23246	MAT 2:8	ह़ेक्‍क्‍याङ् ख़ेङ्‌हाॽ अक्‍खे म़ेत्तुसिर ब़ेथलेह़ेम्‍मो पाङ्‌घुदेःसुसि, “पेग़ेम्‍म़ेॽआङ् अङ़ेःक्‌वाःन् कोःत्त़ेम्‍म़ेॽ॥ ख़ेन् अङ़ेःक्‌वाःन् क़ेघोःसुम्‍ऩे फाॽग्र फ़ेऱेम्‍म़ेॽआङ् इङ्‌गाॽ आम़ेत्त़ेम्‍म़ेॽओ॥ इङ्‌गाॽआङ् खुऩेॽ सेवा म़ेत्तुङ्‌लो॥”
23247	MAT 2:9	ह़ेरोद हाङ्‌ङिल्‍ल़े पाःत्तुबा पाःन्‍निन् म़ेघ़ेप्‍सुआङ् ख़ेङ्‌हाॽ म़ेधासिङ्‌लो॥ ह़ेक्‍क्‍याङ् ख़ेङ्‌हाॽऱे ख़ेन् खेःम्‍सिक्‍पान् याम्‍मो म़ेनिःसु ह़ेक्‍क्‍याङ् खुनिॽ तगि तगि पेआङ् अङ़ेःक्‌वा वय़ेबा हिम्‌कुदोःप्‍मा क़ेऱेआङ् फन्‍छिङ्‌लो॥
23254	MAT 2:16	आल्‍ल ह़ेरोद हाङ्‌ङिल्‍ल़े सिक्‍कुम्‍निबा खाग़ेइक्‍पाहाॽऱे ह़ेक्‍केलॽरिक् खुऩेॽ इङ्‌म़ेल़ेक्‍तुआङ् वेॽ लाम् म़ेबेबा निङ्‌वाॽ खोःसुआङ् साॽरिक् कुसिक् पोग़ेरो॥ ख़ेल्‍ल़े चोगुल्‍ल़े थक्‍सुबाहाॽ पाङ्‌घुसिआङ् ब़ेथलेह़ेम नु ख़ेन् खिरिबा तङ्‌बे ऩेत्‍छिआङ् योबा य़ेम्‍बित्‍छाॽ अङ़ेःक्‌वा साःहाॽ क़ेऱेक् स़ेप्‍पाङ्‌घुसिरो॥ थेआङ्‌भ़ेल्‍ल़े ख़ेन् सिक्‍कुम्‍निबा खाग़ेइक्‍पाहाॽलाम् खेःम्‍सिक्‍पान् तङ्‌बे ऩेत्‍छिआङ्धो तगि थाःम्‍सिङ्‌बा निङ्‌वाॽ खोःसुआङ् वय़ेरो॥
23265	MAT 3:4	आल्‍ल युहुन्‍नाःल्‍ल़े उमेऱे कुमुरिक्‍लाम् थाक्‍मनाबा तेःत्तिन् चाक्‍खुआङ् स़ेहोबा फॽइ युप्‍सुरो॥ खुऩेॽ कुजामाङ्‌ग निःङ्‌घुःक्‌वा नु ताम्‍भुङ् सक्‌वाघु वय़ेरो॥
23266	MAT 3:5	यरुसल़ेम य़ेक्‌यक्‍लाम् नु यहुदिया थुम् ह़ेक्‍क्‍याङ् यर्दन यङ्‌घङ् खिरिबा क़ेऱेक् थुम्‍हाॽओलाम् मनाहाॽ कुदुम्‍स़े
23267	MAT 3:6	म़ेद्‌य़ेआङ् इङ्‌गाॽ लायोबाआरो म़ेबाःत्तुर यर्दन यङ्‌घङ्‌ङो खुऩेॽलाम् बप्‍तिस्‍मा म़ेबोःक्‍ख़ेरो॥
23268	MAT 3:7	कर यरिक् फरिसिहाॽ नु सदुकिहाॽ बप्‍तिस्‍मा पोःङ्‌स़े खुऩेॽओ म़ेद्‌य़ेर म़ेबत्‍छ़ेबा निःसुसिआङ् अक्‍खे म़ेत्तुसिर फ़ेःक्‍तुसि, “असेःक्‍सासे, खिनिॽ कन् क़ेदाःबार क़ेबप्‍पा निङ्‌वाॽफुमाङ्‌ङिल्‍ल़े कुघुम्‍दिङ्‌लाम् ख़ेत्‍छिङ्‌ङ़ेम्‍म़ेॽ फाॽआङ् हाःत्‍ल़े क़ेम़ेत्तिबे?
