62	GEN 3:6	Kaeŋ ijoro embanoŋ gere ii uuŋ iigigiiro hoŋa awaa nenetaa so kolooro. “Ii iima-aiŋaiŋawo nano momakooto somata afaaŋkota nombaa,” kaeŋ romoŋgoŋ hoŋa moŋ metogoŋ nero. Neŋ loya iwo laligoroti, ii kaaŋiadeeŋ muro nero.
549	GEN 22:1	Iwoi ii kolooro kambaŋ tosia tegoro Anutunoŋ Aabraham aŋgotete meŋ muro. Qata “Aabraham!” qaro iinoŋ “Nii koi nanjeŋ,” jeŋ meleeno.
559	GEN 22:11	Soo horomambaajoŋ ano iikanondeeŋ Pombaa gajobanoŋ Siwenoŋa Aabrahambaajoŋ kokaeŋ qaro: “Aabraham, Aabraham!” Kaeŋ qaro “Nii koi nanjeŋ,” jeŋ meleeno.
650	GEN 24:58	Kaeŋ jeŋ Rebeka qari karo kokaeŋ qisiŋ muri, “Gii eja kokawo kemambaa mojaŋ me qaago?” Qisiŋ muri “Saanoŋ kemaŋa,” jero.
700	GEN 26:7	Laligoro gomaŋ iikawaa ejia yoŋonoŋ embiaajoŋ qisiŋ mugi kokaeŋ jero, “Ii naanaga.” Kaeŋ jeŋ uutanoŋ kokaeŋ romoŋgoro: “Rebekawaa kaitanianoŋ iima-aiŋaiŋawo koloojiwaajoŋ eja iyoŋonoŋ mono iwaajoŋ ama nii nugi komumambo.” Kaeŋ romoŋgoŋ “Ii embanaga,” kaeŋ jemambaajoŋ keeta moma laligoro.
800	GEN 29:4	Jeikobnoŋ lama galeŋ ii kokaeŋ qisiŋ oŋono: “Eja alauruna, oŋo dakaya?” Qisiŋ oŋono “Nono Harambaajoŋa,” kaeŋ meleema mugi.
801	GEN 29:5	Meleema mugi kokaeŋ qisiŋ oŋono: “Oŋo Naahorwaa esia Laban moma muju me qaago?” Qisiŋ oŋono “Saanoŋ moma mujoŋ,” jegi.
981	GEN 33:20	Sewaŋa meŋ kanoŋ jiwowoŋ alata moŋ meŋ qata “El, Israelwaa beŋ Anutuya,” kaeŋ qaro. (El = beŋ)
1097	GEN 37:13	Iikanoŋ laligogi Israelnoŋ Joosef kokaeŋ ijoro: “Merana, goo daremuŋuruganoŋ Sekem kosianoŋ lama tuuŋnana galeŋ koma oŋoma laligojuti, ii mojaŋ. Saanoŋ koi kana wasiŋ gombe yoŋoonoŋ kemba.” Kaeŋ ijoro “Saanoŋ kemaŋa,” jero.
1389	GEN 46:2	Ii ooŋ gomantiiŋa ero jaaya meleeno uŋa iima iikanoŋ Anutunoŋ Israel qaa ijoŋ qata “Jeikob, Jeikob!” qaro “Nii koi,” jeŋ meleeno.
22639	JON 4:2	Iriŋa soono Poŋ welema muŋ kokaeŋ ijoro: “Ae! Poŋ, gii kiaŋkoomuwaa beŋa laligoŋ saanoŋ niniima kobooŋkejaŋ. Goo kaleŋmoriaŋga ii honoŋa qaa ero iriŋga ii uulaŋawo mende sooŋkeja. Kaeŋ uuga uulaŋawo olomooro wosomomo ama kanageso moŋ meŋ kileeŋ oŋomambaajoŋ mende momakejaŋ. Ii neenaa gomanoŋ laligoŋ moma yagoŋ gijoweti, ii duduujaŋ me qaago? Kania kawaajoŋ ama kambaŋ kanoŋ “Tarsis kemaŋa,” jeŋ uulaŋawo kokomomola meŋ kema laligowe.
23254	MAT 2:16	Momakooto eja yoŋonoŋ Juuda gomaŋ oloŋ mesaoŋ keŋgi Herodnoŋ iikawaa kania iima “Tiligoŋ noŋgi,” jeŋ iriŋa mamaga soono jeŋkooto kokaeŋ ano, “Manjaqeqe eja, oŋo Betlehem ano gomaŋ kuuya ii liligoŋ raji, iikanoŋ kema mera gbanigia woi ano iikawaa baatanoŋ koloojuti, ii mono kuuya uŋugi komuwu.” Momakooto eja widi asugirotiwaa kambaŋaajoŋ tororo qisiŋ oŋono ijogiti, iikawaa so mera gbanigiaajoŋ jeŋkooto ii ano.
