24310	MRK 1:26	Pe sinel kuti iruhyon orngon kuti ile puko‑on, inum pe idehel ile mo‑on pe indreh iyeu.
24334	MRK 2:5	Yesus iltuwei ihpa ndre bilip ta su ti mandra‑an, ile pe Iy ipe ile tan orngon kakukuw ihpa, “Nedu, Yu undra‑as to-ir tadam handra‑au.”
24341	MRK 2:12	Orngon ti itlang, ikuni lokowon, pe illa iyeu iyus mada’ sa lau ndre sulo‑on. Sa ndre sulo‑on hehretek pe hemesi‑iy, pe hesori rangan Lapan ile eleng. Pe sa hapa ihpa, “Odu hepe etsenendre‑et hangka‑an ihpa kuti pwi uu ndre mahkele.”
24344	MRK 2:15	Ndruwen erti pe Yesus ile ilyo‑on song ile um ta Livai. Su se ndramat odo takun takis pe sa ndramat se mo‑osa, hala yi pe hana‑an song hodo ke hondroh ndroda Yesus pe su lewen.
24354	MRK 2:25	Yesus isomwi su ihpa, “Oduu ti hepe edempo rit pohtidi‑iy tan Devit iyin buk tam Profet Samuel ti ndre pwi? Idu mundrun ndre Abiatar ti hetpris, Devit pe su lewen hamat song pe hala lon omwen Lapan, pe hani bret odo ofa illa ta Lapan. Bret erti immin purmadan Lapan, pe sa lau ke porah we hendreyo‑on pwi. Sa pris kopwi we heyo‑on. Odoke Devit iyo‑on, pe itou se ile ana’ su lewen yi. Oduu edempo ridim nolou kuti ndre pwi?”
24366	MRK 3:9	Ile pe Yesus ipe ile ta su disaipel Tadan ihpa, “Sa lau pohpou pohpou hansa. Etpondrih sih ndrol ki‑in, kihne sa hoportai hasa mukehe pe horotawe Yu. Pe uh sa hapa heseporoh Yu, eri Yu we kundreh kile ndrol pe kule mahun odo ta sa.”
24369	MRK 3:12	Odoke Yesus ineyahat ana’ su ile puko‑on, ipe su hapahran Iy ti si eri kolwii.
24385	MRK 3:28	“Yu kupwe ndre ndrokene kile taduu. Lapan we ki‑es to‑ir ndre sulo‑on ndre sa ndramat hompo. Pe nolou mo‑on ndre sa ndramat hampa ile pule‑en Lapan, eri Lapan we ki‑es ke‑eu,
24423	MRK 4:31	Kapman ta Lapan ti ihpa ndre mbrwen kei he‑ei sa hana‑an, rangan mastet. Mbrwen mastet ti indrahpa ndre mbrwen kei se ti pwi. Mbrwen ti lehyen lehyen lakopwi. Pe sa hentohon illa lo langah.
24424	MRK 4:32	Sa ndre hendretohon kah ti pe iy inerenge, pe inehluwen kei ndre sulo‑on odo langah. Ndrandran ti halla mandra‑ane, pe lon ndrandran ti wo‑on. Ile pe nenka‑an halla henemandro pe hentumwe emwe’ su honto eriy.”
24429	MRK 4:37	Langat mandra‑an inguh pe ihnan payau hala mandra‑an, ile pe wo inehturu ile lon ndrol, pe ndrol ipe kiruh.
24435	MRK 5:2	Yesus indreh ile pwoi odo ndrol, pe orngon homou ihtot ile hun Iy. Orngon kuti sinel imin pule‑en, pe ine‑en lon ngat odo matmat. Sa lau henehndruhus iy tahit. Sa henehndruhus iy ile sen ti tahit yi.
24446	MRK 5:13	Yesus ipahran pe su ha‑au odo mundren orngon kuti pe hondroh hala tam puu. Eri pe puu ndre sulo‑on, mukehe ndre pwerungeh (2000), hohtot hala ma‑au pe hondroh hala lon ndras. Su ndre sulo‑on hamat.