23271	MAT 3:10	आल्‍लोसा निङ्‌वाॽफुमाङ्‌ङिल्‍ल़े कुघास़ेन्‍निल्‍ल़े तःन्‍दिङ्‌ग सिङ्‌बुङ्‌मो खा चुक्‍मा इःत्त़ेआङ् वाॽ॥ नुःबा सिङ्‌सेॽ म़ेन्‍धोःक्‍मनाबा सिङ्‌बुङ्‌हाॽ क़ेऱेक् ताङ्‌माआङ् मिओ लाप्‍फुमा पोःङ्‌लो॥
23274	MAT 3:13	ख़ेन् य़ेम्‍मो य़ेसुःन् गालिल थुम्‍मोलाम् यर्दन यङ्‌घङ्‌ङो बप्‍तिस्‍मा पोःङ्‌स़े युहुन्‍नारो त्‍य़ेरो,
23293	MAT 4:15	“यर्दन यङ्‌घङ्‌ङिल्‍ल़े नाधाःम्‍बिबा गालिल वरक्‍किल्‍ल़े कुबेसाङ्‌बा नाप्‍तालि नु जबुलुन क़ेयुङ्‌बा याप्‍मिसे, गालिल थुम्‍मो क़ेवाॽबा थिम्‍म़ेन्‍दङ् सुवाङ्से,
23296	MAT 4:18	थिक् य़ेन् य़ेसुःन् गालिल वरक्‍किल्‍ल़े कुयाओ लाङ्‌घेग़ेर वय़ेल्‍ल़े पत्रुस म़ेप्‍मनाबा सिमोऩेन् नु कुन्‍साॽ आन्‍द्रियास़ेन् निःसुसि॥ ख़ेङ्‌हाॽ वरक्‍को योःङ् ल़ेप्‍त़ेत्‍छुर याग़ेत्‍छि, थेआङ्‌भ़ेल्‍ल़े ख़ेङ्‌हाॽ योःङ् क़ेल़ेप्‍पा वय़ेत्‍छिरो॥
23302	MAT 4:24	य़ेसुऱे कुयाःम्‍बेओ इङ्‌घङ्‌ङिन् सिरिया लाजेॽ खाराक् स़ेःऱे, ह़ेक्‍क्‍याङ् यरिक् परिक्‍ल़ेन् तुक्‍माल्‍ल़े तरुसिबा मनाहाॽ, क़ेदुक्‍पाहाॽ, फ़ेन्‍साम्‍मिल्‍ल़े याङ्‌घुसिबाहाॽ, ह़ेक्‍क्‍याङ् थप्‍मा क़ेमःबाहाॽ नु क़ेदुक्‍पा क़ेयॽबाहाॽ खुऩेॽओ म़ेदारुसिआङ् ख़ेङ्‌हाॽ क़ेऱेक् नुसुसिरो॥
23303	MAT 4:25	ह़ेक्‍क्‍याङ् गालिल थुम्, थिबोःङ् पाङ्‌जुम्‍मिल्‍ल़ेन्‌थुम्, यरुसल़ेम, यहुदिया नु यर्दन यङ्‌घङ् नाधाःम्‍बिबा थुम्‍मोलाम् क़ेदाःबा यरिक् मनाहाॽऱे खुऩेॽ म़ेदिम्‍दुरो॥
23304	MAT 5:1	आल्‍ल य़ेसुऱे यरिक् मनाहाॽ निःसुसिआङ् कोःक्‍माओ थाःङ् पेआङ् युङ्‌सिङ्, ह़ेक्‍क्‍याङ् कुहुॽसाम्‍बाहाॽआङ् ख़ेत्‍थो म़ेबेआङ् कुघिरि म़ेयुङ्‌सिङ्॥
23307	MAT 5:4	मेरिङ् क़ेधक्‍पाहाॽ मुॽइसाबासिरो, थेआङ्‌भ़ेल्‍ल़े ख़ेङ्‌हाॽऱे हाङ्‌हाङ् म़ेत्‍छिङ्‌मान् म़ेघोःसुॽरो॥
23315	MAT 5:12	ख़ेन् य़ेम्‍मो पसःत् सःत्त़ेम्‍म़ेॽओ, थेआङ्‌भ़ेल्‍ल़े साङ्‌ग्राम्‍पेदाङ्‌ङो खिनिॽ थुम्‍घोःन् यम्‍बा चोःक्‍लो॥ उन्‍छेःन्‍स्‍मा माङ्‌निङ्‌वाॽपाःन् क़ेबाःप्‍पाहाॽआङ् मनाहाॽऱे बा ह़ेक्‍केए म़ेम़ेत्तुसिरो॥
23324	MAT 5:21	आल्‍ल, “उन्‍छेःन् मोसाऱे कुसाम्‌यो इङ्‌जाःङ्‌ङिल्‍ल़े अक्‍खे पाःत्तुबान् खिनिॽ क़ेघ़ेप्‍सुम्‍माङ् क़ेवयिॽ, ‘मना म़ेस़ेऱेन्‍ऩेॽओ, थेआङ्‌भ़ेल्‍ल़े मना क़ेस़ेप्‍पाल्‍ल़े खुम्‍दिङ् खोःसुॽरो,’
23330	MAT 5:27	आल्‍ल, “खिनिॽ मोसाऱे कुसाम्‌यो इङ्‌जाःङ्‌ङिल्‍ल़े अक्‍खे पाःत्तुबा क़ेघ़ेप्‍सुम्‍माङ् क़ेवयि, ‘ख़ेऩेॽ चाराम्‍मा याःम्‍बक् म़ेजोग़ेन्‍ऩेॽओ’
