23244	MAT 2:6	“‘Mimi teip ga magaulap onim Betilem na provins Iudaia, Betilem la tale pianam ula kapio agarit kabirana ma taunup mila kakanim la maionama Iudaia. Karuk kan. Memani, eba betang noba migana ila kakani kabirana mi gare migana o unuleap ma sipsipup ga eba ualeng bo gar ruang Israel.’”
23264	MAT 3:3	Ioanes iriro migana la avuoong Morowa na nanam a unuli Aisaia. La tiesong gare ro, “Na pianam la karuk ma inamaniap ba, non migana la marikong maranit ga tiesong gare ro, ‘Orangaming alang ang Ila Kakani. Mavuvutmiling alangip am.’”
23282	MAT 4:4	Pa upulo Iesu ties ang gare ro, “Babam ula puaru la igama, “‘Purun it la tale kan puoieng meba ialang ninimiap maun teip ga magaulap. Mime omela ninimiap mar mirier tiesiap ganam la mumaio na nanam a Morowa.’”
23284	MAT 4:6	Ga aulo, “Leba migat ba nunuo Poi ang Morowa, tie tegonang me lourup pa eba tale naving. Memani, Babam ula puaru la tiesieng gare ro, “‘Eba maalava angelop am nuo, ga eba nomela ma kilalap ma. Babun makiraranung kibap nuo ira tadas ba.’”
23285	MAT 4:7	Pa aulo Iesu Satan, “Naptang! Babam ula puaru la inagat tiesieng gare ro, “‘Baraba avuvuonung Ila Kakani, irie Morowa nuang.’”
23288	MAT 4:10	Pa ugama Iesu, “Satan, kusnang! Babam ula puaru la igama, “‘Lotunang it me ai Ila Kakani irie Morowa nuang ga aviennang iriet namurit.’”
23335	MAT 5:32	Pa mirulo: ‘Migana leba namo oulaing magabun ang, pa magabun ang la tale okosarieng sadak ba, tie iro migana la okosarong ga orupiaba maimai o magi. Memani, iruo tavuk la okosarong urio magabun meba okosarieng sadak. Pa non migana leba magiang iro magabun ba la ogoong lai iang tinan, tie irie la orupuaba maimai o magi ga akosarong tavuk o sadak.’”
23519	MAT 10:33	Pa migana la maulo non inamaniap ga ugama, ‘Tale arit irie Iesu’, tie turuo gat leba aralava mamo ruang na panbinim gare ro, ‘Iriro migana la tale tuang.’”
23545	MAT 11:17	Memama, ‘Ai, afupang tatak kadi me milam meba mivina, pa kikisming. Ga pupara a lagubuma, pa tale iga kadikming ga miliba.’”
23623	MAT 13:15	Memani, dalap a iriro gar ma teip ga magaulap la libonmeng ara, ga kigip ma la palalameng ara meba meptang ties, ga madurimeng ara irap ma. Babun magimameng irap ma noba pagap, ga kigip ma eba meptang ties, ga dalap ma leba ameira muana o uriro ties. Ga eba marigimeng dalap ma ga ina mumaiong toi ga eba ina mamurirarang gat.’”
23638	MAT 13:30	Are ratmat ga mumuru le miairangan meba iat betliong, puoieng na tara leba maiarang parak. Pa na tara la eba miarang parak, eba maralava teip mila okosarong uriro ubi meba mepamum kaburubap mila kiram ga mavisming kepup meba tesuameng na kit. Ga tubiat eba maralava meba mepamung iriro wit na luguan tuang o parak.’”
23711	MAT 15:9	Mimet masingmaiala o maimai maiong inamaniap ga mime megama, “Urio ties ang Morowa.” Are ratmat ga lotumeng it agarit me roi.’”
23900	MAT 21:5	“Miaramang uriro ties mai teip ga magaulap onim Saion, ‘Agimaming, Orong ming la muo titot. La muo gare migana la tale amaning bonim, ga man unama nakap bo non donki. Unama bo donki ila kubama ga muo.’”
