42	GEN 2:11	Gwa rawa ma bwena eh, badeh aloh gwa Pison, badeh arorou awudi kon munyak aloh nyaran Habilah.
249	GEN 10:14	badu kon Patrus, badu kon Kasluh ma kon Krit, ya na oro doh le badeh iri Pilistin asahan.
260	GEN 10:25	Eba badeh nadun badeh la-uh; ari badeh nyaran Pelek, tasah na len doh badeh lau badu munyak apou iri; ya iy ari ja badeh nyaran Joktan.
283	GEN 11:16	Ano len Eba jaha tan asahan tonoh hahuw (34) badeh iy atehei nadun ari nyaran Pelek.
285	GEN 11:18	Ano len Pelek jaha tan asahan tonoh (30) badeh iy atehei nadun ari nyaran Reu.
326	GEN 13:7	Eme iri lau ta tondrok katin haka ta Abram hawe ta Lot badeh andra-i. (Na len doh badeh iri Kenan hawe iri Perisa badeh manyah ado munyak nane doh).
381	GEN 15:20	ma munyak Hita ma munyak tiri Perisa ma munyak tiri Repa-im,
535	GEN 21:21	Iy manyah udu lomale an nyaran Paran, ano tinen badeh andrei badih ari badu Ijip i udun.
536	GEN 21:22	Na len doh badeh Abimelek hawe Pikol ndramak ta mwena ta bahun tan tiye i ta Abraham, “Sasah ou amwekes badeh Kindrei udu hawem.
546	GEN 21:32	Hamon ta sahou randra le ano udu Bersiba badeh, hawe Pikol ndramak ta bwena ta bahun tan badeh uru au a hamon ala Pilistin.
548	GEN 21:34	Eme Abraham badeh manyah ili eme udu munyak ta Pilistin luluwen labai.
570	GEN 22:22	Keset, Haso, Pildas, Jidlap ma Betu-el, tama Rebeka.
694	GEN 26:1	Ano badeh munyak doh nyamon bwe, i buku none len bwena Abraham mene i ndra loken. Eme Aisik badeh ili hawe kabin badu Pilistin, Abimelek udu Gerar.
701	GEN 26:8	Aisik udu kon doh luluwen eme badeh, Abimelek kabin badu Pilistin anyolom udu mada kadam i andri badeh iy anyolom Aisik badeh awadei Rebeka.
707	GEN 26:14	Iy badeh katin haka tan solo-an labai ma iri lau ta lahou tan solo-an ale, eme badeh mada iri Pilistin alikis.
708	GEN 26:15	Eme iri gwa li mene iri lau ta lahou ta taman Abraham mene a-eh, badeh iri Pilistin ala sokei na ndren.
711	GEN 26:18	Ano badeh Aisik ili ja ihiy gwa li rayah ja mene taman Abraham udu ndra loken a-eh, mene iri Pilistin sokei, udu kona Abraham imek. Eme iy aloh nyara iri gwa li i buku none taman mene tondrohani.
719	GEN 26:26	Ano udu badeh, Abimelek hawe ndramak ta budon tan Ahusat hawe nadramak ta mwena ta bahun tan Pikol badeh oro ado Gerar ame.
776	GEN 28:2	Ou badeh ales ala Padan Aram, ala asiu ta tama tinem Betu-el. Ou ala sudi ari badih badu bolo nadu Leban nadu tine tinem oro badeh.
779	GEN 28:5	Ano Aisik badeh tiye Jekop ili Padan Aram i hawe Leban iu ndrine Betu-el. Leban badeh nadu tine Rebeka ya Rebeka badeh tine Jekop uru Iso.
780	GEN 28:6	Eme Iso badeh ndratanan Aisik badeh ndratehei nyosowan ndra ta Jekop ma tiye iy ndra-au ndrala Padan Aram ta kasoh badih badu doh, na len iy edeu nyosowan i tan ma batanau iy badeh sasoh badih badu Kenan.
781	GEN 28:7	Eme Iso ale tanan taman uru badeh ndratiye iy ndra-au ndrala kon Padan Aram.
892	GEN 31:18	eme iy edek iu sariye iri katin haka tan i bwena tan, ma hawe lakou tan mari badu Padan Aram, edek iu ili hawe taman Aisik ili munyak Kenan.
959	GEN 32:31	Eme badeh Jekop tondrohani nyara kon Peniyel, moson “Mada Kindrei.” Eme iy anya, “Jo badeh anyolom Kindrei udu madak amwenen arile jo bamak bwe.”