23446	MAT 8:32	Welema mugi Jiisasnoŋ “Mono kema kemebu,” jeŋ jeŋ kotoŋ oŋono. Kaeŋ jeŋ kotoŋ oŋono iikanondeeŋ eja uugaranoŋga kouma kema bao uugianoŋ kemegi. Kemegi bao tuuŋ jumuŋa yoŋonoŋ mono luguŋ newonewoyanoŋ (siasiayanoŋ) kema jororoŋgoŋ apu aŋgonoŋ kemeŋ nemotoŋ komudaborogi.
23692	MAT 14:26	Kaŋ apu aŋgoŋ qaganoŋ riiŋ riiŋ karo gowokourutanoŋ ii iima aaruŋ toroko moma jeneŋgia ororo “Kowe Soŋgorinoŋ kaja,” jeŋ sombugia moma qama qa gigilaagi.
23695	MAT 14:29	Jiisasnoŋ ii moma “Saanoŋ kawa,” ijoro. Kaeŋ ijoro Piitonoŋ waŋgo mesaoŋ apu aŋgoŋ qaganoŋ riiŋ riiŋ kanaiŋ Jiisaswaanoŋ keno.
23736	MAT 15:34	Ii moma Jiisasnoŋ kokaeŋ qisiŋ oŋono, “Oŋoonoŋ bered dawi raja?” Qisiŋ oŋono “Bered 7 ano sora melaa tosaaŋa raja,” jeŋ ijogi.
23795	MAT 17:26	Kaeŋ qisiŋ muro meleema “Wabaya yoŋonoŋ,” jero. Kaeŋ jero Jiisasnoŋ kokaeŋ ijoro, “Kaeŋ amakejutiwaajoŋ kantri toya anana ii ambombaa so mende koloojoŋ.
23883	MAT 20:22	Kaeŋ ijoroto, Jiisasnoŋ meleema kokaeŋ jero, “Oŋo iikawaa kania mende moma yagoŋ welenju. Niinoŋ qambi aasoŋawo nemaŋati, oro ii saanoŋ neŋ siimbobolo mobaota me qaago?” Kaeŋ jero moma “Saanoŋ newota,” ijori.
23891	MAT 20:30	Kaeŋ kagi eja jaagoo woi kana goraayanoŋ rari. Rari “Jiisasnoŋ uruugumambaajoŋ anja,” jegi moma kokaeŋ qari, “Poŋ Deiwidwaa gbili, mono kiaŋkomuŋ noromba!”
24327	MRK 1:43	Solaŋaniro galeŋ meme qaa kotakota muŋ iikanondeeŋ “Saanoŋ kemba,” ijoro.
24330	MRK 2:1	Kaeŋ liligoro kambaŋ tosia tegoro Jiisasnoŋ eleema mombo gomaŋanoŋ Kaperneam karo. Karo “Mirinoŋ laligoja,” jegi mogi.
24339	MRK 2:10	Mobu, namonoŋ siŋgisoŋgo mesamesaowaa ku-usuŋa ii mono Siwe gomambaa Eja hoŋaanoŋ eji, oŋo iikawaa kaniaajoŋ tiŋtuaŋ laligowubo. Kawaajoŋ qaa lombotawo ii eja koi ijowe hoŋa iibu,” Kaeŋ jeŋ eja sele bakaya koomuyaa jaayanoŋ iima ijoro, “Niinoŋ gijojeŋ: Gii mono waama tambomaeega meŋ miriganoŋ kemba. Qaa biŋawo ii hoŋawo koloowaati eeŋ, qaa afaaŋa ii mono kaaŋagadeeŋ nomaembaajoŋ omaya koloonaga?”
24387	MRK 3:30	“Omenoŋ uutanoŋ kemerota laligoja,” kaeŋ jegitiwaajoŋ ama kaeŋ kuma oŋono. Kiaŋ.
24574	MRK 8:5	Kaeŋ ijogi kokaeŋ qisiŋ oŋono, “Oŋoonoŋ bered dawi raja?” Qisiŋ oŋono “Bered 7 raja,” ijogi.
24704	MRK 10:47	Raro “Nazaret eja Jiisas kaja,” jegi moma kanaiŋ kokaeŋ qaro, “Jiisas Deiwidwaa gbilia, mono kiaŋkomuŋ nomba!”
24715	MRK 11:6	Kaeŋ qisiŋ oroŋgi Jiisasnoŋ irijorotiwaa so jeri moma “Saanoŋ meŋ kembao,” jegi.
24722	MRK 11:13	Nenewaa komuŋ uuro keno fig gere moŋ seŋawo nano iiro. Iima “Seŋa uutanoŋ hoŋa raro mokolooŋ newenaga,” jeŋ fig gerewaa kanianoŋ keno. Kenoto, hoŋaa kambaŋanoŋ mende torirotiwaajoŋ seŋagadeeŋ nano iiro.
