| 23214 | MAT 1:1 | य़ेसु ख्रिस्त़ेन् अब्राहामऱे कुस्साः ह़ेक्क्याङ् दाउद हाङ्ङिल्ल़े कुस्साः वय़ेरो॥ कङ्ग खुऩेॽ कुधाःक्हाॽऱे खुनिॽ मिङ्स्रारो– |
| 23219 | MAT 1:6 | ह़ेक्क्याङ् यिसैऱे कुस्साः दाउद हाङ्ङिन्वय़े॥ दाउद हाङ्ङिल्ल़े कुस्साः सोलोमन वय़े (सोलोमनऱे कुम्मा बेत्सेबाःन् उरियाहऱे कुमेःत् वय़ेरो॥) |
| 23221 | MAT 1:8 | ह़ेक्क्याङ् आसाऱे कुस्साः यहोसापात वय़े, यहोसापातऱे कुस्साः यहोराम वय़े, यहोरामऱे कुस्साः उज्जियाह वय़ेरो॥ |
| 23222 | MAT 1:9 | ह़ेक्क्याङ् उज्जियाहऱे कुस्साः योताम वय़े, योतामऱे कुस्साः आहाज वय़े, आहाजऱे कुस्साः हिजकिया वय़ेरो॥ |
| 23226 | MAT 1:13 | ह़ेक्क्याङ् यरुबाब़ेलऱे कुस्साः अबिउद वय़े, अबिउदऱे कुस्साः एलियाकिम वय़े, एलियाकिमऱे कुस्साः आजोर वय़ेरो॥ |
| 23227 | MAT 1:14 | ह़ेक्क्याङ् आजोरऱे कुस्साः सादोक वय़े, सादोकऱे कुस्साः आखिम वय़े, आखिमऱे कुस्साः एलिउद वय़ेरो॥ |
| 23228 | MAT 1:15 | ह़ेक्क्याङ् एलिउदऱे कुस्साः एलाजार वय़े, एलाजारऱे कुस्साः मत्तान वय़े, मत्तानऱे कुस्साः याकुब वय़ेरो॥ |
| 23230 | MAT 1:17 | अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् म़ेवय़े, ह़ेक्क्याङ् दाउद हाङ्लाम् ब़ेबिलोन लाजेॽओ म़ेद़ेम्सु म़ेदेॽरुसिआङ् म़ेगत्तुसिबा य़ेम् थारिक् थिक्-लि (१४) थाःक् म़ेवय़े, ह़ेक्क्याङ् ब़ेबिलोःन्नो पुङ्लाधाबा म़ेजोगुसिआङ् म़ेदेॽरुसिबा य़ेम्माङ्धो निङ्वाॽफुमाङ्ङिल्ल़े सेःन्दुबा ख्रिस्त़ेन्सावाःन्छिङ्बा य़ेम् थारिक् थिक्-लि (१४) थाःक् म़ेवय़ेरो॥ |
| 23233 | MAT 1:20 | कर ह़ेक्के इःत्तुर वय़ेल्ल़े स़ेप्माङ्मो यहवे दाङ्बाल्ल़े कुमाङ्लाइङ्बान् ओसेःन्धाक्सिङ्ङाङ्अक्खे म़ेत्तुरो, “दाउदऱे कुमुॽइदाङ्सा युसुप्फे, ख़ेऩेॽ मरियम्मिन् मेःक्खिम् चोःक्माआङ् हिम्मो ताःप्मा म़ेगिस़ेन्ऩेॽओ, थेआङ्भ़ेल्ल़े खुऩेॽओबा अङ़ेःक्वाःन् सेसेमाङ्ङिल्ल़े कुमुक्साम्लाम्बा हाङ्सिङ्बारो॥ |
| 23235 | MAT 1:22 | माङ्निङ्वाॽपाःन् क़ेबाःप्पालाम् यहवे दाङ्बाल्ल़े उन्छेःन् अक्खेलॽरिक् पाःत्तुआङ् वय़ेबा पाःन्निन् क़ेत्ल फाॽआङ् कन् क़ेऱेक् पाःन्हाॽ पोःक्ख़ेबारो– |
| 23242 | MAT 2:4 | ह़ेरोद हाङ्ङिल्ल़े क़ेऱेक् तुम्निङ्वाॽफुसाम्बाहाॽ नु साम्योथिम्साम्बाहाॽ उःत्तुसिआङ् कन् निङ्वाॽफुमाङ्ङिल्ल़े सेःन्दुबा ख्रिस्त म़ेप्मनाबान् आत्तो सावाःन्छिङ्मा क़ेबोःङ्बा वाॽबे लॽरिक् सेःन्दोसुसि॥ |
| 23245 | MAT 2:7 | ह़ेरोद हाङ्ङिल्ल़े ख़ेन् सिक्कुम्निबा खाग़ेइक्पाहाॽ स्वाःत्ताङ् उःत्तुसि ह़ेक्क्याङ् ख़ेङ्हाॽलाम् खेःम्सिक्पान् थाःम्सिङ्बा कुज़ेक् य़ेम्मिन् निङ्वाॽ खोःसु॥ |
