23214	MAT 1:1	ᤕᤧᤛᤢ ᤂᤪᤡᤛ᤻ᤋᤧᤴ ᤀᤒᤪᤠᤜᤠᤔᤖᤧ ᤁᤢᤛ᤻ᤛᤠ᤺ ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤅᤡᤸᤗᤧ ᤁᤢᤛ᤻ᤛᤠ᤺ ᤘᤕᤧᤖᤥ॥ ᤁᤱᤃ ᤂᤢᤏᤧ᤹ ᤁᤢᤎᤠ᤺ᤰᤜᤠ᤹ᤖᤧ ᤂᤢᤏᤡ᤹ ᤔᤡᤱᤛᤪᤠᤖᤥ–
23230	MAT 1:17	ᤀᤰᤂᤣᤗ᤹ᤖᤡᤰ ᤀᤒᤪᤠᤜᤠᤔᤗᤠᤶ ᤍᤠᤀᤢᤍ ᤜᤠᤱ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤍᤠᤀᤢᤍ ᤜᤠᤱᤗᤠᤶ ᤒᤧᤒᤡᤗᤥᤏ ᤗᤠᤈᤣ᤹ᤀᤥ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤀᤠᤱ ᤔᤧᤃᤳᤋᤢᤛᤡᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧ. ᤜᤧᤰᤁᤩᤠᤱ ᤒᤧᤒᤡᤗᤥ᤺ᤴᤏᤥ ᤐᤢᤱᤗᤠᤎᤠᤒᤠ ᤔᤧᤈᤥᤃᤢᤛᤡᤀᤠᤱ ᤔᤧᤍᤣ᤹ᤖᤢᤛᤡᤒᤠ ᤕᤧᤶᤔᤠᤱᤎᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤧᤴ ᤛᤠᤘᤠ᤺ᤴᤇᤡᤱᤒᤠ ᤕᤧᤶ ᤌᤠᤖᤡᤰ ᤌᤡᤰ-ᤗᤡ (᥇᥊) ᤌᤠ᤺ᤰ ᤔᤧᤘᤕᤧᤖᤥ॥
23233	MAT 1:20	ᤁᤖ ᤜᤧᤰᤁᤣ ᤀᤡ᤺ᤳᤋᤢᤖ ᤘᤕᤧᤸᤗᤧ ᤛᤧᤵᤔᤠᤱᤔᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤖᤥ. “ᤍᤠᤀᤢᤍᤖᤧ ᤁᤢᤔᤢ᤹ᤀᤡᤍᤠᤱᤛᤠ ᤕᤢᤛᤢᤵᤑᤣ. ᤂᤧᤏᤧ᤹ ᤔᤖᤡᤕᤶᤔᤡᤴ ᤔᤣ᤺ᤰᤂᤡᤶ ᤆᤥ᤺ᤰᤔᤠᤀᤠᤱ ᤜᤡᤶᤔᤥ ᤋᤠ᤺ᤵᤔᤠ ᤔᤧᤃᤡᤛᤧᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤀᤥᤒᤠ ᤀᤅᤧ᤺ᤰᤘᤠ᤺ᤴ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤗᤠᤶᤒᤠ ᤜᤠᤱᤛᤡᤱᤒᤠᤖᤥ॥
23234	MAT 1:21	ᤂᤢᤏᤧ᤹ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤔᤡᤱᤅᤡᤴ ᤕᤧᤛᤢ ᤘᤠ᤺ᤳᤋᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤁᤢᤔᤏᤠᤜᤠ᤹ ᤂᤢᤏᤡ᤹ ᤗᤠᤕᤥᤗᤠᤶ ᤋᤠᤱᤛᤧ᤺ᤵᤋᤢᤛᤡ᤹ᤖᤥ॥”
23236	MAT 1:23	“ᤛᤡᤛᤠᤍᤡᤱ ᤔᤧᤴᤇᤡᤕᤠ᤹ᤀᤡᤴ ᤔᤧᤴᤇᤢᤰᤔᤠ ᤐᤥ᤺ᤱᤅᤠᤱ ᤕᤧᤶᤒᤡᤳᤇᤠ᤹ᤛᤠ᤺ᤎᤡᤰ ᤁᤳᤋᤢ᤹. ᤜᤧᤰᤁᤩᤠᤱ ᤂᤧᤴ ᤀᤡᤶᤔᤠᤏᤢᤀᤣᤗ ᤔᤧᤔᤧᤳᤋᤢ᤹ᤖᤥ॥ ‘ᤀᤡᤶᤔᤠᤏᤢᤀᤣᤗ’ ᤑᤠ᤹ᤀᤡᤱᤃ ‘ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤠᤏᤡ᤹ᤏᤢ ᤘᤠ᤹’ ᤐᤥ᤺ᤱᤗᤥ॥”
23244	MAT 2:6	‘ᤕᤜᤢᤍᤡᤕᤠ ᤌᤢᤶᤔᤥᤒᤠ ᤒᤧᤌᤗᤣᤜᤧᤶᤔᤣ. ᤂᤧᤏᤧ᤹ᤃ ᤕᤜᤢᤍᤡᤕᤠᤒᤠ ᤐᤠᤱᤈᤢᤶᤜᤠ᤹ᤀᤥ ᤛᤠ᤹ᤖᤡᤰ ᤁᤧᤕᤧᤰᤐᤠ ᤁᤧᤈᤥ᤺ᤰᤗᤥ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ ᤁᤧᤒᤠᤱᤈᤢᤶᤗᤠᤶ ᤜᤠᤱᤕᤢᤰᤐᤠᤎᤡᤰ ᤋᤠ᤺ᤖᤥ. ᤂᤢᤏᤧ᤹ᤃ ᤔᤧᤸᤗᤢᤰᤁᤶᤒᤠ ᤁᤢᤀᤡᤛᤡ᤺ᤰ ᤐᤥ᤺ᤱᤅᤠᤱ ᤀᤠᤔᤏᤠ ᤀᤡᤛᤪᤠᤀᤡᤗᤡᤜᤠ᤹ ᤁᤶᤒᤪᤠᤱ ᤁᤧᤔᤧᤵᤐᤠ ᤐᤥ᤺ᤱᤗᤥ॥’”
23247	MAT 2:9	ᤜᤧᤖᤥᤍ ᤜᤠᤱᤅᤡᤸᤗᤧ ᤐᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤔᤧᤄᤧᤵᤛᤢᤀᤠᤱ ᤂᤧᤱᤜᤠ᤹ ᤔᤧᤎᤠᤛᤡᤱᤗᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤂᤣ᤺ᤶᤛᤡᤰᤐᤠᤴ ᤕᤠᤶᤔᤥ ᤔᤧᤏᤡ᤺ᤛᤢ ᤜᤧᤰᤁᤩᤠᤱ ᤂᤢᤏᤡ᤹ ᤋᤃᤡ ᤋᤃᤡ ᤐᤣᤀᤠᤱ ᤀᤅᤧ᤺ᤰᤘᤠ ᤘᤕᤧᤒᤠ ᤜᤡᤶ ᤁᤢᤍᤥ᤺ᤵᤔᤠ ᤁᤧᤖᤧᤀᤠᤱ ᤑᤴᤇᤡᤱᤗᤥ॥
23251	MAT 2:13	ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ ᤔᤧᤒᤣ ᤜᤧᤰᤁᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤎᤡᤰ ᤕᤢᤛᤢᤑᤖᤧ ᤁᤢᤛᤧᤵᤔᤠᤱᤔᤥ ᤌᤠ᤺ᤴᤇᤡᤱᤅᤠᤱ ᤀᤰᤂᤣ ᤔᤧᤳᤋᤢ. “ᤐᤥᤃᤧ᤹ᤀᤠᤱ ᤀᤅᤧ᤺ᤰᤘᤠ᤺ᤴ ᤏᤢ ᤁᤢᤶᤔᤠ᤺ᤴ ᤋᤣ᤹ᤖᤧᤛᤧ᤹ᤀᤠᤱ ᤔᤡᤛᤪ ᤗᤠᤈᤣ᤹ᤀᤥ ᤂᤧᤳᤇᤡᤱ ᤐᤣᤃᤧ᤹. ᤜᤧᤰᤁᤩᤠᤱ ᤀᤡᤱᤃᤠ᤹ ᤔᤧᤶᤔᤧᤳᤋᤣ ᤌᤠᤖᤡᤰ ᤂᤧᤏᤧ᤹ ᤂᤧᤵᤔᤥᤀᤣ ᤘᤕᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤜᤧᤖᤥᤍ ᤜᤠᤱᤅᤡᤸᤗᤧ ᤀᤅᤧ᤺ᤰᤘᤠ᤺ᤴ ᤛᤧᤵᤔᤠ ᤑᤠ᤹ᤀᤠᤱ ᤁᤥ᤺ᤳᤋᤢᤖ ᤘᤠ᤹ᤖᤥ॥”
