23232	MAT 1:19	ᤂᤢᤏᤧ᤹ᤏᤢ ᤁᤢᤔᤣ᤺ᤰᤂᤡᤶ ᤐᤠ᤺ᤴ ᤁᤧᤒᤢ᤹ᤒᤠ ᤕᤢᤛᤢᤑᤧᤱᤃ ᤛᤠᤶᤕᤥᤏᤡᤒᤠ ᤔᤏᤠ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤁᤢᤈᤠ᤺ᤳᤌᤡ ᤔᤧᤒᤣ᤺ᤰᤏᤧᤴᤗ ᤑᤠ᤹ᤀᤠᤱ ᤂᤧᤸᤗᤧ ᤛᤫᤠ᤺ᤳᤋᤠᤱ ᤏᤠ᤹ᤔᤠ ᤏᤡᤱᤘᤠ᤹ ᤆᤥᤃᤢᤖᤥ॥
23245	MAT 2:7	ᤜᤧᤖᤥᤍ ᤜᤠᤱᤅᤡᤸᤗᤧ ᤂᤧᤴ ᤛᤡᤰᤁᤢᤶᤏᤡᤒᤠ ᤂᤠᤃᤧᤀᤡᤰᤐᤠᤜᤠ᤹ ᤛᤫᤠ᤺ᤳᤋᤠᤱ ᤀᤢ᤺ᤳᤋᤢᤛᤡ ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶ ᤂᤣ᤺ᤶᤛᤡᤰᤐᤠᤴ ᤌᤠ᤺ᤶᤛᤡᤱᤒᤠ ᤁᤢᤈᤧᤰ ᤕᤧᤶᤔᤡᤴ ᤏᤡᤱᤘᤠ᤹ ᤂᤥ᤺ᤛᤢ॥
23272	MAT 3:11	ᤗᤠᤕᤥᤗᤠᤶ ᤁᤧᤜᤡᤴᤍᤡᤀᤠᤱ ᤀᤡᤱᤃᤠ᤹ᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤏᤡᤱᤗᤥ. ᤁᤖ ᤀᤠᤀᤣᤃᤠᤱ ᤁᤧᤍᤠ᤺ᤒᤧᤱᤃ ᤀᤡᤱᤃᤠ᤹ᤏᤢ᤺ᤸᤗᤧᤀᤠᤱ ᤔᤢᤰᤛᤠᤶᤛᤠᤒᤠ ᤆᤥ᤺ᤰᤗᤥ॥ ᤂᤢᤏᤧ᤹ ᤁᤢᤗᤠᤱᤛᤢ᤺ᤵᤜᤠ᤹ ᤀᤡᤱᤃᤠ᤹ ᤕᤥ᤺ᤰ ᤁᤢᤀᤡᤛᤡ᤺ᤰ ᤐᤱᤔᤠᤀᤠᤱ ᤔᤧᤗᤠ᤹ᤀᤠᤴᤗᤥ॥ ᤂᤢᤏᤧ᤹ ᤛᤣᤛᤣᤔᤠᤱ ᤏᤢ ᤔᤡ᤺ᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ᤹ᤖᤥ॥
23277	MAT 3:16	ᤕᤧᤛᤢ᤺ᤴ ᤒᤵᤋᤡᤛ᤻ᤔᤠ ᤐᤥ᤺ᤰᤂᤧᤀᤠᤱ ᤆᤫᤠ᤺ᤳᤋᤥᤗᤠᤶ ᤗᤠ᤺ᤰᤁᤠᤳ ᤗ᤺ᤴᤍᤧᤏᤢᤔᤧ᤺ᤴᤏᤣ ᤋᤠᤱᤛᤠᤰᤐᤧᤴ ᤜᤖᤧᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤣᤛᤣᤔᤠᤱᤅᤡᤴ ᤐᤢᤳᤋᤢ᤺ᤰᤁᤣ ᤜᤧᤰᤁᤣ ᤂᤢᤏᤧ᤹ ᤁᤢᤛᤶᤍᤠᤱ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤖᤥ॥
23355	MAT 6:4	ᤜᤧᤰᤁᤣᤗ᤹ᤖᤡᤰ ᤁᤧᤒᤡᤖᤢᤛᤡᤒᤠ ᤐᤠ᤺ᤴᤏᤡᤴ ᤛᤫᤠ᤺ᤳᤋᤠᤱ ᤐᤥ᤺ᤱᤗᤖᤥ॥ ᤜᤧᤰᤁᤩᤠᤱᤗᤰ ᤛᤫᤠ᤺ᤳᤋᤠᤱ ᤁᤧᤈᤥᤃᤢᤒᤠ ᤐᤠ᤺ᤴ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡᤖᤥ॥”
23357	MAT 6:6	ᤁᤖ ᤂᤧᤏᤧ᤹ ᤋᤢᤘᤠ ᤁᤧᤈᤥᤃᤢᤸᤗᤧ ᤁᤧᤜᤡᤶᤗᤰᤛᤡᤱ ᤛᤡᤃᤠᤱ ᤗᤠ᤺ᤛᤧ᤹ᤀᤠᤱ ᤗᤠᤶᤎᤣ᤺ᤵᤐᤠᤴ ᤛᤢᤒᤧ᤹. ᤜᤧᤰᤁᤩᤠᤱ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠᤏᤢᤍᤡᤱ ᤁᤧᤶᤒᤠᤏᤢ ᤀᤣ᤺ᤰ ᤋᤢᤘᤠ ᤆᤥᤃᤧ᤹ᤀᤥ॥ ᤜᤧᤰᤁᤩᤠᤱ ᤛᤫᤠ᤺ᤳᤋᤠᤱ ᤆᤥ᤺ᤰᤔᤏᤠᤒᤠ ᤕᤠ᤺ᤶᤒᤰ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡᤖᤥ॥
23369	MAT 6:18	ᤜᤧᤰᤁᤣᤗ᤹ᤖᤡᤰ ᤂᤧᤏᤧ᤹ ᤆᤠ᤺ᤏᤧᤳ ᤁᤧᤕᤢᤱᤒᤠᤴ ᤘᤣ᤹ ᤔᤏᤠᤜᤠ᤹ᤖᤧ ᤏᤡᤱᤘᤠ᤹ ᤔᤧᤱᤄᤥ᤺ᤛᤢᤴᤗᤖᤥ. ᤁᤖ ᤏᤡ᤺ᤔᤧᤴᤍᤧᤵᤔᤏᤠᤒᤠ ᤐᤠᤏᤢᤍᤡᤱ ᤁᤧᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤖᤰ ᤏᤡ᤺ᤛᤢᤖᤖᤥ॥ ᤜᤧᤰᤁᤣ ᤁᤧᤈᤥᤃᤢᤸᤗᤧ ᤛᤫᤠ᤺ᤳᤋᤠᤱ ᤆᤥ᤺ᤰᤔᤏᤠᤒᤠ ᤁᤧᤏᤡ᤺ᤒᤠ ᤐᤠᤏᤢᤍᤡᤱ ᤁᤧᤶᤒᤠᤖᤧ ᤜᤠᤱᤛᤧᤶ ᤁᤧᤒᤡ᤹ᤖᤥ॥”
23513	MAT 10:27	ᤀᤡᤱᤃᤠ᤹ ᤀᤠᤸᤗᤥ ᤂᤠᤃᤧᤔᤠᤰᤐᤠᤀᤥ ᤔᤧᤳᤏᤡᤱᤒᤠ ᤐᤠ᤺ᤴᤏᤡᤴ ᤂᤠᤃᤧᤀᤥ᤺ᤵᤐᤠᤀᤥ ᤔᤧᤳᤋᤧᤶᤛᤡᤶᤔᤧ᤹. ᤂᤡᤏᤡ᤹ ᤛᤫᤠ᤺ᤳᤋᤠᤱ ᤔᤧᤳᤏᤡᤱᤒᤠ ᤐᤠ᤺ᤴᤏᤡᤴ ᤁᤧᤖᤧᤰ ᤔᤏᤠᤜᤠ᤹ᤖᤧ ᤔᤧᤄᤧᤵᤛᤢᤖ ᤑᤠ᤹ᤀᤠᤱ ᤜᤡᤶ ᤛᤶᤍᤠᤱᤗᤠᤶ ᤕᤶᤒᤠ ᤀᤡᤰᤗᤠᤀᤥ ᤀᤡᤱᤓᤴ ᤆᤥᤃᤧᤶᤔᤧ᤹ᤀᤥ॥
23528	MAT 10:42	ᤀᤠᤳᤋᤡᤸᤗᤧ ᤀᤡᤱᤃᤠ᤹ᤀᤥ ᤏᤛᤠ᤺ᤴ ᤁᤧᤈᤥ᤺ᤰᤐᤠᤜᤠ᤹ᤀᤥ ᤁᤧᤖᤧᤰᤏᤢ᤺ᤸᤗᤧ ᤆᤢᤰᤛᤠᤎᤡᤰᤁᤡᤴ ᤀᤠᤜᤢ᤹ᤛᤠᤶᤒᤠ ᤑᤠ᤹ᤀᤠᤱ ᤑᤱᤏᤠᤎᤡᤰ ᤆᤫᤠ᤺ᤳ ᤐᤡᤖᤢ᤹. ᤂᤧᤸᤗᤧ ᤛᤧᤰᤂᤠᤀᤣ ᤌᤢᤶᤄᤥ᤺ᤴ ᤂᤥ᤺ᤛᤢ᤹ᤖᤥ॥”
