| 23247 | MAT 2:9 | ह़ेरोद हाङ्ङिल्ल़े पाःत्तुबा पाःन्निन् म़ेघ़ेप्सुआङ् ख़ेङ्हाॽ म़ेधासिङ्लो॥ ह़ेक्क्याङ् ख़ेङ्हाॽऱे ख़ेन् खेःम्सिक्पान् याम्मो म़ेनिःसु ह़ेक्क्याङ् खुनिॽ तगि तगि पेआङ् अङ़ेःक्वा वय़ेबा हिम्कुदोःप्मा क़ेऱेआङ् फन्छिङ्लो॥ |
| 23271 | MAT 3:10 | आल्लोसा निङ्वाॽफुमाङ्ङिल्ल़े कुघास़ेन्निल्ल़े तःन्दिङ्ग सिङ्बुङ्मो खा चुक्मा इःत्त़ेआङ् वाॽ॥ नुःबा सिङ्सेॽ म़ेन्धोःक्मनाबा सिङ्बुङ्हाॽ क़ेऱेक् ताङ्माआङ् मिओ लाप्फुमा पोःङ्लो॥ |
| 23304 | MAT 5:1 | आल्ल य़ेसुऱे यरिक् मनाहाॽ निःसुसिआङ् कोःक्माओ थाःङ् पेआङ् युङ्सिङ्, ह़ेक्क्याङ् कुहुॽसाम्बाहाॽआङ् ख़ेत्थो म़ेबेआङ् कुघिरि म़ेयुङ्सिङ्॥ |
| 23312 | MAT 5:9 | नादङ् क़ेजोःक्पाहाॽ मुॽइसाबासिरो, थेआङ्भ़ेल्ल़े ख़ेङ्हाॽग निङ्वाॽफुसाः म़ेबोःङ्लो॥ |
| 23317 | MAT 5:14 | खिनिॽग इक्सादिङ् खाम्बेःक्मोबा ओःत्तिनिङ्लो॥ कोःक्माओबा य़ेक्यक्किन् थेःल्ल़ेआङ् इःप्मा म़ेसुक्तुन्॥ |
| 23322 | MAT 5:19 | हाःत्ल़े कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा ह़ेक्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो ख़ेन् चुक्सा पोःङ्लो, कर हाःत्ल़े कन् इङ्जाःङ्हाॽ इःत्तु-नाःत्तुआङ् वेॽहाॽ ह़ेक्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो ख़ेन् पयम् यम्बा पोःङ्लो॥ |
| 23348 | MAT 5:45 | ह़ेक्केलॽरिक् साङ्ग्राम्पेदाङ्ङोबा खिनिॽ पानुदिङ् पाः निङ्वाॽफुमाङ्ङिल्ल़े कुस्साः क़ेबोःक्खिॽरो॥ थेआङ्भ़ेल्ल़े निङ्वाॽफुमाङ्ङिल्ल़ेग नुःबा नु ताप्फ़ेःम्बा सम्दाङ् नाम्स़ेःक् पाङ्घुआङ् साम्योनिबाहाॽ नु लायोबाहाॽओ पाङ्ग़ेन्दिङ् वाहिःत्थाःमा पाङ्घुरो॥ |
| 23355 | MAT 6:4 | ह़ेक्केलॽरिक् क़ेबिरुसिबा पाःन्निन् स्वाःत्ताङ् पोःङ्लरो॥ ह़ेक्क्याङ्लक् स्वाःत्ताङ् क़ेजोगुबा पाःन् क़ेनिःबा पानुदिङ् क़ेम्बाऱे हाङ्स़ेम् क़ेबिरो॥” |
| 23356 | MAT 6:5 | “ह़ेक्क्याङ् खिनिॽ तुवा क़ेजोगुम्मिल्ल़े कुनिङ्वाॽ क़ेजिःप्पाहाॽ कुइसिःक् म़ेजोग़ेम्मिन्ऩेॽओ॥ ख़ेङ्हाॽऱेग मनाहाॽऱे म़ेनिःसुर फाॽआङ् यहुदि चुम्लुङ्हिम्मो नु लाम्लाम्मो य़ेप्माआङ् तुवा चोःक्मा खुनिॽ सिराॽ थाङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱे खुनिॽ याःम्बक्किल्ल़ेन् हाङ्स़ेम्मिन् तगिए म़ेघोःसु म़ेसुरुआङ् म़ेवाॽरो॥ |
| 23367 | MAT 6:16 | “ह़ेक्क्याङ् खिनिॽ चाःऩेत् क़ेयुङ्ङिल्ल़े निङ्वाॽ क़ेजिःप्पाहाॽ कुइसिःक् खिनिॽ ना म़ेमाक्त़ेम्मिन्ऩेॽओ, थेआङ्भ़ेल्ल़े ख़ेङ्हाॽ चाःऩेत् म़ेयुङ्ङिल्ल़े वेॽ मनाहाॽऱे निङ्वाॽ म़ेघोःसुर फाॽआङ् खुनिॽ नाराःन् म़ेगिःन्दुर म़ेयुङ्लो॥ इङ्गाॽ स़ेक्खाए म़ेत्निङ्, ख़ेङ्हाॽऱेग खुनिॽ हाङ्स़ेम्मिन् क़ेऱेक् म़ेघोःसु म़ेसुरुआङ् म़ेवाॽरो॥ |
