23232	MAT 1:19	ᤂᤢᤏᤧ᤹ᤏᤢ ᤁᤢᤔᤣ᤺ᤰᤂᤡᤶ ᤐᤠ᤺ᤴ ᤁᤧᤒᤢ᤹ᤒᤠ ᤕᤢᤛᤢᤑᤧᤱᤃ ᤛᤠᤶᤕᤥᤏᤡᤒᤠ ᤔᤏᤠ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤁᤢᤈᤠ᤺ᤳᤌᤡ ᤔᤧᤒᤣ᤺ᤰᤏᤧᤴᤗ ᤑᤠ᤹ᤀᤠᤱ ᤂᤧᤸᤗᤧ ᤛᤫᤠ᤺ᤳᤋᤠᤱ ᤏᤠ᤹ᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥
23233	MAT 1:20	ᤁᤖ ᤜᤧᤰᤁᤣ ᤀᤡ᤺ᤳᤋᤢᤖ ᤘᤕᤧᤸᤗᤧ ᤛᤧᤵᤔᤠᤱᤔᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤖᤥ. “ᤍᤠᤀᤢᤍᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤕᤢᤛᤢᤵᤑᤣ. ᤂᤧᤏᤧ᤹ ᤔᤖᤡᤕᤶᤔᤡᤴ ᤔᤣ᤺ᤰᤂᤡᤶ ᤆᤥ᤺ᤰᤔᤠᤀᤠᤱ ᤜᤡᤶᤔᤥ ᤋᤠ᤺ᤵᤔᤠ ᤔᤧᤃᤡᤛᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤥᤒᤠ ᤀᤅᤧ᤺ᤰᤘᤠ᤺ᤴ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤜᤠᤱᤛᤡᤱᤒᤠᤖᤥ॥
23239	MAT 2:1	ᤀᤠᤸᤗ ᤕᤧᤛᤢ᤺ᤴ ᤕᤜᤢᤍᤡᤕᤠ ᤌᤢᤶᤔᤥᤒᤠ ᤒᤧᤌᤗᤣᤜᤧᤔ ᤐᤠᤱᤈᤢᤶᤔᤥ ᤛᤠᤘᤠ᤺ᤴᤇᤡᤱᤒᤠ ᤕᤧᤶᤔᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤂᤧᤵᤔᤥ ᤜᤠᤱ ᤆᤥᤃᤢᤖ ᤘᤕᤧᤖᤥ॥ ᤕᤧᤛᤢ᤺ᤴ ᤛᤠᤘᤠ᤺ᤴᤇᤡᤱᤅᤠᤱ ᤏᤠᤶᤃᤧᤴ ᤐᤡᤛᤠᤱᤒᤠ ᤗᤠᤈᤣ᤹ᤗᤠᤶ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ ᤕᤖᤢᤛᤗᤧᤶᤔᤥ ᤔᤧᤍᤩᤧ. ᤜᤧᤰᤁᤩᤠᤱ
23240	MAT 2:2	ᤀᤰᤂᤣᤗ᤹ᤖᤡᤰ ᤐᤠ᤺ᤴ ᤛᤣ᤺ᤴᤔᤧᤍᤥᤛᤢ. “ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤜᤠᤱ ᤁᤧᤒᤥ᤺ᤱᤒᤠᤀᤠᤱ ᤛᤠᤃᤧᤘᤠ᤺ᤴᤇᤡᤱᤒᤠᤴ ᤀᤠᤳᤋᤥ ᤘᤠ᤹ᤒᤣ᥅ ᤀᤠᤏᤡᤃᤧ ᤏᤠᤶᤃᤧᤴ ᤐᤡᤛᤠᤱ ᤁᤢᤛᤠᤘᤠ᤺ᤴᤇᤡᤱᤔᤠᤸᤗᤧᤴ ᤔᤡᤰᤛᤣ᤺ᤴ ᤁᤧᤒᤡᤒᤠ ᤂᤣ᤺ᤶᤛᤡᤰᤁᤡᤴ ᤏᤡ᤺ᤛᤢᤶᤒᤧᤀᤠᤱ ᤂᤢᤏᤧ᤹ ᤁᤢᤛᤣᤘᤠ ᤆᤥ᤺ᤰᤛᤧ ᤋᤩᤧ᤹ᤀᤡᤃᤧᤒᤠᤖᤥ॥”
23254	MAT 2:16	ᤀᤠᤸᤗ ᤜᤧᤖᤥᤍ ᤜᤠᤱᤅᤡᤸᤗᤧ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤖᤧ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤀᤡᤱᤔᤧᤗᤧᤰᤋᤢᤀᤠᤱ ᤘᤣ᤹ ᤗᤠᤶ ᤔᤧᤒᤣᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ ᤐᤠᤱᤄᤢᤛᤡᤀᤠᤱ ᤒᤧᤌᤗᤣᤜᤧᤔ ᤏᤢ ᤂᤧᤴ ᤂᤡᤖᤡᤒᤠ ᤋᤱᤒᤣ ᤏᤧᤳᤇᤡᤀᤠᤱ ᤕᤥᤒᤠ ᤕᤧᤶᤒᤡᤳᤇᤠ᤹ ᤀᤅᤧ᤺ᤰᤘᤠ ᤛᤠ᤺ᤜᤠ᤹ ᤁᤧᤖᤧᤰ ᤛᤧᤵᤐᤠᤱᤄᤢᤛᤡᤖᤥ॥ ᤌᤣᤀᤠᤱᤓᤧᤸᤗᤧ ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤗᤠᤶ ᤂᤣ᤺ᤶᤛᤡᤰᤐᤠᤴ ᤋᤱᤒᤣ ᤏᤧᤳᤇᤡᤀᤠᤱᤎᤥ ᤋᤃᤡ ᤌᤠ᤺ᤶᤛᤡᤱᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤘᤕᤧᤖᤥ॥
23259	MAT 2:21	ᤂᤧᤸᤗᤧ ᤆᤥᤃᤢᤸᤗᤧ ᤕᤢᤛᤢᤑᤖᤧ ᤀᤅᤧ᤺ᤰᤘᤠ᤺ᤴ ᤏᤢ ᤁᤢᤶᤔᤠ᤺ᤴ ᤀᤡᤛᤪᤠᤀᤡᤗ ᤗᤠᤈᤣ᤹ᤀᤥ ᤋᤣ᤹ᤖᤢᤛᤡ॥
23260	MAT 2:22	ᤁᤖ ᤜᤧᤖᤥᤍ ᤜᤠᤱᤅᤡᤴ ᤛᤩᤧᤀᤠᤱ ᤂᤢᤏᤧ᤹ ᤁᤢᤗᤧᤰᤘᤠ ᤁᤢᤛ᤻ᤛᤠ᤺ ᤀᤷᤂᤡᤗᤠᤀᤢᤛᤖᤧ ᤕᤜᤢᤍᤡᤕᤠ ᤌᤢᤶᤔᤥ ᤜᤠᤱ ᤆᤥᤃᤢᤖ ᤘᤠ᤹ ᤁᤧᤗ᤹ᤒᤠᤴ ᤕᤢᤛᤢᤑᤖᤧ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤂᤢᤏᤧ᤹ ᤂᤧᤵᤔᤥ ᤐᤣ᤺ᤰᤔᤠ ᤁᤡ᤺ᤛᤧ॥ ᤜᤧᤰᤁᤩᤠᤱ ᤔᤠᤱᤗᤠᤀᤡᤱᤒᤠᤸᤗᤧ ᤕᤠᤶᤔᤥ ᤛᤧᤵᤔᤠᤱᤔᤥ ᤛᤠᤶᤍᤡᤱ ᤐᤡᤖᤢᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤃᤠᤗᤡᤗ ᤌᤢᤶᤔᤥ ᤐᤣᤀᤠᤱ
23262	MAT 3:1	ᤂᤧᤴ ᤕᤧᤶᤔᤥ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ ᤔᤧᤵᤔᤏᤠᤒᤠ ᤔᤏᤠ᤺ᤴ ᤕᤜᤢᤍᤡᤕᤠ ᤌᤢᤶᤔᤥᤒᤠ ᤀᤣ᤺ᤰᤛᤠᤍᤧᤴᤏᤥ ᤀᤰᤂᤣᤗ᤹ᤖᤡᤰ ᤀᤡᤱᤓᤴ ᤆᤥᤃᤢᤖ ᤋᤩᤧ.
