42	GEN 2:11	Idni de nwawa Pison, de de mak kwau pua kwakdiori Hawila yapatni tetema de maha genni.
57	GEN 3:1	Mere niy mak kodi pudi-akla la pora-dawra honona re, maka Orgahi Nakoki-nayapi, Nohi-na'ar nana. Lera ida ne, niy nmai pia natiana patke' de niwra: “Plolli de Orgahi Nal lirni de: “Orwo'a-auwo'a mak kdella nhyi' di ralamni honona de yana mi'in wo'oni, me?””
62	GEN 3:6	Patke' de, namkek de auwo' de mikri-liamanni, me yamkekni samomuou ne nhi' nohor walia riy ralamni nala auwo' de onnila auwo' de nala kirkira ralma-rior samomuou (pengertian). Hade pede patke' de na'ala wo'oni pa na'ana, ne nal wal lia hawni maka nor rewre'wa talla, noma muanke'eni na'an walia.
68	GEN 3:12	Muanke' de nwahla: “Patke' maka Mkienia la a o'nu di, ed mak kala au die wo'oni mai a'u, pa nhi'nande a'u'una.”
69	GEN 3:13	Nhor nioka Nhar lirni la patke' de: “Hya' ed maka mhi'a dina?” Patke' de nwahla: “Niy die ed mak kodia kdiori-kdieha pa a'una.”
74	GEN 3:18	Pu'na-kiarti, du'uta-penta ed mak kmori-kdari, ne yawuli-yatniamin mak kdena wo'orletna-kawurloini rla'a yaya'anmu,
78	GEN 3:22	Noka Nal lirni: “Plollolli de rimormior die nwali olek emekwali Ita pa nat niohora kalwiedni-paitiotni, yatni-halli, noma yanhi'pa ntan limni pa na'ala auwo' mak kodi riy la mormiori-dardiari pa na'ana, reiniande nmori aplahwa pa nodi liarni.”
111	GEN 5:5	Pede Adam nte'ela mormiorni anni rahu wosiewa terampwotelu dewade, nmat wia.
114	GEN 5:8	Pede Seta nte'ela mormiorni anni rahu wosiewa termida wehrani woru, noka nmat wia.
117	GEN 5:11	Pede Enos nte' nana mormiorni anni rahu wosiewa wehrani wolim wa dewade, nmat wia.
120	GEN 5:14	Pede Kenan nte'ela mormiorni anni rahu wosiewa termid wa dewade, nmat wia.
123	GEN 5:17	Pede Mahalaleel nte'ela anni rahu wo'awa terampwosiewa wehrani wolim wa dewade, nmat wia.
126	GEN 5:20	Pede Yared nmormior pia nte' nana anni rahu wosiewa terampwonema wehrani woru dewade, nmat wia.
129	GEN 5:23	Pede Henok mormiorni nte' nana anni rahu wotelu terampwonema wehrani wolima.
133	GEN 5:27	Pede Metusala mormiorni la nte' nana anni rahu wosiewa terampwonema wehrani wosiew wa dewade, nmat wia.
137	GEN 5:31	Pede Lamek mormiorni nte' nana anni rahu wo'itu terampwo'itu wehrani wo'itu wa dewade, nmat wia.
235	GEN 9:29	Pede Nuh mormiorni nla' nana anni rahu wosiewa terampwolima, noka nmat wia.
241	GEN 10:6	Hama duratni-waitni rde: Kusyi, Misraim, Put, nora Kana'an.
249	GEN 10:14	makdella Patrusim, makdella Kaftorim nora makdella Kasluhim. Makdella Kasluhim de, er mak kadurit nana makdella Filistin.
260	GEN 10:25	Eber na'a'na nana muanke'a woru, id nanni Peleg (nnia'eratni de, rhakre'era), yoma la'a lerni de rhakre'era noh di. Peleg hyalli de nanni Yoktan.
283	GEN 11:16	La'pa Eber umarnu anni terampwotelu wehrani wogat wa dewade, nayor niana Peleg.
284	GEN 11:17	Eber nmormior niekpa aninni rahu wogata terampwotelu. La'pa nayor niana Peleg pa nhorwua, dewade nayor niana Peleg wuliodani patke'a rora muanke'a.