23336	MAT 5:33	“याम्‍मो खिनिॽ मोसाऱे कुसाम्‌यो इङ्‌जाःङ्‌ङिल्‍ल़े अक्‍खे पाःत्तुबा क़ेघ़ेप्‍सुम्‍माङ् क़ेवयिॽ, ‘खिनिॽ क़ेजोगुम्‍बा माङ्‌ह़ेक्‍किन्‌म़ेभेःन्‍द़ेम्‍म़ेन्‍ऩेॽ, कर यहवे दाङ्‌बान्‍नु क़ेजोगुम्‍बा माङ्‌ह़ेक्‍किन्‌क़ेग़ेत्तुम्‍लए पोःङ्‌लो॥’
23341	MAT 5:38	“मोसाऱे कुसाम्‌यो इङ्‌जाःङ्‌ङिल्‍ल़े ‘मिक्‍किल्‍ल़े कुल़ेक्‌वा मिक्, ह़ेक्‍क्‍याङ् हाबोॽबाल्‍ल़े कुल़ेक्‌वा हाबोॽबा’ लॽरिक् पाःत्तुबान् क़ेघ़ेप्‍सुम्‍माङ् क़ेवयिॽ,
23343	MAT 5:40	ह़ेक्‍क्‍याङ् आत्तिल्‍ल़े क़ेजाङ्‌मा तेःत्तिन् नाप्‍माऱे लागि खास़ेन्‍द़ेन्‍नो क़ेदेॽ, ख़ेन् क़ेघाम्‍मा क़ेलोमाहाॽआङ् पिऱेदेःस़ेॽओ॥
23346	MAT 5:43	“मोसाऱे कुसाम्‌यो इङ्‌जाःङ्‌ङिल्‍ल़े क़ेबाङ्‌भेॽसाबाहाॽ लुङ्‌माॽ तुक्‍त़ेस़ेॽआङ् क़ेनिङ्‌मिहाॽ चिःत्त़ेस़ेॽ लॽरिक् पाःत्तुबा क़ेघ़ेप्‍सुम्‍माङ् क़ेवयिॽ,
23348	MAT 5:45	ह़ेक्‍केलॽरिक् साङ्‌ग्राम्‍पेदाङ्‌ङोबा खिनिॽ पानुदिङ् पाः निङ्‌वाॽफुमाङ्‌ङिल्‍ल़े कुस्‍साः क़ेबोःक्‍खिॽरो॥ थेआङ्‌भ़ेल्‍ल़े निङ्‌वाॽफुमाङ्‌ङिल्‍ल़ेग नुःबा नु ताप्‍फ़ेःम्‍बा सम्‍दाङ् नाम्स़ेःक् पाङ्‌घुआङ् साम्‌योनिबाहाॽ नु लायोबाहाॽओ पाङ्‌ग़ेन्‍दिङ् वाहिःत्‌थाःमा पाङ्‌घुरो॥
23349	MAT 5:46	खिनिॽ लुङ्‌माॽ क़ेदुक्‍पाहाॽरक् लुङ्‌माॽ क़ेदुक्‍तुम्‍सिम्‍ऩे फाॽग्र खिनिॽ थे हाङ्‌स़ेम्‍मिन् क़ेघोःसुम्‍माङ्‌बे? ह़ेक्‍तङ्‌बा याःम्‍बक्‍किङ्‌ग एःङ्‌याङ् क़ेभोःङ्‌बाहाॽऱेआङ् म़ेजोगुरो॥
23352	MAT 6:1	य़ेसुऱे याम्‍मो म़ेत्तुसि, “सिङ्‌सिङ् य़ेक्‌य़ेक् लॽऱेम्‍म़ेॽओ, खिनिॽ क़ेजोगुम्‍बा साम्‌योनिबा याःम्‍बक्‍हाॽ मनाहाॽऱे म़ेनिःसुआङ् खिनिॽ नारा म़ेभोःसुर फाॽआङ् मना तगि म़ेजोग़ेम्‍मिन्‍ऩेॽओ॥ ह़ेक्‍के क़ेजोगुम्‍ऩे फाॽग्र साङ्‌ग्राम्‍पेदाङ्‌ङोबा पानुदिङ् पाः निङ्‌वाॽफुमाङ्‌लाम् थेआङ् क़ेङ्‌घोःसुम्‍मिन्‍लो॥
23353	MAT 6:2	ह़ेक्‍केलॽरिक् म़ेङ्‌गप्‍मनाबाहाॽ कुजा क़ेबिरुसिल्‍ल़े वेॽहाॽऱे म़ेघ़ेप्‍सुर म़ेनिःसुर फाॽआङ् मुक्‍ला म़ेमुक्‍ख़ेन्‍ऩेॽओ॥ कुनिङ्‌वाॽ क़ेजिःप्‍पाहाॽऱे यहुदि चुम्‍लुङ्‌हिम्‍मो नु लाम्‍लाम्‍मो मनाहाॽऱे म़ेनिःसुआङ् खुनिॽ नारा म़ेभोःसुर फाॽआङ् ह़ेक्‍के म़ेजोगुॽ॥ इङ्‌गाॽ स़ेक्‍खाए म़ेत्‍ऩेॽ, ख़ेङ्‌हाॽऱे खुनिॽ हाङ्‌स़ेम्‍मिङ्‌ग तगिसा म़ेघोःसु म़ेसुरुआङ् म़ेवाॽ॥
23356	MAT 6:5	“ह़ेक्‍क्‍याङ् खिनिॽ तुवा क़ेजोगुम्‍मिल्‍ल़े कुनिङ्‌वाॽ क़ेजिःप्‍पाहाॽ कुइसिःक् म़ेजोग़ेम्‍मिन्‍ऩेॽओ॥ ख़ेङ्‌हाॽऱेग मनाहाॽऱे म़ेनिःसुर फाॽआङ् यहुदि चुम्‍लुङ्‌हिम्‍मो नु लाम्‍लाम्‍मो य़ेप्‍माआङ् तुवा चोःक्‍मा खुनिॽ सिराॽ थाङ्‌लो॥ इङ्‌गाॽ स़ेक्‍खाए म़ेत्‍निङ्, ख़ेङ्‌हाॽऱे खुनिॽ याःम्‍बक्‍किल्‍ल़ेन् हाङ्‌स़ेम्‍मिन् तगिए म़ेघोःसु म़ेसुरुआङ् म़ेवाॽरो॥
