73	GEN 3:17	Eme iy tiye i ta i mwan, “Ou anuhun boho udum ma ou aniy buwa kei mene jo tiye anya ou saimon. Ya eme ta lakou ou ndramwesekei, i dah kameh munyak andra-i. Ya i dah kameh len ou ado kameh ou amwekes lahou boto-on boto-on ta amwekes munyak ta atah nam nyamon.
78	GEN 3:22	Ano Kindrei tiye, “Abo iri ndramak badeh ndrasahan ndra buku to ai, ndratanan saba lakou mwasin ma saba lakou ndra-in. Eme ya iy badeh sakohok buwa kei ala ta amwekes kohan udu le buku doh ma iy badeh saimon. Bakameh iy kameh kohan kudu le buku doh.”
98	GEN 4:18	Eme Inok atehei nadun ari tondrohani nyaran Irat, ya iy badeh tama Mahuja-el. Eme Mahuja-el atehei nadun mwan ari nyaran Matusa-el ya iy badeh tama Lemek.
142	GEN 6:4	Na len doh badeh ma na len eme kameh iri lau tinan tinan le, ado bwele-e munyak. Iri badeh lundriye badih awas ma lau badu kandrah. Iri badeh lau ndra handru le ma lau nyara iri tinan le, na len mene ndra-au.
198	GEN 8:14	Eme na len lunoh ndro taloh (27) badeh munyak abosar mara-ei.
267	GEN 10:32	Iri lau mari doh badeh lundriye Nowa, kon ari i buku ari asahan ta boho kamen ra-em ra-em. Kon atuh ya hamon ta aliy kon munyak badeh asahan na lundriye Nowa oro.
326	GEN 13:7	Eme iri lau ta tondrok katin haka ta Abram hawe ta Lot badeh andra-i. (Na len doh badeh iri Kenan hawe iri Perisa badeh manyah ado munyak nane doh).
327	GEN 13:8	Ano badeh Abram tiye ta Lot anya eh, “Talu badeh lowa talu, arile lau tam hawe lau tek badeh andra-i.
373	GEN 15:12	Eme an anya ki-iu ki andri badeh, Abram amadin tuk, ya lulik ma nohowan eme la-un.
397	GEN 16:15	Eme Haga atehei nadu Abram mwan; eme badeh Abram tondrohani nyaran Isma-el.
399	GEN 17:1	Na len Abram jaha tan asahan ndro ronoh ndro ari (99), Laban badeh asahan hawen tiye, “Jo dah jo Kindrei jo tek boto-on. Ou anuhun jo ma len mari badeh ou amwekes kandriyen mwasin le.
403	GEN 17:5	Nyaram kameh bala Abram bwe ai, nyaram kameh Abraham, tasah ou kameh asahan tubu iri lau badu kon munyak solo-an.
408	GEN 17:10	I dah sahou randra le tek ou samaniy, udu ndrokowak hawe ndrokowam hawe lundriyem oro: lau mwan mari badeh kasan ku-i lakou tiri ki-iu.
409	GEN 17:11	Na dah ma na len hamon eme ou badeh asan ku-i lakou ta nah ki-iu i buku len tan kasahan ndru la-uh. Iri ta lahou tam badu leheleh ma badu asiu tam ale. I doh badeh ta leheya sahou randra le udu ndrokowa talu ma la-uh.
473	GEN 19:15	Na boholen badeh oro Angelo wekewek Lot, “Suwi! Ou kuhi udum ma nadum badih ma la-uh ya ado ka-au. Eme ya ado samak, len kon kameh andrakak!”
478	GEN 19:20	Ou ndranyolom kon bwisik udu mirihik ai kodo-oh. Ma kon doh nadu bwisik, eme jo katobwak ki aliy. Ma jo kameh winiyan bamak bwe.”
488	GEN 19:30	Ano Lot hawe nadun uru badih ma la-uh badeh ruwani So-ar, eme oro ala manyah ado bolo mandrei, tasah iy badeh inoh ta manyah udu So-ar. Oro ma taloh badeh manyah ado munu bek.
