23255	MAT 2:17	Yegl erikwa i propet Jeremaia ka ta dungwa pangwa i paiyungwa:
23264	MAT 3:3	Jon pre God propetmo Aisaia dra mina dite yegl dungwa: “Makan waule suna yomba ta wiyau endungwa, ‘Yaglkande pre konbaunamo akekun eriyo. Ye unambuka pre konbo si-ake du endiyo.’”
23284	MAT 4:6	Yegl ditongwa, “Ene God Wam kaima motnga panan ene puglodi ende atne po. Kamambuno pepa mina muno yegl beglkwa pangwa: “‘God angelomo ene pre diendinan ye wu onguno mina ene boglo ere mitna endimbi, ene yange kombuglo suwarata katn boglkrambuka.’”
23292	MAT 4:14	Sragl yegl orkwa i propet Aisaia ka dungwa pamara i kaima paiyungwa:
23305	MAT 5:2	Ye mambuno bogl ka beke tongwa:
23335	MAT 5:32	Ana na ene diteimbo piryo: Yagl ta embiye kinde kondinan, ana ambu i konbo gua wanambedi pre yegl orkwa. Te yagl ta ambumo kinde kondungwa ikra inan ye ama kunogl gundungwa.”
23359	MAT 6:8	Ene ye erimere yegl erekraglkwa. Ene taragl dokingwa i Neno kan kondungo ene okuwo krapogl teingwa:
23360	MAT 6:9	“Ipre ene kamange yegl eraglkwa: “‘No Neno ene heven suna motnga, ene kangin holi panambiwo.
23431	MAT 8:17	Ye orkwa i okuna imbo propet Aisaia dumere mere wu geundi pangwa: “Ye yene nono kindeno imbo kanekane pangwa i kake yend ongwa.”
23488	MAT 10:2	Aposelma wagle 12 ye kangino yegl: Kangiye gumamugl pangwa Saimon, kangiye ta Pita we dingwa. Ye angigle Andru. Te Jems angigle Jon ye Sebedi wam suwo.
23521	MAT 10:35	Na winga i: “‘Neno eremogl wano bogl i-perepere endimbo, ye kunda ikine ikine moraglkwa. Te mano eremogl amburo bogl kunda ikine ikine moraglkwa. Te koglo embiyamo ye kunda ikine ikine moraglkwa.
23544	MAT 11:16	“Na yomba erme mogl wingwa i sraglwe dibogl dinagle? Ye gak kembra mereyegl kaiya mokna maket ere nemara dumo suna makaisi mogl ana aglendi imboriya ende meglkwa:
23575	MAT 12:17	Ye yegl orkwa i God kamo propet Aisaia ka pandum ta dungwa i paiyungwa:
23621	MAT 13:13	Mambuno yeglpre na ka di simbogl diteinga: “Ye kanim imba, ye kanpogl sikrikwa, te ye ka pirm imba, pir kuno erekrikwa.
23622	MAT 13:14	I pre propet Aisaia ka okuna dungwa, i ye mina plau dungwa: “‘Yomba i ka aglke aglke piraglkwa, ba mambunomo kiuraglkwa, ye aglke aglke kanaglkwa, ba kanpogl sikraglkwa.
23643	MAT 13:35	Yegl orkwa i propet ta ka yegl dungo pangwa i mongo kaima paiyungwa. Ana propet i ka yegl dungwa: “Na ka di simbogl keme ditenaglka, na dumo makan plau dungwa enge ime taragl kanekane tau teke pai ungwa i dinaglka.”
23709	MAT 15:7	Ene kakimbi yomba! Aisaia ka propet dungwa i ene pre kaima mendigl pandigl dungwa:
23899	MAT 21:4	Taragl plau dungwa i propet ta okuna ka dumere mere paiyungwa:
24003	MAT 23:16	“Ene ongumutno kin yongwa yomba konbauna ombunodi yomba tengwa! Yumbun kandekinde ene mina plau dinambuka! Ene ka yegl dingwa: ‘Yomba ta God holi yungumo kangiye dagltre ka digi dungwa, i taragl yoko orme dingwa. Ba yomba ta God holi yungumo gol yungugl yongwa i ka digi dungwa i yene kamo dumere erambuka.’
24154	MAT 26:31	Ana Yesus disaipelma wagle ditongwa, “Erme enduwer i keunde ene prapra na pre teke ende pindre ana na kondinaglkwa. Kamambuno pepa mina yegl dungwa: “‘God eremogl sipsip sugl yomba sigoran, ana sipsip undupagl ere ende perepere enaglkwa.’
