23236	MAT 1:23	Tenal Pab-kartagin chogzhado: Imi puna-yae-walgwen-machered-kwen-wichulid ponigwal-kwisgunoniko, tenal we puna machi-toto-nikunoniko. Tenal we machi nugzhalenoniko Emanuel. (Wedin choglege: “Pab anmalbak kudii.”) Is. 7:14
23244	MAT 2:6	Imi we neg-kwebur-Belén, Judea-napkin chii. Tenal we neg-kwebur pollé-taklegen, tenal neg-kwebur-pul-chunchogmaladga pul neg-chunchogedmo. Imi we neg-kwebur-Belén-akar tule-tummad nononiko neg-takegal, Tenal we tule-tummad an-Israel-tulemal-iktuedga kunoniko, tule-oveja-takedyob. Mi. 5:2
23253	MAT 2:15	Tenal José Herode-purkwijadzhe Egiptogin pesmal. Imi Jesúsgin weob immal-kujad Pab akpene e-kaka-palchogedbal chogzhagujadyob pél kus. Tenal Pab Tummad chogzhado: Imi antin naga machije kocha Egiptogin nogal itije megdagal. Os. 11:1
23256	MAT 2:18	Imi Ramágin tulemal pela-pela pukib-itogedbal okormananimal. Tenal we omegan-Raquel-e-wagwagan e-nuskan-purkwijadbal pela-pela okormananimal. Tenal tule kwen unnijul we omegan-pukib-itoged ochulogal. Jr. 31:15
23264	MAT 3:3	Imi akpene Pab-kaka-palchoged-Isaías Juan Bautistagin chogzhado: Imi neg-nikchulidbal tule-walgwen kolmakal-kolmakal chunmanoniko: “Imi pemal Tule-Tummadga neg nudakenabmal, tegin pe inniki-inniki Tummadga igal-imakenabmalbal.” Is. 40:3
23282	MAT 4:4	Tegin Jesús niaga chogal: —¡Chulá! Imi Pab-kartagin nermakal maido: Tule mas-kunnedginbi kwen tuladijul. Tenal tulemal Pab-kakapurwa-itogedbal tula-timal. Dt. 8:3
23285	MAT 4:7	Tegin Jesús nia-saglaga chogalbal: —Nabir pe chogendo, tenal Pab-kartagin chogbaldo: Pe melle Pab-Tummad-wilub-tako. Dt. 6:16 Al an uwas-pir-akar kwen ichomakojul.
23288	MAT 4:10	Tegin Jesús nia-saglaga chogal: —Nia-Satanás, pe we-akar pe nema. Pe melle ankin pal yolego. Imi Pab-kartagin nermakal maido: Pab Tummadbi pe Pab Tummadyob otummogenab, tegin pe Pab Tummadgabi pe pél immal imakenabbal. Dt. 6:13
23324	MAT 5:21	Tegin Jesús kannan chogalbal: “Imi pemal akpene itosmal anmal-tadganga choglesgus: Pe melle tule-mejo. Ex. 20:13 Tegin anmal-tadganga choglesgusbal: Tenal meke-ibi-tule, tule-mechal, we tulega-igal-itolenonikoedbal sapejul oturdalenoniko. Ex. 21:12
23330	MAT 5:27	Tegin Jesús chogalbal: “Imi pemal akpene itosmal anmal-tadganga choglesgus: Pe melle ome-pidgin yolego, tegin omegandemo melle machered-pidgin yolemogo. Ex. 20:14
23334	MAT 5:31	Tegin Jesús chogalbal: “Imi pemalga akpene choglesbaldo: Imi meke-ibi-tule aga ome-metel, we tule omega karta ukenab choggal ede ome-mete. Dt. 24:1
23336	MAT 5:33	Tegin Jesús chogalbal: “Imi pemal akpene itosmalbal, anmal-tadganga choglesgus: Imi pe immal-nuggin napírra-immal-chogzhal, pe melle naga chogzhad ochulogo. Tenal pe Pabga napírra-immal-chogzhal, pél pe keg-chulgu imakenabmal. Lv. 19:12; Nm. 30:2; Dt. 23:21
