66	GEN 3:10	Nwahla: “La'pa a'utlin nana O' etla nhyi' di ralamni, de a'umta'ata, yoma a'utliawihi, reiniande, a'ude' a'u.”
86	GEN 4:6	Orgahi Nal lirni la Kain: “Nihya'pa ralammu namehra doin la me gaimu nmaluidioin la?
135	GEN 5:29	Noma nal nanni pa nwawa Nuh, yoma niwra: “Keke'en di hota nala ralam yahepru mai ita la' ita tulanni-kniarni, maka penpuenu-nanah nohora mehrani-maunu la tan miaka Orgahi Nhi'a pa nhoptutu-nhopler de.”
141	GEN 6:3	Orgahi Nhar lirni: “Nhi'wu hota edonna nden nek la rimormiori ralamni pa nodi liarni, yoma rimormiori de ihi-rara to' hade, ne mormiorni hota nla' nan to'a anni rahu ida terampworu rmeh'a.”
231	GEN 9:25	dewade niwra: “Kana'ana nhoptutu-nhoplera, nhi'a ata-wa'ara kdedeheni la'a hyalli re.
360	GEN 14:23	Hota A'g edon ga'ala hya'a-hya'a la re'emu-tniarmu re, nhor lawra patpati ida me, lakmu wniowni talli id mana edonna, totpa yana omiwra: “Aghi'a Abrama pa pare'a-patniarga.”
438	GEN 18:13	Noka Orgahi Nhar lirni la Abrahama: “Nihya'pa Sara namali pa niwra: “Plola pa hota a'u'a'na, mere aghape' olekwa?”
440	GEN 18:15	Mere Sara nreher doinia, niwra: “A'g edon umali.” Yoma namta'ata. Mere Orgahi Niwra: “Edonna, omumal tioto'a!”
442	GEN 18:17	Noka Orgahi-Orha'a Nwarora: “Nhi'pa A'ude'a la Abraham, hota Awueyata Sodom letni me yana?
451	GEN 18:26	Orgahi Nhar lirni: “La'pa Aliernana riy plollola terampwolim la Sodom ralamni, de Agho' li'mu me Ariei ro'ru la gen die tetema, onnila hare.”
453	GEN 18:28	La'pa nho' nana riy wolim la riy teram matlimlima mak kaplola rde, hota Mpueyata-mpuaniawua let de onnila riy matlimlima rena?” Lirni: “A'g edonna wueyata-wuaniawua, la'pa Aliernana terampwogata wehrani wolim la hande.”
454	GEN 18:29	Abrahama nhauri owa'an lirni pa nakot la: “La'pa Omliernan to'a terampwogat la hande de?” Lirni: “A'g edonna wueyata-wuaniawua, onnila teram mandadatni re.”
455	GEN 18:30	Lirni owa'ana: “Yana Matro'mu Nawunu-nawenan mai a'u, la'pa a'ultier nian ralamni owa'ana. La'pa Omliernan to'a terampwotel lia hande de?” Lirni: “A'g edonna ghi' nan emkade, la'pa Aliernana teram mantetellu re la hande.”
456	GEN 18:31	Lirni: “Plollolli de, aghi' parania ino'nu pa ultier wut lia Matro'mu. La'pa Omliernan to'a terampwor lia hande de?” Lirni: “A'g edonna wueyata-wuaniawua, onnila teram maroro'oni re.
457	GEN 18:32	Lirni: “Matro'mu yan Nawunu-nawenan mai a'u la'pa a'ultier nian ralamni to' owa'an di pa onanwa. La'pa Omliernan to'a termid la hande de?” Lirni: “A'g edonna wueyata-wuaniawua, onnila teram memeheni de.”
498	GEN 20:2	Onnila Abrahama nakot nohora Sara, hawni de niwra: “E'a de na'ru”, reiniande Gerar rayni de, nanni Abimelek nhopan pa ra'ala Sara.
505	GEN 20:9	Nhor nioka Abimelek npolga Abrahama pa nakot la niwra: “Hya'a nhiol miaka omhi'a mai am dina, ne hya'a do'a-hal mak aghi' oleka tiy o'owa, nhi'nande omrieiniana do'a-hal matmiat liawna la a ino'nu me a hai'ru? Nhiol miaka emkade de, de yana omhi'a.