24198	MAT 26:75	Ana Yesus ka komnaiye dungwa ikra Pita poglodi prukwa: “Erme enduwer i konduwagle kumugl wi sikran, ana ene enge suwota na ye kankrika we dinatnga.” Ana ye ende menda pi munduwo kinde kaima orko, kai ninga dungwa orkwa.
24235	MAT 27:37	Ye bre wagle egli kra kot ereteingwa kamo ikra, yegl muno bogl endingo pangwa: I YESUS, JUDA YOMBA YE KINGNO.
24271	MAT 28:7	Erme ene oglandi pi ana ye disaipelma wagle diteiro: ‘Ye goglkura, erme andigl ende ukor ongwa. Ana erme ye ene pre okuna yeite ende Galili kamun ongwa. Igle ene ye kanaglkwa.’ Na ka erme ene diteinga.”
24286	MRK 1:2	Propet Aisaia ka muno yegl boglkwa: “God dungwa, Na kanna kep yomba diendimbo ene okuna yeite, ene konbaunan akekun eretenambuka.”
24373	MRK 3:16	Ye yomba 12 pinde yungwa i kangino yegl: Ta Saimon (Yesus kangiye ta “Pita” we dungwa);
24676	MRK 10:19	Ene lo prapra pitnga: ‘Ambu kunogl gundokro, yomba ta sigoglkro, kunogl gogl nekro, kakimbi dikro, ana nen ya man dinambrere ero.’”
24837	MRK 14:14	Ye ta yungugl enambara i ene pindre yungu nemyagl diteiro, ‘Beke norkwa yagle krapoglkwa: Na yungu kula aglo kra? Na disaipelna wagle bogl Pasova kaiya mokna ninamne.’
24850	MRK 14:27	Yesus disaipelma wagle ditongwa, “Ene prapra teke pindre ana na kondinaglkwa. Sraglpre, kamambuno mina muno yegl beglkwa pangwa: “‘Na sipsip sugl yomba sigoglmbo, ana sipsip prapra undupagl eraglkwa.’
25017	LUK 1:55	Ye nono yagl awano ditomere yegl: Abraham ya ye epiglmo mina mitno goglkwa i aimande pai enambuka.”
25029	LUK 1:67	Jon nem Sekaraia Holi Spirit kau sitongo ana God kamo pai inambuka pre dungwa:
25098	LUK 3:4	Propet Aisaia ka muno yegl boglko pangwa: “Makan waule suna yomba ta wiyau endungwa, ‘Yaglkande pre konbaunamo akekun eriyo. Ye unambuka pre konbo si-ake du endiyo.
25296	LUK 7:32	Ye gak kembra mereyegl kaiya mokna maket ere nemara dumo suna makaisi mogl ana aglendi imboriya ende meglkwa: “‘No ene pre puming sitomgo, ana ene katno engrekrikwa. No muntawa giglange dumgo, ene kai erekrikwa.’
25476	LUK 11:2	Yesus disaipelma wagle ditongwa, “Ene kamange eraglkwa enge, yegl dinaglkwa: “‘Nina, ene kangin holi panambiwo, ene kingdomnen unano.
25675	LUK 15:18	Yeglpre na ende ikine nina moglmara pindre, ana ye ditenaglka: Nina, na tandaglme ere God tendre ana ene tendre erika.
25876	LUK 20:28	Ye dingwa, “Beke Notnga, Moses lomo i nono pre muno boglkwa: Yagl ta gogltre, embiye kondinambuka ba gak ta kugl yeikran, ana goglkwa yagle i angigle ombugl embiye werai inan, ana ye yagl goglkwa dumomugl i gak kugl suglo sinambirka.
25890	LUK 20:42	Devit yene Buk Song mina dipendigl endungwa: “‘Yaglkande di na Yaglkandena tongwa, “Na onguna wokra amedi mogl emin,
26181	JHN 2:17	Yesus disaipelma wagle ye mambuno yegl orkwa i kandre, ana kamambuno pepa mina muno ta beglko pangwa ikra pirkwa. Ana ka i yegl: ‘Ene yungun holi na wakai kaima pirtre ana wakai yenambedi kongunmo erika i donga bauglo mereyegl na mina suna dongwa.’
26226	JHN 4:1	Parisi wagle yegl pirkwa: Yesus kongun ere ende okuna pindre disaipel mere baptais erete ana Jon orkwa i engrukwa.
