23216	MAT 1:3	ᤜᤧᤰᤁᤩᤠᤱ ᤕᤜᤢᤍᤠ᤺ᤸᤗᤧ ᤁᤢᤛ᤻ᤛᤠ᤺ᤜᤠ᤹ ᤐᤣᤖᤣᤈ ᤏᤢ ᤈᤡᤖᤠᤜ ᤘᤕᤧᤳᤇᤡ (ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤔᤠ᤺ᤸᤗᤧ ᤁᤢᤔᤡᤱ ᤋᤠᤔᤠᤖ ᤘᤕᤧ). ᤑᤠᤖᤧᤛᤖᤧ ᤁᤢᤛ᤻ᤛᤠ᤺ ᤜᤧᤛᤪᤥᤏ ᤘᤕᤧ. ᤜᤧᤛᤪᤥᤏᤖᤧ ᤁᤢᤛ᤻ᤛᤠ᤺ ᤀᤠᤖᤠᤔ ᤘᤕᤧᤖᤥ॥
23224	MAT 1:11	ᤜᤧᤰᤁᤩᤠᤱ ᤕᤥᤛᤡᤕᤠᤜᤖᤧ ᤁᤢᤛ᤻ᤛᤠ᤺ᤜᤠ᤹ ᤕᤁᤥᤏᤡᤕᤠᤛ ᤏᤢ ᤁᤢᤴᤛᤠ᤹ᤛᤡ ᤔᤧᤘᤕᤧᤖᤥ (ᤂᤧᤱᤜᤠ᤹ᤃ ᤀᤡᤛᤪᤠᤀᤡᤗᤡᤜᤠ᤹ ᤒᤧᤒᤡᤗᤥᤏ ᤗᤠᤈᤣ᤹ᤀᤥ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤀᤠᤱ ᤔᤧᤃᤳᤋᤢᤛᤡᤒᤠ ᤕᤧᤶᤔᤥ ᤛᤠᤔᤧᤘᤠ᤺ᤴᤇᤡᤱᤅᤠᤱ ᤔᤧᤘᤕᤧᤖᤥ)॥
23229	MAT 1:16	ᤜᤧᤰᤁᤩᤠᤱ ᤕᤠᤁᤢᤒᤖᤧ ᤁᤢᤛ᤻ᤛᤠ᤺ ᤕᤢᤛᤢᤑ ᤘᤕᤧ॥ ᤕᤢᤛᤢᤑᤧᤴ ᤔᤖᤡᤕᤔᤖᤧ ᤁᤢᤕᤧᤶᤒᤠ᤹ ᤘᤕᤧ. ᤜᤧᤰᤁᤩᤠᤱ ᤜᤠᤒᤠ ᤁᤴ ᤔᤖᤡᤕᤶᤔᤡᤴᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤔᤧᤵᤔᤏᤠᤒᤠ ᤕᤧᤛᤢ᤺ᤴ ᤛᤠᤘᤠ᤺ᤴᤇᤡᤱᤗᤥ॥
23230	MAT 1:17	ᤀᤰᤂᤣᤗ᤹ᤖᤡᤰ ᤀᤒᤪᤠᤜᤠᤔᤗᤠᤶ ᤍᤠᤀᤢᤍ ᤜᤠᤱ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤗᤠᤶ ᤒᤧᤒᤡᤗᤥᤏ ᤗᤠᤈᤣ᤹ᤀᤥ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤀᤠᤱ ᤔᤧᤃᤳᤋᤢᤛᤡᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤒᤧᤒᤡᤗᤥ᤺ᤴᤏᤥ ᤐᤢᤱᤗᤠᤎᤠᤒᤠ ᤔᤧᤈᤥᤃᤢᤛᤡᤀᤠᤱ ᤔᤧᤍᤣ᤹ᤖᤢᤛᤡᤒᤠ ᤕᤧᤶᤔᤠᤱᤎᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤛᤠᤘᤠ᤺ᤴᤇᤡᤱᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧᤖᤥ॥
23231	MAT 1:18	ᤀᤠᤸᤗ ᤕᤧᤛᤢ ᤂᤪᤡᤛ᤻ᤋᤖᤧ ᤁᤢᤛᤠᤘᤠ᤺ᤴᤇᤡᤱᤔᤠᤴ ᤀᤰᤂᤣᤗ᤹ᤖᤡᤰ ᤐᤥ᤺ᤰᤂᤧᤖᤥ–ᤁᤢᤶᤔᤠ ᤔᤖᤡᤕᤔᤖᤧ ᤁᤢᤔᤣ᤺ᤰᤂᤡᤶ ᤐᤥ᤺ᤱᤔᤠ ᤐᤠ᤺ᤴᤏᤡᤴ ᤕᤢᤛᤢᤑᤧᤴᤏᤢ ᤐᤢ᤹ᤖᤧᤀᤠᤱ ᤘᤕᤧ. ᤁᤖ ᤂᤢᤴᤇᤡ᤹ ᤔᤣ᤺ᤰᤂᤡᤶ ᤐᤥ᤺ᤱᤔᤠᤏᤢ᤺ᤸᤗᤧ ᤋᤃᤡᤀᤣ ᤂᤢᤏᤧ᤹ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤔᤧᤴᤇᤢᤰᤔᤠ ᤐᤥ᤺ᤰᤂᤧᤖᤥ॥
23234	MAT 1:21	ᤂᤢᤏᤧ᤹ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤡᤱᤅᤡᤴ ᤕᤧᤛᤢ ᤘᤠ᤺ᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥᤗᤠᤶ ᤋᤠᤱᤛᤧ᤺ᤵᤋᤢᤛᤡ᤹ᤖᤥ॥”
23235	MAT 1:22	ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤗᤠᤶ ᤕᤜᤘᤣ ᤍᤠᤱᤒᤠᤸᤗᤧ ᤀᤢᤴᤇᤣ᤺ᤴ ᤀᤰᤂᤣᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤘᤕᤧᤒᤠ ᤐᤠ᤺ᤴᤏᤡᤴ ᤁᤧᤳᤗ ᤑᤠ᤹ᤀᤠᤱ ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤥ᤺ᤰᤂᤧᤒᤠᤖᤥ–
23236	MAT 1:23	“ᤛᤡᤛᤠᤍᤡᤱ ᤔᤧᤴᤇᤡᤕᤠ᤹ᤀᤡᤴ ᤔᤧᤴᤇᤢᤰᤔᤠ ᤐᤥ᤺ᤱᤅᤠᤱ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤴ ᤀᤡᤶᤔᤠᤏᤢᤀᤣᤗ ᤔᤧᤔᤧᤳᤋᤢ᤹ᤖᤥ॥ ‘ᤀᤡᤶᤔᤠᤏᤢᤀᤣᤗ’ ᤑᤠ᤹ᤀᤡᤱᤃ ‘ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ᤏᤢ ᤘᤠ᤹’ ᤐᤥ᤺ᤱᤗᤥ॥”
