23236	MAT 1:23	“ᤛᤡᤛᤠᤍᤡᤱ ᤔᤧᤴᤇᤡᤕᤠ᤹ᤀᤡᤴ ᤔᤧᤴᤇᤢᤰᤔᤠ ᤐᤥ᤺ᤱᤅᤠᤱ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤴ ᤀᤡᤶᤔᤠᤏᤢᤀᤣᤗ ᤔᤧᤔᤧᤳᤋᤢ᤹ᤖᤥ॥ ‘ᤀᤡᤶᤔᤠᤏᤢᤀᤣᤗ’ ᤑᤠ᤹ᤀᤡᤱᤃ ‘ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ᤏᤢ ᤘᤠ᤹’ ᤐᤥ᤺ᤱᤗᤥ॥”
23244	MAT 2:6	‘ᤕᤜᤢᤍᤡᤕᤠ ᤌᤢᤶᤔᤥᤒᤠ ᤒᤧᤌᤗᤣᤜᤧᤶᤔᤣ. ᤂᤧᤏᤧ᤹ᤃ ᤕᤜᤢᤍᤡᤕᤠᤒᤠ ᤐᤠᤱᤈᤢᤶᤜᤠ᤹ᤀᤥ ᤛᤠ᤹ᤖᤡᤰ ᤁᤧᤕᤧᤰᤐᤠ ᤁᤧᤈᤥ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤒᤠᤱᤈᤢᤶᤗᤠᤶ ᤜᤠᤱᤕᤢᤰᤐᤠᤎᤡᤰ ᤋᤠ᤺ᤖᤥ. ᤂᤢᤏᤧ᤹ᤃ ᤔᤧᤸᤗᤢᤰᤁᤶᤒᤠ ᤁᤢᤀᤡᤛᤡ᤺ᤰ ᤐᤥ᤺ᤱᤅᤠᤱ ᤀᤠᤔᤏᤠ ᤀᤡᤛᤪᤠᤀᤡᤗᤡᤜᤠ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤐᤥ᤺ᤱᤗᤥ॥’”
23264	MAT 3:3	ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤠ᤹ᤖᤥ. “ᤂᤢᤏᤧ᤹ ᤀᤣ᤺ᤰᤛᤠᤍᤧᤴᤏᤥ ᤀᤰᤂᤣᤗ᤹ᤖᤡᤰ ᤁᤧᤀ᤺ᤰᤐᤠ ᤀᤡᤰᤗᤠᤖᤥ. ‘ᤍᤠᤱᤒᤠᤸᤗᤧ ᤁᤢᤔᤠᤖᤠᤶᤔᤡᤴ ᤕᤠᤖᤡᤵ ᤆᤥᤃᤧᤶᤔᤧ᤹ᤀᤠᤱ ᤁᤢᤗᤠᤶᤜᤠ᤹ ᤋᤥ᤺ᤴᤍᤥ᤺ᤴ ᤆᤥᤃᤧᤶᤔᤧ᤹᥄’”
23282	MAT 4:4	ᤁᤖ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤜᤧᤰᤁᤣ ᤔᤧᤈᤥ᤺ᤰᤁᤠᤴ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤔᤥᤛᤠᤖᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. ‘ᤔᤧᤴᤇᤠᤶ ᤕᤠᤵᤔᤡ᤺ᤱᤃ ᤁᤢᤈᤠ᤺ᤸᤗᤧᤖᤰ ᤔᤧᤜᤡᤱᤏᤧᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤏᤡᤸᤗᤧ ᤜᤡᤱ॥’”
23284	MAT 4:6	“ᤂᤧᤏᤧ᤹ ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤛᤠ᤺ᤏᤧ ᤑᤠ᤹ᤃᤪ ᤐᤡᤴᤍᤧ ᤌᤩᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ ᤂᤧᤏᤧ᤹ ᤁᤧᤗᤠᤃᤡ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤂᤧᤏᤧ᤹ ᤌᤠ᤺ᤱᤎᤠ᤺ᤱᤅᤣ ᤂᤢᤏᤡ᤹ ᤜᤢᤰᤁᤥ ᤁᤧᤶᤍᤠ᤺ᤰᤁᤠᤱ ᤁᤧᤗᤠᤱᤅᤡᤴ ᤗᤢᤱᤅᤥ ᤔᤧᤎᤠᤶᤛᤡᤱᤅᤡᤴᤗᤥ॥’”
23285	MAT 4:7	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤖ ᤛᤠᤶᤕᤥᤛᤠᤵᤗᤠᤀᤥ ᤕᤠᤶᤔᤥ ᤀᤰᤂᤣᤗ᤹ᤖᤡᤰᤁᤠᤱ ᤛᤠᤵᤋᤧᤀᤠᤱ ᤐᤳ. ‘ᤍᤠᤱᤒᤠ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧᤛᤠ᤹ᤖᤧᤴᤏᤧ᤹॥’”
23288	MAT 4:10	ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤛᤤᤋᤠᤏᤣ. ᤁᤵᤔᤥᤗᤠᤶ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤂᤧᤏᤧ᤹ ᤍᤠᤱᤒᤠ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤴᤗᤰ ᤛᤣᤘᤠ ᤔᤧᤳᤋᤧ᤹ ᤜᤧᤰᤁᤩᤠᤱ ᤂᤢᤏᤧ᤹ᤀᤡᤴᤗᤰ ᤁᤢᤛᤣᤘᤠ ᤆᤥᤃᤧ᤹ᤀᤥ॥’”
23324	MAT 5:21	ᤀᤠᤸᤗ. “ᤀᤢᤴᤇᤣ᤺ᤴ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠᤴ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ‘ᤔᤏᤠ ᤔᤧᤛᤧᤖᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤔᤏᤠ ᤁᤧᤛᤧᤵᤐᤠᤸᤗᤧ ᤂᤢᤶᤍᤡᤱ ᤂᤥ᤺ᤛᤢ᤹ᤖᤥ.’
23325	MAT 5:22	ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. ᤜᤠ᤺ᤳ ᤁᤢᤴᤛᤠ᤹ᤀᤡᤴᤏᤢ ᤁᤢᤕᤠ᤺ᤰ ᤗᤧ᤹. ᤂᤧᤸᤗᤧ ᤂᤢᤶᤍᤡᤱ ᤂᤥ᤺ᤛᤢ᤹ᤖᤥ॥ ᤕᤠᤶᤔᤥ ᤜᤠ᤺ᤳᤗᤧ ᤁᤢᤴᤛᤠ᤹ᤀᤡᤴ ‘ᤀᤍᤱ’ ᤔᤧᤳᤋᤢ᤹. ᤂᤧᤱᤃ ᤁᤧᤖᤧᤰᤏᤢ᤺ᤸᤗᤧ ᤕᤶᤒᤠ ᤕᤜᤢᤍᤡ ᤂᤠᤛᤧᤴᤗᤥ᤺ᤶᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤔᤧᤕᤧᤵᤛᤢ᤹. ᤁᤖ ᤜᤠ᤺ᤳᤗᤧ ᤁᤢᤴᤛᤠ᤹ᤀᤡᤴ ᤛᤠᤰᤔᤢᤖᤠ ᤔᤧᤳᤋᤢ᤹. ᤂᤧᤱᤃ ᤂᤧᤔᤠᤕᤱᤛᤱᤅᤥᤒᤠ ᤔᤡᤀᤥ ᤐᤣ᤺ᤰᤔᤠ ᤛᤢᤰᤗᤥ॥
23330	MAT 5:27	ᤀᤠᤸᤗ. “ᤂᤡᤏᤡ᤹ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ. ‘ᤂᤧᤏᤧ᤹ ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤈᤥᤃᤧᤴᤏᤧ᤹ᤀᤥ’
23334	MAT 5:31	“ᤕᤠᤶᤔᤥ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. ‘ᤀᤠᤳᤋᤡᤸᤗᤧ ᤔᤣᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤏᤠ᤹ᤖᤢ. ᤂᤧᤸᤗᤧ ᤏᤠ᤹ᤏᤧᤒᤠᤖᤥ ᤑᤠ᤹ᤀᤠᤱ ᤛᤠᤵᤗᤠ ᤛᤠᤵᤔᤠ ᤐᤡᤔᤠ ᤐᤥ᤺ᤱ॥’
23336	MAT 5:33	“ᤕᤠᤶᤔᤥ ᤂᤡᤏᤡ᤹ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ‘ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤔᤠᤱᤜᤧᤰᤁᤡᤴ ᤔᤧᤓᤣ᤺ᤴᤍᤧᤶᤔᤧᤴᤏᤧ᤹. ᤁᤖ ᤕᤜᤘᤣ ᤍᤠᤱᤒᤠᤴᤏᤢ ᤁᤧᤈᤥᤃᤢᤶᤒᤠ ᤔᤠᤱᤜᤧᤰᤁᤡᤴ ᤁᤧᤃᤧᤳᤋᤢᤶᤗᤀᤣ ᤐᤥ᤺ᤱᤗᤥ॥’
23340	MAT 5:37	ᤂᤡᤏᤡ᤹ ᤐᤠ᤺ᤴᤏᤡᤱᤃ ‘ᤀᤥ’ ᤏᤧ ᤑᤠ᤹ᤃᤪ ‘ᤀᤥ’ ᤐᤠ᤺ᤳᤋᤧᤶᤔᤧ᤹. ‘ᤔᤧ᤺ᤴ’ ᤏᤧ ᤑᤠ᤹ᤃᤪ ‘ᤔᤧ᤺ᤴ’ ᤐᤠ᤺ᤳᤋᤧᤶᤔᤧ᤹॥ ᤂᤧᤴᤏᤠᤱᤎᤥᤒᤠᤱᤃ ᤔᤠᤑᤧᤴᤛᤠᤶᤗᤠᤶ ᤁᤧᤍᤠ᤺ᤒᤠᤖᤥ॥”
23341	MAT 5:38	“ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ‘ᤔᤡᤰᤁᤡᤸᤗᤧ ᤁᤢᤗᤧᤰᤘᤠ ᤔᤡᤰ. ᤜᤧᤰᤁᤩᤠᤱ ᤜᤠᤒᤥ᤹ᤒᤠᤸᤗᤧ ᤁᤢᤗᤧᤰᤘᤠ ᤜᤠᤒᤥ᤹ᤒᤠ’ ᤗ᤹ᤖᤡᤰ ᤐᤠ᤺ᤳᤋᤢᤒᤠᤴ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹.