| 23374 | MAT 6:23 | कर ख़ेऩेॽ क़ेमिक्किन् फ़ेन्ऩे फाॽग्र क़ेऱेक् नासिङ्ग़ेन् क़ेधक्किन् खादाम्मो वाॽरो॥ ख़ेल्ल़े चोगुल्ल़े ख़ेऩेॽओबा स़ेन्दाङ्ग़ेन् ओःत्तिःन्ने खादाम्ऩे फाॽग्र ख़ेन् खादाम्मान् आक्ख़ेन् साॽरिक् पोःङ्बिला॥ |
| 23404 | MAT 7:19 | ह़ेक्केलॽरिक् नुःबा सिङ्सेॽ म़ेन्धोःक्मना क़ेऱेक् सिङ्बुङ्हाॽ ताङ्माआङ् मिओ लाप्फुमा पोःङ्लो॥ |
| 23417 | MAT 8:3 | य़ेसुऱे कुहुक्किन् सन्छुर ख़ेन् मनाःन् सुःसुआङ् अक्खे म़ेत्तु, “इङ्गाॽ निङ्वाॽ चोगुङ्लो॥ ख़ेऩेॽ नुऱेॽओ!” खिमो ख़ेन् मनाःन् लोगेॽ तुक्मालाम् नुःऱेरो॥ |
| 23455 | MAT 9:7 | ह़ेक्क्याङ् ख़ेन् पोग़ेआङ् कुहिम्मो थासिङ्लो॥ |
| 23457 | MAT 9:9 | य़ेसुःन् ख़ेप्मोलाम् पेर पत्छ़ेल्ल़े मत्ति म़ेप्मनाबा मनाःन् एःङ्याङ् फोःङ्मा त़ेन्नो युङ़ेबा निःसुआङ् म़ेत्तु, “इङ्गाॽ तिम्दाङ्ङ़ेॽओ॥” ख़ेन् मुत्थ्रिक् पोग़ेआङ् खुऩेॽनु थासिङ्लो॥ |
| 23458 | MAT 9:10 | ख़ेन् युःन्छिक् य़ेसुःन् नु कुहुॽसाम्बाहाॽ मत्तिऱे कुहिम्मो चाजास़े म़ेयुङ्सिङ्ङिल्ल़े एःङ्याङ् क़ेभोःङ्बा यरिक् मनाहाॽ नु वेॽ “लायोबाहाॽ” म़ेद्य़ेआङ् ख़ेङ्हाॽनु सोरिक् चाजास़े म़ेयुङ्सिङ्॥ |
| 23463 | MAT 9:15 | य़ेसुऱे ख़ेङ्हाॽ नोगप् पिरुसि, “मेःक्खिम्साब़ेन् कुन्जुम्हाॽनु वाॽर थारिक् खुऩेॽ कुन्जुम्हाॽ चाःऩेत्तो म़ेयुङ्ङाङ् मेरिङ् म़ेधक्पि? कर ख़ेङ्हाॽलाम् मेःक्खिम्साब़ेन् साक्क़ेल्ल़ेक् म़ेद़ेम्सुआङ् म़ेदेॽरुल्ल़ेरक्ख़ेङ्हाॽ चाःऩेत्तो म़ेयुङ्लो॥ |
| 23467 | MAT 9:19 | य़ेसुःन् पोग़ेआङ् ख़ेन्नु थासिङ्, ह़ेक्क्याङ् कुहुॽसाम्बाहाॽआङ् खुऩेॽ कुएगाङ् म़ेधासिङ्लो॥ |
| 23468 | MAT 9:20 | बा ख़ेन् य़ेम्मो तङ्बे थिक्-ऩेत्ताङ्धो (१२) माक्खिॽ वयुःमाल्ल़े तरुमा म़ेन्छुमाॽधिक् य़ेसुऱे कुएगाङ् त्य़ेआङ् कुदेःत्तिल्ल़े कुयाःन्सुःसु॥ |
| 23496 | MAT 10:10 | ह़ेक्क्याङ् सुःक्वा, ल़ेक्सिङ्मा चाङ् नु लाङ्सुःप्, ह़ेक्क्याङ् तक्काःत् थेआङ् म़ेयाङ्ङासिम्म़ेन्ऩेॽओ॥ थेआङ्भ़ेल्ल़े याःम्बक् क़ेजोःक्पाल्ल़े खुऩेॽ चाहाबा क़ेजोःक्पा पाःन्हाॽ खोःमाए पोःङ्लो॥ |
| 23499 | MAT 10:13 | ख़ेन् हिम्सयङ्ङिन् खिनिॽ सनारुङ् खोःमा क़ेलाॽबा चोःक्ऩे फाॽग्र खिनिॽ सनारुङ्ङिन् ख़ेप्मो याःक्लाःत्लरो॥ कर क़ेलाॽबा म़ेजोःक्ऩेन्ऩे फाॽग्र खिनिॽ सनारुङ्ङिन् खिनिॽओए नुःङ्लरो॥ |
| 23507 | MAT 10:21 | फुॽनुसाॽहाॽ आबाङे फुॽनुसाॽहाॽऱे खुनिॽ तक्ल़ेङ्वाओ म़ेबोःक्काङ् इङ्म़ेल़ेक्तुसि ह़ेक्क्याङ् स़ेप्मा म़ेबाङ्घुसिरो॥ ह़ेक्केलॽरिक् पा-माहाॽ साःहाॽऱे, ह़ेक्क्याङ् साःहाॽ पा-माहाॽऱे खुनिॽ तक्ल़ेङ्वाओ म़ेबोःक्काङ् स़ेप्मा म़ेबाङ्घुसिरो॥ |