526	GEN 21:12	Arile Kindrei tiye, “Ou sabudon tinan labai ta nah nadu badih ta lahou tam kede-eh. Ou badeh anuhun boho Sara asehek tam, tasah na Aisik le kameh lundriyem oro asahan.
531	GEN 21:17	Eme Kindrei anyolom i nah dah eden, eme badeh Angelo ta Kindrei udu kandrah aloh i ta Haga, “Ou ndra buku sah badeh? Ou sanoh, Kindrei badeh ndranuhun i nah eden kede-eh.
533	GEN 21:19	Ano badeh Kindrei mwesekei madan asak badeh, iy atou gwa li. Eme iy andrei bwisi gwa ili badeh asuniy ma i nah dah a-un.
539	GEN 21:25	Ano badeh Abraham eme nunu-uh Abimelek ta gwa li oro lau ta lahou ta Abimelek solo-ei.
551	GEN 22:3	Eme Abraham amak na ma ndraben, abedei ndro-o jih ano andrei i ta asun salom eme iy atehei i bwele-e katin haka donki ma andrei Aisik hawe uru lau ta lahou tan la-uh. Eme oro adek ala kon Kindrei ndratiye tan.
553	GEN 22:5	Eme badeh iy tiye i turu lau ta lahou tan, “Ah kado dah ma donki kado jo hawe Aisik badeh aru kala kodo-oh. Aru kameh ala atudun ano badeh aru barame hamon hawe ah ja.”
557	GEN 22:9	Eme uru ala asos kon mene Kindrei tiye tan badeh, iy eme tukumwi bek i loken ta asun. Ano badeh iy kuhi ndro-o jih i bwele-en. Ano badeh i sawei nadun Aisik badeh atehei iy i bwele-e ndro-o jih udu bada bek dah.
572	GEN 22:24	Udu Nahor badih ta mada san nyaran Reumah badeh atehei Tebah, Gaham, Tahas hawe Ma-akah.
574	GEN 23:2	Iy imek badeh udu Kiriyat Arba (aloh Hibron) udu munyak Kenan, eme Abraham ili moroha iy ma eden i la-un.
610	GEN 24:18	Eme iy anya, “Laban tek, Ou a-un.” Eme Rebeka suri sabok tan atehei i minen ma iy a-un.
661	GEN 25:2	Eme badeh iy atehei nadun oro badeh Simran, Joksan, Medan, Midiyen, Isbak ma hawe Su-ah.
662	GEN 25:3	Seba hawe Dedan badeh tama uru badeh Joksan; ya lundriye Dedan oro badeh aloh Asura hawe aloh Letusa ma hawe Le-uma.
663	GEN 25:4	Ya nadu Midiyen oro badeh Epah, Eper, Hanok, Abida ma hawe Elda-ah. Oro doh bu-u oro badeh Katura.
693	GEN 25:34	Ano badeh Jekop andrei jabi ramen rayah ma ndranoh ndronoha lentil i nan ma iy aimon ma iy a-un gwa ano iy suri iy ma iy iu. Iso badeh ndrakahei tanan mwasin nane ndra-au.
705	GEN 26:12	Ano Aisik badeh tahi baso udu munyak doh, eme uni udu bolo oro baso ari ari nane iy tahi doh, badeh oro ari ari ato-ou rinek rinek sakalawi bwena mene ndra-au, tasah Laban atehei nyosowan i la-un.
725	GEN 26:32	Na len doh badeh oro lau ta lahou ta Aisik asahan, ya tiye nyalan ta gwa li mene oro a-eh. Oro anya, “Aso badeh ndrasilahei gwa.”
756	GEN 27:28	Ya Kindrei atehei tam rahu badu kandrah, ma munyak ki mwasin. Iy badeh kedeu tam kalom ma wa-in solo-an.
769	GEN 27:41	Iso badeh bwalen atou Jekop handru en, tasah taman badeh ndratehei nyosowan ndra la-un. Eme iy lomondra le udu tan, “Len ta tama badeh ndrame bakep; ano badeh jo kameh idi Jekop imek.”