| 23253 | MAT 2:15 | ह़ेरोद हाङ्ङिन् म़ेन्छिःए थारिक् खुऩेॽ ख़ेप्मोए याःक्त़ेरो॥ ह़ेक्केलॽरिक् यहवे दाङ्बाल्ल़े माङ्निङ्वाॽपाःन् क़ेबाःप्पालाम् इङ्गाॽ आस्साःन् मिस्रलाम् लाःक्कात् उःत्तुङ्लो लॽरिक्उन्छेःन् पाःत्तुबान् क़ेऱेरो॥ |
| 23255 | MAT 2:17 | ख़ेङ्ग यर्मिया माङ्निङ्वाॽपाःन् क़ेबाःप्पाल्ल़े अक्खेलॽरिक् उन्छेःन् पाःत्तुबा माङ्निङ्वाॽपाःन्निन् क़ेऱेबारो– |
| 23260 | MAT 2:22 | कर ह़ेरोद हाङ्ङिन् स्य़ेआङ् खुऩेॽ कुल़ेक्वा कुस्साः अर्खिलाउसऱे यहुदिया थुम्मो हाङ् चोगुर वाॽ क़ेलॽबान् युसुफऱे निङ्वाॽ खोःसुआङ् खुऩेॽ ख़ेप्मो पेःक्मा किःस़े॥ ह़ेक्क्याङ् माङ्लाइङ्बाल्ल़े याम्मो स़ेप्माङ्मो साम्दिङ् पिरुबाल्ल़े चोगुल्ल़े खुऩेॽ गालिल थुम्मो पेआङ् |
| 23265 | MAT 3:4 | आल्ल युहुन्नाःल्ल़े उमेऱे कुमुरिक्लाम् थाक्मनाबा तेःत्तिन् चाक्खुआङ् स़ेहोबा फॽइ युप्सुरो॥ खुऩेॽ कुजामाङ्ग निःङ्घुःक्वा नु ताम्भुङ् सक्वाघु वय़ेरो॥ |
| 23299 | MAT 4:21 | ख़ेप्मोलाम् मिसाक् नानाक् पेःल्ल़े य़ेसुऱे जब्दियाऱे कुस्साः याकुब नु ख़ेल्ल़े कुन्साॽ युहुन्नाःन् निःसुसि॥ ख़ेङ्हाॽ खुन्छिॽ पाःन्नु खःङ्बेओ योःङ् ल़ेम्द़ेत्छुर याग़ेत्छि॥ य़ेसुऱे ख़ेङ्हाॽ उःत्तुसिनुम़ेःन्ने |
| 23315 | MAT 5:12 | ख़ेन् य़ेम्मो पसःत् सःत्त़ेम्म़ेॽओ, थेआङ्भ़ेल्ल़े साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् क़ेबाःप्पाहाॽआङ् मनाहाॽऱे बा ह़ेक्केए म़ेम़ेत्तुसिरो॥ |
| 23324 | MAT 5:21 | आल्ल, “उन्छेःन् मोसाऱे कुसाम्यो इङ्जाःङ्ङिल्ल़े अक्खे पाःत्तुबान् खिनिॽ क़ेघ़ेप्सुम्माङ् क़ेवयिॽ, ‘मना म़ेस़ेऱेन्ऩेॽओ, थेआङ्भ़ेल्ल़े मना क़ेस़ेप्पाल्ल़े खुम्दिङ् खोःसुॽरो,’ |
| 23453 | MAT 9:5 | ‘क़ेलायोहाॽ ल़ेप्मि पोःक्ख़े’, म़ेप्मा उसुरु चोःक्पि, इ ‘पोग़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 23475 | MAT 9:27 | य़ेसुःन् ख़ेप्मोलाम् पेर पत्छ़ेल्ल़े ऩेप्फु मिक्फःम्बाहाॽऱे खुऩेॽ कुएगाङ् कुएगाङ् तिम्द़ेत्छुर अक्खेलॽरिक् अःक्त़ेत्छि, “दाउदऱे कुस्साःए, आन्छिग़े लुङ्माॽ आदुक्त़ेॽओ॥” |
| 23487 | MAT 10:1 | ह़ेक्क्याङ् य़ेसुऱे थिक्-ऩेत् (१२) कुहुॽसाम्बाहाॽ उःत्तुसिआङ् फ़ेन्साम्हाॽ नाःप्मा लःप्मा नु क़ेऱेक् परिक्ल़ेन् क़ेदुक्पा क़ेयॽबाहाॽ वेःम्मा युक् पिरुसिरो॥ |
| 23549 | MAT 11:21 | “खोराजिन नु ब़ेथसेदा पाङ्जुम्मोबा मनासे, चिःत्त़ेआङ्लक् स्य़ेरो! खिनिॽ पाङ्जुम्मो पोःक्ख़ेबा निङ्वाॽ क़ेमाबा याःम्बक्हाॽ थिम्म़ेन्दङ् सुवाङ्हाॽऱे खुनिॽ य़ेक्यक् तायर नु सिदोन्नो पोःक्ख़ेआङ् वय़ेल्ल़ेग उन्छोःन्छा ख़ेप्मोबा मनाहाॽ लायोलाम् म़ेहिन्द़ेबारो फाॽआङ् सगितेःत् म़ेजाक्सिङ्ङाङ् खाप्पु म़ेजुःत्छिङ्बाम़ेन्॥ |