24742	MRK 11:33	Kawaajoŋ “Ii mende mojoŋ,” meleeŋgi. Kaeŋ meleeŋgi Jiisasnoŋ kokaeŋ iŋijoro, “Kaeŋ ano niinoŋ kaaŋagadeeŋ ilawoila koi amakejeŋiwaa ku-usuŋa moronoŋ nonoti, ii mende iŋijomaŋa.” Kiaŋ.
24760	MRK 12:18	Sadusii (Jigo gawombaa kaparaŋkoŋkoŋ) yoŋonoŋ “Komugiti, iyoŋonoŋ mende waabuya,” jeŋ laligogi. Yoŋoonoŋga tosianoŋ Jiisaswaanoŋ kaŋ kokaeŋ qisiŋ mugi,
24939	MRK 15:44	Qisiro “Oŋanoŋ komuja me qaago?” jeŋ romoŋgoŋ kawali galeŋa jero karo “Jiisasnoŋ kambaŋ koriga me toroga komuja,” jeŋ qisiŋ muro.
24943	MRK 16:1	Sabat kendoŋ ragi tegoro iikanoŋ Maria Magdalaga, Maria Jeimswaa nemuŋa ano Salome yoŋonoŋ “Jiisaswaa qamoya kema moriwoŋa,” jeŋ jiniŋ marae uŋkoowagawo sewaŋa megi.
25086	LUK 2:44	“Iinoŋ ejemba tuuŋlelembe yoŋowo kenja,” jeŋ weeŋ motooŋgowaa so kana kema sakiti ano alaurugara yoŋoo uugianoŋ qama moŋgani.
25109	LUK 3:15	Ejemba kuuya yoŋonoŋ “Jonoŋ Hamoqeqe Toya Kraist koloowabo,” kaeŋ jeŋ uugianoŋ romoŋgogi. Kawaa kania mobombaajoŋ geja qeŋ qeŋ laligogi.
25232	LUK 6:17	Jiisasnoŋ aposoluruta yoŋowo baaŋanoŋga kamaaŋ baloŋ korianoŋ kema naŋgi. Naŋgi gowoko tuuŋ somata ano ejemba tuuŋlelembe yoŋonoŋ iwaajoŋ ajorooŋ mamboŋgi. Yoŋonoŋ “Buŋaya jero moniŋ jinana meŋ qeaŋgowaa,” jeŋ iikawaajoŋ Judia prowins kuuya, Jerusalem siti ano kowe goraayanoŋga Taia ano Saidon taoŋ iikanoŋa kaŋ ajoroogi.
25344	LUK 8:30	Kaeŋ qaro kokaeŋ qisiro, “Gii qaga moro?” Omejiilaŋ mamaga uutanoŋ kemeŋ laligogitiwaajoŋ “Qanana Liijon jejoŋ,” jegi. Ii ananaa qaanoŋ Kere tuuŋ somata.
25346	LUK 8:32	Kosogianoŋ maroŋa kanoŋ bao tuuŋ somata moŋ gbojoja uutanoŋ kuluuma laligogi. Kawaajoŋ ome yoŋonoŋ kokaeŋ jeŋ welema mugi, “Gii saanoŋ jena nono bao yoŋoo uugianoŋ kemeboŋa.” Welema mugi “Mono kema kemebu,” jeŋ kotoŋ oŋono.
25361	LUK 8:47	Kaeŋ jero embanoŋ “Kaniana mokolooja,” jeŋ jeneŋa ororo kaŋ Jiisaswaa batanoŋ simiŋ kuma jiaa kania ano oosiriŋ iikanondeeŋ qeaŋgoroti, iikawaa kania asuganoŋ jero ejemba tuuŋ kuuyanoŋ mogi.
25421	LUK 9:51	Jiisasnoŋ Siwenoŋ umambaajoŋ ano. Kawaa kambaŋa torijiwaajoŋ Jiisasnoŋ nama “Jerusalem sitinoŋ kemaŋa,” jeŋ jeŋ kotiiŋ kanaiŋ kananoŋ keno.
25422	LUK 9:52	Kema qele waladeeŋ ano wala keŋgi. Kananoŋ kema laligoŋ Samaria prowinswaa gomaŋ moŋnoŋ keuma “Jiisas kawaatiwaajoŋ mozoqozojoŋ amboŋatiwaajoŋ kajoŋ,” jegi.
25423	LUK 9:53	Jegito, Samaria yoŋonoŋ Juuda ano Jerusalem jejewili ama oŋomakegitiwaajoŋ Jiisasnoŋ “Nii Judia prowinsnoŋ Jerusalem jigo waageŋ kemaŋa,” jerotiwaajoŋ miri aŋgoŋ koma yeizozogia mende iŋijogi.
