| 23264 | MAT 3:3 | खुऩेॽ कुयाःम्बेओ माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुआङ् वाॽरो, “खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 23408 | MAT 7:23 | कर ख़ेन् य़ेम्मो ख़ेङ्हाॽ इङ्गाॽ अक्खे म़ेत्तुङ्सिङ्, ‘खिनिॽग आप्फाल्ल़ेआङ् कुसिङ् निःत्निङ्बा होःप्लो॥ खिनिॽ पानुदिङ् आम्बाऱे कुनिङ्वाॽ ह़ेक्के म़ेन्जोःक्के फ़ेन् याःम्बक् क़ेजोःक्पासे, कप्मोलाम् पेग़ेम्म़ेॽ!’” |
| 23417 | MAT 8:3 | य़ेसुऱे कुहुक्किन् सन्छुर ख़ेन् मनाःन् सुःसुआङ् अक्खे म़ेत्तु, “इङ्गाॽ निङ्वाॽ चोगुङ्लो॥ ख़ेऩेॽ नुऱेॽओ!” खिमो ख़ेन् मनाःन् लोगेॽ तुक्मालाम् नुःऱेरो॥ |
| 23424 | MAT 8:10 | य़ेसुऱे कन् ख़ेप्सुल्ल़े कुनिङ्वाॽ मय़ेर खुऩेॽ कुएगाङ् कुएगाङ् क़ेदिम्बाहाॽ अक्खे म़ेत्तुसि, “इङ्गाॽ स़ेक्खाए म़ेत्निङ्, अक्तङ्बा यम्बा नसाःन् क़ेगप्पा मनाःङ्ग इस्राइलोआङ् इङ्गाॽ म़ेङ्घोए वाॽआरो! |
| 23439 | MAT 8:25 | कुहुॽसाम्बाहाॽ म़ेबेआङ् खुऩेॽ अक्खे म़ेम़ेत्तुर म़ेभोःक्खु, “आदाङ्बे, याप्मि ताङ्स़ेःप्त़ेॽओ! आनिग़ेग हुम्मा सिःमा इःत्तिग़ेरो!” |
| 23441 | MAT 8:27 | ह़ेक्क्याङ् ख़ेङ्हाॽऱे खुनिॽ निङ्वाॽ मय़ेर सेःन्म़ेदोःसिङ् “खुऩेॽग आक्तङ्बा मनाःन्बे? खुऩेॽ कुइङ्जाःङ्ङिन् वाभेल्ल़ेङ्नु सुरित्केजङ्ङिल्ल़ेआङ् ख़ेप्सुङ्ग!” |
| 23446 | MAT 8:32 | य़ेसुऱे ख़ेङ्हाॽ म़ेत्तुसि, “पेग़ेम्म़ेॽ!” ख़ेल्ल़े चोगुल्ल़े ख़ेन् ऩेप्फु मनाहाॽलाम् ख़ेङ्हाॽ म़ेलःन्द़े म़ेबेआङ् फाक्हाॽओ म़ेलाःस़े॥ ह़ेक्क्याङ् ख़ेन् फाक्हाॽ सङ्माङ्ङे सङ्माङ् म़ेलोःक्त़ेर याक्प़ेओनु मक्म़ेध्य़ेआङ् वरक्को म़ेहुम़े म़ेस्य़ेरो॥ |
| 23451 | MAT 9:3 | ह़ेक्केःल्ल़े ख़ेप्मो क़ेवाॽबा कुभा साम्योथिम्साम्बाहाॽ अक्खे म़ेम़ेत्छिङ्, “कन् मनाःल्ल़ेग निङ्वाॽफुमाङ् कुइसिःक् लायो ल़ेप्मि क़ेबिबा ल़ेङ्सिङ्ङाङ् माङ्च़ेॽया पाःन्निन्ऩे पाःत्तुर पत्लो!” |
| 23502 | MAT 10:16 | “ख़ेप्स़ेम्म़ेॽओ! म़ेल्लुक्हाॽ पराबाहाॽऱे खुनिॽ लुम्मो पाङ्मनाबा कुइसिःक् पाङ्निङ्लो॥ ह़ेक्केःल्ल़े खिनिॽ असेःक्पा ह़ेक्के चाचाःप्पा नु पुत्तुःक्के ह़ेक्के कुदोःप्मा पोःक्ख़ेम्म़ेॽओ॥ |
| 23543 | MAT 11:15 | नुःरिक्काङ् ख़ेप्स़ेम्म़ेॽआङ् कुसिङ्निःत्त़ेम्म़ेॽओ! |
| 23549 | MAT 11:21 | “खोराजिन नु ब़ेथसेदा पाङ्जुम्मोबा मनासे, चिःत्त़ेआङ्लक् स्य़ेरो! खिनिॽ पाङ्जुम्मो पोःक्ख़ेबा निङ्वाॽ क़ेमाबा याःम्बक्हाॽ थिम्म़ेन्दङ् सुवाङ्हाॽऱे खुनिॽ य़ेक्यक् तायर नु सिदोन्नो पोःक्ख़ेआङ् वय़ेल्ल़ेग उन्छोःन्छा ख़ेप्मोबा मनाहाॽ लायोलाम् म़ेहिन्द़ेबारो फाॽआङ् सगितेःत् म़ेजाक्सिङ्ङाङ् खाप्पु म़ेजुःत्छिङ्बाम़ेन्॥ |
| 23551 | MAT 11:23 | ह़ेक्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिग़ेॽ क़ेलॽरिबि? म़ेःन्लो! खिनिॽग ख़ेमायङ्सङ्थारिक् क़ेध्य़ेॽइरो॥ थेआङ्भ़ेल्ल़े खिनिॽ पाङ्जुम्मो चोग़ेबा ह़ेक्तङ्बा निङ्वाॽ क़ेमाबा याःम्बक्हाॽ सदोम य़ेक्यक्को चोग़ेआङ् वय़ेल्ल़ेग ख़ेन् य़ेक्यक्किङ्ग आइन् थारिक् ऩेस्स़ेबाम़ेन्! |
