22	GEN 1:22	Eme iy atehei nyosowan i tiri ma iy anya, “Iri mulin badu gwa kadeu nah ma iri kaweleyani ndras, ma iri sirih ale kasahan solo-an.”
61	GEN 3:5	Kindrei tiye badeh, tasah iy tanan i buku ou aniy kameh ou kameh asahan i buku iri Kindrei. Ma ou kameh atanam lakou mwasin ma lakou ndra-in.”
460	GEN 19:2	Eme iy tiye, “Laban, ah ma la-uh kame asiu tek tasah jo ta lahou ta ah. Ah kasikine kati ah ma ah kamadin ben ari, ano ma ndraben ah bara-au.” Eme uru anya, “Bwe ai, aru kameh amadin na ben dah ado lohalak bolo kon.”
544	GEN 21:30	Eme iy tiye, “Ou kuhiy sipsip kasen ma ndro taloh doh, tasah gwa li badeh jo a-eh.”
549	GEN 22:1	Udu hamon ta aliy badeh Kindrei none Abraham. Eme iy tiye i tan, “Abraham!” Eme Abraham anya eh, “Jo kada-ah.”
559	GEN 22:11	Angelo ta Laban aloh udu kandrah eme anya, “Abraham! Abraham!” Eme Abraham anya, “Jo kada-ah.”
610	GEN 24:18	Eme iy anya, “Laban tek, Ou a-un.” Eme Rebeka suri sabok tan atehei i minen ma iy a-un.
611	GEN 24:19	Iy atehei gwa ili iy a-un, ano badeh iy tiye, “Jo kili ka-us rayah gwa ale ki wa-i oro kamel tam winiya oro le barakoh ta a-un.”
729	GEN 27:1	Ano len Aisik i alon handru ma boto-on tan ano badeh, madan agwah ma iy winiyan banyolom kon bwe, eme iy aloh i ta nadun kadok Iso, eme iy tiye tan, “Naduk.” Eme iy anya, “Jo kada-ah.”
741	GEN 27:13	Eme badeh tinen tiye i tan, “Naduk, ou anuhun le jo, ou ala andrei me keme, losen tam badeh kameh jo ato-ou.”
747	GEN 27:19	Eme Jekop anya, “Jo tama jo kadok tam, lakou ou nane tiye jo ndramwesekei ai, ou suri ou ma ou aimon katin haka tek, eme ya ou adeu nyosowan keme la-uk.”
759	GEN 27:31	Eme iy juhiy nyamon simidin ma bwese-ei i na taman. Ano badeh iy tiye i ta taman, “Tama, ou suri ou ma ou aimon katin haka, eme ya ou atehei nyosowan tam keme la-uk.”
763	GEN 27:35	Arile taman tiye, “Nadu tinem eme wendreyani jo ma iy ndrandrei nyosowan ndra la-un.”
973	GEN 33:12	Ano Iso tiye, “Jo ki hawem ma talu ma la-uh ka-au.”
975	GEN 33:14	Abo, ou adek a bwena tek, ya jo badeh kedek kamunum ki-in hamon. Jo kameh edek amunum hawe oro bulumakau ma hawe oro nah, winiya le jo le barateu ado barado Se-ir.”
981	GEN 33:20	Ano iy tukumwi bek ta salom ma aloh “El Elohe Isra-el,” moson, “Kindrei tahi Isra-el.”
1022	GEN 35:10	Eme badeh Kindrei tiye i tan, “Ou badeh nyaram Jekop, arile i dah kameh baloh ou Jekop bwe ai, na dah kameh aloh nyaram Isra-el.”
1248	GEN 41:52	Ano ja Josep tiye, “Kindrei badeh ndratehei jo ndrasola udu munyak ta ndra-i dah; eme iy tondrohani bwaneh tan Ipra-im.”
1307	GEN 43:16	Eme badeh Josep anyolom Benjamin udu hawe oro le badeh iy tiye tiri lohowan tan ta bwena ta asiu tan, “Kandrei oro lau dah ka asiu tek. Ado kadai ari katin haka ma kajuhiy kudu le, i dah kameh oro aimon nyamon hawek na mada an ronoh la-uh.”