23961	MAT 22:20	Ga mamarikong, “Auang iriro muranama ga uriro bonim? Ga mepulo ties ang, ‘Ang orong Kaisar onim Rom.’”
23985	MAT 22:44	“Ila Kakani la aulo Ila Kakani ruang gare ro, ‘Nonang na kilan tuo ila lamige puoieng leba tabum karorap nuam apat kiban nuo meba omeuluo ties nung.’”
24026	MAT 23:39	Mirulo gare ro, ‘Tala gat ina togimaming, puoieng na tara tubiat eba mimama, ‘Morowa le asagaang irio migana la muo un bonim a Ila Kakani.’”
24089	MAT 25:12	Pa upulo ties maiong gare ro, ‘Mirulo ra migat, tale kan mirit. Are ratmat ga tala kan tunava tabuna mibuo.’”
24141	MAT 26:18	Ga maulo Iesu, “Mila miobung na taun Ierusalem ga agimaming non migana. Ga amilava gare ro, ‘Migana o usingnualap la tiesong, tara ruang la tunama na uro kimanam la kagarat ara lagorang. Are ratmat ga tuga murang ga lop tuam o usingnualap na luguan nuang meba pong uriro parak me la ula aipieng.’”
24157	MAT 26:34	Pa aulo Iesu Petro gare ro, “Norulor migat, titot na uriro arubu, tara leba ka tale kukurikang pura, eba tiesnang ma naien ma tarap gare ro, ‘Tale arit.’”
24184	MAT 26:61	Ga tiesliong gare ro, “Iriro migana la tiesong gare ro, ‘Puorung leba aduratang luguan ang Morowa o lotu ga eba ina teraling ma naien it ma lap.’”
24198	MAT 26:75	Pa ina onagiong Petro uriro ties la uaramo Iesu gare ro, “Tara la eba ka tale kukurikang pura, eba tiesnang ma naien ma lap gare ro, ‘Tale arit.’” Eva, Petro la onagiong uriro ties, ga muliuba ga ula lavie ga mitara uliba kirat.
24208	MAT 27:10	‘Ga me miriro kakepup la osaumeng kimanam ang migana la ume akosar iouna o kimanam, gare Ila Kakani la toulo.’”
24286	MRK 1:2	Urio ties ula mumuru la lake betieng are unuli Aisaia la omirong gare ro, “Tiesong Morowa me poi ang, ‘Miptang, asagarung non migana meba alang ties tung, ga eba ake me nulam. Ga eba orangaang alang nung.’”
24287	MRK 1:3	“Na kimanam la karuk ma inamaniap una, nigunama a non migana la marikong maranit, ugama, ‘orangaming alang ang Ila Kakani ga ovuvutmiling alang ang leba muong mi.’”
24339	MRK 2:10	Pa narung le omira gare ro, ‘Migana migat ang Morowa la unamar na kimanam ga amaning ngangas puoong meba odureang kirinim ang migana.’” Iesu la tiesong gare tiro ga agimaong iriro migana la kire kilan a ga kiban a, ga aulo, ugama,
24385	MRK 3:28	Pa teip o usingnualap o maimai ang Moses la tiesmeng gare ro, ‘Migana ila uke me muranap mila kiram la ualo kukunim aun Iesu.’” Are ratmat ga maulo Iesu, ugama, “Uriro ties la migat titot la tuga miralava o: Mirier tavukup mila kiram ga tiesiap o upuke la mime makosar teip ga magaulap, mirier kirinimup ganam la puoong Morowa meba maduratang. Pa migana la tiesong kirat me ira Muranama Ila Babai, tala kan puoong Morowa meba avaiang uriro kirinim ang. Are ratmat ga tala kan odureong Morowa urie kirinim titot ga tubiat gat. Karuk!” Tiesong Iesu gare tiro.
24404	MRK 4:12	‘Are ratmat ga eba umaing, pa tala kan agimameng maset iriro paga la namo masingala Morowa a. Pa eba meptang ties, pa tala kan ameit muana o. Are ratmat ga tala kan oigormela agat maiong, ga tala kan odureong Morowa kirinim maiong.’”
