| 23214 | MAT 1:1 | य़ेसु ख्रिस्त़ेन् अब्राहामऱे कुस्साः ह़ेक्क्याङ् दाउद हाङ्ङिल्ल़े कुस्साः वय़ेरो॥ कङ्ग खुऩेॽ कुधाःक्हाॽऱे खुनिॽ मिङ्स्रारो– |
| 23231 | MAT 1:18 | आल्ल य़ेसु ख्रिस्तऱे कुसावाःन्छिङ्मान् अक्खेलॽरिक् पोःक्ख़ेरो–कुम्मा मरियमऱे कुमेःक्खिम् पोःङ्मा पाःन्निन् युसुफ़ेन्नु पुॽऱेआङ् वय़े, कर खुन्छिॽ मेःक्खिम् पोःङ्मानुःल्ल़े तगिए खुऩेॽ सेसेमाङ्ङिल्ल़े कुमुक्साम्लाम् म़ेन्छुक्मा पोःक्ख़ेरो॥ |
| 23233 | MAT 1:20 | कर ह़ेक्के इःत्तुर वय़ेल्ल़े स़ेप्माङ्मो यहवे दाङ्बाल्ल़े कुमाङ्लाइङ्बान् ओसेःन्धाक्सिङ्ङाङ्अक्खे म़ेत्तुरो, “दाउदऱे कुमुॽइदाङ्सा युसुप्फे, ख़ेऩेॽ मरियम्मिन् मेःक्खिम् चोःक्माआङ् हिम्मो ताःप्मा म़ेगिस़ेन्ऩेॽओ, थेआङ्भ़ेल्ल़े खुऩेॽओबा अङ़ेःक्वाःन् सेसेमाङ्ङिल्ल़े कुमुक्साम्लाम्बा हाङ्सिङ्बारो॥ |
| 23234 | MAT 1:21 | खुऩेॽ य़ेम्बित्छाॽसाःधिक् कत्तुॽ, ह़ेक्क्याङ् ख़ेल्ल़े कुमिङ्ङिन् य़ेसु वाःत्त़ेॽओ, थेआङ्भ़ेल्ल़े ख़ेल्ल़े कुमनाहाॽ खुनिॽ लायोलाम् ताङ्स़ेःप्तुसिॽरो॥” |
| 23235 | MAT 1:22 | माङ्निङ्वाॽपाःन् क़ेबाःप्पालाम् यहवे दाङ्बाल्ल़े उन्छेःन् अक्खेलॽरिक् पाःत्तुआङ् वय़ेबा पाःन्निन् क़ेत्ल फाॽआङ् कन् क़ेऱेक् पाःन्हाॽ पोःक्ख़ेबारो– |
| 23236 | MAT 1:23 | “सिसादिङ् म़ेन्छियाॽइन् म़ेन्छुक्मा पोःङ्ङाङ् य़ेम्बित्छाॽसाःधिक् कत्तुॽ, ह़ेक्क्याङ् ख़ेन् इम्मानुएल म़ेम़ेत्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥” |
| 23240 | MAT 2:2 | अक्खेलॽरिक् पाःन् सेःन्म़ेदोसु, “यहुदिहाॽऱे खुनिॽ हाङ् क़ेबोःङ्बाआङ् साग़ेवाःन्छिङ्बान् आत्तो वाॽबे? आनिग़े नाम्ग़ेन् पिसाङ् कुसावाःन्छिङ्माल्ल़ेन् मिक्सेःन् क़ेबिबा खेःम्सिक्किन् निःसुम्ब़ेआङ् खुऩेॽ कुसेवा चोःक्स़े त्य़ेॽइग़ेबारो॥” |
| 23243 | MAT 2:5 | ख़ेङ्हाॽऱे नोगप् म़ेबिरु, “यहुदिया थुम्मोबा ब़ेथलेह़ेम्मो खुऩेॽ सावाःन्छिङ्मा क़ेबोःङ्बा वाॽरो॥ थेआङ्भ़ेल्ल़े माङ्निङ्वाॽपाःन् क़ेबाःप्पाल्ल़े अक्खेलॽरिक् साप्तुआङ् पत्– |
| 23244 | MAT 2:6 | ‘यहुदिया थुम्मोबा ब़ेथलेह़ेम्मे, ख़ेऩेॽग यहुदियाबा पाङ्जुम्हाॽओ साॽरिक् क़ेय़ेक्पा क़ेजोःक्लो, थेआङ्भ़ेल्ल़े ख़ेऩेॽ क़ेबाङ्जुम्लाम् हाङ्युक्पाधिक् ताःरो, खुऩेॽग म़ेल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् क़ेम़ेप्पा पोःङ्लो॥’” |
| 23246 | MAT 2:8 | ह़ेक्क्याङ् ख़ेङ्हाॽ अक्खे म़ेत्तुसिर ब़ेथलेह़ेम्मो पाङ्घुदेःसुसि, “पेग़ेम्म़ेॽआङ् अङ़ेःक्वाःन् कोःत्त़ेम्म़ेॽ॥ ख़ेन् अङ़ेःक्वाःन् क़ेघोःसुम्ऩे फाॽग्र फ़ेऱेम्म़ेॽआङ् इङ्गाॽ आम़ेत्त़ेम्म़ेॽओ॥ इङ्गाॽआङ् खुऩेॽ सेवा म़ेत्तुङ्लो॥” |
| 23251 | MAT 2:13 | ख़ेन् सिक्कुम्निबा खाग़ेइक्पाहाॽ म़ेबे ह़ेक्क्याङ् यहवे दाङ्बाल्ल़े कुमाङ्लाइङ्बाधिक् युसुफऱे कुस़ेप्माङ्मो थाःन्छिङ्ङाङ् अक्खे म़ेत्तु, “पोग़ेॽआङ् अङ़ेःक्वाःन् नु कुम्माःन् तेॽऱेस़ेॽआङ् मिस्र लाजेॽओ ख़ेत्छिङ् पेग़ेॽ, ह़ेक्क्याङ् इङ्गाॽ म़ेम्म़ेत्ते थारिक् ख़ेऩेॽ ख़ेप्मोए वय़ेॽओ, थेआङ्भ़ेल्ल़े ह़ेरोद हाङ्ङिल्ल़े अङ़ेःक्वाःन् स़ेप्मा फाॽआङ् कोःत्तुर वाॽरो॥” |
| 23255 | MAT 2:17 | ख़ेङ्ग यर्मिया माङ्निङ्वाॽपाःन् क़ेबाःप्पाल्ल़े अक्खेलॽरिक् उन्छेःन् पाःत्तुबा माङ्निङ्वाॽपाःन्निन् क़ेऱेबारो– |
| 23256 | MAT 2:18 | “क़ेहाःप्मा क़ेभिःक्मा नु मेरिङ् क़ेधक्मा यम्बा इक्लाःन् रामा पाङ्जुम्मो ख़ेम्द़ेत्लो, राह़ेलऱे कुस्साःहाॽ हाःप्तुसिॽरो॥ ख़ेङ्ग हाङ्हाङ् म़ेत्छिङ्मा म़ेद़ेन्ऩेन्लो, थेआङ्भ़ेल्ल़े कुस्साःहाॽ क़ेऱेक् म़ेस्य़ेरो॥” |
| 23258 | MAT 2:20 | म़ेत्तु, “पोग़ेॽआङ् अङ़ेःक्वाःन् नु कुम्माःन् इस्राइल लाजेॽओ तेॽऱेस़ेॽओ, थेआङ्भ़ेल्ल़े अङ़ेःक्वाःन् स़ेप्मा क़ेगोःप्प़ेन्स्य़ेआङ् होःप्लो॥” |
| 23261 | MAT 2:23 | नासरत पाङ्जुम्मो वाॽमा हेःक्त़ेरो॥ कङ्ग माङ्निङ्वाॽपाःन् क़ेबाःप्पाहाॽऱे “निङ्वाॽफुमाङ्ङिल्ल़े थुक्तुबाङ्ग नासरि म़ेम़ेत्तु” लॽरिक् म़ेबाःत्तुबा पाःन्निन् क़ेऱेबारो॥ |
| 23263 | MAT 3:2 | “खिनिॽ लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23264 | MAT 3:3 | खुऩेॽ कुयाःम्बेओ माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुआङ् वाॽरो, “खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्स़े खुऩेॽओ म़ेद्य़ेर म़ेबत्छ़ेबा निःसुसिआङ् अक्खे म़ेत्तुसिर फ़ेःक्तुसि, “असेःक्सासे, खिनिॽ कन् क़ेदाःबार क़ेबप्पा निङ्वाॽफुमाङ्ङिल्ल़े कुघुम्दिङ्लाम् ख़ेत्छिङ्ङ़ेम्म़ेॽ फाॽआङ् हाःत्ल़े क़ेम़ेत्तिबे? |
| 23273 | MAT 3:12 | कुभॽएःत्तिल्ल़े सिःन् आःम्मा फाॽआङ् खुऩेॽ यारिप् वाॽ, ह़ेक्क्याङ् खुऩेॽ तुगुर सुप्सुआङ्सिःन् चाधोःक्लाओ चिक्खुॽ ह़ेक्क्याङ् कुहक्हाॽ आप्फाल्ल़ेआङ् म़ेन्छिःमनाबा मिओ हाःन्दुदेःसुॽरो॥” |
| 23275 | MAT 3:14 | कर युहुन्नाऱे अत्तुर खुऩेॽ अक्खे म़ेत्तु, “इङ्गाॽऩे ख़ेऩेॽनु बप्तिस्मा पोःङ्मा क़ेबोःङ्बा, आक्खेलॽरिक् ख़ेऩेॽ इङ्गाॽओ क़ेद्य़ेबाबे?” |
| 23276 | MAT 3:15 | य़ेसुऱे नोगप् पिरु, “आल्लोऱे लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ल़े क़ेऱेक् निङ्वाॽ चोगुबा पाःन्निन् क़ेत्लरो॥” ह़ेक्क्याङ् युहुन्नाःन् त़ेन्द़ेआङ् खुऩेॽ बप्तिस्मा पिरुरो॥ |
| 23278 | MAT 3:17 | ह़ेक्क्याङ् साङ्ग्राम्पेदाङ्लाम् अक्खेलॽरिक् इक्लाधिक् त्य़े, “कन् आमिःम् आस्साःरो, इङ्गाॽ खुऩेॽनु साॽरिक् सःत्ताङ्ङाङ् वाॽआरो॥” |
| 23281 | MAT 4:3 | ह़ेक्क्याङ् माफ़ेन्साम्मिन् ख़ेप्मो त्य़ेआङ् खुऩेॽ अक्खे म़ेत्तुर कुनिङ्वाॽ साॽरु, “ख़ेऩेॽ निङ्वाॽफुसाःऩे फाॽग्र कन् लुङ्हाॽ खऱेःङ् पोःक्ख़ेॽ फाॽआङ् म़ेत्त़ेॽ॥” |
| 23282 | MAT 4:4 | कर य़ेसुऱे नोगप् पिरु, “ह़ेक्के म़ेजोःक्कान्, थेआङ्भ़ेल्ल़े साम्योसाप्लाओ मोसाऱे अक्खेलॽरिक् साप्तुआङ् पत्, ‘म़ेन्छाम् याप्मिःङ्ग कुजाःल्ल़ेरक् म़ेहिङ्ऩेन्, कर निङ्वाॽफुमाङ्ङिल्ल़े पाःत्तुबा क़ेऱेक् पाःन्निल्ल़े हिङ्॥’” |
