| 23215 | MAT 1:2 | अब्राहामऱे कुस्साः इसहाक वय़े, इसहाकऱे कुस्साः याकुब वय़े, याकुबऱे कुस्साःहाॽ यहुदा ह़ेक्क्याङ् खुऩेॽ कुम्भुॽ कुन्साॽसि म़ेवय़ेरो॥ |
| 23216 | MAT 1:3 | ह़ेक्क्याङ् यहुदाःल्ल़े कुस्साःहाॽ पेरेज नु जिराह वय़ेत्छि (ख़ेङ्हाॽऱे खुन्छिॽ माःल्ल़े कुमिङ् तामार वय़े), फाऱेसऱे कुस्साः ह़ेस्रोन वय़े, ह़ेस्रोनऱे कुस्साः आराम वय़ेरो॥ |
| 23217 | MAT 1:4 | ह़ेक्क्याङ् आरामऱे कुस्साः अम्मिनादाब वय़े, अम्मिनादाबऱे कुस्साः नहसोन वय़े, नहसोनऱे कुस्साः सल्मोन वय़ेरो॥ |
| 23218 | MAT 1:5 | ह़ेक्क्याङ् सल्मोनऱे कुस्साः बोअज वय़े (बोअजऱे कुम्माऱे कुमिङ् राहाब वय़े), बोअजऱे कुस्साः ओबेद वय़े (ख़ेल्ल़े कुम्माऱे कुमिङ् रुथ वय़े), ओबेदऱे कुस्साः यिसै वय़े॥ |
| 23219 | MAT 1:6 | ह़ेक्क्याङ् यिसैऱे कुस्साः दाउद हाङ्ङिन्वय़े॥ दाउद हाङ्ङिल्ल़े कुस्साः सोलोमन वय़े (सोलोमनऱे कुम्मा बेत्सेबाःन् उरियाहऱे कुमेःत् वय़ेरो॥) |
| 23220 | MAT 1:7 | ह़ेक्क्याङ् सोलोमनऱे कुस्साः रहोबाम वय़े, रहोबामऱे कुस्साः अबिया वय़े, अबियाऱे कुस्साः आसा वय़ेरो॥ |
| 23221 | MAT 1:8 | ह़ेक्क्याङ् आसाऱे कुस्साः यहोसापात वय़े, यहोसापातऱे कुस्साः यहोराम वय़े, यहोरामऱे कुस्साः उज्जियाह वय़ेरो॥ |
| 23222 | MAT 1:9 | ह़ेक्क्याङ् उज्जियाहऱे कुस्साः योताम वय़े, योतामऱे कुस्साः आहाज वय़े, आहाजऱे कुस्साः हिजकिया वय़ेरो॥ |
| 23223 | MAT 1:10 | ह़ेक्क्याङ् हिजकियाऱे कुस्साः मनस्से वय़े, मनस्सेऱे कुस्साः अम्मोन वय़े, अम्मोनऱे कुस्साः योसियाह वय़ेरो॥ |
| 23224 | MAT 1:11 | ह़ेक्क्याङ् योसियाहऱे कुस्साःहाॽ यकोनियास नु कुन्साॽसि म़ेवय़ेरो (ख़ेङ्हाॽग इस्राइलिहाॽ ब़ेबिलोन लाजेॽओ म़ेद़ेम्सु म़ेदेॽरुसिआङ् म़ेगत्तुसिबा य़ेम्मो साम़ेवाःन्छिङ्ङाङ्म़ेवय़ेरो)॥ |
| 23225 | MAT 1:12 | ब़ेबिलोःन्नो म़ेदेॽरुसिआङ् याङ्सि यकोनियासऱे कुस्साः सालतिएल वय़े, ह़ेक्क्याङ् सालतिएलऱे कुस्साः यरुबाबेल वय़ेरो॥ |
| 23226 | MAT 1:13 | ह़ेक्क्याङ् यरुबाब़ेलऱे कुस्साः अबिउद वय़े, अबिउदऱे कुस्साः एलियाकिम वय़े, एलियाकिमऱे कुस्साः आजोर वय़ेरो॥ |
| 23227 | MAT 1:14 | ह़ेक्क्याङ् आजोरऱे कुस्साः सादोक वय़े, सादोकऱे कुस्साः आखिम वय़े, आखिमऱे कुस्साः एलिउद वय़ेरो॥ |
| 23228 | MAT 1:15 | ह़ेक्क्याङ् एलिउदऱे कुस्साः एलाजार वय़े, एलाजारऱे कुस्साः मत्तान वय़े, मत्तानऱे कुस्साः याकुब वय़ेरो॥ |
| 23229 | MAT 1:16 | ह़ेक्क्याङ् याकुबऱे कुस्साः युसुफ वय़े॥ युसुफ़ेन् मरियमऱे कुय़ेम्बाॽ वय़े, ह़ेक्क्याङ् हाबा कन् मरियम्मिन्लाम् निङ्वाॽफुमाङ्ङिल्ल़े सेःन्दुबा ख्रिस्त म़ेप्मनाबा य़ेसुःन् सावाःन्छिङ्लो॥ |
| 23230 | MAT 1:17 | अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् म़ेवय़े, ह़ेक्क्याङ् दाउद हाङ्लाम् ब़ेबिलोन लाजेॽओ म़ेद़ेम्सु म़ेदेॽरुसिआङ् म़ेगत्तुसिबा य़ेम् थारिक् थिक्-लि (१४) थाःक् म़ेवय़े, ह़ेक्क्याङ् ब़ेबिलोःन्नो पुङ्लाधाबा म़ेजोगुसिआङ् म़ेदेॽरुसिबा य़ेम्माङ्धो निङ्वाॽफुमाङ्ङिल्ल़े सेःन्दुबा ख्रिस्त़ेन्सावाःन्छिङ्बा य़ेम् थारिक् थिक्-लि (१४) थाःक् म़ेवय़ेरो॥ |
| 23231 | MAT 1:18 | आल्ल य़ेसु ख्रिस्तऱे कुसावाःन्छिङ्मान् अक्खेलॽरिक् पोःक्ख़ेरो–कुम्मा मरियमऱे कुमेःक्खिम् पोःङ्मा पाःन्निन् युसुफ़ेन्नु पुॽऱेआङ् वय़े, कर खुन्छिॽ मेःक्खिम् पोःङ्मानुःल्ल़े तगिए खुऩेॽ सेसेमाङ्ङिल्ल़े कुमुक्साम्लाम् म़ेन्छुक्मा पोःक्ख़ेरो॥ |
| 23233 | MAT 1:20 | कर ह़ेक्के इःत्तुर वय़ेल्ल़े स़ेप्माङ्मो यहवे दाङ्बाल्ल़े कुमाङ्लाइङ्बान् ओसेःन्धाक्सिङ्ङाङ्अक्खे म़ेत्तुरो, “दाउदऱे कुमुॽइदाङ्सा युसुप्फे, ख़ेऩेॽ मरियम्मिन् मेःक्खिम् चोःक्माआङ् हिम्मो ताःप्मा म़ेगिस़ेन्ऩेॽओ, थेआङ्भ़ेल्ल़े खुऩेॽओबा अङ़ेःक्वाःन् सेसेमाङ्ङिल्ल़े कुमुक्साम्लाम्बा हाङ्सिङ्बारो॥ |
| 23234 | MAT 1:21 | खुऩेॽ य़ेम्बित्छाॽसाःधिक् कत्तुॽ, ह़ेक्क्याङ् ख़ेल्ल़े कुमिङ्ङिन् य़ेसु वाःत्त़ेॽओ, थेआङ्भ़ेल्ल़े ख़ेल्ल़े कुमनाहाॽ खुनिॽ लायोलाम् ताङ्स़ेःप्तुसिॽरो॥” |
| 23236 | MAT 1:23 | “सिसादिङ् म़ेन्छियाॽइन् म़ेन्छुक्मा पोःङ्ङाङ् य़ेम्बित्छाॽसाःधिक् कत्तुॽ, ह़ेक्क्याङ् ख़ेन् इम्मानुएल म़ेम़ेत्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥” |
| 23237 | MAT 1:24 | आल्ल युसुफ़ेन् स़ेप्माङ्मोलाम् सोऱेआङ् यहवे दाङ्बाल्ल़े कुमाङ्लाइङ्बाल्ल़े म़ेत्तुबा कुइसिःक्के मरियम्मिन् मेःक्खिम् म़ेत्तु, ह़ेक्क्याङ् कुहिम्मो तारुरो॥ |
| 23239 | MAT 2:1 | आल्ल य़ेसुःन् यहुदिया थुम्मोबा ब़ेथलेह़ेम पाङ्जुम्मो सावाःन्छिङ्बा य़ेम्मो ह़ेरोद हाङ्ङिल्ल़े ख़ेप्मो हाङ् चोगुर वय़ेरो॥ य़ेसुःन् सावाःन्छिङ्ङाङ् नाम्ग़ेन् पिसाङ्बा लाजेॽलाम् सिक्कुम्निबा खाग़ेइक्पाहाॽ यरुसल़ेम्मो म़ेद्य़े, ह़ेक्क्याङ् |
| 23240 | MAT 2:2 | अक्खेलॽरिक् पाःन् सेःन्म़ेदोसु, “यहुदिहाॽऱे खुनिॽ हाङ् क़ेबोःङ्बाआङ् साग़ेवाःन्छिङ्बान् आत्तो वाॽबे? आनिग़े नाम्ग़ेन् पिसाङ् कुसावाःन्छिङ्माल्ल़ेन् मिक्सेःन् क़ेबिबा खेःम्सिक्किन् निःसुम्ब़ेआङ् खुऩेॽ कुसेवा चोःक्स़े त्य़ेॽइग़ेबारो॥” |
| 23241 | MAT 2:3 | ह़ेरोद हाङ्ङिल्ल़े कन् पाःन्निन् ख़ेप्सुआङ् कुनिङ्वाॽबाल्ल़े साॽरिक् य़ेःक्खु, ह़ेक्केलॽरिक्के खुऩेॽनुए यरुसल़ेम्मोबा क़ेऱेक् मनाहाॽआङ् खुनिॽ निङ्वाॽबाल्ल़े साॽरिक् य़ेःक्खुसिरो॥ |
| 23243 | MAT 2:5 | ख़ेङ्हाॽऱे नोगप् म़ेबिरु, “यहुदिया थुम्मोबा ब़ेथलेह़ेम्मो खुऩेॽ सावाःन्छिङ्मा क़ेबोःङ्बा वाॽरो॥ थेआङ्भ़ेल्ल़े माङ्निङ्वाॽपाःन् क़ेबाःप्पाल्ल़े अक्खेलॽरिक् साप्तुआङ् पत्– |
| 23244 | MAT 2:6 | ‘यहुदिया थुम्मोबा ब़ेथलेह़ेम्मे, ख़ेऩेॽग यहुदियाबा पाङ्जुम्हाॽओ साॽरिक् क़ेय़ेक्पा क़ेजोःक्लो, थेआङ्भ़ेल्ल़े ख़ेऩेॽ क़ेबाङ्जुम्लाम् हाङ्युक्पाधिक् ताःरो, खुऩेॽग म़ेल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् क़ेम़ेप्पा पोःङ्लो॥’” |