23358	MAT 6:7	ह़ेक्‍क्‍याङ् तुवा क़ेजोगिल्‍ल़े निङ्‌वाॽफुमाङ्‌ङिन् कुसिङ् म़ेन्‍निःप्‍मनाबाहाॽ ह़ेक्‍के मनाहाॽऱे म़ेघ़ेप्‍सुर मुनुनु म़ेलॽऱेम्‍मिन्‍ऩेॽओ, थेआङ्‌भ़ेल्‍ल़े ख़ेङ्‌हाॽऱेग यरिक् म़ेबाःत्तिल्‍ल़ेरक् माङ्‌ङिल्‍ल़े खुनिॽ तुवाःन् ख़ेप्‍सुॽ फाॽआङ् म़ेइःत्तुॽरो॥
23367	MAT 6:16	“ह़ेक्‍क्‍याङ् खिनिॽ चाःऩेत् क़ेयुङ्‌ङिल्‍ल़े निङ्‌वाॽ क़ेजिःप्‍पाहाॽ कुइसिःक् खिनिॽ ना म़ेमाक्‍त़ेम्‍मिन्‍ऩेॽओ, थेआङ्‌भ़ेल्‍ल़े ख़ेङ्‌हाॽ चाःऩेत् म़ेयुङ्‌ङिल्‍ल़े वेॽ मनाहाॽऱे निङ्‌वाॽ म़ेघोःसुर फाॽआङ् खुनिॽ नाराःन् म़ेगिःन्‍दुर म़ेयुङ्‌लो॥ इङ्‌गाॽ स़ेक्‍खाए म़ेत्‍निङ्, ख़ेङ्‌हाॽऱेग खुनिॽ हाङ्‌स़ेम्‍मिन् क़ेऱेक् म़ेघोःसु म़ेसुरुआङ् म़ेवाॽरो॥
23369	MAT 6:18	ह़ेक्‍केलॽरिक् ख़ेऩेॽ चाःऩेत् क़ेयुङ्‌बान् वेॽ मनाहाॽऱे निङ्‌वाॽ म़ेङ्‌घोःसुन्‍लरो, कर निःम़ेन्‍द़ेप्‍मनाबा पानुदिङ् क़ेम्‍बा निङ्‌वाॽफुमाङ्‌ङिल्‍ल़ेरक् निःसुररो॥ ह़ेक्‍के क़ेजोगुल्‍ल़े स्‍वाःत्ताङ् चोःक्‍मनाबा क़ेनिःबा पानुदिङ् क़ेम्‍बाऱे हाङ्‌स़ेम् क़ेबिॽरो॥”
23370	MAT 6:19	“इक्‍सादिङ् खाम्‍बेःक्‍मो याङ्‌साकुन्‍धे म़ेलुप्‍स़ेन्‍ऩेॽओ॥ ख़ेप्‍मोग थक्‍पाहाॽऱे म़ेजःॽ, हिङ्‌धोःक्‍किल्‍ल़े यःन्‍दुॽ, ह़ेक्‍क्‍याङ् खुःन्‍द्रिक्‍पाहाॽऱे म़ेघुःत्तुॽरो॥
23371	MAT 6:20	कर साङ्‌ग्राम्‍पेदाङ्‌ङो याङ्‌साकुन्‍धे लुप्‍स़ेम्‍म़ेॽओ॥ ख़ेप्‍मोग थक्‍पाहाॽऱे म़ेन्‍जऩेन्, हिङ्‌धोःक्‍किल्‍ल़ेआङ् म़ेयःत्‍छुन्, ह़ेक्‍क्‍याङ् खुःन्‍द्रिक्‍पाहाॽऱेआङ् म़ेन्‍घुःत्तुन्‍लो॥
23377	MAT 6:26	पुसाहाॽ ओम़ेत्त़ेम्‍सिम्‍म़ेॽ, ख़ेङ्‌हाॽऱे चा म़ेन्‍देःसुन् म़ेन्‍छुप्‍सुन् ह़ेक्‍क्‍याङ् याङ्‌म़ेङ्‌घोःत्तुन्‍छाङ्‌साङ्‌ग्राम्‍पेदाङ्‌बा खिनिॽ पाःल्‍ल़े ख़ेङ्‌हाॽ चामा पिरुसिरो॥ ह़ेक्‍केःल्‍ल़े खिनिॽ ख़ेङ्‌हाॽनुःल्‍ल़ेआङ् इम़ेल्‍लुङ्‌बा क़ेन्‍जोगिम्‍बि?
23388	MAT 7:3	आबाङे मिक्‍को सिङ्‌घङ्‌म़ेन्‍निःमनाबाल्‍ल़े आक्‍खेलॽरिक् क़ेन्‍साॽऱे कुमिक्‍कोबा साप्‍सेःक्‍किन् क़ेनिःसुबे?
23389	MAT 7:4	आबाङे मिक्‍को सिङ्‌घङ्‌म़ेन्‍निःमनाबाल्‍ल़े आक्‍खेलॽरिक् क़ेन्‍साॽइन् क़ेमिक्‍कोबा साप्‍सेःक्‍किन् लःत्तुङ्‌पिऩे फाॽआङ्‌म़ेप्‍मा क़ेसुक्‍तुबे?
23390	MAT 7:5	कुनिङ्‌वाॽ क़ेजिःप्‍पाए, क़ेऱेक्‍नुःल्‍ल़े तगि आबाङे क़ेमिक्‍कोबा सिङ्‌घङ्‌ङिन् लःत्त़ेदेःस़ेॽओ, ह़ेक्‍क्‍याङ्‌लक् क़ेन्‍साॽऱे कुमिक्‍कोबा साप्‍सेःक्‍किन् नुःरिक् क़ेनिःसुआङ् लःप्‍मा क़ेसुक्‍तुॽरो॥