26355	JHN 6:29	Yesus di ikine endungwa, “God kongunmo yegl: God yomba ta diendungo ungwa i ene pirngi dinaglkwa.”
26357	JHN 6:31	No yagl awano okuna makan waule igle mana neingwa i pepa mina muno yegl beglko pangwa: ‘Heven suna bret-mana i God te atne endungo neingwa.’”
26435	JHN 7:38	Kamambuno mina okuna muno yegl beglko pangwa: ‘Yomba ta na pirngi dinan, ana kor aimande meglkwa nigl i yene munduwo ombo mina suna kuglosi ende bina unambuka.’”
26687	JHN 12:38	Yegl erikwa i ana propet Aisaia ka dungwa ikra pai yungwa: “Yaglkande, no ka ditomga i ira pirngi dume? Te yomba ira mina Yaglkande yombuglomo ombuno ditome?”
26717	JHN 13:18	“Na ka dinga i ene prapra pre tamanga, yomba na pinde inga wagle ye na kaninga. Ba kamambuno pepa mina okuna muno beglko pangwa ikra mongomo panambuka: ‘Ana yagl ta no bret akiye nombuglka ye kagle i-mitna ende na engre siderwagl erambuka.’
26788	JHN 15:20	Na ka diteinga ikra ene piryo: ‘Kongun yoko orkwa yomba ta mogl-mitna ende suglmo yomba engre tekrukwa.’ Ye na eresi tembi, ye ombugl ene eresi tenaglkwa, ye na kanna pinande erimbi ye ombugl ene kanno pinande eraglkwa.
26818	JHN 16:23	Ana engemo igle ene taragl ta pre na kra ta poglkraglkwa. Na ka kaima ene di teinga: Ene taragl ta inamunedi pre na kangina mina Nina krapogl tembi, ana ye ene tenambuka.
26829	JHN 17:1	Yesus ka i dite kondindre, mokomugl ye kan mitna ende ana kamange orkwa: “Nina, enge ikra magl orkwa. Etne Wan kangiye kande i-pene ende temin, ana Wan ama ene kangin kande i-pene ende tenambuka.
27015	ACT 1:23	Ana Pita yegl dungo, ye yomba suwo i-pene endingwa: Yagl ta Josep (ye Barsabas we dingwa te kangiye ta Jastus), ana yagl ta kangiye Matias.
27043	ACT 2:25	Devit okuna ye pre yegl dungwa: “‘Na kaninga, Yaglkande engenge na moglmara gumanamugl moglkwa. Sraglpre, ye na onguna wokra moglkwa, ipre na kundugl ta goglkraglka.
27052	ACT 2:34	Ana Devit ye ende heven ta pikrukwa. Ba ye yegl dungwa, “‘Yaglkande ka yegl di na Yaglkandena tongwa: “Na onguna wokra igle ene amedi moglo.
27166	ACT 5:38	Ana ipre erme na diteimbo ene piryo: Ene yomba wagle i kanwinge erimbi ye ende piyondo, te ye taragl ta eretekriyo. Ye ka di kongun eramnedi pirkwa i yomba pirmere erikwa panan i okuwo dundinambuka.
27175	ACT 6:5	Ka yegl dingo yomba prapra pirkwa kuno orko ana ye yomba yegl pinde ingwa: Stiven, ye pirngimo gigle dungo te Holi Spirit ye mina mogl kau sungwa, te Pilip ya, Prokoras ya, Naikena ya, Timon ya, Pamenas, te Nikolas, ye Antiok kamun igle nem, kamambuno kiurikwa yomba ta moglkwa ba ye okuna eremogl Juda yomba mina ainungwa.
27227	ACT 7:42	Ipre God moko tendre kindekondo tongo ana ye kugl-kuri ya ande-ba dembino karaugl ere teingwa. I propet wagle Kamambuno pepa mina beglko pamere erikwa: “‘Israel yomba! Ene buglayungu 40 makan waule wanmogltre, ana ene bugla-kau ya sipsip sigogl kombuglange gaglkwa ya te ofa tau ama teingwa ikra na ta ere-narsiuno?