| 23246 | MAT 2:8 | ह़ेक्क्याङ् ख़ेङ्हाॽ अक्खे म़ेत्तुसिर ब़ेथलेह़ेम्मो पाङ्घुदेःसुसि, “पेग़ेम्म़ेॽआङ् अङ़ेःक्वाःन् कोःत्त़ेम्म़ेॽ॥ ख़ेन् अङ़ेःक्वाःन् क़ेघोःसुम्ऩे फाॽग्र फ़ेऱेम्म़ेॽआङ् इङ्गाॽ आम़ेत्त़ेम्म़ेॽओ॥ इङ्गाॽआङ् खुऩेॽ सेवा म़ेत्तुङ्लो॥” |
| 23249 | MAT 2:11 | हिम् सिगाङ् म़ेलाःस्स़ेल्ल़े अङ़ेःक्वाःन् नु कुम्मा मरियम्मिन् म़ेनिःसुसिरो॥ ख़ेङ्हाॽऱे साम्बोःन्नाङ् अङ़ेःक्वाःन् सेवा म़ेम़ेत्तु, ह़ेक्क्याङ् सुःक्वाःन्म़ेभाःक्खुआङ् साम्म्याङ्, थिक् परिक्पा इम़ेल्लुङ्बा साङ्सिङ् नु कुनाम् क़ेनुॽबा मुर्रहाॽ म़ेदोःन्दु म़ेबिरुरो॥ |
| 23251 | MAT 2:13 | ख़ेन् सिक्कुम्निबा खाग़ेइक्पाहाॽ म़ेबे ह़ेक्क्याङ् यहवे दाङ्बाल्ल़े कुमाङ्लाइङ्बाधिक् युसुफऱे कुस़ेप्माङ्मो थाःन्छिङ्ङाङ् अक्खे म़ेत्तु, “पोग़ेॽआङ् अङ़ेःक्वाःन् नु कुम्माःन् तेॽऱेस़ेॽआङ् मिस्र लाजेॽओ ख़ेत्छिङ् पेग़ेॽ, ह़ेक्क्याङ् इङ्गाॽ म़ेम्म़ेत्ते थारिक् ख़ेऩेॽ ख़ेप्मोए वय़ेॽओ, थेआङ्भ़ेल्ल़े ह़ेरोद हाङ्ङिल्ल़े अङ़ेःक्वाःन् स़ेप्मा फाॽआङ् कोःत्तुर वाॽरो॥” |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23258 | MAT 2:20 | म़ेत्तु, “पोग़ेॽआङ् अङ़ेःक्वाःन् नु कुम्माःन् इस्राइल लाजेॽओ तेॽऱेस़ेॽओ, थेआङ्भ़ेल्ल़े अङ़ेःक्वाःन् स़ेप्मा क़ेगोःप्प़ेन्स्य़ेआङ् होःप्लो॥” |
| 23262 | MAT 3:1 | ख़ेन् य़ेम्मो बप्तिस्मा क़ेबिबा युहुन्ना म़ेप्मनाबा मनाःन् यहुदिया थुम्मोबा एःक्साद़ेन्नो अक्खेलॽरिक् इङ्भन् चोगुर त्य़े, |
| 23263 | MAT 3:2 | “खिनिॽ लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23264 | MAT 3:3 | खुऩेॽ कुयाःम्बेओ माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुआङ् वाॽरो, “खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्स़े खुऩेॽओ म़ेद्य़ेर म़ेबत्छ़ेबा निःसुसिआङ् अक्खे म़ेत्तुसिर फ़ेःक्तुसि, “असेःक्सासे, खिनिॽ कन् क़ेदाःबार क़ेबप्पा निङ्वाॽफुमाङ्ङिल्ल़े कुघुम्दिङ्लाम् ख़ेत्छिङ्ङ़ेम्म़ेॽ फाॽआङ् हाःत्ल़े क़ेम़ेत्तिबे? |
| 23270 | MAT 3:9 | आनिग़ेग अब्राहामऱे कुस्साःसिग़े, ख़ेल्ल़े चोगुल्ल़े खुम्दिङ्लाम् ख़ेत्छिङ्मा सुक्तिग़ेॽ फाॽआङ् निङ्वाॽ म़ेइःत्त़ेम्मिन्ऩेॽओ, थेआङ्भ़ेल्ल़े निङ्वाॽफुमाङ्ङिल्ल़ेग कन् लुङ्हाॽआङ् अब्राहामऱे कुस्साः चोःक्मा सुक्तुसिॽरो॥ |
| 23272 | MAT 3:11 | लायोलाम् क़ेहिन्दिआङ् इङ्गाॽग च्वाःत्तिल्ल़े बप्तिस्मा पिनिङ्लो, कर आएगाङ् क़ेदाःब़ेङ्ग इङ्गाॽनुःल्ल़ेआङ् मुक्साम्साबा चोःक्लो॥ खुऩेॽ कुलाङ्सुःप्हाॽ इङ्गाॽ योःक् कुइसिःक् पङ्माआङ् म़ेलाॽआन्लो॥ खुऩेॽ सेसेमाङ् नु मिःल्ल़े बप्तिस्मा क़ेबिरिॽरो॥ |
| 23273 | MAT 3:12 | कुभॽएःत्तिल्ल़े सिःन् आःम्मा फाॽआङ् खुऩेॽ यारिप् वाॽ, ह़ेक्क्याङ् खुऩेॽ तुगुर सुप्सुआङ्सिःन् चाधोःक्लाओ चिक्खुॽ ह़ेक्क्याङ् कुहक्हाॽ आप्फाल्ल़ेआङ् म़ेन्छिःमनाबा मिओ हाःन्दुदेःसुॽरो॥” |
| 23274 | MAT 3:13 | ख़ेन् य़ेम्मो य़ेसुःन् गालिल थुम्मोलाम् यर्दन यङ्घङ्ङो बप्तिस्मा पोःङ्स़े युहुन्नारो त्य़ेरो, |
| 23275 | MAT 3:14 | कर युहुन्नाऱे अत्तुर खुऩेॽ अक्खे म़ेत्तु, “इङ्गाॽऩे ख़ेऩेॽनु बप्तिस्मा पोःङ्मा क़ेबोःङ्बा, आक्खेलॽरिक् ख़ेऩेॽ इङ्गाॽओ क़ेद्य़ेबाबे?” |
| 23276 | MAT 3:15 | य़ेसुऱे नोगप् पिरु, “आल्लोऱे लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ल़े क़ेऱेक् निङ्वाॽ चोगुबा पाःन्निन् क़ेत्लरो॥” ह़ेक्क्याङ् युहुन्नाःन् त़ेन्द़ेआङ् खुऩेॽ बप्तिस्मा पिरुरो॥ |
| 23278 | MAT 3:17 | ह़ेक्क्याङ् साङ्ग्राम्पेदाङ्लाम् अक्खेलॽरिक् इक्लाधिक् त्य़े, “कन् आमिःम् आस्साःरो, इङ्गाॽ खुऩेॽनु साॽरिक् सःत्ताङ्ङाङ् वाॽआरो॥” |
| 23280 | MAT 4:2 | ख़ेप्मो खुऩेॽ लिबोःङ्(४०) स़ेन्दिक् नु ल़ेन्दिक् थारिक् थेआङ् म़ेजऩेन्नाङ् साॽरिक् कुस़ेत्लाःक्त़ेरो॥ |
| 23281 | MAT 4:3 | ह़ेक्क्याङ् माफ़ेन्साम्मिन् ख़ेप्मो त्य़ेआङ् खुऩेॽ अक्खे म़ेत्तुर कुनिङ्वाॽ साॽरु, “ख़ेऩेॽ निङ्वाॽफुसाःऩे फाॽग्र कन् लुङ्हाॽ खऱेःङ् पोःक्ख़ेॽ फाॽआङ् म़ेत्त़ेॽ॥” |
| 23282 | MAT 4:4 | कर य़ेसुऱे नोगप् पिरु, “ह़ेक्के म़ेजोःक्कान्, थेआङ्भ़ेल्ल़े साम्योसाप्लाओ मोसाऱे अक्खेलॽरिक् साप्तुआङ् पत्, ‘म़ेन्छाम् याप्मिःङ्ग कुजाःल्ल़ेरक् म़ेहिङ्ऩेन्, कर निङ्वाॽफुमाङ्ङिल्ल़े पाःत्तुबा क़ेऱेक् पाःन्निल्ल़े हिङ्॥’” |
| 23284 | MAT 4:6 | “ख़ेऩेॽ स़ेक्खाए निङ्वाॽफुसाःऩे फाॽग्र पिन्द़े थ्य़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘निङ्वाॽफुमाङ्ङिल्ल़े कुमाङ्लाइङ्बाहाॽ ख़ेऩेॽ क़ेलागि इङ्जाःङ् पिरुसिआङ् ख़ेऩेॽ थाःङ्धाःङ्ङे खुनिॽ हुक्को क़ेम्दाःक्काङ् क़ेलाङ्ङिन् लुङ्ङो म़ेधाम्सिङ्ङिन्लो॥’” |
| 23285 | MAT 4:7 | य़ेसुऱे नोगप् पिरु, “कर साम्योसाप्लाओ याम्मो अक्खेलॽरिक्काङ् साप्त़ेआङ् पत्, ‘दाङ्बा क़ेनिङ्वाॽफुमाङ्ङिल्ल़े कुनिङ्वाॽ म़ेसाॽऱेन्ऩेॽ॥’” |
| 23287 | MAT 4:9 | म़ेत्तु, “ख़ेऩेॽ साम्बोःन् क़ेभन्छिङ्ङाङ् इङ्गाॽ सेवा क़ेम़ेत्ताऩे फाॽग्र कङ्हाॽ क़ेऱेक् पिऩेॽ॥” |
| 23288 | MAT 4:10 | य़ेसुऱे ख़ेन् म़ेत्तु, “सैताने, कप्मोलाम् पेग़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘ख़ेऩेॽ दाङ्बा क़ेनिङ्वाॽफुमाङ्ङिन्लक् सेवा म़ेत्त़ेॽ ह़ेक्क्याङ् खुऩेॽइन्लक् कुसेवा चोग़ेॽओ॥’” |
| 23293 | MAT 4:15 | “यर्दन यङ्घङ्ङिल्ल़े नाधाःम्बिबा गालिल वरक्किल्ल़े कुबेसाङ्बा नाप्तालि नु जबुलुन क़ेयुङ्बा याप्मिसे, गालिल थुम्मो क़ेवाॽबा थिम्म़ेन्दङ् सुवाङ्से, |
| 23295 | MAT 4:17 | ख़ेन् य़ेम्माङ्धो य़ेसुऱे अक्खे पाःत्तुर इङ्भोःमा हेःक्तु, “लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23296 | MAT 4:18 | थिक् य़ेन् य़ेसुःन् गालिल वरक्किल्ल़े कुयाओ लाङ्घेग़ेर वय़ेल्ल़े पत्रुस म़ेप्मनाबा सिमोऩेन् नु कुन्साॽ आन्द्रियास़ेन् निःसुसि॥ ख़ेङ्हाॽ वरक्को योःङ् ल़ेप्त़ेत्छुर याग़ेत्छि, थेआङ्भ़ेल्ल़े ख़ेङ्हाॽ योःङ् क़ेल़ेप्पा वय़ेत्छिरो॥ |