285	GEN 11:18	La'pa Peleg umarnu anni terampwotel wua dewade, nayor niana Rehu.
286	GEN 11:19	Peleg nmormior niekpa aninni rahu woru wehrani wosiewa. La'pa nayor niana Rehu, dewade nayor niana Rehu wuliodani patke'a rora muanke'a.
301	GEN 12:2	Pena A'ura'a-upa'lu, Atiera-die'mu pa mlier la pripanni-fa'anni pa mpial lia pepan mutu-le'u lialawna. Hota mhi' orkotkotni-ornananni la'a rimormiori, me la o' nanpena rimormiori rlernana ra'a-palu.
343	GEN 14:6	ne makden Hori la'a wo'orni-kawarnu mak kwawa Seir, me makden Hori mak kawlar pia nla'gennia El Paran, la'a wewan mou aratni.
361	GEN 14:24	Pa eitnek wa, hya' maka am ma'an nana-memun nana la'pa ama'ara de ndella. Ne la'a a talanwa'lu de, Aner nora Eskola me Mamre, muollia pa rima-rima pena ra'ala nhiakarni.”
374	GEN 15:13	Orgahi Nhar lirni la Abrama: “Plollolli de, de duratmu-waitmu hota rhi' do'ona-dakan la noh meheni ida, maka gahani atia'a, ne hota rwa'ata-rwa'ara me ramuki-rama'ala, la'pa anni rahu wogata ralamni.
387	GEN 16:5	Noka Sarai nakot la Abrama: “Papa, erierannu-padpa'danu mak atiutulu-ukwar di de o kwarmu hade. A'g ed mak kala a'tu della riwpmu wawannu, mere na'nama na'eram nan de na'apun olekwa, dewade edon natota-nawaw nan a'u. Orgahi ed mak khi'a plola-mneha mai a'u me o'a.”
414	GEN 17:16	Plollolli de hota A'ura'a-upalga pa gala a'na muanke'a id tiy, me hota Aghi'a pa nhi'a in la hairi liawanni me duratni-waitni rhi' ray-ray lia hairi liawanni.”
418	GEN 17:20	La'a Ismail de, A'utlin oleka wakwakmu. Plollolli de hota Agala ra'a-palu la, pa Aghi'a pa na'upa-na'a'na, ne duratni-waitni harahu. Hota nadurit nana ray termida wehrani woru, ne hota Aghi'a pa nla'a hair lalawna.
429	GEN 18:4	Pena rala gera oke' pa mialla miohma doin lakmi la, pa tren kuku' la au di nayanni.
431	GEN 18:6	Noka Abrahama plet pa nla'awa hoiwiali pa nwatroma Sara pa nakot la: “Sara, mua'ala wetra' hota sak ida mak samomuou. Plet pa mriahmia la rot piopo'ola.”
437	GEN 18:12	Pede Sara namali ne ralamni niniha pa nwarora: “Agora Abraham mhamto'a-mhape'ewa ne hota a'u'a'na emkameni?”
438	GEN 18:13	Noka Orgahi Nhar lirni la Abrahama: “Nihya'pa Sara namali pa niwra: “Plola pa hota a'u'a'na, mere aghape' olekwa?”
445	GEN 18:20	Nhor nioka Orgahi Nhar lirni: “Abraham! Plola pa riy rahu rpolpuolu-rwakwak mai A'u die, riwra, riy mak kdella leta Sodom nora Gomora do'oni-halli werat rehia.
446	GEN 18:21	Pede Amueh'a gerun pa A'umkek memna totpena Agat niohora de, plola pa hihi'ini-yapyapni nhiolli-lietni emolmolla maka riy rakot la mai A'u, me edonna.”
448	GEN 18:23	Abrahama nma nrehgor pua niwra: “Matromlawnu ne! Plola pa hota Omkuh dioinia-mhuo'or doini riy plollola ra'itar wutu mak khi' do'a-kyap hiala?
449	GEN 18:24	Emkameni la'pa riy plollola terampwolima mak erla let de ralamni? Plollola pa hota Omkuh dioini-mhuo'or doini gen diella, ne edonna Mual targa yariwa-yahai la, onnila riy plollola teram matlimlimni mak kdella ralamni?