23656	MAT 13:48	ᤜᤧᤰᤁᤩᤠᤱ ᤂᤧᤴ ᤕᤥ᤺ᤱᤅᤥ ᤁᤢᤗᤧᤶ ᤅᤠᤜᤠ᤹ ᤔᤧᤎᤠᤀᤠᤱ ᤕᤥ᤺ᤱ ᤁᤧᤗᤧᤵᤐᤠᤜᤠ᤹ᤖᤧ ᤗᤠ᤺ᤰᤁᤠᤳ ᤔᤧᤀᤢ᤺ᤰᤂᤢ ᤔᤧᤗ᤺ᤳᤋᤢ. ᤜᤧᤰᤁᤩᤠᤱ ᤔᤧᤕᤢᤱᤛᤡᤱᤅᤠᤱ ᤏᤢ᤺ᤒᤠ ᤅᤠᤜᤠ᤹ ᤅᤠ ᤕᤠᤱᤔᤠᤀᤥ ᤔᤧᤕᤠᤰᤋᤢᤛᤡ. ᤁᤖ ᤋᤠᤵᤑᤧ᤺ᤶᤒᤠ ᤅᤠᤜᤠ᤹ ᤕᤠᤶᤔᤥ ᤆᤫᤠ᤺ᤳᤋᤥ ᤗᤠᤵᤔᤧᤓᤢᤛᤢᤛᤡᤖᤥ॥
23691	MAT 14:25	ᤀᤡᤱᤘᤠ ᤁᤠ᤺ᤔᤠᤏᤢ᤺ᤸᤗᤧ ᤋᤃᤡ ᤕᤧᤛᤢ᤺ᤴ ᤆᤫᤠ᤺ᤳ ᤛᤶᤍᤠᤱ ᤗᤠᤱᤄᤣᤃᤧᤖ ᤜᤢ᤹ᤛᤠᤶᤒᤠᤜᤠ᤹ ᤔᤧᤘᤕᤧᤒᤠ ᤂ᤺ᤱᤒᤣᤀᤥ ᤐᤣᤖᤥ॥
23692	MAT 14:26	ᤂᤧᤱᤜᤠ᤹ᤖᤧ ᤂᤢᤏᤧ᤹ ᤆᤫᤠ᤺ᤳ ᤛᤶᤍᤠᤱ ᤗᤠᤱᤄᤣᤃᤧᤖ ᤐᤳᤇᤧᤒᤠ ᤔᤧᤏᤡ᤺ᤛᤢᤀᤠᤱ “ᤁᤱᤃ ᤛᤡᤛᤠᤶᤗᤥ᥄” ᤗ᤹ᤖᤡᤰ ᤛᤠ᤹ᤖᤡᤰ ᤔᤧᤃᤡᤛᤧᤀᤠᤱ ᤔᤧᤓᤡ᤺ᤰᤋᤧᤖᤥ॥
23694	MAT 14:28	ᤜᤧᤰᤁᤣ᤺ᤸᤗᤧ ᤐᤋᤪᤢᤛᤖᤧ ᤔᤧᤳᤋᤢ. “ᤍᤠᤱᤒᤣ. ᤛᤧᤰᤂᤠ ᤂᤧᤏᤧ᤹ᤀᤣᤏᤧ ᤑᤠ᤹ᤃᤪ ᤀᤡᤱᤃᤠ᤹ᤀᤠᤱ ᤆᤫᤠ᤺ᤳ ᤛᤶᤍᤠᤱ ᤗᤠᤱᤄᤣᤃᤧᤖ ᤑᤧᤖᤧ᤹ ᤔᤧᤳᤋᤠᤱᤅᤧ᤹ᤀᤥ॥”
23695	MAT 14:29	ᤕᤧᤛᤢᤖᤧ ᤔᤧᤳᤋᤢ. “ᤑᤧᤖᤧ᤹”॥ ᤜᤧᤰᤁᤣ᤺ᤸᤗᤧ ᤐᤋᤪᤢᤛᤧᤴᤏᤠᤱ ᤆᤫᤠ᤺ᤳᤋᤥ ᤗᤠᤱᤄᤣᤃᤧᤖ ᤕᤧᤛᤢ᤺ᤴ ᤘᤕᤧᤒᤠ ᤗᤧᤵᤔᤠᤱ ᤌᤠᤛᤡᤱ॥
23696	MAT 14:30	ᤁᤖ ᤐᤣᤖ ᤐᤳᤇᤧᤸᤗᤧ ᤂᤧᤸᤗᤧ ᤕᤶᤒᤠ ᤛᤢᤖᤡᤳ ᤁᤣᤈᤱ ᤏᤢ ᤘᤠᤓᤧᤸᤗᤧᤱᤅᤡᤴ ᤏᤡ᤺ᤛᤢᤀᤠᤱ ᤁᤡ᤺ᤛᤧ॥ ᤜᤧᤰᤁᤩᤠᤱ ᤂᤧᤴ ᤆᤫᤠ᤺ᤳᤋᤥ ᤜᤢᤶᤔᤠ ᤜᤣ᤺ᤰᤋᤧᤸᤗᤧ “ᤀᤠᤍᤠᤱᤒᤣ. ᤋᤠᤱᤛᤧ᤺ᤵᤋᤠᤱᤅᤧ᤹ᤀᤥ” ᤗ᤹ᤖᤡᤰ ᤀ᤺ᤰᤋᤧ॥
23784	MAT 17:15	ᤐᤠ᤺ᤳᤋᤢ. “ᤀᤠᤍᤠᤱᤒᤣ. ᤀᤠᤛ᤻ᤛᤠ᤺ᤴ ᤗᤢᤱᤔᤠ᤹ ᤋᤢᤰᤋᤧ᤹ᤀᤥ॥ ᤌᤣᤀᤠᤱᤓᤧᤸᤗᤧ ᤂᤧᤴᤏᤡᤴ ᤌᤵᤔᤠᤔ᤺ᤔᤧᤸᤗᤧ ᤕᤠᤱᤄᤢᤀᤠᤱ ᤘᤠ᤹ ᤜᤧᤰᤁᤩᤠᤱ ᤛᤠ᤹ᤖᤡᤰ ᤋᤢᤰᤂᤣ ᤆᤠᤖᤥ॥ ᤀᤧᤳᤗᤧᤱ ᤂᤧᤴ ᤆᤫᤠ᤺ᤳᤋᤥ ᤏᤢ ᤔᤡᤀᤥ ᤌᤠ᤺ᤖᤥ॥
23788	MAT 17:19	ᤕᤠᤱᤛᤡ ᤜᤢ᤹ᤛᤠᤶᤒᤠᤜᤠ᤹ ᤛᤫᤠ᤺ᤳᤋᤠᤱ ᤕᤧᤛᤢᤖᤥ ᤔᤧᤍᤩᤧᤀᤠᤱ ᤛᤣ᤺ᤴᤔᤧᤍᤥᤛᤢ. “ᤌᤣᤀᤠᤱ ᤀᤠᤏᤡᤃᤧ ᤂᤧᤴ ᤑᤧᤴᤛᤠᤶᤔᤡᤴ ᤏᤠ᤺ᤵᤔᤠ ᤗ᤺ᤵᤔᤠ ᤔᤧᤛᤢᤰᤋᤢᤶᤒᤧᤴᤒᤠᤒᤣ᥅”
23892	MAT 20:31	ᤂᤧᤴ ᤔᤏᤠᤜᤠ᤹ᤖᤧ ᤂᤧᤱᤜᤠ᤹ ᤔᤧᤓᤧ᤺ᤰᤋᤢᤛᤡᤖ ᤛᤫᤠ᤺ᤳ ᤕᤢᤱᤔᤠ ᤔᤧᤒᤠᤱᤄᤢᤛᤡ. ᤁᤖ ᤂᤧᤱᤜᤠ᤹ ᤀᤠᤸᤗᤛᤠᤱ ᤛᤠ᤹ᤖᤡᤰ ᤀ᤺ᤰᤋᤧᤳᤇᤡᤖᤥ. “ᤍᤠᤱᤒᤣ. ᤍᤠᤀᤢᤍᤖᤧ ᤁᤢᤛ᤻ᤛᤠ᤺ᤀᤣ. ᤀᤠᤴᤇᤡᤃᤧ ᤗᤢᤱᤔᤠ᤹ ᤀᤠᤍᤢᤰᤋᤧ᤹ᤀᤥ᥄”
24029	MAT 24:3	ᤕᤠᤱᤛᤡ ᤕᤧᤛᤢ᤺ᤴ ᤈᤤᤋᤢᤏ ᤁᤥ᤺ᤰᤔᤠᤀᤥ ᤘᤕᤧᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤍᤩᤧᤀᤠᤱ ᤛᤫᤠ᤺ᤳᤋᤠᤱ ᤛᤣ᤺ᤴᤔᤧᤍᤥᤛᤢ. “ᤍᤠᤱᤒᤣ. ᤁᤴ ᤐᤠ᤺ᤴᤜᤠ᤹ ᤀᤠᤵᤑᤠᤸᤗᤧ ᤐᤥ᤺ᤱᤒᤠᤒᤣ᥅ ᤂᤧᤏᤧ᤹ ᤁᤧᤕᤢ᤺ᤔᤠ ᤕᤧᤶᤔᤡᤴ ᤏᤢ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤧᤶᤔᤡᤸᤗᤧ ᤁᤢᤏᤢᤵᤔᤠ ᤔᤡᤰᤛᤣ᤺ᤴᤏᤡᤴ ᤀᤠᤔᤧᤳᤋᤧ᤹ᤀᤥ॥”
24112	MAT 25:35	ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤧᤳᤗᤠ᤺ᤰᤋᤧᤀᤠᤱ ᤘᤕᤠᤱᤅᤡᤸᤗᤧ ᤀᤡᤱᤃᤠ᤹ ᤁᤢᤈᤠ ᤕᤠᤵᤔᤡ ᤀᤠᤃᤧᤒᤡᤖᤡ. ᤀᤠᤘᤠᤔᤡ᤺ᤛᤧᤀᤠᤱ ᤘᤕᤠᤱᤅᤡᤸᤗᤧ ᤆᤫᤠ᤺ᤳ ᤕᤠᤵᤔᤡ ᤀᤠᤃᤧᤒᤡᤖᤡ. ᤀᤡᤱᤃᤠ᤹ ᤘᤠ᤹ᤔᤠ ᤋᤧᤴ ᤔᤧ᤺ᤴᤏᤣ ᤗᤠᤶᤍᤡ᤺ᤰᤐᤠ ᤐᤥ᤺ᤰᤂᤠᤱᤅᤠᤱ ᤘᤕᤠᤱᤅᤡᤸᤗᤧ ᤂᤡᤏᤡ᤹ ᤜᤡᤶᤔᤥ ᤕᤠᤵᤔᤡ ᤀᤠᤃᤧᤍᤣ᤹ᤖᤡᤖᤥ॥
24114	MAT 25:37	ᤜᤧᤰᤁᤩᤠᤱ ᤂᤧᤴ ᤛᤠᤶᤕᤥᤏᤡᤒᤠᤜᤠ᤹ᤖᤧ ᤂᤢᤏᤧ᤹ ᤏᤥᤃᤵ ᤔᤧᤒᤡᤖᤢ. ‘ᤍᤠᤱᤒᤣ. ᤀᤠᤵᤑᤠᤸᤗᤧ ᤂᤧᤏᤧ᤹ ᤛᤠᤰᤔᤧᤴᤈᤠ ᤏᤡ᤺ᤀᤠᤛᤡᤃᤧᤀᤠᤱ ᤁᤢᤈᤠ ᤐᤡᤀᤠᤛᤡᤃᤧᤒᤣ᥅ ᤁᤧᤘᤠᤔᤡ᤺ᤛᤧᤒᤠ ᤏᤡ᤺ᤀᤠᤛᤡᤃᤧᤀᤠᤱ ᤆᤫᤠ᤺ᤳ ᤌᤢᤱᤔᤠ ᤐᤡ᤹ᤀᤠᤛᤡᤃᤧᤒᤣ᥅
24119	MAT 25:42	ᤌᤣᤀᤠᤱᤓᤧᤸᤗᤧ ᤀᤡᤱᤃᤠ᤹ ᤀᤠᤛᤧᤳᤗᤠ᤺ᤰᤋᤧᤀᤠᤱ ᤘᤕᤠᤱᤅᤡᤸᤗᤧ ᤀᤡᤱᤃᤠ᤹ ᤁᤢᤈᤠ ᤕᤠᤵᤔᤡ ᤀᤠᤃᤧᤶᤒᤡᤖᤡᤴ. ᤀᤠᤘᤠᤔᤡ᤺ᤛᤧᤀᤠᤱ ᤘᤕᤠᤱᤅᤡᤸᤗᤧ ᤆᤫᤠ᤺ᤳ ᤌᤢᤱᤔᤠ ᤕᤠᤵᤔᤡ ᤀᤠᤃᤧᤶᤒᤡᤖᤡᤴ.