1320	GEN 43:29	Eme Josep anyolom nadu tinen Benjamin, tasah uru ma la-uh asahan ta badih ari le, eme iy tiye, “Iy doh nadu tine ado bahan ai, ala ado mene asehek tek en.” Eme Josep tiye, “Naduk Kindrei badeh atehei nyosowan i la-um.”
1463	GEN 48:11	Ano Jekop tiye i ta Josep, “Jo mene anya i dah kameh jo winiyan banyolom ou bwe, arile Kindrei le mwesekei jo eme badeh ndranyolom ou hawe nadum uru mwan ma la-uh.”
1471	GEN 48:19	Eme taman bwalen ma iy tiye, “Naduk jo tanan. Lundriye Manase oro kameh asahan lau boto-on ale, arile lundriye nadu tinen oro bahan kameh boto-on labai ja ta iy kadok Manase, ma lundriyen oro kameh asahan solo-an ma kameh asahan kon tinan solo-an.”
1525	GEN 50:18	Ano badeh nadu tinen oro amwenen ala badeh kandru oro aluh i tan; Eme oro anya, “Aso are madam dah aso badeh bonyo-ou.”
7150	RUT 1:21	Jo mene iu badeh, lakou tek solo-an labai. Ano Laban anya kandrei jo keme hamon ja badeh, tek ari lakou ja bwe. Ado saloh jo Nawomi ai, tasah Laban boto-on labai badeh, atehei maha-an solo-an eme la-uk.”
7158	RUT 2:7	Iy eme ndremenya jo anya, iy aso-ok ta edek in hamon tiri lau anya kanyidiu nan bali. Iy anyidiu na mandraben eme isos nane dah, eme i dah iy baramunyau adeh, in bolo mandron kodo-oh.”
7197	RUT 4:5	Bowas eme tiye i tan anya, “Buku ou kameh asih munyak udu mine Nawomi uru nyau badu Mowap, mwasin, ou andrei Rut ale kewek udum. I dah kameh munyak kudu ndra mine ado lowa iy ndramak mene ndramak ndra-au.”
22640	JON 4:3	“Laban, jo anya kandremenya ou, jo aso-ok ou andrei jo kimek ki-iu. Jo bwalek ta udu. Buku jo kimek, i dah kameh mwasin ai. Buku jo bamak bwe badeh, i dah kameh ndra-in.”
22645	JON 4:8	An eme loke udu le alih badeh, Kindrei eme ja bwidiy jor rai nyarahan labai eme ma an nyarahiy batun ma bwidiy madan abuluw, ma bwidiy iy nyamun bwe. Jona anya, “Jo kimek badeh kameh mwasin ai. Buku jo bamak bwe, badeh kameh ndra-in.”
22646	JON 4:9	Kindrei eme tiye ta Jona i buku doh: “Badamalou badeh asara eme bwidiy ou abolosen neh? Ou abolosen badeh, katin sah?” Jona eme asehek sahou ja, “Ehe, losen tek badeh amwenen. Jo ibolosen badeh, winiyan bwidiy jo kimek ki-iu.”
23234	MAT 1:21	Iy kameh tuwi nah mwan, ya ou kameh tondrohani nyaran Jises, tasah iy kameh sebenei iri lau ta karei ma lomondra ndra-in.”
23244	MAT 2:6	Arile ou Betlehem ado bolo munyak Judiya, ou basahan hamon toro kon ale nyara oro tinan udu bolo munyak Judiya bwe handru. Idah kameh ndramak ari badu hawe aha amwenen kameh asahan, ma iy kameh asahan ndramak ta atondrok iri lau tek Isra-el.”
23256	MAT 2:18	“Bohon aloh udu kon Rama, ndrelen tinan ma hawe tikisiy tinan. Resel eden ndranye nadun oro, eme ma iy bwalen lau samekes ndrinen samwenen ja ai, tasah nadun oro ndrano ndra-au.”