23238	MAT 1:25	ᤁᤖ ᤔᤖᤡᤕᤶᤔᤡᤴ ᤔᤧᤴᤇᤢᤰᤔᤠ ᤘᤕᤧᤖ ᤌᤠᤖᤡᤰ ᤂᤢᤴᤇᤡ᤹ ᤛᤥᤖᤡᤰ ᤔᤧᤀᤡᤵᤛᤧᤳᤇᤡᤴᤗᤥ॥ ᤕᤠᤱᤛᤡ ᤔᤖᤡᤕᤶᤔᤡᤸᤗᤧ ᤛᤠ᤺ ᤁᤳᤋᤢᤀᤠᤱ ᤕᤢᤛᤢᤑᤖᤧ ᤂᤧᤴ ᤀᤅᤧ᤺ᤰᤘᤠ᤺ᤴ ᤕᤧᤛᤢ ᤔᤡᤱ ᤘᤠ᤺ᤳᤋᤢᤖᤥ॥
23239	MAT 2:1	ᤀᤠᤸᤗ ᤕᤧᤛᤢ᤺ᤴ ᤕᤜᤢᤍᤡᤕᤠ ᤌᤢᤶᤔᤥᤒᤠ ᤒᤧᤌᤗᤣᤜᤧᤔ ᤐᤠᤱᤈᤢᤶᤔᤥ ᤛᤠᤘᤠ᤺ᤴᤇᤡᤱᤒᤠ ᤕᤧᤶᤔᤥ ᤜᤧᤖᤥᤍ ᤜᤠᤱᤅᤡᤸᤗᤧ ᤂᤧᤵᤔᤥ ᤜᤠᤱ ᤆᤥᤃᤢᤖ ᤘᤕᤧᤖᤥ॥ ᤕᤧᤛᤢ᤺ᤴ ᤛᤠᤘᤠ᤺ᤴᤇᤡᤱᤅᤠᤱ ᤏᤠᤶᤃᤧᤴ ᤐᤡᤛᤠᤱᤒᤠ ᤗᤠᤈᤣ᤹ᤗᤠᤶ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ ᤕᤖᤢᤛᤗᤧᤶᤔᤥ ᤔᤧᤍᤩᤧ. ᤜᤧᤰᤁᤩᤠᤱ
23240	MAT 2:2	ᤀᤰᤂᤣᤗ᤹ᤖᤡᤰ ᤐᤠ᤺ᤴ ᤛᤣ᤺ᤴᤔᤧᤍᤥᤛᤢ. “ᤕᤜᤢᤍᤡᤜᤠ᤹ᤖᤧ ᤂᤢᤏᤡ᤹ ᤜᤠᤱ ᤁᤧᤒᤥ᤺ᤱᤒᤠᤀᤠᤱ ᤛᤠᤃᤧᤘᤠ᤺ᤴᤇᤡᤱᤒᤠᤴ ᤀᤠᤳᤋᤥ ᤘᤠ᤹ᤒᤣ᥅ ᤀᤠᤏᤡᤃᤧ ᤏᤠᤶᤃᤧᤴ ᤐᤡᤛᤠᤱ ᤁᤢᤛᤠᤘᤠ᤺ᤴᤇᤡᤱᤔᤠᤸᤗᤧᤴ ᤔᤡᤰᤛᤣ᤺ᤴ ᤁᤧᤒᤡᤒᤠ ᤂᤣ᤺ᤶᤛᤡᤰᤁᤡᤴ ᤏᤡ᤺ᤛᤢᤶᤒᤧᤀᤠᤱ ᤂᤢᤏᤧ᤹ ᤁᤢᤛᤣᤘᤠ ᤆᤥ᤺ᤰᤛᤧ ᤋᤩᤧ᤹ᤀᤡᤃᤧᤒᤠᤖᤥ॥”
23242	MAT 2:4	ᤜᤧᤖᤥᤍ ᤜᤠᤱᤅᤡᤸᤗᤧ ᤁᤧᤖᤧᤰ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤁᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋ ᤔᤧᤵᤔᤏᤠᤒᤠᤴ ᤀᤠᤳᤋᤥ ᤛᤠᤘᤠ᤺ᤴᤇᤡᤱᤔᤠ ᤁᤧᤒᤥ᤺ᤱᤒᤠ ᤘᤠ᤹ᤒᤣ ᤗ᤹ᤖᤡᤰ ᤛᤣ᤺ᤴᤍᤥᤛᤢᤛᤡ॥
23243	MAT 2:5	ᤂᤧᤱᤜᤠ᤹ᤖᤧ ᤏᤥᤃᤵ ᤔᤧᤒᤡᤖᤢ. “ᤕᤜᤢᤍᤡᤕᤠ ᤌᤢᤶᤔᤥᤒᤠ ᤒᤧᤌᤗᤣᤜᤧᤶᤔᤥ ᤂᤢᤏᤧ᤹ ᤛᤠᤘᤠ᤺ᤴᤇᤡᤱᤔᤠ ᤁᤧᤒᤥ᤺ᤱᤒᤠ ᤘᤠ᤹ᤖᤥ॥ ᤌᤣᤀᤠᤱᤓᤧᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ­ –
23247	MAT 2:9	ᤜᤧᤖᤥᤍ ᤜᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤂᤧᤱᤜᤠ᤹ ᤔᤧᤎᤠᤛᤡᤱᤗᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤂᤣ᤺ᤶᤛᤡᤰᤐᤠᤴ ᤕᤠᤶᤔᤥ ᤔᤧᤏᤡ᤺ᤛᤢ ᤜᤧᤰᤁᤩᤠᤱ ᤂᤢᤏᤡ᤹ ᤋᤃᤡ ᤋᤃᤡ ᤐᤣᤀᤠᤱ ᤀᤅᤧ᤺ᤰᤘᤠ ᤘᤕᤧᤒᤠ ᤜᤡᤶ ᤁᤢᤍᤥ᤺ᤵᤔᤠ ᤁᤧᤖᤧᤀᤠᤱ ᤑᤴᤇᤡᤱᤗᤥ॥
23251	MAT 2:13	ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ ᤔᤧᤒᤣ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤎᤡᤰ ᤕᤢᤛᤢᤑᤖᤧ ᤁᤢᤛᤧᤵᤔᤠᤱᤔᤥ ᤌᤠ᤺ᤴᤇᤡᤱᤅᤠᤱ ᤀᤰᤂᤣ ᤔᤧᤳᤋᤢ. “ᤐᤥᤃᤧ᤹ᤀᤠᤱ ᤀᤅᤧ᤺ᤰᤘᤠ᤺ᤴ ᤏᤢ ᤁᤢᤶᤔᤠ᤺ᤴ ᤋᤣ᤹ᤖᤧᤛᤧ᤹ᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤂᤧᤳᤇᤡᤱ ᤐᤣᤃᤧ᤹. ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤧᤶᤔᤧᤳᤋᤣ ᤌᤠᤖᤡᤰ ᤂᤧᤏᤧ᤹ ᤂᤧᤵᤔᤥᤀᤣ ᤘᤕᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤜᤧᤖᤥᤍ ᤜᤠᤱᤅᤡᤸᤗᤧ ᤀᤅᤧ᤺ᤰᤘᤠ᤺ᤴ ᤛᤧᤵᤔᤠ ᤑᤠ᤹ᤀᤠᤱ ᤁᤥ᤺ᤳᤋᤢᤖ ᤘᤠ᤹ᤖᤥ॥”
23252	MAT 2:14	ᤒᤠ ᤂᤧᤴ ᤛᤧᤴᤍᤡᤰᤛᤠ ᤕᤢᤛᤢᤑᤖᤧ ᤀᤅᤧ᤺ᤰᤘᤠ᤺ᤴ ᤏᤢ ᤁᤢᤶᤔᤠ᤺ᤴ ᤋᤣ᤹ᤖᤢᤛᤡᤀᤠᤱ ᤔᤡᤛᤪᤀᤥ ᤂᤧᤳᤇᤡᤱ ᤐᤣᤖᤥ॥
23253	MAT 2:15	ᤜᤧᤖᤥᤍ ᤜᤠᤱᤅᤡᤴ ᤔᤧᤴᤇᤡ᤺ᤀᤣ ᤌᤠᤖᤡᤰ ᤂᤢᤏᤧ᤹ ᤂᤧᤵᤔᤥᤀᤣ ᤕᤠ᤺ᤰᤋᤧᤖᤥ॥ ᤜᤧᤰᤁᤣᤗ᤹ᤖᤡᤰ ᤕᤜᤘᤣ ᤍᤠᤱᤒᤠᤸᤗᤧ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤗᤠᤶ ᤀᤡᤱᤃᤠ᤹ ᤀᤠᤛ᤻ᤛᤠ᤺ᤴ ᤔᤡᤛᤪᤗᤠᤶ ᤗᤠ᤺ᤰᤁᤠᤳ ᤀᤢ᤺ᤳᤋᤢᤱᤗᤥ ᤗ᤹ᤖᤡᤰ ᤀᤢᤴᤇᤣ᤺ᤴ ᤐᤠ᤺ᤳᤋᤢᤒᤠᤴ ᤁᤧᤖᤧᤖᤥ॥
