103	GEN 4:23	Ano Lemek tiye i ta udun uru, “Adah ah Silah ah kanuhun jo! Jo badeh ndradai loweu ari ndramak, tasah iy anya ka-um jo.
232	GEN 9:26	Katudun Laban Kindrei ta Sem! Kenan kameh i bonyo-ou ta Sem.
233	GEN 9:27	Ya Kindrei badeh mwesekei kane Jepet ki sola! Ya lundriyen badeh kamanyah kado hawe lau ta Sem oro. Ya Kenan badeh ki bonyo-ou ta Jepet.”
270	GEN 11:3	Ano badeh iri lelen iri ari ari, “Ado kame! Ya to kapon ndren ma kamwekes kabadok.” Eme iri asun ndren i bek ano iri amwekes alis i ta bek ta kasabata-an ki se.
356	GEN 14:19	Eme iy atehei nyosowan i tan, ano iy anya, “Ya abo, Kindrei badu loken, ou ta amwekes munyak ma kandrah, ou nyosowani Abram!
362	GEN 15:1	Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”
475	GEN 19:17	Eme oro ame len le badeh iy ari tiye anya eh, “Ado kabotataha batu ado! Ado sanyolom same hamon, ma ado samunyau loboho kon bwidiu udu aliy. Ado katobwak ka mandrei, bakameh ado kamak.”
476	GEN 19:18	Arile Lot tiye i turu, “Ndri-i, Laban tek!
480	GEN 19:22	Suwi ado kala suwi! Jo badeh winiyan bamwekes ari lakou bwe winiyan ado ndrasos.” Eme ta katin doh badeh kon doh aloh So-ar, tasah kon doh bwisik.
691	GEN 25:32	Eme Iso tiye, “Ou anyolom, jo kimek ai! Kadok badeh ari sasah tek?”
702	GEN 26:9	Eme Abimelek luhi Aisik eme ano iy tiye, “Rebeka badeh udum handru! I buku sah ou anya, iy nadu tinem?” Eme badeh Aisik anya, “Jo lomondra koro-an na iy kameh iri kadai jo.”
791	GEN 28:17	Eme iy inoh labai ma iy anya, “Kon dah i buku sah handru! Handru labai i dah asiu ta Kindrei, i dah badeh mada san ta i bolo kandrah labai.”
844	GEN 30:13	Eme iy tiye, “Jo badeh sekesek labai! I dah kameh iri badih kameh aloh jo, ‘Sekesek.’” Eme iy tondrohani nyaran Aser.
903	GEN 31:29	Jo badeh jo tek boto-on udu aliy ta amwekes maha ma isi ewek tam; arile na ben badeh Kindrei ta tamam badeh tiye tek, ta jo badeh balek kudu tek kamwe-es, jo badeh sasehek sahou ndra-in o sahou mwasin sawek tam ndri-i labai!
1103	GEN 37:19	Eme oro tiye i toro ari ari: “Iy ndramak ta ameh asa eme ah! Abo, to kadai iy ma kakahei iy ki bolo oro ari lek, ano to kato-en anya, iy badeh katin haka ndriliu ndrani iy. Ano badeh to kanyolom sasah kameh kasahan ta ameh tan.”
1239	GEN 41:43	Ano iy atehei Josep manyah udu la-u sau, sau doh iri katin haka aliu, ma sau doh badu bahan ta kabin; ano iri lau ta ndrokei ta atudun adek an mwena tan aloh, “Aha kabelek! Aha kabelek!” Josep badeh ndrasahan ndramak ta atondrok munyak tinan mari badu Ijip.
1267	GEN 42:14	Eme Josep anya, “I buku le jo nane ndrasehek ndra-au eh. Ado kede-eh lalou!
1268	GEN 42:15	I dah kameh asilah tanan ta takaleh ado! Jo badeh tandrakan ta nyara kabin, ta ado kameh winiyan ba-au bwe, ndra ado kandrei nadu tine ado bahan keme.