23450	MAT 9:2	Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”
23472	MAT 9:24	Eme Jises tiye i toro i buku doh, “Ado ka-au ka len. Iy nadu badih kede-eh bamak bwe, iy asah amadin le kede-eh.” Iri anuhun sahou tan, ma iri ehe-en iy andra-i labai.
23478	MAT 9:30	Se nawin bwe mada uru asak. Arile, Jises atehei sahou boto-on anya, “Ah sasehek nyala ari lau ja, ta lakou asahan ta ah dah, ndri-iy.”
23590	MAT 12:32	Ma are lau asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau amekes sahou ndra-in i bada Malawin Ndrabun, Kindrei winiyan bamani kandriyen ndra-in tan doh na len dah, deh na len eme hamon, bwe-en.”
23713	MAT 15:11	Saba lakou i bolo boho ari ndramak, idoh babwidi iy bandra-i bwe. Arile, lakou bohon asehek, idoh mesekei ndramak andra-i.”
23725	MAT 15:23	Arile Jises basumon iy bwe. Eme oro lau tan ame tiye tan i buku doh, “Iy badih doh arah, arah in hamon ta to eme. Ou suni iy ki-iu.”
23761	MAT 16:20	Eme Jises batanau oro lau tan boto-on labai i buku doh, “Ado sasehek nyala lakou dah sala ta ari ndramak, anya jo badeh, Krais, ndri-iy.”
23776	MAT 17:7	Arile, Jises eme mirihik toro, ma iy tawi oro ma iy anya, “Ado kareu loken, ado sanoh, ndri-iy.”
23796	MAT 17:27	Arile, kora-on to kabwidiy, ma oro kabolosen keme ta to. Ou ala kapa gwa ou akeh jai. Ari ni ou aluwiy ma bwena, idoh ou sihi bohon, ya ou kameh atou luk ari ereu bohon. Ou andrei luk doh ou ala atehei ki mine oro. Idoh ta takis ta talu ma la-uh.”
23841	MAT 19:10	Oro lau ta Jises anuhun sahou doh, ya oro asehek i buku doh, “Buku none ndramak anya ki-in hamon ta kandriyen buku doh ya iy in hawe udun, sebwe mwasin mwan satasou, ndri-iy.”
23845	MAT 19:14	Arile Jises tiye toro lau tan i buku doh, “Ado karuwani iri nah kame hawek. Ado saturuk iri, ndri-iy. Tondrok ta Kindrei badeh, tiri lau buku iri nah nadu bwisik kede-eh.”
24023	MAT 23:36	Jo asehek sahou handru ewek tado, sohowa iri kandriyen ndra-in doh kameh ewek bwele-e aha lau mwan ma badih ale kede-en.”
24144	MAT 26:21	Oro aimon nyamon kahis le, iy tiye, “Jo asehek sahou handru ewek tado, iy ari ereu bolo ado kede-eh kameh atehei jo ili mine iri lau ndra-in.”
24193	MAT 26:70	Arile Pita besebes udu mada iri lau mari anya, “Jo tanak saba sahou ou asehek kede-eh bo-oh.”
24197	MAT 26:74	Ano Pita tandrakan boto-on labai, “Jo asehek sahou handru, jo tanan ndramak badeh, bo-oh. Buku none jo wasai, Kindrei kamesekei maha-an keme la-uk.” Iy asehek sahou ano le badeh, kakaro eden.
24204	MAT 27:6	Tinan tiri pris kuhi luk nane ma iy anya, “Luk dah ta sa-oh. To satehei sala hawe luk badu bolo asiu tinan ta Kindrei, ndri-iy.”
24273	MAT 28:9	I le mani tur, Jises asahan hawe uru ma iy anya, “Ndraben ta-ah.” Uru ame mirihik tan ma tawi katin ma asolom ili tan.
24334	MRK 2:5	Eme Jises anyolom budon toro boto-on labai in tan, ya eme iy tiye sahou i ta ndramak nane badan imek anya, “Naduk, kandriyen tam ndra-in mari badeh, ndrasikine mara-ei ndra-au.”