540	GEN 21:26	Abimeleka nwahla: “A'uplin niohora he' ed maka khi' nan hade. Nhor wuali ne o' edon mukota ma'ta mai a'u, ne la'pa ler di meman mana a'g edon utlin ma'ta.”
543	GEN 21:29	Noka Abimelek natiana Abrahama: “Rhi'a dum a'na mandidit muaka mtiau dioini rella hya'a?”
549	GEN 22:1	Lera ida ne Orgahi Niwra Nat niohora memna Abraham pesiayni pede Nakot la Niwra: “Abraham ee!” Nwahla niwra: “Hya'a Matroma.”
550	GEN 22:2	“Mua'ala Isaka, a'namu muanke' memeh mak o ralammu nala de, pa mlia'awa Moria lowanni, ne mhi'a Isaka di pa nhi'a hoihoi-tantiani la wo'ora id wawannu, maka pena Atiutga tiy o'a.”
562	GEN 22:14	Hade pede Abrahama nhi' gen die pa nwawa: “Orgahi Nwahi' targa olek wa.” Onnila hade pede la'pa nmai lia dodo'ondi mana riy riwra: “La'a wo'or hananni mak Orgahi Nhopan pa Abraham nala hoihoi-tantiani de, hota Uplerlawna Nwahi' targa hya' maka rakleha.”
580	GEN 23:8	ne nakot la re: “La'pa miy mpiayow pa agodia ha'wu pa atiamnia la hande, de mrieiniana-mia'nana a wakwa'ku di pa mpiak lilili-maumuau lia Efron, Sohar a'nani,
611	GEN 24:19	La'pa nala hopopan de nemun pa nhorwua dewade nakot la: “Nhi'pa atip wuali ger la ontamu re remnia totpa honona re tiernu pe'era.”
631	GEN 24:39	Mere awuahla giwra: “Yanhi'pa patke' de nahmen nor a' tialla pa ammai la handi?”
639	GEN 24:47	Nhor nioka a'utiana giwra: “He' a'nani o'a?” Wniahlani: “A'mu Betuel, Nahor a'nani, mak Milka na'a'na nana.” Noma akenia krapu la irannu me leli re la limni.
657	GEN 24:65	Nakot la hopopan de: “He' ed muanke' mak kala'a la wewna wawannu pa kharan rer it dina?” Hopopan de nwahla niwra: “Matro'mu eda de.” Noka Ribka nahew gaini (emolmolan neka patke'a mak kekeneka rmehlima nhi'inde rhi'a).
700	GEN 26:7	Noka makden hande ramkek de hawni samoga nhi'nande ratian nohora la Isaka, noma nakot nohora hawni niwra hade de e narni, yoma namta'ata nakota niwra hade de e hawni, yoma wniarorni: “Yanhi'pa let di mniotni rwenan nan a'u, onnila Ribka tototni-rerieini, yoma patke' de irnu hlioi-mat lawruru.”
702	GEN 26:9	Noka Abimelek npolga Isaka pa nakot la: “Plollolli de hade de hapmu hade, mere mukot oleka miwra: Hade de o narmu.” Isaka nwahla niwra: “A'ukot emkade yoma wniaro'ru: Yanhi'pa natota-nariei pia nhi'nande rwen a'u.”
703	GEN 26:10	Mere Abimelek niwra: “Hya'a nhiol miaka omhi' nan oleka mai am dina? Emkameni la'pa riy id la makden gen di nora hapmu ranin wutu, nhi'nande pena ha natota-nariei pia omuodi am lia do'a-hala ralamni.”
715	GEN 26:22	Rwaran la hande noka rahi ger id owa'ana, mere la'a ger di wawannu de edonna rawo'ora. Nala ger di pa nwawa Rehobot (nnia'eratni de, geni hgal liawna), ne niwra: “Dodo'ondi Orgahi Nal oleka geni ghal liawan di mai it pa totpa ta'upa-ta'a'na la gen di.”
720	GEN 26:27	Mere Isaka nakot la re: “Nihya'pa mia mpiatrom a'u? La ler mak itto'or la de, ralammi ramehra mai a'u pa mhiopan pa aliergot la genmi de.”
