68	GEN 3:12	Eme i mwan anya eh, “I badih ou atehei iy udu hawek kada-ah, badeh atehei buwa kei eme ma jo iniy.”
87	GEN 4:7	I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”
99	GEN 4:19	Lemek badeh sudi badih la-uh, Adah hawe Silah.
135	GEN 5:29	Eme iy tiye i buku doh, “Tasah ta munyak mene ndrandra-i, i dah kameh i nah dah kameh aseben taha ta lahou boto-on taha amwekes.” Eme iy tondrohani nyaran badeh Nowa.
162	GEN 7:2	Ou kuhi ndro taloh katin haka mwasin ta asun ta salom, ari mwan hawe ari badih, ma ou kuhi ari ari katin haka ndra-in, mwan ma badih ndra-in ta salom.
210	GEN 9:4	Arile lakou ari le doh badeh ado saimon, lakou mulin ma ndra; jo anya ndri-i, ndra ki-iu op, tasah lakou doh badeh kohan ma ndrayen udu aliy.
239	GEN 10:4	Ya nadu Jaban oro badeh ado kon Elisah, ado kon Spa-in, ado kon Saipres ma kon Rodes.
263	GEN 10:28	badu Obal, badu Abima-el, badu Siba,
338	GEN 14:1	Na len kabin Amrapel badu Babilon, Ariyok badu Elasar, Sedola-oma badu Ilam ma Tidal badu Go-im,
342	GEN 14:5	Na jaha ronoh hahuw badeh Sedola-oma hawe iri kabin ta seben tan badeh, ame ma lau ta bahun tiri, ame andrei iri Repa-im an Asterot Karna-im, ma Susim an Ham, iri Emim ado loboho munyak ta Kiriyata-im,
381	GEN 15:20	ma munyak Hita ma munyak tiri Perisa ma munyak tiri Repa-im,
393	GEN 16:11	Angelo ta Laban tiye i tan ale, “Ou kede-eh nah mwan ere ndrinem eme ou tondrohani nyaran badeh ki Isma-el, tasah Laban badeh ndranuhun ndrelen ma tikisiy tam.
437	GEN 18:12	Eme Sara badeh akodei iy ma iy ehe-en ma iy lomondra, “Jo badeh ndra ndrolo-oh, ma iy lau tek ndra alon, jo kameh barasekesek ta lakou dah de bwe.”
466	GEN 19:8	Naduk badih ma la-uh kada-ah, uru bakohok se mwan bwe. Jo katiye uru kame manan ya ado badeh kamwekes sasah na seken tado ki turu. Ya ado samwekes ari lakou sala toro, oro badeh are baha tondrok tek.”
480	GEN 19:22	Suwi ado kala suwi! Jo badeh winiyan bamwekes ari lakou bwe winiyan ado ndrasos.” Eme ta katin doh badeh kon doh aloh So-ar, tasah kon doh bwisik.
488	GEN 19:30	Ano Lot hawe nadun uru badih ma la-uh badeh ruwani So-ar, eme oro ala manyah ado bolo mandrei, tasah iy badeh inoh ta manyah udu So-ar. Oro ma taloh badeh manyah ado munu bek.
496	GEN 19:38	Iy bahan badeh atehei nah mwan ale, eme tondrohani nyaran badeh Ben-ami, moson “Nadu tama oro.” Eme na len dah badeh iy badeh tama iri Amora.
511	GEN 20:15	Eme badeh Abimelek tiye i tan, “Munyak tek udu madam kede-eh, ou manyah ado aliy na seken tam.”
523	GEN 21:9	Arile Sara anyolom nadu i badih Haga badu Ijip, atehei i nadu Abraham badeh bobose, eme iy tiye ta Abraham, “Ou tikahei badih ta lahou tam ma hawe nadun ki-iu, tasah nadun kameh winiyan bakohok ari lakou hawe nadum Aisik bwe.”
