80	GEN 3:24	Ejemba kaeŋ konjoma oroma oyaŋboyaŋ gawoŋ Eedembaa leegeŋanoŋ weeŋ koukoutanoŋ baageŋ zerubim gajoba tosaaŋa kuuŋ oŋono laaligo kotigaa gere iikawaa kania utuŋ galeŋ koŋgi. Yoŋoo borogianoŋ manjawaa sooya somata ano iikanoŋ gere bolaŋ kaaŋa bilibiliawo jeŋ batanoŋ gematanoŋ liligoŋ bilisikwaa so kolooro nama galeŋ koma laligogi. Kiaŋ.
162	GEN 7:2	Oro neneya, doŋqiziziŋgia qaa ii kuuya yoŋoonoŋa sewen sewen, ejia 7 ano embia 7:baa so oŋoona goonoŋ koubu. Kaaŋagadeeŋ oro aŋgojoragiawo kuuya yoŋoonoŋga woi woi ejia ano embia kaaŋa oŋoona goonoŋ koubu.
168	GEN 7:8	Kaaŋagadeeŋ oro neneya, doŋqiziziŋa ano oro aŋgojoragiawo ano kooŋ ano iwoi kuuya bagianoŋ koma kondondoŋgoŋkejuti,
204	GEN 8:20	Kamaadaborogi Nooanoŋ Pombaajoŋ siimoloŋ alata moŋ meŋ miriwaa oroya doŋqiziziŋgiawo ii kuuya ano kooŋ doŋqiziziŋgia qaa ii kuuya yoŋoonoŋa tosia oŋoma alatanoŋ ama Anutuwaajoŋ siimoloŋ ooro.
254	GEN 10:19	Kaeŋ deeŋqeeŋgi Keinan kanageso yoŋoonoŋ baloŋ goraaya ii gomaŋ qata Saidon iikanoŋa kanaiŋ kema Gerar gomanoŋ kema Gaza kanoŋ tegoja. Kaaŋagadeeŋ Sodom baageŋ kema Gomora kema Adma ano Zeboim kema Lasa kanoŋ tegoja.
258	GEN 10:23	Arambaa merauruta yoŋoo qagia ii Uuz, Huul, Geter ano Mas. Kaeŋ laligogi.
261	GEN 10:26	Joktambaa merauruta kokaeŋ koloogi: Almodad, Selef, Hazarmawet, Jera,
262	GEN 10:27	Hadoram, Uuzal, Dikla,
270	GEN 11:3	Kanoŋ rama iyaŋgiodeeŋ kokaeŋ amiŋ mogi: “Mono kawu. Anana mono gbakoŋ meŋ mozozoŋgoŋ gerenoŋ ooniŋ kotakota koloowaa.” Kaeŋ jeŋ miri sopaya mewombaajoŋ jamo kowonjiŋ qaagoto, birik ama batugianoŋ namo saposapo qandoŋ kaaŋa aŋgi iikanoŋ birik ii mokotaaŋ oŋono.
326	GEN 13:7	Amamaaŋ Abram ano Loot yoroonoŋ oro galeŋurugara yoŋoo batugianoŋ balombaa aŋgowowoya asugiro. Kambaŋ kanoŋ Keinan kanageso ano Periz kanageso yoŋonoŋ baloŋ iikawaa toya koloogi yoŋowo motooŋ laligogi.
342	GEN 14:5	Kaeŋ aŋgi yambu 14:ŋa kanoŋ Kedorlaomer ano kiŋ tosaaŋa iwo soomoŋgo ama laligogiti, iyoŋonoŋ kaŋ kanageso koi kaaŋa yoŋowo manja qeŋ haamo aŋgi: Refa kanageso ii Asterot Karnaim gomanoŋ uŋuŋ haamo aŋgi. Zuzi kanageso ii Haam gomanoŋ ano Eme kanageso ii Kiriataim gomaŋ kanoŋ uŋuŋ haamo aŋgi.
344	GEN 14:7	Haamo ama oŋoma iikanondeeŋ eleema En Mispat (qata moŋ Kaades) kanoŋ kaŋ Amalek kanageso haamo ama oŋoma baloŋgia kuuya aŋgoŋ koŋgi. Amor kanageso Hazezon Taamar balonoŋ laligogiti, ii kaaŋiadeeŋ uŋuŋ haamo ama oŋoŋgi.