24498	MRK 6:22	Su ndre hana‑an song ti pe nedun Herodias pihin ile lon um pe indren ise purmada’ su. Herot ndrodan ndre su lau hana‑an song ti hahwaso‑o’ su ndran tan enihin kutih. Ile pe Herot ipe ile tan enihin kuti ihpa, “Homosa ou wasu‑um, eri yu we kuduwe tadam.”
24510	MRK 6:34	Yesus indreh ile pwoi odo ndrol, pe iltuwe sa lau sulo‑o’ sa lakopwi. Pe Iy ikarndrum su ile mandra‑an, odosa su hahpa ndre sipsip ndre homou madan indriso ta su pwi. Ile pe Iy itou punou pe tatuhne ile ta su odo sane sulo‑on.
24512	MRK 6:36	Apa kile ta sa lau ha‑au, kile pe sa hala lok ndre he‑en mukehe ti pe hesih ana’ su song pe hoyo‑on.”
24513	MRK 6:37	Pe Yesus ipe ihpa, “Oduu ti we otpo song pe su hoyo‑on.” Su hehndremte Yesus, “Ou wasu‑um apa odu otpo rupweu moni pe atla sihsih bret ana’ su pe su hoyo‑on, erih?”
24545	MRK 7:13	Iy lo ndre oduu edempo kuti inahnan lo ndre ndramat ihnan ti illa puko‑on, pe Lo ndre Lapan iduwei ti illa hangka‑an ke porah. Pe oduu edemposisihen sane sulo‑on yi ihpa ke kutih.”
24552	MRK 7:20	Pe Yesus ipe lakopwi yi ihpa, “Sane ndre honu‑us lon ndrinen ndramat hassa kiu ti hanahnan ndramat illa mo‑on odo madan Lapan. Lon ndrinen ndramat ti intawe tawene mo‑osa pe pahna. Lon ndrinei ti intawe tawene odo up ndramat kimet, ndramat impo kowos ile tam pedih pe kamal mbrulndrat, pe ndre‑em putmo‑oi. Lon ndrinei ti intawe taheweh, ndringis sane ta lau homou yi, mah‑ah pwi odo punou mo‑on, ndramat hassap sa, taninen ndramat homou yi pe sane sulo‑on mo‑osa yi. Iy sane kuti honu‑us lon ndrinen ndramat pe henahnan ndramat illa mo‑on odo madan Lapan.”
24566	MRK 7:34	Pe iy indre‑et ile eleng ile heven, ihti ngohon puko‑on, pe ipe ile tan orngon kuti ihpa, “Efata!” (Iy erti ihpa, “Erwei!”)
24572	MRK 8:3	Uh Yu kupwe kile ta su ha‑au, eri su we mada’ su kinun pe helkis odo sal, odosa su hamat song pe Yu undrupo song ile ta su pwi tih. Su se ti ho‑us alau pe hasa ketih.”
24588	MRK 8:19	Idu kalmene‑en Yu uptan bret ndre limihir pe su lau ndre polimngeh (5000) hoyo‑on, pe tikin herswe ti oduu etehen ile ndrop ndre heksi?” Su hahpa, “Sungoh-pe-ruhet.”
24620	MRK 9:13	Yu kah kunen kile ta oduu. Elaijah ti insa kah. Odoke sa lau hepupu‑uh punou mo‑on ile pule‑en, ihpa ndre nolou iyin Buk ta Lapan ipe we kihpa ndre eriy tih.”
24627	MRK 9:20	Su lumwe’ su ise lumwen anah kuti ile hu Yesus. Sinel imin pule‑en anah kuti indroni Yesus ti pe ihnan anah ti iselke‑e, pe anah ti ideketi ile poi pe ingkilkil. Anah ti mbruse‑en le.
24633	MRK 9:26	Sinel ti idehel ile mo‑on, pe irson anah kuti ile poi, inum pe indreh iyeu. Anah kurti hepe mehleu pwi iyin poi, pe sa lau ndre sulo‑on hapa yi iy indrimat.
24642	MRK 9:35	Yesus imin pwoi oh pe iyuwen su, pe ipe ile ta su ihpah, “Iy si lau ndre ipe ki‑in munen eri kiduwe iy kise pahndra’ sa ndre sulo‑on, pe kiduwe iy kile ndramtan marai ta sa ndre posingat.”