23264	MAT 3:3	ᤂᤢᤏᤧ᤹ ᤁᤢᤕᤠ᤺ᤶᤒᤣᤀᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤕᤛᤤᤕᤠ᤺ᤸᤗᤧ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤠ᤹ᤖᤥ. “ᤂᤢᤏᤧ᤹ ᤀᤣ᤺ᤰᤛᤠᤍᤧᤴᤏᤥ ᤀᤰᤂᤣᤗ᤹ᤖᤡᤰ ᤁᤧᤀ᤺ᤰᤐᤠ ᤀᤡᤰᤗᤠᤖᤥ. ‘ᤍᤠᤱᤒᤠᤸᤗᤧ ᤁᤢᤔᤠᤖᤠᤶᤔᤡᤴ ᤕᤠᤖᤡᤵ ᤆᤥᤃᤧᤶᤔᤧ᤹ᤀᤠᤱ ᤁᤢᤗᤠᤶᤜᤠ᤹ ᤋᤥ᤺ᤴᤍᤥ᤺ᤴ ᤆᤥᤃᤧᤶᤔᤧ᤹᥄’”
23265	MAT 3:4	ᤀᤠᤸᤗ ᤕᤢᤜᤢᤴᤏᤠ᤺ᤸᤗᤧ ᤀᤢᤔᤣᤖᤧ ᤁᤢᤔᤢᤖᤡᤰᤗᤠᤶ ᤌᤠᤰᤔᤏᤠᤒᤠ ᤋᤣ᤺ᤳᤋᤡᤴ ᤆᤠᤰᤂᤢᤀᤠᤱ ᤛᤧᤜᤥᤒᤠ ᤑ᤹ᤀᤡ ᤕᤢᤵᤛᤢᤖᤥ॥ ᤂᤢᤏᤧ᤹ ᤁᤢᤈᤠᤔᤠᤱᤃ ᤏᤡ᤺ᤱᤄᤢ᤺ᤰᤘᤠ ᤏᤢ ᤋᤠᤶᤓᤢᤱ ᤛᤰᤘᤠᤄᤢ ᤘᤕᤧᤖᤥ॥
23269	MAT 3:8	ᤗᤠᤕᤥᤗᤠᤶ ᤁᤧᤜᤡᤴᤍᤡᤒᤠ ᤐᤠ᤺ᤴᤏᤡᤴ ᤀᤥᤛᤣ᤺ᤴᤍᤠᤱ ᤆᤥ᤺ᤰᤛᤧ ᤏᤢ᤺ᤒᤠ ᤕᤠ᤺ᤶᤒᤰ ᤆᤥᤃᤧᤶᤔᤧ᤹ᤀᤥ॥
23270	MAT 3:9	ᤀᤠᤏᤡᤃᤧᤃ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ᤛᤡᤃᤧ. ᤂᤧᤸᤗᤧ ᤆᤥᤃᤢᤸᤗᤧ ᤂᤢᤶᤍᤡᤱᤗᤠᤶ ᤂᤧᤳᤇᤡᤱᤔᤠ ᤛᤢᤰᤋᤡᤃᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤆᤥ᤺ᤰᤔᤠ ᤛᤢᤰᤋᤢᤛᤡ᤹ᤖᤥ॥
23271	MAT 3:10	ᤀᤠᤸᤗᤥᤛᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴᤏᤡᤸᤗᤧ ᤋ᤺ᤴᤍᤡᤱᤃ ᤛᤡᤱᤒᤢᤱᤔᤥ ᤂᤠ ᤆᤢᤰᤔᤠ ᤀᤡ᤺ᤳᤋᤧᤀᤠᤱ ᤘᤠ᤹॥ ᤏᤢ᤺ᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠᤒᤠ ᤛᤡᤱᤒᤢᤱᤜᤠ᤹ ᤁᤧᤖᤧᤰ ᤋᤠᤱᤔᤠᤀᤠᤱ ᤔᤡᤀᤥ ᤗᤠᤵᤑᤢᤔᤠ ᤐᤥ᤺ᤱᤗᤥ॥
23272	MAT 3:11	ᤗᤠᤕᤥᤗᤠᤶ ᤁᤧᤜᤡᤴᤍᤡᤀᤠᤱ ᤀᤡᤱᤃᤠ᤹ᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤏᤡᤱᤗᤥ. ᤁᤖ ᤀᤠᤀᤣᤃᤠᤱ ᤁᤧᤍᤠ᤺ᤒᤧᤱᤃ ᤀᤡᤱᤃᤠ᤹ᤏᤢ᤺ᤸᤗᤧᤀᤠᤱ ᤔᤢᤰᤛᤠᤶᤛᤠᤒᤠ ᤆᤥ᤺ᤰᤗᤥ॥ ᤂᤢᤏᤧ᤹ ᤁᤢᤗᤠᤱᤛᤢ᤺ᤵᤜᤠ᤹ ᤀᤡᤱᤃᤠ᤹ ᤕᤥ᤺ᤰ ᤁᤢᤀᤡᤛᤡ᤺ᤰ ᤐᤱᤔᤠᤀᤠᤱ ᤔᤧᤗᤠ᤹ᤀᤠᤴᤗᤥ॥ ᤂᤢᤏᤧ᤹ ᤛᤣᤛᤣᤔᤠᤱ ᤏᤢ ᤔᤡ᤺ᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ᤹ᤖᤥ॥
23273	MAT 3:12	ᤁᤢᤓ᤹ᤀᤣ᤺ᤳᤋᤡᤸᤗᤧ ᤛᤡ᤺ᤴ ᤀᤠ᤺ᤶᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤕᤠᤖᤡᤵ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤃᤢᤖ ᤛᤢᤵᤛᤢᤀᤠᤱ ᤛᤡ᤺ᤴ ᤆᤠᤎᤥ᤺ᤰᤗᤠᤀᤥ ᤆᤡᤰᤂᤢ᤹ ᤜᤧᤰᤁᤩᤠᤱ ᤁᤢᤜᤰᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤴᤇᤡ᤺ᤔᤏᤠᤒᤠ ᤔᤡᤀᤥ ᤜᤠ᤺ᤴᤍᤢᤍᤣ᤺ᤛᤢ᤹ᤖᤥ॥”
23276	MAT 3:15	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤀᤠᤸᤗᤥᤖᤧ ᤗᤠᤃᤡ ᤀᤰᤂᤣᤀᤣ ᤐᤥ᤺ᤱᤗᤖᤥ. ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤧᤖᤧᤰ ᤏᤡᤱᤘᤠ᤹ ᤆᤥᤃᤢᤒᤠ ᤐᤠ᤺ᤴᤏᤡᤴ ᤁᤧᤳᤗᤖᤥ॥” ᤜᤧᤰᤁᤩᤠᤱ ᤕᤢᤜᤢᤴᤏᤠ᤺ᤴ ᤋᤧᤴᤍᤧᤀᤠᤱ ᤂᤢᤏᤧ᤹ ᤒᤵᤋᤡᤛ᤻ᤔᤠ ᤐᤡᤖᤢᤖᤥ॥
23277	MAT 3:16	ᤕᤧᤛᤢ᤺ᤴ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤀᤠᤱ ᤆᤫᤠ᤺ᤳᤋᤥᤗᤠᤶ ᤗᤠ᤺ᤰᤁᤠᤳ ᤗ᤺ᤴᤍᤧᤏᤢᤔᤧ᤺ᤴᤏᤣ ᤋᤠᤱᤛᤠᤰᤐᤧᤴ ᤜᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤐᤢᤳᤋᤢ᤺ᤰᤁᤣ ᤜᤧᤰᤁᤣ ᤂᤢᤏᤧ᤹ ᤁᤢᤛᤶᤍᤠᤱ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤖᤥ॥
23283	MAT 4:5	ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤂᤢᤏᤧ᤹ ᤕᤖᤢᤛᤗᤧᤶᤔᤥ ᤋᤣ᤹ᤖᤢᤀᤠᤱ ᤔᤠᤱᤜᤡᤶᤔᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤁᤣ᤺ᤶᤒᤠ ᤆᤶᤈᤶᤒᤠ ᤋᤧᤴᤏᤥ ᤕᤧᤵᤛᤢᤀᤠᤱ ᤔᤧᤳᤋᤢ