23254	MAT 2:16	ᤀᤠᤸᤗ ᤜᤧᤖᤥᤍ ᤜᤠᤱᤅᤡᤸᤗᤧ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤖᤧ ᤜᤧᤰᤁᤣᤗ᤹ᤖᤡᤰ ᤂᤢᤏᤧ᤹ ᤀᤡᤱᤔᤧᤗᤧᤰᤋᤢᤀᤠᤱ ᤘᤣ᤹ ᤗᤠᤶ ᤔᤧᤒᤣᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤛᤠ᤹ᤖᤡᤰ ᤁᤢᤛᤡᤰ ᤐᤥᤃᤧᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤌᤰᤛᤢᤒᤠᤜᤠ᤹ ᤐᤠᤱᤄᤢᤛᤡᤀᤠᤱ ᤒᤧᤌᤗᤣᤜᤧᤔ ᤏᤢ ᤂᤧᤴ ᤂᤡᤖᤡᤒᤠ ᤋᤱᤒᤣ ᤏᤧᤳᤇᤡᤀᤠᤱ ᤕᤥᤒᤠ ᤕᤧᤶᤒᤡᤳᤇᤠ᤹ ᤀᤅᤧ᤺ᤰᤘᤠ ᤛᤠ᤺ᤜᤠ᤹ ᤁᤧᤖᤧᤰ ᤛᤧᤵᤐᤠᤱᤄᤢᤛᤡᤖᤥ॥ ᤌᤣᤀᤠᤱᤓᤧᤸᤗᤧ ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ᤗᤠᤶ ᤂᤣ᤺ᤶᤛᤡᤰᤐᤠᤴ ᤋᤱᤒᤣ ᤏᤧᤳᤇᤡᤀᤠᤱᤎᤥ ᤋᤃᤡ ᤌᤠ᤺ᤶᤛᤡᤱᤒᤠ ᤏᤡᤱᤘᤠ᤹ ᤂᤥ᤺ᤛᤢᤀᤠᤱ ᤘᤕᤧᤖᤥ॥
23256	MAT 2:18	“ᤁᤧᤜᤠ᤺ᤵᤔᤠ ᤁᤧᤓᤡ᤺ᤰᤔᤠ ᤏᤢ ᤔᤣᤖᤡᤱ ᤁᤧᤎᤰᤔᤠ ᤕᤶᤒᤠ ᤀᤡᤰᤗᤠ᤺ᤴ ᤖᤠᤔᤠ ᤐᤠᤱᤈᤢᤶᤔᤥ ᤂᤧᤶᤍᤧᤳᤗᤥ. ᤖᤠᤜᤧᤗᤖᤧ ᤁᤢᤛ᤻ᤛᤠ᤺ᤜᤠ᤹ ᤜᤠ᤺ᤵᤋᤢᤛᤡ᤹ᤖᤥ॥ ᤂᤧᤱᤃ ᤜᤠᤱᤜᤠᤱ ᤔᤧᤳᤇᤡᤱᤔᤠ ᤔᤧᤍᤧᤴᤏᤧᤴᤗᤥ. ᤌᤣᤀᤠᤱᤓᤧᤸᤗᤧ ᤁᤢᤛ᤻ᤛᤠ᤺ᤜᤠ᤹ ᤁᤧᤖᤧᤰ ᤔᤧᤛᤩᤧᤖᤥ॥”
23271	MAT 3:10	ᤀᤠᤸᤗᤥᤛᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤄᤠᤛᤧᤴᤏᤡᤸᤗᤧ ᤋ᤺ᤴᤍᤡᤱᤃ ᤛᤡᤱᤒᤢᤱᤔᤥ ᤂᤠ ᤆᤢᤰᤔᤠ ᤀᤡ᤺ᤳᤋᤧᤀᤠᤱ ᤘᤠ᤹॥ ᤏᤢ᤺ᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠᤒᤠ ᤛᤡᤱᤒᤢᤱᤜᤠ᤹ ᤁᤧᤖᤧᤰ ᤋᤠᤱᤔᤠᤀᤠᤱ ᤔᤡᤀᤥ ᤗᤠᤵᤑᤢᤔᤠ ᤐᤥ᤺ᤱᤗᤥ॥
23273	MAT 3:12	ᤁᤢᤓ᤹ᤀᤣ᤺ᤳᤋᤡᤸᤗᤧ ᤛᤡ᤺ᤴ ᤀᤠ᤺ᤶᤔᤠ ᤑᤠ᤹ᤀᤠᤱ ᤂᤢᤏᤧ᤹ ᤕᤠᤖᤡᤵ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤋᤢᤃᤢᤖ ᤛᤢᤵᤛᤢᤀᤠᤱ ᤛᤡ᤺ᤴ ᤆᤠᤎᤥ᤺ᤰᤗᤠᤀᤥ ᤆᤡᤰᤂᤢ᤹ ᤜᤧᤰᤁᤩᤠᤱ ᤁᤢᤜᤰᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤴᤇᤡ᤺ᤔᤏᤠᤒᤠ ᤔᤡᤀᤥ ᤜᤠ᤺ᤴᤍᤢᤍᤣ᤺ᤛᤢ᤹ᤖᤥ॥”
23278	MAT 3:17	ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤗᤠᤶ ᤀᤰᤂᤣᤗ᤹ᤖᤡᤰ ᤀᤡᤰᤗᤠᤎᤡᤰ ᤋᤩᤧ. “ᤁᤴ ᤀᤠᤔᤡ᤺ᤶ ᤀᤠᤛ᤻ᤛᤠ᤺ᤖᤥ. ᤀᤡᤱᤃᤠ᤹ ᤂᤢᤏᤧ᤹ᤏᤢ ᤛᤠ᤹ᤖᤡᤰ ᤛ᤺ᤳᤋᤠᤱᤅᤠᤱ ᤘᤠ᤹ᤀᤠᤖᤥ॥”
23284	MAT 4:6	“ᤂᤧᤏᤧ᤹ ᤛᤧᤰᤂᤠᤀᤣ ᤏᤡᤱᤘᤠ᤹ᤑᤢᤛᤠ᤺ᤏᤧ ᤑᤠ᤹ᤃᤪ ᤐᤡᤴᤍᤧ ᤌᤩᤧ᤹. ᤌᤣᤀᤠᤱᤓᤧᤸᤗᤧ ᤛᤠᤶᤕᤥᤛᤠᤵᤗᤠᤀᤥ ᤀᤰᤂᤣᤗ᤹ᤖᤡᤰ ᤛᤠᤵᤋᤧᤀᤠᤱ ᤐᤳ. ‘ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤗᤠᤀᤡᤱᤒᤠᤜᤠ᤹ ᤂᤧᤏᤧ᤹ ᤁᤧᤗᤠᤃᤡ ᤀᤡᤱᤈᤠ᤺ᤱ ᤐᤡᤖᤢᤛᤡᤀᤠᤱ ᤂᤧᤏᤧ᤹ ᤌᤠ᤺ᤱᤎᤠ᤺ᤱᤅᤣ ᤂᤢᤏᤡ᤹ ᤜᤢᤰᤁᤥ ᤁᤧᤶᤍᤠ᤺ᤰᤁᤠᤱ ᤁᤧᤗᤠᤱᤅᤡᤴ ᤗᤢᤱᤅᤥ ᤔᤧᤎᤠᤶᤛᤡᤱᤅᤡᤴᤗᤥ॥’”
23286	MAT 4:8	ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤂᤢᤏᤧ᤹ ᤛᤠ᤹ᤖᤡᤰ ᤆᤶᤈᤶᤒᤠ ᤁᤥ᤺ᤰᤔᤠᤀᤥ ᤋᤣ᤹ᤖᤢᤀᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤁᤧᤖᤧᤰ ᤜᤠᤱᤈᤢᤶᤜᤠ᤹ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤐᤕᤶ ᤕᤶᤒᤠ ᤏᤢ ᤏᤢ᤺ᤒ᤻ᤏᤢ᤺ᤒᤠ ᤐᤠ᤺ᤴᤜᤠ᤹ ᤀᤥᤛᤣ᤺ᤴᤎᤠᤰᤋᤢᤀᤠᤱ
23289	MAT 4:11	ᤜᤧᤰᤁᤩᤠᤱ ᤔᤠᤑᤧᤴᤛᤠᤶᤔᤡᤸᤗᤧ ᤕᤧᤛᤢ᤺ᤴ ᤗᤧᤖᤢᤎᤀᤠᤱ ᤔᤠᤱᤗᤠᤀᤡᤱᤒᤠᤜᤠ᤹ ᤔᤧᤍᤩᤧ ᤜᤧᤰᤁᤩᤠᤱ ᤂᤢᤏᤧ᤹ ᤁᤶᤒᤪᤠᤱ ᤔᤧᤔᤧᤳᤋᤢ॥
23293	MAT 4:15	“ᤕᤷᤍᤏ ᤕᤱᤄᤱᤅᤡᤸᤗᤧ ᤏᤠᤎᤠ᤺ᤶᤒᤡᤒᤠ ᤃᤠᤗᤡᤗ ᤘᤖᤰᤁᤡᤸᤗᤧ ᤁᤢᤒᤣᤛᤠᤱᤒᤠ ᤏᤠᤵᤋᤠᤗᤡ ᤏᤢ ᤈᤒᤢᤗᤢᤏ ᤁᤧᤕᤢᤱᤒᤠ ᤕᤠᤵᤔᤡᤛᤣ. ᤃᤠᤗᤡᤗ ᤌᤢᤶᤔᤥ ᤁᤧᤘᤠ᤹ᤒᤠ ᤌᤡᤶᤔᤧᤴᤍᤱ ᤛᤢᤘᤠᤱᤛᤣ.