23341	MAT 5:38	Tegin Jesús chogalbal: “Imi pemal akpene itosmalbal anmal-tadganga choglesgus: Imi tule pe-imia-ochuchal, pedin igal-nikamo we tulebi imia ochunnegalmo. Tenal tule pe-nugal pichijal, pedin igal-nikamo we tulebi nugal piskegalmo. Ex. 21:24; Lv. 24:20; Dt. 19:21
23346	MAT 5:43	Tegin Jesús chogalbal: “Imi pemal akpene itosmalbal anmal-tadganga choglesgus: Imi pedin aga ai-pilalguenab. Tenal tule-pebak-aichulid, pe istar takenab. Lv. 19:18
23431	MAT 8:17	Imi Jesús tule-yemalad-nudajad, akpene Pab-kaka-palchoged-Isaías-chogzhad-yopí kunoni. Tenal Isaías chogzhado: Imi we tule aga tukin anmal-anal poni chus. Tegin we tule anmal-anal immal-nunmaked itosbal. Is. 53:4
23461	MAT 9:13	Tenal pemal turdakenabmal Pab-kartagin ibi chog-wede. Tenal Pab-kartagin chogdo: Imi antin, an pei, pe wilejakwa tule-tak, pe pul kugedgin anka immal ukedga. Os. 6:6 Tegin Jesús chogalbal: —Imi antin, an noni, tule-iskued-nikmalad-amigal, tule-nuegan-amigal chul.
23522	MAT 10:36	Tenal tule-pebak-aichulmalad, aka-neg-yagin pebak mes pukwamalmo. Mi. 7:6 Tenal pemal-anpal-naigujadbal Pab-karta-chogzhadyob, tulemal pemalbak iskunonimalo.
23538	MAT 11:10	Tenal Pab-kartagin Juan Bautistagin chogzhado: Imi Pab Tummad chog: Imi antin pe-iktual tule-igal-nudaked-palmine, pega igal nudagal. Mal. 3:1
23565	MAT 12:7	Imi Pab e-kartagin chogzhado: Imi antin an pei, pemal wilejakwa tule-tak, pul pe kugedgin anka immal ukegal. Os. 6:6 Tenal pemal we kaka mag itosmalalen ibi chogle, pemal tule-immal-kwen-akaloszhulmaladgin, kwen chogzhajulmalan: ‘We tulemal nosmal.’
23643	MAT 13:35	Tenal Jesús tulemalga purpal chunmadi-kus akpene Pab-kaka-palchoged-chogzhad-yopí kunonigal. Tenal Pab-kaka-palchoged Jesúsgin chogzhado: Imi antin purpal immalmalgin chunmadi-kuo, tegin an nap-kepe-naigujad-akar-otukal-igal-maidgin chunmadi-kubalo. Sal. 78:2
23706	MAT 15:4	Imi Pab Tummad chogzhado: Imi pedin aga pabgin aga nangin atagenabmal. Ex. 20:12; Dt. 5:16 Tegin Pab chogzhabaldo: Imi meke-ibi-tule aga e-pabga o chulil, aga e-nanga kaka-iskana kochal, pe we tule-mejenabmal. Ex. 21:17; Lv. 20:9
23711	MAT 15:9	Tenal we tulemal Pab Tummadyob anche kolalmalal, wedin ibga keg pel ku. Tenal we tulemal tadgan-pinche-aga-igal-onosmaladgin tulemal-oturdananimal. Pitogua.” Is. 29:13
23835	MAT 19:4	Tegin Jesús Pariseomalga chogal: —¿Imi pe Pab-karta-nermakal-maid pe apchodimalzhulzhí? Imi Pab-kartagin chogdo: Imi Pab kepe-saglagin abirginagwal tule-opinnis. Gn. 1:27
23836	MAT 19:5	“Tegin Pab chogzhabaldo: Imi an abirginagwal tule-imas-choggu, al machi ome-nikuedbal aga-pab-aga-nan-ebegenab, aga e-omebak mecha kudigugal. Tenal we tule-walbogid aga nikusmalal, aga chan-walkwénna kunonimalo. Gn. 2:24