| 23560 | MAT 12:2 | कुभा फरिसिहाॽऱे ख़ेन् म़ेनिःसुआङ् य़ेसुःन् म़ेम़ेत्तु, “ओम़ेत्त़ेॽ, नाःम्सिङ्य़ेन्नो याःम्बक् चोःक्मा म़ेनुॽऩेन्, कर क़ेहुॽसाम्बाहाॽऱेग म़ेजोगुङ्ग!” |
| 23561 | MAT 12:3 | य़ेसुऱे ख़ेङ्हाॽ नोगप् पिरुसि, “म़ेःम्ब़े! दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े म़ेजोगुबा पाःन्निन् साम्योसाप्लाओ म़ेन्निःत्ते क़ेवयिॽबि? |
| 23617 | MAT 13:9 | ख़ेम्मा ऩेक्खोॽ क़ेगप्पाहाॽऱे कन् पाःन्निन् नुःरिक् ख़ेप्स़ेम्म़ेॽआङ् कुसिङ्निःत्त़ेम्म़ेॽओ!” |
| 23659 | MAT 13:51 | य़ेसुऱे ख़ेङ्हाॽ सेःन्दोसुसि, “कन् पाःन्हाॽ कुसिङ्क़ेनिःत्तुम्बि?” ख़ेङ्हाॽऱे नोगप् म़ेबिरु, “आनिग़े कुसिङ् निःत्तुम्ब़ेरो!” |
| 23683 | MAT 14:17 | ख़ेङ्हाॽऱे नोगप् म़ेबिरु, “आनिग़ेग ङासि खऱेःङ्हाॽ नु ऩेत्छि ङाहाॽरक् कत्तुम्ब़ेङ्ग!” |
| 23692 | MAT 14:26 | ख़ेङ्हाॽऱे खुऩेॽ च्वाःत् सम्दाङ् लाङ्घेग़ेर पत्छ़ेबा म़ेनिःसुआङ्“कङ्ग सिसाम्लो!” लॽरिक्साॽरिक् म़ेगिस़ेआङ्म़ेभिःक्त़ेरो॥ |
| 23693 | MAT 14:27 | कर य़ेसुऱे ख़ेङ्हाॽ खिमो म़ेत्तुसि, “म़ेगिस़ेम्मिन्ऩेॽ! इङ्गाॽ य़ेसुआ॥ हाङ्हाङ् लॽऱेम्म़ेॽओ!” |
| 23699 | MAT 14:33 | कुहुॽसाम्बाहाॽऱे खुऩेॽ सेवा म़ेजोगु, “दाङ्बे, ख़ेऩेॽग स़ेक्खाए निङ्वाॽफुसाःऩेरो!” |
| 23724 | MAT 15:22 | ख़ेप्मोबा कनानि सुवाङ्स्मा म़ेन्छुमाॽधिक् खुऩेॽओ त्य़ेआङ् अक्खे म़ेत्तुर पेलि फाक्तु, “दाउदऱे कुस्साः आदाङ्बे, लुङ्माॽ तुक्ताङ्ङ़ेॽओ! आस्साः चुक्म़ेन् फ़ेन्साम्मिल्ल़े याङ्घुआङ् साॽरिक् तुक्खे चाःत्तुॽरो॥” |
| 23730 | MAT 15:28 | य़ेसुऱे ख़ेन् म़ेन्छुमाॽइन् नोगप् पिरु, “ख़ेऩेॽग स़ेक्खाए यम्बा नसाःन् क़ेगप्मा म़ेन्छुमाॽऩेन्ऩेरो! ख़ेऩेॽ क़ेनाःक्तुब़ेन् क़ेघोःसुॽरो॥” ह़ेक्क्याङ् बा ख़ेन् य़ेम्मो ख़ेन् म़ेन्छुमाॽइल्ल़े कुस्साः चुक्म़ेन् नुःऱेरो॥ |
| 23764 | MAT 16:23 | य़ेसुःन् पत्रुस ल़ेप्माङ् हिसिङ्ङाङ् म़ेत्तु, “माफ़ेन्साम्मे, ख़ेऩेॽ इङ्गाॽलाम् माःङ्घा पेग़ेॽ! ख़ेऩेॽ क़ेघःआरो॥ ख़ेऩेॽग निङ्वाॽफुमाङ् कुइसिःक् म़ेःन्, कर म़ेन्छाम् याप्मि कुइसिःक्लक् निङ्वाॽ क़ेइःत्तुॽरो॥” |
| 23803 | MAT 18:7 | कन् इक्सादिङ् खाम्बेःक्मान् चिःत्त़ेआङ्लक् स्य़ेरो, थेआङ्भ़ेल्ल़े म़ेन्छाम् याप्मिहाॽ लायो चोःक्मा क़ेबाङ्बा पाःन्हाॽ कप्मो यरिक् वाॽरो॥ अक्तङ्बा पाःन्हाॽग ताःएरो, कर वेॽहाॽ लायोओ क़ेधाःबा मनाःङ्ग चिःत्त़ेआङ्लक् स्य़ेरो! |
| 23822 | MAT 18:26 | कर ख़ेन् सेवारोबान् हाङ्ङिल्ल़े कुदगि थुङ्बोहजॽ युङ्सिङ्ङाङ् पेलि फाक्तु, ‘आदाङ्बे, इङ्गाॽ नासि थःत्ताङ्ङ़ेॽआङ्कुभा य़ेम् थारिक् हाङ्घाङ्ङ़ेॽओ! इङ्गाॽ क़ेयाङ्ङिन् क़ेऱेक् हुङुङ् पिऩेरो॥’ |
| 23825 | MAT 18:29 | ख़ेल्ल़े थुङ्बोहजॽ युङ्सिङ्ङाङ् पेलि फाक्तुर म़ेत्तु, ‘चुम्मे, इङ्गाॽ नासि थःत्ताङ्ङ़ेॽआङ्कुभा य़ेम् थारिक् हाङ्घाङ्ङ़ेॽओ! इङ्गाॽ क़ेयाङ्ङिन् क़ेऱेक् हुङुङ्लो॥’ |