25433	LUK 10:1	Kawaa gematanoŋ Poŋnoŋ gowoko tosaaŋa 72 ii meweeŋgoŋ oŋono. Aŋo “Taoŋa taoŋa gomaŋa gomaŋa kemaŋa,” jeŋ kanoŋ woi woi metogoŋ wala wasiŋ oŋono.
25434	LUK 10:2	“Wasiŋ oŋomaŋa,” jeŋ kokaeŋ iŋijoro mogi, “Anutuwaa gawonoŋ nene hoŋa mamaga momogoŋ ejato, ii meŋ kululuuwombaajoŋ gawoŋ meme ejemba anana afaaŋanoŋ laligojoŋ. Kawaajoŋ mono nene hoŋa masuqeqetaa Poŋa qama kooliŋ mugi gawoŋ meme ejemba wasiŋ oŋono hoŋa meŋ kululuuwu.
25804	LUK 19:4	“Jiisasnoŋ koi kaŋ nunuuguwaa,” jegi moma iimambaajoŋ bobogariŋ kema ejemba uŋuuguŋ Sikamore gere qaganoŋ uma raro.
25875	LUK 20:27	Sadusii boi paati yoŋonoŋ “Komugiti, iyoŋonoŋ mende waabuya,” jeŋ laligogi. Yoŋoonoŋga tosianoŋ Jiisaswaa jaanoŋ kouma kokaeŋ qisiŋ muŋ
25967	LUK 22:34	Kaeŋ meleenoto, Jiisasnoŋ ijoro, “Piito, niinoŋ kokaeŋ gijowe moba: Kurunoŋ kete mende qaro giinoŋ waladeeŋ “Ii mende moma mujeŋ,” jeŋ nii qakooma nona indiŋ karooŋ koloowaa.
25968	LUK 22:35	Jiisasnoŋ gowokouruta kokaeŋ qisiŋ oŋono, “Niinoŋ oŋo wala gesogia qaa, moneŋ gesogia qaa, kana esugia qaa kaeŋ wasiŋ oŋombe keŋgiti, kambaŋ iikanoŋ iwoi mombaajoŋ amamaagi me qaago?” Qisiŋ oŋono “Iwoi mombaajoŋ mende amamaaniŋ,” ijogi.
25971	LUK 22:38	Kaeŋ iŋijoro gowokourutanoŋ ijogi, “Poŋ iiba, manjawaa soo somata woi koi rajao.” Kaeŋ ijogi “Ii sokonja,” jeŋ meleema oŋono. Kiaŋ.
26097	LUK 24:37	Kaeŋ iŋijoro toroko moma jeneŋgia ororo “Ome kokoosuga iijoŋ,” iikaaŋ romoŋgogi.
26242	JHN 4:17	Kaeŋ jeŋ kotoŋ muro “Nii lona qaa,” jeŋ meleeno. Meleeno kokaeŋ ijoro, “Gii ‘Lona qaa,’ qaa ii oŋanoŋ jejaŋ.
26278	JHN 4:53	Ijogi momoya kokaeŋ kolooŋ asariro: Ahaa! Jiisasnoŋ “Meraganoŋ mono qeaŋgoŋ laligowaa,” jeroti, mono aua iikanondeeŋ qeaŋgojaa. Qaa ii moma asariŋ ii ano sumaŋuruta kuuya yoŋonoŋ uugia meleema Jiisas moma laariŋ mugi.
26409	JHN 7:12	Ejemba tuuŋ yoŋonoŋ batugianoŋ Jiisaswaajoŋ saŋe qaa mamaga jegi. Tosianoŋ “Eja ii awaa soro,” jegito, tosianoŋ kokaeŋ jegi, “Qaago! Iinoŋ mono ejemba tuuŋlelembe eŋkaloloŋ ama meŋ oŋono kaamaa kolooŋkeju.”
26521	JHN 9:12	Kaeŋ meleema oŋono kokaeŋ qisigi, “Eja ii dakanoŋ laligoja?” Qisiŋ mugi “Mende mojeŋ,” jero. Kiaŋ.
26522	JHN 9:13	Eja jaagoo laligoroti, iinoŋ “Mende mojeŋ,” jero ejembanoŋ ii wama Farisii (Kana qaawaa kaparaŋkoŋkoŋ) yoŋoonoŋ keŋgi.
26526	JHN 9:17	Kaeŋ deema eja jaagoo iikawanoŋ mombo eleema kaŋ jegi, “Jaaga metooroti, iwaajoŋ mono nomaeŋ jewaga?” Kaeŋ jegi “Gejatootoo ejaga kolooja,” jero.