| 23284 | MAT 4:6 | “ख़ेऩेॽ स़ेक्खाए निङ्वाॽफुसाःऩे फाॽग्र पिन्द़े थ्य़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘निङ्वाॽफुमाङ्ङिल्ल़े कुमाङ्लाइङ्बाहाॽ ख़ेऩेॽ क़ेलागि इङ्जाःङ् पिरुसिआङ् ख़ेऩेॽ थाःङ्धाःङ्ङे खुनिॽ हुक्को क़ेम्दाःक्काङ् क़ेलाङ्ङिन् लुङ्ङो म़ेधाम्सिङ्ङिन्लो॥’” |
| 23285 | MAT 4:7 | य़ेसुऱे नोगप् पिरु, “कर साम्योसाप्लाओ याम्मो अक्खेलॽरिक्काङ् साप्त़ेआङ् पत्, ‘दाङ्बा क़ेनिङ्वाॽफुमाङ्ङिल्ल़े कुनिङ्वाॽ म़ेसाॽऱेन्ऩेॽ॥’” |
| 23287 | MAT 4:9 | म़ेत्तु, “ख़ेऩेॽ साम्बोःन् क़ेभन्छिङ्ङाङ् इङ्गाॽ सेवा क़ेम़ेत्ताऩे फाॽग्र कङ्हाॽ क़ेऱेक् पिऩेॽ॥” |
| 23288 | MAT 4:10 | य़ेसुऱे ख़ेन् म़ेत्तु, “सैताने, कप्मोलाम् पेग़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘ख़ेऩेॽ दाङ्बा क़ेनिङ्वाॽफुमाङ्ङिन्लक् सेवा म़ेत्त़ेॽ ह़ेक्क्याङ् खुऩेॽइन्लक् कुसेवा चोग़ेॽओ॥’” |
| 23292 | MAT 4:14 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबा पाःन्निन् क़ेऱेबारो– |
| 23293 | MAT 4:15 | “यर्दन यङ्घङ्ङिल्ल़े नाधाःम्बिबा गालिल वरक्किल्ल़े कुबेसाङ्बा नाप्तालि नु जबुलुन क़ेयुङ्बा याप्मिसे, गालिल थुम्मो क़ेवाॽबा थिम्म़ेन्दङ् सुवाङ्से, |
| 23294 | MAT 4:16 | खादाम्मो क़ेवाॽबा मनाहाॽऱे पयम् यम्बा ओःत्तिःन् म़ेनिःसुरो॥ सिःम़ेल्ल़ेन् खामाक्माओ क़ेवाॽबाहाॽऱे खुनिॽ लुम्मो ओःत्तिधिक् ओःत्लो॥” |
| 23295 | MAT 4:17 | ख़ेन् य़ेम्माङ्धो य़ेसुऱे अक्खे पाःत्तुर इङ्भोःमा हेःक्तु, “लायोलाम् हिन्द़ेम्म़ेॽओ, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् निःत्ताङ्ङे त्य़ेआङ् वाॽरो॥” |
| 23297 | MAT 4:19 | य़ेसुऱे ख़ेङ्हाॽ म़ेत्तुसि, “इङ्गाॽ आएगाङ् थाऩेत्छ़ेॽओ, खिन्छिॽ ङा क़ेद़ेम्सु क़ेदाःत्छुबा कुइसिःक् इङ्गाॽओ मना क़ेदाःप्पा चोःक्ऩेत्छिङ्लो॥” |
| 23305 | MAT 5:2 | ह़ेक्क्याङ् खुऩेॽ अक्खेलॽरिक् ख़ेङ्हाॽ हुॽमा हेःक्तुसि– |
| 23306 | MAT 5:3 | “क़ेऱेक् पाःन्नो निङ्वाॽफुमाङ्ङिन् चाहाबा क़ेजोःक्पाहाॽ मुॽइसाबासिरो, थेआङ्भ़ेल्ल़े साङ्ग्राम्पेदाङ्बा हाङ्जुम्मिन् ख़ेङ्हाॽऱेन्नेरो॥ |
| 23323 | MAT 5:20 | कर ख़ेप्स़ेम्म़ेॽओ, फरिसिहाॽ ह़ेक्क्याङ्साम्योथिम्साम्बाहाॽनुःल्ल़ेआङ् निङ्वाॽफुमाङ्ङिल्ल़े कुइङ्जाःङ्हाॽ खिनिॽ नुःरिक्काङ् क़ेन्इःत्तुम्मिन् क़ेन्नाःत्तुम्मिन्ऩे फाॽग्र स़ेक्खासाङ् खिनिॽ साङ्ग्राम्पेदाङ्बा हाङ्जुम्मो क़ेन्लासिन्लो॥” |
| 23324 | MAT 5:21 | आल्ल, “उन्छेःन् मोसाऱे कुसाम्यो इङ्जाःङ्ङिल्ल़े अक्खे पाःत्तुबान् खिनिॽ क़ेघ़ेप्सुम्माङ् क़ेवयिॽ, ‘मना म़ेस़ेऱेन्ऩेॽओ, थेआङ्भ़ेल्ल़े मना क़ेस़ेप्पाल्ल़े खुम्दिङ् खोःसुॽरो,’ |
| 23325 | MAT 5:22 | कर इङ्गाॽ म़ेत्निङ्, हाःत् कुन्साॽइन्नु कुयाःक् ल़ेॽ, ख़ेल्ल़े खुम्दिङ् खोःसुॽरो॥ याम्मो हाःत्ल़े कुन्साॽइन् ‘अदङ्’ म़ेत्तुॽ, ख़ेङ्ग क़ेऱेक्नुःल्ल़े यम्बा यहुदि खास़ेन्लोःम्बाहाॽऱे खुनिॽ तगि म़ेय़ेप्सुॽ, कर हाःत्ल़े कुन्साॽइन् साक्मुरा म़ेत्तुॽ, ख़ेङ्ग ख़ेमायङ्सङ्ङोबा मिओ पेःक्मा सुक्लो॥ |
| 23329 | MAT 5:26 | इङ्गाॽ स़ेक्खाए म़ेत्ऩेॽ, ख़ेप्मो साम्बाःन्याङ् क़ेऱेक् म़ेन्हुङ्ङे थारिक् ख़ेप्मोए क़ेयाक्लो॥” |
| 23330 | MAT 5:27 | आल्ल, “खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयि, ‘ख़ेऩेॽ चाराम्मा याःम्बक् म़ेजोग़ेन्ऩेॽओ’ |
| 23333 | MAT 5:30 | ह़ेक्क्याङ् चुप्साङ् हुक्किल्ल़े लायो चोःक्मा क़ेबाङ्ऩे फाॽग्र ख़ेन्नाङ् खक्त़ेॽआङ् लाप्फुःस़ेॽओ॥ क़ेऱेक् नासिङ्ग़ेन् थक्किन् ख़ेमायङ्सङ्ङो लाप्फुमानुःल्ल़े हुक्थिक् म़ेःन्ने वाॽमाए नुःबारो॥” |
| 23334 | MAT 5:31 | “याम्मो मोसाऱे कुसाम्यो इङ्जाःङ्ङिल्ल़े अक्खे पाःत्तुआङ् वाॽ, ‘आत्तिल्ल़े मेलिङ्ग़ेन् कुमेःत्तिन् नाॽरु, ख़ेल्ल़े नाॽऩेबारो फाॽआङ् साप्ला साप्मा पिमा पोःङ्॥’ |
| 23335 | MAT 5:32 | कर इङ्गाॽ खिनिॽ म़ेत्निङ्, हाःत्ल़े वेॽहाॽनु चाराम्मा याःम्बक् म़ेन्जोःक्के क़ेवाॽमा मेलिङ्ग़ेन् कुमेःत्तिन् नाॽरुॽ ख़ेल्ल़े ख़ेन् कुमेःत्तिन् चाराम्मा याःम्बक् क़ेजोःक्मा चोगुॽरो॥ ह़ेक्क्याङ् आत्तिल्ल़े ख़ेन् म़ेन्छुमाॽइन्नु मेःक्खिम् चोगुॽ ख़ेल्ल़ेआङ् चाराम्मा याःम्बक् चोगुॽरो॥” |
| 23336 | MAT 5:33 | “याम्मो खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयिॽ, ‘खिनिॽ क़ेजोगुम्बा माङ्ह़ेक्किन्म़ेभेःन्द़ेम्म़ेन्ऩेॽ, कर यहवे दाङ्बान्नु क़ेजोगुम्बा माङ्ह़ेक्किन्क़ेग़ेत्तुम्लए पोःङ्लो॥’ |
| 23340 | MAT 5:37 | खिनिॽ पाःन्निङ्ग ‘ओ’ ऩे फाॽग्र ‘ओ’ पाःत्त़ेम्म़ेॽ, ‘म़ेःन्’ ऩे फाॽग्र ‘म़ेःन्’ पाःत्त़ेम्म़ेॽ॥ ख़ेन्नाङ्धोबाङ्ग माफ़ेन्साम्लाम् क़ेदाःबारो॥” |
| 23341 | MAT 5:38 | “मोसाऱे कुसाम्यो इङ्जाःङ्ङिल्ल़े ‘मिक्किल्ल़े कुल़ेक्वा मिक्, ह़ेक्क्याङ् हाबोॽबाल्ल़े कुल़ेक्वा हाबोॽबा’ लॽरिक् पाःत्तुबान् क़ेघ़ेप्सुम्माङ् क़ेवयिॽ, |
| 23345 | MAT 5:42 | क़ेनाःक्पाहाॽ ख़ेऩेॽ पिऱेस़ेॽ, आत्तिल्ल़े थ़ेत्ला क़ेनाःक् ख़ेन् पिऱेॽओ॥” |
| 23346 | MAT 5:43 | “मोसाऱे कुसाम्यो इङ्जाःङ्ङिल्ल़े क़ेबाङ्भेॽसाबाहाॽ लुङ्माॽ तुक्त़ेस़ेॽआङ् क़ेनिङ्मिहाॽ चिःत्त़ेस़ेॽ लॽरिक् पाःत्तुबा क़ेघ़ेप्सुम्माङ् क़ेवयिॽ, |
| 23351 | MAT 5:48 | ख़ेल्ल़े चोगुल्ल़े खिनिॽ साङ्ग्राम्पेदाङ्ङोबा पानुदिङ् पाः निङ्वाॽफुमाङ्ङिन् क़ेऱेक् पाःन्नो कुलिङ्धो क़ेग़ेप्पा चोःक्पा कुइसिःक् खिनिॽआङ् ह़ेक्तङ्बा पोःङ्माए पोःङ्लो॥” |
| 23352 | MAT 6:1 | य़ेसुऱे याम्मो म़ेत्तुसि, “सिङ्सिङ् य़ेक्य़ेक् लॽऱेम्म़ेॽओ, खिनिॽ क़ेजोगुम्बा साम्योनिबा याःम्बक्हाॽ मनाहाॽऱे म़ेनिःसुआङ् खिनिॽ नारा म़ेभोःसुर फाॽआङ् मना तगि म़ेजोग़ेम्मिन्ऩेॽओ॥ ह़ेक्के क़ेजोगुम्ऩे फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् क़ेङ्घोःसुम्मिन्लो॥ |