24539	MRK 7:7	Mimet miaramo maimai maiong inamaniap ga megama, “Uriro ties la ang Morowa.” Are ratmat ga lotumeng it agarit me toi.’”
24632	MRK 9:25	Iesu la agimaong gar ila kakani ma teip ga magaulap la ibirmeng ga mumaio kagarat mai. Are ratmat ga abukula iriro muranama ila kire gare ro, “Nunuo muranama o nanam ula pamuieng ga kigip mila libonmeng, norulo, ‘Anolaing iriro kulot ga tala kan ina nula nuobu ana.’”
24881	MRK 14:58	“Papta la tiesong gare ro, ‘Turuo kan leba adurerang iriro luguan o lotu la akosarmeng inamaniap ma kilalap ma. Pa tubiat ma naien ma lap eba ina teraling noba, pa eba tale akosartang ma kilalap.’”
25100	LUK 3:6	Leba memamarie, tie mirier teip ga magaulap leba ogimameng ubi leba okosarang Morowa meba ina bulagiang gat.’”
25136	LUK 4:4	Pa upulo Iesu ties ang Satan ga ugama, “Babam ula puaru la igama, ‘Purun kan la tale puoieng meba ialang ninimiap maun teip ga magaulap.’”
25140	LUK 4:8	Pa Iesu la upulo ties ang gare ro, “Babam ula puaru la igama, ‘Lotunang it me ai Ila Kani, irie Morowa nuang ga iriet narit le okosarnang ubi ang.’”
25143	LUK 4:11	Ga eba nomela ma kilalap ma, ga tale puoong tadas ba meba avureang kiban nuo.’”
25151	LUK 4:19	Ga eba maralava teip ga magaulap gare ro, ‘Tara la betong ara, meba ina malagiang Ila Kani teip ga magaulap am.’”
25155	LUK 4:23	Ga maulo Iesu ga ugama, “Migat ara, atabo eba akosarming urio ties me rulam, ‘Umakmager, nunuo kan leba mamuriranang neip nuo. Pa eba mimama man tavuk la okosarnung toma Kaperenaum, tie titot makosarnang it mirie pagap togo na muana o pianam nung.’”
25215	LUK 5:39	Ga migana la tapu a wain ila tatali. Tale gat ume na me wain ila nei. Eba amama, ‘Wain it ila tatali la mumuri me wain ila nei.’”
25389	LUK 9:19	Pa mepulo lop o usingnualap ties ang ga megama, “Mirie la megama, ‘Nunuo Ioanes o unuavariap.’ Pa mirie la megama, ‘Nunuo unuli Elia’. Pa mirie la megama, ‘Nunuo unuli onim tinan la inagat inim.’”
25478	LUK 11:4	Ga navaiang kirinimup pam are pava gat leba pavaiam kirinimup maiam inamaniap la makosarmeng ira pa. Ga baraba nuairam uvuvuop ga betmeng ira pa. Ga paralienang ira tavuk ila kire.’”
25596	LUK 13:9	Atabo puoieng meba mulu ba o urian karanim. Pa leba karuk ba, urie eba bat nabulang.’”
25646	LUK 14:24	Memani, norulo, mirier inamaniap tinan la mariktung maime, tala kan puomeng migat meba maiarang parak tung.’”
25730	LUK 17:10	Are ratmat ga mimi gat, leba makosarming mirie pagap aret tie la miulo Morowa, tie, tiesming ga mimama, ‘Pavat teip agarit o ubi, paga la akosarpang are urie la ubi pang it.’”
25762	LUK 18:5	Pa uriro magabun la uvara lai iang, ialo ubi ula papamno toun. Temaieng, eba aagaralie na ties. Babun muio man togimaieng busit ga tubiat eba palalameng neip tuo.’”
25777	LUK 18:20	Onit ara maimai la igama, ‘Buat okiraranung magi. Ga buat nunamua noba ga aving. Ga buat pulanung. Ga buat nokarabi ira noba migana ga adusnang na ties. Onouluo ties ang ira nuang ga naga nung.’”