570	GEN 22:22	Keset, Haso, Pildas, Jidlap ma Betu-el, tama Rebeka.
583	GEN 23:11	“Laban ou anuhun, lo ndranye oro lau tek mari kede-eh, jo kameh atehei munyak mari ma munu bek udu aliy kede-eh i tam. Ta ou badeh ahi udum ki aliy.”
611	GEN 24:19	Iy atehei gwa ili iy a-un, ano badeh iy tiye, “Jo kili ka-us rayah gwa ale ki wa-i oro kamel tam winiya oro le barakoh ta a-un.”
616	GEN 24:24	Eme iy tiye, “Jo badeh nadu Betu-el, Betu-el i ndrine Milkah uru Nahor.”
652	GEN 24:60	Ano oro batanau ma tiye tan, “Nadu tine aso, lundriyem kasahan sola wa-iralou ano wa-iralou, ma lundriyem oro kadai lau ta amwekes lomondra ndra-in i toro!”
671	GEN 25:12	I dah badeh sare nadu Abraham Isma-el, nadun ta badih ta lahou ta Sara nyaran Haga badu Ijip.
672	GEN 25:13	Ya i dah badeh nyara nadu Isma-el oro, Kadok badeh Nebayot, Kedar, Adbe-el, Mibsam,
675	GEN 25:16	I doh badeh nyara nadu Isma-el oro. Nyara oro lau ma ronoh la-uh doh badeh asahan boho kamen ma ronoh la-uh, in hamon ta ndrahu manyah udu kon ma ta tekedek tiri.
705	GEN 26:12	Ano Aisik badeh tahi baso udu munyak doh, eme uni udu bolo oro baso ari ari nane iy tahi doh, badeh oro ari ari ato-ou rinek rinek sakalawi bwena mene ndra-au, tasah Laban atehei nyosowan i la-un.
708	GEN 26:15	Eme iri gwa li mene iri lau ta lahou ta taman Abraham mene a-eh, badeh iri Pilistin ala sokei na ndren.
711	GEN 26:18	Ano badeh Aisik ili ja ihiy gwa li rayah ja mene taman Abraham udu ndra loken a-eh, mene iri Pilistin sokei, udu kona Abraham imek. Eme iy aloh nyara iri gwa li i buku none taman mene tondrohani.
724	GEN 26:31	Ano na mandraben badeh uru ma la-uh amwekes sahou randra le ma tandrakan i la-un, ano Aisik batanau oro ma oro kawas tan au ai.
736	GEN 27:8	Eme ya, naduk Jekop ou anuhun kamwe-es, ma ou an hamon ta sahou tek jo asehek tam dah:
766	GEN 27:38	Eme Iso tiye i ta taman, “Tama ou ari udu kede-eh, ou nyosowani keme tek. Ou nyosowani jo ale!” Ano ma iy eden bohon i loken.
812	GEN 29:16	Leban badeh nadun badih, badeh la-uh, iy aluh badeh nyaran Liya ya iy sah badeh nyaran Rejel.
861	GEN 30:30	Lakou tam sola bwe len jo eme, arile na dah ndra sola, tasah Laban atehei minen udu la-um, tasah na jo; ma loboho heh jo edek i aliy. Arile na dah badeh jo anya kasilah lakou ta aseben asiu tek ai.”
874	GEN 30:43	I san le doh badeh Jekop asahan ndramak tan lakou solo-an labai. Tan badeh iri katin haka solo-an, ma iri lau tan ta lahou solo-an ma hawe iri kamel hawe donki solo-an ado aliy.
893	GEN 31:19	Ya Leban badeh ndra-au, ndrasan lami iri sipsip, eme badeh Rejel ili badeh bene-ei ndramak, (asehek na sukumada kei) ta taman dah.
898	GEN 31:24	Ano badeh Kindrei asahan ta Leban badu Aram na ameh tiye i tan i buku doh, “Balem kudu tam kamwe-es, ou badeh sandres oro.”