350	GEN 14:13	Kaeŋ keŋgi eja moŋnoŋ oloŋ koma misiŋgoŋ kaŋ iikawaa buzu qaaya ii Hibruu (waba) eja Abram ijoro. Kambaŋ kanoŋ Abramnoŋ Amor eja qata Mamre iwaanoŋ jujuu gere somasomata iikawaa kosogianoŋ laligoro. Mamrenoŋ kowoita qagara Eskol ano Aner yorowo motooŋ Abrambo soomoŋgo ama laligogi.
355	GEN 14:18	Kambaŋ kanoŋ Melkizedek Saalembaa kiŋa iinoŋ bered ano wain apu meŋ karo. Iinoŋ Anutu uutaa jigo gawoŋ galeŋa kolooro.
363	GEN 15:2	Qaa kaeŋ ijoroto, Abramnoŋ kokaeŋ jero, “Oo Poŋ somatana, nii meraborana qaa laligowego tawa nona iikanoŋ mono nomaeŋ ilaaŋ nonaga? Niinoŋ komuwe Damaskas eja Eliezer iinoŋ noo esuhinanaa toya koloowaa.”
373	GEN 15:12	Weeŋ jaaya tegoŋ kememambaajoŋ anoti, kambaŋ iikanoŋ Abrambaa jaayanoŋ kamaaŋ mero gaoŋ biŋawo ero. Kaeŋ ero paŋgamaŋ ziwiziwiwaa kanjaŋa kanoŋ kaŋ turuŋ muro.
376	GEN 15:15	Niinoŋ Amor kanageso ii baloŋ kokanoŋ uulaŋawo mende oŋotaamaŋa. Wala siŋgisoŋgoya siŋgisoŋgoya ama bolidaborogi i iroŋa tororo meleema oŋomaŋatiwaa kambaŋanoŋ koloowaati, kambaŋ iikanoŋ mono ii oŋotaamaŋa. Kawaajoŋ goo esauruga yoŋoo esaurugia kolooŋ laligowuyati, kambaŋ kanoŋ goo gbiliuruganoŋ mono eleema koi kawuya. (15) Yoŋonoŋ kaeŋ kawuto, geeŋgo wala yambugaa kambaŋanoŋ waziiŋ komuro luaenoŋ maŋasauruga yoŋoonoŋ kena roŋ koma gombuya.”
381	GEN 15:20	Hit kanageso, Periz kanageso ano Refaim kanageso,
427	GEN 18:2	Rama ataama uuŋ iiro eja karooŋanoŋ bataageŋ naŋgi. Naŋgi iŋiima opo sel kuuŋ qaayanoŋga alanzaŋ waama joujoloŋgia jeŋ uŋuamambaajoŋ sararagoŋ bobogariŋ keno. Kema waegia meŋ simiŋ kuma namonoŋ usugoŋ kemero.
472	GEN 19:14	Kaeŋ ijori moma Lootnoŋ kema qega buŋawoita borawoita orombaotiwaajoŋ jero laligoriti, ii kokaeŋ irijoro: “Oro mono alanzaŋ waari gomaŋ koi mesaoŋ kemboŋa. Poŋnoŋ taoŋ koi tiwilaaŋ kondemondeemambaajoŋ anja.” Kaeŋ irijoro yoronoŋ qaa ii mori goŋgeegee tani kolooro.
474	GEN 19:16	Kaeŋ jeri Lootnoŋ toroqeŋ ezelobezelo ano eja woi yoronoŋ Lootwaa boria qelanjiŋ meŋ embia ano borawoita yoŋoo borogia kaaŋiadeeŋ qelanjiŋ meŋ uŋuama taoŋ seleeŋgeŋ keŋgi. Poŋnoŋ kaeŋ kiaŋkomuŋ oŋono.
568	GEN 22:20	Kambaŋ tosia tegoro buzu qaa moŋ kokaeŋ aŋgi Aabrahambaanoŋ karo: “Milkanoŋ kaaŋiadeeŋ nemuŋga kolooja. Iinoŋ koga Naahorwaa merauruta tosaaŋa oŋono.”
569	GEN 22:21	Meria mutuyaa qata ii Uz, iwaa koga Buz ano iwaa kanianoŋ Kemuel, Arambaa maŋa.
570	GEN 22:22	Kemuelwaa kanianoŋ Kesed, Hazo, Pildas, Jidlaf ano Betuel.
667	GEN 25:8	Laaligo yambuyaa jaŋgoyanoŋ uuta kolooŋ sokono waziiŋ eja waŋa kolooŋ sewaŋ aasoŋ konoga horoŋ goroŋ qeŋ komuro Anutunoŋ wano tinitosauruta komugiti, iyoŋoonoŋ kema toroqero.