1284	GEN 42:31	Eme aso anya, ‘Aso dah lalou bwe! Aso tiye sahou handru, aso bawasai bwe!
1342	GEN 44:17	Eme Josep anya, “Bwe! Jo winiyan bamwekes kandriyen badeh bwe! I dah kameh iy ndramak le nane andrei bwiniu tek le kameh i bonyo-ou tek. Ado mari badeh ka-au ka hamon hawe tama ado ma mwasin.”
1385	GEN 45:26	Eme oro tiye ta tama oro anya, “Josep badeh bamak bwe! Iy badeh atondrok kon Ijip mari!” Eme Jekop badeh andru-uk ma batehei budon tan bahis bala ta sahou toro handru bwe.
1387	GEN 45:28	Eme Jekop anya, “Naduk Josep badeh bamak bwe, iy udu kede-eh le! Jo kili kanyolom iy koro-an jo kimek.”
1436	GEN 47:15	Ano na len su-ubek tiri Ijip hawe Kenan ano badeh, iri ame hawe Josep ndremenya, “Ou anyohan ahi nyamon! Bwe kameh ahi kamak ai! Su-ubek tahi badeh ndrasihinei ndrano.”
1440	GEN 47:19	Ou samwekes ahi samak. Ou amwekes ari lakou! Ou samwekes bilin tahi sado leleyah. Ou asih munyak tahi na nyamon. Aso kameh a bonyo-ou ta kabin ya iy badeh kandrei munyak taso ki tan. Ou adeu naso kalom ma hawe ou adeu tahi badun ta atah ki bolo bilin tahi.”
1467	GEN 48:15	Ano Jekop edeu nyosowan i la-u Josep: “Kindrei ala tama Abraham, tama Aisik ta atudun badeh katehei nyosowan ki la-u uru nah dah! Ma Kindrei ala udu hawek atondrok jo eme eme taku na len dah katehei nyosowan ki la-u uru le!
1468	GEN 48:16	Angelo ala sebenei jo ma lakou batok tek bwe badeh katehei nyosowan ki la-u uru! Eme ma iri katanan ah badeh badu hawek, hawe badu hawe tama Abraham uru Aisik kudu le buku doh! Ma lundriye uru badeh ki sola ma lundriye nadu uru ka sola!”
7142	RUT 1:13	Ah kameh atondrok uru a tinan, ano, ah barala turu? I dah kameh bwidiy ah winiya batasou bala ta ari mwan ja bwai! Ah naduk badih ma la-uh, ah tana ah. Laban ndratehei konan ndrame tek, eme ma jo tikisiy ah ma la-uh en!”
7171	RUT 2:20	Nawomi tiye tan, “Laban kanyosowaniy iy! Laban winiya bamaniy tandrakan tan i tiri lau ndramak ma iri lau bamak bwe le.” Eme Nawomi asehek ja, “Iy ndramak badeh badu hawe to handru en! To badeh boho kamen ari le. Iy kameh atondrok talu.”
7176	RUT 3:2	Nawomi anya, “Rut, ou anuhun, ndreh Bowas badeh, ou ale abo gok hawe oro badih tan badeh, iy badu mirihik tato handru en! Ou anuhun, ben kameh iy ili ndrahune gok, ta amekes bwisi bali iu.
7177	RUT 3:3	Abo, ou ala anyu, ano ou solowei suluw ki badam. Ou nyosowaniy ou na ra-ei awin tam mwasin handru en! Ano, ou ala mirihik ta ndrahune gok tan, arile iy satou ou, ma iy sala tanan ou labai. Ou atondrok an aliy winiya le iy aimon nyamon ma a-un gwa tan ano labai en!