| 23297 | MAT 4:19 | य़ेसुऱे ख़ेङ्हाॽ म़ेत्तुसि, “इङ्गाॽ आएगाङ् थाऩेत्छ़ेॽओ, खिन्छिॽ ङा क़ेद़ेम्सु क़ेदाःत्छुबा कुइसिःक् इङ्गाॽओ मना क़ेदाःप्पा चोःक्ऩेत्छिङ्लो॥” |
| 23301 | MAT 4:23 | य़ेसुऱे यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ल़े कुयाःम्बेओ सुनाइङ् स़ेःसु, ह़ेक्क्याङ् क़ेऱेक् परिक्ल़ेन् तुक्मा यॽमालाम् क़ेदुक्पाहाॽ वेःन्दुसिर गालिल थुम्मो खाराक् ताक्कन्द़ेरो॥ |
| 23302 | MAT 4:24 | य़ेसुऱे कुयाःम्बेओ इङ्घङ्ङिन् सिरिया लाजेॽ खाराक् स़ेःऱे, ह़ेक्क्याङ् यरिक् परिक्ल़ेन् तुक्माल्ल़े तरुसिबा मनाहाॽ, क़ेदुक्पाहाॽ, फ़ेन्साम्मिल्ल़े याङ्घुसिबाहाॽ, ह़ेक्क्याङ् थप्मा क़ेमःबाहाॽ नु क़ेदुक्पा क़ेयॽबाहाॽ खुऩेॽओ म़ेदारुसिआङ् ख़ेङ्हाॽ क़ेऱेक् नुसुसिरो॥ |
| 23303 | MAT 4:25 | ह़ेक्क्याङ् गालिल थुम्, थिबोःङ् पाङ्जुम्मिल्ल़ेन्थुम्, यरुसल़ेम, यहुदिया नु यर्दन यङ्घङ् नाधाःम्बिबा थुम्मोलाम् क़ेदाःबा यरिक् मनाहाॽऱे खुऩेॽ म़ेदिम्दुरो॥ |
| 23304 | MAT 5:1 | आल्ल य़ेसुऱे यरिक् मनाहाॽ निःसुसिआङ् कोःक्माओ थाःङ् पेआङ् युङ्सिङ्, ह़ेक्क्याङ् कुहुॽसाम्बाहाॽआङ् ख़ेत्थो म़ेबेआङ् कुघिरि म़ेयुङ्सिङ्॥ |
| 23306 | MAT 5:3 | “क़ेऱेक् पाःन्नो निङ्वाॽफुमाङ्ङिन् चाहाबा क़ेजोःक्पाहाॽ मुॽइसाबासिरो, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् ख़ेङ्हाॽऱेन्नेरो॥ |
| 23307 | MAT 5:4 | मेरिङ् क़ेधक्पाहाॽ मुॽइसाबासिरो, थेआङ्भ़ेल्ल़े ख़ेङ्हाॽऱे हाङ्हाङ् म़ेत्छिङ्मान् म़ेघोःसुॽरो॥ |
| 23308 | MAT 5:5 | चुङ्जिग़ेन् नःम्नःम्बा मनाहाॽ मुॽइसाबासिरो, थेआङ्भ़ेल्ल़े इक्सादिङ् खाम्बेःक्मान् ख़ेङ्हाॽऱेन्नेरो॥ |
| 23309 | MAT 5:6 | ह़ेक्क्याङ् साम्योनिबा याःम्बक् चोःक्माओ स्याङ्म़ेन्दाङ् क़ेबप्पाहाॽ मुॽइसाबासिरो, थेआङ्भ़ेल्ल़े निङ्वाॽफुमाङ्ङिल्ल़े कुनिङ्वाॽ ह़ेक्के चोःक्मा ख़ेङ्हाॽ फाॽरुसिॽरो॥ |
| 23310 | MAT 5:7 | वेॽ मनाहाॽ लुङ्माॽ क़ेदुक्पाहाॽ मुॽइसाबासिरो, थेआङ्भ़ेल्ल़े ख़ेङ्हाॽ लुङ्माॽ म़ेदुक्तुसिॽरो॥ |
| 23311 | MAT 5:8 | सिक्लुङ्मो सेसे क़ेवाॽबाहाॽ मुॽइसाबासिरो, थेआङ्भ़ेल्ल़े ख़ेङ्हाॽऱे निङ्वाॽफुमाङ्ङिन् म़ेनिःसुॽरो॥ |
| 23312 | MAT 5:9 | नादङ् क़ेजोःक्पाहाॽ मुॽइसाबासिरो, थेआङ्भ़ेल्ल़े ख़ेङ्हाॽग निङ्वाॽफुसाः म़ेबोःङ्लो॥ |
| 23313 | MAT 5:10 | साम्योनिबा याःम्बक् म़ेजोगुल्ल़े मनाहाॽऱे तुक्खे म़ेजाःत्तुसिबाहाॽ मुॽइसाबासिरो, थेआङ्भ़ेल्ल़े साङ्ग्राम्पेदाङ्बा हाङ्जुम्मिङ्ग ख़ेङ्हाॽऱेन्नेरो॥ |
| 23314 | MAT 5:11 | इङ्गाॽ चोगुङ्ङिल्ल़े मनाहाॽऱे खिनिॽ किनाःन्दि क़ेम्बिरिॽ, तुक्खे क़ेम्जाःत्तिआङ् खिनिॽ तक्ल़ेङ्वाओ फोत्याबा फ़ेन् पाःन्हाॽ म़ेबाःत्तुल्ल़े मुॽइसाबा क़ेबोःक्खिरो॥ |
| 23315 | MAT 5:12 | ख़ेन् य़ेम्मो पसःत् सःत्त़ेम्म़ेॽओ, थेआङ्भ़ेल्ल़े साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् क़ेबाःप्पाहाॽआङ् मनाहाॽऱे बा ह़ेक्केए म़ेम़ेत्तुसिरो॥ |
| 23316 | MAT 5:13 | खिनिॽग इक्सादिङ् खाम्बेःक्माओबा युम्निङ्लो, कर युम्मिल्ल़े कुलिम्म़ेन् माःबेःक्ऩे फाॽग्र याम्मो क़ेलिम्बा चोःक्मा सुक्म़ेद़ेत्ऩेन्लो॥ ख़ेल्ल़े कुयाःम्बक् थेआङ् होःप्लो, कर ख़ेङ्ग लाप्फुमा पोःङ्ङाङ् मनाहाॽऱे म़ेदोॽरुरो॥ |
| 23318 | MAT 5:15 | आत्तिल्ल़ेआङ् सेमिःन् हाःन्दुआङ् नइमाल्ल़े म़ेसुःप्तुन्, कर हिम् सिगाङ्बा क़ेऱेक् मनाहाॽ खानिःमा म़ेसुक्ल फाॽआङ् थो सेमि युङ्द़ेन्नो युक्खुॽरो॥ |
| 23319 | MAT 5:16 | ह़ेक्केलॽरिक् सेमिःन् ओःप्पा ह़ेक्केए खिनिॽ क़ेजोगुम्बा सुयाःम्बक्हाॽ मनाहाॽ ओसेःन्धाक्त़ेम्सिम्म़ेॽओ, ह़ेक्क्याङ् साङ्ग्राम्पेदाङ्बा खिनिॽ निङ्वाॽफुपाःल्ल़े कुनारा म़ेभोःसुॽरो॥ |
| 23320 | MAT 5:17 | इङ्गाॽ निङ्वाॽफुमाङ्ङिल्ल़े मोसाःन् पिरुबा साम्योथिम्मिन् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् कुसुम् म़ेन्दम्नाबा चोःक्स़े त्याङ्बा फाॽआङ् म़ेइःत्त़ेम्मिन्ऩेॽओ॥ इङ्गाॽग कुसुम्म़ेन्दम्नाबा चोःक्स़े म़ेःन्, कर ख़ेङ्हाॽ कुलिङ्धो क़ेत्छ़ेऩे त्याङ्बारो॥ |
| 23321 | MAT 5:18 | स़ेक्खाए इङ्गाॽ म़ेत्निङ्, इक्सादिङ् खाम्बेःक्मान् नु ताङ्साक्प़ेन्माःमा पेःक्मानुःल्ल़े तगि साम्योथिम्मो क़ेबप्पा क़ेऱेक् पाःन्निन् म़ेङ्ग़ेत्ते थारिक् ख़ेप्मोबा क़ेऱेक्नुःल्ल़े चुक्सा पाःन्धिक्काङ् म़ेमाःऩेन्लो॥ |
| 23322 | MAT 5:19 | हाःत्ल़े कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा ह़ेक्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो ख़ेन् चुक्सा पोःङ्लो, कर हाःत्ल़े कन् इङ्जाःङ्हाॽ इःत्तु-नाःत्तुआङ् वेॽहाॽ ह़ेक्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो ख़ेन् पयम् यम्बा पोःङ्लो॥ |
| 23323 | MAT 5:20 | कर ख़ेप्स़ेम्म़ेॽओ, फरिसिहाॽ ह़ेक्क्याङ्साम्योथिम्साम्बाहाॽनुःल्ल़ेआङ् निङ्वाॽफुमाङ्ङिल्ल़े कुइङ्जाःङ्हाॽ खिनिॽ नुःरिक्काङ् क़ेन्इःत्तुम्मिन् क़ेन्नाःत्तुम्मिन्ऩे फाॽग्र स़ेक्खासाङ् खिनिॽ साङ्ग्राम्पेदाङ्बा हाङ्जुम्मो क़ेन्लासिन्लो॥” |
| 23324 | MAT 5:21 | आल्ल, “उन्छेःन् मोसाऱे कुसाम्यो इङ्जाःङ्ङिल्ल़े अक्खे पाःत्तुबान् खिनिॽ क़ेघ़ेप्सुम्माङ् क़ेवयिॽ, ‘मना म़ेस़ेऱेन्ऩेॽओ, थेआङ्भ़ेल्ल़े मना क़ेस़ेप्पाल्ल़े खुम्दिङ् खोःसुॽरो,’ |
| 23325 | MAT 5:22 | कर इङ्गाॽ म़ेत्निङ्, हाःत् कुन्साॽइन्नु कुयाःक् ल़ेॽ, ख़ेल्ल़े खुम्दिङ् खोःसुॽरो॥ याम्मो हाःत्ल़े कुन्साॽइन् ‘अदङ्’ म़ेत्तुॽ, ख़ेङ्ग क़ेऱेक्नुःल्ल़े यम्बा यहुदि खास़ेन्लोःम्बाहाॽऱे खुनिॽ तगि म़ेय़ेप्सुॽ, कर हाःत्ल़े कुन्साॽइन् साक्मुरा म़ेत्तुॽ, ख़ेङ्ग ख़ेमायङ्सङ्ङोबा मिओ पेःक्मा सुक्लो॥ |