| 23558 | MAT 11:30 | थेआङ्भ़ेल्ल़े इङ्गाॽ आजिघ़ेःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23561 | MAT 12:3 | य़ेसुऱे ख़ेङ्हाॽ नोगप् पिरुसि, “म़ेःम्ब़े! दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े म़ेजोगुबा पाःन्निन् साम्योसाप्लाओ म़ेन्निःत्ते क़ेवयिॽबि? |
| 23562 | MAT 12:4 | दाउद हाङ्ङिन् निङ्वाॽफु साःङ्गाहिम्मो लाःस़ेआङ् खुऩेॽ नु कुन्जुम्हाॽऱे निङ्वाॽफुमाङ्ङिन् तोःम्मनाबा सेसे खऱेःङ्ङिन् म़ेजरो॥ ख़ेङ्ग साम्योथिम् कुइसिःक् निङ्वाॽफुसाम्बाहाॽऱेरक् चामा क़ेनुॽबा वय़े, कर वेॽहाॽऱे चामा म़ेन्नुॽमनाबा वय़ेरो॥ |
| 23569 | MAT 12:11 | य़ेसुऱे ख़ेङ्हाॽ नोगप् पिरुसि, “खिनिॽ म़ेल्लुक्किन् नाःम्सिङ्य़ेन्नो केःम्बा लुम्बाःत्तो मक्थाःल्ल़े क़ेन्उःक्खुम् क़ेन्लःत्तुम्मिन्बि? |
| 23581 | MAT 12:23 | क़ेऱेक् मनाहाॽऱे खुनिॽ निङ्वाॽ मय़ेर म़ेबाःत्तु, “कङ्ग क़ेदाःबार क़ेबप्पा दाउद हाङ्ङिल्ल़े कुस्साः स़ेन्लप् क़ेबिबा हाङ्ङिन् म़ेःम्बि?” |
| 23656 | MAT 13:48 | ह़ेक्क्याङ् ख़ेन् योःङ्ङो कुल़ेम् ङाहाॽ म़ेधाआङ् योःङ् क़ेल़ेप्पाहाॽऱे लाःक्कात् म़ेउःक्खु म़ेलःत्तु, ह़ेक्क्याङ् म़ेयुङ्सिङ्ङाङ् नुःबा ङाहाॽ ङा याङ्माओ म़ेयाक्तुसि, कर ताप्फ़ेःम्बा ङाहाॽ याम्मो च्वाःत्तो लाप्म़ेभुसुसिरो॥ |
| 23669 | MAT 14:3 | आल्ल उन्छोःन्छा ह़ेरोदऱे आबाङे कुन्साॽ फिलिपऱे कुमेःत् ह़ेरोदियास़ेन्मेःत्कत्तुआङ् वय़े॥ ह़ेक्केःल्ल़े युहुन्नाऱे खुऩेॽ ए़त्ल़ेङ् “ख़ेन् आबाङे क़ेन्साॽऱे कुमेःत्तिन् ख़ेऩेॽ मेःत् कप्मा म़ेनुॽऩेन्” म़ेत्तुआङ् वय़ेरो॥ ख़ेल्ल़े चोगुल्ल़े ह़ेरोदऱे युहुन्नाःन् पुङ्लाहिम्मो साक्तुआङ्वय़े॥ |
| 23712 | MAT 15:10 | य़ेसुऱे मनाहाॽ उःत्तुसिआङ् म़ेत्तुसि, “आबाःन्निन् ख़ेप्स़ेम्म़ेॽआङ् कुसिङ्निःत्त़ेम्म़ेॽओ॥ |
| 23724 | MAT 15:22 | ख़ेप्मोबा कनानि सुवाङ्स्मा म़ेन्छुमाॽधिक् खुऩेॽओ त्य़ेआङ् अक्खे म़ेत्तुर पेलि फाक्तु, “दाउदऱे कुस्साः आदाङ्बे, लुङ्माॽ तुक्ताङ्ङ़ेॽओ! आस्साः चुक्म़ेन् फ़ेन्साम्मिल्ल़े याङ्घुआङ् साॽरिक् तुक्खे चाःत्तुॽरो॥” |
| 23734 | MAT 15:32 | य़ेसुऱे कुहुॽसाम्बाहाॽ उःत्तुसिआङ् म़ेत्तुसि, “इङ्गाॽ कन् मनाहाॽ आलुङ्माॽ म़ेदुक्लो, थेआङ्भ़ेल्ल़े ख़ेङ्हाॽग सुम्य़ेन्नाङ्धो इङ्गाॽनुए म़ेवाॽ, ह़ेक्क्याङ् ख़ेङ्हाॽऱे चामा थुङ्मा थेआङ् म़ेङ्गत्तुन्लो॥ ख़ेङ्हाॽ बा ह़ेक्के साक्म़ेन्जा पाङ्मासि आनिङ्वाॽ होःप्लो, म़ेःन्ऩे फाॽग्र म़ेबेःक्ल म़ेबत्तिल्ल़ेसा साक्लाम्बत्तुसिरो॥” |
| 23798 | MAT 18:2 | य़ेसुऱे ख़ेप्मो हिन्जाॽधिक् उःत्तुआङ् खुनिॽ लुम्मो य़ेप्सुर |
| 23828 | MAT 18:32 | हाङ्ङिल्ल़ेआङ् ख़ेन् तगिस्मा सेवारोबान् उःत्तुआङ् म़ेत्तु, ‘ख़ेऩेॽग ताक्क़ेभ़ेॽबा सेवारोबाऩेरो! ख़ेऩेॽ पेलि क़ेभाक्ताङ्बाल्ल़े क़ेऱेक् क़ेसिङ्नाःत्तिन् ल़ेप्मि पिऩेआङ् वयाङ्लो॥ |