| 23511 | MAT 10:25 | हुॽसाम्ब़ेन् कुसिक्साम्ब़ेन्कुइसिःक् ह़ेक्क्याङ् सेवारोब़ेन् कुन्दाङ्ब़ेन्कुइसिःक् पोःङ्माए पोःङ्लो॥ ह़ेक्केलॽरिक् इङ्गाॽ हिम्दाङ्बान्ने ख़ेङ्हाॽऱे फ़ेन्साम्हाॽऱे खुनिॽ हाङ् बालजिबुल म़ेम़ेत्ताङ्ङिल्ल़े आहिम्सयङ्बाहाॽग ख़ेन्नुःल्ल़ेआङ् साॽरिक् फ़ेन् मिङ्हाॽ म़ेवाःत्तुसिॽरो॥ |
| 23522 | MAT 10:36 | मनाःल्ल़े कुनिङ्मिहाॽग आबाङे कुहिम्सयङ्हाॽए म़ेबोःङ्लो॥ |
| 23529 | MAT 11:1 | य़ेसुऱे थिक्-ऩेत् कुहुॽसाम्बाहाॽ ह़ेक्केलॽरिक् इङ्जाःङ् पिरु सुरुसिआङ् ख़ेप्मोलाम् खुऩेॽ गालिल खिरिबा पाङ्जुम् ह़ेङ्घाःत्ति निसाम् हुॽस़े नु सुनाइङ् स़ेःस़े थासिङ्लो॥ |
| 23530 | MAT 11:2 | ख़ेन् य़ेम्मो पुङ्लाहिम्मो साक्त़ेआङ् याग़ेबा बप्तिस्मा क़ेबिबा युहुन्नाःल्ल़े निङ्वाॽफुमाङ्ङिल्ल़े सेःन्दुबा ख्रिस्तऱे चोगुबा याःम्बक्हाॽ ख़ेप्सुआङ् कुहुॽसाम्बाहाॽ य़ेसुरो पाङ्घुसि॥ |
| 23550 | MAT 11:22 | कर इङ्गाॽ स़ेक्खाए म़ेत्निङ्, खास़ेन् य़ेन्नोग खिनिॽ तुक्खेन्नुःल्ल़े तायर नु सिदोनबा मनाहाॽऱे खुनिॽ तुक्खेःन् थम्मा सुक्क़ेद़ेप्पा पोःङ्लो॥ |
| 23556 | MAT 11:28 | क़ेऱेक् क़ेलिःप्पा कक्किल्ल़े क़ेग़ेःप्तिबा नु क़ेनाःबासे, इङ्गाॽओ त्य़ेम्म़ेॽओ, इङ्गाॽ नाःम्सिङ्मा पिनिङ्लो॥ |
| 23572 | MAT 12:14 | कर फरिसिहाॽ यहुदि चुम्लुङ्हिम्मोलाम् म़ेलःन्द़े म़ेबेआङ् य़ेसुःन् आक्खेआङ् स़ेप्माबे फाॽआङ् पाःन् म़ेदङ्घुरो॥ |
| 23587 | MAT 12:29 | “याम्मो ख़ेप्स़ेम्म़ेॽओ, क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥” |
| 23594 | MAT 12:36 | इङ्गाॽ म़ेत्निङ्, खास़ेन् य़ेन्नो मनाहाॽऱे म़ेबाःत्तुबा क़ेऱेक् हऩेबा पाःन् सुत्लाहाॽऱेन् चिदङ् पिमा पोःङ्लो॥ |
| 23603 | MAT 12:45 | ह़ेक्क्याङ् ख़ेन् पेःक्काङ् आप्फेःक्नुःल्ल़ेआङ् साॽरिक् कुॽइ क़ेभ़ेॽबा वेॽ नुसि फ़ेन्साम्हाॽ तारुसिआङ् ख़ेङ्हाॽ सिगाङ् म़ेलाःत्ताङ् म़ेयुङ्सिङ्लो॥ ख़ेन् मनाःल्ल़े कुयाक्नाम्मिन् तगिबानुःल्ल़ेआङ्ताप्फ़ेःम्बा पोःङ्लो॥ कन् य़ेम्मोबा कुॽइ क़ेभ़ेॽबा मनाहाॽऱे खुनिॽ याक्नाम्मिन्नाङ् बा ह़ेक्तङ्बाए पोःङ्लो॥” |
| 23607 | MAT 12:49 | कुहुॽसाम्बाहाॽ सोःक्तुसिर ख़ेन् मनाःन् म़ेत्तु, “ओम़ेत्त़ेस़ेॽ, कप्मो आम्मा नु आन्साॽसि म़ेयुङ्लो॥ |
| 23620 | MAT 13:12 | यरिक् क़ेगप्पाल्ल़े आल्लसाङ् यरिक् खोःसुॽ, ह़ेक्क्याङ् ख़ेल्ल़ेन् यरिक् पोःङ्लो॥ कर हाःत्ल़े म़ेगत्तुन्, ख़ेल्ल़े कत्तुबान्नाङ् म़ेनाप्तुॽरो॥ |
| 23640 | MAT 13:32 | क़ेऱेक् याॽरिःम्बाओ क़ेऱेक्नुःल्ल़े चुक्सा चोःक्साङ् ख़ेन् पोःआङ् प्याङ्सिग़ेन् इक्ताप्पोबा वेॽ नुधि-साक्चिॽनुःल्ल़े यम्बा कुबुङ् पोःङ्लो॥ ह़ेक्क्याङ् पुसाहाॽ म़ेदाआङ् कुबोराःक्को हाप् म़ेजोगुरो॥” |
| 23648 | MAT 13:40 | “ह़ेक्क्याङ् ख़ेन् माल़ेःन्दोहाॽ म़ेसुप्सुआङ् मिओ लाप्म़ेभुसुबा कुइसिःक्के इक्सादिङ् खाम्बेःक्माल्ल़े कुनुप्मान् पोःङ्लो॥ |
