anutu ku-usuŋawo iwaa borianoŋ mono meŋ kotiiŋ muro iinoŋ tiwo tokoya mende mesaoŋ boro siita sombaŋa qaa qero laligowaa. Anutunoŋ mono uuwaa lama galeŋa kolooŋ Israelwaa aŋgoŋkoŋkoŋ Toya kolooja.
1499	GEN 49:25	Maŋgaa Anutuyanoŋ mono ilaaŋ goma laligowaa. Beŋ ku-usuŋ kuuyaa Toyanoŋ mono kokaeŋ kotuegoŋ gono laligowa: Kombaa kotumotueyanoŋ mono kanakeewaŋga goonoŋ kamaaro namo dusiita emuyaa apuyanoŋ mono goonoŋ kouro merabora ano oro mamaga mokolooŋ oŋoma laligowa.
7149	RUT 1:20	Kaeŋ jegi Naominoŋ kokaeŋ iŋijoro: “Noo qana Naomi ii eeŋ mende qabu. Nii uukorisoro embaga qaago. Anutu ku-usuŋ Toyanoŋ mono kondooŋ nono uukonduŋ moma laligojeŋ. Kawaajoŋ noo qana Mara qagi sokombaa.
7150	RUT 1:21	Noonoŋ iwoi mamaga wala ero taoŋ koi mesaoŋ kembeto, kete Poŋnoŋ nuano bobora eleema eeŋ omaya kajeŋ. Poŋ ku-usuŋ Toyanoŋ qaana gosiŋ meŋ boliŋ nono koŋajiliŋ qaganoŋ laligojeŋ. Kawaajoŋ qana Naomi ii mono eeŋ qabubo.” Kiaŋ.
7171	RUT 2:20	Kaeŋ ijoro Naomiwaa eleŋa kamaaro kokaeŋ ijoro: “Poŋnoŋ mono Boaz kotuegoŋ muba. Poŋnoŋ kiaŋkoomu nonomambaa qaa somoŋgoroti, iikawaa so mono pondaŋ lomeraaŋurunanoŋ komugiti ano anana kete koi laligojoŋi, nonoojoŋ kiaŋkoomuya mende aŋgoŋ koma laligoja.” Toroqeŋ qaa kokaeŋ jero: “Eja ii nonoo tinitosananaga ano isinanaa doweya meme ejaga. Kawaajoŋ iinoŋ mono saanoŋ galeŋ koma nonombaa.”
7174	RUT 2:23	Kaeŋ jero Ruutnoŋ Boazwaa gawoŋ meme emba yoŋoo kosogianoŋ boŋ qeŋ laligoŋ hoŋa otama meŋ kululuuŋ laligoro baali ano wiit kuŋkuŋ kambaŋanoŋ tegoro. Tegoro toroqeŋ eŋaroya Naomiwo laligori. Kiaŋ.
7204	RUT 4:12	Poŋnoŋ emba malo saraŋ iwaanoŋa gbili gombaati, goonoŋ kanageso yoŋonoŋ mono Juuda ano Taamar yoroo meragara Perezwaanoŋ sumaŋ yoŋoo so kolooŋ laligowu.” Kiaŋ.
22603	JON 1:3	Kaeŋ ijoroto, Joonanoŋ Pombaa jaasewaŋanoŋga oloŋ kok koma weeŋ kemekemetanoŋ baageŋ kemambaajoŋ keno. Kema gomaŋ qata Jopa (Jaffa) kanoŋ kemeŋ waŋgo moŋ mokolooŋ jero, “Yoŋowo saanoŋ Tarsis gomanoŋ Spein kantrinoŋ kemaŋa.” Kaeŋ jeŋ kana sewaŋa meŋ waŋgonoŋ uro. Kaeŋ uma Pombaa jaasewaŋanoŋga kokomomola meŋ keno.