23850	MAT 19:19	Tegin pedin aga pabgin aga nangin pe atagenab. Tegin pe aga tukin chan pilaledyob, pe tule-pimalad-pilalguenabmo. Ex. 20:12-16; Dt. 5:16-20; Lv. 19:18
23900	MAT 21:5	Imi Pab Tummad chog: Pe punamal-Sióngin-pukmaladga chogo: “Pe tak, pe-errey peje moli-burro-chapini-askin-chii-tani, tenal lologwadgin tani, urwedgin chul.” Zac. 9:9
23904	MAT 21:9	Tegin tulemal-Jesús-iktual-irmamamimalad tegin tulemal-Jesús-cholbal-tanimalad sapejul kolmanatapmal chogalmal: —¡Imi we David-wagwa otummoledi-kuelen, nabirinye! ¡Tenal we tule-Pab-nuggin-tanikidga ib-nued kuelen, nabirbalinye! ¡Tenal we tule nikpa-neggin nug okannoledi-kuelen, nabirbalinye! Sal. 118:26
23908	MAT 21:13	Tegin Jesús tule-immal-ukpukmaladga chogal: —Imi Pab Tummad e-kartagin chogdo: An-negdin unnila anche-kolgalbi. Tenal pemaldin immalmal-aturzheed-negga anche-koled-neg imananimal. Is. 56:7; Jr. 7:11
23911	MAT 21:16	Tegin Judio-tummagan Jesúsga chogalmal: —¿Imi pe-itos purwigana pegin igi chog? Tegin Jesús tummaganga chogal: —An itosdo, purwigana igi chogmal. Tenal anka wedin iwen-akalzhul. ¿Imi pe Pab-kartagin apchodijulzhí we immal kunaid? Tenal Pab kartagin chogdo: Imi pedin pato kuakwa purwigana-tegin-mimmigan-nu-nunanimalad-urpis pe-nug otummogal. Sal. 8:2
23973	MAT 22:32	Tenal Pab Tummad chogzhado: Imi antin Abraham-e-Pab-Tummadga mai. Tegin an Isaac-e-Pab-Tummadga mai. Tegin an Jacob-e-Pab-Tummadga maibal. Ex. 3:6 Imi Pab Tummad tule-purkwismalad-e-Pab-Tummadga maichul, tenal tule-tulamalad-e-Pab-Tummadga mai. Al Abraham, Isaac tegin Jacob ampa Pab-neggin tula-pukwamalmo. Al tule-purkwismalad kannan tullenonimalmogo.
23978	MAT 22:37	Tegin Jesús tule-Pab-karta-nued-wijiidga chogal: “Imi pemal pela-pela Pab-Tummad-pilalguenabmal, pél aga pe-ulubgin-itogedzhe, pél pe-purpaje tegin pél pe-pinzheedzhe, pel-kwapa. Dt. 6:5
23980	MAT 22:39	Tenal igal-chogbogwad ampa yopíjalmo. We igal chogdo: Imi aga pe-chan pilaledyob, pe tule-pid-pilalguenabmalmo. Lv. 19:18
23985	MAT 22:44	Imi Pab Tummad an-Tummadga chogzhado: ‘Pedin an-nuedzhik tule-tummadga chigwitapo, tule-pebak-aichulmaladgin nakwegal an pe-imakedzhe, pe kangin nag-onakwedyob.’ Sal. 110:1
24026	MAT 23:39	Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua.” Sal. 118:26
24055	MAT 24:29	Tegin Jesús chogalbal: “Imi tule-peyedzhe-wilesmalad-cholbal, ampa te ibegin tadgwadin akinnoniko, tegin nidin neg pal kwen otalogojul, tegin iskwadin nikpa-akar apatnoniko, tegin nikpa-neg-kanalejiid pela-pela tutumanonimalbalo. Is. 13:10; 34:4
24154	MAT 26:31	Tegin Jesús aga e-chapinganga chogal: —Pemal imis-mutik pel-kwapa an-midmalo, Pab-kartagin chogzhadyob. Tenal Pab Tummad purpal chogzhado: Antin oveja-taked-mejo, tegin ovejamal akne-akne abarmadmalo. Zac. 13:7