7184	RUT 3:10	Bowas anuhun boho Rut ano iy eme tiye i ta Rut i buku doh: “Laban nyosowaniy ou. Naduk, kandriyen ou amekes eme tek badeh, udu bwele-e kandriyen mara-ei ou amekes i ta nyanam Nawomi ma bwena handru. Ou basilah ari ndramak loweu bwe eh! Iy nadu batun, deh, nadu batun bwe deh, ou a tasou a tan.”
7207	RUT 4:15	Nyanam badeh aso-ok ou labai! Ma iy badeh bwidiy gok tam solo-an labai, bala buku ndro taloh nadum badu ndrinem amwenen bwe. I deh, iy ndratehei tam nah ari ma nah kede-eh kameh bwidiy manyah tam hamon kameh udu mwasin, ma iy tondrokei ou winiya le imek tam.”
22605	JON 1:5	Iri lau ta ndron nane dah ndranoh ndrandra-i labai. Iri ame aden ili ta kindrei tiri labai. Ano, oro ame sihiy bolo ndron, oro akeh lakou raon ili bolo bayau, ta amwekes ndron katelebek. Arile Jona ndramadin tuk in bolo ndron andri handru on!
22610	JON 1:10	Jona eme tiye i toro, “Jo badeh atobwak ta Laban.” Eme badeh oro lau ta ndron dah anuhun, eme ma bwidiy oro anoh andra-i labai. Eme oro tiye i ta Jona anya, “Ou badeh, bwidiy kandriyen ndra-in handru en! Tasah ou atobwak ta Laban!”
22620	JON 2:4	“Ou akahei jo, iu amai ili bolo ndras andri handru on! Ndras tubuluhiy jo amai mara-ei. Eme ou bwidiy goi atohou eme bwele-ek.
23251	MAT 2:13	Udu bada len oro anya ka-au le badeh, angelo ta Kindrei ari eme tiye ta Josep udu bolo ameh na ben. Iy tiye i buku doh, “Ou amak! Ou andrei iy nah hawe tinen, ma ado katobwak ka-au kala Ijip. Ado kado gwek winiya jo le baratiye ou, tasah Herot kameh asilah iy nah dah ta idi iy kimek.”
23378	MAT 6:27	Buku ado abwerei ta iri lakou doh, idah kameh winiyan edeu ari len ja ili hawe len ta manyah tado, ta ado luluwen deh? Bwe!
23396	MAT 7:11	Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!
23401	MAT 7:16	Ado winiyan seleyaniy amwenen handru ta saba lakou asahan ta kandriyen oro amekes, tasah, malou bobodon ndra-in winiyan bato-ou buwa waen bwe. Ya iri lau abwe-eh buwa pik eme ta bwidiu ndra-in? Bwe!
23436	MAT 8:22	Arile Jises tiye i tan i buku doh, “Ndri-iy ai! Ou ame a-en hamon tek, ya iri lau amak badeh, kado gwek. Idah kameh, iri lau badu hawe iri barala bara-eh iri.”
23439	MAT 8:25	Ya oro lau tan ala mete-ei iy, ma oro tiye i buku doh, “Laban, ou aseben to! Bwe kameh to katuh ai!”
23450	MAT 9:2	Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”
23463	MAT 9:15	Eme Jises asumon i buku doh, “I buku none ndramak tasou bolohau udu aliy, ado winiyan babilisi oro lau ta molak bwe! Arile, na len hamon eme kameh, iri lau ta kaliu tan kuhi iy eme len, ma oro kameh, winiyan baimon nyamon bwe, oro kameh beleben, ma abeles oro ta nyamon.
23502	MAT 10:16	Jises asehek sahou ili ja buku doh, “Ado kanuhun! Jo kasuni ado buku none le sipsip ili bolo iri mwi badu lokei. Arile, ado kamekes budon ki mwasin buku none le mwak amekes, arile ado samekes kandriyen ndra-in ta amekes ndra-in ili bada ndramak ari ja. Aha kasahan ki buku le sirih aloh ban ale ba-um ari lakou bwe.
