57	GEN 3:1	Eme ya mwak badeh tanan tan badeh ndrala labai udu bolo iri katin haka mari ala Laban Kindrei mwesekei. Eme ya mwak lelen i badih, “Em Kindrei tiye i tam handru ta ou badeh saimon buwa kei badu bolo bilin dah?”
65	GEN 3:9	Eme Laban Kindrei aloh iy, “Ou ndraheh?”
67	GEN 3:11	“Are tiye ta ah anya, ah kolau bwe?” Kindrei ndremenya, “Ah ndrani buwa kei ala jo mene anya ah saimon en?”
69	GEN 3:13	Eme badeh Laban Kindrei lelen i badih, “Ou anya amwekes tasah?” Eme iy anya eh, “Mwak wendreyani jo ma jo iniy.”
87	GEN 4:7	I buku none ou amwekes lakou mwasin, i dah nane ou sekesek; arile ou ndramwesekei kandriyen ndra-in, eme karei ma lomondra ndra-in abe-en ou ma abwe-ek ou udu konam. Eme ou abadok doh?”
89	GEN 4:9	Ano Laban eme ndremenya Ken, “Nadu tinem ndraheh?” Eme iy anya, “Jo tanan bwe oh, jo atondrok iy ai?”
94	GEN 4:14	Ou kameh tikahei jo iu ta munyak ma ta tondrok ai, ma jo kameh edek le ai, ya are ndrondron jo kameh idi le jo ai?”
415	GEN 17:17	Eme Abraham aluh ya bulin i andri bada munyak eme iy lomondra ili ma iy akodei iy ta ehe-en anya eh, “Winiyan ari ndramak jaha tan rinek (100) winiyan mwesekei nah? Ya Sara badeh jaha tan ndro ronoh (90), ya iy winiyan tuwi ale?”
416	GEN 17:18	Eme Abraham tiye ta Kindrei, “I buku sah ou winiyan batehei Isma-el bame nah badu ndrinek bwe?”
434	GEN 18:9	Eme oro ndremenya iy, “Udum Sara ndraheh?” Eme iy anya eh, “Iy udu bolo asiu balei.”
453	GEN 18:28	Ya ki buku none lau limeh le ka-au udu baha lomonoh (50), ou winiyan sulumwi kon de bwe?” Eme Laban tiye, “I buku none jo anyolom lau hanoh limeh (45) ado aliy, badeh kameh jo winiyan basulumwi bwe ai.”
454	GEN 18:29	Eme iy ndremenya ja i tan, “I buku sah i buku none lau hanoh (40) kado aliy?” Eme iy tiye, “Buku none oro lau hanoh le, jo winiyan bamwesekei bwe.”
455	GEN 18:30	Ano Abraham tiye, “Laban ei, ou sabolosen, jo kasehek, ya i buku none tonoh (30) ado aliy?” Eme iy tiye, “Buku none oro lau tonoh le, jo winiyan bamwesekei bwe.”
456	GEN 18:31	Eme Abraham tiye, “Len ndra-au badeh jo ndrasehek sahou boto-on ndra ta Laban, ki buku none lunoh (20) ado aliy, mwasin?” Eme iy tiye, “Oro lunoh le badeh jo winiyan basulumwi kon bwe.”
457	GEN 18:32	Ano iy tiye, “Laban ou sabolosen; jo anya kasehek sahou san rasan le ja. Ya ki buku none lau ronoh le mwasin de bwe?” Eme iy anya eh, “Buku none lau ronoh le badeh jo winiyan basulumwi bwe.”
506	GEN 20:10	Ano badeh Abimelek ndremenya Abraham, “Saba katin handru ou badeh amwekes kandriyen dah?”
555	GEN 22:7	Aisik ndremenya taman Abraham, “Tama?” Eme Abraham anya, “Abo naduk sasah?” “Ndro-o jih hawe jih kada-an ai, ya sipsip ta asun ta salom ndrahe bah?”