| 23855 | MAT 19:24 | याम्मोआङ् खिनिॽ म़ेत्निङ्, याङ्साकुन्धेसाब़ेन् निङ्वाॽफुहाङ्जुम्मो लाःप्मानुःल्ल़े उमेःन् सम्मेःत्तिल्ल़े कुहङ्ङो लाःप्मा उसुरु पोःङ्लो॥” |
| 23869 | MAT 20:8 | ह़ेक्क्याङ् युःन्छिक् पोःक्ख़ेल्ल़े ख़ेन् च़ेल्ल़ेक्सेॽ इक्दाङ्बाल्ल़े ख़ेन् याःलिक् क़ेभम्बान् उःत्तुआङ् म़ेत्तु, ‘क़ेऱेक्याःलिक्हाॽ उःत्त़ेस़ेॽआङ् क़ेऱेक्नुःल्ल़े एगाङ् याःम्बक्को क़ेभन्छिङ्बाहाॽओलाम् क़ेऱेक्नुःल्ल़े तगि याःम्बक्को क़ेभन्छिङ्बाहाॽऱे खुनिॽ नाम्याक्किन् हाःत्त़ेस़ेॽओ॥’ |
| 23870 | MAT 20:9 | ह़ेक्क्याङ् ख़ेन् याःलिक् क़ेभम्बाल्ल़े कुमुक् ङासि मुक्त़ेल्ल़े याःम्बक्को क़ेभन्छिङ्बा याःलिक्हाॽ उःत्तुसिआङ् युप्पायाङ् थिक् थिक् क़ेऱेक् नाम्याक् पिरुसिरो॥ |
| 23886 | MAT 20:25 | कर य़ेसुऱे ख़ेङ्हाॽ उःत्तुसिआङ् म़ेत्तुसि, “थिम्म़ेन्दङ् सुवाङ्हाॽऱे खुनिॽ हाङ्हाॽऱेग मनाहाॽ खुनिॽ निङ्वाॽ पाःप्पाःत्म़ेम़ेत्तुसिॽ, ह़ेक्क्याङ् सुहाङ्युक्पाहाॽऱेआङ् खुनिॽ फोःसाङ्बाहाॽ साक्क़ेल़ेक्काङ्युक् म़ेजोगुसिबाग खिनिॽ क़ेनिःसुम्माङ् क़ेवयिॽरो॥ |
| 23891 | MAT 20:30 | ख़ेप्मो म़ेबेर म़ेबत्छ़ेबा लाम्मो ऩेप्फु मिक्फःम्बाहाॽ युङ़ेत्छि॥ ख़ेङ्हाॽऱे य़ेसुःन् ख़ेप्मोलाम् पेःक्ल पत् क़ेलॽबा निङ्वाॽ खोःस़ेत्छुआङ् अःक्त़ेत्छि, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23892 | MAT 20:31 | ख़ेन् मनाहाॽऱे ख़ेङ्हाॽ म़ेभ़ेःक्तुसिर स्वाःत् युङ्मा म़ेबाङ्घुसि, कर ख़ेङ्हाॽ आल्लसाङ् साॽरिक् अःक्त़ेत्छिरो, “दाङ्बे, दाउदऱे कुस्साःए, आन्छिग़े लुङ्माॽ आदुक्त़ेॽओ!” |
| 23904 | MAT 21:9 | खुऩेॽ कुदगि नु कुएगाङ् क़ेबप्पा यरिक् मनाहाॽऱे म़ेअःक्त़ेर अक्खे म़ेबाःत्तु, “दाउदऱे कुस्साःल्ल़े कुनारा पोःररो! यहवे दाङ्बाल्ल़े कुमिङ्ङो क़ेदाःबान् मुॽइसाबा पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ल़े कुनारा पोःररो!” |
| 23910 | MAT 21:15 | कर तुम्निङ्वाॽफुसाम्बाहाॽ नु साम्योथिम्साम्बाहाॽऱे खुऩेॽ चोगुबा निङ्वाॽ क़ेमाबा याःम्बक्हाॽ म़ेनिःसु ह़ेक्क्याङ् हिन्जाॽबित्छाहाॽऱेआङ् माङ्हिम्मो दाउदऱे कुस्साःल्ल़े कुनारा पोःर लॽरिक् म़ेअःक्त़ेबा म़ेघ़ेप्सुल्ल़े ख़ेङ्हाॽऱे खुनिॽ सिक् पोग़ेरो॥ |
| 23944 | MAT 22:3 | मेःक्खिम् साभाङ्जाऱेन् चामुक् थिमुक्किन् यारिप् पोःक्ख़ेआङ् ख़ेन् हाङ्ङिल्ल़े उःत्छिङ् क़ेघोःबाहाॽ साभाङ्जाओ ताःप्मासि कुसेवारोबाहाॽ पाङ्घुसि, कर ख़ेङ्हाॽ ताःमा म़ेन्द़ेन्द़ेन्लो॥ |
| 23945 | MAT 22:4 | ह़ेक्केःल्ल़े ख़ेन् हाङ्ङिल्ल़े कुभा कुसेवारोबाहाॽ अक्खे म़ेत्तुसिर पाङ्घुसि, ‘ख़ेन् उःत्छिङ् क़ेघोःबाहाॽ अक्खे म़ेत्त़ेम्सिम्म़ेॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ स़ेरुङ्सिङ्ङाङ् क़ेऱेक् चामा थुङ्मान् यारिप् पोःक्ख़ेआङ् वाॽ, मेःक्खिम् साभाङ्जाओ त्य़ेम्म़ेॽओ॥’ |
