16	GEN 1:16	Ya eme Kindrei badeh mwesekei lakou la-uh tinan ta anya, iy mwesekei an baden eh ta atondrok len ai. Ya bun baden eh ta atondrok ben ai; ma hawe iy mwesekei iri ndrau ale.
17	GEN 1:17	Ano iy atehei lakou ta anya udu kandrah badeh ta adeu lomadan eme andri bwele-e munyak ai;
26	GEN 1:26	Ano Kindrei anya ja eh, “Ya abo i dah kameh to kamwekes ndramak awas ai; ya teheyan ma kone oro ki le buku to. Ya eme oro kameh katondrok iri ni, katondrok iri sirih ma katondrok iri katin haka ndriliu ma ndriliu bwe, bwisik ma tinan.”
38	GEN 2:7	Ano badeh Laban Kindrei rawi ndren eme loken, ano iy amwekes ndramak na aliy; ano badeh iy aluhi kohan handru i no-on ma ndramak dah asahan awas.
41	GEN 2:10	Ma gwa rawa badeh arorou, udu bolo Iden ta edeu gwa i ta bilin; ano udu doh badeh, apou i handra.
44	GEN 2:13	Ya andra gwa rawa ja aloh gwa Gihon; badeh arorou awudi kon munyak aloh Kus.
45	GEN 2:14	Ano andra gwa taloh badeh gwa Taigres; iy badeh arorou loboho an eme loken ta kon Aseriya. Ano andra gwa hahuw badeh nyaran gwa Yupretis.
47	GEN 2:16	Ano iy tiye i tan, “Ou badeh winiyan aimon buwa kei mari badu bolo bilin;
51	GEN 2:20	Eme ma iy tondrohani nyara iri sirih mari ma hawe iri katin haka mari; arile ari toro badeh mwasin ta asahan borobwar tan bwe.
52	GEN 2:21	Ano ja badeh Laban Kindrei badeh mwesekei ndramak dah amadin tuk; eme iy i ndramatinou kahis le badeh iy andrei ndruwi kabeden ari. Ano iy lowosani odan i hamon ja.
54	GEN 2:23	Ano ndramak dah anya ja eh, “Kabwe ai; i dah i buku le jo amwenen. Ndruwin andrei badeh badu ndruwik ma odan badeh badu odak amwenen. Ya eme iy badeh badih, tasah iy badeh asahan ta ndramak mwan.”
60	GEN 3:4	Eme badeh mwak anya eh, “Badeh wasai oh; ou winiyan bamak bwe.
63	GEN 3:7	Eme uru aniy le badeh, ma uru akohok tanan ma uru atanan ai, uru badeh kolau bwe; eme ma uru asowek la-u kei aloh pik i se ma uru taliye ai.
66	GEN 3:10	Eme iy anya eh, “Jo anuhun ou ado bolo bilin; eme jo inoh ma jo aton tam, tasah jo kolau bwe.”
71	GEN 3:15	“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”
80	GEN 3:24	Eme ya loboho an eme loken manan ta bilin badeh iy atehei iri angelo, lau ta ndrokei; ma samen badeh anya ili eme udu mada san ta i bolo bilin Iden, badeh ta nohowa lau same mirihik ta kei ta edeu kohan mwasin.
82	GEN 4:2	Eme ma iy atehei nah mwan; ano iy tiye, “Laban aseben jo ma nah mwan ndrasahan.” Eme iy tondrohani nyaran Ken. Ano badeh iy atehei mwan ari ja nyaran Abol. Eme badeh Abol badeh asahan ndramak ta atondrok iri katin haka, ma hawe Ken badeh asahan ndramak ta bilin.
87	GEN 4:7	I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”
102	GEN 4:22	Silah badeh edeu Tubal Ken; iy badeh tubu iri lau ta amwekes lakou ta lahou i buku samen na hayen nyikilikin. Ya nadu tinen badeh nyaran Namah.