27233	ACT 7:48	“Ba God Yaglkande yomba onguno mina yungu keimara suna igle ta moglpai erekrukwa. I propet ka yegl dipandiglmara:
27277	ACT 8:32	Ana yaglmo kamambuno pepa mina pangwa kere umara ikra ka yegl ta pangwa: “Ye sipsip ta sigoramnedi mange i eimere yeglmere. Te sipsip nangigle yungo baiglko ana kaglkane erekrukwa yeglmere, ye ka ta dikre kiendi moglkwa.
27380	ACT 11:4	Dingwa ipre Pita mina komnaiye taragl prapra plau dungwa ikra ka boglo kugl dipene ende tongwa:
27432	ACT 13:1	Antiok kamun God yombama meglmara igle propet wagle ya ka beke teingwa yomba tau meglkwa kangino yegl: Barnabas te Simeon, ye kangiye Niger we dingwa te Lusius, ye Sairini kamun nem, te Sol ya Maneyen, ye Gavana Herot bogl tapsi wanmogl yakimbrika.
27464	ACT 13:33	I erme Yesus gogl anduglmara i ana nono kowano ye nangro pre ye ka dipandigl tongwa i kaima paiyungwa. Kamo i kamambuno Buk Song numa 2 mina pangwa: “‘Na Wana ene motnga, te erme ene Nen na moglka.’
27465	ACT 13:34	Ana God eremogl Yesus goglmara ere-ikor endungwa. Ye okuwo aglketa gogl ende maugl mina pi buglkrambuka ipre God ka yegl dungwa: “‘Na wakai ere ene tendre te taragl holi prapra tenaglka i okuna Devit ka dipandigl teinga ikra mongo kaima panambuka.’
27471	ACT 13:40	Ipre propet wagle ka yegl dingwa i ene mina plaudi dinambedi erme kanpoglsi molo:
27478	ACT 13:47	Ana Yaglkande kamo yegl di nono norkwa: “‘Yomba Bina mina ene ambuglange mereyegl moraglkwa pre na i-pene endiga, ipre yomba makan uglo koglkoglo meglkwa ere-inaglka.’”
27526	ACT 15:15	Ana ye ka dingwa i ya propet wagle kanno i kaima kuno orkwa. Ka i yegl muno beglko pangwa:
27530	ACT 15:19	Ana Jems yegl dungwa, “Na yegl pirka: Yomba Bina ende God mina wingwa i nono yumbun merkinde tekramga.
27534	ACT 15:23	Ana ye pepa i-yemara ka yegl beglkwa: Aposel wagle ya ende okuna eingwa yomba no ene angro wagle mounga, ana kamambuno kiurikwa yomba pirngi dindre ana Antiok ya Siria ya Silisia kamun meglkwa i diwakai yeitomga.
27698	ACT 20:4	Ana yomba yeglmere Pol bogl akiye eingwa: Pairas wam Sopata, ye Beria kamun nem; te Aristakas ya Sekandas, yagl suwo i Tesalonaika kamun nem; te Gaius ye Derbi kamun nem; te Timoti, te Tikikas ya Trofimas, ye Esia kamun nem.
27827	ACT 23:25	Yegl dindre ye pepa ta Gavana Peliks pre yegl bogl tongwa:
27863	ACT 24:26	Te enge igle keme Peliks nomano mina yegl prukwa: Pol minge moni indre ana atnekra narambedi pirtre engenge ka-singiye diendungo Pol ungo ye ka denbi di-di eurika.
27894	ACT 26:3	Na gun yeinga i mambuno yegl: no Juda yomba mambunono ya ka tengramo dumga i ene pirkan dime dinga. Ipre na krapoglka, ene mitna gogltre ana kanna pir naro.
27948	ACT 27:25	Ipre yagl wagle, ene pirngigledi molo. Na kaima pirngi dinga: God taragl eragle dinarkwa i eran oglandi kaima pai inambuka.
27993	ACT 28:26	Ye yegl dungwa: “‘Ene pi Juda yomba meglmara ditenatnga, “Ene ka kinano mina piraglkwa ba mambunomo pirpogl sikraglkwa, te ongumutno mina kanaglkwa ba kandime dikraglkwa.
28021	ROM 1:23	Ye eremogl God kor aimande moglkwa aglke dembiye sitekre mokono tengwa. Ye taragl yoko tau kuiyano beke pandiglkwa: Yomba geglkwa kuiyano ya kua ya agl-bugla ya toki te taragl kanekane kuiyano ere pandigl dembiye karaugl ere teingwa.