24127	MAT 26:4	ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤕᤧᤛᤢ᤺ᤴ ᤀᤠᤰᤂᤣᤗ᤹ᤖᤡᤰ ᤛᤫᤠ᤺ᤳᤋᤠᤱ ᤋᤧᤶᤔᤠᤀᤠᤱ ᤛᤧᤵᤔᤠᤒᤣ ᤑᤠ᤹ᤀᤠᤱ ᤆᤧᤶᤓᤴ ᤔᤧᤈᤥᤃᤢᤖᤥ॥
24292	MRK 1:8	ᤀᤡᤱᤃᤠ᤹ᤃ ᤂᤡᤏᤡ᤹ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤏᤡᤱᤗ ᤐᤳᤋᤠ. ᤁᤖ ᤂᤢᤏᤧ᤹ᤃ ᤛᤣᤛᤣᤔᤠᤱᤅᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ᤹ᤖᤥ॥”
24294	MRK 1:10	ᤂᤢᤏᤧ᤹ ᤆᤫᤠ᤺ᤳᤋᤥᤗᤠᤶ ᤗ᤺ᤴᤍᤧᤏᤢᤔᤧ᤺ᤴᤏᤣ ᤋᤠᤱᤛᤠᤰᤐᤧᤴ ᤜᤖᤧᤀᤠᤱ ᤛᤣᤛᤣᤔᤠᤱᤅᤡᤴ ᤐᤢᤳᤋᤢ᤺ᤰᤁᤣ ᤜᤧᤰᤁᤣ ᤂᤢᤏᤧ᤹ ᤁᤢᤛᤶᤍᤠᤱ ᤕᤧ᤺ᤖ ᤐᤳᤇᤧᤒᤠ ᤏᤡ᤺ᤛᤢᤖᤥ॥
24309	MRK 1:25	ᤕᤧᤛᤢᤖᤧ ᤂᤧᤴ ᤑᤧᤴᤛᤠᤶᤔᤡᤴ ᤑᤧ᤺ᤰᤋᤢ. “ᤛᤫᤠ᤺ᤳ᥄ ᤂᤧᤴ ᤔᤏᤠ᤺ᤴ ᤗᤧᤖᤧ᤹ᤀᤠᤱ ᤐᤣᤃᤧ᤹᥄”
24361	MRK 3:4	ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤛᤣ᤺ᤴᤍᤥᤛᤢᤛᤡ. “ᤏᤠ᤺ᤶᤛᤡᤱ ᤕᤧᤴᤏᤥ ᤏᤢ᤺ᤒᤠ ᤏᤢ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰᤁᤥ. ᤀᤠᤳᤋᤡᤴ ᤆᤥ᤺ᤰᤔᤠ ᤏᤢ᤺ᤒᤠᤒᤣ᥅ ᤜᤡᤱᤔᤴ ᤋᤠᤱᤛᤧ᤺ᤵᤔᤠᤒᤡ ᤔᤧᤱᤔᤠᤒᤡ᥅” ᤁᤖ ᤂᤧᤴ ᤔᤏᤠᤜᤠ᤹ ᤔᤧᤶᤒᤠ᤺ᤳᤋᤣ ᤛᤫᤠ᤺ᤳ ᤔᤧᤕᤢᤅᤧᤖᤥ॥
24430	MRK 4:38	ᤕᤧᤛᤢ᤺ᤴ ᤂ᤺ᤱᤒᤣᤸᤗᤧ ᤁᤢᤀᤣ᤺ᤰ ᤗᤧᤵᤔᤠᤱ ᤋᤠᤰᤂᤥ᤺ᤱᤎᤡᤰ ᤁᤥ᤺ᤰᤛᤡᤱᤅᤠᤱ ᤀᤡᤵᤛᤧᤀᤠᤱ ᤏᤧᤛ᤻ᤛᤧ॥ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤔᤧᤓᤥ᤺ᤰᤂᤢᤖ ᤀᤰᤂᤣ ᤔᤧᤔᤧᤳᤋᤢ. “ᤛᤡᤰᤛᤠᤶᤒᤣ. ᤀᤠᤏᤡᤃᤧ ᤜᤢᤶᤔᤠ ᤛᤡ᤺ᤔᤠ ᤀᤡ᤺ᤳᤋᤡᤃᤧᤖᤥ᥄ ᤌᤣᤀᤠᤱ ᤛᤫᤠ᤺ᤳ ᤁᤧᤏᤧᤒᤠᤒᤣ᥅”
24508	MRK 6:32	ᤜᤧᤰᤁᤣ᤺ᤸᤗᤧ ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤂ᤺ᤱᤒᤣᤀᤥ ᤛᤫᤠ᤺ᤳᤋᤠᤱ ᤔᤧᤗᤠ᤺ᤛᤧᤀᤠᤱ ᤀᤣ᤺ᤰᤛᤠᤍᤧᤴᤏᤥ ᤔᤧᤒᤣ॥
24629	MRK 9:22	ᤁᤴ ᤑᤧᤴᤛᤠᤶᤔᤡᤸᤗᤧ ᤕᤖᤡᤰ ᤗᤧᤱ ᤛᤧᤵᤔᤠ ᤁᤥ᤺ᤳᤋᤢᤸᤗᤧ ᤆᤢᤰᤐᤧᤴ ᤔᤡᤀᤥ ᤏᤢ ᤆᤫᤠ᤺ᤳᤋᤥ ᤛᤧᤵᤔᤠ ᤑᤠ᤹ᤀᤠᤱ ᤗᤠᤵᤑᤢᤛᤢ ᤕᤠᤰᤋᤢᤖᤥ॥ ᤀᤠᤍᤠᤱᤒᤣ. ᤗᤢᤱᤔᤠ᤹ ᤀᤠᤍᤢᤰᤋᤧ᤹ᤀᤥ. ᤁᤧᤛᤢᤰᤋᤢᤏᤧ ᤑᤠ᤹ᤃᤪ ᤀᤠᤓᤠ᤹ᤖᤧ᤹ᤀᤥ॥”
24635	MRK 9:28	ᤕᤧᤛᤢ᤺ᤴ ᤜᤡᤶᤔᤥ ᤗᤠ᤺ᤛᤧᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤛᤫᤠ᤺ᤳᤋᤠᤱ ᤛᤣ᤺ᤴᤔᤧᤍᤥᤛᤢ. “ᤌᤣᤀᤠᤱ ᤀᤠᤏᤡᤃᤧ ᤂᤧᤴ ᤑᤧᤴᤛᤠᤶᤔᤡᤴ ᤏᤠ᤺ᤵᤔᤠ ᤗ᤺ᤵᤔᤠ ᤔᤧᤛᤢᤰᤋᤢᤶᤒᤧᤴᤒᤠᤒᤣ᥅”
24648	MRK 9:41	ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤡᤱ. ᤀᤠᤳᤋᤡᤸᤗᤧ ᤂᤡᤏᤡ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤛᤣ᤺ᤴᤍᤢᤒᤠ ᤂᤪᤡᤛ᤻ᤋᤖᤧ ᤁᤢᤔᤏᤠ ᤑᤠ᤹ᤀᤠᤱ ᤑᤱᤏᤠᤎᤡᤰ ᤆᤫᤠ᤺ᤳ ᤁᤧᤒᤡᤖᤡ᤹. ᤂᤧᤸᤗᤧ ᤛᤧᤰᤂᤠᤛᤠᤱ ᤌᤢᤶᤄᤥ᤺ᤴ ᤂᤥ᤺ᤛᤢ᤹ᤀᤣᤖᤥ॥”
24705	MRK 10:48	ᤕᤖᤡᤰ ᤔᤏᤠᤜᤠ᤹ᤖᤧ ᤂᤧᤴ ᤛᤫᤠ᤺ᤳ ᤕᤢᤅᤧ᤹ ᤑᤠ᤹ᤀᤠᤱ ᤔᤧᤓᤧ᤺ᤰᤋᤢ॥ ᤁᤖ ᤂᤧᤴ ᤀᤠᤸᤗᤛᤠᤱ ᤛᤠ᤹ᤖᤡᤰ ᤀ᤺ᤰᤋᤧ. “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ᤀᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ᥄”
24789	MRK 13:3	ᤜᤧᤰᤁᤩᤠᤱ ᤕᤧᤛᤢ᤺ᤴ ᤔᤠᤱᤜᤡᤶᤔᤡᤸᤗᤧ ᤏᤠᤎᤠ᤺ᤶᤒᤡ ᤈᤤᤋᤢᤏ ᤁᤥ᤺ᤰᤔᤠᤀᤥ ᤘᤕᤧᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ ᤐᤋᤪᤢᤛ. ᤕᤠᤁᤢᤒ. ᤕᤢᤜᤢᤴᤏᤠ ᤏᤢ ᤀᤠᤴᤍᤪᤡᤕᤠᤛᤖᤧ ᤛᤫᤠ᤺ᤳᤋᤠᤱ ᤂᤢᤏᤧ᤹ ᤀᤰᤂᤣᤗ᤹ᤖᤡᤰ ᤛᤣ᤺ᤴᤔᤧᤍᤥᤛᤢ.
24824	MRK 14:1	ᤀᤠᤸᤗ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶ ᤏᤢ ᤛᤡᤍᤠ᤹ ᤔᤧᤶᤓ᤺ᤴᤏᤣᤒᤠ ᤂᤖᤧ᤺ᤱ ᤆᤠᤔᤠ ᤕᤧᤴ ᤋᤠ᤺ᤔᤠ ᤏᤡᤕᤧᤴᤗᤰ ᤘᤕᤧ॥ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ ᤀᤠᤰᤂᤣᤗ᤹ᤖᤡᤰ ᤛᤫᤠ᤺ᤳᤋᤠᤱ ᤋᤧᤶᤔᤠᤀᤠᤱ ᤛᤧᤵᤔᤠᤒᤣ ᤑᤠ᤹ᤀᤠᤱ ᤗᤠᤶ ᤔᤧᤃᤥ᤺ᤳᤋᤢᤖ ᤔᤧᤘᤕᤧᤖᤥ॥
24836	MRK 14:13	ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤏᤧᤵᤑᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡᤖ ᤕᤖᤢᤛᤗᤧᤶᤔᤥ ᤐᤠᤱᤄᤢᤛᤡ. “ᤂᤡᤴᤇᤡ᤹ ᤕᤧᤰᤕᤰᤁᤥ ᤁᤧᤗᤠ᤺ᤳᤇᤡᤖ ᤁᤧᤒᤳᤇᤡᤸᤗᤧ ᤆᤫᤠ᤺ᤳ ᤁᤢ᤺ᤴᤍᤠ ᤁᤧᤒᤱᤒᤠ ᤔᤏᤠᤎᤡᤰᤗᤧ ᤁᤧᤍᤢᤶᤛᤡ᤹॥ ᤂᤧᤴ ᤗᤠ᤺ᤵᤐᤠ ᤜᤡᤶᤔᤥ ᤌᤠᤖᤡᤰ ᤋᤡᤶᤍᤧᤳᤇᤧ᤹॥ ᤜᤧᤰᤁᤩᤠᤱ ᤜᤡᤶᤍᤠᤱᤒᤠᤴ ᤔᤧᤳᤋᤧᤳᤇᤧ᤹. ‘ᤀᤠᤏᤡᤃᤧ ᤛᤡᤰᤛᤠᤶᤒᤠᤸᤗᤧ ᤂᤧᤏᤧ᤹ ᤀᤰᤂᤣ ᤁᤧᤔᤧᤳᤋᤧᤀᤠᤱ ᤁᤧᤘᤠ᤹ᤖᤥ. ᤋᤖᤣ ᤕᤢᤱᤔᤠ ᤕᤠᤰᤑᤠᤱᤅᤡᤴ ᤀᤠᤳᤋᤥ ᤏᤧᤒᤣ᥅ ᤂᤧᤵᤔᤥ ᤀᤡᤱᤃᤠ᤹ ᤀᤠᤜᤢ᤹ᤛᤠᤶᤒᤠᤜᤠ᤹ᤏᤢ ᤕᤜᤢᤍᤡ ᤆᤥ᤺ᤰᤕᤢᤶᤓᤥ ᤋᤱᤏᤠᤶᤔᤡᤸᤗᤧᤴ ᤛᤠᤓᤠᤱᤈᤠ᤺ᤴ ᤆᤠᤱᤗᤥ॥’