| 23828 | MAT 18:32 | हाङ्ङिल्ल़ेआङ् ख़ेन् तगिस्मा सेवारोबान् उःत्तुआङ् म़ेत्तु, ‘ख़ेऩेॽग ताक्क़ेभ़ेॽबा सेवारोबाऩेरो! ख़ेऩेॽ पेलि क़ेभाक्ताङ्बाल्ल़े क़ेऱेक् क़ेसिङ्नाःत्तिन् ल़ेप्मि पिऩेआङ् वयाङ्लो॥ |
| 23835 | MAT 19:4 | य़ेसुऱे म़ेत्तुसि, “म़ेःम्ब़े! साम्योसाप्लाओ क़ेबप्पा पाःन्निन् खिनिॽ म़ेन्निःत्ते क़ेवयिॽबि? चइःत्दाङ्बाल्ल़े कुहेःक्सिङ्मोए ‘ख़ेङ्हाॽ य़ेम्बित्छाॽ नु म़ेन्छुमाॽ चोगुसिरो॥’ |
| 23891 | MAT 20:30 | ख़ेप्मो म़ेबेर म़ेबत्छ़ेबा लाम्मो ऩेप्फु मिक्फःम्बाहाॽ युङ़ेत्छि॥ ख़ेङ्हाॽऱे य़ेसुःन् ख़ेप्मोलाम् पेःक्ल पत् क़ेलॽबा निङ्वाॽ खोःस़ेत्छुआङ् अःक्त़ेत्छि, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23892 | MAT 20:31 | ख़ेन् मनाहाॽऱे ख़ेङ्हाॽ म़ेभ़ेःक्तुसिर स्वाःत् युङ्मा म़ेबाङ्घुसि, कर ख़ेङ्हाॽ आल्लसाङ् साॽरिक् अःक्त़ेत्छिरो, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23904 | MAT 21:9 | खुऩेॽ कुदगि नु कुएगाङ् क़ेबप्पा यरिक् मनाहाॽऱे म़ेअःक्त़ेर अक्खे म़ेबाःत्तु, “दाउदऱे कुस्साःल्ल़े कुनारा पोःररो! यहवे दाङ्बाल्ल़े कुमिङ्ङो क़ेदाःबान् मुॽइसाबा पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ल़े कुनारा पोःररो!” |
| 23908 | MAT 21:13 | य़ेसुऱे ख़ेङ्हाॽ अक्खे म़ेत्तुसि, “साम्योसाप्लाओ साप्त़ेआङ् पत्, ‘इङ्गाॽ आहिम्मिङ्ग तुवा चोःक्मा हिम् पोःङ्,’ कर खिनिॽग फाःन्दाहाॽ चिङ्सिङ्मा त़ेन् क़ेजोगुम्माङ् क़ेवयिॽरो!” |
| 23915 | MAT 21:20 | हुॽसाम्बाहाॽऱे ख़ेन् म़ेनिःसुआङ् खुनिॽ निङ्वाॽ मय़ेर म़ेबाऱे, “आक्ख़ेन् हाराऩे कन् पःत्छेॽबुङ्मान् इल़ेम़े स्य़ेबाबे!” |
| 24000 | MAT 23:13 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! साङ्ग्राम्पेदाङ्बा हाङ्जुम्मिल्ल़े कुलाम्मिन् वेॽ मनाहाॽऱे लागि क़ेसाक्तुम्माङ् क़ेवयिॽरो, ह़ेक्क्याङ् आबाङेआङ् ख़ेप्मो खिनिॽ क़ेन्लासिन् ह़ेक्क्याङ् लाःप्मा क़ेगोःप्पा वेॽ मनाहाॽआङ् लाःप्मा क़ेम्बाङ्घुम्सिम्मिन्लो॥ |
| 24001 | MAT 23:14 | ((खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽग मेमेदुमाहाॽ इङ्ग़ेल़ेक्तुम्सिम्माङ्खुनिॽ हिम्धाःङ्हाॽ क़ेनाप्तुम्सिम्, कर नुःबा ओसेःन्धाक्सिङ्माऱे लागि केःम्ब्केःम्बा तुवा क़ेजोगुम्॥ ख़ेल्ल़े चोगुल्ल़े खिनिॽ खुम्दिङ्ङिङ्ग स़ेक्खासाङ् साॽरिक् किप्मा क़ेघुःबा पोःङ्लो॥)) |
| 24002 | MAT 23:15 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽग थिक् मनाःन् यहुदि साम्योओ ताःप्मा फाॽआङ् लाजेॽ नु वाहङ् खाराक् लाम्दिःक् क़ेजोगिरो, ह़ेक्क्याङ् ख़ेन् मनाःन् यहुदि साम्योओ क़ेदाःरुम्माङ्ग ख़ेन् खिनिॽनुःल्ल़ेआङ् साॽरिक् ख़ेमायङ्सङ्ङो खुम्दिङ् क़ेघोःबा क़ेजोगुम्लो॥ |
| 24003 | MAT 23:16 | खिनिॽ मिक्फःम्बा लाम्लोःबासे, क़ेजिःत्ति क़ेस्य़ेॽइरो! आत्तिन्माङ्हिम्मिल्ल़े कुमिङ्ङो माङ्ह़ेक्सिङ् ख़ेङ्ग थेआङ् म़ेःन्लो, कर आत्तिन्माङ्हिम्मोबा साम्म्याङ्ङिल्ल़े कुमिङ्ङो माङ्ह़ेक्सिङ् ख़ेन् कुबाःन्निल्ल़े खेःङ्सिङ्लो लॽरिक् खिनिॽ क़ेबाःत्तुम्॥ |