452	GEN 18:27	Abrahama nwahla niwra: “Plola pa a'g e ghi' parania ino'nu pa ultier wut lia Orgahi, emkameni ho'mana koda-awu a'u.
456	GEN 18:31	Lirni: “Plollolli de, aghi' parania ino'nu pa ultier wut lia Matro'mu. La'pa Omliernan to'a terampwor lia hande de?” Lirni: “A'g edonna wueyata-wuaniawua, onnila teram maroro'oni re.
473	GEN 19:15	La'pa nmer la tipru dewade Orgahi hopopanni-lili'irnu rora rtekua Lota, totpa pleta, riwra: “Ple'etu! Mumat pa muodia hapmu me a'namu rora mak erla handi, totpa yana mmiati-mmiolu lia let di do'oni-halli wawannu.”
477	GEN 19:19	Plola pa aliernan oleka ralam kalwiedmu la' gaimu ralamni, ne mhi' oleka ra'a-pal liawna mai a'u, onnila mhilpai-mianatga a mormio'ru, mere hota a'uwlar mieman la wo'ora hananni de matmiat die nhapartikil nan a'u, pa nhi'nande hota amuati.
480	GEN 19:22	Pletmi, miwlar lia hande, yoma la'pa o' edonna mlia' ma'ta hande, de a'g edonna ghi' nana hya'a-hya' doma.” Hade pede let de nanni de rweta la Soar (nnia'eratni de, kuku'a).
503	GEN 20:7	Pede dodo'ondi meman pa mpuolan doinia riy de hawni, yoma hade de makwohorulu-ktatrulu id hade. Hade ed mak pena nsumbaini totpa ommuormiori aplahwa. Mere mhoratreria, o' edonna mpuolla-mpue'era hade, de hota omuora he'a-he'a mak klidan nohora o'a mmiati momuou.”
535	GEN 21:21	Nden nek la gen mak kerkerna la Paran lowanni, ne inni na' nana pat Mesir id pa nora rmehlima.
536	GEN 21:22	Lera ida ne ray Abimelek nora hopopanni Pikhol, de mak kod keki-rautu re o'tani, rmai pia rakot la Abrahama riwra: “Abraham ee! Omlia' meni-meni de Orgahi Nor o' talla.
546	GEN 21:32	La'pa rhi' oleka nnio'oni rla Bersyeba dewade Abimelek nora Pikhola rawal lia makdena Filistina re genni.
569	GEN 22:21	De Nahora a'nani yanulu de nwawa Usa, mak klernohora Usa de, Busa, mak klernohora Busa, Kemuel, mak klernohora Kemuel de, Kesed, mak klernohora Kesed, Haso, mak klernohora Haso, Pildasy, mak klernohora Pildasy, Yidlaf, mak klernohora Yidlaf, Betuel, gari hoho'a hade. Hari honon rde Milka na'a'na nan la Nahora. Ne Kemuel nlawlawan lola pa hota nhi' am la makdena Aram.” Noka Betuel na'a'na Ribka.
587	GEN 23:15	“Ame, yan muwenna me, mutlin pa ukota hadi. Plol toto'a de nohanna-taniarta di welli werta, de welli maha wawahra rahu wogata. Mere it mamaini pede emkadella pa mpuair niek wa. Mpuairia pa mtiamin neka hapmu la hande.”
599	GEN 24:7	Uplerlawna mak kodi plolli la lyanti, mak kpolg a lia a'mu romni me lu'wu-a'nu letni, maka Nlokar pa Nala nnio'oni mai a'u emkadi: “Pena Agal noh dilla duratmu-waitmu.” Uplerlawan di hota ed maka khopna hopopanni-li'irnu nala' ul lia o'a totpa mua' nana patke'a id la la' hande pa mumehlima la a'nu.
607	GEN 24:15	La'pa edon nahor mua'ta lirni dewade Ribka nmai de nakwar nana kekanni. Noka Ribka nla ntip ger pa nahar la kekanni, na'nama nafia'at pa nmai owa'ana. Mere Ribka di, Betuela a'nani. Betuel di, Milka nor Nahor a'nani muanke'a, ne Nahor de Abrahama hyalli. Patke' hararar de samounu ne, hararara molanni.