24351	MRK 2:22	Ari ndramak winiyan basukuni waen ha-un bala bolo ku-i me malen bwe. Buku none iy amekes i buku doh, waen kameh tuburok, ma kohan kameh tarani ku-i me nane, ma waen kameh iu laleyah. Tasah waen ha-un badeh, ndrahunen ku-i me ha-un.”
24378	MRK 3:21	Eme lowan oro anuhun, ma oro anya kala kakohok iy, tasah iri lau anya, “Iy badeh, ndra lolo-ou.”
24387	MRK 3:30	Jises tiye sahou doh, tasah oro ra-on tiye anya, “Iy badeh, malawin ndra-in udu bwele-en.”
24446	MRK 5:13	Eme Jises tiye i toro, “Abo, ado ka-au.” Eme malawin ndra-in nane dah ame len ma a bwele-e bou. Ya kane oro bou doh, i buku none luwa (2,000), eme oro sakaliye are bwele-e mandrei ame andri ala bolo gwa li, ma oro amak.
24467	MRK 5:34	Eme Jises tiye i tan anya, “Nadu badih den, ou atehei budon tam handru in tek, ma mesekei ou asahan amwenen. Ou au ma ndrinem kamunum, tasah sik tam ndra-au ma ndrano mara-ei.”
24491	MRK 6:15	Iri ra-on anya ja, “Iy Alaija,” ya iri ra-on anya ja, “Iy propet, i buku none le lau ta tiye boho Kindrei bwena ndra-au o-on.”
24498	MRK 6:22	Eme budon ndra-in ta Herodiyas asahan i buku doh. Eme nadu Herodiyas badih eme bolon idi mana, eme mesekei ndrine Herot hawe iri lau nane sekesek, ya eme kabin tiye i ta nadu badih bihin dah, “Ou aso-ok sasah handru? Jo winiyan atehei saba lakou i tam i buku ou aso-ok.”
24545	MRK 7:13	Ta kandriyen doh le ado atehei sahou ta Kindrei i andri mara-ei, ma hawe lahou ra-on ja badu hawen, ya ado bwese-ei iri kandriyen solo-an ado akohok ta tubu aha iri ja eme loken mara-ei.”
24561	MRK 7:29	Eme iy tiye i tan, “Ya ta sehek ta aliy, ou au ai. Malawin ndra-in nane udu la-u nadum badih badeh, ndra-au.”
24588	MRK 8:19	Ado ndramaniy ja, ta jo mene boso-ei jabi ramen ma limeh i niri lau ma lamawa (5,000) mene deh bwe? Ya bwak sabe mene erah ado andrei?” Eme oro anya, “Ma ronoh la-uh.”
24865	MRK 14:42	Ado kareu loken, to ka-au. Ado katou, iy ndramak ta atiye jo ili mine iri lau ndra-in asah ndrasahan kede-eh.”
24891	MRK 14:68	Arile Pita anya ja, “Bwe oh, jo tanan sasah ou asehek kede-eh bo-oh.” Eme ma Pita edek eme madasan le badeh. [Eme ma kakaro eden.]
24894	MRK 14:71	Ano Pita tandrakan boto-on labai, “Jo asehek sahou handru, jo tanan ndramak ala ado asehek iy badeh, bo-oh. Buku none jo wasai, Kindrei kamesekei maha-an keme la-uk.”
24949	MRK 16:7	Arile ado kala katandra-un toro lau tan ma hawe Pita, ya iy ndra-au ndrala bwena ndrala Galili. Ya idah kameh ado winiyan anyolom iy ereu loboho doh, i buku iy mene ndrasehek tado bwena ndra-au.”
25016	LUK 1:54	Eme iy tawi tandrakan tan i tiri lau badu Isra-el, ma iy bamani tikisiy tan i ta Abraham ma lundriyen oro bwe, ta udu le buku doh, i buku iy mene ndratiye ta tubu ahi iri mene ndra-au.”
25074	LUK 2:32	Anya ma lomadan eme len, ta leheya ou ame len mada iri lau badu leheleh, ma lomadan anya i tiri lau tam, Isra-el.”