23364	MAT 6:13	ᤜᤱᤛᤠ᤹ᤔᤥ ᤀᤠᤴᤎᤠ᤺ᤛᤧᤴᤏᤧ᤹ᤀᤥ. ᤁᤖ ᤔᤠᤑᤧᤴᤛᤠᤶᤗᤠᤶ ᤀᤠᤛᤧ᤺ᤵᤋᤧ᤹ᤀᤥ॥ ((ᤌᤣᤀᤠᤱᤓᤧᤸᤗᤧ ᤜᤠᤱᤈᤢᤶ. ᤔᤢᤰᤛᤠᤶ ᤏᤢ ᤔᤡᤔᤡᤍᤡᤱᤅᤡᤴ ᤛᤍᤠᤍᤡᤱ ᤂᤧᤏᤧ᤹ᤀᤡᤴᤏᤣᤖᤥ॥))’
23406	MAT 7:21	ᤀᤠᤸᤗ “‘ᤀᤠᤍᤠᤱᤒᤣ. ᤀᤠᤍᤠᤱᤒᤣ’. ᤗ᤹ᤖᤡᤰ ᤕᤠᤵᤔᤡ ᤁᤧᤔᤧᤵᤐᤠᤜᤠ᤹ ᤁᤧᤖᤧᤰ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤔᤧᤴᤗᤠ᤺ᤳᤏᤧᤴᤗᤥ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤁᤧᤈᤥ᤺ᤰᤐᤠᤜᤠ᤹ᤖᤰ ᤔᤧᤗᤠ᤺ᤳᤗᤥ॥
23407	MAT 7:22	ᤂᤠᤛᤧᤴ ᤕᤧᤴᤏᤥ ᤕᤖᤡᤰ ᤔᤏᤠᤜᤠ᤹ ᤔᤧᤍᤠᤀᤠᤱ ᤀᤰᤂᤣ ᤔᤧᤔᤧᤳᤋᤠᤖᤥ. ‘ᤀᤠᤍᤠᤱᤒᤣ. ᤀᤠᤍᤠᤱᤒᤣ. ᤂᤧᤏᤧ᤹ ᤁᤧᤔᤡᤱᤅᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠᤖᤡᤃᤧᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤡᤱᤅᤥ ᤑᤧᤴᤛᤠᤶᤜᤠ᤹ ᤏᤠ᤺ᤳᤋᤢᤶ ᤗ᤺ᤳᤋᤢᤶᤛᤡᤶᤒᤧᤀᤠᤱ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤶᤒᤧᤖᤥ॥’
23408	MAT 7:23	ᤁᤖ ᤂᤧᤴ ᤕᤧᤶᤔᤥ ᤂᤧᤱᤜᤠ᤹ ᤀᤡᤱᤃᤠ᤹ ᤀᤰᤂᤣ ᤔᤧᤳᤋᤢᤱᤛᤡᤱ. ‘ᤂᤡᤏᤡ᤹ᤃ ᤀᤠᤵᤑᤠᤸᤗᤧᤀᤠᤱ ᤁᤢᤛᤡᤱ ᤏᤡ᤺ᤳᤏᤡᤱᤒᤠ ᤜᤥ᤺ᤵᤗᤥ॥ ᤂᤡᤏᤡ᤹ ᤐᤠᤏᤢᤍᤡᤱ ᤀᤠᤶᤒᤠᤖᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤔᤧᤴᤈᤥ᤺ᤰᤁᤣ ᤑᤧᤴ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤛᤣ. ᤁᤵᤔᤥᤗᤠᤶ ᤐᤣᤃᤧᤶᤔᤧ᤹᥄’”
23423	MAT 8:9	ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤀᤠᤱ ᤀᤠᤎᤢᤱᤎᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤘᤠ᤹ᤒᤠ ᤔᤏᤠᤀᤠᤖᤥ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤕᤢᤰᤁᤥ ᤌᤰᤛᤢᤒᤠᤜᤠ᤹ ᤔᤧᤘᤠ᤹ᤖᤥ॥ ᤀᤡᤱᤃᤠ᤹ ᤌᤰᤛᤢᤒᤠᤴ ‘ᤐᤣᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤐᤣ᤺ᤰ. ᤘᤣ᤹ᤛ᤻ᤔᤠᤴ ‘ᤑᤧᤖᤧ᤹’ ᤔᤧᤳᤋᤢᤱᤅᤡᤸᤗᤧ ᤑᤧᤴ. ᤜᤧᤰᤁᤩᤠᤱ ᤀᤠᤛᤣᤘᤠᤖᤥᤒᤠᤴ ‘ᤂᤧᤴ ᤆᤥᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤂᤧᤸᤗᤧ ᤆᤥᤃᤢ᤹ᤖᤥ॥”
23453	MAT 9:5	‘ᤁᤧᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧ’. ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ. ᤀᤡ ‘ᤐᤥᤃᤧ᤹ᤀᤠᤱ ᤌᤠᤛᤡᤱᤅᤧ᤹’ ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ᥅
23493	MAT 10:7	ᤂᤡᤏᤡ᤹ ᤁᤧᤒᤣᤃᤡᤸᤗᤧ ᤁᤴ ᤛᤢᤏᤠᤀᤡᤱᤅᤡᤴ ᤛᤧ᤺ᤛᤧᤶᤔᤧ᤹ᤀᤥ–‘ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤴ ᤏᤡ᤺ᤳᤋᤠᤱᤅᤣ ᤘᤠ᤹॥’
23498	MAT 10:12	ᤂᤧᤴ ᤜᤡᤶᤔᤥ ᤁᤧᤗᤠ᤺ᤛ᤻ᤛᤡᤸᤗᤧ ᤔᤏᤠᤜᤠ᤹ᤏᤢ ‘ᤛᤏᤠᤖᤢᤱ ᤁᤧᤄᤥ᤺ᤛᤢᤶᤏᤡᤖᤥ’ ᤗ᤹ᤖᤡᤰ ᤛᤣᤘᤠ ᤔᤕᤧᤶᤔᤧ᤹ᤀᤥ॥
23538	MAT 11:10	ᤛᤠᤶᤕᤥᤛᤠᤵᤗᤠᤀᤥ ᤕᤢᤜᤢᤴᤏᤠᤖᤧ ᤁᤢᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤐᤳ. ‘ᤀᤡᤱᤃᤠ᤹ ᤀᤠᤀᤡᤱᤛᤠᤒᤠᤴ ᤁᤧᤗᤠᤶᤔᤡᤴ ᤕᤠᤖᤡᤵ ᤆᤥ᤺ᤰᤛᤧ ᤂᤧᤏᤧ᤹ᤏᤢ᤺ᤸᤗᤧ ᤋᤃᤡ ᤐᤠᤱᤄᤢᤱᤗᤥ॥’
23545	MAT 11:17	‘ᤂᤡᤏᤡ᤹ ᤗᤠᤃᤡ ᤀᤠᤏᤡᤃᤧ ᤁᤣ ᤜᤡᤵᤔᤏᤠ. ᤁᤖ ᤂᤡᤏᤡ᤹ ᤁᤧᤴᤗᤠ᤺ᤰᤂᤡᤴ. ᤜᤧᤰᤁᤩᤠᤱ ᤀᤠᤏᤡᤃᤧ ᤔᤣᤖᤡᤱ ᤌᤰᤔᤏᤠ. ᤁᤖ ᤂᤡᤏᤡ᤹ ᤁᤧᤴᤜᤠᤒᤡᤴ॥’
23547	MAT 11:19	ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤱᤃ ᤆᤠᤱᤗ ᤌᤢᤅᤢᤱᤗ ᤋᤩᤠᤱ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤀᤰᤂᤣ ᤔᤧᤒᤠ᤺ᤳᤋᤢ. ‘ᤂᤧᤱᤃ ᤋ᤺ᤰ ᤌᤧ᤺ᤰᤁᤣ ᤏᤢ ᤌᤡ᤺ᤔᤛᤠᤱᤗᤥ. ᤀᤣ᤺ᤱᤕᤠᤱ ᤁᤧᤓᤥ᤺ᤱᤒᤠᤜᤠ᤹ ᤏᤢ ᤗᤠᤕᤥᤒᤠᤜᤠ᤹ᤖᤧ ᤂᤢᤏᤡ᤹ ᤆᤢᤶᤗᤥ॥’ ᤁᤖ ᤏᤡᤱᤘᤠ᤹ᤑᤢ ᤛᤡᤰᤁᤢᤶᤍᤡᤱ ᤏᤡᤱᤘᤠ᤹ᤀᤡᤱᤃ ᤁᤢᤕᤠ᤺ᤶᤒᤰᤁᤥᤗᤠᤶ ᤂᤧᤴ ᤏᤡᤛ᤻ᤛᤣ ᤆᤥ᤺ᤰ ᤑᤠ᤹ᤀᤠᤱ ᤏᤡ᤺ᤍᤧᤳᤗᤥ॥”
23602	MAT 12:44	ᤀᤰᤂᤣ ᤔᤧᤳᤇᤡᤱᤗᤥ. ‘ᤀᤡᤱᤃᤠ᤹ ᤗᤧᤖᤢᤱᤒᤠ ᤔᤏᤠ᤺ᤸᤗᤥᤀᤣ ᤏᤢ᤺ᤱᤅᤠ ᤐᤣ᤺ᤰᤁᤠᤖᤥ॥’ ᤜᤧᤰᤁᤩᤠᤱ ᤂᤧᤴ ᤂᤧᤵᤔᤥ ᤏᤢ᤺ᤱ ᤋᤠ᤺ᤸᤗᤧ ᤋᤃᤡ ᤕᤠᤃᤧᤒᤠ ᤋᤧᤴᤏᤡᤴ ᤁᤢᤄᤠᤗᤧᤶ. ᤔᤧᤍᤢᤃᤢᤒᤠ ᤏᤢ ᤏᤢ᤺ᤒᤠ ᤔᤧᤈᤥᤃᤢᤒᤠ ᤏᤡ᤺ᤛᤢ᤹॥