| 23650 | MAT 13:42 | यम्बा मिहाप्पो लाप्म़ेभुसुसिॽरो॥ ख़ेप्मो आत्तात्तान्ने तुक्खेःल्ल़े हाःप्मान् नु हाबोॽ य़ेःङ्मान् पोःङ्लो॥ |
| 23657 | MAT 13:49 | इक्सादिङ् खाम्बेःक्माल्ल़े कुनुप्मोआङ् बा ह़ेक्केए पोःङ्लो॥ माङ्लाइङ्बाहाॽ म़ेदाआङ् साम्योनिबाहाॽओलाम् फोत्याबा मनाहाॽ वेॽ म़ेस़ेन्दुसिॽआङ् |
| 23679 | MAT 14:13 | य़ेसुऱे युहुन्नाऱे कुयाःम्बेओ ख़ेप्सुआङ् खःङ्बेओलाम् खुऩेॽरक् एःक्साद़ेन्नो पे॥ कर यरिक् मनाहाॽऱे य़ेसुःन् पेबा पाःन्निन् म़ेघ़ेप्सुआङ् खुनिॽ पाङ्जुम्लाम् खुऩेॽ पेबा ल़ेप्माङ् लाङ्म़ेघेग़ेर कुएगाङ् म़ेधासिङ्लो॥ |
| 23745 | MAT 16:4 | कन्य़ेम्मोबा कुइग़ेभ़ेॽबा नु लायोबा मनाहाॽऱे निङ्वाॽ क़ेमाबा मिक्सेःन्हाॽ ओम़ेप्मा म़ेगोःत्तुॽ, कर ख़ेङ्हाॽऱेग माङ्निङ्वाॽपाःन् क़ेबाःप्पा योनाऱे कुमिक्सेःन्नाङ्धो वेॽ मिक्सेःन् थेआङ् म़ेङ्घोःसुन्लो॥” ह़ेक्क्याङ् य़ेसुऱे ख़ेङ्हाॽ पक्थसिआङ् ख़ेप्मोलाम् थासिङ्लो॥ |
| 23759 | MAT 16:18 | स़ेक्खा पाःन् ख़ेऩेॽ म़ेत्ऩेॽ, ख़ेऩेॽ पत्रुसऩेरो (पत्रुस फाॽइन् लुङ्लो), ह़ेक्क्याङ् कन् पयम् यम्बा लुङ्सम्दाङ् इङ्गाॽ आसेसेहुप्लक्किन् चोगुङ्लो॥ ह़ेक्क्याङ् कन् आसेसेहुप्लक्किन् सिःम़ेल्ल़ेन् मुक्साम्मिल्ल़े नाःम्मा म़ेसुक्तुन्लो॥ |
| 23773 | MAT 17:4 | पत्रुसऱे य़ेसुःन् म़ेत्तु, “दाङ्बे, आनिॽ कप्मोए वाॽमा नुःबा पोःङ्लो॥ ख़ेऩेॽ निङ्वाॽ क़ेजोगुऩे फाॽग्र सुम्सि याक्साहाॽ चोगुङ्, थिक् ख़ेऩेॽइन् ह़ेक्क्याङ् मोसाःन् नु एलियाऱे खुन्छिॽ लागिआङ् थिक् थिक् चोगुङ्लो॥” |
| 23782 | MAT 17:13 | ह़ेक्क्याङ्लक् य़ेसुऱे बप्तिस्मा क़ेबिबा युहुन्नाःल्ल़े कुयाःम्बेओ म़ेत्तुसिबा फाॽआङ् हुॽसाम्बाहाॽऱे कुसिङ्म़ेनिःत्तु॥ |
| 23800 | MAT 18:4 | ख़ेल्ल़े चोगुल्ल़े आत्तिन्आप्फेःक् चुङ्जिग़ेन् नःम्सिङ्ङाङ् कन् हिन्जाॽइन् ह़ेक्के पोःङ् ख़ेन्ने साङ्ग्राम्पेदाङ्बा हाङ्जुम्मो यम्बा पोःङ्लो॥ |
| 23802 | MAT 18:6 | कर आत्तिल्ल़े इङ्गाॽ याप्मि नसाःन् क़ेजोःक्पा चुक्सा हिन्जाॽथिक् लायो चोःक्मा पाङ्घुॽ, ख़ेल्ल़े कुनिःङ्मो लुम्सुम्मिन् इघेःङ्माआङ् वरक्को लाप्फुमाल्ल़ेए नुःबा पोःङ्लो॥ |
| 23818 | MAT 18:22 | य़ेसुऱे नोगप् पिरु, “नुसि (७) ल़ेङ्रक् म़ेःन्, कर नुसिआङ्नुबोःङ्ल़ेङ् (७०) थारिक् ल़ेप्मि क़ेबिरुर पोःङ्लो॥ |
| 23823 | MAT 18:27 | हाङ्ङिल्ल़े ख़ेन् लुङ्माॽ तुक्तुआङ् क़ेऱेक् हुङ्मा क़ेबोःङ्बा याङ्ङिन् ल़ेप्मि पिरुआङ् पाङ्घुदेःसुरो॥ |
| 23826 | MAT 18:30 | कर ख़ेल्ल़े म़ेद़ेन्द़ेन्नाङ् ख़ेन् हुङ्मा क़ेबोःङ्बा याङ्ङिन् म़ेन्हुङ्ङे थारिक् पुङ्लाहिम्मो याक्ल फाॽआङ् साक्मा पाङ्घुसिरो॥ |
| 23828 | MAT 18:32 | हाङ्ङिल्ल़ेआङ् ख़ेन् तगिस्मा सेवारोबान् उःत्तुआङ् म़ेत्तु, ‘ख़ेऩेॽग ताक्क़ेभ़ेॽबा सेवारोबाऩेरो! ख़ेऩेॽ पेलि क़ेभाक्ताङ्बाल्ल़े क़ेऱेक् क़ेसिङ्नाःत्तिन् ल़ेप्मि पिऩेआङ् वयाङ्लो॥ |