26612	JHN 11:20	Ragi Martanoŋ “Jiisas kaja,” jegi moma miri mesaoŋ kananoŋ kema mokolooroto, Marianoŋ mirinoŋ raro.
26659	JHN 12:10	Kaeŋ kougito, jigo gawoŋ galeŋ yoŋonoŋ “Lazarus kaaŋagadeeŋ qeniŋ komuwa,” jeŋ qaa somoŋgogi.
26961	JHN 20:25	Tomasnoŋ karo gowoko tosianoŋ “Nono Poŋ iijoŋa,” jegi moma kokaeŋ jero, “Jaananoŋ biriŋ lopoya borianoŋ iima boro susunanoŋ maroŋanoŋ oosirimaŋati eeŋ, ii saanoŋ moma laarimaŋa. Nii neeno ii mende oosirimaŋati eeŋ, mono qaagadeeŋ nijogi ii mende moma laarimaŋa.”
26979	JHN 21:12	Hoŋa ii iigi Jiisasnoŋ kokaeŋ iŋijoro, “Mono kaŋ gomaambawaa neneya newu.” Kaeŋ jero moma kaŋ “Ii Poŋnanaga,” kaeŋ moma kotogito, gowoko yoŋoonoŋga moŋnoŋ “Gii moronoŋ?” kaeŋ qisimambaajoŋ uulombo moma mende qisiro.
27154	ACT 5:26	Kaeŋ iŋijoro jigowaa kiropo galeŋ waŋanoŋ opotoro uŋuano keŋgi. Kema “Ejembanoŋ jamo giliŋ nunuwubo,” jeŋ toroko moma lolooŋkotagadeeŋ jiwowoŋ jigonoŋ uma aposol uŋuama kagi.
27168	ACT 5:40	Gamalielnoŋ kaeŋ iŋijoro gejanono qaaya aŋaliŋ aŋgoŋ koma otaagi. Ii otaaŋ aposol oŋooŋgi kougi opotorowaajoŋ jegi raunakapaŋ meŋ oŋoŋgi. Raunakapaŋ meŋ oŋoŋgi jigo kaunsol tuuŋ yoŋonoŋ aposol ii Jiisaswaa qatanoŋ qaa moŋ toroqeŋ jewubotiwaa soŋgo kotakota ama oŋoma “Kamaaŋ kembu,” jegi.
27175	ACT 6:5	Kaeŋ iŋijogi tuuŋ kuuya yoŋonoŋ “Saanoŋ sokonja,” jegi. Kaeŋ jeŋ eja qata Stiiwen meweeŋgogi. Stiiwen ii Anutu kotakota moma laariŋ muro Uŋa Toroyanoŋ uuta saa qero laligoro. Toroqeŋ eja kokaaŋ meweeŋgoŋ oŋoŋgi: Filip, Prokorus, Nikanor, Timon, Parmenas ano Nikolas. Nikolas ii waba kantriwaa siti qata Antiokia kanoŋ kolooŋ kanageŋ Juuda ejaga kolooŋ uuta Kraistwaanoŋ meleeno.
27254	ACT 8:9	Korisoro eroto, Samaria siti kanoŋ oweŋ jenaŋ eja moŋ qata Saimon laligoro. Iinoŋ gbani tosaaŋa suuqaŋgoroŋ hamoqeqe gawoŋ meŋ Samaria ejemba waliŋgoŋ oŋono laligogi. Kaeŋ laligogi “Eja uuta koloojeŋ,” jeŋ iyaŋaajoŋ moro uro.
27421	ACT 12:15	Iŋijoro moma iwaajoŋ “Uuga sooro jejaŋ,” jegi. Jegito, iinoŋ waŋ qeŋ “Qaa oŋia jejeŋ!” iŋijoro. Kaeŋ iŋijoro jegi, “Ii mono Piitowaa gajobayanoŋ nanja.”
27475	ACT 13:44	Sabat kendoŋ moŋ kaŋ kuuroti, iikanoŋ taoŋ baloŋ iikawaa ejembaya ii kololooŋ “Anutuwaa Buŋa qaa moboŋa,” jeŋ kouma ajoroogi.
27492	ACT 14:9	Poolnoŋ Buŋa qaa jero moma raro uuŋ kania kokaeŋ iima romoŋgoro, “Iwaa uutanoŋ momalaaria eŋ murotiwaajoŋ ama saanoŋ qeaŋgowaa,” kaeŋ jero.
27497	ACT 14:14	Kaeŋ aŋgi aposolwoi yoronoŋ ii moma “Mende sokonja,” jeŋ qotogoŋ selekopaagara menjurama uulaŋawo ejemba tuuŋ uutanoŋ kema qari.