903	GEN 31:29	Jo badeh jo tek boto-on udu aliy ta amwekes maha ma isi ewek tam; arile na ben badeh Kindrei ta tamam badeh tiye tek, ta jo badeh balek kudu tek kamwe-es, jo badeh sasehek sahou ndra-in o sahou mwasin sawek tam ndri-i labai!
931	GEN 32:3	Jekop anyolom oro badeh iy tiye, “I dah badeh ndrahu Kindrei!” Eme ma iy tondrohaniy badeh Mahana-em, moson, “Oro lumuk.”
936	GEN 32:8	Jekop eme badeh iy inoh andra-i, eme badeh iy apwai lau ma katin haka sipsip, bulumakau ma hawe kamel tan i lumuk.
951	GEN 32:23	Ano na ben doh badeh Jekop suri iy, eme iy kuhi udun ma la-uh, kuhi uru badih ma la-uh ta lahou tan ma hawe nadun oro ma ronoh ari mwan badeh, oro adek ala bilisiu ala gwa Jabok.
957	GEN 32:29	Ano badeh ndramak dan anya, “Nyaram kameh bala Jekop ja bwe ai, nyaram kameh aloh Isra-el, tasah ou badeh boto-on labai ta akek i la-u Kindrei hawe iri ndramak.”
994	GEN 34:13	Tasah nadu oro Dinah badeh badan ndrandra-i, eme badeh nadu Jekop oro abukoh no-o Sekem uru taman le.
1046	GEN 36:5	ano Oholibamah atehei Je-us, Jalam hawe Korah. Oro mari doh badeh adek ndrine Iso le ari, ma adeu oro ado Kenan.
1055	GEN 36:14	Ano udu Iso ari ja nyaran Oholibamah atehei nadun mwan taloh: Je-us, Jalam hawe Korah. Oholibamah iu ndrine Anah, ya Anah iu ndrine Sibiyon.
1058	GEN 36:17	Nadu Iso Reu-el, badeh tama iri lau ta atondrok: Oro badeh Nahat, Serah, Samah hawe Misah. Oro doh badeh lau ta atondrok, oro badeh lundriye Reu-el badu Idom. Ya oro badeh tubu Basemat, ya Basemat badeh udu Iso.
1059	GEN 36:18	Ya i dah badeh lundriye udu Iso nyaran Oholibamah: Oro lau ta tondrok ya nyara Oro badeh Je-us, Jalam hawe Korah.
1098	GEN 37:14	Eme taman tiye i tan, “Ou ala anyolom nadu tinem oro ma hawe iri katin haka, oro ado mwasin de bwe em, oro ado ndra-in, ano ou ame hamon asehek tek.” Ano badeh taman suni iy edek udu nyamak Hibron ili. Eme Josep asahan Sekem badeh,
1174	GEN 40:1	Ano udu, len rayah ja hamon badeh uru ndramak ta lohowan, ndramak ta lohowan ta kabin badu Ijip. Iy ari ndramak ta atiye wa-in, ya iy ari ndramak ta mwena ta amwekes jabi ramen. Uru badeh mwesekei kabin i bolosen.
1260	GEN 42:7	Eme Josep badeh ndraseleyani nadu tinen oro, arile iy badeh amwekes iy i buku none iy tanan oro bwe. Eme Josep ndremenya oro boto-on, “Ado badu heh ame dah?” Eme oro anya, “Aso badeh badu Kenan, aso ame dah ta asih nyamon.”
1285	GEN 42:32	Aso badeh ma ronoh la-uh, nadu ndramak ari le. Ya nadu tine aso ari badeh ndramak ya nadu tine aso ari le bahan badeh udu hawe tama aso udu kon.’
1289	GEN 42:36	Ano tama oro tiye i toro, “Ado mari kede-eh anya kamwekes naduk kamai ma iy ki-iu ai? Josep mene ndra-au, ano Simiyon ndra-au ale; ano na dah ado anya kakohok Benjamin ja ai. Jo le kameh akohok maha ma isi ta aliy!”