| 23846 | MAT 19:15 | ह़ेक्क्याङ् ख़ेङ्हाॽ सम्दाङ् हुक् ऩेस्सुर मुॽइसाम् पिरुसिआङ् ख़ेप्मोलाम् थासिङ्लो॥ |
| 23859 | MAT 19:28 | ह़ेक्केःल्ल़े य़ेसुऱे ख़ेङ्हाॽ म़ेत्तुसि, “इङ्गाॽ स़ेक्खाए म़ेत्निङ्, इङ्गाॽ म़ेन्छाम्साःन् क़ेदाःबा कुसङ् हाङ्जुम्मो मिमिदिङ्ग़ेन् हाङ्युक्नाओ युङ्ङारो॥ ख़ेन् य़ेम्मो खिनिॽ इङ्गाॽ याप्मि क़ेदिम्बाहाॽआङ् थिक्-ऩेत् (१२) हाङ्युक्नाओ क़ेयुङिआङ् इस्राइलबा थिक्-ऩेत् सुवाङ्हाॽ सम्दाङ् हाङ् क़ेजोगिॽरो॥ |
| 23863 | MAT 20:2 | ख़ेल्ल़े मनाहाॽ थिक्य़ेन्बा नाम्याक्किङ्ग युप्पायाङ्धिक् पिमा पाःन् तङ्घुआङ् कुइक्ताप्पो याःम्बक् चोःक् पाङ्घुसिरो॥ |
| 23887 | MAT 20:26 | कर खिनिॽ लुम्मोग ह़ेक्के पोःङ्मा म़ेनुॽऩेन्लो॥ खिनिॽ लुम्मोग आत्तिल्ल़े लाम्लोःबा पोःङ्मा निङ्वाॽ चोगुॽ ख़ेन् हाराॽ खिनिॽ सेवारोबा पोःङ्लरो॥ |
| 23888 | MAT 20:27 | ह़ेक्क्याङ् हाःत्ल़े क़ेऱेक्नुःल्ल़े तगाङ् पोःङ्मा निङ्वाॽ चोगुॽ, हाराॽ ख़ेन् खिनिॽ योःक् पोःङ्लरो॥ |
| 23890 | MAT 20:29 | य़ेसुःन् नु कुहुॽसाम्बाहाॽ य़ेरिहो य़ेक्यक्कोलाम् म़ेबेर म़ेबत्छ़ेल्ल़े यरिक् मनाहाॽ खुऩेॽनु म़ेधासिङ्लो॥ |
| 23928 | MAT 21:33 | य़ेसुऱे याम्मो ख़ेङ्हाॽ म़ेत्तुसि, “वेॽस्मा ख़ेदाॽधिक् ख़ेप्स़ेम्म़ेॽओ॥ थिक्ल़ेङ् यम्बा लाजेॽदाङ्बाधिक् वय़े, ख़ेल्ल़े लत्छा इक्को च़ेल्ल़ेक्सेॽ लेःत्तुआङ् कुघिरि लुङ्धाक् स़ेत्तुर फाङु, ह़ेक्क्याङ् कुलुम्मो लुम्बाःत् तयुआङ् ख़ेप्मो च़ेल्ल़ेक्सेॽ एःम्मा त़ेन्धिक्चोगु॥ इक् कोमा याक्साधिक्काङ् चोगु, ह़ेक्क्याङ् ख़ेन् च़ेल्ल़ेक्सेॽ इक्किन् कुभ्ऱेःङ् लक् खोःमाऱे लागि इक्मसाबाहाॽ पिरुसिआङ् खुऩेॽ लाम्दिःक् चोःक्स़े पेरो॥ |
| 23929 | MAT 21:34 | च़ेल्ल़ेक्सेॽ तुप्मा य़ेम् त्य़ेःल्ल़े कुलक् लाःस़े कुसेवारोबाहाॽ इक्मःबाहाॽरो पाङ्घुसिरो॥ |
| 23932 | MAT 21:37 | ह़ेक्क्याङ् कुनुप्मो ख़ेन् इक्क़ेल्ल़े कुन्दाङ्बाल्ल़े आल्ल कन् लुङ्माॽ तुक्तुङ्बा आस्साःन् पाङ्घुङ्ङिल्ल़ेग स़ेक्खासाङ् कुना म़ेसाॽरुबिला फाॽआङ् इःत्तुआङ् कुस्साःन् पाङ्घु॥ |
| 23957 | MAT 22:16 | फरिसिहाॽऱे खुनिॽ हुॽसाम्बाहाॽ ह़ेरोद हाङ्ङिल्ल़े कुमनाहाॽनु य़ेसुरो म़ेबाङ्घुसि॥ ख़ेङ्हाॽऱे य़ेसुःन् सेःन्म़ेदोसु, “सिक्साम्बे, ख़ेऩेॽग स़ेक्खा पाःन्लक् क़ेबाःप्प़ेन्आनिग़े निःसुम्ब़ेरो॥ ह़ेक्क्याङ् निङ्वाॽफुमाङ्ङिल्ल़े कुलाम्मिन् स़ेक्खाए क़ेहुॽरुसिरो॥ ख़ेऩेॽ मनाहाॽऱे खुनिॽ पाःन्नो क़ेम्बत्ऩेन्, ह़ेक्क्याङ् मनाआङ्क़ेन्छ़ेन्दुन्छिन्॥ |
| 23971 | MAT 22:30 | थेआङ्भ़ेल्ल़े सिःम़ेन्लाम् याम्मो म़ेहिङ्ङिल्ल़ेग मनाहाॽ मेःक्खिम् म़ेन्जोःक्ऩेन्लो, कर ख़ेङ्हाॽग साङ्ग्राम्पेदाङ्ङोबा माङ्लाइङ्बा कुइसिःक्ऩे म़ेबोःङ्लो॥ |