597	GEN 24:5	Eme iy lau ta lahou tan tiye, “Ya ki buku none iy badih ki bwalen ta eme kameh ki buku sah bah?”
609	GEN 24:17	iy lau ta lahou dah edek ili suwi badeh tiye, “Ei, jo anya ka-un se gwa badu bolo sabok tam badeh?”
615	GEN 24:23	Ano iy anya, “Ou nadu are handru? Ou tiye tek asiu ta tamam badeh winiyan aso amadin aliy na ben dah de bwe?”
650	GEN 24:58	Eme oro luhi Rebeka eme, ano oro lelen iy, “Ou aseken ala hawe ndreh kede-eh de bwe?” Eme badeh iy anya eh, “Ehe, jo aseken ta ili.”
657	GEN 24:65	ma ndremenya oro lau ta lahou ta Abraham, “Are lau edek udu lobwidiu len eme, nyaha le to dah?” Eme iy lau ta lahou dah anya eh, “I doh Aisik.” Eme badeh Rebeka kuhi kolau su-i badan ma batun.
681	GEN 25:22	Eme uru nah are ndrinen badeh nyokolokon eme ma iy anya, “I buku sah lakou dah asahan tek?” Eme iy lelen Laban.
690	GEN 25:31	Eme Jekop anya eh, “Badeh jo ki kadok eh?”
691	GEN 25:32	Eme Iso tiye, “Ou anyolom, jo kimek ai! Kadok badeh ari sasah tek?”
702	GEN 26:9	Eme Abimelek luhi Aisik eme ano iy tiye, “Rebeka badeh udum handru! I buku sah ou anya, iy nadu tinem?” Eme badeh Aisik anya, “Jo lomondra koro-an na iy kameh iri kadai jo.”
720	GEN 26:27	Eme Aisik ndremenya oro, “Ado badeh mene lomondra ndra-in tado udu tek ma ado sobolei jo eme len, ya ado anya kame dah kabosah?”
746	GEN 27:18	Eme iy ili hawe taman badeh iy anya, “Tama.” Eme taman anya, “Abo naduk, Ou are badeh?”
748	GEN 27:20	Eme Aisik anya, “Naduk ou takalahei suwi i buku sah?” Eme iy tiye, “Laban Kindrei badeh atehei len mwasin tek.”
752	GEN 27:24	Eme Aisik ndremenya, “Ou dah naduk Iso handru?” Eme iy anya, “Ehe, jo handru.”
760	GEN 27:32	Eme badeh taman ndremenya Iso, “Ou are dah?” Eme iy anya, “Jo kadok tam Iso.”
764	GEN 27:36	Ano Iso anya, “Iy Jekop doh? Iy ndra bukuhiy no-ok san la-uh ai: iy asahan kadok ano na dah ja badeh, iy andrei nyosowan tek?” Ano iy ndremenya, “Nyosowan rayah ou tawiy udu kede-eh tek de bwe?”
765	GEN 27:37	Eme Aisik tiye i ta Iso, “Jo badeh atehei Jekop atondrok ou ma mwesekei lowan oro badeh asahan lau ta lahou tan. Ma jo badeh ndratehei kalom hawe wa-in ndra tan. Saba lakou udu kede-eh ja kameh jo kedeu tam, naduk?”
800	GEN 29:4	Eme Jekop badeh lelen oro lau ta tondrok katin haka, “Ado nadu tine ado badu heh?” Eme oro anya, “Aso badu Haran.”
801	GEN 29:5	Eme iy tiye, “Ado tanan Leban, iy ala nadu tubu Nahor en?” Eme oro anya, “Ehe, aso tanan iy.”
802	GEN 29:6	Ano Jekop ndremenya, “Iy mwasin de bwe?” Eme oro anya, “Ehe iy udu mwasin, ya nadun Rejel asa ma sipsip tan eme ah.”