24884	MRK 14:61	ᤁᤖ ᤕᤧᤛᤢᤖᤧ ᤌᤣᤀᤠᤱ ᤏᤥᤃᤵ ᤔᤧᤶᤒᤡᤛᤡᤱᤅᤣ ᤛᤫᤠ᤺ᤳ ᤕᤧᤒᤧ॥ ᤕᤠᤶᤔᤥ ᤔᤠᤏᤡᤱᤘᤠ᤹ᤑᤢᤛᤠᤶᤒᤠᤸᤗᤧ ᤛᤣ᤺ᤴᤍᤥᤛᤢ. “ᤂᤧᤏᤧ᤹ ᤔᤢ᤹ᤀᤡᤛᤠᤶᤍᤠᤱᤒᤠ ᤏᤡᤱᤘᤠ᤹ᤑᤢᤛᤠ᤺ ᤂᤪᤡᤛ᤻ᤋᤏᤧᤒᤡ᥅”
25110	LUK 3:16	ᤕᤢᤜᤢᤴᤏᤠᤖᤧ ᤂᤧᤱᤜᤠ᤹ ᤁᤧᤖᤧᤰ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ᤃ ᤂᤡᤏᤡ᤹ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤏᤡᤱ. ᤁᤖ ᤀᤡᤱᤃᤠ᤹ᤏᤢ᤺ᤸᤗᤧ ᤔᤢᤰᤛᤠᤶᤛᤠᤒᤠᤎᤡᤰ ᤋᤠᤖ ᤐᤳ॥ ᤀᤡᤱᤃᤠ᤹ᤃ ᤕᤥ᤺ᤰ ᤁᤢᤀᤡᤛᤡ᤺ᤰ ᤁᤢᤗᤠᤱᤛᤢ᤺ᤵ ᤏᤠᤶᤜᤠ᤹ ᤑᤠ᤺ᤱᤔᤠᤀᤠᤱ ᤔᤧᤗᤠ᤹ᤀᤠᤴᤗᤥ॥ ᤂᤢᤏᤧ᤹ᤃ ᤛᤣᤛᤣᤔᤠᤱ ᤏᤢ ᤔᤡ᤺ᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ᤹ᤖᤥ॥
25167	LUK 4:35	ᤕᤧᤛᤢᤖᤧ ᤂᤧᤴ ᤑᤧᤴᤛᤠᤶᤔᤡᤴ ᤑᤧ᤺ᤰᤋᤢ. “ᤛᤫᤠ᤺ᤳ᥄ ᤂᤧᤴ ᤔᤏᤠ᤺ᤴ ᤗᤧᤖᤧ᤹ᤀᤠᤱ ᤐᤣᤃᤧ᤹᥄” ᤜᤧᤰᤁᤩᤠᤱ ᤂᤧᤴ ᤑᤧᤴᤛᤠᤶᤔᤡᤸᤗᤧ ᤂᤧᤴ ᤔᤏᤠ᤺ᤴ ᤂᤢᤏᤡ᤹ ᤋᤃᤡᤀᤣ ᤐᤡᤷᤎᤠᤵ ᤌᤠᤵᤛᤢᤀᤠᤱ ᤔᤧᤱᤄᤠ᤺ᤴᤏᤣ ᤗᤧᤖᤢᤎ᤺ᤖᤥ॥
25263	LUK 6:48	ᤂᤧᤴ ᤏᤢ᤺ᤒᤠ ᤐᤠᤱᤕᤰᤁᤥ ᤜᤡᤶ ᤁᤧᤈᤥ᤺ᤰᤐᤠ ᤔᤏᤠ ᤁᤢᤀᤡᤛᤡ᤺ᤰᤗᤥ॥ ᤂᤧᤸᤗᤧ ᤜᤡᤶ ᤆᤥ᤺ᤰᤔᤠ ᤑᤠ᤹ᤀᤠᤱ ᤕᤥ ᤂᤠᤶ ᤛᤡᤃᤠᤱᤒᤠ ᤕᤶᤒᤠ ᤗᤢᤱᤅᤡᤴ ᤔᤧᤴᤕᤠᤱᤅᤣ ᤌᤠᤖᤡᤰ ᤋᤕᤢ॥ ᤜᤧᤰᤁᤩᤠᤱ ᤕᤶᤒᤠ ᤗᤢᤱᤛᤶᤍᤠᤱ ᤐᤠᤱᤕᤰ ᤏᤣᤶᤓᤥ ᤏᤧᤛ᤻ᤛᤢᤀᤠᤱ ᤗᤢᤱᤎᤠᤰ ᤛᤧᤳᤋᤢᤖ ᤜᤡᤶ ᤆᤥᤃᤢ᤹॥ ᤜᤧᤰᤁᤩᤠᤱ ᤕᤶᤒᤠ ᤘᤠᤜᤡᤵᤔᤠᤴ ᤌᤩᤧᤀᤠᤱ ᤘᤠᤁᤢᤰᤛᤧ ᤕᤧᤀᤠᤱ ᤆᤫᤠ᤺ᤳᤋᤡᤸᤗᤧ ᤂᤧᤴ ᤜᤡᤶᤔᤡᤴ ᤗᤰᤋᤢ. ᤁᤖ ᤌᤣᤀᤠᤱ ᤔᤧᤒᤥ᤺ᤰᤂᤧᤴ. ᤌᤣᤀᤠᤱᤓᤧᤸᤗᤧ ᤂᤧᤴ ᤜᤡᤶᤔᤡᤸᤗᤧᤴ ᤏᤢ᤺ᤖᤡᤰᤁᤠᤱ ᤐᤠᤱᤕᤰ ᤕᤢᤰᤂᤢᤀᤠᤱ ᤘᤕᤧᤖᤥ॥
25264	LUK 6:49	ᤜᤧᤰᤁᤩᤠᤱ ᤀᤠᤒᤠ᤺ᤴ ᤁᤧᤄᤧᤶᤒᤠᤀᤠᤱ ᤐᤠ᤺ᤳᤋᤢᤱᤒᤠ ᤐᤠ᤺ᤴ ᤁᤢᤀᤡᤛᤡ᤺ᤰ ᤔᤧᤴᤈᤥ᤺ᤰᤔᤏᤠᤒᤠ ᤔᤏᤠ᤺ᤴ ᤀᤠᤰᤋᤱᤒᤠ ᤆᤥ᤺ᤰ ᤑᤠ᤹ᤀᤠᤱ ᤔᤧᤳᤏᤡᤱᤗᤥ–ᤂᤧᤸᤗᤧᤀᤠᤱ ᤜᤡᤶ ᤆᤥ᤺ᤰᤔᤠ ᤑᤠ᤹ᤀᤠᤱ ᤐᤠᤱᤕᤰ ᤋᤕᤢ. ᤁᤖ ᤏᤢ᤺ᤒᤠ ᤐᤠᤱᤕᤰ ᤏᤣᤶᤓᤥ ᤔᤧᤴᤏᤧᤀᤣ ᤗᤢᤱᤎᤠᤰ ᤛᤧᤳᤋᤢᤀᤠᤱ ᤜᤡᤶ ᤆᤥᤃᤢ॥ ᤜᤧᤰᤁᤩᤠᤱ ᤕᤶᤒᤠ ᤘᤠᤜᤡᤵᤔᤠᤴ ᤌᤩᤧ. ᤘᤠᤁᤢᤰᤂᤢ ᤕᤧᤀᤠᤱ ᤆᤫᤠ᤺ᤳᤋᤡᤸᤗᤧ ᤂᤧᤴ ᤜᤡᤶᤔᤡᤴ ᤗᤰᤋᤢ. ᤜᤧᤰᤁᤩᤠᤱ ᤗᤢ᤺ᤴᤍᤢᤍᤣ᤺ᤛᤢᤖᤥ॥ ᤜᤧᤰᤁᤩᤠᤱ ᤂᤧᤴ ᤜᤡᤶᤔᤡᤴ ᤆᤥ᤺ᤴᤍᤧᤒᤣᤀᤠᤱ ᤕᤶᤒᤠ ᤔᤧᤶᤓᤤ ᤐᤥ᤺ᤰᤂᤧᤖᤥ॥”
25308	LUK 7:44	ᤜᤧᤰᤁᤩᤠᤱ ᤕᤧᤛᤢ᤺ᤴ ᤂᤧᤴ ᤔᤧᤴᤇᤢᤔᤠ᤹ᤀᤡᤴ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤛᤡᤔᤥᤴᤏᤡᤴ ᤔᤧᤳᤋᤢ. “ᤛᤡᤔᤥᤏᤣ. ᤀᤡᤱᤃᤠ᤹ ᤂᤧᤏᤧ᤹ ᤁᤧᤜᤡᤶᤔᤥ ᤋᤩᤠᤱᤅᤡᤸᤗᤧ ᤗᤠᤱ ᤘᤠᤜᤵᤔᤠ ᤆᤫᤠ᤺ᤳ ᤁᤧᤶᤒᤡᤖᤠᤱᤅᤡᤴ. ᤁᤖ ᤁᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤀᤠᤗᤠᤱᤅᤡᤴ ᤁᤢᤔᤡᤰᤘᤠ᤺ᤸᤗᤧ ᤘᤠᤜᤵᤋᤢᤀᤠᤱ ᤁᤢᤎᤧᤃᤣ᤺ᤰᤀᤡ᤺ᤸᤗᤧ ᤋᤢᤃᤢᤀᤠᤱ ᤘᤠ᤹ᤖᤥ॥
25380	LUK 9:10	ᤜᤧᤰᤁᤩᤠᤱ ᤛᤣ᤺ᤰᤕᤢᤰᤔᤡᤒᤠᤜᤠ᤹ ᤔᤧᤏᤢ᤺ᤰᤂᤧ ᤔᤧᤍᤩᤧᤀᤠᤱ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤜᤠ᤹ ᤕᤧᤛᤢ᤺ᤴ ᤔᤧᤈᤧᤰᤋᤢ॥ ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤒᤧᤌᤛᤣᤍᤠ ᤐᤠᤱᤈᤢᤶ ᤗᤧᤵᤔᤠᤱ ᤛᤫᤠ᤺ᤳᤋᤠᤱ ᤋᤣ᤹ᤖᤢᤛᤡᤀᤠᤱ ᤐᤣ.
25455	LUK 10:23	ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤜᤢ᤹ᤛᤠᤶᤒᤠᤜᤠ᤹ ᤗᤧᤵᤔᤠᤱ ᤜᤡᤛᤡᤱᤅᤠᤱ ᤛᤫᤠ᤺ᤳᤋᤠᤱ ᤔᤧᤳᤋᤢᤛᤡ. “ᤂᤡᤏᤡ᤹ᤃ ᤔᤢ᤹ᤀᤡᤛᤠᤒᤠᤏᤡᤱᤗᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤔᤡᤰᤁᤡᤸᤗᤧ ᤁᤴ ᤐᤠ᤺ᤴᤜᤠ᤹ ᤏᤡ᤺ᤛᤢ᤹ᤖᤥ॥
25531	LUK 12:3	ᤂᤧᤏᤧ᤹ ᤂᤠᤃᤧᤔᤠᤰᤐᤠᤀᤥ ᤁᤧᤒᤠ᤺ᤳᤋᤢᤒᤠ ᤐᤠ᤺ᤴᤏᤡᤴ ᤂᤠᤃᤧᤀᤥ᤺ᤵᤐᤠᤀᤥ ᤀᤡᤱᤓᤴ ᤆᤥ᤺ᤰᤗᤥ॥ ᤜᤧᤰᤁᤩᤠᤱ ᤛᤫᤠ᤺ᤳᤋᤠᤱ ᤜᤡᤶ ᤛᤡᤃᤠᤱ ᤁᤧᤒᤠ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤜᤡᤶ ᤛᤶᤍᤠᤱᤗᤠᤶ ᤕᤶᤒᤠ ᤀᤡᤰᤗᤠᤀᤥ ᤀᤡᤱᤓᤴ ᤆᤥ᤺ᤰᤗᤥ॥”
25602	LUK 13:15	ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤁᤢᤏᤡᤱᤘᤠ᤹ ᤁᤧᤈᤡ᤺ᤵᤐᤠᤛᤣ. ᤏᤠ᤺ᤶᤛᤡᤱ ᤕᤧᤴᤏᤥ ᤂᤡᤏᤡ᤹ ᤌᤠ᤺ᤱᤅᤥᤗᤠᤶ ᤐᤡᤳᤜᤠ᤹ ᤀᤡᤃᤪ ᤀᤍᤱᤜᤠ᤹ ᤁᤧᤗᤧᤖᤢᤶᤛᤡᤶᤔᤠᤱ ᤆᤫᤠ᤺ᤳ ᤌᤢᤱᤛᤧ ᤁᤧᤍᤣ᤹ᤖᤢᤶᤛᤡᤶᤒᤡ ᤔᤧ᤺ᤶᤒᤡ᥅
25679	LUK 15:22	ᤁᤖ ᤁᤢᤶᤒᤠᤖᤧ ᤂᤧᤵᤔᤥ ᤁᤧᤘᤠ᤹ᤒᤠ ᤁᤢᤛᤣᤘᤠᤖᤥᤒᤠᤜᤠ᤹ ᤔᤧᤳᤋᤢᤛᤡ. ‘ᤜᤠᤖᤠ ᤐᤣᤃᤧᤶᤔᤧ᤹ᤀᤠᤱ ᤁᤴ ᤀᤠᤛ᤻ᤛᤠ᤺ ᤑᤥ᤹ᤒᤠᤴ ᤁᤠᤰᤏᤢ᤺ᤸᤗᤧ ᤏᤢ᤺ᤒᤠ ᤋᤣ᤺ᤳᤋᤡᤴ ᤑᤧᤳᤋᤧᤶᤔᤧ᤹ᤀᤠᤱ ᤆᤠᤰᤋᤧᤶᤔᤧ᤹. ᤁᤢᤜᤢᤰᤆᤥᤀᤥ ᤛᤫᤠᤃᤧᤵ ᤘᤠ᤺ᤳᤋᤧᤶᤔᤧ᤹. ᤜᤧᤰᤁᤩᤠᤱ ᤁᤢᤗᤠᤱᤅᤥ ᤗᤠᤱᤛᤢ᤺ᤵ ᤆᤠᤰᤋᤧᤶᤔᤧ᤹ᤀᤥ॥
