65	GEN 3:9	Mere Nhar lirni pa Npolga muanke' de Niwra: “Adam ee! O' etla meni?”
67	GEN 3:11	Lirni: “He' ed mak kakot o' de, o' e mutliawihi? Yanhi'pa o' e mu'un la auwo' mak A'ukota yan memmemna mu'un dena?”
69	GEN 3:13	Nhor nioka Nhar lirni la patke' de: “Hya' ed maka mhi'a dina?” Patke' de nwahla: “Niy die ed mak kodia kdiori-kdieha pa a'una.”
89	GEN 4:9	Nhor nioka Orgahi Nal lir la Kain pa Natiana: “Kain ee! Garmu Habel etla meni?” Mere Kain nwahla niwra: “A'uplinga. A' di de mak katiak ga'ru id a'u?!”
390	GEN 16:8	Niwra: “Hagar, Sarai atni nee, ompuatiawu meni pa omlia'awa la hanmeni?” Wniahlani: “Matroma, a'uwlar pia atio'or la a matro'mu patke'a.”
434	GEN 18:9	Noka ratiana Abrahama riwra: “O hapmu etla meni?” Noka Abrahama niwra: “Etla hoiwiali nayanni.”
437	GEN 18:12	Pede Sara namali ne ralamni niniha pa nwarora: “Agora Abraham mhamto'a-mhape'ewa ne hota a'u'a'na emkameni?”
438	GEN 18:13	Noka Orgahi Nhar lirni la Abrahama: “Nihya'pa Sara namali pa niwra: “Plola pa hota a'u'a'na, mere aghape' olekwa?”
450	GEN 18:25	Olie'tu la hihi'a-yapyapia mak emkade, Mpuenan wutu riy dodo'a-halala rora riy plollola-mneneha, nhi'nande mak kaplola re emekwali mak khi' hala! Olie'tu la hihi'a-yapyapia mak emkare tiy O'a! Yanhi'pa O' mak ktorna watghudi lokarni-tatiaili lahannu la noheri woru-lyanti nayanni edonna Muodi plollolli pa Mukmua?”
453	GEN 18:28	La'pa nho' nana riy wolim la riy teram matlimlima mak kaplola rde, hota Mpueyata-mpuaniawua let de onnila riy matlimlima rena?” Lirni: “A'g edonna wueyata-wuaniawua, la'pa Aliernana terampwogata wehrani wolim la hande.”
454	GEN 18:29	Abrahama nhauri owa'an lirni pa nakot la: “La'pa Omliernan to'a terampwogat la hande de?” Lirni: “A'g edonna wueyata-wuaniawua, onnila teram mandadatni re.”
455	GEN 18:30	Lirni owa'ana: “Yana Matro'mu Nawunu-nawenan mai a'u, la'pa a'ultier nian ralamni owa'ana. La'pa Omliernan to'a terampwotel lia hande de?” Lirni: “A'g edonna ghi' nan emkade, la'pa Aliernana teram mantetellu re la hande.”
456	GEN 18:31	Lirni: “Plollolli de, aghi' parania ino'nu pa ultier wut lia Matro'mu. La'pa Omliernan to'a terampwor lia hande de?” Lirni: “A'g edonna wueyata-wuaniawua, onnila teram maroro'oni re.
457	GEN 18:32	Lirni: “Matro'mu yan Nawunu-nawenan mai a'u la'pa a'ultier nian ralamni to' owa'an di pa onanwa. La'pa Omliernan to'a termid la hande de?” Lirni: “A'g edonna wueyata-wuaniawua, onnila teram memeheni de.”
506	GEN 20:10	O ralma-riormu emkameni pede mhi' nan hadena?”
555	GEN 22:7	Noka Isaka nakot la amni: “Ama.” Abrahama nwahla: “Hya' ame?” Noma natiana niwra: “Mai handi de ai nora au er olek la wa, mere dum a'na etla meni pa rhi'a la hoihoi-tantiani tniunu-nhiarna?”