130	GEN 5:24	Iy anuhun sahou ta Kindrei ma iy in hamon ta Kindrei handru; ano iy amai leleyah, Kindrei kuhi iy iu.
147	GEN 6:9	Ya i dah badeh nyala Nowa ai. Nowa badeh nadun mwan badeh taloh; Sem eh, Ham eh, hawe Jepet. Nowa bamwekes se lakou bandra-i bwe ai, na len iy udu loken. Iy badeh anuhun sahou ma lakou mari mwasin ta Kindrei badeh iy in hamon ta aliy le ai.
152	GEN 6:14	Ou badeh awuri ra-ei ndron na kei ki tam; ou mwesekei rum kudu aliy ano ou alesei ka-u ndron manan ma bolon.
161	GEN 7:1	Eme Laban Kindrei tiye i ta Nowa, eme iy anya eh, “Ado mari ka ndron; jo badeh anyolom ou le badeh ado bolo munyak dah, ou amwekes kandriyen mwasin.
185	GEN 8:1	Kindrei badeh balen bamani Nowa ma hawe iri katin haka nane an hawen an ndron bwe; eme iy bwidi jor atohou ma amwekes gwa i lok i andri.
196	GEN 8:12	Ano iy bini-i ben ndro taloh iu ano iy suni ban ili ja; eme ban dah ili ma ili ya iy bame hamon bwe.
204	GEN 8:20	Ano Nowa eme tukumwi bek; ano iy andrei ari ari badu tiri katin haka ma hawe iri sirih ari ari mwasin badeh iy asun iri ma buruwen in bada bek dah i nyara salom i ta Laban.
205	GEN 8:21	Eme mahu bubure salom dah mwesekei Laban sekesek handru eme ma iy tiye udu ndrinen i buku doh, “Jo kameh winiya badeu maha bame ta munyak ja bwe ai, tasah tiri lau amwekes lakou; jo tanan na len iy ma loweu le badeh budon tan ma ndra-in le. Eme ya jo kameh winiyan badai iri lau mari ja bwe ai, i buku jo mene amwekes dah ja bwe ai.”
209	GEN 9:3	Eme ado badeh kaimon iri hawe bara la-u kei; jo atehei mari doh ta nyumon tado.
210	GEN 9:4	Arile lakou ari le doh badeh ado saimon, lakou mulin ma ndra; jo anya ndri-i, ndra ki-iu op, tasah lakou doh badeh kohan ma ndrayen udu aliy.
217	GEN 9:11	Na sahou dah jo amwekes sahou randra le hawem, ya jo tandrakan jo kameh winiyan badai lakou mulin mari bwe ai, na len kon atuh bwe ai; ma badai munyak ma winiyan kon winiyan batuh ja badeh bwe ai.
236	GEN 10:1	I dah sare nadu Nowa oro; oro badeh Sem eh, Ham eh ma hawe Jepet. Hamon ta kon atuh badeh ano badeh oro nah ma taloh nadu oro udu aliy.
260	GEN 10:25	Eba badeh nadun badeh la-uh; ari badeh nyaran Pelek, tasah na len doh badeh lau badu munyak apou iri; ya iy ari ja badeh nyaran Joktan.
273	GEN 11:6	Ano ma iy anya, “Iri lau dah badeh iri rabuk le, ma iri asehek sahou randra le; I dah ma mwena ai, ta iri amwekes lakou dah. Mirihik kameh iri amwekes lakou leleyah na seken tiri ai.
334	GEN 13:15	Jo kameh edeu munyak doh i tam ma lundriyem oro kameh nyaran bwe, winiya ari lau winiyan bandromwei bwe; on badeh winiyan andromwei.
374	GEN 15:13	Eme Laban tiye i tan, “Lundriyem oro kameh a buku lau badu leheleh ado munyak len labai; oro kameh a bonyo-ou udu gwek ma i dah kameh maha ndra-in handru i la-u oro winiya jaha hanek (400).