| 23949 | MAT 22:8 | ह़ेक्क्याङ् हाङ्ङिल्ल़े कुसेवारोबाहाॽ म़ेत्तुसि, ‘मेःक्खिम् साभाङ्जाःन्यारिप् पोःक्ख़ेआङ् वाॽ, कर ख़ेप्मो उःत्छिङ् क़ेघोःबाहाॽ ताःमा सुम्बोधाबा म़ेन्जोःक्ऩेन्लो॥ |
| 23950 | MAT 22:9 | ह़ेक्केःल्ल़े य़ेक्यक्कोबा लाम् लाम्मो पेग़ेम्म़ेॽआङ् क़ेदुमुम्सिम्बा क़ेऱेक् मनाहाॽ उःत्त़ेम्ताऱेम्सिम्म़ेॽओ॥’ |
| 23951 | MAT 22:10 | ख़ेल्ल़े चोगुल्ल़े सेवारोबाहाॽ य़ेक्यक्को म़ेबेआङ् लाम् लाम्मो म़ेदुमुसिबा क़ेऱेक् नुःबा नु ताप्फ़ेःम्बा मनाहाॽ मेःक्खिम् साभाङ्जाओ म़ेउःत्तु म़ेदारुसिआङ् ख़ेप्मोबा युक्नाहाॽ म़ेधिम्सुरो॥ |
| 23955 | MAT 22:14 | थेआङ्भ़ेल्ल़े उःत्छिङ्मा क़ेघोःबाहाॽ यरिक् म़ेवाॽ, कर सेःक्सिङ्मा क़ेघोःबाहाॽ कुभारक् म़ेवाॽरो॥” |
| 23983 | MAT 22:42 | “निङ्वाॽफुमाङ्ङिल्ल़े सेःन्दुबा ख्रिस्तऱे कुयाःम्बेओ खिनिॽ थे क़ेइःत्तुम्बे? खुऩेॽ हाःत्ल़े कुस्साः फाॽआङ् खिनिॽ निङ्वाॽ क़ेइःत्तुम्बे?” ख़ेङ्हाॽऱे नोगप् म़ेबिरु, “खुऩेॽग दाउद हाङ्ङिल्ल़े कुस्साःरो॥” |
| 23984 | MAT 22:43 | य़ेसुऱे ख़ेङ्हाॽ याम्मो सेःन्दोसुसि, “ह़ेक्केऩे फाॽग्र सेसेमाङ्लाम् दाउदऱे आक्खेलॽरिक् आदाङ्बे फाॽआङ्म़ेत्तुबाबे? थेआङ्भ़ेल्ल़े दाउद हाङ्ङिल्ल़े निङ्वाॽफुसाम्लो सुम्मो पाःत्तु, |
| 23986 | MAT 22:45 | दाउद हाङ्ङिल्ल़ेए खुऩेॽ आदाङ्बे लॽरिक् म़ेत्तुऩे फाॽग्र आक्खेलॽरिक् ख्रिस्त़ेन्दाउदऱे कुस्साः पोःङ्बाबे?” |
| 24011 | MAT 23:24 | खिनिॽ मिक्फःम्बा लाम्लोःबासे, खिनिॽ सिक्चाहाॽ क़ेसाःक्तुम् क़ेलःत्तुम्सिम्, कर उमेःन् क़ेलरुम्लो॥ |
| 24091 | MAT 25:14 | य़ेसुऱे याम्मो म़ेत्तुसि, “साङ्ग्राम्पेदाङ्बा हाङ्जुम्मिङ्ग अक्तङ्बा चोःक्–माःङ्घा लाम्दिःक्को क़ेबेःक्पार क़ेबप्पा मनाधिक् वय़े॥ ख़ेल्ल़े कुसेवारोबाहाॽ उःत्तुसिआङ् कुयाङ्ङिन् फोःमा फाॽआङ् पिरुसिरो॥ |
| 24198 | MAT 26:75 | ह़ेक्केःल्ल़े पत्रुसऱे खिमो य़ेसुऱे इङ्वा काःमानुःल्ल़े तगि ख़ेऩेॽ सुम्ल़ेङ् क़ेनाॽआ लॽरिक् पाःत्तुबा पाःन्निन् कुनिङ्वाॽ सुम् लॽऱे॥ ह़ेक्क्याङ् पत्रुस़ेन् लक्खुम्मोनु लःन्द़े पेआङ् उःक्काङ्-उःक् हाब़ेरो॥ |
| 24245 | MAT 27:47 | ख़ेप्मो क़ेय़ेप्पा कुभाऱे ख़ेन् म़ेघ़ेप्सुआङ् अक्खे म़ेबाःत्तु, “ख़ेल्ल़े माङ्निङ्वाॽपाःन् क़ेबाःप्पा एलियाःन् उःत्तुर पत्लो॥” |
| 24250 | MAT 27:52 | इप्पुङ्हाॽ म़ेहऱेआङ् उन्छेःन् क़ेसिःबाआङ् क़ेवाॽबा यरिक् निङ्वाॽफुमाङ्ङिल्ल़े कुमनाहाॽ ऩेत्तिग़ेन् हिङ्मन्नो कुहिङ्व़ेत् म़ेबोःक्ख़ेआङ् म़ेबोग़ेरो॥ |