| 23355 | MAT 6:4 | ह़ेक्केलॽरिक् क़ेबिरुसिबा पाःन्निन् स्वाःत्ताङ् पोःङ्लरो॥ ह़ेक्क्याङ्लक् स्वाःत्ताङ् क़ेजोगुबा पाःन् क़ेनिःबा पानुदिङ् क़ेम्बाऱे हाङ्स़ेम् क़ेबिरो॥” |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23360 | MAT 6:9 | ख़ेल्ल़े चोगुल्ल़े अक्खेलॽरिक् तुवा चोग़ेम्म़ेॽओ– ‘साङ्ग्राम्पेदाङ्ङो क़ेवाॽबा आनिग़े पानुदिङ् पाए, मनाहाॽऱे क़ेमिङ्ङिन् सेसे म़ेइःत्तुर मिङ्सो इङ्धाःङ् क़ेम्बिररो॥ |
| 23364 | MAT 6:13 | हङ्साॽमो आन्धाःस़ेन्ऩेॽओ, कर माफ़ेन्साम्लाम् आस़ेःप्त़ेॽओ॥ ((थेआङ्भ़ेल्ल़े हाङ्जुम्, मुक्साम् नु मिमिदिङ्ङिन् सदादिङ् ख़ेऩेॽइन्नेरो॥))’ |
| 23366 | MAT 6:15 | कर खिनिॽ तक्ल़ेङ्वाओ लायो क़ेजोःक्पाहाॽ ल़ेप्मि क़ेम्बिरुम्सिम्मिन्ऩे फाॽग्र खिनिॽ पानुदिङ् पाः निङ्वाॽफुमाङ्ङिल्ल़ेआङ् खिनिॽ लायोःन् ल़ेप्मि क़ेम्बिरिन्लो॥” |
| 23367 | MAT 6:16 | “ह़ेक्क्याङ् खिनिॽ चाःऩेत् क़ेयुङ्ङिल्ल़े निङ्वाॽ क़ेजिःप्पाहाॽ कुइसिःक् खिनिॽ ना म़ेमाक्त़ेम्मिन्ऩेॽओ, थेआङ्भ़ेल्ल़े ख़ेङ्हाॽ चाःऩेत् म़ेयुङ्ङिल्ल़े वेॽ मनाहाॽऱे निङ्वाॽ म़ेघोःसुर फाॽआङ् खुनिॽ नाराःन् म़ेगिःन्दुर म़ेयुङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱेग खुनिॽ हाङ्स़ेम्मिन् क़ेऱेक् म़ेघोःसु म़ेसुरुआङ् म़ेवाॽरो॥ |
| 23369 | MAT 6:18 | ह़ेक्केलॽरिक् ख़ेऩेॽ चाःऩेत् क़ेयुङ्बान् वेॽ मनाहाॽऱे निङ्वाॽ म़ेङ्घोःसुन्लरो, कर निःम़ेन्द़ेप्मनाबा पानुदिङ् क़ेम्बा निङ्वाॽफुमाङ्ङिल्ल़ेरक् निःसुररो॥ ह़ेक्के क़ेजोगुल्ल़े स्वाःत्ताङ् चोःक्मनाबा क़ेनिःबा पानुदिङ् क़ेम्बाऱे हाङ्स़ेम् क़ेबिॽरो॥” |
| 23370 | MAT 6:19 | “इक्सादिङ् खाम्बेःक्मो याङ्साकुन्धे म़ेलुप्स़ेन्ऩेॽओ॥ ख़ेप्मोग थक्पाहाॽऱे म़ेजःॽ, हिङ्धोःक्किल्ल़े यःन्दुॽ, ह़ेक्क्याङ् खुःन्द्रिक्पाहाॽऱे म़ेघुःत्तुॽरो॥ |
| 23375 | MAT 6:24 | आत्तिल्ल़ेआङ् ऩेप्फु दाङ्बाहाॽ सेवा चोःक्मासि म़ेसुक्तुन्सिन्लो॥ ख़ेल्ल़े थिक्किन् नुःरिक् म़ेत्तुॽआङ् वेॽस्मान् चिःत्तुॽरो, म़ेःङ्ग्र थिक्किन् इङ्धाःङ् पिरुआङ् वेॽस्मान् इङ्धाःङ् म़ेबिरुन्लो॥ ख़ेऩेॽ निङ्वाॽफुमाङ्ङिन् नु याङ्साकुन्धेःन् सोसोरिक् सेवा चोःक्मा क़ेन्छुक्तुन्लो॥” |
| 23376 | MAT 6:25 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, कन् ऩेत्तिग़ेन् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, ह़ेक्केलॽरिक्के कन् नासिङ्ग़ेन् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ॥ ऩेत्तिग़ेन् हिङ्मन्निन् चामा थुङ्मानुःल्ल़े ह़ेक्क्याङ् नासिङ्ग़ेन् थक्किन् चाङ्मा वाःप्मानुःल्ल़े नुःबा म़ेजोःक्ऩेन्बि? |
| 23385 | MAT 6:34 | ख़ेल्ल़े चोगुल्ल़े ताःन्दिक् थे पोःङ् फाॽआङ् निङ्वाॽ इःत्छिङ्मो म़ेध्य़ेम्मिन्ऩेॽओ, थेआङ्भ़ेल्ल़े ताःन्दिक्पा तुक्खेःन् ताःन्दिक्के पोःङ्, ह़ेक्क्याङ् आइन्बा तुक्खेःन् आइन्छा यरिक् पोःक्ख़ेआङ् वाॽरो॥” |
| 23386 | MAT 7:1 | य़ेसुऱे याम्मो पाःत्तु, “मनाहाॽ पाःन् म़ेधिक्त़ेम्सिम्म़ेन्ऩेॽ, ह़ेक्केलॽरिक् निङ्वाॽफुमाङ्ङिल्ल़े खिनिॽआङ् पाःन् क़ेन्धिक्तिन्लो॥ |
| 23391 | MAT 7:6 | सेसे चिगःक्वाःन् ख्याबाहाॽ म़ेबिऱेम्सिम्मिन्ऩेॽ, म़ेःन्ऩे फाॽग्र ख़ेङ्हाॽ हिल्लिक्म़ेहिसिङ् ह़ेक्क्याङ् क़ेम्भत्तिॽआङ् क़ेम्हाॽरिरो॥ ह़ेक्क्याङ् फाक्हाॽऱे खुनिॽ तगि त़ेक्सेःक्किन् म़ेस़ेस़ेम्मिन्ऩेॽओ, ख़ेङ्हाॽऱे म़ेदोॽरु म़ेलाःक्तुॽरो॥” |
| 23392 | MAT 7:7 | “नाःक्त़ेम्म़ेॽ, ह़ेक्क्याङ् खिनिॽ क़ेम्बिरिॽ॥ कोःत्त़ेम्म़ेॽ, ह़ेक्क्याङ् खिनिॽ क़ेघोःसुम्॥ लाम्धेःप्पो पेग़ेम्म़ेॽआङ् खक्खक्म़ेत्त़ेम्म़ेॽ ह़ेक्क्याङ् खिनिॽ लागि हन्लो॥ |
| 23396 | MAT 7:11 | खिनिॽ निङ्वाॽ क़ेभ़ेॽबा क़ेजोगिसाङ् खिनिॽ साःहाॽऱे म़ेनाःक्तुल्ल़े नुःबा पाःन्हाॽ पिमा क़ेल़ेस्सुम्ऩे फाॽग्र, ख़ेन्नुःल्ल़ेआङ् यरिक् खिनिॽ साङ्ग्राम्पेदाङ्ङोबा पानुदिङ् पाःल्ल़े खुऩेॽ क़ेनाःक्पाहाॽ नुःबा पाःन्हाॽ पिरुसिॽरो॥” |
| 23397 | MAT 7:12 | “क़ेऱेक् पाःन्नो मनाहाॽऱे आक्खेलॽरिक् खिनिॽ क़ेम्म़ेत्ति क़ेम्इःत्तिबा निङ्वाॽ क़ेजोगुम्, ह़ेक्केलॽरिक्के खिनिॽआङ् ख़ेङ्हाॽ इःत्त़ेम्सिम्म़ेॽओ, थेआङ्भ़ेल्ल़े कन् थिम्मो मोसाऱे साप्तुबा साम्योथिम् नु माङ्निङ्वाॽपाःन् क़ेबाःप्पाहाॽऱे म़ेबाःत्तुबा पाःन्निन् क़ेत्लो॥” |
| 23398 | MAT 7:13 | “चिभिःप्फिःप्पा लाःप्माद़ेन्नोलाम् निङ्वाॽफुहाङ्जुम्मो लाःस़ेम्म़ेॽओ, थेआङ्भ़ेल्ल़े यम्बा लाःप्माद़ेन् नु ताम्दाम्बा लाम्मिल्ल़ेग म़ेक्माओ क़ेदेॽरिॽरो॥ ख़ेन्लाम्बा यरिक् मनाहाॽ म़ेलाःत्लो॥ |
| 23399 | MAT 7:14 | कर चुक्सा लाःप्माद़ेन् नु चिभिःप्फिःप्पा लाम्मिल्ल़ेग म़ेन्नुप्मनाबा हिङ्मन्नो क़ेदेॽरिॽरो॥ ख़ेन् क़ेघोःबाहाॽग मिसाक्लक् म़ेबोःङ्लो॥” |
| 23400 | MAT 7:15 | “इङ्ल़ेक्पा माङ्निङ्वाॽपाःन् क़ेबाःप्पाहाॽनु सिङ्सिङ् य़ेक्य़ेक् लॽऱेम्म़ेॽओ, ख़ेङ्हाॽग लाःक्कात्लाम् म़ेल्लुक् कुइसिःक् म़ेल़ेङ्सिङ्ङाङ् खिनिॽओ म़ेदारो, कर सिगाङ्ग ख़ेङ्हाॽ किप्मा क़ेघुःबा पराबासिरो॥ |
| 23405 | MAT 7:20 | ख़ेल्ल़े चोगुल्ल़े ख़ेङ्हाॽऱे म़ेजोगुबा खुनिॽ याःम्बक्कोलाम् इङ्ल़ेक्पा माङ्निङ्वाॽपाःन् क़ेबाःप्पाहाॽ कुसिङ् क़ेनिःत्तुम्सिम्लो॥” |
| 23406 | MAT 7:21 | आल्ल “‘आदाङ्बे, आदाङ्बे’, लॽरिक् याप्मि क़ेम़ेप्पाहाॽ क़ेऱेक् साङ्ग्राम्पेदाङ्बा हाङ्जुम्मो म़ेन्लाःत्ऩेन्लो, कर साङ्ग्राम्पेदाङ्ङो क़ेवाॽबा पानुदिङ् आम्बाऱे कुनिङ्वाॽ ह़ेक्के क़ेजोःक्पाहाॽरक् म़ेलाःत्लो॥ |
| 23407 | MAT 7:22 | खास़ेन् य़ेन्नो यरिक् मनाहाॽ म़ेदाआङ् अक्खे म़ेम़ेत्तारो, ‘आदाङ्बे, आदाङ्बे, ख़ेऩेॽ क़ेमिङ्ङो माङ्निङ्वाॽपाःन् पारिग़ेरो, ह़ेक्क्याङ् ख़ेऩेॽ क़ेमिङ्ङो फ़ेन्साम्हाॽ नाःत्तुम् लःत्तुम्सिम्ब़ेआङ् निङ्वाॽ क़ेमाबा याःम्बक्हाॽ चोगुम्ब़ेरो॥’ |
| 23408 | MAT 7:23 | कर ख़ेन् य़ेम्मो ख़ेङ्हाॽ इङ्गाॽ अक्खे म़ेत्तुङ्सिङ्, ‘खिनिॽग आप्फाल्ल़ेआङ् कुसिङ् निःत्निङ्बा होःप्लो॥ खिनिॽ पानुदिङ् आम्बाऱे कुनिङ्वाॽ ह़ेक्के म़ेन्जोःक्के फ़ेन् याःम्बक् क़ेजोःक्पासे, कप्मोलाम् पेग़ेम्म़ेॽ!’” |