388	GEN 16:6	Eme Abram anya eh, “Mwasin labai iy badeh ta lahou tam iy udu baha tondrok tam; Saba lakou ou anya amwekes ki tan ou amwekes ai.” Eme badeh iy amwekes tibine i ta Haga andra-i labai, eme Haga atobwak.
397	GEN 16:15	Eme Haga atehei nadu Abram mwan; eme badeh Abram tondrohani nyaran Isma-el.
413	GEN 17:15	Ano Kindrei tiye ta Abraham, “Ou badeh saloh udum Sarai ja ai; na dah ma na len eme badeh ou aloh Sara.
418	GEN 17:20	Ya ndrelen tam ta Isma-el baden eh, jo ndranuhun; jo kameh nyosowani iy handru; ma jo kameh mwesekei iy asahan sola ma kanen kameh i sola. Iy kameh asahan tama oro lau ta batun ma ronoh la-uh ma jo kameh edeu iy asahan kon rakon buruwen.
428	GEN 18:3	Ano iy anya eh, “Laban, ado sa-au ta kon tek, ado kado; jo dah ta atondrok ou.
457	GEN 18:32	Ano iy tiye, “Laban ou sabolosen; jo anya kasehek sahou san rasan le ja. Ya ki buku none lau ronoh le mwasin de bwe?” Eme iy anya eh, “Buku none lau ronoh le badeh jo winiyan basulumwi bwe.”
582	GEN 23:10	Eme Epron badeh manyah udu hawe iri Hita ndrahu kon ta atukum, mada san ta i bolon; eme iri lau mari badeh anuhun iy asehek;
587	GEN 23:15	“Laban, ou anuhun jo, munyak badeh sihinen badeh hanek (400) boroh amwekes na silba; arile lakou doh badeh talu barasehek ta aliy ndrokowa talu. Ou ahi udum.”
603	GEN 24:11	Eme iy bwidi iri kamel manyah ado andri ka-u gwa li udu manan ta kon; i doh na beyeh ai, mada an tiri badih ta ame a-us gwa.
608	GEN 24:16	Iy badeh konen labai, ma iy ma bihin le; ari lau bakohok iy bwe le. Iy edek ili gwa li, asuni sabok tan ano iy eme hamon ja badeh,
641	GEN 24:49	Eme ya, i buku none ou tikisiy Abraham eh, badeh ou asumon; ya i buku none bwe eh, badeh ou asehek tek. Eme ya jo kasilah madan san ari ja.”
642	GEN 24:50	Eme Leban hawe Betu-el uru tiye, “Tanan dah badeh badu ta Laban labai; aru badeh winiyan basehek sasah ta aliy bwe.
645	GEN 24:53	Ano badeh lau ta lahou dah badeh lihidiy gol hawe silba nyikilikin hawe ra-ei kolau ma atehei i ta Rebeka; ano iy ale edeu lakou rayah sowan tinan handru i ta nadu tine Rebeka hawe tinen.
659	GEN 24:67	Eme Aisik kuhi iy ili bolo asiu balei ta tinen Sara, ma iy andrei Rebeka i udun. Rebeka asahan udun ma iy aseken iy labai; ki buku none tinen imek badeh iy babudon bwe ai, badih ta seben iy udu aliy.
662	GEN 25:3	Seba hawe Dedan badeh tama uru badeh Joksan; ya lundriye Dedan oro badeh aloh Asura hawe aloh Letusa ma hawe Le-uma.
667	GEN 25:8	Eme Abraham jaha tan i solo-an labai ano aden taku ma iy imek; iu i hawe tubun oro.
682	GEN 25:23	Eme Laban tiye i tan, “Kon tinan munyak badeh udu ndrinem, Ma uru lau ma la-uh ado ndrinem kameh atalan; Iy ari kameh i boto-on labai ja ta iy ari, Ma iy bwele-en kameh i ta asore i bahan.”
