23288	MAT 4:10	Suasne Jesúsne ussa kaizta: —Satanás, nu akkis ɨt. Dios pɨnkɨhta ka parɨt: “Anpat Diostain wakpuj waintawa, us kaizta aizpa kin. Mamazta wakpuj wainkain,” ka parɨt.
23297	MAT 4:19	Suasne Jesúsne usparuza kaiznara: —Kanpazhain, ap kammuruz namanapa. Ñamin pishkaruin pizpailta. Kawarain makis nane uruza ɨninnanash, mamaz awaruza kamtananapa, ap kammuruz namanapa.
23417	MAT 8:3	Suasne Jesúsne paiña chihtɨkasa ussa pat kit ka kaizta: —Watcha, nane nua namtashimtus. Me namtɨt, kizta. Sun kizkane, usne aya pɨttɨtmikara wat namnintɨt.
23476	MAT 9:28	Jesús yalkin napkane, paasas kasu izsachiruzne us tukin ailta. Jesúsne usparuza ka mɨmara: —¿U nawa nɨjkultukiwas. Na uruza izkulninshinaki? Uspane kaizpailta: —Watcha, Anpat. Aune nua nɨjkultuas, au paikumtu aizpa kinpa, kizpailta.
23596	MAT 12:38	Suasne mɨnpazha Fariseoruzkas Moisés kaizta aizpa kamtamtuzkas ussa kaizara: —Kamtam, mɨri. Nu chiwazha iztasparɨt kal kika, izshipuspas, au Dios nua ɨninta piankamanapa.
23780	MAT 17:11	Jesúsne sɨnkanara: —Watcha, Elíasne an ñancha atmika azi. Usne awaruza kurunnanazi, wan watsananapa.
23794	MAT 17:25	Pedrone sɨnkanara: —Watcha. Usne pial sapmuruza pial tamtu. Kwiztane Pedrone Jesús tukin yalta napta. Pedro parachasmin, Jesúsne an ñancha ussa kaiz kit parat: —Pedro, nune ¿Chi mintus? Wan sukin katsa mikwaruzne gobiernowa pial sappamtu. ¿Mɨnmikama katsa mikwara pial tamtu? ¿Uspa sukin uztuzne pial taamtuki? ¿Mamaz suras anupparɨttuzne pial taamtuki? kizta.
23795	MAT 17:26	Pedrone sɨnkara: —Mamaz suras anupparɨttuzne pial taamtu. Jesúsne kaizta: —Suasne, au Diosta piankamamtu akwa, Dios aumɨza ɨninamtu akwa, aune Dios yalta napna sun pial taasachimakpas. Sun Dios yal ɨninturuz na kaizta aizpa piankamasachi akwa, taarawamakpas, usparuza aizappamanpa.
23965	MAT 22:24	—Kamtam, mɨri. Moisésne sunkana pat kit kaizta: “Ampu ashampara mɨltane, pashpa mɨjki irakane, aimpihshne paiña aimpihsh irɨt ashampara mɨltawa, pashpa mɨjan. Pashpa kawirane, irɨt aimpihshpa pashpakanain kawirarawa.”
24187	MAT 26:64	Jesúsne sɨnkanara: —Watcha, na ish. Nane an uruza kaiznamtus. “Une Ampu namtɨtmikara Diospa numal ɨnintukin izanazi. Chiyuras wanishkasain amtuasmin, une ussa izanazi.”
24194	MAT 26:71	Pedro pɨjta napmura ɨmtuasmin, mamazne ussa iz kit puraruza kaiznara: —Jesús, Nazaret pɨpuluras at mika, apa chamtuasmin, an ampukas Jesúskasa chara.
24261	MAT 27:63	kit kaizara: —Mikwa, aumɨza mɨzhain. Uzasmin, an pɨrail kaizmumikane “kutña payura irɨttas kakulnash” kizta.
24322	MRK 1:38	Usne usparuza kaiznara: —Ɨzhain, mamaz kasha pɨpulurain, Dios pit kwinta kinpa. Katmizna chiyuras arau, kiznara.
24324	MRK 1:40	Maza ampune, aya pɨttɨt ishtumikane, ussa at kit tɨnta paikwat kit wain kit kaizta: —Namtashitne, namtashina. Namtazha, kizta.
