| 23236 | MAT 1:23 | “सिसादिङ् म़ेन्छियाॽइन् म़ेन्छुक्मा पोःङ्ङाङ् य़ेम्बित्छाॽसाःधिक् कत्तुॽ, ह़ेक्क्याङ् ख़ेन् इम्मानुएल म़ेम़ेत्तुॽरो॥ ‘इम्मानुएल’ फाॽइङ्ग ‘निङ्वाॽफुमाङ्ङिन् आनिॽनु वाॽ’ पोःङ्लो॥” |
| 23244 | MAT 2:6 | ‘यहुदिया थुम्मोबा ब़ेथलेह़ेम्मे, ख़ेऩेॽग यहुदियाबा पाङ्जुम्हाॽओ साॽरिक् क़ेय़ेक्पा क़ेजोःक्लो, थेआङ्भ़ेल्ल़े ख़ेऩेॽ क़ेबाङ्जुम्लाम् हाङ्युक्पाधिक् ताःरो, खुऩेॽग म़ेल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् क़ेम़ेप्पा पोःङ्लो॥’” |
| 23264 | MAT 3:3 | खुऩेॽ कुयाःम्बेओ माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् पाःत्तुआङ् वाॽरो, “खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 23282 | MAT 4:4 | कर य़ेसुऱे नोगप् पिरु, “ह़ेक्के म़ेजोःक्कान्, थेआङ्भ़ेल्ल़े साम्योसाप्लाओ मोसाऱे अक्खेलॽरिक् साप्तुआङ् पत्, ‘म़ेन्छाम् याप्मिःङ्ग कुजाःल्ल़ेरक् म़ेहिङ्ऩेन्, कर निङ्वाॽफुमाङ्ङिल्ल़े पाःत्तुबा क़ेऱेक् पाःन्निल्ल़े हिङ्॥’” |
| 23284 | MAT 4:6 | “ख़ेऩेॽ स़ेक्खाए निङ्वाॽफुसाःऩे फाॽग्र पिन्द़े थ्य़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘निङ्वाॽफुमाङ्ङिल्ल़े कुमाङ्लाइङ्बाहाॽ ख़ेऩेॽ क़ेलागि इङ्जाःङ् पिरुसिआङ् ख़ेऩेॽ थाःङ्धाःङ्ङे खुनिॽ हुक्को क़ेम्दाःक्काङ् क़ेलाङ्ङिन् लुङ्ङो म़ेधाम्सिङ्ङिन्लो॥’” |
| 23285 | MAT 4:7 | य़ेसुऱे नोगप् पिरु, “कर साम्योसाप्लाओ याम्मो अक्खेलॽरिक्काङ् साप्त़ेआङ् पत्, ‘दाङ्बा क़ेनिङ्वाॽफुमाङ्ङिल्ल़े कुनिङ्वाॽ म़ेसाॽऱेन्ऩेॽ॥’” |
| 23288 | MAT 4:10 | य़ेसुऱे ख़ेन् म़ेत्तु, “सैताने, कप्मोलाम् पेग़ेॽ, थेआङ्भ़ेल्ल़े साम्योसाप्लाओ अक्खेलॽरिक् साप्त़ेआङ् पत्, ‘ख़ेऩेॽ दाङ्बा क़ेनिङ्वाॽफुमाङ्ङिन्लक् सेवा म़ेत्त़ेॽ ह़ेक्क्याङ् खुऩेॽइन्लक् कुसेवा चोग़ेॽओ॥’” |
| 23324 | MAT 5:21 | आल्ल, “उन्छेःन् मोसाऱे कुसाम्यो इङ्जाःङ्ङिल्ल़े अक्खे पाःत्तुबान् खिनिॽ क़ेघ़ेप्सुम्माङ् क़ेवयिॽ, ‘मना म़ेस़ेऱेन्ऩेॽओ, थेआङ्भ़ेल्ल़े मना क़ेस़ेप्पाल्ल़े खुम्दिङ् खोःसुॽरो,’ |
| 23325 | MAT 5:22 | कर इङ्गाॽ म़ेत्निङ्, हाःत् कुन्साॽइन्नु कुयाःक् ल़ेॽ, ख़ेल्ल़े खुम्दिङ् खोःसुॽरो॥ याम्मो हाःत्ल़े कुन्साॽइन् ‘अदङ्’ म़ेत्तुॽ, ख़ेङ्ग क़ेऱेक्नुःल्ल़े यम्बा यहुदि खास़ेन्लोःम्बाहाॽऱे खुनिॽ तगि म़ेय़ेप्सुॽ, कर हाःत्ल़े कुन्साॽइन् साक्मुरा म़ेत्तुॽ, ख़ेङ्ग ख़ेमायङ्सङ्ङोबा मिओ पेःक्मा सुक्लो॥ |
| 23330 | MAT 5:27 | आल्ल, “खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयि, ‘ख़ेऩेॽ चाराम्मा याःम्बक् म़ेजोग़ेन्ऩेॽओ’ |
| 23334 | MAT 5:31 | “याम्मो मोसाऱे कुसाम्यो इङ्जाःङ्ङिल्ल़े अक्खे पाःत्तुआङ् वाॽ, ‘आत्तिल्ल़े मेलिङ्ग़ेन् कुमेःत्तिन् नाॽरु, ख़ेल्ल़े नाॽऩेबारो फाॽआङ् साप्ला साप्मा पिमा पोःङ्॥’ |
| 23336 | MAT 5:33 | “याम्मो खिनिॽ मोसाऱे कुसाम्यो इङ्जाःङ्ङिल्ल़े अक्खे पाःत्तुबा क़ेघ़ेप्सुम्माङ् क़ेवयिॽ, ‘खिनिॽ क़ेजोगुम्बा माङ्ह़ेक्किन्म़ेभेःन्द़ेम्म़ेन्ऩेॽ, कर यहवे दाङ्बान्नु क़ेजोगुम्बा माङ्ह़ेक्किन्क़ेग़ेत्तुम्लए पोःङ्लो॥’ |
| 23340 | MAT 5:37 | खिनिॽ पाःन्निङ्ग ‘ओ’ ऩे फाॽग्र ‘ओ’ पाःत्त़ेम्म़ेॽ, ‘म़ेःन्’ ऩे फाॽग्र ‘म़ेःन्’ पाःत्त़ेम्म़ेॽ॥ ख़ेन्नाङ्धोबाङ्ग माफ़ेन्साम्लाम् क़ेदाःबारो॥” |