25697	LUK 16:8	ᤜᤧᤰᤁᤣᤗ᤹ᤖᤡᤰ ᤁᤢᤴᤍᤠᤱᤒᤠᤸᤗᤧ ᤂᤧᤴ ᤋᤠᤵᤑᤧ᤺ᤶᤒᤠ ᤂᤠᤖᤠ᤺ᤳ ᤁᤧᤕᤢᤱᤒᤠᤸᤗᤧ ᤀᤡᤛᤫᤠᤒᤠ ᤁᤢᤕᤠ᤺ᤶᤒᤰᤁᤡᤴ ᤏᤡ᤺ᤛᤢᤀᤠᤱ ᤁᤢᤏᤠᤖᤠ ᤑᤥ᤺ᤛᤢᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤁᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠᤜᤠ᤹ ᤛᤧᤴᤍᤠᤱᤃᤧᤴ ᤀᤥ᤺ᤳᤋᤡ᤺ᤸᤗᤧ ᤁᤢᤛ᤻ᤛᤠ᤺ᤜᤠ᤹ᤏᤢ᤺ᤸᤗᤧ ᤆᤠ᤺ᤵᤐᤠ ᤔᤧᤈᤥ᤺ᤰᤗᤥ॥
25713	LUK 16:24	ᤜᤧᤰᤁᤩᤠᤱ ᤂᤧᤴ ᤕᤠᤱᤛᤠᤁᤢᤴᤎᤣᤛᤠᤒᤠᤸᤗᤧ ᤀ᤺ᤰᤋᤧᤖ ᤔᤧᤳᤋᤢ. ‘ᤐᤠᤏᤢᤍᤡᤱ ᤀᤠᤶᤒᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤠᤱ ᤗᤠᤈᤖᤛᤧᤴ ᤁ᤹ᤕᤥ ᤐᤠᤱᤄᤧ ᤕᤢ᤺ᤛᤧ᤹ᤀᤥ॥ ᤁᤢᤜᤢᤰᤆᤥ᤺ᤴ ᤆᤫᤠ᤺ᤳᤋᤥ ᤏᤡ᤺ᤵᤛᤢᤀᤠᤱ ᤀᤠᤸᤛᤥ᤺ᤵᤐᤠᤸᤗᤧ ᤁᤢᤛᤶᤔᤥ ᤌᤠ᤺ᤛᤢ ᤐᤡᤀᤠᤏᤡᤖᤥ. ᤌᤣᤀᤠᤱᤓᤧᤸᤗᤧ ᤁᤴ ᤔᤡᤖᤠ᤺ᤰᤁᤥ ᤀᤡᤱᤃᤠ᤹ ᤛᤠ᤹ᤖᤡᤰ ᤋᤢᤰᤂᤣ ᤆᤠᤀᤠᤖ ᤕᤠ᤺ᤰᤁᤠᤖᤥ॥’
25796	LUK 18:39	ᤜᤧᤰᤁᤣ᤺ᤸᤗᤧ ᤂᤧᤴ ᤗᤠᤶᤗᤥ ᤁᤧᤒᤣ᤺ᤰᤐᤠ ᤔᤏᤠᤜᤠ᤹ᤖᤧ “ᤛᤫᤠ᤺ᤳ ᤕᤢᤅᤧ᤹” ᤔᤧᤔᤧᤳᤋᤢᤖ ᤂᤧᤴ ᤔᤧᤓᤧ᤺ᤰᤋᤢ. ᤁᤖ ᤂᤧᤸᤗᤧ ᤀᤠᤸᤗᤛᤠᤱ ᤛᤠ᤹ᤖᤡᤰ “ᤍᤠᤀᤢᤍᤖᤧ ᤁᤢᤛ᤻ᤛᤠ᤺ᤀᤣ. ᤀᤡᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ” ᤐᤠ᤺ᤳᤋᤢᤖ ᤀ᤺ᤰᤋᤧ॥
25840	LUK 19:40	ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤂᤧᤵᤛᤧᤶᤔᤧ᤹ᤀᤥ. ᤂᤧᤱᤜᤠ᤹ ᤛᤫᤠ᤺ᤳ ᤔᤧᤕᤢᤱᤅᤡᤸᤗᤧᤃ ᤁᤴ ᤗᤢᤱᤜᤠ᤹ᤀᤠᤱ ᤔᤧᤛ᤺ᤳᤋᤠᤱ ᤔᤧᤒᤠ᤺ᤳ ᤔᤧᤗ᤺ᤴᤗᤥ॥”
25874	LUK 20:26	ᤔᤏᤠ ᤋᤃᤡ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤒᤠ᤺ᤴᤏᤥ ᤋᤧᤶᤔᤠ ᤔᤧᤴᤇᤢᤰᤋᤢᤴ॥ ᤕᤧᤛᤢᤖᤧ ᤐᤡᤖᤢᤛᤡᤒᤠ ᤏᤥᤃᤵᤐᤡᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤛᤫᤠ᤺ᤳ ᤔᤧᤕᤢᤅᤧ॥
25935	LUK 22:2	ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤛᤠᤶᤕᤥᤌᤡᤶᤛᤠᤶᤒᤠᤜᤠ᤹ᤖᤧ ᤕᤧᤛᤢ᤺ᤴ ᤛᤧᤵᤔᤠ ᤛᤢᤕᤧᤶ ᤔᤧᤃᤥ᤺ᤳᤋᤢᤖ ᤔᤧᤘᤕᤧ. ᤁᤖ ᤔᤏᤠᤜᤠ᤹ᤖᤧ ᤜᤕᤱᤁᤡᤸᤗᤡᤱ ᤔᤧᤈᤥᤃᤢ᤹ ᤑᤠ᤹ᤀᤠᤱ ᤔᤧᤃᤡᤛᤧᤒᤠᤸᤗᤧ ᤆᤥᤃᤢᤸᤗᤧ ᤛᤫᤠ᤺ᤳᤋᤠᤱ ᤛᤧᤵᤔᤠ ᤏᤡᤱᤘᤠ᤹ ᤔᤧᤈᤥᤃᤢ॥
25943	LUK 22:10	ᤜᤧᤰᤁᤩᤠᤱ ᤕᤧᤛᤢᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤀᤠᤸᤗ ᤀᤥᤔᤧᤳᤋᤧᤳᤇᤧ᤹ᤀᤥ. ᤂᤡᤴᤇᤡ᤹ ᤕᤧᤰᤕᤰᤁᤥ ᤁᤧᤗᤠ᤺ᤳᤇᤡᤖ ᤁᤧᤒᤳᤇᤡᤸᤗᤧ ᤆᤫᤠ᤺ᤳ ᤁᤢ᤺ᤴᤍᤠ ᤁᤧᤒᤱᤒᤠ ᤔᤏᤠᤎᤡᤰᤗᤧ ᤁᤧᤍᤢᤶᤛᤡ᤹॥ ᤂᤧᤴ ᤗᤠ᤺ᤵᤐᤠ ᤜᤡᤶᤔᤥ ᤌᤠᤖᤡᤰ ᤋᤡᤶᤍᤧᤳᤇᤧ᤹॥”
26139	JHN 1:26	ᤜᤧᤰᤁᤣ᤺ᤸᤗᤧ ᤕᤢᤜᤢᤴᤏᤠᤖᤧ ᤂᤧᤱᤜᤠ᤹ ᤏᤥᤃᤵ ᤐᤡᤖᤢᤛᤡ. “ᤀᤡᤱᤃᤠ᤹ᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤱᤛᤡᤱᤗᤥ. ᤁᤖ ᤂᤡᤏᤡ᤹ ᤗᤢᤶᤔᤥ ᤁᤢᤛᤡᤱ ᤁᤧᤴᤏᤡ᤺ᤳᤋᤢᤶᤔᤡᤴᤒᤠ ᤔᤏᤠᤎᤡᤰ ᤘᤠ᤹ᤖᤥ॥
26144	JHN 1:31	ᤋᤃᤡᤃ ᤀᤡᤱᤃᤠ᤹ ᤀᤠᤒᤠᤅᤣᤀᤠᤱ ᤂᤢᤏᤧ᤹ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤘᤕᤠᤱ ᤁᤖ ᤂᤢᤏᤧ᤹ ᤀᤡᤛᤪᤠᤀᤡᤗ ᤗᤠᤈᤣ᤹ᤀᤥ ᤀᤥᤛᤣ᤺ᤴᤎᤠᤰᤛᤡᤱᤗ ᤑᤠ᤹ᤀᤠᤱ ᤆᤫᤠ᤺ᤳᤋᤥ ᤒᤵᤋᤡᤛ᤻ᤔᤠ ᤐᤡᤖᤢᤱᤛᤡᤱᤗ ᤋᤩᤠᤱᤒᤠᤖᤥ॥”
26146	JHN 1:33	ᤂᤢᤏᤧ᤹ᤀᤣ ᤂᤪᤡᤛ᤻ᤋᤖᤥ ᤑᤠ᤹ᤀᤠᤱ ᤁᤢᤛᤡᤱ ᤔᤧᤴᤏᤡ᤺ᤵᤐᤧᤴᤗᤥ. ᤁᤖ ᤆᤫᤠ᤺ᤳᤋᤥ ᤒᤵᤋᤡᤛ᤻ᤔᤠ ᤐᤡᤛᤧ ᤕᤠᤵᤔᤡ ᤁᤧᤒᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤳᤋᤡᤴ ᤛᤶᤍᤠᤱ ᤛᤣᤛᤣᤔᤠᤱᤅᤡᤴ ᤕᤢ᤺ᤀᤠᤱ ᤆᤢᤰᤐᤠ ᤁᤧᤏᤡ᤺ᤛᤢ᤹. ᤂᤧᤏᤧ᤹ ᤁᤧᤜᤠᤱᤄᤢᤒᤠᤱᤃ ᤂᤢᤏᤧ᤹ᤀᤣᤖᤥ. ᤜᤧᤰᤁᤩᤠᤱ ᤂᤢᤏᤧ᤹ᤀᤣ ᤛᤣᤛᤣᤔᤠᤱᤅᤡᤸᤗᤧ ᤒᤵᤋᤡᤛ᤻ᤔᤠ ᤐᤡᤖᤢᤛᤡ᤹ ᤑᤠ᤹ᤀᤠᤱ ᤔᤧᤳᤋᤠᤱᤗᤥ॥
26170	JHN 2:6	ᤂᤧᤵᤔᤥ ᤕᤜᤢᤍᤡ ᤛᤣᤛᤣ ᤆᤥ᤺ᤰᤛᤡᤱᤔᤠ ᤌᤡᤶᤔᤥ ᤀᤥᤃᤵ ᤆᤥ᤺ᤰᤔᤏᤠᤒᤠ ᤆᤫᤠ᤺ᤳ ᤕᤠᤱᤔᤠ ᤋᤢᤰᤛᤡ (᥌) ᤕᤶᤒᤠ ᤂᤥ᤺ᤶᤔᤏᤠᤒᤠ ᤗᤢᤱ ᤁᤢ᤺ᤴᤍᤠᤜᤠ᤹ ᤔᤧᤕᤢᤅᤧ॥ ᤂᤧᤴ ᤌᤡᤰᤁᤥ ᤛᤢᤶᤒᤥ᤺ᤱ (᥉᥆) ᤐᤠᤌᤡ ᤌᤠᤖᤡᤰ ᤆᤫᤠ᤺ᤳ ᤁᤧᤜᤵᤐᤠ ᤆᤥᤃᤧᤖᤥ॥
26171	JHN 2:7	ᤕᤧᤛᤢᤖᤧ ᤂᤧᤴ ᤛᤣᤘᤠᤖᤥᤒᤠᤜᤠ᤹ ᤔᤧᤳᤋᤢᤛᤡ. “ᤁᤴ ᤁᤢ᤺ᤴᤍᤠᤜᤠ᤹ ᤆᤫᤠ᤺ᤳᤋᤡᤸᤗᤧ ᤁᤢᤗᤧᤶ ᤌᤡᤶᤛᤧᤶᤛᤡᤶᤔᤧ᤹॥” ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧᤀᤠᤱ ᤁᤢ᤺ᤴᤍᤠᤜᤠ᤹ ᤁᤢᤗᤧ᤺ᤶ ᤁᤢᤗᤧ᤺ᤶ ᤔᤧᤎᤡᤶᤛᤢᤛᤡᤖᤥ॥
26173	JHN 2:9	ᤜᤧᤰᤁᤩᤠᤱ ᤂᤧᤴ ᤔᤣ᤺ᤰᤂᤡᤶᤔᤥᤒᤠ ᤆᤠᤔᤢᤰ ᤌᤡᤔᤢᤰ ᤀᤥᤃᤧᤔᤧᤵᤐᤠᤸᤗᤧ ᤆᤫᤠ᤺ᤳᤗᤠᤶ ᤁᤧᤒᤥ᤺ᤱᤒᤠ ᤆᤧᤸᤗᤧᤰᤛᤣ᤹ ᤌᤡ᤺ᤴ ᤛᤠ᤹ᤖᤢ॥ ᤂᤧᤴ ᤀᤠᤳᤋᤥᤗᤠᤶ ᤋᤩᤧᤒᤠ ᤂᤧᤸᤗᤧ ᤌᤣᤀᤠᤱ ᤔᤧᤏᤡ᤺ᤛᤢᤴᤗᤥ. ᤁᤖ ᤂᤧᤴ ᤆᤫᤠ᤺ᤳ ᤁᤧᤓᤠ᤺ᤵᤐᤠ ᤛᤣᤘᤠᤖᤥᤒᤠᤜᤠ᤹ᤖᤧᤖᤰ ᤔᤧᤏᤡ᤺ᤛᤢᤖᤥ॥ ᤂᤧᤸᤗᤧ ᤔᤣ᤺ᤰᤂᤡᤶᤛᤠᤒᤠᤴ ᤌᤡᤰᤗᤧᤵᤔᤠᤱ ᤀᤢ᤺ᤳᤋᤢ ᤋᤣ᤹ᤖᤢᤀᤠᤱ ᤔᤧᤳᤋᤢ.