23392	MAT 7:7	“नाःक्‍त़ेम्‍म़ेॽ, ह़ेक्‍क्‍याङ् खिनिॽ क़ेम्‍बिरिॽ॥ कोःत्त़ेम्‍म़ेॽ, ह़ेक्‍क्‍याङ् खिनिॽ क़ेघोःसुम्॥ लाम्‍धेःप्‍पो पेग़ेम्‍म़ेॽआङ् खक्‌खक्‌म़ेत्त़ेम्‍म़ेॽ ह़ेक्‍क्‍याङ् खिनिॽ लागि हन्‍लो॥
23393	MAT 7:8	थेआङ्‌भ़ेल्‍ल़े क़ेनाःक्‍पाहाॽ निङ्‌वाॽफुमाङ्‌ङिल्‍ल़े पिरुसिॽ, क़ेगोःप्‍पाहाॽऱे म़ेघोःसुॽ, ह़ेक्‍क्‍याङ् लाम्‍धेःप्‍पो क़ेबेःक्‍पाआङ् खक्‌खक्‌क़ेम़ेप्‍पाहाॽ खुऩेॽ लाम्‍धेःप्‍प़ेन्‌हन्‍दु पिरुसिॽरो॥
23399	MAT 7:14	कर चुक्‍सा लाःप्‍माद़ेन् नु चिभिःप्‍फिःप्‍पा लाम्‍मिल्‍ल़ेग म़ेन्‍नुप्‍मनाबा हिङ्‌मन्‍नो क़ेदेॽरिॽरो॥ ख़ेन् क़ेघोःबाहाॽग मिसाक्‍लक् म़ेबोःङ्‌लो॥”
23400	MAT 7:15	“इङ्‌ल़ेक्‍पा माङ्‌निङ्‌वाॽपाःन् क़ेबाःप्‍पाहाॽनु सिङ्‌सिङ् य़ेक्‌य़ेक् लॽऱेम्‍म़ेॽओ, ख़ेङ्‌हाॽग लाःक्‍कात्‍लाम् म़ेल्‍लुक् कुइसिःक् म़ेल़ेङ्‌सिङ्‌ङाङ् खिनिॽओ म़ेदारो, कर सिगाङ्‌ग ख़ेङ्‌हाॽ किप्‍मा क़ेघुःबा पराबासिरो॥
23409	MAT 7:24	आल्‍ल “ख़ेल्‍ल़े चोगुल्‍ल़े पेलिग़ेन् आबाःन्‍जाक् क़ेघ़ेम्‍बाआङ् ह़ेक्‍के क़ेजोःक्‍प़ेङ्‌ग पयम् यम्‍बा लुङ्‌सम्‍दाङ् हिम्‍पाङ्‌यक् क़ेऩेबाआङ् हिम् क़ेजोःक्‍पा सिक्‍कुम्‍बा मना कुइसिःक् चोःक्‍लो॥
23410	MAT 7:25	ह़ेक्‍क्‍याङ् पाङ्‌ग़ेन्‍दिङ् वाहित् थ्‍य़ेआङ्‌, यङ्‌घङ्‌ङिन् कुक्‍ख़े य़े, ह़ेक्‍क्‍याङ् किप्‍मा क़ेघुःबा सुरित् केजङ् हुःऱेआङ् ख़ेन् हिम्‍मिन् हिप्‍तुसाङ् म़ेजोःन्‍द़ेन्‍लो, थेआङ्‌भ़ेल्‍ल़े ख़ेन् हिम्‍मिल्‍ल़ेन् हिम्‍पाङ्‌यक्‍किङ्‌ग पयम् यम्‍बा लुङ् सम्‍दाङ् ऩेस्‍स़ेरो॥
23411	MAT 7:26	कर पेलिग़ेन् आबाःन्‍जाक्‍किन् क़ेघ़ेम्‍बाआङ् ह़ेक्‍के म़ेन्‍जोःक्‍मनाबाङ्‌ग य़ेःङ्‌घाओ हिम्‍पाङ्‌यक् क़ेऩेबाआङ् हिम् क़ेजोःक्‍पा अदङ् मना कुइसिःक् चोःक्‍लो॥
23412	MAT 7:27	पाङ्‌ग़ेन्‍दिङ् वाहित् थ्‍य़ेआङ्‌, यङ्‌घङ्‌ङिन् कुक्‍ख़े य़े, ह़ेक्‍क्‍याङ् किप्‍मा क़ेघुःबा सुरित् केजङ् हुःऱेआङ् ख़ेन् हिम्‍मिन् हिप्‍तुल्‍ल़े यऱेबेरो॥”
23413	MAT 7:28	य़ेसुऱे कन् क़ेऱेक् पाःन्‍हाॽ पाःत्तु सुरु, ह़ेक्‍क्‍याङ् कुनिसाम् क़ेघ़ेम्‍बा यरिक् मनाहाॽऱे खुनिॽ निङ्‌वाॽ मय़ेरो,
23416	MAT 8:2	हक्‍चघत् ख़ेप्‍मो लोगेॽ तुक्‍माल्‍ल़े तरुबा मनाधिक् कुदगि थुङ्‌बोहजॽ युङ्‌सिङ्‌ङाङ् ख़ेल्‍ल़े अक्‍खे म़ेत्तु, “आदाङ्‌बे, ख़ेऩेॽ निङ्‌वाॽ क़ेजोगुऩे फाॽग्र इङ्‌गाॽ वेःम्‍मा क़ेसुक्‍कारो॥”
23424	MAT 8:10	य़ेसुऱे कन् ख़ेप्‍सुल्‍ल़े कुनिङ्‌वाॽ मय़ेर खुऩेॽ कुएगाङ् कुएगाङ् क़ेदिम्‍बाहाॽ अक्‍खे म़ेत्तुसि, “इङ्‌गाॽ स़ेक्‍खाए म़ेत्‍निङ्, अक्‍तङ्‌बा यम्‍बा नसाःन् क़ेगप्‍पा मनाःङ्‌ग इस्राइलोआङ् इङ्‌गाॽ म़ेङ्‌घोए वाॽआरो!