27534	ACT 15:23	“Eja ii wasiŋ oromboŋa,” jeŋ tere moŋ kokaeŋ ooŋ borogaranoŋ aŋgi, “Momalaariwaa waba alaurunana, Antiokia siti ano Siria ano Silisia balonoŋ laligojuti, nononoŋ oŋoo joloŋgia jejoŋ. Aposol nononoŋ momalaari kanagesowaa jotamemeya yoŋowo oŋoo uumeleeŋ alaurugiaga koloojoŋ. Kaeŋ oŋowo qaa amiŋ mobombaajoŋ tere ama oŋonjoŋ.
27544	ACT 15:33	Meŋ kotiiŋ oŋoma kambaŋ tosaaŋa kanoŋ toroqeŋ laligori. Laligori tegoro uumeleeŋ alaurugara yoŋonoŋ “Luaewo kembao,” jeŋ wasiŋ oroŋgi. Jerusalem laligori wasiŋ oroŋgiti, Juudasnoŋ yoŋoonoŋ eleeno.
27558	ACT 16:6	Liligoŋ laligoŋ “Eisia prowinsnoŋ kema Buŋa qaa jeŋ asariwoŋa,” jegito, Uŋa Toroyanoŋ soŋgo ama aŋgoŋ koma oŋono. Kawaajoŋ yoŋonoŋ toroqeŋ kema Frigia ano Galesia prowins woi ii eeŋ kotoŋ uruuguŋ keŋgi.
27654	ACT 18:28	Ilaaŋ oŋoma “Jiisasnoŋ Hamoqeqe Toya kolooja,” jeŋ iikawaa kania ii Buŋa Terewaa qaaya qaaya weeŋgoŋ kanoŋ qendeema oŋono mogi. Juuda yoŋonoŋ qaa ii moma jenoŋkooli aŋgi niinoŋgiinoŋ kolooroto, Apolosnoŋ Anutuwaa ku-usuŋ qaganoŋ nama qaagia asuganoŋ qewagoro kamaagi. Kiaŋ.
27710	ACT 20:16	Poolnoŋ “Yambuyambu dologa (Pentekost) ii batogoŋ kema Jerusalem sitinoŋ ramaŋa,” jeŋ kambaŋ tiwilaawombotiwaajoŋ uulaŋawo kembombaajoŋ moro. Kawaajoŋ Eisia prowinsnoŋ kambaŋ koriga tiwilaawombotiwaajoŋ moma waŋgonoŋ uma Efesus siti uuguwombaa qaaya somoŋgoro laligoniŋ. Kiaŋ.
27735	ACT 21:3	Kema laligoŋ wato moŋ qata Saiprus iikawaa kosianoŋ kaŋ iima misiŋgoŋ Saut waageŋga uuguŋ toroqeŋ haamonoŋ naŋgoro Siria prowins waageŋ keniŋ. Kema “Waŋgowaa hinaya ii Taia taonoŋ kema waŋgonoŋga meŋ amboŋa,” jegitiwaajoŋ iikanoŋ keniŋ. Iikanoŋ kema waŋgo mesaoŋ kemeniŋ.
27772	ACT 21:40	Kaeŋ jero “Saanoŋ jewa,” ijoro Poolnoŋ donoŋ nama ejemba oŋoojoŋ boro kuno. Boro kuno guju mesaoŋ qaagia bogoro naŋgi Hibruu qaanoŋ qaa kokaeŋ jero,
27801	ACT 22:29	Kaeŋ jero eja qisiŋ mubombaajoŋ aŋgiti, iyoŋonoŋ iikanondeeŋ mesaoŋ eleema keŋgi. Poolnoŋ “Nii Room gawmambaa paaspoot meŋ laligojeŋ,” jero kawali galeŋ waŋanoŋ ii moma Room ejaga gbadooŋ murotiwaajoŋ ama awawaliŋ sombuya moro. Kiaŋ.
27836	ACT 23:34	Ooŋgi tere weeŋgoŋ “Pool ii naa prowinswaajoŋ?” jeŋ qisiŋ oŋono. Qisiŋ oŋono “Silisia prowins ejaga,” kaeŋ ijogi.
27846	ACT 24:9	Kaeŋ jero Juuda ejemba yoŋonoŋ kaaŋagadeeŋ “Qaa kuuya ii oŋanoŋ,” jeŋ wambelaaŋ ii naŋgoŋ toroqeŋ selianoŋ kuuŋ jeŋ mugi. Kiaŋ.
27934	ACT 27:11	Galeŋ meme qaa kaeŋ jeroto, kawali galenananoŋ Poolwaanoŋ qaa ii qotogoŋ waŋgo toya ano meleŋqeleeŋ loqa (steer) galeŋa yoronoŋ “Saanoŋ kemboŋa,” jeriti, kawali galenananoŋ qaagara ii moma laariro.