26194	JHN 3:5	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ ᤛᤧᤰᤂᤠᤀᤣ ᤔᤧᤳᤏᤧ᤹. ᤆᤫᤠ᤺ᤳ ᤏᤢ ᤛᤣᤛᤣᤔᤠᤱᤗᤠᤶᤒᤠ ᤛᤠᤔᤧᤴᤘᤠ᤺ᤴᤇᤡᤱᤅᤣ ᤌᤠᤖᤡᤰ ᤏᤡᤱᤘᤠ᤹ᤑᤢᤜᤠᤱᤈᤢᤶᤔᤥ ᤀᤠᤳᤋᤡᤴᤏᤠᤱ ᤗᤠ᤺ᤵᤔᤠ ᤔᤧᤛᤢᤰᤏᤧᤴᤗᤥ॥
26212	JHN 3:23	ᤂᤧᤴ ᤕᤧᤶᤔᤥ ᤕᤢᤜᤢᤴᤏᤠ᤺ᤴ ᤛᤠᤗᤡᤶ ᤐᤠᤱᤈᤢᤶᤔᤡᤸᤗᤧ ᤁᤢᤒᤣᤛᤠᤱ ᤀᤣᤏᤥᤏ ᤔᤧᤵᤔᤏᤠᤒᤠ ᤋᤧᤴᤏᤥ ᤒᤵᤋᤡᤛ᤻ᤔᤠ ᤐᤡᤖᤢᤛᤡᤖ ᤕᤠᤃᤧ ᤌᤣᤀᤠᤱᤓᤧᤸᤗᤧ ᤂᤧᤵᤔᤥ ᤕᤖᤡᤰ ᤆᤫᤠ᤺ᤳ ᤏᤧᤛ᤻ᤛᤧᤀᤠᤱ ᤔᤏᤠᤜᤠ᤹ ᤒᤵᤋᤡᤛ᤻ᤔᤠ ᤐᤥ᤺ᤱᤛᤧ ᤂᤧᤵᤔᤥ ᤔᤧᤍᤩᤧᤖ ᤔᤧᤘᤕᤧᤖᤥ॥
26232	JHN 4:7	ᤛᤵᤑᤠᤀᤠᤱ ᤛᤠᤔᤖᤡᤕᤠᤒᤠ ᤔᤧᤴᤇᤢᤔᤠ᤹ᤎᤡᤰ ᤆᤫᤠ᤺ᤳ ᤑᤠ᤺ᤳᤇᤧ ᤂᤧᤵᤔᤥ ᤋᤩᤧ᤺ᤸᤗᤧ ᤕᤧᤛᤢᤖᤧ ᤂᤧᤴ ᤔᤧᤳᤋᤢ. “ᤆᤫᤠ᤺ᤳᤇᤡᤰ ᤌᤢᤱᤔᤠ ᤐᤡᤖᤠᤱᤅᤧᤏᤠ॥”
26234	JHN 4:9	ᤂᤧᤴ ᤛᤠᤔᤖᤡ ᤔᤧᤴᤇᤢᤔᤠ᤹ᤀᤡᤸᤗᤧ ᤕᤧᤛᤢ᤺ᤴ ᤛᤣ᤺ᤴᤍᤥᤛᤢ. “ᤂᤧᤏᤧ᤹ ᤕᤜᤢᤍᤡᤏᤧ. ᤀᤡᤱᤃᤠ᤹ᤃ ᤛᤠᤔᤖᤡ ᤔᤧᤴᤇᤢᤔᤠ᤹ᤀᤠ. ᤜᤧᤰᤁᤣ᤺ᤸᤗᤧ ᤀᤠᤰᤂᤣᤗ᤹ᤖᤡᤰ ᤆᤫᤠ᤺ᤳ ᤌᤢᤱᤔᤠ ᤀᤡᤱᤃᤠ᤹ ᤁᤧᤏᤠ᤺ᤰᤁᤠᤒᤠᤒᤣ᥅” (ᤌᤣᤀᤠᤱᤓᤧᤸᤗᤧ ᤂᤧᤴ ᤕᤧᤶᤔᤥ ᤕᤜᤢᤍᤡᤜᤠ᤹ ᤏᤢ ᤛᤠᤔᤖᤡᤗᤢᤶᤔᤥ ᤋᤱᤈᤢᤶ ᤜᤥ᤺ᤵᤋᤧᤖᤥ)॥
26235	JHN 4:10	ᤕᤧᤛᤢᤖᤧ ᤂᤧᤴ ᤏᤥᤃᤵ ᤐᤡᤖᤢ. “ᤂᤧᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤢ᤹ᤀᤡᤛᤠᤶᤔᤡᤴ ᤏᤢ ᤂᤧᤏᤧ᤹ ᤆᤫᤠ᤺ᤳ ᤁᤧᤏᤠ᤺ᤰᤐᤧᤴ ᤜᤠ᤺ᤵᤐᤣ ᤑᤠ᤹ᤀᤠᤱ ᤁᤢᤛᤡᤱ ᤁᤧᤏᤡ᤺ᤳᤋᤢᤀᤠᤱ ᤁᤧᤘᤕᤧᤸᤗᤧᤃ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤆᤫᤠ᤺ᤳᤋᤡᤴ ᤕᤠᤱᤏᤠ ᤁᤧᤏᤠ᤺ᤰᤋᤢᤀᤠᤱ ᤂᤧᤴ ᤜᤡᤱᤔᤴᤗᤧᤴ ᤆᤫᤠ᤺ᤳᤋᤡᤴ ᤁᤧᤒᤡᤖᤧᤒᤠᤔᤧᤴ॥”
26236	JHN 4:11	ᤜᤧᤰᤁᤣ᤺ᤸᤗᤧ ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤛᤣ᤺ᤴᤍᤥᤛᤢ. “ᤀᤠᤍᤠᤱᤒᤣ. ᤂᤧᤏᤧ᤹ᤃ ᤆᤫᤠ᤺ᤳ ᤐᤠ᤺ᤰᤔᤧᤴ ᤏᤢ ᤀᤡᤍᤠ᤺ᤰᤁᤡᤴᤏᤠᤱ ᤁᤧᤱᤃᤳᤋᤢᤴ. ᤘᤠᤒᤠᤰᤁᤡᤴᤏᤠᤱ ᤁᤣ᤺ᤶ. ᤜᤧᤰᤁᤣ᤺ᤸᤗᤧ ᤀᤠᤳᤋᤡᤏᤢ ᤁᤴ ᤏᤧᤳᤋᤡᤃᤧᤴ ᤜᤡᤱᤔᤴ ᤁᤧᤒᤡᤒᤠ ᤆᤫᤠ᤺ᤳᤋᤡᤴ ᤋᤠ᤺ᤵᤔᤠ ᤁᤧᤛᤢᤰᤋᤢᤒᤣ᥅
26237	JHN 4:12	ᤜᤧᤰᤁᤣ᤺ᤸᤗᤧ ᤂᤧᤏᤧ᤹ᤃ ᤀᤠᤏᤡᤃᤧ ᤋᤠᤰᤌᤧᤒᤠ ᤕᤠᤁᤢᤒᤧᤴᤏᤢ᤺ᤸᤗᤧᤀᤠᤱ ᤕᤶᤒᤠᤏᤧᤒᤡ᥅ ᤂᤢᤏᤧ᤹ᤀᤣ ᤁᤴ ᤘᤠᤒᤠᤰᤁᤡᤴ ᤀᤠᤏᤡᤃᤧ ᤐᤡᤖᤡᤃᤧᤀᤠᤱ ᤘᤠ᤹ᤖᤥ. ᤒᤠ ᤁᤵᤔᤥᤗᤠᤶᤒᤠᤀᤣ ᤂᤢᤏᤧ᤹ ᤏᤢ ᤁᤢᤛ᤻ᤛᤠ᤺ᤜᤠ᤹ᤖᤧ ᤜᤧᤰᤁᤩᤠᤱ ᤂᤢᤏᤡ᤹ ᤌᤰᤛᤠᤗᤢᤵᤜᤠ᤹ᤖᤧᤀᤠᤱ ᤆᤫᤠ᤺ᤳ ᤔᤧᤎᤢᤅᤢᤖᤥ॥”
26238	JHN 4:13	ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤁᤴ ᤘᤠᤒᤠᤰᤁᤥᤗᤠᤶ ᤆᤫᤠ᤺ᤳ ᤁᤧᤎᤢᤱᤒᤠᤜᤠ᤹ᤃ ᤕᤠᤶᤔᤥ ᤂᤢᤏᤡ᤹ ᤘᤠᤔᤡ᤺ᤰᤗᤥ.
26239	JHN 4:14	ᤁᤖ ᤀᤡᤱᤃᤠ᤹ ᤐᤡᤖᤢᤱᤒᤠ ᤆᤫᤠ᤺ᤳ ᤁᤧᤎᤢᤱᤒᤠᤴ ᤀᤠᤵᤑᤠᤸᤗᤧᤀᤠᤱ ᤁᤢᤘᤠᤔᤧᤔᤡ᤺ᤰᤏᤧᤴ॥ ᤀᤡᤱᤃᤠ᤹ ᤐᤡᤖᤢᤱᤒᤠ ᤆᤫᤠ᤺ᤳᤋᤡᤴ ᤔᤧᤴᤏᤢᤵᤔᤏᤠᤒᤠ ᤜᤡᤱᤔᤴ ᤁᤧᤒᤡᤒᤠ ᤛᤍᤠᤍᤡᤱ ᤁᤧᤒᤢᤶᤒᤠ ᤘᤠᤒᤢᤴ ᤜᤧᤰᤁᤣ ᤂᤢᤏᤧ᤹ᤀᤥ ᤐᤥ᤺ᤱᤗᤥ॥”
26240	JHN 4:15	ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤕᤧᤛᤢ᤺ᤴ ᤔᤧᤳᤋᤢ. “ᤀᤠᤍᤠᤱᤒᤣ. ᤀᤡᤱᤃᤠ᤹ᤀᤠᤱ ᤂᤧᤴ ᤆᤫᤠ᤺ᤳᤋᤡᤴ ᤐᤡᤖᤠᤱᤅᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤀᤡᤱᤃᤠ᤹ ᤀᤠᤘᤠᤔᤧᤔᤡ᤺ᤰᤏᤧᤴᤗ ᤜᤧᤰᤁᤩᤠᤱ ᤀᤧᤳᤗᤧᤱ ᤀᤡᤱᤃᤠ᤹ ᤆᤫᤠ᤺ᤳ ᤑᤠ᤺ᤳᤇᤧ ᤁᤵᤔᤥ ᤋᤠ᤺ᤔᤠ ᤔᤧᤒᤥ᤺ᤱᤏᤧᤴᤗᤖᤥ॥”
26253	JHN 4:28	ᤜᤧᤰᤁᤩᤠᤱ ᤂᤧᤴ ᤔᤧᤴᤇᤢᤔᤠ᤹ᤀᤡᤸᤗᤧ ᤆᤫᤠ᤺ᤳ ᤁᤢ᤺ᤴᤍᤠ᤺ᤴ ᤂᤧᤵᤔᤥᤀᤣ ᤕᤢᤰᤂᤢᤎᤀᤠᤱ ᤐᤠᤱᤈᤢᤶᤔᤥ ᤏᤢ᤺ᤰᤂᤧ ᤐᤣ ᤜᤧᤰᤁᤩᤠᤱ ᤁᤠᤰ ᤐᤠᤱᤈᤢᤶᤛᤠᤒᤠᤜᤠ᤹ ᤀᤰᤂᤣ ᤔᤧᤳᤋᤢᤛᤡ.