721	GEN 26:28	Rwahla riwra: “Ameh'a mat niohora de Orgahi Nor o' talla pede amiwra: Samounu de itla' wutu liokra ida pa itsi' nnio'a ida totpa it idma nhi' samomuou ida.
741	GEN 27:13	Mere inni nakot la niwra: “A'g ed mak kakwara hoptutu-hopler de ama. Mutlina-mutailla a li'ru, mlia la'pa mua'ala pipi a'na maroro'a re pa muodi muai pia awuahi'a-wuayodia pa mikmikri-lamliamni.”
750	GEN 27:22	Noka gari nrehgoru amni, noma amni nteman la inonni, noma niwra: “La'a lirmu di Yakopa lirni, mere limmu di Esau limni.”
804	GEN 29:8	Mere rwahla riwra: “La'pa nhiuri-wnia'ana re wokni-wokni edon rawok momuou ma'ta de, ami edonna mhi' nan hade. Nanpena rwaklol dioini wat diella gera nurnu, demade amalla dum mamni re remnu.
834	GEN 30:3	Rahela niwra: “La'pa emkade de, mua'ala Bilha di, a'tu patke'a hadi, omuora minin wutu totpa na'a'na totpena onnila Bilha aliernana durti-waiti.”
858	GEN 30:27	Mere Laban nakot la niwra: “La'pa aliernana ralam kalwiedmu de, omdien nek la handi. A'umkek olek la ihriehera de Orgahi Nala ra'a-pal mai a'u onnila o'a.
860	GEN 30:29	Yakopa nwahla niwra: “Omueh'a muat niohora de emkamenila a knia'ru tiy o'a, ne emkameni la nhiurmu-wnia'anmu la'a li'mu ralamni,
917	GEN 31:43	Noka Laban nwahla Yakopa: “Patke'a ri a'nu, ne ha a'nani re a u'pu, ne nhiuri-wnia'ana ri de nhiuri-wnia'anu, la'pa hya' maka mumkek nan la handi de a gah'u. Mere emkameni pa a'unetia a'nu rina me a u'pu ri honona?!
922	GEN 31:48	Noka Labana niwra: “Katri'an di ed mak kla' lin reri-mat rer lia omuor a'u la' ler di.” Hade pede nweta katri'an della Galed.
937	GEN 32:9	Yoma wniarorni: “La'pa Esau nma nala wokni ida pa la' yaw de, de wokni id etla pa nlewna.”
946	GEN 32:18	Nano'a mak kdella gai kenkenna: “La'pa ka'ku de nwatrom miy ne natian miy die niwra: “Matrommi he'a? Miokur meni? He' gahani nhiuri-wnia'an mak kala' ul lia gaimi rena?”
955	GEN 32:27	Noka riy de nakot la niwra: “Muolin doini a lia pa alia'awa, yoma lera matni npah'a oleka wa.” Mere Yakopa nwahla niwra: “A'g edon golli o' la pa mlia'awa, la'pa o' edonna muala ra'a-palu mai a'u.”
958	GEN 32:30	Yakopa natiana: “Awuak pa mukot walia nanmu mai a'u.” Mere nwahla niwra: “Nihya'pa omutiana a na'nu?” Noma nala ra'a-pal lia Yakopa la' gen die.
959	GEN 32:31	Yakopa nweta gen diella Peniel (nnia'eratni de, Uplerlawna gaini), yoma lirni niwra: “A'umkek oleka Uplerlawna gaini mere a'g edonna muati!”
974	GEN 33:13	Mere Yakopa nakot la: “Matro'mu natga de keke'enku'a ri rakleh ma'ta ruri, ne pi'pu-du'mu, me sapi re doma ruruh rer mia'ta, la'pa tmahrur rer lia lera id de hota honona re rmat miomuou.
1011	GEN 34:30	Noka Yakopa nakot la Simeon nor Lewi: “A'na miy re, miy mhi' nana oleka matmiati-molmuol mai a'u, ne mhi' weyata a na'nu la noh di mniotni, la'a makdena Kana'ana me makdena Feris. Kennama it di riy doma rmeh' ita. La'pa rawok pa ral mai it de, toto' memna ral it la yawa, ne rahoru momuou ita, agora ro'mu mniotni.”