625	GEN 24:33	Mere la'pa rhoiya yamanna la gaini ralamni, dewade hopopan de niwra: “Pap miy re, a'g edonna ukot ma'ta a yala'u onni, de a'g edon u'un ma'ta.” Laban nwahla: “Demade mukota hyalia.”
634	GEN 24:42	Pede alia'awa. Ler di na'nama amuai pa tie' tar lia ger di matni, noka asiumbaini giwra: “Orgahi-Orha'a, maka khi' Uplerlawna la matro'mu Abrahama, Mpuayow nohor de Muala wulu-we'el la yalola-yala' mak a'ulohor nan di.
638	GEN 24:46	Pleta-plet pa nalernu kekanni della wawayanni, noma lirni: “Muemun la, ne onta-ontamu re mana pena agalla remun wali.” Noka agemnu, me onta-onta re mana nalla remun wali.
641	GEN 24:49	Pede dodo'ondi, la'pa ralam kalwiedmi me wnia'ama-wniahyalmi la matro'mu de pa muala patke' di, de mikot memna mai a'u. Ne la'pa edonan mana mikot memna mai a'u, totpa hota awuaror nohora hya'a maka aghi' dina.”
661	GEN 25:2	Patke' de a'na yanulu de Simran, mak klernohora Simran de, Yoksan, mak klernohora Yoksan, Medan, mak klernohora Medan de, Midian, mak klernohora Midian, Isybak, mak klernohora Isybak de, Suah. Gari hoho'a hade.
679	GEN 25:20	Isaka aninni terampwogata, lerni la maka nor Ribka rmehlima. Ribka di narni nwawa Labana, ne amni nwawa Betuel. Betuel di, makdena Arama nwatiawua Padan Aram.
682	GEN 25:23	Orgahi lirni la: “Papay worga erla apanmu de ralamni, ne hota gari nadurit pa narehia yanulu hairni, ne a'na yanulu hota natlin la a'na gari.”
689	GEN 25:30	Yanulu nakot la gari: “Ple'etu, muala pipar mermermu de oke' pa a'u'una, yoma a'uplar memna.” Emkade pede nanni de rweta la Edom (nnia'eratni de, mermera.)
697	GEN 26:4	Pena Aghi'a duratmu-waitmu pa emolmolla wtion mak kdena lyanti, totpa Agala noha-rai di tetema la duratmu-waitmu, ne onnila duratmu-waitmu, nhi'nande rimormior nohkeran di rlernana ra'a-palu.
699	GEN 26:6	Pede Isaka nhol lia Gerar.
702	GEN 26:9	Noka Abimelek npolga Isaka pa nakot la: “Plollolli de hade de hapmu hade, mere mukot oleka miwra: Hade de o narmu.” Isaka nwahla niwra: “A'ukot emkade yoma wniaro'ru: Yanhi'pa natota-nariei pia nhi'nande rwen a'u.”
706	GEN 26:13	Pare'a-patniarga, ne la'pa re'eni-tniarnu nlawlawan lol to'owa pa ler la pripanni-fa'anni.
710	GEN 26:17	Pede Isaka nwaran la hande wa pa nhor nioka nkeni krahanni la Gerar mtatanni, noka nhol lia hande wa.
717	GEN 26:24	Nmel wa noma Orgahi Ntutga rupni la Isaka, me niwra: “Isaka! A' di de Uplerlawna la ammu Abrahama. Yan mumta'ata, yoma Agor o' talla. Pena Agala ra'u-pa'lu tio'a, upe'era-ulawna duratmu-waitmu onnila Abrahama mak klernohora A'u.”
719	GEN 26:26	Lera ida ne Abimeleka nwatiawua Gerar pa nma nwatroma, nor rewre'wa kniarwialli Ahusat (mak kano'a-ka'atg e'a), me nor walia mak kodi keki-rautu o'tani Pikhol.
