23285	MAT 4:7	Tegin Jesús nia-saglaga chogalbal: —Nabir pe chogendo, tenal Pab-kartagin chogbaldo: Pe melle Pab-Tummad-wilub-tako. Dt. 6:16 Al an uwas-pir-akar kwen ichomakojul.
23288	MAT 4:10	Tegin Jesús nia-saglaga chogal: —Nia-Satanás, pe we-akar pe nema. Pe melle ankin pal yolego. Imi Pab-kartagin nermakal maido: Pab Tummadbi pe Pab Tummadyob otummogenab, tegin pe Pab Tummadgabi pe pél immal imakenabbal. Dt. 6:13
23461	MAT 9:13	Tenal pemal turdakenabmal Pab-kartagin ibi chog-wede. Tenal Pab-kartagin chogdo: Imi antin, an pei, pe wilejakwa tule-tak, pe pul kugedgin anka immal ukedga. Os. 6:6 Tegin Jesús chogalbal: —Imi antin, an noni, tule-iskued-nikmalad-amigal, tule-nuegan-amigal chul.
23522	MAT 10:36	Tenal tule-pebak-aichulmalad, aka-neg-yagin pebak mes pukwamalmo. Mi. 7:6 Tenal pemal-anpal-naigujadbal Pab-karta-chogzhadyob, tulemal pemalbak iskunonimalo.
23565	MAT 12:7	Imi Pab e-kartagin chogzhado: Imi antin an pei, pemal wilejakwa tule-tak, pul pe kugedgin anka immal ukegal. Os. 6:6 Tenal pemal we kaka mag itosmalalen ibi chogle, pemal tule-immal-kwen-akaloszhulmaladgin, kwen chogzhajulmalan: ‘We tulemal nosmal.’
23623	MAT 13:15	Tenal we tulemal aga niga okannosmal melle an-itomalgal, tegin we tulemal aga ua-ya chaktismalbal, melle itomalgal. Tegin we tulemal aga imia chaktismalbal, melle takegal. Imi we tulemal weob imaszhulilen, mag itononimaloen, mag taknonimaloen, tegin we tulemal aga ulubgin wisgunonimalbaloen. Tenal we tulemal kannan anchik akpirnonimalalen, antin tar-nudakoen.’ Is. 6:9-10
23706	MAT 15:4	Imi Pab Tummad chogzhado: Imi pedin aga pabgin aga nangin atagenabmal. Ex. 20:12; Dt. 5:16 Tegin Pab chogzhabaldo: Imi meke-ibi-tule aga e-pabga o chulil, aga e-nanga kaka-iskana kochal, pe we tule-mejenabmal. Ex. 21:17; Lv. 20:9
23850	MAT 19:19	Tegin pedin aga pabgin aga nangin pe atagenab. Tegin pe aga tukin chan pilaledyob, pe tule-pimalad-pilalguenabmo. Ex. 20:12-16; Dt. 5:16-20; Lv. 19:18
23904	MAT 21:9	Tegin tulemal-Jesús-iktual-irmamamimalad tegin tulemal-Jesús-cholbal-tanimalad sapejul kolmanatapmal chogalmal: —¡Imi we David-wagwa otummoledi-kuelen, nabirinye! ¡Tenal we tule-Pab-nuggin-tanikidga ib-nued kuelen, nabirbalinye! ¡Tenal we tule nikpa-neggin nug okannoledi-kuelen, nabirbalinye! Sal. 118:26
23908	MAT 21:13	Tegin Jesús tule-immal-ukpukmaladga chogal: —Imi Pab Tummad e-kartagin chogdo: An-negdin unnila anche-kolgalbi. Tenal pemaldin immalmal-aturzheed-negga anche-koled-neg imananimal. Is. 56:7; Jr. 7:11
23973	MAT 22:32	Tenal Pab Tummad chogzhado: Imi antin Abraham-e-Pab-Tummadga mai. Tegin an Isaac-e-Pab-Tummadga mai. Tegin an Jacob-e-Pab-Tummadga maibal. Ex. 3:6 Imi Pab Tummad tule-purkwismalad-e-Pab-Tummadga maichul, tenal tule-tulamalad-e-Pab-Tummadga mai. Al Abraham, Isaac tegin Jacob ampa Pab-neggin tula-pukwamalmo. Al tule-purkwismalad kannan tullenonimalmogo.