25827	LUK 19:27	Pa titot miriro karorap tuam la tale nameng me rulam meba orongtang maime, mirie la malagiming me ro ga minamuam ga meving na irap tuo.’”
25846	LUK 19:46	Ugama maime, “Babam ang Morowa la tiesieng gare ro, ‘Luguan tuang irie luguan me marik.’ Pa arigiming ara ga kauna gare nap maiang inamaniap o pula ga kogonuriap.’”
25949	LUK 22:16	Tie mirulo, ‘Tala gat tu uro parak o la ula aipieng puoieng ira iruo paga leba betang migat na inamon ang Morowa.’”
25967	LUK 22:34	Pa Iesu la aulo Petro ga ugama, “Norulo Petro, na uro kan arubu titot, leba ka tale kukurikang pura, ga eba tiesnang ma naien ma tarap gare ro, ‘Tale kan arit Iesu.’”
25994	LUK 22:61	Urie, terigiong Ila Kakani ga agimaong Petro. Ga onagiong Petro urie ties la uaramo Ila Kakani me aun, na tara la tiesong, “Na urie arubu leba ka tale kukurikang pura, eba tiesnang ma naien ma tarap, gare ro, ‘Tale norit.’”
26006	LUK 23:2	Pumiaro la maiabua na ties ga megama, “Avop iriro migana la afulutong tavuk maiang garip ma teip ga magaulap pam. Ga pabunakong meba tale palang takis aun orong Kaisar onim Rom. Ga ume ties gare ro, ‘Turuo kan Karisito. Turuo orong.’”
26067	LUK 24:7	La miulo gare ro, ‘Eba maialang Migana migat ang Morowa na kilalap ma inamaniap o kirinim ga eba asopmeng iro maiogun. Pa na la lama naien la eba ina teara.’”
26128	JHN 1:15	Ga baisong Ioanes a Iesu ga marikong gare ro, “Iriro migana tinan la mirulo a. La tugama, ‘migana leba muong malonim tuo, irie la kakani ga amaning kaguma ga tokurupin. Memani, tara la tale ka toiat naga, unamar ga Mamo Morowa.’”
26147	JHN 1:34	Turuo kan la agimarung ara ga baistung o ties gare ro, ‘Iriro migana irie Poi ang Morowa.’”
26210	JHN 3:21	Pa migana la akosarong tavuk ila migat ume muo na lalabie, ga eba amira maset teip ga magaulap gare ro, ‘Irie la okosarong ubi ang o kukunim ang Morowa.’”
26290	JHN 5:11	Pa upulo ties maiong gare ro, “Oruluan ties ang iriro migana la tomumuriraong. La toulo gare ro: ‘Narang labun nung ga namung.’”
26308	JHN 5:29	Tie, teip ga magaulap la akosarmeng tavuk ila muri, eba ina temaiara ga meimung. Pa teip ga magaulap la akosarmeng tavuk ila kire, eba ina temaiara ga dusmeng na ties ga eba tiesmeng gare ro, ‘Eba iouming.’”
26357	JHN 6:31	Eap pam la maio Mana na pianam la karuk ma inamaniap, are babam ula puaru la tiesieng, ‘Ualo purun onim na panbinim maun ga maio.’”
26435	JHN 7:38	Memani, umir ang Morowa la igama, ‘Migana la naganong ira ruo, papot o burunam leba betieng na dalap a ga eba iriva ga ila. Uriro burunam la eba ialang ninimiap la iot atatan makin aun.’”
26632	JHN 11:40	Pa oulo Iesu Mata, “Lake la norulo ra, ‘Leba nagannang ira ruo, tie eba agimanang lalabie ila kakani ga ngangas ang Morowa.’”
26737	JHN 13:38	Iesu la upulo ties ang, “Nuga nagannung puonung leba nalang ninimiap nung meba toaganalie. Norulo migat: Tara leba ka tale kukurikang pura, eba tiesnang ma naien ma tarap gare ro, ‘Tale kan arit iriro migana.’”