26271	JHN 4:46	ᤂᤢᤏᤧ᤹ ᤕᤠᤶᤔᤥ ᤃᤠᤗᤡᤗᤒᤠ ᤁᤠᤏᤠ ᤐᤠᤱᤈᤢᤶᤔᤥ ᤐᤣ॥ ᤂᤧᤵᤔᤥ ᤂᤢᤏᤧ᤹ ᤆᤫᤠ᤺ᤳᤋᤡᤴ ᤆᤧᤸᤗᤧᤰᤛᤣ᤹ ᤌᤡ᤺ ᤆᤥᤃᤢᤀᤠᤱ ᤘᤕᤧᤖᤥ॥ ᤜᤧᤰᤁᤩᤠᤱ ᤂᤧᤵᤔᤥᤒᤠ ᤗᤳᤇᤠ ᤛᤢᤜᤠᤱᤕᤢᤰᤐᤠᤸᤗᤧ ᤁᤢᤛ᤻ᤛᤠ᤺ᤴ ᤁᤐᤷᤏᤜᤢᤔ ᤐᤠᤱᤈᤢᤶᤔᤥ ᤛᤠ᤹ᤖᤡᤰ ᤋᤢᤃᤧᤀᤠᤱ ᤏᤧᤛ᤻ᤛᤧᤖᤥ॥
26282	JHN 5:3	ᤂᤧᤵᤔᤥ ᤕᤖᤡᤰ ᤁᤧᤍᤢᤰᤐᤠ ᤔᤏᤠᤜᤠ᤹–ᤔᤡᤰᤑ᤺ᤶᤒᤠ. ᤗᤠᤱᤛᤰᤐᤠ ᤏᤢ ᤗᤱᤗᤧ᤺ᤱᤘᤠ ᤔᤏᤠᤜᤠ᤹ ᤔᤧᤏᤧᤛ᤻ᤛᤧᤖᤥ॥ ((ᤂᤧᤱᤜᤠ᤹ᤖᤧ ᤇᤡᤶᤗᤡᤱ ᤇᤡᤶᤗᤡᤱ ᤗ᤹ᤖᤡᤰ ᤁᤧᤔᤢᤶᤒᤠ ᤆᤫᤠ᤺ᤳᤋᤡᤴ ᤔᤧᤜᤠᤱᤄᤢᤀᤠᤱ ᤔᤧᤏᤧᤛ᤻ᤛᤧᤖᤥ॥
26283	JHN 5:4	ᤌᤣᤀᤠᤱᤓᤧᤸᤗᤧ ᤍᤠᤱᤒᤠᤸᤗᤧ ᤁᤢᤔᤠᤱᤗᤠᤀᤡᤱᤒᤠᤴ ᤁᤢᤓᤠ ᤕᤧᤴᤏᤥ ᤋᤠᤀᤠᤱ ᤆᤫᤠ᤺ᤳᤋᤡᤴ ᤔᤢᤴᤍᤢᤸᤗᤧ ᤁᤧᤖᤧᤰᤏᤢ᤺ᤸᤗᤧ ᤋᤃᤡ ᤆᤫᤠ᤺ᤳᤋᤥ ᤁᤧᤗᤠ᤺ᤵᤐᤧᤴ ᤀᤠᤰᤋᤱᤒᤠ ᤋᤢᤰᤔᤠ ᤕ᤹ᤔᤠ ᤁᤳᤋᤢᤛᤠᤱ ᤘᤣ᤺ᤳᤋᤧᤖᤥ॥))
26286	JHN 5:7	ᤂᤧᤴ ᤁᤧᤍᤢᤰᤐᤠᤸᤗᤧ ᤏᤥᤃᤵ ᤐᤡᤖᤢ. “ᤀᤥᤖᤥ. ᤀᤠᤍᤠᤱᤒᤣ. ᤁᤖ ᤂᤧᤴ ᤘᤠᤒᤠᤰᤁᤥᤒᤠ ᤆᤫᤠ᤺ᤳᤋᤡᤴ ᤇᤡᤶᤗᤡᤱ ᤇᤡᤶᤗᤡᤱ ᤗ᤹ᤖᤡᤰ ᤔᤢᤴᤏᤡᤸᤗᤧ ᤂᤧᤵᤔᤥ ᤕᤠᤵᤔᤡ ᤁᤧᤃᤣ᤺ᤵᤐᤠ ᤜᤠ᤺ᤳᤋᤠᤱ ᤜᤥ᤺ᤵᤗᤥ॥ ᤀᤡᤱᤃᤠ᤹ ᤂᤧᤵᤔᤥ ᤗᤠ᤺ᤵᤔᤠ ᤋᤶᤛᤡᤴ ᤆᤥᤃᤢᤱᤗ ᤐᤳᤋᤠᤸᤗᤧᤛᤠ ᤘᤣ᤹ᤜᤠ᤹ ᤀᤡᤱᤃᤠ᤹ᤏᤢ᤺ᤸᤗᤧ ᤋᤃᤡ ᤔᤧᤗᤠ᤺ᤳ ᤔᤧᤒᤣ᤺ᤰᤗᤥ॥”
26345	JHN 6:19	ᤂᤧᤱᤜᤠ᤹ ᤅᤠᤛᤡ-ᤋᤢᤰᤛᤡ (᥋-᥌) ᤁᤡᤗᤥᤔᤡᤋᤖ ᤔᤧᤒᤣᤀᤠᤱ ᤔᤧᤘᤕᤧᤸᤗᤧ ᤂᤧᤱᤜᤠ᤹ᤖᤧ ᤜᤰᤆᤄᤳ ᤕᤧᤛᤢ᤺ᤴ ᤆᤫᤠ᤺ᤳᤋᤥ ᤗᤠᤱᤄᤣᤃᤧᤖ ᤂᤢᤏᤡ᤹ ᤐᤣᤛᤠᤱ ᤑᤧᤖᤧᤖ ᤐᤳᤇᤧᤒᤠ ᤔᤧᤏᤡ᤺ᤛᤢᤀᤠᤱ ᤂᤧᤱᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧᤖᤥ॥
26407	JHN 7:10	ᤁᤖ ᤕᤧᤛᤢᤖᤧ ᤁᤢᤴᤛᤠ᤹ᤛᤡ ᤋᤱᤏᤠᤶᤔᤥ ᤔᤧᤒᤣ ᤜᤧᤰᤁᤩᤠᤱ ᤕᤧᤛᤢ᤺ᤴᤏᤠᤱ ᤀᤠᤳᤋᤡᤴ ᤔᤏᤠᤜᤠ᤹ᤖᤧᤀᤠᤱ ᤔᤧᤴᤏᤡᤀᤣ ᤛᤫᤠ᤺ᤳᤋᤠᤱ ᤕᤖᤢᤛᤗᤧᤶᤔᤥ ᤐᤣᤖᤥ॥
26409	JHN 7:12	ᤕᤖᤡᤰ ᤔᤏᤠᤜᤠ᤹ᤖᤧ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤫᤠ᤺ᤳᤋᤠᤱ ᤔᤧᤈᤧᤰᤂᤢ॥ ᤁᤢᤓᤠᤖᤧ ᤔᤧᤒᤠ᤺ᤳᤋᤢ. “ᤂᤢᤏᤧ᤹ᤃ ᤏᤢ᤺ᤒᤠ ᤔᤏᤠᤖᤥ” ᤁᤖ ᤘᤣ᤹ᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤔᤧ᤺ᤴ. ᤂᤧᤸᤗᤧᤃ ᤔᤏᤠᤜᤠ᤹ ᤀᤡᤱᤗᤧᤰᤋᤢᤛᤡᤖ ᤘᤠ᤹ᤖᤥ॥”
26429	JHN 7:32	ᤔᤏᤠᤜᤠ᤹ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤛᤫᤠ᤺ᤳᤋᤠᤱ ᤂᤢᤛ᤻ᤂᤢᤛ᤻ ᤗ᤹ᤖᤡᤰ ᤔᤧᤒᤠᤖᤧᤒᤠ ᤑᤖᤡᤛᤡᤜᤠ᤹ᤖᤧ ᤔᤧᤄᤧᤵᤛᤢᤖᤥ ᤜᤧᤰᤁᤩᤠᤱ ᤋᤢᤶᤏᤡᤱᤘᤠ᤹ᤑᤢᤛᤠᤶᤒᤠᤜᤠ᤹ ᤏᤢ ᤑᤖᤡᤛᤡᤜᤠ᤹ᤖᤧ ᤔᤠᤱᤜᤡᤶᤔᤥᤒᤠ ᤋᤡᤗᤡᤱᤃᤠᤜᤠ᤹ ᤂᤢᤏᤧ᤹ ᤁᤢᤍᤧᤶᤛᤧ ᤔᤧᤒᤠᤱᤄᤢᤛᤡ॥
26435	JHN 7:38	ᤛᤠᤶᤕᤥᤛᤠᤵᤗᤠ᤺ᤸᤗᤧ ᤐᤠ᤺ᤳᤋᤢᤒᤠ ᤁᤢᤀᤡᤛᤡ᤺ᤰ ᤀᤡᤱᤃᤠ᤹ ᤕᤠᤵᤔᤡ ᤏᤛᤠ᤺ᤴ ᤁᤧᤈᤥ᤺ᤰᤐᤠᤸᤗᤧ ᤁᤢᤛᤡᤃᤠᤱᤗᤠᤶ ᤜᤡᤱᤔᤴ ᤁᤧᤒᤡᤒᤠ ᤆᤫᤠ᤺ᤳᤋᤡᤴ ᤕᤱᤄᤱ ᤁᤢᤀᤡᤛᤡ᤺ᤰ ᤐᤢᤴᤗ᤺ᤴᤗᤥ॥”
26509	JHN 8:59	ᤜᤧᤰᤁᤣ ᤐᤠ᤺ᤳᤋᤢᤸᤗᤧ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤗᤧᤵᤔᤠ ᤛᤧᤵᤔᤠ ᤑᤠ᤹ᤀᤠᤱ ᤗᤢᤱ ᤔᤧᤄᤵᤛᤢ. ᤁᤖ ᤕᤧᤛᤢ᤺ᤴ ᤆᤡᤱᤛᤡᤱᤅᤠᤱ ᤔᤠᤱᤜᤡᤶ ᤗᤰᤂᤢᤶᤔᤥᤗᤠᤶ ᤛᤫᤠ᤺ᤳᤋᤠᤱ ᤗ᤺ᤴᤍᤧ ᤐᤣᤖᤥ॥
26620	JHN 11:28	ᤜᤧᤰᤁᤩᤠᤱ ᤂᤢᤏᤧ᤹ ᤀᤰᤂᤣ ᤐᤠ᤺ᤳᤋᤢ ᤛᤢᤖᤢᤀᤠᤱ ᤕᤠᤶᤔᤥ ᤜᤡᤶᤔᤥ ᤏᤢ᤺ᤰᤂᤧ ᤐᤣᤀᤠᤱ ᤔᤖᤡᤕᤶᤔᤡᤴ ᤔᤣᤖᤡᤱ ᤁᤧᤎᤰᤐᤠᤜᤠ᤹ᤗᤠᤶ ᤌᤡᤰᤗᤧᤵᤔᤠᤱ ᤛᤫᤠ᤺ᤳ ᤀᤢ᤺ᤳᤋᤢ ᤋᤣ᤹ᤖᤢᤀᤠᤱ ᤔᤧᤳᤋᤢ. “ᤛᤡᤰᤛᤠᤶᤒᤠᤱᤃ ᤁᤵᤔᤥ ᤘᤠ᤹ ᤜᤧᤰᤁᤩᤠᤱ ᤂᤢᤏᤧ᤹ ᤂᤧᤏᤧ᤹ ᤁᤧᤀᤢ᤺ᤳᤋᤧᤀᤠᤱ ᤘᤠ᤹ᤖᤥ॥”
26704	JHN 13:5	ᤜᤧᤰᤁᤣᤗ᤹ᤖᤡᤰᤁᤣ ᤆᤫᤠ᤺ᤳᤋᤡᤴ ᤂᤵᤐᤩᤠᤀᤥ ᤜᤢᤰᤂᤢᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤢᤏᤡ᤹ ᤗᤠᤱᤜᤠ᤹ ᤘᤠᤜᤵᤔᤠ ᤜᤣ᤺ᤰᤋᤢ ᤜᤧᤰᤁᤩᤠᤱ ᤁᤡᤳᤇᤡᤱᤒᤠ ᤕᤠᤶᤍᤢ᤺ᤰᤔᤠᤸᤗᤧ ᤋᤢᤃᤢ ᤐᤡᤖᤢᤛᤡ॥