23623	MAT 13:15	ᤌᤣᤀᤠᤱᤓᤧᤸᤗᤧ ᤁᤴ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤂᤠᤛᤡᤱᤅᤡᤴ ᤁᤧᤎᤢᤱᤒᤠ ᤐᤥ᤺ᤰᤂᤧᤀᤠᤱ ᤘᤠ᤹॥ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤧᤰᤂᤥ᤹ᤒᤠᤴ ᤌᤠᤰᤋᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤂᤢᤏᤡ᤹ ᤔᤡᤰᤁᤡᤴ ᤀᤡᤶ ᤔᤧᤔᤧᤳᤋᤢᤀᤠᤱ ᤘᤠ᤹॥ ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤧᤰᤂᤥ᤹ᤒᤠᤸᤗᤧ ᤔᤧᤄᤧᤵᤛᤢᤒᤠ ᤏᤢ ᤔᤡᤰᤁᤡᤸᤗᤧ ᤔᤧᤏᤡ᤺ᤛᤢᤒᤠᤔᤧᤴ. ᤜᤧᤰᤁᤩᤠᤱ ᤂᤢᤏᤡ᤹ ᤛᤡᤰᤗᤢᤱᤔᤠᤀᤥ ᤁᤢᤛᤡᤱ ᤔᤧᤏᤡ᤺ᤳᤋᤢᤀᤠᤱ ᤀᤡᤱᤃᤠ᤹ ᤗᤧᤵᤔᤠᤱ ᤔᤧᤏᤢ᤺ᤰᤂᤧᤒᤠᤔᤧᤴ. ᤜᤧᤰᤁᤩᤠᤱ ᤀᤡᤱᤃᤠ᤹ ᤂᤧᤱᤜᤠ᤹ ᤘᤣ᤺ᤴᤍᤢᤱᤛᤡᤱᤔᤧᤴ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤖᤥ॥’
23635	MAT 13:27	ᤜᤧᤰᤁᤩᤠᤱ ᤛᤣᤘᤠᤖᤥᤒᤠᤜᤠ᤹ ᤗᤠᤈᤣ᤹ ᤍᤠᤱᤒᤠᤸᤗᤥ ᤔᤧᤍᤩᤧᤀᤠᤱ ᤛᤣ᤺ᤴᤔᤧᤍᤥᤛᤢ. ‘ᤀᤠᤍᤠᤱᤒᤣ. ᤂᤧᤏᤧ᤹ᤃ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥ ᤔᤠᤛᤡ ᤕᤠ᤹ᤖᤡ᤺ᤶᤒᤠᤖᤰ ᤁᤧᤗᤧᤵᤋᤢᤀᤠᤱ ᤏᤧᤛ᤻ᤛᤧ ᤔᤧ᤺ᤶᤒᤡ. ᤁᤖ ᤀᤠᤰᤂᤣᤀᤠᤱ ᤔᤠᤗᤧ᤺ᤴᤍᤥ᤺ᤴᤏᤠᤱ ᤗᤡᤅᤧᤒᤣ᥅’
23636	MAT 13:28	ᤂᤢᤏᤧ᤹ ᤏᤥᤃᤵ ᤐᤡᤖᤢᤛᤡ. ‘ᤂᤧᤱᤃ ᤏᤡᤱᤔᤡ᤺ᤸᤗᤧ ᤜᤧᤰᤁᤣ ᤆᤥᤃᤢᤒᤠᤖᤥ॥’ ᤛᤣᤘᤠᤖᤥᤒᤠᤜᤠ᤹ᤖᤧ ᤂᤢᤏᤧ᤹ ᤕᤠᤶᤔᤥ ᤛᤣ᤺ᤴᤔᤧᤍᤥᤛᤢ. ‘ᤂᤧᤴ ᤔᤠᤗᤧ᤺ᤴᤍᤥᤜᤠ᤹ ᤀᤠ᤺ᤰᤂᤢᤶᤍᤣ᤺ᤛᤢᤶᤒᤧ ᤗ᤹ᤖᤡᤰ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤒᤡ᥅’
23638	MAT 13:30	ᤆᤠᤛᤢᤶᤔᤠ ᤕᤧᤶ ᤌᤠᤖᤡᤰ ᤏᤧᤵᤔᤠᤱ ᤛᤥᤛᤥᤖᤡᤰ ᤐᤥᤛᤡᤖ॥ ᤜᤧᤰᤁᤩᤠᤱ ᤂᤧᤴ ᤕᤧᤶᤔᤥ ᤆᤠᤃᤧᤛᤢᤶᤒᤠᤜᤠ᤹ ᤁᤧᤖᤧᤰᤏᤢ ᤋᤃᤡ ᤔᤠᤗᤧ᤺ᤴᤍᤥᤜᤠ᤹ ᤀᤠ᤺ᤰᤂᤧᤶᤔᤧ᤹ᤀᤠᤱ ᤀᤡᤓᤢᤳᤋᤧᤶᤔᤧ᤹ ᤜᤧᤰᤁᤩᤠᤱ ᤔᤡᤀᤥ ᤗᤠᤵᤑᤢ᤺ᤛᤧᤶᤔᤧ᤹ ᤜᤧᤰᤁᤩᤠᤱ ᤔᤠᤛᤡ᤺ᤴ ᤛᤢᤵᤛᤧᤶᤔᤧ᤹ᤀᤠᤱ ᤆᤠᤕᤠᤱᤔᤠᤀᤥ ᤕᤠ᤺ᤰᤋᤧᤶᤔᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢᤱᤛᤡᤱᤗᤥ॥’”
23706	MAT 15:4	ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ᤹. ‘ᤁᤧᤶᤒᤠ ᤁᤧᤶᤔᤠᤛᤡ ᤔᤡᤱᤛᤥ ᤀᤡᤱᤎᤠ᤺ᤱ ᤐᤡᤖᤧᤛᤧ᤹’ ᤜᤧᤰᤁᤩᤠᤱ ‘ᤀᤠᤳᤋᤡᤸᤗᤧ ᤁᤢᤶᤒᤠ ᤁᤢᤶᤔᤠᤛᤡ ᤛᤠᤱᤃᤪᤠ ᤔᤧᤳᤋᤢᤛᤡ᤹. ᤂᤧᤱᤃ ᤛᤧᤵᤔᤠᤀᤣ ᤐᤥ᤺ᤱᤗᤥ॥’
23711	MAT 15:9	ᤁᤱᤜᤠ᤹ᤖᤧ ᤜᤏᤧᤀᤣ ᤛᤣᤘᤠ ᤔᤧᤈᤥ᤺ᤰᤁᤠ. ᤁᤖ ᤔᤧᤜᤢ᤹ᤖᤢᤛᤡᤒᤠ ᤏᤡᤛᤠᤶᤔᤡᤱᤃ ᤔᤧᤴᤇᤠᤶ ᤕᤠᤵᤔᤡᤖᤧ ᤀᤠᤵᤑᤣ᤺ᤰ ᤔᤧᤈᤥᤃᤢᤒᤠ ᤌᤡᤶᤖᤰᤗᤥ॥’”
23789	MAT 17:20	ᤕᤧᤛᤢᤖᤧ ᤔᤧᤳᤋᤢᤛᤡ. “ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤏᤛᤠ᤺ᤴᤏᤡᤴ ᤛᤢ᤺ᤴᤗᤥ॥ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤂᤡᤏᤡ᤹ ᤏᤛᤠ᤺ᤴᤏᤡᤴ ᤕ᤺ᤱᤃᤣ᤹ ᤕᤠ᤹ᤖᤡ᤺ᤶᤒᤠᤎᤡᤰ ᤕᤠ᤺ᤳᤇᤠᤱ ᤁᤴ ᤁᤥ᤺ᤰᤔᤠᤴ ‘ᤂᤧᤵᤔᤥᤗᤠᤶ ᤂᤧᤳᤇᤡᤱᤅᤧ᤹’ ᤁᤧᤔᤧᤳᤋᤢᤶᤔᤡᤸᤗᤧ. ᤂᤧᤴ ᤂᤧᤳᤇᤡᤱ ᤐᤣ᤺ᤰᤗᤥ॥ ᤜᤧᤰᤁᤩᤠᤱ ᤂᤡᤏᤡ᤹ᤗᤠᤶᤒᤠ ᤐᤥ᤺ᤱᤔᤠ ᤔᤧᤴᤇᤢᤰᤔᤏᤠ ᤌᤣᤀᤠᤱ ᤜᤥ᤺ᤵᤗᤥ॥”
23812	MAT 18:16	ᤁᤖ ᤂᤧᤏᤧ᤹ ᤁᤧᤒᤠ᤺ᤴᤏᤡᤴ ᤔᤧᤄᤧᤵᤛᤢᤴᤏᤧ ᤑᤠ᤹ᤃᤪ ᤂᤧᤏᤧ᤹ᤏᤢ ᤘᤣ᤹ ᤌᤡᤰᤐᤠ ᤀᤡᤃᤪ ᤏᤧᤵᤑᤢ ᤋᤣ᤹ᤖᤧᤛᤧ᤹ᤀᤠᤱ ᤕᤠᤶᤔᤥ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠ᤺ᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ. ‘ᤏᤧᤵᤑᤢ ᤀᤡᤃᤪ ᤛᤢᤶᤛᤡ ᤋᤥ᤺ᤴᤍᤡᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤁᤧᤖᤧᤰ ᤐᤠ᤺ᤴᤜᤠ᤹ᤖᤧᤴ ᤏᤡ᤺ᤴᤎᤥ ᤆᤥ᤺ᤰᤔᤠ ᤐᤥ᤺ᤱᤗᤥ॥’
23822	MAT 18:26	ᤁᤖ ᤂᤧᤴ ᤛᤣᤘᤠᤖᤥᤒᤠᤴ ᤜᤠᤱᤅᤡᤸᤗᤧ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤐᤣᤗᤡ ᤑᤠᤰᤋᤢ. ‘ᤀᤠᤍᤠᤱᤒᤣ. ᤀᤡᤱᤃᤠ᤹ ᤏᤠᤛᤡ ᤌ᤺ᤳᤋᤠᤱᤅᤧ᤹ᤀᤠᤱ ᤁᤢᤓᤠ ᤕᤧᤶ ᤌᤠᤖᤡᤰ ᤜᤠᤱᤄᤠᤱᤅᤧ᤹ᤀᤥ᥄ ᤀᤡᤱᤃᤠ᤹ ᤁᤧᤕᤠᤱᤅᤡᤴ ᤁᤧᤖᤧᤰ ᤜᤢᤅᤢᤱ ᤐᤡᤏᤧᤖᤥ॥’
23824	MAT 18:28	ᤜᤧᤰᤁᤩᤠᤱ ᤂᤧᤴ ᤛᤣᤘᤠᤖᤥᤒᤠᤴ ᤗᤠ᤺ᤰᤁᤠᤳ ᤗ᤺ᤴᤍᤧᤸᤗᤧ ᤁᤡᤵᤌᤡᤰ ᤕᤢᤵᤐᤠ ᤕᤠᤱᤀᤡᤳᤇᤡ ᤁᤢᤛᤡᤱᤏᤠ᤺ᤳ ᤁᤧᤒᤵᤐᤠ ᤁᤢᤴᤈᤢᤶ ᤛᤣᤘᤠᤖᤥᤒᤠᤴ ᤋᤢᤔᤢ॥ ᤜᤧᤰᤁᤩᤠᤱ ᤂᤧᤸᤗᤧ ᤂᤧᤴ ᤁᤢᤴᤈᤢᤶ ᤛᤣᤘᤠᤖᤥᤒᤠᤴ ᤑᤳᤋᤢᤖ ᤁᤢᤛᤡᤳᤗᤠ᤺ᤴ ᤕ᤹ᤖᤢᤀᤠᤱ ᤀᤰᤂᤣ ᤔᤧᤳᤋᤢ. ‘ᤀᤡᤱᤃᤠ᤹ᤀᤥᤏᤢ ᤁᤧᤍᤣ᤹ᤖᤢᤒᤠ ᤛᤡᤱᤏᤠ᤺ᤳᤋᤡᤴ ᤀᤠᤸᤗᤥᤛᤠ ᤜᤢᤅᤧ᤹॥’
23825	MAT 18:29	ᤂᤧᤸᤗᤧ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤐᤣᤗᤡ ᤑᤠᤰᤋᤢᤖ ᤔᤧᤳᤋᤢ. ‘ᤆᤢᤶᤔᤣ. ᤀᤡᤱᤃᤠ᤹ ᤏᤠᤛᤡ ᤌ᤺ᤳᤋᤠᤱᤅᤧ᤹ᤀᤠᤱ ᤁᤢᤓᤠ ᤕᤧᤶ ᤌᤠᤖᤡᤰ ᤜᤠᤱᤄᤠᤱᤅᤧ᤹ᤀᤥ᥄ ᤀᤡᤱᤃᤠ᤹ ᤁᤧᤕᤠᤱᤅᤡᤴ ᤁᤧᤖᤧᤰ ᤜᤢᤅᤢᤱᤗᤥ॥’