960	GEN 32:32	An eme loken badeh iy udu Peniyel iu ma soka le, tasah ta ban.
979	GEN 33:18	Jekop udu Padan Aram, eme asahan mwasin le eme kon tinan Sekem udu Kenan, eme atehei ndrahu manyah tan udu rai mirihik ta kon tinan.
1011	GEN 34:30	Ano badeh Jekop tiye i ta Simiyon uru Lebi, “Ah badeh ndramwesekei nono-ou ndrame tek; eme iri lau badu Kenan hawe badu Perisa ma lau mari badu munyak dah kameh mada iri andra-i eme tek. Jo badeh lau sola bwe; i buku none iri mari kase kame kamwekes bahun keme la-uk kameh, to mari kameh amak.”
1021	GEN 35:9	Ano len Jekop udu Padan Aram eme hamon badeh, Kindrei asahan hawen ja ma atehei nyosowan i la-un.
1038	GEN 35:26	Ano nadu bonyo-ou ta Liya Silpah badeh Gat hawe Aser. Oro mari doh badeh nadu Isra-el adeu oro are Padan Aram.
1080	GEN 36:39	Ano na len nadu Akbor nyaran Ba-al Hanan imek badeh Hadat akohok kon tan asahan kabin ma udun badeh nyaran Mehetabel badih i ndrine Matret, ma Matret i ndrine Mesahap. Ya kon tinan Hadat badeh nyaran Pau. Eme Iso badeh tama iri Idom mari.
1081	GEN 36:40	I doh badeh nyara iri kabin badu ndrine Iso. Oro ari ari badeh ado boho kamen toro ma are munyak toro. Oro badeh Timna, Albah, Jetet, Oholibamah, Elah, Pinon, Kenas, Teman, Mipsar, Maktiyel hawe Iram. Oro doh badeh kabin tiri badu Idom, ari ari atondrok boho kamen tan udu munyak oro manyah ado aliy.
1120	GEN 37:36	Ano udu badeh, udu kon Ijip badeh iri Midiyen atehei Josep ja i ta sisih i ta Podipa. Podipa badeh ndramak ta lahou badu bolo asiu ta kabin, ma iy ndramak ta mwena ta ndrokei.
1149	GEN 38:29	Arile iy ruwani minen ja badeh, nadu tinen mwan eme len, ano iy tiye, “San ta iy eme len asa i le buku doh!” Eme badeh nyaran i Peres, moson “Iy eme len bwena.”
1151	GEN 39:1	Ya Josep badeh ndrakuhi iy badeh ndrala Ijip. Podipa ndramak ta lau ta bolo asiu hawe ta bwena ta ndrokei sihine iy udu mine iri lau badu Isma-el. Iri mene kuhi iy ili doh.
1152	GEN 39:2	Eme Laban badeh udu hawe Josep, ma lakou mari iy amwekes badeh ndra mwasin le. Eme Josep badeh manyah tan badeh badu asiu ta Podipa,
1153	GEN 39:3	eme Podipa anyolom Laban udu hawen ma mwesekei iy amwekes lakou ndra mwasin le.
1154	GEN 39:4	Eme iy anyolom Josep badeh udu mwasin ta madan, eme iy asahan ndramak ta lahou tan; ano Podipa anyolom iy badeh winiyan, eme iy atehei iy atondrok asiu tan ma lakou tan mari.
1155	GEN 39:5	Na len iy atehei Josep atondrok asiu tan ma lakou tan mari, Laban badeh atehei nyosowan i la-u asiu ta Podipa. Tasah na Josep le badeh, Laban atehei nyosowan i la-u lakou mari ta Podipa badu bolo asiu ma manan ale.
1157	GEN 39:7	Ano udu sese badeh udu Podipa budon tan andra-i ta Josep eme iy ndremenyani iy ta iy kili hawen ki bada sau.
1158	GEN 39:8	Arile Josep bwalen, ma iy tiye, “Jo badeh atondrok lakou mari. Podipa winiyan babwerei bwe, tasah iy atehei budon i tek ta jo badeh winiyan tondrokei lakou mari badu asiu tan ma lakou tan mari.
1159	GEN 39:9	Ari lau ja bado bwele-ek ja udu asiu dah bwe, jo le. Podipa badeh batawiy ari lakou bare minen ja bwe, arile udun: Tasah ou badeh udun labai. I buku sah handru kameh jo kamwekes kandriyen ndra-in ma karei ki ta Kindrei?”
1162	GEN 39:12	Eme udu Podipa tawi awin tan indrek iy, “Ou ame sau hawek.” Arile Josep atobwak eme manan, awin tan ta bwele-en le badeh udu ndra minen udu gwek.