1324	GEN 43:33	Eme oro badeh manyah in hamon ta jaha toro. Kadok, ano Bwaneh, ano Silih, ano Sabak, ano Kubwe, ano So-on, i le buku doh ili taku ta iy bahan handru. Oro manyah ado bada sau ya batala oro badeh ili ta Josep. Eme badeh boho oro asak ta anyolom oro ari ari nane manyah ado andri i buku doh.
1326	GEN 44:1	Ano badeh Josep tiye sahou i ta ndramak ta lohowan tan ta atondrok asiu tan, “Ou anyuhi nyamon ma solo-an ki bolo ndrom toro lau kede-eh, winiya oro winiyan bwese-ei ma ou atehei su-ubek toro mari ki hamon bolo ndrom toro ari ari.
1335	GEN 44:10	Ano iy anya, “Jo aseken budon badeh; arile iy ndramak le andrei bwiniu badeh kameh asahan bonyo-ou, ya ado mari ka-au ai.”
1397	GEN 46:10	Ano Simiyon ma nadun oro badeh: Jemu-el, Jamin, Ohat, Jakin, Sohar ma hawe Sa-ul. Oro doh badeh badu ndrine udun badu Kenan.
1400	GEN 46:13	Isakar ma nadun oro badeh: Tola, Pu-ah, Jasup hawe Simron.
1407	GEN 46:20	Ano udu Ijip badeh Josep badeh nadun la-uh, uru badeh Manase hawe Ipra-im. Uru doh badeh au ndrine udu Josep nyaran Asenat. Ya Asenat badeh iy badih, nadu Podipera, pris badu kon On.
1411	GEN 46:24	Ya nadu Naptali oro badeh: Jase-el, Guni, Jeser hawe Silem.
1430	GEN 47:9	Eme Jekop tiye, “Jaha tek ta jo edek le badeh asahan rinek tonoh (130). Ya udu bolo oro jaha doh badeh sola bwe, arile jo akohok maha solo-an, bala buku none jaha ta tubu oro mene solo-an bwe.”
1453	GEN 48:1	Ano udu sese badeh iri tiye ta Josep ta taman badeh ndrabosik. Ano badeh Josep kuhi nadun uru ma la-uh, Ipra-im hawe Manase, eme oro ala hawe Jekop.
1457	GEN 48:5	Ano Jekop tiye le, “Josep, nadum uru ma la-uh, Ipra-im hawe Manase badeh adeu uru ado Ijip udu hamon ta jo asahan dah, arile uru badeh tek le, i buku none le Ruben uru Simiyon.
1466	GEN 48:14	Arile Jekop eme badeh atehei minen salin i sakan i bwele-e batu Ipra-im, aliy i bahan ai, ya minen kamweu badeh i bwele-e batu i kadok Manase.
1496	GEN 49:22	“Josep kameh i buku none bada malou wa-in, seselek ka-u gwa. Eme badan badeh seselek i loken bada kabwek.
1498	GEN 49:24	Arile bonara tan badeh boto-on labai, Ma iy badeh bohan boto-on labai, I doh badeh na boto-on ta mine Kindrei ta Isra-el, Ma na boto-on ta ndramak ta atondrok iri katin haka, iy bek ta Isra-el ta winiyan batokos bwe.
1499	GEN 49:25	I dah badeh na Kindrei ta tamam le aseben ou, Ma i dah kameh Kindrei tinan le kameh atehei minen udu la-um, na nyosowan tan badu kandrah Ma na nyosowan ta gwa waru badu baha munyak, Ma na nyosowan tiri bulumakau hawe tiri nah,
1500	GEN 49:26	Ma nyosowan ta tamam badeh sakalawi nyosowan ta kalom hawe kanyeu, Ma sakalawi nyosowan tiri mandrei kede-eh, Ma sakalawi nyosowan ta munyak mwasin badu ta buli ndrondro-ou kudu le buku doh, badeh kiroh keme la-u Josep, Tasah iy badeh udu mwena ta nadu tinen oro mari.