23286	MAT 4:8	ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤂᤢᤏᤧ᤹ ᤛᤠ᤹ᤖᤡᤰ ᤆᤶᤈᤶᤒᤠ ᤁᤥ᤺ᤰᤔᤠᤀᤥ ᤋᤣ᤹ᤖᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤜᤠᤱᤈᤢᤶᤜᤠ᤹ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤐᤕᤶ ᤕᤶᤒᤠ ᤏᤢ ᤏᤢ᤺ᤒ᤻ᤏᤢ᤺ᤒᤠ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤎᤠᤰᤋᤢᤀᤠᤱ
23288	MAT 4:10	ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤛᤤᤋᤠᤏᤣ. ᤁᤵᤔᤥᤗᤠᤶ ᤐᤣᤃᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤂᤧᤏᤧ᤹ ᤍᤠᤱᤒᤠ ᤁᤧᤏᤡᤱᤘᤠ᤹ᤑᤢᤔᤠᤱᤅᤡᤴᤗᤰ ᤛᤣᤘᤠ ᤔᤧᤳᤋᤧ᤹ ᤜᤧᤰᤁᤩᤠᤱ ᤂᤢᤏᤧ᤹ᤀᤡᤴᤗᤰ ᤁᤢᤛᤣᤘᤠ ᤆᤥᤃᤧ᤹ᤀᤥ॥’”
23297	MAT 4:19	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤀᤣᤃᤠᤱ ᤌᤠᤏᤧᤳᤇᤧ᤹ᤀᤥ. ᤂᤡᤴᤇᤡ᤹ ᤅᤠ ᤁᤧᤍᤧᤶᤛᤢ ᤁᤧᤍᤠ᤺ᤳᤇᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤀᤥ ᤔᤏᤠ ᤁᤧᤍᤠ᤺ᤵᤐᤠ ᤆᤥ᤺ᤰᤏᤧᤳᤇᤡᤱᤗᤥ॥”
23301	MAT 4:23	ᤕᤧᤛᤢᤖᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤜᤠ᤹ᤀᤥ ᤏᤡᤛᤠᤶ ᤜᤢ᤹ᤖᤢᤛᤡᤖ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤛᤢᤏᤠᤀᤡᤱ ᤛᤧ᤺ᤛᤢ. ᤜᤧᤰᤁᤩᤠᤱ ᤁᤧᤖᤧᤰ ᤐᤖᤡᤰᤗᤧᤴ ᤋᤢᤰᤔᤠ ᤕ᤹ᤔᤠᤗᤠᤶ ᤁᤧᤍᤢᤰᤐᤠᤜᤠ᤹ ᤘᤣ᤺ᤴᤍᤢᤛᤡᤖ ᤃᤠᤗᤡᤗ ᤌᤢᤶᤔᤥ ᤂᤠᤖᤠᤰ ᤋᤠᤰᤁᤴᤍᤧᤖᤥ॥
23306	MAT 5:3	“ᤁᤧᤖᤧᤰ ᤐᤠ᤺ᤴᤏᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤆᤠᤜᤠᤒᤠ ᤁᤧᤈᤥ᤺ᤰᤐᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤴ ᤂᤧᤱᤜᤠ᤹ᤖᤧᤴᤏᤣᤖᤥ॥
23308	MAT 5:5	ᤆᤢᤱᤈᤡᤃᤧᤴ ᤏ᤺ᤶᤏ᤺ᤶᤒᤠ ᤔᤏᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤂᤧᤱᤜᤠ᤹ᤖᤧᤴᤏᤣᤖᤥ॥
23309	MAT 5:6	ᤜᤧᤰᤁᤩᤠᤱ ᤛᤠᤶᤕᤥᤏᤡᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠᤀᤥ ᤛᤩᤠᤱᤔᤧᤴᤍᤠᤱ ᤁᤧᤒᤵᤐᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤂᤧᤱᤜᤠ᤹ ᤑᤠ᤹ᤖᤢᤛᤡ᤹ᤖᤥ॥
23314	MAT 5:11	ᤀᤡᤱᤃᤠ᤹ ᤆᤥᤃᤢᤱᤅᤡᤸᤗᤧ ᤔᤏᤠᤜᤠ᤹ᤖᤧ ᤂᤡᤏᤡ᤹ ᤁᤡᤏᤠ᤺ᤴᤍᤡ ᤁᤧᤶᤒᤡᤖᤡ᤹. ᤋᤢᤰᤂᤣ ᤁᤧᤶᤈᤠ᤺ᤳᤋᤡᤀᤠᤱ ᤂᤡᤏᤡ᤹ ᤋᤰᤗᤧᤱᤘᤠᤀᤥ ᤑᤥᤋᤩᤠᤒᤠ ᤑᤧᤴ ᤐᤠ᤺ᤴᤜᤠ᤹ ᤔᤧᤒᤠ᤺ᤳᤋᤢᤸᤗᤧ ᤔᤢ᤹ᤀᤡᤛᤠᤒᤠ ᤁᤧᤒᤥ᤺ᤰᤂᤡᤖᤥ॥
23315	MAT 5:12	ᤂᤧᤴ ᤕᤧᤶᤔᤥ ᤐᤛ᤺ᤳ ᤛ᤺ᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤡᤏᤡ᤹ ᤌᤢᤶᤄᤥ᤺ᤴ ᤕᤶᤒᤠ ᤆᤥ᤺ᤰᤗᤥ॥ ᤀᤢᤴᤇᤣ᤺ᤴᤛ᤻ᤔᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤠᤱ ᤔᤏᤠᤜᤠ᤹ᤖᤧ ᤒᤠ ᤜᤧᤰᤁᤣᤀᤣ ᤔᤧᤔᤧᤳᤋᤢᤛᤡᤖᤥ॥
23316	MAT 5:13	ᤂᤡᤏᤡ᤹ᤃ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤀᤥᤒᤠ ᤕᤢᤶᤏᤡᤱᤗᤥ. ᤁᤖ ᤕᤢᤶᤔᤡᤸᤗᤧ ᤁᤢᤗᤡᤶᤔᤧᤴ ᤔᤠ᤺ᤒᤣ᤺ᤰᤏᤧ ᤑᤠ᤹ᤃᤪ ᤕᤠᤶᤔᤥ ᤁᤧᤗᤡᤶᤒᤠ ᤆᤥ᤺ᤰᤔᤠ ᤛᤢᤰᤔᤧᤍᤧᤳᤏᤧᤴᤗᤥ॥ ᤂᤧᤸᤗᤧ ᤁᤢᤕᤠ᤺ᤶᤒᤰ ᤌᤣᤀᤠᤱ ᤜᤥ᤺ᤵᤗᤥ. ᤁᤖ ᤂᤧᤱᤃ ᤗᤠᤵᤑᤢᤔᤠ ᤐᤥ᤺ᤱᤅᤠᤱ ᤔᤏᤠᤜᤠ᤹ᤖᤧ ᤔᤧᤍᤥ᤹ᤖᤢᤖᤥ॥