774	GEN 27:46	Ano badeh Rebeka tiye ta Aisik, “Jo ndrawoyah ta udu Iso badu Hita kede-eh. I buku none Jekop kasudi ari badih ki buku doh jo kameh imek.”
775	GEN 28:1	Eme badeh Aisik luhi Jekop eme ano iy batanau iy ma atehei nyosowan i tan: “Ou badeh sasoh badih badu Kenan, ndri-i.
776	GEN 28:2	Ou badeh ales ala Padan Aram, ala asiu ta tama tinem Betu-el. Ou ala sudi ari badih badu bolo nadu Leban nadu tine tinem oro badeh.
779	GEN 28:5	Ano Aisik badeh tiye Jekop ili Padan Aram i hawe Leban iu ndrine Betu-el. Leban badeh nadu tine Rebeka ya Rebeka badeh tine Jekop uru Iso.
799	GEN 29:3	I buku none len iri katin haka ame, badeh kameh iri lau ta tondrok katin haka kameh suri madan iu, ano iri a-us wa-i iri gwa. Ano ja kameh iri tundruwi bek ta madan i hamon i bwele-en.
813	GEN 29:17	Liya badeh madan mwasin, arile Rejel badeh konen labai, i buku tariye ka-ukon.
853	GEN 30:22	Ano badeh Kindrei lomondrani Rejel; iy anuhun iy, eme iy mwesekei ndrom ta ato-ou nah ja amwe-es.
886	GEN 31:12	Eme iy tiye, ‘Ou anyolom ki loke tiri me mwan amwekes mada bun hawe iri katin haka torowanan busuwen kede-eh. Jo le badeh amwekes kandriyen doh, tasah jo badeh ndranyolom kandriyen mari Leban amwekes ewek badam.
908	GEN 31:34	Rejel badeh andrei sukumada kei badu asiu ta taman badeh, tonei udu baha ndrahu manyah ta udu bwele-e kamel udu bada munyak ma iy manyah udu la-un. Leban badeh silahei bolo asiu balei mari arile iy batakalei ari lakou bwe.
977	GEN 33:16	Eme na len doh le badeh Iso, iu ili Se-ir.
1020	GEN 35:8	Ma badih ta tondrok ta Rebeka nyaran Debora badeh imek, eme ahi iy badeh udu loboho kum ta Betel baha kei o-uk. Ma tondrohani loboho doh badeh, Alon Bakut, “Kei o-uk ndrahu ndrelen.”
1021	GEN 35:9	Ano len Jekop udu Padan Aram eme hamon badeh, Kindrei asahan hawen ja ma atehei nyosowan i la-un.
1034	GEN 35:22	Isra-el oro manyah ado doh le, eme badeh nadun Ruben ili amadin hawe Bilhah, badih ta taman Isra-el ta nyeu. Eme Isra-el eme anuhun nyala aliy. Jekop badeh nadun ma ronoh la-uh.
1044	GEN 36:3	Ya Iso ale badeh sudi Basemat ya Basemat badeh nadu tine Nebayot. Uru mala-uh badeh nadu Isma-el.
1049	GEN 36:8	Eme Iso ala aloh Idom badeh manyah udu bolo mandrei ndrokowa Se-ir.
1051	GEN 36:10	Udu Iso Adah badeh atehei nah mwan ari badeh nyaran Elipas. Ano udu Elipas eme atehei nadun mwan malimeh: Oro badeh Teman, Omar, Sepo, Gatam ma hawe Kenas. Ya ta udu Elipas ari ja badeh Timna atehei nadun ari nyaran Amalek. Ya udu Iso ari ja nyaran Basemat badeh atehei nadun ari le mwan nyaran Reu-el. Ano Reu-el eme badeh tuwi nadun oro ma hahuw: Oro badeh Nahat, Serah, Samah hawe Misah.
1070	GEN 36:29	Ya i dah badeh oro lau ta budon badu Hora: oro badeh Lotan, Sobal, Sibiyon, Anah, Dison, Eser hawe Disan. Oro ari ari an munyak toro loboho munyak Se-ir.