1012	GEN 34:31	Mere rwahla riwra: “Nihya'pa a gari miamni la rhi'a emolmolla patke' yata?”
1100	GEN 37:16	Nwahla: “A'uhaka hya'lu re. Mtiulan pa mukot mai a'u, hare e rodi pipni-dumni la hanmeni?”
1131	GEN 38:11	Noka Yehuda nakot la yananni Tamra niwra: “Ina, mdien nek la ammu romni emeka mak kapalu, mpuei niekpa a'nu Syela nlawna,” yoma Yehuda wniarorni: “Yanhi'pa nmat wial pia emeka kakni rora.” Noma Tamra nla'awa pa ndella amni romni.
1142	GEN 38:22	Nawal lia Yehuda na'nama niwra: “A'g edonna wuatrom nana, ne makden hande mana riwra patke' yatyata edonan la hande.”
1143	GEN 38:23	Noka Yehuda niwra: “Nhi'in della pa ntorreria yohya'a re, totpa yana itla'a riy wniarerni-wniahaurnu rahe'i-ramal lia. Plola pa agiwra gal oleka pipi a'na de mere o' edonna mpuatrom nana.”
1146	GEN 38:26	Yehuda nloha-nlilia yohya'a re noka niwra: “A'g edonna, mere patke' de ed mak kaplola, yoma a'g edonna gala la a'nu Syela.” Ne Yehuda edon nora patke' de ranin wutu owa'ana.
1158	GEN 39:8	Mere Yusup nwayotlia noka nakot la upni-matromni hawni de niwra: “La'a agodi plolli la handi, de u'pu-matro'mu de edon ne'era-ntatra hadomdom la rom di nayanni, ne nolin doinia re'eni-tniarnu honona la a li'mu ralamni.
1180	GEN 40:7	Noka natiana la Firaun limni-rorni maka ha rho'la rewre'wa wutga la matromni romni de: “Nihya'pa ler di de gaimi rmaluidioinla?”
1181	GEN 40:8	Rrora rwahla riwra: “Ami'a mere riy mak kwet nana nnia'eratni de hamonna.” Dewade Yusup nakot la re niwra: “Edon miatga de Uplerlawna ed mak kakota mi'a ida nnia'eratni? Mikot mi'imi re mai a'u.”
1189	GEN 40:16	La'pa mak khi' o'ta la mak karia roti natlin nana mi'ini de nnia'eratni samou wa, dewade nakot la Yusup niwra: “A'u muana amui' wali. Umkek de a'g e tiutul niana kriou wotel die rpenpuen lia kuksi.
1211	GEN 41:15	Rla' noka Firaun nakot la Yusup: “A'g e mi'a, ne riy id mana ta'en niana nwet nana nnia'eratni, mere a'utlin nan olek o'owa, riwra hornama mutlin nan to'a mi'a, dewade omukota nnia'eratni.”
1221	GEN 41:25	Noka Yusup nakot la Firaun: “Matro'mu Firaun mi'ini rora re ramneneha. Uplerlawna Nakot oleka la matro'mu Firaun hya' maka Uplerlawna Niwra Nhi'a-nyapia.
1251	GEN 41:55	La'pa Mesir noh tetema nler la lara ne lima-rora rwak meman la Firaun pa nala yamanna, dewade Firaun nakot la makden Mesir re: “Mlia'awa Yusup de pa mhi'a hya' maka ha nakota tiy miy.”
1254	GEN 42:1	La'pa Yakopa natlin nana kota-de'et de metma harahu la Mesir, dewade nakot la a'nani re: “A'nami re! Nihya'pa miy idma namkek rer tio' ida?!
1257	GEN 42:4	Mere Yakopa edon nolin Yusup garni Benyamin pa nor hyalli re talla, yoma nwarora de: “Yanhi'pa la'pa nler la yatyatni.”
1289	GEN 42:36	Ne amni Yakopa nakot la re: “A'na miy re, miy mhi' a' pua a'umolga a'nu re, Yusup edonan wa, pa Simeon mana edonan wa, dodo'ondi miwra miod wialia Benyamina. Rhi'a kwar lawan mai a'u.”
1293	GEN 43:2	Pede la'pa metam maka ha rodia la Mesir de ra'ana pa nhorwua, dewade amni nakot la re: “A'nami re, mlia miweli owa'ana yamanna oke'a mai ita.”