| 23341 | MAT 5:38 | “मोसाऱे कुसाम्यो इङ्जाःङ्ङिल्ल़े ‘मिक्किल्ल़े कुल़ेक्वा मिक्, ह़ेक्क्याङ् हाबोॽबाल्ल़े कुल़ेक्वा हाबोॽबा’ लॽरिक् पाःत्तुबान् क़ेघ़ेप्सुम्माङ् क़ेवयिॽ, |
| 23364 | MAT 6:13 | हङ्साॽमो आन्धाःस़ेन्ऩेॽओ, कर माफ़ेन्साम्लाम् आस़ेःप्त़ेॽओ॥ ((थेआङ्भ़ेल्ल़े हाङ्जुम्, मुक्साम् नु मिमिदिङ्ङिन् सदादिङ् ख़ेऩेॽइन्नेरो॥))’ |
| 23406 | MAT 7:21 | आल्ल “‘आदाङ्बे, आदाङ्बे’, लॽरिक् याप्मि क़ेम़ेप्पाहाॽ क़ेऱेक् साङ्ग्राम्पेदाङ्बा हाङ्जुम्मो म़ेन्लाःत्ऩेन्लो, कर साङ्ग्राम्पेदाङ्ङो क़ेवाॽबा पानुदिङ् आम्बाऱे कुनिङ्वाॽ ह़ेक्के क़ेजोःक्पाहाॽरक् म़ेलाःत्लो॥ |
| 23407 | MAT 7:22 | खास़ेन् य़ेन्नो यरिक् मनाहाॽ म़ेदाआङ् अक्खे म़ेम़ेत्तारो, ‘आदाङ्बे, आदाङ्बे, ख़ेऩेॽ क़ेमिङ्ङो माङ्निङ्वाॽपाःन् पारिग़ेरो, ह़ेक्क्याङ् ख़ेऩेॽ क़ेमिङ्ङो फ़ेन्साम्हाॽ नाःत्तुम् लःत्तुम्सिम्ब़ेआङ् निङ्वाॽ क़ेमाबा याःम्बक्हाॽ चोगुम्ब़ेरो॥’ |
| 23408 | MAT 7:23 | कर ख़ेन् य़ेम्मो ख़ेङ्हाॽ इङ्गाॽ अक्खे म़ेत्तुङ्सिङ्, ‘खिनिॽग आप्फाल्ल़ेआङ् कुसिङ् निःत्निङ्बा होःप्लो॥ खिनिॽ पानुदिङ् आम्बाऱे कुनिङ्वाॽ ह़ेक्के म़ेन्जोःक्के फ़ेन् याःम्बक् क़ेजोःक्पासे, कप्मोलाम् पेग़ेम्म़ेॽ!’” |
| 23423 | MAT 8:9 | थेआङ्भ़ेल्ल़े इङ्गाॽआङ् आधुङ्धोबा सुहाङ्युक्पाहाॽऱे खुनिॽ युक्को क़ेवाॽबा मनाआरो, ह़ेक्क्याङ् इङ्गाॽआङ् आयुक्को थक्सुबाहाॽ म़ेवाॽरो॥ इङ्गाॽ थक्सुबान् ‘पेग़ेॽ’ म़ेत्तुङ्ङिल्ल़े पेःक्, वेॽस्मान् ‘फ़ेऱेॽ’ म़ेत्तुङ्ङिल्ल़े फ़ेन्, ह़ेक्क्याङ् आसेवारोबान् ‘ख़ेन् चोग़ेॽ’ म़ेत्तुङ्ङिल्ल़े ख़ेल्ल़े चोगुॽरो॥” |
| 23453 | MAT 9:5 | ‘क़ेलायोहाॽ ल़ेप्मि पोःक्ख़े’, म़ेप्मा उसुरु चोःक्पि, इ ‘पोग़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 23493 | MAT 10:7 | खिनिॽ क़ेबेगिल्ल़े कन् सुनाइङ्ङिन् स़ेःस़ेम्म़ेॽओ–‘साङ्ग्राम्पेदाङ्बा हाङ्जुम्मिन् निःत्ताङ्ङे वाॽ॥’ |
| 23498 | MAT 10:12 | ख़ेन् हिम्मो क़ेलाःस्सिल्ल़े मनाहाॽनु ‘सनारुङ् क़ेघोःसुम्निरो’ लॽरिक् सेवा मय़ेम्म़ेॽओ॥ |
| 23538 | MAT 11:10 | साम्योसाप्लाओ युहुन्नाऱे कुयाःम्बेओ निङ्वाॽफुमाङ्ङिल्ल़े अक्खेलॽरिक् पाःत्तुआङ् पत्, ‘इङ्गाॽ आइङ्साबान् क़ेलाम्मिन् यारिप् चोःक्स़े ख़ेऩेॽनुःल्ल़े तगि पाङ्घुङ्लो॥’ |
| 23545 | MAT 11:17 | ‘खिनिॽ लागि आनिग़े के हिप्मना, कर खिनिॽ क़ेन्लाःक्खिन्, ह़ेक्क्याङ् आनिग़े मेरिङ् थक्मना, कर खिनिॽ क़ेन्हाबिन्॥’ |
| 23547 | MAT 11:19 | इङ्गाॽ म़ेन्छाम्साःङ्ग चाङ्ल थुङुङ्ल त्याङ्, ह़ेक्क्याङ् ख़ेङ्हाॽऱे अक्खे म़ेबाःत्तु, ‘ख़ेङ्ग तःक् थ़ेःक्के नु थिःमसाङ्लो, एःङ्याङ् क़ेभोःङ्बाहाॽ नु लायोबाहाॽऱे खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् ख़ेन् निस्से चोःक् फाॽआङ् निःद़ेत्लो॥” |
| 23602 | MAT 12:44 | अक्खे म़ेत्छिङ्लो, ‘इङ्गाॽ ल़ेरुङ्बा मनाःल्लोए नुःङ्ङा पेःक्कारो॥’ ह़ेक्क्याङ् ख़ेन् ख़ेप्मो नुःङ् ताःल्ल़े तगि याग़ेबा त़ेन्निन् कुघाल़ेम्, म़ेदुगुबा नु नुःबा म़ेजोगुबा निःसुॽ॥ |