23320	MAT 5:17	ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤐᤡᤖᤢᤒᤠ ᤛᤠᤶᤕᤥᤌᤡᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤋᤩᤠᤱᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ॥ ᤀᤡᤱᤃᤠ᤹ᤃ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤔᤧ᤺ᤴ. ᤁᤖ ᤂᤧᤱᤜᤠ᤹ ᤁᤢᤗᤡᤱᤎᤥ ᤁᤧᤳᤇᤧᤏᤧ ᤋᤩᤠᤱᤒᤠᤖᤥ॥
23321	MAT 5:18	ᤛᤧᤰᤂᤠᤀᤣ ᤀᤡᤱᤃᤠ᤹ ᤔᤧᤳᤏᤡᤱ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤋᤠᤱᤛᤠᤰᤐᤧᤴ ᤔᤠ᤺ᤔᤠ ᤐᤣ᤺ᤰᤔᤠᤏᤢ᤺ᤸᤗᤧ ᤋᤃᤡ ᤛᤠᤶᤕᤥᤌᤡᤶᤔᤥ ᤁᤧᤒᤵᤐᤠ ᤁᤧᤖᤧᤰ ᤐᤠ᤺ᤴᤏᤡᤴ ᤔᤧᤱᤃᤧᤳᤋᤣ ᤌᤠᤖᤡᤰ ᤂᤧᤵᤔᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠ ᤐᤠ᤺ᤴᤎᤡᤰᤁᤠᤱ ᤔᤧᤔᤠ᤺ᤏᤧᤴᤗᤥ॥
23322	MAT 5:19	ᤜᤠ᤺ᤳᤗᤧ ᤁᤴ ᤀᤡᤱᤈᤠ᤺ᤱᤜᤠ᤹ᤀᤥᤒᤠ ᤆᤢᤰᤛᤠ ᤐᤠ᤺ᤴᤎᤡᤰ ᤑᤣ᤺ᤴᤍᤢᤀᤠᤱ ᤘᤣᤜᤠ᤹ ᤒᤠ ᤜᤧᤰᤁᤣ ᤆᤥ᤺ᤰᤔᤠ ᤜᤢ᤹ᤖᤢᤛᤡ᤹ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤂᤧᤴ ᤆᤢᤰᤛᤠ ᤐᤥ᤺ᤱᤗᤥ. ᤁᤖ ᤜᤠ᤺ᤳᤗᤧ ᤁᤴ ᤀᤡᤱᤈᤠ᤺ᤱᤜᤠ᤹ ᤀᤡ᤺ᤳᤋᤢ-ᤏᤠ᤺ᤳᤋᤢᤀᤠᤱ ᤘᤣ᤹ᤜᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤜᤢ᤹ᤖᤢᤛᤡ᤹ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤂᤧᤴ ᤐᤕᤶ ᤕᤶᤒᤠ ᤐᤥ᤺ᤱᤗᤥ॥
23327	MAT 5:24	ᤁᤧᤗᤧᤳᤋᤡᤱᤅᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤁᤢᤒᤣᤛᤠᤱ ᤏᤧᤛ᤻ᤛᤧ ᤌᤩᤧ᤹ᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤴᤍᤣ᤺ᤱᤒᤠᤸᤗᤥ ᤐᤣᤃᤧ᤹ᤀᤠᤱ ᤏᤠᤍᤱ ᤆᤥᤃᤧᤳᤇᤧ᤹ᤀᤥ॥ ᤜᤧᤰᤁᤩᤠᤱᤗᤰ ᤋᤩᤧ᤹ᤀᤠᤱ ᤁᤧᤗᤧᤳᤋᤡᤱᤅᤡᤴ ᤋᤥ᤺ᤴᤍᤧ᤹ᤀᤥ॥
23328	MAT 5:25	ᤀᤠᤵᤋᤡᤰ ᤁᤧᤃᤢ᤺ᤵᤐᤠᤸᤗᤧ ᤂᤧᤏᤧ᤹ ᤂᤠᤛᤧᤴᤍᤧᤴᤏᤥ ᤋᤣ᤹ᤔᤠᤏᤢ᤺ᤸᤗᤧ ᤋᤃᤡ ᤂᤢᤏᤧ᤹ᤏᤢ ᤏᤠᤍᤱ ᤆᤥᤃᤧ᤹ᤀᤥ. ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤏᤧ᤹ ᤂᤠᤛᤧᤴᤗᤥ᤺ᤶᤒᤠᤸᤗᤥ ᤁᤧᤍᤣ᤹ᤀᤠᤱ ᤂᤠᤛᤧᤴᤗᤥ᤺ᤶᤒᤠᤸᤗᤧ ᤋᤡᤗᤡᤱᤃᤠᤜᤠ᤹ᤖᤥ ᤜᤢᤰᤁᤧᤛᤢᤵ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤐᤢᤱᤗᤠᤜᤡᤶᤔᤥ ᤁᤧᤶᤛᤠᤰᤗᤥ॥
23330	MAT 5:27	ᤀᤠᤸᤗ. “ᤂᤡᤏᤡ᤹ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ. ‘ᤂᤧᤏᤧ᤹ ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤈᤥᤃᤧᤴᤏᤧ᤹ᤀᤥ’
23331	MAT 5:28	ᤁᤖ ᤀᤡᤱᤃᤠ᤹ ᤔᤧᤳᤏᤡᤱ ᤀᤠᤳᤋᤡᤸᤗᤧ ᤑᤧᤴ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤔᤧᤴᤇᤢᤔᤠ᤹ᤀᤡᤴ ᤀᤥᤔᤧᤳᤋᤢ᤹. ᤂᤧᤸᤗᤧᤃ ᤋᤃᤡᤀᤣ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤁᤢᤏᤡᤱᤘᤠ᤹ᤒᤥ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢᤍᤣ᤺ᤛᤢᤖᤥ॥
23332	MAT 5:29	ᤂᤧᤏᤧ᤹ ᤆᤢᤵᤛᤠᤱ ᤁᤧᤔᤡᤰᤁᤡᤸᤗᤧ ᤗᤠᤕᤥ ᤆᤥ᤺ᤰᤔᤠ ᤁᤧᤒᤠᤱᤏᤧ ᤑᤠ᤹ᤃᤪ ᤗ᤺ᤳᤋᤧ᤹ᤀᤠᤱ ᤗᤠᤵᤑᤢ᤺ᤛᤧ᤹ᤀᤥ॥ ᤁᤧᤖᤧᤰ ᤏᤠᤛᤡᤱᤃᤧᤴ ᤌᤰᤁᤡᤴ ᤂᤧᤔᤠᤕᤱᤛᤱᤅᤥ ᤗᤠᤵᤑᤢᤔᤠᤏᤢ᤺ᤸᤗᤧ ᤔᤡᤰᤌᤡᤰ ᤔᤧ᤺ᤴᤏᤣ ᤘᤠ᤹ᤔᤠᤀᤣ ᤏᤢ᤺ᤒᤠᤖᤥ॥
23333	MAT 5:30	ᤜᤧᤰᤁᤩᤠᤱ ᤆᤢᤵᤛᤠᤱ ᤜᤢᤰᤁᤡᤸᤗᤧ ᤗᤠᤕᤥ ᤆᤥ᤺ᤰᤔᤠ ᤁᤧᤒᤠᤱᤏᤧ ᤑᤠ᤹ᤃᤪ ᤂᤧᤴᤏᤠᤱ ᤂᤰᤋᤧ᤹ᤀᤠᤱ ᤗᤠᤵᤑᤢ᤺ᤛᤧ᤹ᤀᤥ॥ ᤁᤧᤖᤧᤰ ᤏᤠᤛᤡᤱᤃᤧᤴ ᤌᤰᤁᤡᤴ ᤂᤧᤔᤠᤕᤱᤛᤱᤅᤥ ᤗᤠᤵᤑᤢᤔᤠᤏᤢ᤺ᤸᤗᤧ ᤜᤢᤰᤌᤡᤰ ᤔᤧ᤺ᤴᤏᤣ ᤘᤠ᤹ᤔᤠᤀᤣ ᤏᤢ᤺ᤒᤠᤖᤥ॥”