| 23328 | MAT 5:25 | आप्तिक् क़ेगुःप्पाल्ल़े ख़ेऩेॽ खास़ेन्द़ेन्नो तेॽमानुःल्ल़े तगि खुऩेॽनु नादङ् चोग़ेॽओ, म़ेःन्ऩे फाॽग्र ख़ेऩेॽ खास़ेन्लोःम्बाल्लो क़ेदेॽआङ् खास़ेन्लोःम्बाल्ल़े तिलिङ्गाहाॽरो हुक्क़ेसुप्, ह़ेक्क्याङ् ख़ेङ्हाॽऱे पुङ्लाहिम्मो क़ेम्साक्लो॥ |
| 23329 | MAT 5:26 | इङ्गाॽ स़ेक्खाए म़ेत्ऩेॽ, ख़ेप्मो साम्बाःन्याङ् क़ेऱेक् म़ेन्हुङ्ङे थारिक् ख़ेप्मोए क़ेयाक्लो॥” |
| 23330 | MAT 5:27 | आल्ल, “खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयि, ‘ख़ेऩेॽ चाराम्मा याःम्बक् म़ेजोग़ेन्ऩेॽओ’ |
| 23331 | MAT 5:28 | कर इङ्गाॽ म़ेत्निङ् आत्तिल्ल़े फ़ेन् निङ्वाॽ इःत्तुर म़ेन्छुमाॽइन् ओम़ेत्तुॽ, ख़ेल्ल़ेग तगिए ख़ेन् म़ेन्छुमाॽइन्नु कुनिङ्वाॽबो चाराम्मा याःम्बक् चोगुदेःसुरो॥ |
| 23334 | MAT 5:31 | “याम्मो मोसाऱे कुसाम्यो इङ्जाःङ्ङिल्ल़े अक्खे पाःत्तुआङ् वाॽ, ‘आत्तिल्ल़े मेलिङ्ग़ेन् कुमेःत्तिन् नाॽरु, ख़ेल्ल़े नाॽऩेबारो फाॽआङ् साप्ला साप्मा पिमा पोःङ्॥’ |
| 23335 | MAT 5:32 | कर इङ्गाॽ खिनिॽ म़ेत्निङ्, हाःत्ल़े वेॽहाॽनु चाराम्मा याःम्बक् म़ेन्जोःक्के क़ेवाॽमा मेलिङ्ग़ेन् कुमेःत्तिन् नाॽरुॽ ख़ेल्ल़े ख़ेन् कुमेःत्तिन् चाराम्मा याःम्बक् क़ेजोःक्मा चोगुॽरो॥ ह़ेक्क्याङ् आत्तिल्ल़े ख़ेन् म़ेन्छुमाॽइन्नु मेःक्खिम् चोगुॽ ख़ेल्ल़ेआङ् चाराम्मा याःम्बक् चोगुॽरो॥” |
| 23336 | MAT 5:33 | “याम्मो खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयिॽ, ‘खिनिॽ क़ेजोगुम्बा माङ्ह़ेक्किन्म़ेभेःन्द़ेम्म़ेन्ऩेॽ, कर यहवे दाङ्बान्नु क़ेजोगुम्बा माङ्ह़ेक्किन्क़ेग़ेत्तुम्लए पोःङ्लो॥’ |
| 23337 | MAT 5:34 | कर इङ्गाॽ खिनिॽ म़ेत्निङ्, आप्फाल्ल़ेआङ् माङ्म़ेह़ेक्कासिम्म़ेन्ऩेॽ॥ ह़ेक्केलॽरिक् साङ्ग्राम्पेदाङ्ङिल्ल़े कुमिङ्ङोआङ् म़ेःन्, थेआङ्भ़ेल्ल़े ख़ेङ्ग निङ्वाॽफुमाङ् युक्नारो॥ |
| 23338 | MAT 5:35 | ह़ेक्क्याङ् इक्सादिङ् खाम्बेःक्माल्ल़े कुमिङ्ङोआङ् माङ्म़ेह़ेक्कासिम्म़ेन्ऩेॽओ, थेआङ्भ़ेल्ल़े ख़ेङ्ग खुऩेॽ कुलाङ् तोॽभेःत्लो॥ ह़ेक्केलॽरिक्के यरुसल़ेम्मिल्ल़े कुमिङ्ङोआङ् माङ्म़ेह़ेक्कासिम्म़ेन्ऩेॽ, थेआङ्भ़ेल्ल़े ख़ेङ्ग पयम् यम्बा हाङ्ङिल्ल़े कुय़ेक्यक्लो॥ |
| 23339 | MAT 5:36 | ह़ेक्केलॽरिक्के खिनिॽ थ़ेगेःक्पाल्ल़ेन् माङ्म़ेह़ेक्कासिम्म़ेन्ऩेॽ, थेआङ्भ़ेल्ल़े खिनिॽ थ़ेगेःक्इधिक्काङ् फःग़ेलॽबा इग्र माक्क़ेलॽबा चोःक्मा क़ेन्छुक्तुम्मिल्लो॥ |
| 23340 | MAT 5:37 | खिनिॽ पाःन्निङ्ग ‘ओ’ ऩे फाॽग्र ‘ओ’ पाःत्त़ेम्म़ेॽ, ‘म़ेःन्’ ऩे फाॽग्र ‘म़ेःन्’ पाःत्त़ेम्म़ेॽ॥ ख़ेन्नाङ्धोबाङ्ग माफ़ेन्साम्लाम् क़ेदाःबारो॥” |
| 23341 | MAT 5:38 | “मोसाऱे कुसाम्यो इङ्जाःङ्ङिल्ल़े ‘मिक्किल्ल़े कुल़ेक्वा मिक्, ह़ेक्क्याङ् हाबोॽबाल्ल़े कुल़ेक्वा हाबोॽबा’ लॽरिक् पाःत्तुबान् क़ेघ़ेप्सुम्माङ् क़ेवयिॽ, |
| 23342 | MAT 5:39 | कर इङ्गाॽ खिनिॽ म़ेत्निङ्, मनाहाॽऱे ताप्फ़ेःल्लिक् क़ेम्म़ेत्तिल्ल़े ख़ेङ्हाॽ ताप्फ़ेःल्लिक् म़ेम़ेत्त़ेम्सिम्म़ेन्ऩेॽ॥ आत्तिल्ल़े चुप्साङ् ल़ेप्माङ्बा क़ेऩेद़ेङ्बान् क़ेल़ेङ् क़ेबिॽ, ख़ेन् वेॽस्मान्नाङ् तोःन्द़े पिऱेॽ॥ |
| 23343 | MAT 5:40 | ह़ेक्क्याङ् आत्तिल्ल़े क़ेजाङ्मा तेःत्तिन् नाप्माऱे लागि खास़ेन्द़ेन्नो क़ेदेॽ, ख़ेन् क़ेघाम्मा क़ेलोमाहाॽआङ् पिऱेदेःस़ेॽओ॥ |
| 23345 | MAT 5:42 | क़ेनाःक्पाहाॽ ख़ेऩेॽ पिऱेस़ेॽ, आत्तिल्ल़े थ़ेत्ला क़ेनाःक् ख़ेन् पिऱेॽओ॥” |
| 23346 | MAT 5:43 | “मोसाऱे कुसाम्यो इङ्जाःङ्ङिल्ल़े क़ेबाङ्भेॽसाबाहाॽ लुङ्माॽ तुक्त़ेस़ेॽआङ् क़ेनिङ्मिहाॽ चिःत्त़ेस़ेॽ लॽरिक् पाःत्तुबा क़ेघ़ेप्सुम्माङ् क़ेवयिॽ, |
| 23347 | MAT 5:44 | कर इङ्गाॽ खिनिॽ म़ेत्निङ्, निङ्मिहाॽ लुङ्माॽ तुक्त़ेम्सिम्म़ेॽआङ् खिनिॽ ताप्फ़ेःल्लिक्क़ेम़ेप्पाहाॽ तुवा चोग़ेम् पिऱेम्सिम्म़ेॽओ॥ |
| 23349 | MAT 5:46 | खिनिॽ लुङ्माॽ क़ेदुक्पाहाॽरक् लुङ्माॽ क़ेदुक्तुम्सिम्ऩे फाॽग्र खिनिॽ थे हाङ्स़ेम्मिन् क़ेघोःसुम्माङ्बे? ह़ेक्तङ्बा याःम्बक्किङ्ग एःङ्याङ् क़ेभोःङ्बाहाॽऱेआङ् म़ेजोगुरो॥ |
| 23350 | MAT 5:47 | फुॽनुसाॽहाॽनुरक् खिनिॽ सेवा क़ेमःइऩे फाॽग्र वेॽहाॽनुःल्ल़े थे यम्बा याःम्बक् क़ेजोगुम्माङ्बे? ख़ेङ्ग निङ्वाॽफुमाङ्ङिन् कुसिङ् म़ेन्निःप्मनाबाहाॽऱेआङ् म़ेजोगुरो॥ |
| 23352 | MAT 6:1 | य़ेसुऱे याम्मो म़ेत्तुसि, “सिङ्सिङ् य़ेक्य़ेक् लॽऱेम्म़ेॽओ, खिनिॽ क़ेजोगुम्बा साम्योनिबा याःम्बक्हाॽ मनाहाॽऱे म़ेनिःसुआङ् खिनिॽ नारा म़ेभोःसुर फाॽआङ् मना तगि म़ेजोग़ेम्मिन्ऩेॽओ॥ ह़ेक्के क़ेजोगुम्ऩे फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् क़ेङ्घोःसुम्मिन्लो॥ |
| 23353 | MAT 6:2 | ह़ेक्केलॽरिक् म़ेङ्गप्मनाबाहाॽ कुजा क़ेबिरुसिल्ल़े वेॽहाॽऱे म़ेघ़ेप्सुर म़ेनिःसुर फाॽआङ् मुक्ला म़ेमुक्ख़ेन्ऩेॽओ॥ कुनिङ्वाॽ क़ेजिःप्पाहाॽऱे यहुदि चुम्लुङ्हिम्मो नु लाम्लाम्मो मनाहाॽऱे म़ेनिःसुआङ् खुनिॽ नारा म़ेभोःसुर फाॽआङ् ह़ेक्के म़ेजोगुॽ॥ इङ्गाॽ स़ेक्खाए म़ेत्ऩेॽ, ख़ेङ्हाॽऱे खुनिॽ हाङ्स़ेम्मिङ्ग तगिसा म़ेघोःसु म़ेसुरुआङ् म़ेवाॽ॥ |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23357 | MAT 6:6 | कर ख़ेऩेॽ तुवा क़ेजोगुल्ल़े क़ेहिम्लक्सिङ्सिगाङ् लाःस़ेॽआङ् लाम्धेःप्पान्सुब़ेॽ, ह़ेक्क्याङ् निःम़ेन्द़ेप्मनाबा पानुदिङ् क़ेम्बानु एःक् तुवा चोग़ेॽओ॥ ह़ेक्क्याङ् स्वाःत्ताङ् चोःक्मनाबा याःम्बक् क़ेनिःबा पानुदिङ् क़ेम्बाऱे हाङ्स़ेम् क़ेबिरो॥ |
| 23358 | MAT 6:7 | ह़ेक्क्याङ् तुवा क़ेजोगिल्ल़े निङ्वाॽफुमाङ्ङिन् कुसिङ् म़ेन्निःप्मनाबाहाॽ ह़ेक्के मनाहाॽऱे म़ेघ़ेप्सुर मुनुनु म़ेलॽऱेम्मिन्ऩेॽओ, थेआङ्भ़ेल्ल़े ख़ेङ्हाॽऱेग यरिक् म़ेबाःत्तिल्ल़ेरक् माङ्ङिल्ल़े खुनिॽ तुवाःन् ख़ेप्सुॽ फाॽआङ् म़ेइःत्तुॽरो॥ |
| 23359 | MAT 6:8 | कर खिनिॽ ख़ेङ्हाॽ ह़ेक्के म़ेजोग़ेम्मिन्ऩेॽओ, थेआङ्भ़ेल्ल़े नाःक्मानुःल्ल़े तगिए साङ्ग्राम्बा पानुदिङ् खिनिॽ पाःल्ल़े क़ेङ्गत्तुम्मिन्बान् निःसुॽरो॥ |