| 24290 | MRK 1:6 | आल्ल युहुन्नाःङ्ग उम़ेःल्ल़े कुमुरिक्लाम् थाक्मनाबा तेःत् क़ेजाङ्बा नु स़ेहोबा फॽइ क़ेयुम्बा चोग़े॥ ह़ेक्क्याङ् खुऩेॽग निःङ्घुःक्वा नु ताम्भुङ् सक्वाघु क़ेजाबा वय़ेरो॥ |
| 24304 | MRK 1:20 | खुऩेॽ ख़ेङ्हाॽआङ् उःत्तुसिआङ् खिमो खुन्छिॽ पाः जब्दि ह़ेक्क्याङ् म़ेसाङुसिबा याःलिक्हाॽ खःङ्बेओ पक्थ़ेत्छुआङ् य़ेसुऱे कुएगाङ् थाःऩेत्छि॥ |
| 24338 | MRK 2:9 | कन् लङ्ल़ेःङ्वाःन्‘क़ेलायोहाॽ ल़ेप्मि पोःक्ख़े’ म़ेप्मा उसुरु चोःक्पि? इ ‘पोग़ेॽआङ् क़ेऩेत्नाःन् खप्स़ेॽआङ् थासिङ्ङ़ेॽ’ म़ेप्मा उसुरु चोःक्पि? |
| 24344 | MRK 2:15 | याङ्सि ल़ेबिःल्ल़े कुहिम्मो य़ेसुःन्नु कुहुॽसाम्बाहाॽ चाजास़े उःत्तुसि, यरिक् एःङ्याङ् क़ेभोःङ्बाहाॽ नु वेॽस्मा लायोबाहाॽ य़ेसुःन्नु सोरिक् चाम़ेजर म़ेयुङ़े (थेआङ्भ़ेल्ल़े ख़ेन् ह़ेक्तङ्बा यरिक् मनाहाॽऱे य़ेसुःन् म़ेदिम्दुर म़ेवय़े)॥ |
| 24354 | MRK 2:25 | य़ेसुऱे ख़ेङ्हाॽ नोगप् पिरुसि, “साम्योसाप्लाःन् खिनिॽ म़ेन्निःत्ते क़ेवयिॽबि? दाउद हाङ्ङिन् नु कुमनाहाॽऱे खुनिॽ स़ेत्लाःक्त़ेल्ल़े |
| 24355 | MRK 2:26 | दाउद़ेन् निङ्वाॽफु साःङ्गाहिम्मो लाःस़ेआङ् निङ्वाॽफुमाङ्ङो तोःम्मनाबा सेसे खऱेःङ्ङिन् चआङ् याम्मो कुमनाहाॽआङ् पिरुसि (ख़ेन् य़ेम्मो अबियाथाऱेन् मानिङ्वाॽफुसाम्बा वय़े)॥ ख़ेङ्ग आनिॽ साम्योथिम् कुइसिःक् निङ्वाॽफुसाम्बाहाॽऱेरक् चामा क़ेनुॽबा वय़ेरो॥” |
| 24370 | MRK 3:13 | ह़ेक्क्याङ् य़ेसुःन् कोःक्माओ पेर पत्छ़ेल्ल़े कुनिङ्वाॽबाल्ल़े चसिबा कुहुॽसाम्बाहाॽ उःत्तुसिआङ् ख़ेङ्हाॽआङ् खुऩेॽनुए म़ेबेरो॥ |
| 24378 | MRK 3:21 | कुभा मनाहाॽ अक्खे म़ेम़ेत्छिङ्, “म़ेःम्ब़े, आइन् खुऩेॽग नाक्ख़ेबे बि थेनिबे?” ह़ेक्केःल्ल़े कुहिम्सयङ्ऱे ख़ेन् म़ेघ़ेप्सुआङ् खुऩेॽ ख़ेप्मोलाम् उःप्मा तेॽमा फाॽआङ् म़ेद्य़ेरो॥ |
| 24380 | MRK 3:23 | ह़ेक्केःल्ल़े य़ेसुऱे ख़ेङ्हाॽ उःत्तुसिआङ् ख़ेदाॽओ म़ेत्तुसि, “आक्खेलॽरिक् माफ़ेन्साम्मिन् आबाङे नाःत्छिङ्बे? |
| 24388 | MRK 3:31 | याङ्सि य़ेसुऱे कुम्मा नु कुन्साॽसि खुऩेॽ वय़ेबा हिम्मो म़ेद्य़ेआङ् लाःक्कात् कुउःत्छ़े मनाहाॽ म़ेबाङ्घुसिरो॥ |
| 24483 | MRK 6:7 | थिक्-ऩेत् (१२) कुहुॽसाम्बाहाॽ उःत्तुसिआङ् फ़ेन्साम्हाॽ नाःप्मा लःप्मा युक् पिरुसि॥ ह़ेक्क्याङ् सुनाइङ् इङ्भन् स़ेःस़े ऩेत्ऩेत्छि पाङ्घुसि॥ |
| 24491 | MRK 6:15 | कर वेॽहाॽऱे म़ेबाःत्तु, “कङ्ग माङ्निङ्वाॽपाःन् क़ेबाःप्पा एलियाःन्लो॥” वेॽहाॽऱे म़ेबाःत्तु, “उन्छोःन्बा माङ्निङ्वाॽपाःन् क़ेबाःप्पाहाॽओ खुऩेॽआङ् थिक्लो॥” |
| 24497 | MRK 6:21 | आल्ल यम्बा सुय़ेम् त्य़े॥ ह़ेरोद हाङ्ङिल्ल़े कुसावाःन्छिङ्मा ससःत्सराङ्ङो गालिल थुम्मोबा पयम्यम्बा सुहाङ्युक्पाहाॽ, तिलिङ्गाहाॽऱे खुनिॽ थक्तुम्बाहाॽ नु मिङ्सोदाङ्बा तुम्म्याहाङ्हाॽ तरे उःत्तुसिआङ् वय़े॥ |