597	GEN 24:5	Noma hopopanni de nakot la: “Matroma, yanhi'pa patke' de nahmena nlernohor a pua mai let di pa nhi'de agodia a'namu di pa uwal lia letmu-ruhunmu mak ha mliergot la?”
615	GEN 24:23	noma natiana: “Ina, he' a'nani o'a? La' ammu romni de geni erla pa amanin ami?”
631	GEN 24:39	Mere awuahla giwra: “Yanhi'pa patke' de nahmen nor a' tialla pa ammai la handi?”
657	GEN 24:65	Nakot la hopopan de: “He' ed muanke' mak kala'a la wewna wawannu pa kharan rer it dina?” Hopopan de nwahla niwra: “Matro'mu eda de.” Noka Ribka nahew gaini (emolmolan neka patke'a mak kekeneka rmehlima nhi'inde rhi'a).
681	GEN 25:22	Mere apannu mniotni rwayotli pede niwra: “A su'ku tia'ala pa a apnu ralamni emkadi. Nihya'pa emkadina?” Noka nwaka rorora-laliai la Orgahi niwra: “Matromlawnu ne! Nihya'pa apnu mniotni rwayotli?”
746	GEN 27:18	Emkadella gari nla'awa amni genni, noka nakot la niwra: “Ama!” Amni nwahla niwra: “Ee! He' o' e?”
748	GEN 27:20	Noka Isaka nakot la Yakopa: “To'a, o fiekatmu?” Nwahla niwra: “Yoma Orgahi-Orha'a, Uplerlawanmu de, Nhi' a' pua aliernana awuahakaka.”
760	GEN 27:32	Mere amni niwra: “He' ed o' dina de?” Nwahla niwra: “A' di de a'namu yanulu Esau.”
765	GEN 27:37	Noka amni nakot la: “Plollolli de arian oleka garmu pa nla'a matrom la o wawanmu, ne amni hyalli-inni narni honona re agala pa rla'a ata-wa'ar la, ne agal oleka pa hota nlernana metma nora anggur turnu narehi-nalawna. Noma hota hya' ma'ta etla pa agala tiy o'a a'nu ne?”
800	GEN 29:4	Noka Yakopa la' pa natiana la mak kodi re: “Ama-hyal miy re, miy mpatiawu meni?” Rwahla riwra: “Ampatiawua Haran.”
801	GEN 29:5	Natian owa'an la re: “Miy miat niohora Nahor upni Labana?” Rwahla riwra: “Yowa, amatga.”
862	GEN 30:31	Laban niwra: “Hya' mak agala tiy o'a, Ame?” Yakopa nwahla: “Yana mual neka hya'-hya'a mai a'u, agiwra godi owa'ana pipmu-dummu, ne utiaka re, hornama omhur niohora hadi mai a'u.
946	GEN 32:18	Nano'a mak kdella gai kenkenna: “La'pa ka'ku de nwatrom miy ne natian miy die niwra: “Matrommi he'a? Miokur meni? He' gahani nhiuri-wnia'an mak kala' ul lia gaimi rena?”
966	GEN 33:5	Nhor nioka Esau nran matni pa namkeka patke'a re rora a'nani re noka natiana: “Hyalia, he'a riy mak kora o' talla rina?” Yakopa nwahla niwra: “Upa-a'na maka Uplerlawna Nara'a-napalga la a' di, hyalia.”
1012	GEN 34:31	Mere rwahla riwra: “Nihya'pa a gari miamni la rhi'a emolmolla patke' yata?”
1092	GEN 37:8	Noka hyalli re rakot la: “Hyalia, yanhi'pa omiwra mla' ray pa muodi plolli mai ami?” Pede yeher to'a Yusup hyalli re sukni tia'ala onnila mi'ini me lirni de.
1099	GEN 37:15	La'pa Yusup nala' wewewar la wewna wawannu, dewade nwatrom nana muanke' ida, noka muanke' de natiana: “To'a, he' maka ompuahaka?”