23254	MAT 2:16	ᤀᤠᤸᤗ ᤜᤧᤖᤥᤍ ᤜᤠᤱᤅᤡᤸᤗᤧ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤖᤧ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤀᤡᤱᤔᤧᤗᤧᤰᤋᤢᤀᤠᤱ ᤘᤣ᤹ ᤗᤠᤶ ᤔᤧᤒᤣᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ ᤐᤠᤱᤄᤢᤛᤡᤀᤠᤱ ᤒᤧᤌᤗᤣᤜᤧᤔ ᤏᤢ ᤂᤧᤴ ᤂᤡᤖᤡᤒᤠ ᤋᤱᤒᤣ ᤏᤧᤳᤇᤡᤀᤠᤱ ᤕᤥᤒᤠ ᤕᤧᤶᤒᤡᤳᤇᤠ᤹ ᤀᤅᤧ᤺ᤰᤘᤠ ᤛᤠ᤺ᤜᤠ᤹ ᤁᤧᤖᤧᤰ ᤛᤧᤵᤐᤠᤱᤄᤢᤛᤡᤖᤥ॥ ᤌᤣᤀᤠᤱᤓᤧᤸᤗᤧ ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤗᤠᤶ ᤂᤣ᤺ᤶᤛᤡᤰᤐᤠᤴ ᤋᤱᤒᤣ ᤏᤧᤳᤇᤡᤀᤠᤱᤎᤥ ᤋᤃᤡ ᤌᤠ᤺ᤶᤛᤡᤱᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤘᤕᤧᤖᤥ॥
23255	MAT 2:17	ᤂᤧᤱᤃ ᤕᤷᤔᤡᤕᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤸᤗᤧ ᤀᤰᤂᤣᤗ᤹ᤖᤡᤰ ᤀᤢᤴᤇᤣ᤺ᤴ ᤐᤠ᤺ᤳᤋᤢᤒᤠ ᤔᤠᤱᤏᤡᤱᤘᤠ᤹ᤐᤠ᤺ᤴᤏᤡᤴ ᤁᤧᤖᤧᤒᤠᤖᤥ–
23256	MAT 2:18	“ᤁᤧᤜᤠ᤺ᤵᤔᤠ ᤁᤧᤓᤡ᤺ᤰᤔᤠ ᤏᤢ ᤔᤣᤖᤡᤱ ᤁᤧᤎᤰᤔᤠ ᤕᤶᤒᤠ ᤀᤡᤰᤗᤠ᤺ᤴ ᤖᤠᤔᤠ ᤐᤠᤱᤈᤢᤶᤔᤥ ᤂᤧᤶᤍᤧᤳᤗᤥ. ᤖᤠᤜᤧᤗᤖᤧ ᤁᤢᤛ᤻ᤛᤠ᤺ᤜᤠ᤹ ᤜᤠ᤺ᤵᤋᤢᤛᤡ᤹ᤖᤥ॥ ᤂᤧᤱᤃ ᤜᤠᤱᤜᤠᤱ ᤔᤧᤳᤇᤡᤱᤔᤠ ᤔᤧᤍᤧᤴᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤁᤢᤛ᤻ᤛᤠ᤺ᤜᤠ᤹ ᤁᤧᤖᤧᤰ ᤔᤧᤛᤩᤧᤖᤥ॥”
23257	MAT 2:19	ᤀᤠᤸᤗ ᤜᤧᤖᤥᤍ ᤜᤠᤱᤅᤡᤴ ᤛᤩᤧᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤕᤢᤛᤢᤑᤧᤴᤏᤢ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤁᤢᤛᤧᤵᤔᤠᤱᤔᤥ ᤌᤠ᤺ᤴᤇᤡᤱᤅᤠᤱ
23268	MAT 3:7	ᤁᤖ ᤕᤖᤡᤰ ᤑᤖᤡᤛᤡᤜᤠ᤹ ᤏᤢ ᤛᤍᤢᤁᤡᤜᤠ᤹ ᤒᤵᤋᤡᤛ᤻ᤔᤠ ᤐᤥ᤺ᤱᤛᤧ ᤂᤢᤏᤧ᤹ᤀᤥ ᤔᤧᤍᤩᤧᤖ ᤔᤧᤒᤳᤇᤧᤒᤠ ᤏᤡ᤺ᤛᤢᤛᤡᤀᤠᤱ ᤀᤰᤂᤣ ᤔᤧᤳᤋᤢᤛᤡᤖ ᤑᤧ᤺ᤰᤋᤢᤛᤡ. “ᤀᤛᤣ᤺ᤰᤛᤠᤛᤣ. ᤂᤡᤏᤡ᤹ ᤁᤴ ᤁᤧᤍᤠ᤺ᤒᤠᤖ ᤁᤧᤒᤵᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤢᤶᤍᤡᤱᤗᤠᤶ ᤂᤧᤳᤇᤡᤱᤅᤧᤶᤔᤧ᤹ ᤑᤠ᤹ᤀᤠᤱ ᤜᤠ᤺ᤳᤗᤧ ᤁᤧᤔᤧᤳᤋᤡᤒᤣ᥅
23270	MAT 3:9	ᤀᤠᤏᤡᤃᤧᤃ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ᤛᤡᤃᤧ. ᤂᤧᤸᤗᤧ ᤆᤥᤃᤢᤸᤗᤧ ᤂᤢᤶᤍᤡᤱᤗᤠᤶ ᤂᤧᤳᤇᤡᤱᤔᤠ ᤛᤢᤰᤋᤡᤃᤧ᤹ ᤑᤠ᤹ᤀᤠᤱ ᤏᤡᤱᤘᤠ᤹ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤆᤥ᤺ᤰᤔᤠ ᤛᤢᤰᤋᤢᤛᤡ᤹ᤖᤥ॥
23273	MAT 3:12	ᤁᤢᤓ᤹ᤀᤣ᤺ᤳᤋᤡᤸᤗᤧ ᤛᤡ᤺ᤴ ᤀᤠ᤺ᤶᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤕᤠᤖᤡᤵ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤃᤢᤖ ᤛᤢᤵᤛᤢᤀᤠᤱ ᤛᤡ᤺ᤴ ᤆᤠᤎᤥ᤺ᤰᤗᤠᤀᤥ ᤆᤡᤰᤂᤢ᤹ ᤜᤧᤰᤁᤩᤠᤱ ᤁᤢᤜᤰᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤴᤇᤡ᤺ᤔᤏᤠᤒᤠ ᤔᤡᤀᤥ ᤜᤠ᤺ᤴᤍᤢᤍᤣ᤺ᤛᤢ᤹ᤖᤥ॥”