| 24546 | MRK 7:14 | य़ेसुऱे मनाहाॽ याम्मो उःत्तुसिआङ् म़ेत्तुसि, “खिनिॽ क़ेऱेक्ल़े इङ्गाॽ आबाःन्निन् ख़ेप्स़ेम्म़ेॽआङ् कुसिङ् निःत्त़ेम्म़ेॽओ॥ |
| 24570 | MRK 8:1 | ख़ेन् य़ेम्मो यरिक् मनाहाॽ याम्मो य़ेसुःन् वय़ेबा त़ेन्नो म़ेजुप्स़े॥ ह़ेक्क्याङ् ख़ेङ्हाॽनु चामा थुङ्मा थेआङ् होःप्त़े॥ खुऩेॽ कुहुॽसाम्बाहाॽ उःत्तुसिआङ् म़ेत्तुसि, |
| 24603 | MRK 8:34 | ह़ेक्क्याङ् य़ेसुऱे यरिक् मनाहाॽ नु कुहुॽसाम्बाहाॽ उःत्तुसिआङ् अक्खे म़ेत्तुसि, “आत्तिल्ल़े इङ्गाॽ तिम्मा निङ्वाॽ चोगुॽ, हाराॽ ख़ेल्ल़े इङ्गाॽरक् चाङ्थुङ्ङुङ् क़ेलॽबा कुनिङ्वाॽइन्स़ेरुआङ् सिलाम्साक्मा कुसिङ्ङिन् पक्खुआङ् इङ्गाॽ तिम्माररो॥ |
| 24642 | MRK 9:35 | य़ेसुःन् युङ्सिङ्ङाङ् थिक्-ऩेत् (१२) कुहुॽसाम्बाहाॽ उःत्तुसिआङ् म़ेत्तुसि, “हाःत्ल़े तगि पोःङ्मा निङ्वाॽ चोगुॽ, ख़ेन् क़ेऱेक्नुःल्ल़े एगाङ् पोःङ्माआङ् क़ेऱेक्ल़े खुनिॽ सेवारोबा पोःङ्मा पोःङ्लो॥” |
| 24682 | MRK 10:25 | याङ्साकुन्धेसाब़ेन् निङ्वाॽफुहाङ्जुम्मो लाःप्मानुःल्ल़े उमेःन् सम्मेःत्तिल्ल़े कुहङ्ङो लाःप्मा उसुरु पोःङ्लो॥” |
| 24699 | MRK 10:42 | ह़ेक्केःल्ल़े य़ेसुऱे काक् उःत्तुसिआङ् म़ेत्तुसि, “थिम्म़ेन्दङ् सुवाङ्हाॽऱे खुनिॽ हाङ्हाॽऱेग मनाहाॽ पाःप्पाःत्म़ेम़ेत्तुसिबा ह़ेक्क्याङ् खुनिॽ सुहाङ्युक्पाहाॽऱेआङ् खुनिॽ फोःसाङ्बाहाॽ म़ेयुक्तुसिबाग खिनिॽ क़ेनिःसुम्माङ् क़ेवयिॽरो॥ |
| 24704 | MRK 10:47 | नासरतबा य़ेसुःन् पेःक्ल पत् क़ेलॽबा ख़ेल्ल़े ख़ेप्सुआङ् अःक्मा हेःक्त़े, “दाउदऱे कुस्साः य़ेसुए, इङ्गाॽ लुङ्माॽ तुक्ताङ्ङ़ेॽओ!” |
| 24705 | MRK 10:48 | यरिक् मनाहाॽऱे ख़ेन् स्वाःत् युङ़ेॽ फाॽआङ् म़ेभ़ेःक्तु॥ कर ख़ेन् आल्लसाङ् साॽरिक् अःक्त़े, “दाउदऱे कुस्साःए, इङ्गाॽ लुङ्माॽ तुक्ताङ्ङ़ेॽओ!” |
| 24706 | MRK 10:49 | य़ेसुऱे ख़ेन् अःक्त़ेबा ख़ेप्सुल्ल़े य़ेम्सिङ्ङाङ् ख़ेङ्हाॽ म़ेत्तुसि, “ख़ेन् कत्ना फ़ेत्त़ेम्म़ेॽ॥” ह़ेक्क्याङ् ख़ेङ्हाॽ म़ेबेआङ् ख़ेन् मिक्फःम्ब़ेन् म़ेम़ेत्तु, “हौ, सःत्त़ेॽओ! सिक्साम्ब़ेल्ल़े क़ेउःत्त़ेआङ् वाॽरो॥ ख़ेऩेॽ पोग़ेॽ!” |
| 24719 | MRK 11:10 | आनिॽ थाःक्थ़ेबा दाउद हाङ्ङिल्ल़ेन् क़ेदाःबा हाङ्जुम्मिन् मुॽइसाम्मिल्ल़े कुधिम् पोःङ्लरो! साङ्ग्राम्पेदाङ्ङो निङ्वाॽफुमाङ्ङिल्ल़े कुनारा पोःररो!” |
| 24743 | MRK 12:1 | य़ेसुःन् ख़ेङ्हाॽनु ख़ेदाॽओ अक्खेलॽरिक् पाऱे, “उन्छेःन् मनाधिक्ल़े लत्छा इक्को च़ेल्ल़ेक्सेॽ लेःत्तुआङ् कुघिरि लुङ्धाक् स़ेत्तुआङ् फाङु, ह़ेक्क्याङ् कुलुम्मो लुम्बाःत् तयुआङ् ख़ेप्मो च़ेल्ल़ेक्सेॽ एःम्मा त़ेन्धिक्चोगु॥ इक् कोमा याक्साधिक्काङ् चोगु, ह़ेक्क्याङ् ख़ेन् च़ेल्ल़ेक्सेॽ इक्किन् कुभ्ऱेःङ् लक् खोःमाऱे लागि इक्मसाबाहाॽ पिरुसिआङ् खुऩेॽ लाम्दिःक् चोःक्स़े पेरो॥ |