1100	GEN 37:16	Nwahla: “A'uhaka hya'lu re. Mtiulan pa mukot mai a'u, hare e rodi pipni-dumni la hanmeni?”
1116	GEN 37:32	Rain plalahwa samomuou liawan de rhopna rla rottiarga la amni na'itra nnio'a: “Ama, hadi amlernana, pa mlioha-mlil tieka, yanhi'pa rain di de a'mu a'nani gahani me edonna?”
1136	GEN 38:16	Noka Yehuda nla napal lia patke' mak kdella talla aratni de na'nama niwra: “Mai pia agiwra gor o' manin wutu”, yoma naplin niohora patke' de de yananni. Patke' de natiana: “Hya' maka omuala mai a'u la'pa itro' tanin wutu?”
1141	GEN 38:21	Hira natiantan nohora la'a patke' de genni la mak kdella gen die niwra: “Hyal miy re, patke' yatyat mak nhi'in della patung geni, mak dodo'on namtatan la talla mak kokru Enaim aratni de, etla meni?” Rwahla riwra: “Hyalia, patke' yatyata emkade edonan mai handi.”
1145	GEN 38:25	La'pa rodia pa rwenna, dewade patke' de nhopna riy rla'a yananni Yehuda pa rakot la: “Nwatiaga muanke' maka hyonni-hyanni ri pede a'u'apnu. Mlioha-mlilia, he' gahani kniau me wui di nora lie'en dina?”
1159	GEN 39:9	La'a rom di nayanni mana edon narehi a lia plola-mneha, ne edonna nanetia hya'a-hya' to'ola li'mu ralamni, eneknek o'a, yoma o' de hawni o'a pa a'g edon liolla. Emkameni pa la'pa nhi'pa aghi' nana do'a-hal matmiat liawan dilla' Uplerlawna?”
1180	GEN 40:7	Noka natiana la Firaun limni-rorni maka ha rho'la rewre'wa wutga la matromni romni de: “Nihya'pa ler di de gaimi rmaluidioinla?”
1260	GEN 42:7	La'pa Yusup namkek nana hyalli rde, plet pa natga re, mere nhi' yehwani la hyalli re emolmolla riy meheni. Noka Yusup nhok temna re, niwra: “Mimpiatiawua hanmeni?” Rwahla riwra: “Ampatiawua Kana'ana pa ma mawelia yamanna matroma.”
1281	GEN 42:28	Noka nakot la hyalli re: “Mimkeka, rpolla a kupnu, etla ka'du ralamni.” Noka ralamni re worworga, noma idma namkek la ida, de de rdiwra-rda'ala ne riwra: “Nee! Hya' ed mak Uplerlawna Nhi' nana mai it dina?”
1297	GEN 43:6	Noka Yakopa niwra: “A'na miy re, nihya'pa miy miala wniarora-wnialai liawna mai a'u, onnila mikot la riy de, de garmi ida edama?”
1298	GEN 43:7	Rwahla riwra: “Yoma riy de natiana plu'wu-plehu ami la'a a inon mamni me a am mamni-hyali miamni, lup muamni-rom mamni, de natiana emkadi mai am die niwra: “Ammi nmormior mia'ta? Garmi erla?” Ne amakot momuou oleka honona la emeka plollolli. Emkameni pa amla mparor nana de, pena nhopan pa amodia gar mamni de pa mla e'a?”
1318	GEN 43:27	Nhor nioka natiana re niwra: “Miy e mkialwiedweda? Emkameni la ammi de e nkalwiedwed pa edama?”
1320	GEN 43:29	La'pa Yusup nakillia de, namkek nana garni Benyamina maka rrora inni ida, noka niwra: “Hadi de gari hoho'omi maka ha mikotkota mai a'u hadina?” Noka lirni la Benyamina niwra: “Awuakwak de Uplerlawna Nala ra'ani-pallu tiy o'a ama!”