23277	MAT 3:16	ᤕᤧᤛᤢ᤺ᤴ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤀᤠᤱ ᤆᤫᤠ᤺ᤳᤋᤥᤗᤠᤶ ᤗᤠ᤺ᤰᤁᤠᤳ ᤗ᤺ᤴᤍᤧᤏᤢᤔᤧ᤺ᤴᤏᤣ ᤋᤠᤱᤛᤠᤰᤐᤧᤴ ᤜᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤐᤢᤳᤋᤢ᤺ᤰᤁᤣ ᤜᤧᤰᤁᤣ ᤂᤢᤏᤧ᤹ ᤁᤢᤛᤶᤍᤠᤱ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤖᤥ॥
23282	MAT 4:4	ᤁᤖ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤜᤧᤰᤁᤣ ᤔᤧᤈᤥ᤺ᤰᤁᤠᤴ. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤔᤥᤛᤠᤖᤧ ᤀᤰᤂᤣᤗ᤹ᤖᤡᤰ ᤛᤠᤵᤋᤢᤀᤠᤱ ᤐᤳ. ‘ᤔᤧᤴᤇᤠᤶ ᤕᤠᤵᤔᤡ᤺ᤱᤃ ᤁᤢᤈᤠ᤺ᤸᤗᤧᤖᤰ ᤔᤧᤜᤡᤱᤏᤧᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤁᤧᤖᤧᤰ ᤐᤠ᤺ᤴᤏᤡᤸᤗᤧ ᤜᤡᤱ॥’”
23287	MAT 4:9	ᤔᤧᤳᤋᤢ. “ᤂᤧᤏᤧ᤹ ᤛᤠᤶᤒᤥ᤺ᤴ ᤁᤧᤓᤴᤇᤡᤱᤅᤠᤱ ᤀᤡᤱᤃᤠ᤹ ᤛᤣᤘᤠ ᤁᤧᤔᤧᤳᤋᤠᤏᤧ ᤑᤠ᤹ᤃᤪ ᤁᤱᤜᤠ᤹ ᤁᤧᤖᤧᤰ ᤐᤡᤏᤧ᤹॥”
23296	MAT 4:18	ᤌᤡᤰ ᤕᤧᤴ ᤕᤧᤛᤢ᤺ᤴ ᤃᤠᤗᤡᤗ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤗᤠᤱᤄᤣᤃᤧᤖ ᤘᤕᤧᤸᤗᤧ ᤐᤋᤪᤢᤛ ᤔᤧᤵᤔᤏᤠᤒᤠ ᤛᤡᤔᤥᤏᤧᤴ ᤏᤢ ᤁᤢᤴᤛᤠ᤹ ᤀᤠᤴᤍᤪᤡᤕᤠᤛᤧᤴ ᤏᤡ᤺ᤛᤢᤛᤡ॥ ᤂᤧᤱᤜᤠ᤹ ᤘᤖᤰᤁᤥ ᤕᤥ᤺ᤱ ᤗᤧᤵᤋᤧᤳᤇᤢᤖ ᤕᤠᤃᤧᤳᤇᤡ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤕᤥ᤺ᤱ ᤁᤧᤗᤧᤵᤐᤠ ᤘᤕᤧᤳᤇᤡᤖᤥ॥
23297	MAT 4:19	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤀᤡᤱᤃᤠ᤹ ᤀᤠᤀᤣᤃᤠᤱ ᤌᤠᤏᤧᤳᤇᤧ᤹ᤀᤥ. ᤂᤡᤴᤇᤡ᤹ ᤅᤠ ᤁᤧᤍᤧᤶᤛᤢ ᤁᤧᤍᤠ᤺ᤳᤇᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ᤀᤥ ᤔᤏᤠ ᤁᤧᤍᤠ᤺ᤵᤐᤠ ᤆᤥ᤺ᤰᤏᤧᤳᤇᤡᤱᤗᤥ॥”
23298	MAT 4:20	ᤂᤡᤔᤥ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤕᤥ᤺ᤱᤅᤡᤴ ᤏᤧᤛ᤻ᤛᤧᤳᤇᤢ ᤌᤩᤧᤛᤧᤳᤇᤢᤀᤠᤱ ᤂᤢᤏᤧ᤹ᤏᤢ ᤐᤣᤛᤡ॥
23299	MAT 4:21	ᤂᤧᤵᤔᤥᤗᤠᤶ ᤔᤡᤛᤠᤰ ᤏᤠᤏᤠᤰ ᤐᤣ᤺ᤸᤗᤧ ᤕᤧᤛᤢᤖᤧ ᤈᤒ᤻ᤍᤡᤕᤠᤖᤧ ᤁᤢᤛ᤻ᤛᤠ᤺ ᤕᤠᤁᤢᤒ ᤏᤢ ᤂᤧᤸᤗᤧ ᤁᤢᤴᤛᤠ᤹ ᤕᤢᤜᤢᤴᤏᤠ᤺ᤴ ᤏᤡ᤺ᤛᤢᤛᤡ॥ ᤂᤧᤱᤜᤠ᤹ ᤂᤢᤴᤇᤡ᤹ ᤐᤠ᤺ᤴᤏᤢ ᤂ᤺ᤱᤒᤣᤀᤥ ᤕᤥ᤺ᤱ ᤗᤧᤶᤍᤧᤳᤇᤢᤖ ᤕᤠᤃᤧᤳᤇᤡ॥ ᤕᤧᤛᤢᤖᤧ ᤂᤧᤱᤜᤠ᤹ ᤀᤢ᤺ᤳᤋᤢᤛᤡᤏᤢᤔᤧ᤺ᤴᤏᤣ
23300	MAT 4:22	ᤂ᤺ᤱᤒᤣᤴ ᤏᤢ ᤂᤢᤴᤇᤡ᤹ ᤐᤠ᤺ᤴ ᤗᤧᤖᤧᤳᤇᤢ ᤌᤩᤧᤛᤧᤳᤇᤢᤀᤠᤱ ᤕᤧᤛᤢ᤺ᤴᤏᤢ ᤐᤣᤛᤡᤖᤥ॥
23307	MAT 5:4	ᤔᤣᤖᤡᤱ ᤁᤧᤎᤰᤐᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤜᤠᤱᤜᤠᤱ ᤔᤧᤳᤇᤡᤱᤔᤠᤴ ᤔᤧᤄᤥ᤺ᤛᤢ᤹ᤖᤥ॥
23315	MAT 5:12	ᤂᤧᤴ ᤕᤧᤶᤔᤥ ᤐᤛ᤺ᤳ ᤛ᤺ᤳᤋᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤅᤥ ᤂᤡᤏᤡ᤹ ᤌᤢᤶᤄᤥ᤺ᤴ ᤕᤶᤒᤠ ᤆᤥ᤺ᤰᤗᤥ॥ ᤀᤢᤴᤇᤣ᤺ᤴᤛ᤻ᤔᤠ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤀᤠᤱ ᤔᤏᤠᤜᤠ᤹ᤖᤧ ᤒᤠ ᤜᤧᤰᤁᤣᤀᤣ ᤔᤧᤔᤧᤳᤋᤢᤛᤡᤖᤥ॥