| 23623 | MAT 13:15 | थेआङ्भ़ेल्ल़े कन् मनाहाॽऱे खुनिॽ खासिङ्ङिन्क़ेधुङ्बा पोःक्ख़ेआङ् वाॽ॥ ख़ेङ्हाॽऱे खुनिॽ ऩेक्खोॽबान् थाक्त़ेआङ् वाॽ, ह़ेक्क्याङ् खुनिॽ मिक्किन् इम्म़ेम़ेत्तुआङ् वाॽ॥ म़ेःन्ऩे फाॽग्र ख़ेङ्हाॽऱे खुनिॽ ऩेक्खोॽबाल्ल़े म़ेघ़ेप्सुबा नु मिक्किल्ल़े म़ेनिःसुबाम़ेन्, ह़ेक्क्याङ् खुनिॽ सिक्लुङ्माओ कुसिङ् म़ेनिःत्तुआङ् इङ्गाॽ ल़ेप्माङ् म़ेनुःक्ख़ेबाम़ेन्, ह़ेक्क्याङ् इङ्गाॽ ख़ेङ्हाॽ वेःन्दुङ्सिङ्म़ेन्फाॽआङ् निङ्वाॽफुमाङ्ङिल्ल़े पाःत्तुरो॥’ |
| 23635 | MAT 13:27 | ह़ेक्क्याङ् सेवारोबाहाॽ लाजेॽ दाङ्बाल्लो म़ेद्य़ेआङ् सेःन्म़ेदोसु, ‘आदाङ्बे, ख़ेऩेॽग प्याङ्सिग़ेन् इक्ताप्पो मासि याॽरिःम्बारक् क़ेल़ेप्तुआङ् ऩेस्स़े म़ेःम्बि, कर आक्खेआङ् माल़ेःन्दोःन्नाङ् लिङ़ेबे?’ |
| 23636 | MAT 13:28 | खुऩेॽ नोगप् पिरुसि, ‘ख़ेङ्ग निङ्मिःल्ल़े ह़ेक्के चोगुबारो॥’ सेवारोबाहाॽऱे खुऩेॽ याम्मो सेःन्म़ेदोसु, ‘ख़ेन् माल़ेःन्दोहाॽ आःक्खुम्देःसुम्ब़े लॽरिक् निङ्वाॽ क़ेइःत्तुबि?’ |
| 23638 | MAT 13:30 | चासुम्मा य़ेम् थारिक् ऩेप्माङ् सोसोरिक् पोसिर॥ ह़ेक्क्याङ् ख़ेन् य़ेम्मो चाग़ेसुम्बाहाॽ क़ेऱेक्नु तगि माल़ेःन्दोहाॽ आःक्ख़ेम्म़ेॽआङ् इभुत्त़ेम्म़ेॽ ह़ेक्क्याङ् मिओ लाप्फुःस़ेम्म़ेॽ ह़ेक्क्याङ् मासिःन् सुप्स़ेम्म़ेॽआङ् चायाङ्माओ याःक्त़ेम्म़ेॽ फाॽआङ् इङ्जाःङ् पिरुङ्सिङ्लो॥’” |
| 23706 | MAT 15:4 | थेआङ्भ़ेल्ल़े निङ्वाॽफुमाङ्ङिल्ल़े पाःत्तुॽ, ‘क़ेम्बा क़ेम्मासि मिङ्सो इङ्धाःङ् पिऱेस़ेॽ’ ह़ेक्क्याङ् ‘आत्तिल्ल़े कुम्बा कुम्मासि साङ्ग्रा म़ेत्तुसिॽ, ख़ेङ्ग स़ेप्माए पोःङ्लो॥’ |
| 23711 | MAT 15:9 | कङ्हाॽऱे हऩेए सेवा म़ेजोःक्का, कर म़ेहुॽरुसिबा निसाम्मिङ्ग म़ेन्छाम् याप्मिऱे आप्फेःक् म़ेजोगुबा थिम्रक्लो॥’” |
| 23789 | MAT 17:20 | य़ेसुऱे म़ेत्तुसि, “थेआङ्भ़ेल्ल़े खिनिॽ नसाःन्निन् सुःन्लो॥ इङ्गाॽ स़ेक्खाए म़ेत्निङ्, खिनिॽ नसाःन्निन् यःङ्गेॽ याॽरिःम्बाधिक् याःत्छाङ् कन् कोःक्मान् ‘ख़ेप्मोलाम् ख़ेत्छिङ्ङ़ेॽ’ क़ेम़ेत्तुम्मिल्ल़े, ख़ेन् ख़ेत्छिङ् पेःक्लो॥ ह़ेक्क्याङ् खिनिॽलाम्बा पोःङ्मा म़ेन्छुक्मना थेआङ् होःप्लो॥” |
| 23812 | MAT 18:16 | कर ख़ेऩेॽ क़ेबाःन्निन् म़ेघ़ेप्सुन्ऩे फाॽग्र ख़ेऩेॽनु वेॽ थिक्पा इग्र ऩेप्फु तेॽऱेस़ेॽआङ् याम्मो पेग़ेॽ, थेआङ्भ़ेल्ल़े साम्योसाप्लाःल्ल़े पाःत्तुबा कुइसिःक्, ‘ऩेप्फु इग्र सुम्सि तोःन्दिहाॽऱे खुनिॽ तगि क़ेऱेक् पाःन्हाॽऱेन् निःन्धो चोःक्मा पोःङ्लो॥’ |
| 23822 | MAT 18:26 | कर ख़ेन् सेवारोबान् हाङ्ङिल्ल़े कुदगि थुङ्बोहजॽ युङ्सिङ्ङाङ् पेलि फाक्तु, ‘आदाङ्बे, इङ्गाॽ नासि थःत्ताङ्ङ़ेॽआङ्कुभा य़ेम् थारिक् हाङ्घाङ्ङ़ेॽओ! इङ्गाॽ क़ेयाङ्ङिन् क़ेऱेक् हुङुङ् पिऩेरो॥’ |
| 23824 | MAT 18:28 | ह़ेक्क्याङ् ख़ेन् सेवारोबान् लाःक्कात् लःन्द़ेल्ल़े किप्थिक् युप्पा याङ्इत्छि कुसिङ्नाःत् क़ेबप्पा कुन्जुम् सेवारोबान् तुमु॥ ह़ेक्क्याङ् ख़ेल्ल़े ख़ेन् कुन्जुम् सेवारोबान् फत्तुर कुसित्लाःन् यॽरुआङ् अक्खे म़ेत्तु, ‘इङ्गाॽओनु क़ेदेॽरुबा सिङ्नाःत्तिन् आल्लोसा हुङ़ेॽ॥’ |
| 23825 | MAT 18:29 | ख़ेल्ल़े थुङ्बोहजॽ युङ्सिङ्ङाङ् पेलि फाक्तुर म़ेत्तु, ‘चुम्मे, इङ्गाॽ नासि थःत्ताङ्ङ़ेॽआङ्कुभा य़ेम् थारिक् हाङ्घाङ्ङ़ेॽओ! इङ्गाॽ क़ेयाङ्ङिन् क़ेऱेक् हुङुङ्लो॥’ |