24650	MRK 9:43	Uh hakai lumwem kihnan ou opo to‑ir, eri emndrelei pe epiyen ke‑eu. Kile huyen ti ou lumwem ke hakai pe ala heven. Kihne ou lumwem ndre rukei pe sa hepiyen ou ala hel. Yih odo hel ti isemat pwi.
24652	MRK 9:45	Pe uh ndrikem hakai ti kihnan ou opo to‑ir, eri ou emndrelei pe epiyen ke‑eu. Ou ndrikem ke hakai pe ala heven ti huyen. Kihne ou ndrikem rukei pe sa hepiyen ou ala hel.
24654	MRK 9:47	Pe uh sih madam ti kirwi ou pe ou opo to‑ir, eri etluhtii pe epiyen ke‑eu. Kile huyen ti ou madam ke sih pe emin lon kapman to Lapan. Kihne ou madam ndre ruweh pe sa hepiyen ou ala hel.
24656	MRK 9:49	“Sa hentawe sol illa mundren song pe yohou odo ofa ndre sulo‑on, kile pe ofa ti kile huyen odo madan Lapan. Yih ti ihpa ke eriy. Yih ti we kihir ta sa lau ndre sulo‑on.
24661	MRK 10:4	Su hapa ihpah, “Moses ti ipe huyen. Moses ipe uh homou kamal ipe ki‑es mbrulun ke‑eu, eri iy kamal erti we kidetorwe nolou odo somendrih osou, kinum pe kiduwe kile lumwen iy pedih ti pe ki‑es iy ke‑eu.”
24687	MRK 10:30	eri tadan sane ti we hehir kile sulo‑on sulo‑on. Iy mapwi ndre kimin lokpoi eri Lapan we kihngahang iy sane sulo‑on sulo‑on, we kihluwen sane ndre iy tadan munen tih. Lapan we kihlingi iy um sulo‑on, tinton sulo‑on, timso‑on sulo‑on, tinen sulo‑on, nedun sulo‑on pe poi sulo‑on. (Odoke sa ndramat we hampa ke iy pe henahnan mandro‑on killa mo‑on.) Pe ndre omur ti iy we kile lok huyen ndroda Lapan.
24700	MRK 10:43	Odoke oduu ti we etndrahpa erti pwi. Uh iy si ta oduu ipe kile mandra‑an, eri iy we kile lewen marai ta sa ndre sulo‑on.
24720	MRK 11:11	Yesus ihir Yerusalem pe ile lon omwen surok mandra‑an. Iy iturtur sane ndre sulo‑on, odoke lok ti ke ipe kile lukumwen, ile pe Iy iyeu ile yi ndre Betani. Su disaipel Tadan ndre sungoh-pe-rumuu ti ho‑us Iy.
24722	MRK 11:13	Iy indroni fik he‑ei, pe illa ile kendrun. Iy ipe kihne fik ti sengin, kile pe Iy kiyo‑on. Iy ihir kendrun fik ti, odoke fik ti sengin hendre‑en pule‑en pwi. Fik ti ndrowuyen mapwi, ndron kopwi iyin pule‑en.
24734	MRK 11:25	Pe uh, oduu otto eleng pe etsurok, pe atawonon homou lau ipu handrai punou mo‑on ile pule‑e’ oduu, eri oduu ada‑amelyen, kile pe Tama’ oduu ilmin heven ti kolon ke‑eu odo to‑ir taduu.”
24736	MRK 11:27	Yesus pe su disaipel hala yi ndre Yerusalem. Yesus inelila iyin lon sariyen omwen surok mandra‑an ti pe su pris mandra‑ane, su tisa odo lo, pe su lau nusuwo’ su odo lotu hala hun Iy.
24779	MRK 12:37	Devit ti iyuw Kristus ile Lau Mandra‑an, pe ihpa kehe pe Kristus ti we Devit kiduwe Iy?” Sa lau sulo‑on hentahrung Yesus, pe su hepwo-es mandra‑an ile nolou Tadan.