23978	MAT 22:37	Tegin Jesús tule-Pab-karta-nued-wijiidga chogal: “Imi pemal pela-pela Pab-Tummad-pilalguenabmal, pél aga pe-ulubgin-itogedzhe, pél pe-purpaje tegin pél pe-pinzheedzhe, pel-kwapa. Dt. 6:5
24026	MAT 23:39	Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua.” Sal. 118:26
24404	MRK 4:12	¿Ibiga an purpalbi tulemal-oturda? Nabir. Imi akpene Pab-kaka-palchoged we tulemalgin chogzhado: Tenal we tulemal immal takoen, tenal we tulemal yabli aku takmalo; tegin we tulemal itogoen, tenal we tulemal yabli aku itomalo. Imi we tulemal mag itomalalen, kannan Pab Tummadzhe tagoen, tegin Pabdin we tulemalga iskued elioen. Is. 6:9-10
24542	MRK 7:10	Imi Moisés chogzhado: Imi pe aga pabgin, pe aga nangin, pe atagenabmal. Ex. 20:12; Dt. 5:16 “Tegin Moisés chogzhabal: Imi meke-ibi-tule aga e-pabga, o aga e-nanga kaka-iskana kochal, pe we tule-mejenabmal. Ex. 21:17; Lv. 20:9
24676	MRK 10:19	¿Imi pe nued wiszhulzhí, Pab Tummad Moisésbal igi igal-mezhis? Imi Pab chogzhado: Melle tule-mejo; melle ome-pidgin yolego; melle immal aturzhao; melle pinche-pinche kakanchao; melle tule-yardako; tegin pe aga pabgangin atago. Ex. 20:12-16
24718	MRK 11:9	Tegin tulemal-Jesús-iktual-irmamamimalad, tegin tulemal-Jesús-cholbal-tanimalad sapejul kolmanatapmal chogalmal: “¡Jesúsye, pe otummoledi-kuelen, nabirinye! Imi tule-Pab-Tummad-nuggin-tanikid, ib-nuedga kuelen, nabirbalinye. Sal. 118:25-26
24726	MRK 11:17	Tegin Jesús tulemal-oturdakalgu, chogal: —¿Imi Pab Tummad e-kartagin chogzhulzhí? An negdin tule-pel-kwapa-akal-akal-anche-kolgalbi, tenal pemal immalmal-aturzheed-negga anche-koled-neg imananimal. Is. 56:7; Jer. 7:11
24768	MRK 12:26	“Imi anmal tule-kannan-tullegoedgin chunmamalo. ¿Tenal pemal Pab-karta apchodimalzhulzhí, akpene igi Moisésga ib kujad? Imi teun Moisés kagwis chapi takchagu, abir nad. Tenal Pab Tummad Moisésga chogal: Imi antin, Abraham, Isaac, tegin Jacob e-Pab-Tummadga mai. Ex. 3:6
24772	MRK 12:30	Tenal pemal Pab-Tummad-pilalguenab, pél aga pe-ulubgin itogedzhe, pél pe-purpaje, pél pe-pinzheedzhe, pél pe-kalzhe, pel-kwapa. Dt. 6:4-5
25066	LUK 2:24	Tenal María aga tukin Pabga-immal-ukegal nadmo, Pab igal-mezhijadyob. Tenal Pab-igal chogdo: Imi ome nuchu-nikujal, Pabga keg-chulgu kwabo nu-chapur-ukenab, o chulil, kwabo wag-nu-ukenab. Lv. 12:6-8
25140	LUK 4:8	Tegin Jesús nia-saglaga chogal: —Pinche pe koltima. Tenal Pab-Tummad-kartagin nermakal maido: Pab Tummadbi pe Pab Tummadyob otummogenab, tegin pe Pab Tummadgabi pe immal imakenabmalbal. Dt. 6:13