23335	MAT 5:32	ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤜᤠ᤺ᤳᤗᤧ ᤘᤣ᤹ᤜᤠ᤹ᤏᤢ ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤔᤠ ᤔᤣᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤏᤠ᤹ᤖᤢ᤹ ᤂᤧᤸᤗᤧ ᤂᤧᤴ ᤁᤢᤔᤣ᤺ᤳᤋᤡᤴ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤆᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤔᤣ᤺ᤰᤂᤡᤶ ᤆᤥᤃᤢ᤹ ᤂᤧᤸᤗᤧᤀᤠᤱ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥”
23339	MAT 5:36	ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ ᤌᤧᤃᤣ᤺ᤰᤐᤠᤸᤗᤧᤴ ᤔᤠᤱᤔᤧᤜᤧᤰᤁᤠᤛᤡᤶᤔᤧᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤌᤧᤃᤣ᤺ᤰᤀᤡᤎᤡᤰᤁᤠᤱ ᤑ᤺ᤃᤧᤗ᤹ᤒᤠ ᤀᤡᤃᤪ ᤔᤠᤰᤁᤧᤗ᤹ᤒᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤶᤔᤡᤸᤗᤥ॥
23342	MAT 5:39	ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤔᤏᤠᤜᤠ᤹ᤖᤧ ᤋᤠᤵᤑᤧ᤺ᤸᤗᤡᤰ ᤁᤧᤶᤔᤧᤳᤋᤡᤸᤗᤧ ᤂᤧᤱᤜᤠ᤹ ᤋᤠᤵᤑᤧ᤺ᤸᤗᤡᤰ ᤔᤧᤔᤧᤳᤋᤧᤶᤛᤡᤶᤔᤧᤴᤏᤧ᤹॥ ᤀᤠᤳᤋᤡᤸᤗᤧ ᤆᤢᤵᤛᤠᤱ ᤗᤧᤵᤔᤠᤱᤒᤠ ᤁᤧᤏᤧᤍᤧᤱᤒᤠᤴ ᤁᤧᤗᤧᤱ ᤁᤧᤒᤡ᤹. ᤂᤧᤴ ᤘᤣ᤹ᤛ᤻ᤔᤠᤴᤏᤠᤱ ᤋᤥ᤺ᤴᤍᤧ ᤐᤡᤖᤧ᤹॥
23346	MAT 5:43	“ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤁᤧᤒᤠᤱᤓᤣ᤹ᤛᤠᤒᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤛᤧ᤹ᤀᤠᤱ ᤁᤧᤏᤡᤱᤔᤡᤜᤠ᤹ ᤆᤡ᤺ᤳᤋᤧᤛᤧ᤹ ᤗ᤹ᤖᤡᤰ ᤐᤠ᤺ᤳᤋᤢᤒᤠ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹.
23347	MAT 5:44	ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤏᤡᤱᤔᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤠᤱ ᤂᤡᤏᤡ᤹ ᤋᤠᤵᤑᤧ᤺ᤸᤗᤡᤰ ᤁᤧᤔᤧᤵᤐᤠᤜᤠ᤹ ᤋᤢᤘᤠ ᤆᤥᤃᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥
23351	MAT 5:48	ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤖᤧᤰ ᤐᤠ᤺ᤴᤏᤥ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤜᤧᤰᤋᤱᤒᤠ ᤐᤥ᤺ᤱᤔᤠᤀᤣ ᤐᤥ᤺ᤱᤗᤥ॥”
23353	MAT 6:2	ᤜᤧᤰᤁᤣᤗ᤹ᤖᤡᤰ ᤔᤧᤱᤃᤵᤔᤏᤠᤒᤠᤜᤠ᤹ ᤁᤢᤈᤠ ᤁᤧᤒᤡᤖᤢᤛᤡᤸᤗᤧ ᤘᤣ᤹ᤜᤠ᤹ᤖᤧ ᤔᤧᤄᤧᤵᤛᤢᤖ ᤔᤧᤏᤡ᤺ᤛᤢᤖ ᤑᤠ᤹ᤀᤠᤱ ᤔᤢᤰᤗᤠ ᤔᤧᤔᤢᤰᤂᤧᤴᤏᤧ᤹ᤀᤥ॥ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤜᤠ᤹ᤖᤧ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤏᤢ ᤗᤠᤶᤗᤠᤶᤔᤥ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤀᤠᤱ ᤂᤢᤏᤡ᤹ ᤏᤠᤖᤠ ᤔᤧᤓᤥ᤺ᤛᤢᤖ ᤑᤠ᤹ᤀᤠᤱ ᤜᤧᤰᤁᤣ ᤔᤧᤈᤥᤃᤢ᤹॥ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤧ᤹. ᤂᤧᤱᤜᤠ᤹ᤖᤧ ᤂᤢᤏᤡ᤹ ᤜᤠᤱᤛᤧᤶᤔᤡᤱᤃ ᤋᤃᤡᤛᤠ ᤔᤧᤄᤥ᤺ᤛᤢ ᤔᤧᤛᤢᤖᤢᤀᤠᤱ ᤔᤧᤘᤠ᤹॥
23356	MAT 6:5	“ᤜᤧᤰᤁᤩᤠᤱ ᤂᤡᤏᤡ᤹ ᤋᤢᤘᤠ ᤁᤧᤈᤥᤃᤢᤶᤔᤡᤸᤗᤧ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤜᤠ᤹ ᤁᤢᤀᤡᤛᤡ᤺ᤰ ᤔᤧᤈᤥᤃᤧᤶᤔᤡᤴᤏᤧ᤹ᤀᤥ॥ ᤂᤧᤱᤜᤠ᤹ᤖᤧᤃ ᤔᤏᤠᤜᤠ᤹ᤖᤧ ᤔᤧᤏᤡ᤺ᤛᤢᤖ ᤑᤠ᤹ᤀᤠᤱ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤏᤢ ᤗᤠᤶᤗᤠᤶᤔᤥ ᤕᤧᤵᤔᤠᤀᤠᤱ ᤋᤢᤘᤠ ᤆᤥ᤺ᤰᤔᤠ ᤂᤢᤏᤡ᤹ ᤛᤡᤖᤠ᤹ ᤌᤠᤱᤗᤥ॥ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤠ᤺ᤶᤒᤰᤁᤡᤸᤗᤧᤴ ᤜᤠᤱᤛᤧᤶᤔᤡᤴ ᤋᤃᤡᤀᤣ ᤔᤧᤄᤥ᤺ᤛᤢ ᤔᤧᤛᤢᤖᤢᤀᤠᤱ ᤔᤧᤘᤠ᤹ᤖᤥ॥