24334	MRK 2:5	Jesúsne ampara nɨjkularɨt aizpa pian. Sunkana minñara: “Jesúsne ishtumikara watsashina,” minñamtu. Jesúsne chasachi intura ka kizta: —Painkul, mɨzha. Up kwail wat kulninnash, kizta.
24343	MRK 2:14	Tas pimawarain pɨntawane, usne Levíra, Alfeowa painkulta, izta. Sun awane Roma gobierno pial sapmukin uz kit kal kira. Jesúsne ussa ka kaizta: —Kanpazha, ap kammumika namnapa, kizta. Usne kuhsak kit Jesústa kwizpa ɨra.
24346	MRK 2:17	Sun mɨrawane, Jesúsne usparuza kaiznara: —Ishtukine, tuttul pashikain. Ishtune, tuttul pashimtu. Nakas tuttulkana ish. Nane at kit awaruza sainarau, kwail awaruza wat paninnana. Wat awa makpas minturuza sainamtuchish, kiznara.
24357	MRK 2:28	Katmizna usne ka kiznara: —Nane, Ampu namtɨtmikane, awara wanmak kit kiwainamtus. Nane kwaizkultu payura awaruza kurunnashina, chiwazha kinpa, kiznara.
24492	MRK 6:16	An mɨrawane, Herodesne kaizta: —Juanne, na kɨzpu tɨttamikane, irɨt. Tas kuhsta akwa, ma uztu, kizta.
24560	MRK 7:28	An ashampane ussa sɨnkara: —Watcha, ap Anpat. Nakas kwizakana ish. Pashpa kukane, pitchin pak taizkane, kwizane tizka sak kum. Katmizna ap pashura wat paninnaka, kizta.
24573	MRK 8:4	Paiña kammuruzne ussa mɨmaat kit sɨnkaara: —Apane, awa tuchira, ¿miza kumirama sun awara kwinnanapai? kizara.
24575	MRK 8:6	Usne wanta kaiznara: —Piltain uztain, kiznara. Siete pan saptawane, Diosta kaizta: —Aishtaish, kizta. Usne pan kɨz kit kammuruza mɨlanara, awara nailnanapa. Uspane panne wanta kwinnara.
24600	MRK 8:31	Usne usparuza kamtanamɨz kit kaiznara: —Nane, Ampu namtɨtmikane, awaruza kiwainanamtus. Awaruza kiwainashimtukas, nane kwisha naiznash. Ɨlapa ampuruzkas, katsa pariyaruzkas, Moisés kaizta aizpa kamtamtuzkas nawa kwayarɨnpas. Nawa piantarɨnpas. Nawa piantarawane, mamasa uznash. Kutña payura kuhsnash, kiznara.
24612	MRK 9:5	Suane Pedrone Jesústa kwinta kimɨzta. Us kaizta aizpa wat pianchi akwa, ishkwat akwa. Katmizna usne ka kaizta: —Kamtam, aune wat puramakpas. Kutña ɨranchu sazhain, ukas Moiséskas Elíaskas aukasa tuanpa, kizta.
24645	MRK 9:38	Juanne Jesústa kaizta: —Kamtam, aune maza ampura izanashɨ. Usne nu akwa akwan kwail saliztuza puzninnara. Usne au kwizpa kanpamtuchi. Ussa ka kizanashɨ: “Jesústa paikwat akwa, salizta puzninmun,” kizanashɨ, kizta.
24677	MRK 10:20	Sun ampune Jesústa sɨnkara: —Kamtam, pashpaasmin sunkana kirau, kizta.
24681	MRK 10:24	Paiña kammuruzne paiña pit akwa iztaspaarɨt. Suasne Jesúsne usparuza mamasa kaiznara: —Izmuruz, mɨzha. Kwisha sam i, Dios ɨnintura napna. “Pãn kultumikane Dios ɨnintura napnash,” minman.
24692	MRK 10:35	Santiagokas Juankas, Zebedeo painkultuzne, Jesús turakima ɨilt kit ussa kaizpailta: —Kamtam, au paasne nua chiwazha paikwashimtuas, chiwazha kinpa, kizpailta.
24704	MRK 10:47	Mɨnpazha ussa ka kizara: —Jesúsne, Nazaret pɨpuluras, kasha amtui, kizara. An mɨkane, Bartimeone kwian kit ka kaizmɨzta: —¡Jesús, Davidpa pampa, nawa kiwaincha! kizta.