23829	MAT 18:33	ᤁᤖ ᤂᤧᤏᤧ᤹ ᤗᤢᤱᤔᤠ᤹ ᤋᤢᤰᤏᤧᤒᤠ ᤁᤢᤀᤡᤛᤡ᤺ᤰᤁᤣ ᤂᤧᤏᤧ᤹ᤀᤠᤱ ᤁᤧᤴᤈᤢᤶ ᤛᤣᤘᤠᤖᤥᤒᤠᤴ ᤗᤢᤱᤔᤠ᤹ ᤋᤢᤰᤔᤠ ᤔᤧᤒᤥ᤺ᤱᤏᤧᤶᤒᤡ᥅’
23835	MAT 19:4	ᤕᤧᤛᤢᤖᤧ ᤔᤧᤳᤋᤢᤛᤡ. “ᤔᤧ᤺ᤶᤒᤧ᥄ ᤛᤠᤶᤕᤥᤛᤠᤵᤗᤠᤀᤥ ᤁᤧᤒᤵᤐᤠ ᤐᤠ᤺ᤴᤏᤡᤴ ᤂᤡᤏᤡ᤹ ᤔᤧᤴᤏᤡ᤺ᤳᤋᤣ ᤁᤧᤘᤕᤡ᤹ᤒᤡ᥅ ᤆᤀᤡ᤺ᤳᤍᤠᤱᤒᤠᤸᤗᤧ ᤁᤢᤜᤣ᤺ᤰᤛᤡᤱᤔᤥᤀᤣ ‘ᤂᤧᤱᤜᤠ᤹ ᤕᤧᤶᤒᤡᤳᤇᤠ᤹ ᤏᤢ ᤔᤧᤴᤇᤢᤔᤠ᤹ ᤆᤥᤃᤢᤛᤡᤖᤥ॥’
23836	MAT 19:5	ᤜᤧᤰᤁᤩᤠᤱ ‘ᤂᤧᤸᤗᤧ ᤆᤥᤃᤢᤸᤗᤧ ᤕᤧᤶᤒᤡᤳᤇᤠ᤹ᤀᤡᤸᤗᤧ ᤁᤢᤶᤒᤠ ᤏᤢ ᤁᤢᤶᤔᤠᤛᤡ ᤗᤧᤖᤢᤛᤡᤀᤠᤱ ᤁᤢᤔᤣ᤺ᤳᤋᤡᤴᤏᤢ ᤋᤱᤗᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤳᤇᤠ ᤌᤰ ᤐᤥ᤺ᤱᤛᤡᤖᤥ॥’
23838	MAT 19:7	ᤂᤧᤱᤜᤠ᤹ᤖᤧ ᤛᤣ᤺ᤴᤔᤧᤍᤥᤛᤢ. “ᤜᤧᤰᤁᤣᤏᤧ ᤑᤠ᤹ᤃᤪ ᤌᤣᤀᤠᤱ ᤔᤥᤛᤠ᤺ᤸᤗᤧ ‘ᤕᤧᤶᤒᤡᤳᤇᤠ᤹ᤀᤡᤸᤗᤧ ᤁᤢᤔᤣ᤺ᤳᤋᤡᤴ ᤀᤡᤱᤃᤠ᤹ ᤏᤠ᤹ᤏᤧᤒᤠᤖᤥ ᤑᤠ᤹ᤀᤠᤱ ᤛᤠᤵᤗᤠ ᤛᤠᤵᤋᤢᤀᤠᤱ ᤐᤠᤱᤔᤠᤍᤣ᤺ᤔᤠ ᤛᤢᤰᤋᤢ᤹’ ᤗ᤹ᤖᤡᤰ ᤛᤠᤵᤋᤢᤒᤠᤒᤣ᥅”
23865	MAT 20:4	ᤔᤧᤳᤋᤢᤛᤡ. ‘ᤂᤡᤏᤡ᤹ᤀᤠᤱ ᤐᤣᤃᤧᤶᤔᤧ᤹ᤀᤠᤱ ᤀᤠᤈᤧᤸᤗᤧᤰᤛᤣ᤹ ᤀᤡᤰᤁᤥ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥ ᤂᤡᤏᤡ᤹ ᤂᤥ᤺ᤔᤠ ᤁᤧᤕᤠ᤹ᤖᤡᤒᤠ ᤕᤠᤱᤅᤡᤴ ᤐᤡᤏᤡᤱᤗᤥ॥’
23867	MAT 20:6	ᤕᤠᤱᤛᤡ ᤁᤢᤔᤢᤰ ᤅᤠᤛᤡ (᥋) ᤔᤢᤰᤋᤧᤖ ᤐᤳᤇᤧᤸᤗᤧ ᤂᤢᤏᤧ᤹ ᤐᤠᤱᤈᤢᤶᤔᤥ ᤐᤣ᤺ᤸᤗᤧ ᤔᤏᤠᤜᤠ᤹ ᤌᤣᤀᤠᤱ ᤔᤧᤴᤈᤥ᤺ᤰᤁᤣ ᤔᤧᤘᤕᤧ ᤔᤧᤃᤳᤋᤧᤒᤠ ᤕᤠᤶᤔᤥ ᤏᤡ᤺ᤛᤢᤛᤡᤀᤠᤱ ᤛᤣ᤺ᤴᤍᤥᤛᤢᤛᤡ. ‘ᤀᤠᤀᤡᤴ ᤌᤣᤀᤠᤱ ᤂᤡᤏᤡ᤹ ᤏᤠᤶᤎᤠᤎᤠ ᤕᤠ᤺ᤶᤒᤰ ᤁᤧᤴᤈᤥᤃᤡᤴᤒᤠᤒᤣ᥅’
23868	MAT 20:7	ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. ‘ᤌᤣ᤺ᤴ ᤆᤥ᤺ᤰᤔᤠᤒᤣ. ᤀᤠᤏᤡᤃᤧ ᤀᤠᤳᤋᤡᤸᤗᤧᤀᤠᤱ ᤕᤠ᤺ᤗᤡᤰ ᤕᤠᤵᤔᤡ ᤔᤧᤛᤠᤅᤡᤃᤧᤴᤗᤥ॥’ ᤂᤧᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ. ‘ᤜᤧᤰᤁᤣᤏᤧ ᤑᤠ᤹ᤃᤪ ᤂᤡᤏᤡ᤹ᤀᤠᤱ ᤐᤣᤃᤧᤶᤔᤧ᤹ᤀᤠᤱ ᤀᤠᤈᤧᤸᤗᤧᤰᤛᤣ᤹ ᤀᤡᤰᤁᤥ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥’
23869	MAT 20:8	ᤜᤧᤰᤁᤩᤠᤱ ᤕᤢ᤺ᤴᤇᤡᤰ ᤐᤥ᤺ᤰᤂᤧᤸᤗᤧ ᤂᤧᤴ ᤆᤧᤸᤗᤧᤰᤛᤣ᤹ ᤀᤡᤰᤍᤠᤱᤒᤠᤸᤗᤧ ᤂᤧᤴ ᤕᤠ᤺ᤗᤡᤰ ᤁᤧᤓᤶᤒᤠᤴ ᤀᤢ᤺ᤳᤋᤢᤀᤠᤱ ᤔᤧᤳᤋᤢ. ‘ᤁᤧᤖᤧᤰ ᤕᤠ᤺ᤗᤡᤰᤜᤠ᤹ ᤀᤢ᤺ᤳᤋᤧᤛᤧ᤹ᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤀᤣᤃᤠᤱ ᤕᤠ᤺ᤶᤒᤰᤁᤥ ᤁᤧᤓᤴᤇᤡᤱᤒᤠᤜᤠ᤹ᤀᤥᤗᤠᤶ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤕᤠ᤺ᤶᤒᤰᤁᤥ ᤁᤧᤓᤴᤇᤡᤱᤒᤠᤜᤠ᤹ᤖᤧ ᤂᤢᤏᤡ᤹ ᤏᤠᤶᤕᤠᤰᤁᤡᤴ ᤜᤠ᤺ᤳᤋᤧᤛᤧ᤹ᤀᤥ॥’
23873	MAT 20:12	ᤂᤧᤴ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. ‘ᤁᤴ ᤀᤣᤃᤠᤱ ᤁᤧᤛᤠᤅᤢᤛᤡᤒᤠᤜᤠ᤹ᤖᤧᤃ ᤁᤢᤔᤢᤰ ᤌᤡᤰᤗᤰ ᤕᤠ᤺ᤶᤒᤰ ᤔᤧᤈᤥᤃᤢ॥ ᤀᤠᤏᤡᤃᤧ ᤗᤧᤴᤍᤡᤰ ᤂᤠᤖᤠᤰ ᤏᤠᤶᤛᤧ᤺ᤰᤔᤠᤀᤥ ᤕᤠ᤺ᤶᤒᤰ ᤆᤥᤃᤢᤶᤒᤧᤛᤠᤱ ᤂᤧᤱᤜᤠ᤹ᤏᤢ ᤁᤢᤍᤱᤒᤠ ᤕᤠᤵᤔᤡ ᤁᤧᤈᤥᤃᤧᤖᤥ॥’
23876	MAT 20:15	ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤜᤧᤰᤁᤣ ᤔᤏᤠᤜᤠ᤹ ᤀᤠᤕᤠᤱᤅᤡᤴ ᤐᤡᤔᤠᤛᤡ ᤕᤢᤰ ᤔᤧᤃᤳᤋᤠᤴᤒᤡ᥅ ᤀᤡᤱᤃᤠ᤹ ᤀᤠᤏᤡᤱᤘᤠ᤹ ᤕᤶᤒᤠ ᤆᤥᤃᤢᤱᤅᤡᤸᤗᤧ ᤌᤣᤀᤠᤱ ᤁᤧᤛᤡᤰ ᤐᤥ᤺ᤰᤐᤠᤒᤣ᥅’
23908	MAT 21:13	ᤕᤧᤛᤢᤖᤧ ᤂᤧᤱᤜᤠ᤹ ᤀᤰᤂᤣ ᤔᤧᤳᤋᤢᤛᤡ. “ᤛᤠᤶᤕᤥᤛᤠᤵᤗᤠᤀᤥ ᤛᤠᤵᤋᤧᤀᤠᤱ ᤐᤳ. ‘ᤀᤡᤱᤃᤠ᤹ ᤀᤠᤜᤡᤶᤔᤡᤱᤃ ᤋᤢᤘᤠ ᤆᤥ᤺ᤰᤔᤠ ᤜᤡᤶ ᤐᤥ᤺ᤱ.’ ᤁᤖ ᤂᤡᤏᤡ᤹ᤃ ᤑᤠ᤺ᤴᤍᤠᤜᤠ᤹ ᤆᤡᤱᤛᤡᤱᤔᤠ ᤋᤧᤴ ᤁᤧᤈᤥᤃᤢᤶᤔᤠᤱ ᤁᤧᤘᤕᤡ᤹ᤖᤥ᥄”
23911	MAT 21:16	ᤂᤧᤱᤜᤠ᤹ᤖᤧ ᤂᤢᤏᤧ᤹ ᤔᤧᤔᤧᤳᤋᤢ. “ᤁᤴᤜᤠ᤹ᤖᤧ ᤌᤣ ᤔᤧᤒᤠ᤺ᤳᤋᤢᤖ ᤔᤧᤒᤳ ᤁᤧᤱᤄᤧᤵᤛᤢᤴᤒᤡ᥅” ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤧᤵᤛᤢᤱᤒᤧ. ᤁᤖ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤁᤧᤒᤵᤐᤧᤴ ᤂᤡᤏᤡ᤹ ᤔᤧᤴᤏᤡ᤺ᤳᤋᤣ ᤁᤧᤘᤕᤡ᤹ᤒᤡ᥅ ‘ᤜᤡᤴᤈᤠ᤹ᤒᤡᤳᤇᤠᤜᤠ᤹ ᤏᤢ ᤏᤢᤃᤧᤎᤢᤱᤒᤠᤜᤠ᤹ᤗᤠᤶ ᤂᤢᤏᤧ᤹ ᤁᤧᤏᤠᤖᤠ ᤑᤥ᤺ᤔᤠ ᤐᤠᤱᤄᤢᤛᤡ’”
23916	MAT 21:21	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤂᤡᤏᤡ᤹ ᤆᤵᤆᤡ ᤔᤧᤴᤈᤥ᤺ᤰᤁᤣ ᤏᤛᤠ᤺ᤴ ᤁᤧᤈᤥᤃᤢᤶᤏᤧ ᤑᤠ᤹ᤃᤪ ᤁᤴ ᤐ᤺ᤳᤇᤣ᤹ᤒᤢᤱᤔᤠᤴ ᤀᤡᤱᤃᤠ᤹ ᤆᤥᤃᤢᤱᤒᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤆᤥ᤺ᤰᤔᤠ ᤁᤧᤛᤢᤰᤋᤢᤶ. ᤜᤧᤰᤁᤩᤠᤱ ᤂᤧᤶᤔᤩᤠᤰᤗᤰ ᤔᤧ᤺ᤴ. ᤁᤖ ‘ᤁᤴ ᤁᤥ᤺ᤰᤔᤠᤴ ᤜᤠ᤹ᤕᤠᤰ ᤀᤠᤃᤧ᤹ᤀᤠᤱ ᤘᤠᤜᤱᤅᤥ ᤗᤠᤵᤑᤢᤛᤡᤱᤅᤧ᤹’ ᤁᤧᤔᤧᤳᤋᤢᤶᤔᤡᤸᤗᤧ ᤂᤧᤴ ᤁᤧᤳᤗᤥ॥