23320	MAT 5:17	ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤐᤡᤖᤢᤒᤠ ᤛᤠᤶᤕᤥᤌᤡᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤋᤩᤠᤱᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ॥ ᤀᤡᤱᤃᤠ᤹ᤃ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤔᤧ᤺ᤴ. ᤁᤖ ᤂᤧᤱᤜᤠ᤹ ᤁᤢᤗᤡᤱᤎᤥ ᤁᤧᤳᤇᤧᤏᤧ ᤋᤩᤠᤱᤒᤠᤖᤥ॥
23324	MAT 5:21	ᤀᤠᤸᤗ. “ᤀᤢᤴᤇᤣ᤺ᤴ ᤔᤥᤛᤠᤖᤧ ᤁᤢᤛᤠᤶᤕᤥ ᤀᤡᤱᤈᤠ᤺ᤱᤅᤡᤸᤗᤧ ᤀᤰᤂᤣ ᤐᤠ᤺ᤳᤋᤢᤒᤠᤴ ᤂᤡᤏᤡ᤹ ᤁᤧᤄᤧᤵᤛᤢᤶᤔᤠᤱ ᤁᤧᤘᤕᤡ᤹. ‘ᤔᤏᤠ ᤔᤧᤛᤧᤖᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤔᤏᤠ ᤁᤧᤛᤧᤵᤐᤠᤸᤗᤧ ᤂᤢᤶᤍᤡᤱ ᤂᤥ᤺ᤛᤢ᤹ᤖᤥ.’
23327	MAT 5:24	ᤁᤧᤗᤧᤳᤋᤡᤱᤅᤡᤴ ᤗᤧᤳᤋᤡᤱ ᤋᤥ᤺ᤶᤔᤠᤍᤧᤴᤏᤡᤸᤗᤧ ᤁᤢᤒᤣᤛᤠᤱ ᤏᤧᤛ᤻ᤛᤧ ᤌᤩᤧ᤹ᤀᤠᤱ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤁᤧᤴᤍᤣ᤺ᤱᤒᤠᤸᤗᤥ ᤐᤣᤃᤧ᤹ᤀᤠᤱ ᤏᤠᤍᤱ ᤆᤥᤃᤧᤳᤇᤧ᤹ᤀᤥ॥ ᤜᤧᤰᤁᤩᤠᤱᤗᤰ ᤋᤩᤧ᤹ᤀᤠᤱ ᤁᤧᤗᤧᤳᤋᤡᤱᤅᤡᤴ ᤋᤥ᤺ᤴᤍᤧ᤹ᤀᤥ॥
23331	MAT 5:28	ᤁᤖ ᤀᤡᤱᤃᤠ᤹ ᤔᤧᤳᤏᤡᤱ ᤀᤠᤳᤋᤡᤸᤗᤧ ᤑᤧᤴ ᤏᤡᤱᤘᤠ᤹ ᤀᤡ᤺ᤳᤋᤢᤖ ᤔᤧᤴᤇᤢᤔᤠ᤹ᤀᤡᤴ ᤀᤥᤔᤧᤳᤋᤢ᤹. ᤂᤧᤸᤗᤧᤃ ᤋᤃᤡᤀᤣ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤁᤢᤏᤡᤱᤘᤠ᤹ᤒᤥ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢᤍᤣ᤺ᤛᤢᤖᤥ॥
23335	MAT 5:32	ᤁᤖ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤜᤠ᤺ᤳᤗᤧ ᤘᤣ᤹ᤜᤠ᤹ᤏᤢ ᤆᤠᤖᤠᤶᤔᤠ ᤕᤠ᤺ᤶᤒᤰ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ᤔᤠ ᤔᤣᤗᤡᤱᤃᤧᤴ ᤁᤢᤔᤣ᤺ᤳᤋᤡᤴ ᤏᤠ᤹ᤖᤢ᤹ ᤂᤧᤸᤗᤧ ᤂᤧᤴ ᤁᤢᤔᤣ᤺ᤳᤋᤡᤴ ᤆᤠᤖᤠᤶᤔᤠ ᤕᤠ᤺ᤶᤒᤰ ᤁᤧᤈᤥ᤺ᤰᤔᤠ ᤆᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤀᤠᤳᤋᤡᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴᤏᤢ ᤔᤣ᤺ᤰᤂᤡᤶ ᤆᤥᤃᤢ᤹ ᤂᤧᤸᤗᤧᤀᤠᤱ ᤆᤠᤖᤠᤶᤔᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥”
23339	MAT 5:36	ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ ᤌᤧᤃᤣ᤺ᤰᤐᤠᤸᤗᤧᤴ ᤔᤠᤱᤔᤧᤜᤧᤰᤁᤠᤛᤡᤶᤔᤧᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤌᤧᤃᤣ᤺ᤰᤀᤡᤎᤡᤰᤁᤠᤱ ᤑ᤺ᤃᤧᤗ᤹ᤒᤠ ᤀᤡᤃᤪ ᤔᤠᤰᤁᤧᤗ᤹ᤒᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤶᤔᤡᤸᤗᤥ॥
23344	MAT 5:41	ᤌᤰᤛᤢᤒᤠᤸᤗᤧ ᤂᤧᤏᤧ᤹ ᤁᤧᤴᤍᤧᤴᤏᤧᤴᤇᤠᤱ ᤁᤡᤗᤥᤔᤡᤋᤖ ᤌᤡᤰ ᤌᤠᤖᤡᤰ ᤁᤢᤃᤰᤁᤡᤴ ᤁᤢ᤺ᤵᤔᤠ ᤋᤣ᤹ᤔᤠ ᤁᤧᤃᤥ᤺ᤳᤏᤧ ᤑᤠ᤹ᤃᤪ ᤂᤧᤴᤏᤢ ᤁᤡᤗᤥᤔᤡᤋᤖ ᤏᤧᤳᤇᤡ ᤌᤠᤖᤡᤰ ᤐᤣᤃᤧ᤹ᤀᤥ॥
23371	MAT 6:20	ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥ ᤕᤠᤱᤛᤠᤁᤢᤴᤎᤣ ᤗᤢᤵᤛᤧᤶᤔᤧ᤹ᤀᤥ॥ ᤂᤧᤵᤔᤥᤃ ᤌᤰᤐᤠᤜᤠ᤹ᤖᤧ ᤔᤧᤴᤈᤏᤧᤴ. ᤜᤡᤱᤎᤥ᤺ᤰᤁᤡᤸᤗᤧᤀᤠᤱ ᤔᤧᤕ᤺ᤳᤇᤢᤴ. ᤜᤧᤰᤁᤩᤠᤱ ᤂᤢ᤺ᤴᤍᤪᤡᤰᤐᤠᤜᤠ᤹ᤖᤧᤀᤠᤱ ᤔᤧᤴᤄᤢ᤺ᤳᤋᤢᤴᤗᤥ॥