1163	GEN 39:13	Eme udu Podipa anyolom awin tan badeh udu minen udu badeh,
1169	GEN 39:19	Eme udu Podipa tiye i tan, “Iy ndramak ta lahou tam badeh amwekes kandriyen doh eme tek.” Eme iy anuhun sahou udun asehek i tan badeh, eme ndrinen i buku jih.
1170	GEN 39:20	Eme Podipa tawi Josep ma atehei iy i bolo kou, ndrahune iri lau ta bolo kou ta kabin areu aliy.
1241	GEN 41:45	Eme iy tondrohani Josep i badu Ijip badeh aloh Sepenat Paneya. Ano iy atehei badih i udun nyaran Asenat ya iy badih doh badeh nadu Podipera. Ya Podipera badeh iy Pris badu kon tinan On. Josep badeh jaha tan asahan tonoh badeh iy eme amwekes lahou ta kabin badu Ijip. Eme iy ruwani ndrahu kabin eme iy edek ili anyolom kon mari badu Ijip.
1396	GEN 46:9	ma hawe nadun oro: oro badeh Hanok, Palu, Hesron ma hawe Karmi.
1399	GEN 46:12	Juda ma nadun oro badeh: Er, Onan, Silah, Peres, ma Serah. (Ya nadu Juda uru ma la-uh badeh Er hawe Onan badeh amak ado ndra Kenan). Ya nadu Peres uru badeh Hesron hawe Hamul.
1400	GEN 46:13	Isakar ma nadun oro badeh: Tola, Pu-ah, Jasup hawe Simron.
1402	GEN 46:15	Oro doh badeh nah nadu udu Jekop aloh Liya badeh, adeu oro ame len badeh ado Padan Aram ma hawe nadun badih ari badeh nyaran Dinah. Eme ya kane nadu Isra-el oro mari iu ndrine Liya badeh asahan tonoh taloh.
1407	GEN 46:20	Ano udu Ijip badeh Josep badeh nadun la-uh, uru badeh Manase hawe Ipra-im. Uru doh badeh au ndrine udu Josep nyaran Asenat. Ya Asenat badeh iy badih, nadu Podipera, pris badu kon On.
1447	GEN 47:26	Eme Josep badeh mwesekei batanau boto-on i tiri lau mari badu Ijip ta kadeu la-uh badu bolo nyamon tiri ronoh ki ta kabin ki buku nyamon kuni. Eme kandriyen doh eme eme taku na len dah. Arile munyak tiri Pris le badeh bwe ai, bala ta kabin bwe.
1459	GEN 48:7	Jo amwekes doh badeh, tasah ta tinem Rejel le. Na len jo udu Padan Aram eme len badeh ma aso are ndra munyak badu Kenan kahis le, ya aso bame mirihik ta kon Eprat bwele badeh Rejel imek. Eme jo amwekes tikisiy ano badeh jo ihiy iy udu ka-u san ili kon Eprat.” (Eprat kon doh na dah badeh aloh Betelehem).
7204	RUT 4:12	Laban winiya atehei ta ah nah solo-an, ma lundriyem oro winiya asahan a tinan i buku lundriye Peres, nadu Juda uru Tamar mwan.”
7210	RUT 4:18	I dah Sare tubu Debit oro udu ndrabada Peres eme asahan ta Debit: Peres tuwiy Hesron, Hesron eme tuwiy Ram, Ram eme tuwiy Aminadap, Aminadap eme tuwiy Nason, Nason eme tuwiy Salmon, Salmon eme tuwiy Bowas, Bowas eme tuwiy Obet, Obet eme tuwiy Jesi, eme ma Jesi tuwiy Debit.
23216	MAT 1:3	Ano Juda atehei Peres uru Sera, tine uru badeh Tamar, Peres atehei Hesron, Hesron atehei Ram,
23268	MAT 3:7	Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?
23296	MAT 4:18	Jises edek kabede gwa li Galili ma iy atou Saimon, iri aloh iy ale Pita, uru nadu tinen Enduru. Uru akeh kubwin ili bolo gwa li ta akohok ni, tasah uru lau ta bwisir ta ni.
23323	MAT 5:20	“Ya jo katiye tado, ado winiyan ala bolo tondrok ta Kindrei, arile i buku none budon tado handru, ma kandriyen mwasin tado winiyan basakalawi budon ma kandriyen mwasin tiri Parasi ma hawe iri lau ta leheya kandriyen ta Moses bwe, ado winiyan bala bolo tondrok ta Kindrei bwe.”
23428	MAT 8:14	Na len Jises edek eme ili asiu ta Pita, iy atou salahu Pita ibo sik. Badan nyarahan ma iy amadin in bada sau.