23294	MAT 4:16	ᤂᤠᤍᤠᤶᤔᤥ ᤁᤧᤘᤠ᤹ᤒᤠ ᤔᤏᤠᤜᤠ᤹ᤖᤧ ᤐᤕᤶ ᤕᤶᤒᤠ ᤀᤥ᤺ᤳᤋᤡ᤺ᤴ ᤔᤧᤏᤡ᤺ᤛᤢᤖᤥ॥ ᤛᤡ᤺ᤔᤧᤸᤗᤧᤴ ᤂᤠᤔᤠᤰᤔᤠᤀᤥ ᤁᤧᤘᤠ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤗᤢᤶᤔᤥ ᤀᤥ᤺ᤳᤋᤡᤎᤡᤰ ᤀᤥ᤺ᤳᤗᤥ॥”
23295	MAT 4:17	ᤂᤧᤴ ᤕᤧᤶᤔᤠᤱᤎᤥ ᤕᤧᤛᤢᤖᤧ ᤀᤰᤂᤣ ᤐᤠ᤺ᤳᤋᤢᤖ ᤀᤡᤱᤓᤥ᤺ᤔᤠ ᤜᤣ᤺ᤰᤋᤢ. “ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤴ ᤏᤡ᤺ᤳᤋᤠᤱᤅᤣ ᤋᤩᤧᤀᤠᤱ ᤘᤠ᤹ᤖᤥ॥”
23303	MAT 4:25	ᤜᤧᤰᤁᤩᤠᤱ ᤃᤠᤗᤡᤗ ᤌᤢᤶ. ᤌᤡᤒᤥ᤺ᤱ ᤐᤠᤱᤈᤢᤶᤔᤡᤸᤗᤧᤴ ᤌᤢᤶ. ᤕᤖᤢᤛᤗᤧᤔ. ᤕᤜᤢᤍᤡᤕᤠ ᤏᤢ ᤕᤷᤍᤏ ᤕᤱᤄᤱ ᤏᤠᤎᤠ᤺ᤶᤒᤡᤒᤠ ᤌᤢᤶᤔᤥᤗᤠᤶ ᤁᤧᤍᤠ᤺ᤒᤠ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤔᤧᤍᤡᤶᤍᤢᤖᤥ॥
23307	MAT 5:4	ᤔᤣᤖᤡᤱ ᤁᤧᤎᤰᤐᤠᤜᤠ᤹ ᤔᤢ᤹ᤀᤡᤛᤠᤒᤠᤛᤡᤖᤥ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤜᤠᤱᤜᤠᤱ ᤔᤧᤳᤇᤡᤱᤔᤠᤴ ᤔᤧᤄᤥ᤺ᤛᤢ᤹ᤖᤥ॥
23319	MAT 5:16	ᤜᤧᤰᤁᤣᤗ᤹ᤖᤡᤰ ᤛᤣᤔᤡ᤺ᤴ ᤀᤥ᤺ᤵᤐᤠ ᤜᤧᤰᤁᤣᤀᤣ ᤂᤡᤏᤡ᤹ ᤁᤧᤈᤥᤃᤢᤶᤒᤠ ᤛᤢᤕᤠ᤺ᤶᤒᤰᤜᤠ᤹ ᤔᤏᤠᤜᤠ᤹ ᤀᤥᤛᤣ᤺ᤴᤎᤠᤰᤋᤧᤶᤛᤡᤶᤔᤧ᤹ᤀᤥ. ᤜᤧᤰᤁᤩᤠᤱ ᤛᤠᤱᤃᤪᤠᤶᤐᤣᤍᤠᤱᤒᤠ ᤂᤡᤏᤡ᤹ ᤏᤡᤱᤘᤠ᤹ᤑᤢᤐᤠ᤺ᤸᤗᤧ ᤁᤢᤏᤠᤖᤠ ᤔᤧᤓᤥ᤺ᤛᤢ᤹ᤖᤥ॥
23320	MAT 5:17	ᤀᤡᤱᤃᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤥᤛᤠ᤺ᤴ ᤐᤡᤖᤢᤒᤠ ᤛᤠᤶᤕᤥᤌᤡᤶᤔᤡᤴ ᤏᤢ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠᤜᤠ᤹ᤖᤧ ᤔᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤋᤩᤠᤱᤒᤠ ᤑᤠ᤹ᤀᤠᤱ ᤔᤧᤀᤡ᤺ᤳᤋᤧᤶᤔᤡᤴᤏᤧ᤹ᤀᤥ॥ ᤀᤡᤱᤃᤠ᤹ᤃ ᤁᤢᤛᤢᤶ ᤔᤧᤴᤍᤶᤏᤠᤒᤠ ᤆᤥ᤺ᤰᤛᤧ ᤔᤧ᤺ᤴ. ᤁᤖ ᤂᤧᤱᤜᤠ᤹ ᤁᤢᤗᤡᤱᤎᤥ ᤁᤧᤳᤇᤧᤏᤧ ᤋᤩᤠᤱᤒᤠᤖᤥ॥
23321	MAT 5:18	ᤛᤧᤰᤂᤠᤀᤣ ᤀᤡᤱᤃᤠ᤹ ᤔᤧᤳᤏᤡᤱ. ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤏᤢ ᤋᤠᤱᤛᤠᤰᤐᤧᤴ ᤔᤠ᤺ᤔᤠ ᤐᤣ᤺ᤰᤔᤠᤏᤢ᤺ᤸᤗᤧ ᤋᤃᤡ ᤛᤠᤶᤕᤥᤌᤡᤶᤔᤥ ᤁᤧᤒᤵᤐᤠ ᤁᤧᤖᤧᤰ ᤐᤠ᤺ᤴᤏᤡᤴ ᤔᤧᤱᤃᤧᤳᤋᤣ ᤌᤠᤖᤡᤰ ᤂᤧᤵᤔᤥᤒᤠ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠ ᤐᤠ᤺ᤴᤎᤡᤰᤁᤠᤱ ᤔᤧᤔᤠ᤺ᤏᤧᤴᤗᤥ॥
23322	MAT 5:19	ᤜᤠ᤺ᤳᤗᤧ ᤁᤴ ᤀᤡᤱᤈᤠ᤺ᤱᤜᤠ᤹ᤀᤥᤒᤠ ᤆᤢᤰᤛᤠ ᤐᤠ᤺ᤴᤎᤡᤰ ᤑᤣ᤺ᤴᤍᤢᤀᤠᤱ ᤘᤣᤜᤠ᤹ ᤒᤠ ᤜᤧᤰᤁᤣ ᤆᤥ᤺ᤰᤔᤠ ᤜᤢ᤹ᤖᤢᤛᤡ᤹ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤂᤧᤴ ᤆᤢᤰᤛᤠ ᤐᤥ᤺ᤱᤗᤥ. ᤁᤖ ᤜᤠ᤺ᤳᤗᤧ ᤁᤴ ᤀᤡᤱᤈᤠ᤺ᤱᤜᤠ᤹ ᤀᤡ᤺ᤳᤋᤢ-ᤏᤠ᤺ᤳᤋᤢᤀᤠᤱ ᤘᤣ᤹ᤜᤠ᤹ ᤜᤧᤰᤁᤣ ᤆᤥ᤺ᤰᤔᤠ ᤜᤢ᤹ᤖᤢᤛᤡ᤹ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤥ ᤂᤧᤴ ᤐᤕᤶ ᤕᤶᤒᤠ ᤐᤥ᤺ᤱᤗᤥ॥
23339	MAT 5:36	ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ ᤌᤧᤃᤣ᤺ᤰᤐᤠᤸᤗᤧᤴ ᤔᤠᤱᤔᤧᤜᤧᤰᤁᤠᤛᤡᤶᤔᤧᤴᤏᤧ᤹. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤌᤧᤃᤣ᤺ᤰᤀᤡᤎᤡᤰᤁᤠᤱ ᤑ᤺ᤃᤧᤗ᤹ᤒᤠ ᤀᤡᤃᤪ ᤔᤠᤰᤁᤧᤗ᤹ᤒᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤶᤔᤡᤸᤗᤥ॥
23340	MAT 5:37	ᤂᤡᤏᤡ᤹ ᤐᤠ᤺ᤴᤏᤡᤱᤃ ‘ᤀᤥ’ ᤏᤧ ᤑᤠ᤹ᤃᤪ ‘ᤀᤥ’ ᤐᤠ᤺ᤳᤋᤧᤶᤔᤧ᤹. ‘ᤔᤧ᤺ᤴ’ ᤏᤧ ᤑᤠ᤹ᤃᤪ ‘ᤔᤧ᤺ᤴ’ ᤐᤠ᤺ᤳᤋᤧᤶᤔᤧ᤹॥ ᤂᤧᤴᤏᤠᤱᤎᤥᤒᤠᤱᤃ ᤔᤠᤑᤧᤴᤛᤠᤶᤗᤠᤶ ᤁᤧᤍᤠ᤺ᤒᤠᤖᤥ॥”
23351	MAT 5:48	ᤂᤧᤸᤗᤧ ᤆᤥᤃᤢᤸᤗᤧ ᤂᤡᤏᤡ᤹ ᤛᤠᤱᤃᤪᤠᤶᤐᤣᤍᤠᤱᤅᤥᤒᤠ ᤐᤠᤏᤢᤍᤡᤱ ᤐᤠ᤺ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤖᤧᤰ ᤐᤠ᤺ᤴᤏᤥ ᤁᤢᤗᤡᤱᤎᤥ ᤁᤧᤃᤧᤵᤐᤠ ᤆᤥ᤺ᤰᤐᤠ ᤁᤢᤀᤡᤛᤡ᤺ᤰ ᤂᤡᤏᤡ᤹ᤀᤠᤱ ᤜᤧᤰᤋᤱᤒᤠ ᤐᤥ᤺ᤱᤔᤠᤀᤣ ᤐᤥ᤺ᤱᤗᤥ॥”