24708	MRK 10:51	Jesúsne ussa mɨmara: —¿Nu akwa chima kinpai? kizta. Izsachimikane ussa kaizta: —Kamtam, ¡Kasu izkulnincha! kizta.
24730	MRK 11:21	Suasne Pedrone nɨjkul kit ka kaizta: —Kamtam, ¡Izti! An higuera tɨra nu “pippa wamanazi” kaizta aizpa irɨt, kizta.
24761	MRK 12:19	—Kamtam, Moisésne ñamin aumɨza ka pattɨt, “Ampu irane, pashpa mɨjchi irane, paiña ashampane mazain uz. An impara irɨtmikawa aimpihshne paiña ashampara mɨltawa, us akwa pashpa mɨjan,” ka parɨt.
24940	MRK 15:45	Suldaru ɨninmikane Pilatora kaizta: —Ire, kizta. Suasne Pilatone Jesústa chɨhkat kit Joséra kaizta: —Nune ussa kamnaka, kizta.
24975	LUK 1:13	Ángelne ussa kaizta: —Zacarías, an ishkumun, Dios nu paikwat aizpa mɨra akwa. Up ashampane, Isabelne, ampu pashpa mɨlnazi. Nune ussa Juan munnazi.
25196	LUK 5:20	Jesúsne uspa nɨjkultu aizpa pian. Sunkana minñara: “Jesúsne ishtumikasha wat paninshinaka,” minñara. Katmizna Jesúsne usparuza kaiznara: —Izmumika, mɨzha. Nane up kwail kirɨt aizpa sɨnam sanash, kizta.
25220	LUK 6:5	Jesúsne usparuza an sɨnkanara: —Nane, Ampu namtɨtmika, ish. Kwaizkulmu payurakas chiwazha wat mintu aizpa kinash.
25277	LUK 7:13	Painkul irɨtpa akkuhshta iztawane, Jesúsne us akwa tayal kit kiwainshit kit kaizta: —Azmun, kizta.
25278	LUK 7:14	Suasne ɨt kit ataúdta paara. Ataúdta paamtuasmin, irɨtta muamturuzne kunara. Suasne Jesúsne irɨtta kaizta: —Musittu, kuhsakti, kizta.
25284	LUK 7:20	Sun Juanpa kammuruzne Jesústa aat kit kaizara: —Juanne, sun munnammikane, aumɨza ɨninara ka mɨmaana: ¿Nune Diospa ɨnintamikakish? ¿Mamazta tɨriznas? mɨmaara.
25304	LUK 7:40	Suasne Jesúsne ussa sɨnkara: —Simón, chiwazha nua kwinta kishimtus. Jesústa sɨnkara: —¡Kamtam, nawa kizshimtune, kainazha! kizta.
25338	LUK 8:24	Suasne uspane ussa ɨat kit izkulninnat kit kaizara: —Kamtam. Kamtam. Pi kwanapainmakpas. Jesúsne kuhsak kit kaizta: —Inkwane, kari. Pine, kialmun, kizta. Inkwane karɨt. Pine kalpain parɨt.
25359	LUK 8:45	Suasne Jesúsne ussa mɨmara: —¿Mɨnma nawa paara? kizta. Mɨnminkas sɨnkarachi. Suasne Pedrone ka kizta: —Anpat, akkwan awane nua kashara sɨpkimain nuppainñara, kizta.
25368	LUK 8:54	Suasne Jesúsne paiña chihtɨra piz kit ussa tɨnta kaizta: —Pashpa, kuhsti, kizta.
25403	LUK 9:33	Paas ampu Jesústas ɨmtazasmin, Pedrone Jesústa ka kaizta: —Kamtam, watmin akki tumakpas. Kutña ɨranchu sanawas: mazane nu akwa, mazane Moisés akwa, mazane Elías akwa, kizta. Pedrone us kwinta kit aizpa pianchi.
25427	LUK 9:57	Miwara ɨamtuasmin, maza ampune Jesústa kaizta: —Anpat, mɨnta ɨkwara nua kanpashiras, kizta.
25429	LUK 9:59	Jesúsne mamazta kaizta: —Nawa kanpazha. Usne sɨnkara: —Anpat, an ñancha ap papihshta pilta kamshimtus, iraka.
25431	LUK 9:61	Mamazne ussa kaizta: —Anpat, nane nua kanpashimtus. An ñancha ap kwaltuza ɨru kiznashimtus.
25457	LUK 10:25	Suasne Moisés kaizta aizpa kamtammikane kun kit Jesústa mɨmat kit kaizta: —Kamtam, ¿Chima kinpai, pailta payukima chiyura uzna? mɨmara.