23375	MAT 6:24	ᤀᤠᤳᤋᤡᤸᤗᤧᤀᤠᤱ ᤏᤧᤵᤑᤢ ᤍᤠᤱᤒᤠᤜᤠ᤹ ᤛᤣᤘᤠ ᤆᤥ᤺ᤰᤔᤠᤛᤡ ᤔᤧᤛᤢᤰᤋᤢᤴᤛᤡᤴᤗᤥ॥ ᤂᤧᤸᤗᤧ ᤌᤡᤰᤁᤡᤴ ᤏᤢ᤺ᤖᤡᤰ ᤔᤧᤳᤋᤢ᤹ᤀᤠᤱ ᤘᤣ᤹ᤛ᤻ᤔᤠᤴ ᤆᤡ᤺ᤳᤋᤢ᤹ᤖᤥ. ᤔᤧ᤺ᤱᤃᤪ ᤌᤡᤰᤁᤡᤴ ᤀᤡᤱᤎᤠ᤺ᤱ ᤐᤡᤖᤢᤀᤠᤱ ᤘᤣ᤹ᤛ᤻ᤔᤠᤴ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥ ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤕᤠᤱᤛᤠᤁᤢᤴᤎᤣ᤺ᤴ ᤛᤥᤛᤥᤖᤡᤰ ᤛᤣᤘᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤴᤗᤥ॥”
23376	MAT 6:25	“ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤁᤴ ᤏᤧᤳᤋᤡᤃᤧᤴ ᤜᤡᤱᤔᤴᤏᤥ ᤌᤣ᤺ᤴ ᤆᤠᤔᤠ ᤌᤢᤱᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤜᤧᤰᤁᤣᤗ᤹ᤖᤡᤰᤁᤣ ᤁᤴ ᤏᤠᤛᤡᤱᤃᤧᤴ ᤌᤰᤁᤥᤀᤠᤱ ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤴ ᤆᤠᤔᤠ ᤌᤢᤱᤔᤠᤏᤢ᤺ᤸᤗᤧ ᤜᤧᤰᤁᤩᤠᤱ ᤏᤠᤛᤡᤱᤃᤧᤴ ᤌᤰᤁᤡᤴ ᤆᤠᤱᤔᤠ ᤘᤠ᤺ᤵᤔᤠᤏᤢ᤺ᤸᤗᤧ ᤏᤢ᤺ᤒᤠ ᤔᤧᤈᤥ᤺ᤰᤏᤧᤴᤒᤡ᥅
23377	MAT 6:26	ᤐᤢᤛᤠᤜᤠ᤹ ᤀᤥᤔᤧᤳᤋᤧᤶᤛᤡᤶᤔᤧ᤹. ᤂᤧᤱᤜᤠ᤹ᤖᤧ ᤆᤠ ᤔᤧᤴᤍᤣ᤺ᤛᤢᤴ ᤔᤧᤴᤇᤢᤵᤛᤢᤴ ᤜᤧᤰᤁᤩᤠᤱ ᤕᤠᤱᤔᤧᤱᤄᤥ᤺ᤳᤋᤢᤴᤇᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤂᤡᤏᤡ᤹ ᤐᤠ᤺ᤸᤗᤧ ᤂᤧᤱᤜᤠ᤹ ᤆᤠᤔᤠ ᤐᤡᤖᤢᤛᤡᤖᤥ॥ ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤂᤧᤱᤜᤠ᤹ᤏᤢ᤺ᤸᤗᤧᤀᤠᤱ ᤀᤡᤔᤧᤸᤗᤢᤱᤒᤠ ᤁᤧᤴᤈᤥᤃᤡᤶᤒᤡ᥅
23378	MAT 6:27	ᤏᤡᤱᤛᤠᤶᤔᤥ ᤁᤧᤎᤩᤧ᤹ᤀᤡᤀᤠᤱ ᤂᤡᤏᤡ᤹ ᤜᤡᤱᤔᤴᤏᤥ ᤁᤢᤔᤢᤰᤌᤡᤰ ᤑᤥ᤺ᤔᤠ ᤁᤧᤴᤇᤢᤰᤋᤢᤶᤔᤡᤴ॥
23382	MAT 6:31	ᤂᤧᤸᤗᤧ ᤆᤥᤃᤢᤸᤗᤧ ᤌᤣ᤺ᤴ ᤆᤠᤔᤠ ᤌᤢᤱᤔᤠ ᤒᤣ. ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥
23385	MAT 6:34	ᤂᤧᤸᤗᤧ ᤆᤥᤃᤢᤸᤗᤧ ᤋᤠ᤺ᤴᤍᤡᤰ ᤌᤣ ᤐᤥ᤺ᤱ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤋᤠ᤺ᤴᤍᤡᤰᤐᤠ ᤋᤢᤰᤂᤣ᤺ᤴ ᤋᤠ᤺ᤴᤍᤡᤰᤁᤣ ᤐᤥ᤺ᤱ. ᤜᤧᤰᤁᤩᤠᤱ ᤀᤠᤀᤡᤴᤒᤠ ᤋᤢᤰᤂᤣ᤺ᤴ ᤀᤠᤀᤡᤴᤇᤠ ᤕᤖᤡᤰ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥”
23401	MAT 7:16	ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤂᤧᤱᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥ ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤋᤡᤱᤃᤪᤣ᤺ᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ ᤏᤢ ᤛᤡᤎᤪᤠ᤺ᤰᤐᤥᤗᤠᤶ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥
23417	MAT 8:3	ᤕᤧᤛᤢᤖᤧ ᤁᤢᤜᤢᤰᤁᤡᤴ ᤛᤴᤇᤢᤖ ᤂᤧᤴ ᤔᤏᤠ᤺ᤴ ᤛᤢ᤺ᤛᤢᤀᤠᤱ ᤀᤰᤂᤣ ᤔᤧᤳᤋᤢ. “ᤀᤡᤱᤃᤠ᤹ ᤏᤡᤱᤘᤠ᤹ ᤆᤥᤃᤢᤱᤗᤥ॥ ᤂᤧᤏᤧ᤹ ᤏᤢᤖᤧ᤹ᤀᤥ᥄” ᤂᤡᤔᤥ ᤂᤧᤴ ᤔᤏᤠ᤺ᤴ ᤗᤥᤃᤣ᤹ ᤋᤢᤰᤔᤠᤗᤠᤶ ᤏᤢ᤺ᤖᤧᤖᤥ॥
23419	MAT 8:5	ᤜᤧᤰᤁᤩᤠᤱ ᤕᤧᤛᤢ᤺ᤴ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤁᤧᤖᤧᤖ ᤐᤳᤇᤧᤸᤗᤧ ᤖᤥᤔᤡ ᤌᤰᤋᤢᤶᤒᤠᤎᤡᤰ ᤂᤢᤏᤧ᤹ᤀᤥ ᤋᤩᤧᤀᤠᤱ ᤀᤰᤂᤣ ᤔᤧᤳᤋᤢᤖ ᤁᤢᤓᤠ᤹ ᤏᤠ᤺ᤰᤋᤢ.