688	GEN 25:29	Kambaŋ moŋnoŋ Jeikobnoŋ koziŋ meŋ iyaŋaajoŋ nene qaaŋ ooŋ raro datanoŋ jolonoŋga kaŋ selia bimooro wosoya mamaga kiro.
689	GEN 25:30	Kaeŋ kiro Jeikob kokaeŋ ijoro: “Selena bimooro wosona mamaga nijiwaajoŋ mono uulaŋawo koziŋ qaaŋa nejoŋgbala ii nona nemaŋa.” Kawaajoŋ qata Edom (nejoŋgbala) qagi.
693	GEN 25:34	Sewaŋa meŋ bered ano koziŋ qaaŋa Iisoo muro neŋ waama nama mesaoŋ keno. Iisoonoŋ wala asugirotiwaa qabuŋaya ii iikawaajoŋ moro kamakamaata kolooro. Kiaŋ.
719	GEN 26:26	Aisaknoŋ Beerseba laligoro kambaŋ moŋnoŋ kiŋ Abimelek iinoŋ Gerar taoŋ mesaoŋ iwaanoŋ karo. Goro qaa jeje alia Ahuzat ano manjaqeqe tuuŋaa kawali galeŋa Fikol yoronoŋ iwo motooŋ kagi.
723	GEN 26:30	Kaeŋ jegi Aisaknoŋ jejelombaŋ mozozoŋgoŋ ooŋ ano nene qaaŋ neŋ ragi.
732	GEN 27:4	Kaŋ nene naaŋawo aiŋnaa so ooŋ mozozoŋgoŋ meŋ kaŋ nona nemaŋa. Ii neŋ nama kotumotue gomaŋa. Ii wala gombe tegoro niinoŋ iikawaa gematanoŋ saanoŋ komumaŋa.”
735	GEN 27:7	‘Gii mono oro meŋ kaŋ noma nene naaŋawo ooŋ mozozoŋgoŋ nona nemaŋa. Neŋgo Pombaa jaasewaŋanoŋ kotumotue gomaŋa. Ii wala gombe tegoro iikawaa gematanoŋ saanoŋ komumaŋa.’
737	GEN 27:9	Mono meme tuuŋnoŋ kema iikanoŋa meme (noniŋ) doŋa kelegawo woi meŋ kaŋ nona niinoŋ iikanoŋ maŋgaa aiŋaa so nembanene naaŋawo ooŋ mozozoŋgomaŋa.
738	GEN 27:10	Ooŋ mozozoŋgowe meŋ kema amaga muna neŋ kotumotue gonaga. Iikawaa gematanoŋ saanoŋ komuwaa.”
742	GEN 27:14	Kaeŋ jero kema meme (noniŋ) woi meŋ kaŋ nemuŋa muro. Muro nene aiŋawo maŋanoŋ naaŋa moroti, iikawaa so ooŋ mozozoŋgoro.
758	GEN 27:30	Aisaknoŋ Jeikob kotuegoŋ mudabororo maŋaanoŋ miri uuta mesaoŋ seleeŋgeŋ keno alanzaŋ iikanoŋadeeŋ data Iisoonoŋ tiwojuŋ laligoro tegoro mirinoŋ karo.
759	GEN 27:31	Kaŋ iinoŋ kaaŋagadeeŋ nene naaŋawo ooŋ mozozoŋgoŋ meŋ kaŋ maŋa muŋ kokaeŋ ijoro: “Amana, saanoŋ waama rama orona tosaaŋa neŋ kotumotuega nomba.”
769	GEN 27:41	Maŋanoŋ Jeikob kotumotueya muroti, Iisoonoŋ iikawaajoŋ ama kanaiŋ koga uukazi moma muŋ laligoro. Aŋaa uutanoŋ kaeŋ moma alia mombaajoŋ kokaeŋ jero: “Maŋnaraa koomuyaa kambaŋanoŋ mono torija. Iinoŋ komuro jiŋgeŋ qama saama kambaŋ iikanoŋ saanoŋ kona Jeikob qewe komuwaa.”