1340	GEN 44:15	Yusup nakot la re: “Hya'a nhiol miaka ha mhi' nan dina? Miy edon miat niohora la'a riy ida emek a' di, de agatu ghi' rehera totpa agat niohora hya' maka miy mhi'a de?”
1344	GEN 44:19	Matro'mu natian olek la atmu ri: “Hyalmi me ammi ed ma'ta la?”
1429	GEN 47:8	Nhor nioka Firaun natian Yakopa: “Ame, mormiormu di anni wo'ir olekwa?”
1460	GEN 48:8	Nakot pa nhorwua, noka la'pa Yakopa namkek tutga Yusup a'nani re, dewade natiana: “He' era rina?”
7148	RUT 1:19	Rrora rla'awa pa rodi liarni la Betlehem. La'pa rte'ewa la hande, de let de ralamni kokan nohora-po'on nohora la Na'omi. Hapepe'a-hararara let mniotni idma natian id la riwra: “Mak ha riwra Na'omi inhati hadina?”
7190	RUT 3:16	La'pa Ruta nte'ewa la ir romni nayanni, dewade yananni natiana niwra: “Yannie! Emkameni la it niaoh'mani la' orawi?” Noma Ruta nwahaur momuoga hya' maka Bo'as ha nhi'a la.
12721	EST 1:15	Noma ray nakot la riy mandiditu re niwra: “A'g e ghopan pa mak khima-kre' a'u re rla rpolga ratu Wasti pa nmai a' di, mere nahmena nmai! Pa la'a deulu-tatra de hota hadi lol hya' talla?”
12801	EST 6:4	Noma ray nakot la re niwra: “La' dodo'ondi de he' etla a kruwun ge'nu ralamni dina?” Haman na'nama nmai pia ed olek la la'a ray kruwun genni la' rialma, yoma niwra nwak la ray pa rla rwairia Mordekhai la'a rir tiulul muaka ha rarir tiarga olek de wa.
12803	EST 6:6	La'pa Haman nler la rialam pa dewade ray natiana niwra: “Hota la' dodo'ondi de agiwra ghi'a nhiu'ru-nhielam lawna la riy ida. La o wniarormu de hota agala hya'a pa aghi' nan emkade?” Mere la Haman wniarorni de: “Hota he' ho' ed maka ha nakot dena? Nahmenmen nanama a' nianpena ed maka ray nakot de.”
12816	EST 7:5	Dewade ray Aswerus natiana ratu Ester niwra: “He' nparan pia nhi' emkade tiy miy? Riy de etla hanme?”
22608	JON 1:8	Noma honona ratiana Yunus riwra: “Hota he' hihi'ini ed mak karei piede itler la kropan lawan dina? O kniarmu hya'a? Ompuatiawu hanmeni? Hya' noha mniotni me luwnu-a'nani meni o' pede omua muor amtialla?”
23242	MAT 2:4	La'pa Herodes npolg awok imam-imam re o'tani-matni honona nor wutga mak kwatutu agama deullu-tatarni pa natiana: “La hanmeni hota rmor tiarga Ray Makamori-Kalewna maka Uplerlawna Nano'targa deno?”
23245	MAT 2:7	La'pa nlernana lir maka ha rakot oleka re dewade Herodes nade'a ralma-riorni pa npolga mak kwata'wa nohora wtiona lipni-laini re pa nmeh'a natiana re pa nakot la niwra: “Moweni mimkek nan ulga wtion de?” Noka rwalol nohora
23275	MAT 3:14	Mere Yohansi edonna nreiniana wakwakni de. Yohansi nakot la: “Ame, la'a plollolli de A'mu nanpena ed maka kharania a'u. Mere la' dodo'ondi de he' nakota de hota A'mu Nmai pia agharania?”