| 23360 | MAT 6:9 | ख़ेल्ल़े चोगुल्ल़े अक्खेलॽरिक् तुवा चोग़ेम्म़ेॽओ– ‘साङ्ग्राम्पेदाङ्ङो क़ेवाॽबा आनिग़े पानुदिङ् पाए, मनाहाॽऱे क़ेमिङ्ङिन् सेसे म़ेइःत्तुर मिङ्सो इङ्धाःङ् क़ेम्बिररो॥ |
| 23361 | MAT 6:10 | क़ेहाङ्जुम्मिन् ताररो, ह़ेक्क्याङ् साङ्ग्राम्पेदाङ्ङो ह़ेक्के इक्सादिङ् खाम्बेःक्मोआङ् क़ेनिङ्वाॽ कुइसिःक्के म़ेजोगुररो॥ |
| 23364 | MAT 6:13 | हङ्साॽमो आन्धाःस़ेन्ऩेॽओ, कर माफ़ेन्साम्लाम् आस़ेःप्त़ेॽओ॥ ((थेआङ्भ़ेल्ल़े हाङ्जुम्, मुक्साम् नु मिमिदिङ्ङिन् सदादिङ् ख़ेऩेॽइन्नेरो॥))’ |
| 23367 | MAT 6:16 | “ह़ेक्क्याङ् खिनिॽ चाःऩेत् क़ेयुङ्ङिल्ल़े निङ्वाॽ क़ेजिःप्पाहाॽ कुइसिःक् खिनिॽ ना म़ेमाक्त़ेम्मिन्ऩेॽओ, थेआङ्भ़ेल्ल़े ख़ेङ्हाॽ चाःऩेत् म़ेयुङ्ङिल्ल़े वेॽ मनाहाॽऱे निङ्वाॽ म़ेघोःसुर फाॽआङ् खुनिॽ नाराःन् म़ेगिःन्दुर म़ेयुङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱेग खुनिॽ हाङ्स़ेम्मिन् क़ेऱेक् म़ेघोःसु म़ेसुरुआङ् म़ेवाॽरो॥ |
| 23369 | MAT 6:18 | ह़ेक्केलॽरिक् ख़ेऩेॽ चाःऩेत् क़ेयुङ्बान् वेॽ मनाहाॽऱे निङ्वाॽ म़ेङ्घोःसुन्लरो, कर निःम़ेन्द़ेप्मनाबा पानुदिङ् क़ेम्बा निङ्वाॽफुमाङ्ङिल्ल़ेरक् निःसुररो॥ ह़ेक्के क़ेजोगुल्ल़े स्वाःत्ताङ् चोःक्मनाबा क़ेनिःबा पानुदिङ् क़ेम्बाऱे हाङ्स़ेम् क़ेबिॽरो॥” |
| 23370 | MAT 6:19 | “इक्सादिङ् खाम्बेःक्मो याङ्साकुन्धे म़ेलुप्स़ेन्ऩेॽओ॥ ख़ेप्मोग थक्पाहाॽऱे म़ेजःॽ, हिङ्धोःक्किल्ल़े यःन्दुॽ, ह़ेक्क्याङ् खुःन्द्रिक्पाहाॽऱे म़ेघुःत्तुॽरो॥ |
| 23371 | MAT 6:20 | कर साङ्ग्राम्पेदाङ्ङो याङ्साकुन्धे लुप्स़ेम्म़ेॽओ॥ ख़ेप्मोग थक्पाहाॽऱे म़ेन्जऩेन्, हिङ्धोःक्किल्ल़ेआङ् म़ेयःत्छुन्, ह़ेक्क्याङ् खुःन्द्रिक्पाहाॽऱेआङ् म़ेन्घुःत्तुन्लो॥ |
| 23372 | MAT 6:21 | थेआङ्भ़ेल्ल़े आत्तो खिनिॽ याङ्साकुन्धेःन् वाॽ, ख़ेप्मोए खिनिॽ निङ्वाॽइन्नाङ्पेःक्लो॥ |
| 23373 | MAT 6:22 | मिक्किङ्ग नासिङ्ग़ेन् थक्कोबा सेमिरो, ख़ेल्ल़े चोगुल्ल़े क़ेमिक्किन् नुॽऩे फाॽग्र, क़ेऱेक् नासिङ्ग़ेन् क़ेधक्किन् ओःत्लो॥ |
| 23375 | MAT 6:24 | आत्तिल्ल़ेआङ् ऩेप्फु दाङ्बाहाॽ सेवा चोःक्मासि म़ेसुक्तुन्सिन्लो॥ ख़ेल्ल़े थिक्किन् नुःरिक् म़ेत्तुॽआङ् वेॽस्मान् चिःत्तुॽरो, म़ेःङ्ग्र थिक्किन् इङ्धाःङ् पिरुआङ् वेॽस्मान् इङ्धाःङ् म़ेबिरुन्लो॥ ख़ेऩेॽ निङ्वाॽफुमाङ्ङिन् नु याङ्साकुन्धेःन् सोसोरिक् सेवा चोःक्मा क़ेन्छुक्तुन्लो॥” |
| 23376 | MAT 6:25 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, कन् ऩेत्तिग़ेन् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, ह़ेक्केलॽरिक्के कन् नासिङ्ग़ेन् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ ऩेत्तिग़ेन् हिङ्मन्निन् चामा थुङ्मानुःल्ल़े ह़ेक्क्याङ् नासिङ्ग़ेन् थक्किन् चाङ्मा वाःप्मानुःल्ल़े नुःबा म़ेजोःक्ऩेन्बि? |
| 23377 | MAT 6:26 | पुसाहाॽ ओम़ेत्त़ेम्सिम्म़ेॽ, ख़ेङ्हाॽऱे चा म़ेन्देःसुन् म़ेन्छुप्सुन् ह़ेक्क्याङ् याङ्म़ेङ्घोःत्तुन्छाङ्साङ्ग्राम्पेदाङ्बा खिनिॽ पाःल्ल़े ख़ेङ्हाॽ चामा पिरुसिरो॥ ह़ेक्केःल्ल़े खिनिॽ ख़ेङ्हाॽनुःल्ल़ेआङ् इम़ेल्लुङ्बा क़ेन्जोगिम्बि? |
| 23379 | MAT 6:28 | ह़ेक्केःल्ल़े थ़ेमाःन्चाङ्मा वाःप्माबे फाॽआङ् थेआङ् निङ्साम्मो क़ेध्य़ेॽइबाबे? ताम्भुङ्मो क़ेलिङ्बा फुङ्ङिन् ओम़ेत्त़ेम्म़ेॽ, ख़ेङ्हाॽ याःम्बक् म़ेन्जोःक्ऩेन्खिःआङ् म़ेन्लःन्ऩेन्॥ |
| 23380 | MAT 6:29 | कर इङ्गाॽ म़ेत्निङ्, सोलोमन हाङ्ङिन् मिङ्सोधाःङ्सोओ मुक्त़ेआङ् वय़ेसाङ् ख़ेन् यारिक्काङ् नुःबा तेःत् म़ेजाक्सिङ्ङिन्लो॥ |
| 23381 | MAT 6:30 | नसाःन् क़ेसुःम्बासे, आइन् क़ेलिङ्बाआङ् ताःन्दिक् मिओ लाप्फुमा क़ेबोःङ्बा याःन् फुङ्हाॽ निङ्वाॽफुमाङ्ङिल्ल़े ख़ेन् यारिक् नुःबा चोगुसिल्ल़े ख़ेन्नुःल्ल़े नुःरिक्काङ् तेःत् खिनिॽ क़ेन्जाःक्तिम्बि? |
| 23382 | MAT 6:31 | ख़ेल्ल़े चोगुल्ल़े थेःन् चामा थुङ्मा बे, थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ |
| 23383 | MAT 6:32 | थेआङ्भ़ेल्ल़े थिम्म़ेन्दङ् सुवाङ्हाॽऱे खुनिॽ निङ्वाॽइन्बा ख़ेन् पाःन्हाॽओ पत्लो, कर साङ्ग्राम्पेदाङ्ङोबा खिनिॽ पानुदिङ् पाःल्ल़े कन् क़ेऱेक् पाःन्हाॽ चाहाबा क़ेजोगिॽ फाॽआङ् निःसुरो॥ |
| 23385 | MAT 6:34 | ख़ेल्ल़े चोगुल्ल़े ताःन्दिक् थे पोःङ् फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, थेआङ्भ़ेल्ल़े ताःन्दिक्पा तुक्खेःन् ताःन्दिक्के पोःङ्, ह़ेक्क्याङ् आइन्बा तुक्खेःन् आइन्छा यरिक् पोःक्ख़ेआङ् वाॽरो॥” |
| 23386 | MAT 7:1 | य़ेसुऱे याम्मो पाःत्तु, “मनाहाॽ पाःन् म़ेधिक्त़ेम्सिम्म़ेन्ऩेॽ, ह़ेक्केलॽरिक् निङ्वाॽफुमाङ्ङिल्ल़े खिनिॽआङ् पाःन् क़ेन्धिक्तिन्लो॥ |
| 23387 | MAT 7:2 | वेॽहाॽ पाःन् क़ेधिक्तुम्सिम्बा ह़ेक्केए निङ्वाॽफुमाङ्ङिल्ल़े खिनिॽआङ् पाःन् क़ेधिक्तिॽरो॥ आक्खेलॽरिक् वेॽहाॽ क़ेम़ेत्तुम्सिम्, बा ह़ेक्केलॽरिक्के निङ्वाॽफुमाङ्ङिल्ल़े खिनिॽआङ् क़ेम़ेत्तिॽरो॥ |
| 23388 | MAT 7:3 | आबाङे मिक्को सिङ्घङ्म़ेन्निःमनाबाल्ल़े आक्खेलॽरिक् क़ेन्साॽऱे कुमिक्कोबा साप्सेःक्किन् क़ेनिःसुबे? |
| 23389 | MAT 7:4 | आबाङे मिक्को सिङ्घङ्म़ेन्निःमनाबाल्ल़े आक्खेलॽरिक् क़ेन्साॽइन् क़ेमिक्कोबा साप्सेःक्किन् लःत्तुङ्पिऩे फाॽआङ्म़ेप्मा क़ेसुक्तुबे? |
| 23390 | MAT 7:5 | कुनिङ्वाॽ क़ेजिःप्पाए, क़ेऱेक्नुःल्ल़े तगि आबाङे क़ेमिक्कोबा सिङ्घङ्ङिन् लःत्त़ेदेःस़ेॽओ, ह़ेक्क्याङ्लक् क़ेन्साॽऱे कुमिक्कोबा साप्सेःक्किन् नुःरिक् क़ेनिःसुआङ् लःप्मा क़ेसुक्तुॽरो॥ |
| 23391 | MAT 7:6 | सेसे चिगःक्वाःन् ख्याबाहाॽ म़ेबिऱेम्सिम्मिन्ऩेॽ, म़ेःन्ऩे फाॽग्र ख़ेङ्हाॽ हिल्लिक्म़ेहिसिङ् ह़ेक्क्याङ् क़ेम्भत्तिॽआङ् क़ेम्हाॽरिरो॥ ह़ेक्क्याङ् फाक्हाॽऱे खुनिॽ तगि त़ेक्सेःक्किन् म़ेस़ेस़ेम्मिन्ऩेॽओ, ख़ेङ्हाॽऱे म़ेदोॽरु म़ेलाःक्तुॽरो॥” |