| 23829 | MAT 18:33 | कर ख़ेऩेॽ लुङ्माॽ तुक्ऩेबा कुइसिःक्के ख़ेऩेॽआङ् क़ेन्जुम् सेवारोबान् लुङ्माॽ तुक्मा म़ेबोःङ्ऩेम्बि?’ |
| 23835 | MAT 19:4 | य़ेसुऱे म़ेत्तुसि, “म़ेःम्ब़े! साम्योसाप्लाओ क़ेबप्पा पाःन्निन् खिनिॽ म़ेन्निःत्ते क़ेवयिॽबि? चइःत्दाङ्बाल्ल़े कुहेःक्सिङ्मोए ‘ख़ेङ्हाॽ य़ेम्बित्छाॽ नु म़ेन्छुमाॽ चोगुसिरो॥’ |
| 23836 | MAT 19:5 | ह़ेक्क्याङ् ‘ख़ेल्ल़े चोगुल्ल़े य़ेम्बित्छाॽइल्ल़े कुम्बा नु कुम्मासि ल़ेरुसिआङ् कुमेःत्तिन्नु तङ्लो, ह़ेक्क्याङ् ख़ेङ्हाॽ लत्छा थक् पोःङ्सिरो॥’ |
| 23838 | MAT 19:7 | ख़ेङ्हाॽऱे सेःन्म़ेदोसु, “ह़ेक्केऩे फाॽग्र थेआङ् मोसाःल्ल़े ‘य़ेम्बित्छाॽइल्ल़े कुमेःत्तिन् इङ्गाॽ नाॽऩेबारो फाॽआङ् साप्ला साप्तुआङ् पाङ्मादेःमा सुक्तुॽ’ लॽरिक् साप्तुबाबे?” |
| 23865 | MAT 20:4 | म़ेत्तुसि, ‘खिनिॽआङ् पेग़ेम्म़ेॽआङ् आज़ेल्ल़ेक्सेॽ इक्को याःम्बक् चोग़ेम्म़ेॽओ॥ खिनिॽ खोःमा क़ेयाॽरिबा याङ्ङिन् पिनिङ्लो॥’ |
| 23867 | MAT 20:6 | याङ्सि कुमुक् ङासि (५) मुक्त़ेर पत्छ़ेल्ल़े खुऩेॽ पाङ्जुम्मो पेःल्ल़े मनाहाॽ थेआङ् म़ेन्जोःक्के म़ेवय़े म़ेगत्त़ेबा याम्मो निःसुसिआङ् सेःन्दोसुसि, ‘आइन् थेआङ् खिनिॽ नाम्धाधा याःम्बक् क़ेन्जोगिन्बाबे?’ |
| 23868 | MAT 20:7 | ख़ेङ्हाॽऱे नोगप् म़ेबिरु, ‘थेःन् चोःक्माबे, आनिग़े आत्तिल्ल़ेआङ् याःलिक् याप्मि म़ेसाङिग़ेन्लो॥’ ख़ेल्ल़े ख़ेङ्हाॽ म़ेत्तुसि, ‘ह़ेक्केऩे फाॽग्र खिनिॽआङ् पेग़ेम्म़ेॽआङ् आज़ेल्ल़ेक्सेॽ इक्को याःम्बक् चोग़ेम्म़ेॽओ॥’ |
| 23869 | MAT 20:8 | ह़ेक्क्याङ् युःन्छिक् पोःक्ख़ेल्ल़े ख़ेन् च़ेल्ल़ेक्सेॽ इक्दाङ्बाल्ल़े ख़ेन् याःलिक् क़ेभम्बान् उःत्तुआङ् म़ेत्तु, ‘क़ेऱेक्याःलिक्हाॽ उःत्त़ेस़ेॽआङ् क़ेऱेक्नुःल्ल़े एगाङ् याःम्बक्को क़ेभन्छिङ्बाहाॽओलाम् क़ेऱेक्नुःल्ल़े तगि याःम्बक्को क़ेभन्छिङ्बाहाॽऱे खुनिॽ नाम्याक्किन् हाःत्त़ेस़ेॽओ॥’ |
| 23873 | MAT 20:12 | ख़ेन् मनाहाॽऱे खुऩेॽ म़ेम़ेत्तु, ‘कन् एगाङ् क़ेसाङुसिबाहाॽऱेग कुमुक् थिक्लक् याःम्बक् म़ेजोगु॥ आनिग़े ल़ेन्दिक् खाराक् नाम्स़ेःक्माओ याःम्बक् चोगुम्ब़ेसाङ् ख़ेङ्हाॽनु कुदङ्बा याप्मि क़ेजोग़ेरो॥’ |
| 23876 | MAT 20:15 | इङ्गाॽ आनिङ्वाॽ ह़ेक्के मनाहाॽ आयाङ्ङिन् पिमासि युक् म़ेगत्तान्बि? इङ्गाॽ आनिङ्वाॽ यम्बा चोगुङ्ङिल्ल़े थेआङ् क़ेसिक् पोःक्पाबे?’ |
| 23908 | MAT 21:13 | य़ेसुऱे ख़ेङ्हाॽ अक्खे म़ेत्तुसि, “साम्योसाप्लाओ साप्त़ेआङ् पत्, ‘इङ्गाॽ आहिम्मिङ्ग तुवा चोःक्मा हिम् पोःङ्,’ कर खिनिॽग फाःन्दाहाॽ चिङ्सिङ्मा त़ेन् क़ेजोगुम्माङ् क़ेवयिॽरो!” |
| 23911 | MAT 21:16 | ख़ेङ्हाॽऱे खुऩेॽ म़ेम़ेत्तु, “कन्हाॽऱे थे म़ेबाःत्तुर म़ेबत् क़ेङ्घ़ेप्सुन्बि?” य़ेसुऱे ख़ेङ्हाॽ म़ेत्तुसि, “ख़ेप्सुङ्ब़े, कर साम्योसाप्लाओ अक्खेलॽरिक् साप्त़ेआङ् क़ेबप्प़ेन्खिनिॽ म़ेन्निःत्ते क़ेवयिॽबि? ‘हिन्जाॽबित्छाहाॽ नु नुग़ेधुङ्बाहाॽलाम् खुऩेॽ क़ेनारा फोःमा पाङ्घुसि’” |
| 23916 | MAT 21:21 | य़ेसुऱे ख़ेङ्हाॽ म़ेत्तुसि, “खिनिॽ इङ्गाॽ स़ेक्खाए म़ेत्निङ्, खिनिॽ चप्चि म़ेन्जोःक्के नसाःन् क़ेजोगुम्ऩे फाॽग्र कन् पःत्छेॽबुङ्मान् इङ्गाॽ चोगुङ्बा कुइसिःक् खिनिॽआङ् चोःक्मा क़ेसुक्तुम्, ह़ेक्क्याङ् ख़ेम्म्याक्लक् म़ेःन्, कर ‘कन् कोःक्मान् हाॽयाक्आग़ेॽआङ् वाहङ्ङो लाप्फुसिङ्ङ़ेॽ’ क़ेम़ेत्तुम्मिल्ल़े ख़ेन् क़ेत्लो॥ |