24244	MAT 27:46	Tegin wachilapágin Jesús sapejul kolmas, e-kakagin chogal: “Elí, Elí, ¿lema sabactani?” (Wedin choglege: An-Pab-Tummadye, an-Pab-Tummadye, ¿ibiga pe an-meteye?) Sal. 22:1
24286	MRK 1:2	Imi akpene Pab-Tummad-kaka-palchoged-Isaías nermasdo: Pab Tummad chog: Imi antin pe-iktual tule-igal-nudaked-palmine, pega igal-nudagal. Mal. 3:1
24287	MRK 1:3	Imi tule-walgwen neg-nikchulidbal kolmakal-kolmakal chunmanoniko: “Imi pemal Tule-Tummadga neg nudakenabmal, tegin pe inniki-inniki Tummadga igal imakenabmalbal.” Is. 40:3
24539	MRK 7:7	Imi we tulemal Pabyob anche kolmalal, wedin ibga keg pel ku. Tenal tadgan-pinche-aga-igal-onosmaladgin tule-oturdananimal. Pitogua. Is. 29:13
24542	MRK 7:10	Imi Moisés chogzhado: Imi pe aga pabgin, pe aga nangin, pe atagenabmal. Ex. 20:12; Dt. 5:16 “Tegin Moisés chogzhabal: Imi meke-ibi-tule aga e-pabga, o aga e-nanga kaka-iskana kochal, pe we tule-mejenabmal. Ex. 21:17; Lv. 20:9
24663	MRK 10:6	Tenal Pab Tummad kepe-saglagin tule-opinnisgu, weob igal-kwen-mezhiszhul. Imi Pab Tummad kepe-saglagin abirginagwal tule-opinnis. Gen. 1:27
24665	MRK 10:8	Imi we abirgin aga nikusmalal, pato aga chan-walkwénna kunonimalo. Gen. 2:24 Al we abirgin pato walbojul, pato chan-walkwénna kunonimal.
24726	MRK 11:17	Tegin Jesús tulemal-oturdakalgu, chogal: —¿Imi Pab Tummad e-kartagin chogzhulzhí? An negdin tule-pel-kwapa-akal-akal-anche-kolgalbi, tenal pemal immalmal-aturzheed-negga anche-koled-neg imananimal. Is. 56:7; Jer. 7:11
24768	MRK 12:26	“Imi anmal tule-kannan-tullegoedgin chunmamalo. ¿Tenal pemal Pab-karta apchodimalzhulzhí, akpene igi Moisésga ib kujad? Imi teun Moisés kagwis chapi takchagu, abir nad. Tenal Pab Tummad Moisésga chogal: Imi antin, Abraham, Isaac, tegin Jacob e-Pab-Tummadga mai. Ex. 3:6
24773	MRK 12:31	Tegin kaka-chogbogwad chogbal: Imi aga pe-chan pilaledyob, pe tule-pid-pilalguenabmalmo. Lv. 19:18 Tenal anmalga igal-pul-chunchoged ukin pal nikchul, imi an-chogzhadbi unnila maido.
24778	MRK 12:36	Tenal Errey-David Pab Purpa Nuedbal aga tukin Pab-akpene-chogzhad-palmidagoed-tulegin chogzhado: Imi Pab Tummad an-Tummadga chogzhado: ‘Pedin an-nuedzhik tummadga chigwitapo, tule-pebak-aichulmaladgin nakwegal an pe-imakedzhe, pe kangin nag-onakwedyob.’ Sal. 110:1
24811	MRK 13:25	Tegin iskwadin nikpa-akar apatnoniko; tegin nikpa-neg-kannalejiid pela-pela tutumanoniko.” Is. 13:10; 34:4
24850	MRK 14:27	Tegin Jesús aga e-chapinganga chogal: —Imi pemal-pel-kwapa an-ebemalo, Pab-kartagin-chogzhadyob. Imi Pab Tummad e-kartagin purpal chogzhado: Antin oveja-taked-mejo, tegin ovejamal akne-akne abarmadmalo. Zac. 13:7