23430	MAT 8:16	ह़ेक्‍क्‍याङ् युःन्‍छिक् पोःक्‍ख़ेआङ् यरिक् फ़ेन्‍साम्‍मिल्‍ल़े याङ्‌घुसिबा मनाहाॽ खुऩेॽओ म़ेदारुसि, ह़ेक्‍क्‍याङ् खुऩेॽ पाःन्‍जाक्‍किल्‍ल़े ख़ेन् फ़ेन्‍साम्‍हाॽ क़ेऱेक् नाःत्तु लःत्तुसिआङ् क़ेऱेक् क़ेदुक्‍पाहाॽ नुसुसिरो॥
23434	MAT 8:20	य़ेसुऱे नोगप् पिरु, “किधिबाहाॽऱे लुङ्‌घुरि म़ेगत्तुॽ, पुसाहाॽऱे हाप् म़ेगत्तुॽ, कर इङ्‌गाॽ म़ेन्‍छाम्‍साःल्‍ल़ेग थ़ेगेःक् नाःम्‍मा त़ेन्‍नाङ् म़ेगत्तान्‍लो॥”
23435	MAT 8:21	वेॽस्‍मा हुॽसाम्‍बाधिक्‍ल़े खुऩेॽ म़ेत्तु, “आदाङ्‌बे, तगि इङ्‌गाॽ क़ेसिःबा आम्‍बाःन् इप्‍पुङ्‌ङो चिङ्‌स़े पेःक्‍मा पाङ्‌घाङ्‌ङ़ेॽओ॥”
23438	MAT 8:24	हक्‍चघत् वरक्‍को किप्‍मा क़ेघुःबा सुरित्‌क़ेजजङ्‌ङिन् हुःमा हेःक्‍त़ेआङ् वाभ़ेल्‍ल़ेङ्‌ङिल्‍ल़े खःङ्‌बेन् व़ेत्‍ल़ेक्‌तिम्‍स़ेरो॥ कर य़ेसुःङ्‌ग इप्‍स़ेआङ् ऩेस्‍स़ेरो॥
23442	MAT 8:28	ह़ेक्‍क्‍याङ् खुऩेॽ वरक्‍किल्‍ल़े नाहाङ्‌दाङ् गदरिनि लाजेॽओ क़ेऱे, ह़ेक्‍केःल्‍ल़े ख़ेप्‍मो इप्‍पुङ्‌द़ेन्‍लाम् फ़ेन्‍साम्‍मिल्‍ल़े याङ्‌घुसिबा ऩेप्‍फु मनाहाॽ कुदुम्‍स़े फ़ेऱेत्‍छि॥ ख़ेङ्‌हाॽ कम्‍म्‍याक् साॽरिक् किप्‍मा क़ेघुःबा चोग़ेत्‍छि आत्तिन्‍नाङ् ख़ेन् त़ेन्‍नो पोःङ्‌मार लाङ्‌घेःक्‍मा म़ेन्‍छुक्‍त़ेन्‍लो॥
23445	MAT 8:31	ख़ेन् फ़ेन्‍साम्‍हाॽऱे य़ेसुःन् याप्‍मि लाःक्‍कात् क़ेलःप्‍पाऩे फाॽग्र ख़ेन् फाक्‍हाॽओ लाःप्‍मा आबाङ्‌घ़ेॽओ लॽरिक् पेलि म़ेभाक्‍तु॥
23447	MAT 8:33	ख़ेन् फाक् क़ेगम्‍बाहाॽ निःत्ताङ्‌बा पाङ्‌जुम्‍मो म़ेबेआङ् फ़ेन्‍साम्‍मिल्‍ल़े याङ्‌घुसिबा ऩेप्‍फु मनाहाॽरो पोःक्‍ख़ेबा क़ेऱेक् पाःन्‍हाॽ म़ेज़ेक्‍तुसिरो॥
23474	MAT 9:26	कन् इङ्‌घङ्‌ङिन् ख़ेन् थुम्‍मो क़ेऱेक् पिसाङ् स़ेःऱेरो॥
23478	MAT 9:30	ख़ेङ्‌हाॽ मिक् निःमा क़ेसुक्‍पा पोःक्‍ख़ेत्‍छि॥ य़ेसुऱे ख़ेङ्‌हाॽ “कन् पाःन्‍निल्‍ल़े कुयाःम्‍बेओ आत्तिल्‍ल़ेआङ् निङ्‌वाॽ म़ेघोःसुन्‍लरो” म़ेत्तुसि॥
23479	MAT 9:31	कर ख़ेङ्‌हाॽ पेसिआङ् ख़ेन् थुम्‍मो क़ेऱेक् पिसाङ् खुऩेॽ कुयाःम्‍बेओ इङ्‌घङ् स़ेःस़ेत्‍छुरो॥
23480	MAT 9:32	ह़ेक्‍क्‍याङ् ख़ेङ्‌हाॽ लःन्‍द़ेत्‍छिर पत्‍छ़ेत्‍छिल्‍ल़े कुभा मनाहाॽऱे फ़ेन्‍साम्‍मिल्‍ल़े याङ्‌घुबाल्‍ल़े चोगुल्‍ल़े पाःप्‍मा म़ेन्‍छुक्‍मनाबा मनाधिक् य़ेसुरो म़ेदारु॥
23486	MAT 9:38	ह़ेक्‍केःल्‍ल़े सुम्‍मा क़ेबोःङ्‌बा चाःल्‍ल़े कुन्‍दाङ्‌बान् यरिक् याःलिक्हाॽ चा सुम्‍स़े पाङ्‌घुसिर फाॽआङ् खिनिॽ तुवा चोग़ेम्‍म़ेॽओ॥”
23491	MAT 10:5	य़ेसुऱे कन् थिक्-ऩेत् सेःक्‌युक्‍मिबाहाॽ अक्‍खे म़ेत्तुसिर पाङ्‌घुसिरो– “थिम्‍म़ेन्‍दङ् सुवाङ्‌हाॽरो म़ेबेग़ेम्‍मिन्‍ऩेॽओ, ह़ेक्‍क्‍याङ् सामरिहाॽऱे खुनिॽ पाङ्‌जुम्‍हाॽओ म़ेबेग़ेम्‍मिन्‍ऩेॽओ,
23494	MAT 10:8	क़ेदुक्‍पाहाॽ नुस़ेम्‍सिम्‍म़ेॽ, क़ेसिःबाहाॽ कुहिङ्‌व़ेत् चोग़ेम्‍सिम्‍म़ेॽ, लोगेॽ तुक्‍माल्‍ल़े याङ्‌घुसिबाहाॽ नुस़ेम्‍सिम्‍म़ेॽ, फ़ेन्‍साम्‍हाॽ नाःत्त़ेम्‍लःत्त़ेम्‍सिम्‍म़ेॽ॥ आम्‍भा क़ेघोःसुम्, आम्‍भाए पिऱेम्‍सिम्‍म़ेॽओ॥