| 23920 | MAT 21:25 | युहुन्नाऱे बप्तिस्मा पिमा कुयुक्किन् आत्तोलाम् त्य़ेबाबे? निङ्वाॽफुमाङ्लाम् त्य़ेबाबि, इ मनालाम्बि?” ख़ेङ्हाॽऱे खुनिॽ लुम्मो पाःन् म़ेधक्त़ेर अक्खे म़ेम़ेत्छिङ्, “आल्ल आनिॽ ‘निङ्वाॽफुमाङ्लाम्’ आम़ेत्तुम्ऩे फाॽग्र, थेआङ् नसाःन् क़ेन्जोगुम्मिन् फाॽआङ् सेःन्आलाप्॥ |
| 23921 | MAT 21:26 | कर ‘मनाहाॽलाम्’ आबाःत्तुम्ऩे फाॽग्र मनाहाॽ आनिॽ तक्ल़ेङ्वाओ म़ेबोःक्पि फाॽआङ् आगिरो, थेआङ्भ़ेल्ल़े कन् मनाहाॽऱे युहुन्नाःन् माङ्निङ्वाॽपाःन् क़ेबाःप्पा फाॽआङ् म़ेइःत्तुआङ् म़ेवाॽरो॥” |
| 23923 | MAT 21:28 | याम्मो य़ेसुऱे ख़ेन् तुम्निङ्वाॽफुसाम्बाहाॽ नु यहुदि लाम्लोःबाहाॽ म़ेत्तुसि, “खिनिॽ ख़ेदाॽधिक् म़ेत्निङ्, ह़ेक्क्याङ् ख़ेल्ल़े कुयाःम्बेओ थे क़ेइःत्तुम् आम़ेत्त़ेम्म़ेॽओ॥ लत्छा मनाधिक् वय़े, ख़ेल्ल़े ऩेप्फु कुस्साः य़ेम्बित्छाॽहाॽ वय़ेत्छि॥ ख़ेन् मनाःन् कुस्साः तुम्बाल्लो पेआङ् म़ेत्तु, ‘आस्साःए, पेग़ेॽआङ् च़ेल्ल़ेक्सेॽ इक्को याःम्बक् चोग़ेॽओ॥’ |
| 23924 | MAT 21:29 | ख़ेन् कुस्साःल्ल़े तगिग ‘म़ेजोःक्कान्लो’ म़ेत्तु, कर याङ्सि कुनिङ्वाॽ नुःक्ख़े, ह़ेक्क्याङ्पेआङ् याःम्बक् चोगुरो॥ |
| 23925 | MAT 21:30 | ह़ेक्क्याङ् कुम्बाःन् कुस्साः फोॽबाल्लो पेआङ् बा ह़ेक्केए म़ेत्तु॥ ख़ेन् कुस्साः फोॽबाल्ल़ेआङ्, ‘पोःङ् आदाङ्बे, पेःक्कारो’ म़ेत्तु, कर ख़ेन् याःम्बक्को म़ेबेऩेन्लो॥ |
| 23933 | MAT 21:38 | कर ख़ेङ्हाॽऱे कुस्साःन् म़ेनिःसुआङ् अक्खे म़ेम़ेत्छिङ्, ‘कङ्ग कुम्बाऱे कुलक् क़ेघोःबारो, कन्स़ेरुम्माङ् कुलाजेॽ सिङ्बुङ्हाॽ आनिॽ हुक्काप्पासिरो॥’ |
| 23937 | MAT 21:42 | य़ेसुऱे ख़ेङ्हाॽ म़ेत्तुसि, “खिनिॽ साम्योसाप्लाओ म़ेन्निःत्ते क़ेवयिबि? ‘लुङ्गाम्बाहाॽऱे म़ेनाॽरुबा लुङ्ङिन् क़ेऱेक्नुःल्ल़े क़ेय़ेक्पा कुम्मा लुङ् पोःक्ख़ेआङ् वाॽरो॥ कङ्ग यहवे दाङ्बाल्ल़ेए चोगुबारो, ह़ेक्क्याङ् कन् आनिॽ निःमो निङ्वाॽ क़ेमाबा चोःक्लो॥’ |
| 23939 | MAT 21:44 | ‘आत्तिन्हाॽ ख़ेन् लुङ् सम्दाङ् मक्म़ेधाःॽ, ख़ेङ्हाॽ म़ेभक् म़ेसिःरो॥ ह़ेक्क्याङ् आत्तिन्हाॽ सम्दाङ् ख़ेन् लुङ्ङिन् मक्थाःॽ, ख़ेङ्हाॽ म़ेभ़ेक् म़ेसिःरो॥’” |
| 23945 | MAT 22:4 | ह़ेक्केःल्ल़े ख़ेन् हाङ्ङिल्ल़े कुभा कुसेवारोबाहाॽ अक्खे म़ेत्तुसिर पाङ्घुसि, ‘ख़ेन् उःत्छिङ् क़ेघोःबाहाॽ अक्खे म़ेत्त़ेम्सिम्म़ेॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ स़ेरुङ्सिङ्ङाङ् क़ेऱेक् चामा थुङ्मान् यारिप् पोःक्ख़ेआङ् वाॽ, मेःक्खिम् साभाङ्जाओ त्य़ेम्म़ेॽओ॥’ |
| 23950 | MAT 22:9 | ह़ेक्केःल्ल़े य़ेक्यक्कोबा लाम् लाम्मो पेग़ेम्म़ेॽआङ् क़ेदुमुम्सिम्बा क़ेऱेक् मनाहाॽ उःत्त़ेम्ताऱेम्सिम्म़ेॽओ॥’ |
| 23953 | MAT 22:12 | सेःन्दोसु, ‘चुम्मे, ख़ेऩेॽ आक्खेलॽरिक् मेःक्खिम् साभाङ्जाओ, मेःक्खिम्मो चाङ्मनाबा नुःबा तेःत् म़ेःन्ने क़ेलाःस़ेबे?’ ख़ेन् मनाःल्ल़े थेआङ् पाःप्मा म़ेसुक्तुन्लो॥ |
| 23954 | MAT 22:13 | ह़ेक्क्याङ् हाङ्ङिल्ल़े सेवारोबाहाॽ म़ेत्तुसि, ‘कन् मनाःन् त़ेम्स़ेम्म़ेॽआङ् कुलाङ् कुहुक्हाॽ इघेःक्ख़ेम्म़ेॽ ह़ेक्क्याङ् लाःक्कात् खादाम्मो लाप्फुःस़ेम्म़ेॽओ॥ ख़ेप्मो हाःप्मान् नु साॽरिक् तुक्खेःल्ल़े हाबोॽ य़ेःङ्मान् पोःङ्लो॥’ |