27936	ACT 27:13	Kembombaa qaa kaeŋ jegi haamonoŋ osoŋosoŋ kanaiŋ Saut waageŋga qero. Qero “Saanoŋ kema areŋnana otaaŋ Fiiniks iiboŋa,” jeŋ romoŋgoŋ nama waŋgowaa kasa mindaŋa mesuŋgi kouro. Kouro waŋgonoŋ lolooro haamonoŋ naŋgoro sosooda nunuano Kriit watowaa goraaya metetereeŋ kosere keniŋ.
27950	ACT 27:27	Waŋgonananoŋ Kowe Baloŋ Batugaranoŋ (Mediterranean Sea) iikawaa bakaya qata Adria Kowe iikanoŋ eeŋ laŋ keno gomantiiŋa 14 kolooro. Ii kolooro gomantiiŋa biiwia kanoŋ waŋgo gawoŋ meme eja yoŋonoŋ “Mono baloŋ moŋ dodowijoŋ,” jeŋ uugianoŋ kaeŋ mogi.
27962	ACT 27:39	Gomaŋ ano baloŋ iima ii mende moma kotogi. Mende moma kotogito, kowe waŋgoŋa (bay) sakasiŋawo moŋ mokolooŋ iigi. Ii iima “Mono waŋgo meleema batogoŋ iikanoŋ keubonaga,” jeŋ qaa somoŋgogi.
27973	ACT 28:6	Kaeŋ jeŋ iigigiiŋ “Selia somariiŋ osaawaa me uulaŋawo komuŋ balonoŋ tama kamaaŋ kombaa,” kaeŋ jeŋ akakariŋ iima mamboma naŋgi. Kambaŋ koriga mamboma naŋgito, Poolwaa selianoŋ iwoi bologa moŋ mende kolooro. Kaeŋ kolooro roromoŋgia meleeno jegi, “Oo, eja koi mono beŋ ejaga kolooja.”
28019	ROM 1:21	Anutuwaa kania moma kotoŋ laligogito, kileŋ “Iinoŋ beŋnanaga,” kaeŋ mende jeŋ ii mende mepeseegi qabuŋaya batugianoŋ mende kolooro. Kaeŋ mende kolooroto, qaa omaya lansaŋ romoŋgogi momogianoŋ looriro moto koloogi. Uu momakootogia qaa iikanoŋ mono umuŋ koma paŋgamaŋ mero tiŋtuaŋ laligoju. Kawaajoŋ “Anutuwaa kania mende mojoŋ,” jeŋ mondomondo laŋ aŋgi mende sokonja.
28020	ROM 1:22	“Momakooto ejemba laligojoŋ,” jeŋ selegia meŋ uma laligogito, iikaaŋa kanoŋ ejemba uugia qaa kolooju.
28036	ROM 2:6	Anutunoŋ mono “Nanamemenanaa so motomotooŋ ananaajoŋ kitia meleema nonombaati,” ii kokaeŋ:
28047	ROM 2:17	Gii geeŋgaa qaga Juuda ejaga qama Kana qaanoŋ hamo qeŋ gombaatiwaajoŋ moma laariŋ “Anutuwaa buŋa koloojeŋ,” jeŋ selega mepeseena sokonja me qaago?
28049	ROM 2:19	Gii “Saanoŋ jaagoo ejemba ala ilailaagia kolooŋ uŋuamaŋa,” jeŋ awelegoŋ aoŋkejaŋ. Paŋgamanoŋ laligojuti, ii meŋ asariŋ oŋombagatiwaa so awasaŋkaka koloojaŋ.
28051	ROM 2:21	Kaeŋ jeŋ tosaaŋa kuma oŋoma naambaajoŋ geeŋga mende kuma aoŋkejaŋ? “Yoŋgoro mende mewa,” jeŋ ejemba uugia kuuŋ oŋomakejanto, geeŋgo yoŋgoro meme koloona mende sokonja.
28052	ROM 2:22	“Serowiliŋ mende amba,” kaeŋ iŋijona mogito, geeŋgo serowiliŋ anjaŋ me qaago? Tando lopioŋ sisi meŋ oŋomakejanto, kileŋ geeŋgo jiwowoŋ jigonoŋ uma iwoi aŋgoŋ koma leiŋ qeŋ meŋkejaŋ. Ii mende sokonja.
28265	ROM 10:9	Anutunoŋ Jiisas meŋ gbiliro koomunoŋga waaro. Giinoŋ qaa ii uuwomboganoŋ moma laariŋ je buu susuganoŋ “Jiisasnoŋ Poŋna kolooja,” kaeŋ jeŋ asugijaŋi eeŋ, mono hamo qeŋ gono letomba.
28290	ROM 11:13	Niinoŋ qaana koi Juuda oŋoojoŋ qaagoto, waba kantri kanageso oŋoojoŋ jejeŋ. Niinoŋ waba kantri oŋoonoŋ wasiwasi eja aposol koloojeŋiwaajoŋ “Gawona qabuŋayawo kolooja,” jeŋ kaeŋ romoŋgojeŋ.