| 23409 | MAT 7:24 | आल्ल “ख़ेल्ल़े चोगुल्ल़े पेलिग़ेन् आबाःन्जाक् क़ेघ़ेम्बाआङ् ह़ेक्के क़ेजोःक्प़ेङ्ग पयम् यम्बा लुङ्सम्दाङ् हिम्पाङ्यक् क़ेऩेबाआङ् हिम् क़ेजोःक्पा सिक्कुम्बा मना कुइसिःक् चोःक्लो॥ |
| 23412 | MAT 7:27 | पाङ्ग़ेन्दिङ् वाहित् थ्य़ेआङ्, यङ्घङ्ङिन् कुक्ख़े य़े, ह़ेक्क्याङ् किप्मा क़ेघुःबा सुरित् केजङ् हुःऱेआङ् ख़ेन् हिम्मिन् हिप्तुल्ल़े यऱेबेरो॥” |
| 23416 | MAT 8:2 | हक्चघत् ख़ेप्मो लोगेॽ तुक्माल्ल़े तरुबा मनाधिक् कुदगि थुङ्बोहजॽ युङ्सिङ्ङाङ् ख़ेल्ल़े अक्खे म़ेत्तु, “आदाङ्बे, ख़ेऩेॽ निङ्वाॽ क़ेजोगुऩे फाॽग्र इङ्गाॽ वेःम्मा क़ेसुक्कारो॥” |
| 23417 | MAT 8:3 | य़ेसुऱे कुहुक्किन् सन्छुर ख़ेन् मनाःन् सुःसुआङ् अक्खे म़ेत्तु, “इङ्गाॽ निङ्वाॽ चोगुङ्लो॥ ख़ेऩेॽ नुऱेॽओ!” खिमो ख़ेन् मनाःन् लोगेॽ तुक्मालाम् नुःऱेरो॥ |
| 23418 | MAT 8:4 | ह़ेक्क्याङ् य़ेसुऱे ख़ेन् म़ेत्तु, “आत्तिन् मनाःन्नाङ् कन् पाःन्निन् म़ेम़ेत्त़ेन्ऩेॽओ, कर माङ्हिम्मो पेग़ेॽआङ् नुःराङ्लो फाॽआङ् निङ्वाॽफुसाम्बाल्लो ओसेःन्धाक्सिङ्ङ़ेॽओ, ह़ेक्क्याङ् मोसाऱे कुसाम्योथिम्मो साप्त़ेबा कुइसिःक् सिदुङ्जभा चोग़ेॽओ॥ ह़ेक्केलॽरिक् क़ेऱेक् मनाहाॽऱे ख़ेऩेॽ क़ेनुऱेबान् म़ेनिःसुररो॥” |
| 23420 | MAT 8:6 | “दाङ्बे, इङ्गाॽ आसेवारोबान् हिम्मो पोःक्मा युङ्मा म़ेन्छुक्के थारिक् तुक्काङ् ऩेरो॥” |
| 23421 | MAT 8:7 | य़ेसुऱे ख़ेन् म़ेत्तु, “इङ्गाॽ पेःक्काआङ् नुसुङ्लो॥” |
| 23422 | MAT 8:8 | कर थक्तुम्बाल्ल़े नोगप् पिरु “दाङ्बे, ख़ेऩेॽ आहिम्मो लाङ्दाःक्मा इङ्गाॽ म़ेलाॽआन्लो॥ ख़ेऩेॽ नुॽर फाॽआङ् क़ेबाःत्तुसाङ् आसेवारोबान् नुॽरो॥ |
| 23423 | MAT 8:9 | थेआङ्भ़ेल्ल़े इङ्गाॽआङ् आधुङ्धोबा सुहाङ्युक्पाहाॽऱे खुनिॽ युक्को क़ेवाॽबा मनाआरो, ह़ेक्क्याङ् इङ्गाॽआङ् आयुक्को थक्सुबाहाॽ म़ेवाॽरो॥ इङ्गाॽ थक्सुबान् ‘पेग़ेॽ’ म़ेत्तुङ्ङिल्ल़े पेःक्, वेॽस्मान् ‘फ़ेऱेॽ’ म़ेत्तुङ्ङिल्ल़े फ़ेन्, ह़ेक्क्याङ् आसेवारोबान् ‘ख़ेन् चोग़ेॽ’ म़ेत्तुङ्ङिल्ल़े ख़ेल्ल़े चोगुॽरो॥” |
| 23424 | MAT 8:10 | य़ेसुऱे कन् ख़ेप्सुल्ल़े कुनिङ्वाॽ मय़ेर खुऩेॽ कुएगाङ् कुएगाङ् क़ेदिम्बाहाॽ अक्खे म़ेत्तुसि, “इङ्गाॽ स़ेक्खाए म़ेत्निङ्, अक्तङ्बा यम्बा नसाःन् क़ेगप्पा मनाःङ्ग इस्राइलोआङ् इङ्गाॽ म़ेङ्घोए वाॽआरो! |
| 23426 | MAT 8:12 | कर साङ्ग्राम्पेदाङ्बा हाङ्जुम्मो वाॽमा फाॽआङ् म़ेसेग़ेबा इस्राइलिहाॽग ख़ेप्मोलाम् लाःक्कात् खामाक् लुम्बाःत्तो लाप्म़ेभुॽरो॥ ख़ेप्मोग हाःप्मा नु हाबोॽ य़ेःङ्मान्लक् पोःङ्लो॥” |
| 23427 | MAT 8:13 | ह़ेक्क्याङ् य़ेसुऱे ख़ेन् थक्तुम्ब़ेन् म़ेत्तु, “पेग़ेॽओ, नसाःन् क़ेजोगुबा ह़ेक्केए पोःङ्लो॥” ह़ेक्क्याङ् ख़ेन् कुसेवारोबान् बा ख़ेन् य़ेम्मोए नुःऱेरो॥ |
| 23431 | MAT 8:17 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबान् क़ेत्ल फाॽआङ् अक्खे पोःक्ख़ेबारो– “खुऩेॽ आबाङे आनिॽ तुक्खेहाॽ याङ्सिङ्लो, ह़ेक्क्याङ् आनिॽ तुक्मा यॽमाहाॽ कुयु तेॽरुरो॥” |
| 23433 | MAT 8:19 | ख़ेङ्हाॽऱे पेःक्मा यारिप् म़ेजोगुर म़ेयाग़ेल्ल़े साम्योथिम्साम्बाधिक् फ़ेऱेआङ् म़ेत्तु, “सिक्साम्बे, ख़ेऩेॽ आत्ति क़ेबेःक्साङ् ख़ेऩेॽनु पेःक्कारो॥” |
| 23434 | MAT 8:20 | य़ेसुऱे नोगप् पिरु, “किधिबाहाॽऱे लुङ्घुरि म़ेगत्तुॽ, पुसाहाॽऱे हाप् म़ेगत्तुॽ, कर इङ्गाॽ म़ेन्छाम्साःल्ल़ेग थ़ेगेःक् नाःम्मा त़ेन्नाङ् म़ेगत्तान्लो॥” |
| 23435 | MAT 8:21 | वेॽस्मा हुॽसाम्बाधिक्ल़े खुऩेॽ म़ेत्तु, “आदाङ्बे, तगि इङ्गाॽ क़ेसिःबा आम्बाःन् इप्पुङ्ङो चिङ्स़े पेःक्मा पाङ्घाङ्ङ़ेॽओ॥” |
| 23436 | MAT 8:22 | कर य़ेसुऱे ख़ेन् म़ेत्तु, “इङ्गाॽ तिम्दाङ्ङ़ेॽओ, ह़ेक्क्याङ् हाराॽ याम्साम्मो क़ेसिःबा मनाहाॽऱे खुनिॽ आबाङे चेहाॽ इप्पुङ्ङो म़ेजिक्खुसिररो॥” |
| 23439 | MAT 8:25 | कुहुॽसाम्बाहाॽ म़ेबेआङ् खुऩेॽ अक्खे म़ेम़ेत्तुर म़ेभोःक्खु, “आदाङ्बे, याप्मि ताङ्स़ेःप्त़ेॽओ! आनिग़ेग हुम्मा सिःमा इःत्तिग़ेरो!” |
| 23440 | MAT 8:26 | य़ेसुऱे ख़ेङ्हाॽ म़ेत्तुसि, “नसाःन् क़ेसुःम्बासे, थेआङ् अक्खेलॽरिक् क़ेगिःसिबाबे?” ह़ेक्क्याङ् खुऩेॽ पोग़ेआङ् सुरित्केजङ्ङिन् नु वाभ़ेल्ल़ेङ्ङिन् फ़ेःक्तु, ह़ेक्क्याङ् क़ेऱेक् चिजि य़ेम्य़ेम् पोःक्ख़ेरो॥ |
| 23441 | MAT 8:27 | ह़ेक्क्याङ् ख़ेङ्हाॽऱे खुनिॽ निङ्वाॽ मय़ेर सेःन्म़ेदोःसिङ् “खुऩेॽग आक्तङ्बा मनाःन्बे? खुऩेॽ कुइङ्जाःङ्ङिन् वाभेल्ल़ेङ्नु सुरित्केजङ्ङिल्ल़ेआङ् ख़ेप्सुङ्ग!” |
| 23443 | MAT 8:29 | ख़ेङ्हाॽ अक्खेलॽरिक् अःक्त़ेत्छि, “निङ्वाॽफुसाःए, ख़ेऩेॽ आन्छिग़ेनु थे क़ेगोःत्तुबाबे? खास़ेन् य़ेम्मिन्ने म़ेन्दाए आन्छिग़े तुक्खे चाःत्छ़े कप्मो क़ेद्य़ेबाबि?” |
| 23446 | MAT 8:32 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽ!” ख़ेल्ल़े चोगुल्ल़े ख़ेन् ऩेप्फु मनाहाॽलाम् ख़ेङ्हाॽ म़ेलःन्द़े म़ेबेआङ् फाक्हाॽओ म़ेलाःस़े॥ ह़ेक्क्याङ् ख़ेन् फाक्हाॽ सङ्माङ्ङे सङ्माङ् म़ेलोःक्त़ेर याक्प़ेओनु मक्म़ेध्य़ेआङ् वरक्को म़ेहुम़े म़ेस्य़ेरो॥ |
| 23450 | MAT 9:2 | ख़ेप्मो कुभा मनाहाॽऱे लङ्ल़ेःङ्वा मनाधिक् कुऩेत्नाःन्नुए खुऩेॽओ म़ेदारुरो॥ ह़ेक्क्याङ् ख़ेङ्हाॽऱे ख़ेन् लङ्ल़ेःङ्वाःन् वेःप्मा सुक् क़ेलॽबा नसाःन् म़ेगत्तुबा य़ेसुऱे निःसुआङ् म़ेत्तु, “आस्साःए, हाङ्हाङ् लॽऱेॽओ, ख़ेऩेॽ क़ेलायोहाॽ ल़ेप्मि पोःक्ख़ेरो॥” |
| 23451 | MAT 9:3 | ह़ेक्केःल्ल़े ख़ेप्मो क़ेवाॽबा कुभा साम्योथिम्साम्बाहाॽ अक्खे म़ेम़ेत्छिङ्, “कन् मनाःल्ल़ेग निङ्वाॽफुमाङ् कुइसिःक् लायो ल़ेप्मि क़ेबिबा ल़ेङ्सिङ्ङाङ् माङ्च़ेॽया पाःन्निन्ऩे पाःत्तुर पत्लो!” |
| 23452 | MAT 9:4 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “थेआङ् ह़ेक्केलॽरिक् फ़ेन् निङ्वाॽ क़ेइःत्तुम्बाबे? |