23476	MAT 9:28	La'pa Yesus Nte'ela roma ralamni dewade rrora rmai pia rwatroma Yesus. Noma Yesus Natiana re: “Mimpiesiaya de hota Aghi' kalwied miy matyatmi rena?” Noma rrora rwahla Yesus lirni: “Ampesiay O' Tuna!”
23568	MAT 12:10	Nla' noma Nlernana riy maka limni walli kmati. La hande de riy doma e rahak kahelli-kaha'arni la Yesus totpena Nhi' de rodia la letgara lawawna, pede rmai pia ratiana Yesus riwra: “Tuna, la' O wniarormu de itsi' kalwieda riy mak kamehra la'a Sabat lerni de lol talanni?”
23618	MAT 13:10	Nhor nioma maka Yesus ha Nwatutu-nwaye'a re rma ratiana Yesus riwra: “Ama, nihya'pa A'mu Naltier lia nhiopun lawna ralamni de A'mu Nnairia yawalliohora?”
23635	MAT 13:27	Dewade ora nhyi' de hopopanni-lili'irnu rmai pia rakot la riwra: “Matroma, o' edonna mtiamin neka wewnihi la o nhyi'imu, ne hya' nrei piede wewnihi e ndeha nana wetra' lawna, wini-hgon samomuou rena?”
23636	MAT 13:28	Noma ora nhyi' de nwalolla niwra: “A eria'yu kniarni hade.” Noma hopopanni re rakot la ora nhyi' de owa'ana riwra: “La'pa Tuna nwayow de, amla' pa mpuh dioinia wewnihi rello?”
23659	MAT 13:51	Yesus Natiana maka ha Nwatutu-nwaye'a re Niwra: “Dodo'ondi de, miy e mnia'erit nan nohora yawalliohora maka A'ukot nohora rina?” Noma rwahla Yesus lirni riwra: “Yowa Tuna, Ami e matga re.”
23736	MAT 15:34	“La'a wareher genmi, rot wo'ir erla?” Noma rakot la Yesus riwra: “Roti erla, mere eneknek wo'itu tiututu, me temtemanni i'na prowta ida-woru.”
23779	MAT 17:10	Noma maka ha Nwatutu-nwaye'a re ratiana riwra: “Hya'a nrei pia makwatutu-kwaye'a agama re e riwra hota Elia nmai ulu nampena Ray maka Uplerlawna Nano'tar pua Namori-nalewna rimormiori Nmai?”
23788	MAT 17:19	Nhorwua dewade maka Yesus ha Nwatutu-nwaye'a re rla' pa rora Yesus rmemeh'a la' gen ida na'nama ratiana Yesus riwra: “Tuna, hya' nrei piede taken niana amhokar doinia hegana-kawun della?”
23797	MAT 18:1	La' ler de de maka Yesus ha Nwatutu-nwaye'a re rmai pia ratiana Yesus riwra: “Tuna, hota he' ed maka inponni kreh dioini la'a Uplerlawna mutnu-rahanu mak kmormior lia Uplerlawna tnioranni-riautnu ralamni?”
23817	MAT 18:21	La' noma Petrus nmai pia nakot la Yesus Niwra: “Matroma, la'pa a'mu-hya'lu i'nu-na'ru rhi' do'a-ryap hial nan memna re'eni wo'ir la mai a' die, noma aghoratdoinia do'oni-halli, hota aghoratdoinia do'oni-halli la'pa re'eni wo'it muemna?”
23834	MAT 19:3	Noma riy Parisi rmai lia hande pa rtota-rwudia. Ratiana Yesus riwra: “Tuna, it agamni deullu-tatarni niwra riy rhopliala hawni patke'a de rlernohora neka ir ralma-rior wamueheni?”
23838	MAT 19:7	Noma riy Parisi re ratian owa'ana riwra: “Tuna, la'pa emkade, de hya'a ed mak krei piede Musa nhopan pa tala horta yapie'era la hawa patke'a maka it tahmen doinia la?”