25476	LUK 11:2	Usne usparuza ka kiznara: —Paikumtune, ka kiztain: “Au Taitta, nu chiyura uztu akwa, nu sɨnam akwa, aune nua wakpuj waintumakpas. Apain anka, awaruza ɨninnana.
25541	LUK 12:13	Mazane awaruztas Jesústa kaizta: —Kamtam, ap añara ap pitti su nail mɨlazha kizti.
25569	LUK 12:41	Pedrone ussa mɨmara: —Anpat, ¿Aumɨza sun kamtam kwinta kaiznamtukish? ¿Wan awaruza kaiznamtukish?
25599	LUK 13:12	Ussa izkane, Jesúsne ussa akwat kit kaizta: —Ashampa, up ishtu kakulti.
25783	LUK 18:26	Sun mɨraruzne iztaspaat kit kaizara: —Katne, ¿Mɨnma watsat mɨlshinasa?
25794	LUK 18:37	Uspane ussa sɨnkaara: —Jesúsne, Nazaret pɨpuluras, pɨntu.
25795	LUK 18:38	Suasne usne ka tɨnta akwara: —Jesús, nune au ñamin Davidpa pampa pashpa i. Nawa iz kit kiwaincha.
25796	LUK 18:39	An ñancha ɨmturuzne ussa kurunaara, kalpain uznapa. Usne an tɨnta akwat kit kaizta: —Jesús, nune au ñancha Davidpa pampa pashpa i. Nawa iz kit kiwaincha.
25808	LUK 19:8	Kwiztane Zaqueone awaruzpa paizkakin kun kit Anpatta kaizta: —Anpat, izti. Ap kwail kit aizpa min kit chɨhkat akwa, nane kakwa mɨj aizpa puizara mɨlanamtus. Na mamaztuztas an pɨnta saptane, na walkwat aizpa ampara pijikima kailninnanash.
25887	LUK 20:39	Suasne mɨnpazha Moisés kaizta aizpa kamtamtuzne ussa sɨnkaara: —Kamtam, nune nil kwinta kira.
25948	LUK 22:15	Usne usparuza kaiznara: —Naiztuchasmin, nane ukasa an Pascua kumira kwashimtus.
25964	LUK 22:31	Jesúsne sun kaizta: —Simón, Simón. Izti. Satanásne Diosta paikwara, uruza ulmalnapa, Diosta an nɨjkulamanpa.
25967	LUK 22:34	Jesúsne ussa kaizta: —Pedro, nane nua kaiztus. Ma payu aral kayu aztuchasmin, nune kutña pijikima “nane ussa pianchish” kiznazi.
25969	LUK 22:36	Usne usparuza kaiznara: —Makis, pial tuh mɨjne, kwarawa. Kawarain tuh kwarawa. Mashti mɨjkine, kwaksham painintawa, mashti paina.
25992	LUK 22:59	Maza ura pailtawane, mamazne an tɨnta kaizta: —Watcha, an ampukas uskasa tuarai. Usne Galilea suras ara.
26047	LUK 23:43	Jesúsne ussa sɨnkara: —Watcha, nua kaiztus. Mane nune nakasa watsal sura tuanazi.
26077	LUK 24:17	Jesúsne usparuza mɨmara: —Ɨmtazasmin, ¿chi kwinta kimtuas? Us sun paasta mɨmara akwa, uspa paasne iztaspat kit kunat kit tayalpailta.
26079	LUK 24:19	Usne usparuza mɨmanara: —¿Chi kirɨt? Uspane ussa sɨnkailta: —Jesúsne, Nazaret pɨpulura uztamikane, ire. Usne Diospa an wat tɨnta kainammmika tuazi. Usne akkwan iztasparɨt kal kit kit kwisha watsal pit awaruza kwinta kinara. Wan awane Dios ussa ɨninta piankamara.
26134	JHN 1:21	Suasne mamasa kaizat kit mɨmaara: —¿Nune mɨnmas? ¿Elías, Dios pit kainammmikakish? Juanne kaiznara: —Nane chish. Kwizta ussa mɨmaara: —Suasne, ¿Nune mamaz wat kainammumikakish? Usne sɨnkanara: —Nane chish.