| 23453 | MAT 9:5 | ‘क़ेलायोहाॽ ल़ेप्मि पोःक्ख़े’, म़ेप्मा उसुरु चोःक्पि, इ ‘पोग़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 23454 | MAT 9:6 | इङ्गाॽ म़ेन्छाम्साःल्ल़े इक्सादिङ् खाम्बेःक्मो लायोहाॽ ल़ेप्मि पिमा युक् कत्तुङ् लॽरिक् ओसेःन्धाक्निङ्लो॥” ह़ेक्केःल्ल़े य़ेसुऱे ख़ेन् लङ्ल़ेःङ्वाःन् म़ेत्तु, “पोग़ेॽ, क़ेऩेत्नाःन् याङ्सिङ्ङ़ेॽआङ् क़ेहिम्मो थासिङ्ङ़ेॽ॥” |
| 23457 | MAT 9:9 | य़ेसुःन् ख़ेप्मोलाम् पेर पत्छ़ेल्ल़े मत्ति म़ेप्मनाबा मनाःन् एःङ्याङ् फोःङ्मा त़ेन्नो युङ़ेबा निःसुआङ् म़ेत्तु, “इङ्गाॽ तिम्दाङ्ङ़ेॽओ॥” ख़ेन् मुत्थ्रिक् पोग़ेआङ् खुऩेॽनु थासिङ्लो॥ |
| 23458 | MAT 9:10 | ख़ेन् युःन्छिक् य़ेसुःन् नु कुहुॽसाम्बाहाॽ मत्तिऱे कुहिम्मो चाजास़े म़ेयुङ्सिङ्ङिल्ल़े एःङ्याङ् क़ेभोःङ्बा यरिक् मनाहाॽ नु वेॽ “लायोबाहाॽ” म़ेद्य़ेआङ् ख़ेङ्हाॽनु सोरिक् चाजास़े म़ेयुङ्सिङ्॥ |
| 23459 | MAT 9:11 | ह़ेक्केःल्ल़े कुभा फरिसिहाॽऱे ख़ेन् म़ेनिःसुआङ् कुहुॽसाम्बाहाॽ म़ेम़ेत्तुसि, “थेआङ् खिनिॽ सिक्साम्बान् एःङ्याङ् क़ेभोःङ्बाहाॽ ह़ेक्क्याङ् वेॽ लायोबाहाॽनु सोरिक् चाजाबाबे?” |
| 23460 | MAT 9:12 | य़ेसुऱे कन् ख़ेप्सुआङ् म़ेत्तुसि, “सिदाॽसाम्ब़ेङ्ग म़ेन्दुक्मनाहाॽऱे लागि म़ेःन्, कर क़ेदुक्पाहाॽऱे लागिरो॥ |
| 23461 | MAT 9:13 | साम्योसाप्लाओ यहवे दाङ्बाल्ल़े इङ्गाॽग सिदुङ्जभा चाहाबा म़ेजोःक्कान्, कर वेॽहाॽ लुङ्माॽ तुक्त़ेम्सिम्म़ेॽ क़ेलॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ल़े कुबेःन् हुॽआसिम्म़ेॽओ॥ इङ्गाॽग साम्योनिबाहाॽऱे लागि म़ेःन्, कर लायोबाहाॽ लायोलाम् म़ेनुःङ्ङाङ्ताङ्म़ेस़ेःप्ल फाॽआङ् त्याङ्बारो॥” |
| 23462 | MAT 9:14 | ह़ेक्क्याङ् थिक्ल़ेङ् बप्तिस्मा क़ेबिबा युहुन्नाऱे कुहुॽसाम्बाहाॽ म़ेद्य़ेआङ् य़ेसुःन् सेःन्म़ेदोसु, “आनिग़े नु फरिसिहाॽ चाःऩेत्तो ए़त्ल़ेङ् युङिग़ेॽ कर थेआङ् क़ेहुॽसाम्बाहाॽ चाःऩेत्तो म़ेन्युङ्ऩेन्बाबे?” |
| 23463 | MAT 9:15 | य़ेसुऱे ख़ेङ्हाॽ नोगप् पिरुसि, “मेःक्खिम्साब़ेन् कुन्जुम्हाॽनु वाॽर थारिक् खुऩेॽ कुन्जुम्हाॽ चाःऩेत्तो म़ेयुङ्ङाङ् मेरिङ् म़ेधक्पि? कर ख़ेङ्हाॽलाम् मेःक्खिम्साब़ेन् साक्क़ेल्ल़ेक् म़ेद़ेम्सुआङ् म़ेदेॽरुल्ल़ेरक्ख़ेङ्हाॽ चाःऩेत्तो म़ेयुङ्लो॥ |
| 23465 | MAT 9:17 | आत्तिल्ल़ेआङ् कुसङ् च़ेल्ल़ेक्सेॽ थिःन् कुद्ऱेक्स़ेहोबा सुःक्वाओ म़ेयुक्खुन्, कर युक्खुऩे फाॽग्र कुसङ् च़ेल्ल़ेक्सेॽ थिःल्ल़े कुद्ऱेक्स़ेहोबा सुःक्वाःन्थ़ेःक्खुदेःसुॽरो, ह़ेक्क्याङ् थिःन् व़ेत् पेःक्काङ् चासोःक्लो॥ कर कुसङ् च़ेल्ल़ेक्सेॽ थिःन्कुसङ् स़ेहोबा सुःक्वाओ याक्मा पोःङ्, ह़ेक्केःल्ल़े च़ेल्ल़ेक्सेॽ थिःन् नु स़ेहोबा सुःक्वाःन्ऩेप्माङ् ताङ्लो॥” |
| 23466 | MAT 9:18 | य़ेसुऱे ह़ेक्के पाःत्तुर पत्छ़ेल्ल़े सुहाङ्युक्पाधिक् कुदगि थुङ्बोहजॽ युङ्सिङ्ल अक्खे पाःत्तु, “आदाङ्बे, आस्साः चुक्म़ेन् खारक् स्य़ेरो, कर ख़ेऩेॽ फ़ेऱेॽआङ् कुसम्दाङ् क़ेहुक्किन् ऩेस्स़े पिऱेॽ, ह़ेक्क्याङ् ख़ेन् हिङ्लो॥” |
| 23470 | MAT 9:22 | य़ेसुःन् हिल्लिक्हिसिङ्ङिल्ल़े ख़ेन् म़ेन्छुमाॽइन् निःसुआङ् म़ेत्तु, “मामुए, हाङ्हाङ् लॽऱेॽओ, नसाःन् क़ेजोगुबाल्ल़े चोगुल्ल़े ख़ेऩेॽ क़ेवेःत्त़ेरो॥” ह़ेक्क्याङ् ख़ेन् म़ेन्छुमाॽइन् हाबा ख़ेन् य़ेम्मो वेःत्त़ेरो॥ |
| 23472 | MAT 9:24 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽओ, कन् चुक्म़ेङ्ग म़ेन्छिःए वाॽ इप्स़ेआङ्लक् ऩेरो”, कर ख़ेङ्हाॽऱे खुऩेॽ म़ेएःत्तुरो॥ |
| 23475 | MAT 9:27 | य़ेसुःन् ख़ेप्मोलाम् पेर पत्छ़ेल्ल़े ऩेप्फु मिक्फःम्बाहाॽऱे खुऩेॽ कुएगाङ् कुएगाङ् तिम्द़ेत्छुर अक्खेलॽरिक् अःक्त़ेत्छि, “दाउदऱे कुस्साःए, आन्छिग़े लुङ्माॽ आदुक्त़ेॽओ॥” |
| 23476 | MAT 9:28 | ह़ेक्क्याङ् य़ेसुःन् लाःस़ेबा हिम्मो पेसिल्ल़े य़ेसुऱे ख़ेङ्हाॽ सेःन्दोसुसि, “खिन्छिॽ मिक् निःमा क़ेसुक्सुर चोःक्मा सुक्तुङ् फाॽआङ् नसाःन् क़ेजोःक्सुबि?” चोःक्सुग़ेॽरो, आदाङ्बे फाॽआङ् नोगप् पिऱेत्छु॥ |
| 23477 | MAT 9:29 | ह़ेक्क्याङ् य़ेसुऱे ख़ेङ्हाॽऱे खुन्छिॽ मिक्हाॽ सुःसु पिरुसिर म़ेत्तुसि, “खिन्छिॽ नसाःन् क़ेजोग़ेत्छुबा कुइसिःक्के पोःङ्लरो॥” |
| 23478 | MAT 9:30 | ख़ेङ्हाॽ मिक् निःमा क़ेसुक्पा पोःक्ख़ेत्छि॥ य़ेसुऱे ख़ेङ्हाॽ “कन् पाःन्निल्ल़े कुयाःम्बेओ आत्तिल्ल़ेआङ् निङ्वाॽ म़ेघोःसुन्लरो” म़ेत्तुसि॥ |
| 23481 | MAT 9:33 | ह़ेक्क्याङ् ख़ेन् फ़ेन्साम्मिन् य़ेसुऱे नाःत्तु लःत्तु ह़ेक्क्याङ् ख़ेन् मनाःन् पाःप्मा हेःक्त़ेरो॥ ख़ेन् म़ेनिःसुआङ् ख़ेन् मनाहाॽऱे साॽरिक् खुनिॽ निङ्वाॽ मय़ेर अक्खे म़ेबाःत्तु, “इस्राइल लाजेॽ खाराक् अक्तङ्बा निङ्वाॽ क़ेमाबा पाःङ्ग आप्फाल्ल़ेआङ् म़ेन्निए वयिग़ेरो॥” |
| 23482 | MAT 9:34 | कर फरिसिहाॽऱे म़ेबाःत्तु, “कन् मनाःल्ल़ेग फ़ेन्साम्हाॽऱे खुनिॽ हाङ्ङिल्ल़े कुमुक्साम्लाम् फ़ेन्साम्हाॽ नाःत्तु लःत्तुसिॽरो॥” |
| 23485 | MAT 9:37 | ह़ेक्क्याङ् य़ेसुऱे कुहुॽसाम्बाहाॽ म़ेत्तुसि, “सुम्मा क़ेबोःङ्बा चाःन् यरिक् ऩेःॽ, कर चा क़ेसुम्बा याःलिक्हाॽ म़ेसुःन्लो॥ |
| 23486 | MAT 9:38 | ह़ेक्केःल्ल़े सुम्मा क़ेबोःङ्बा चाःल्ल़े कुन्दाङ्बान् यरिक् याःलिक्हाॽ चा सुम्स़े पाङ्घुसिर फाॽआङ् खिनिॽ तुवा चोग़ेम्म़ेॽओ॥” |
| 23488 | MAT 10:2 | ख़ेन् थिक्-ऩेत् सेःक्युक्मिबाहाॽऱे खुनिॽ मिङ्ग अक्तङ्बा चोःक्– सिमोन (खुऩेॽ पत्रुसआङ् म़ेम़ेत्तु), आन्द्रियास (पत्रुसऱे कुन्साॽ), याकुब (जब्दियाऱे कुस्साः), युहुन्ना (याकुबऱे कुन्साॽ), |
| 23490 | MAT 10:4 | सिमोन (खुऩेॽ “हाङ्बिफ्युङ् क़ेजोःक्पा” म़ेम़ेत्तु॥ ख़ेन् फाॽइन् हाङ्बिफ्युङ् क़ेजोःक्पा वय़े), ह़ेक्क्याङ् यहुदा इस्करियोत (खुऩेॽ य़ेसुऱे कुनसाःन् क़ेल़ेङ्बा पोःक्ख़ेरो)॥ |
| 23491 | MAT 10:5 | य़ेसुऱे कन् थिक्-ऩेत् सेःक्युक्मिबाहाॽ अक्खे म़ेत्तुसिर पाङ्घुसिरो– “थिम्म़ेन्दङ् सुवाङ्हाॽरो म़ेबेग़ेम्मिन्ऩेॽओ, ह़ेक्क्याङ् सामरिहाॽऱे खुनिॽ पाङ्जुम्हाॽओ म़ेबेग़ेम्मिन्ऩेॽओ, |
| 23493 | MAT 10:7 | खिनिॽ क़ेबेगिल्ल़े कन् सुनाइङ्ङिन् स़ेःस़ेम्म़ेॽओ–‘साङ्ग्राम्पेदाङ्बा हाङ्जुम्मिन् निःत्ताङ्ङे वाॽ॥’ |