23503	MAT 10:17	“Arile, mada ado kaleu! Ado kanyolom iri lau kamwenen. Iri kameh atehei ado ala mada iri kansol ta anuhun sahou, ya iri kameh a-um aha na bala oseu an bolo asiu tiri ta atukum, tasah ado an hamon ta sahou tek.
23504	MAT 10:18	Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.
23517	MAT 10:31	Ya, ado sanoh tiri lakou ndra-in iri lau anya kamekes kewek tado. Kindrei winiyan tondrokei ado. Ado kanuhun! Ereu budon ta Kindrei, iri sirih badeh, lakou laleyah, arile iy atondrok iri. Eme ya iy winiyan tondrokei ado areu mwasin labai ja.
23520	MAT 10:34	Jises asehek sahou ili ja buku doh, “Ado satehei budon buku jo eme ta amekes mondrei. Bwe! Jo eme ta amekes buku doh bwe. Jo eme ta apou lau.
23535	MAT 11:7	Eme oro lau ta Jon au ala hamon. Eme ma Jises asehek sahou ili tiri lau nyala Jon, “Buku sah, aha mene ala kon lomale an, anya katou sasah? Ari bwidiu awa-is nyukunyok ereu bolo jor neh? Sebwe bwe nadeh!
23536	MAT 11:8	Aha ala anya katou sah handru? Ndramak ari atehei awin mwasin ereu badan? Bwe oh! Iri lau asin awin mwasin badeh, badu bolo asiu tiri kabin.
23549	MAT 11:21	Iy tiye i buku doh, “Ado lau badu kon Korasin hawe ado lau badu kon Betsaida, ado katou! Sisi-in tinan labai kameh ewek bwele-e ado. Tasah, ki buku none lau ra-on mene kala kon tinan Tair hawe Saidon ma kamekes lahou tinan buku none jo ndramekes ereu ndrokowa ado, sebwe ndra bwena iri lau badu kon ma lubuk doh ndrasin awin bokodon, ma ndratahi iri na koloweh, ta leheya buku none iri tikisiy handru ta kandriyen ndra-in tiri mene, iri ndrabwidiy.
23551	MAT 11:23	“Ya aha lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy. Tasah, buku none iri lau kala kon Sodom ma kamekes iri lahou tinan buku none jo amekes ereu ndrokowa ado dah, sebwe Sodom ereu kede-eh kahis le nadeh!
23553	MAT 11:25	Kala doh Jises tiye buku doh, “Tama, ou Laban badu munyak ma kandrah. Jo masiye ou! Tasah, ou tone lakou dah, ta mada iri lau ta tanan, ma hawe iri lau anya iri tanan labai, ya ou leheyani i tiri nah, tana iri lakou bwe.
23560	MAT 12:2	Iri lau Parasi atou lakou nane doh, ma iri abolosen i ta Jises buku doh, “Hei, ou anuhun! Oro lau tam abwe-eh buwa wit na len ta amunyau. Kandriyen doh ndrabun handru ta amekes na len ta amunyau.”
23570	MAT 12:12	Ya ado kanuhun! Iri lau mwan ma badih badeh, sakalawi sipsip ja. Eme ya, mwasin ta aha kamekes kandriyen mwasin, ma kaseben iri lau abo sik na len ta amunyau.”
23595	MAT 12:37	Ehe, sahou doh handru! Tasah, Kindrei kameh aleben aha ta sahou mene aha ndrasihidiy. Ma, na idoh Kindrei kameh aloh aha lau mwasin deh lau ndra-in, kandriyen tan ndra-in udu badan.”
23599	MAT 12:41	Na len Kindrei le tanan ta edeu iri lau ala ta mada sahou, iri lau mwan ma badih badu Ninibe ale kameh ales ala ta mada sahou, ma iri kameh asehek sahou boto-on labai i taha lau ta len hamon dah. Tasah, iri lau badu Ninibe anuhun sahou Jona asehek, ma iri tubuni ndrine iri. Na idah, ndramak ari ereu ndrokowa ado dah, sakalawi ja Jona, arile ado banuhun sahou tan, ma batubuni ndrine ado bwe!