23357	MAT 6:6	ᤁᤖ ᤂᤧᤏᤧ᤹ ᤋᤢᤘᤠ ᤁᤧᤈᤥᤃᤢᤸᤗᤧ ᤁᤧᤜᤡᤶᤗᤰᤛᤡᤱ ᤛᤡᤃᤠᤱ ᤗᤠ᤺ᤛᤧ᤹ᤀᤠᤱ ᤗᤠᤶᤎᤣ᤺ᤵᤐᤠᤴ ᤛᤢᤒᤧ᤹. ᤜᤧᤰᤁᤩᤠᤱ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠᤏᤢᤍᤡᤱ ᤁᤧᤶᤒᤠᤏᤢ ᤀᤣ᤺ᤰ ᤋᤢᤘᤠ ᤆᤥᤃᤧ᤹ᤀᤥ॥ ᤜᤧᤰᤁᤩᤠᤱ ᤛᤫᤠ᤺ᤳᤋᤠᤱ ᤆᤥ᤺ᤰᤔᤏᤠᤒᤠ ᤕᤠ᤺ᤶᤒᤰ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡᤖᤥ॥
23360	MAT 6:9	“ᤂᤧᤸᤗᤧ ᤆᤥᤃᤢᤸᤗᤧ ᤀᤰᤂᤣᤗ᤹ᤖᤡᤰ ᤋᤢᤘᤠ ᤆᤥᤃᤧᤶᤔᤧ᤹ᤀᤥ– ‘ᤛᤠᤱᤃᤪᤠᤶᤐᤣᤍᤠᤱᤅᤥ ᤁᤧᤘᤠ᤹ᤒᤠ ᤀᤠᤏᤡᤃᤧ ᤐᤠᤏᤢᤍᤡᤱ ᤐᤠᤀᤣ. ᤔᤏᤠᤜᤠ᤹ᤖᤧ ᤁᤧᤔᤡᤱᤅᤡᤴ ᤛᤣᤛᤣ ᤔᤧᤀᤡ᤺ᤳᤋᤢᤖ ᤔᤡᤱᤛᤥ ᤀᤡᤱᤎᤠ᤺ᤱ ᤁᤧᤶᤒᤡᤖᤖᤥ॥
23362	MAT 6:11	ᤜᤧᤰᤁᤩᤠᤱ ᤌᤡᤰᤕᤠ᤺ᤴᤎᤰᤐᤠ ᤁᤢᤈᤠ᤺ᤴ ᤀᤠᤒᤡᤖᤧ᤹ᤀᤥ॥
23364	MAT 6:13	ᤜᤱᤛᤠ᤹ᤔᤥ ᤀᤠᤴᤎᤠ᤺ᤛᤧᤴᤏᤧ᤹ᤀᤥ. ᤁᤖ ᤔᤠᤑᤧᤴᤛᤠᤶᤗᤠᤶ ᤀᤠᤛᤧ᤺ᤵᤋᤧ᤹ᤀᤥ॥ ((ᤌᤣᤀᤠᤱᤓᤧᤸᤗᤧ ᤜᤠᤱᤈᤢᤶ. ᤔᤢᤰᤛᤠᤶ ᤏᤢ ᤔᤡᤔᤡᤍᤡᤱᤅᤡᤴ ᤛᤍᤠᤍᤡᤱ ᤂᤧᤏᤧ᤹ᤀᤡᤴᤏᤣᤖᤥ॥))’
23368	MAT 6:17	ᤁᤖ ᤂᤧᤏᤧ᤹ ᤆᤠ᤺ᤏᤧᤳ ᤁᤧᤕᤢᤱᤅᤡᤸᤗᤧ ᤂᤧᤏᤧ᤹ ᤁᤧᤎᤧᤃᤣ᤺ᤰᤐᤥ ᤏᤡ᤺ᤱᤃᤣ᤹ ᤜᤢ᤺ᤳᤋᤧ᤹ᤀᤠᤱ ᤁᤧᤏᤠᤖᤠ᤺ᤴ ᤘᤠᤜᤵᤋᤧ᤹ᤀᤥ॥
23370	MAT 6:19	“ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤕᤠᤱᤛᤠᤁᤢᤴᤎᤣ ᤔᤧᤗᤢᤵᤛᤧᤴᤏᤧ᤹ᤀᤥ॥ ᤂᤧᤵᤔᤥᤃ ᤌᤰᤐᤠᤜᤠ᤹ᤖᤧ ᤔᤧᤈ᤹᤺. ᤜᤡᤱᤎᤥ᤺ᤰᤁᤡᤸᤗᤧ ᤕ᤺ᤴᤍᤢ᤹. ᤜᤧᤰᤁᤩᤠᤱ ᤂᤢ᤺ᤴᤍᤪᤡᤰᤐᤠᤜᤠ᤹ᤖᤧ ᤔᤧᤄᤢ᤺ᤳᤋᤢ᤹ᤖᤥ॥
23371	MAT 6:20	ᤁᤖ ᤛᤠᤱᤃᤪᤠᤶᤐᤣᤍᤠᤱᤅᤥ ᤕᤠᤱᤛᤠᤁᤢᤴᤎᤣ ᤗᤢᤵᤛᤧᤶᤔᤧ᤹ᤀᤥ॥ ᤂᤧᤵᤔᤥᤃ ᤌᤰᤐᤠᤜᤠ᤹ᤖᤧ ᤔᤧᤴᤈᤏᤧᤴ. ᤜᤡᤱᤎᤥ᤺ᤰᤁᤡᤸᤗᤧᤀᤠᤱ ᤔᤧᤕ᤺ᤳᤇᤢᤴ. ᤜᤧᤰᤁᤩᤠᤱ ᤂᤢ᤺ᤴᤍᤪᤡᤰᤐᤠᤜᤠ᤹ᤖᤧᤀᤠᤱ ᤔᤧᤴᤄᤢ᤺ᤳᤋᤢᤴᤗᤥ॥
23372	MAT 6:21	ᤌᤣᤀᤠᤱᤓᤧᤸᤗᤧ ᤀᤠᤳᤋᤥ ᤂᤡᤏᤡ᤹ ᤕᤠᤱᤛᤠᤁᤢᤴᤎᤣ᤺ᤴ ᤘᤠ᤹. ᤂᤧᤵᤔᤥᤀᤣ ᤂᤡᤏᤡ᤹ ᤏᤡᤱᤘᤠ᤹ᤀᤡᤴᤏᤠᤱ ᤐᤣ᤺ᤰᤗᤥ॥
23373	MAT 6:22	ᤔᤡᤰᤁᤡᤱᤃ ᤏᤠᤛᤡᤱᤃᤧᤴ ᤌᤰᤁᤥᤒᤠ ᤛᤣᤔᤡᤖᤥ. ᤂᤧᤸᤗᤧ ᤆᤥᤃᤢᤸᤗᤧ ᤁᤧᤔᤡᤰᤁᤡᤴ ᤏᤢ᤹ᤏᤧ ᤑᤠ᤹ᤃᤪ. ᤁᤧᤖᤧᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤀᤥ᤺ᤳᤗᤥ॥
23374	MAT 6:23	ᤁᤖ ᤂᤧᤏᤧ᤹ ᤁᤧᤔᤡᤰᤁᤡᤴ ᤑᤧᤴᤏᤧ ᤑᤠ᤹ᤃᤪ ᤁᤧᤖᤧᤰ ᤏᤠᤛᤡᤱᤃᤧᤴ ᤁᤧᤎᤰᤁᤡᤴ ᤂᤠᤍᤠᤶᤔᤥ ᤘᤠ᤹ᤖᤥ॥ ᤂᤧᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ᤀᤥᤒᤠ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤴᤏᤣ ᤂᤠᤍᤠᤶᤏᤧ ᤑᤠ᤹ᤃᤪ ᤂᤧᤴ ᤂᤠᤍᤠᤶᤔᤠᤴ ᤀᤠᤰᤂᤧᤴ ᤛᤠ᤹ᤖᤡᤰ ᤐᤥ᤺ᤱᤒᤡᤗᤠ॥
23375	MAT 6:24	ᤀᤠᤳᤋᤡᤸᤗᤧᤀᤠᤱ ᤏᤧᤵᤑᤢ ᤍᤠᤱᤒᤠᤜᤠ᤹ ᤛᤣᤘᤠ ᤆᤥ᤺ᤰᤔᤠᤛᤡ ᤔᤧᤛᤢᤰᤋᤢᤴᤛᤡᤴᤗᤥ॥ ᤂᤧᤸᤗᤧ ᤌᤡᤰᤁᤡᤴ ᤏᤢ᤺ᤖᤡᤰ ᤔᤧᤳᤋᤢ᤹ᤀᤠᤱ ᤘᤣ᤹ᤛ᤻ᤔᤠᤴ ᤆᤡ᤺ᤳᤋᤢ᤹ᤖᤥ. ᤔᤧ᤺ᤱᤃᤪ ᤌᤡᤰᤁᤡᤴ ᤀᤡᤱᤎᤠ᤺ᤱ ᤐᤡᤖᤢᤀᤠᤱ ᤘᤣ᤹ᤛ᤻ᤔᤠᤴ ᤀᤡᤱᤎᤠ᤺ᤱ ᤔᤧᤒᤡᤖᤢᤴᤗᤥ॥ ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤢ ᤕᤠᤱᤛᤠᤁᤢᤴᤎᤣ᤺ᤴ ᤛᤥᤛᤥᤖᤡᤰ ᤛᤣᤘᤠ ᤆᤥ᤺ᤰᤔᤠ ᤁᤧᤴᤇᤢᤰᤋᤢᤴᤗᤥ॥”
23376	MAT 6:25	“ᤂᤧᤸᤗᤧ ᤆᤥᤃᤢᤸᤗᤧ ᤀᤡᤱᤃᤠ᤹ ᤂᤡᤏᤡ᤹ ᤔᤧᤳᤏᤡᤱ. ᤁᤴ ᤏᤧᤳᤋᤡᤃᤧᤴ ᤜᤡᤱᤔᤴᤏᤥ ᤌᤣ᤺ᤴ ᤆᤠᤔᤠ ᤌᤢᤱᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤜᤧᤰᤁᤣᤗ᤹ᤖᤡᤰᤁᤣ ᤁᤴ ᤏᤠᤛᤡᤱᤃᤧᤴ ᤌᤰᤁᤥᤀᤠᤱ ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥ ᤏᤧᤳᤋᤡᤃᤧᤴ ᤜᤡᤱᤔᤴᤏᤡᤴ ᤆᤠᤔᤠ ᤌᤢᤱᤔᤠᤏᤢ᤺ᤸᤗᤧ ᤜᤧᤰᤁᤩᤠᤱ ᤏᤠᤛᤡᤱᤃᤧᤴ ᤌᤰᤁᤡᤴ ᤆᤠᤱᤔᤠ ᤘᤠ᤺ᤵᤔᤠᤏᤢ᤺ᤸᤗᤧ ᤏᤢ᤺ᤒᤠ ᤔᤧᤈᤥ᤺ᤰᤏᤧᤴᤒᤡ᥅
23378	MAT 6:27	ᤏᤡᤱᤛᤠᤶᤔᤥ ᤁᤧᤎᤩᤧ᤹ᤀᤡᤀᤠᤱ ᤂᤡᤏᤡ᤹ ᤜᤡᤱᤔᤴᤏᤥ ᤁᤢᤔᤢᤰᤌᤡᤰ ᤑᤥ᤺ᤔᤠ ᤁᤧᤴᤇᤢᤰᤋᤢᤶᤔᤡᤴ॥
23379	MAT 6:28	ᤜᤧᤰᤁᤣ᤺ᤸᤗᤧ ᤌᤧᤔᤠ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤌᤣᤀᤠᤱ ᤏᤡᤱᤛᤠᤶᤔᤥ ᤁᤧᤎᤩᤧ᤹ᤀᤡᤒᤠᤒᤣ᥅ ᤋᤠᤶᤓᤢᤱᤔᤥ ᤁᤧᤗᤡᤱᤒᤠ ᤑᤢᤱᤅᤡᤴ ᤀᤥᤔᤧᤳᤋᤧᤶᤔᤧ᤹. ᤂᤧᤱᤜᤠ᤹ ᤕᤠ᤺ᤶᤒᤰ ᤔᤧᤴᤈᤥ᤺ᤰᤏᤧᤴ ᤂᤡ᤺ᤀᤠᤱ ᤔᤧᤴᤗ᤺ᤴᤏᤧᤴ॥
23380	MAT 6:29	ᤁᤖ ᤀᤡᤱᤃᤠ᤹ ᤔᤧᤳᤏᤡᤱ. ᤛᤥᤗᤥᤔᤏ ᤜᤠᤱᤅᤡᤴ ᤔᤡᤱᤛᤥᤎᤠ᤺ᤱᤛᤥᤀᤥ ᤔᤢᤰᤋᤧᤀᤠᤱ ᤘᤕᤧᤛᤠᤱ ᤂᤧᤴ ᤕᤠᤖᤡᤰᤁᤠᤱ ᤏᤢ᤺ᤒᤠ ᤋᤣ᤺ᤳ ᤔᤧᤈᤠᤰᤛᤡᤱᤅᤡᤴᤗᤥ॥