709	GEN 26:16	Ano Abimelek anya, “Aisik, ou au ta mada aso; ou badeh tam lakou solo-an labai ma hawe ou ndra boto-on labai.”
714	GEN 26:21	Ano badeh oro ahi ari ja, eme oro andra-i manyuwa aliy le; eme tondrohani badeh Sitnah, moson, “Oro ta andra-i badu bilisiu.”
717	GEN 26:24	Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”
751	GEN 27:23	Iy bala tanan iy bala mwasin bwe, tasah lami bohan badeh i buku none nadu tinen Iso; eme badeh iy atehei nyosowan i tan.
753	GEN 27:25	Ano Aisik anya, “Naduk ou tiyani katin haka ndrajuhiy keme jo kaimon, eme ya jo kedeu nyosowan ki tam.” Eme Jekop bwese-ei ili iy aimon; ano iy andrei wa-in ili ma iy a-un le.
769	GEN 27:41	Iso badeh bwalen atou Jekop handru en, tasah taman badeh ndratehei nyosowan ndra la-un. Eme iy lomondra le udu tan, “Len ta tama badeh ndrame bakep; ano badeh jo kameh idi Jekop imek.”
782	GEN 28:8	Ano badeh Iso badeh i tanan ai, ta Aisik badeh baseken badih badu Kenan bwe;
803	GEN 29:7	Eme Jekop anya, “Ado kanyolom an udu ndra loken kahis; iri katin haka winiyan bame se bwe le kahis. Ado ka-us gwa ki toro sipsip ma ado kasariye oro ka hamon ta bwidiu ja.”
837	GEN 30:6	Ano badeh Rejel tiye, “Kindrei badeh ndramwesekei sahou ma iy ndratehei seken tek; iy badeh anyolom tikisiy tek ma iy atehei tek nah mwan.” Eme nah doh badeh tondrohani nyaran badeh Dan.
853	GEN 30:22	Ano badeh Kindrei lomondrani Rejel; iy anuhun iy, eme iy mwesekei ndrom ta ato-ou nah ja amwe-es.
861	GEN 30:30	Lakou tam sola bwe len jo eme, arile na dah ndra sola, tasah Laban atehei minen udu la-um, tasah na jo; ma loboho heh jo edek i aliy. Arile na dah badeh jo anya kasilah lakou ta aseben asiu tek ai.”
862	GEN 30:31	Eme iy lelen, “Jo katehei sasah tam?” Eme Jekop anya, “Ou sanyohan jo lakou. I buku none ou aseken tanan tek doh; jo badeh kameh atondrok katin haka tam ilih le:
881	GEN 31:7	arile tama ah badeh mwesekei wasai san ronoh ta anya kisih jo; eme Kindrei badeh bamwesekei lomondra ta amwekes isi eme tek bwe.
903	GEN 31:29	Jo badeh jo tek boto-on udu aliy ta amwekes maha ma isi ewek tam; arile na ben badeh Kindrei ta tamam badeh tiye tek, ta jo badeh balek kudu tek kamwe-es, jo badeh sasehek sahou ndra-in o sahou mwasin sawek tam ndri-i labai!
909	GEN 31:35	Eme Rejel tiye i ta taman, “Tama, ou sabolosen, jo badeh winiyan bales bare loken bwe; mada bun tek ndrasahan.” Eme iy asilah sukumada kei ta asiu tan, arile iy batakahei bwe.
913	GEN 31:39	Iri katin haka ndriliu aimon katin haka tam, arile jo bandrei bawek hawem bwe; jo le atehei saluwen. Arile ou badeh andrekei sihinen udu minek ewek na ben na len, buku none amai.
916	GEN 31:42	Ki buku none Kindrei ta tama, Kindrei ta Abraham ma Aisik bare hawek bwe; i dah nane ou suni jo ki-iu na ari minek ma katik le. Arile Kindrei badeh atou maha ma isi udu tek ma lahou tinan jo mwesekei, eme na ben mene ou atou losen tan.”