23607	MAT 12:49	Eme Jises nyowonya ili toro lau tan ma iy anya, “Jo asehek tado, tine ma nadu tine oro handru asah idah!
23611	MAT 13:3	Jises asehek sahou sokek solo-an i tiri. Iy asehek i buku doh, “Ado kanuhun! Ndramak ari ili sabara badu wit ili bolo bilin.
23641	MAT 13:33	Jises asehek sahou sokek ari ja. Iy anya, “Ado kanuhun! Tondrok ta Kindrei kameh asahan buku none yis. Ari badih kuhi yis nane ma iy tubuni i hawe rahak ndrom tinan palawa. Iy tubuni ili ili winiya palawa mara-ei apus eme loken.”
23693	MAT 14:27	Arile, suwi labai Jises aloh i toro i buku doh, “Ndrine ado kamunum! Jo, jo! Ado sanoh!”
23764	MAT 16:23	Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”
23771	MAT 17:2	Oro ado, oro anyolom ili bada Jises ndratubuniy ndra randrah ja. Ya bwilin anya buku none an. Ya awin tan asahan belen, handru en!
23854	MAT 19:23	Eme Jises tiye toro lau tan i buku doh, “Jo tiye handru ewek tado, idah kameh, boto-on labai ta ndramak tan lakou solo-an, i buku none iy anya kili bolo tondrok ta Kindrei!
23904	MAT 21:9	Iri lau ra-on adek ala bwena ta Jises ma hawe iri ra-on adek an hamon tan, ya iri mari arah i buku doh, “Hosana! Kasekesek ki ta nadu Debit! Kasore nyaran! Iy eme ta nyara Laban!” “Hosana! Kasekesek ki loken mara-ei!”
23973	MAT 22:32	‘Jo Kindrei ta Abraham, ta Aisik, ma ta Jekop.’ Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le.”
24000	MAT 23:13	Jises asehek sahou ja i buku doh, “Ado lau tanan ta batanau malen ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Tasah, ado ndrasulu-i kou ta ala bolo kon mwasin udu kandrah ereu mada iri lau. Ado ale winiyan bala bolon bwe. Ya, buku none iri lau anya kala bolon, ado aturuk san tiri.
24002	MAT 23:15	“Ado lau tanan ta batanau malen ma ado Parasi, ado kabudon kamwenen! Sisi-in laba tinan doh kameh ewek bwele-e ado! Ado kalime ado la-uh! Ado adek bolo kon ma bwele-e ndras mari ta amekes ndramak ari le ta in hamon taha. Ya buku none iy in hamon taha, ado mesekei iy ndramak ta i bolo jih, i buku none ado le. Ado mesekei kandriyen tan asahan ndra-in, sakalawi tado ja.
24003	MAT 23:16	“Ado lau mada ado bwe! Sisi-in laba tinan doh kameh ewek bwele-e ado! Ado anya kaleheya san ki tiri lau, ado kabudon kamwenen. Ado asehek i buku doh, ‘Buku none ndramak asehek sahou handru i ta asiu tinan ta Kindrei, ma iy tandrakan handru i ta kon loken, idoh lakou laleyah. Arile, buku none ndramak asehek i ta gol ereu bolo asiu ta Kindrei, ma iy tandrakan ili kon loken, idoh kameh iy kabwidi lakou buku iy nane ndrasehek.’
24010	MAT 23:23	“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Iri bake mari badu bolo bilin ado apou ari, ari i ronoh, ronoh, ya ado adeu ari ari badu bolo ronoh doh, i ta Kindrei. Idoh mwasin, arile ado ndramani iri sahou tinan badu bolo batanau ta Kindrei, buku none kandriyen ta anuhun sahou amwenen, ma tikisiy lau, ma adeu budon boto-on i ta Laban. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.