26874	JHN 18:20	ᤕᤧᤛᤢᤖᤧ ᤏᤥᤃᤵ ᤐᤡᤖᤢ. “ᤀᤡᤱᤃᤠ᤹ᤃ ᤁᤠᤰᤗᤧ ᤔᤧᤄᤧᤵᤛᤢᤖᤀᤣ ᤐᤠ᤺ᤖᤠᤱᤗᤥ. ᤀᤡᤱᤃᤠ᤹ᤃ ᤁᤠᤰ ᤕᤜᤢᤍᤡᤜᤠ᤹ ᤔᤧᤈᤢᤶᤒᤠ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤏᤢ ᤔᤠᤱᤜᤡᤶᤔᤥ ᤔᤏᤠᤜᤠ᤹ ᤛᤍᤠᤍᤡᤱ ᤜᤢ᤹ᤖᤢᤱᤛᤡᤱᤗ ᤘᤠ᤹ᤖᤥ॥ ᤀᤡᤱᤃᤠ᤹ ᤛᤫᤠ᤺ᤳᤋᤠᤱ ᤌᤣᤀᤠᤱ ᤔᤧᤶᤒᤠ᤺ᤵᤐᤧᤴᤗᤥ॥
26928	JHN 19:34	ᤜᤧᤰᤁᤣᤛᤠᤱ ᤌᤡᤰ ᤌᤰᤛᤢᤒᤠᤸᤗᤧ ᤕᤧᤛᤢᤖᤧ ᤁᤢᤗᤧᤶᤓᤣ᤺ᤵᤔᤥ ᤗᤠ᤺ᤰᤁᤡᤸᤗᤧ ᤌᤢᤒᤢᤸᤗᤧ ᤂᤡᤔᤥ ᤂᤧᤵᤔᤥᤗᤠᤶ ᤔᤠᤰᤂᤡ᤹ ᤏᤢ ᤆᤫᤠ᤺ᤳ ᤗ᤺ᤴᤍᤧᤖᤥ॥
26932	JHN 19:38	ᤂᤧᤴ ᤀᤣᤃᤠᤱ ᤀᤠᤖᤡᤔᤠᤌᤡᤕᤠ ᤐᤠᤱᤈᤢᤶᤒᤠ ᤕᤢᤛᤢᤑᤧᤴ ᤐᤡᤗᤠᤋᤛᤖᤥ ᤐᤣᤀᤠᤱ ᤕᤧᤛᤢᤖᤧ ᤁᤢᤎᤰᤁᤡᤴ ᤏᤠ᤺ᤰᤋᤢ॥ ᤂᤢᤏᤧ᤹ ᤕᤜᤢᤍᤡᤜᤠ᤹ ᤁᤡᤖᤢᤛᤡᤒᤠᤸᤗᤧ ᤆᤥᤃᤢᤸᤗᤧ ᤛᤫᤠ᤺ᤳᤋᤠᤱ ᤕᤧᤛᤢᤖᤧ ᤁᤢᤜᤢ᤹ᤛᤠᤶᤒᤠ ᤐᤥ᤺ᤰᤂᤧᤀᤠᤱ ᤘᤕᤧᤖᤥ॥ ᤐᤡᤗᤠᤋᤛᤖᤧ ᤀᤡᤱᤍᤳ ᤐᤡᤖᤢᤀᤠᤱ ᤂᤧᤸᤗᤧ ᤕᤧᤛᤢᤖᤧ ᤁᤢᤎᤰᤁᤡᤴ ᤌᤠ᤺ᤛᤢᤀᤠᤱ ᤋᤣ᤹ᤖᤢ॥
26974	JHN 21:7	ᤕᤧᤛᤢᤖᤧ ᤗᤢᤱᤔᤠ᤹ ᤋᤢᤰᤋᤢᤒᤠ ᤁᤢᤜᤢ᤹ᤛᤠᤶᤒᤠᤸᤗᤧ ᤛᤡᤔᤥᤏ ᤐᤋᤪᤢᤛᤧᤴ ᤔᤧᤳᤋᤢ. “ᤂᤢᤏᤧ᤹ᤃ ᤍᤠᤱᤒᤠᤴᤏᤣᤖᤥ᥄” ᤛᤡᤔᤥᤏ ᤐᤋᤪᤢᤛᤖᤧ ᤂᤧᤴ ᤂᤧᤵᤛᤢᤏᤠᤔᤧ᤺ᤴᤏᤣ ᤋᤣ᤺ᤳᤋᤡᤸᤗᤧ ᤁᤡᤳᤗᤡᤰ ᤁᤡᤳᤇᤡᤱ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ ᤂᤧᤴ ᤑᤧᤴᤍᤢᤀᤠᤱ ᤘᤕᤧ॥ ᤜᤧᤰᤁᤩᤠᤱ ᤆᤫᤠ᤺ᤳᤋᤥ ᤐᤡᤴᤍᤧ ᤗᤠ᤺ᤛᤧᤀᤠᤱ ᤘᤠᤈᤠᤃᤧᤖ ᤁᤢᤕᤠᤀᤥ ᤐᤣᤖᤥ॥
26997	ACT 1:5	ᤕᤢᤜᤢᤴᤏᤠᤖᤧᤃ ᤆᤫᤠ᤺ᤳᤋᤡᤸᤗᤧ ᤒᤵᤋᤡᤛ᤻ᤔᤠ ᤁᤧᤒᤡᤖᤡ. ᤁᤖ ᤁᤢᤓᤠ ᤕᤧᤴ ᤀᤣᤃᤠᤱ ᤛᤣᤛᤣᤔᤠᤱᤗᤠᤶ ᤒᤵᤋᤡᤛ᤻ᤔᤠ ᤁᤧᤒᤥ᤺ᤰᤂᤡ᤹ᤖᤥ॥”
27181	ACT 6:11	ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤛᤫᤠ᤺ᤳᤋᤠᤱ ᤔᤏᤠᤜᤠ᤹ ᤀᤰᤂᤣᤗ᤹ᤖᤡᤰ ᤐᤠ᤺ᤵᤔᤠ ᤔᤧᤜᤢᤛᤢᤛᤡᤖᤥ. “ᤀᤠᤏᤡᤃᤧᤃ ᤁᤸᤗᤧ ᤔᤥᤛᤠ ᤏᤢ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤍᤰᤗᤧᤱᤘᤠᤀᤥ ᤔᤠᤱᤆᤧ᤹ᤕᤠ ᤐᤠᤖᤧᤒᤠ ᤂᤧᤵᤛᤢᤶᤒᤧᤖᤥ॥”
27277	ACT 8:32	ᤂᤧᤸᤗᤧ ᤏᤡ᤺ᤖᤢᤒᤠ ᤛᤠᤶᤕᤥᤛᤠᤵᤗᤠ ᤗᤰᤁᤡᤴ ᤁᤴ ᤘᤕᤧᤖᤥ– “ᤂᤢᤏᤧ᤹ᤃ ᤛᤧᤳᤇᤧ ᤋᤣ᤹ᤔᤏᤠᤒᤠ ᤔᤧᤸᤗᤢᤰ ᤜᤧᤰᤁᤣ ᤆᤥᤃᤧ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤢᤖᤡᤰ ᤁᤧᤏ᤺ᤱᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡᤀᤠᤱ ᤛᤫᤠ᤺ᤳ ᤁᤧᤕᤧᤵᤐᤠ ᤔᤧᤸᤗᤢᤰᤛᤠ᤺ ᤜᤧᤰᤁᤣᤀᤣ ᤌᤣᤀᤠᤱ ᤔᤧᤒᤠ᤺ᤳᤋᤢᤴᤗᤥ॥
27281	ACT 8:36	ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤴ ᤗᤠᤶᤔᤥ ᤗᤠᤶᤍᤡ᤺ᤰ ᤆᤥᤃᤧᤳᤇᤡᤖ ᤐᤳᤇᤧᤳᤇᤡᤸᤗᤧ ᤆᤫᤠ᤺ᤳ ᤁᤧᤏᤧᤒᤠ ᤋᤧᤴᤏᤥ ᤁᤧᤖᤧᤳᤇᤡ॥ ᤜᤧᤰᤁᤩᤠᤱ ᤂᤧᤴ ᤛᤧᤓᤰᤐᤧᤸᤗᤧ ᤛᤣ᤺ᤴᤍᤥᤛᤢ. “ᤀᤥᤔᤧᤳᤋᤧ᤹. ᤁᤵᤔᤥ ᤆᤫᤠ᤺ᤳ ᤏᤧᤖᤥ॥ ᤀᤡᤱᤃᤠ᤹ ᤒᤵᤋᤡᤛ᤻ᤔᤠ ᤐᤥ᤺ᤱᤔᤠ ᤔᤧᤛᤢᤰᤁᤠᤴᤒᤡ᥅” ((ᤑᤡᤗᤡᤐᤖᤧ ᤔᤧᤳᤋᤢ. “ᤂᤧᤏᤧ᤹ ᤁᤠᤰ ᤁᤧᤏᤡᤱᤘᤠ᤹ᤖᤧ ᤏᤛᤠ᤺ᤴ ᤁᤧᤈᤥᤃᤢᤏᤧ ᤑᤠ᤹ᤃᤪ ᤁᤧᤛᤢᤰᤋᤢᤖᤥ” ᤂᤧᤴ ᤛᤧᤓᤰᤐᤧᤸᤗᤧ ᤏᤥᤃᤵ ᤐᤡᤖᤢ. “ᤕᤧᤛᤢ ᤂᤪᤡᤛ᤻ᤋᤧᤴ ᤏᤡᤱᤘᤠ᤹ᤑᤢᤛᤠ᤺ ᤑᤠ᤹ᤀᤠᤱ ᤏᤛᤠ᤺ᤴ ᤆᤥᤃᤢᤱᤗᤥ॥”))
27283	ACT 8:38	ᤜᤧᤰᤁᤩᤠᤱ ᤂᤧᤴ ᤀᤴᤗᤠ᤺ᤴ ᤕᤧᤵᤔᤠ ᤐᤠᤱᤄᤢᤀᤠᤱ ᤂᤢᤴᤇᤡ᤹ ᤕᤥ ᤆᤫᤠ᤺ᤳᤋᤥ ᤐᤣᤛᤡᤀᤠᤱ ᤑᤡᤗᤡᤐᤖᤧ ᤂᤧᤴ ᤒᤵᤋᤡᤛ᤻ᤔᤠ ᤐᤡᤖᤢ॥
27284	ACT 8:39	ᤂᤧᤱᤜᤠ᤹ ᤕᤥ ᤆᤫᤠ᤺ᤳᤋᤥᤗᤠᤶ ᤗ᤺ᤴᤍᤧ ᤌᤠᤅᤧᤳᤇᤡᤖ ᤐᤳᤇᤧᤳᤇᤡᤸᤗᤧ ᤍᤠᤱᤒᤠᤸᤗᤧ ᤁᤢᤛᤣᤛᤣᤔᤠᤱᤅᤡᤸᤗᤧ ᤂᤡᤔᤥ ᤑᤡᤗᤡᤵᤐᤧᤴ ᤐᤰᤂᤢ ᤋᤣ᤹ᤖᤢᤀᤠᤱ ᤀᤠᤈᤥᤳᤋᤥᤛ ᤔᤧᤵᤔᤏᤠᤒᤠ ᤋᤧᤴᤏᤥ ᤁᤧᤳᤋᤢᤖᤥ॥ ᤂᤧᤵᤔᤥ ᤂᤢᤏᤧ᤹ ᤛᤡᤈᤖᤡᤕᤠ ᤔᤧᤱᤃᤧᤳᤋᤣ ᤌᤠᤖᤡᤰ ᤗᤠᤶᤔᤥ ᤁᤧᤏᤧᤒᤠ ᤐᤠᤱᤈᤢᤶᤜᤠ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥ᤺ᤛᤢᤖ ᤐᤣᤖᤥ॥ ᤛᤧᤓᤰᤐᤧᤸᤗᤧ ᤂᤢᤏᤧ᤹ ᤕᤠᤶᤔᤥ ᤔᤧᤏᤡ᤺ᤛᤢᤴ. ᤁᤖ ᤂᤧᤴ ᤛ᤺ᤳᤋᤧᤖ ᤁᤢᤗᤠᤶᤍᤡ᤺ᤰᤁᤥ ᤐᤣᤖᤥ॥