24923	MRK 15:28	(Imi akpene Pab-kartagin nermakal-maid-yopí Jesúsgin kus. Imi Pab-kartagin Jesúsgin chogzhado: Imi tulemal, tule-iskanayob we tule-takmalo.) Is. 53:12
25136	LUK 4:4	Tegin Jesús niaga chogal: —¡Chulá! Imi Pab-kartagin nermakal maido: Imi tule mas-kunnedginbi kwen tuladijul, (tenal tule Pab-kaka-itogedbal tula-kudimal). Dt. 8:3
25140	LUK 4:8	Tegin Jesús nia-saglaga chogal: —Pinche pe koltima. Tenal Pab-Tummad-kartagin nermakal maido: Pab Tummadbi pe Pab Tummadyob otummogenab, tegin pe Pab Tummadgabi pe immal imakenabmalbal. Dt. 6:13
25144	LUK 4:12	Tegin Jesús nia-saglaga chogalbal: —Nabir pe chogendo, tenal Pab-kartagin chogbaldo: Pe melle Pab-Tummad-wilub-tako. Dt. 6:16
25291	LUK 7:27	Tenal Pab-karta Juan Bautistagin chogzhado: Imi antin pe-iktual tule-igal-nudaked-palmine, pega igal nudagal. Mal. 3:1
25324	LUK 8:10	Tegin Jesús aga e-chapinganga chogal: —Imi Pab-neg-takmaid-igal otukal mai. Tenal Pab pemalga igal-ukcha mag we igal itogal, tenal Pab tule-pimaladgadin igal-kwen-ukchajul. Tenal an we tulemalga purpal Pab-neg-takmaid-igalgin chunma. Imi Pab-kartagin chogdo: Tule-takpukmalad aku taknonimalo, tegin tule-itobukmalad aku itononimalbalo. Is. 6:9
25459	LUK 10:27	Tenal tule-Moisés-igal-wijiid Jesúsga chogal: —Imi pe Pab-Pul-Tummad-pilalguenab, pél aga pe-ulubgin-itogedzhe, pél pe-purpaje, pél pe-kannaleged-nikadzhe, pél pe-pinzheedzhe, pel-kwapa. Dt. 6:5 Tegin pe aga tukin chan pilaledyob tule-pe-tikalbal-mamimalad pe pilalguenabmalbal. Lv. 19:18
25622	LUK 13:35	Imi pe-negdin mellegal-peio. Tenal an pemalga chogdo: imi pemal meke-igi an-pal-kwen-takojulmal, pemal chognonimaloedzhe: Imi pe-Pab-nuggin-tanikid-tule otummoledi-kuelen, nabirinye. Pitogua. Sal. 118:26
25838	LUK 19:38	¡Imi we errey-Pab-nuggin-tanikid, ib-nued erreyga kuelen, nabirinye! ¡Imi Pab-neggin akalzhul-pukmalalen, nabirbalinye! ¡Tegin we errey nikpa-neggin nug okannoledi-kuelen, nabirbalinye! Sal. 118:26
25846	LUK 19:46	Tegin Jesús tule-immalmal-ukpukmaladga chogal: —Imi Pab Tummad kartagin chogdo: Imi an-neg unnila anche-kolgalbi, tenal pemaldin immalmal-aturzheed-negga anche-koled-neg imanonimal. Is. 56:7; Jr. 7:11
25865	LUK 20:17	Tenal Jesús nuu tulemal-taktegu, tulemalga chogal: —¿Tede ibiga Pab-kartagin-nermakal-maid chogzhun: Imi tule-neg-chobmalad akwa-mete? Tenal akwa-meted akwa-pul-chunchogedga kunoni. Sal. 118:22
25891	LUK 20:43	tule-pebak-aichulmaladgin nakwegal an pe-imakedzhe, pe kangin nag-onakwedyob.’ Sal. 110:1
25970	LUK 22:37	¿Ibiga an teob pemalga chog? Nabir. Imi Pab-kartagin nermakal maido: Ankin choglego, antin tule-iskana. Is. 53:12 Tegin Pab-kartagin-nermakal-maidyob keg-chulgu ankin kuoed-wilub, tenal ankin pato kunai.