24012	MAT 23:25	“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Ado sikine kona bwesam ma kona bwekei amwenen, arile nyamon ale ado apwe irek in bolo bwekei tado, ado akohok i san ta bahana ma san ta ndrakok.
24013	MAT 23:26	Ado Parasi, ado mada ado bwe! Ado kasikine bolo bwesam ma bolo bwekei op, ano konan barasahan mwasin ale.
24014	MAT 23:27	“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Ado buku none ari lek ta lau ndramak areu bolon, konan badeh, iri nyosowaniy na iri kanyeu ma iri lakou konen mwasin labai, arile bolon kodo-oh ndrarahak le ndruwi ndramak ma manahun ndra-in labai.
24016	MAT 23:29	Jises asehek sahou ili ja i buku doh, “Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Ado a-eh lek mwasin tiri propet, ma ado anyasou lek tiri lau mwasin.
24019	MAT 23:32	Mwasin, ado kadek, ado kabwidiy kano iri kandriyen ndra-in mene iri tubu aha mene ndramesekei!
24021	MAT 23:34	Ado kanuhun kamwenen! Jo kameh suni iri propet ma iri lau budon tiri mwasin ma iri lau tanan mwasin ta leheya ado, ame atou ado. Arile ado kameh adai iri ra-on amak ma atahi iri ra-on ala bada kei tondreh, hawe iri ra-on kameh ado ubwi iri na malou an bolo asiu ta atukum taha. Ya ado kameh sobolon iri ereu bolo kon tinan taha ma oro kameh sakaliye au ala kon rakon ja.
24024	MAT 23:37	Jises asehek sahou ja anya, “Jerusalem, Jerusalem, jo tikisi ado labai, ado adai iri propet, ma ado ateu iri lau Kindrei suni iri ame atou ado, ma ado orowei iri na bek ma adai iri amak. San solo-an jo anya katukumwi nadum oro, buku none iri kakaro tukumwi nadu iri areu bahandra bani iri. Arile ado bwale ado!
24051	MAT 24:25	Aha ndranuhun! Jo ndratiye taha bwena.
24060	MAT 24:34	Jo tiye tado handru en! Iri lau rebesem areu kede-eh kahis na len dah kameh bamak bwe le, iri lakou mari doh kameh asahan.
24083	MAT 25:6	“Na ndrukulu ben alih, iri anuhun ndramak ari aloh i buku doh, ‘Iy ndrame, ndramak ta tasou ndrame! Aha kame katou iy.’
24086	MAT 25:9	“Arile oro limeh nane bale oro udu aliy anya, ‘Sebwe winiya to bwe nadeh! Ado ka hamon kala kasih ra-on ja kewek tado.’
24103	MAT 25:26	“Arile tinan tan anya, ‘Ou ndramak ndra-in ma ou lau ta awoyah! Ou tanam jo kameh akohok lakou jo batah bwe, ma jo kameh atukum nyamon bolo kon mari ale jo bakeh badu nyamon bala aliy bwe.
24118	MAT 25:41	“Ya iy kameh tiye toro lau areu minen kamweu i buku doh, ‘Ado ka-au ka len! Lakou ndra-in udu la-u ado. Ado kala bolo jih, tama ndralowosaniy ta balik hawe oro angelo tan.
24168	MAT 26:45	Ano iy eme hamon atou oro lau tan ma iy anya, “Ado kede-eh amadin ma amunyau kahis le? Ado katou! Mada an ndrano ai. Idah kameh, Nadu Ndramak Awas kameh ili mine iri lau ndra-in ai.
24175	MAT 26:52	Jises tiye tan, “Ou atehei samen tam ki hamon ki ndrahunen! Are lau akohok samen, iy kameh imek na samen.