23357	MAT 6:6	ᤁᤖ ᤂᤧᤏᤧ᤹ ᤋᤢᤘᤠ ᤁᤧᤈᤥᤃᤢᤸᤗᤧ ᤁᤧᤜᤡᤶᤗᤰᤛᤡᤱ ᤛᤡᤃᤠᤱ ᤗᤠ᤺ᤛᤧ᤹ᤀᤠᤱ ᤗᤠᤶᤎᤣ᤺ᤵᤐᤠᤴ ᤛᤢᤒᤧ᤹. ᤜᤧᤰᤁᤩᤠᤱ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠᤏᤢᤍᤡᤱ ᤁᤧᤶᤒᤠᤏᤢ ᤀᤣ᤺ᤰ ᤋᤢᤘᤠ ᤆᤥᤃᤧ᤹ᤀᤥ॥ ᤜᤧᤰᤁᤩᤠᤱ ᤛᤫᤠ᤺ᤳᤋᤠᤱ ᤆᤥ᤺ᤰᤔᤏᤠᤒᤠ ᤕᤠ᤺ᤶᤒᤰ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡᤖᤥ॥
23360	MAT 6:9	“ᤂᤧᤸᤗᤧ ᤆᤥᤃᤢᤸᤗᤧ ᤀᤰᤂᤣᤗ᤹ᤖᤡᤰ ᤋᤢᤘᤠ ᤆᤥᤃᤧᤶᤔᤧ᤹ᤀᤥ– ‘ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤀᤠᤏᤡᤃᤧ ᤐᤠᤏᤢᤍᤡᤱ ᤐᤠᤀᤣ. ᤔᤏᤠᤜᤠ᤹ᤖᤧ ᤁᤧᤔᤡᤱᤅᤡᤴ ᤛᤣᤛᤣ ᤔᤧᤀᤡ᤺ᤳᤋᤢᤖ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤶᤒᤡᤖᤖᤥ॥
23363	MAT 6:12	ᤀᤠᤏᤡᤃᤧ ᤋᤰᤗᤧᤱᤘᤠᤀᤥ ᤗᤠᤕᤥ ᤁᤧᤈᤥ᤺ᤰᤐᤠᤜᤠ᤹ ᤗᤧᤵᤔᤡ ᤐᤡᤖᤢᤶᤛᤡᤶᤒᤧᤒᤠ ᤜᤧᤰᤁᤣᤀᤣ ᤀᤠᤏᤡᤃᤧ ᤆᤥᤃᤢᤶᤒᤧᤒᤠ ᤗᤠᤕᤥ᤺ᤴ ᤗᤧᤵᤔᤡ ᤀᤠᤒᤡᤖᤧ᤹ᤀᤥ॥
23367	MAT 6:16	“ᤜᤧᤰᤁᤩᤠᤱ ᤂᤡᤏᤡ᤹ ᤆᤠ᤺ᤏᤧᤳ ᤁᤧᤕᤢᤱᤅᤡᤸᤗᤧ ᤏᤡᤱᤘᤠ᤹ ᤁᤧᤈᤡ᤺ᤵᤐᤠᤜᤠ᤹ ᤁᤢᤀᤡᤛᤡ᤺ᤰ ᤂᤡᤏᤡ᤹ ᤏᤠ ᤔᤧᤔᤠᤰᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤆᤠ᤺ᤏᤧᤳ ᤔᤧᤕᤢᤱᤅᤡᤸᤗᤧ ᤘᤣ᤹ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤄᤥ᤺ᤛᤢᤖ ᤑᤠ᤹ᤀᤠᤱ ᤂᤢᤏᤡ᤹ ᤏᤠᤖᤠ᤺ᤴ ᤔᤧᤃᤡ᤺ᤴᤍᤢᤖ ᤔᤧᤕᤢᤱᤗᤥ॥ ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤂᤧᤱᤜᤠ᤹ᤖᤧᤃ ᤂᤢᤏᤡ᤹ ᤜᤠᤱᤛᤧᤶᤔᤡᤴ ᤁᤧᤖᤧᤰ ᤔᤧᤄᤥ᤺ᤛᤢ ᤔᤧᤛᤢᤖᤢᤀᤠᤱ ᤔᤧᤘᤠ᤹ᤖᤥ॥
23368	MAT 6:17	ᤁᤖ ᤂᤧᤏᤧ᤹ ᤆᤠ᤺ᤏᤧᤳ ᤁᤧᤕᤢᤱᤅᤡᤸᤗᤧ ᤂᤧᤏᤧ᤹ ᤁᤧᤎᤧᤃᤣ᤺ᤰᤐᤥ ᤏᤡ᤺ᤱᤃᤣ᤹ ᤜᤢ᤺ᤳᤋᤧ᤹ᤀᤠᤱ ᤁᤧᤏᤠᤖᤠ᤺ᤴ ᤘᤠᤜᤵᤋᤧ᤹ᤀᤥ॥
23369	MAT 6:18	ᤜᤧᤰᤁᤣᤗ᤹ᤖᤡᤰ ᤂᤧᤏᤧ᤹ ᤆᤠ᤺ᤏᤧᤳ ᤁᤧᤕᤢᤱᤒᤠᤴ ᤘᤣ᤹ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤱᤄᤥ᤺ᤛᤢᤴᤗᤖᤥ. ᤁᤖ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠᤏᤢᤍᤡᤱ ᤁᤧᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤖᤰ ᤏᤡ᤺ᤛᤢᤖᤖᤥ॥ ᤜᤧᤰᤁᤣ ᤁᤧᤈᤥᤃᤢᤸᤗᤧ ᤛᤫᤠ᤺ᤳᤋᤠᤱ ᤆᤥ᤺ᤰᤔᤏᤠᤒᤠ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡ᤹ᤖᤥ॥”
23373	MAT 6:22	ᤔᤡᤰᤁᤡᤱᤃ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤛᤣᤔᤡᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤁᤧᤔᤡᤰᤁᤡᤴ ᤏᤢ᤹ᤏᤧ ᤑᤠ᤹ᤃᤪ. ᤁᤧᤖᤧᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤀᤥ᤺ᤳᤗᤥ॥
23374	MAT 6:23	ᤁᤖ ᤂᤧᤏᤧ᤹ ᤁᤧᤔᤡᤰᤁᤡᤴ ᤑᤧᤴᤏᤧ ᤑᤠ᤹ᤃᤪ ᤁᤧᤖᤧᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤂᤠᤍᤠᤶᤔᤥ ᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ᤀᤥᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴᤏᤣ ᤂᤠᤍᤠᤶᤏᤧ ᤑᤠ᤹ᤃᤪ ᤂᤧᤴ ᤂᤠᤍᤠᤶᤔᤠᤴ ᤀᤠᤰᤂᤧᤴ ᤛᤠ᤹ᤖᤡᤰ ᤐᤥ᤺ᤱᤒᤡᤗᤠ॥
23375	MAT 6:24	ᤀᤠᤳᤋᤡᤸᤗᤧᤀᤠᤱ ᤏᤧᤵᤑᤢ ᤍᤠᤱᤒᤠᤜᤠ᤹ ᤛᤣᤘᤠ ᤆᤥ᤺ᤰᤔᤠᤛᤡ ᤔᤧᤛᤢᤰᤋᤢᤴᤛᤡᤴᤗᤥ॥ ᤂᤧᤸᤗᤧ ᤌᤡᤰᤁᤡᤴ ᤏᤢ᤺ᤖᤡᤰ ᤔᤧᤳᤋᤢ᤹ᤀᤠᤱ ᤘᤣ᤹ᤛ᤻ᤔᤠᤴ ᤆᤡ᤺ᤳᤋᤢ᤹ᤖᤥ. ᤔᤧ᤺ᤱᤃᤪ ᤌᤡᤰᤁᤡᤴ ᤀᤡᤱᤎᤠ᤺ᤱ ᤐᤡᤖᤢᤀᤠᤱ ᤘᤣ᤹ᤛ᤻ᤔᤠᤴ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥ ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤕᤠᤱᤛᤠᤁᤢᤴᤎᤣ᤺ᤴ ᤛᤥᤛᤥᤖᤡᤰ ᤛᤣᤘᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤴᤗᤥ॥”