23459	MAT 9:11	Eme oro Parasi atou, ma oro orou sahou i ta Jises, ma oro tiye toro lau tan buku doh, “Tasah handru ndramak ta leheya tado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”
23462	MAT 9:14	Jises hawe oro lau tan aimon nyamon kahis le badeh, oro lau ra-on ta Jon ta alomwa ame ndremenya iy i buku doh, “I buku sah handru ahi lau ta Jon hawe oro Parasi abeles ahi ta nyamon, ya oro lau tam bwe?”
23482	MAT 9:34	Arile, iri Parasi anya, “Iy atikah malawin ndra-in iu tasah, tinan tiri malawin ndra-in badeh, edeu boto-on ili tan ta amekes lakou doh.”
23488	MAT 10:2	Nyara oro aposel ma ronoh la-uh i buku doh: Ari in bwena badeh, Saimon, nyaran ari ja Pita, ma nadu tinen Enduru. Ano, Jemis hawe Jon, uru nadu Sebedi.
23489	MAT 10:3	Ano Pilip uru Batolomiu, ma Tomas, hawe Metiu, iy lau ta akohok luk ta takis, ma hawe Jemis nadu Alpeyus, ma Tadeyus.
23560	MAT 12:2	Iri lau Parasi atou lakou nane doh, ma iri abolosen i ta Jises buku doh, “Hei, ou anuhun! Oro lau tam abwe-eh buwa wit na len ta amunyau. Kandriyen doh ndrabun handru ta amekes na len ta amunyau.”
23572	MAT 12:14	Jises bwidi buku doh, ma iri Parasi ruwani asiu ta atukum, ma iri asehek ma atilik nyala iri ta takaleh san ta kadai Jises kimek.
23573	MAT 12:15	Kala doh Jises i tanan budon tiri Parasi ta oro anya kamekes saba lakou i tan, eme iy ruwani kon tinan nane doh, ma iy edek iu ili. Iri lau mwan ma badih solo-an an hamon tan, eme ma iy mesekei iri mari amwenen ta sik tiri.
23582	MAT 12:24	Arile, oro Parasi anuhun iri lau nane asehek sahou i buku doh, ma oro anya, “Bwe, iy ndramak nane Krais bwe, iy ndramak nane atikah malawin ndra-in ereu la-u ndramak nane iu badeh, na boto-on ta Belsabul, tinan tiri balik.”
23592	MAT 12:34	Idoh buku le aha Parasi. Aha lau buku le mwak ndra-in, ya aha winiyan bamekes sahou mwasin na boho aha bwe. Tasah, boho ndramak badeh, asehek iri budon solo-an ale idih ereu bolo ndrinen amwenen.
23596	MAT 12:38	Jises asehek sahou ano, eme oro lau ra-on ta leheya kandriyen tiri Juwis hawe oro Parasi ra-on asehek sahou i ta Jises i buku doh, “Ndramak ta leheya, aso aso-ok ou amekes ari kalem ta leheya eme taso, buku ou amekes gok ta Kindrei handru.”
23669	MAT 14:3	Ehe, Herot abudon buku doh. Tasah, bwena ndra-au o-on iy tiye iri tawi Jon ta alomwa, ma sawei iy ma atehei iy i bolo asiu lulik. Herot amekes doh, tasah iy sudi udu nadu tinen Pilip nyaran Herodiyas.
23694	MAT 14:28	Eme Pita asumon bohon i buku doh, “Laban, buku none ou handru eh, mwasin ou tiye, ya jo kedek bwele-e gwa kewek hawem.”
23695	MAT 14:29	Eme Jises tiye i tan, “Ou ame.” Eme ya Pita ruwani ndron, ma iy edek bwele-e gwa ili hawe Jises.
23697	MAT 14:31	Suwi labai Jises atehei minen ma tawi Pita. Eme iy tiye tan i buku doh, “Ou budon tam boto-on handru bwe. Tasah handru budon la-uh asahan tam?”
23703	MAT 15:1	Na len ari oro Parasi hawe oro lau ta leheya kandriyen tiri Juwis, ruwani Jerusalem ma oro ame atou Jises, ma oro ndremenyani iy i buku doh,
23707	MAT 15:5	Arile, ado Parasi ma ado lau ta leheya kandriyen tiri Juwis tiye i buku doh, ‘I buku none ari ndramak tan luk ta aseben taman uru tinen, arile iy tiye turu, “Luk jo anya kaseben ah na aliy jo ndraleheyani ta edeu i ta Kindrei.”’