| 24004 | MAT 23:17 | खिनिॽ मिक्फःम्बा अदङ्से! साम्म्याङ्ङिन् यम्बाबि साम्म्याङ्ङिन् सेसे क़ेजोःक्पा माङ्हिम्मिन् यम्बाबि? |
| 24010 | MAT 23:23 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽ इक्ताप्पोलाम् नाम्सुना, सःप्फा नु हिम्च़ेम्भ़ेन् ह़ेक्तङ्बा मारुक्हाॽऱेन्नाङ् थिबोःङ्लक् निङ्वाॽफुमाङ्ङिन् क़ेबिरुम्, कर नुःरिक्काङ् खास़ेन् क़ेन्जोगुम्सिम्मिन्, वेॽ मनाहाॽ लुङ्माॽ क़ेन्दुक्तुम्सिम्मिन्, ह़ेक्क्याङ् नसाःन् क़ेन्जोगुम्मिन्लो॥ कन् नाःप्माए क़ेबोःङ्बा साम्योथिम्बा पाःन्हाॽ क़ेन्नाःत्तुम्मिन्लो॥ खिनिॽग थिबोःङ्लक् निङ्वाॽफुमाङ्ङिन् क़ेबिरुम्मिल्ल़े कन् नुःरिक्काङ् खास़ेन् चोःक्मा, वेॽ मनाहाॽ लुङ्माॽ तुक्मासि नु नसाःन् चोःक्मा क़ेलॽबा साम्योथिम्मोबा नाःप्माए क़ेबोःङ्बा पाःन्हाॽआङ् चोग़ेम्म़ेॽओ॥ |
| 24012 | MAT 23:25 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽग खोर्याःन् नु च़ेत्थ्याःन्लाःक्कात्लक् वाग़ेहप्तुम्, कर सिगाङ्ग इङ्गाॽरक् चाङ् थुङुङ् क़ेलॽबा निङ्वाॽ चोःक्मान्नु मनाहाॽ क़ेनाप्तुम् क़ेदाःरुम्सिबा पाःन्हाॽऱे क़ेदिम्सिआङ्क़ेवयिॽरो॥ |
| 24014 | MAT 23:27 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽग चुनि खाम्मिल्ल़े ल़ेङ्मनाबा इःप्पुङ् कुइसिःक् क़ेजोगिॽरो, थेआङ्भ़ेल्ल़े ख़ेन् ओम़ेप्माल्ल़े लाःक्कात्लाम् नुःबा थाःप्साङ् सिगाङ्ग क़ेसिःबा मनाःल्ल़े कुय़ेप् नु क़ेजिःम्बा पाःन्निल्ल़े कुधिम् चोःक्लो॥ |
| 24016 | MAT 23:29 | खिनिॽ कुनिङ्वाॽ क़ेजिःप्पा साम्योथिम्साम्बाहाॽ नु फरिसिसे, क़ेजिःत्ति क़ेस्य़ेॽइरो! खिनिॽ सुध़ेबा ताक्थ़ेबाहाॽऱे म़ेस़ेरुसिबा माङ्निङ्वाॽपाःन् क़ेबाःप्पाहाॽऱे खुनिॽ इप्पुङ्ङिन् क़ेजोगुम्, ह़ेक्क्याङ् ख़ेङ्हाॽऱे म़ेलुःन्दुसिबा साम्योनिबा मनाहाॽऱे खुनिॽ इप्पुङ्ङिन् क़ेसाःक्तुम् क़ेजोगुम्लो॥ |
| 24019 | MAT 23:32 | ह़ेक्केलॽरिक् खिनिॽ थाःक्थ़ेबाहाॽऱे म़ेहेःक्तुबा लायोःन् खिनिॽ क़ेत्त़ेम्सुऱेम्म़ेॽओ! |
| 24041 | MAT 24:15 | माङ्निङ्वाॽपाःन् क़ेबाःप्पा दानिएलऱे पाःत्तुबा सिक्क़ेल़ेःङ्बान् माङ्हिम्मोबा सेसे द़ेन्नो य़ेप्पा क़ेनिःसुम्लो॥” (हाराॽ क़ेनिःप्पाहाॽऱे कन् पाःन्निन् कुसिङ् म़ेनिःत्तुररो!) |
| 24045 | MAT 24:19 | कन् य़ेम्मिङ्ग म़ेन्छुक्मा नु सावामाहाॽऱे लागि आक्ख़ेन् किप्मा क़ेघुःबा पोःङ्ङि! |
| 24088 | MAT 25:11 | याङ्सि ख़ेन् कुनिसिःक् क़ेहोःप्मा सिसाग़ेन् म़ेन्छियाॽहाॽ म़ेग़ेऱे म़ेद्य़ेआङ् अक्खेलॽरिक् म़ेअःक्त़े, ‘दाङ्बे, दाङ्बे, आनिग़े लागिआङ् लाम्धेःप्प़ेन्हन्द़े आबिऱेॽना!’ |
| 24098 | MAT 25:21 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24100 | MAT 25:23 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24103 | MAT 25:26 | ख़ेल्ल़े कुन्दाङ्बाल्ल़े ख़ेन् नोगप् पिरु, ‘ख़ेऩेॽ ताक्क़ेभ़ेॽबा नु कुल़ेम्ग़ेयुबा सेवारोबाए! ख़ेऩेॽग इङ्गाॽ आत्तो चा म़ेदेःआन् ख़ेप्मो चा सुप्सुङ्, आत्तो चा म़ेस़ेःसुङ्ङिन् ख़ेप्मो चा फुक्खुङ् फाॽआङ् क़ेनिःसुआङ्ङे क़ेवय़ेरो॥ |