| 23498 | MAT 10:12 | ख़ेन् हिम्मो क़ेलाःस्सिल्ल़े मनाहाॽनु ‘सनारुङ् क़ेघोःसुम्निरो’ लॽरिक् सेवा मय़ेम्म़ेॽओ॥ |
| 23501 | MAT 10:15 | इङ्गाॽ स़ेक्खाए म़ेत्निङ्लो, ताःन्दि खास़ेन् य़ेन्नोग ख़ेन् पाङ्जुम्मिल्ल़े कुदुक्खेःन्नुःल्ल़े सदोम नु गमोराबा पाङ्जुम्हाॽओ क़ेदाःबा तुक्खेःन् थम्मा सुक्क़ेद़ेप्पा पोःङ्लो॥” |
| 23502 | MAT 10:16 | “ख़ेप्स़ेम्म़ेॽओ! म़ेल्लुक्हाॽ पराबाहाॽऱे खुनिॽ लुम्मो पाङ्मनाबा कुइसिःक् पाङ्निङ्लो॥ ह़ेक्केःल्ल़े खिनिॽ असेःक्पा ह़ेक्के चाचाःप्पा नु पुत्तुःक्के ह़ेक्के कुदोःप्मा पोःक्ख़ेम्म़ेॽओ॥ |
| 23519 | MAT 10:33 | हाःत्ल़े इङ्गाॽ मना तगि नाॽआ, साङ्ग्राम्पेदाङ्ङो क़ेवाॽबा आम्बाऱे कुदगि इङ्गाॽआङ् ख़ेन् नाॽरुङ्लो॥” |
| 23520 | MAT 10:34 | “इङ्गाॽ इक्सादिङ् खाम्बेःक्मो सनारुङ् ताःत्छ़े त्याङ्बा फाॽआङ् म़ेइःत्त़ेम्मिन्ऩेॽ॥ इङ्गाॽ सनारुङ् ताःत्छ़ेग म़ेःन्, कर तुक्खे ताःत्छ़े त्याङ्बारो॥ |
| 23525 | MAT 10:39 | आत्तिल्ल़े ऩेत्तिग़ेन् कुहिङ्मन्निन् आबाङे हिङ्मा कोःत्तुॽ ख़ेल्ल़े ख़ेन् मासुॽरो, कर आत्तिल्ल़े ऩेत्तिग़ेन् कुहिङ्मन्निन् आलागि मासुॽ, ख़ेल्ल़े म़ेन्नुप्मनाबा हिङ्मन् खोःसुॽरो॥” |
| 23526 | MAT 10:40 | “आत्तिल्ल़े खिनिॽ लाङ्ग़ेदाःक्तिॽ, ख़ेल्ल़े इङ्गाॽआङ् लाङ्दाःक्कारो, ह़ेक्क्याङ् आत्तिल्ल़े इङ्गाॽ लाङ्दाःक्का, ख़ेल्ल़े इङ्गाॽ याप्मि क़ेबाङ्ब़ेन्नाङ् लाङ्दाःक्तुॽरो॥ |
| 23528 | MAT 10:42 | आत्तिल्ल़े इङ्गाॽओ नसाःन् क़ेजोःक्पाहाॽओ क़ेऱेक्नुःल्ल़े चुक्साधिक्किन् आहुॽसाम्बा फाॽआङ् फङ्नाधिक् च्वाःत् पिरुॽ, ख़ेल्ल़े स़ेक्खाए थुम्घोःन् खोःसुॽरो॥” |
| 23531 | MAT 11:3 | ख़ेङ्हाॽ म़ेबेआङ् य़ेसुःन् सेःन्म़ेदोसु, “क़ेदाःबार क़ेबप्पा ख्रिस्त़ेन्बा ख़ेऩेॽएऩेबि, इ वेॽस्मान् हाङ्घुम्ब़ेबाबि?” |
| 23532 | MAT 11:4 | य़ेसुऱे नोगप् पिरुसि, “नुःक्ख़ेम् पेग़ेम्म़ेॽआङ् क़ेनिःसुम्बा नु क़ेघ़ेप्सुम्बा पाःन्हाॽ युहुन्नाःन् म़ेत्त़ेम्म़ेॽओ– |
| 23534 | MAT 11:6 | इङ्गाॽ याप्मि चप्चि म़ेन्जोःक्मना मनाःन् मुॽइसाबारो॥” |
| 23535 | MAT 11:7 | बप्तिस्मा क़ेबिबा युहुन्नाःल्ल़े कुहुॽसाम्बाहाॽ म़ेबेर म़ेबत्छ़ेल्ल़े य़ेसुऱे ख़ेप्मो क़ेवाॽबा मनाहाॽ युहुन्नाऱे कुयाःम्बेओ अक्खे म़ेत्तुसि, “य़ेःङ्घाद़ेन्नो थेःन् ओमत्छ़े क़ेबेगिबाबे? सुरित् केजङ्ङिल्ल़े वाःन्जो-वाःन्जो लॽरिक् वाःन्दुबा थिङ्ऩेत् ह़ेक्तङ्बा मनाःन्बि? |
| 23538 | MAT 11:10 | साम्योसाप्लाओ युहुन्नाऱे कुयाःम्बेओ निङ्वाॽफुमाङ्ङिल्ल़े अक्खेलॽरिक् पाःत्तुआङ् पत्, ‘इङ्गाॽ आइङ्साबान् क़ेलाम्मिन् यारिप् चोःक्स़े ख़ेऩेॽनुःल्ल़े तगि पाङ्घुङ्लो॥’ |
| 23545 | MAT 11:17 | ‘खिनिॽ लागि आनिग़े के हिप्मना, कर खिनिॽ क़ेन्लाःक्खिन्, ह़ेक्क्याङ् आनिग़े मेरिङ् थक्मना, कर खिनिॽ क़ेन्हाबिन्॥’ |
| 23547 | MAT 11:19 | इङ्गाॽ म़ेन्छाम्साःङ्ग चाङ्ल थुङुङ्ल त्याङ्, ह़ेक्क्याङ् ख़ेङ्हाॽऱे अक्खे म़ेबाःत्तु, ‘ख़ेङ्ग तःक् थ़ेःक्के नु थिःमसाङ्लो, एःङ्याङ् क़ेभोःङ्बाहाॽ नु लायोबाहाॽऱे खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् ख़ेन् निस्से चोःक् फाॽआङ् निःद़ेत्लो॥” |
| 23549 | MAT 11:21 | “खोराजिन नु ब़ेथसेदा पाङ्जुम्मोबा मनासे, चिःत्त़ेआङ्लक् स्य़ेरो! खिनिॽ पाङ्जुम्मो पोःक्ख़ेबा निङ्वाॽ क़ेमाबा याःम्बक्हाॽ थिम्म़ेन्दङ् सुवाङ्हाॽऱे खुनिॽ य़ेक्यक् तायर नु सिदोन्नो पोःक्ख़ेआङ् वय़ेल्ल़ेग उन्छोःन्छा ख़ेप्मोबा मनाहाॽ लायोलाम् म़ेहिन्द़ेबारो फाॽआङ् सगितेःत् म़ेजाक्सिङ्ङाङ् खाप्पु म़ेजुःत्छिङ्बाम़ेन्॥ |
| 23552 | MAT 11:24 | कर इङ्गाॽ म़ेत्निङ्, खास़ेन्निल्ल़े य़ेन्नोग ख़ेऩेॽनुःल्ल़े सादोमऱे कुदुक्खेःन् थम्मा सुक्क़ेद़ेप्पा पोःङ्लो॥” |
| 23553 | MAT 11:25 | ख़ेन् य़ेम्मो य़ेसुऱे तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ल़े दाङ्बाए, इङ्गाॽ नोग़ेन् पिऩे, थेआङ्भ़ेल्ल़े ख़ेऩेॽग सिक्कुम्साबाहाॽ ह़ेक्क्याङ् चाःप्पाहाॽनु क़ेमाॽरुबा पाःन्निन् हिन्जाॽ ह़ेक्तङ्बाहाॽ ओसेःन्ग़ेधाक्तुसिरो॥ |
| 23554 | MAT 11:26 | आम्बे, बा अक्खे चोःक्माए ख़ेऩेॽ क़ेसिराॽ थाङ़ेरो॥” |
| 23555 | MAT 11:27 | ह़ेक्क्याङ् य़ेसुऱे मनाहाॽ म़ेत्तुसि, “आम्बाऱे क़ेऱेक् पाःन्हाॽ पिराङ्ङाङ् वाॽरो॥ कुस्साःन् कुम्बाऱेरक् कुसिङ् निःत्तुॽ, वेॽहाॽऱे कुसिङ् म़ेन्निःत्तुन्लो॥ ह़ेक्क्याङ् पानुदिङ् पाःन् कुसिङ् म़ेनिःत्तुर फाॽआङ् कुस्साःल्ल़े ओसेःन्धाक्तुसिबा मनाहाॽऱेरक् कुसिङ् म़ेनिःत्तुॽरो॥ |
| 23558 | MAT 11:30 | थेआङ्भ़ेल्ल़े इङ्गाॽ आजिघ़ेःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23560 | MAT 12:2 | कुभा फरिसिहाॽऱे ख़ेन् म़ेनिःसुआङ् य़ेसुःन् म़ेम़ेत्तु, “ओम़ेत्त़ेॽ, नाःम्सिङ्य़ेन्नो याःम्बक् चोःक्मा म़ेनुॽऩेन्, कर क़ेहुॽसाम्बाहाॽऱेग म़ेजोगुङ्ग!” |
| 23561 | MAT 12:3 | य़ेसुऱे ख़ेङ्हाॽ नोगप् पिरुसि, “म़ेःम्ब़े! दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े म़ेजोगुबा पाःन्निन् साम्योसाप्लाओ म़ेन्निःत्ते क़ेवयिॽबि? |
| 23566 | MAT 12:8 | थेआङ्भ़ेल्ल़े इङ्गाॽ म़ेन्छाम्साःङ्ग नाःम्सिङ्य़ेन्निल्ल़ेन्नाङ् कुन्दाङ्बाआरो॥” |
| 23568 | MAT 12:10 | ख़ेप्मो कुहुक् क़ेसम्बा मनाधिक् वय़े॥ ह़ेक्क्याङ् ख़ेप्मो कुभा यहुदिहाॽऱे य़ेसुःन् आप्तिक्कुःप्मा फाॽआङ् म़ेसुगुर म़ेवय़ेआङ् सेःन्म़ेदोसु, “नाःम्सिङ्य़ेन्नो मनाहाॽ वेःम्मासि साम्योथिम्मिल्ल़े आबिॽबि म़ेःम्बि?” |
| 23569 | MAT 12:11 | य़ेसुऱे ख़ेङ्हाॽ नोगप् पिरुसि, “खिनिॽ म़ेल्लुक्किन् नाःम्सिङ्य़ेन्नो केःम्बा लुम्बाःत्तो मक्थाःल्ल़े क़ेन्उःक्खुम् क़ेन्लःत्तुम्मिन्बि? |
| 23570 | MAT 12:12 | म़ेन्छाम् याप्मिःङ्ग म़ेल्लुक्किन्नुःल्ल़े इम़ेल्लुङ्बा म़ेजोःक्ऩेन्बि? नाःम्सिङ्य़ेन्नो नुःबा याःम्बक् चोःक्मा साम्योथिम्मिल्ल़े आबिॽरो॥” |