23420	MAT 8:6	“ᤍᤠᤱᤒᤣ. ᤀᤡᤱᤃᤠ᤹ ᤀᤠᤛᤣᤘᤠᤖᤥᤒᤠᤴ ᤜᤡᤶᤔᤥ ᤐᤥ᤺ᤰᤔᤠ ᤕᤢᤱᤔᤠ ᤔᤧᤴᤇᤢᤰᤁᤣ ᤌᤠᤖᤡᤰ ᤋᤢᤰᤁᤠᤱ ᤏᤧᤖᤥ॥”
23430	MAT 8:16	ᤜᤧᤰᤁᤩᤠᤱ ᤕᤢ᤺ᤴᤇᤡᤰ ᤐᤥ᤺ᤰᤂᤧᤀᤠᤱ ᤕᤖᤡᤰ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤛᤡᤒᤠ ᤔᤏᤠᤜᤠ᤹ ᤂᤢᤏᤧ᤹ᤀᤥ ᤔᤧᤍᤠᤖᤢᤛᤡ. ᤜᤧᤰᤁᤩᤠᤱ ᤂᤢᤏᤧ᤹ ᤐᤠ᤺ᤴᤈᤠᤰᤁᤡᤸᤗᤧ ᤂᤧᤴ ᤑᤧᤴᤛᤠᤶᤜᤠ᤹ ᤁᤧᤖᤧᤰ ᤏᤠ᤺ᤳᤋᤢ ᤗ᤺ᤳᤋᤢᤛᤡᤀᤠᤱ ᤁᤧᤖᤧᤰ ᤁᤧᤍᤢᤰᤐᤠᤜᤠ᤹ ᤏᤢᤛᤢᤛᤡᤖᤥ॥
23434	MAT 8:20	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤡᤎᤡᤒᤠᤜᤠ᤹ᤖᤧ ᤗᤢᤱᤄᤢᤖᤡ ᤔᤧᤃᤳᤋᤢ᤹. ᤐᤢᤛᤠᤜᤠ᤹ᤖᤧ ᤜᤠᤵ ᤔᤧᤃᤳᤋᤢ᤹. ᤁᤖ ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧᤃ ᤌᤧᤃᤣ᤺ᤰ ᤏᤠ᤺ᤶᤔᤠ ᤋᤧᤴᤏᤠᤱ ᤔᤧᤃᤳᤋᤠᤴᤗᤥ॥”
23442	MAT 8:28	ᤜᤧᤰᤁᤩᤠᤱ ᤂᤢᤏᤧ᤹ ᤘᤖᤰᤁᤡᤸᤗᤧ ᤏᤠᤜᤠᤱᤍᤠᤱ ᤃᤍᤖᤡᤏᤡ ᤗᤠᤈᤣ᤹ᤀᤥ ᤁᤧᤖᤧ. ᤜᤧᤰᤁᤣ᤺ᤸᤗᤧ ᤂᤧᤵᤔᤥ ᤀᤡᤵᤐᤢᤱᤍᤧᤴᤗᤠᤶ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤛᤡᤒᤠ ᤏᤧᤵᤑᤢ ᤔᤏᤠᤜᤠ᤹ ᤁᤢᤍᤢᤶᤛᤧ ᤑᤧᤖᤧᤳᤇᤡ॥ ᤂᤧᤱᤜᤠ᤹ ᤁᤶᤔᤩᤠᤰ ᤛᤠ᤹ᤖᤡᤰ ᤁᤡᤵᤔᤠ ᤁᤧᤄᤢ᤺ᤒᤠ ᤆᤥᤃᤧᤳᤇᤡ ᤀᤠᤳᤋᤡᤴᤏᤠᤱ ᤂᤧᤴ ᤋᤧᤴᤏᤥ ᤐᤥ᤺ᤱᤔᤠᤖ ᤗᤠᤱᤄᤣ᤺ᤰᤔᤠ ᤔᤧᤴᤇᤢᤰᤋᤧᤴᤗᤥ॥
23443	MAT 8:29	ᤂᤧᤱᤜᤠ᤹ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧᤳᤇᤡ. “ᤏᤡᤱᤘᤠ᤹ᤑᤢᤛᤠ᤺ᤀᤣ. ᤂᤧᤏᤧ᤹ ᤀᤠᤴᤇᤡᤃᤧᤏᤢ ᤌᤣ ᤁᤧᤃᤥ᤺ᤳᤋᤢᤒᤠᤒᤣ᥅ ᤂᤠᤛᤧᤴ ᤕᤧᤶᤔᤡᤴᤏᤣ ᤔᤧᤴᤍᤠᤀᤣ ᤀᤠᤴᤇᤡᤃᤧ ᤋᤢᤰᤂᤣ ᤆᤠ᤺ᤳᤇᤧ ᤁᤵᤔᤥ ᤁᤧᤍᤩᤧᤒᤠᤒᤡ᥅”
23451	MAT 9:3	ᤜᤧᤰᤁᤣ᤺ᤸᤗᤧ ᤂᤧᤵᤔᤥ ᤁᤧᤘᤠ᤹ᤒᤠ ᤁᤢᤓᤠ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ ᤀᤰᤂᤣ ᤔᤧᤔᤧᤳᤇᤡᤱ. “ᤁᤴ ᤔᤏᤠ᤺ᤸᤗᤧᤃ ᤏᤡᤱᤘᤠ᤹ᤑᤢᤔᤠᤱ ᤁᤢᤀᤡᤛᤡ᤺ᤰ ᤗᤠᤕᤥ ᤗᤧᤵᤔᤡ ᤁᤧᤒᤡᤒᤠ ᤗᤧᤱᤛᤡᤱᤅᤠᤱ ᤔᤠᤱᤆᤧ᤹ᤕᤠ ᤐᤠ᤺ᤴᤏᤡᤴᤏᤧ ᤐᤠ᤺ᤳᤋᤢᤖ ᤐᤳᤗᤥ᥄”
23454	MAT 9:6	ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤕᤥᤜᤠ᤹ ᤗᤧᤵᤔᤡ ᤐᤡᤔᤠ ᤕᤢᤰ ᤁᤳᤋᤢᤱ ᤗ᤹ᤖᤡᤰ ᤀᤥᤛᤣ᤺ᤴᤎᤠᤰᤏᤡᤱᤗᤥ॥” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤴ ᤗᤱᤗᤧ᤺ᤱᤘᤠ᤺ᤴ ᤔᤧᤳᤋᤢ. “ᤐᤥᤃᤧ᤹. ᤁᤧᤏᤧᤳᤏᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤁᤧᤜᤡᤶᤔᤥ ᤌᤠᤛᤡᤱᤅᤧ᤹॥”