24240	MAT 27:42	Iri anya, “Iy sebenei iri lau rayah, arile iy winiyan basebenei iy amwenen bwe! Iy badeh, kabin tiri Isra-el; iy keme andri ta kei tondreh, ya eme aso kameh atehei budon taso in hamon tan.
24270	MAT 28:6	Iy bareu dah bwe, iy ndramak ndrame awas ja! Idoh buku none le iy mene ndrasehek. Ah kame katou ndrahunen mene iy amadin udu aliy.
24299	MRK 1:15	Eme iy tiye i buku doh, “Len ndrasahan ai, ma tondrok ta Kindrei ndrame bakep! Ya ado katubuni ndrine ado ta karei ma lomondra ndra-in tado, ya ado katehei budon tado handru ki ta sahou mwasin.”
24348	MRK 2:19	Eme Jises asumon boho oro i buku doh, “I buku none ndramak tasou bolohau udu aliy, ado winiyan babilisi oro lau ta molak bwe! Arile, na len hamon eme, idah kameh iri kuhi iy eme len, ma na len doh, oro kameh winiyan baimon nyamon bwe.
24353	MRK 2:24	Eme ya oro Parasi ame tiye i ta Jises, “Hei, ou anuhun! Tasah handru oro abwe-eh buwa wit na len ta amunyau? I buku sah oro ba-en hamon ta kandriyen tahi bwe?”
24385	MRK 3:28	“Jo tiye tado handru! Kindrei kameh winiyan mani kandriyen ndra-in ta lau, ma sahou ndra-in lau asehek.
24395	MRK 4:3	“Aha kanuhun! Ndramak ari ili sabara badu wit ili bolo bilin,
24416	MRK 4:24	Eme Jises tiye i tiri, “Ndranyem kirih ki ta sahou ou anuhun! Saba maha-an ou amekes i tiri, kameh i le buku maha-an ou akohok. Eme kameh, ou akohok maha-an solo-an labai ja i hawen.
24431	MRK 4:39	Eme iy amak eme loke, ma iy asehek sahou i ta siyer ma bayau anya, “Ou amondrei! Bahun ka-iy ai!” Eme siyer ma bayau amondrei ma gwa ndras ameres udu le udu.
24478	MRK 6:2	Eme na bolo len ta amunyau, iy leheya iri lau an asiu ta atukum tiri Juwis. Eme lau solo-an anuhun iy asehek sahou, ma mani iri atur, ma iri ndremenya, “Iy ndramak kede-eh, iy akohok tanan doh badu heh handru? Aden! I buku sah iy amekes lahou tinan na minen!
24492	MRK 6:16	Herot anuhun, ya iy anya ja, “Kede-eh Jon ta alomwa! Jo mene ndrasani batun, arile iy ndramak ja!”
24526	MRK 6:50	tasah oro mari anyolom iy, ma oro anoh andra-i labai. Arile, Jises aloh i toro suwi i buku doh, “Ndrine ado kamunum! Jo, jo! Ado sanoh!”
24538	MRK 7:6	Eme Jises tiye i tiri, “Amwenen handru i buku none propet Aisaya ndratiye nyala aha! Aha asehek na boho aha le, i buku none iy ndratorowenei, ‘Iri lau mwan ma badih dah bwese nyarak eme loken na boho iri le, arile ndrine iri ereu len labai.
24581	MRK 8:12	Eme ya budon tan ihis in bolo ndrinen o-on, eme iy anya, “Ki buku sah handru iri lau mwan ma badih ta len dah anya katou kalem? Jo tiye tado handru en! Idah kameh kalem handru winiyan basahan tiri lau na len dah bwai.”
24602	MRK 8:33	Arile Jises tubuni iy ma iy anyolom oro lau tan, eme ma iy to-en Pita anya, “Satan, ou a len a konak! Ou ba-en hamon ta budon ta Kindrei bwe. Ou a-en hamon le ta budon tiri lau.”