728	GEN 26:35	Patke'a rora rodia ihru mehra-ralam pahna la Isak nora Ribka.
736	GEN 27:8	Pede dodo'ondi de, mutlina-mutailla li'ru mak aghopan targa tiy o'a.
752	GEN 27:24	Mere natian ma'ta: “Plola pa o' di de a'nu Esau o'a?” Nwahla niwra: “Yowa!”
755	GEN 27:27	Noka Yakopa nma nrehgorgoru na'nama nkinnia amni. La'pa Isaka na'irun nana naniayarni huwnu, dewade nwaka Uplerlawna pa Nara'a-napalga Yakop niwra: “Plollola la a'nu huwnu emolmolla wo'ora-kawru maka Orgahi Nara'a-napalu huwnu.
765	GEN 27:37	Noka amni nakot la: “Plollolli de arian oleka garmu pa nla'a matrom la o wawanmu, ne amni hyalli-inni narni honona re agala pa rla'a ata-wa'ar la, ne agal oleka pa hota nlernana metma nora anggur turnu narehi-nalawna. Noma hota hya' ma'ta etla pa agala tiy o'a a'nu ne?”
767	GEN 27:39	Noka amni nakot la niwra: “Plollolli de nhiol genmu hota olieta-patoga la nohanna-taniarat mak kawuli-kawe'el la noh di wawannu, ne geni miaka lyanit marna ntowria otanni mana olieta-patoga.
771	GEN 27:43	Pede dodo'ondi, mutlina-mutailla a li'ru ama, mpuahi'a-mpuayod pia muwlar pia mlia'awa yeimu Laban, la' Harana,
776	GEN 28:2	Mere mlia'awa Padan Aram la'a upmu Betuela romni, ne mua'ala yeimu Laban a'nani id la hande pa muora mmiehlima.”
779	GEN 28:5	Emkadella pa Isaka nolin doinia Yakopa, noka Yakopa nwaran pa nla'awa Padan Aram, nla'a yeini Laban romni. Laban di, Betuel makden Aram de a'nani. Laban narni de Ribka. Ribka a'nani de, Esau nor Yakopa.
780	GEN 28:6	La'pa Esau nat niohora amni nano'a garni pa yana na'ala pat Kana'ana pa nhi'a la hawni, noma amni nara'a-napalga garni, nhor nia'nama garni nla'awa Padan Arama totpa na'ala patke'a id la hande pa nhi'a la hawni, nlernohora inni-amni lirni,
789	GEN 28:15	Plollolli de Agor o' talla. Mlia' lol meni-meni de, Atiokreri-gheprie'ru, ne hota Ago'du pa muwal lia noh di, yoma A'g edon galtar o'a, mere Aghi'a hya'a-hya' maka A'uno'targa tiy o'a.”
790	GEN 28:16	La'pa Yakopa namat la yaninni, namta'at pa niwra: “Plollolli de Orgahi etla gen di, mere a'uplin niohora pa unin la. Gen di narehi-nalawan memna pa toto' meman pa Uplerlawna romni, Ilyamou-Watyatoha puohrani.”
816	GEN 29:20	Pede Yakopa nkar niana anni wo'itu totpa nlernana Rahela, pa nhi' la hawni, mere anin mandiditu re nwarora de emekto'a lera wo'ira rmeh'a, onnila ralamni nal toto'a Rahela.
828	GEN 29:32	Lea na'apnu pa nmor niana muanke'a ida, nala nanni pa nwawa Rubena (nnia'eratni de, mumkeka, a'nu muanke'a hadi), yoma niwra: “Orgahi Ntolwiah'a-ntakarwah'a a meh'ru mai a'u. Plollolli la' ler di ha'wu hota ralamni nala a'u.”
832	GEN 30:1	Rahela nwarora edon nlernana a'na, noka ralamni namehra doin la kakni, nhi'nande Rahela nakot la hawni Yakopa niwra: “Papa, mual a'na mai a'u. Er edonande amuati.”
844	GEN 30:13	Lea niwra: “A' di de uhepru! Plollolli de patke'a hota riwra a' di de uhepuepru.” Noma nala keke'en de pa nwawa Asyer (nnia'eratni de, muki-hepru).
869	GEN 30:38	Nkenia au aki rella yemun geni honona ralamni, la'pa rdella pipi-duma re matni taranni. Pipi-duma re la'pa rma remun de rmahru yalohora.