23456	MAT 9:8	ᤔᤏᤠᤜᤠ᤹ᤖᤧ ᤁᤴ ᤔᤧᤏᤡ᤺ᤛᤢᤀᤠᤱ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤖᤥ॥ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡ᤺ᤴ ᤀᤰᤋᤱᤒᤠ ᤔᤢᤰᤛᤠᤶ ᤁᤧᤒᤡᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢᤖᤥ॥
23457	MAT 9:9	ᤕᤧᤛᤢ᤺ᤴ ᤂᤧᤵᤔᤥᤗᤠᤶ ᤐᤣᤖ ᤐᤳᤇᤧᤸᤗᤧ ᤔᤳᤋᤡ ᤔᤧᤵᤔᤏᤠᤒᤠ ᤔᤏᤠ᤺ᤴ ᤀᤣ᤺ᤱᤕᤠᤱ ᤑᤥ᤺ᤱᤔᤠ ᤋᤧᤴᤏᤥ ᤕᤢᤅᤧᤒᤠ ᤏᤡ᤺ᤛᤢᤀᤠᤱ ᤔᤧᤳᤋᤢ. “ᤀᤡᤱᤃᤠ᤹ ᤋᤡᤶᤍᤠᤱᤅᤧ᤹ᤀᤥ॥” ᤂᤧᤴ ᤔᤢᤳᤌᤪᤡᤰ ᤐᤥᤃᤧᤀᤠᤱ ᤂᤢᤏᤧ᤹ᤏᤢ ᤌᤠᤛᤡᤱᤗᤥ॥
23458	MAT 9:10	ᤂᤧᤴ ᤕᤢ᤺ᤴᤇᤡᤰ ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤳᤋᤡᤖᤧ ᤁᤢᤜᤡᤶᤔᤥ ᤆᤠᤈᤠᤛᤧ ᤔᤧᤕᤢᤱᤛᤡᤱᤅᤡᤸᤗᤧ ᤀᤣ᤺ᤱᤕᤠᤱ ᤁᤧᤓᤥ᤺ᤱᤒᤠ ᤕᤖᤡᤰ ᤔᤏᤠᤜᤠ᤹ ᤏᤢ ᤘᤣ᤹ “ᤗᤠᤕᤥᤒᤠᤜᤠ᤹” ᤔᤧᤍᤩᤧᤀᤠᤱ ᤂᤧᤱᤜᤠ᤹ᤏᤢ ᤛᤥᤖᤡᤰ ᤆᤠᤈᤠᤛᤧ ᤔᤧᤕᤢᤱᤛᤡᤱ॥
23466	MAT 9:18	ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢᤖ ᤐᤳᤇᤧᤸᤗᤧ ᤛᤢᤜᤠᤱᤕᤢᤰᤐᤠᤎᤡᤰ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤗ ᤀᤰᤂᤣ ᤐᤠ᤺ᤳᤋᤢ. “ᤀᤠᤍᤠᤱᤒᤣ. ᤀᤠᤛ᤻ᤛᤠ᤺ ᤆᤢᤰᤔᤧᤴ ᤂᤠᤖᤰ ᤛᤩᤧᤖᤥ. ᤁᤖ ᤂᤧᤏᤧ᤹ ᤑᤧᤖᤧ᤹ᤀᤠᤱ ᤁᤢᤛᤶᤍᤠᤱ ᤁᤧᤜᤢᤰᤁᤡᤴ ᤏᤧᤛ᤻ᤛᤧ ᤐᤡᤖᤧ᤹. ᤜᤧᤰᤁᤩᤠᤱ ᤂᤧᤴ ᤜᤡᤱᤗᤥ॥”
23468	MAT 9:20	ᤒᤠ ᤂᤧᤴ ᤕᤧᤶᤔᤥ ᤋᤱᤒᤣ ᤌᤡᤰ-ᤏᤧᤳᤋᤠᤱᤎᤥ (᥇᥈) ᤔᤠᤰᤂᤡ᤹ ᤘᤕᤢ᤺ᤔᤠᤸᤗᤧ ᤋᤖᤢᤔᤠ ᤔᤧᤴᤇᤢᤔᤠ᤹ᤎᤡᤰ ᤕᤧᤛᤢᤖᤧ ᤁᤢᤀᤣᤃᤠᤱ ᤋᤩᤧᤀᤠᤱ ᤁᤢᤍᤣ᤺ᤳᤋᤡᤸᤗᤧ ᤁᤢᤕᤠ᤺ᤴ ᤛᤢ᤺ᤛᤢ॥
23470	MAT 9:22	ᤕᤧᤛᤢ᤺ᤴ ᤜᤡᤸᤗᤡᤰ ᤜᤡᤛᤡᤱᤅᤡᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤏᤡ᤺ᤛᤢᤀᤠᤱ ᤔᤧᤳᤋᤢ. “ᤔᤠᤔᤢᤀᤣ. ᤜᤠᤱᤜᤠᤱ ᤗ᤹ᤖᤧ᤹ᤀᤥ. ᤏᤛᤠ᤺ᤴ ᤁᤧᤈᤥᤃᤢᤒᤠᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ ᤁᤧᤘᤣ᤺ᤳᤋᤧᤖᤥ॥” ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤜᤠᤒᤠ ᤂᤧᤴ ᤕᤧᤶᤔᤥ ᤘᤣ᤺ᤳᤋᤧᤖᤥ॥
23472	MAT 9:24	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤐᤣᤃᤧᤶᤔᤧ᤹ᤀᤥ. ᤁᤴ ᤆᤢᤰᤔᤧᤱᤃ ᤔᤧᤴᤇᤡ᤺ᤀᤣ ᤘᤠ᤹ ᤀᤡᤵᤛᤧᤀᤠᤱᤗᤰ ᤏᤧᤖᤥ”. ᤁᤖ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤔᤧᤀᤣ᤺ᤳᤋᤢᤖᤥ॥
23475	MAT 9:27	ᤕᤧᤛᤢ᤺ᤴ ᤂᤧᤵᤔᤥᤗᤠᤶ ᤐᤣᤖ ᤐᤳᤇᤧᤸᤗᤧ ᤏᤧᤵᤑᤢ ᤔᤡᤰᤑ᤺ᤶᤒᤠᤜᤠ᤹ᤖᤧ ᤂᤢᤏᤧ᤹ ᤁᤢᤀᤣᤃᤠᤱ ᤁᤢᤀᤣᤃᤠᤱ ᤋᤡᤶᤍᤧᤳᤇᤢᤖ ᤀᤰᤂᤣᤗ᤹ᤖᤡᤰ ᤀ᤺ᤰᤋᤧᤳᤇᤡ. “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ᤀᤣ. ᤀᤠᤴᤇᤡᤃᤧ ᤗᤢᤱᤔᤠ᤹ ᤀᤠᤍᤢᤰᤋᤧ᤹ᤀᤥ॥”