| 23392 | MAT 7:7 | “नाःक्त़ेम्म़ेॽ, ह़ेक्क्याङ् खिनिॽ क़ेम्बिरिॽ॥ कोःत्त़ेम्म़ेॽ, ह़ेक्क्याङ् खिनिॽ क़ेघोःसुम्॥ लाम्धेःप्पो पेग़ेम्म़ेॽआङ् खक्खक्म़ेत्त़ेम्म़ेॽ ह़ेक्क्याङ् खिनिॽ लागि हन्लो॥ |
| 23393 | MAT 7:8 | थेआङ्भ़ेल्ल़े क़ेनाःक्पाहाॽ निङ्वाॽफुमाङ्ङिल्ल़े पिरुसिॽ, क़ेगोःप्पाहाॽऱे म़ेघोःसुॽ, ह़ेक्क्याङ् लाम्धेःप्पो क़ेबेःक्पाआङ् खक्खक्क़ेम़ेप्पाहाॽ खुऩेॽ लाम्धेःप्प़ेन्हन्दु पिरुसिॽरो॥ |
| 23394 | MAT 7:9 | आत्तिल्ल़े कुस्साःन् कुजा नाःक्किल्ल़े लुङ्ङिन् पिरुबे? |
| 23395 | MAT 7:10 | इग्र ङासाःन् नाःक्तुल्ल़े असेःक्प़ेन्पिरुबे? |
| 23396 | MAT 7:11 | खिनिॽ निङ्वाॽ क़ेभ़ेॽबा क़ेजोगिसाङ् खिनिॽ साःहाॽऱे म़ेनाःक्तुल्ल़े नुःबा पाःन्हाॽ पिमा क़ेल़ेस्सुम्ऩे फाॽग्र, ख़ेन्नुःल्ल़ेआङ् यरिक् खिनिॽ साङ्ग्राम्पेदाङ्ङोबा पानुदिङ् पाःल्ल़े खुऩेॽ क़ेनाःक्पाहाॽ नुःबा पाःन्हाॽ पिरुसिॽरो॥” |
| 23397 | MAT 7:12 | “क़ेऱेक् पाःन्नो मनाहाॽऱे आक्खेलॽरिक् खिनिॽ क़ेम्म़ेत्ति क़ेम्इःत्तिबा निङ्वाॽ क़ेजोगुम्, ह़ेक्केलॽरिक्के खिनिॽआङ् ख़ेङ्हाॽ इःत्त़ेम्सिम्म़ेॽओ, थेआङ्भ़ेल्ल़े कन् थिम्मो मोसाऱे साप्तुबा साम्योथिम् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् क़ेत्लो॥” |
| 23398 | MAT 7:13 | “चिभिःप्फिःप्पा लाःप्माद़ेन्नोलाम् निङ्वाॽफुहाङ्जुम्मो लाःस़ेम्म़ेॽओ, थेआङ्भ़ेल्ल़े यम्बा लाःप्माद़ेन् नु ताम्दाम्बा लाम्मिल्ल़ेग म़ेक्माओ क़ेदेॽरिॽरो॥ ख़ेन्लाम्बा यरिक् मनाहाॽ म़ेलाःत्लो॥ |
| 23400 | MAT 7:15 | “इङ्ल़ेक्पा माङ्निङ्वाॽपाःन् क़ेबाःप्पाहाॽनु सिङ्सिङ् य़ेक्य़ेक् लॽऱेम्म़ेॽओ, ख़ेङ्हाॽग लाःक्कात्लाम् म़ेल्लुक् कुइसिःक् म़ेल़ेङ्सिङ्ङाङ् खिनिॽओ म़ेदारो, कर सिगाङ्ग ख़ेङ्हाॽ किप्मा क़ेघुःबा पराबासिरो॥ |
| 23402 | MAT 7:17 | ह़ेक्केलॽरिक्के क़ेऱेक् नुःबा सिङ्बुङ्ङो नुःबाए सिङ्सेॽइन् थोःक्लो, ह़ेक्क्याङ् ताप्फ़ेःम्बा सिङ्बुङ्ङो ताप्फ़ेःम्बाए सिङ्सेॽइन् थोःक्लो॥ |
| 23403 | MAT 7:18 | ह़ेक्क्याङ् नुःबा सिङ्बुङ्ङो ताप्फ़ेःम्बा सिङ्सेॽइन् म़ेधोःक्ऩेन्लो, ह़ेक्क्याङ् ताप्फ़ेःम्बा सिङ्बुङ्ङो नुःबा सिङ्सेॽइन् म़ेधोःक्ऩेन्लो॥ |
| 23406 | MAT 7:21 | आल्ल “‘आदाङ्बे, आदाङ्बे’, लॽरिक् याप्मि क़ेम़ेप्पाहाॽ क़ेऱेक् साङ्ग्राम्पेदाङ्बा हाङ्जुम्मो म़ेन्लाःत्ऩेन्लो, कर साङ्ग्राम्पेदाङ्ङो क़ेवाॽबा पानुदिङ् आम्बाऱे कुनिङ्वाॽ ह़ेक्के क़ेजोःक्पाहाॽरक् म़ेलाःत्लो॥ |
| 23407 | MAT 7:22 | खास़ेन् य़ेन्नो यरिक् मनाहाॽ म़ेदाआङ् अक्खे म़ेम़ेत्तारो, ‘आदाङ्बे, आदाङ्बे, ख़ेऩेॽ क़ेमिङ्ङो माङ्निङ्वाॽपाःन् पारिग़ेरो, ह़ेक्क्याङ् ख़ेऩेॽ क़ेमिङ्ङो फ़ेन्साम्हाॽ नाःत्तुम् लःत्तुम्सिम्ब़ेआङ् निङ्वाॽ क़ेमाबा याःम्बक्हाॽ चोगुम्ब़ेरो॥’ |
| 23408 | MAT 7:23 | कर ख़ेन् य़ेम्मो ख़ेङ्हाॽ इङ्गाॽ अक्खे म़ेत्तुङ्सिङ्, ‘खिनिॽग आप्फाल्ल़ेआङ् कुसिङ् निःत्निङ्बा होःप्लो॥ खिनिॽ पानुदिङ् आम्बाऱे कुनिङ्वाॽ ह़ेक्के म़ेन्जोःक्के फ़ेन् याःम्बक् क़ेजोःक्पासे, कप्मोलाम् पेग़ेम्म़ेॽ!’” |
| 23410 | MAT 7:25 | ह़ेक्क्याङ् पाङ्ग़ेन्दिङ् वाहित् थ्य़ेआङ्, यङ्घङ्ङिन् कुक्ख़े य़े, ह़ेक्क्याङ् किप्मा क़ेघुःबा सुरित् केजङ् हुःऱेआङ् ख़ेन् हिम्मिन् हिप्तुसाङ् म़ेजोःन्द़ेन्लो, थेआङ्भ़ेल्ल़े ख़ेन् हिम्मिल्ल़ेन् हिम्पाङ्यक्किङ्ग पयम् यम्बा लुङ् सम्दाङ् ऩेस्स़ेरो॥ |
| 23412 | MAT 7:27 | पाङ्ग़ेन्दिङ् वाहित् थ्य़ेआङ्, यङ्घङ्ङिन् कुक्ख़े य़े, ह़ेक्क्याङ् किप्मा क़ेघुःबा सुरित् केजङ् हुःऱेआङ् ख़ेन् हिम्मिन् हिप्तुल्ल़े यऱेबेरो॥” |
| 23413 | MAT 7:28 | य़ेसुऱे कन् क़ेऱेक् पाःन्हाॽ पाःत्तु सुरु, ह़ेक्क्याङ् कुनिसाम् क़ेघ़ेम्बा यरिक् मनाहाॽऱे खुनिॽ निङ्वाॽ मय़ेरो, |
| 23414 | MAT 7:29 | थेआङ्भ़ेल्ल़े खुऩेॽग साम्योथिम्साम्बाहाॽ कुइसिःक् म़ेःन्, कर युक् क़ेगप्पा कुइसिःक् हुॽरुसिरो॥ |
| 23416 | MAT 8:2 | हक्चघत् ख़ेप्मो लोगेॽ तुक्माल्ल़े तरुबा मनाधिक् कुदगि थुङ्बोहजॽ युङ्सिङ्ङाङ् ख़ेल्ल़े अक्खे म़ेत्तु, “आदाङ्बे, ख़ेऩेॽ निङ्वाॽ क़ेजोगुऩे फाॽग्र इङ्गाॽ वेःम्मा क़ेसुक्कारो॥” |
| 23417 | MAT 8:3 | य़ेसुऱे कुहुक्किन् सन्छुर ख़ेन् मनाःन् सुःसुआङ् अक्खे म़ेत्तु, “इङ्गाॽ निङ्वाॽ चोगुङ्लो॥ ख़ेऩेॽ नुऱेॽओ!” खिमो ख़ेन् मनाःन् लोगेॽ तुक्मालाम् नुःऱेरो॥ |
| 23418 | MAT 8:4 | ह़ेक्क्याङ् य़ेसुऱे ख़ेन् म़ेत्तु, “आत्तिन् मनाःन्नाङ् कन् पाःन्निन् म़ेम़ेत्त़ेन्ऩेॽओ, कर माङ्हिम्मो पेग़ेॽआङ् नुःराङ्लो फाॽआङ् निङ्वाॽफुसाम्बाल्लो ओसेःन्धाक्सिङ्ङ़ेॽओ, ह़ेक्क्याङ् मोसाऱे कुसाम्योथिम्मो साप्त़ेबा कुइसिःक् सिदुङ्जभा चोग़ेॽओ॥ ह़ेक्केलॽरिक् क़ेऱेक् मनाहाॽऱे ख़ेऩेॽ क़ेनुऱेबान् म़ेनिःसुररो॥” |
| 23419 | MAT 8:5 | ह़ेक्क्याङ् य़ेसुःन् कपर्नहुम पाङ्जुम्मो क़ेऱेर पत्छ़ेल्ल़े रोमि थक्तुम्बाधिक् खुऩेॽओ त्य़ेआङ् अक्खे म़ेत्तुर कुभाॽ नाःक्तु, |
| 23420 | MAT 8:6 | “दाङ्बे, इङ्गाॽ आसेवारोबान् हिम्मो पोःक्मा युङ्मा म़ेन्छुक्के थारिक् तुक्काङ् ऩेरो॥” |
| 23421 | MAT 8:7 | य़ेसुऱे ख़ेन् म़ेत्तु, “इङ्गाॽ पेःक्काआङ् नुसुङ्लो॥” |
| 23422 | MAT 8:8 | कर थक्तुम्बाल्ल़े नोगप् पिरु “दाङ्बे, ख़ेऩेॽ आहिम्मो लाङ्दाःक्मा इङ्गाॽ म़ेलाॽआन्लो॥ ख़ेऩेॽ नुॽर फाॽआङ् क़ेबाःत्तुसाङ् आसेवारोबान् नुॽरो॥ |
| 23423 | MAT 8:9 | थेआङ्भ़ेल्ल़े इङ्गाॽआङ् आधुङ्धोबा सुहाङ्युक्पाहाॽऱे खुनिॽ युक्को क़ेवाॽबा मनाआरो, ह़ेक्क्याङ् इङ्गाॽआङ् आयुक्को थक्सुबाहाॽ म़ेवाॽरो॥ इङ्गाॽ थक्सुबान् ‘पेग़ेॽ’ म़ेत्तुङ्ङिल्ल़े पेःक्, वेॽस्मान् ‘फ़ेऱेॽ’ म़ेत्तुङ्ङिल्ल़े फ़ेन्, ह़ेक्क्याङ् आसेवारोबान् ‘ख़ेन् चोग़ेॽ’ म़ेत्तुङ्ङिल्ल़े ख़ेल्ल़े चोगुॽरो॥” |