| 23965 | MAT 22:24 | “सिक्साम्बे, मोसाऱे साम्योथिम्मो अक्खेलॽरिक् साप्तुआङ् पत्, ‘आत्तिल्ल़े कुम्भुॽइन् कुस्साः कुए म़ेन्वाॽए सिःॽ, ख़ेल्ल़े कुन्साॽऱे मेमेदुमा कुन्ऩेॽद्रेःन्नु मेःक्खिम् चोःक्माए पोःङ्॥ ह़ेक्क्याङ् कुम्भुॽऱे कुलागि सागप्मा पोःङ्लो॥’ |
| 23973 | MAT 22:32 | ‘इङ्गाॽग अब्राहाम, इसहाक नु याकुबऱे खुनिॽ निङ्वाॽफुमाङ्आरो॥’ ख़ेल्ल़े चोगुल्ल़े खुऩेॽग कुसिव़ेत्हाॽऱेन् म़ेःन्, कर कुहिङ्व़ेत्हाॽऱे खुनिॽ निङ्वाॽफुमाङ्लो॥” |
| 23978 | MAT 22:37 | य़ेसुऱे नोगप् पिरु, “‘क़ेन्दाङ्बा निङ्वाॽफुमाङ्ङिन् क़ेऱेक् क़ेसिक्लुङ्माल्ल़े, क़ेऱेक् क़ेसक्मासाम्मिल्ल़े, ह़ेक्क्याङ् क़ेऱेक् क़ेनिङ्वाॽइल्ल़े मिःम्जि म़ेत्त़ेॽओ॥’ |
| 23980 | MAT 22:39 | ह़ेक्केलॽरिक् निसिगेःक्पा क़ेय़ेक्पा इङ्जाःङ्ङिङ्ग बा कन्लो, ‘आप्फेःक्लुङ्माॽ क़ेदुक्सिङ्बा कुइसिःक्के क़ेबाङ्भेॽसाबाहाॽआङ्लुङ्माॽ तुक्त़ेस़ेॽओ॥’ |
| 23985 | MAT 22:44 | ‘यहवे दाङ्बाल्ल़े इङ्गाॽ आन्दाङ्बान् अक्खे म़ेत्तु, क़ेनिङ्मिहाॽ क़ेयुक्को इङ्गाॽ म़ेन्दाःत्छिङ्ङे थारिक् आजुप्साङ् ल़ेप्माङ् ख़ेऩेॽ युङ़ेॽओ॥’ |
| 23996 | MAT 23:9 | इक्सादिङ् खाम्बेःक्मो ‘पाःए’ लॽरिक् वेॽ आत्तिन्हाॽआङ् म़ेम़ेत्त़ेम्सिम्मिन्ऩेॽओ, थेआङ्भ़ेल्ल़े खिनिॽग थिक्लक् निङ्वाॽफुपाः क़ेगत्तुम्लो, खुऩेॽग साङ्ग्राम्पेदाङ्ङो वाॽरो॥ |
| 23997 | MAT 23:10 | आत्तिन्हाॽऱेआङ्‘सिक्साम्बे’ लॽरिक् क़ेम़ेम्म़ेत्तिन्लरो थेआङ्भ़ेल्ल़े खिनिॽग थिक्लक् सिक्साम्बान् क़ेगत्तुम्लो, खुऩेॽग निङ्वाॽफुमाङ्ङिल्ल़े सेःन्दुबा ख्रिस्तरो॥ |
| 24005 | MAT 23:18 | खिनिॽ अक्खेलॽरिक्काङ् क़ेबाःत्तुम्, ‘आत्तिन्ल़ेत्तिङ्तोःम्माद़ेन्निल्ल़ेन् माङ्ह़ेक्सिङ् ख़ेन् थेआङ् म़ेःन्लो, कर आत्तिन्ल़ेत्तिङ्तोःम्माद़ेन्नोबा चोफाॽल़ेन् माङ्ह़ेक्सिङ् ख़ेन् कुबाःन्निल्ल़े खेःङ्सिङ्लो॥’ |
| 24017 | MAT 23:30 | ह़ेक्क्याङ् क़ेबाःत्तुम्, ‘आनिग़े सुध़ेबा ताक्थ़ेबाहाॽऱे खुनिॽ य़ेम्मो आनिग़े वयिग़ेल्ल़ेग माङ्निङ्वाॽपाःन् क़ेबाःप्पाहाॽ स़ेप्मासि चुम् म़ेम़ेत्तुम्सिम्ब़ेम्बा वय़ेरो॥’ |
| 24026 | MAT 23:39 | थेआङ्भ़ेल्ल़े खिनिॽ स़ेक्खाए म़ेत्निङ्, ‘दाङ्बाल्ल़े कुमिङ्ङो क़ेदाःबान् मुॽइसाबारो’ लॽरिक् क़ेम्बाःत्तुम्मिन्ल थारिक् याम्मो याप्मि क़ेन्निःसिन्लो॥” |
| 24049 | MAT 24:23 | ह़ेक्क्याङ् ख़ेन् य़ेम्मो मनाहाॽऱे ‘ओम़ेत्त़ेम्म़ेॽ, निङ्वाॽफुमाङ्ङिल्ल़े सेःन्दुबा ख्रिस्त़ेन्कप्मो वाॽ’ इग्र ‘खुऩेॽ ख़ेप्मो वाॽ’ लॽरिक् म़ेबाःत्तुर म़ेदाःल्ल़े नसाःन् म़ेजोग़ेम्सिम्मिन्ऩेॽओ॥ |
| 24052 | MAT 24:26 | ख़ेल्ल़े चोगुल्ल़े मनाहाॽऱे ‘ओम़ेत्त़ेम्म़ेॽ, ख्रिस्त़ेङ्ग य़ेःङ्घाद़ेन्नो वाॽ’ क़ेम्म़ेत्तिग्र, ओम़ेत्छ़े ख़ेप्मो म़ेबेग़ेम्मिन्ऩेॽओ, इग्र ‘ओम़ेत्त़ेम्म़ेॽ, खुऩेॽ कप्मो सिगाङ्बा याक्फाङ्ङो वाॽ’ क़ेम्म़ेत्तिसाङ् ख़ेङ्हाॽऱे खुनिॽ पाःन्निन् नसाःन् म़ेजोग़ेम्मिन्ऩेॽओ॥ |
| 24055 | MAT 24:29 | “ख़ेन् किप्मा क़ेघुःबा तुक्खेःन् एगाङ् खिमो ‘नाम्मिन् खामाक्लो, लाबाल्ल़े ओःत्ति म़ेबिरुन्लो, ताङ्साक्पोबा खेःम्सिक्पाहाॽ मक्म़ेधाःरो, ह़ेक्क्याङ् ताङ्साक्पोबा मुक्साम्हाॽ म़ेयङ्लो॥’ |