23382	MAT 6:31	ᤂᤧᤸᤗᤧ ᤆᤥᤃᤢᤸᤗᤧ ᤌᤣ᤺ᤴ ᤆᤠᤔᤠ ᤌᤢᤱᤔᤠ ᤒᤣ. ᤌᤣ᤺ᤴ ᤆᤠᤱᤔᤠ ᤘᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥
23385	MAT 6:34	ᤂᤧᤸᤗᤧ ᤆᤥᤃᤢᤸᤗᤧ ᤋᤠ᤺ᤴᤍᤡᤰ ᤌᤣ ᤐᤥ᤺ᤱ ᤑᤠ᤹ᤀᤠᤱ ᤏᤡᤱᤘᤠ᤹ ᤀᤡ᤺ᤳᤇᤡᤱᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤋᤠ᤺ᤴᤍᤡᤰᤐᤠ ᤋᤢᤰᤂᤣ᤺ᤴ ᤋᤠ᤺ᤴᤍᤡᤰᤁᤣ ᤐᤥ᤺ᤱ. ᤜᤧᤰᤁᤩᤠᤱ ᤀᤠᤀᤡᤴᤒᤠ ᤋᤢᤰᤂᤣ᤺ᤴ ᤀᤠᤀᤡᤴᤇᤠ ᤕᤖᤡᤰ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥”
23386	MAT 7:1	ᤕᤧᤛᤢᤖᤧ ᤕᤠᤶᤔᤥ ᤐᤠ᤺ᤳᤋᤢ. “ᤔᤏᤠᤜᤠ᤹ ᤐᤠ᤺ᤴ ᤔᤧᤎᤡᤰᤋᤧᤶᤛᤡᤶᤔᤧᤴᤏᤧ᤹. ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤐᤠ᤺ᤴ ᤁᤧᤴᤎᤡᤰᤋᤡᤴᤗᤥ॥
23387	MAT 7:2	ᤘᤣ᤹ᤜᤠ᤹ ᤐᤠ᤺ᤴ ᤁᤧᤎᤡᤰᤋᤢᤶᤛᤡᤶᤒᤠ ᤜᤧᤰᤁᤣᤀᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤐᤠ᤺ᤴ ᤁᤧᤎᤡᤰᤋᤡ᤹ᤖᤥ॥ ᤀᤠᤰᤂᤣᤗ᤹ᤖᤡᤰ ᤘᤣ᤹ᤜᤠ᤹ ᤁᤧᤔᤧᤳᤋᤢᤶᤛᤡᤶ. ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤁᤧᤔᤧᤳᤋᤡ᤹ᤖᤥ॥
23392	MAT 7:7	“ᤏᤠ᤺ᤰᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤶᤒᤡᤖᤡ᤹॥ ᤁᤥ᤺ᤳᤋᤧᤶᤔᤧ᤹. ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤄᤥ᤺ᤛᤢᤶ॥ ᤗᤠᤶᤎᤣ᤺ᤵᤐᤥ ᤐᤣᤃᤧᤶᤔᤧ᤹ᤀᤠᤱ ᤂᤰ ᤂᤰ ᤔᤧᤳᤋᤧᤶᤔᤧ᤹ ᤜᤧᤰᤁᤩᤠᤱ ᤂᤡᤏᤡ᤹ ᤗᤠᤃᤡ ᤜᤴᤗᤥ॥
23393	MAT 7:8	ᤌᤣᤀᤠᤱᤓᤧᤸᤗᤧ ᤁᤧᤏᤠ᤺ᤰᤐᤠᤜᤠ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤡᤖᤢᤛᤡ᤹. ᤁᤧᤃᤥ᤺ᤵᤐᤠᤜᤠ᤹ᤖᤧ ᤔᤧᤄᤥ᤺ᤛᤢ᤹. ᤜᤧᤰᤁᤩᤠᤱ ᤗᤠᤶᤎᤣ᤺ᤵᤐᤥ ᤁᤧᤒᤣ᤺ᤰᤐᤠᤀᤠᤱ ᤂᤰ ᤂᤰ ᤁᤧᤔᤧᤵᤐᤠᤜᤠ᤹ ᤂᤢᤏᤧ᤹ ᤗᤠᤶᤎᤣ᤺ᤵᤐᤧᤴ ᤜᤴᤍᤢ ᤐᤡᤖᤢᤛᤡ᤹ᤖᤥ॥
23401	MAT 7:16	ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤂᤢᤏᤡ᤹ ᤕᤠ᤺ᤶᤒᤰᤁᤥᤗᤠᤶ ᤂᤧᤱᤜᤠ᤹ ᤁᤢᤛᤡᤱ ᤁᤧᤏᤡ᤺ᤳᤋᤢᤶᤛᤡᤶᤗᤥ॥ ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧ ᤋᤡᤱᤃᤪᤣ᤺ᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ ᤏᤢ ᤛᤡᤎᤪᤠ᤺ᤰᤐᤥᤗᤠᤶ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥
23403	MAT 7:18	ᤜᤧᤰᤁᤩᤠᤱ ᤏᤢ᤺ᤒᤠ ᤛᤡᤱᤒᤢᤱᤅᤥ ᤋᤠᤵᤑᤧ᤺ᤶᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ. ᤜᤧᤰᤁᤩᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥ ᤏᤢ᤺ᤒᤠ ᤛᤡᤱᤛᤣ᤹ᤀᤡᤴ ᤔᤧᤎᤥ᤺ᤰᤏᤧᤴᤗᤥ॥
23404	MAT 7:19	ᤜᤧᤰᤁᤣᤗ᤹ᤖᤡᤰ ᤏᤢ᤺ᤒᤠ ᤛᤡᤱᤛᤣ᤹ ᤔᤧᤴᤎᤥ᤺ᤰᤔᤏᤠ ᤁᤧᤖᤧᤰ ᤛᤡᤱᤒᤢᤱᤜᤠ᤹ ᤋᤠᤱᤔᤠᤀᤠᤱ ᤔᤡᤀᤥ ᤗᤠᤵᤑᤢᤔᤠ ᤐᤥ᤺ᤱᤗᤥ॥
23416	MAT 8:2	ᤜᤰᤆᤄᤳ ᤂᤧᤵᤔᤥ ᤗᤥᤃᤣ᤹ ᤋᤢᤰᤔᤠᤸᤗᤧ ᤋᤖᤢᤒᤠ ᤔᤏᤠᤎᤡᤰ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤅᤠᤱ ᤂᤧᤸᤗᤧ ᤀᤰᤂᤣ ᤔᤧᤳᤋᤢ. “ᤀᤠᤍᤠᤱᤒᤣ. ᤂᤧᤏᤧ᤹ ᤏᤡᤱᤘᤠ᤹ ᤁᤧᤈᤥᤃᤢᤏᤧ ᤑᤠ᤹ᤃᤪ ᤀᤡᤱᤃᤠ᤹ ᤘᤣ᤺ᤶᤔᤠ ᤁᤧᤛᤢᤰᤁᤠᤖᤥ॥”
23418	MAT 8:4	ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤀᤠᤳᤋᤡᤴ ᤔᤏᤠ᤺ᤴᤏᤠᤱ ᤁᤴ ᤐᤠ᤺ᤴᤏᤡᤴ ᤔᤧᤔᤧᤳᤋᤧᤴᤏᤧ᤹ᤀᤥ. ᤁᤖ ᤔᤠᤱᤜᤡᤶᤔᤥ ᤐᤣᤃᤧ᤹ᤀᤠᤱ ᤏᤢ᤺ᤖᤠᤱᤗᤥ ᤑᤠ᤹ᤀᤠᤱ ᤏᤡᤱᤘᤠ᤹ᤑᤢᤛᤠᤶᤒᤠᤸᤗᤥ ᤀᤥᤛᤣ᤺ᤴᤎᤠᤰᤛᤡᤱᤅᤧ᤹ᤀᤥ. ᤜᤧᤰᤁᤩᤠᤱ ᤔᤥᤛᤠᤖᤧ ᤁᤢᤛᤠᤶᤕᤥᤌᤡᤶᤔᤥ ᤛᤠᤵᤋᤧᤒᤠ ᤁᤢᤀᤡᤛᤡ᤺ᤰ ᤛᤡᤍᤢᤱᤈᤓᤠ ᤆᤥᤃᤧ᤹ᤀᤥ॥ ᤜᤧᤰᤁᤣᤗ᤹ᤖᤡᤰ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤧᤏᤧ᤹ ᤁᤧᤏᤢᤖᤧᤒᤠᤴ ᤔᤧᤏᤡ᤺ᤛᤢᤖᤖᤥ॥”
23419	MAT 8:5	ᤜᤧᤰᤁᤩᤠᤱ ᤕᤧᤛᤢ᤺ᤴ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤁᤧᤖᤧᤖ ᤐᤳᤇᤧᤸᤗᤧ ᤖᤥᤔᤡ ᤌᤰᤋᤢᤶᤒᤠᤎᤡᤰ ᤂᤢᤏᤧ᤹ᤀᤥ ᤋᤩᤧᤀᤠᤱ ᤀᤰᤂᤣ ᤔᤧᤳᤋᤢᤖ ᤁᤢᤓᤠ᤹ ᤏᤠ᤺ᤰᤋᤢ.