26812	JHN 16:17	Non ma lop o usingnualap la nemarikmeng kabirana ma kan gare ro, “Man muana o uriro ties la uaramo bui? Ugama, ‘Tatak it tara ga eba tale togimaming, pa tubiat it kirat ga eba togimaming?’ Ga are gat to la ugama muana a iriro gare ro, ‘Erala ai Mamo.’”
26901	JHN 19:7	Pa mepulo Iudaiap ties ang gare ro, “Pamaning non maimai ga uriro maimai la tiesieng, iriro migana leba aving. Memani, irie kan la tiesong gare ro, ‘Turuo Poi ang Morowa.’”
26953	JHN 20:17	Pa oulo Iesu gare ro, “Baraba tonuat, memani, tale ka tula nakap ai Mamo ruang. Pa nala mai papap tuam ga manalava gare ro, ‘Eba tala nakap ai Mamo ruang ga Mamo ming, Morowa ruang ga Morowa ming.’”
27108	ACT 4:17	Pa ebun ila uro ties na napup tapmat ga teip ga magaulap ganam onim Iudaia la mepto. Eva mumuru meba lebulava buat gat livo bonim a Iesu ga baisliong o uriro ties me maun teip ga magaulap. Ga lebulava gare ro, ‘Leba ina baismang gare ro, eva eba omala uniap ula kiro.’”
27234	ACT 7:49	“‘Ila kani la ugama, “Panbinim ga kimanam ga mirier pagap ganam, turuo kan la makosartung. Panbinim, urie nunamap tung la tunama una. Pa kimanam, urie pianam tung la tuabuam kibap tuo nakap ubuo. Tie, miga akosarming man luguan meba tonang ana? Uriro pianam la puoieng ira ruo meba tonang, karuk kan a migana ba la puoong meba akosarang nap ba tuang me aganuliap.’”
27478	ACT 13:47	Memani, tiesong Ila Kani aime migana ang o ubi gare ro, “‘Eba nokosartang ga eba betnang gare ba lalabie maiang mirier kantrip, ga eba maganalie teip ga magaulap onim na mirier napup ganam o kimanam, ga eba ina malagirang.’”
27729	ACT 20:35	Tie, misingtuala a tavuk tuang meba amiuluan. Are ratmat ga ubiming maranit meba maagamilie teip ga magaulap la tale memaning ngangas. Ga urio ties la ualo kan Ila Kakani Iesu buun, urie le man oagatming busit. Tiesong gare ro, ‘Eba iot ugiginara ang Morowa abuo migana la naong meba alam pagap aun noba non migana. Pa tale teuba Morowa aime migana la naong meba maala pagap.’”
27743	ACT 21:11	Muo ga uaro kanam ang Paulo ga mavisong kilalap ga kibap kan a o urie kanam. Ga ugama, “Muranama Ila Babai la tiesong gare ro, ‘Mamo iang urio kanam la eba ala betang na taun Ierusalem ga eba avismeng teip ga eba maiabung na kilalap ma teip la tale onim Israel.’” Tiesong Agabas gare ro.
27757	ACT 21:25	Me ekelesiap la tale mirie onim Israel, paburio ties ga osagabuong ara babam tinan me maun ga mabulo gare ro, ‘Buat miom pagap la akosarmeng teip lavang me mai morowap o kakarabunim. Ga buat akosarming iriro tavuk o sadak. Ga buat miom nganeip la meburiam kakongup ma ga mevara. Ga buat miom olabuop ma nganeip.’”
27858	ACT 24:21	Turuo kan la tale orit kirinim ba rung. Pa titot la oagat tung non ties la okosartung. La are ro: Dustung na irap ma kaunselip ga kukup tung maranit ga tugama, ‘Leba aving migana ba, tie eba ina teara tubiat. Iruot i muana ga tomaiabu na ties ga dustung na irap mi.’” Tiesong Paulo gare ro.