821	GEN 29:25	Kon anya kaleu badeh Rejel bwe, Liya. Eme Jekop tiye ta Leban, “Ou amwekes sasah eme tek dah? Jo amwekes lahou tam badeh ta Rejel labai? Ou wasai jo ta sasah?”
846	GEN 30:15	Arile i tan badeh iy anya, “Ou mene ndrandrei uduk ka-i ai. Ya i dah kameh mandrake kewek la-un ale?” Eme Rejel tiye i buku doh, “I buku none ou atehei mandrake ta nadum, ou kameh amadin hawe Jekop na ben kameh.”
862	GEN 30:31	Eme iy lelen, “Jo katehei sasah tam?” Eme Jekop anya, “Ou sanyohan jo lakou. I buku none ou aseken tanan tek doh; jo badeh kameh atondrok katin haka tam ilih le:
917	GEN 31:43	Eme Leban anya, “Uru badih kede-eh naduk, oro nah kede-eh badeh naduk ma hawe oro katin haka kede-eh tek. Lakou mari udu mada kede-eh tek le ai. Ya sasah na dah jo kamwekes ki bada naduk uru hawe nadu naduk oro?”
956	GEN 32:28	Eme ndramak dah ndremenya iy, “Nyaram areh?” Eme iy anya, “Nyarak Jekop.”
958	GEN 32:30	Eme Jekop anya, “Abo, ou tiye nyaram keme tek.” Arile iy anya, “Ou anya atanam nyarak ta sasah?” Ano badeh iy atehei nyosowan i la-un udu doh.
966	GEN 33:5	Ano mada Iso i loke badeh anyolom badih hawe iri nah. Eme iy ndremenya, “Are oro are hamon ame dah?” Eme Jekop anya, “Oro doh badeh Kindrei tikisiy jo eme iy atehei eme tek.”
969	GEN 33:8	Eme badeh Iso ndremenya, “Oro lau jo ndrondron oro mene, moson i buku sah?” Eme badeh Jekop anya, “Badeh ta anya kanuhun ou sekesek tek de bwe.”
1092	GEN 37:8	Ano nadu tinen oro tiye i tan anya, “Ou kede-eh anya, i dah kameh ou a kabin ma atondrok aso ai?” Eme badeh oro badeh no-o oro atok tan labai ai, tasah ta iy asehek nyala ameh tan i toro.
1094	GEN 37:10	Ano badeh iy asehek ameh doh i ta taman, eme badeh taman arah i tan, “Ameh tam badeh i buku sah badeh? Ou abudon anya i dah kameh tinem ma nadu tinem oro hawe jo kameh kandru aso kameh i andri tam?”
1099	GEN 37:15	ndramak ari ndruni iy edek leleya eme, eme iy ndremenya Josep, “Ou takaleh sasah?”
1100	GEN 37:16	Eme badeh iy anya eh, “Jo asilah nadu tine oro. Oro badeh atondrok katin haka. Ou tanam oro ado heh de bwe?”
1138	GEN 38:18	Eme iy anya, “Saba lakou ki nyara tandrakan jo atehei tam?” Eme iy anya, “Na lakou ta balem ma ring hawe kandro tarou ta minem.” Eme iy atehei i minen ma iy amadin hawen, ano iy atehei nah i ndrinen ma ndrinen i tinan.
1141	GEN 38:21	Eme iy ndremenya iri lau nane manyah ado doh, “I badih ta mada san ala manyah udu ka-u san Ina-im ndraheh?” Eme iri anya, “Ari badih ta mada san dah bwe oh.”
1145	GEN 38:25	Ano iri andrei iy eme len, ano iy suni sahou i ta nyanan mwan Juda eme: “Jo badeh nah udu ndrinek dah nadu ndramak lakou tan dah. Ou tanam lakou dah ma tarou udu badan de bwe?”
1159	GEN 39:9	Ari lau ja bado bwele-ek ja udu asiu dah bwe, jo le. Podipa badeh batawiy ari lakou bare minen ja bwe, arile udun: Tasah ou badeh udun labai. I buku sah handru kameh jo kamwekes kandriyen ndra-in ma karei ki ta Kindrei?”