1101	GEN 37:17	Eme ndramak dah anya, “Oro badeh ndra-au. Jo anuhun oro badeh tiye anya oro kameh ala Dotan.” Eme Josep in hamon toro ili badeh asahan hawe oro mirihik ta Dotan.
1118	GEN 37:34	Eme Jekop tikisiy ma iy sadiy awin tan eme iy asiniy awin ta tikisiy amwekes na lami me ma iy eden ndranye nadun ben solo-an.
1122	GEN 38:2	Eme udu doh badeh Juda awadei hawe badih ari badu Kenan nadu Su-a. Eme iy sudi iy ano iy amadin hawen.
1151	GEN 39:1	Ya Josep badeh ndrakuhi iy badeh ndrala Ijip. Podipa ndramak ta lau ta bolo asiu hawe ta bwena ta ndrokei sihine iy udu mine iri lau badu Isma-el. Iri mene kuhi iy ili doh.
1195	GEN 40:22	Arile iy ndramak ta amwekes jabi ramen le badeh, iy tatahiy badan. Ma tatahiy i buku none Josep mene ndrasehek ndra-au.
1197	GEN 41:1	Jaha la-uh ano badeh, kabin badu Ijip badeh ameh. Iy ameh badeh, iy ameh iy badeh ales udu gwa Na-el.
1205	GEN 41:9	Ano ndramak ta atiye wa-in tiye i ta kabin, “Jo anya kasehek tam, jo badeh ndramwekes lakou ndrandra-i.
1213	GEN 41:17	Ano badeh kabin asehek ameh tan, “Jo ameh badeh, jo badeh ales udu kapa gwa Na-el.
1246	GEN 41:50	Ben ta nyamon bwe basahan bwe le badeh, udu Josep Asenat badeh atehei nadun mwan la-uh.
1272	GEN 42:19	Ta kasilah ado tiye sahou handru badeh, ari tado kudu bolo kou kudu. Ado mari badeh ka-au kala katiye kalom ado ndrasihinei kede-eh ki na lowa tama ado ameson are kodo-oh.
1291	GEN 42:38	Arile Jekop tiye, “Naduk winiyan bawek hawe ado bwe; nadu tinen mene ndramak, eme iy le ari le udu kada-ah. Koro-an ari lakou katok tan kudu san. Ya jo badeh ndra alon, koro-an ado kameh kamwesekei jo katikisiy ma jo kimek.”
1298	GEN 43:7	Eme oro anya, “Ndramak doh ndremenya aso san solo-an. Iy ndremenya lowa aso, ano iy ndremenya anya, ‘Tama ado udu aliy? Ya nadu tine ado ari udu aliy ja de bwe?’ Eme aso badeh tiye tan: tasah aso nane bala tanan bwe, ta budon tan nane anya aso kandrei nadu tine aso nane anya kili bwe.”
1299	GEN 43:8	Ano Juda tiye i ta taman Jekop, “Ou atehei nah keme hawek, ma aso ka-au. Bwe kameh to mari amak ai.
1316	GEN 43:25	Eme oro lihidiy lakou ta i ta Josep udu le, tasah Josep badeh ndratiye, i dah kameh oro aimon nyamon hawen na mada an ronoh la-uh.
1341	GEN 44:16	Eme Juda tiye, “Ndramak tinan, aso baratiye sasah handru barawek tam? Aso kandres ou barala buku sah? Aso katiye aso bwe barala buku sah? Kindrei badeh ndranyolom aso, aso badeh ndrandra-i. I dah kameh Benjamin le ari winiyan bala bonyo-ou tam le bwe, i dah kameh aso mari.”
1364	GEN 45:5	Ya ado sanoh ma ado satehei budon ndra-in sawek tado, tasah ado mene atehei jo i ta sisih eme Ijip, ndri-i. I doh badeh Kindrei le tiyani jo eme bwena ta aseben lau mari badeh samak.