26151	JHN 1:38	Jesúsne ussa kwizpa kanpaka iz kit kaizta: —¿Chima saimtuas? Uspane kaizpailta: —Kamtam, ¿Mɨntama uzish? Usne sɨnkara: —¡Izna arain!
26156	JHN 1:43	Tɨlawarane Jesúsne Galilea sura ɨshira. Felipera wanmal kit kaizta: —Kanpazha, ap kammumika namnapa.
26168	JHN 2:4	Jesúsne ussa sɨnkara: —Akkwa, ¿Chitkishma nawa sunkana kaiztus? Kaizapmun. Wat aizpa nil urara kinash.
26215	JHN 3:26	Yawa piji Judío awa kittamtu aizpa minñamtu akwa, uspane Juanta ɨat kit kaizara: —Kamtam, izti. Nune aumɨza sun ampuwa wat kainarɨt. Usne, Jesús muntɨtmikane, nukasa pãn puzmuwara, Jordán pinamin, chamtuazi. Mane usne akkwan awara munnanamtu. Uspane ussa kanpaamtu.
26240	JHN 4:15	Suasne ussa wat mɨrachi akwa, ashampane kaizta: —Anpat, sun kwazi kwincha, na kwazi kilmanpa, an kwazi kulta amanpa, kwazi ukkana.
26286	JHN 5:7	Ishtumikane ussa sɨnkara: —Anpat, kwazi kialtukane, mɨnminkas nawa kiwainsachi, piwailta azain kihshninna. Na napshikane, mamazne an ñancha naptu.
26351	JHN 6:25	Kwakara pianaakane, uspane Jesústa wanmalat kit mɨmaara: —Kamtam, ¿Miza ura apa pianarau?
26460	JHN 8:10	Suasne Jesúsne nil sat kit ussa mɨmara: —Ashampa, nua kwail kirɨt kizturuzne ¿mɨntama purai? ¿Mɨnminkas nua kwail kirɨt kiztuchiki?
26461	JHN 8:11	Usne ussa sɨnkara: —Anpat, mɨnminkas nawa kwail kirɨt kiztachi. Jesúsne kaizta: —Nane nu kwail kirɨt aizpa watkulnintus. Ɨt kit an kwail kimun.
26543	JHN 9:34	Uspane sɨnkaara: —Kawirasmin, nune kwail kira. ¿Nune aumɨza kamtashimtukish? Uspane ussa Dios kammu yaltas ukkat kit puzninara.
26596	JHN 11:4	Sun mɨrawane, Jesúsne kaizta: —Imtukas, Lázarone irɨt nukkulmanazi. Sunkana Lázaro akwa, awane Dios kwisha wari kizanazi. Sun irɨt akwa, awane Diospa painkul kwisha wari kizanazi.
26619	JHN 11:27	Ussa kaizta: —Watcha, Anpat. Nune Dios narɨtmika i. Nune Dios painkul, au sura atmika i. Sun nɨjkultus.
26635	JHN 11:43	Sun kiztawane, Jesúsne tɨnta kwianta: —Lázaro, suas puzti.
26705	JHN 13:6	Simónpa mittɨ kitmɨzkane, Pedrone Jesústa kaizta: —Anpat, ap mittɨ kitsachi, kizta.
26742	JHN 14:5	Tomásne Jesústa sɨnkara: —Anpat, nu ɨmtura pianchimakpas. ¿Aune mizama sun mi piankamshinai?
26745	JHN 14:8	Suasne Felipene kaizta: —Anpat, Taittarain izshimtumakpas. Taittara izninchain.
26759	JHN 14:22	Judasne, Judas Iscariotechine, ussa mɨmara: —Anpat, nune aumɨzain nuwa piankamninnara. ¿Chikishma anparuza nuwa piankamninnarachi?
26859	JHN 18:5	Uspane ussa sɨnkaara: —Jesústa, Nasaret pɨpulura uzmikasha, saimtumakpas. Jesúsne kaiznara: —Na ish. Judasne, ussa chɨhkamtumikane, uspakasa wanmakta.
26861	JHN 18:7	Suasne Jesúsne mamasa mɨmanara: —¿Mɨnama sayamtuas? Uspane sɨnkaara: —Jesústa, Nasaret pɨpulura uzmikasha, saimtumakpas.