23498	MAT 10:12	ख़ेन् हिम्‍मो क़ेलाःस्‍सिल्‍ल़े मनाहाॽनु ‘सनारुङ् क़ेघोःसुम्‍निरो’ लॽरिक् सेवा मय़ेम्‍म़ेॽओ॥
23500	MAT 10:14	आत्तिल्‍ल़े खिनिॽ लाङ्‌दाःक्‍मा क़ेम्‍बिरिन्‍नाङ् खिनिॽ पाःन्‍नाङ् म़ेघ़ेप्‍सुन्, ख़ेन् हिम् इग्र पाङ्‌जुम्‍मोलाम् खिनिॽ क़ेबेगिल्‍ल़े खिनिॽ लाङ्‌ङो क़ेघिप्‍पा खाम् हिःक्‍किन् बा ख़ेप्‍मोए थाप्‍स़ेम्‍ध्‍य़ेम्‍म़ेॽओ॥
23504	MAT 10:18	खिनिॽ याप्‍मि नसाःन् क़ेजोगिबाल्‍ल़े चोगुल्‍ल़े सुहाङ्‌ग़ेम्‍बाहाॽ नु हाङ्‌हाॽऱे खुनिॽ तगि क़ेम्‍देॽरिॽ॥ ख़ेन् य़ेम्‍मो ख़ेङ्‌हाॽ नु क़ेऱेक् थिम्‍म़ेन्‍दङ्‌सुवाङ्‌हाॽ इङ्‌गाॽ आयाःम्‍बेओ म़ेप्‍मासि सुय़ेम् क़ेघोःसुम्‍लो॥
23505	MAT 10:19	कर खिनिॽ क़ेम्‍द़ेम्‍सिल्‍ल़े स़ेःप्‍सिङ्‌माऱे लागि आल्‍ल थ़ेमा पाःप्‍मा, आक्‍खेलॽरिक् पाःप्‍माबे फाॽआङ् निङ्‌साम्‍मो म़ेध्‍य़ेम्‍मिन्‍ऩेॽओ॥ ख़ेन् य़ेम्‍मोग खिनिॽ पाःप्‍मा क़ेबोःङ्‌बा पाःन्‍निन् बा ख़ेन् य़ेम्‍मोए क़ेघोःसुम्‍लो॥
23507	MAT 10:21	फुॽनुसाॽहाॽ आबाङे फुॽनुसाॽहाॽऱे खुनिॽ तक्‍ल़ेङ्‌वाओ म़ेबोःक्‍काङ् इङ्‌म़ेल़ेक्‍तुसि ह़ेक्‍क्‍याङ् स़ेप्‍मा म़ेबाङ्‌घुसिरो॥ ह़ेक्‍केलॽरिक् पा-माहाॽ साःहाॽऱे, ह़ेक्‍क्‍याङ् साःहाॽ पा-माहाॽऱे खुनिॽ तक्‍ल़ेङ्‌वाओ म़ेबोःक्‍काङ् स़ेप्‍मा म़ेबाङ्‌घुसिरो॥
23513	MAT 10:27	इङ्‌गाॽ आल्‍लो खाग़ेमाक्‍पाओ म़ेत्‍निङ्‌बा पाःन्‍निन् खाग़ेओःप्‍पाओ म़ेत्त़ेम्‍सिम्‍म़ेॽ, खिनिॽ स्‍वाःत्ताङ् म़ेत्‍निङ्‌बा पाःन्‍निन् क़ेऱेक् मनाहाॽऱे म़ेघ़ेप्‍सुर फाॽआङ् हिम् सम्‍दाङ्‌लाम् यम्‍बा इक्‍लाओ इङ्‌भन् चोग़ेम्‍म़ेॽओ॥
23524	MAT 10:38	ह़ेक्‍क्‍याङ् आत्तिल्‍ल़े कुसिलाम्‍साक्‍मा सिङ्‌ङिन् आबाङे पक्‍खुआङ् इङ्‌गाॽनु लाङ्‌म़ेघेःक्‍ऩेन् ख़ेन् आहुॽसाम्‍बा पोःङ्‌मा म़ेलाॽरुन्‍लो॥
23527	MAT 10:41	आत्तिल्‍ल़े माङ्‌निङ्‌वाॽपाःन् क़ेबाःप्‍प़ेन्‌लाङ्‌दाःक्‍तुॽ, ख़ेल्‍ल़े माङ्‌निङ्‌वाॽपाःन् क़ेबाःप्‍प़ेल्‍ल़ेन् थुम्‍घोःन् खोःसुॽरो॥ ह़ेक्‍क्‍याङ् आत्तिल्‍ल़े साम्‌योनिबा याप्‍मिःन् लाङ्‌दाःक्‍तुॽ, ख़ेल्‍ल़े साम्‌योनिबाल्‍ल़ेन् थुम्‍घोःन् खोःसुॽरो॥
23528	MAT 10:42	आत्तिल्‍ल़े इङ्‌गाॽओ नसाःन् क़ेजोःक्‍पाहाॽओ क़ेऱेक्‍नुःल्‍ल़े चुक्‍साधिक्‍किन् आहुॽसाम्‍बा फाॽआङ् फङ्‌नाधिक् च्‍वाःत् पिरुॽ, ख़ेल्‍ल़े स़ेक्‍खाए थुम्‍घोःन् खोःसुॽरो॥”
23529	MAT 11:1	य़ेसुऱे थिक्-ऩेत् कुहुॽसाम्‍बाहाॽ ह़ेक्‍केलॽरिक् इङ्‌जाःङ् पिरु सुरुसिआङ् ख़ेप्‍मोलाम् खुऩेॽ गालिल खिरिबा पाङ्‌जुम् ह़ेङ्‌घाःत्ति निसाम् हुॽस़े नु सुनाइङ् स़ेःस़े थासिङ्‌लो॥
23530	MAT 11:2	ख़ेन् य़ेम्‍मो पुङ्‌लाहिम्‍मो साक्‍त़ेआङ् याग़ेबा बप्‍तिस्‍मा क़ेबिबा युहुन्‍नाःल्‍ल़े निङ्‌वाॽफुमाङ्‌ङिल्‍ल़े सेःन्‍दुबा ख्रिस्‍तऱे चोगुबा याःम्‍बक्‍हाॽ ख़ेप्‍सुआङ् कुहुॽसाम्‍बाहाॽ य़ेसुरो पाङ्‌घुसि॥
23531	MAT 11:3	ख़ेङ्‌हाॽ म़ेबेआङ् य़ेसुःन् सेःन्‍म़ेदोसु, “क़ेदाःबार क़ेबप्‍पा ख्रिस्‍त़ेन्‌बा ख़ेऩेॽएऩेबि, इ वेॽस्‍मान् हाङ्‌घुम्‍ब़ेबाबि?”