935	GEN 32:7	Ano oro lau ta tiye sahou ame hamon badeh tiye ta Jekop i buku doh, “Aso ala nadu tinem Iso tiye; iy badeh eme ta atou ou, ma lau tan ma hanek (400) ado hawen ame.”
962	GEN 33:1	Jekop anyolom ili badeh iy atou Iso hawe lau tan ma hanek (400) badeh adek ame; eme iy eme andromwoi oro nah i le winiya Liya uru Rejel hawe uru badih turu ta lahou turu.
972	GEN 33:11	Abo, ou andrei lakou tek jo andrei eme hawem dah; Kindrei badeh tikisiy jo labai, eme iy badeh atehei lakou mari dah eme tek.” Jekop eme andresei iy, andresei iy ma iy andrei.
991	GEN 34:10	Eme ya ado kado hawe aso kado munyak dah kado; ado badeh kamanyah loboho heh seken tado udu aliy ma ado badeh kamwekes sasah ki tado ma ado katiye lakou tado ta sisih kili keme.”
995	GEN 34:14	Eme oro tiye i turu, “Aso winiyan basumon bwe ai, aso winiyan bamwekes kandriyen dah bwe; Aso winiyan batehei nadu tine aso badih winiyan bala tare ku-i lakou tan ba-au bwe.
1002	GEN 34:21	Eme uru tiye, “Oro lau kede-eh kawas mwasin tato. Oro kamanyah kado munyak tato ma oro katiye sasah ki ta asih; munyak kada-ah winiya oro mari. To badeh winiyan asoh nadu oro badih ma oro ale, winiyan asoh tato.
1011	GEN 34:30	Ano badeh Jekop tiye i ta Simiyon uru Lebi, “Ah badeh ndramwesekei nono-ou ndrame tek; eme iri lau badu Kenan hawe badu Perisa ma lau mari badu munyak dah kameh mada iri andra-i eme tek. Jo badeh lau sola bwe; i buku none iri mari kase kame kamwekes bahun keme la-uk kameh, to mari kameh amak.”
1029	GEN 35:17	Eme isi ta adeu nah amaha badeh iri badih ta lahou ta nah tiye i tan, “I dah nah mwan ja, Rejel; ou sanoh.”
1043	GEN 36:2	Iso badeh Sudi badih ari badu Kenan nyaran Adah: Adah badih i ndrine Elon badu Hita, ma udu Iso Oholibamah badeh i ndrine Anah ma Anah bu-un badeh Sibiyon badu Hiba;
1045	GEN 36:4	Eme Adah badeh atehei Elipas; ano Basemat atehei Reu-el;
1048	GEN 36:7	Iy iu badeh, tasah munyak nane uru nadu tinen Jekop ado aliy doh nane winiya uru bwe; uru badeh turu katin haka solo-an labai.
1061	GEN 36:20	Ya i dah badeh lundriye Se-ir oro; Se-ir badeh badu kon Idom. Oro badeh Lotan, Sobal, Sibiyon, Anah, Dison, Eser hawe Disan. Nadu Se-ir oro doh badeh ndramak ta budon badu Hora.
1127	GEN 38:7	Arile Er nadu Juda badeh kandriyen tan badeh bamwenen ta mada Laban bwe; eme Laban idiy iy imek.
1129	GEN 38:9	Arile Onan badeh tanan, i dah kameh nah kameh bala lundriyen bwe; eme i buku none len mari iy amadin udu nadu tinen kameh gwa tan iu leleya bada munyak. Ya i dah kameh basahan nah nadu nadu tinen bwe.
1130	GEN 38:10	Kandriyen iy amwekes doh bamwenen ta mada Laban bwe; eme Laban idiy iy imek ale.
1148	GEN 38:28	Nah anya keme len badeh iy ari badeh minen eme len; eme badih ta lahou ta nah andrei kam saraman, eme iy sawei boha nah dah. Eme iy tiye, “I dah, eme len bwena.”