25144	LUK 4:12	Tegin Jesús nia-saglaga chogalbal: —Nabir pe chogendo, tenal Pab-kartagin chogbaldo: Pe melle Pab-Tummad-wilub-tako. Dt. 6:16
25151	LUK 4:19	Tegin Pab an-palmialbal tulemalga choggal: “Imi pirka naigunoni, Pab wilejakwa tule-takegal.” Is. 61:1-2
25324	LUK 8:10	Tegin Jesús aga e-chapinganga chogal: —Imi Pab-neg-takmaid-igal otukal mai. Tenal Pab pemalga igal-ukcha mag we igal itogal, tenal Pab tule-pimaladgadin igal-kwen-ukchajul. Tenal an we tulemalga purpal Pab-neg-takmaid-igalgin chunma. Imi Pab-kartagin chogdo: Tule-takpukmalad aku taknonimalo, tegin tule-itobukmalad aku itononimalbalo. Is. 6:9
25459	LUK 10:27	Tenal tule-Moisés-igal-wijiid Jesúsga chogal: —Imi pe Pab-Pul-Tummad-pilalguenab, pél aga pe-ulubgin-itogedzhe, pél pe-purpaje, pél pe-kannaleged-nikadzhe, pél pe-pinzheedzhe, pel-kwapa. Dt. 6:5 Tegin pe aga tukin chan pilaledyob tule-pe-tikalbal-mamimalad pe pilalguenabmalbal. Lv. 19:18
25622	LUK 13:35	Imi pe-negdin mellegal-peio. Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua. Sal. 118:26
25777	LUK 18:20	¿Imi pe nued wiszhulzhí, Pab Tummad Moisésbal igi igal-mezhis? Imi Pab chogdo: Melle ome-pidgin yolego, melle tule-mejo, melle immal aturzhao, melle pinche-pinche kakanchao. Tenal pe aga pabgin tegin pe aga nangin atagenabmalbal. Ex. 20:12-16; Dt. 5:16-20
25838	LUK 19:38	¡Imi we errey-Pab-nuggin-tanikid, ib-nued erreyga kuelen, nabirinye! ¡Imi Pab-neggin akalzhul-pukmalalen, nabirbalinye! ¡Tegin we errey nikpa-neggin nug okannoledi-kuelen, nabirbalinye! Sal. 118:26
25846	LUK 19:46	Tegin Jesús tule-immalmal-ukpukmaladga chogal: —Imi Pab Tummad kartagin chogdo: Imi an-neg unnila anche-kolgalbi, tenal pemaldin immalmal-aturzheed-negga anche-koled-neg imanonimal. Is. 56:7; Jr. 7:11
26181	JHN 2:17	Tegin Jesús-e-chapingan Jesús-chogzhad itosgu, kep itos-nadmal akpene Pab-kartagin nermakal mai: Imi an Peje-koled-neg nudagal an pela-pela arpanaidbal, an neg-owed. Sal. 69:9
26357	JHN 6:31	Tenal anmal-tadgan neg-nikchulidbal maná-mas kuchamal. Tenal Pab-kartagin nermakal maimodo: Teun ad Pab-neg-akar tadganga mas-kunned ukcha, kunkal. Ex. 16:4; Neh. 9:15; Sal. 78:24-25
26584	JHN 10:34	Tegin Jesús Judiomalga chogal: “Imi an chogzhal: ‘Antin Pab’, wedin iwen-akalzhul. ¿Imi Pab-kartagin nermakal maichulzhí: Antin chogzhado, pemal pab-tummagan? Sal. 82:6 Tenal akpene Pab Tummad purpal tule-wal-walgwenga weob chunmas.