770	GEN 27:42	Iisoowaa momoyanoŋ kaaŋa kolooro moŋnoŋ iikawaa buzuya moma Rebekawaanoŋ kema jero moma meria kanageŋa Jeikobwaajoŋ qaa ano kema wama karo kokaeŋ ijoro: “Moba, daga Iisoonoŋ mono iroŋa meleeno qaganoŋ uro guro komuwagatiwaajoŋ romoŋgoja.
793	GEN 28:19	Moriŋ gomaŋ iikawaa qata Betel (Anutuwaa miri) qaro. Wala taoŋ iikawaa qata ii Luz qama laligogi.
802	GEN 29:6	Jegi kokaeŋ qisiŋ oŋoma jero: “Ii saanoŋ laligoja me qaago?” Kaeŋ jero kokaeŋ ijogi: “Ii saanoŋ laligoja. Iiba, iwaa borata Reizelnoŋ mono endu lama uŋuama kaja.”
805	GEN 29:9	Jeikobnoŋ yoŋowo qaa kaeŋ amiŋ moma naŋgi iikanoŋadeeŋ Reizelnoŋ maŋaanoŋ lama tuuŋ uŋuama karo. Reizel iinoŋ lama galeŋ gawoŋ meŋ laligoro.
806	GEN 29:10	Karo Jeikobnoŋ owayaa borata Reizel ano owayaanoŋ lama tuuŋ iŋiima apu roŋ qaa ootanoŋ kema jamo ii metaama owaya Labambaanoŋ lamauruta apu uŋuagiro.
807	GEN 29:11	Uŋuagidaboroŋ Jeikobnoŋ Reizel buuta kitoŋ neŋ kanaiŋ kotakota qama saaro.
808	GEN 29:12	Saama Reizelwaajoŋ jero: “Nii goo maŋgaa tinitosaya koloojeŋ. Nii Rebekawaa meriaga.” Kaeŋ jero Reizelnoŋ moma uulaŋawo bobogariŋ maŋaanoŋ kema buzu ii jero moro.
809	GEN 29:13	Labanoŋ naaŋaa meria Jeikobwaa buzuya moma ii uulaŋawo mokoloomambaajoŋ keno. Kema mokolooŋ iima suuŋgoŋ aŋgomuŋ buuta kitoŋ neŋ wama mirianoŋ uri. Uma iwoi kuuya kolooroti, Jeikobnoŋ iikawaa sunduya jero moro.
812	GEN 29:16	Labambaa borawoita woi laligori. Somataa qata Lea. Kogaa qata Reizel.
813	GEN 29:17	Leawaa jaayanoŋ iima-aiŋaiŋawo kolooroto, Reizel seliaa kaitania ano jaasewaŋa ii kuuya iima-aiŋaiŋawo totooŋ kolooro.
814	GEN 29:18	Jeikobwaa uunaaŋa ii Reizelwaanoŋ erotiwaajoŋ ama qaa kokaeŋ jero: “Niinoŋ boraga kanageŋa Reizel memambaajoŋ saanoŋ yambu 7 weleŋ qeŋ goma laligomaŋa.”
816	GEN 29:20	Kaeŋ jero Reizel memambaajoŋ yambu 7 weleŋ qeŋ muŋ laligoro. Uunaaŋanoŋ Reizelwaajoŋ erotiwaajoŋ ama yambu iikawaajoŋ moro weeŋ afaaŋa tani kolooro. Kiaŋ.
817	GEN 29:21	Yambu 7 tegoro Jeikobnoŋ owaya Laban kokaeŋ ijoro: “Noo gawoŋ meme kambananoŋ mono tegojiwaajoŋ saanoŋ embana Reizel nona iwo eŋ laligomaŋa.”
821	GEN 29:25	Motooŋ eri gomaŋ ano Jeikobnoŋ embia iima moro Reizel qaagoto, ii Lea kolooro yooyaanoŋ kema kokaeŋ jeŋ muro: “Gii mono naa terega ama nonjaŋate? Nii Reizel memambaajoŋ weleŋ qeŋ goma laligoweto, gii mono naambaajoŋ tiligoŋ nonjaŋ?”
824	GEN 29:28	Kaeŋ ijoro uumotooŋgo ama Leawo maraŋ korisoro kambaŋ ii sonda motooŋgowaa so laligoro tegoro Labanoŋ borata Reizel kaaŋagadeeŋ embia koloowaatiwaajoŋ muro.