28069	ROM 3:10	Kamambuno pepa mina muno yegl beglko pangwa: “Yomba du-yene suwarata moglkraglkwa kaima tamanga!
28095	ROM 4:5	Ba yomba ta Neno Kande ongumuglo mina ye wu du-wakai enagledi piran, ye sragl erambe? Ye mambuno wakai kanekane erimbo ana tandaglmena dundinambedi erekrambuka, tamanga. Ye yegl pirambuka: God suwara eremogl tandaglmena koko ende yomba du-yene we dinambedi pre pirngi dinan, ana God pra ye pirngi dumara i yomba du-yene we dinambuka.
28096	ROM 4:6	Ana yomba kongun wakai erikwa mo erekrikwa, ba God ongumuglo mina ye wu du-yene eingwa. Ana yombamo i gun pond yenaglimedi pre Devit ama dungwa. Mambuno ipre Devit yegl dungwa:
28099	ROM 4:9	Yomba gun yeimeglkwa i nangino punduwo bogl endingwa yomba ye keme gun yeimo, mo yomba nangino punduwo bogl endekrikwa ye ama akiye gun yeme? Nono ka yegl di wanmounga: “Abraham ye pirngi dumara ipre God eremogl ye du-yene moglme dungwa.”
28107	ROM 4:17	Kamambuno muno yegl beglko pangwa: “Na, eremogl ene yomba epigl merkinde neno moratnga pre i-nongugl endiga.” Abraham, ye nono neno moglkwa, te ye God wedi pirngi dungwa. God ye yomba geglkwa ikor endungwa, te ye agle dungo ana taragl paikrikwa wu plaudi paingwa Godmo i Abraham pirngi dungwa.
28111	ROM 4:21	Te ye yegl pirkan orkwa: “God okuna ka giglendi dipanduglkwa ikra pra mongomo i-pene endinambuka.”
28113	ROM 4:23	Kamambuno pepa mina muno yegl beglko pangwa: “Abraham yomba du-yene moglme dungwa.” Ka i Abraham suwara pre ta dikrukwa, tamanga.
28145	ROM 6:9	Nono yegl punga: Krais gogl pai andigl ukor ongwa, ye aglke ta goglkrambuka. Geglkwa mambuno i yombuglomo ta kuno eran Yesus engre atne endekrambuka.
28161	ROM 7:2	I yeglmere: ambu ta yagl enan ana wiye kor-mogl panan, ye pra lo ka mina wiye bogl koglosi i-suwara endungwa. Ba wiye goran ana ye wiye mina sidakagl morambuka lo ka pangwa ikra dundungo ye yoko moglkwa.
28166	ROM 7:7	Ana nono sraglwe dinamun? Lo ka i tandaglme ormo? Kaima tamanga! Lo ka i paikruma dagl na tandaglmena i kaima ta pirpogl sikriko, lo ka yegl pangwa: “Yomba ta taraglmo ene bumbuno goglkratniwo.” Ana lo yegl ta paikruma, na taragl bumbuno goglkwa mambuno i ta pirpogl sikriko,
28171	ROM 7:12	Yeglpre nono pirkan ounga: lo ka suwara suwarandi i yene holi, te God lomo prapra i ama holi, ana lo kamo du-yene yendre te wakai kaima yongwa.
28173	ROM 7:14	Nono yegl punga: Lo ka i yene Spirit taraglmo. Ba na mambuno kinde mina mogl painga. Ana tandaglme mambuno i na kane sungo ye nigl-kongunmo eremoglka.
28177	ROM 7:18	Na yegl pirka: Na nomana mina suna i mambuno wakai ta paikrukwa, i nomana goglo pre diga. Taragl wakai eragledi pirka munduna pangwa, ba i eraglka mere paikrukwa.
28180	ROM 7:21	Yeglpre na kaniga, lo ka i kongun na mina orkwa: Na taragl wakai eragledi pirko, ana taragl kinde na konbaunana siget-dungwa.
28187	ROM 8:3	I yegl: Lo ka yombuglomo ta panan kade nono embriyeno goglo i ta koko endekrambuka. Sraglpre, nono mambunono goglo i eremogl lo ka yombuglomo i sigugl sungwa. Ipre God yene kongun ere ana yene Wam diendungo makan yomba singigle dindre te nono tandaglme yomba mereyegl mogltre ana yomba tandaglmeno sidundinambuka pre ungwa. Yegl orko, Yesus yene nangiye mina God eremogl tandaglme ka-tange tendre ana tandaglme yombuglomo i sidundungwa.