1515	GEN 50:8	Ma udu Josep ma nadun uru, hawe nadu tinen oro mari ala. Ma hawe lowa taman, iri Isra-el, ala hawen ale. Arile nadu oro bwisik, hawe iri sipsip, iri me ma hawe iri bulumakau badeh ado loboho Gosen ado.
1518	GEN 50:11	Eme iri lau badu kati kon Kenan badeh anyolom iri lau nane aden ado Atat badeh iri tiye, “Iri lau badu Ijip badeh amwekes kabek ma aden tare doh!” Eme badeh iri tondrohani nyara kon doh ili Abel Misra-em, moson, “Iri Ijip aden.”
1527	GEN 50:20	Ado badeh amwekes kandriyen ndra-in eme tek, arile Kindrei badeh mwesekei asahan mwasin labai ta aseben lau mari are kede-eh, ma iri mari bamak bwe.
7130	RUT 1:1	Udu bolo len tiri Isra-el bwena, Kabin badeh atondrok kon tiri. Eme bwidiy nyamon winiya iri bwe. Eme ndramak ari badu Betlehem, udu loboho Juda, lokowaniy iy, udun ma nadun uru ma la-uh, iy andrei oro au ala loboho kon tiri Mowap.
7140	RUT 1:11	Nawomi anya, “Bwai, ah nadu nyanak ma la-uh, ah ka hamon ai. Buku sah ah anya kame hawek nane? Naduk ndraheh ja kameh ah katasou ka turu?
7142	RUT 1:13	Ah kameh atondrok uru a tinan, ano, ah barala turu? I dah kameh bwidiy ah winiya batasou bala ta ari mwan ja bwai! Ah naduk badih ma la-uh, ah tana ah. Laban ndratehei konan ndrame tek, eme ma jo tikisiy ah ma la-uh en!”
7157	RUT 2:6	Eme ndramak ta atondrok oro lau tan anya, “Iy badih bihin kodo-oh, iy badu kon Mowap. Iy in hamon ta Nawomi, uru ame dah.
7178	RUT 3:4	Buku iy manyah in andri, anya kamadin badeh, ou anyolom ndrahunen ta matinou kamwenen. Buku ou atou iy ndramadin tuk badeh, ou ala sihiy kolau ta katin ki-iu, ano ma ou amadin an hamon ta katin. Ano kameh iy barasehek budon tan barawek tam ai.”
7204	RUT 4:12	Laban winiya atehei ta ah nah solo-an, ma lundriyem oro winiya asahan a tinan i buku lundriye Peres, nadu Juda uru Tamar mwan.”
22603	JON 1:3	Ano le badeh, Jona suriy iy, iy atobwak ta Laban. Iy atobwak ili kon tinan Jopa. Iy ili badeh iy anyolom ndron ta jam ra-ei badeh, alokou ta sakaliye kili Tasis. Iy ili ndremenya ndramak ta atondrok ndron. Eme ndramak ta atondrok ndron aso-ok, ano iy tiye Jona ta isih ndron ta iy ili bolon. Iy sihinei ndron ma iy sandroh ili bolon ta ili Tasis. Ano ndron alakak ta ili Tasis.
22622	JON 2:6	“Goi atohou eme bwele-ek, ma bwidiy kohak anya kano. Eme ma ndras tubuluhiy jo mara-ei. Korak badu bolo ndras badeh tabuwiy batuk.
22639	JON 4:2	Jona eme asolom, “Laban, jo tanak, i dah kameh lakou asahan. Jo i tanak badeh udu ndra kon tek, i doh le badeh bwidiy jo mene atobwak ili Tasis. Jo tanak ou badeh, Kindrei. Ou ta leheya kandriyen ta tikisiy. Ou winiya babolosen suwi bwe. Tikisiy tam badeh tinan labai. Jo tanak, ou kameh maniy kandriyen ndra-in, ma ou winiya bamwekes maha-an bala toro bwe.”