24783	MRK 12:41	Yesus imandro imin ndruhun piyi moni odo omwen surok mandra‑an, pe inendre‑et sa lau halla pe hempiyi moni odo hehnuwii omwen surok ertih. Sa lau ta sa moni sulo‑on ti hala pe hempiyi moni mandra‑ane ile lon ndruhun moni.
24808	MRK 13:22	Odosa, kristus taheweh pe profet taheweh, eri sulo‑on we hehir. Pe su we hopo mirakulo sulo‑on, hapa kile pe herwi su ndramat ndre Lapan ipe Tadan tih. Ipe ye su hanon, eri su we herwi su lau lewen Lapan.
24812	MRK 13:26	“Pe kidu iy ndre sane odo lom parar hohmo‑on, eri sa ndramat we heltuwe Nedun Ndramat kise pwoi odo lon kohut, ndrodan ndre puko‑on pe raman mandra‑an.
24813	MRK 13:27	Iy we kihtakalan su engel Tadan we hala lokpoi ndre mandra‑an, pe hadaparngan sa ndramat ndre Lapan ipe Tadan su tih.”
24833	MRK 14:10	Yudas Iskariot ti iy homou odo lo’ su lewen Yesus ndre sungoh-pe-rumuu. Iy ile hu su pris mandra‑ane, pe ipe ile ta su ipe we ki‑in munen su, pe su hondrotowe Yesus.
24856	MRK 14:33	Iy ikuni ke Pita, Jems pe Jon ho‑us Iy. Iy mundren ile pede‑en, pe lom mundren ndre homou ti ngendre‑en ile puko‑on lakopwi. Pe Iy inuh ile mo‑on.
24858	MRK 14:35	Iy ile ndre alau hepe ti pe ideketi ile poi, pe isurok ipe uh Lapan waso‑on, eri kiduwe ngendre‑en ndre Iy kawe kikun ti ke‑eu.
24876	MRK 14:53	Su lau ndre hondrotowe Yesus ti hokuni Iy ile um ta hetpris. Su pris mandra‑ane ndre sulo‑on, su lau mandra‑ane odo lotu, pe su sape ndramat odo lo, su ndre sulo‑on ti hodo um ta hetprisa.
24887	MRK 14:64	Oduu etndretahrungi Iy mahkele kopwi impa nolou mo‑on ile pule‑en Lapan tih! Oduu atawene ihpa kehe?” Su ndre sulo‑on hapa Iy indretaparan Lo mandra‑an, ile pe we hapwi Iy kimet.
24896	MRK 15:1	Idu maping ndre lik ti pe su pris mandra‑ane, sa lau mandra‑ane odo lotu, pe su sape ndramat odo lo, ndrodan ndre su jas ndre sulo‑on ta su Yuda, heduwe tawene ile ke sih. Pe su hehndrusi lumwen Yesus ile osukei inum pe hokuni Iy ile um tam Pailat.
24898	MRK 15:3	Su pris mandra‑ane henehtuduwen Yesus ile nolou taheweh sulo‑on,
24901	MRK 15:6	Into lon krismas sih sih, eri Pailat ineruwyon ndramat homou odo kadapus. Iy si kadapus ndre sa lau hereh idu tadan, eri Pailat ineruwyon iy ina‑au, into mundrun ndre su Yuda hantawanon rang ndre Lapan ihnuwii su odo Isip tih.
24931	MRK 15:36	Ile pe orngon homou iporitai itlaman palan kolau ile lon wain tudo‑on, inum pe ihndrusi ile palan kei sehir, pe itou ile pohon Yesus, ipe Yesus ki‑ing. Orngon eti ipe ihpa, “Otto oh. Kihne Elaijah kise pe kikuni Iy kile pwoi.”
24942	MRK 15:47	Maria odo Makdala pe Maria ndre tinen Yosep ti horto pe herenendre‑et, ile pe horu ti tuno’ horu lok kehe ndre hedoni Yesus idu eriy tih.
24946	MRK 16:4	Odoke su hapa mada’ su kile ti pe pat mandra‑an ndre idu pohngat ti indra‑au, pe lon ngat idu kopwi.