1297	GEN 43:6	Noka Yakopa niwra: “A'na miy re, nihya'pa miy miala wniarora-wnialai liawna mai a'u, onnila mikot la riy de, de garmi ida edama?”
1302	GEN 43:11	Noka amni nakot la re: “La'pa hade emkade de, mhi' emkadi: Mia'ala noh di wullu-we'elli mak samomuou muemna la'a kadmi ralamni, ne miodia la riy de emeka limtutmi. Miala ortawi-autiawi oke'a pa rala ratiaka mehrani, me oke'a mak huwnu mikmikri, me gani oke'a, na'itra duhru-lawruru wo'oni.
1329	GEN 44:4	Mere la'pa na'nama rhargot la let de, edon oliet ma'ta, dewade Yusup nakot la mak kla o'ta la e romni de niwra: “Mlia' pa mhuokra riy re, ne la'pa mdiamit nana rde, mukot la re: “Nihya'pa miala yatni ma mpiahla riy kalwiedni?
1340	GEN 44:15	Yusup nakot la re: “Hya'a nhiol miaka ha mhi' nan dina? Miy edon miat niohora la'a riy ida emek a' di, de agatu ghi' rehera totpa agat niohora hya' maka miy mhi'a de?”
1348	GEN 44:23	Noka matro'mu nakot owa'an la atmu ami niwra: “La'pa garmi de edonna ma miora talla, de yana mia mimkeka ga'yu di owa'ana”.
1350	GEN 44:25	Noka lera ida a am mamni niwra: “A'na miy re, miwal pia miwel niana yamanna oke'ela mai ita”.
1352	GEN 44:27	Nhor nioka atmu a am mamni nakot mai ami: “A'na miy re, miat niohora de, ha'wu na'a'na nan keke'eni woru mai a'u.
1357	GEN 44:32	Mere atmu a' di, ukwar oleka gar mami della a'mu nora li'ru: “La'pa a'g edon godia pa uwal niohora la a'mu, de a'g ed mak khi' do'a-kyap hial la a'mu pa nodi liarni”.
1368	GEN 45:9	Plet pa mlia'awa it amni, ne mikot la: “A'namu Yusup lirni hadi, de Uplerlawna Nkeni olek Yusup pa emeka Mesir tetema matromni, omlia' pa mpuatrom Yusup, yana prei-pre'eta.
1387	GEN 45:28	Yakopa naltieri niwra: “Dodo'ondi na'nama agat wua de, a'nu Yusup e nmormior mia'ta, agiwra lia umkeka, la'pa a'g edonna muat mia'ta di.”
1389	GEN 46:2	Noma mela ida Yakopa ndarat nana Uplerlawna lirni Niwra: “Yakopa! Yakopa!” Nwahla niwra: “Hya'a Matroma.”
1454	GEN 48:2	La'pa rod kiota la Yakopa riwra: “A'namu Yusup e nmai o' de.” Noka Yakopa nawoka rurni-laini korkorni honona pa namtatna la yanin genni wawannu.
1456	GEN 48:4	Na'nama Nhar lirni de mai a'u Niwra: “A'g ed maka khi' o' pa mu'upa-mu'a'na, ne pena A'u ghi'u pa mu'itra-mulawna, ne duratmu-waitmu rla'a hairi wokni ida. Agala noha-rai di la omuora duratmu-waitmu pa mhi'a la gahami pa nodi liarni.””
1467	GEN 48:15	Nhor nioka nwaka Uplerlawna Nala ra'ani-pal lia Yusup niwra: “U'pu Abrahama me a'mu Isaka rmori olek la Uplerlawna gaini ralamni. Uplerlawan di emolmolla Uplerlawna mak kla'a makodi a'u la'a mormio'ru la ululu pa nod nieka pa dodo'ondi.
1472	GEN 48:20	Noka nwak pa Uplerlawna Nala ra'ani-pallu la niwra: “La'pa makden Israel hota riwra rwaka Uplerlawna pa Nala ra'a-palu, de riwra: “Uplerlawna Nala ra'a-palu emeka Efraim nora Manasye ra'ani-pallu.”” Emkadella pa nala gari Efraim pa nala' ulu yanulu Manasye.