| 24147 | MAT 26:24 | म़ेन्छाम्साःङ्ग साम्योसाप्लाओ साप्त़ेबा कुइसिःक्के सिःमाए पोःङ्लो॥ कर म़ेन्छाम्साःन् इङ्ग़ेल़ेक्प़ेङ्ग चिःत्त़े स्य़ेरो! ख़ेङ्ग साम़ेवाःन्छिङ्ङिन्निल्ल़े नुऱेबारो॥” |
| 24169 | MAT 26:46 | पोग़ेम्म़ेॽ, कप्मोलाम् पिगि! ओम़ेत्त़ेम्म़ेॽ, इङ्गाॽ याप्मि इङ्ग़ेल़ेक्प़ेन्खा फ़ेन्ल पत्लो!” |
| 24188 | MAT 26:65 | ह़ेक्क्याङ् मानिङ्वाॽफुसाम्बाल्ल़े कुसाक्क़ेन् ओसेःन्धाक्तुसिर आबाङे कुदेःत्तिन् थ़ेःक्खुआङ्अक्खे पाःत्तु, “कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोग़ेबे? कल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्पाःत्तुबान् खिनिॽ क़ेघ़ेप्सुम्लो॥ |
| 24191 | MAT 26:68 | अक्खे म़ेबाःत्तु, “निङ्वाॽफुमाङ्ङिल्ल़े सेःन्दुबा ख्रिस्ते, ल आल्ल माङ्निङ्वाॽपाःन् पाऱेॽ! ख़ेऩेॽ हाःत्ल़े क़ेहिप्त़े?” |
| 24193 | MAT 26:70 | कर पत्रुसऱे क़ेऱेक्ल़े खुनिॽ तगि ख़ेन् पाःन्निन् नाॽरुर म़ेत्तु, “ख़ेऩेॽ क़ेबाःत्तुबान् कुसिङ् म़ेन्निःप्प़ेन्लो!” |
| 24195 | MAT 26:72 | पत्रुसऱे माङ्ह़ेक्सिङ्ल याम्मो ख़ेन् पाःन्निन् अक्खेलॽरिक् नाॽरु, “स़ेक्खासाङ् इङ्गाॽग कन् मनाःन् कुसिङ् म़ेनिःत्तुङ्ङिन्लो!” |
| 24220 | MAT 27:22 | पिलातसऱे सेःन्दोसुसि, “ह़ेक्केऩे फाॽग्र निङ्वाॽफुमाङ्ङिल्ल़े सेःन्दुबा ख्रिस्त म़ेप्मनाबा य़ेसुःन् थे म़ेत्तुङ्बाबे?” ख़ेङ्हाॽऱे नोगप् म़ेबिरु, “सिलाम्साक्मा सिङ्सम्दाङ् फोःन्द़ेॽओ!” |
| 24221 | MAT 27:23 | ह़ेक्केःल्ल़े पिलातसऱे याम्मो सेःन्दोसुसि, “थेआङ्बे? ख़ेल्ल़े थे याःम्बक् फेःन्दुआङ् वाॽबे?” कर ख़ेङ्हाॽ आल्लसाङ् साॽरिक् म़ेअःक्त़े, “ख़ेन् सिलाम्साक्मा सिङ्सम्दाङ् फोःन्द़ेॽओ!” |
| 24222 | MAT 27:24 | आल्ल पिलातसऱे थेआङ् चोःक्मा सुक्म़ेन्द़ेप्मनाबा नु याम्मो हयङ्किल्लिङ् क़ेबोःङ्बा निःसुआङ् कन् पाःन्नो खुऩेॽ कुहुक् होःप्लॽरिक् ओसेःन्धाक्स़े कुहुक्हाॽ वाहप्तुर ख़ेङ्हाॽ म़ेत्तुसि, “कन् याःम्बक् म़ेन्भेःन्ने क़ेवाॽबा मनाःल्ल़े कुसिःम़ेन्नो इङ्गाॽ आलक् होःप्लो॥ अक्खे क़ेजोःक्पाहाॽग बा खिनिॽनिङ्लो!” |
| 24223 | MAT 27:25 | ह़ेक्केःल्ल़े क़ेऱेक् मनाहाॽऱे म़ेम़ेत्तु, “कन् पाःन्निल्ल़ेन् तन्छ्रुङ्ङिन् आनिग़े नु आनिग़े मुॽइदाङ्सा सम्दाङ् थाःररो!” |
| 24227 | MAT 27:29 | ह़ेक्क्याङ् तिङ्ग्रेःक्किल्ल़ेन् तिचः म़ेभयुआङ् कुध़ेगेःक्पो म़ेघुःक्तु॥ ह़ेक्क्याङ् ख़ेङ्हाॽऱे तक्काःत्तिन् कुजुप्साङ् हुक्को म़ेभत्छुआङ् कुदगि थुङ्बोहजॽ म़ेयुङ्सिङ्ल अक्खेलॽरिक् किनाःन्दि म़ेबिरु, “यहुदि हाङ्ङे, तियाहा!” |
| 24240 | MAT 27:42 | ख़ेङ्हाॽऱे म़ेबाःत्तु, “ख़ेल्ल़ेग वेॽहाॽ ताङ्स़ेःप्तुसि, कर आबाङे ताङ्स़ेःप्सिङ्मा म़ेसुक्त़ेन्लो॥ खुऩेॽग इस्राइलस्मा हाङ्मु! हाराॽ खुऩेॽ सिलाम्साक्मा सिङ्ङोलाम् यो थाःर, ह़ेक्क्याङ् आनिग़े खुऩेॽ नसाःन् चोगुम्ब़ेॽरो॥ |