23423	MAT 8:9	ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ᤀᤠᤱ ᤀᤠᤎᤢᤱᤎᤥᤒᤠ ᤛᤢᤜᤠᤱᤕᤢᤰᤐᤠᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤘᤠ᤹ᤒᤠ ᤔᤏᤠᤀᤠᤖᤥ. ᤜᤧᤰᤁᤩᤠᤱ ᤀᤡᤱᤃᤠ᤹ᤀᤠᤱ ᤀᤠᤕᤢᤰᤁᤥ ᤌᤰᤛᤢᤒᤠᤜᤠ᤹ ᤔᤧᤘᤠ᤹ᤖᤥ॥ ᤀᤡᤱᤃᤠ᤹ ᤌᤰᤛᤢᤒᤠᤴ ‘ᤐᤣᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤐᤣ᤺ᤰ. ᤘᤣ᤹ᤛ᤻ᤔᤠᤴ ‘ᤑᤧᤖᤧ᤹’ ᤔᤧᤳᤋᤢᤱᤅᤡᤸᤗᤧ ᤑᤧᤴ. ᤜᤧᤰᤁᤩᤠᤱ ᤀᤠᤛᤣᤘᤠᤖᤥᤒᤠᤴ ‘ᤂᤧᤴ ᤆᤥᤃᤧ᤹’ ᤔᤧᤳᤋᤢᤱᤅᤡᤸᤗᤧ ᤂᤧᤸᤗᤧ ᤆᤥᤃᤢ᤹ᤖᤥ॥”
23433	MAT 8:19	ᤂᤧᤱᤜᤠ᤹ᤖᤧ ᤐᤣ᤺ᤰᤔᤠ ᤕᤠᤖᤡᤵ ᤔᤧᤈᤥᤃᤢᤖ ᤔᤧᤕᤠᤃᤧᤸᤗᤧ ᤛᤠᤶᤕᤥᤌᤡᤶᤛᤠᤶᤒᤠᤎᤡᤰ ᤑᤧᤖᤧᤀᤠᤱ ᤔᤧᤳᤋᤢ. “ᤛᤡᤰᤛᤠᤶᤒᤣ. ᤂᤧᤏᤧ᤹ ᤀᤠᤳᤋᤡ ᤁᤧᤒᤣ᤺ᤰᤛᤠᤱ ᤂᤧᤏᤧ᤹ᤏᤢ ᤐᤣ᤺ᤰᤁᤠᤖᤥ॥”
23434	MAT 8:20	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤡᤎᤡᤒᤠᤜᤠ᤹ᤖᤧ ᤗᤢᤱᤄᤢᤖᤡ ᤔᤧᤃᤳᤋᤢ᤹. ᤐᤢᤛᤠᤜᤠ᤹ᤖᤧ ᤜᤠᤵ ᤔᤧᤃᤳᤋᤢ᤹. ᤁᤖ ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧᤃ ᤌᤧᤃᤣ᤺ᤰ ᤏᤠ᤺ᤶᤔᤠ ᤋᤧᤴᤏᤠᤱ ᤔᤧᤃᤳᤋᤠᤴᤗᤥ॥”
23435	MAT 8:21	ᤘᤣ᤹ᤛ᤻ᤔᤠ ᤜᤢ᤹ᤛᤠᤶᤒᤠᤎᤡᤰᤗᤧ ᤂᤢᤏᤧ᤹ ᤔᤧᤳᤋᤢ. “ᤀᤠᤍᤠᤱᤒᤣ. ᤋᤃᤡ ᤀᤡᤱᤃᤠ᤹ ᤁᤧᤛᤡ᤺ᤒᤠ ᤀᤠᤶᤒᤠ᤺ᤴ ᤀᤡᤵᤐᤢᤱᤅᤥ ᤆᤡᤱᤛᤧ ᤐᤣ᤺ᤰᤔᤠ ᤐᤠᤱᤄᤠᤱᤅᤧ᤹ᤀᤥ॥”
23437	MAT 8:23	ᤜᤧᤰᤁᤩᤠᤱ ᤕᤧᤛᤢ᤺ᤴ ᤐᤥᤃᤧᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤏᤢ ᤂ᤺ᤱᤒᤣᤀᤥ ᤗᤠ᤺ᤛᤧᤀᤠᤱ ᤘᤖᤰᤁᤡᤸᤗᤧ ᤏᤠᤎᤠ᤺ᤶᤒᤡ ᤔᤧᤎᤠᤛᤡᤱ॥
23446	MAT 8:32	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤐᤣᤃᤧᤶᤔᤧ᤹᥄” ᤂᤧᤸᤗᤧ ᤆᤥᤃᤢᤸᤗᤧ ᤂᤧᤴ ᤏᤧᤵᤑᤢ ᤔᤏᤠᤜᤠ᤹ᤗᤠᤶ ᤂᤧᤱᤜᤠ᤹ ᤔᤧᤗ᤺ᤴᤍᤧ ᤔᤧᤒᤣᤀᤠᤱ ᤑᤠᤰᤜᤠ᤹ᤀᤥ ᤔᤧᤗᤠ᤺ᤛᤧ॥ ᤜᤧᤰᤁᤩᤠᤱ ᤂᤧᤴ ᤑᤠᤰᤜᤠ᤹ ᤛᤱᤔᤠᤱᤅᤣ ᤛᤱᤔᤠᤱ ᤔᤧᤗᤥ᤺ᤰᤋᤧᤖ ᤕᤠᤰᤐᤧᤀᤥᤏᤢ ᤔᤰᤔᤧᤎᤩᤧᤀᤠᤱ ᤘᤖᤰᤁᤥ ᤔᤧᤜᤢᤔᤧ ᤔᤧᤛᤩᤧᤖᤥ॥
23450	MAT 9:2	ᤂᤧᤵᤔᤥ ᤁᤢᤓᤠ ᤔᤏᤠᤜᤠ᤹ᤖᤧ ᤗᤱᤗᤧ᤺ᤱᤘᤠ ᤔᤏᤠᤎᤡᤰ ᤁᤢᤏᤧᤳᤏᤠ᤺ᤴᤏᤢᤀᤣ ᤂᤢᤏᤧ᤹ᤀᤥ ᤔᤧᤍᤠᤖᤢᤖᤥ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤧᤴ ᤗᤱᤗᤧ᤺ᤱᤘᤠ᤺ᤴ ᤘᤣ᤺ᤵᤔᤠ ᤛᤢᤰ ᤁᤧᤗ᤹ᤒᤠ ᤏᤛᤠ᤺ᤴ ᤔᤧᤃᤳᤋᤢᤒᤠ ᤕᤧᤛᤢᤖᤧ ᤏᤡ᤺ᤛᤢᤀᤠᤱ ᤔᤧᤳᤋᤢ. “ᤀᤠᤛ᤻ᤛᤠ᤺ᤀᤣ. ᤜᤠᤱᤜᤠᤱ ᤗ᤹ᤖᤧ᤹ᤀᤥ. ᤂᤧᤏᤧ᤹ ᤁᤧᤗᤠᤕᤥᤜᤠ᤹ ᤗᤧᤵᤔᤡ ᤐᤥ᤺ᤰᤂᤧᤖᤥ॥”
23454	MAT 9:6	ᤀᤡᤱᤃᤠ᤹ ᤔᤧᤴᤇᤠᤶᤛᤠ᤺ᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤗᤠᤕᤥᤜᤠ᤹ ᤗᤧᤵᤔᤡ ᤐᤡᤔᤠ ᤕᤢᤰ ᤁᤳᤋᤢᤱ ᤗ᤹ᤖᤡᤰ ᤀᤥᤛᤣ᤺ᤴᤎᤠᤰᤏᤡᤱᤗᤥ॥” ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤴ ᤗᤱᤗᤧ᤺ᤱᤘᤠ᤺ᤴ ᤔᤧᤳᤋᤢ. “ᤐᤥᤃᤧ᤹. ᤁᤧᤏᤧᤳᤏᤠ᤺ᤴ ᤕᤠᤱᤛᤡᤱᤅᤧ᤹ᤀᤠᤱ ᤁᤧᤜᤡᤶᤔᤥ ᤌᤠᤛᤡᤱᤅᤧ᤹॥”
23463	MAT 9:15	ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤔᤣ᤺ᤰᤂᤡᤶᤛᤠᤒᤧᤴ ᤁᤢᤴᤈᤢᤶᤜᤠ᤹ᤏᤢ ᤘᤠ᤹ᤖ ᤌᤠᤖᤡᤰ ᤂᤢᤏᤧ᤹ ᤁᤢᤴᤈᤢᤶᤜᤠ᤹ ᤆᤠ᤺ᤏᤧᤳᤋᤥ ᤔᤧᤕᤢᤱᤅᤠᤱ ᤔᤣᤖᤡᤱ ᤔᤧᤎᤰᤐᤡ᥅ ᤁᤖ ᤂᤧᤱᤜᤠ᤹ᤗᤠᤶ ᤔᤣ᤺ᤰᤂᤡᤶᤛᤠᤒᤧᤴ ᤛᤠᤰᤁᤧᤸᤗᤧᤰ ᤔᤧᤍᤧᤶᤛᤢᤀᤠᤱ ᤔᤧᤍᤣ᤹ᤖᤢᤸᤗᤧᤖᤰ ᤂᤧᤱᤜᤠ᤹ ᤆᤠ᤺ᤏᤧᤳᤋᤥ ᤔᤧᤕᤢᤱᤗᤥ॥