1475	GEN 49:1	Nhor nioka Yakopa npolg awoka a'nani re na'nama niwra: “A'na miy re, mia miwoka, totpa arior taru-liai tiarga miy mormiormi.
1503	GEN 49:29	Nhor nioka Yakopa nano'a-na'atga a'nani re: “A'nami re, edon nalo'on ma'ta de, amuat pia uwok wutg a lia u'pu-tga'ru. La'pa amuat die midera a lia u'pu-tga'ru re onni la'a lien mak kdella Heta mniotni, nwawa Efrona nhyi'ini ralamni,
1513	GEN 50:6	Noka Firauna nakot la: “Mlia'awa hande pa midera ammu la liena, emeka ha nhopna omliokar la.”
1522	GEN 50:15	La'pa Yusup hyalli re rat niohora oleka de amni nmati olekwa dewade riwra: “Yanhi'pa Yusup naun targ ita! Pa nwahla ita nhiol yatni la e'a.”
1523	GEN 50:16	Hade pede rhopan pa rla rwe'era nnio' dilla Yusup: “La'pa it amni edonna nmat mia'ta de nano'targ oleka: “Emkadilla la'pa mikota la Yusup: Mhuoratdoini hyalmu re do'oni-halli, yoma rhi' oleka nhiol yata-liet yat la o'a. Noma dodo'ondi de, mhuoratdoini mak khima-kre'a ammu Uplerlawanni re do'oni-halli.”” Yusup natlin nana hare lirni, de: “Mhuoratdoini hyalmu re do'oni-halli”, de nkakur wa, (yoma hyalli re raplin ma'ta de nhoratdoin oleka ir do'oni-halli).
7140	RUT 1:11	Mere rora yananni Na'omi nhar lirni nakot la niwra: “A'nami re! Samomuounu de mimrio' miwal lia rommi. Nihya' pede miwra mliernohora a'u? A'ukleha upa-a'na, pa hota mimiora mmiehlim owa'ana. Ne hota a'g edonna liernan owa'an a'na.
7162	RUT 2:11	Mere Bo'as nakot la niwra: “A'utlin momuog oleka o nhiolmu-lietmu maka ha mtiutga la yananmu, la'a ler maka o muanke'emu nmat pia la'pa ntutu-nte'ela dodo'ondi. Agat niohora olek walia de omultarga inmu-ammu la'a o nohomu-raimu pa ma mdien wut lia'a makden Israel ri maka ha muplin niohor ma'ta.
7166	RUT 2:15	Nhorwua noma Ruta nla pa nalir owa'ana wetra' lawna harni maka ha ratuin doinia la. La'pa Ruta nto'or wa noma Bo'as nakot la mak kari re niwra: “La'pa patke' de nalir niana wetra' lawna dom makden la har maka ha ra niutin taru oleka onni mana, de yan mia'ala! Onde yana mpiolliohora, yanhi'pa nmola-nma'a ne yan memmemna miwenan la. Rerehniana mtiotpa mhi' atuinia maka ha mteti oleka re oke'e-oke'ela totpena natopal nana.”
7169	RUT 2:18	Nhor pua nla'awa leta noma nala yodni rella la'a yananni, me nal wal lia yamananni maka takenniana na'ana la dodo'ona. La'pa yananni Na'omi namkek memna wetra' lawna maka nlernan oleka de dewade natian nohora niwa: “Inee! Omliernan hari honona la hanmeni? Me omkar lia' he'a nhyi'ini-elawni? Uplerlawnu nee! Pena Mhilpai-muanatga riy maka khi'a nhioli-liet dilla mai ami.” Noma Ruta nakot la niwra: “La'a nhyi' maka a'uliria wetra' lawan la de, matromni nwawa Bo'as.”
7189	RUT 3:15	Noma Bo'as nakot la Ruta niwra: “Muo'ludoinia kok no' wawainmu de (selendang) pa mpueran targa la handi”. Noma Ruta no'lu doinia kok no' wawayanni de pa nweran targa la hande wa. Dewade Bo'as na'ala kok de na'nama ntoman nana wetra' lawna, edonna nhal de kilu terampwotelu na'nama nrana la Rut wawayanni pa nakwar la pa nla'awa! Nhorwua noma Bo'as nla'awa la leta.