22625	JON 2:9	“Ejemba gadokopa beŋ lopioŋ omaya goda qeŋ usugoŋ oŋomakejuti, iyoŋonoŋ kaeŋ ama kaleŋmoriaŋ Toya gii gema guŋkejuto,
22626	JON 2:10	nii mono mepemepesee ooŋsaa qama mamatewoo ama siimoloŋ ooŋ gomambaajoŋ mojeŋ. Nii iwoi amambaa qaa jeŋ somoŋgobeti, iikawaa so mono ama sorogoŋkemaŋa. Oo Poŋ, gii gou koŋkoŋ Tona koloojaŋ. Qaa ii oŋanoŋ.”
22639	JON 4:2	Iriŋa soono Poŋ welema muŋ kokaeŋ ijoro: “Ae! Poŋ, gii kiaŋkoomuwaa beŋa laligoŋ saanoŋ niniima kobooŋkejaŋ. Goo kaleŋmoriaŋga ii honoŋa qaa ero iriŋga ii uulaŋawo mende sooŋkeja. Kaeŋ uuga uulaŋawo olomooro wosomomo ama kanageso moŋ meŋ kileeŋ oŋomambaajoŋ mende momakejaŋ. Ii neenaa gomanoŋ laligoŋ moma yagoŋ gijoweti, ii duduujaŋ me qaago? Kania kawaajoŋ ama kambaŋ kanoŋ “Tarsis kemaŋa,” jeŋ uulaŋawo kokomomola meŋ kema laligowe.
23216	MAT 1:3	Juudawaa merawoita Perez ano Zera, nemuŋgara Taamar. Perezwaa meria Hezron. Hezrombaa meria Ram.
23229	MAT 1:16	Jeikobwaa meria Joosef, Mariawaa loya. Marianoŋ Jiisas merota qata Kraist Hamoqeqe Toya jeŋkejoŋ.
23231	MAT 1:18	Jiisas Kraist koloorotiwaa sunduya ii kokaeŋ: Iwaa nemuŋa Maria ii Joosefwaa buŋaga laligoŋ mende mindiriŋ aoŋ laligori kambaŋ iikanoŋ Uŋa Toroyanoŋ meŋ letoma muro korowo laligoro kania mokoloogi.
23233	MAT 1:20	Kaeŋ romoŋgoŋ ero Pombaa gajoba moŋnoŋ gaonoŋ asugiŋ muŋ kokaeŋ ijoro, “Joosef Deiwidwaa gbili, Uŋa Toroyanoŋ mono Maria meŋ letoma muro koroyawo laligoja. Kawaajoŋ gii mono ii wama miriganoŋ kaŋ embaga koloowaatiwaajoŋ toroko mende moba.
23242	MAT 2:4	Aarugi kiŋ Herodnoŋ qaa ama kanagesowaa jigo gawoŋ galeŋ waŋa ano Kana qaawaa boi kuuya koma horoŋ oŋono kagi. Kaŋ ajoroogi kokaeŋ qisiŋ oŋono, “Hamoqeqe Toya Kraistnoŋ mono dakanoŋ koloowaatiwaajoŋ jegita eja?”
23254	MAT 2:16	Momakooto eja yoŋonoŋ Juuda gomaŋ oloŋ mesaoŋ keŋgi Herodnoŋ iikawaa kania iima “Tiligoŋ noŋgi,” jeŋ iriŋa mamaga soono jeŋkooto kokaeŋ ano, “Manjaqeqe eja, oŋo Betlehem ano gomaŋ kuuya ii liligoŋ raji, iikanoŋ kema mera gbanigia woi ano iikawaa baatanoŋ koloojuti, ii mono kuuya uŋugi komuwu.” Momakooto eja widi asugirotiwaa kambaŋaajoŋ tororo qisiŋ oŋono ijogiti, iikawaa so mera gbanigiaajoŋ jeŋkooto ii ano.