27885	ACT 25:21	Pa tiesong ga ugama, ‘Mariktung aime orong ila kani Kaisar meba ovuvutaling urio ties. Eva, eba ka man tonang na luguan o arubu ga auantala tara ruang meba tala ai Kaisar. Irie la tiesong gare ro, ga marulo teip o danunumiap meba man umialeng abuo, ila puoieng na irie tara leba asagarang ga ala ai Kaisar.’”
27914	ACT 26:23	Urio umir la iot na Babam ula puaru la tiesieng gare ro, ‘Eba oala Karisito ngitngit ga eba aving. Ga tubiat eba betang natauan migana kabirana ma inamaniap la mevara, ga eba emung migat. Ga eba baisang o lalabie me maun Israelip ga non garip la tale onim Israel gat la man maionama na arubu.’”
27993	ACT 28:26	“‘Nala ai iruo gar ma teip ga magaulap ga manalava gare ro, “Agat maiong miruo teip ga magaulap la libonieng ara, ga kigip ma la palalameng ara o numirap o ties, ga madurimeng ara irap ma. Are ratmat ga menavam kigip ma ganam ga meptang ties, pa eba tale mamira muap ma tiesiap. Eba man uming, pa tale puoming meba arakiming paga ba. Tie, leba tale are ba rie, arakimeng paga ba ma irap ma ga meptang ties ma kigip ma ga ameira muana o urie ties, ga eba marigimeng dalap ma ga ina terigimeng me toi, ga ina maset mamumurirarang.’”
28243	ROM 9:20	Tie, are ratmat ga norulo, “Nunuo migana la ame agat gare tiruo, nunuo aga la puonung meba anananala ga avurenang Morowa o ties, a? Nunuo la nokosarong Morowa. Are ratmat ga tuga noralava gare ro, ‘Atabo sospen o kimanam eba tiesang gare ro aime migana la akosarong, memani ga tokosarnung gare tiruo? Tuga betang gare noba paga.’” Karuk.
30073	HEB 3:11	Ga papamnam dalap tuo maset aime iriro gar ma mirie teip ga magaulap ga tiestung gare ro, ‘Migat tatuan, tala kan mumio tapma na pianam tung o aganuliap. Karuk kan migat.’”
30084	HEB 4:3	Tie, bubuo teip ga magaulap la naganbuong iro ties ang Morowa, eba buobung na uriro pianam o aganuliap ang. Memani, tiralo kan na tara la makosarong Morowa mirie ra pagap ganam, na irie tara orangaong gat uriro pianam ang o aganuliap. Pa ira ma teip ga magaulap la mime oguek ties ang, tiesong Morowa na Babam ula puaru gare ro, “Papamnam dalap tuo maime ga tiestung migat tatuan, ‘Tala kan miobu na uriro pianam o aganuliap tung. Karuk kan migat.’”
30216	HEB 10:16	Tiesong gare ro, “Tara la eba betang tubiat, eba ina akosartang noba mida ga gar onim Israel. Iriro mida la are ro, ‘Na irie tara, eba tabum mirier maimaiap tuam ganam na dalap ma, ga eba mamirtang na agarip maiam.’”
31008	REV 14:13	Tie, tupta non nivunama la kupong na panbinim gare ro, “Omirnang gare ro, ‘Titot ga ila puoieng ira ma mirier taraiap malonim, inamaniap la nagameng ira Ila Kakani ga mevara, eba malaminaismeng.’” Ga Muranama Ila Babai gat la ulo, “Eva, temeba migat. Eba omaiolaing urio ubi maiong ula mamaranu, ga eba agamelie. Memani, mime akosar tavuk ila mumuri ga eba apulang Morowa uniap ula mumuru me maun.”
31082	REV 18:20	Mimi gar na panbinim ga inamaniap am Morowa ga apostolop ga unulip, mimi ganam le temiba me iriro paga titot la betong iro uriro taun. Memani, Morowa la ovuvuoong na ties ga upulo uniap ula kiro me un me tavuk ila kire la akosarieng uriro taun ira mi.’”