| 24287 | MRK 1:3 | खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 24309 | MRK 1:25 | य़ेसुऱे ख़ेन् फ़ेन्साम्मिन् फ़ेःक्तु, “स्वाःत्! ख़ेन् मनाःन् ल़ेऱेॽआङ् पेग़ेॽ!” |
| 24311 | MRK 1:27 | ख़ेॽयो क़ेजुम्बाआङ् क़ेवाॽबा मनाहाॽऱे खुनिॽ निङ्वाॽ मय़ेर अक्खे म़ेलॽऱे, “कङ्ग आक्तङ्बा निसाम्बे? खुऩेॽग फ़ेन्साम्हाॽ इङ्जाःङ् पिरुसिआङ् ख़ेङ्हाॽऱेआङ् म़ेघ़ेप्सुरो॥ आक्तङ्बा युक्किन्ने कत्तुबे!” |
| 24336 | MRK 2:7 | “म़ेःन्, कन् मनाःल्ल़ेग निङ्वाॽफुमाङ्ङिल्ल़े कुदक्ल़ेङ्वाओ माङ्च़ेॽया पाःन्ने पाःत्तुॽरो! निङ्वाॽफुमाङ्ङिन्नुःल्ल़े वेॽ हाःत्ल़ेआङ् म़ेन्छाम्ग़ेन् याप्मिऱेन् लायोःन् ल़ेप्मि पिमा म़ेसुक्तुन्लो॥” |
| 24340 | MRK 2:11 | “आल्ल पोग़ेॽ! क़ेऩेत्नाःन् याङ्सिङ्ङ़ेॽआङ् क़ेहिम्मो थासिङ्ङ़ेॽ॥” |
| 24368 | MRK 3:11 | ह़ेक्क्याङ् फ़ेन्साम्हाॽऱे याङ्घुसिबा मनाहाॽऱे खुऩेॽ म़ेनिःसुल्ल़े ख़ेङ्हाॽ म़ेधाम्सिङ्ल म़ेभिःक्त़ेर अक्खेलॽरिक् म़ेबाऱे, “ख़ेऩेॽग निङ्वाॽफुसाःऩेरो!” |
| 24395 | MRK 4:3 | “ख़ेप्स़ेम्म़ेॽओ! लत्छा याःन्क़ेमःबाधिक् याॽरिःम्बा ल़ेप्स़े पेरो॥ |
| 24401 | MRK 4:9 | ह़ेक्क्याङ् य़ेसुऱे ख़ेङ्हाॽ म़ेत्तुसि, “ख़ेम्मा ऩेक्खोॽ क़ेगप्पाहाॽऱे कन् पाःन्निन् नुःरिक् ख़ेप्स़ेम्म़ेॽआङ् कुसिङ्निःत्त़ेम्म़ेॽओ!” |
| 24416 | MRK 4:24 | खुऩेॽ याम्मो म़ेत्तुसि, “सिङ्सिङ्ङाङ् ख़ेप्स़ेम्म़ेॽओ! आक्तङ्बा कुसिःक्माल्ल़े क़ेसिःक्तुम्सिम्, आम्भा ख़ेन् कुसिःक्माल्ल़े खिनिॽआङ् क़ेम्सिःक्तिॽ, ख़ेन्नुःल्ल़े यरिक्काङ् खिनिॽ क़ेम्सिःक्ति क़ेम्बिरिॽरो॥ |
| 24430 | MRK 4:38 | य़ेसुःन् खःङ्बेल्ल़े कुएःक् ल़ेप्माङ् ताक्खोःङ्धिक्कोःक्सिङ्ङाङ् इप्स़ेआङ् ऩेस्स़े॥ कुहुॽसाम्बाहाॽऱे म़ेभोःक्खुर अक्खे म़ेम़ेत्तु, “सिक्साम्बे, आनिग़े हुम्मा सिःमा इःत्तिग़ेरो! थेआङ् स्वाःत् क़ेऩेबाबे?” |
| 24467 | MRK 5:34 | ह़ेक्क्याङ् य़ेसुऱे म़ेत्तु, “मामुए, नसाःन् क़ेजोगुबाल्ल़े चोगुल्ल़े ख़ेऩेॽ क़ेवेःत्त़ेरो॥ ख़ेऩेॽ क़ेवेःत्त़ेआङ् क़ेवाॽरो, नुःरिक्काङ् पेग़ेॽओ!” |
| 24474 | MRK 5:41 | ह़ेक्क्याङ् ख़ेन् चुक्म़ेल्ल़े कुहुक्को त़ेम्सुआङ् “तलिता कुमि” म़ेत्तु, ख़ेल्ल़े कुबेःङ्ग “चुक्मे, पोग़ेॽओ!” पोःङ्लो॥ |
| 24478 | MRK 6:2 | ह़ेक्क्याङ् नाःम्सिङ्य़ेन्नो य़ेसुःन् यहुदि चुम्लुङ्हिम्मो पेआङ् हुॽमा हेःक्तुसि॥ ख़ेप्मो यरिक् मनाहाॽऱे खुऩेॽ कुनिसाम्मिन् म़ेघ़ेप्सुआङ् खुनिॽ निङ्वाॽ मय़ेआङ् अक्खे म़ेबाःत्तु, “कन् मनाःल्ल़े अक्तङ्बा पाःन्निन् आत्तो खोःसुबे? आक्खेलॽरिक् सिक्कुम् निङ्वाॽ नु निङ्वाॽ क़ेमाबा याःम्बक्हाॽ चोगुबे! |
| 24492 | MRK 6:16 | कर ह़ेरोद हाङ्ङिल्ल़े कन् ख़ेप्सुआङ् अक्खे पाःत्तु, “कङ्ग बप्तिस्मा क़ेबिबा युहुन्नाःल्लो॥ इङ्गाॽ खुऩेॽ कुनिःङ्मान्खक् पाङ्घुङ्सिङ्ङाङ्वय़े, कर याम्मो कुसिव़ेत्लाम् कुहिङ्व़ेत् पोःक्ख़ेरो!” |