23286	MAT 4:8	Ano ja balik andrei iy uru au ala bwele-e mandrei ari lawe-en, eme ma balik leheya iy ta boto-on ma lomadan tiri kon tinan mari badu munyak, iri kabin atondrok.
23301	MAT 4:23	Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.
23302	MAT 4:24	Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.
23309	MAT 5:6	“Sekesek handru i toro lau ala abadok ta asilah budon mwasin ma hawe manyah mwasin ta Kindrei i buku oro ameson ta nyamon ma i buku bale oro amar ta gwa ta a-un, ya idah kameh oro adih handru.
23332	MAT 5:29	Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.
23333	MAT 5:30	Ya, i buku none minem salin suni ou ta amekes kandriyen ndra-in ta karei, mwasin ta ou saniy ki-iu ya ou akahei ki-iu. Mwasin ta ou sani minem salin ki-iu, ndra-in ta sakahei ou ma buruwen sala bolo jih ta udu le buku doh.”
23334	MAT 5:31	Jises asehek ili le i buku doh, “Sahou ndrasehek kabwe, ‘Ya, i buku none ari lau kisan tasou tan ma katikah udun ki-iu, iy katehei ramen la-ukei ma sahou boto-on in aliy ta asan tasou, ya iy katehei ki minen ta asan tasou.’
23335	MAT 5:32	Arile jo katiye ki buku doh, i buku none are lau kisan tasou tan ma katikah udun ki-iu, ya iy badih tan badeh, bamadin hawe ari ndramak ja bwe, iy badeh, amekes udun i buku badih ta madasan. Iy mwan ale andrei badih ari bwena, udun ndratikahei iy, iy ale amekes kandriyen ta karei.”
23336	MAT 5:33	Jises asehek ili le i buku doh, “Ya idah ado ndranuhun sahou ale ndrasehek ndrala ta lau rebesem bwena ndra-au, ‘Buku ou tandrakan i ta nyara Laban ta amekes sahou tam i handru, ou a-en hamon le ta sahou nane ou amekes ili ta Laban le ari.’
23339	MAT 5:36	Ya ou satandrakan sala ta batum, ndri-iy, tasah ou winiyan bamesekei ramen lami batum asahan belen deh asahan bokodon bwe.
23353	MAT 6:2	“Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.
23354	MAT 6:3	Arile ado anya kadeu lakou kili tiri lau ndra-in, ado kamekes kudu ndra kabwak, ta iri mwan ma badih sado mirihik, sanyolom aha amekes.
23355	MAT 6:4	Eme ma, saba lakou ado adeu i tiri lau ndra-in, ado katone kamai labai. Ya tama ado udu kandrah ndratou ado adeu lakou i san kabwak, ma idah kameh iy edeu sihine ado.”
23358	MAT 6:7	Ya ado anya kasolom, ado samekes sahou solo-an, sala buku none iri lau badu leheleh asolom. Iri anya Kindrei kameh anuhun salom tiri tasah iri badeh asehek sahou solo-an.
23370	MAT 6:19	Jises asehek ili le i buku doh, “Ado satukum tado iri lakou badu munyak, ndri-iy, tasah idah kameh iri amu-uk ma ndranyem kameh iniy ano iu, ma iri lau ta bahana kameh apwai asiu ma bene-ei iu.
23374	MAT 6:23	Arile, i buku none mada ado ndra-in, ya idah kameh bolo ado mara-ei idih na lulik. Ya, i buku none lomadan udu bolo ado i lulik, ya idah kameh lulik i tinan labai.”
23376	MAT 6:25	Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?
23385	MAT 6:34	Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”
23396	MAT 7:11	Ya, i buku none ou tanam ou ndra-in, arile ou tanam ta adeu lakou mwasin ili ta nadum oro; ou winiyan atanam handru, tama ado udu kandrah kameh sekesek labai ta edeu lakou mwasin ale ili toro are lau ndremenya iy!
23414	MAT 7:29	Tasah iy leheya iri i buku none ndramak tan boto-on, iy bala buku none iri lau ta leheya kandriyen malen bwe.