26034	LUK 23:30	Tegin te ibe-nonikoedgin, tulemal peyedzhe-wilenaidbal yal-tummaganga chogdamalo: ‘Imi pe ankin pel-kwapa yaswelen, nabirin,’ Tegin tulemal yal-mulluganaga chogdamalbalo: ‘Imi pe an-chaktigelen, nabirbalin.’ Os. 10:8
26136	JHN 1:23	Tegin Juan Bautista tule-palmilenonimaladga Pab-kaka-palchoged-Isaías-chogzhadgin palchogalzhun: —Imi tule-walgwen neg-nikchulidbal kolmakal-kolmakal chunmanoniko: ‘Imi pe Tummadga inniki-inniki igal imakenabmal.’ Is. 40:3 Antin a-tuledo.
26181	JHN 2:17	Tegin Jesús-e-chapingan Jesús-chogzhad itosgu, kep itos-nadmal akpene Pab-kartagin nermakal mai: Imi an Peje-koled-neg nudagal an pela-pela arpanaidbal, an neg-owed. Sal. 69:9
26371	JHN 6:45	Tenal akpene Pab-kaka-palchoged Pab-kartagin chogzhado: Tenal Pab Tummad e-igalgin pel-kwapa tulemal-oturdako. Is. 54:13 Tenal tulemal-pel-kwapa yer Pab-itojal, tegin Pabgin turdajal, we tulemal anche nonimalo anpal-naigugal.
26584	JHN 10:34	Tegin Jesús Judiomalga chogal: “Imi an chogzhal: ‘Antin Pab’, wedin iwen-akalzhul. ¿Imi Pab-kartagin nermakal maichulzhí: Antin chogzhado, pemal pab-tummagan? Sal. 82:6 Tenal akpene Pab Tummad purpal tule-wal-walgwenga weob chunmas.
26664	JHN 12:15	Imi pemal-punamal-Sióngin-pukmalad, pe melle tobgudamalo. Pe tak, pe-errey moli-burro-chapini-askin-chii-tani. Zac. 9:9
26687	JHN 12:38	Tenal tulemal-Jesús-pengujad akpene-Pab-kaka-palchoged-Isaías-chogzhad-yopí kunoni. Tenal teun Isaías chogzhado: ¿Tummad, toa anmal-chognonikidgin ibzhenoni? Tulemal anmalbal pél ibzhenonijulmal. ¿Tegin Pab Tummad toaga e-kannaleged oyononi? Ampa a-tulemalgado. Is. 53:1
26689	JHN 12:40	Imi Pab purpal we tulemal-imia akalosmal, melle purpal mag takegal. Tegin Pab purpal we tulemal-niga okannosmal, melle ulubgin Pabgin ibzhegal. Imi Pab chogzhado: “Imi an purpal weob we tulemal-imas, melle e-taed ogwalegal anpal naigugal. Tegin an purpal melle we tulemal-nudagalbal.” Is. 6:10
26717	JHN 13:18	“Tenal an pemalgin-pel-kwapa chunmajul. Tenal an wisdo, an toamala-chus. ¿Ibiga an weob pemal-chus pe ebinzhe? Nabir. Imi akpene Pab-kartagin nermakal-maidyob kunonigal. Tenal Pab-kartagin chogdo: Imi tule-anpak-mes-mas-kuchamalad-walgwen ankin akpinnoni. Sal. 41:9
26793	JHN 15:25	“Tenal we immalmal imis kunaid, pato tikajulgus Pab-kartagin choglesmaido. Tenal Pab-kartagin chogdo: Imi an immal kwen akaloszhul, tenal tulemal yabli istar an-taknonimal. Sal. 35:19; 69:4
26918	JHN 19:24	Al chulubmal chogalmal: —Anmal melle we mol echirmamalo, aka weob ebemalo. Anmal pul molgin todomalo, takegal toa pul chuo. Imi chulubmal we immalmal-imajad, akpene Pab-kartagin nermakal maid-yopí kunoni. Tenal Pab-kartagin nermakal maido: Tulemal an-molmal mimismal, tegin an-molgin todosmal, toa pul mol chumalo. Sal. 22:18 Al chulubmal teob imasmaldo.