| 24777 | MRK 12:35 | य़ेसुऱे माङ्हिम् लक्खुम्मो हुॽरुसिर वय़ेल्ल़े ख़ेङ्हाॽ सेःन्दोसुसि, “आक्खेलॽरिक् साम्योथिम्साम्बाहाॽऱे निङ्वाॽफुमाङ्ङिल्ल़े सेःन्दुबा ख्रिस्त़ेन्दाउद हाङ्ङिल्ल़े कुस्साःरो फाॽआङ् म़ेबाःत्तुबाबे? |
| 24778 | MRK 12:36 | दाउद हाङ्ङिल्ल़े सेसेमाङ्लाम् अक्खे पाःत्तुआङ् वाॽ, ‘यहवे दाङ्बाल्ल़े इङ्गाॽ आन्दाङ्बान् अक्खे म़ेत्तु, क़ेनिङ्मिहाॽ क़ेयुक्को इङ्गाॽ म़ेन्दाःत्छिङ्ङे थारिक् आजुप्साङ् ल़ेप्माङ् ख़ेऩेॽ युङ़ेॽओ॥’ |
| 24779 | MRK 12:37 | दाउद हाङ्ङिल्ल़ेए खुऩेॽ आदाङ्बे म़ेत्तुल्ल़े आक्खेलॽरिक् ख्रिस्त़ेन्दाउदऱे कुस्साः पोःङ्बाबे?” यरिक् मनाहाॽऱे खुऩेॽ कुनिसाम्मिन् खुनिॽ सिराॽ थाङ़ेर म़ेघ़ेप्सुरो॥ |
| 24785 | MRK 12:43 | य़ेसुऱे कुहुॽसाम्बाहाॽ उःत्तुसिआङ् म़ेत्तुसि, “इङ्गाॽ स़ेक्खाए म़ेत्निङ्, आइन् कन् याङ्ग़ेसाॽमा मेमेदुमाल्ल़े वेॽहाॽनुःल्ल़े यरिक् हुक्सोयाङ् याक्तुआङ् वाॽरो॥ |
| 24930 | MRK 15:35 | ख़ेप्मो क़ेय़ेप्पा कुभाऱे ख़ेन् म़ेघ़ेप्सुआङ् अक्खे म़ेबाःत्तु, “ख़ेल्ल़े माङ्निङ्वाॽपाःन् क़ेबाःप्पा एलियाःन् उःत्तुर पत्लो॥” |
| 24939 | MRK 15:44 | पिलातसऱे य़ेसुःन् आन्द़ेःन्छा स्य़ेबा ख़ेप्सुआङ् कुनिङ्वाॽ मय़े॥ ह़ेक्क्याङ् ख़ेल्ल़े ख़ेन् थक्तुम्बान् उःत्तुआङ् य़ेसुःन् आन्द़ेःन्छा स्य़ेबाबि म़ेःम्बि फाॽआङ् सेःन्दोसु॥ |
| 24988 | LUK 1:26 | ह़ेक्क्याङ् इलिसिबाःन् म़ेन्छुक्मा पोःक्ख़ेबा ला तुक्सि क़ेऱेल्ल़े निङ्वाॽफुमाङ्ङिल्ल़े कुमाङ्लाइङ्बा गाब्रिएल़ेन् गालिल थुम्मोबा नासरत पाङ्जुम्मो पाङ्घुरो॥ ख़ेन् मरियम म़ेप्मनामा सिसादिङ् म़ेन्छुमाओ पे॥ ख़ेन् सिसादिङ् म़ेन्छुमाॽइल्ल़े कुमेःक्खिम् पाःन्निन् दाउदऱे कुधाःक् युसुफ म़ेप्मनाबा मनाःन्नु पुॽऱेआङ् वय़ेरो॥ |
| 24994 | LUK 1:32 | खुऩेॽ पयम् यम्बा पोःङ्ङाङ् क़ेऱेक्नुःल्ल़े पयम् यम्बा निङ्वाॽफुमाङ्ङिल्ल़े कुस्साः फाॽआङ् म़ेम़ेत्तुॽरो॥ दाङ्बा निङ्वाॽफुमाङ्ङिल्ल़े खुऩेॽ कुधाःक्थ़ेबा दाउदऱे हाङ् चोगुबा ह़ेक्के हाङ् चोगुॽरो॥ |
| 25031 | LUK 1:69 | खुऩेॽ कुसेवारोबा दाउदऱे कुहिम्सयङ्लाम् याप्मि स़ेन्लप् क़ेबिबा मुक्क़ेगुबा स़ेन्लप्दाङ्बाधिक् फोःक्खुरो॥ |
| 25046 | LUK 2:4 | ह़ेक्केःल्ल़े युसुफ़ेन्नाङ् गालिल थुम्मोबा नासरत पाङ्भेॽओलाम् यहुदियास्मा दाउदऱे कुबाङ्जुम् ब़ेथलेह़ेम्मो मिङ् साप्स़े थासिङ्, थेआङ्भ़ेल्ल़े खुऩेॽ दाउद हाङ्ङिल्ल़े कुमुॽइदाङ्सा वय़े॥ खुऩेॽ कुमेःक्खिम् पाःन् क़ेबुॽमाआङ् क़ेवाॽमा मरियम्मिन्नु पे॥ ख़ेन् य़ेम्मो खुऩेॽ म़ेन्छुक्मा वय़ेरो॥ |