23466	MAT 9:18	ᤕᤧᤛᤢᤖᤧ ᤜᤧᤰᤁᤣ ᤐᤠ᤺ᤳᤋᤢᤖ ᤐᤳᤇᤧᤸᤗᤧ ᤛᤢᤜᤠᤱᤕᤢᤰᤐᤠᤎᤡᤰ ᤁᤢᤍᤃᤡ ᤌᤢᤱᤒᤥᤜᤈ᤹ ᤕᤢᤱᤛᤡᤱᤗ ᤀᤰᤂᤣ ᤐᤠ᤺ᤳᤋᤢ. “ᤀᤠᤍᤠᤱᤒᤣ. ᤀᤠᤛ᤻ᤛᤠ᤺ ᤆᤢᤰᤔᤧᤴ ᤂᤠᤖᤰ ᤛᤩᤧᤖᤥ. ᤁᤖ ᤂᤧᤏᤧ᤹ ᤑᤧᤖᤧ᤹ᤀᤠᤱ ᤁᤢᤛᤶᤍᤠᤱ ᤁᤧᤜᤢᤰᤁᤡᤴ ᤏᤧᤛ᤻ᤛᤧ ᤐᤡᤖᤧ᤹. ᤜᤧᤰᤁᤩᤠᤱ ᤂᤧᤴ ᤜᤡᤱᤗᤥ॥”
23467	MAT 9:19	ᤕᤧᤛᤢ᤺ᤴ ᤐᤥᤃᤧᤀᤠᤱ ᤂᤧᤴᤏᤢ ᤌᤠᤛᤡᤱ. ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤀᤠᤱ ᤂᤢᤏᤧ᤹ ᤁᤢᤀᤣᤃᤠᤱ ᤔᤧᤎᤠᤛᤡᤱᤗᤥ॥
23468	MAT 9:20	ᤒᤠ ᤂᤧᤴ ᤕᤧᤶᤔᤥ ᤋᤱᤒᤣ ᤌᤡᤰ-ᤏᤧᤳᤋᤠᤱᤎᤥ (᥇᥈) ᤔᤠᤰᤂᤡ᤹ ᤘᤕᤢ᤺ᤔᤠᤸᤗᤧ ᤋᤖᤢᤔᤠ ᤔᤧᤴᤇᤢᤔᤠ᤹ᤎᤡᤰ ᤕᤧᤛᤢᤖᤧ ᤁᤢᤀᤣᤃᤠᤱ ᤋᤩᤧᤀᤠᤱ ᤁᤢᤍᤣ᤺ᤳᤋᤡᤸᤗᤧ ᤁᤢᤕᤠ᤺ᤴ ᤛᤢ᤺ᤛᤢ॥
23471	MAT 9:23	ᤜᤧᤰᤁᤩᤠᤱ ᤕᤧᤛᤢ᤺ᤴ ᤂᤧᤴ ᤗᤠᤶᤗᤥ᤺ᤒᤠᤸᤗᤧ ᤁᤢᤜᤡᤶᤔᤥ ᤁᤧᤖᤧᤸᤗᤧ ᤂᤧᤵᤔᤥ ᤆᤣ ᤗᤢᤵᤔᤠ ᤕᤧᤶᤔᤥ ᤔᤧᤵᤑᤪᤠᤔᤠ ᤁᤧᤔᤢ᤺ᤵᤐᤠᤜᤠ᤹ ᤏᤢ ᤔᤣᤖᤡᤱ ᤁᤧᤎᤰᤐᤠ ᤕᤖᤡᤰ ᤔᤏᤠᤜᤠ᤹ ᤏᤡ᤺ᤛᤢᤛᤡ॥
23480	MAT 9:32	ᤜᤧᤰᤁᤩᤠᤱ ᤂᤧᤱᤜᤠ᤹ ᤗ᤺ᤴᤍᤧᤳᤇᤡᤖ ᤐᤳᤇᤧᤳᤇᤡᤸᤗᤧ ᤁᤢᤓᤠ ᤔᤏᤠᤜᤠ᤹ᤖᤧ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤒᤠᤸᤗᤧ ᤆᤥᤃᤢᤸᤗᤧ ᤐᤠ᤺ᤵᤔᤠ ᤔᤧᤴᤇᤢᤰᤔᤏᤠᤒᤠ ᤔᤏᤠᤎᤡᤰ ᤕᤧᤛᤢᤖᤥ ᤔᤧᤍᤠᤖᤢ॥
23497	MAT 10:11	ᤂᤡᤏᤡ᤹ ᤁᤧᤒᤣᤃᤡᤒᤠ ᤐᤠᤱᤈᤢᤶ ᤐᤠᤱᤓᤣ᤹ᤜᤠ᤹ᤀᤥ ᤛᤢᤶᤒᤥᤎᤠᤒᤠ ᤔᤏᤠ᤺ᤴ ᤁᤥ᤺ᤳᤋᤧᤶᤔᤧ᤹ᤀᤠᤱ ᤂᤧᤵᤔᤥᤗᤠᤶ ᤁᤧᤴᤗ᤺ᤴᤍᤡᤴ ᤁᤧᤶᤒᤣᤃᤡᤴᤗ ᤌᤠᤖᤡᤰ ᤁᤢᤜᤡᤶᤔᤥᤀᤣ ᤕᤠ᤺ᤰᤋᤧᤶᤔᤧ᤹ᤀᤥ॥
23500	MAT 10:14	ᤀᤠᤳᤋᤡᤸᤗᤧ ᤂᤡᤏᤡ᤹ ᤗᤠᤱᤍᤠ᤺ᤰᤔᤠ ᤁᤧᤶᤒᤡᤖᤡᤴᤏᤠᤱ ᤂᤡᤏᤡ᤹ ᤐᤠ᤺ᤴᤏᤠᤱ ᤔᤧᤄᤧᤵᤛᤢᤴ. ᤂᤧᤴ ᤜᤡᤶ ᤀᤡᤃᤪ ᤐᤠᤱᤈᤢᤶᤔᤥᤗᤠᤶ ᤂᤡᤏᤡ᤹ ᤁᤧᤒᤣᤃᤡᤸᤗᤧ ᤂᤡᤏᤡ᤹ ᤗᤠᤱᤅᤥ ᤁᤧᤄᤡᤵᤐᤠ ᤂᤠᤶ ᤜᤡ᤺ᤰᤁᤡᤴ ᤒᤠ ᤂᤧᤵᤔᤥᤀᤣ ᤌᤠᤵᤛᤧᤶᤎᤩᤧᤶᤔᤧ᤹ᤀᤥ॥
23505	MAT 10:19	ᤁᤖ ᤂᤡᤏᤡ᤹ ᤁᤧᤶᤍᤧᤶᤛᤡᤸᤗᤧ ᤛᤧ᤺ᤵᤛᤡᤱᤔᤠᤖᤧ ᤗᤠᤃᤡ ᤀᤠᤸᤗ ᤌᤧᤔᤠ ᤐᤠ᤺ᤵᤔᤠ. ᤀᤠᤰᤂᤣᤗ᤹ᤖᤡᤰ ᤐᤠ᤺ᤵᤔᤠᤒᤣ ᤑᤠ᤹ᤀᤠᤱ ᤏᤡᤱᤛᤠᤶᤔᤥ ᤔᤧᤎᤩᤧᤶᤔᤡᤴᤏᤧ᤹ᤀᤥ॥ ᤂᤧᤴ ᤕᤧᤶᤔᤥᤃ ᤂᤡᤏᤡ᤹ ᤐᤠ᤺ᤵᤔᤠ ᤁᤧᤒᤥ᤺ᤱᤒᤠ ᤐᤠ᤺ᤴᤏᤡᤴ ᤒᤠ ᤂᤧᤴ ᤕᤧᤶᤔᤥᤀᤣ ᤁᤧᤄᤥ᤺ᤛᤢᤶᤗᤥ॥
23512	MAT 10:26	ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ᤏᤢ ᤔᤧᤃᤡᤛᤧᤶᤔᤡᤴᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤔᤧᤎᤠ᤺ᤵᤏᤧᤴᤗ ᤑᤠ᤹ᤀᤠᤱ ᤋᤧᤵᤋᤧᤀᤠᤱ ᤁᤧᤘᤠ᤹ᤒᤠ ᤐᤠ᤺ᤴ ᤀᤡᤃᤪ ᤁᤢᤛᤡᤱ ᤏᤡ᤺ᤳᤔᤧᤍᤧᤳᤏᤧᤴᤗ ᤑᤠ᤹ᤀᤠᤱ ᤔᤠ᤹ᤖᤧᤀᤠᤱ ᤁᤧᤘᤠ᤹ᤒᤠ ᤐᤠ᤺ᤴ ᤌᤣᤀᤠᤱ ᤜᤥ᤺ᤵᤗᤥ॥
23515	MAT 10:29	ᤏᤧᤳᤇᤡ ᤆᤢᤈᤢᤰᤛᤠ ᤐᤢᤜᤠ᤹ᤖᤧ ᤕᤠᤱᤎᤡᤰ ᤔᤧᤗᤧᤰᤏᤧᤴᤒᤡ᥅ ᤜᤧᤰᤁᤣᤛᤠᤱ ᤂᤡᤏᤡ᤹ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤔᤧ᤺ᤴᤏᤣ ᤗᤳᤌᤡᤰᤁᤠᤱ ᤂᤠᤶᤔᤥ ᤔᤰ ᤔᤧᤎᤠᤏᤧᤴᤗᤥ॥
23528	MAT 10:42	ᤀᤠᤳᤋᤡᤸᤗᤧ ᤀᤡᤱᤃᤠ᤹ᤀᤥ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠᤎᤡᤰᤁᤡᤴ ᤀᤠᤜᤢ᤹ᤛᤠᤶᤒᤠ ᤑᤠ᤹ᤀᤠᤱ ᤑᤱᤏᤠᤎᤡᤰ ᤆᤫᤠ᤺ᤳ ᤐᤡᤖᤢ᤹. ᤂᤧᤸᤗᤧ ᤛᤧᤰᤂᤠᤀᤣ ᤌᤢᤶᤄᤥ᤺ᤴ ᤂᤥ᤺ᤛᤢ᤹ᤖᤥ॥”
23533	MAT 11:5	ᤔᤡᤰᤑ᤺ᤶᤒᤠᤜᤠ᤹ᤖᤧ ᤏᤡ᤺ᤔᤠ ᤔᤧᤛᤢᤰᤋᤢ᤹. ᤗᤠᤱᤛᤰᤐᤠᤜᤠ᤹ ᤗᤠᤱᤔᤧᤄᤣ᤺ᤰ. ᤗᤥᤃᤣ᤹ ᤋᤢᤰᤔᤠᤸᤗᤧ ᤋᤖᤢᤛᤡᤒᤠᤜᤠ᤹ ᤔᤧᤏᤢ᤹. ᤏᤠᤎᤠᤰᤐᤠᤜᤠ᤹ᤖᤧ ᤂᤧᤶᤔᤠ ᤔᤧᤛᤢᤰᤋᤢ᤹. ᤁᤧᤛᤡ᤺ᤒᤠᤜᤠ᤹ ᤁᤢᤜᤡᤱᤘᤧᤳ ᤔᤧᤒᤥ᤺ᤱ. ᤜᤧᤰᤁᤩᤠᤱ ᤕᤠᤱᤃᤧᤛᤠ᤹ᤒᤠᤜᤠ᤹ᤖᤧ ᤛᤢᤏᤠᤀᤡᤱ ᤔᤧᤄᤧᤵᤛᤢ᤹ᤖᤥ॥
23540	MAT 11:12	ᤕᤢᤜᤢᤴᤏᤠᤖᤧ ᤀᤡᤱᤓᤴ ᤆᤥ᤺ᤰᤔᤠ ᤜᤣ᤺ᤰᤋᤢᤀᤠᤱᤎᤥ ᤀᤠᤀᤡᤴ ᤌᤠᤖᤡᤰ ᤛᤠᤱᤃᤪᤠᤶᤐᤣᤍᤠᤱᤒᤠ ᤜᤠᤱᤈᤢᤶᤔᤡᤴ ᤗᤢᤒᤢᤒᤢᤏᤠ ᤋᤃᤡ ᤐᤥ᤺ᤖ ᤐᤳ. ᤜᤧᤰᤁᤩᤠᤱ ᤁᤢᤍᤰᤗᤧᤱᤘᤠᤀᤥ ᤁᤧᤒᤥ᤺ᤰᤐᤠᤜᤠ᤹ᤖᤧ ᤛᤠᤁᤧᤸᤗᤧᤰᤁᤠᤱ ᤀᤵᤔᤠ ᤋᤶᤛᤡᤴ ᤔᤧᤈᤥᤃᤢᤖ ᤔᤧᤒᤳ॥