| 23424 | MAT 8:10 | य़ेसुऱे कन् ख़ेप्सुल्ल़े कुनिङ्वाॽ मय़ेर खुऩेॽ कुएगाङ् कुएगाङ् क़ेदिम्बाहाॽ अक्खे म़ेत्तुसि, “इङ्गाॽ स़ेक्खाए म़ेत्निङ्, अक्तङ्बा यम्बा नसाःन् क़ेगप्पा मनाःङ्ग इस्राइलोआङ् इङ्गाॽ म़ेङ्घोए वाॽआरो! |
| 23425 | MAT 8:11 | खिनिॽ स़ेक्खाए म़ेत्निङ्लो, क़ेऱेक् पिसाङ्बा लाजेॽलाम् यरिक् मनाहाॽ साङ्ग्राम्पेदाङ्बा हाङ्जुम्मो म़ेदाआङ् साभाङ्जा चास़े खिनिॽ थाःक्थ़ेबा अब्राहाम, इसहाक, ह़ेक्क्याङ् याकुब़ेन्नु सोरिक् म़ेयुङ्सिङ्लो॥ |
| 23427 | MAT 8:13 | ह़ेक्क्याङ् य़ेसुऱे ख़ेन् थक्तुम्ब़ेन् म़ेत्तु, “पेग़ेॽओ, नसाःन् क़ेजोगुबा ह़ेक्केए पोःङ्लो॥” ह़ेक्क्याङ् ख़ेन् कुसेवारोबान् बा ख़ेन् य़ेम्मोए नुःऱेरो॥ |
| 23429 | MAT 8:15 | य़ेसुऱे ख़ेल्ल़े कुहुक्को सुःसुल्ल़ेसा तुङ्ङिल्ल़े ल़ेरुरो, ह़ेक्क्याङ् ख़ेन् पोग़ेआङ् तरे तोमा हेःक्तुसिरो॥ |
| 23430 | MAT 8:16 | ह़ेक्क्याङ् युःन्छिक् पोःक्ख़ेआङ् यरिक् फ़ेन्साम्मिल्ल़े याङ्घुसिबा मनाहाॽ खुऩेॽओ म़ेदारुसि, ह़ेक्क्याङ् खुऩेॽ पाःन्जाक्किल्ल़े ख़ेन् फ़ेन्साम्हाॽ क़ेऱेक् नाःत्तु लःत्तुसिआङ् क़ेऱेक् क़ेदुक्पाहाॽ नुसुसिरो॥ |
| 23431 | MAT 8:17 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबान् क़ेत्ल फाॽआङ् अक्खे पोःक्ख़ेबारो– “खुऩेॽ आबाङे आनिॽ तुक्खेहाॽ याङ्सिङ्लो, ह़ेक्क्याङ् आनिॽ तुक्मा यॽमाहाॽ कुयु तेॽरुरो॥” |
| 23433 | MAT 8:19 | ख़ेङ्हाॽऱे पेःक्मा यारिप् म़ेजोगुर म़ेयाग़ेल्ल़े साम्योथिम्साम्बाधिक् फ़ेऱेआङ् म़ेत्तु, “सिक्साम्बे, ख़ेऩेॽ आत्ति क़ेबेःक्साङ् ख़ेऩेॽनु पेःक्कारो॥” |
| 23434 | MAT 8:20 | य़ेसुऱे नोगप् पिरु, “किधिबाहाॽऱे लुङ्घुरि म़ेगत्तुॽ, पुसाहाॽऱे हाप् म़ेगत्तुॽ, कर इङ्गाॽ म़ेन्छाम्साःल्ल़ेग थ़ेगेःक् नाःम्मा त़ेन्नाङ् म़ेगत्तान्लो॥” |
| 23435 | MAT 8:21 | वेॽस्मा हुॽसाम्बाधिक्ल़े खुऩेॽ म़ेत्तु, “आदाङ्बे, तगि इङ्गाॽ क़ेसिःबा आम्बाःन् इप्पुङ्ङो चिङ्स़े पेःक्मा पाङ्घाङ्ङ़ेॽओ॥” |
| 23436 | MAT 8:22 | कर य़ेसुऱे ख़ेन् म़ेत्तु, “इङ्गाॽ तिम्दाङ्ङ़ेॽओ, ह़ेक्क्याङ् हाराॽ याम्साम्मो क़ेसिःबा मनाहाॽऱे खुनिॽ आबाङे चेहाॽ इप्पुङ्ङो म़ेजिक्खुसिररो॥” |
| 23439 | MAT 8:25 | कुहुॽसाम्बाहाॽ म़ेबेआङ् खुऩेॽ अक्खे म़ेम़ेत्तुर म़ेभोःक्खु, “आदाङ्बे, याप्मि ताङ्स़ेःप्त़ेॽओ! आनिग़ेग हुम्मा सिःमा इःत्तिग़ेरो!” |
| 23440 | MAT 8:26 | य़ेसुऱे ख़ेङ्हाॽ म़ेत्तुसि, “नसाःन् क़ेसुःम्बासे, थेआङ् अक्खेलॽरिक् क़ेगिःसिबाबे?” ह़ेक्क्याङ् खुऩेॽ पोग़ेआङ् सुरित्केजङ्ङिन् नु वाभ़ेल्ल़ेङ्ङिन् फ़ेःक्तु, ह़ेक्क्याङ् क़ेऱेक् चिजि य़ेम्य़ेम् पोःक्ख़ेरो॥ |
| 23441 | MAT 8:27 | ह़ेक्क्याङ् ख़ेङ्हाॽऱे खुनिॽ निङ्वाॽ मय़ेर सेःन्म़ेदोःसिङ् “खुऩेॽग आक्तङ्बा मनाःन्बे? खुऩेॽ कुइङ्जाःङ्ङिन् वाभेल्ल़ेङ्नु सुरित्केजङ्ङिल्ल़ेआङ् ख़ेप्सुङ्ग!” |
| 23442 | MAT 8:28 | ह़ेक्क्याङ् खुऩेॽ वरक्किल्ल़े नाहाङ्दाङ् गदरिनि लाजेॽओ क़ेऱे, ह़ेक्केःल्ल़े ख़ेप्मो इप्पुङ्द़ेन्लाम् फ़ेन्साम्मिल्ल़े याङ्घुसिबा ऩेप्फु मनाहाॽ कुदुम्स़े फ़ेऱेत्छि॥ ख़ेङ्हाॽ कम्म्याक् साॽरिक् किप्मा क़ेघुःबा चोग़ेत्छि आत्तिन्नाङ् ख़ेन् त़ेन्नो पोःङ्मार लाङ्घेःक्मा म़ेन्छुक्त़ेन्लो॥ |
| 23443 | MAT 8:29 | ख़ेङ्हाॽ अक्खेलॽरिक् अःक्त़ेत्छि, “निङ्वाॽफुसाःए, ख़ेऩेॽ आन्छिग़ेनु थे क़ेगोःत्तुबाबे? खास़ेन् य़ेम्मिन्ने म़ेन्दाए आन्छिग़े तुक्खे चाःत्छ़े कप्मो क़ेद्य़ेबाबि?” |
| 23446 | MAT 8:32 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽ!” ख़ेल्ल़े चोगुल्ल़े ख़ेन् ऩेप्फु मनाहाॽलाम् ख़ेङ्हाॽ म़ेलःन्द़े म़ेबेआङ् फाक्हाॽओ म़ेलाःस़े॥ ह़ेक्क्याङ् ख़ेन् फाक्हाॽ सङ्माङ्ङे सङ्माङ् म़ेलोःक्त़ेर याक्प़ेओनु मक्म़ेध्य़ेआङ् वरक्को म़ेहुम़े म़ेस्य़ेरो॥ |
| 23448 | MAT 8:34 | ह़ेक्क्याङ् पाङ्जुम्मोबा यरिक् मनाहाॽ य़ेसुरो म़ेद्य़े, ह़ेक्क्याङ् ख़ेङ्हाॽऱे य़ेसुःन् आनिग़े थुम्मोलाम् लःन्द़े पेग़ेॽ फाॽआङ् पेलि म़ेभाक्तुरो॥ |
| 23450 | MAT 9:2 | ख़ेप्मो कुभा मनाहाॽऱे लङ्ल़ेःङ्वा मनाधिक् कुऩेत्नाःन्नुए खुऩेॽओ म़ेदारुरो॥ ह़ेक्क्याङ् ख़ेङ्हाॽऱे ख़ेन् लङ्ल़ेःङ्वाःन् वेःप्मा सुक् क़ेलॽबा नसाःन् म़ेगत्तुबा य़ेसुऱे निःसुआङ् म़ेत्तु, “आस्साःए, हाङ्हाङ् लॽऱेॽओ, ख़ेऩेॽ क़ेलायोहाॽ ल़ेप्मि पोःक्ख़ेरो॥” |
| 23451 | MAT 9:3 | ह़ेक्केःल्ल़े ख़ेप्मो क़ेवाॽबा कुभा साम्योथिम्साम्बाहाॽ अक्खे म़ेम़ेत्छिङ्, “कन् मनाःल्ल़ेग निङ्वाॽफुमाङ् कुइसिःक् लायो ल़ेप्मि क़ेबिबा ल़ेङ्सिङ्ङाङ् माङ्च़ेॽया पाःन्निन्ऩे पाःत्तुर पत्लो!” |
| 23452 | MAT 9:4 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “थेआङ् ह़ेक्केलॽरिक् फ़ेन् निङ्वाॽ क़ेइःत्तुम्बाबे? |
| 23453 | MAT 9:5 | ‘क़ेलायोहाॽ ल़ेप्मि पोःक्ख़े’, म़ेप्मा उसुरु चोःक्पि, इ ‘पोग़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 23454 | MAT 9:6 | इङ्गाॽ म़ेन्छाम्साःल्ल़े इक्सादिङ् खाम्बेःक्मो लायोहाॽ ल़ेप्मि पिमा युक् कत्तुङ् लॽरिक् ओसेःन्धाक्निङ्लो॥” ह़ेक्केःल्ल़े य़ेसुऱे ख़ेन् लङ्ल़ेःङ्वाःन् म़ेत्तु, “पोग़ेॽ, क़ेऩेत्नाःन् याङ्सिङ्ङ़ेॽआङ् क़ेहिम्मो थासिङ्ङ़ेॽ॥” |
| 23457 | MAT 9:9 | य़ेसुःन् ख़ेप्मोलाम् पेर पत्छ़ेल्ल़े मत्ति म़ेप्मनाबा मनाःन् एःङ्याङ् फोःङ्मा त़ेन्नो युङ़ेबा निःसुआङ् म़ेत्तु, “इङ्गाॽ तिम्दाङ्ङ़ेॽओ॥” ख़ेन् मुत्थ्रिक् पोग़ेआङ् खुऩेॽनु थासिङ्लो॥ |
| 23459 | MAT 9:11 | ह़ेक्केःल्ल़े कुभा फरिसिहाॽऱे ख़ेन् म़ेनिःसुआङ् कुहुॽसाम्बाहाॽ म़ेम़ेत्तुसि, “थेआङ् खिनिॽ सिक्साम्बान् एःङ्याङ् क़ेभोःङ्बाहाॽ ह़ेक्क्याङ् वेॽ लायोबाहाॽनु सोरिक् चाजाबाबे?” |
| 23460 | MAT 9:12 | य़ेसुऱे कन् ख़ेप्सुआङ् म़ेत्तुसि, “सिदाॽसाम्ब़ेङ्ग म़ेन्दुक्मनाहाॽऱे लागि म़ेःन्, कर क़ेदुक्पाहाॽऱे लागिरो॥ |
