22	GEN 1:22	Eme iy atehei nyosowan i tiri ma iy anya, “Iri mulin badu gwa kadeu nah ma iri kaweleyani ndras, ma iri sirih ale kasahan solo-an.”
24	GEN 1:24	Ano Kindrei anya eh, “Abo iri saba lakou katin haka badeh kasahan bwele-e munyak. Iri katin haka ndriliu ma ndriliu bwe, nadu bwisik ma tinan badeh kasahan. Ya iri badeh ndrateheyan labai.” Eme asahan i le buku aliy.
39	GEN 2:8	Ano badeh Laban Kindrei mwesekei bilin nyaran Iden udu loboho an eme loken. Ano badeh iy tiye ndramak nane, iy mwesekei dah udu aliy ai.
40	GEN 2:9	Iy badeh mwesekei saba kei mwasin badeh ateh udu aliy ma edeu salin. Eme udu alih ta bilin badeh kei lu-ei le, kei doh ta edeu koham winiyan bano bwe. Ma kei ale ta edeu tanan ndra-in ma tanan mwasin.
41	GEN 2:10	Ma gwa rawa badeh arorou, udu bolo Iden ta edeu gwa i ta bilin; ano udu doh badeh, apou i handra.
46	GEN 2:15	Ano badeh Laban Kindrei atehei ndramak nane udu bilin loboho kon Iden ta iy kinyor ma iy katondrok.
48	GEN 2:17	Arile kei ala ta leheya tanan ndra-in ma ta leheya tanan mwasin badeh ou saimon buwan ndri-i labai. I buku na len ou aniy kameh, ou kameh amak.”
68	GEN 3:12	Eme i mwan anya eh, “I badih ou atehei iy udu hawek kada-ah, badeh atehei buwa kei eme ma jo iniy.”
79	GEN 3:23	Eme ma Laban Kindrei suni iy iu i len ta bilin Iden ma mwesekei iy apou munyak ala mene bwidi iy mene asahan na aliy.
80	GEN 3:24	Eme ya loboho an eme loken manan ta bilin badeh iy atehei iri angelo, lau ta ndrokei; ma samen badeh anya ili eme udu mada san ta i bolo bilin Iden, badeh ta nohowa lau same mirihik ta kei ta edeu kohan mwasin.
87	GEN 4:7	I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”
90	GEN 4:10	Ano Laban tiye, “I buku sah ou amwekes budon ndra-in dah? Ndraye nadu tinem asah eden udu bolo ndren kede-eh; eden eme tek ta ou kameh akohok isi saluwen.
96	GEN 4:16	Eme Ken iu, iu ta mada Laban ili udu munyak aloh, “Lolo-an Le,” udu loboho an eme loken ta bilin Iden.
97	GEN 4:17	Ano badeh Ken uru udun atehei nadu uru eme tondrohani nyaran Inok. Ano badeh Ken tahi kon tinan ari ma tondrohani nyaran i nyara nadun.
98	GEN 4:18	Eme Inok atehei nadun ari tondrohani nyaran Irat, ya iy badeh tama Mahuja-el. Eme Mahuja-el atehei nadun mwan ari nyaran Matusa-el ya iy badeh tama Lemek.
104	GEN 4:24	I buku none lau ndro taloh amak ta saluwe Ken imek, badeh kameh ndro tonoh ndro taloh (77) kameh amak i buku none iri kadai jo.”
106	GEN 4:26	Eme Set atehei nadun mwan ari tondrohani nyaran Inos. Eme kabatana doh badeh iri lau baraloh nyara Laban barala ta atudun ai.