25196	LUK 5:20	Ya eme Jises anyolom budon toro handru, eme iy tiye i ta ndramak dah, “Kawas tek, kandriyen ndra-in tam ndrasikinei ndra-au.”
25307	LUK 7:43	Eme Saimon anya, “Ta budon tek badeh, ndramak nane andrei luk solo-an.” Eme Jises anya, “Ou seleya badeh, amwenen.”
25312	LUK 7:48	Ano Jises tiye i ta badih dah, “Kabwe, karei tam ndrasikinei ndra-au.”
25336	LUK 8:22	Ano na len ari ja badeh, Jises tiye i toro lau tan anya, “To ka-au kala kapa gwa bilisiu kodo-oh.” Eme oro sandroh a ndron ra-ei badeh, ma oro alakak ala bilisiu.
25344	LUK 8:30	Eme Jises ndremenya iy, “Nyaram are lau?” Eme iy anya, “Nyarak badeh, Solo-an.” Tasah, malawin ndra-in solo-an ndrado bwele-en badeh nyaran bwe.
25363	LUK 8:49	Eme iy asehek sahou kahis le, ndramak ari badu asiu ta ndramak ta batun eme tiye i ta Jairus; “Nadum badih ndramak. Ou sasehek sahou ja sala ta ndramak ta leheya badeh, ndri-iy.”
25510	LUK 11:36	Ya, i buku none sun lomatani bolo ado mari, ya sese lulik aliy bwe, idah kameh lomadan telemei kon mari. I buku none sun anya badeh, lomatani ado mara-ei.”
25807	LUK 19:7	Ya eme iri lau atou badeh, iri nunu-uh nunu-uh anya, “Aha kanyolom se! Iy badeh, ilih amadin asiu ta ndramak ari ta amekes kandriyen ndra-in.”
25810	LUK 19:10	Tasah, Nadu Ndramak Awas eme andri dah badeh, ta asilah ma ta aseben are oro taku ta kandriyen ndra-in.”
25955	LUK 22:22	Nadu Ndramak Awas kameh imek, ya sahou ta aliy bwai. Idoh in hamon ta seken ta Kindrei le. Arile sisi-in laba tinan kameh i bwele-e ndramak iy ale atehei iy ili mine iri lau ndra-in.”
25968	LUK 22:35	Ano Jises ndremenya oro anya, “Jo mene suni ado ala laleyah, ari kohoya ado bwe, ya ari kohei ndrahu luk tado bwe, ma hawe ari ku-i kati ado bwe. Eme ado andriliu ta ari lakou deh bwe?” Eme oro anya, “Bo-oh, aso bandriliu ta ari lakou bo-oh.”
25973	LUK 22:40	Oro asos badeh, Jises tiye i toro anya, “Ado kasolom ki ta Kindrei ta ado, sataku sala bolo kandriyen ndra-in.”
25979	LUK 22:46	Eme iy anya, “Ado amadin ta sasah? Ado kamak kasolom ki ta Kindrei ta ado sataku sala bolo kandriyen ndra-in.”
25990	LUK 22:57	Eme Pita besebes anya, “Ou badih den, jo tanan iy ndramak kede-eh bo-oh.”
26006	LUK 23:2	Eme iri tebeya wasai anya, “Ahi badeh, ndratakalahei ndramak dah amekes bolo manyah tiri lau tahi, bamwenen bwe. Iy tandra-un tiri lau badeh, sakeh luk sala ta Sisa, ma tiye anya, iy badeh, Krais, ma iy kabin tiri Isra-el.”
26020	LUK 23:16	Ya eme, idah kameh jo tiye iri lau ta bahun tek amekes isi i badan, ano iy bara-au.”
26026	LUK 23:22	Ano i san tulusin ja iy tiye: “Buku sah handru, saba lakou ndra-in handru iy mesekei? Ndramak dah bamesekei se ari lakou bandra-i bwe, ya iy kimek laleyah ai? Eme idah kameh oro lau ta bahun tek ubwi iy ano iy bara-au.”
26035	LUK 23:31	Iri kameh amekes lakou doh, eme badak. Ya jo kameh i buku kei nyamanyak. Ya i buku none len ndra-in handru keme kameh, ado kameh i buku kei sana-an.”