23261	MAT 2:23	Galili prowinsnoŋ keuma taoŋ qata Nazaret iikanoŋ laligogi. Kaeŋ laligogi gejatootoo eja yoŋonoŋ Hamoqeqe Toyaajoŋ qaa jegiti, iikanoŋ hoŋawo kolooro. Qaa ii kokaeŋ, “Iwaa qata ii Nazaret ejaga qama laligowuya.” Kiaŋ.
23263	MAT 3:2	“Siwe Toyanoŋ bentotoŋa ambaatiwaa kambaŋanoŋ mono kaŋ kuuja. Kawaajoŋ mono uugia meleema iikanoŋ keubu.”
23272	MAT 3:11	Niinoŋ oŋo uugia meleembutiwaajoŋ apu tooŋnoŋ mulu meŋ oŋonjento, noo gemananoŋ eja ku-usuŋa kotakota moŋ kawaa. Iwaa ku-usuŋa uutaga ii mono noonoŋ uuguwaa. Iinoŋ eja uuta koloowaatiwaajoŋ niinoŋ iwaanoŋ kana esuya ilaaŋ muŋ gesonoŋ mouma besaamambaajoŋ amamaamaŋa. Iinoŋ mono Uŋa Toroya uugianoŋ ano gere bolaŋanoŋ koma konjoratiŋ oŋono iikaaŋa kanoŋ mulu meŋ oŋombaa.
23277	MAT 3:16	Uumotooŋ ama oomulu meŋ muro tegoro iikanondeeŋ apunoŋga kouro kokaeŋ asugiro: Sombinoŋ aantano Jiisasnoŋ uuŋ iiro Anutuwaa Uŋa Toroyanoŋ meleema kewo kooŋ kaaŋa kolooŋ Jiisaswaa waŋanoŋ kamaaŋ mero.
23279	MAT 4:1	Kawaa gematanoŋ Uŋa Toroyanoŋ Jiisas kuuŋ wasiŋ muro baloŋ qararaŋkoŋkoŋanoŋ Kileŋaa Toyanoŋ aŋgobato meŋ mubaatiwaajoŋ ama keno.
23281	MAT 4:3	Nenewaa komuro omejiilaŋ waŋgia qata aŋgobato Toya iinoŋ asugiŋ kokaeŋ ijoro, “Gii Anutuwaa Meria koloojaŋi eeŋ, gii mono esuŋga qendeema jamo koi jeŋ kotona letoma bered kolooro newa.”
23282	MAT 4:4	Kaeŋ ijoroto, Jiisasnoŋ qaa kokaeŋ meleeno, “Qaago! Buŋa Terenoŋ qaa moŋ kokaeŋ oogita eja, ‘Nenenondeeŋ ejemba laaligo mende nonomakejato, Anutuwaa jetanoŋga qaa kaŋkeji, ii kuuya teŋ koniŋ iikanoŋ mono nunuagiro kotiiŋ laligowoŋa’.”
23283	MAT 4:5	Kaeŋ ijoro Kileŋaa Toyanoŋ Jiisas wama Jerusalem siti toroya kanoŋ kema jiwowoŋ jigowaa waareŋanoŋ eu uma ano nano.
23284	MAT 4:6	Kaeŋ nano kokaeŋ ijoro, “Gii Anutuwaa Meria koloojaŋi eeŋ, mono kokanoŋga luguŋ emu kemeba. Buŋa Terenoŋ qaa moŋ kokaeŋ oogita eja, ‘Anutunoŋ goojoŋ ama gajobauruta jeŋ kotoŋ oŋono saanoŋ kobibiigi kemeŋ jamonoŋ kanaga mende guŋ mijimiji ambaa.’ Kawaajoŋ kemeŋ mende tiwilaaŋ gombaa.”
23285	MAT 4:7	Kaeŋ ijoro kokaeŋ meleeno, “Qaago! Buŋa Terenoŋ qaa moŋ kaaŋagadeeŋ kokaeŋ eja, ‘Gii mono Poŋ Anutuga mende aŋgobato meŋ muba.” ’