108	GEN 5:2	(Iy mwesekei uru ari mwan ma badih ano iy atehei nyosowan i turu ma tondrohani uru “Lau”).
112	GEN 5:6	Len Set jaha tan asahan rinek limeh (105), badeh nadun ari asahan nyaran Inos.
115	GEN 5:9	Len Inos jaha tan asahan ndro ronoh (90), badeh iy atehei nadun ari nyaran Kenan,
116	GEN 5:10	eme iy badeh udu winiya jaha ndru lunek ronoh limeh (815). Iy badeh nadun rayah udu aliy ale.
124	GEN 5:18	Ano na len Jaret jaha tan asahan rinek ndro hanoh la-uh (162) badeh iy atehei nadun mwan ari nyaran Inok.
127	GEN 5:21	Ano len Inok jaha tan asahan ndro hanoh limeh (65) badeh, iy atehei nadun mwan ari nyaran Matusala.
128	GEN 5:22	Ano hamon ta aliy badeh Inok badeh in hamon ta sahou ta Kindrei winiya jaha tonek (300), ma nadun rayah ja asahan.
129	GEN 5:23	Iy udu badeh winiya jaha ma tonek ndro hanoh limeh (365).
130	GEN 5:24	Iy anuhun sahou ta Kindrei ma iy in hamon ta Kindrei handru; ano iy amai leleyah, Kindrei kuhi iy iu.
142	GEN 6:4	Na len doh badeh ma na len eme kameh iri lau tinan tinan le, ado bwele-e munyak. Iri badeh lundriye badih awas ma lau badu kandrah. Iri badeh lau ndra handru le ma lau nyara iri tinan le, na len mene ndra-au.
147	GEN 6:9	Ya i dah badeh nyala Nowa ai. Nowa badeh nadun mwan badeh taloh; Sem eh, Ham eh, hawe Jepet. Nowa bamwekes se lakou bandra-i bwe ai, na len iy udu loken. Iy badeh anuhun sahou ma lakou mari mwasin ta Kindrei badeh iy in hamon ta aliy le ai.
182	GEN 7:22	Iri lakou mari mulin ado munyak badeh amak le ai.
183	GEN 7:23	Laban Kindrei badeh idi iri mulin mari ado munyak badeh amak ma lau awas ma katin haka ma sirih badeh amak. Iri mulin le ado badeh, Nowa le hawe iri mulin rayah nane a ndron hawen.
206	GEN 8:22	“I dah mada an ta atah basoh Ma i dah kameh mada an ta a-eh Ma abwe-eh udu aliy, I buku munyak udu le. Ya i dah kameh kon anyala Ma kon i nyarahan, Kon an ma hawe kon ur Udu bolo len ma ben.”
211	GEN 9:5	I buku none are lau idi iri lau awas amak, i dah kameh iy kameh akohok sisi-in ta aliy. Ma jo kameh edeu isi i tare katin haka i buku none iy aimon lau amak.
219	GEN 9:13	Jo kameh edeu betekenyabwiu udu bolo asi kandrah. I doh badeh kalem ta sahou randra le tek i hawem ma hawe iri mulin mari badu munyak.
236	GEN 10:1	I dah sare nadu Nowa oro; oro badeh Sem eh, Ham eh ma hawe Jepet. Hamon ta kon atuh badeh ano badeh oro nah ma taloh nadu oro udu aliy.
241	GEN 10:6	Nadu Ham badeh Kus, Ijip, Libiya, ma hawe Kenan ya oro doh badeh tubu oro nyara oro i dah.
245	GEN 10:10	Ma mwena handru badeh iy badeh atondrok Babilon ma hawe kon Irek, kon Akat ya oro kon ma taloh doh badeh udu bolo kon tinan Babilon.
246	GEN 10:11	Udu munyak doh badeh iy iu ili Aseriya ma tahi kon tinan aloh Ninibeh, kon Rehobot Ir, kon Kalah,
248	GEN 10:13	Ya tubu Ijip badeh lau badu kon Lidiya, badu kon Anam, badu kon Lehap, badu kon Naptuh,
255	GEN 10:20	I doh tubu Ham oro ya oro badeh manyah boho kamen ra-em ra-em ado munyak toro ma boho kamen toro badeh asehek boho kon toro randrah labai.
257	GEN 10:22	Ya nadu Sem oro badeh Ilam eh, Asur eh, Apaset eh, Lut eh, ma hawe Aram. Ya tubu oro lau ala nyara oro doh.