1154	GEN 39:4	Eme iy anyolom Josep badeh udu mwasin ta madan, eme iy asahan ndramak ta lahou tan; ano Podipa anyolom iy badeh winiyan, eme iy atehei iy atondrok asiu tan ma lakou tan mari.
1188	GEN 40:15	Bwena ndra-au badeh iri bene-ei jo udu munyak ta Hiburu eme dah; eme udu badeh jo bamwekes ari lakou bandra-i bwe, arile iri atehei jo i bolo kou leleyah.”
1189	GEN 40:16	Ano iy ndramak ta amwekes jabi ramen anuhun Josep badeh tiye moso ameh badeh mwasin, eme iy tiye ta Josep, “Jo ale ameh; Jo ameh badeh, udu bwele-e batuk badeh bwak jabi ramen ma taloh.
1199	GEN 41:3	Ano ja iy anyolom bulumakau ndro taloh ja asahan; oro doh badeh sali oro bwe, ndruwin ndruwin. Oro ame ales are hawe oro bulumakau bwena nane are kapa gwa.
1209	GEN 41:13	Eme badeh asahan i le handru; jo badeh ou atehei jo i hamon ta lahou tek, arile ou andrei bale ndramak ta bwena ta amwekes jabi ramen.”
1221	GEN 41:25	Ano badeh Josep tiye i ta kabin, “Ameh tam ma la-uh badeh moson i randra le; Kindrei badeh asehek tam ta lakou kameh iy kameh amwekes eme bakep ai.”
1226	GEN 41:30	Ano udu hamon ta aliy na jaha ndro taloh ja kameh len ta son, len kameh nyamon bwe; eme jaha mwasin mene kameh lau maniy, tasah nyamon bwe kameh weleyani kon mari.
1236	GEN 41:40	Jo kameh atehei ou atondrok munyak mari; ma iri lau mari kameh anuhun le ou. Boto-on tek badeh udu bwele-em ya boto-on tam badeh udu bahan tek.
1239	GEN 41:43	Ano iy atehei Josep manyah udu la-u sau, sau doh iri katin haka aliu, ma sau doh badu bahan ta kabin; ano iri lau ta ndrokei ta atudun adek an mwena tan aloh, “Aha kabelek! Aha kabelek!” Josep badeh ndrasahan ndramak ta atondrok munyak tinan mari badu Ijip.
1248	GEN 41:52	Ano ja Josep tiye, “Kindrei badeh ndratehei jo ndrasola udu munyak ta ndra-i dah; eme iy tondrohani bwaneh tan Ipra-im.”
1255	GEN 42:2	Jo anuhun badeh, anya Ijip badeh kalom udu aliy; eme ado kala kasih nato rayah, bwe kameh to amak ta son ai.”
1262	GEN 42:9	Eme Josep badeh abudon ameh mene iy ameh oro ma iy tiye, “Ado dah badeh ado lalou; ado ame dah ta asilah kon munyak boto-on de bwe.”
1286	GEN 42:33	Eme ndramak dah tiye, ‘I dah kameh jo kameh takaleh ado kede-eh tiye sahou handru de bwe.’ Eme iy anya, ‘Ari tado kameh kudu hawek kudu; ya ado mari kede-eh le kala katiye kalom ki na tama ado oro.’
1287	GEN 42:34	Ano iy tiye, ‘Ano ado katiyani nadu tine ado bahan keme hawek. Eme i dah kameh jo kameh i tanan ado badeh tiye sahou handru, ado badeh lalou bwe; ano ja kameh jo atehei nadu tine ado ewek hamon, ya ado kameh ado asih lakou.’”
1288	GEN 42:35	Ano oro solowei ndrom toro, eme oro mari badeh atou su-ubek toro mari eme hamon; eme oro atou su-ubek badeh, oro ma hawe tama oro badeh anoh.