26930	JHN 19:36	Tenal we immalmal-kujad, akpene Pab-kartagin choglejad-yopí kunoni. Tenal Pab-kartagin nermakal maido: Imi tulemal we tule-e-kal kwen piskojul-kuo. Ex. 12:46; Num. 9:12; Sal. 34:20
26931	JHN 19:37	Tegin Pab kartagin nermakal maibaldo: Imi tulemal, tule-ezhigin-eyurulejad-takmalo. Zac. 12:10
27012	ACT 1:20	“Tenal Judasgin pél immalmal kujad, Pab-namaked-kartagin pato nermakal maido: Imi we tule-e-neggin tule melle ampaguelen, nabirin; tegin we neg metmalalen, nabirbalin, we tule-e-nug ilgwen pelgugal. Sal. 69:25 “Tegin Pab-kartagin chogbal: Tule-pid we tule-anal tummadga togenab. Sal. 109:8
27053	ACT 2:35	Tenal antin pebak-aichulmaladgin-nakwegal pe-imako, tule nag-onakwed-kanyob.’ ” Sal. 110:1
27090	ACT 3:25	Tenal Pab Tummad e-kaka-palchogmaladbal kaka-ukchaddin ampa pemalgadmo. Tegin Pab Tummad pe-tadganbak aga kaka-ukchamaladdin ampa pegadmo. Tenal Pab Tummad Abrahamga Jesúsgin chogzhado: Imi pe-wagwabal pel-kwapa-tulemal-ilbal ib-nuedga kunoniko. Gen. 22:18; 26:4
27102	ACT 4:11	“Imi pemal Jesús meted, tenal imidin Jesús pul-tule-tummadga kunoni. Imi Pab-kartagin chogdo: Imi tule-neg-chobmalad akwa-mete. Tenal akwa-meted pul-akwa-chunchogedga kunoni. Sal. 118:22
27188	ACT 7:3	Imi pedin aga neg-kwebur-akar nao, tegin pe aga kwenamalad-mido. Tegin an pega neg oyogo, pia pe mego. Imi pe we negzhe nejunno. Gen. 12:1
27191	ACT 7:6	Imi teun Pab Tummad Abrahamga chogzhabal: Imi pe-wagwagan napa-pidgin tule-pidyob ampagumalo, tegin tule-we-napkin-pukmaladga pe tule-pinche-arpamaladga kumalo. Tegin pe-wagwagan pirka-tulaataled-ilabake wilemalo. Gen. 15:13
27192	ACT 7:7	“Tegin Pab Tummad Abrahamga chogzhabal: Antin peyedzhe tulemal-pinche-arpaged-kanimalad-oturdako. Tegin pe-wagwagan kannan aknimalo. Tegin pe-wagwagan itije kannan nonimalbalo. Tegin pe-wagwagan itigin anche koledgin an-otummodamalo. Gen. 15:14
27213	ACT 7:28	¿Pe an-mesbimodé, pe sae Egipto-tule-mechadyob? Ex. 2:14
27217	ACT 7:32	Antin pe-tadgan-Abraham, Isaac, Jacob e-Pab-Tummad. Ex. 3:6 Tenal Moisés kwakijadbal, pel tu-tu-tu pes. Tegin Moisés chapi-kagwichid, pel takpijul-kual.
27222	ACT 7:37	“Tegin ampa we Moisés anmal-Israel-tulemalga chogzhado: Pab Tummad ibagwengin anyob Pab-kaka-palchogedga anmal-tule-walgwen-palminoniko. Dt. 18:15
27225	ACT 7:40	“Imi teun anmal-tadgan Aarónga chogalmal: Pe anmalga akal-akal pab-tummad-chobo anmal-iktugal. Imi Moisés-Egipto-akar-anmal-onojad wichul pia nad. Ex. 32:1
27228	ACT 7:43	Pemal pul-kigma pab-tummad-aga-tukin-chobzhamalad-otummosmal. Tegin pemal pab-tummad-Moloc-e-chumpa-chesmal otummogal. Tegin pemal pab-tummad-Refán iskwayob-immal-chobaled chesmalbal, otummogalbal.’ Am. 5:25-26 “Tegin Pab Tummad chogbal: Imi pemal immal-chobaled-otummojadbal an pemalga chogdo: pemal itigin keg pal meggwel, an Babilonia-neg-kwebur-okpinal an pemal-palminejun, sapejul pemal-oturdagal. Am. 5:27
27464	ACT 13:33	Tenal Pab Tummad kannan Jesús-otulos. Tegin Pab Tummad namaked-poggin, Davidbal chogzhado: Pedin an-machi. Imi antin pega oyos, an pe-pab-chunnad. Sal 2:7
27466	ACT 13:35	Tegin David namaked-pidgin, chogzhabal: Imi Pab Tummad-igal-kwen-ukojul, Tule-Chwilidikid-e-mui nungugal. Sal. 16:10
27471	ACT 13:40	Tenal akpene Pab-kaka-palchoged chogzhagusdo: Pabdin chog: ‘Imi pemal-pinche-kin-todoal-chunmamalad, pe kujal keger takedgin, pe purko. Imi pe ampa tuladgin, an-immal-taktijulid-imaneed, tule pega chognonikilen, ampa pe yabli kwen ibzhajulin.’ ” Hab. 1:5 Tegin Pablo chogalbal: “Tenal pe wijirmal, pe melle Pab-kaka-palchogmalad-chogzhagujadyob, pemalgin kunonigalmo. Pitomalgu.”