23376	MAT 6:25	“ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤁᤴ ᤏᤧᤳᤋᤡᤃᤧᤴ ᤜᤡᤱᤔᤴᤏᤥ ᤌᤣ᤺ᤴ ᤆᤠᤔᤠ ᤌᤢᤱᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤜᤧᤰᤁᤣᤗ᤹ᤖᤡᤰᤁᤣ ᤁᤴ ᤏᤠᤛᤡᤱᤃᤧᤴ ᤌᤰᤁᤥᤀᤠᤱ ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤴ ᤆᤠᤔᤠ ᤌᤢᤱᤔᤠᤏᤢ᤺ᤸᤗᤧ ᤜᤧᤰᤁᤩᤠᤱ ᤏᤠᤛᤡᤱᤃᤧᤴ ᤌᤰᤁᤡᤴ ᤆᤠᤱᤔᤠ ᤘᤠ᤺ᤵᤔᤠᤏᤢ᤺ᤸᤗᤧ ᤏᤢ᤺ᤒᤠ ᤔᤧᤈᤥ᤺ᤰᤏᤧᤴᤒᤡ᥅
23377	MAT 6:26	ᤐᤢᤛᤠᤜᤠ᤹ ᤀᤥᤔᤧᤳᤋᤧᤶᤛᤡᤶᤔᤧ᤹. ᤂᤧᤱᤜᤠ᤹ᤖᤧ ᤆᤠ ᤔᤧᤴᤍᤣ᤺ᤛᤢᤴ ᤔᤧᤴᤇᤢᤵᤛᤢᤴ ᤜᤧᤰᤁᤩᤠᤱ ᤕᤠᤱᤔᤧᤱᤄᤥ᤺ᤳᤋᤢᤴᤇᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤂᤡᤏᤡ᤹ ᤐᤠ᤺ᤸᤗᤧ ᤂᤧᤱᤜᤠ᤹ ᤆᤠᤔᤠ ᤐᤡᤖᤢᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤂᤧᤱᤜᤠ᤹ᤏᤢ᤺ᤸᤗᤧᤀᤠᤱ ᤀᤡᤔᤧᤸᤗᤢᤱᤒᤠ ᤁᤧᤴᤈᤥᤃᤡᤶᤒᤡ᥅
23379	MAT 6:28	ᤜᤧᤰᤁᤣ᤺ᤸᤗᤧ ᤌᤧᤔᤠ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤌᤣᤀᤠᤱ ᤏᤡᤱᤛᤠᤶᤔᤥ ᤁᤧᤎᤩᤧ᤹ᤀᤡᤒᤠᤒᤣ᥅ ᤋᤠᤶᤓᤢᤱᤔᤥ ᤁᤧᤗᤡᤱᤒᤠ ᤑᤢᤱᤅᤡᤴ ᤀᤥᤔᤧᤳᤋᤧᤶᤔᤧ᤹. ᤂᤧᤱᤜᤠ᤹ ᤕᤠ᤺ᤶᤒᤰ ᤔᤧᤴᤈᤥ᤺ᤰᤏᤧᤴ ᤂᤡ᤺ᤀᤠᤱ ᤔᤧᤴᤗ᤺ᤴᤏᤧᤴ॥
23381	MAT 6:30	ᤏᤛᤠ᤺ᤴ ᤁᤧᤛᤢ᤺ᤶᤒᤠᤛᤣ. ᤀᤠᤀᤡᤴ ᤁᤧᤗᤡᤱᤒᤠᤀᤠᤱ ᤋᤠ᤺ᤴᤍᤡᤰ ᤔᤡᤀᤥ ᤗᤠᤵᤑᤢᤔᤠ ᤁᤧᤒᤥ᤺ᤱᤒᤠ ᤕᤠ᤺ᤴ ᤑᤢᤱᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤕᤠᤖᤡᤰ ᤏᤢ᤺ᤒᤠ ᤆᤥᤃᤢᤛᤡᤸᤗᤧ ᤂᤧᤴᤏᤢ᤺ᤸᤗᤧ ᤏᤢ᤺ᤖᤡᤰᤁᤠᤱ ᤋᤣ᤺ᤳ ᤂᤡᤏᤡ᤹ ᤁᤧᤴᤈᤠ᤺ᤰᤋᤡᤶᤒᤡ᥅
23382	MAT 6:31	ᤂᤧᤸᤗᤧ ᤆᤥᤃᤢᤸᤗᤧ ᤌᤣ᤺ᤴ ᤆᤠᤔᤠ ᤌᤢᤱᤔᤠ ᤒᤣ. ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥
23383	MAT 6:32	ᤌᤣᤀᤠᤱᤓᤧᤸᤗᤧ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤒᤠ ᤂᤧᤴ ᤐᤠ᤺ᤴᤜᤠ᤹ᤀᤥ ᤐᤳᤗᤥ. ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ᤺ᤸᤗᤧ ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤆᤠᤜᤠᤒᤠ ᤁᤧᤈᤥᤃᤡ᤹ ᤑᤠ᤹ᤀᤠᤱ ᤏᤡ᤺ᤛᤢᤖᤥ॥
23385	MAT 6:34	ᤂᤧᤸᤗᤧ ᤆᤥᤃᤢᤸᤗᤧ ᤋᤠ᤺ᤴᤍᤡᤰ ᤌᤣ ᤐᤥ᤺ᤱ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤋᤠ᤺ᤴᤍᤡᤰᤐᤠ ᤋᤢᤰᤂᤣ᤺ᤴ ᤋᤠ᤺ᤴᤍᤡᤰᤁᤣ ᤐᤥ᤺ᤱ. ᤜᤧᤰᤁᤩᤠᤱ ᤀᤠᤀᤡᤴᤒᤠ ᤋᤢᤰᤂᤣ᤺ᤴ ᤀᤠᤀᤡᤴᤇᤠ ᤕᤖᤡᤰ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥”
23391	MAT 7:6	ᤛᤣᤛᤣ ᤆᤡᤃ᤺ᤰᤘᤠ᤺ᤴ ᤂᤩᤠᤒᤠᤜᤠ᤹ ᤔᤧᤒᤡᤖᤧᤶᤛᤡᤶᤔᤡᤴᤏᤧ᤹. ᤔᤧ᤺ᤴᤏᤧ ᤑᤠ᤹ᤃᤪ ᤂᤧᤱᤜᤠ᤹ ᤜᤡᤸᤗᤡᤰ ᤔᤧᤜᤡᤛᤡᤱ ᤜᤧᤰᤁᤩᤠᤱ ᤁᤧᤶᤓᤳᤋᤡ᤹ᤀᤠᤱ ᤁᤧᤶᤜᤠ᤹ᤖᤡᤖᤥ॥ ᤜᤧᤰᤁᤩᤠᤱ ᤑᤠᤰᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤋᤧᤰᤛᤣ᤺ᤰᤁᤡᤴ ᤔᤧᤛᤧᤛᤧᤶᤔᤡᤴᤏᤧ᤹ᤀᤥ. ᤂᤧᤱᤜᤠ᤹ᤖᤧ ᤔᤧᤍᤥ᤹ᤖᤢ ᤔᤧᤗᤠ᤺ᤰᤋᤢ᤹ᤖᤥ॥”
23398	MAT 7:13	“ᤆᤡᤓᤡ᤺ᤵᤑᤡ᤺ᤵᤐᤠ ᤗᤠ᤺ᤵᤔᤠᤍᤧᤴᤏᤥᤗᤠᤶ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤗᤠ᤺ᤛᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤕᤶᤒᤠ ᤗᤠ᤺ᤵᤔᤠᤍᤧᤴ ᤏᤢ ᤋᤠᤶᤍᤠᤶᤒᤠ ᤗᤠᤶᤔᤡᤸᤗᤧᤃ ᤔᤧᤰᤔᤠᤀᤥ ᤁᤧᤍᤣ᤹ᤖᤡ᤹ᤖᤥ॥ ᤂᤧᤴᤗᤠᤶᤒᤠ ᤕᤖᤡᤰ ᤔᤏᤠᤜᤠ᤹ ᤔᤧᤗᤠ᤺ᤳᤗᤥ॥