26162	JHN 1:49	Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”
26171	JHN 2:7	Jises tiye i toro bonyo-ou nane dah i buku doh, “Ado kasuni gwa kili bolo bwisi sabok ma onoh kede-eh.” Eme oro ala asuni bwisi sabok ma onoh ili irek madan.
26181	JHN 2:17	Oro lau tan ame bwetenei ja sahou udu bolo buk ndrabun asehek: “Budon tek ewek asiu tam, O Kindrei, budon tek i buku jih sulumwi bolo odak mara-ei.”
26449	JHN 7:52	Iri ame tiye sahou i tan i buku doh, “Neh? Ou badu Galili ale? Buku ou anyolom bolo buk ndrabun amwenen badeh, ari propet winiyan bame loboho Galili bwe-en.” [
26457	JHN 8:7	Iri ndremenya Jises kahis le. Ano iy suri iy ere loken ma iy asehek sahou ili tiri i buku doh, “Ya, are lau handru udu hawe aha kada-ah, iy bamekes se karei bwe-en? Iy kandrei bek, iy korowei i badih kede-eh.”
26482	JHN 8:32	Idah kameh aha atanan sahou handru, ma sahou handru kameh bwidi aha mani gok taha bonyo-ou.”
26498	JHN 8:48	Iri Juwis asehek sahou boto-on i ta Jises i buku doh, “Ahi asehek handru, ou ndramak ndra-in badu Samariya, malawin ndra-in udu bwele-em.”
26533	JHN 9:24	Iri luhi iy ndramak nane eme hamon san rasan ja, ma iri asehek i tan, “Abo, ou tandrakan, ma masiye Kindrei na dah, ma ou asehek sahou handru! Ahi tanan, iy ndramak nane bwidi madam asak, iy badeh, irek ta lomondra ndra-in.”
26720	JHN 13:21	Sahou tan ano le bohon badeh, ndrinen eden ta tikisiy. Iy eme asehek sahou amwenen ili toro lau tan i buku doh, “Jo asehek sahou handru ewek tado, iy ari ereu bolo ado kede-eh kameh atehei jo ili mine iri lau ndra-in.”
26871	JHN 18:17	Iy badih ta atondrok madasan nane doh, anyolom Pita, eme ma iy ndremenya Pita, “Sebwe ou lau ta iy ndramak kodo-oh ale, neh?” Pita eme besebes le, “Bwe, jo lau tan bo-oh.”
26898	JHN 19:4	Pailat edek eme manan ja, iy asehek sahou ili tiri san rasan ja, “Aha kanuhun, jo kameh andrei iy eme manan hawe aha ta aha kanyolom, ma aha katanan, jo badeh, basilahei ari ndra-in udu tan bwe-en.”
27016	ACT 1:24	Ano oro amekes salom anya, “Laban, ou badeh anyolom ndrine lau mari. Ou leheyani keme lewan keme taso ta are turu kasahan aposel ta amekes lahou tam ki saluwe Judas mene iy ndramak ndra-au.”
27091	ACT 3:26	Na len Kindrei tutuni lohowan tan, iy suni iy ewek taha bwena ta adeu nyosowan ewek la-u aha, ta amekes aha badeh, katubuni kona aha ki tiri kandriyen ndra-in.”
27274	ACT 8:29	Eme Malawin Ndrabun tiye Pilip anya, “Ou ala mirihik ta sau ale iri hos aliu kodo-on.”
27295	ACT 9:10	Ya udu Damaskus doh badeh, ndramak ari ta Jises udu aliy, nyaran Ananayas. Ya Laban badeh, asahan ta lele, tiye i tan anya, “Ananayas, ei!” Eme Ananayas anya, “Abo, Laban, jo udu kada-ah.”
27343	ACT 10:15	Eme Kindrei aloh san rasan ja anya, “Ou badeh, saloh anya iri lakou, Kindrei sikinei ko-ak ndra-au, ya ou saloh ko-ak udu aliy ja ai, ndri-iy.”