28220	ROM 8:36	Ka yegl muno beglko pamere erenorkwa: “No ene yombanma mounga pre no engenge sigeglkwa. Te ye eremogl no sigoraglkwa sipsip mereyegl no kanigwa.”
28222	ROM 8:38	Ipre na yegl pir gigle diga: Geglkwa mo kor-meglkwa, te angelo mo spirit kinde, te taragl erme paingwa mo taragl okuwo plau dinaglkwa, te taragl yombuglo kanekane pangwa God nono mitno goglkwa i taragl yeglmere ta sigegl dikraglkwa,
28232	ROM 9:9	Ka yegl dipanduglkwa: “Na enge ta bagl teimara i plau dinan ana na ende ikine wimbo, Sara wam ta kugl yenambuka.”
28241	ROM 9:18	Ipre nono pirkan ounga: God eremogl yomba ta miriye gogl tenagledi prukwa yomba i keunde miriye goglkwa. Te yomba ta nomaneno sigetdi tenagledi prukwa yomba i keunde nomaneno siget-ditongwa.
28248	ROM 9:25	Propet Hosea kamambuno pepa mina ka yegl muno boglkwa pangwa: “Yagl ambu erme na epitna moglkrikwa i okuwo na epitna meglme dinaglkwa. Te yagl ambu epigl erme meglkwa i na wakai kankrika ba okuwo na wakai kaima kanaglka.”
28250	ROM 9:27	Aisaia ye Israel yomba pre ka kande di yegl dungwa: “Israel yomba merkinde mundi nigl okupo mereyegl moraglkwa, ba yomba kurita God ere-inambuka.
28252	ROM 9:29	Okuna propet Aisaia ka pandum ta dumere kra plau dungwa: “Yaglkande yombuglomo pond pangwa ye kanwinge orma nono yombano kurita moglkrima ana nono Sodom ya Gomara yeglmere wu kinde omgo.”
28256	ROM 9:33	Kamambuno muno yegl beglko pangwa: “Piryo, na yomba kombuglo katno si-si erikwa ita endinga Saion kamun muglo pangwa. Ana kombuglomo i yomba si deruwagl erambuka, ba yomba ta kombuglo i pirngi dinan ana ye okuwo angai goglkrambuka.”
28261	ROM 10:5	Ana lo ka ipre Moses ka yegl muno boglko punga: “Yomba ta lo ka pamere duglo boran ana God ye yomba du-yene moglme dinambuka ye lo i mina kor-morambuka.”
28262	ROM 10:6	Ba yomba pirngi dindre wu du-yene eingwa i kamambuno pepa mina muno yegl pangwa: “Ene noman mina ka yegl dikratniwo, ‘Yomba ira endimbo heven suna enambe?’” Ene yegl dimara i Krais i-atne una pre dingwa.
28264	ROM 10:8	Ana kamambuno pepa mina sraglwe dum? Yegl dungwa: “God kamo i ene motnara mangigl yongwa, te ene dran mina pandre, ana noman suna yongwa.” Kamo i ene pirngi dingwa ka, no dinongugl ende wamga.
28268	ROM 10:12	Nono pirkan ounga: Juda ya Grik yomba ye kane perepere ta moglkiurka. Yaglkande suwara i yomba prapra Yaglkandeno moglkwa. Ipre yomba prapra ye kangiye dagl no akeple dinambedi krapogl teingo ana ye dimere God ere wakai eretongwa.
28271	ROM 10:15	Ana Yaglkande kamo dipene endinaglkwa yomba i ta God diendekran ana srambre ere kamambuno dinaglme? Kamambuno pepa mina yegl muno beglko pangwa: “Kamambuno wakai ake i-wingwa yomba ye wakai kaima erikwa.”
28274	ROM 10:18	Ba na ka kra yegl poglka, kamambuno wakai i ye kaima pirkrimo? Tamanga. Ye pirkondingwa. I kamambuno pepa mina yegl pangwa: “Ye nunguno embriye waidi makan koglkoglo pi kondungwa, te ye kanno waidi endpi makan uglomugl koglkoglo plau dikondungwa.”
28275	ROM 10:19	Na aglke kordagl kraporaglka: Israel yomba ye ka i pirkrim kana? Okuna Moses ka yegl dungwa, “Na, yomba yungu ombuno bangeta isuna ende pandigl ene deno buglo endimbo ana deno kumbran te yomba nomane wakai paikrukwa yungu ombuno meglkwa i digaglmbo ene mawa eraglkwa!”