1180	GEN 40:7	Eme Josep ndremenya uru, “Ah tikisiy ta sasah na len dah?”
1260	GEN 42:7	Eme Josep badeh ndraseleyani nadu tinen oro, arile iy badeh amwekes iy i buku none iy tanan oro bwe. Eme Josep ndremenya oro boto-on, “Ado badu heh ame dah?” Eme oro anya, “Aso badeh badu Kenan, aso ame dah ta asih nyamon.”
1281	GEN 42:28	Eme iy aloh i ta nadu tinen oro, “Su-ubek tek ndrame hamon ja, asah udu mada ndrom tek kada-ah.!” Eme badeh oro abwerei labai, eme oro anya, “Kindrei amwekes sasah eme tato dah?”
1318	GEN 43:27	Ano Josep ndremenya oro, “Ado ado mwasin de bwe? Ado mene tiye tek ta tama ado, ya iy udu mwasin ale? Iy bamak bwe le, ma boto-on tan kahis le?”
1362	GEN 45:3	Ano Josep tiye i ta nadu tinen oro, “Jo dah, Jo Josep. Tama udu loken kahis le?” Arile nadu tinen oro anuhun badeh oro toroyani oro eme oro batiye sahou bwe.
1424	GEN 47:3	Eme kabin ndremenya oro, “Saba lahou tado?” Eme oro anya, “Lahou taso badeh ta atondrok iri katin haka sipsip, i buku none tubu aso oro bwena mene.
1425	GEN 47:4	Aso ame manyah ado munyak tinan dah, tasah munyak Kenan badeh nyamon bwe, ma bwidiu tiri katin haka taso ndrano. Ya eme aso ndremenya ou, ou winiyan atehei aso manyah ado loboho Gosen de bwe?”
1429	GEN 47:8	Ano kabin ndremenya Jekop anya, “Jaha tam sabe bah?”
1460	GEN 48:8	Ano badeh Jekop anyolom nadu Josep uru badeh iy ndremenya, “Nadu are uru mwan dah?”
1522	GEN 50:15	Udu hamon ta tama oro imek badeh, nadu tine Josep oro tiye, “Ki buku sah kameh i buku none Josep badeh kabudon ndra-in keme tato ma i buku none iy kamwekes budon ta amwekes ki saluwen ta kandriyen ndra-in mene to amwekes i badan?”
7148	RUT 1:19	Eme uru ma la-uh adek ala asos Betlehem. Uru asos le badeh, mani iri lau atur, eme iri badih anya, “Kede-eh Nawomi handru deh?”
7161	RUT 2:10	Ano Rut atubwa bwilindru-un ma bwilin ili andri ta munyak, ma iy anya, “Jo badih leheleh labai, buku sah ou anyolom jo, ma ou amekes mwasin eme tek?”
7183	RUT 3:9	Bowas eme aloh, “Ou are lau?” Rut eme asumon, “Jo Rut, jo badih ta gok tam ari ai. Jo tanak, ou badeh badu hawe Elimelek. I dah kameh jo aso-ok ou atondrok jo, ma ou aseben jo, ma jo kewek tam ai.”
7190	RUT 3:16	Rut ili isos kon hawe nyanan. Eme Nawomi ndremenya iy, “Naduk, ou amekes i buku sah handru?” Rut eme asehek i ta Nawomi ta iri lakou marakon Bowas amekes i tan.
22608	JON 1:8	Ano le badeh oro lau ndremenyaniy Jona, “Abo, ou tiye taso, ou bwidiy saba lakou handru? Buku sah handru laba jor ndra-in atohou eme bwele-e to? Abo, ou tiye taso, saba gok tam handru? Ou badu heh handru? Saba kon tinan tam handru? Ou badu hawe lau heh handru?”
22611	JON 1:11	Jor ma bayau atohou ili laba tinan le ai. Eme oro lau ta ndron dah ndremenyani Jona, “Aso kamwekes saba kandriyen handru kewek tam, ta bayau kameres ma aso ma ndron kasakaliye kudu mwasin?”