1397	GEN 46:10	Ano Simiyon ma nadun oro badeh: Jemu-el, Jamin, Ohat, Jakin, Sohar ma hawe Sa-ul. Oro doh badeh badu ndrine udun badu Kenan.
1407	GEN 46:20	Ano udu Ijip badeh Josep badeh nadun la-uh, uru badeh Manase hawe Ipra-im. Uru doh badeh au ndrine udu Josep nyaran Asenat. Ya Asenat badeh iy badih, nadu Podipera, pris badu kon On.
1442	GEN 47:21	Josep badeh mwesekei iri lau mari badu Ijip badeh asahan bonyo-ou.
1450	GEN 47:29	Ano len mirihik ta Jekop anya kimek badeh, iy luhi nadun Josep eme ano iy tiye i tan, “Josep ou atehei minem ki ndrokowa bak ma ou amwekes tandrakan ta ou badeh sahi jo sado Ijip dah ndri-i.
1477	GEN 49:3	“Ruben, ou badeh kadok tek, ma ou badeh boto-on tek Ma ou badeh kadok tek ou asahan mwena ma ou uni handru ta boto-on. Ou boto-on labai ja ta naduk mwan mari ma ou le ai.
1481	GEN 49:7	Jo batanau ah ka-i ai, tasah losen ta-ah badeh ndra-in handru Labai handru i buku siyer atohou eme i doh badeh ndra-in. Ah kameh winiyan bakohok ari munyak bwe, ma ah kameh aseker bolo munyak mari badu Isra-el dah. Ma iy ari i rasi labai ya iy ari iu i rasi labai ta lau badu Isra-el.
1490	GEN 49:16	“Dan kameh asahan ndramak ta anuhun sahou tiri lau tan, i buku none iri boho kamen ra-em ra-em badu Isra-el.
1502	GEN 49:28	Oro ma ronoh la-uh doh badeh asahan boho kamen ma ronoh la-uh badu Isra-el. Eme i dah nyosowan ta tama oro edeu i la-u oro ari ari in hamon ta kandriyen toro.
1530	GEN 50:23	Iy badeh udu anyolom nadu tubun oro badu ndrine nadun Ipra-im. Iy anyolom nadu Makir oro; Makir badeh nadu Manase. Oro doh badeh i buku none nadun oro.
7133	RUT 1:4	Nadun uru ma la-uh badeh atasou, uru andrei butuhu Mowap ma la-uh. Nyara uru badeh Opa uru Rut. Oro manyah ado Mowap badeh, winiya jaha ma ronoh.
7159	RUT 2:8	Eme Bowas tiye ta Rut i buku doh, “Naduk badih, ou anuhun, jo anya kabatanau ou. Jo bwalek ou ala anyidiu bare bali badu bilin ta ndramak ari ja. Jo aso-ok ou anyidiu bare bali badu dah le kabwai. Ou ado, ma ou abo gok hawe oro badih tek kede-eh.
7164	RUT 2:13	Rut anya, “Ou badeh amekes kandriyen mwasin labai eme tek. Ndramak tinan, ou ale batanau jo tiri sahou mwasin. Jo badih mwasin bwe, bala buku oro badih tam kede-eh. Arile ou badeh asehek sahou ta batanau eme tek ma bwidiy ndrinek udu mwasin ja.”
7196	RUT 4:4	Eme ma jo anya kanuhun ou ta aliy. Buku ou aso-ok eh, mwasin, ou sihinei na le dan, udu mada oro kabin ma ronoh manyah kede-eh. Buku ou bwalem eh, ou asehek kamwenen, tasah ou le badeh kabwai. Buku ou bwe eh, badeh kameh jo ai.” Eme iy ndreh dah anya, “Jo kame isih munyak doh.”
22620	JON 2:4	“Ou akahei jo, iu amai ili bolo ndras andri handru on! Ndras tubuluhiy jo amai mara-ei. Eme ou bwidiy goi atohou eme bwele-ek.