| 23975 | MAT 22:34 | य़ेसुऱे सदुकिहाॽऱे खुनिॽ मुराःन् सुबु पिरुसि क़ेलॽबा पाःन्निन् फरिसिहाॽऱे म़ेघ़ेप्सु ह़ेक्क्याङ् इङ्म़ेदङ्सिङ्ङाङ् य़ेसुरो म़ेद्य़ेरो॥ |
| 23993 | MAT 23:6 | ख़ेङ्हाॽ साभाङ्जा नु यहुदि चुम्लुङ्हिम्मोबा तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 23994 | MAT 23:7 | ह़ेक्क्याङ् पाङ्जुम्मो मनाहाॽऱे सेवा म़ेम़ेत्तुसिबा नु सिक्साम्बे लॽरिक् म़ेम़ेत्तुसिबा खुनिॽ सिराॽ थाङ्लो॥ |
| 23998 | MAT 23:11 | खिनिॽ लुम्मो क़ेऱेक्नुःल्ल़े क़ेय़ेक्पा मनाःन् हाराॽ ख़ेन् खिनिॽ सेवारोबा पोःङ्मा पोःङ्लो॥ |
| 23999 | MAT 23:12 | आत्तिल्ल़े यम्बा ल़ेङ्सिङ्मा कोःत्तुॽ, ख़ेङ्ग चुक्सा पोःङ्लो, ह़ेक्क्याङ् आत्तिन् चुक्सा ल़ेङ्सिङ् ख़ेङ्ग यम्बा पोःङ्लो॥ |
| 24013 | MAT 23:26 | मिक्फःम्बा फरिसिसे, क़ेऱेक्नुःल्ल़े तगि खोर्याःन् कुसिगाङ् वाहप्त़ेम्म़ेॽ, ह़ेक्केलॽरिक् लाःक्कात्ताङ् सेसे पोःङ्लो॥ |
| 24025 | MAT 23:38 | ओम़ेत्त़ेम्म़ेॽओ, निङ्वाॽफुमाङ्ङिल्ल़े खिनिॽ हिम्मिन् मना म़ेःन्ने लाम्धेःप् चिए़त्ए़त्तुॽरो॥ |
| 24027 | MAT 24:1 | य़ेसुःन् माङ्हिम्मोलाम् पेर पत्छ़ेल्ल़े कुहुॽसाम्बाहाॽऱे माङ्हिम्मिल्ल़ेन् नुःब्नुःबा हिम्हाॽ खुऩेॽ ओसेःन्धाक्मा फाॽआङ् कुबेसाङ् म़ेद्य़े॥ |
| 24033 | MAT 24:7 | म़ेन्छाम् सुवाङ्हाॽ नु लाजेॽहाॽ लुम्मो थङ् पोःक्, यरिक् त़ेन्नो यम्बा साक् पोःक् ह़ेक्क्याङ् लुप्लि थाङ्लो॥ |
| 24053 | MAT 24:27 | थेआङ्भ़ेल्ल़े म़ेन्छाम्साःल्ल़े कुयुःमाङ्ग साःम्भे ल़ेक्किल्ल़े क़ेऱेक् ताङ्साक्प़ेन्थोॽरुबा कुइसिःक्के पोःङ्लो॥ |
| 24058 | MAT 24:32 | “आल्ल पःत्छेॽबुङ्मोलाम् कन् पाःन्निन् कुसिङ् निःत्त़ेम्म़ेॽओ, ख़ेल्ल़े कुबोराःक्हाॽलाम्बा कुसङ् कुनःक्हाॽ लःम्मा हेःक्किल्ल़े हाङ्वाःम्मा य़ेम्मिन् निःत्ताङ् त्य़ेरो फाॽआङ् कुसिङ्क़ेनिःत्तुम्॥ |
| 24063 | MAT 24:37 | ह़ेक्क्याङ् म़ेन्छाम्साःन् नुःङ् युःल्ल़े नुहाऱे कुय़ेम् ह़ेक्केए पोःङ्लो॥ |
| 24065 | MAT 24:39 | ह़ेक्क्याङ् वादोःक्मा थाङ़ेआङ् निःम्मा सिःमानुःल्ल़े तगि थे पोःङ् क़ेलॽबान् ख़ेङ्हाॽऱे थेआङ् निङ्वाॽ म़ेङ्गत्तुन्लो॥ बा ह़ेक्केलॽरिक्के म़ेन्छाम्साःल्ल़े कुयुःमान्नाङ् पोःङ्लो॥ |
| 24101 | MAT 25:24 | आल्ल ह़ेन्छिङ् थिक् साम्म्याङ् याङ्इत्छि क़ेघोःबा सेवारोबाल्ल़ेआङ् म़ेत्तु, ‘आदाङ्बे, ख़ेऩेॽग क़ेजिःप्पा क़ेजोःक् फाॽआङ् निःसुङ्ङाङ् वयाङ्लो॥ ख़ेऩेॽ आत्तो चा क़ेन्देःसुन् ख़ेप्मो ख़ेऩेॽ चा क़ेसुप्सुॽरो, आत्तो चा क़ेन्छ़ेसुन् ख़ेप्मोए चा क़ेभुङ्लो॥ |
| 24106 | MAT 25:29 | थेआङ्भ़ेल्ल़े क़ेगप्पाल्ल़े आल्लसाङ् यरिक् खोःसुआङ् ख़ेल्ल़ेन् यरिक् पोःङ्लो॥ कर हाःत्ल़े म़ेगत्तुन्, ख़ेल्ल़े कत्तुबान्नाङ् नाप्लो॥ |