| 23571 | MAT 12:13 | ह़ेक्क्याङ् य़ेसुऱे ख़ेन् मनाःन् म़ेत्तु, “क़ेहुक्किन् सन्छ़ेॽ॥” ख़ेल्ल़े कुहुक्किन् सन्छुल्ल़े खिमो वेःत्त़ेआङ् वेॽस्मा कुहुक्किन् ह़ेक्केए नुःबा पोःक्ख़ेरो॥ |
| 23575 | MAT 12:17 | कङ्ग य़ेसुऱे कुयाःम्बेओ निङ्वाॽफुमाङ्ङिल्ल़े कुबाःन्निन् माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् साप्तुबान् क़ेऱेबारो– |
| 23576 | MAT 12:18 | “इङ्गाॽ सेगुङ्बा नु लुङ्माॽ तुक्तुङ्बा आसेवारोबान् कप्मो वाॽरो॥ खुऩेॽनु इङ्गाॽ सःत्ताङ्ङाङ् वाॽआरो॥ कुसम्दाङ् आसेसेमाङ्ङिन् ऩेस्सुङ्पिरुङ् ह़ेक्क्याङ् थिम्म़ेन्दङ्सुवाङ्हाॽ खास़ेन्ऱेन्इङ्भन् चोगुसिॽरो॥ |
| 23579 | MAT 12:21 | खुऩेॽ कुमिङ्ङो क़ेऱेक् थिम्म़ेन्दङ्सुवाङ्हाॽऱे निङ्साङ् म़ेजोगुॽरो॥” |
| 23581 | MAT 12:23 | क़ेऱेक् मनाहाॽऱे खुनिॽ निङ्वाॽ मय़ेर म़ेबाःत्तु, “कङ्ग क़ेदाःबार क़ेबप्पा दाउद हाङ्ङिल्ल़े कुस्साः स़ेन्लप् क़ेबिबा हाङ्ङिन् म़ेःम्बि?” |
| 23582 | MAT 12:24 | कर फरिसिहाॽऱे ख़ेन् म़ेघ़ेप्सुल्ल़े अक्खे म़ेबाःत्तु, “फ़ेन्साम्हाॽऱे खुनिॽ हाङ् बालजिबुलऱे कुमुक्साम्लाम्रक्कन् मनाःल्ल़े फ़ेन्साम्हाॽ नाःत्तु लःत्तुसिबारो॥” |
| 23583 | MAT 12:25 | य़ेसुऱे ख़ेङ्हाॽऱे खुनिॽ निङ्वाॽइन्निःसुआङ् अक्खे म़ेत्तुसि, “आप्फेःक् लुम्मो क़ेघेबा क़ेधक्पाआङ् क़ेस़ेम्बा क़ेऱेक् हाङ्जुम्हाॽ म़ेम़ेक्लो॥ ह़ेक्क्याङ् आप्फेःक् लुम्मो क़ेघेबा क़ेधक्पाआङ् क़ेस़ेम्बा य़ेक्यक् नु हिम्सयङ्हाॽऱे म़ेन्धःत्तुन्लो॥ |
| 23586 | MAT 12:28 | कर इङ्गाॽ निङ्वाॽफुमाङ्ङिल्ल़े कुसेसेमाङ्लाम् फ़ेन्साम्हाॽ नाःत्तुङ् लःत्तुङ्सिङ्लो, ख़ेल्ल़े चोगुल्ल़े निङ्वाॽफुहाङ्जुम्मिन् खिनिॽ लुम्मो त्य़े चुऱेआङ् वाॽ फाॽआङ् कुसिङ् निःत्त़ेम्म़ेॽओ॥” |
| 23587 | MAT 12:29 | “याम्मो ख़ेप्स़ेम्म़ेॽओ, क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥” |
| 23588 | MAT 12:30 | “आत्तिन् इङ्गाॽनु थिक्हुप्पो होःप्ख़ेन् आदक्ल़ेङ्वाओ वाॽ, हाःत्ल़े इङ्गाॽनु म़ेसुप्सुन् ख़ेल्ल़े स़ेःसुरो॥” |
| 23589 | MAT 12:31 | “ख़ेल्ल़े चोगुल्ल़े इङ्गाॽ खिनिॽ म़ेत्निङ्, म़ेन्छाम् याप्मिऱे चोःक्मनाबा क़ेऱेक् लायो नु निङ्वाॽफुमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि खोःमा सुक्त़ेत्, कर सेसेमाङ्ङिल्ल़े कुदक्ल़ेङ्वाओ पाःप्मनाबा माङ्च़ेॽया पाःन्निल्ल़ेन् ल़ेप्मि आप्फाल्ल़ेआङ् खोम़ेद़ेत्ऩेन्लो॥ |
| 23590 | MAT 12:32 | आत्तिन् मनाःल्ल़े म़ेन्छाम्साःल्ल़े कुदक्ल़ेङ्वाओ पाःत्तुॽ, ख़ेल्ल़े ल़ेप्मि खोःसुॽ, कर सेसेमाङ्ङिल्ल़े कुदक्ल़ेङ्वाओ क़ेबाःप्पाल्ल़े कन् य़ेम्मो ह़ेक्क्याङ् क़ेदाःबा य़ेम्मोआङ् ल़ेप्मि म़ेघोःसुन्लो॥” |
| 23596 | MAT 12:38 | ह़ेक्क्याङ् कुभा साम्योथिम्साम्बाहाॽ नु फरिसिहाॽ म़ेदङ्सिङ् ह़ेक्क्याङ् य़ेसुरो म़ेद्य़ेआङ् म़ेम़ेत्तु, “सिक्साम्बे, ख़ेऩेॽ क़ेजोगुबा निङ्वाॽ क़ेमाबा मिक्सेःन्धिक्आनिग़े ओम़ेप्मा निङ्वाॽ चोगुम्ब़ेआङ् वाॽरो॥” |
| 23597 | MAT 12:39 | य़ेसुऱे ख़ेङ्हाॽ नोगप् पिरुसि, “कन्य़ेम्मोबा कुॽइग़ेभ़ेॽबा नु लायोबा मनाहाॽऱे निङ्वाॽ क़ेमाबा मिक्सेःन्हाॽ ओम़ेप्मा म़ेगोःत्तुॽ, कर ख़ेङ्हाॽऱेग माङ्निङ्वाॽपाःन् क़ेबाःप्पा योनाऱे कुमिक्सेःन्नाङ्धो वेॽ मिक्सेःन् थेआङ् ओम़ेप्मा म़ेङ्घोःसुन्लो॥ |
| 23600 | MAT 12:42 | लाङ्ग़ेत् पिसाङ्बा सिवा लाजेॽस्मा हाङ्मान् खास़ेन् य़ेन्नो य़ेम्सिङ्ङाङ् कन् य़ेम्बा मनाहाॽऱे खुनिॽ तक्ल़ेङ्वाओ पोःक्काङ् पाःन्धिक्तुसिॽरो॥ थेआङ्भ़ेल्ल़े खुऩेॽ सोलोमन हाङ्ङिल्ल़ेन् सिक्कुम्दिङ् खाहुन् ख़ेम्स़े साॽरिक् माःङ्घाबा लाजेॽलाम् त्य़ेआङ् वय़ेरो॥ कप्मो सोलोमन हाङ्ङिन्नुःल्ल़े यम्बान्वाॽसाङ् क़ेन्घ़ेप्सुम्मिन्लो॥” |
| 23601 | MAT 12:43 | “फ़ेन्साम्मिन् मनाओलाम् लःन् पेःक्किल्ल़े नाःम्सिङ्त़ेन् कोःत्छ़े स़ेङ्स़ेङ्बा त़ेन् ह़ेङ्घाःत्ति पेःक्लो, कर ख़ेल्ल़े आत्तान्नाङ् म़ेघोःसुन्नाङ् |
| 23602 | MAT 12:44 | अक्खे म़ेत्छिङ्लो, ‘इङ्गाॽ ल़ेरुङ्बा मनाःल्लोए नुःङ्ङा पेःक्कारो॥’ ह़ेक्क्याङ् ख़ेन् ख़ेप्मो नुःङ् ताःल्ल़े तगि याग़ेबा त़ेन्निन् कुघाल़ेम्, म़ेदुगुबा नु नुःबा म़ेजोगुबा निःसुॽ॥ |
| 23603 | MAT 12:45 | ह़ेक्क्याङ् ख़ेन् पेःक्काङ् आप्फेःक्नुःल्ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्साम्हाॽ तारुसिआङ् ख़ेङ्हाॽ सिगाङ् म़ेलाःत्ताङ् म़ेयुङ्सिङ्लो॥ ख़ेन् मनाःल्ल़े कुयाक्नाम्मिन् तगिबानुःल्ल़ेआङ्ताप्फ़ेःम्बा पोःङ्लो॥ कन् य़ेम्मोबा कुॽइ क़ेभ़ेॽबा मनाहाॽऱे खुनिॽ याक्नाम्मिन्नाङ् बा ह़ेक्तङ्बाए पोःङ्लो॥” |
| 23605 | MAT 12:47 | मनाधिक् पेआङ् खुऩेॽ म़ेत्तु, “आदाङ्बे, क़ेम्मा नु क़ेन्साॽसि ख़ेऩेॽनु ताॽज़ेङ्मा फाॽआङ् लाःक्कात् क़ेम्हाङ्ल म़ेय़ेप्लो॥” |
| 23606 | MAT 12:48 | य़ेसुऱे ख़ेन् नोगप् पिरु, “आम्मा नु आन्साॽसि हाःत्छिबे?” |
| 23607 | MAT 12:49 | कुहुॽसाम्बाहाॽ सोःक्तुसिर ख़ेन् मनाःन् म़ेत्तु, “ओम़ेत्त़ेस़ेॽ, कप्मो आम्मा नु आन्साॽसि म़ेयुङ्लो॥ |
| 23608 | MAT 12:50 | थेआङ्भ़ेल्ल़े आत्तिन्हाॽऱे साङ्ग्राम्पेदाङ्बा आम्बाऱे कुनिङ्वाॽ ह़ेक्के म़ेजोगुॽ, ख़ेङ्हाॽए आम्मा नु आन्साॽसिरो॥” |
| 23611 | MAT 13:3 | ह़ेक्क्याङ् य़ेसुऱे अक्खेलॽरिक् यरिक् पाःन्हाॽ ख़ेदाॽओ म़ेत्तुसि, “लत्छा याःन्क़ेमःबाधिक् याॽरिःम्बा ल़ेप्स़े पेरो॥ |
| 23617 | MAT 13:9 | ख़ेम्मा ऩेक्खोॽ क़ेगप्पाहाॽऱे कन् पाःन्निन् नुःरिक् ख़ेप्स़ेम्म़ेॽआङ् कुसिङ्निःत्त़ेम्म़ेॽओ!” |
| 23618 | MAT 13:10 | ह़ेक्क्याङ् कुहुॽसाम्बाहाॽ म़ेद्य़ेआङ् य़ेसुःन् सेःन्म़ेदोसु, “आदाङ्बे, थेआङ् कन्हाॽनु ख़ेदाॽओरक् क़ेबाःप्पाबे?” |
| 23619 | MAT 13:11 | य़ेसुऱे ख़ेङ्हाॽ नोगप् पिरुसि, “थेआङ्भ़ेल्ल़े साङ्ग्राम्पेदाङ्बा हाङ्जुम्मिल्ल़ेन् सिगाङ्बा पाःन्हाॽ खिनिॽरक् कुसिङ्निःप्मा क़ेघोःसुम्माङ् क़ेवयिॽरो, कर ख़ेङ्हाॽऱेग म़ेङ्घोए म़ेवाॽरो॥ |
| 23622 | MAT 13:14 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुबान् कन् मनाहाॽओ क़ेऱेबारो– ‘खिनिॽ क़ेघ़ेप्सुम्साङ् कुसिङ् क़ेन्निःत्तुम्मिन्, ओग़ेम़ेत्तुम्साङ् क़ेन्निःसुम्मिन्लो॥ |