| 24514 | MRK 6:38 | य़ेसुऱे ख़ेङ्हाॽ म़ेत्तुसि, “खिनिॽ आक्ख़ेम्म्याक् खऱेःङ् क़ेगत्तुम्, पेग़ेम्म़ेॽआङ् ओम़ेत्त़ेम्म़ेॽ!” ह़ेक्क्याङ् ख़ेङ्हाॽऱे ओम़ेम़ेत्तु, ह़ेक्क्याङ् म़ेभ़ेऱेआङ् म़ेम़ेत्तु, “आदाङ्बे, आनिग़ेग ङासि (५) खऱेःङ् नु ऩेत्छि (२) ङारक् कत्तुम्ब़े॥” |
| 24525 | MRK 6:49 | ख़ेङ्हाॽऱे खुऩेॽ लाङ्घेग़ेबा म़ेनिःसुआङ् कङ्ग सिसाम्ने फाॽआङ् साॽरिक् म़ेगिस़ेर म़ेअःक्त़े॥ खिमो य़ेसुऱे ख़ेङ्हाॽ म़ेत्तुसि, “म़ेगिस़ेम्मिन्ऩेॽ! इङ्गाॽ य़ेसुआ॥ हाङ्हाङ् लॽऱेम्म़ेॽओ!” |
| 24550 | MRK 7:18 | य़ेसुऱे ख़ेङ्हाॽ म़ेत्तुसि, “आल्लसाङ् खिनिॽ निङ्वाॽ पाःक्लो! मना सिगाङ् क़ेलाःप्पा चाःमनाबा कुजाःल्ल़े ख़ेन् आसुत्थो म़ेजोगुन् क़ेलॽबा क़ेन्निःसुम्मिन्बि? |
| 24569 | MRK 7:37 | ख़ेङ्हाॽऱे साॽरिक् खुनिॽ निङ्वाॽ मय़ेर अक्खे म़ेबाःत्तुरो, “खुऩेॽग काक् पाःन्हाॽ साॽरिक् नुःबा चोगुआङ् वाॽरो! अक्खेलॽरिक् नाधाक्पाहाॽ नु पाःप्मा म़ेन्छुक्मनाबाहाॽआङ् नुसुसिरो॥” |
| 24584 | MRK 8:15 | य़ेसुऱे ख़ेङ्हाॽ साम्दिङ् पिरुसि, “ह़ेरोद हाङ्ङिन् नु फरिसिहाॽऱे खुनिॽ खऱेःङ् क़ेभङ्बा सिदाॽलाम् सिङ्सिङ् लॽऱेम्म़ेॽओ!” |
| 24612 | MRK 9:5 | पत्रुसऱे य़ेसुःन् म़ेत्तु, “सिक्साम्बे, आनिॽग कप्मोए आवाॽइल्ल़े नुःबा पोःङ्लो॥ आनिग़े कप्मो सुम्सि याक्साहाॽ चोगुम्ब़ेबि? थिक् ख़ेऩेॽइन् ह़ेक्क्याङ् मोसाःन् नु एलियाऱे खुन्छिॽ लागिआङ् थिक् थिक् चोगुम्ब़ेरो!” |
| 24631 | MRK 9:24 | ह़ेक्केःल्ल़े ख़ेन् चुक्प़ेल्ल़े कुम्बाऱे खिमो यम्बा इक्लाओ म़ेत्तु, “आदाङ्बे, इङ्गाॽ नसाःन् चोगुङ्, कर आल्लसाङ् यरिक् नसाःन् चोःक्मा फाॽराङ्ङ़ेॽओ!” |
| 24632 | MRK 9:25 | ह़ेक्क्याङ् य़ेसुऱे यरिक् मनाहाॽ ख़ेप्मो म़ेलोःक्त़ेर म़ेभ़ेऱेबा निःसुसिआङ् ख़ेन् फ़ेन्साम्मिन् फ़ेःक्तु, “नाधाक्पा नु कुबाःन् म़ेन्लःम्नाबा फ़ेन्साम्मे, ख़ेन् चुक्प़ेल्लोलाम्लःन्द़े पेग़ेॽआङ् आप्फाल्ल़ेआङ् याम्मो म़ेलाःस़ेन्ऩेॽ!” |
| 24680 | MRK 10:23 | य़ेसुऱे खिरि ओमय़ेर कुहुॽसाम्बाहाॽ म़ेत्तुसि, “याङ्साकुन्धेसाबाहाॽग निङ्वाॽफुहाङ्जुम्मो लाःप्मा साॽरिक् साक्लो!” |
| 24704 | MRK 10:47 | नासरतबा य़ेसुःन् पेःक्ल पत् क़ेलॽबा ख़ेल्ल़े ख़ेप्सुआङ् अःक्मा हेःक्त़े, “दाउदऱे कुस्साः य़ेसुए, इङ्गाॽ लुङ्माॽ तुक्ताङ्ङ़ेॽओ!” |
| 24705 | MRK 10:48 | यरिक् मनाहाॽऱे ख़ेन् स्वाःत् युङ़ेॽ फाॽआङ् म़ेभ़ेःक्तु॥ कर ख़ेन् आल्लसाङ् साॽरिक् अःक्त़े, “दाउदऱे कुस्साःए, इङ्गाॽ लुङ्माॽ तुक्ताङ्ङ़ेॽओ!” |
| 24706 | MRK 10:49 | य़ेसुऱे ख़ेन् अःक्त़ेबा ख़ेप्सुल्ल़े य़ेम्सिङ्ङाङ् ख़ेङ्हाॽ म़ेत्तुसि, “ख़ेन् कत्ना फ़ेत्त़ेम्म़ेॽ॥” ह़ेक्क्याङ् ख़ेङ्हाॽ म़ेबेआङ् ख़ेन् मिक्फःम्ब़ेन् म़ेम़ेत्तु, “हौ, सःत्त़ेॽओ! सिक्साम्ब़ेल्ल़े क़ेउःत्त़ेआङ् वाॽरो॥ ख़ेऩेॽ पोग़ेॽ!” |