23920	MAT 21:25	ᤕᤢᤜᤢᤴᤏᤠᤖᤧ ᤒᤵᤋᤡᤛ᤻ᤔᤠ ᤐᤡᤔᤠ ᤁᤢᤕᤢᤰᤁᤡᤴ ᤀᤠᤳᤋᤥᤗᤠᤶ ᤋᤩᤧᤒᤠᤒᤣ᥅ ᤏᤡᤱᤘᤠ᤹ᤑᤢᤔᤠᤱᤗᤠᤶ ᤋᤩᤧᤒᤠᤒᤡ. ᤀᤡ ᤔᤏᤠᤗᤠᤶᤒᤡ᥅” ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤐᤠ᤺ᤴ ᤔᤧᤎᤰᤋᤧᤖ ᤀᤰᤂᤣ ᤔᤧᤔᤧᤳᤇᤡᤱ. “ᤀᤠᤸᤗ ᤀᤠᤏᤡ᤹ ‘ᤏᤡᤱᤘᤠ᤹ᤑᤢᤔᤠᤱᤗᤠᤶ’ ᤀᤠᤔᤧᤳᤋᤢᤶᤏᤧ ᤑᤠ᤹ᤃᤪ. ᤌᤣᤀᤠᤱ ᤏᤛᤠ᤺ᤴ ᤁᤧᤴᤈᤥᤃᤢᤶᤔᤡᤴ ᤑᤠ᤹ᤀᤠᤱ ᤛᤣ᤺ᤴᤀᤠᤗᤠᤵ॥
23921	MAT 21:26	ᤁᤖ ‘ᤔᤏᤠᤜᤠ᤹ᤗᤠᤶ’ ᤀᤠᤒᤠ᤺ᤳᤋᤢᤶᤏᤧ ᤑᤠ᤹ᤃᤪ ᤔᤏᤠᤜᤠ᤹ ᤀᤠᤏᤡ᤹ ᤋᤰᤗᤧᤱᤘᤠᤀᤥ ᤔᤧᤒᤥ᤺ᤰᤐᤡ ᤑᤠ᤹ᤀᤠᤱ ᤀᤠᤃᤡᤖᤥ. ᤌᤣᤀᤠᤱᤓᤧᤸᤗᤧ ᤁᤴ ᤔᤏᤠᤜᤠ᤹ᤖᤧ ᤕᤢᤜᤢᤴᤏᤠ᤺ᤴ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤢᤀᤠᤱ ᤔᤧᤘᤠ᤹ᤖᤥ॥”
23923	MAT 21:28	ᤕᤠᤶᤔᤥ ᤕᤧᤛᤢᤖᤧ ᤂᤧᤴ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤕᤜᤢᤍᤡ ᤗᤠᤶᤗᤥ᤺ᤒᤠᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤂᤧᤍᤠ᤹ᤎᤡᤰ ᤔᤧᤳᤏᤡᤱ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤕᤠ᤺ᤶᤒᤣᤀᤥ ᤌᤣ ᤁᤧᤀᤡ᤺ᤳᤋᤢᤶ ᤀᤠᤔᤧᤳᤋᤧᤶᤔᤧ᤹ᤀᤥ॥ ᤗᤳᤇᤠ ᤔᤏᤠᤎᤡᤰ ᤘᤕᤧ. ᤂᤧᤸᤗᤧ ᤏᤧᤵᤑᤢ ᤁᤢᤛ᤻ᤛᤠ᤺ ᤕᤧᤶᤒᤡᤳᤇᤠ᤹ᤜᤠ᤹ ᤘᤕᤧᤳᤇᤡ॥ ᤂᤧᤴ ᤔᤏᤠ᤺ᤴ ᤁᤢᤛ᤻ᤛᤠ᤺ ᤋᤢᤶᤒᤠᤸᤗᤥ ᤐᤣᤀᤠᤱ ᤔᤧᤳᤋᤢ. ‘ᤀᤠᤛ᤻ᤛᤠ᤺ᤀᤣ. ᤐᤣᤃᤧ᤹ᤀᤠᤱ ᤆᤧᤸᤗᤧᤰᤛᤣ᤹ ᤀᤡᤰᤁᤥ ᤕᤠ᤺ᤶᤒᤰ ᤆᤥᤃᤧ᤹ᤀᤥ॥’
23924	MAT 21:29	ᤂᤧᤴ ᤁᤢᤛ᤻ᤛᤠ᤺ᤸᤗᤧ ᤋᤃᤡᤃ ‘ᤔᤧᤈᤥ᤺ᤰᤁᤠᤴᤗᤥ’ ᤔᤧᤳᤋᤢ. ᤁᤖ ᤕᤠᤱᤛᤡ ᤁᤢᤏᤡᤱᤘᤠ᤹ ᤏᤢ᤺ᤰᤂᤧ. ᤜᤧᤰᤁᤩᤠᤱ ᤐᤣᤀᤠᤱ ᤕᤠ᤺ᤶᤒᤰ ᤆᤥᤃᤢᤖᤥ॥
23925	MAT 21:30	ᤜᤧᤰᤁᤩᤠᤱ ᤁᤢᤶᤒᤠ᤺ᤴ ᤁᤢᤛ᤻ᤛᤠ᤺ ᤑᤥ᤹ᤒᤠᤸᤗᤥ ᤐᤣᤀᤠᤱ ᤒᤠ ᤜᤧᤰᤁᤣᤀᤣ ᤔᤧᤳᤋᤢ॥ ᤂᤧᤴ ᤁᤢᤛ᤻ᤛᤠ᤺ ᤑᤥ᤹ᤒᤠᤸᤗᤧᤀᤠᤱ. ‘ᤐᤥ᤺ᤱ ᤀᤠᤍᤠᤱᤒᤣ. ᤐᤣ᤺ᤰᤁᤠᤖᤥ’ ᤔᤧᤳᤋᤢ. ᤁᤖ ᤂᤧᤴ ᤕᤠ᤺ᤶᤒᤰᤁᤥ ᤔᤧᤒᤣᤏᤧᤴᤗᤥ॥
23933	MAT 21:38	ᤁᤖ ᤂᤧᤱᤜᤠ᤹ᤖᤧ ᤁᤢᤛ᤻ᤛᤠ᤺ᤴ ᤔᤧᤏᤡ᤺ᤛᤢᤀᤠᤱ ᤀᤰᤂᤣ ᤔᤧᤔᤧᤳᤇᤡᤱ. ‘ᤁᤱᤃ ᤁᤢᤶᤒᤠᤖᤧ ᤁᤢᤗᤰ ᤁᤧᤄᤥ᤺ᤒᤠᤖᤥ. ᤁᤴ ᤛᤧᤖᤢᤶᤔᤠᤱ ᤁᤢᤗᤠᤈᤣ᤹ ᤛᤡᤱᤒᤢᤱᤜᤠ᤹ ᤀᤠᤏᤡ᤹ ᤜᤢᤰᤁᤠᤵᤐᤠᤛᤡᤖᤥ॥’
23937	MAT 21:42	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤛᤠᤶᤕᤥᤛᤠᤵᤗᤠᤀᤥ ᤔᤧᤴᤏᤡ᤺ᤳᤋᤣ ᤁᤧᤘᤕᤡᤒᤡ᥅ ‘ᤗᤢᤱᤃᤠᤶᤒᤠᤜᤠ᤹ᤖᤧ ᤔᤧᤏᤠ᤹ᤖᤢᤒᤠ ᤗᤢᤱᤅᤡᤴ ᤁᤧᤖᤧᤰᤏᤢ᤺ᤸᤗᤧ ᤁᤧᤕᤧᤰᤐᤠ ᤁᤢᤶᤔᤠ ᤗᤢᤱ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤁᤱᤃ ᤕᤜᤘᤣ ᤍᤠᤱᤒᤠᤸᤗᤧᤀᤣ ᤆᤥᤃᤢᤒᤠᤖᤥ. ᤜᤧᤰᤁᤩᤠᤱ ᤁᤴ ᤀᤠᤏᤡ᤹ ᤏᤡ᤺ᤔᤥ ᤏᤡᤱᤘᤠ᤹ ᤁᤧᤔᤠᤒᤠ ᤆᤥ᤺ᤰᤗᤥ॥’
23939	MAT 21:44	‘ᤀᤠᤳᤋᤡᤴᤜᤠ᤹ ᤂᤧᤴ ᤗᤢᤱ ᤛᤶᤍᤠᤱ ᤔᤰᤔᤧᤎᤠ᤹᤺. ᤂᤧᤱᤜᤠ᤹ ᤔᤧᤓᤰ ᤔᤧᤛᤡ᤺ᤖᤥ॥ ᤜᤧᤰᤁᤩᤠᤱ ᤀᤠᤳᤋᤡᤴᤜᤠ᤹ ᤛᤶᤍᤠᤱ ᤂᤧᤴ ᤗᤢᤱᤅᤡᤴ ᤔᤰᤌᤠ᤹᤺. ᤂᤧᤱᤜᤠ᤹ ᤔᤧᤓᤧᤰ ᤔᤧᤛᤡ᤺ᤖᤥ॥’”
23945	MAT 22:4	ᤜᤧᤰᤁᤣ᤺ᤸᤗᤧ ᤂᤧᤴ ᤜᤠᤱᤅᤡᤸᤗᤧ ᤁᤢᤓᤠ ᤁᤢᤛᤣᤘᤠᤖᤥᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡᤖ ᤐᤠᤱᤄᤢᤛᤡ. ‘ᤂᤧᤴ ᤀᤢ᤺ᤳᤇᤡᤱ ᤁᤧᤄᤥ᤺ᤒᤠᤜᤠ᤹ ᤀᤰᤂᤣ ᤔᤧᤳᤋᤧᤶᤛᤡᤶᤔᤧ᤹. ᤀᤡᤱᤃᤠ᤹ ᤔᤣ᤺ᤰᤂᤡᤶ ᤛᤠᤓᤠᤱᤈᤠ᤺ᤴ ᤕᤠᤖᤡᤵ ᤆᤥᤃᤢᤱᤅᤠᤱ ᤘᤠ᤹ᤀᤠ॥ ᤗᤢᤵᤔᤏᤠᤒᤠ ᤌᤰᤛᤠᤜᤠ᤹ ᤛᤧᤖᤢᤱᤛᤡᤱᤅᤠᤱ ᤁᤧᤖᤧᤰ ᤆᤠᤔᤠ ᤌᤢᤱᤔᤠᤴ ᤕᤠᤖᤡᤵ ᤐᤥ᤺ᤰᤂᤧᤀᤠᤱ ᤘᤠ᤹. ᤔᤣ᤺ᤰᤂᤡᤶ ᤛᤠᤓᤠᤱᤈᤠᤀᤥ ᤋᤩᤧᤶᤔᤧ᤹ᤀᤥ॥’
23950	MAT 22:9	ᤜᤧᤰᤁᤣ᤺ᤸᤗᤧ ᤕᤧᤰᤕᤰᤁᤥᤒᤠ ᤗᤠᤶ ᤗᤠᤶᤔᤥ ᤐᤣᤃᤧᤶᤔᤧ᤹ᤀᤠᤱ ᤁᤧᤍᤢᤔᤢᤶᤛᤡᤶᤒᤠ ᤁᤧᤖᤧᤰ ᤔᤏᤠᤜᤠ᤹ ᤀᤢ᤺ᤳᤋᤧᤶ ᤋᤠᤖᤧᤶᤛᤡᤶᤔᤧ᤹ᤀᤥ॥’
23953	MAT 22:12	ᤛᤣ᤺ᤴᤍᤥᤛᤢ. ‘ᤆᤢᤶᤔᤣ. ᤂᤧᤏᤧ᤹ ᤀᤠᤰᤂᤣᤗ᤹ᤖᤡᤰ ᤔᤣ᤺ᤰᤂᤡᤶ ᤛᤠᤓᤠᤱᤈᤠᤀᤥ. ᤔᤣ᤺ᤰᤂᤡᤶᤔᤥ ᤆᤠᤱᤔᤏᤠᤒᤠ ᤏᤢ᤺ᤒᤠ ᤋᤣ᤺ᤳ ᤔᤧ᤺ᤴᤏᤣ ᤁᤧᤗᤠ᤺ᤛᤧᤒᤣ᥅’ ᤂᤧᤴ ᤔᤏᤠ᤺ᤸᤗᤧ ᤌᤣᤀᤠᤱ ᤐᤠ᤺ᤵᤔᤠ ᤔᤧᤛᤢᤰᤋᤢᤴᤗᤥ॥
23954	MAT 22:13	ᤜᤧᤰᤁᤩᤠᤱ ᤜᤠᤱᤅᤡᤸᤗᤧ ᤛᤣᤘᤠᤖᤥᤒᤠᤜᤠ᤹ ᤔᤧᤳᤋᤢᤛᤡ. ‘ᤁᤴ ᤔᤏᤠ᤺ᤴ ᤋᤧᤶᤛᤧᤶᤔᤧ᤹ᤀᤠᤱ ᤁᤢᤗᤠᤱ ᤁᤢᤜᤢᤰᤜᤠ᤹ ᤀᤡᤄᤣ᤺ᤰᤂᤧᤶᤔᤧ᤹ ᤜᤧᤰᤁᤩᤠᤱ ᤗᤠ᤺ᤰᤁᤠᤳ ᤂᤠᤍᤠᤶᤔᤥ ᤗᤠᤵᤑᤢ᤺ᤛᤧᤶᤔᤧ᤹ᤀᤥ॥ ᤂᤧᤵᤔᤥ ᤜᤠ᤺ᤵᤔᤠᤴ ᤏᤢ ᤛᤠ᤹ᤖᤡᤰ ᤋᤢᤰᤂᤣ᤺ᤸᤗᤧ ᤜᤠᤒᤥ᤹ ᤕᤧ᤺ᤱᤔᤠᤴ ᤐᤥ᤺ᤱᤗᤥ॥’