23399	MAT 7:14	ᤁᤖ ᤆᤢᤰᤛᤠ ᤗᤠ᤺ᤵᤔᤠᤍᤧᤴ ᤏᤢ ᤆᤡᤓᤡ᤺ᤵᤑᤡ᤺ᤵᤐᤠ ᤗᤠᤶᤔᤡᤸᤗᤧᤃ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴᤏᤥ ᤁᤧᤍᤣ᤹ᤖᤡ᤹ᤖᤥ॥ ᤂᤧᤴ ᤁᤧᤄᤥ᤺ᤒᤠᤜᤠ᤹ᤃ ᤔᤡᤛᤠᤰᤗᤰ ᤔᤧᤒᤥ᤺ᤱᤗᤥ॥”
23401	MAT 7:16	ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤂᤧᤱᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥ ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤋᤡᤱᤃᤪᤣ᤺ᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ ᤏᤢ ᤛᤡᤎᤪᤠ᤺ᤰᤐᤥᤗᤠᤶ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥
23405	MAT 7:20	ᤂᤧᤸᤗᤧ ᤆᤥᤃᤢᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤀᤡᤱᤗᤧᤰᤐᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥”
23407	MAT 7:22	ᤂᤠᤛᤧᤴ ᤕᤧᤴᤏᤥ ᤕᤖᤡᤰ ᤔᤏᤠᤜᤠ᤹ ᤔᤧᤍᤠᤀᤠᤱ ᤀᤰᤂᤣ ᤔᤧᤔᤧᤳᤋᤠᤖᤥ. ‘ᤀᤠᤍᤠᤱᤒᤣ. ᤀᤠᤍᤠᤱᤒᤣ. ᤂᤧᤏᤧ᤹ ᤁᤧᤔᤡᤱᤅᤥ ᤔᤠᤱᤏᤡᤱᤘᤠ᤹ᤐᤠ᤺ᤴ ᤐᤠᤖᤡᤃᤧᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤡᤱᤅᤥ ᤑᤧᤴᤛᤠᤶᤜᤠ᤹ ᤏᤠ᤺ᤳᤋᤢᤶ ᤗ᤺ᤳᤋᤢᤶᤛᤡᤶᤒᤧᤀᤠᤱ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤶᤒᤧᤖᤥ॥’
23409	MAT 7:24	ᤀᤠᤸᤗ “ᤂᤧᤸᤗᤧ ᤆᤥᤃᤢᤸᤗᤧ ᤐᤣᤗᤡᤃᤧᤴ ᤀᤠᤒᤠ᤺ᤴᤈᤠᤰ ᤁᤧᤄᤧᤶᤒᤠᤀᤠᤱ ᤜᤧᤰᤁᤣ ᤁᤧᤈᤥ᤺ᤰᤐᤧᤱᤃ ᤐᤕᤶ ᤕᤶᤒᤠ ᤗᤢᤱᤛᤶᤍᤠᤱ ᤜᤡᤶᤐᤠᤱᤕᤰ ᤁᤧᤏᤧᤒᤠᤀᤠᤱ ᤜᤡᤶ ᤁᤧᤈᤥ᤺ᤰᤐᤠ ᤛᤡᤰᤁᤢᤶᤒᤠ ᤔᤏᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥
23411	MAT 7:26	ᤁᤖ ᤐᤣᤗᤡᤃᤧᤴ ᤀᤠᤒᤠ᤺ᤴᤈᤠᤰᤁᤡᤴ ᤁᤧᤄᤧᤶᤒᤠᤀᤠᤱ ᤜᤧᤰᤁᤣ ᤔᤧᤴᤈᤥ᤺ᤰᤔᤏᤠᤒᤠᤱᤃ ᤕᤧ᤺ᤱᤄᤠᤀᤥ ᤜᤡᤶᤐᤠᤱᤕᤰ ᤁᤧᤏᤧᤒᤠᤀᤠᤱ ᤜᤡᤶ ᤁᤧᤈᤥ᤺ᤰᤐᤠ ᤀᤍᤱ ᤔᤏᤠ ᤁᤢᤀᤡᤛᤡ᤺ᤰ ᤆᤥ᤺ᤰᤗᤥ॥
23416	MAT 8:2	ᤜᤰᤆᤄᤳ ᤂᤧᤵᤔᤥ ᤗᤥᤃᤣ᤹ ᤋᤢᤰᤔᤠᤸᤗᤧ ᤋᤖᤢᤒᤠ ᤔᤏᤠᤎᤡᤰ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤂᤧᤸᤗᤧ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤣ. ᤂᤧᤏᤧ᤹ ᤏᤡᤱᤘᤠ᤹ ᤁᤧᤈᤥᤃᤢᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤘᤣ᤺ᤶᤔᤠ ᤁᤧᤛᤢᤰᤁᤠᤖᤥ॥”
23417	MAT 8:3	ᤕᤧᤛᤢᤖᤧ ᤁᤢᤜᤢᤰᤁᤡᤴ ᤛᤴᤇᤢᤖ ᤂᤧᤴ ᤔᤏᤠ᤺ᤴ ᤛᤢ᤺ᤛᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤡᤱᤃᤠ᤹ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤂᤧᤏᤧ᤹ ᤏᤢᤖᤧ᤹ᤀᤥ᥄” ᤂᤡᤔᤥ ᤂᤧᤴ ᤔᤏᤠ᤺ᤴ ᤗᤥᤃᤣ᤹ ᤋᤢᤰᤔᤠᤗᤠᤶ ᤏᤢ᤺ᤖᤧᤖᤥ॥
23418	MAT 8:4	ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤀᤠᤳᤋᤡᤴ ᤔᤏᤠ᤺ᤴᤏᤠᤱ ᤁᤴ ᤐᤠ᤺ᤴᤏᤡᤴ ᤔᤧᤔᤧᤳᤋᤧᤴᤏᤧ᤹ᤀᤥ. ᤁᤖ ᤔᤠᤱᤜᤡᤶᤔᤥ ᤐᤣᤃᤧ᤹ᤀᤠᤱ ᤏᤢ᤺ᤖᤠᤱᤗᤥ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤥ ᤀᤥᤛᤣ᤺ᤴᤎᤠᤰᤛᤡᤱᤅᤧ᤹ᤀᤥ. ᤜᤧᤰᤁᤩᤠᤱ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤥ ᤛᤠᤵᤋᤧᤒᤠ ᤁᤢᤀᤡᤛᤡ᤺ᤰ ᤛᤡᤍᤢᤱᤈᤓᤠ ᤆᤥᤃᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤧᤏᤧ᤹ ᤁᤧᤏᤢᤖᤧᤒᤠᤴ ᤔᤧᤏᤡ᤺ᤛᤢᤖᤖᤥ॥”