| 24085 | MAT 25:8 | ख़ेन् कुनिसिःक् क़ेहोःप्माहाॽऱे सिक्कुम्सामा म़ेन्छियाॽहाॽ म़ेम़ेत्तुसि, ‘आनिग़ेआङ् कुभा निःङ्गेॽ आबिऱेॽना, आनिग़े सेमिःङ्ग सिःमा इःत्त़ेरो॥’ |
| 24086 | MAT 25:9 | ख़ेन् सिक्कुम्सामा म़ेन्छियाॽहाॽऱे नोगप् म़ेबिरुसि, ‘म़ेःन्लो, आनिॽ क़ेऱेक् क़ेद़ेक्पा निःङ्गेॽग म़ेगत्तुम्ब़ेन्लो॥ निःङ्गेॽ क़ेसङ्बाहाॽरो खिनिॽ पेग़ेम्म़ेॽआङ् इङ़ेम्म़ेॽओ॥’ |
| 24088 | MAT 25:11 | याङ्सि ख़ेन् कुनिसिःक् क़ेहोःप्मा सिसाग़ेन् म़ेन्छियाॽहाॽ म़ेग़ेऱे म़ेद्य़ेआङ् अक्खेलॽरिक् म़ेअःक्त़े, ‘दाङ्बे, दाङ्बे, आनिग़े लागिआङ् लाम्धेःप्प़ेन्हन्द़े आबिऱेॽना!’ |
| 24089 | MAT 25:12 | कर ख़ेन् नालिसाङ्ङिल्ल़े नोगप् पिरुसि, ‘इङ्गाॽ स़ेक्खासाङ् कुसिङ् म़ेनिःत्निङ्ङिन्लो॥’ |
| 24097 | MAT 25:20 | ख़ेन् ह़ेन्छिङ् ङासि साम्म्याङ् याङ्इत्छि क़ेघोःबा सेवारोब़ेल्ल़े वेॽ ह़ेन्छिङ् ङासि साम्म्याङ् याङ्इत्छि तारुआङ् अक्खे म़ेत्तु, ‘आदाङ्बे, ह़ेन्छिङ् ङासि साम्म्याङ् याङ्इत्छि क़ेबिराङ्ङाङ् वय़े, कर ओम़ेत्त़ेॽओ, इङ्गाॽ वेॽ ह़ेन्छिङ् ङासि थगुङ् पिऩेआङ् वाॽरो॥’ |
| 24098 | MAT 25:21 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24099 | MAT 25:22 | ह़ेक्क्याङ् ह़ेन्छिङ् ऩेत्छि साम्म्याङ् याङ्इत्छि क़ेघोःबा कुसेवारोबाल्ल़े म़ेत्तु, ‘आदाङ्बे, ख़ेऩेॽग इङ्गाॽ ह़ेन्छिङ् ऩेत्छि साम्म्याङ् याङ्इत्छि क़ेबिराङ्ङाङ् वय़े, कर ओम़ेत्त़ेॽओ, इङ्गाॽ वेॽ ह़ेन्छिङ् ऩेत्छि थगुङ् पिऩेआङ् वाॽरो॥’ |
| 24100 | MAT 25:23 | कुन्दाङ्बाल्ल़े ख़ेन् म़ेत्तु, ‘नुःबा नु निङ्वाॽइऱे खोःप्तुबा सेवारोबाए, नुःबा क़ेजोगुरो! ख़ेऩेॽग मिसाक् याङ्ङो नसाःन्साबा क़ेबोःक्ख़े, आल्ल यरिक् पाःन्नो युक् पिऩेरो॥ आल्ल आनिॽ सोरिक् सःत्तिरो!’ |
| 24102 | MAT 25:25 | ख़ेल्ल़े चोगुल्ल़े इङ्गाॽ किःसाङ्ङाङ् क़ेयाङ्ङिन् तेॽरुङ्ङाङ् खाम्मो चिक्खुङ्॥ ओम़ेत्त़ेॽ, ख़ेऩेॽ क़ेयाङ्ङिन् खा कप्मो वाॽरो॥’ |
| 24107 | MAT 25:30 | आल्ल ख़ेन् इनाःम्बा सेवारोबान् लाःक्कात् खादाम्मो लाप्फुःस़ेम्म़ेॽ॥ ख़ेप्मो हाःप्मान् नु साॽरिक् तुक्खेःल्ल़े हाबोॽ य़ेःङ्मान् पोःङ्लो॥’” |
| 24113 | MAT 25:36 | ह़ेक्क्याङ् इङ्गाॽ तेःप्फुङ् म़ेःन्ने वयाङ्ङिल्ल़े तेःत् याप्मि आग़ेबिरि, इङ्गाॽ तुगाङ्ङाङ् वयाङ्ङिल्ल़े याप्मि कम्ब्राङ् आग़ेम़ेत्ति, ह़ेक्क्याङ् पुङ्लाहिम्मो म़ेसाक्ताङ्ङाङ् यागाङ्ङिल्ल़े याप्मि आग़ेसाॽरिरो॥’ |
| 24116 | MAT 25:39 | आप्फाल्ल़े ख़ेऩेॽ क़ेदुग़ेबा नु पुङ्लाहिम्मो क़ेयाग़ेबा निःआसिग़ेआङ् साॽआसिग़ेबे?’ |
| 24117 | MAT 25:40 | ह़ेक्क्याङ् हाङ्ङिल्ल़े ख़ेङ्हाॽ म़ेत्तुसि ‘इङ्गाॽ स़ेक्खाए म़ेत्निङ्, कङ्हाॽओ क़ेवाॽबा आम्भुॽ आन्साॽसिओ लत्छा चुक्पाधिक् च्या क़ेम़ेत्तुम्, ख़ेन् इङ्गाॽए याप्मि आग़ेम़ेत्तिबारो॥’ |
| 24120 | MAT 25:43 | इङ्गाॽ वाॽमा त़ेन् म़ेःन्ने लाम्दिःक्पा पोःक्खाङ्ङाङ् वयाङ्ङिल्ल़े खिनिॽ हिम्मो याप्मि आग़ेन्देॽरिन्, इङ्गाॽ तेःप्फुङ्म़ेःन्ने वयाङ्ङिल्ल़े तेःत् याप्मि आग़ेम्बिरिन्, ह़ेक्क्याङ् इङ्गाॽ तुगाङ् ह़ेक्क्याङ् पुङ्लाहिम्मो साक्ताङ्ङाङ् यागाङ्ङिल्ल़े याप्मि आग़ेन्छाॽरिन्लो॥’ |