26662	JHN 12:13	Al tulemal-Jesús-wisgusmalad uga-ka-annik Jesús-abin-nadmal. Tegin tulemal Jesús-abingusmalgu, kep pulal kolmanatapmal, chogalmal: —Jesúsye, pe-nug otummoledi-kuelen, nabirinye. Imi pedin Pab-nuggin-tanikid-tuleye. Tenal pe Israel-erreyga tanikidbal, Pab Tummad pega immal-nuegan imakelen, nabirbalinye. Sal. 118:25-26
26689	JHN 12:40	Imi Pab purpal we tulemal-imia akalosmal, melle purpal mag takegal. Tegin Pab purpal we tulemal-niga okannosmal, melle ulubgin Pabgin ibzhegal. Imi Pab chogzhado: “Imi an purpal weob we tulemal-imas, melle e-taed ogwalegal anpal naigugal. Tegin an purpal melle we tulemal-nudagalbal.” Is. 6:10
26793	JHN 15:25	“Tenal we immalmal imis kunaid, pato tikajulgus Pab-kartagin choglesmaido. Tenal Pab-kartagin chogdo: Imi an immal kwen akaloszhul, tenal tulemal yabli istar an-taknonimal. Sal. 35:19; 69:4
26930	JHN 19:36	Tenal we immalmal-kujad, akpene Pab-kartagin choglejad-yopí kunoni. Tenal Pab-kartagin nermakal maido: Imi tulemal we tule-e-kal kwen piskojul-kuo. Ex. 12:46; Num. 9:12; Sal. 34:20
27012	ACT 1:20	“Tenal Judasgin pél immalmal kujad, Pab-namaked-kartagin pato nermakal maido: Imi we tule-e-neggin tule melle ampaguelen, nabirin; tegin we neg metmalalen, nabirbalin, we tule-e-nug ilgwen pelgugal. Sal. 69:25 “Tegin Pab-kartagin chogbal: Tule-pid we tule-anal tummadga togenab. Sal. 109:8
27046	ACT 2:28	Tenal pedin igal-nued-wisgugal an-imas, an melle pulzhuli purkwegalye. Teginbal, an pe-assapin pela-pela yer weligwal-itogalbalye.” Sal. 16:8-11
27090	ACT 3:25	Tenal Pab Tummad e-kaka-palchogmaladbal kaka-ukchaddin ampa pemalgadmo. Tegin Pab Tummad pe-tadganbak aga kaka-ukchamaladdin ampa pegadmo. Tenal Pab Tummad Abrahamga Jesúsgin chogzhado: Imi pe-wagwabal pel-kwapa-tulemal-ilbal ib-nuedga kunoniko. Gen. 22:18; 26:4
27217	ACT 7:32	Antin pe-tadgan-Abraham, Isaac, Jacob e-Pab-Tummad. Ex. 3:6 Tenal Moisés kwakijadbal, pel tu-tu-tu pes. Tegin Moisés chapi-kagwichid, pel takpijul-kual.
27228	ACT 7:43	Pemal pul-kigma pab-tummad-aga-tukin-chobzhamalad-otummosmal. Tegin pemal pab-tummad-Moloc-e-chumpa-chesmal otummogal. Tegin pemal pab-tummad-Refán iskwayob-immal-chobaled chesmalbal, otummogalbal.’ Am. 5:25-26 “Tegin Pab Tummad chogbal: Imi pemal immal-chobaled-otummojadbal an pemalga chogdo: pemal itigin keg pal meggwel, an Babilonia-neg-kwebur-okpinal an pemal-palminejun, sapejul pemal-oturdagal. Am. 5:27
27235	ACT 7:50	¿Imi an pel-kwapa we immalmal opinnijadzhulzhí? Teobdo.’ ” Is. 66:1-2
27466	ACT 13:35	Tegin David namaked-pidgin, chogzhabal: Imi Pab Tummad-igal-kwen-ukojul, Tule-Chwilidikid-e-mui nungugal. Sal. 16:10
27478	ACT 13:47	¿Ibiga an teob chog? Nabir. Imi Pab Tummad anmalga chogzhagusdo: Imi antin kallenyob tule-Judiojulmaladga pe-imas, iti-nap-naid-ugakche, tulemal-pel-kwapa mag takegal, tule igi nabir abonole Pab Tummadzhe melle peyedzhe oturdalegal.” Is. 49:6
27994	ACT 28:27	¿Ibiga an weob we tulemalga chog? Imi we tulemal yami aga kanna imamal. Tenal we tulemal itogen, yami aga chuchu chaktismal, melle itogal. Tenal we tulemal mag taken, yami aga imia chaktismalbal, melle takegal. Tenal we tulemal an-chogzhadyob tajulilen, aga ulubgin mag itononikoen. Tegin we tulemal mag imia atanonikoen, tegin we tulemal mag itononibaloen. Tegin we tulemal anche tagoen; tegin an we tulemal-nudakoen. Is. 6:9-10