| 23461 | MAT 9:13 | साम्योसाप्लाओ यहवे दाङ्बाल्ल़े इङ्गाॽग सिदुङ्जभा चाहाबा म़ेजोःक्कान्, कर वेॽहाॽ लुङ्माॽ तुक्त़ेम्सिम्म़ेॽ क़ेलॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ल़े कुबेःन् हुॽआसिम्म़ेॽओ॥ इङ्गाॽग साम्योनिबाहाॽऱे लागि म़ेःन्, कर लायोबाहाॽ लायोलाम् म़ेनुःङ्ङाङ्ताङ्म़ेस़ेःप्ल फाॽआङ् त्याङ्बारो॥” |
| 23462 | MAT 9:14 | ह़ेक्क्याङ् थिक्ल़ेङ् बप्तिस्मा क़ेबिबा युहुन्नाऱे कुहुॽसाम्बाहाॽ म़ेद्य़ेआङ् य़ेसुःन् सेःन्म़ेदोसु, “आनिग़े नु फरिसिहाॽ चाःऩेत्तो ए़त्ल़ेङ् युङिग़ेॽ कर थेआङ् क़ेहुॽसाम्बाहाॽ चाःऩेत्तो म़ेन्युङ्ऩेन्बाबे?” |
| 23463 | MAT 9:15 | य़ेसुऱे ख़ेङ्हाॽ नोगप् पिरुसि, “मेःक्खिम्साब़ेन् कुन्जुम्हाॽनु वाॽर थारिक् खुऩेॽ कुन्जुम्हाॽ चाःऩेत्तो म़ेयुङ्ङाङ् मेरिङ् म़ेधक्पि? कर ख़ेङ्हाॽलाम् मेःक्खिम्साब़ेन् साक्क़ेल्ल़ेक् म़ेद़ेम्सुआङ् म़ेदेॽरुल्ल़ेरक्ख़ेङ्हाॽ चाःऩेत्तो म़ेयुङ्लो॥ |
| 23464 | MAT 9:16 | आत्तिल्ल़ेआङ् कुसङ् चिरिक्किल्ल़े कुद्ऱेक्चाङ्ङिन् म़ेल़ेम्दुन्लो, ल़ेम्दुऩे फाॽग्र ख़ेन् किङ्ङाङ् आल्लसाङ् यम्बा थ़ेःक्खुदेःसुॽरो॥ |
| 23465 | MAT 9:17 | आत्तिल्ल़ेआङ् कुसङ् च़ेल्ल़ेक्सेॽ थिःन् कुद्ऱेक्स़ेहोबा सुःक्वाओ म़ेयुक्खुन्, कर युक्खुऩे फाॽग्र कुसङ् च़ेल्ल़ेक्सेॽ थिःल्ल़े कुद्ऱेक्स़ेहोबा सुःक्वाःन्थ़ेःक्खुदेःसुॽरो, ह़ेक्क्याङ् थिःन् व़ेत् पेःक्काङ् चासोःक्लो॥ कर कुसङ् च़ेल्ल़ेक्सेॽ थिःन्कुसङ् स़ेहोबा सुःक्वाओ याक्मा पोःङ्, ह़ेक्केःल्ल़े च़ेल्ल़ेक्सेॽ थिःन् नु स़ेहोबा सुःक्वाःन्ऩेप्माङ् ताङ्लो॥” |
| 23466 | MAT 9:18 | य़ेसुऱे ह़ेक्के पाःत्तुर पत्छ़ेल्ल़े सुहाङ्युक्पाधिक् कुदगि थुङ्बोहजॽ युङ्सिङ्ल अक्खे पाःत्तु, “आदाङ्बे, आस्साः चुक्म़ेन् खारक् स्य़ेरो, कर ख़ेऩेॽ फ़ेऱेॽआङ् कुसम्दाङ् क़ेहुक्किन् ऩेस्स़े पिऱेॽ, ह़ेक्क्याङ् ख़ेन् हिङ्लो॥” |
| 23467 | MAT 9:19 | य़ेसुःन् पोग़ेआङ् ख़ेन्नु थासिङ्, ह़ेक्क्याङ् कुहुॽसाम्बाहाॽआङ् खुऩेॽ कुएगाङ् म़ेधासिङ्लो॥ |
| 23468 | MAT 9:20 | बा ख़ेन् य़ेम्मो तङ्बे थिक्-ऩेत्ताङ्धो (१२) माक्खिॽ वयुःमाल्ल़े तरुमा म़ेन्छुमाॽधिक् य़ेसुऱे कुएगाङ् त्य़ेआङ् कुदेःत्तिल्ल़े कुयाःन्सुःसु॥ |
| 23470 | MAT 9:22 | य़ेसुःन् हिल्लिक्हिसिङ्ङिल्ल़े ख़ेन् म़ेन्छुमाॽइन् निःसुआङ् म़ेत्तु, “मामुए, हाङ्हाङ् लॽऱेॽओ, नसाःन् क़ेजोगुबाल्ल़े चोगुल्ल़े ख़ेऩेॽ क़ेवेःत्त़ेरो॥” ह़ेक्क्याङ् ख़ेन् म़ेन्छुमाॽइन् हाबा ख़ेन् य़ेम्मो वेःत्त़ेरो॥ |
| 23472 | MAT 9:24 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽओ, कन् चुक्म़ेङ्ग म़ेन्छिःए वाॽ इप्स़ेआङ्लक् ऩेरो”, कर ख़ेङ्हाॽऱे खुऩेॽ म़ेएःत्तुरो॥ |
| 23475 | MAT 9:27 | य़ेसुःन् ख़ेप्मोलाम् पेर पत्छ़ेल्ल़े ऩेप्फु मिक्फःम्बाहाॽऱे खुऩेॽ कुएगाङ् कुएगाङ् तिम्द़ेत्छुर अक्खेलॽरिक् अःक्त़ेत्छि, “दाउदऱे कुस्साःए, आन्छिग़े लुङ्माॽ आदुक्त़ेॽओ॥” |
| 23476 | MAT 9:28 | ह़ेक्क्याङ् य़ेसुःन् लाःस़ेबा हिम्मो पेसिल्ल़े य़ेसुऱे ख़ेङ्हाॽ सेःन्दोसुसि, “खिन्छिॽ मिक् निःमा क़ेसुक्सुर चोःक्मा सुक्तुङ् फाॽआङ् नसाःन् क़ेजोःक्सुबि?” चोःक्सुग़ेॽरो, आदाङ्बे फाॽआङ् नोगप् पिऱेत्छु॥ |
| 23477 | MAT 9:29 | ह़ेक्क्याङ् य़ेसुऱे ख़ेङ्हाॽऱे खुन्छिॽ मिक्हाॽ सुःसु पिरुसिर म़ेत्तुसि, “खिन्छिॽ नसाःन् क़ेजोग़ेत्छुबा कुइसिःक्के पोःङ्लरो॥” |
| 23481 | MAT 9:33 | ह़ेक्क्याङ् ख़ेन् फ़ेन्साम्मिन् य़ेसुऱे नाःत्तु लःत्तु ह़ेक्क्याङ् ख़ेन् मनाःन् पाःप्मा हेःक्त़ेरो॥ ख़ेन् म़ेनिःसुआङ् ख़ेन् मनाहाॽऱे साॽरिक् खुनिॽ निङ्वाॽ मय़ेर अक्खे म़ेबाःत्तु, “इस्राइल लाजेॽ खाराक् अक्तङ्बा निङ्वाॽ क़ेमाबा पाःङ्ग आप्फाल्ल़ेआङ् म़ेन्निए वयिग़ेरो॥” |
| 23482 | MAT 9:34 | कर फरिसिहाॽऱे म़ेबाःत्तु, “कन् मनाःल्ल़ेग फ़ेन्साम्हाॽऱे खुनिॽ हाङ्ङिल्ल़े कुमुक्साम्लाम् फ़ेन्साम्हाॽ नाःत्तु लःत्तुसिॽरो॥” |
| 23484 | MAT 9:36 | य़ेसुऱे यरिक् मनाहाॽ निःसुसिल्ल़े कुलुङ्माॽ स्याःत् लॽऱे, थेआङ्भ़ेल्ल़े ख़ेङ्हाॽग म़ेल्लुक्कम्बा म़ेःन्नेबा म़ेल्लुक् ह़ेक्के लाम् क़ेबोःप्पाआङ् तुक्खे क़ेजाबा कुइसिःक् म़ेजोग़ेरो॥ |
| 23485 | MAT 9:37 | ह़ेक्क्याङ् य़ेसुऱे कुहुॽसाम्बाहाॽ म़ेत्तुसि, “सुम्मा क़ेबोःङ्बा चाःन् यरिक् ऩेःॽ, कर चा क़ेसुम्बा याःलिक्हाॽ म़ेसुःन्लो॥ |
| 23487 | MAT 10:1 | ह़ेक्क्याङ् य़ेसुऱे थिक्-ऩेत् (१२) कुहुॽसाम्बाहाॽ उःत्तुसिआङ् फ़ेन्साम्हाॽ नाःप्मा लःप्मा नु क़ेऱेक् परिक्ल़ेन् क़ेदुक्पा क़ेयॽबाहाॽ वेःम्मा युक् पिरुसिरो॥ |
| 23488 | MAT 10:2 | ख़ेन् थिक्-ऩेत् सेःक्युक्मिबाहाॽऱे खुनिॽ मिङ्ग अक्तङ्बा चोःक्– सिमोन (खुऩेॽ पत्रुसआङ् म़ेम़ेत्तु), आन्द्रियास (पत्रुसऱे कुन्साॽ), याकुब (जब्दियाऱे कुस्साः), युहुन्ना (याकुबऱे कुन्साॽ), |
| 23489 | MAT 10:3 | फिलिप, बारथोलोमाइ, थोमा, मत्ति (एःङ्याङ् क़ेभोःङ्बा), याकुब (अल्फायसऱे कुस्साः), थ़ेदियस ह़ेक्क्याङ् |
| 23490 | MAT 10:4 | सिमोन (खुऩेॽ “हाङ्बिफ्युङ् क़ेजोःक्पा” म़ेम़ेत्तु॥ ख़ेन् फाॽइन् हाङ्बिफ्युङ् क़ेजोःक्पा वय़े), ह़ेक्क्याङ् यहुदा इस्करियोत (खुऩेॽ य़ेसुऱे कुनसाःन् क़ेल़ेङ्बा पोःक्ख़ेरो)॥ |
| 23491 | MAT 10:5 | य़ेसुऱे कन् थिक्-ऩेत् सेःक्युक्मिबाहाॽ अक्खे म़ेत्तुसिर पाङ्घुसिरो– “थिम्म़ेन्दङ् सुवाङ्हाॽरो म़ेबेग़ेम्मिन्ऩेॽओ, ह़ेक्क्याङ् सामरिहाॽऱे खुनिॽ पाङ्जुम्हाॽओ म़ेबेग़ेम्मिन्ऩेॽओ, |
| 23494 | MAT 10:8 | क़ेदुक्पाहाॽ नुस़ेम्सिम्म़ेॽ, क़ेसिःबाहाॽ कुहिङ्व़ेत् चोग़ेम्सिम्म़ेॽ, लोगेॽ तुक्माल्ल़े याङ्घुसिबाहाॽ नुस़ेम्सिम्म़ेॽ, फ़ेन्साम्हाॽ नाःत्त़ेम्लःत्त़ेम्सिम्म़ेॽ॥ आम्भा क़ेघोःसुम्, आम्भाए पिऱेम्सिम्म़ेॽओ॥ |
| 23495 | MAT 10:9 | याङ् म़ेःन्ने खिनिॽ पेग़ेम्म़ेॽ, |
| 23496 | MAT 10:10 | ह़ेक्क्याङ् सुःक्वा, ल़ेक्सिङ्मा चाङ् नु लाङ्सुःप्, ह़ेक्क्याङ् तक्काःत् थेआङ् म़ेयाङ्ङासिम्म़ेन्ऩेॽओ॥ थेआङ्भ़ेल्ल़े याःम्बक् क़ेजोःक्पाल्ल़े खुऩेॽ चाहाबा क़ेजोःक्पा पाःन्हाॽ खोःमाए पोःङ्लो॥ |