266	GEN 10:31	Ya i dah badeh tubu Sem oro ya oro manyah boho kamen ra-em ra-em ado loboho munyak toro, ya oro badeh boho kon toro bala le randra bwe. Iy ari asehek tan labai iy ari asehek tan labai.
267	GEN 10:32	Iri lau mari doh badeh lundriye Nowa, kon ari i buku ari asahan ta boho kamen ra-em ra-em. Kon atuh ya hamon ta aliy kon munyak badeh asahan na lundriye Nowa oro.
273	GEN 11:6	Ano ma iy anya, “Iri lau dah badeh iri rabuk le, ma iri asehek sahou randra le; I dah ma mwena ai, ta iri amwekes lakou dah. Mirihik kameh iri amwekes lakou leleyah na seken tiri ai.
294	GEN 11:27	I dah lundriye Tera oro, iy ala tama Abram tama Nahor hawe Haran. Haran badeh tama Lot.
296	GEN 11:29	Ano Abram sudi Sarai i tan ma Nahor sudi nadu Haran badih nyaran Milkah. Ya Haran badeh tama Iska.
304	GEN 12:5	Eme Abram andrei udun Sarai hawe Lot, nadu uru nadu tinen Haran, ma hawe lakou tan mari hawe iri lohowan tan. Iri mene ado Haran au ala munyak Kenan. Len oro asahan Kenan badeh
306	GEN 12:7	Eme Laban asahan hawe Abram ma iy tiye i tan i buku doh, “I dah kon munyak kameh jo edeu i ta lundriyem oro ai.” Ano Abram tukumwi bek i ta Laban mene asahan hawen.
309	GEN 12:10	Eme ya Kenan badeh nyamon bwe, eme iri akohok andra-i labai, eme badeh Abram iu i andri manyah sese udu loboho kum ta Ijip.
310	GEN 12:11	Na len iy anya ki bilisiu ta kobek ta Ijip, iy tiye i ta udun, “Ou badeh ou badih konen labai.
311	GEN 12:12	I buku none iri Ijip anyolom ou kameh iri anya ou kede-eh uduk ma i dah kameh iri kameh adai jo ya ou kameh ado.
313	GEN 12:14	Eme iy sakalawi kobek i bilisiu badeh iri Ijip anyolom udun badeh konen labai,
318	GEN 12:19	I buku sah ou anya i dah nadu tinem, eme ya jo kandrei iy keme uduk. Udum doh, ou andrei iy ma ah ka-au!”
320	GEN 13:1	Lot i hawe Abram uru udun ma hawe lakou ta Abram mari, eme oro au ala loboho rai ta Ijip ano oro ala loboho kum ta Kenan.
328	GEN 13:9	Eme ya talu kapou talu. Ou aseken munyak loboho heh bwena? I buku none ou aseken bilisiu badeh bilisiu baden eh jo ki aliy ai.”
329	GEN 13:10	Eme Lot anyolom ili eme iy anyolom nyamak Jordan ili isos So-ar badeh gwa solo-an i buku none bilin ta Kindrei ma i buku none munyak badu Ijip. (I doh badeh Kindrei basulumwi kon tinan Sodom hawe Gomora bwe le).
330	GEN 13:11	Eme Lot badeh solo-ei nyamak mari badu Jordan badeh i tan, eme iy iu i loboho lan ai. I dah sihide uru ma la-uh atalan i buku sah.
332	GEN 13:13	Iri badeh kandriyen tiri badeh ndrandra-i labai ta mada Kindrei.
338	GEN 14:1	Na len kabin Amrapel badu Babilon, Ariyok badu Elasar, Sedola-oma badu Ilam ma Tidal badu Go-im,
343	GEN 14:6	ma hawe iri Hora ado mandrei Idom, tikahei iri ala Elparan loboho ka-u lomale an (kon ndra an le).
345	GEN 14:8	Ano iri kabin badu Sodom, badu Gomora, badu Admah, badu Sebo-im ma Bela tukumwi iri lau ta bahun tiri, ma amwekes bahun ado nyamak Sidim, amwekes bahun, hawe iri kabin badu Ilam, badu Go-im badu Babilon hawe Elasar. Kabin limeh amwekes bahun i la-u kabin hahuw.