23965	MAT 22:24	“ᤛᤡᤰᤛᤠᤶᤒᤣ. ᤔᤥᤛᤠᤖᤧ ᤛᤠᤶᤕᤥᤌᤡᤶᤔᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. ‘ᤀᤠᤳᤋᤡᤸᤗᤧ ᤁᤢᤶᤓᤢ᤹ᤀᤡᤴ ᤁᤢᤛ᤻ᤛᤠ᤺ ᤁᤢᤀᤣ ᤔᤧᤴᤘᤠ᤹ᤀᤣ ᤛᤡ᤹᤺. ᤂᤧᤸᤗᤧ ᤁᤢᤴᤛᤠ᤹ᤖᤧ ᤔᤣᤔᤣᤍᤢᤔᤠ ᤁᤢᤴᤏᤧ᤹ᤍᤪᤣ᤺ᤴᤏᤢ ᤔᤣ᤺ᤰᤂᤡᤶ ᤆᤥ᤺ᤰᤔᤠᤀᤣ ᤐᤥ᤺ᤱ॥ ᤜᤧᤰᤁᤩᤠᤱ ᤁᤢᤶᤓᤢ᤹ᤖᤧ ᤁᤢᤗᤠᤃᤡ ᤛᤠᤃᤵᤔᤠ ᤐᤥ᤺ᤱᤗᤥ॥’
23973	MAT 22:32	‘ᤀᤡᤱᤃᤠ᤹ᤃ ᤀᤒᤪᤠᤜᤠᤔ. ᤀᤡᤛᤜᤠᤁ ᤏᤢ ᤕᤠᤁᤢᤒᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤀᤠᤖᤥ॥’ ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ᤃ ᤁᤢᤛᤡᤘᤧᤳᤜᤠ᤹ᤖᤧᤴ ᤔᤧ᤺ᤴ. ᤁᤖ ᤁᤢᤜᤡᤱᤘᤧᤳᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤑᤢᤔᤠᤱᤗᤥ॥”
23978	MAT 22:37	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “‘ᤁᤧᤴᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤖᤧᤰ ᤁᤧᤛᤡᤰᤗᤢᤱᤔᤠᤸᤗᤧ. ᤁᤧᤖᤧᤰ ᤁᤧᤛᤰᤔᤠᤛᤠᤶᤔᤡᤸᤗᤧ. ᤜᤧᤰᤁᤩᤠᤱ ᤁᤧᤖᤧᤰ ᤁᤧᤏᤡᤱᤘᤠ᤹ᤀᤡᤸᤗᤧ ᤔᤡ᤺ᤶᤈᤡ ᤔᤧᤳᤋᤧ᤹ᤀᤥ॥’
23980	MAT 22:39	ᤜᤧᤰᤁᤣᤗ᤹ᤖᤡᤰ ᤏᤡᤛᤡᤃᤣ᤺ᤰᤐᤠ ᤁᤧᤕᤧᤰᤐᤠ ᤀᤡᤱᤈᤠ᤺ᤱᤅᤡᤱᤃ ᤒᤠ ᤁᤴᤗᤥ. ‘ᤀᤠᤵᤑᤣ᤺ᤰ ᤗᤢᤱᤔᤠ᤹ ᤁᤧᤍᤢᤰᤛᤡᤱᤒᤠ ᤁᤢᤀᤡᤛᤡ᤺ᤰᤁᤣ ᤁᤧᤒᤠᤱᤓᤣ᤹ᤛᤠᤒᤠᤜᤠ᤹ᤀᤠᤱ ᤗᤢᤱᤔᤠ᤹ ᤋᤢᤰᤋᤧᤛᤧ᤹ᤀᤥ॥’
23985	MAT 22:44	‘ᤕᤜᤘᤣ ᤍᤠᤱᤒᤠᤸᤗᤧ ᤀᤡᤱᤃᤠ᤹ ᤀᤠᤴᤍᤠᤱᤒᤠᤴ ᤀᤰᤂᤣ ᤔᤧᤳᤋᤢ. ᤁᤧᤏᤡᤱᤔᤡᤜᤠ᤹ ᤁᤧᤕᤢᤰᤁᤥ ᤀᤡᤱᤃᤠ᤹ ᤔᤧᤴᤍᤠ᤺ᤳᤇᤡᤱᤅᤣ ᤌᤠᤖᤡᤰ ᤀᤠᤈᤢᤵᤛᤠᤱ ᤗᤧᤵᤔᤠᤱ ᤂᤧᤏᤧ᤹ ᤕᤢᤅᤧ᤹ᤀᤥ॥’
23996	MAT 23:9	ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ‘ᤐᤠ᤺ᤀᤣ’ ᤗ᤹ᤖᤡᤰ ᤘᤣ᤹ ᤀᤠᤳᤋᤡᤴᤜᤠ᤹ᤀᤠᤱ ᤔᤧᤔᤧᤳᤋᤧᤶᤛᤡᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤌᤡᤰᤗᤰ ᤏᤡᤱᤘᤠ᤹ᤑᤢᤐᤠ᤺ ᤁᤧᤃᤳᤋᤢᤶᤗᤥ. ᤂᤢᤏᤧ᤹ᤃ ᤛᤠᤱᤃᤪᤠᤶᤐᤣᤍᤠᤱᤅᤥ ᤘᤠ᤹ᤖᤥ॥
23997	MAT 23:10	ᤀᤠᤳᤋᤡᤴᤜᤠ᤹ᤖᤧᤀᤠᤱ ‘ᤛᤡᤰᤛᤠᤶᤒᤣ’ ᤗ᤹ᤖᤡᤰ ᤁᤧᤔᤧᤶᤔᤧᤳᤋᤡᤴᤗᤖᤥ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ᤃ ᤌᤡᤰᤗᤰ ᤛᤡᤰᤛᤠᤶᤒᤠᤴ ᤁᤧᤃᤳᤋᤢᤶᤗᤥ. ᤂᤢᤏᤧ᤹ᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤥ॥
24005	MAT 23:18	ᤂᤡᤏᤡ᤹ ᤀᤰᤂᤣᤗ᤹ᤖᤡᤰᤁᤠᤱ ᤁᤧᤒᤠ᤺ᤳᤋᤢᤶ. ‘ᤀᤠᤳᤋᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧᤴ ᤔᤠᤱᤜᤧᤰᤛᤡᤱ ᤂᤧᤴ ᤌᤣᤀᤠᤱ ᤔᤧ᤺ᤴᤗᤥ. ᤁᤖ ᤀᤠᤳᤋᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤥᤒᤠ ᤆᤥᤑᤠ᤹ᤗᤧᤴ ᤔᤠᤱᤜᤧᤰᤛᤡᤱ ᤂᤧᤴ ᤁᤢᤒᤠ᤺ᤴᤏᤡᤸᤗᤧ ᤂᤣ᤺ᤱᤛᤡᤱᤗᤥ॥’
24017	MAT 23:30	ᤜᤧᤰᤁᤩᤠᤱ ᤁᤧᤒᤠ᤺ᤳᤋᤢᤶ. ‘ᤀᤠᤏᤡᤃᤧ ᤛᤢᤎᤧᤒᤠ ᤋᤠᤰᤌᤧᤒᤠᤜᤠ᤹ᤖᤧ ᤂᤢᤏᤡ᤹ ᤕᤧᤶᤔᤥ ᤀᤠᤏᤡᤃᤧ ᤘᤕᤡᤃᤧᤸᤗᤧᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤛᤧᤵᤔᤠᤛᤡ ᤆᤢᤶ ᤔᤧᤔᤧᤳᤋᤢᤶᤛᤡᤶᤒᤧᤶᤒᤠ ᤘᤕᤧᤖᤥ॥’
24026	MAT 23:39	ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ‘ᤍᤠᤱᤒᤠᤸᤗᤧ ᤁᤢᤔᤡᤱᤅᤥ ᤁᤧᤍᤠ᤺ᤒᤠᤴ ᤔᤢ᤹ᤀᤡᤛᤠᤒᤠᤖᤥ’ ᤗ᤹ᤖᤡᤰ ᤁᤧᤶᤒᤠ᤺ᤳᤋᤢᤶᤔᤡᤴᤗ ᤌᤠᤖᤡᤰ ᤕᤠᤶᤔᤥ ᤕᤠᤵᤔᤡ ᤁᤧᤴᤏᤡ᤺ᤛᤡᤴᤗᤥ॥”
24049	MAT 24:23	ᤜᤧᤰᤁᤩᤠᤱ ᤂᤧᤴ ᤕᤧᤶᤔᤥ ᤔᤏᤠᤜᤠ᤹ᤖᤧ ‘ᤀᤥᤔᤧᤳᤋᤧᤶᤔᤧ᤹. ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤁᤵᤔᤥ ᤘᤠ᤹’ ᤀᤡᤃᤪ ‘ᤂᤢᤏᤧ᤹ ᤂᤧᤵᤔᤥ ᤘᤠ᤹’ ᤗ᤹ᤖᤡᤰ ᤔᤧᤒᤠ᤺ᤳᤋᤢᤖ ᤔᤧᤍᤠ᤺ᤸᤗᤧ ᤏᤛᤠ᤺ᤴ ᤔᤧᤈᤥᤃᤧᤶᤛᤡᤶᤔᤡᤴᤏᤧ᤹ᤀᤥ॥
24052	MAT 24:26	ᤂᤧᤸᤗᤧ ᤆᤥᤃᤢᤸᤗᤧ ᤔᤏᤠᤜᤠ᤹ᤖᤧ ‘ᤀᤥᤔᤧᤳᤋᤧᤶᤔᤧ᤹. ᤂᤪᤡᤛ᤻ᤋᤧᤱᤃ ᤕᤧ᤺ᤱᤄᤠᤍᤧᤴᤏᤥ ᤘᤠ᤹’ ᤁᤧᤶᤔᤧᤳᤋᤡᤃᤪ. ᤀᤥᤔᤧᤳᤇᤧ ᤂᤧᤵᤔᤥ ᤔᤧᤒᤣᤃᤧᤶᤔᤡᤴᤏᤧ᤹ᤀᤥ. ᤀᤡᤃᤪ ‘ᤀᤥᤔᤧᤳᤋᤧᤶᤔᤧ᤹. ᤂᤢᤏᤧ᤹ ᤁᤵᤔᤥ ᤛᤡᤃᤠᤱᤒᤠ ᤕᤠᤰᤑᤠᤱᤅᤥ ᤘᤠ᤹’ ᤁᤧᤶᤔᤧᤳᤋᤡᤛᤠᤱ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤐᤠ᤺ᤴᤏᤡᤴ ᤏᤛᤠ᤺ᤴ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥
24055	MAT 24:29	“ᤂᤧᤴ ᤁᤡᤵᤔᤠ ᤁᤧᤄᤢ᤺ᤒᤠ ᤋᤢᤰᤂᤣ᤺ᤴ ᤀᤣᤃᤠᤱ ᤂᤡᤔᤥ ‘ᤏᤠᤶᤔᤡᤴ ᤂᤠᤔᤠᤰᤗᤥ. ᤗᤠᤒᤠᤸᤗᤧ ᤀᤥ᤺ᤳᤋᤡ ᤔᤧᤒᤡᤖᤢᤴᤗᤥ. ᤋᤠᤱᤛᤠᤰᤐᤥᤒᤠ ᤂᤣ᤺ᤶᤛᤡᤰᤐᤠᤜᤠ᤹ ᤔᤰᤔᤧᤎᤠ᤺ᤖᤥ. ᤜᤧᤰᤁᤩᤠᤱ ᤋᤠᤱᤛᤠᤰᤐᤥᤒᤠ ᤔᤢᤰᤛᤠᤶᤜᤠ᤹ ᤔᤧᤕᤱᤗᤥ॥’