887	GEN 31:13	A' di de Uplerlawna mak khari inonni tiy o' la Betel de, la' meni maka mual wu'ru la lairiri, ne maka mhi'a liokarmu mai a'u. Pa dodo'ondi de mpuahi'a-mpuayod pia mpuaran la' let di, muwal lia ammu-hyalmu inmu-narmu letni-ruhunni.””
888	GEN 31:14	Noka Lea nor Rahela ratlina Yakopa wniahaurnu pa nhorwua dewade riwra: “Papa, hota ami edon mlernana nhiakar la am mamni re'eni-tniarnu.
890	GEN 31:16	Plollolli de re'a-tniaru maka Uplerlawna Na' nana la am mamni, honona rde amora a'na mamni gahani. Emkade pa samounu de, hya'a mak Uplerlawna Nakot targa de, omliernohora.”
891	GEN 31:17	Noka Yakopa nwahi'a-nwayod pia nhor nioka nkenia re'eni-tniarnu ror wutga hawni-a'nani pa rha'at la onta wawannu, noka nher niana nhiurni-wnia'anni re honona pa nlernohor reria. Nodia re'eni-tniarnu, nhiurni-wnia'anni honona maka nlernana la Padan Arama, nwaror nana nla'awa amni Isak de, la'a Kana'ana nohananni-taniaratni.
917	GEN 31:43	Noka Laban nwahla Yakopa: “Patke'a ri a'nu, ne ha a'nani re a u'pu, ne nhiuri-wnia'ana ri de nhiuri-wnia'anu, la'pa hya' maka mumkek nan la handi de a gah'u. Mere emkameni pa a'unetia a'nu rina me a u'pu ri honona?!
918	GEN 31:44	Pede dodo'ondi mai pia tsi' wutu nnio'a ida, totpa nla'a lin reri-mat rer tiy o'a mai a'u.”
950	GEN 32:22	Pede limtutnu rde rodia rala' ulu, mere enmeh'a nanin la hoiwialli la mel de.
959	GEN 32:31	Yakopa nweta gen diella Peniel (nnia'eratni de, Uplerlawna gaini), yoma lirni niwra: “A'umkek oleka Uplerlawna gaini mere a'g edonna muati!”
960	GEN 32:32	La'pa nto'or doini Peniel de namkek de lera matni npah'a wa, ne Yakopa nala' teka-teka onnila kowarni natiaulu.
977	GEN 33:16	Pede ler de meman pa Esau nawal pia nokru Seir wa.
979	GEN 33:18	Rwatiawu Padan Aram pa rmai wia, de rodia kalwiedni-paitiotni pa rte'ela leta Sikhema la Kana'ana nohananni-taniaratni, noka Yakopa nkeni hoiwialli la let de onni.
992	GEN 34:11	Noka Sikhem nakot la hararar de amni me narni re: “Pap miy re, awuakwak de aliernana ralam kalwiedwedmi, pena agala hya' to'a maka mpiaka.
1002	GEN 34:21	“Pap miy re! Yakopa nor upni-a'nani riwra ror ita tsol wiutu la'a kalwiedni-paitiotni, miollia rpa rdella gen di, me rala' wewewar la ralamni. Gen di mana inponni ma'ta pa rdella toh?! Nhi'pa ta'ala harararni pa tsi'a la ita hawni, ne ital wali ita harararni la ira.
1021	GEN 35:9	La'pa Yakopa nma nwatiawua Padan Arama, noma Uplerlawna Ntutga rupni la, ne Nal nanni warwuaru me Nara'a-napalga, Niwra: “Yakopa! Nanmu Yakopa, mere dodo'ondi de nanmu atia' Yakopa, mere Israel.” Emkadella pa Uplerlawna Nala pa nwawa Israel.
1038	GEN 35:26	Ne Yakopa hawa liahunu, de Silpa, Lea atni patke'a, a'nani yanulu de, Gad, mak klernohora Gad, de Asyer. Gari hoho'a hade. Hare de Yakopa a'nani muanke'a, maka ra'a'na la'a Padan Arama.
1080	GEN 36:39	La'pa Ba'al-Hanan nmat wia dewade Hadar nhi' ray pia nwauga. Letni nwawa Pahu, ne hawni nwawa Mehetabel. Mehetabel di, inni de Matred. Matred inni de, Mesahab.