825	GEN 29:29	Labanoŋ weleŋ embia qata Bilha ii borata Reizelwaa weleŋqeqeyaga laligowaatiwaajoŋ muro.
826	GEN 29:30	Jeikobnoŋ Reizel ii kaaŋagadeeŋ embiaga mero. Uunaaŋanoŋ Reizelwaajoŋ erotiwaajoŋ ama Reizel ii Lea uuguŋ jopagoŋ muŋ laligoro. Kawaajoŋ yambu 7 toroqeŋ Laban weleŋa qeŋ muŋ laligoro. Kiaŋ.
827	GEN 29:31	Jeikobwaa uutanoŋ Leawaajoŋ mamaga mende ero zizi togoro Poŋnoŋ iiro mende sokono Lea koro ambaatiwaajoŋ ilaaŋ muroto, koga Reizelnoŋ aruŋa laligoro.
832	GEN 30:1	Reizelnoŋ aruŋa laligoŋ Jeikobwaajoŋ merabora moŋ mende meŋ iyaŋaa kania kaeŋ iima data Lea gema qeŋ uutanoŋ motoqoto moma Jeikobwaajoŋ qaa kokaeŋ jero: “Gii mono mera mokoloowa. Ii mende mokoloona niinoŋ mono laligomambaajoŋ amamaaŋ komumaŋa.”
834	GEN 30:3	Kaeŋ jero Reizelnoŋ kokaeŋ ijoro: “Noo weleŋ embana Bilha ii koi. Saanoŋ iwo ena noo mera moŋ mewaa. Iinoŋ nemuŋ kono niinoŋ kaaŋagadeeŋ iwaanoŋga merabora mokolooŋ oŋoma nemuŋgia kolooŋ laligomaŋa.”
837	GEN 30:6	Meria mero Reizelnoŋ kokaeŋ jero: “Anutunoŋ gosiŋ nono sokombe qamakooli qaana moma mera ejaga nonja.” Kawaajoŋ qata Dan qaro. (Dan = Gosiŋ nono sokonjeŋ.)
838	GEN 30:7	Reizelwaa weleŋ embia Bilhanoŋ mombo koro ama Jeikobwaa meria moŋ mero woi kolooro.
839	GEN 30:8	Kaeŋ mero Reizelnoŋ kokaeŋ jero: “Danawo mamaga aoŋoroŋ haamo anjeŋ.” Kaeŋ jeŋ iikawaa so mera qata Naftali (Aoŋorowe) qaro.
845	GEN 30:14	Wiitnoŋ masu qero kooto kambaŋanoŋ somaŋa moŋnoŋ Ruubenoŋ seleeŋgeŋ kema baloŋ korianoŋ asagbaleŋ hamo mokolooro. Hamo ii mokolooŋ meŋ kaŋ nemuŋa Lea muro. Muro Reizelnoŋ data kokaeŋ ijoro: “Goo meraganoŋ hamo meŋ kaji, iikawaa tosaaŋa mono nona nemaŋa.”
846	GEN 30:15	Kaeŋ ijoro Leanoŋ kokaeŋ jero: “Giinoŋ lona nuana sokombaatiwaajoŋ romoŋgoweto, gii mono meranaanoŋ asagbaleŋ hamo koi ii kaaŋiadeeŋ nuamambaajoŋ mojaŋ. Ii mende sokonja.” Kaeŋ jero Reizelnoŋ kokaeŋ ijoro: “Saanoŋ! Meragaanoŋ hamo ii nombaati eeŋ, mono saanoŋ Jeikobwo gomantiiŋa koi ewao.”
853	GEN 30:22	Anutunoŋ mombo Reizel kaaŋagadeeŋ romoŋgoŋ muŋ qaa qamakoolia moma koro ambiwaajoŋ ilaaŋ muro.
856	GEN 30:25	Reizelnoŋ meria Joosef mero iikawaa gematanoŋ Jeikobnoŋ Laban kokaeŋ ijoro: “Nii neenaa gomaŋ mirinanoŋ kemambaajoŋ mojeŋ. Kawaajoŋ saanoŋ wasiŋ nona eleema kemaŋa.
878	GEN 31:4	Jeikobnoŋ qaa ii moma Reizel ano Lea yoroojoŋ qaa ano keno baloŋ korianoŋ lama tuuŋa tuuŋa galeŋ koma oŋonoti, iikanoŋ kari.