26885	JHN 18:31	Pilatone kaiznara: —Umin ussa mɨltain. U ɨnimkasain paiña kwail kirɨt aizpa antain. Judío awane sɨnkaara: —Aune, Judío awane, mɨnminkas ininsachimakpas. Romano awain mamazta ininshina.
26909	JHN 19:15	Uspane ka kwianara: —Inapa, inapa. Tɨra patpiantain. Pilatone mɨmanara: —¿U mikwara tɨra patpianshinasa? Pariyawa ɨnintuzne sɨnkaara: —Aune mamaz mikwasha mɨshimtuchimakpas. Au mikwane Cesar i.
26949	JHN 20:13	Ángeltuzne ussa mɨmara: —Ashampa, ¿Chitma aztus? Usne kaiznara: —Aztus, mɨnpazharuz ap Anpatta muarɨt akwa. Nane Jesús irɨt mɨnta taara pianchish.
26951	JHN 20:15	Jesúsne ussa mɨmara: —Ashampa, ¿Chitma aztus? ¿Mɨnama saimtus? Usne warɨt su izmumika azi min kit ussa kaizta: —Anpat, nu ussa murɨtne, Jesús irɨtta mɨnta taarɨt kainazha, na ussa sait kit muna.
26982	JHN 21:15	Kuarawane, Jesúsne Simón Pedrora ka mɨmara: —Simón, Juanpa painkul, mɨzha. An kammuruzne nawa pashiamtu. ¿Nune an kammuruzkin nawa anza pashimtukish? Pedrone ussa sɨnkara: —Watcha Anpat. Nune na nua pashimtura pian. Jesúsne kaizta: —Nawa nɨjkulamturuza iznari. Uspane ap pɨrikukana mai.
26983	JHN 21:16	Jesúsne mamasa ussa mɨmara: —Simón, Juanpa painkul, mɨzha. ¿Nawa pashimtukish? Pedrone sɨnkara: —Watcha, Anpat. Nune na nua pashimtura pian. Jesús kaizta: —Nawa nɨjkulamturuza iznari. Uspane ap pɨrikukana mai.
26984	JHN 21:17	Jesúsne kutña pijikima ussa mɨmara: —Simón, Juanpa painkul, mɨzha. ¿Nawa pashimtukish? Pedrone tayalmɨzta, Jesús kutña pijikima “nawa pashimtukish” mɨmara akwa. Suasne sɨnkara: —Anpat, nune wan chiwal pian. Nune na nua pashimtura pian. Jesúsne kaizta: —Nawa nɨjkulamturuza iznari. Uspane ap pɨrikukana mai.
26988	JHN 21:21	Nawa iztawane, Pedrone Jesústa mɨmara: —Anpat, sunmikane ¿Chima kishinasa?
27151	ACT 5:23	ka kainanara: —Piannakane, aune sun kajchi sam sɨptɨt wanmalwiznash. Policíakas pɨjtakin wat izappara. Pɨjta chɨhtkane, aune mɨnainkas ayukmal izkitchimakpas.
27325	ACT 9:40	Suasne, Pedrone wanta puzninnat kit wakpuj wain kit Diosta paikwara. Irɨt ashampara iz kit ka kizta: —Tabita, kakulti. Suasne usne kasu izkulkwera. Pedrora iz kit kuhsak kit uzta.
27349	ACT 10:21	Suasne Pedrone Corneliowa ɨnintuz purakin kihsh kit kaiznara: —Nane, u sayamtumikasha ish. ¿Chinmaka awiznash?
27421	ACT 12:15	Suasne uspane ussa kaizamɨzta: —Pɨrail, kizara. Usne watcha kiznamɨzta. Ussa mɨarachi akwa, uspane kaizara: —Us chi. Paiña izpulmin izta.
27446	ACT 13:15	Suasne Moisés parɨt aizpakas Diospa kainammmika parɨt aizpakas izarawane, kammu yalpa ɨninmikane mazara ka kaiznapa ɨninta: —Aimpihshtuz, mɨrain. Chiwazha pit awaruza kurunnamtune, ma pararain.
27498	ACT 14:15	—Awaruz, ¿Chikishma sun kipus? Aune ampu ukanain makpas. Aune at kit Dios watsal pit kainammpuspas, u sun kiamtu aizpa chɨhkanapa. Chiwal palichi. U kiamtu aizpa chɨhkat kit Dios chiyura uzmikasha mɨat kit kanparain. Usne wan sara. Chiyukas pilkas pikas wan chiwal sara.