27478	ACT 13:47	¿Ibiga an teob chog? Nabir. Imi Pab Tummad anmalga chogzhagusdo: Imi antin kallenyob tule-Judiojulmaladga pe-imas, iti-nap-naid-ugakche, tulemal-pel-kwapa mag takegal, tule igi nabir abonole Pab Tummadzhe melle peyedzhe oturdalegal.” Is. 49:6
27807	ACT 23:5	Tegin Pablo tule-ega-chogzhadga chogal: —An-aimal, an ebinzhe, we tulede tule-irwal-Pabzhe-koled-pul-tummad-chul. Imi Pab-kartagin nermakal maido: Pe melle tule-tummagangin istar chunmako. Ex. 22:28
28015	ROM 1:17	Imi Pab-kaka-nuegan anmalga oyonai, tule igi nabir Pab-wagin chwilidik kuo. Imi tule-chwilidik-kued unnila Pab-Jesúsgin-penzhulidginbi tani. Tegin we tule ampa ukin Pab-Jesúsgin-penzhulidbal chwilidik kubalo. Imi Pab-kartagin ampa chogmodo: Imi tule-iskued-nikchulmalad Pabgin-penzhulidbal purpal tula tio. Hab. 2:4
28036	ROM 2:6	Tenal Pab-Tummad-tulega-igal-itogoed-ibegin chogzhado: Antin tule-immal-imajadbal tulega immal-imako. Sal. 62:11-12; Pr. 24:12
28054	ROM 2:24	Imi Pab-kartagin nermakal maido: Imi pemal istar nanediidbal, Judiojulmalad istar Pab-nuggin todoaldamal. Is. 52:5; Ez. 36:22
28063	ROM 3:4	Chulá. Tenal Pab Tummad keg-chulgu e-chogzhad-yopí imakodo. Imi tule meke-pel-kwapa kakanzhemalo, tenal Pab Tummad keg-chulgu napírra chunma, keg kakanzhe. Imi Pab-kartagin ampa Pab Tummadgin weob chogmodo: Al tulemal mag takmalo, pedin napírra chunma, tegin pe tulega igal-itogedgin, pedin keg-chulgu tulegin nako. Sal. 51:4
28072	ROM 3:13	Tenal tulemal-pel-kwapa-e-chunmaked istar chunmamal, immal-purkwal-maid-nun-yapanedyob. Tegin we tulemal pirkin kakanzheedgin tule-yardamal. Sal. 5:9 Tegin we tulemal e-chunmakedbal tule-izhomal, nakpe-puled tule-mejedyob. Sal. 140:3
28073	ROM 3:14	Tegin we tulemal kaka-iskanaginbi chunmamal. Tegin we tulemal aga ulubgin-sae-itogedbal istar chunmananimalbal. Sal. 10:7
28077	ROM 3:18	Tegin we tulemal kwen pinzhejulmal, Pab-Tummadgin-atagal. Sal. 36:1
28093	ROM 4:3	Imi Pab-kartagin ampa chogmodo: Imi Abraham aga ulubgin Pab-Tummad-penzhul-kunonikidbal, Pab Tummad tule-iskued-nikchulidyob Abraham-taknoni. Gn. 15:6