28036	ROM 2:6	Tenal Pab-Tummad-tulega-igal-itogoed-ibegin chogzhado: Antin tule-immal-imajadbal tulega immal-imako. Sal. 62:11-12; Pr. 24:12
28054	ROM 2:24	Imi Pab-kartagin nermakal maido: Imi pemal istar nanediidbal, Judiojulmalad istar Pab-nuggin todoaldamal. Is. 52:5; Ez. 36:22
28077	ROM 3:18	Tegin we tulemal kwen pinzhejulmal, Pab-Tummadgin-atagal. Sal. 36:1
28093	ROM 4:3	Imi Pab-kartagin ampa chogmodo: Imi Abraham aga ulubgin Pab-Tummad-penzhul-kunonikidbal, Pab Tummad tule-iskued-nikchulidyob Abraham-taknoni. Gn. 15:6
28112	ROM 4:22	Al Pab-kartagin nermakal maido: Pab Tummad tule-iskued-nikchulidyob Abraham-taknonijun. Gn. 15:6
28240	ROM 9:17	Imi Pab-kartagin nermakal maido, Pab Tummad Faraónga chogzhado: Imi antin tule-tummadga pe-odos, an-kannaleged pebal mag taklenonigal, tegin tulemal napa-naid-ugakche an-nug otummomalgal. Ex. 9:16
28243	ROM 9:20	Tenal pe Pabzhul-choggu, ¿tede pe igi Pab Tummadgin chogo: “Pedin noal immal imas?” Chulá. Keg kue. Imi Pab-kartagin chogdo: ¿Mete tule-e-chobzhadga chogo pe ebinzhe: “Ibiga pe weob an-chobzha?” Chulá. Keg kue. Is. 29:16; 45:9
28256	ROM 9:33	Imi Pab-kartagin ampa weob nermakal maimodo: Imi Pab Tummad chogdo: “Imi pe takto, antin neg-kwebur-Sióngin akwa-mul-tummad chis. Tenal tule we akwa-mul-tummadgin yolenonimalal, agladamal. Tenal tule we akwagin pengunonijulmalal, kwen pinkeguojulmal.” Is. 28:16
28267	ROM 10:11	Imi Pab-kartagin ampa chogmodo: Imi meke-ibi-tule we tulegin penzhulil, kwen pinkeguojul-kuo. Is. 28:16
28276	ROM 10:20	Tegin Isaías tobzhulidgin chogzhamodo: Pab Tummad chog: “Imi tule-an-amiszhulmalad an-amismal. Tegin tule an-ekichiszhulmaladga an oyos antin toa-tule.” Is. 65:1
28277	ROM 10:21	Tenal Isaías Israel-tulemalgin chogzhado: Pab Tummad chog: “Imi antin wakur-akar-chedoje pemalzhe chunkal oyonai, anche taggal. Tenal pemal yapa anche tagmal, tegin an-choged-pallí immal kwen imaszhulmalbal.” Is. 65:2
28287	ROM 11:10	Tegin we tulemal-e-imia aku ata-peielen, nabirin, melle immal takegal. Tegin we tule-e-yankal ilagwen tulludik peielen, nabirbalin. Sal. 69:22-23
28374	ROM 15:3	Imi Cristo aga tukingabi yer-itogal aga kwen imaszhul-kus. Imi Pab-kartagin ampa chogmodo: Imi tule-pegin-istar-chunmadi-kujad ankin yolenonimo. Sal. 69:9
28471	1CO 2:9	Tenal Pab-Tummad-e-pinzheed e-kartagin nermakal-maido: Tenal Pab Tummad tule-e-pilalmaladga iktualeba pela-pela kuakwa immal-nuegan imas. Tenal tulemal weob immal-nuegan kwen taktijulmal, tegin kwen itodijulmalbal, tegin weob kwen kin pinzhedijulmalbal. Is. 64:4
28642	1CO 10:7	Tenal anmal-tadgan-wal-walgwen kujadyob, pe melle chowal-mimmiganzhe kolmalo. Tenal Pab-kartagin chogdo: Tadgan moli-olgadga mas kuchamal, tegin kobzhamal, tegin kwichamalbal, Pab Tummadyob moli-olgad-otummomalgal. Ex. 32:6
28813	1CO 15:27	Tenal Pab-kartagin Cristogin chogzhado: Pab Tummad pel-kwapa we tule-ulpallí-nanegal immalmal urpis. Sal. 8:6 Tenal Pab Tummad pel-kwapa immal-imajadbal kwen choglejul, Pab Tummad Cristo-ulpallí nane-nemo.