7191	RUT 3:17	Ne Ruta nakot wal lia yananni niwra: “Wetra' lawna ri honona re, e' ed mak kala, yoma niwra: “Omlia'wa de yana limmu nahgallia la it inni de!””
7198	RUT 4:6	Noma riy de mak kodi plolli pa ntulan la Na'omi nakot la Bo'as niwra: “La'pa o e mpuapan wutga pat Moab de la'a tani die, de yan nek wa. La dodo'ondi de plola a'g ed mak plollolli pa a'uwelia, mere ta'en niana aghi' nana pede omua' nek la wa. Yoma la'pa a'uwel hade mana hota a durtu-waitu edonna rlernan walia tan die. La'pa emkameni de omuwel nieka wa.”
7209	RUT 4:17	A'na patke'a la'a rom heiwiali re riwra: “Na'omi nlernan oleka a'na muanke'a id wa!” Dewade rala keke'en de pa nwawa Obed. Obed di, ed maka hota ka'a'ana nana Isai, me Isai ed mak ka'an nana ray Daud.
12721	EST 1:15	Noma ray nakot la riy mandiditu re niwra: “A'g e ghopan pa mak khima-kre' a'u re rla rpolga ratu Wasti pa nmai a' di, mere nahmena nmai! Pa la'a deulu-tatra de hota hadi lol hya' talla?”
12728	EST 1:22	Dewade na'enyat horta-hairi pa nwewar la'a propinsi re honona la'a lodna-hairni de, de nnairia yawala nora nhiorta la'a leta-leta honona yawal wamueheni. La'a ray titni de lirni emkadi: “La'a roma nihi-lewu-nhiaiti wa, de hawa muanke'a ed maka khi'a o'tani la hade, me la' e' nanpena ed maka ketlia' hare honona.”
12730	EST 2:2	La hade pede maka nhi'inde kala lira-nio'a la ray re rwaror owa'an ralma-rior id owa'an de riwra: “La'pa tun ray nwayowa de tun ray nhopan pa rwahak owa'ana hararar mak gaini samomuou dom owa'ana, mak edon kora ma'ta muanke'a dom ranina, pa rala la tun ray.
12754	EST 3:3	Noma o'ta-mata dom mak kar lia ray lodanni-hairni la'a ray kruwun genni de rma pa ratian la'a-mai Mordekhai niwra: “Hya'a nariei pia o' edonna mutlin la' ray titni dena?!”
12763	EST 3:12	La'pa nte'ela lerni la'a wolla yanullu, lerni termida wehrani wotellu, noma Haman npolga riy mak khi'inde rhorta ray horatni-hairni, na'nama nhopna honona rhorta e lirni de rnairia rima-rima yawalli nora nhioratni la'a propinsi me luwu-a'na honona makden la lodna-hairi Persia. Rhorta horta re lirni de rweta la ray Aswerus nanni, me Haman mana nnairia ray kdielli de pa ndain wutga la horta-hair die. La' horta lirni de e niwra: “La'a lera termidni wehrani wotellu, la' wolla termida wehrani wornu maka ha rweta la wolla Adar dewade rwunu-rwenan momuoga riy Yahudi re honona kuku'uni-lalawanni, lokmera-papay onde mak kler olek la mto'oni-ppe'eni lerni, la'pa patke'a onde muanke'a mana, yana ha rlewan la wehla gai liokarni, ne re'eni-tniarnu honona mana reyahru momuoga. La' ler de meman pa rwunu-rwenan momuoga re.” Noma horta-hairi de, Haman nhopan pa riy pleta-plet pa rla' pa rodia la'a gubernur-gubernur ror wutga o'ta-mata re honona la'a propinsi re me luwu-a'na honona o'tani-matni totpena honona ratga.
12786	EST 5:3	Noma ray natiana niwra: “Hya'a nhi o'a nare? Omuiwra mpuaka hya'a nare? Mukota! Ompuaka hya' to'a de hota agala. La'pa ompuatetar la'a a lodna-hai'ru di enawera la' woru muana hota agala tiy o'a!”
12787	EST 5:4	Noma Ester nwahla lirni niwra: “La'pa tun ray nwayow de, tun ray nora Haman rtiy pa rre'ela ra'an la'a maka agiwra ghoiya la tun ray ra'ana la' ler di.”