350	GEN 14:13	Eme ndramak ari ta atobwak eme badeh tiye nyala Abram ta lakou mari. Abram badeh Hiburu. Iy manyah udu mirihik ta kei ta aton ta Mamre badu Amora. Mamre hawe nadu tinen Eskol ma Aner badeh, oro lau ta seben Abram.
377	GEN 15:16	I dah kameh lau rebesem au, ano rebesem au, ano rebesem au, ano rebesem au. Ano lundriyem oro barame dah ja ai. Tasah jo kameh winiyan batikahei iri Amora ba-au bwe, winiya kandriyen ndra-in tiri i tinan labai, ano jo baramwekes maha ma isi barala tiri ai.”
379	GEN 15:18	Ano ma kabatana doh badeh, Laban amwekes sahou randra le hawe Abram, ano Kindrei tiye, “Jo badeh tandrakan ta edeu munyak i ta lundriyem oro badeh, kobek tan badeh udu Ijip ili taku gwa Yupretis,
383	GEN 16:1	Abram Sarai badeh badeu tan ari nah bwe. Arile iy badeh badih ari udu aliy i nyara badih ta lahou tan ya iy badu Ijip.
384	GEN 16:2	Eme iy tiye i ta Abram, “Laban badeh tawi jo, eme badeh jo bato-ou nah bwe. I buku sah, baden eh ou ala amadin hawe badih ta lahou tek? Koro-an iy katuwiy nah keme tek.” Eme Abram badeh aseken budon ta Sarai.
393	GEN 16:11	Angelo ta Laban tiye i tan ale, “Ou kede-eh nah mwan ere ndrinem eme ou tondrohani nyaran badeh ki Isma-el, tasah Laban badeh ndranuhun ndrelen ma tikisiy tam.
397	GEN 16:15	Eme Haga atehei nadu Abram mwan; eme badeh Abram tondrohani nyaran Isma-el.
408	GEN 17:10	I dah sahou randra le tek ou samaniy, udu ndrokowak hawe ndrokowam hawe lundriyem oro: lau mwan mari badeh kasan ku-i lakou tiri ki-iu.
409	GEN 17:11	Na dah ma na len hamon eme ou badeh asan ku-i lakou ta nah ki-iu i buku len tan kasahan ndru la-uh. Iri ta lahou tam badu leheleh ma badu asiu tam ale. I doh badeh ta leheya sahou randra le udu ndrokowa talu ma la-uh.
416	GEN 17:18	Eme Abraham tiye ta Kindrei, “I buku sah ou winiyan batehei Isma-el bame nah badu ndrinek bwe?”
417	GEN 17:19	Arile Kindrei anya eh, “Bwe ai. Udum Sara kameh atehei nah ari i nadum ya ou tondrohani nyaran badeh ki Aisik. Jo bamani sahou randra le hawen ma lundriyen oro bwe. I doh ta udu le buku doh. Ya winiyan ta bano bwe.
418	GEN 17:20	Ya ndrelen tam ta Isma-el baden eh, jo ndranuhun; jo kameh nyosowani iy handru; ma jo kameh mwesekei iy asahan sola ma kanen kameh i sola. Iy kameh asahan tama oro lau ta batun ma ronoh la-uh ma jo kameh edeu iy asahan kon rakon buruwen.
419	GEN 17:21	Arile jo kameh bamani sahou randra le hawe nadum Aisik bwe. I dah kameh adeu iy na jaha eme.”
421	GEN 17:23	Eme Na len doh le badeh, Abraham anuhun sahou ta Kindrei ma iy sani ku-i lakou ta Isma-el iu hawe tiri lau mwan are asiu tan ale. Iri doh badeh iri lau ta lahou tan badu bolo asiu. Iri lau ala adeu iri ado hawen ma hawe iri lau rayah ta sisih ale.