| 24709 | MRK 10:52 | ह़ेक्क्याङ् य़ेसुऱे ख़ेन् म़ेत्तु, “पेग़ेॽ! ख़ेऩेॽ क़ेनसाःन्निल्ल़े निःमा क़ेसुक्पा क़ेजोग़ेआङ् क़ेवाॽरो॥” खिमो ख़ेन् निःमा क़ेसुक्पा पोःक्ख़ेआङ् सःत्त़ेर य़ेसुऱे कुएगाङ् कुएगाङ् थासिङ्लो॥ |
| 24718 | MRK 11:9 | खुऩेॽ कुदगि नु कुएगाङ् क़ेबप्पा यरिक् मनाहाॽऱे म़ेअःक्त़ेर अक्खे म़ेबाःत्तु, “निङ्वाॽफुमाङ्ङिल्ल़े कुनारा पोःररो! यहवे दाङ्बाल्ल़े कुमिङ्ङो क़ेदाःबान् मुॽइसाबा पोःङ्लरो॥ |
| 24719 | MRK 11:10 | आनिॽ थाःक्थ़ेबा दाउद हाङ्ङिल्ल़ेन् क़ेदाःबा हाङ्जुम्मिन् मुॽइसाम्मिल्ल़े कुधिम् पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ल़े कुनारा पोःररो!” |
| 24730 | MRK 11:21 | य़ेसुऱे पाःत्तुबान् पत्रुसऱे निङ्वाॽ इःत्तुर खुऩेॽ म़ेत्तु, “सिक्साम्बे, ओम़ेत्त़ेॽ! ख़ेन् साङ्ग्रा क़ेम़ेत्तुबा पःत्छेॽबुङ्माङ्ग इल़ेम़ेआङ् स्य़ेरो॥” |
| 24731 | MRK 11:22 | य़ेसुऱे म़ेत्तुसि, “निङ्वाॽफुमाङ्ङिन्नसाःन् चोग़ेम्म़ेॽ! इङ्गाॽ स़ेक्खाए म़ेत्निङ्, हाःत्ल़े निङ्वाॽओ चप्चि म़ेन्जोःक्के, कन् कोःक्मान् हाॽयाक्आग़ेॽआङ् वाहङ्ङो लाप्फुसिङ्ङ़ेॽ फाॽआङ् निङ्वाॽओ नसाःन् चोगुआङ् पाःत्तुॽ, ख़ेङ्ग कुलागि पोःङ्ङेरो॥ |
| 24739 | MRK 11:30 | युहुन्नाऱे बप्तिस्मा पिमा कुयुक्किन् आत्तोलाम् त्य़ेबाबे? निङ्वाॽफुमाङ्लाम् त्य़ेबाबि, इ मनालाम्बि? याप्मि आम़ेत्त़ेम्म़ेॽ!” |
| 24771 | MRK 12:29 | य़ेसुऱे नोगप् पिरु, “क़ेऱेक्नुःल्ल़े यम्बा नाःप्माए क़ेबोःङ्बा इङ्जाःङ्ङिन् कन्लो–‘इस्राइलिसे, ख़ेप्स़ेम्म़ेॽओ! आनिॽ दाङ्बा निङ्वाॽफुमाङ्ङिन्, थिक्लक् वाॽरो॥ |
| 24780 | MRK 12:38 | अक्खेलॽरिक् य़ेसुऱे म़ेत्तुसि, “साम्योथिम्साम्बाहाॽनु सिङ्सिङ् लॽऱेम्म़ेॽओ! ख़ेङ्हाॽ केःम्बा केःम्बा लगेप् म़ेजाक्खुआङ् नानुगत्ना लाङ्म़ेघेःक्लो, ह़ेक्क्याङ् पाङ्जुम् लुम्मो सेवा म़ेम़ेत्तिग़ेर क़ेलॽबा निङ्वाॽ म़ेजोगुआङ् |
| 24787 | MRK 13:1 | य़ेसुःन् माङ्हिम्मोलाम् लःन्द़ेर पत्छ़ेल्ल़े कुहुॽसाम्बाधिक्ल़े म़ेत्तु, “आदाङ्बा सिक्साम्बे, आक्ख़ेन् यम्यम्बा लुङ्हाॽ नु निङ्वाॽ क़ेमाबा हिम्हाॽऩेबे, ओम़ेत्त़ेॽना!” |
| 24800 | MRK 13:14 | ह़ेक्क्याङ् सिक्क़ेल़ेःङ्बान् वाॽमा म़ेन्नुॽमनाबा त़ेन्नो य़ेप्पा क़ेनिःसुम्मिल्ल़े यहुदियाबा मनाहाॽ कोःक्मा फाङ्जङ् ह़ेङ्घाःत्ति म़ेघ़ेत्छिङ् म़ेबेःक्लरो॥ कन् पाःन्निन् साप्ला क़ेनिःप्पाहाॽऱे कुसिङ् निःत्त़ेम्म़ेॽओ! |
| 24803 | MRK 13:17 | ख़ेन् य़ेन्हाॽग म़ेन्छुक्मा क़ेवाॽमा नु सावामाहाॽऱे लागि साॽरिक् किप्मा क़ेघुःबा पोःङ्लो! चुङ्वाःम्मा य़ेम्मो खिनिॽ ख़ेत्छिङ्मा म़ेबोःङ्ऩेन्ल फाॽआङ् तुवा चोग़ेम्म़ेॽओ॥ |
| 24829 | MRK 14:6 | कर य़ेसुऱे ख़ेङ्हाॽ म़ेत्तुसि, “थेआङ् ख़ेन् क़ेभ़ेःक्तुम्बाबे? ख़ेन् तुक्खे म़ेजाःत्त़ेम्मिन्ऩेॽओ! ख़ेल्ल़ेग आलागि नुःबा चोगुआङ् वाॽरो॥ |
| 24844 | MRK 14:21 | म़ेन्छाम्साःङ्ग साम्योसाप्लाओ साप्त़ेबा कुइसिःक्के सिःमाए पोःङ्लो॥ कर म़ेन्छाम्साःन् इङ्ग़ेल़ेक्प़ेङ्ग चिःत्त़े स्य़ेरो! ख़ेङ्ग साम़ेवाःन्छिङ्ङिन्निल्ल़ेए नुऱेबारो॥” |