22621	JON 2:5	Jo eme asehek i buku doh. Ou ndratikahei jo ndra-au. Arile jo kameh atou asiu tam ndrabun ja.
22622	JON 2:6	“Goi atohou eme bwele-ek, ma bwidiy kohak anya kano. Eme ma ndras tubuluhiy jo mara-ei. Korak badu bolo ndras badeh tabuwiy batuk.
22633	JON 3:6	Sahou ili asahan le ta Kabin tiri Ninibe le badeh, iy suriy iy eme len ta koyeu tan. Iy asiniy awin tan mwasin iu, iy eme asiniy awin ndra-in ta tikisiy ili la-un. Iy ili manyah udu bolo koloweh, ta leheya tikisiy tan.
22635	JON 3:8	Taha marakon ma iri katin haka tataha badeh, kadeu awin ndra-in ta tikisiy kili bwele-e taha. Ma taha kaden boto-on kili ta Kindrei, ta kandriyen ndra-in taha amwekes, ma taha kamaniy iri kandriyen ndra-in ki-iu. Taha katehei budon kili ta Kindrei le ari.
22640	JON 4:3	“Laban, jo anya kandremenya ou, jo aso-ok ou andrei jo kimek ki-iu. Jo bwalek ta udu. Buku jo kimek, i dah kameh mwasin ai. Buku jo bamak bwe badeh, i dah kameh ndra-in.”
23258	MAT 2:20	ma iy tiye i buku doh: “Ou amak, ou andrei iy nah kede-eh hawe tinen, ado ka-u kala hamon kamanyah kado munyak Isra-el. Oro lau mene anya kanone kadai iy nah dah kimek, oro ndramak.”
23259	MAT 2:21	Eme ya Josep amak iy andrei iy nah dah ma hawe tinen oro au ala hamon ala munyak Isra-el.
23268	MAT 3:7	Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?
23277	MAT 3:16	Jon ta alomwa anyuwi Jises le badeh, ma Jises eme loken ta gwa Jodan ma nawin bwe kandrah asak, ma iy atou Malawin Mwasin ta Kindrei atah i buku ban eme andri amwenen le bwele-en ma manyah udu bwele-en.
23291	MAT 4:13	Ano iy ruwani Nasaret ma iy iu ili manyah udu Kapena-um. Ya kon doh udu mirihik ta gwa li ari udu bolo munyak ta Sebulun ma udu bolo munyak ta Naptali.
23325	MAT 5:22	Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.
23332	MAT 5:29	Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.
23333	MAT 5:30	Ya, i buku none minem salin suni ou ta amekes kandriyen ndra-in ta karei, mwasin ta ou saniy ki-iu ya ou akahei ki-iu. Mwasin ta ou sani minem salin ki-iu, ndra-in ta sakahei ou ma buruwen sala bolo jih ta udu le buku doh.”
23342	MAT 5:39	Arile jo katiye tam, ou sadeu saluwe kandriyen ndra-in ta ndramak are edeu kandriyen ndra-in ewek tam, ndri-iy. Ya i buku none are lau ubwi lim ili kapam salin, mwasin, ou tubuni kapam kamweu kili ja, ya iy kubwi lim ki aliy ale.
23352	MAT 6:1	Jises asehek ili le i buku doh, “Ado kabudon kamwenen ta ado saleheya kandriyen mwasin tado sala mada lau ta lau kamasiye ado, ndri-iy. Ya, i buku none ado leheya kandriyen mwasin tado i mada lau ta iri kamasiye ado, ado winiyan bakohok sihine ado udu mine tama ado udu kandrah bwe.
23358	MAT 6:7	Ya ado anya kasolom, ado samekes sahou solo-an, sala buku none iri lau badu leheleh asolom. Iri anya Kindrei kameh anuhun salom tiri tasah iri badeh asehek sahou solo-an.
23402	MAT 7:17	I le buku aliy, iri kei mwasin ato-ou buwa kei mwasin, arile kei ndra-in ato-ou buwa kei ndra-in.
23448	MAT 8:34	Ano ma lau mari badu kon nane dah au ala ta atou Jises. Oro atou Jises, eme ma oro ndremenya iy, ta iy karuwani kon tiri ma iy ki-iu.