28940	2CO 4:13	Imi Pab-kartagin nermakal maido: An Pab-kwen-penzhul-kunonikidbal, an Pabgin chunmadi-kus. Sal. 116:10 Tenal Pab-kartagin-nermakal-maidyob anmal ampa kudimalmo. Al anmal Pab-kwen-penzhul-kunonikidbal Pabgin chunmadimalmo.
28982	2CO 6:16	¿Imi Pab-Tummadzhe-koled-neg, tegin chowal-mimmiganbak, aga yopí nanemal pe ebinzhe? Chulá. We immalmal aga yopí kwen tajulmal, aga akal-akal tamal. Tenal anmal Pab-Tummad-Tulad-meggwed-neg. Imi Pab Tummad chogzhado: Imi antin naga tulemalbak mego, tegin antin, an naga tulemalbak mes nanedi-kubalo. Tegin antin e-Pab-Tummadga maio. Tegin we tulemal an-mimmiganga kunoniko. Lv. 26:12; Ez. 37:27
29015	2CO 8:15	Imi Pab-kartagin nermakal maido: Imi tule ichejul immalmal wejad, ampa kwen okpitchul. Tegin tule iche immalmal wejad, ampa kwen akuszhulbal. Ex. 16:18
29175	GAL 3:6	¿Ibiga an nabir wiis? Imi Pab-kartagin chogdo: Tad-Abraham Pab Tummadgin kwen penzhul-kujadbal Pab Tummad tule-innikigwadyob tad-Abraham-taknonijun. Gn. 15:6
29179	GAL 3:10	Tenal tulemal-wal-walgwen chogalmalal: “Anmal Moisés-igal-mamikidgin nanediidbal Pab Tummadbak nuguo,” tenal we tulemal peyedzhe Pabzhe ukapchalego. ¿An igi nabir wiis? Nabir. Imi Pab-kartagin nermakal maido: Tule pane-pane pel-kwapa Moisés-kartagin-nermakal-maidgin inniki nanejulil, Pab Tummadzhe ukapchalego. Dt. 27:26
29347	EPH 4:8	Al Pab-kartagin chogdo: Imi we tule nikpa nakwisgu, tule-kalesbukmalad-ches, tegin tulemalga immal-nuegan ukchabal. Sal. 68:18
29407	EPH 6:3	Imi pe pabgin tegin pe nangin atagel, pemalga ib-nuedga kunoniko, tegin pemal iti-napkin chowibaa nanao, pe kueye-kueye kwen purkojul-kuo. Dt. 5:16
29913	2TI 2:19	Imi Pab-kaka-chunchunnaddin ampa kal-nika mai, tule-kartagin-sello-chijadyob. Imi Pab-kartagin chogdo: Imi Pabdin nued wisdo toa-tulemal e-tule-chunchunnamalad. Num. 16:5 Tenal Pab-kartagin nermakal maibal: “Tule chogzhal ede Pab-Jesúsgad, we tule keg-chulgu iskued ebeenab.”
30039	HEB 1:9	Imi pedin yer igal-innikigwad takedbal, tegin pedin istar igal-iskana takedbal, antin-Pab-Tummad pe-chus. Tegin an pe-Pab-Tummadga maibal. Tenal an pe-pakamaladga pul-tule-tummadga pe-odos, tule nonogin kwallu eyogedyob, weligwal-itogedgin neg takegal. Sal. 45:6-7
30052	HEB 2:8	Tegin pe pel-kwapa-immalmal-imasbal tulemal-ulpallí nanegal. Sal. 8:4-6 Tenal Pab Tummad igal-mezhisdo immalmal-pel-kwapa tulemal-ulpallí-nanegal, immalmal kwen nikchul tulemal-ulpallí-nanejulid. Tenal imidin ampa kwénna-kwénna an kwen takchuldo immalmal-pel-kwapa tulemal-ulpallí-naneed.