23714	MAT 15:12	Hamon ta aliy oro lau ta Jises ame tiye tan i buku doh, “Sebwe ou ndratanam oro Parasi ndranuhun sahou tam ma ndrine oro ndrandra-i labai tam.”
23717	MAT 15:15	Eme Pita tiye ta Jises buku doh, “Winiyan ou asehek keme lewan moson ta sahou sokek ou asehek i tiri lau mwan ma badih nane, ya aso kanuhun.”
23742	MAT 16:1	Iri Parasi hawe Sadusi ame hawe Jises anya kanone iy. Oro tiye tan ta amekes ari lahou tinan ta leheya buku none iy amekes gok ta Kindrei handru.
23747	MAT 16:6	Eme Jises tiye toro i buku doh, “Ado kanyolom kamwenen. Mada ado kaleu ta yis tiri Parasi hawe Sadusi.”
23752	MAT 16:11	Buku sah handru budon tado kede-eh baleu bwe le? Jo babudon ta jabi ramen bwe. Mada ado kaleu ta yis tiri Parasi hawe Sadusi.”
23753	MAT 16:12	Oro anuhun sahou doh, ma oro atana oro buku iy basehek ta mada oro kaleu ta yis ta amekes jabi ramen, bwe. Arile, iy anya mada oro kaleu ta sahou toro Parasi hawe Sadusi oro leheya iri lau na aliy.
23754	MAT 16:13	Jises iu ili loboho kon tinan Sesariya Pilipai. Kala doh iy ndremenya oro lau tan i buku doh, “Iri lau anya Nadu Ndramak Awas, iy are lau handru?”
23757	MAT 16:16	Saimon Pita asumon iy i buku doh, “Ou Krais, Kindrei suni ou ame dah. Ou Nadu Kindrei kohan handru udu aliy.”
23759	MAT 16:18	Ya jo tiye tam i buku doh: Ou Pita, ya jo kameh amekes iri mwan ma badih tek asahan i buku asiu salom tek, ya ou kameh aseben iri i buku ndru bek aseben asiu ales boto-on udu bwele-e munyak dah, ya Satan hawe boto-on ta imek kameh winiyan batohowei asiu salom tek doh bala andri bwe.
23763	MAT 16:22	Pita anuhun sahou doh, ya iy seheyani Jises i kabwak, ma iy ibolosen i tan i buku doh, “Laban, sebwe lakou doh kameh winiyan basahan tam bwe nadeh.”
23764	MAT 16:23	Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”
23770	MAT 17:1	Len onoh ano, Jises kuhi Pita uru Jemis hawe nadu tinen Jon. Iy kuhi oro ala bwele-e mandrei ari loken labai, ya oro le ado aliy.
23773	MAT 17:4	Pita atou lakou doh ya iy asehek ta Jises i buku doh, “Laban, mwasin handru ta aso are ndra kada-ah. Buku none ou aso-ok jo katahi mandron ki taloh kudu dah; ra-em tam, ra-em ta Moses, ma ra-em ta Alaija.”
23774	MAT 17:5	Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”
23793	MAT 17:24	Hamon ta aliy Jises hawe oro lau tan ala asahan kon tinan Kapen-um. Ya iri lau ta akohok takis ta asiu tinan ta Kindrei asahan ta Pita, ya oro ndremenya iy i buku doh, “Sebwe ndramak ta leheya ado edeu luk ale i ta asiu tinan ta Kindrei nadeh?”
23794	MAT 17:25	Eme Pita asumon anya, “Ehe.” Eme Pita iu ili bolo asiu, Pita basehek sahou bwe le, Jises eme ndremenyani iy, “Saimon ou abudon buku sah? Iri kabin badu kon munyak akohok luk ta takis ere mine are lau eme? Oro akohok ere mine oro lau toro amwenen, deh, oro akohok ereu mine ndramak ari ja?”
23795	MAT 17:26	Eme Pita anya, “Oro akohok luk ta takis ta ndramak ari ja.” Eme Jises tiye tan, “Idoh ya oro lau toro amwenen kameh bakeh luk ta takis bwe.
23817	MAT 18:21	Kala doh Pita eme hawe Jises ma ndremenyani iy i buku doh, “Laban, san sabe buku nadu tine kamekes ndra-in keme tek, ya jo kamani kandriyen ndra-in tan doh? Sebwe san ndro taloh le nadeh?”
23834	MAT 19:3	Eme oro Parasi rayah ame atou Jises ma oro anya kanone iy. Oro ndremenyani iy i buku doh, “Sebwe sahou batanau tataha anya, lau winiyan tikahei udun na saba katin udu budon tan amwenen nadeh?”