| 24143 | MAT 26:20 | ह़ेक्क्याङ् युःन्छिक् य़ेसुःन् थिक्-ऩेत् कुहुॽसाम्बाहाॽनु सोरिक् चामा त़ेन्नो युङ्सिङ्॥ |
| 24147 | MAT 26:24 | म़ेन्छाम्साःङ्ग साम्योसाप्लाओ साप्त़ेबा कुइसिःक्के सिःमाए पोःङ्लो॥ कर म़ेन्छाम्साःन् इङ्ग़ेल़ेक्प़ेङ्ग चिःत्त़े स्य़ेरो! ख़ेङ्ग साम़ेवाःन्छिङ्ङिन्निल्ल़े नुऱेबारो॥” |
| 24183 | MAT 26:60 | ख़ेप्मो यरिक् फोत्याबा आप्तिक् क़ेगुःप्पाहाॽ म़ेलःन्द़े, कर ख़ेङ्हाॽऱे थेआङ् तसि म़ेङ्घोःसुन्॥ कुनुप्मो ऩेप्फु मना लःन्द़ेत्छिआङ् |
| 24230 | MAT 27:32 | ख़ेङ्हाॽ म़ेबेर म़ेबत्छ़ेल्ल़े साइरेनि य़ेक्यक्लाम् क़ेदाःबा सिमोन म़ेप्मनाबा मनाःन् म़ेदुमुआङ् य़ेसुऱे कुसिलाम्साक्मा सिङ्ङिन् साक्क़ेल्ल़ेक् पङ्मा म़ेबाङ्घु॥ |
| 24262 | MAT 27:64 | ख़ेल्ल़े चोगुल्ल़े आदाङ्बाऱे सुम्य़ेन् थारिक् सिङ्सिङ्ङाङ् कुइप्पुङ्ङिन् कोमा पाङ्घ़ेस़ेॽओ॥ म़ेःन्ऩे फाॽग्र कुहुॽसाम्बाहाॽ स़ेन्दिक् म़ेदाआङ् कुधक्किन् म़ेघुःत्तु म़ेदेॽरुॽ, ह़ेक्क्याङ् ‘सिःम़ेन्लाम् कुहिङ्व़ेत् पोःक्ख़ेआङ् वाॽ’ लॽरिक् मनाहाॽ म़ेम़ेत्तुसिॽरो॥ कन् पाःन्निङ्ग तगिस्मा इङ्ल़ेक्किन्नुःल्ल़ेआङ् साॽरिक् ताप्फ़ेःम्बा पोःङ्लो॥” |
| 24264 | MAT 27:66 | ह़ेक्केःल्ल़े ख़ेङ्हाॽ म़ेबेआङ् इप्पुङ्ङिल्ल़े कुमुराओबा लुङ्ङो एःप्साप् म़ेयुक्तुआङ् मनाहाॽऱे म़ेन्हन्दुन्ल फाॽआङ् थक्सुबाहाॽ ख़ेप्मो कोमा म़ेबाङ्घुसिरो॥ |
| 24269 | MAT 28:5 | ह़ेक्क्याङ् माङ्लाइङ्बाल्ल़े ख़ेन् म़ेन्छुमाहाॽ म़ेत्तुसि, “म़ेगिस़ेत्छ़ेन्ऩेॽओ, खिन्छिॽ सिलाम्साक्मा सिङ्सम्दाङ् म़ेभोःन्दुबा य़ेसुःन् क़ेगोःत्छुबा पाःन्निन् कुसिङ् निःत्तुङ्लो॥ |
| 24277 | MAT 28:13 | अक्खे म़ेम़ेत्तुसि, “आनिग़े स़ेन्दिक् इप्सिग़ेआङ् ऩेस्सिग़ेल्ल़े य़ेसुऱे कुहुॽसाम्बाहाॽ म़ेद्य़ेआङ् कुधक्किन् म़ेघुःत्तुआङ् म़ेदेॽरुरो लॽरिक् खिनिॽ क़ेबाःत्तुम्ल पोःङ्लो॥ |
| 24328 | MRK 1:44 | कर पेग़ेॽआङ् निङ्वाॽफुसाम्बाल्लो ओसेःन्धाक्सिङ्ङ़ेॽ, ह़ेक्क्याङ् ख़ेऩेॽ नुःराङ् फाॽआङ् मनाहाॽ ओसेःन्धाक्मासिऱे लागि मोसाऱे इङ्जाःङ् चोगुबा ह़ेक्के सिदुङ्जभा चोग़ेॽओ” म़ेत्तुर पाङ्घुदेःसुरो॥ |
| 24329 | MRK 1:45 | कर खुऩेॽ पेआङ् नुःऱेबा पाःन्निन् क़ेऱेक् मनाहाॽ च़ेक्तुसि॥ ख़ेल्ल़े चोगुल्ल़े य़ेसुःन् पाङ्जुम्मो मनाहाॽऱे म़ेनिःसुर ताःमा म़ेसुक्त़ेन्लो॥ ह़ेक्क्याङ् खुऩेॽ लाःक्कात् एःक्साद़ेन्नो वय़ेआङ् ख़ेप्मोए काक् पिसाङ्लाम् यरिक् मनाहाॽ म़ेद्य़ेरो॥ |
| 24343 | MRK 2:14 | ह़ेक्क्याङ् य़ेसुःन् पेर पत्छ़ेल्ल़े अल्फायसऱे कुस्साः ल़ेबिःन् एःङ्याङ् फोःङ्मा त़ेन्नो युङ़ेबा निःसुआङ् म़ेत्तु, “इङ्गाॽ तिम्दाङ्ङ़ेॽओ॥” ख़ेन् मुत्थ्रिक् पोग़ेआङ् खुऩेॽनु थासिङ्लो॥ |