888	GEN 31:14	Jeikobnoŋ qaaya kaeŋ jero Reizel ano Lea yoronoŋ kokaeŋ meleema muŋ ijori: “Maŋnaraa mirinoŋ borosamowaa bakaya moŋ ii noroonoŋ mende toroqeŋ raja.
891	GEN 31:17	Kaeŋ ijori waama meŋ mozozoŋgoŋ meŋ embamerauruta kobibiiŋ oŋono kamel qagianoŋ ugi.
893	GEN 31:19	Kambaŋ kanoŋ Labanoŋ lama jugia motomambaajoŋ keno Reizelnoŋ maŋaa mirinoŋ doŋlopioŋ bubuga yoŋgoro mero.
902	GEN 31:28	“Ii mobenagati eeŋ, mono saanoŋ esauruna ano borawoina buugia kitoŋ neŋ yeizozogia jewenaga. Gii mono uuga qaawaa tere kaaŋa anjaŋa.
906	GEN 31:32	Kaninto, moŋnoŋ doŋlopioŋ bubuga mero mokoloowagi, ii saanoŋ qena komuwaa. Ilawoila kuuya meŋ laligojeŋi, ii saanoŋ tinitosaurunara yoŋoo jaanoŋ iima gosiŋ nama goonoŋ iwoiga moŋ mokolooŋ iima ii saanoŋ mewa.” Jeikobnoŋ kaeŋ ijoroto, embia Reizelnoŋ doŋlopioŋ ii yoŋgoro meroti, loyanoŋ ii mende morotiwaajoŋ ii haŋqaŋ qeŋ jero.
907	GEN 31:33	Kaeŋ jero qegia Jeikobwaa opo sel kuuŋanoŋ uma qeŋgama moŋgama Leawaa opo sel kuuŋanoŋ uma toroqeŋ weleŋ embawoi yoroo opo sel kuuŋgaranoŋ uma qeŋgama moŋgama iwoi moŋ mende mokolooro. Leawaanoŋ kuuŋ mesaoŋ kawaa gematanoŋ Reizelwaa kuuŋanoŋ uro.
908	GEN 31:34	Uroto, Reizelnoŋ doŋlopioŋ bubuga ii meŋ gesonoŋ mouma kamel qaganoŋ duŋ rarawaa uutanoŋ ama qaganoŋ uma qelanjiŋ raro. Kaeŋ raro maŋanoŋ opo kuuŋaa uuta kuuya qeŋganoto, ii mende mokolooro.
909	GEN 31:35	Reizelnoŋ maŋa kokaeŋ ijoro: “Somatana, nii koinoŋ niiro rajeŋiwaajoŋ ama goo jaasewaŋganoŋ saanoŋ mende waamaŋa. Kawaajoŋ uuduuduu mende moma nomba.” Kaeŋ ijoro miriwaa doŋlopioŋ bubuga iikawaajoŋ moŋganoto, ii mende mokolooro.
923	GEN 31:49	Labanoŋ qaa toroqeŋ kokaeŋ jero: “Poŋnoŋ deema laligowoti, kambaŋ iikanoŋ batunaranoŋ jaayanoŋ niriima riiŋ galeŋ meŋ noroma laligowaa.” Kawaa so baloŋ iikawaa qata moŋ Mizpa qaro. (Mizpa = Galeŋ meme miri koriga.)
929	GEN 32:1	Egi gomaŋ asariro Labanoŋ umugawodeeŋ waama esauruta ano borawoita buugia kitoŋ neŋ kotuegoŋ oŋoma yeizozogia jero. Ii jeŋ oŋomesaoŋ eleema gomaŋanoŋ keno. Kiaŋ.
934	GEN 32:6	Iikanoŋ laligoŋ bulmakao, doŋgi, lama, meme (noniŋ) tuuŋa tuuŋa ano weleŋqeqe ejemba mokolooŋ uŋuama kananoŋ kajeŋ. Oo eja poŋna, niinoŋ goo jaanoŋ kiaŋkoomu mokoloomambaajoŋ moma qaa buzuna koi wala ambe goonoŋ kaja.’”
962	GEN 33:1	Jeikobnoŋ jaaya uuŋ waama Iisoonoŋ ejauruta 400 yoŋowo motooŋ kananoŋ kagiti, ii iŋiiro. Kawaajoŋ meraborauruta mendeema oŋoma Lea, Reizel ano weleŋ embawoita yoŋoo borogianoŋ oŋono.