| 24121 | MAT 25:44 | ह़ेक्क्याङ् ख़ेङ्हाॽऱेआङ् नोगप् म़ेबिरु, ‘दाङ्बे, आप्फाल्ल़े आनिग़े ख़ेऩेॽ क़ेस़ेत्लाःक्त़ेबा नु क़ेवामिःस़ेबा ह़ेक्क्याङ् वाॽमा त़ेन् म़ेःन्ने नु तेःप्फुङ् चाहाबा क़ेजोग़ेबा, क़ेदुग़ेबा नु पुङ्लाहिम्मो क़ेयाग़ेबा निःसुम्ब़ेआङ् कुभाॽ म़ेबिआसिग़ेन्बे?’ |
| 24122 | MAT 25:45 | ख़ेन् य़ेम्मो खुऩेॽ नोगप् पिरुसि, ‘इङ्गाॽ स़ेक्खाए म़ेत्निङ्, कन् आम्भुॽ आन्साॽसिओ आत्तिन् लत्छा चुक्साधिक् ह़ेक्के क़ेम्म़ेत्तुम्मिन्, ख़ेन् इङ्गाॽए याप्मि आग़ेम्म़ेत्तिम्बारो॥’ |
| 24141 | MAT 26:18 | य़ेसुऱे ख़ेङ्हाॽ नोगप् पिरुसि, “खिनिॽ य़ेक्यक्को पेग़ेम्म़ेॽ, ख़ेप्मो लत्छा मनाधिक् क़ेदुमुम्॥ ख़ेन् अक्खे म़ेत्त़ेम्म़ेॽ, ‘दाङ्बाल्ल़े अक्खे पाःत्तुआङ् वाॽ, इङ्गाॽ आय़ेम्मिन् निःत्ताङ्ङे त्य़ेआङ् वाॽरो, ख़ेल्ल़े चोगुल्ल़े इङ्गाॽ ख़ेऩेॽ क़ेहिम्मो आहुॽसाम्बाहाॽनु यहुदि चोःक्युम्भो तङ्नाम्ऱेन्ससाङ्स्रोःत् चोगुम्ब़ेॽरो॥’” |
| 24154 | MAT 26:31 | ख़ेप्मो य़ेसुऱे ख़ेङ्हाॽ म़ेत्तुसि, “आइन् स़ेन्दिक्सा खिनिॽ क़ेऱेक्ल़े इङ्गाॽ याप्मि क़ेल़ेरिॽआङ् क़ेबिगिॽरो॥ थेआङ्भ़ेल्ल़े निङ्वाॽफुमाङ्ङिल्ल़े साम्योसाप्लाओ अक्खे पाःत्तुआङ् पत्, ‘इङ्गाॽ म़ेल्लुक्कम्बान् हिप्तुङ्, ह़ेक्क्याङ् क़ेऱेक् म़ेल्लुक्हाॽ क़ेऱेक् पिसाङ् म़ेस़ेरो॥’ |
| 24261 | MAT 27:63 | अक्खे म़ेम़ेत्तु, “आदाङ्बे, ख़ेन् इङ्ल़ेक्प़ेन्कुहिङ्व़ेत् वय़ेल्ल़े ‘इङ्गाॽ सिःआबा सुम्य़ेन्नो याम्मो कुहिङ्व़ेत् पोःङ्ङारो’ लॽरिक् पाःत्तुबा पाःन्निन् निङ्वाॽ इःप्मनारो॥ |
| 24262 | MAT 27:64 | ख़ेल्ल़े चोगुल्ल़े आदाङ्बाऱे सुम्य़ेन् थारिक् सिङ्सिङ्ङाङ् कुइप्पुङ्ङिन् कोमा पाङ्घ़ेस़ेॽओ॥ म़ेःन्ऩे फाॽग्र कुहुॽसाम्बाहाॽ स़ेन्दिक् म़ेदाआङ् कुधक्किन् म़ेघुःत्तु म़ेदेॽरुॽ, ह़ेक्क्याङ् ‘सिःम़ेन्लाम् कुहिङ्व़ेत् पोःक्ख़ेआङ् वाॽ’ लॽरिक् मनाहाॽ म़ेम़ेत्तुसिॽरो॥ कन् पाःन्निङ्ग तगिस्मा इङ्ल़ेक्किन्नुःल्ल़ेआङ् साॽरिक् ताप्फ़ेःम्बा पोःङ्लो॥” |
| 24271 | MAT 28:7 | ह़ेक्क्याङ् हारा पेग़ेत्छ़ेॽआङ् कुहुॽसाम्बाहाॽ अक्खे म़ेत्त़ेछ़ेॽओ, ‘खुऩेॽग कुसिव़ेत्लाम् कुहिङ्व़ेत् पोःक्ख़ेआङ् वाॽरो, ह़ेक्क्याङ् ख़ेङ्हाॽनुःल्ल़े तगि गालिलओ पेःक्ल पत्लो॥ खुऩेॽ ख़ेप्मोए खिनिॽ क़ेदुमुम्लो॥’ ओम़ेत्त़ेत्छ़ेॽओ, कन् पाःन्निन् खिन्छिॽ म़ेत्ऩेत्छिङ्ङाङ् वाॽआरो॥” |
| 24286 | MRK 1:2 | माङ्निङ्वाॽपाःन् क़ेबाःप्पा यसैयाःल्ल़े अक्खेलॽरिक् साप्तुआङ् पत्, “निङ्वाॽफुमाङ्ङिल्ल़े पाःत्तु, ‘ख़ेऩेॽ क़ेलाम्मिन् यारिप् चोगुर फाॽआङ् इङ्गाॽ आइङ्साब़ेन् क़ेदगि पाङ्घुङ् युःसुङ्लो॥’ |
| 24287 | MRK 1:3 | खुऩेॽ एःक्साद़ेन्नो अक्खेलॽरिक् क़ेअःक्पा इक्लारो, ‘दाङ्बाल्ल़े कुमाराम्मिन् यारिप् चोग़ेम्म़ेॽआङ् कुलाम्हाॽ तोःन्दोःन्चोग़ेम्म़ेॽ!’” |
| 24338 | MRK 2:9 | कन् लङ्ल़ेःङ्वाःन्‘क़ेलायोहाॽ ल़ेप्मि पोःक्ख़े’ म़ेप्मा उसुरु चोःक्पि? इ ‘पोग़ेॽआङ् क़ेऩेत्नाःन् खप्स़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 24404 | MRK 4:12 | ख़ेल्ल़े चोगुल्ल़े अक्खे साप्त़ेआङ् पत्, ‘ख़ेङ्हाॽऱे ओम़ेम़ेत्तु, ए़त्ल़ेङ् ओम़ेम़ेत्तुसाङ् म़ेन्निःसुन्॥ ख़ेङ्हाॽऱे ए़त्ल़ेङ् म़ेघ़ेप्सुसाङ् कुसिङ् म़ेन्निःत्तुन्॥ म़ेःन्ऩे फाॽग्र ख़ेङ्हाॽग लायोलाम् म़ेनुःङ् म़ेदाआङ् लायोलाम् ल़ेप्मि म़ेघोःसुॽबारो॥’” |