22641	JON 4:4	Laban eme asumon sahou ta Jona anya, “Ou abolosen badeh, katin sah?”
22646	JON 4:9	Kindrei eme tiye ta Jona i buku doh: “Badamalou badeh asara eme bwidiy ou abolosen neh? Ou abolosen badeh, katin sah?” Jona eme asehek sahou ja, “Ehe, losen tek badeh amwenen. Jo ibolosen badeh, winiyan bwidiy jo kimek ki-iu.”
23242	MAT 2:4	Eme iy aloh iri lau ado batu tinan tiri pris ma iri lau tanan ta leheya batanau malen mari ame le se ma iy lelen oro, “Mesaya kameh asahan heh?”
23275	MAT 3:14	Arile Jon bwalen, eme iy tiye i buku doh, “Ou nane anyu jo ah, anya jo kinyu ou ja?”
23440	MAT 8:26	Jises tiye i buku doh, “Ado budon tado nadu bwisik labai, i buku sah ado anoh tinan labai?” Ano iy suri iy eme loken, ma tiye sahou boto-on i ta siyer ma hawe bayau, eme ma siyer ma bayau amondrei i le rasan.
23443	MAT 8:29	Eme ya uru ndremenya Jises ma uru arah i buku doh, “Ou Nadu Kindrei, ou anya amekes sasah keme taru? Ou ame dah ta adeu sisi-in eme taru, bwena ta len amwenen ta aliy?”
23459	MAT 9:11	Eme oro Parasi atou, ma oro orou sahou i ta Jises, ma oro tiye toro lau tan buku doh, “Tasah handru ndramak ta leheya tado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”
23462	MAT 9:14	Jises hawe oro lau tan aimon nyamon kahis le badeh, oro lau ra-on ta Jon ta alomwa ame ndremenya iy i buku doh, “I buku sah handru ahi lau ta Jon hawe oro Parasi abeles ahi ta nyamon, ya oro lau tam bwe?”
23476	MAT 9:28	Jises ili bolo asiu ra-em, ma uru lau ma la-uh nane ame hawen. Ma iy ndremenyani uru, “Ah atehei budon boto-on handru ta jo winiyan mesekei ah amwenen deh bwe?” Ma uru anya, “Ehe, Laban, aru atehei budon taru handru.”
23531	MAT 11:3	ta ndremenya Jises i buku doh, “Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?”
23568	MAT 12:10	Ya in bolo asiu ta atukum nane iy ndruni ndramak ari minen raka ndramak. Iri lau ra-on anya kadeu Jises kili ta mada sahou, eme ya oro ndremenyani iy i buku doh, “Taha winiyan amekes iri lau abo sik amwenen na len ta amunyau, deh bwe?”
23581	MAT 12:23	Iri lau mari boho iri asak, ma iri anya, “Sebwe ndramak kede-eh nadu tubu kabin Debit ale taha abe-en iy ta eme kede-eh nadeh?”
23606	MAT 12:48	Jises asehek ta ndramak nane, “Ado anya tine handru, are lau bah? Ya nadu tine oro handru, lau heh bah?”
23618	MAT 13:10	Hamon ta aliy, oro lau ta Jises ame ndremenya i buku doh, “Tasah handru ou amekes sahou sokek ili tiri lau?”
23659	MAT 13:51	Ya Jises ndremenya oro i buku doh, “Sebwe ado tana ado kati sahou dah deh bwe?” Ya oro asumon i buku doh, “Ehe, aso tanan.”
23664	MAT 13:56	Ya oro nadu tinen badih mari areu hawe taha kede-eh. Eme ya buku sah handru, ya iy amekes iri lakou doh?”
23697	MAT 14:31	Suwi labai Jises atehei minen ma tawi Pita. Eme iy tiye tan i buku doh, “Ou budon tam boto-on handru bwe. Tasah handru budon la-uh asahan tam?”