24085	MAT 25:8	ᤂᤧᤴ ᤁᤢᤏᤡᤛᤡ᤺ᤰ ᤁᤧᤜᤥ᤺ᤵᤔᤠᤜᤠ᤹ᤖᤧ ᤛᤡᤰᤁᤢᤶᤛᤠᤔᤠ ᤔᤧᤴᤇᤡᤕᤠ᤹ᤜᤠ᤹ ᤔᤧᤔᤧᤳᤋᤢᤛᤡ. ‘ᤀᤠᤏᤡᤃᤧᤀᤠᤱ ᤁᤢᤓᤠ ᤏᤡ᤺ᤱᤃᤣ᤹ ᤀᤠᤒᤡᤖᤧ᤹ᤏᤠ. ᤀᤠᤏᤡᤃᤧ ᤛᤣᤔᤡ᤺ᤱᤃ ᤛᤡ᤺ᤔᤠ ᤀᤡ᤺ᤳᤋᤧᤖᤥ॥’
24086	MAT 25:9	ᤂᤧᤴ ᤛᤡᤰᤁᤢᤶᤛᤠᤔᤠ ᤔᤧᤴᤇᤡᤕᤠ᤹ᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢᤛᤡ. ‘ᤔᤧ᤺ᤴᤗᤥ. ᤀᤠᤏᤡ᤹ ᤁᤧᤖᤧᤰ ᤁᤧᤍᤧᤰᤐᤠ ᤏᤡ᤺ᤱᤃᤣ᤹ᤃ ᤔᤧᤃᤳᤋᤢᤶᤒᤧᤴᤗᤥ॥ ᤏᤡ᤺ᤱᤃᤣ᤹ ᤁᤧᤛᤱᤒᤠᤜᤠ᤹ᤖᤥ ᤂᤡᤏᤡ᤹ ᤐᤣᤃᤧᤶᤔᤧ᤹ᤀᤠᤱ ᤀᤡᤅᤧᤶᤔᤧ᤹ᤀᤥ॥’
24088	MAT 25:11	ᤕᤠᤱᤛᤡ ᤂᤧᤴ ᤁᤢᤏᤡᤛᤡ᤺ᤰ ᤁᤧᤜᤥ᤺ᤵᤔᤠ ᤛᤡᤛᤠᤃᤧᤴ ᤔᤧᤴᤇᤡᤕᤠ᤹ᤜᤠ᤹ ᤔᤧᤃᤧᤖᤧ ᤔᤧᤍᤩᤧᤀᤠᤱ ᤀᤰᤂᤣᤗ᤹ᤖᤡᤰ ᤔᤧᤀ᤺ᤰᤋᤧ. ‘ᤍᤠᤱᤒᤣ. ᤍᤠᤱᤒᤣ. ᤀᤠᤏᤡᤃᤧ ᤗᤠᤃᤡᤀᤠᤱ ᤗᤠᤶᤎᤣ᤺ᤵᤐᤧᤴ ᤜᤴᤍᤧ ᤀᤠᤒᤡᤖᤧ᤹ᤏᤠ᥄’
24089	MAT 25:12	ᤁᤖ ᤂᤧᤴ ᤏᤠᤗᤡᤛᤠᤱᤅᤡᤸᤗᤧ ᤏᤥᤃᤵ ᤐᤡᤖᤢᤛᤡ. ‘ᤀᤡᤱᤃᤠ᤹ ᤛᤧᤰᤂᤠᤛᤠᤱ ᤁᤢᤛᤡᤱ ᤔᤧᤏᤡ᤺ᤳᤏᤡᤱᤅᤡᤴᤗᤥ॥’
24097	MAT 25:20	ᤂᤧᤴ ᤜᤧᤴᤇᤡᤱ ᤅᤠᤛᤡ ᤛᤠᤶᤔᤩᤠᤱ ᤕᤠᤱᤀᤡᤳᤇᤡ ᤁᤧᤄᤥ᤺ᤒᤠ ᤛᤣᤘᤠᤖᤥᤒᤧᤸᤗᤧ ᤘᤣ᤹ ᤜᤧᤴᤇᤡᤱ ᤅᤠᤛᤡ ᤛᤠᤶᤔᤩᤠᤱ ᤕᤠᤱᤀᤡᤳᤇᤡ ᤋᤠᤖᤢᤀᤠᤱ ᤀᤰᤂᤣ ᤔᤧᤳᤋᤢ. ‘ᤀᤠᤍᤠᤱᤒᤣ. ᤜᤧᤴᤇᤡᤱ ᤅᤠᤛᤡ ᤛᤠᤶᤔᤩᤠᤱ ᤕᤠᤱᤀᤡᤳᤇᤡ ᤁᤧᤒᤡᤖᤠᤱᤅᤠᤱ ᤘᤕᤧ. ᤁᤖ ᤀᤥᤔᤧᤳᤋᤧ᤹ᤀᤥ. ᤀᤡᤱᤃᤠ᤹ ᤘᤣ᤹ ᤜᤧᤴᤇᤡᤱ ᤅᤠᤛᤡ ᤌᤃᤢᤱ ᤐᤡᤏᤧᤀᤠᤱ ᤘᤠ᤹ᤖᤥ॥’
24098	MAT 25:21	ᤁᤢᤴᤍᤠᤱᤒᤠᤸᤗᤧ ᤂᤧᤴ ᤔᤧᤳᤋᤢ. ‘ᤏᤢ᤺ᤒᤠ ᤏᤢ ᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤒᤠ ᤛᤣᤘᤠᤖᤥᤒᤠᤀᤣ. ᤏᤢ᤺ᤒᤠ ᤁᤧᤈᤥᤃᤢᤖᤥ᥄ ᤂᤧᤏᤧ᤹ᤃ ᤔᤡᤛᤠᤰ ᤕᤠᤱᤅᤥ ᤏᤛᤠ᤺ᤴᤛᤠᤒᤠ ᤁᤧᤒᤥ᤺ᤰᤂᤧ. ᤀᤠᤸᤗ ᤕᤖᤡᤰ ᤐᤠ᤺ᤴᤏᤥ ᤕᤢᤰ ᤐᤡᤏᤧᤖᤥ॥ ᤀᤠᤸᤗ ᤀᤠᤏᤡ᤹ ᤛᤥᤖᤡᤰ ᤛ᤺ᤳᤋᤡᤖᤥ᥄’
24099	MAT 25:22	ᤜᤧᤰᤁᤩᤠᤱ ᤜᤧᤴᤇᤡᤱ ᤏᤧᤳᤇᤡ ᤛᤠᤶᤔᤩᤠᤱ ᤕᤠᤱᤀᤡᤳᤇᤡ ᤁᤧᤄᤥ᤺ᤒᤠ ᤁᤢᤛᤣᤘᤠᤖᤥᤒᤠᤸᤗᤧ ᤔᤧᤳᤋᤢ. ‘ᤀᤠᤍᤠᤱᤒᤣ. ᤂᤧᤏᤧ᤹ᤃ ᤀᤡᤱᤃᤠ᤹ ᤜᤧᤴᤇᤡᤱ ᤏᤧᤳᤇᤡ ᤛᤠᤶᤔᤩᤠᤱ ᤕᤠᤱᤀᤡᤳᤇᤡ ᤁᤧᤒᤡᤖᤠᤱᤅᤠᤱ ᤘᤕᤧ. ᤁᤖ ᤀᤥᤔᤧᤳᤋᤧ᤹ᤀᤥ. ᤀᤡᤱᤃᤠ᤹ ᤘᤣ᤹ ᤜᤧᤴᤇᤡᤱ ᤏᤧᤳᤇᤡ ᤌᤃᤢᤱ ᤐᤡᤏᤧᤀᤠᤱ ᤘᤠ᤹ᤖᤥ॥’
24100	MAT 25:23	ᤁᤢᤴᤍᤠᤱᤒᤠᤸᤗᤧ ᤂᤧᤴ ᤔᤧᤳᤋᤢ. ‘ᤏᤢ᤺ᤒᤠ ᤏᤢ ᤏᤡᤱᤘᤠ᤹ᤀᤡᤖᤧ ᤂᤥ᤺ᤵᤋᤢᤒᤠ ᤛᤣᤘᤠᤖᤥᤒᤠᤀᤣ. ᤏᤢ᤺ᤒᤠ ᤁᤧᤈᤥᤃᤢᤖᤥ᥄ ᤂᤧᤏᤧ᤹ᤃ ᤔᤡᤛᤠᤰ ᤕᤠᤱᤅᤥ ᤏᤛᤠ᤺ᤴᤛᤠᤒᤠ ᤁᤧᤒᤥ᤺ᤰᤂᤧ. ᤀᤠᤸᤗ ᤕᤖᤡᤰ ᤐᤠ᤺ᤴᤏᤥ ᤕᤢᤰ ᤐᤡᤏᤧᤖᤥ॥ ᤀᤠᤸᤗ ᤀᤠᤏᤡ᤹ ᤛᤥᤖᤡᤰ ᤛ᤺ᤳᤋᤡᤖᤥ᥄’
24102	MAT 25:25	ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤁᤡ᤺ᤛᤠᤱᤅᤠᤱ ᤁᤧᤕᤠᤱᤅᤡᤴ ᤋᤣ᤹ᤖᤢᤱᤅᤠᤱ ᤂᤠᤶᤔᤥ ᤆᤡᤰᤂᤢᤱ॥ ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤕᤠᤱᤅᤡᤴ ᤂᤠ ᤁᤵᤔᤥ ᤘᤠ᤹ᤖᤥ॥’
24107	MAT 25:30	ᤀᤠᤸᤗ ᤂᤧᤴ ᤀᤡᤏᤠ᤺ᤶᤒᤠ ᤛᤣᤘᤠᤖᤥᤒᤠᤴ ᤗᤠ᤺ᤰᤁᤠᤳ ᤂᤠᤍᤠᤶᤔᤥ ᤗᤠᤵᤑᤢ᤺ᤛᤧᤶᤔᤧ᤹॥ ᤂᤧᤵᤔᤥ ᤜᤠ᤺ᤵᤔᤠᤴ ᤏᤢ ᤛᤠ᤹ᤖᤡᤰ ᤋᤢᤰᤂᤣ᤺ᤸᤗᤧ ᤜᤠᤒᤥ᤹ ᤕᤧ᤺ᤱᤔᤠᤴ ᤐᤥ᤺ᤱᤗᤥ॥’”
24113	MAT 25:36	ᤜᤧᤰᤁᤩᤠᤱ ᤀᤡᤱᤃᤠ᤹ ᤋᤣ᤺ᤵᤑᤢᤱ ᤔᤧ᤺ᤴᤏᤣ ᤘᤕᤠᤱᤅᤡᤸᤗᤧ ᤋᤣ᤺ᤳ ᤕᤠᤵᤔᤡ ᤀᤠᤃᤧᤒᤡᤖᤡ. ᤀᤡᤱᤃᤠ᤹ ᤋᤢᤃᤠᤱᤅᤠᤱ ᤘᤕᤠᤱᤅᤡᤸᤗᤧ ᤕᤠᤵᤔᤡ ᤁᤶᤒᤪᤠᤱ ᤀᤠᤃᤧᤔᤧᤳᤋᤡ. ᤜᤧᤰᤁᤩᤠᤱ ᤐᤢᤱᤗᤠᤜᤡᤶᤔᤥ ᤔᤧᤛᤠᤰᤋᤠᤱᤅᤠᤱ ᤕᤠᤃᤠᤱᤅᤡᤸᤗᤧ ᤕᤠᤵᤔᤡ ᤀᤠᤃᤧᤛᤠ᤹ᤖᤡᤖᤥ॥’
24116	MAT 25:39	ᤀᤠᤵᤑᤠᤸᤗᤧ ᤂᤧᤏᤧ᤹ ᤁᤧᤍᤢᤃᤧᤒᤠ ᤏᤢ ᤐᤢᤱᤗᤠᤜᤡᤶᤔᤥ ᤁᤧᤕᤠᤃᤧᤒᤠ ᤏᤡ᤺ᤀᤠᤛᤡᤃᤧᤀᤠᤱ ᤛᤠ᤹ᤀᤠᤛᤡᤃᤧᤒᤣ᥅’
24117	MAT 25:40	ᤜᤧᤰᤁᤩᤠᤱ ᤜᤠᤱᤅᤡᤸᤗᤧ ᤂᤧᤱᤜᤠ᤹ ᤔᤧᤳᤋᤢᤛᤡ ‘ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤁᤱᤜᤠ᤹ᤀᤥ ᤁᤧᤘᤠ᤹ᤒᤠ ᤀᤠᤶᤓᤢ᤹ ᤀᤠᤴᤛᤠ᤹ᤛᤡᤀᤥ ᤗᤳᤇᤠ ᤆᤢᤰᤐᤠᤎᤡᤰ ᤆᤩᤠ ᤁᤧᤔᤧᤳᤋᤢᤶ. ᤂᤧᤴ ᤀᤡᤱᤃᤠ᤹ᤀᤣ ᤕᤠᤵᤔᤡ ᤀᤠᤃᤧᤔᤧᤳᤋᤡᤒᤠᤖᤥ॥’
24120	MAT 25:43	ᤀᤡᤱᤃᤠ᤹ ᤘᤠ᤹ᤔᤠ ᤋᤧᤴ ᤔᤧ᤺ᤴᤏᤣ ᤗᤠᤶᤍᤡ᤺ᤰᤐᤠ ᤐᤥ᤺ᤰᤂᤠᤱᤅᤠᤱ ᤘᤕᤠᤱᤅᤡᤸᤗᤧ ᤂᤡᤏᤡ᤹ ᤜᤡᤶᤔᤥ ᤕᤠᤵᤔᤡ ᤀᤠᤃᤧᤴᤍᤣ᤹ᤖᤡᤴ. ᤀᤡᤱᤃᤠ᤹ ᤋᤣ᤺ᤵᤑᤢᤱ ᤔᤧ᤺ᤴᤏᤣ ᤘᤕᤠᤱᤅᤡᤸᤗᤧ ᤋᤣ᤺ᤳ ᤕᤠᤵᤔᤡ ᤀᤠᤃᤧᤶᤒᤡᤖᤡᤴ. ᤜᤧᤰᤁᤩᤠᤱ ᤀᤡᤱᤃᤠ᤹ ᤋᤢᤃᤠᤱ ᤜᤧᤰᤁᤩᤠᤱ ᤐᤢᤱᤗᤠᤜᤡᤶᤔᤥ ᤛᤠᤰᤋᤠᤱᤅᤠᤱ ᤕᤠᤃᤠᤱᤅᤡᤸᤗᤧ ᤕᤠᤵᤔᤡ ᤀᤠᤃᤧᤴᤇᤠ᤹ᤖᤡᤴᤗᤥ॥’
24121	MAT 25:44	ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤏᤥᤃᤵ ᤔᤧᤒᤡᤖᤢ. ‘ᤍᤠᤱᤒᤣ. ᤀᤠᤵᤑᤠᤸᤗᤧ ᤀᤠᤏᤡᤃᤧ ᤂᤧᤏᤧ᤹ ᤁᤧᤛᤧᤳᤗᤠ᤺ᤰᤋᤧᤒᤠ ᤏᤢ ᤁᤧᤘᤠᤔᤡ᤺ᤛᤧᤒᤠ ᤜᤧᤰᤁᤩᤠᤱ ᤘᤠ᤹ᤔᤠ ᤋᤧᤴ ᤔᤧ᤺ᤴᤏᤣ ᤏᤢ ᤋᤣ᤺ᤵᤑᤢᤱ ᤆᤠᤜᤠᤒᤠ ᤁᤧᤈᤥᤃᤧᤒᤠ. ᤁᤧᤍᤢᤃᤧᤒᤠ ᤏᤢ ᤐᤢᤱᤗᤠᤜᤡᤶᤔᤥ ᤁᤧᤕᤠᤃᤧᤒᤠ ᤏᤡ᤺ᤛᤢᤶᤒᤧᤀᤠᤱ ᤁᤢᤓᤠ᤹ ᤔᤧᤒᤡᤀᤠᤛᤡᤃᤧᤴᤒᤣ᥅’