23847	MAT 19:16	La' lera ida ne tuwari ida nmai pia natiana Yesus Niwra: “Am tungkurga, ilu-wniehwa samomuou hya' ed maka hota aghi'a totpena aliernana mormiori-dardiaria plalahwa pa nodi liarni?”
23849	MAT 19:18	Noma riy de natiana: “Deulu-tatra meni ed maka hota aliernohor reria?” Noma Yesus Nakot la Niwra: “Yana mpunu-mpuenna, yana mulira-muliai, yana mkiamnelu-mkiamna'a, yana muod niana riy mak khala,
23858	MAT 19:27	Noma Petrus nhar lirni pa nakot la Yesus Niwra: “Matroma, a hononam di de ami e mto'or momuou lia haneknek wawannu pa ami e mlernohor O'a. Ne hota hya' ed maka amlernana?”
23867	MAT 20:6	La'pa la'awa lera nher wiarta (jam 5) nhi' owa'an emkade pa nla namkek de riy doma e rmeh'a raheiye'eya. Noma natiana re: “Oi, hya'a nrei pia la' ler lawan di de miy edon mkiari mere mtiutrier niek wa?”
23873	MAT 20:12	Mak kar lia yawyawra re riwra: “Hya'a nrei pia mak na'nama kar lia lera nhierni re rkar nian toto'a lera ho'ke'eni nmeh'a mere am die amkar lia ler pahna matmiat liawan de, ne a papiair mamni ramneneha?”
23882	MAT 20:21	Yesus Natiana: “Ompuaka hya'a ine?” Noma pat de nwahla lirni niwra: “Amee, awuak de la'pa Omlia' Ray de a a'nu rora ramtatna pa rhapetre'ru la'a O liwangenmu de totpa amlernan wali ya'uli-yawedi.”
23883	MAT 20:22	Yesus Nakot la pat de a'nani rora Niwra: “Miy miplin niohora miy wakwakmi de. Hota miy di de mpiaran pia mitahan nana kropna-krieutu nniahora-nniala'a maka Aliernan dena?” Noma rwahla Yesus yatianni de riwra: “Hota amtahan nana.”
23905	MAT 21:10	La'pa Yesus Nler la leta Yerusalem ralamni dewade let de nler la kokokna-rariarin lawna. Leta Yerusalem mniotni riwra: “He'a di?”
23911	MAT 21:16	Noma ratiana Yesus riwra: “Omutlin oleka lir maka ha rakota rena?” Yesus Nakot la re: “Yowa, A'g e utlin wal lia. Oi, miy edonna mpiaik nan ma'ta harella' Puka ralamni?! De e rakot nohora Uplerlawna lirni mak Eniwra: Enwatutg oleka upa-a'na lokmera-papay re pa rat niohora ra'uli-rawedi E'a.”
23915	MAT 21:20	La'pa mak Yesus ha Nwatutu-nwaye'a re ramkek hade noma honona re rwer rer wiawni. Noma ratiana: “Hya'a nrei pia kar on de nleretniekla nmat wia?”
23918	MAT 21:23	La' noma Yesus Nawali owa'an la Uplerlawna roma kreini pa Nwatutu-nwaye'a. La'pa Ntepartarlia wniatutu-wniaye'a, dewade imam-imam o'tani-matni re ror wutga Yahudi in letni-am letni rmai pia ratiana Yesus riwra: “Tuna, he' ed mak ktemna plola-mneh della O limmu ralamni pede Omhi' nan hihi'imu-yapyapmu rena?”
23920	MAT 21:25	Pede A'utian tek miy, de hota Yohansi makharani de ha nlernana plol della he'a? Uplerlawna onde rimormiori?” Dewade honona re rwahu'ru ralma-riora wamueh'a pa riwra: “La'pa itwet la Uplerlawna ed mak kala plolli la Yohansi de hota Eniwra: “Ne hya'a nrei pia miy edonna mpiesiay e'a?”