23735	MAT 15:33	Eme oro lau tan tiye anya, “Kon dah lau aliy bwe. Idah kameh to kakohok jabi ramen solo-an badu heh, ya to kanyohonei iri lau solo-an an kon lomale an dah?”
23736	MAT 15:34	Eme Jises ndremenyani oro, “Nado jabi ramen sabe udu aliy?” Eme oro anya, “Ndro taloh le, ma hawe iri nadu ni rayah bwisik.”
23748	MAT 16:7	Eme oro lau tan asehek sahou ndrokowa oro amwenen, “Sebwe iy amekes sahou doh tasah to bakohok jabi ramen bwe nadeh?”
23754	MAT 16:13	Jises iu ili loboho kon tinan Sesariya Pilipai. Kala doh iy ndremenya oro lau tan i buku doh, “Iri lau anya Nadu Ndramak Awas, iy are lau handru?”
23756	MAT 16:15	Eme Jises ndremenya oro, “Ya ado amwenen anya jo are lau?”
23779	MAT 17:10	Eme oro lau tan ndremenyani iy i buku doh, “Buku sah iri lau ta leheya kandriyen tiri Juwis anya Alaija kameh eme bwena op?”
23788	MAT 17:19	Hamon ta aliy oro lau tan ame hawen, ma oro ndremenya iy i buku doh, “Buku sah handru ya aso winiyan batikahei malawin ndra-in nane iu bwe?”
23793	MAT 17:24	Hamon ta aliy Jises hawe oro lau tan ala asahan kon tinan Kapen-um. Ya iri lau ta akohok takis ta asiu tinan ta Kindrei asahan ta Pita, ya oro ndremenya iy i buku doh, “Sebwe ndramak ta leheya ado edeu luk ale i ta asiu tinan ta Kindrei nadeh?”
23794	MAT 17:25	Eme Pita asumon anya, “Ehe.” Eme Pita iu ili bolo asiu, Pita basehek sahou bwe le, Jises eme ndremenyani iy, “Saimon ou abudon buku sah? Iri kabin badu kon munyak akohok luk ta takis ere mine are lau eme? Oro akohok ere mine oro lau toro amwenen, deh, oro akohok ereu mine ndramak ari ja?”
23797	MAT 18:1	Kala doh oro lau ta Jises ame hawen ma ndremenya iy, “Are lau nyaran tinan ereu baha tondrok ta Kindrei?”
23817	MAT 18:21	Kala doh Pita eme hawe Jises ma ndremenyani iy i buku doh, “Laban, san sabe buku nadu tine kamekes ndra-in keme tek, ya jo kamani kandriyen ndra-in tan doh? Sebwe san ndro taloh le nadeh?”
23834	MAT 19:3	Eme oro Parasi rayah ame atou Jises ma oro anya kanone iy. Oro ndremenyani iy i buku doh, “Sebwe sahou batanau tataha anya, lau winiyan tikahei udun na saba katin udu budon tan amwenen nadeh?”
23838	MAT 19:7	Ya oro Parasi tiye tan i buku doh, “Ya buku sah handru Moses atehei sahou batanau eme tataha ya iy asehek anya ndramak winiyan atorou la-ukei ta amendren tasou ya iy atehei i mine badih ano iy winiyan aruwe badih iu?”
23847	MAT 19:16	Eme ndramak ari eme atou Jises ma iy anya, “Ndramak ta leheya, jo kamekes saba kandriyen mwasin handru ya jo kakohok kohan mwasin ta ereu le buku doh len mari?”
23849	MAT 19:18	Eme ndramak nane ndremenya Jises ja i buku doh, “Ou asehek ta saba sahou batanau handru?” Jises anya, “Iri sahou batanau ale anya, ‘Ou sadai ndramak samak, ou samekes karei ta badih tasou. Ou sabahana, ou sawasai, ma sadeu iri lau laleyah sala ta mada sahou, ndri-iy.