30205	HEB 10:5	Al Cristo iti-napche-nonigu, aga e-Pabga chogzhado: Imi tule-pega-immal-kugmalad, tegin pega-immal-ukmalad, pedin, pe pal kwen peichul. Sal. 40:6 Tenal Cristo aga e-Pabga chogzhabal: Tenal pedin, pe anka kuakwa pel-kwapa an-chan ukcha.
30207	HEB 10:7	al antin chogalzhun: “Imi antin pato kuakwa kudiye, pe-kartagin ankin nermales-maidyob pe-itolegedbal nanegalye. Pab Tummadye, al an noniye.” Sal. 40:6-8
30230	HEB 10:30	Imi anmal Pab-Tummad-wismal. Tenal Pabdin chogzhado: Anpí unnila igal-nika sapejul tule-abin-imagal. Tenal antin keg-chulgu tule-abin-imamogo. Dt. 32:35 Tegin Pab kannan chogzhabaldo: Imi antin-Pab-Tummad, tulemalga keg-chulgu igal-itogo. Dt. 32:36; Sal. 135:14
30305	HEB 12:26	Imi Moisés maiun, Pab e-kaka-chunmakedbal neg-otutumas. Imisdin Pab kaka-ukchado: Imi an napi neg-otutumanoniko, tenal iti-napkingabijul, tenal nikpa-neggin pel-kwapa otutumamogo. Hag. 2:6
30313	HEB 13:5	Tenal pedin, pe melle twagdar mani-kaedgin pinzhediidbal, pinzheed kalego. Tenal pedin aga immal-nikadgin pe yer itogo. Imi Pab Tummad chogzhado: Antin meke-igi pe-kwen-igeojul-kuo. Tegin an pe-kwen-metojulbal. Dt. 31:6
30314	HEB 13:6	Al anmal Pab-penzhulidgin chogenabmal: Pab an-pentadii-choggu, al an kwen tobzhul. ¿Tede an igi tule-tobguo? Imi Pab anpak kudii. Sal. 118:6-7
30383	JAS 2:23	Al Pab-kartagin nermakal maid-yopí kunoni: Imi Abraham Pab-Tummad-kwen-penguszhul-kus. Al Pabdin tule-immal-akaloszhulidyob Abraham-taknonijun. Gn. 15:6 Al Abraham Pabbak ai-kunaledga kunonijun.
30466	1PE 1:25	Tenal Pab-kakapurwadin pal kwen pelguojul-kuo ilagwen pesgu-peio. Is. 40:6-8 Imi we Pab-kakapurwa-keg-pelgued pemalga choglenonido Pab tule-abono.
30472	1PE 2:6	¿Ibiga an teob chog? Imi Pab Tummad ampa e-kartagin chogmodo: Pe takto, antin pul-akwa-nued chus, tegin an Sióngin we akwa chis, neg abingegal. Tegin meke-ibi-tule we tulegin ibzhenonikil, kwen pinkeguojul-kuo. Is. 28:16
30503	1PE 3:12	Imi Pab Tummad nugu tule-inniki-nanemalad-takmal, tegin we tule Pabzhe-kolel, Pab keg-chulgu we tule-itogo. Tenal Pabdin tule-immal-akaloed istar tak. Sal. 34:12-16
30589	2PE 2:22	Al tadgan nabir wegiid-tulegin chogzhado: Imi achu agzhal kannan aga e-agzhad kunpalo. Pr. 26:11 Tegin tadgan chogzhabaldo: “Imi chin-nan tigin enuklejal, kannan olligin obnonibalo.” Wedin choglege, wegiid-tulemal kusgu iskuedgin kannan iskunonibalo.
30995	REV 13:18	Tenal pedin wisguenabmal, we wilub ibi-chogle-wede. Tenal pe mag itogel, pe nabir numero pinas-nono-maklejad-nugujadgad onogo. We numerodin, tulegad. Tenal e-numerodin, 666.