28298	ROM 11:21	Anutunoŋ aŋaa geriaa boria hoŋa mende iŋiima kobooŋ Juuda kanageso kotoŋ oŋonoti eeŋ, oŋo mono “Saanoŋ niniima koboowaa,” kaeŋ jewubo. Eeŋ kaaŋa romoŋgoŋ tondu laligowubo.
28343	ROM 13:9	Jeŋkooto qaa waŋa ii kokaeŋ, “Geeŋga jopagoŋ aoŋkejaŋi, iikawaa so mono tosaaŋa kuuya jopagoŋ oŋomakeba.” Qaa kawaa uutanoŋ jeŋkooto qaa koi kaaŋa eju, “Serowiliŋ mende amba,” “Ejemba moŋ mende qena komuwa,” “Yoŋgoro mende mewa,” “Iwoiwaajoŋ mono mende koposoŋgowa.” Ii ano jeŋkooto qaa tosia kuuya ii mono qaa waŋa iikawaa newoyanoŋ kolooju.
28443	1CO 1:12	Kokaembaajoŋa ii jejeŋ: Oŋoonoŋga tosianoŋ kokaeŋ jeŋkeju, “Nononoŋ Poolwaanoŋ qaa otaaŋkejoŋ.” Tosianoŋ “Nononoŋ Apoloswaanoŋ qaa otaaŋkejoŋ,” jeŋkeju. Toroqeŋ tosianoŋ kokaeŋ jeŋkeju, “Nononoŋ Piitowaanoŋ qaa otaaŋkejoŋ.” Duŋanoŋ mombo tosianoŋ kokaeŋ jeŋkeju, “Nononoŋ Kraistwaanoŋ qaa otaaŋkejoŋ.”
28446	1CO 1:15	Kawaajoŋ “Poolwaa qatanoŋ oomulu meŋ nonoŋgi,” moŋnoŋ qaa omaya kaeŋ jewabo.
28496	1CO 3:18	Moŋnoŋ aŋaa baloŋ momoya otaaŋ tiligoŋ aowabo. Oŋoo batugianoŋ moŋnoŋ iyaŋaajoŋ moro “Balombaa momakooto uuta meŋ laligojeŋ,” jeji eeŋ, iinoŋ mono wala uuta qaa kolooŋ iikaaŋa kanoŋ momakooto hoŋa mokoloonaga.
28511	1CO 4:10	“Kraistwaajoŋ nama uuta sooro laligoji,” noojoŋ kaeŋ jeŋkejuto, oŋonoŋ Kraistwo nama momo ejemba akadamugiawo koloojutiwaa tani kolooju. Niinoŋ loolooria koloojento, oŋonoŋ “Ejemba kotiga koloojoŋ,” jeŋkeju. Ejembanoŋ oŋo goda qeŋ oŋomakejuto, noojoŋ mogi kamaaro jejewili ama nomakeju.
28587	1CO 7:32	Oŋo balombaa lombotaajoŋ majakakagia qaa laligowutiwaajoŋ mojeŋ. Ejemba masaraŋa laligoji, iinoŋ mono Pombaa ilawoilawaajoŋ majakaka momakeja. Ii moma “Nomaeŋ ambe Pombaa uutanoŋ qeaŋgoro sokonaga,” aŋaajoŋ kaeŋ jeŋkeja.
28588	1CO 7:33	Kaeŋ jeŋkejato, emba meŋ laligoji, iinoŋ mono balombaa ilawoilawaajoŋ majakaka momakeja. Ii moma “Nomaeŋ ambe embanaa uutanoŋ qeaŋgoro sokonaga,” aŋaajoŋ kaeŋ jeŋkeja.
28589	1CO 7:34	Poŋnoŋ leegeŋ embianoŋ leegeŋ awaraŋgoŋ momoya horori uutanoŋ deeno laligoja. Kaaŋiadeeŋ emba loya qaa ano emba saraŋ masaraŋa laligojaoti, iyoronoŋ mono Pombaa ilawoilawaajoŋ majakaka momakejao. Ii moma “Nomaeŋ ambe uŋana ano sele busuna soraaya kolooro Pombaajoŋ sokonaga,” iyaŋgaraajoŋ kaeŋ jeŋkejao. Kaeŋ jeŋkejaoto, eja meŋ laligoji, iinoŋ mono balombaa ilawoilawaajoŋ majakaka momakeja. Ii moma “Nomaeŋ ambe lonaa uutanoŋ qeaŋgoro sokonaga,” aŋaajoŋ kaeŋ jeŋkeja.
28597	1CO 8:2	Moŋnoŋ “Qaa mombaa kania moma yagojeŋ,” ii jetanoŋ jeji, iwaa momakootoya hoŋanoŋ mono mende kolooro toroqeŋ tompiŋ laligoja.