24122	MAT 25:45	ᤂᤧᤴ ᤕᤧᤶᤔᤥ ᤂᤢᤏᤧ᤹ ᤏᤥᤃᤵ ᤐᤡᤖᤢᤛᤡ. ‘ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤁᤴ ᤀᤠᤶᤓᤢ᤹ ᤀᤠᤴᤛᤠ᤹ᤛᤡᤀᤥ ᤀᤠᤳᤋᤡᤴ ᤗᤳᤇᤠ ᤆᤢᤰᤛᤠᤎᤡᤰ ᤜᤧᤰᤁᤣ ᤁᤧᤶᤔᤧᤳᤋᤢᤶᤔᤡᤴ. ᤂᤧᤴ ᤀᤡᤱᤃᤠ᤹ᤀᤣ ᤕᤠᤵᤔᤡ ᤀᤠᤃᤧᤶᤔᤧᤳᤋᤡᤶᤒᤠᤖᤥ॥’
24141	MAT 26:18	ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤡᤏᤡ᤹ ᤕᤧᤰᤕᤰᤁᤥ ᤐᤣᤃᤧᤶᤔᤧ᤹. ᤂᤧᤵᤔᤥ ᤗᤳᤇᤠ ᤔᤏᤠᤎᤡᤰ ᤁᤧᤍᤢᤔᤢᤶ॥ ᤂᤧᤴ ᤀᤰᤂᤣ ᤔᤧᤳᤋᤧᤶᤔᤧ᤹. ‘ᤍᤠᤱᤒᤠᤸᤗᤧ ᤀᤰᤂᤣ ᤐᤠ᤺ᤳᤋᤢᤀᤠᤱ ᤘᤠ᤹. ᤀᤡᤱᤃᤠ᤹ ᤀᤠᤕᤧᤶᤔᤡᤴ ᤏᤡ᤺ᤳᤋᤠᤱᤅᤣ ᤋᤩᤧᤀᤠᤱ ᤘᤠ᤹ᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤂᤧᤏᤧ᤹ ᤁᤧᤜᤡᤶᤔᤥ ᤀᤠᤜᤢ᤹ᤛᤠᤶᤒᤠᤜᤠ᤹ᤏᤢ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶᤖᤧᤴ ᤛᤛᤠᤱᤛᤪᤥ᤺ᤳ ᤆᤥᤃᤢᤶᤒᤧ᤹ᤖᤥ॥’”
24154	MAT 26:31	ᤂᤧᤵᤔᤥ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤠᤀᤡᤴ ᤛᤧᤴᤍᤡᤰᤛᤠ ᤂᤡᤏᤡ᤹ ᤁᤧᤖᤧᤰᤗᤧ ᤀᤡᤱᤃᤠ᤹ ᤕᤠᤵᤔᤡ ᤁᤧᤗᤧᤖᤡ᤹ᤀᤠᤱ ᤁᤧᤒᤡᤃᤡ᤹ᤖᤥ॥ ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣ ᤐᤠ᤺ᤳᤋᤢᤀᤠᤱ ᤐᤳ. ‘ᤀᤡᤱᤃᤠ᤹ ᤔᤧᤸᤗᤢᤰᤁᤶᤒᤠᤴ ᤜᤡᤵᤋᤢᤱ. ᤜᤧᤰᤁᤩᤠᤱ ᤁᤧᤖᤧᤰ ᤔᤧᤸᤗᤢᤰᤜᤠ᤹ ᤁᤧᤖᤧᤰ ᤐᤡᤛᤠᤱ ᤔᤧᤛᤧᤖᤥ॥’
24261	MAT 27:63	ᤀᤰᤂᤣ ᤔᤧᤔᤧᤳᤋᤢ. “ᤀᤠᤍᤠᤱᤒᤣ. ᤂᤧᤴ ᤀᤡᤱᤗᤧᤰᤐᤧᤴ ᤁᤢᤜᤡᤱᤘᤧᤳ ᤘᤕᤧᤸᤗᤧ ‘ᤀᤡᤱᤃᤠ᤹ ᤛᤡ᤺ᤀᤠᤒᤠ ᤛᤢᤶᤕᤧᤴᤏᤥ ᤕᤠᤶᤔᤥ ᤁᤢᤜᤡᤱᤘᤧᤳ ᤐᤥ᤺ᤱᤅᤠᤖᤥ’ ᤗ᤹ᤖᤡᤰ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤏᤡᤱᤘᤠ᤹ ᤀᤡ᤺ᤵᤔᤏᤠᤖᤥ॥
24262	MAT 27:64	ᤂᤧᤸᤗᤧ ᤆᤥᤃᤢᤸᤗᤧ ᤀᤠᤍᤠᤱᤒᤠᤖᤧ ᤛᤢᤶᤕᤧᤴ ᤌᤠᤖᤡᤰ ᤛᤡᤱᤛᤡᤱᤅᤠᤱ ᤁᤢᤀᤡᤵᤐᤢᤱᤅᤡᤴ ᤁᤥᤔᤠ ᤐᤠᤱᤄᤧᤛᤧ᤹ᤀᤥ॥ ᤔᤧ᤺ᤴᤏᤧ ᤑᤠ᤹ᤃᤪ ᤁᤢᤜᤢ᤹ᤛᤠᤶᤒᤠᤜᤠ᤹ ᤛᤧᤴᤍᤡᤰ ᤔᤧᤍᤠᤀᤠᤱ ᤁᤢᤎᤰᤁᤡᤴ ᤔᤧᤄᤢ᤺ᤳᤋᤢ ᤔᤧᤍᤣ᤹ᤖᤢ᤹. ᤜᤧᤰᤁᤩᤠᤱ ‘ᤛᤡ᤺ᤔᤧᤴᤗᤠᤶ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤀᤠᤱ ᤘᤠ᤹’ ᤗ᤹ᤖᤡᤰ ᤔᤏᤠᤜᤠ᤹ ᤔᤧᤔᤧᤳᤋᤢᤛᤡ᤹ᤖᤥ॥ ᤁᤴ ᤐᤠ᤺ᤴᤏᤡᤱᤃ ᤋᤃᤡᤛ᤻ᤔᤠ ᤀᤡᤱᤗᤧᤰᤁᤡᤴᤏᤢ᤺ᤸᤗᤧᤀᤠᤱ ᤛᤠ᤹ᤖᤡᤰ ᤋᤠᤵᤑᤧ᤺ᤶᤒᤠ ᤐᤥ᤺ᤱᤗᤥ॥”
24271	MAT 28:7	ᤜᤧᤰᤁᤩᤠᤱ ᤜᤠᤖᤠ ᤐᤣᤃᤧᤳᤇᤧ᤹ᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤰᤂᤣ ᤔᤧᤳᤋᤧᤇᤧ᤹ᤀᤥ. ‘ᤂᤢᤏᤧ᤹ᤃ ᤁᤢᤛᤡᤘᤧᤳᤗᤠᤶ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ. ᤜᤧᤰᤁᤩᤠᤱ ᤂᤧᤱᤜᤠ᤹ᤏᤢ᤺ᤸᤗᤧ ᤋᤃᤡ ᤃᤠᤗᤡᤗᤀᤥ ᤐᤣ᤺ᤰᤗ ᤐᤳᤗᤥ॥ ᤂᤢᤏᤧ᤹ ᤂᤧᤵᤔᤥᤀᤣ ᤂᤡᤏᤡ᤹ ᤁᤧᤍᤢᤔᤢᤶᤗᤥ॥’ ᤀᤥᤔᤧᤳᤋᤧᤳᤇᤧ᤹ᤀᤥ. ᤁᤴ ᤐᤠ᤺ᤴᤏᤡᤴ ᤂᤡᤴᤇᤡ᤹ ᤔᤧᤳᤏᤧᤳᤇᤡᤱᤅᤠᤱ ᤘᤠ᤹ᤀᤠᤖᤥ॥”
24286	MRK 1:2	ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. “ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. ‘ᤂᤧᤏᤧ᤹ ᤁᤧᤗᤠᤶᤔᤡᤴ ᤕᤠᤖᤡᤵ ᤆᤥᤃᤢᤖ ᤑᤠ᤹ᤀᤠᤱ ᤀᤡᤱᤃᤠ᤹ ᤀᤠᤀᤡᤱᤛᤠᤒᤧᤴ ᤁᤧᤍᤃᤡ ᤐᤠᤱᤄᤢᤱ ᤕᤢ᤺ᤛᤢᤱᤗᤥ॥’
24287	MRK 1:3	ᤂᤢᤏᤧ᤹ ᤀᤣ᤺ᤰᤛᤠᤍᤧᤴᤏᤥ ᤀᤰᤂᤣᤗ᤹ᤖᤡᤰ ᤁᤧᤀ᤺ᤰᤐᤠ ᤀᤡᤰᤗᤠᤖᤥ. ‘ᤍᤠᤱᤒᤠᤸᤗᤧ ᤁᤢᤔᤠᤖᤠᤶᤔᤡᤴ ᤕᤠᤖᤡᤵ ᤆᤥᤃᤧᤶᤔᤧ᤹ᤀᤠᤱ ᤁᤢᤗᤠᤶᤜᤠ᤹ ᤋᤥ᤺ᤴᤍᤥ᤺ᤴ ᤆᤥᤃᤧᤶᤔᤧ᤹᥄’”
24338	MRK 2:9	ᤁᤴ ᤗᤱᤗᤧ᤺ᤱᤘᤠ᤺ᤴ ‘ᤁᤧᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧ’ ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ᥅ ᤀᤡ ‘ᤐᤥᤃᤧ᤹ᤀᤠᤱ ᤁᤧᤏᤧᤳᤏᤠ᤺ᤴ ᤂᤵᤛᤧ᤹ᤀᤠᤱ ᤌᤠᤛᤡᤱᤅᤧ᤹’ ᤔᤧᤵᤔᤠ ᤀᤢᤛᤢᤖᤢ ᤆᤥ᤺ᤰᤐᤡ᥅
24404	MRK 4:12	ᤂᤧᤸᤗᤧ ᤆᤥᤃᤢᤸᤗᤧ ᤀᤰᤂᤣ ᤛᤠᤵᤋᤧᤀᤠᤱ ᤐᤳ. ‘ᤂᤧᤱᤜᤠ᤹ᤖᤧ ᤀᤥᤔᤧᤔᤧᤳᤋᤢ. ᤀᤧᤳᤗᤧᤱ ᤀᤥᤔᤧᤔᤧᤳᤋᤢᤛᤠᤱ ᤔᤧᤴᤏᤡ᤺ᤛᤢᤴ॥ ᤂᤧᤱᤜᤠ᤹ᤖᤧ ᤀᤧᤳᤗᤧᤱ ᤔᤧᤄᤧᤵᤛᤢᤛᤠᤱ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴ॥ ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤱᤜᤠ᤹ᤃ ᤗᤠᤕᤥᤗᤠᤶ ᤔᤧᤏᤢ᤺ᤱ ᤔᤧᤍᤠᤀᤠᤱ ᤗᤠᤕᤥᤗᤠᤶ ᤗᤧᤵᤔᤡ ᤔᤧᤄᤥ᤺ᤛᤢ᤹ᤒᤠᤖᤥ॥’”