23926	MAT 21:31	Noma la'a keke'enku'a rora de he' ed maka klernohora amni nhiopanni?” Noma rwet la riwra: “A'na yanulu.” Dewade Yesus Nakot la ir honona Niwra: “Mpiesiaya, hota riy mak kawoka blastena, ror patke' yatyata, rala' ul miy pia rler wut lia Uplerlawna mutnu-rahanu mak Enodi plolli la pa emeka Ray.
23935	MAT 21:40	Noma Yesus Natiana o'ta-mata re Niwra: “La'pa hota ora nhyi' de nawal lia hande de hota nhi'a hya'a la maktimni-makdahara reno?”
23953	MAT 22:12	Noma ray nakot la riy de niwra: “Hyalia, nihya'pa Ommuai handi de o' edonna mniairia naniairia muki-hepru la'a mehlima-marya' dina?” Mere riy de edonna nwalol hadoma.
23958	MAT 22:17	La' hade pede Mukot teka la mai ami, de la' O wniarormu de, la' it agamni deullu-tatarni de nakot am pia ampairia blastena la'a mak ktorna horta-hairi (Kaisar) onde yana?”
23961	MAT 22:20	Noma Yesus Natiana re: “La kupan de he'a herni-gaini me he' nanni mak kden la kupan dena?”
23983	MAT 22:42	“A'utian tek miy. La'a miy wniarormi de Ray maka kamori-kalewan mak Uplerlawna Nano'tar die, de he' duratni-waitni hadena?” Noma riwra: “Ray Daud duratni hade.”
24029	MAT 24:3	Nhor nioma Yesus Nla'awa wo'ora Saitun noma Namtatna la hande. Noma maka ha Nwatutu-nwaye'a re rod tiemna pa ror Yesus rwahaur rewre'wa pa riwra: “Tuna, Mpue'er nohor tek hare, mai ami hota mowen die itamkek mak Omukota re? Me hota hya' ed maka tamkek ulga totpena nwagahniort it la O maimiaimu me noha niatni nrehgor wua?”
24116	MAT 25:39	Me mowen pia amamkek nana Matro'mu temni nhi'a onde Mdiella roma nhio'la pede am tiy mtulan tiy O'a Matrome?”
24138	MAT 26:15	nod lir la re niwra: “Am miy re, hota hya' ed maka miala mai a'u totpena agala Yesus tiy miy?” Noma rpair nieka kupan pi'ra terampwotelu tututu pa rala la Yudas.
24140	MAT 26:17	La'a lera yanullu la lerlalawna maka Yahudi re ha ra'ana roti mak kakleha tgo'a, noma maka Yesus ha Nwatutu-nwaye'a re rmai pia rakot la Yesus riwra: “Tuna, hota ampahi' targa ya'anlawna-yemunlawna itodi itsoratreria it tuini-wedni la' Mesir de la' hanmeni?”
24145	MAT 26:22	La'pa ratlin nan hade de honona rmalui-rmaher doin la. Dewade rima-rima ratiana Yesus riwra: “Matroma, hota a'g edonno?”
24148	MAT 26:25	Noma Yudas mak kiwra na'olga Yesus nakot la Yesus niwra: “Tungkurga, a' niek de edonno?” Noma Yesus Nakot la: “Plollolli de o'a!”
24185	MAT 26:62	Noma imam lawna naprir pia nakot la Yesus Niwra: “Hoi, hota O edonna Mukot hadom pa Mpuahla nana lira mak kwatiawua etnu-liolli rena? Lira re raplola me edonna?”
24220	MAT 27:22	“Hade emkade, aghi'a hya'a la Yesus maka ha rweta la Ray Makamori-Kalewna maka Uplerlawna Nano'taru dina?” Noma honona rhaunu pa riwra: “Mpuairia la auwlakra hananni!”
24221	MAT 27:23	“Mere halli hya'a pede?” Noma honona re yeher to' pa rhaunu-rhaunu riwra: “Mpuairia la auwlakra hananni!”