963	GEN 33:2	Kaeŋ ama oŋoma kokaeŋ areŋgoŋ oŋono: Weleŋ embawoita yoronoŋ meraboraurugara uŋuama wala keŋgi. Yoŋoo gemagianoŋ Leanoŋ meraborauruta yoŋowo keŋgi Reizel ano meria Joosef yoronoŋ daandaaŋ keni.
968	GEN 33:7	Kawaa gematanoŋ Lea ano meraborauruta yoŋonoŋ kaaŋiadeeŋ kosere kouma simiŋ kuma namonoŋ usugogi. Tetegoyanoŋ Joosef ano Reizel yoronoŋ kosere kouma simiŋ kuma namonoŋ usugori.
986	GEN 34:5	Kambaŋ kanoŋ Jeikobwaa meraaŋuruta yoŋonoŋ baloŋ korianoŋ kema miriwaa orourugia galeŋ koma oŋoma laligogi Sekemnoŋ Daina meŋ kileero maŋa Jeikobnoŋ borataa buzu qaa ii kaeŋ moro. Ii moroto, ii mesaŋgoŋ merauruta mirinoŋ koubutiwaajoŋ qaaya bogoro mamboma raro.
1006	GEN 34:25	Kotodaborogi weemboria 3:a kolooro kanoŋ wijigiaa siimboboloya ii kaaŋiadeeŋ toroqeŋ moma ragi Jeikobwaa merawoita woi Simeon ano Liwai, Dainawaa naaŋwoita yoronoŋ manjawaa soogara somata meŋ taoŋ iikanoŋ saŋgabaŋga kema toogia mende moma ragi alanzaŋ manja qeŋ eja kuuya japaleleŋ uŋuri komudaborogi.
1011	GEN 34:30	Kaeŋ aŋgi Jeikobnoŋ Simeon ano Liwai kokaeŋ irijoro: “Oro kaeŋ ani kakasililiŋ somataa qaayanoŋ mono noo qananoŋ uro laligomaŋa. Baloŋ kokawaa toya Keinan kanageso ano Periz kanageso yoŋonoŋ mono kazi moma noma laligowu. Nii oŋoo kanatuuruna nono afaaŋanoŋ laligojoŋ. Kawaajoŋ yoŋonoŋ manjaqeqe ejaurugia kululuuŋ oŋoma qotogoŋ nonoma manja qeŋ nombuti eeŋ, yoŋonoŋ mono saanoŋ japaleleŋ nuŋ nii ano kanatuuruna tiwilaaŋ nonombuya.”
1018	GEN 35:6	Kaeŋ kema laligoŋ Jeikobnoŋ ano kanatuuruya kuuya iwo laligogiti, ii uŋuama Luz gomanoŋ keugi. Luz qata moŋ Betel ii Keinan balonoŋ eja.
1028	GEN 35:16	Kawaa gematanoŋ Jeikobnoŋ sumaŋuruta uŋuama Betel gomaŋ mesaoŋ kema laligoŋ Efrata gomaŋ dodowigi Reizelnoŋ mera meme kambaŋanoŋ kaŋ kuuro masu jekania booroŋgia qero.
1029	GEN 35:17	Masu qenjeŋ-mamjeŋawo somata qeroti, kambaŋ iikanoŋ koipu embanoŋ qaa kokaeŋ jero moro: “Oo Reizel, toroko mende moba. Gii mono kambaŋ kokaamba kaaŋagadeeŋ mera ejaga moŋ mombo mewaga.”
1031	GEN 35:19	Reizelnoŋ kaeŋ komuro Efrata kana goraayanoŋ Betlehem kanoŋ roŋ koŋgi.
1032	GEN 35:20	Roŋ koŋgi Jeikobnoŋ tooŋ jamo moŋ meŋ Reizelwaa qasirinoŋ kuuro. Reizelwaanoŋ tooŋ jamo ii kambaŋ kokaamba kaaŋagadeeŋ toroqeŋ nanja.
1034	GEN 35:22	Jeikobwaa sumaŋuruta yoŋonoŋ baloŋ iikanoŋ rama laligoŋ mutu meria Ruuben iinoŋ maŋaa embia sewaŋa mende memeta Bilha iwaanoŋ kema motooŋ eri maŋa Israelnoŋ iikawaa buzuya moro.