23532	MAT 11:4	य़ेसुऱे नोगप् पिरुसि, “नुःक्‍ख़ेम् पेग़ेम्‍म़ेॽआङ् क़ेनिःसुम्‍बा नु क़ेघ़ेप्‍सुम्‍बा पाःन्‍हाॽ युहुन्‍नाःन् म़ेत्त़ेम्‍म़ेॽओ–
23533	MAT 11:5	मिक्‍फःम्‍बाहाॽऱे निःमा म़ेसुक्‍तुॽ, लाङ्‌सक्‍पाहाॽ लाङ्‌म़ेघेःक्, लोगेॽ तुक्‍माल्‍ल़े तरुसिबाहाॽ म़ेनुॽ, नाधाक्‍पाहाॽऱे ख़ेम्‍मा म़ेसुक्‍तुॽ, क़ेसिःबाहाॽ कुहिङ्‌व़ेत् म़ेबोःङ्, ह़ेक्‍क्‍याङ् याङ्‌ग़ेसाॽबाहाॽऱे सुनाइङ् म़ेघ़ेप्‍सुॽरो॥
23535	MAT 11:7	बप्‍तिस्‍मा क़ेबिबा युहुन्‍नाःल्‍ल़े कुहुॽसाम्‍बाहाॽ म़ेबेर म़ेबत्‍छ़ेल्‍ल़े य़ेसुऱे ख़ेप्‍मो क़ेवाॽबा मनाहाॽ युहुन्‍नाऱे कुयाःम्‍बेओ अक्‍खे म़ेत्तुसि, “य़ेःङ्‌घाद़ेन्‍नो थेःन् ओमत्‍छ़े क़ेबेगिबाबे? सुरित् केजङ्‌ङिल्‍ल़े वाःन्‍जो-वाःन्‍जो लॽरिक् वाःन्‍दुबा थिङ्‌ऩेत् ह़ेक्‍तङ्‌बा मनाःन्बि?
23538	MAT 11:10	साम्‌योसाप्‍लाओ युहुन्‍नाऱे कुयाःम्‍बेओ निङ्‌वाॽफुमाङ्‌ङिल्‍ल़े अक्‍खेलॽरिक् पाःत्तुआङ् पत्, ‘इङ्‌गाॽ आइङ्‌साबान् क़ेलाम्‍मिन् यारिप् चोःक्‍स़े ख़ेऩेॽनुःल्‍ल़े तगि पाङ्‌घुङ्‌लो॥’
23544	MAT 11:16	कोय़ेम्‍बा कन् मनाहाॽ थेःन्‍नु तङ्‌घुङ्‌सिङ्‌बाबे? कन् मनाहाॽग पाङ्‌जुम्‍मो क़ेवाॽबा हिन्‍जाॽहाॽ कुइसिःक् म़ेजोःक्, ह़ेक्‍क्‍याङ् ख़ेङ्‌हाॽऱे वेॽ हिन्‍जाॽहाॽ अक्‍खे म़ेम़ेत्तुसिॽ,
23557	MAT 11:29	इङ्‌गाॽ आजिघ़ेःप्‍पिन् कुय़ेम्‍म़ेॽआङ् इङ्‌गाॽनु हुॽआसिम्‍म़ेॽओ॥ थेआङ्‌भ़ेल्‍ल़े इङ्‌गाॽग लुम्‍लुम्‍बा नु चुङ्‌जिग़ेम्‍बा चोःक्‍कारो, ह़ेक्‍क्‍याङ् खिनिॽ याम्‍साम्‍मिल्‍ल़े नाःम्‍सिङ्‌मा खोःसुॽरो॥
23558	MAT 11:30	थेआङ्‌भ़ेल्‍ल़े इङ्‌गाॽ आजिघ़ेःप्‍पिन् उसुरुबा नु कुःमा पाङ्‌निङ्‌बा आगक्‍किन् याङ्‌याङ्‌बा चोःक्‍लो॥”
23572	MAT 12:14	कर फरिसिहाॽ यहुदि चुम्‍लुङ्‌हिम्‍मोलाम् म़ेलःन्‍द़े म़ेबेआङ् य़ेसुःन् आक्‍खेआङ् स़ेप्‍माबे फाॽआङ् पाःन् म़ेदङ्‌घुरो॥
23577	MAT 12:19	खुऩेॽग म़ेघेःऩेन् म़ेअःक्‍ऩेन् ह़ेक्‍क्‍याङ् लाम्‍लाम्‍मो खुऩेॽ पाःप्‍पाआङ् ख़ेम्‍म़ेद़ेत्‍ऩेन्‍लो॥
23580	MAT 12:22	ख़ेङ्‌हाॽऱे फ़ेन्‍साम्‍मिल्‍ल़े याङ्‌घुबाल्‍ल़े चोगुल्‍ल़े मिक्‍फःम्‍बा नु पाःप्‍मा म़ेन्‍छुक्‍मनाबा मनाधिक् य़ेसुरो म़ेदारु, ह़ेक्‍क्‍याङ् खुऩेॽ वेःन्‍दुआङ् ख़ेन् पाःप्‍मा नु खानिःमा क़ेसुक्‍पा पोःक्‍ख़ेरो॥
23582	MAT 12:24	कर फरिसिहाॽऱे ख़ेन् म़ेघ़ेप्‍सुल्‍ल़े अक्‍खे म़ेबाःत्तु, “फ़ेन्‍साम्‍हाॽऱे खुनिॽ हाङ् बालजिबुलऱे कुमुक्‍साम्‍लाम्‌रक्‌कन् मनाःल्‍ल़े फ़ेन्‍साम्‍हाॽ नाःत्तु लःत्तुसिबारो॥”