| 23623 | MAT 13:15 | थेआङ्भ़ेल्ल़े कन् मनाहाॽऱे खुनिॽ खासिङ्ङिन्क़ेधुङ्बा पोःक्ख़ेआङ् वाॽ॥ ख़ेङ्हाॽऱे खुनिॽ ऩेक्खोॽबान् थाक्त़ेआङ् वाॽ, ह़ेक्क्याङ् खुनिॽ मिक्किन् इम्म़ेम़ेत्तुआङ् वाॽ॥ म़ेःन्ऩे फाॽग्र ख़ेङ्हाॽऱे खुनिॽ ऩेक्खोॽबाल्ल़े म़ेघ़ेप्सुबा नु मिक्किल्ल़े म़ेनिःसुबाम़ेन्, ह़ेक्क्याङ् खुनिॽ सिक्लुङ्माओ कुसिङ् म़ेनिःत्तुआङ् इङ्गाॽ ल़ेप्माङ् म़ेनुःक्ख़ेबाम़ेन्, ह़ेक्क्याङ् इङ्गाॽ ख़ेङ्हाॽ वेःन्दुङ्सिङ्म़ेन्फाॽआङ् निङ्वाॽफुमाङ्ङिल्ल़े पाःत्तुरो॥’ |
| 23625 | MAT 13:17 | इङ्गाॽ स़ेक्खाए म़ेत्निङ्, यरिक् माङ्निङ्वाॽपाःन् क़ेबाःप्पाहाॽ नु साम्योनिबा मनाहाॽऱे खिनिॽ क़ेनिःसुम्बा क़ेघ़ेप्सुम्बा पाःन्हाॽ निःमा नु ख़ेम्मा साॽरिक् निङ्वाॽ म़ेजोगुआङ् वय़े, कर निःमा नु ख़ेम्मा म़ेङ्घोःसुन्लो॥” |
| 23626 | MAT 13:18 | “आल्ल याॽरिःम्बा क़ेल़ेप्पाल्ल़ेन् ख़ेदाॽइल्ल़े कुबेःन् ख़ेप्स़ेम्म़ेॽओ |
| 23631 | MAT 13:23 | ह़ेक्क्याङ् नुःबा खाम्मो क़ेजुक्पा याॽरिःम्ब़ेङ्ग पाःन्जाक्किन् क़ेघ़ेम्बाआङ् कुसिङ्क़ेनिःप्पा मना कुइसिःक् चोःक्लो, ह़ेक्क्याङ् ख़ेल्ल़े किप्थिक्, तुक्पोःङ्नु सुम्बोःङ् ल़ेङ् थारिक् कुजाॽ फत्छुरो॥” |
| 23632 | MAT 13:24 | य़ेसुऱे वेॽस्मा ख़ेदाॽइन् ख़ेङ्हाॽ म़ेत्तुसि, “साङ्ग्राम्पेदाङ्बा हाङ्जुम्मिङ्ग अक्तङ्बा चोःक्लो–लत्छा मनाधिक्ल़े प्याङ्सिग़ेन् इक्ताप्पो नुःबा याॽरिःम्बान् ल़ेप्तु, |
| 23635 | MAT 13:27 | ह़ेक्क्याङ् सेवारोबाहाॽ लाजेॽ दाङ्बाल्लो म़ेद्य़ेआङ् सेःन्म़ेदोसु, ‘आदाङ्बे, ख़ेऩेॽग प्याङ्सिग़ेन् इक्ताप्पो मासि याॽरिःम्बारक् क़ेल़ेप्तुआङ् ऩेस्स़े म़ेःम्बि, कर आक्खेआङ् माल़ेःन्दोःन्नाङ् लिङ़ेबे?’ |
| 23636 | MAT 13:28 | खुऩेॽ नोगप् पिरुसि, ‘ख़ेङ्ग निङ्मिःल्ल़े ह़ेक्के चोगुबारो॥’ सेवारोबाहाॽऱे खुऩेॽ याम्मो सेःन्म़ेदोसु, ‘ख़ेन् माल़ेःन्दोहाॽ आःक्खुम्देःसुम्ब़े लॽरिक् निङ्वाॽ क़ेइःत्तुबि?’ |
| 23637 | MAT 13:29 | लाजेॽ दाङ्बाल्ल़े म़ेत्तुसि, ‘ह़ेक्के म़ेजोग़ेम्मिन्ऩेॽओ, माल़ेःन्दोःन् क़ेआःक्खुम्मिल्ल़े मासिःन्नाङ् क़ेआःक्खुम् क़ेस़ेरुम्लो॥ |
| 23638 | MAT 13:30 | चासुम्मा य़ेम् थारिक् ऩेप्माङ् सोसोरिक् पोसिर॥ ह़ेक्क्याङ् ख़ेन् य़ेम्मो चाग़ेसुम्बाहाॽ क़ेऱेक्नु तगि माल़ेःन्दोहाॽ आःक्ख़ेम्म़ेॽआङ् इभुत्त़ेम्म़ेॽ ह़ेक्क्याङ् मिओ लाप्फुःस़ेम्म़ेॽ ह़ेक्क्याङ् मासिःन् सुप्स़ेम्म़ेॽआङ् चायाङ्माओ याःक्त़ेम्म़ेॽ फाॽआङ् इङ्जाःङ् पिरुङ्सिङ्लो॥’” |
| 23639 | MAT 13:31 | ह़ेक्क्याङ् य़ेसुऱे याम्मो वेॽ ख़ेदाॽधिक् म़ेत्तुसि, “साङ्ग्राम्पेदाङ्बा हाङ्जुम्मिङ्ग यःङ्गेॽ याॽरिःम्बान् कुइसिःक् चोःक्लो॥ मनाधिक्ल़े ख़ेन् यःङ्गेॽ याॽरिःम्बान् तेॽरुआङ् इक्ताप्पो ल़ेप्तु॥ |
| 23640 | MAT 13:32 | क़ेऱेक् याॽरिःम्बाओ क़ेऱेक्नुःल्ल़े चुक्सा चोःक्साङ् ख़ेन् पोःआङ् प्याङ्सिग़ेन् इक्ताप्पोबा वेॽ नुधि-साक्चिॽनुःल्ल़े यम्बा कुबुङ् पोःङ्लो॥ ह़ेक्क्याङ् पुसाहाॽ म़ेदाआङ् कुबोराःक्को हाप् म़ेजोगुरो॥” |
| 23641 | MAT 13:33 | य़ेसुऱे आल्लसाङ् वेॽस्मा ख़ेदाॽइन् ख़ेङ्हाॽ म़ेत्तुसि, “साङ्ग्राम्पेदाङ्बा हाङ्जुम्मिङ्ग फ़ेॽरुम्मो याक्मनाबा खऱेःङ् क़ेभङ्बा सिदाॽइन् ह़ेक्तङ्बा चोःक्लो॥ थिक् म़ेन्छुमाॽइल्ल़े खप्प्याओ यरिक् फ़ेॽरुम्मो मिसाक् सिदाॽइन् याक्तु, ह़ेक्क्याङ् सॽरु युक्खुआङ् म़ेन्युप्पे थारिक् सुःप्तु युक्खुरो॥” |
| 23643 | MAT 13:35 | ह़ेक्केःल्ल़े निङ्वाॽफुमाङ्ङिल्ल़े कुबाःन्निन् माङ्निङ्वाॽपाःन् क़ेबाःप्पाल्ल़े अक्खेलॽरिक् पाःत्तुबान् क़ेऱेबारो– “इङ्गाॽ ख़ेदाॽओरक् पाःत्तारो, ह़ेक्क्याङ् इक्सादिङ् खाम्बेःक्माल्ल़ेन् नावाग़ेन् चइःत् ऩेस्स़ेआङ्धोबा सिबिॽ पाःन्हाॽ पाःत्तुङ्लो॥” |
| 23644 | MAT 13:36 | ह़ेक्क्याङ् ख़ेन् मनाहाॽ ल़ेरुधसिआङ् य़ेसुःन् हिम्मो पे॥ कुहुॽसाम्बाहाॽ खुऩेॽओ म़ेद्य़ेआङ् “प्याङ्सिओबा माल़ेःन्दोऱेन् ख़ेदाॽइल्ल़े कुबेःन् पोआधक्त़ेॽ” फाॽआङ् म़ेम़ेत्तु॥ |
| 23645 | MAT 13:37 | य़ेसुऱे नोगप् पिरुसि, “प्याङ्सिग़ेन् इक्ताप्पो नुःबा याॽरिःम्बा क़ेल़ेप्पाङ्ग इङ्गाॽ म़ेन्छाम्साःआरो॥ |
| 23647 | MAT 13:39 | ह़ेक्क्याङ् माल़ेःन्दो याॽरिःम्बा क़ेल़ेप्पा निङ्मिःङ्ग माफ़ेन्साम्मिन्लो॥ चासुम्मा य़ेम्मिङ्ग कन् इक्सादिङ् खाम्बेःक्माल्ल़े कुनुप्मान्लो, ह़ेक्क्याङ् चाग़ेसुम्बाहाॽग माङ्लाइङ्बासिरो॥” |
| 23648 | MAT 13:40 | “ह़ेक्क्याङ् ख़ेन् माल़ेःन्दोहाॽ म़ेसुप्सुआङ् मिओ लाप्म़ेभुसुबा कुइसिःक्के इक्सादिङ् खाम्बेःक्माल्ल़े कुनुप्मान् पोःङ्लो॥ |
| 23651 | MAT 13:43 | ह़ेक्क्याङ् साम्योनिबाहाॽ खुनिॽ निङ्वाॽफुपाःल्ल़े कुहाङ्जुम्मो नाम् कुइसिःक् म़ेल़ेक्लो॥ नुःरिक्काङ् ख़ेप्स़ेम्म़ेॽआङ् कुसिङ्निःत्त़ेम्म़ेॽओ॥” |
| 23652 | MAT 13:44 | याम्मो “साङ्ग्राम्पेदाङ्बा हाङ्जुम्मिङ्ग प्याङ्सिग़ेन् इक्ताप्पो चिङ्मनाबा यरिक् याङ्भुःन् कुइसिःक् चोःक्लो॥ मनाधिक्ल़े ख़ेन् याङ्भुःन् खोःसुआङ् याम्मो चिक्खुरो, ह़ेक्क्याङ् ख़ेन् सःत्ल पेःक्काङ् खुऩेॽ कत्तुबा क़ेऱेक् चिगःक्वाहाॽ सङ्घुआङ् ख़ेन् प्याङ्सिग़ेन् इक्ताप्पिन् इङुरो॥” |
| 23653 | MAT 13:45 | “याम्मो साङ्ग्राम्पेदाङ्बा हाङ्जुम्मिङ्ग अक्तङ्बा चोःक्–लत्छा नुःब्नुःबा त़ेक्सेःक् क़ेगोःप्पा ल़ेङ्हङ्बाल्ल़े |
| 23654 | MAT 13:46 | साॽरिक् इम़ेल्लुङ्बा त़ेक्सेःक्किन् खोःसु, ह़ेक्क्याङ् पेआङ् ख़ेल्ल़े कत्तुबा क़ेऱेक् कुजिगःक्वाहाॽ सङ्घुआङ् ख़ेन् त़ेक्सेःक्किन् इङुरो॥” |
| 23655 | MAT 13:47 | “याम्मो, साङ्ग्राम्पेदाङ्बा हाङ्जुम्मिन् यम्बा योःङ् कुइसिःक् चोःक्लो॥ ख़ेन् योःङ्ङिन् वरक्को म़ेल़ेप्तुल्ल़े ख़ेप्मो क़ेऱेक् परिक्ल़ेन् ङाहाॽ म़ेधाःरो॥ |
| 23658 | MAT 13:50 | ख़ेङ्हाॽ यम्बा मिहाप्पो लाप्म़ेभुसुसिॽरो॥ ख़ेप्मो आत्तात्तान्ने तुक्खेःल्ल़े हाःप्मान् नु हाबोॽ य़ेःङ्मान् पोःङ्लो॥” |