23546	MAT 11:18	ᤜᤧᤰᤁᤣᤗ᤹ᤖᤡᤰ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤱᤃ ᤔᤧᤴᤈᤠ ᤔᤧᤴᤎᤢᤱᤅᤣ ᤋᤩᤧᤛᤠᤱ ᤂᤡᤏᤡ᤹ ᤂᤧᤱᤃ ᤑᤧᤴᤛᤠᤶᤔᤡᤸᤗᤧ ᤕᤢᤰᤋᤢᤀᤠᤱ ᤘᤠ᤹ ᤗ᤹ᤖᤡᤰ ᤁᤧᤔᤧᤳᤋᤢᤶ॥
23551	MAT 11:23	ᤜᤧᤰᤁᤩᤠᤱ ᤂᤡᤏᤡ᤹ ᤁᤐᤷᤏᤜᤢᤔ ᤐᤠᤱᤈᤢᤶᤔᤥᤒᤠ ᤔᤏᤠᤛᤣ. ᤛᤠᤱᤃᤪᤠᤶᤐᤣᤍᤠᤱ ᤌᤠᤖᤡᤰ ᤐᤣᤃᤡᤃᤧ᤹ ᤁᤧᤗ᤹ᤖᤡᤒᤡ᥅ ᤔᤧ᤺ᤴᤗᤥ᥄ ᤂᤡᤏᤡ᤹ᤃ ᤂᤧᤔᤠᤕᤱᤛᤱ ᤌᤠᤖᤡᤰ ᤁᤧᤎᤩᤧ᤹ᤀᤡᤖᤥ॥ ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤐᤠᤱᤈᤢᤶᤔᤥ ᤆᤥᤃᤧᤒᤠ ᤜᤧᤰᤋᤱᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤛᤍᤥᤔ ᤕᤧᤰᤕᤰᤁᤥ ᤆᤥᤃᤧᤀᤠᤱ ᤘᤕᤧᤸᤗᤧᤃ ᤂᤧᤴ ᤕᤧᤰᤕᤰᤁᤡᤱᤃ ᤀᤠᤀᤡᤴ ᤌᤠᤖᤡᤰ ᤏᤧᤛ᤻ᤛᤧᤒᤠᤔᤧᤴ᥄
23553	MAT 11:25	ᤂᤧᤴ ᤕᤧᤶᤔᤥ ᤕᤧᤛᤢᤖᤧ ᤋᤢᤘᤠ ᤆᤥᤃᤢ. “ᤀᤠᤶᤒᤣ. ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤸᤗᤧ ᤍᤠᤱᤒᤠᤀᤣ. ᤀᤡᤱᤃᤠ᤹ ᤏᤥᤃᤧᤴ ᤐᤡᤏᤧ. ᤌᤣᤀᤠᤱᤓᤧᤸᤗᤧ ᤂᤧᤏᤧ᤹ᤃ ᤛᤡᤰᤁᤢᤶᤛᤠᤒᤠᤜᤠ᤹ ᤜᤧᤰᤁᤩᤠᤱ ᤆᤠ᤺ᤵᤐᤠᤜᤠ᤹ᤏᤢ ᤁᤧᤔᤠ᤹ᤖᤢᤒᤠ ᤐᤠ᤺ᤴᤏᤡᤴ ᤜᤡᤴᤈᤠ᤹ ᤜᤧᤰᤋᤱᤒᤠᤜᤠ᤹ ᤀᤥᤛᤣ᤺ᤴᤃᤧᤎᤠᤰᤋᤢᤛᤡᤖᤥ॥
23555	MAT 11:27	ᤜᤧᤰᤁᤩᤠᤱ ᤕᤧᤛᤢᤖᤧ ᤔᤏᤠᤜᤠ᤹ ᤔᤧᤳᤋᤢᤛᤡ. “ᤀᤠᤶᤒᤠᤖᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤐᤡᤖᤠᤱᤅᤠᤱ ᤘᤠ᤹ᤖᤥ॥ ᤁᤢᤛ᤻ᤛᤠ᤺ᤴ ᤁᤢᤶᤒᤠᤖᤧᤖᤰ ᤁᤢᤛᤡᤱ ᤏᤡ᤺ᤳᤋᤢ᤹. ᤘᤣ᤹ᤜᤠ᤹ᤖᤧ ᤁᤢᤛᤡᤱ ᤔᤧᤴᤏᤡ᤺ᤳᤋᤢᤴᤗᤥ॥ ᤜᤧᤰᤁᤩᤠᤱ ᤐᤠᤏᤢᤍᤡᤱ ᤐᤠ᤺ᤴ ᤁᤢᤛᤡᤱ ᤔᤧᤏᤡ᤺ᤳᤋᤢᤖ ᤑᤠ᤹ᤀᤠᤱ ᤁᤢᤛ᤻ᤛᤠ᤺ᤸᤗᤧ ᤀᤥᤛᤣ᤺ᤴᤎᤠᤰᤋᤢᤛᤡᤒᤠ ᤔᤏᤠᤜᤠ᤹ᤖᤧᤖᤰ ᤁᤢᤛᤡᤱ ᤔᤧᤏᤡ᤺ᤳᤋᤢ᤹ᤖᤥ॥
23568	MAT 12:10	ᤂᤧᤵᤔᤥ ᤁᤢᤜᤢᤰ ᤁᤧᤛᤶᤒᤠ ᤔᤏᤠᤎᤡᤰ ᤘᤕᤧ॥ ᤜᤧᤰᤁᤩᤠᤱ ᤂᤧᤵᤔᤥ ᤁᤢᤓᤠ ᤕᤜᤢᤍᤡᤜᤠ᤹ᤖᤧ ᤕᤧᤛᤢ᤺ᤴ ᤀᤠᤵᤋᤡᤰ ᤁᤢ᤺ᤵᤔᤠ ᤑᤠ᤹ᤀᤠᤱ ᤔᤧᤛᤢᤃᤢᤖ ᤔᤧᤘᤕᤧᤀᤠᤱ ᤛᤣ᤺ᤴᤔᤧᤍᤥᤛᤢ. “ᤏᤠ᤺ᤶᤛᤡᤱ ᤕᤧᤴᤏᤥ ᤔᤏᤠᤜᤠ᤹ ᤘᤣ᤺ᤶᤔᤠᤛᤡ ᤛᤠᤶᤕᤥᤌᤡᤶᤔᤡᤸᤗᤧ ᤀᤠᤒᤡ᤹ᤒᤡ ᤔᤧ᤺ᤶᤒᤡ᥅”
23578	MAT 12:20	ᤂᤠᤛᤧᤴᤏᤡᤴ ᤁᤢᤗᤡᤱᤎᤥ ᤔᤧᤱᤃᤧᤳᤋᤣ ᤌᤠᤖᤡᤰ ᤂᤢᤏᤧ᤹ᤃ ᤘᤠ᤺ᤴᤈᤥᤈᤥᤒᤠ ᤌᤡᤱᤏᤧ᤺ᤳᤋᤡᤴᤏᤠᤱ ᤔᤧᤛᤧᤰᤂᤢᤴ. ᤜᤧᤰᤁᤩᤠᤱ ᤛᤡᤍᤥ᤹ᤍᤥ᤹ᤒᤠ ᤛᤣᤔᤡᤴᤏᤠᤱ ᤔᤧᤛᤧᤖᤢᤴᤗᤥ॥
23580	MAT 12:22	ᤂᤧᤱᤜᤠ᤹ᤖᤧ ᤑᤧᤴᤛᤠᤶᤔᤡᤸᤗᤧ ᤕᤠᤱᤄᤢᤒᤠᤸᤗᤧ ᤆᤥᤃᤢᤸᤗᤧ ᤔᤡᤰᤑ᤺ᤶᤒᤠ ᤏᤢ ᤐᤠ᤺ᤵᤔᤠ ᤔᤧᤴᤇᤢᤰᤔᤏᤠᤒᤠ ᤔᤏᤠᤎᤡᤰ ᤕᤧᤛᤢᤖᤥ ᤔᤧᤍᤠᤖᤢ. ᤜᤧᤰᤁᤩᤠᤱ ᤂᤢᤏᤧ᤹ ᤘᤣ᤺ᤴᤍᤢᤀᤠᤱ ᤂᤧᤴ ᤐᤠ᤺ᤵᤔᤠ ᤏᤢ ᤂᤠᤏᤡ᤺ᤔᤠ ᤁᤧᤛᤢᤰᤐᤠ ᤐᤥ᤺ᤰᤂᤧᤖᤥ॥
23583	MAT 12:25	ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ᤀᤡᤴ ᤏᤡ᤺ᤛᤢᤀᤠᤱ ᤀᤰᤂᤣ ᤔᤧᤳᤋᤢᤛᤡ. “ᤀᤠᤵᤑᤣ᤺ᤰ ᤗᤢᤶᤔᤥ ᤁᤧᤄᤣᤒᤠ ᤁᤧᤎᤰᤐᤠᤀᤠᤱ ᤁᤧᤛᤧᤶᤒᤠ ᤁᤧᤖᤧᤰ ᤜᤠᤱᤈᤢᤶᤜᤠ᤹ ᤔᤧᤔᤧᤰᤗᤥ॥ ᤜᤧᤰᤁᤩᤠᤱ ᤀᤠᤵᤑᤣ᤺ᤰ ᤗᤢᤶᤔᤥ ᤁᤧᤄᤣᤒᤠ ᤁᤧᤎᤰᤐᤠᤀᤠᤱ ᤁᤧᤛᤧᤶᤒᤠ ᤕᤧᤰᤕᤰ ᤏᤢ ᤜᤡᤶᤛᤕᤱᤜᤠ᤹ᤖᤧ ᤔᤧᤴᤎ᤺ᤳᤋᤢᤴᤗᤥ॥
23585	MAT 12:27	ᤜᤧᤰᤁᤩᤠᤱ ᤒᤠᤗᤈᤡᤒᤢᤗ ᤔᤠᤑᤧᤴᤛᤠᤶᤔᤡᤸᤗᤧ ᤁᤢᤔᤢᤰᤛᤠᤶᤗᤠᤶ ᤀᤡᤱᤃᤠ᤹ ᤑᤧᤴᤛᤠᤶᤜᤠ᤹ ᤏᤠ᤺ᤳᤋᤢᤱ ᤗ᤺ᤳᤋᤢᤱᤛᤡᤱᤏᤧ ᤑᤠ᤹ᤃᤪ ᤂᤡᤏᤡ᤹ ᤔᤏᤠᤜᤠ᤹ᤖᤧ ᤀᤠᤳᤋᤡᤴ ᤔᤢᤰᤛᤠᤶᤗᤠᤶ ᤑᤧᤴᤛᤠᤶᤜᤠ᤹ ᤔᤧᤏᤠ᤺ᤳᤋᤢ ᤔᤧᤗ᤺ᤳᤋᤢᤛᤡᤒᤣ᥅ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤁᤡᤸᤗᤧᤀᤣ ᤂᤡᤏᤡ᤹ ᤐᤡᤷᤒᤣ᤺ᤶᤒᤥ ᤁᤧᤎᤩᤧ᤹ᤀᤡᤀᤠᤱ ᤁᤧᤘᤕᤡ᤹ ᤑᤠ᤹ᤀᤠᤱ ᤀᤥᤛᤣ᤺ᤴᤀᤠᤶᤎᤠᤰᤗᤥ॥