423	GEN 17:25	ya Isma-el badeh jaha tan ronoh taloh.
427	GEN 18:2	Iy anyolom oro le badeh iy sakaliye ili aturuk oro ano iy aluh i andri, bulin i ta bada munyak.
434	GEN 18:9	Eme oro ndremenya iy, “Udum Sara ndraheh?” Eme iy anya eh, “Iy udu bolo asiu balei.”
438	GEN 18:13	Ano Laban tiye i ta Abraham, “I buku sah Sara ehe-en ma anya eh, ‘Handru eh, jo kada-ah ndra alon, jo kameh ato-ou nah?’
444	GEN 18:19	Jo badeh ndrasehek tan ta atehei iy badeh kabatanau nadun oro hawe lau badu asiu tan kanuhun le jo, ma kamwekes kandriyen mwasin le handru. I buku none oro an hamon ta batanau mari, jo tandrakan ta amwekes lakou mari i tan.”
449	GEN 18:24	I buku none lau mwasin ma lomonoh (50) i dah kameh ou sulumwi kon de bwe, ma ou sulumwi kon mari ano. Ya ou winiyan basebenei bwe ai, ta lau ma lomonoh (50) bado bwe ai.
450	GEN 18:25	Ou winiyan bamwesekei bwe. I buku none ou mwesekei kameh iri lau mwasin kameh ado bolo lau ndra-in ale. Ya iy kameh winiyan bwe. Iri lau ta anuhun sahou badu munyak badeh anuhun sahou badeh mwasin ja.”
451	GEN 18:26	Ano Laban tiye, “I buku none oro lau lomonoh (50) mwasin ado Sodom eh, badeh kameh jo winiyan basulumwi kon mari bwe.”
453	GEN 18:28	Ya ki buku none lau limeh le ka-au udu baha lomonoh (50), ou winiyan sulumwi kon de bwe?” Eme Laban tiye, “I buku none jo anyolom lau hanoh limeh (45) ado aliy, badeh kameh jo winiyan basulumwi bwe ai.”
454	GEN 18:29	Eme iy ndremenya ja i tan, “I buku sah i buku none lau hanoh (40) kado aliy?” Eme iy tiye, “Buku none oro lau hanoh le, jo winiyan bamwesekei bwe.”
459	GEN 19:1	Lot badeh manyah udu mada san ta i bolo kon na beyeh, eme badeh uru Angelo la-uh asahan hawen. Iy anyolom uru le badeh iy edek ili hawe uru ma akor ma bulin i andri bada munyak.
472	GEN 19:14	Eme Lot ili badeh asehek ta masa-an oro, ala sudi nadun oro badih. Iy tiye, “Suwi ado kame len ta kon dah, Laban kameh asun kon dah.” Arile udu nadun oro anya badeh iy ibo nyorei le.
486	GEN 19:28	eme iy anyolom i andri ili Sodom hawe Gomora ma hawe munyak ma nyamak mari loboho doh badeh iy anyolom kasu-er i loken. I buku none kasu-er ta jih nyarahan badeh i loken.
487	GEN 19:29	Len Kindrei sulumwi kon tinan ma nyamak mene Lot manyah udu aliy, eme iy badeh bamaniy Abraham bwe ya eme iy mwesekei Lot atobwak ma iy udu mwasin. Loboho Iri Mowaba Ma Amora
491	GEN 19:33	Eme na ben doh badeh uru atehei wa-in i ta tama uru, ano badeh iy bwele-en turu badeh amadin hawen bwena. Iy amadin hawen badeh ano iy suri iy badeh, Lot batona bwe.
495	GEN 19:37	Iy bwele-en badeh atehei nadun eme len badeh tondrohani nyaran badeh Mowab, moson “Ta tama.” Eme iy badeh tama iri Mowaba na len dah.
496	GEN 19:38	Iy bahan badeh atehei nah mwan ale, eme tondrohani nyaran badeh Ben-ami, moson “Nadu tama oro.” Eme na len dah badeh iy badeh tama iri Amora.