| 24349 | MRK 2:20 | कर ख़ेङ्हाॽलाम् मेःक्खिम्साब़ेन् साक्क़ेल्ल़ेक् म़ेद़ेम्सुआङ् म़ेदेॽरुल्ल़े ख़ेङ्हाॽ चाःऩेत्तो म़ेयुङ्लो॥ |
| 24363 | MRK 3:6 | ह़ेक्क्याङ् फरिसिहाॽ यहुदि चुम्लुङ्हिम्मोलाम् म़ेलःन्द़े म़ेबेआङ् ह़ेरोद हाङ्ङिल्ल़े कुमनाहाॽनु य़ेसुःन् आक्खेआङ् स़ेप्माबे फाॽआङ् पाःन् म़ेदङ्घुरो॥ |
| 24365 | MRK 3:8 | खुऩेॽ चोगुबा याःम्बक्हाॽ म़ेघ़ेप्सुआङ् यरिक् मनाहाॽ यहुदिया, यरुसल़ेम, इदुमिया, यर्दन नाधाःम्बिबा लाजेॽओनु, ह़ेक्क्याङ् तायर नु सिदोन य़ेक्यक् खिरिलाम्कुओम़ेत्छ़े म़ेद्य़ेरो॥ |
| 24366 | MRK 3:9 | ह़ेक्क्याङ् खुऩेॽ यरिक् मनाहाॽऱे म़ेन्लाःक्तुन्ल म़ेन्दोॽरुन्ल फाॽआङ् कुहुॽसाम्बाहाॽ खःङ्बेधिक् कुलागि यारिप् चोःक्मा पाङ्घुसि॥ |
| 24378 | MRK 3:21 | कुभा मनाहाॽ अक्खे म़ेम़ेत्छिङ्, “म़ेःम्ब़े, आइन् खुऩेॽग नाक्ख़ेबे बि थेनिबे?” ह़ेक्केःल्ल़े कुहिम्सयङ्ऱे ख़ेन् म़ेघ़ेप्सुआङ् खुऩेॽ ख़ेप्मोलाम् उःप्मा तेॽमा फाॽआङ् म़ेद्य़ेरो॥ |
| 24384 | MRK 3:27 | क़ेधुम्बा मनाःल्ल़े कुहिम्मो लाःप्माआङ् ख़ेल्ल़े कुजिगःक्वाहाॽ नाप्मादेॽमानुःल्ल़े तगि ख़ेन् क़ेधुम्बा मनाःन् इघेःङ्माए पोःङ्लो॥ ह़ेक्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्त़ेत्लो॥ |
| 24388 | MRK 3:31 | याङ्सि य़ेसुऱे कुम्मा नु कुन्साॽसि खुऩेॽ वय़ेबा हिम्मो म़ेद्य़ेआङ् लाःक्कात् कुउःत्छ़े मनाहाॽ म़ेबाङ्घुसिरो॥ |
| 24391 | MRK 3:34 | खुऩेॽ ख़ेप्मो कुगब्रिङ् क़ेयुङ्बा मनाहाॽ ओम़ेत्तुसिर याम्मो पाःत्तु, “कप्मो आम्मा नु आन्साॽसि म़ेयुङ्लो॥ |
| 24419 | MRK 4:27 | ह़ेक्क्याङ् य़ेम् ल़ेक्ल पेःक्किल्ल़े, खुऩेॽ ख़ेन् याॽरिःम्बान् आक्खेलॽरिक् लिङ्फाॽआङ् कुसिङ् म़ेनिःत्तुन्छाङ् ख़ेन् याॽरिःम्बान् लिङ्लो॥ |
| 24445 | MRK 5:12 | ह़ेक्क्याङ् ख़ेन् फ़ेन्साम्हाॽऱे य़ेसुःन् पेलि म़ेभाक्तु, “आनिग़े ख़ेन् फाक्हाॽओ लाःप्मा आबाङ्घ़ेॽओ॥ आनिग़े ख़ेङ्हाॽओ लाःसिग़ेॽ॥” |
| 24448 | MRK 5:15 | य़ेसुःन् वय़ेबा त़ेन्नो म़ेद्य़ेरो॥ ख़ेप्मो ख़ेङ्हाॽऱे तगि फ़ेन्साम्मिल्ल़े याङ्घुबा मनाःन् वेःत्त़ेआङ् नुःरिक्काङ् तेःत् चाक्खुआङ् युङ़ेबा म़ेनिःसु॥ ह़ेक्क्याङ् ख़ेन् मनाःन् नु फाक्हाॽ थे म़ेबोःक्ख़े फाॽआङ् क़ेनिःबा मनाहाॽऱे म़ेज़ेक्तुसि॥ ह़ेक्क्याङ् ख़ेङ्हाॽ साॽरिक् म़ेगिस़े॥ |
| 24470 | MRK 5:37 | ह़ेक्क्याङ् य़ेसुऱे पत्रुस, याकुब नु कुन्साॽ युहुन्नाःन्लक् खुऩेॽनु पेःक्मा पाङ्घुसि॥ |
| 24474 | MRK 5:41 | ह़ेक्क्याङ् ख़ेन् चुक्म़ेल्ल़े कुहुक्को त़ेम्सुआङ् “तलिता कुमि” म़ेत्तु, ख़ेल्ल़े कुबेःङ्ग “चुक्मे, पोग़ेॽओ!” पोःङ्लो॥ |
| 24475 | MRK 5:42 | खिमो ख़ेन् चुक्म़ेन् मुत्थ्रिक् पोग़ेआङ् लाङ्घेग़े॥ (ख़ेन् तङ्बे थिक्-ऩेत् (१२) क़ेऱेआङ् वय़े॥) ख़ेङ्हाॽ क़ेऱेक्ल़े खुनिॽ निङ्वाॽ मय़ेरो॥ |